2,387 اجمالى المشاهدات,  2 اليوم

قصة الزوج القاسي

الجزء الاول والثاني من قصة الزوج القاسي للكاتبة أماني عنان

الجزء الاول والثاني من قصة الزوج القاسي
ج 1
دخل كريم جوز هدي من شغله الساعة 4 مساءا ومالقاش الاكل جاهز فكلمها بطريقة السيد لعبده
انتي ي هانم ياللي ف البيت ؟؟
نعم أنا في المطبخ ي كريم
لسه ماعملتيش الاكل وعماله تدلعي
معلش اصلي صحيت متأخر
وانا مالي يعني انتي تسهري وترجعي تقصري في بيتك وجوزك
طب هو انا كنت سهرانه اتسلي مش ابنك اللي بيعيط ومانيمنيش ..
دي مشكلتك انتي
وايه الجديد مالبيت كله مشكلتي
انتي لسه هترغي طب خلي اكلك ابقي اطفحيه انتي وبنتك انا رايح اكل بره ..

خرج كريم بغضبه وانفعاله واول ماصاحبه رن عليه اتحول
الو
ايوا ي ابو الصحاب فينك
موجود نازل اجيب اكل جعان
حلو اووي تعالي نتغدي سوا وبعدين نسمع الماتش
اشطات كلم باقي العيال ،محمد ،علي ،عبدالله
تمام

الجزء الاول والثاني من قصة الزوج

هو دا العادي بتاعك ي كريم تشخط وتنطر فيا ومع اصحابك جميل وزوج مثالي مافيش منك 😔
مش دا اللي وعدتني بيه قبل الجواز ولا دي الحياة اللي وقفت قدام اهلي عشانها ،، خلصت الاكل ورنيت عليه تاني

انا خلصت الغدا
كلي انتي انا كلت بر
سمعت صوت الشباب علي القهوة ، جووون الله عليك ي زمالك ايوا فرحنا ..

انت فين ؟
مع اصحابي بس شويه
كل يوم مع اصحابك
انتي هتفتحي اسطوانة النكد تاني ، ابو اليوم اللي اتجوزتك فيه ي شيخة
صح انا اللي نكد أنا اللي بتلكك عشان اخرج مع اصحابي واتفسح ولما اتخنق شويه بسافر ف اي وقت واسيبك تربي العيال تغير بامبرز وتأكل وتنضف وتحمي وت

سمعت صوت تيييت
قفلت ف وشي هي حصلت لكدا

فضلت اعيط ومش عارفه اعمل ايه ؟؟ ارجع لاهلي اللي اول حاجة هسمعها منهم انتي اللي اختارتي .. انتي اللي اتمسكتي بيه وهيكون اسهل قراراتهم اطلقي 💔
ولا اكمل في العيشة المقرفه دي ،، زوج اناني مابيشوفش غير نفسه واحتياجاته وبس ،، لو عايزني يبقي جميل ولو العكس حلني علي مالوقت يسمح مابقيتش عارفه كريم بيحبني بجد ولا الحب اتحول لتعود وروتين ،، شي مضمون مرمي في البيت انا تعبت من كتر التفكير ..
رجع كريم البيت لقي هدي واقعه علي الأرض وعيونها وارمه ووشها حزين واحمر من العياط قال

هدي قومي ي ماما وفري الشويتين بتوعك
يالا سارة عايزا تغير المبامرز مش مستحملة
هدي فعلت سامعه بس مش قادره تقوم للدرجة دي قسي قلبك ،،بدل ماتجري عليا وتقومني تقعد وتمسك ريموت التلفزيون ..انا لازم اقوم وتساعد نفسي عشان عيالي ،، مر اسبوع علي الفتور اللي مابينا وكل ماكلم ماما اقولها اني تمام

هدي عامله ايه ؟
الحمد لله ي ماما بخير
والاولاد سارة وسالم ؟ وحشوني اوووي
وانتي كتير ي تيتا ابقي تعالي شوفيهم
مانتي عارفه ابوكي لسه واخد ع خاطرة من معاملة جوزك اخر مره ،،.
معلش ي ماما كريم مايقصدش هو بس كان تعبان شويه
اممم تعبان ولا مانسيش رفضنا ليه ،، عموما احنا مش عايزين منكوا حاجة المهم تكوني بخير ..
قفلت الخط وانا زعلانه الابواب بتتقفل ف وشي سالت نفسي
ايه اللي بيخلي الناس تنتحر ..؟؟
ايه اللحظة اللي بتنهي وجعهم وتخلي نفسهم تهون عليهم انا بفكر جديا ف الانتحار ودلوقتي بدل مايرجع يقطمني يرجع ياخد ولاده يرميهم ف حضن اي ست تانية تعرف تديله اللي فشلت فيه
وقامت هدي علي بلكونة شقتها في الدور الخامس وراحت ….
متابعة وكومنتات كتييير لو عايزين الجزء ال2 😁

تمت
**********
الزوج_القاسي
ج 2
الست هان عليها رحها رمت نفسها من الدور الخامس ..
– لا حول ولا قوة الا بالله هدي انتحرت ..
-صوت سارة وسالم بينادوا ماما وهي خلاص حكمت عليهم بالفقد الدائم ..
صوت ابوها وامها مكسور والدموع نار بتوجع ف قلبها فكرت هدي كويس ورجعت بعيد عن البلكونة وقالت

ايه هيفرق عند كريم لو مت ؟؟
لو كنت فرقت معاه وانا عايشه هفرق معاه بعد ماموت هو خلاص قسي وشال قلبه وحط مكانه حجر ..
وافتكرت اخر مره تعبت فيها بسبب خناقهم مع بعض وكلامه المسموم اللي بيبخه ف وشها زي التعبان من غير مايحس ولا يفرق معاه دموعها وقهرتها-_________________#أماني_عنان
في العربية هدي بتعيط ومش قادره تتمالك اعصابها
-كريم كفايه لحد كدا . احنا اتجوزنا عن حب وعشنا ايام جميلة بلاش نلوثها خلينا نطلق في هدوء ومن غير شوشره انت راجل وكويس وانا ست بنت اصول وخلصنا ..

-طلاق مش هطلق سيبي عيالك وامشي وساعتها اطلقك انما تاخدي عيالي وتحرميني منهم فلا مش هيحصل ..

