239 اجمالى المشاهدات,  2 اليوم

💝لقاء الاحبه💝
يوسف💘 تيلا

❣️⁩الفصل السادس⁦❣️

اشرقت شمس صباح يوم جديد بنورها الساطع فى سماء عروس البحر
لتبدء تيلا بفتح عيونها بصعوبه بعد ليله طويله قضتها وهى بتعيط قامت ودخلت الحمام اخدت شاور واتوضت وخرجت لبست هدومهاو أدت فرضها وكانت دايخه من قلة الاكل بس حاولت تتماسك فتحت الباب ونزلت وقفت تاكسى وراحت على الشركه ودخلت وقالت
تيلا :- صباح الخير
السكرتيره :- صباح النور
تيلا :- بتعب ممكن اعرف الورشه فين علشان اروح استلم شغلى
السكرتيره :- بس انتى شكلك تعبان
تيلا :- لاء انا كويسه
السكرتيره :- ماشى الورشه فى الدور التانى
تيلا :- شكرآ ونزلت السلم وبدأت الدوخه تزيد عليها وكانت هتقع بس فى الوقت ده جه حد ومسكها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

الكل كان متجمع على سفرة الاكل
فهد :- امال فين مراتك يا عدى
عدى :- كح كح احم م.م.مراتى اه ه.ه.هقولك
فهد :- فى ايه ما تنطق علطول
مليكه :- عدى طلق مراته يا فهد وروحت علشان ارجعها قعدو يتعنتزو علينا وفى الاخر تقول عايزه فيلا لوحدها ويكتبها بأسمها
فهد :- بعصبيه طلقها وليه محدش قلى ولا انا اخر من يعلم وروحتو واتصرفتو ولا كأنى موجود معاكم فى البيت
عدى :- مش القصد يا بابا بس انت رجعت من الشغل متأخر وانا مشوفتكش علشان احكيلك
فهد :- وانتى يا هانم مقولتيش ليه اللى حصل
مليكه :- احم ما انا مرضتش اقولك امبارح علشان كنت شيفاك مرهق
فهد :- خلاص كل واحد بقى عنده حجته خلاص بقيت عايش معاكم كمالة عدد وخلاص محدش بيعمل ليا حساب ويقولى
مليكه :- راحت عنده وطبطبت عليه وقالت طيب اهدا علشان خاطرى
فهد :- زق ايديها وقال وانتى خلاص بقيتى الكل فى الكل وبتمشى من دماغك
مليكه :- باسته فى رأسه وقالت حقك عليا يا اخويه اهدا شويه
عدى :- احنا غلطانين متزعلش مننا يا بابا بالله عليك
فهد :- قام من على السفره وبص ليهم كلهم ومشى من غير ولا نص كلمه
جاكلين :- ربنا معانا اليومين الجاين بابا هيقاطع الكل وكل حاجه شخط وزعيق
مليكه :- شوفت اللى حصل اهو كله بسبب عمايلك يا عدى
فريد :- اصبرو عليه بقى لحد ما يهدا ومحدش يحاول يفتح معاه كلام دلوقتى
عدى :- طيب انتو كلكم هتبقو بعاد عنه انا اعمل ايه اللى معاه فى الشركه وفى الفيلا يعنى فى وشه اربعه وعشرين ساعه
جاكلين :- احسن مش انت السبب استحمل بقى
عدى :- بت انتى مش نقصك على الصبح
جاكلين :- انا مالى بيك اياكش تولع يارب انا ماشيه
عدى:- داهيه تشيلك
فريد :- والله العظيم انتو مشكله سيبين المشكله الاساسيه وقعدين تشتمو فى بعض
عدى :- انا سيبها ليكم وماشى
مليكه :- رايح فين
عدى :- رايح لقضايه رايح الشركه طبعآ
مليكه :- عدى يا حبيبى اى حاجه ابوك يقولهالك سوح احنا اللى غلطانين
عدى :- عارف يا ماما وباس راسها وقال سلام
مليكه :- مع السلامه يا حبيبى وبصت لفريد وقالت وانت يا حبيبى مش رايح الجامعه
فريد :- بحزن رايح يا ماما
مليكه :- مالك يا فريد
فريد :- سلمتك يا ست الكل مفيش حاجه ووقف وقال عن اذنك
مليكه :- مع السلامه يا قلبى
ومشى فريد على الجامعه ودخلت مليكه اوضتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

صحى يوسف من نومه دخل الحمام اخد شاور واتوضه وخرج لبس هدومه واده فرضه ونزل من اوضه وكانت مى ومليكه قعدين
يوسف :- امال فين سمر
مى :- حابسه نفسها فى اوضتها
يوسف:- ليه
مى :- اصل فر
مليكه :- قطعتها وقالت مفيش بس تعبانه شويه ومش هتقدر تروح الجامعه النهارده