-دا كل اللي فرق معاك
بص لها بطرف عينه ورجع يكمل سواقه عشان يوديها للكتور .. بعد الكشف الدكتور قال

-دا اجهاد وضغط زايد المدام محتاجة راحة عشان السكر ..
-ايه هي عندها السكر

-ايوا انتوا ما تعرفوش
للاسف لا .. ودا جالك قبل الجواز ولا قبله ي هانم ؟؟
الدكتور ضحك فاكره بيهزر فقال متمادي معاه

-دي عيوب استخدام مش عيوب تصنيع …

-انا لسه اول مره اعرف ي دكتور
تمام مافيش مشكلة دا مرض عادي وموجود عند شريحة كبيرة من الناس وانا منهم 😃
-المهم بيحتاج تنظيم الوجبات واعتدال في كمية الاكل
كتري من الخضار والفاكهه وياريت نبدا بيهم الوجبة .
-حاضر
-خدي العلاج ف وقته وبلاش الزعل وتشيلي الهم ع اتفه الامور ..
-اكد عن النقطةدي كويس ي دكتور
بص الدكتور لكريم وماردش عليه كمل كلامه للمريضة اللي بنسبة ٨٠% الراجل اللي قدامه دا السبب ف مرضها ..
الف سلامه ي مدام ..
في الطريق واثناء العودة الي المنزل ..
-انا مخنوقه اووووي ومش عارفه اعيش بالحالة دي
-حالة ايه ؟ انتي ف حد ف عيلتكم عايش مرتاح زيك .. بيلبس برندات . بتاكلي كل يوم احسن اكل .. بتكشفي ب١٠٠٠ جنية عايزا ايه تاني
-مافكرتش ف الرد قد مافكرت تفتح باب العربية وترمي نفسها منه واول مافتحت الباب سنة قفله بسرعه وقال
-انتي مجنونه انتي عايزا توديني ف داهية
ههههههههه انت انت انت وانا مش مهم اموت . اعيش .. انتحر .. اعيط
المهم تبقي تمام . اكلك .. لبسك .. ضحكك وخروجاتك ..
__________#أماني_عنان ______
رجعت بالذاكرة وفكرت ف نفسها لاول مره من ساعة ماتجوزت واول حاجة فكرت فكرت فيها تدور علي حد يسمعها وف نفس الوقت تنتقم من كريم معاه
للاسف كان تفكير منحدر وهي اول الساقطين به لكنها لم تكن بوعيها فتحت اكونت الفيس وفضلت تدور علي اي شاب يستهويها شكله ..ملامحه .. صورة بروفايله
وكان القدر مجهز لها مفاجئة هتغير كل حياتها ..
بعتت رسالة لاكونت مكتوب بالانجليزي
يوسف السيد ..
مساء الخير
….. بعد ساعة رد
مساء النور.. اهلا بحضرتك
عامل ايه ؟
انتي تعرفيني
لا بس نتعرف ههههههه
انتي بنت والله
ايوا ..
احلفي
والله بنت
بس الاكونت جديد
طبيعي
ايه الصراحه دي ؟
اصلي ناوية اخون جوزي 😆😆
ومالاقتيش غيري انا متجوز ومسافر ف شغل مش عايز اظلمها عشان ماتعملش كدا ف غيابي ..
لا راجل هو انتوا لسه فيكوا حد مخلص اطلع من دول ..

عايزا مني ايه ؟
والله ماعرفه بس نتكلم نبقي اصحاب ..
من اكونت غريب لا يمت لك بصلة افرض اتعلقت بيكي تفضل روحي ف ايدك كدا تكلميني بمزاجك وتقفلي بمزاجك ..

لا مش موافق
تؤ هتوافق
هههههه واثقه من نفسك
لا واثقة ف الشيطان هههههه
صوت مفاتيح كريم ف الباب وهي لسه بتتكلم وماسجلتش خروج
خدت الفون وجريت ع اوضتها وقفلت الباب
استغرب كريم من غيابها وتجاهلها لمجيه فراح فاتح باب الاوضة مره واحده ….

الزوج_القاسي
ج 3
هدي .. انا عايز اتجوز تاني
= ودا ازاي يعني امال انا ابقي ايه ؟؟
= انتي الاولاني هو الكلام مش واضح ..!
=بتهزر ي كريم صح .. يالا عشان اجهزلك العشا
= الموضوع دا مش للهزار انا بتكلم جد سيبي الفون اللي ف ايدك دا وتعالي نتفق علي كام حاجة في الصالة عشان مانصحيش الولاد ..
= ي خبر اسود ومنيل .. ي ليلة مش فايته .. ليه ليه كدا بس ي ربي
= اهدي وت….
=ابعد عني وانت من امتي يهمك راحتي عشان تقولي اهدي دلوقتي ..
اختارت مين ي بيه ي محترم تكمل نقصي وتديك اللي انا مش قادره ادهولك ..؟؟

قعد علي اقرب كرسي وهو زي المبلول مش فاهم مراته هي اللي اوفر ولا هو اللي اناني مش قادر يشوف غير رغبته وبس
=هتجوز وفاء بنت خالتي
=ههههههه مش دي اللي اطلقت من سنة ع طول كدا جابتك ولا انت اللي نتن وعينك فارغة

قام من مكانه وبكل قوته وشدها من شعرها بقولك ايه عاجبك تقعدي اهلا وسهلا مش عاجبك اتفضلي الباب مفتوح

=الله ينتقم منك انت واهلك .. حسبي الله ونعم الوكيل ..ماهي كانت متجوزة وعمرها ماهتقبل بضرة اشمعنا ترضاها لبنات الناس

=انتي مش فاهمه حاجة دي هي اللي اصرت انك لازم تعرفي
=شاطرة بتضمن حقها بنت الكلب
= انتي اتجننتي .. بتشتمي ف اهلي وانا ساكتلك

=اهلك ي اخي طظ فيك وف اهلك شيلاك انت وعيالك ومستحملة وكاتمه ف نفسي دا انا فكرت انتحر بسببك تيجي ف الاخر تقولي هتجوز وفاء المطلقة هوا دا اخرك ..طب طلقني بقي عشان اروح اتجوز واحد ارجل منك .

= طب وعيالك دول مين هيربيهم

= ابقي خليها تشويهملك ع الغدا ي جامد ي بتاع وفاء .. جو الصعبنيات دا مش عليا . انت مش بتنفذ شرع ربنا ولا بتستر علي بنت انت كنت عايزهازمان وهي اللي ماعبرتكش دلوقتي راجعه تصطاد في المية العكرة ..

= اتلمي بقي وبطلي جنان ..
انت لسه ماشوفتش حاجة من جناني .. انا ماشيه ومش قاعده لك في المخروب دا ..

شدت عبايتها السودا وطرحه علي شعرها ونزلت وهي بتفتح الباب سارة عيطت
= رايحه فين ي ماما ؟

حست ان حته من قلبها موجوعة وبتبكي وراها..
= ادخلي جوا ي سارة وخدي بالك من نفسك .
=لا انا عايزا اجي معاكي
=تعالي
ومسكتها من ايدها ونزلت دخل كريم الاوضة يصحي سالم بسرعة
=سالم .. انت ي واد اصحي ماما راحة مشوار وسيباك ..

صحي الطفل مفزوع لبس شبشبه وجري ورا امه ف الشارع .
= احسن كدا البيت فضي واقدر اتجوز يوم الخميس الجاي
_________#أماني_عنان ______
واقفه هدي تعيط ف الشارع لقت سالم بيطبطب عليها

=بتعيطي ليه ي ماما وليه خرجتي لوحدك ؟؟
=انت ايه اللي جابك مافضلتش مع ابوك ليه
=ماينفعش اسيبك لوحدك
حضنتهم وقالت
انتوا اللي طلعت بيكم من الجوازة الخسرانه دي 😵😵
بتخبط علي ابوها وامها وبتحكي كل حاجة

= اكيد بيهدد ومايقصدش ي هدي دا انتوا واخدين بعض عن حب
= حب مين ي فوزية هو الجيل دا يعرف حاجة عن الحب .. سيبهولي ي بنتي انا هعرف اتعامل معاه ..

=ادخلي ارتاحي جامب ولادك جوا
حاضر ي ماما

في صباح اليوم الثاني كان الاربعاء اتصلت سماح بهدي كالمعتاد انتيمتها اللي معاها كل اسرارها

الو
= اهلا ي سماح
=ايه اخبار يوسف
=والنبي انتي رايقه يوسف ايه وبتاع ايه ؟، كريم هيتجوز عليا
= ايه دا هو عرف وقرر يعاقبك
=ي ريت دا من نفسه كدا جه وفاتحني امبارح
=مش يمكن بيطلب من شوية اهتمام وتغيير ف حياتكم
= تغيير .. انتي عشان سينجل فاهمه الحياة وردي
= اسمعي مني وماتسيبهوش لغيرك ارجعي بيتك وبيت عيالك .. اعملي شغرك واشتري كام قميص دلع كدا وهو هينسي كل حاجة ..

عيطت هدي بحرقة وقالت
=قلبي بيقولي انه هيعملها خلاص ي سماح البت كلت دماغه واثرت عليه وصلت لدرجة انه يسيبني امشي بالليل لوحدي وماتصلش حتي يطمن ع ولاده وصلنا ولا موتنا ..

= جربي اخر محاولة ولو مافيش فايدة سيبيلي الولاد يربوه عشان يعرف قيمتك

بصت علي عيالها وهما نايمين بحيره وقالت

=وانا اعيش من غيرهم ازاي ؟
=هتعيشي انتي لسه صغيره وبعدين تقدري تقوليلي مين هيصرف عليهم وعليكي .. ابوكي العامل ف مصنع ولا اخوكي المتجوز ولسه مجاش بص ف وشك ..
=مية سؤال واحتمال من امبارح وانا ف نكد وبفكر

= ماتعمليش زي غيرك وتتلطمي وراه عشان كام جنيه لعيالك وبعد مرار اول مايكبروا هيقولولك ليه يماما ماستحملتيش عشانا وعشتي ف خير ابونا وهيسبوكي ويروحوا له من اولها خدي قرار صح احنا ف زمن منيل ..

= ماقدرش ي سماح انا ام مش كلبه دا حتي الكلاب بتحاجي ع عيالها

= خلاص اشبعي بعواطفك دي لما يجلطك ويتجوز بجد وف بيتك

=لا بيتي لا انا هروح بس بكرةعايزا اجيب هدوم للولاد واشوفه يمكن قلبه يحن ويرجع ف كلامه لما يشوف عياله ..

طلع النهار ورجعت هدي شقتها المغرب وف ايدها الولاد سارة وسالم
بس سمعت صوت طالع من اوضة نومها ….

الزوج_القاسي
قصة واقعية مؤلمة ح 4

= في صوت ست طالع من اوضة النوم مش عارفه مين ؟؟
= ممكن عمتو هنا ي ماما ..
= ششش بس اسكتي ي سارة لما افهم
= هههههههه لا ي كريم بغير .. بس بقي

لما سمعت هدي الدلع والمياصة دي قلبها اتخطف ونفسها ضاق ، احساسها بيقولها انتي صح ومخاوفك حقيقية .. جوزك ف اوضة نومك ومعاه واحده غيرك بيعمل نفس اللي كان بيعمله معاكي وبيقول نفس الكلام .. بيحس نفس المشاعر ويتعامل بنفس الطريقة .. سابت الولاد من أيدها وجريت زي المجنونة .. فتحت الباب ولاقت الطعنة الموجعة من الطرفين ..

= انتي ..؟؟
وعلي سريري ي سماح ،، طب ليه ؟؟ هو وكلب رمرام أما انتي ي صاحبتي ليه تعملي فيا كدا 😒😣😣

قام كريم وبعد عن سماح اللي لابسه قميص اسود وفستان ابيض مرمي علي الأرض ردت بصوت عالي وعيون جاحده فيها التحدي
=كنتي عايزاني اعمل ايه ها ،، بقي عندي 39سنة استني ايه اكتر من كدا وبعدين هو مش الشرع حلل أربعة ..

= جتك كبه مربعة يابنت الزبالة ي واطية ي خاينة …
دخلت هدي ف حالة هستيرية مالهاش نهاية والقت بوابل من السباب واللعن والعروسين صامتين يستمعون بدون كلام ..رد كريم وهو عايز يطبط عليها

= اهدي ي ام سالم وروحي الليلة وبكره هعدي عليكم ..
= هههههههههه لا حنين وهمك عليا ،، بعد ماحرقتوا قلبي وكسرتوني لسه عايز تداويني بالاجل ي خاين ،، حسبي الله ونعم الوكيل الهي ماتتهني ي سماح ولا تعيشي يوم حلو حق خراب بيتي وبهدلت عيالي .. اشبع بيها ي عريس واتهني من اللحظة دي خلاص انا مش ف حياتك ولا اسمك يلزمني ..طلقني طلقني

= استني بس نتفاهم
= طلقناااااي لو عندك كرامة تطلقني انت مش عملت شرع ربنا ،، انا كمان عايزا شرع ربنا وتحرم عليا عيشتي بعد المنظر اللي شوفته دا

حس كريم أنه لازم يطلقها قبل مالناس تتلم وتتحول ليلة فرحة التانية لليلة سودا ماتتنسيش

= انتي طالق .. ارتاحتي
وقفت دموع عينيها واتسمرت مكانها للحظة ، سندت علي الحيطة اللي ياما سندت عليها وهو كان معاها بيلمس شعرها أو بيحكي لها تفاصيل يومه ،، قالت ف سرها
= يعني خلاص كنت ف حياتك مرحلة وانتهت ،، اكله ومليت منها ،، كلبة اليفه وسرحتها 😓😢😢

= بتعيطي ليه ي ماما ؟؟
= اسكتوا مش عايزا اسمع صوت ،، الاصوات بقت وش ودوشه ف وداني ..

رجعت هدي البيت وحكت لابوها كل حاجة وسابت سارة وسالم مع امها ودخلت علي جوا

في الشقة كريم متعكنن ومتاثر لاول مره تفرق معاه هدي ودموعها وكأنه حس انها فعلا راحت منه وللابد وأصبح زوج لست واحده مش اتنين زي ما كان عايز بالعكس بدل مراته بسماح صاحبتها .. سماح بتحاول تلف نظره عشان يرجع لحضنها وينسي مراته وعياله

= كيمو حبيبي ،، كنا بنقول ايه ؟؟
تعالي بس نتفاهم هنا ⁦🛏️⁩⁦🛏️⁩

= يالا بينا الليلة ليلتنا ي حياتي
ارتفع صوت الضحكات من تاني ورجعت ريمه لعادتها القديمة وبيحاول بكل قوته يكتشف الوجه الجديد اللي رمي نفسه ف حضنه يمكن يلاقي اختلاف ولو بسيط عن مراته فيقنع نفسه أنه كان ع حق وخراب بيته كان له داعي ..

وجه كريم القاسي لم ولن يناس الزوجة الثانية ولا اعلم لما .. كان شرس متغطرس مع الطيبة والآن هو لقمة سائغة المضغ في فم سماح ..