يوسف :- طيب اجبلها دكتور
مى :- لاء هاتلها فر
مليكه :- قطعتها وقالت احم لاء مش مستهله يا يوسف ده شوية تعب بنات
يوسف :- فهم وقال احم ماشى هتروحو الجامعه اوصلكم معايه
مليكه :- لاء روح انت احنا لسه شويه علينا
يوسف :- ماشى خلى بالكم على نفسكم
مليكه :- حاضر
يوسف :- خرج ركب عربيته وراح على الشركه
مليكه :- انتى ايه يا بت معندكيش دم قوام هتخرى ليوسف الكلام
مى :- الله وفيها ايه مش اختك حابسه نفسها فى الاوضه من امبارح بسبب فريد
مليكه :- طيب هى قالت لينا علشان احنا اخواتها البنات تروحى انتى عايزه تقولى ليوسف
مى :- وفيها ايه يعنى
مليكه :- انتى بتستعبطى يابت مش عارفه اقولك ايه بصراحه
مى :- ولا تقولى ولا أقول انا ماشيه
مليكه :- اصبرى امشى معاكى
مى :- لاء خليكى جنب اختك يا ملاك الرحمه سلام وخرجت من الفيلا ومشت علشان توقف تاكسى وفى الوقت ده كان عدى معدى بالعربيه
عدى :- وقف بالعربيه وقال مى رايحه فين
مى :- هروح اشم هوا
عدى :- نعم
مى :- واحده وخارجه فى الوقت ده وفى عز الشمس هتكون رايحه فين اكيد هكون رايحه الجامعه يعنى مش محتاجه فككه
عدى :- فككه انتى بتجيبى الكلام ده منين
مى :- اقسم بالله من بؤقى تحب تتأكد بنفسك
عدى :- اركبى يا بنتى ربنا يهديكى
مى :- حاضر يا بابى
عدى :- بابى
مى :- مش انت اللى بتقول يا بنتى
عدى :- اركبى يا لمضه اوصلك
مى :- ميرسى يا عدى وركبت العربيه وقالت اه صح امال فين مراتك
عدى :- طلقتها
مى :- احلف
عدى :- ههههههههه والله
مى :- يا شيخ غمه وانزاحت دى كانت عامله شبه سيد الدكش
عدى :- مين سيد الدكش ده
مى :- واحد كان مجرم الله يرحمه بقى
عدى :- مات
مى :- مات مسلوخ عقبال طلقتك يارب
عدى :- ههههههههههههههه
مى :- مدت ايديها وشغلت الكاست على اغانى مهرجانات وخلت الصوت عالى وقعدت تغنى معاهم بصوت عالى
عدى :- يخربيت جنانك
مى :- بتقول ايه مش سامعه
عدى :- قلل صوت الكاست وقال بقول يخربيت جنانك فى واحده تعمل كده وابوها مسافر يعمل عمليه
مى :- انتو ليه كده
عدى :- كده ازاى
مى :- يعنى لما يكون فى حزن أو زعل عايزين تبقو زعلانين علطول مع أن لا الزعل دايم ولا الفرح دايم يبقى خليك مواسطن الأمور
عدى :- موسطن
مى :- ايوه يعنى تخليك ما بين ده وده يعنى لا تبقى زعلان علطول ولا تبقى فرحان علطول
عدى :- وانتى بتعملى كده
مى :- لاء ببقى فرحانه علطول هههههههههههههههه
عدى :- ههههههههههههههه مشكله
مى :- رفعت صوت الكاست تانى وقعدت تغنى بصوت عالى تانى
عدى :- هههههههههههههه
ووصل مى الجامعه وراح على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم

مى صحيت من نومها على صوت زعيق قامت تجرى وخرجت من اوضتها
مى :- ايه فى ايه
باسم :- تعالى شوفى البيه دخلت عليه لاقته بيشرب سجاير فى اوضه
عمار :- والله يا ماما دى كانت أول سيجاره وقولت اجربها مش اكتر
باسم :- ما هى بتبدأ بالتجربه وبعدين تفضل معلقه معاك العمر كله
عمار :- وفيها ايه يا بابا ما اكتر صحابى بيشربو سجاير