هدي بتعيط وقافله ع نفسها وبرا سالم بيكلم جدته
= تيتا انا جعان
= ي قلبي ي ابني حالا اجهزلك الكل
ندا جوزها عليها بشخط وعصبية

= سناء ..
= نعم ..
= اقعدي ماعندناش اكل
= ايه الكلام دا ي ابو محمود
= اللي سمعتيه ولاد الكلب دول مش هيقعدوا ثانية واحده ف بيتي
= ي خبر اسود .. هدي روحك وصلي ع النبي دول ولاد بنتك برضو

= مش عايزها ، اللي يكسر بنتي كدا ومن غير كرامة ورجولة مايشرفنيش نسلة ،، هاتي المحفظة من جوا أما انزل ارميهم لابوهم وارجع

= لا مش هيحصل
= عليا الطلاق لو ماسمعتي الكلام ماتلزميني
جري الولاد علي امهم وخبطوا بفزع ورهبه

= ماما ماما .. افتحي ي ماما جدو هيودينا عند بابا
= يالا ي واد انت وهي قدامي
فتحت هدي الباب بعيون حمرا زي الدم ويلبس الخروج زي ماهي يدوب شالة الطرحة

= هتعمل ايه ي بابا ؟؟
= هربيه العيل دا هيقدر علينا ويرمي لحمه لا كل واحد أولي بعياله بقي
= ابوس ايدك ي بابا انا ماقدرش اعيش من غيرهم .. سيبهم وانا هصرف عليهم ..

= ههههه تصرفي ع مين ي شاطرة الحياة غليت ومابقيتش سهله مش ميغه هي هيرعوا فيها .. يالا قدامي ..

= استني .. لا اتكلمي ي ماما
امها بتعيط ف جامب ومش عارفه تمنعه عشان يمينه خلاص الراجل هو كمان خدته الرجولة وشاف نفسه ع الست اللي معاه بقالها 30 سنة

خدهم ونزل علي بيت العريس بعد ماتجوز وقاعد بالبيجامة الستان ياكل حلويات ومراته بترقص علي اغنية بنت الجيران 😁😁
الباب خبط ،،بطلت رقص وبصت له بزهق قال لها
= ماتزعليش انا هشوف مين بس ومش هفتح
رح بص لقي حماه وعياله برا لما قال لها سحبته من أيده براحه وبدلع وقالت له

= دي حيلة من هدي انا عارفاها صفرا وبتغير مني سيبك دلوقتي ياخدهم ويمشي ..
علت صوت الأغنية فقام قايل حماه وهو ماسمعهوش للاسف

= عيالك برا ي شهم ابقي سيبهم ينشفوا من البرد ..

الزوج_القاسي

قصة مؤلمة 5
= فين ولادي ي بابا ؟؟ وديتهم فين 😔😔
= وديتهم لابوهم هوديهم فين يعني هو أولي بلحمة وانتي بيت ابوكي مفتوحلك لحد مانشوف الأمور هتنتهي علي ايه مع الواد دا ..
= هانوا عليك سبتهم من غير ماتقولي وارتاحت ، كدا انتقمت لكرامتك وكرامة بنتك ،، انت دبحتني بسكينة اتلم من سكينة كريم ي بابا حرام عليكم ارحموني بقي ..
= امشي خشي اوضتك انتي مصدومة ومش ف وعيك ..
= مش هدخل انت لازم اروح لولادي سارة وسالم بيعيطوا مش هيناموا من غيري. .
الباب خبط أنقذ هدي من انفعال ابوها اللي كان هيدخلها جوا غصب عنها ،دخل محمود أخوها وشه مغزوع من تليفون أمه
= خير ي ماما .. السلام عليكم

= وعليكم السلام ورحمة الله
لسه فاكر تيجي ي محمود ..؟
=معلش ي حج انت عارف مراتي في الشهر السابع ومايتقدرش تتحرك ..
بصت له الأم وهي لويه بوقها وقالت في سرها
= يادي الخيبة الواد مايل ومراته ممشياه والبت خايبه وماعرفتش تحاجي علي جوزها وتعلقه بيها ..
= احكيلي ي هدي ازاي دا حصل وليه كريم اتجوز الزفته دي .. وبعدين انا نبهتك خمسين مره بلاش سماح مابرتحلهاش ماسمعتيش كلامي ..
اترمت ف حضنه ونزلت عياط وشحتفه كبيره ..
=عايزا ولادي ي محمود .. ابوس ايدك اتصرف

= هما فين ؟؟
= وديتهم لابوهم
=ازاي بس ي حج
= انت اسكت خالص ي حيلتها ،، هتصرف عليهم انت ؟؟
طاطا رأسه للأرض وسكت ،، اول ماتيجي سيرة الدفع إجدعها راجل يدلدل ودانه ويسكت بعدت عنه هدي وحست أنها مالهاش حد لاول مره تفضي الدنيا عليها وماتسمعش غير صوت وجعها وبس 💔
=يالا بينا نرتاح كلنا تعبنا النهاردة والساعة قربت علي 1
= الام يالا ي خويا .. ادخلي اوضتك ي بنتي والصباح رباح وانت ي محمود هتبات ولا هتروح عشان المداس ماتقعدش لوحدها ..
= ماما ارجوكي ..
= جت بالغلط اقصد المدام ي شملول
=لا هروح ،، تصبحوا ع خير
=وانت من أهله

في شقة كريم خلص اللي اي حد بيعمله بعد الجواز لحظات والوش الحقيقي بيبان علي اصله زي الجعان لما ياكل بيعقل واعصابه بتهدي .. دا كان حال كريم خد الشئ اللي كان بيستناه ويحلم فيه من سماح وحش أنه عادي بس البنت ذكية وفي الدلع مغرقاه عايزا تتوهه وتلغي عقله وعواطفه تجاه ولاده المرميه علي أعتاب بيته ..

= مش هتنام بقي ي حبيبي ؟؟
= مش عارف قلقان علي سارة وسالم ليكون جدهم سابهم بجد والجو بيمطر
= سابهم ازاي اكيد خدهم حتي تعالي بص قدام الشقة مش هتلاقي حد ..
فتح كريم الباب وماشافش حد فيهم اتنفس نفس طويل وكأنه بيدي حباية مسكن لضميره الميت بأن الولاد بخير وبعد يومين هيروح يشوفهم
=الحمد لله يالا ي موحه ندخل ننام
= يالا ي قلب موحه هههه
حط أيده علي كتفها وهي عماله تفكر في اللي شافته وتقول
= ي خبرك اسود ي سماح لو حد عرف انك شوفتي العيال يتركب عربية ملاكي غريبة في عز الشتا ،ساعتها كريم هيقطعني للكلاب في الشارع 😒
بس ايه هيعرفه مانا قولت مع جدهم ولما يسأل أهل هدي هيلبسوها 😈😈

ف اوضة ابو هدي وأمها مش جايله نوم وعمال يتقلب علي السرير من الحيرة فقال لمراته اللي سهرانه زيه
=لسه صاحيه ؟
=ومين هيجيله نوم في الحال دا بس ي ابو محمود
= مش عارف اللي عملته دا صح ولا غلط بس الشيطان ركبني وماعرفتش اتصرف ..
اتعدلت في السرير وقالت بقلق
= بتقول كدا ليه ؟؟ انت عملت ايه في العيال
= أبوهم مارضيش يفتح وانا سامع صوته هيئ ومئ مع البت فالدم غلي غ دماغي سبتهم قدام الشقة ومشيت
= ي لهوي وهان عليك .. والعيال سكتت
كتم بوقها وقال هششش اسكتي لهدي تسمعك
= رد عليا ..انا قلبي بيقولي أنهم ف خطر الجو برد اووي والدنيا بتمطر ..

= ربك يسترها .. نامي والصباح رباح
سمعت هدي كل كلامهم لطمت علي وشها وجريت علي الاوضة جابت فلوس وجاكت علي هدوم البيت ونزلت تتسحب من الباب ولما خرجت جري علي السلم ..
= حسبي الله ونعم الوكيل . يارب عالم بوجع قلبي ووحدتي رجعلي عيالي سالمين .. وصلت بيت كريم خبطت مافيش صوت الساعة بقت 2
صحيت سماح بتفتح عيونها بالعافية وقالت
= ي فتاح ي عليم .. مين ؟؟
فتحت الباب ولما شافتها لمت الروب علي جسمها كدا وشدته من عند الوسط وقالت
=انتي .. خير
= عايزا ولادي ؟؟
= بقولك ايه هي مش سيرة ابوكي جه ورماهم ه السلم وانا دخلتهم وعشيتهم وناموا خلصنا بطلي تمثيل بقي
= مش همشي من هنا من غيرهم
= لا هتمشي وبطلي دوشة عشان كيمو نايم ..

زقتها بكل قوة برا الشقة اللي كانت بيتها وهي بتجيلها ضيفة فيه .. قعدت هدي علي الباب وضمه رجلها وتقول
= انا بحلم صح .. لازم اصحي من الكابوس دا
ونزلت ف وشها ضرب وعلي رجلها ..للاسف حاسه بكل حاجة بس وجعها الداخلي افظع ..حاولت تقوم وبتسند في نفسها لحد ماخرجت للشارع في وقت متأخر وقف لها شاب ثلاثيني بعربية غالية وبدأ يغازلها
=الجميل ماشي لوحده ليه ؟؟
هي مكمله بتمشي بالعافية ويتحرك رجلها بصعوبة
=الجو برد عليك ي قمر .. تعالي اركبي وانا ادفيكي
بصت له لاقته وسيم .. شعره ناعم وعيونه خضرا وجسمه رشيق
=يالا مافيش وقت كلها كام ساعة والنهار يطلع الليل جميل ورومانسي

كملت مشي وفجأة هدت خطواتها وشدت الطرحه من علي راسها وفردت شعرها في الهوا وهي بتحركه شمال ويمين بكل طلاقه ويأس
وقالت
= مانا حلوة ومرغوبة اهو امال ليه رماني كريم بدري 😔😔
ووقفت قدام باب العربية وبصت وراها وهي بتمد أيدها المرتعشة علي مقبض الباب ..

قصة اجتماعية 6
= الحقني ي حافظ بنتك مش في البيت ،، ومابتتش في سريرها امبارح 😒😣

= ازاي الكلام دا ،،هتكون راحت فين ؟؟
= اكيد نزلت لولادها ،سارة وسالم
احنا لازم نروح لها ونعرف نامت فين امبارح
لبس ابو هدي وأمها بسرعة ونزلوا وقاصدين بيت كريم العريس اللي صباحيته النهاردة ،، وصلوا وخبطوا عليه بقوة صحي قبل مراته الجديدة وفتح الباب وهو نايم
= عمي ومرات عمي
زقته ودخلت بزعل

= اوعي جتك عمي هو انت عملت حساب للعشرة ولا للحب ،،فين هدي والعيال
= فين ازاي هما مش في بيتك ي عمي ،،سماح قالتلي انها شافتك وانت نازل بسارة وسالم امبارح
= ماحصلش انا اخر حاجة قولتها هسيبهملك برا وخليهم ينشفوا من البرد
رجع كريم لورا وقال سمعت الكلام دا فعلا لكن هي
ردت حماته ..
= انت لسه هتبسبس اوعوا انا هدخل اشوف بنفسي
= ي هدي ،، ي سارة
صحيت سماح بزهق
= وبعدين بقي ف القرف دا هو الواحد مش هيعرف يرتاح ف بيته ..
ضحكت ام هدي وقالت بتريقة
= مش لما يبقي بيتك ي خطافة الرجالة. .
قامت مفزوعة وبتلم في هدومها وتغطي رجلها
= انتي ايه اللي دخلك اوضتي ي ست انتي ،،
= هتعرفي دلوقتي ..

وقررت عشان تضربها ندها حافظ
= استني ي ام هدي مش وقته
تقدم كريم وسألها باهتمام كبير ،، وقف جامبها وحط أيده ف جيبه وقال
= انتي شوفتي العيال مروحين مع جدهم ؟؟
= انا .. اصلي
اتلجلجت ومش عارفه تكدب في حضور الطرفين مافيش مجال غير الحقيقية

هدي واقفه قدام باب العربية ومحتارة مش عارفه تاخد قرار تركب وتمشي في طريق مالوش مقر ولا بر امان أيدها مرتعشة ناحية الباب
= اقفلي الباب دا ؟؟
= وانت مالك انت ،، اوعي سيبني
= هدي تعالي معايا
أيده قفلت الباب بقوة وشد أيدها وكمل كلام وهو بيسحبها لورا
= ماينفعش اسيبك انتي ف نظري اجمل وارقي من كدا مش معقول هدي الناضجة الجميلة الرقيقة تمشي غلط وتقبل الراجل البغل دا يمد أيده عليها
= انت شايف كدا 😁
= لعل ايه ي راجل انت ماتلم نفسك وبعدين انت مين عشان تمنعها اصلا ،،
وقف احمد وقفل عليه باب العربية قبل ماينزل منها وقاله انا اخوها وأحمد ربنا انك مقربتش منها وأنها ماركبتش معاك ..
يالا اتفضل مع السلامة ..
= احمد انت جيت أمتي من الكويت مش سافرت بعد جوازي بشهر وقررت تفضل هناك

=ياااه دا موضوع طويل اووي هحكيلك كل حاجة بس تعالي معايا نتكلم ف العربية
= يالا
ركب احمد جار هدي العربية وافتكرت رفضها ليه وكلامها القاسي لما كان بيتصل بيها ويبكي بالدموع عشان ماتتجوزش وتستناه لما يرجع من السفر ..
= فكرتي ف ايه ؟؟
= ولا حاجة انا تعبانه اوووي ومش قادره أتمالك نفسي بعد ج…

قاطعها وقال
بعد جواز كريم ..
= انت ايه عرفك ؟؟ وايه اللي جابك هنا اصلا
= هحكيلك كل حاجة بصي ي ستي انا نزلت من أسبوع بعد ظهور المرض الرئوي الغريب دا اللي اسمه الكورونا ناس كتير نزلت لأهلها وناس اتعملها حجر منزلي مع اهل البلد الأصلية انا بقي قررت ارجع اخاف اموت ف بلد غريبة وماحدش يصلي عليا واتبهدل زي مابسمع كدا ..
= انت بتشتكي من حاجة ؟؟
= لا الحمد لله النتيجة سلبية ومافيش حاجة
= استني اكملك عشان عندي ليكي أمانة
= اتفضل بس انا جعانه
= لسه همك ع بطنك
= هههههه لا انا اتغيرت خالص
= والله ازاي
= بعد الجواز بقيت افجع وبحط همي ف الاكل
= طيب هجيللك شاورما ،، المهم امبارح قررت اجي اشوفك واعرف اخبارك فضلت واقف تحت العمارة عشان تطلعي واشوفك وماحصلش قررت اتحرك بقي عشان المطر لكن فجأة شوفت ولادك بتعيط وواقفه علي الباب ورا جدهم وابوكي ماشي حزين
= ولادي .. هما فين ،، قولي بسرعة
= استني بس هما بخير
= لا ماستناش اشوفهم ،، مش عايزا كلام الله يكرمك ي احمد
= هما ف شقتي في مصر الجديدة
= انت عزلت ؟؟