باسم :- مسكه من هدومه وقال سجاير ايه اللى انتو عايزين تشربوها فى السن ده ركزو فى مستقبلكم وفى الثانويه العامه اللى انتو فيها عمر الرجوله ما كانت بشرب السجاير الرجوله انك تكون قد المسؤوليه بجد وتذاكر وتنجح وتدخل كليه كلنا نتشرف بيك مش تقولى سجاير اهى السجاير دى بداية مشوار اخرته سوده انهارده عايز تجرب السجاير بكره تبقى عايز تجرب الحشيش بعده عايز تجرب البرشام وتوصل لطريق اخرته سد وتكون خسرت نفسك وخسرت حياتك ومستقبلك بلاش تبص للصديق اللى يمشيك الطريق ده بص لصديق يمشيك لطريق الصحيح اللى تملى يصلى ويأدى فروضه وبيذاكر علشان ينجح ويرفع راس اهلو لفوق ويخليهم يفتخرو بي اللى احسن من السجاير يا حبيبى كتاب الله وبدل الدخان اللى بطلعه من بؤق طلع ذكر الله ده احسن بكتير خلى فريد ابن خالتك مليكه قدوه ليك شوفو ازاى كتاب ربنا مش بيفارق أيده علطول بيأدى فروضه وربنا يزيده من عنده علطول بيطلع الاول على الدفعه بتاعته
عمار :- انا اسف يا بابا مش هعمل كده تانى انا اسف يا ماما
مى :- يا حبيبى متزعلش من بابا علشان زعق ليك بابا عايز مصلحتك وعايز يشوفك فى أعلى المراتب ويفتخر بيك انت سنده يا حبيبى فى الدنيا دى عايزين لما نقابل وجه كريم ويسألنا عن تربيتكم نبقى ادينا واجبنا اتجهكم ونعرف نرد على السؤال ده ربنا يجعلكم زريه صالحه يا عمار انت واخواتك البنات
عمار :- حاضر يا ماما انا هخليكم فخورين بيا علطول
باسم :- ربنا يصلح حالك يا ابنى
عمار :- عن اذنكم وطلع على اوضه
مى :- براحه عليه شويه يا باسم ابنك فى السن ده عايز المسايسه مش الشده
باسم :- عارف يا مى بس اتعصبت لما دخلت لاقيته ماسك السيجاره فى أيده
مى :- صاحبه وخليه يجى يحكى ليك كل حاجه بلاش تبقى عدو ليه
باسم :- عدو
مى :- ايوه يا باسم الشاب لما بيلاقى ابوه بيزعق ليه على كل حاجه ومش بينصحو بهدوء بيعتبره عدو ليه وبيروح يدور على صاحب بره ومن هنا تبدأ المعاناه مع الشاب بقى يبدأ يمشى الطريق الغلط
باسم :- انا عمرى ما قسيت عليه يا مى بس كنت خايف من اللحظه دى
مى :- معلش خصص فى يومك شويه ليه واقعد اتكلم معاه وصاحبه انت لما تكون صاحبه وتقولو على الطريق الصح احسن ما يدور على صاحب بره ويمشيه الطريق الغلط
باسم :- ضم مى ليه وقال ربنا يبارك ليا فيكم ويحفظكم من كل شر
مى :- ويخليك لينا
باسم :- اخدى العلاج
مى :- لسه انا صحيت على صوتك لما كنت بتزعق
باسم :- طيب تعالى يا قلبى اديكى العلاج
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر

كانت تيلا هتقع من على السلم بس ايد مسكتها
جاكلين :- مسكتها وقالت خلى بالك
تيلا :- ش.ش.شكرآ
جاكلين :- مش انتى اللى يوسف خبطك بالعربيه
تيلا :- ايوه وبصت ليها وقالت وانتى اللى كنتى معاه صح
جاكلين :- ايوه بس انتى بتعملى ايه هنا
تيلا :- انا اول يوم ليا هنا فى الشغل
جاكلين :- يا خرابى ويوسف عرف
تيلا :- ايوه هو اللى عينى
جاكلين :- يا قلب امك يا اختى وعلى اللى هتشوفيه ده انت اول بنت اتجرأت ومدت ايديها عليه
تيلا :- عادى ومستعده اعملها مره واتنين وتلاته
جاكلين :- يا قلبك ده مجرد ما يبصلى كده بعمل بببى على نفسى
تيلا :- ههههههههه شكلك دمك خفيف اوى
جاكلين :- شكرآ بس على فكره ده الطبيعى فى العيله بتاعتنا خفة الدم والاشراقه على الحياه والتفائل وحطى مليون خط على كلمة التفائل
تيلا :- هههههههه لاء واضح فعلا بس حست نفسها الدوخه بتزيد مسكت راسها
جاكلين :- انتى شكلك تعبان خالص تعالى معايه فى مكتب يوسف
تيلا :- لالالا شكرآ شويه وهكون كويسه تقدرى تمشى انتى
جاكلين :- متأكده
تيلا :- بدأت تتهز من كتر الدوخه وبدأت الدنيا تغيب شويه شويه من قصاد عينيها
جاكلين :- يا نهار اسود البت ماتت ولا ايه اعمل انا ايه يا ربى وسابتها على السلم وراحت ندهت معاذ وجه شالها ودخلها مكتب يوسف
معاذ :- معاكى برفان
جاكلين :- اه بخليه معايه احتياطى علشان مشهد زى ده
معاذ :- بأستغراب مشهد