اتحرك بالعربية وكمل كلامه وهو سايق
= بعت البيت كله اللي جامبكم وحطيت فلوسي ف قطعة أرض واشتريت شقة متوسطة كدا ف مصر الجديدة
= اللهم بارك ربنا فتح عليك ي احمد ولسه زي مانت شيك ورشيق
=افهم من كدا انك شيفاني حلو مش زي زمان مش عاجبك ..
ضحكت وقالت بحزن علي قرار خاطئ خدته زمان وسابت احمد الشاب الخجول الصامت واختارت زميل الجامعة الشقي المدردح كريم ..
= الكلام دلوقتي مالوش لزمه ،زمانك اتجوزت وخلفت ..
= انزلي .. وصلنا
طلعت علي الشقة كانت في الدور التالت ببلكونة واسعة وفرش كلاسيك بني ف بيج وتحف وانتيكات كلها ذوق وذو قيمة ..
= ماما ماما
= سارة وسالم ..حبايبي ايه اللي حصل

حكوا له كل حاجة وان عمو احمد هو اللي انقذهم من البرد والمطر
= سالم .. بابا مارضيش يفتح لنا الباب واختار مراته وجدو سابنا ومشي
= ي حبايبي انا آسفة مش هسيبكم تاني ولا هتبعدوا عني ..
= انا متشكره اوووي ب احمد جميلك دا فوق راسي مش هنساه ابدا
=يالا ادخلي غيري هدومك عشان تأكلي انتي مش جعانه ؟؟
استغربت من معاملته وعايزا تسأل فين مراتك أو عيالك ؟؟ عنده 37سنة وعايش بطوله من غير حد أمه ماتت وهو في الكويت نزل دفنها ورجع غير كدا مش معروف له أهل ..
دخلت المطبخ والأفكار شغاله ف دماغها لحد مادخل احمد بيتلفت حواليه مش عايز الولاد يسمعوه وقال
=اخيرا نورتي بيتي

قصة اجتماعية ح 7

= تتجوزيني ي هدي ؟؟

= لا

= ايه الرفض الصادم للمرة التانية علي التوالي دا

= مش انا ي احمد اللي يتحرق قلبها بزوجة تانية وتيجي تعمل كدا ف غيرها ،انت كراجل مش هتحس إنما أنا عارفه أنه جرح صعب اوووي ومابيتنسيش
= ومين قالك اني اتجوزت اصلا

سابت الجبنة من أيدها وقفلت باب التلاجة وقالت بلاها عشا كدا كدا النهار قرب يطلع وهيبقي فطار

قرب ومسك أيدها وقال لها تسمحيلي

= هتعمل ايه ؟؟

خايفه وبترجع لورا قام باس أيدها من وشها وطول ،خد نفس عميق وهو مغمض عيونه وقالها
= ماقدرتش احب غيرك ولا اشوف نفسي في حضن غيرك ي هدي .. انتي الست الوحيده اللي حركت مشاعري ..

سمعت حركت مشاعري من هنا وارتبكت وشدت أيدها وقالت بحدة

= اسمع لما اقولك مش عشان انا أطلقت ابقي ست سهله ومتاحه
= ششش ماتكمليش

انتي عمرك ماكنتي متاحة ولا وانتي بنت ولا وانتي مدام ولا وانتي مطلقة واللي يفهم الست كدا يبقي حيوان مابيفكرش غير بنصه اللي تحت وبس

= احمد انت مقتنع بكلامك دا اخاف اصدقك واتصدم تاني ،، ارجوك بلااش انا هدور ع شغل وتصرف ع نفسي وعلي ولادي ومش عايزا اتجوز تاني
= اخص عليكي ي هدي ازاي تفكري كدا وانا موجود والله انا رجعت مصر عشانك انتي اهلي وبلدي فين ماتكوني يكون قدري
طلعت من المطبخ للصالة وهي مش مصدقة ولا قادره تسامح نفسها وتفكر في سرها

= بقي أنا رفضت الراجل دا في يوم من الايام واختارت كريم .. كنت غبية اووي كدا ومش فاهمه ف معادن الناس ..
خرج وراها وفي أيده كوباية عصير برتقان وقالها

= اشربي العصير زمانك عطشانه
ضحكت هدي جامد وقالتله ايوا بان بقي وشربني العصير عشان أغراضك القذرة

رفع الكوباية ع بوقه وشربها كلها وقال لها

= والله انا صادق مش بتاع افلام ثقي فيا بقي

= انا آسفة ي احمد بس

حط أيده ع بوقها وقعد علي الأرض وسند ع رجلها وقال أنا مش هتحايل عليكي اكتر من كدا خلي الايام تثبت لك والافعال .. يالا ادخلي نامي جانب الولاد وبكره يحلها ربنا

_______ أماني_عنان _________
في بيت كريم سماح ف موقف صعب وكريم اتوتر وقلق علي ولاده قرب منها وهي لسه في السرير وضربها بالقلم

ينصح الخبراء العلماء بالمشاركه والتعليق
= من أولها بتكدبي عليا ،، طلعتي كدابه ي سماح وفي ايه في حق اولادي

صرخت وعيطت وفضلت تعتذر وتتمسكن

= انا آسفة والله لما مالاقيتهمش بره توقعت أنه حس ورجع خد ولاد بنته ماعرفش أنه قاسي وقلبه جامد كدا ..

رجع حافظ لورا وهو بيستغفر وبينادي علي مراته

= يالا بينا ي ام هدي من هنا وانتي تستاهلي كريم وحياته بعد ماصعبتي عليا وكنت هرضيكي لاقيتك شيطان وبترمي غلطك وغلطه عليا وع بنتي ..
طلعوا من الشقة يضربوا كف بكف ومحتارين هدي فين

= البت فين ي حافظ ،، تكون خدت العيال ومشيت بعيد عننا عشان كلامك ورافضك لهم

ولا يكونوا تاهوا
= علمي علمك بس انا مش هسكت خدي تاكسي وروحي ولو رجعت البيت أو عرفتي اي حاجة كلميني ..

= ماتلومش نفسك ي حافظ انت اب وكنت مجروح علي بهدلت بنتك واللي حصل حصل

= علي الله كله .. يالا تاكسي

ركبت وبزعل وتكشيرة وأفكار كتير حزينة ومتشائمة وقالت بامل ف ربنا أنه خير وهدي هترجع

= اطلع ي اسطي

_______ أماني_عنان _______

ابو هدي بيلف علي رجليه في الشوارع وبيسأل البوابين واي حد يقابله علي بنته وطفلين بنت وولد ،،بيسأل ويوصف بلا فائدة

هدي وأحمد طلع عليهم النهار والشمس توسطت السماء واقتربت علي الظهيرة

صحي احمد وخبط عليها
= هدي ،، اصحي عشان في حاجات مهمه لازم نعملها

فتحت عيونها بارهاق واحتياج للنوم لم يشبع بعد ،، أصابها بحرقة في عيونها مما جعلها تمسحها بيديها ثم تنهض ،،

= صباح الخير

= اصحي ي بنتي كدا هنبقي مساء

= ف ايه ي احمد

= تعالي . خدها من أيدها وقعدها علي الكرسي

= بصي انتي لازم ترجعي بيت والدك النهاردة مايصحش تفضلي هنا وانا اسبوعين كدا وهاجي اطلبك منه

= طب والعدة ؟؟

= انا بقول هطلب ايدك وافاتحه اني متكفل بيكي وبعيالك من اللحظة دي عشان ماحدش يزعلك ولا يهينك بلقمتك وطلاقك ..
ضمت خده بايدها وقالت انت مستحيل تكون بشر انت ملاك وابن أصول انت ليك اصول مش مصرية ؟؟

= ههههه ليه

= عشان جدع اوووي من غير ماتشغل دماغك عليا

= كل الحكاية اني بحبك والعمر فرصة مابيستناش حد يفكر ويشغل دماغه لازم نختار ونسعي لتحقيق اختيارتنا وامنياتنا ..

اسمعي هتقابلنا مشكلة واحده ولازم نفكر فيها صح
= ايه ؟؟

= مش وقتها ،، ماتخافيش وراكي راجل ارتاحي ي اجمل هدي ..

= ربنا يخليك ليا

= ايوا بقي من هنا ورايح مش عايز اسمع غير الكلام الحلو اللي محروم منه دا

= دا ع أساس أنك مدخلتش ف اي علاقه

قام من علي الكرسي وتوه ف الكلام بخجل وقال

= الماضي ننساه يالا هفطركوا في مطعم حلو اووي بيعمل فراخ مشويه وهنزلك ع اول شارعكم اتفقنا

= اتفقنا
دخلت تصحي اولادها بفرحه ودقات قلب مرتفعه من السعادة ،، بتدعي ربنا برجاء

= يارب كمل فرحتي وخليلي اولادي مش عايزا اخسر حد فيهم ..

بعد الفطار قال لها

= في صديقة مشتركة بينك وبين سماح ؟؟

= ايوا ليه

= كلميها واحكي لها كل حاجة عايز الكلام يوصل لكريم .

= لا كدا هيوقف الجوازة ويعملنا مشاكل

= قولنا ايه ثقي فيا

بصت له بحيرة وقالت

= حاضر .. خليني معاك للاخر

_____ أماني_عنان ________

رجعت البيت ولما سألها ابوها كنتي فين قالت

= اخدت الولاد وفضلت في كافيتريا لحد النهار ماطلع..

= طب وليه كدا هو بيت مات خلاص

= انت عارف ي بابا انك رفضت الولاد

= ساعة غضب والحمد لله انها عدت

جريت في حضنه وبابتسامة عريضة وسعادة باينة ع وشها وكأنها اتبدلت نظرة الكسرة والمراره اللي في عيونها اختفت سألها ابوها سؤال مفاجئ
=قوليلي فين الراجل صاحب الكافتيريا دا عشان اروح اشكره

= ها ..

ادخلت مامتها وانقذت الموقف كعادت الأمهات لما تحس ان ولادها مخبيين حاجة ،طبطبت علي ضهر هدي وقالت بابتسامة

= ماخلاص ي حافظ هي سيرة اكيد بنتك وولادها شكروه ، يالا ي ولاد علي الحمام عشان ننضف وانتي ادخلي غيري هدومك وحصليني
= حاضر ي ماما ⁦☺️⁩

دخلوا جري علي جوا وهما قاعدين علي البانيو بيحموا سارة الاول سألتها امها بصوت هادي

= كنتي فين ي هدي ؟؟

= ماقولتلكم ي ما…

= انجزي ي بنت بطني مش عليا انا الحركات دي

ضحكت من خفة دمها وذكائها وقالت كدا كدا كنت هقول

= اتفضلي بسمعك

حكت لها كل حاجة عن أحمد وأنه خد الولاد عنده وبيجبها قد ايه وماعندوش مشكلة يعيشوا معاها بعد الجواز …فرحت واستبشرت خير

= يارب يكون هو دا فرحتك وعوضك

____ أماني_عنان __________

بعد مرور تلت شهور من طلاق هدي ومقابلتها لاحمد ،كلم ابوها وحدد ميعاد لخطوبة هدي وقبلها طلب من هدي طلب غريب اوي
= كلمي صاحبتك تتصل بسماح وتقولها أن خطوبتك النهاردة

= ليه بس مابلاش نلفت نظر الكلبة دي تاني

= معلش خديني علي قد عقلي

قامت هدي وكلمت شيماء صاحبتها وهي متردده سالتها شيماء

= انتي خايفة لاقول لسماح

= لا ي حبيبتي دا مش سر والكل هيعرف

قفلت معاها شيماء وجري طلبت سماح اللي كانت بتحضر الغدا ف المطبخ

= الو

= ايوا ازيك ي بت ي سماح ،عاملة ايه ف الجواز ي مضروبة مقضيها طبعا خروجات ولفلفه 👉 😁
=ي ختاااي اسكتي معلوماتنا طلعت غلط خالص

= المهم مش صاحبتك هتتجوز

= مين ؟؟

= هدي هو في غيرها ماكل اصحابك طفشوا منك ماكانش لكي غيرنا

لطمت علي وشها اول ماعرفت وطبق البطاطس وقع علي الأرض وقالت

= مين هيبصلها وهي مطلقة وبتجر عيالها وراها

= وحياتك بص وبص كمان راجل محترم احمد جارهم بتاع زمان

= ايوا عارفاه كنت بشوفه ايام الدروس كان بيفضل راشق لها في الشباك ،، البت دي مرزقه وحظها مابيملش ابدا
= لا وحياتك مال بس انتي عدلتيه هههههههه

= قصدك ايه ؟؟

= عادي بقي

= ماتتكلمي ي شيماء

= احم اقصد يعني كانت متجوزه كريم وانتي طلقتيها منه بسهوله واخدتي مكانها المتعب في الشقة الضيقة دي .. سمعت أن خطيبها عنده شقة ف مصر الجديده وماتجوزش قبل كدا و ..و
=بس بس انتي هتجلطيتي علي الضهر اقفلي دلوقتي الاكل هيتحرق

قفلت شيماء وهي كاتمة الضحكة وبتقول

= الاكل برضو اللي هيتحرق ولا قلبك

طفت سماح النار علي البطاطس وهي لسه بيضه في الزيت وطلعت لكريم مره واحده
=كريم

= نعم ي حبيبتي

= سارة وسالم وحشوني انت هتفضل سايبهم لامهم كدا

ابتسم كريم من كلام سماح وقال

= انتي عايزاهم بجد ي سماح

= امال ،، طب دا انا سمعت انها هتتجوز

وقف فجأة وكأنه ماكنش متوقع الموضوع دا شايف أن هدي ملك ليه وبطلاقها هتتركن لحد ماتعفن وتموت جامب تربية عياله وهو يكمل مشوار رغباته ويعيش حياته +

= انا لازم اروح اجيب العيال يعيشوا معانا

= وماله ي خويا

في سرها بتقول

=تبقي تقابلني لو عرفت تتجوز ولا تتهني وعيالها معايا .. 🤫

الزوج_القاسي
الجزء الاخير
= أنا خايفه ي ماما ليكون خطيبي بيعمل كدا عشان العيال يروحوا لابوهم ويخلص منهم ..