جاكلين :- اه زى الروايات البطله يغمى عليها المدير يشلها أو شاب أمور شبهك مش هتفرق ويطلع ازازة البرفان من شنتطها ويفوقها بيها
معاذ :- احم هاتى البرفان لو سمحتى
جاكلين :- اه اهو اتفضل
معاذ :- اخده من ايد جاكلين وفوق بيه تيلا
تيلا :- فتحت عينيها شويه بشويه وقالت اممممم انا فين
معاذ :- انتى كويسه يا انسه
تيلا :- امممممم
جاكلين :- ايه فؤق بس كده بوظتى المشهد
تيلا ومعاذ :- بصولها بأستغراب
جاكلين :- ايوه مستغربين ليه اصل تملى فى الروايات البطله يغمى عليها ويجى الشاب الأمور اللى زى معاذ يفوقها بصت لمعاذ وقالت طبعآ حكيت ليك المشهد ده من شويه المهم بقى يجى يفوقك متفوقيش قوم ايه بقى يخدك يشيلك هيلا هوب ويحطك فى العربيه وبعدين بصت لمعاذ وقال الا بالحق انت عندك عربيه يا معاذ
معاذ :- وهو مستغرب هز رأسه بمعنى ايوه
جاكلين :- بس يحطك فى العربيه ويجرى بيكى على المستشفى ويرجع يشيلك تانى هيلا هوب ويدخل يزعق ويقول انا عايز دكتور بسرعه بتروح منى استنو شويه هو انا كده اڤورت
تيلا ومعاذ :- بيبصو عليها بصدمه مش بيردو
جاكلين :- ما علينا ويدخلك الاوضه بتاعة الكشف ويفضل يروح ويجى ويقول يارب ولد يارب ولد ايه ده استنو دخلت المشاهد على بعض المهم يفضل قلقان عليكى ويطلع الدكتور ويجرى عليه الشاب ويقول ها يا دكتور طمنى يرد الدكتور عليه ويقول متخفش يا ابنى ده الضغط وطى عليها شويه وعلقت ليها محلول وهتبقى كويسه بس شوفتى المشهد سهل ازاى بس انتى اللى استعجلتى وفوقتى بسرعه
تيلا ومعاذ :- بصو لبعض بأستغراب ورجعو بصو لجاكلين
جاكلين :- مالكم
تيلا :- انا كنت موت اسهل اقسم بالله كل ده علشان اغمى عليا شويه
جاكلين :- اخس عليكى عايزه تبوظى ليا المشهد وتموتى طيب اصبرى لما البطل يعذبك شويه
تيلا :- البطل
جاكلين :- ايوه البطل اللى هو يوسف يعذبك على القلم اللى طرقع على وشه من يومين ده وهيطلع عينك شويه بس النهايه مش معروفه بقى هتقدرى تنسيه حبيبته ولا لاء
تيلا :- حبيبته هو ليه حبيبه
جاكلين :- ايوه ليه تبقى هوب هوب أن شكلى خربت الدنيا صح
معاذ :- جدآ
جاكلين :- اوعو حد يقول ليوسف
معاذ :- انا عن نفسى مستحيل
جاكلين :- وانتى يا انسه الا صح انتى اسمك ايه
تيلا :- تيلا وانتى
جاكلين :- انا جا وسكتت شويه وقالت بصدمه اسمك ايه
تيلا :- اسمى تيلا
جاكلين :- تيلا بنت خ وفى الوقت ده دخل يوسف
يوسف :- متجمعين عند النبى أن شاءالله خير كلكم فى مكتبى بتعملوا ايه
تيلا:- قامت من على الكنبه بسرعه ووقفت ومعاذ وقف جنبها
جاكلين :- بصدمه دى بتقولى اسمها تيلا
يوسف :- عارف اسمها تيلا تامر محروس
جاكلين :- اخدت نفس وطلعته وقالت قول كده يا عم
يوسف :- خير بقى فى ايه كلكم فى مكتبى بتعملوا ايه
معاذ :- الانسه تيلا اغمى عليها وانا شلتها وجبتها هنا وفؤقتها
يوسف :- اتغاظ مجرد ما سمع أن معاذ شلها وقال اغمى عليها بجد ولا كانت تمثليه عملاها
تيلا :- بغيظ وانا هعمل تمثليه ليه
يوسف :- علشان اى راجل يجى يشيلك ولا شوفى طمعانه فى قرشين ولا حاجه
تيلا :- بغيظ انت واحد قليل الادب ومعندكش ريحة الذوق ومش انا اللى هموت على الرجاله انا لو عليا كنت موتكم من زمان وارتحت من قرفكم اما الفلوس فا دي اخر همى
يوسف :- يا سلام بأمارة جوزك ابن عمك صح وبأمارة ما صدقتى ابوكى مات ورحتى بعتى الشركه بتاعته واشتغلتى عند الناس انتى عارفه انتى ايه انتى كلبة فلوس
تيلا :- انت بأى حق تكلمنى كده مش معنى انك مديرى فى الشغل يبقى من حقك تهنى وتدخل فى حياتى وبعدين انت مين اصلا وتعرف ايه عنى ولا عن حياتى ياريت قبل ما تحكم على الناس ابقى اعرف مشاكلهم الاول عن اذنك وسابته وهى حابسه الدموع فى عينيها وخرجت من المكتب ودخلت الحمام ودموعها نزلت منها وحطت ايديها على بؤقها وكتمت صوتها
عند يوسف
جاكلين :- ليه كده يا يوسف جرحت البنت جامد وهى فعلا شكلها محترمه
يوسف :- دى طلعت متجوزه وقايله هنا انها انسه
معاذ :- بس بعد اذنك اللى انا فكره ابن عمها قال إن هو كاتب كتابه بس لسه معملوش الفرح يعنى فعلا هى انسه مكذبتش فى حاجه
يوسف :- اسمعو كلامى النوع ده انا عارفه بيعملو نفسهم غلبانين وطيبين وهما اساسآ صنف ملعون
جاكلين :- لاء انت حالتك بتسوء اقسم بالله محتاج دكتور نفسانى يعالجك
يوسف :- جاكى اطلعى بره
جاكلين :- يا لههههههوى على الكسفه السوده اللى انتى فيها ياجاكى
معاذ :- وهو بيكتم ضحكته تقدرى تتفضلى معايه يا جاكى
جاكلين :- اكيد طبعآ وانا هقعد ليه بعد الكسفه دى بس هقولو كلمه واحده إن شاءالله تيلا تطلع شبه بطلات الروايات وطلع عينك وطلعت تجرى من المكتب
معاذ :- وهو بيكتم ضحكته قال عن اذنك يا فندم
يوسف :- وانت بتكتم ضحكتك ليه اذا كان بنت خالتى هبله اعمل ايه اتفضل يا معاذ اتفضل
معاذ :- شكرآ يا فندم وخرج من المكتب وقعد يضحك على جاكلين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى

صحى فارس من نومه دخل الحمام اخد شاور واتوضه وخرج لبس هدومه واده فرضه ولسه هيخرج
جومانه :- رايح فين
فارس :- هكون رايح فين يعنى يا جومانه رايح الشركه
جومانه :- استنا لما انزل احضرك الفطار
فارس :- لاء مش عايز افطرو انتو
جومانه :- ماشى براحتك بس متنساش تجيب الطلبات اللى كتبها ليك فى الورقه
فارس :- حاضر يا جومانه عايزه حاجه تانى
جومانه :- لاء
فارس :- سلام
جومانه :- مع السلامه ومشى فارس على الشركه وقامت جومانه دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه راحت اوضت بسمله
جومانه :- بسمله اصحى يا حبيبتى يلا
بسمله :- حاضر يا ماما انا صحيت خلاص
جومانه :- ماشى يا حبيبتى وخرجت من اوضت بسمله راحت اوضت كريم وراحت عند السرير بتاعه وقالت
جومانه :- كريم انت يا زفت الطين اصحه يلا وبترفع الغطا ملاقتش كريم ولاقت المخده محطوطه ومغطيها قالت لنفسها راح فين الولا ده ولسه بتلف لاقت كريم واقف وراها
كريم :- بخ
جومانه :- عااااااااا يخربيت سنينك وقعت قلبى
كريم :- اسم الله عليه يا مزه
جومانه :- هو ايه ده
كريم :- قلبك اللى وقع وزغزغها فى جنبها
جومانه :- ههههههههه اتلم يا ولا ههههههههههههه
كريم :- والنبى عسل
جومانه :- ده انت اللى عسل وسكر
كريم :- نهار ملخبط جومانه بدلعنى لاء كده فيها مصلحه قولى اللى عندك يا وليه
جومانه :- ضربته على راسه وقالت يا ولا احترم نفسك
كريم :- ااااه انت ايدك دى ايه مرزبه
جومانه :- كيمو
كريم :- اممم فيها كيمو كمان ربنا يستر طلعى اللى فى عبك يا اختى
جومانه :- طب والله انت قليل الادب ومش متربى
كريم :- معلش يا حاجه اصل امى وابويه نسو يربونى وبعدين سقف بأيده وقال قولى لنفسك يا حاجه ماهى تربيتك
جومانه :- اسكت بقى خلينى اقولك الكلمتين
كريم :- كلى اذان صاغية
I’m all ears
جومانه :- احم
كريم :- اتنحنحى يا اما اتنحنحى شكل الموضوع كبير
جومانه :- والله اقلع الشبشب واديك بى
كريم :- لاء وعلى ايه انا ساكت اهو وحط أيده على بؤقه
جومانه :- احم ك.ك.كنت عايزه اعرف يعنى احم يعنى
كريم :- اخلصى يا حاجه مش هنفضل اليوم كله فى يعنى انا كده نفسى هيتكتم واموت
جومانه :- كنت عايزاك تعرف ابوك بيروح فين بعد الشركه
كريم :- الله اكبر امى هتشغلنى مرشد عندها
جومانه :- ودينى لو متلمتش لكون مطلعه روحك بأيدى
كريم :- ليه انتى شكه فى حاجه
جومانه :- قعدت على السرير وقالت بزعل ابوك بقى معايا دلوقتى مش زى الاول اتغير خالص وبعدين الشركه بتخلص اربعه لو فى سهر بيتأخر لسابعه لكن عمرها ما بتقعد لنص الليل
كريم :- ما يمكن يا ماما بيكون عندهم شغل بره الشركه زى عشا عمل وكده يعنى
جومانه :- عشا العمل يوم يومين لكن مش كل يوم وبعدين فى سبب مغير ابوك من نحيتى مش عارفه ايه هو ودموعها نزلت منها
كريم :- أمه صعبت عليه وقعد جنبها واخدها فى حضنه وقال خلاص بقى يا ام كريم بالله عليكى بلاش دموعك دى وانا هعرف ايه سبب تغير معاملة بابا ليكى
جومانه :- بجد
كريم :- وحياة ام سحلول
جومانه :- ضربته فى صدره وقالت انت مش بتعرف تتكلم جد شويه
كريم :- وهى ام سحلول دى هزار دى ست غاليه عليا اوى
جومانه :- انت تعرفها
كريم :- عز المعرفه
جومانه :- خرجت من حضنه وقالت مين دى
كريم :- لسه كانت فى حضنى وطالعه منه حالا
جومانه :- مين يا وسكتت شويه وقالت قصدك انا
كريم :- فتح دراعه وقال تعالى فى حضنى وعيطى يا غاليه
جومانه :- تصدق انا غلطانه أن اعتبرتك بنأدم وجيت اتكلمت معاك وقامت خرجت من اوضه
كريم :- بص على امه لحد ما خرجت وقال ياترى ايه السر اللى مخبيه يا ابو كريم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى

فى مكتب فهد

وصل عدى الشركه وراح عند باب مكتب ابوه وخبط عليه
فهد :- من جوه بعصبيه انا مش قولت مش عايز حد يدخل مكتبى دلوقتى
عدى :- فتح الباب وقال ولا انا يا ابو عدى
فهد:- بعصبيه انت بالذات مش عايز اشوف وشك اطلع بره
عدى :- دخل وقفل الباب وراه وقال اهدا بس يا بابا وانا هفهمك الحكايه
فهد :- تفهمنى ايه تفهمنى انك طلقت واخد القرار لوحدك من غير ما ترجعلى وحتى ما هنش عليك تيجى تعرفنى بعد ما طلقتها واخد امك كمان وروحت علشان ترجعها وانا فين من كل ده خلاص فكرتونى كبرت اتركنت على الرف
عدى :- لاء يا بابا مش كده والله بس بعد ما اخد روان من ايد ماما وطلعت الاوضه قعدت تشتم على امى وكمان حاولت توقع بينى وبين امى مليكه وتقولى أنها هى خطفتك من امى الحقيقيه وان هى مش بتحبنى وكلام ملهوش لازمه وافتكرت كلامك ليا فى المكتب انها شبه امى مروه وان لازم أطلقها فى أقرب وقت لاقت لسانى نطق كلمة انتى طالق لواحدها ولما روحنا نرجعها انا كنت مش عايزها بس ماما قلبها طيب خافت على سمعتها وقالت الناس هتتكلم عليها علشان أطلقت بعد تالت يوم فى الجواز سمعت كلامها وروحت بس طبعآ لما اتكلمو بطريقه معجبتش ماما رفضت أن هى تقعد ومشينا علطول بس هو ده والله اللى حصل وحضرتك امبارح كنت مشغول معرفناش نقولك
فهد :- برضو مكنتوش اخدو قرار من غير ما ترجعو ليه لكن انت مشيت وراه كلام امك
فارس :- وصل فى الوقت ده ودخل وقال فى ايه يا فهد صوتك واصل لاخر الدنيا وبص لعدى وقال فى ايه يا عدى
فهد :- البيه طلق مراته وانا اخر من يعلم
فارس :- نهارك اسود هو انت لاحقت
عدى :- يا بابا فارس روان طلعت مش كويسه واكتشفت ده متأخر اوى بعد ما اتجوزتها وغلطت فى امى وانا اقبل بأى حاجه الا انها تغلط فى امى
فهد :- بعصبيه انا مش معترض على فكرة الطلاق انا كل اعتراضى انك انت وامك خططو ونفذتو من غير ما تعرفونى
عدى :- يا بابا
فهد :- بعصبيه عدددددددى اطلع بره مش عايز اسمع ولا نص كلمه منك
فارس :- أخرج بره دلوقتى يا عدى روح مكتبك
عدى :- حاضر وخرج عدى من مكتب فهد
فارس :- اهدا كده واقعد على مكتبك وفهمنى انت ايه مزعلك انت من الاول مكنتش مرتاح للبنت دى وكنت بتقولى حاسس فيها من مروه كتير ايه غير رأيك دلوقتى
فهد :- بعصبيه خبط بأيده على المكتب وقال انتو ليه بتعاملونى على أن انا كبرت وخرفت لما ابنى يطلق مراته وأمه تاخده من أيده زى العيل الصغير وتروح علشان ترجعها ليه ويتكلمو معاهم بطريقه وحشه وكل ده يا فارس وانا نايم على ودنى ومحدش معرفنى اى حاجه عايزنى اعمل ايه اصقف ليهم واقولهم براڤو عليكم اتصرفو زى ما انتو عايزين وشلونى انا من حسابتكم صح
فارس :- استهدا بالله كده واقعد انت معاك كل الحق بس مليكه برضه عملت كده خايفه على مصلحت ابنك وبعدين احنا كلنا عارفين قلب مليكه الطيب اكيد صعبت عليها البنت وخافت على سمعتها علشان كده اتصرفت بتلقائيه
فهد :- هى عرفانى يا فارس احنا مش عيال ولا بقالنا مع بعض يوم ولا اتنين احنا عمرنا كله مع بعض وعارفه أن اللى هى عملته ده هيزعلنى لكن ازاى مهما كبرت هتفضل مليكه المتمرده واللى مصممه لحد دلوقتى تحتفظ بتمردها ده ومش عايزه تغيره مش هى بقى عامله نفسها الكل فى الكل يبقى خليها براحتها
فارس :- قصدك ايه
فهد :- هندمها على اللى عملته ده
فارس :- يا ابنى انتو لسه فيكم نفس تعاندو فى بعض ده انتو المفروض تكونو جد وجده
فهد :- مبقاش انا لو مكنتش اخليها هى وابنها يقولو أن الله حق
فارس :- طيب اهدا بس وبعدين نبقى نتكلم علشان الكلام مش هيجيب نتيجه معاك وانت متعصب
فهد :- فارس روح على مكتبك وسبنى لوحدى
فارس :- ماشى يا فهد وهبعت ليك ليمون يهديك شويه
فهد :- لاء ابعت ليا قهوه دماغى هتفرتك من الصداع
فارس :- حاضر
وخرج فارس من مكتب فهد وطلب ليه القهوه وراح على مكتبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر

كانت تيلا شغاله فى الورشه
ودخل يوسف الورشه وعمل نفسه أن هو بيبص على المهندسين
تيلا :- اول ما شافته بصت ليه بغيظ واتجاهلته
يوسف :- كان واقف بيبص على المهندسين وكل شويه يبص على تيلا وهى شغاله
تيلا :- حاولت تقف فى حته بعيده عنه ووقفت على جنب
يوسف :- بقى يبص عليها كل شويه ولما يلاقيها تبص ليه يعمل نفسه مشغول بحاجه تانيه وفى الوقت ده دخلت السكرتيره وقالت
السكرتيره :- استاذ يوسف كنت عايزه أسأل حضرتك على حاجه
يوسف :- اتفضلى
السكرتيره :- بالنسبه للإعلان اللى محتاجينه للشركه الجديده نعمل فيه ايه
يوسف :- انو شركه
السكرتيره :- شركة المنصوره حضرتك المفروض نبدأ الحمله الاعلانيه من دلوقتى
يوسف :- ايوه تمام ايه المطلوب منى مش فاهم
السكرتيره :- حضرتك بناخد مجموعه من الشباب خريجى التحدث وبنعمل اعلان عن الشركه الجديده وبنزله فى التليفزيون وبناخد شاب أو شابه نصورهم فى كذا منظر وهما بيشتغلو وننشر صورها على الطرق ونكتب اسم الشركه عليه ونكتب حاجه عليها كأعلان للشركه
يوسف :- اممممم تمام بما انا صحفى فا انا ههتم بصور اعلانات الطريق وهنزل اعلان فى الجريده اللى بشتغل فيها وهشوف وكيل الاعلان المتخصص للشركه وهتفق معاه على اعلان الشركه
السكرتير :- تمام يا فندم عن اذن حضرتك
يوسف :- اتفضلى وبعدين رجع بص على تيلا وخطرت فى باله فكره وقال انسه تيلا
تيلا :- بصت ليه وقالت نعم
يوسف :- تعالى ورايا على مكتبى
تيلا :- حضرتك انا شغاله
يوسف :- وانا بقولك تعالى على مكتبى
تيلا :- بقرف حاضر اتفضل حضرتك
ومشى يوسف ومشت وراه تيلا ودخل المكتب ودخلت وراه تيلا
يوسف :- اقفلى الباب وراكى
تيلا :- هوف حاضر وقفلت الباب وراها
يوسف :- اعملى حسابك الصبح انتى مش هتيجى على الشركه
تيلا :- ليه أن شاءالله
يوسف :- هنروح المنصوره
تيلا :- بأستغراب المنصوره ليه طيب
يوسف :- علشان محتاج اعمل اعلان للشركه الجديده اللى اشترتها منكم وبما انك من المنصوره هصورك كام صوره وانتى شغاله هناك فى الشركه وهنزل صورك وانتى شغاله اعلان للشركه دليل على أننا بنشجع الشباب على الشغل وكمان مش بس الشباب الرجاله لاء والبنات اللى لسه متخرجه زيك
تيلا :- واشمعنا انا بالذات ما عندك كتير تقدر تصورهم وتعمل بيهم الاعلان
يوسف :- بس انتى بنت المنصوره يعنى وشك مألوف بالنسبه ليهم وده هيعمل شعبيه للشركه اكتر
تيلا :- لنفسها انا عمرى ما كنت انتمى لمكان تانى غير اسكندريه لكن الزمن هو اللى رمانى هناك
يوسف :- شاف تيلا سرحانه قال ها قولتى ايه
تيلا :- حاضر شوف حضرتك عايزنى اكون جاهزه على امته وانا هكون موجوده فى الميعاد
يوسف :- ادينى عنوانك وعلى الساعه سابعه هكون عندك بالعربيه
تيلا :- حاضر بس بلاش تيجى ليا بالعربيه قولى حضرتك على مكان وانا هكون عندك
يوسف :- براحتك تمام هستناكى فى (………)
تيلا :- وانا هكون الساعه سابعه عند حضرتك عن اذنك
يوسف :- تيلا
تيلا :- بصت ليه وقالت نعم
يوسف :- لو الموضوع ده هيسبب ليكى مشاكل مع جوزك بلاش
تيلا :- بكسره لاء مفيش مشكله هكون عندك فى الميعاد عن اذنك وخرجت من عنده من المكتب وقفلت الباب وراها واخدت نفس وطلعته بكل الوجع اللى حاسه بيه فى قلبها وبعدين راحت كملت شغل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند فريد

راح الجامعه ودور بعينه على سمر ملاقهاش راح بص عليها فى المدرجات ملاقهاش نده على واحده وسألها عليها قالت ليه أن هى مجتش النهارده شكرها وخرج تانى من الجامعه وراح عند فيلا خالته مها ونده على سمر
سمر :- كانت قعده فى اوضتها وبتعيط سمعت صوت فريد مصدقتش نفسها بصت من الشباك لاقته فريد خرجت من باب اوضتها ونزلت تجرى
فريد :- اذيك يا سمر
سمر :- الحمدالله تعال ادخل
فريد :- مش هينفع ادخل
سمر :- ليه
فريد :- علشان مفيش محرم فى البيت لازم يكون فى راجل موجود فى البيت يا سمر
سمر :- بس انت ابن خالتى مش حد غريب
فريد :- بس ده شرع ربنا مدام تجوزى ليا مينفعش نكون انا وانتى لوحدنا يا سمر
سمر :- بصت فى الارض وقالت ماشى
فريد :- سمر انا اسف أن مديت ايدى عليكى بس كنت متعصب وغصب عنى عملت كده لما لاقيت واحد بيتكلم عنك بالطريقه دى
سمر :- بدموع بس انت عارف اخلاقى يا فريد
فريد :- عارف بس غيرت عليكى
سمر :- اتفاجئت بكلمة فريد وقالت غيرت عليا انا
فريد :- سمر انا من زمان اوى وانا بحس بشعور ليكى فى قلبى بس كنت خايف اخد خطوه واعترفلك بحبى تبعدى عنى وابقى خسرتك العمر كله ولما عرفت انك انتى كمان بتحبينى الشعور ده ذاد عندى ومش قادر استحمل بعدك عنى
سمر :- انت بتقول كده علشان صعبت عليك صح
فريد :- هههههه لاء يا سمر انا بحبك وعلشان حبنا يبقى فى النور لما تيجى خالتو مها وعمو اسر هطلبك منهم وهكتب كتابك علشان تبقى مراتى حلالى ومنقعش فى المعاصى
سمر :- بفرحه بجد يا فريد
فريد :- ضحك وهز راسه وقال ايوه بجد
سمر :- قعدت تنط وتصقف وتقول بحبك اوى اوى يا فريد
فريد :- احم يلا بقى ادخلى جوه وبكره تيجى الجامعه
سمر :- حاضر وطلعت تجرى
فريد :- بص فى الارض وضحك وركب عربيته ومشى لقاء الاحبه يوسف و تيلا الجزء السابع