= ايه الكلام دا ي هدي ؟؟ مش معقول احمد ابن حلال وبعدين انتي مش واثقه فيه ولا ايه
رمت هدي العباية من ايدها وقفلت الدولاب وقعدت اجلت تطبيق الهدوم وقالت
= بعد اللي حصلي من كريم فقدت الثقة في كل الرجالة لا والستات كمان هههههه
= لا ماتعمليش ف نفسك كدا الشك بيقتل صاحبه وبيعيش طول عمره ف قلق وتوتر ،خليها علي الله
= ونعم بالله ي ماما اديني مستنيه قالي هكلمك كمان شويه اول ماعرف أن شيماء كلمت سماح
= وانتي هتعرفي ازاي ؟؟
= هكلمها .. لحظة كدا
شاورت لها بالسكات لان التليفون ادي جرس

فتحت شيماء
=الو
= ازيك ي شوشو
= الحمد لله .. ازيك انتي ي عروسة
=بخير والله بجهز الهدوم واشوف نفسي محتاجة ايه عشان الجواز ..
= الف مبروك ي هدي فرحتلك والله دا حتي البت سماح فرحت لدرجة أنها اتشلت 😁😁
= قولتلها بسرعة كدا
= ايوا بحب اغيظ واشوف ردود الأفعال اديني بتسلي ..
= ي خرب عقلك إذاعة الشرق الأوسط المتحركة ،،
= دا مدح ولا ذم
= بعدين هقولك سلام دلوقتي عشان احمد بيتصل
= ايوا بقي . ماشي ي ستي ربنا يتمم لك بخير
= اللهم امين
قفلت التليفون واتصلت علي طول باحمد عشان تعرف هو ناوي علي ايه بالظبط ؟؟

جرس وماحدش بيرد رمت التليفون وقالت بصوت حزين غاضب
= شوفتي ي ماما اهو مابيردش ولا ع باله حاجة ،،اه ماهم مش ولاده
= قولتلك احسني الظن ي هدي هو الحل الوحيد اللي بيعدي الوقت في سلام
= انا مش عارفه ايه العقل والصبر دا ي ماما جبتيه منين ؟؟ من ابوكي
ابوكي وعمايله تشيب الحجر ويكون في علمك الرجالة كلها كدا بكيلة كل واحد وهمه وسلبياته زينا برضو كل واحده بشخصية ودماغ ولون وريحة وطلة وتأثير ..
****************
عند أحمد في بيته الخياط بيقيس عليه بدلة الفرح وهو مبسوط خالص وعمال يلف قدام الراجل ويسأله
= ها حلوه ي اسطي فتحي ؟؟
= انت اللي تقول ي عريس
= ولا انا ولا انت هدي هي اللي هتقول فين التليفون اصورها وابعتها واتس
= مش عارف يمكن في المطبخ وقت ماحضرتك دخلت واصريت تعملي شاي ..
=ممكن عن اذنك اشوفه ..

= اتفضل
كمل الخياط في سره وقال
= والله الاستاذ احمد دا راجل ولا كل الرجالة محترم كدا ومديني وضعي كل كلامه لو سمحت وعن اذنك وحضرتك وكأنه هو اللي بيخيطلي مش انا ..
دخل احمد يدور علي الفون لاقاه فاصل شحن
= يوووه علي الحظ هدي وحشتني وكنت عايز اطمن عليها ..
حطه علي الشاحن ورجع بفرحه يكمل البدلة اللي لسه بكم واحد والتاني بيكمل..
هدي زهقانة وأفكارها الشيطانية مشتعلة برأسها فقالت بفقدان امل
= انا هبعتله رسالة واقوله خلاص كل شئ نصيب
امها شدت التليفون من أيدها وقالت
= حرام عليكي نفسك والراجل اللي مانعرفش ظروفه
وقبل ماتكمل كلاك لقت احمد يتصل بك
= الو
= حبيبتي
= كنت فين كل دا وتليفونك مغلق ؟؟
= غصب عني والله الخياط كان عندي وبقيس البدلة
احم ابتسمت وقالت بصوت بدا عليه التغيير واللين
= كنت عايزا اقولك حاجة مهمه
= ايوااا اهدي كدا ي برعي وقولي مالك
= شيماء كلمت سماح وقالت لها اني هتجوز الخميس الجاي خلاص ايه بقي اللي بعد كدا ؟؟
= تمام اووي ،اتصلي بكريم حالا قوليله تعالي خد الولاد عشان انا هتجوز وهما من حق أبوهم
رفعت التليفون من علي ودنها وخبطت علي صدرها وكانت هتزعق وتتخانق لحقها احمد بكلامه
= مش هسيبك ولا اسيب عيالك صدقيني

في بيت كريم سماح بتحاول تحرضه ضد هدي عشان ياخد عياله وبتنزله بسرعة عشان يروح يوقف الفرح وتقول ف نفسها
=بقي ي ربي هدي المطلقة تتجوز احمد الأمور اللي ماتجوزش وأنا اكمل عمري مع كريم 😏
تليفون كريم رن وهو بيفتح الباب وكانت هدي
بص لسماح باستغراب وقال
= دي هدي
=طب رد رد اما نشوف عايزا ايه دي
فتح الخط وسماح بتسمع الكلام بودنها علي ايد كريم
= الو
= مساء الخير ي كريم
= اهلا ي هدي ، ازيك ؟
= احسن منك .. ههههه المهم كنت عايزا اقولك تعالي خد سارة وسالم عشان فرحي كمان يومين ومش هعرف اهتم بيهم العيال من حق أبوهم يعتبر ..
= انتي بتتكلمي جد ..!!
شالت سماح التليفون من علي أيده وقالت
= نعم هي اللي عايزا تطرقهم لااا مستحيل نعمل اللي هي عايزاه ..

= ولادي ي سماح هرميهم في الشارع
= ماليش فيه ي حبيبي انا عروسة وعايزا افرح بشبابي مش احتاس بيك وبعيالك يانا ي هما في البيت دا ..
= اتصرف ازاي دلوقتي اقولها ايه اللي ع الخط دي ؟؟
= بص هاتهم ووديهم لحماتي تربيهم ونبقي نبص عليهم من فترة للتانية
بص لها بحزن وكسرة نفس ، الأسرة اتفرفت بسببك واتهدمت فرحتها وف الاخر هتحرم من ولادي وهكمل عمري مع سماح بالانانية دي 😔
خبطته ع كتفها وقالت بلهفه
= ها قولت ايه ؟؟
= امي مين بس الست الكبيره في السن دي اللي هتربي طفلين عندهم 8و6 سنين ..!!
اتعصبت وقالت
= لا ماهو أنا مش هشيل القرف اللي كانت شيلاه هدي وترجع ريما لعادتها القديمة وحضرتك تنزل ع القهوة وتسيبني اتحرق مع ولادك ..

قفل كريم الخط وطأطأ رأسه في الأرض ونزل يفكر ويكلم نفسه في الشارع. وهو عارف ان الاختيار صعب وقرار طلاق سماح هيخسره فلوس كتير غير أنه برضو مش هيعرف يرجع هدي وولاده لقي أيده بتكتب لها رسالة بحزن واسف
” حبيبتي هدي ،، زوجتي لا زوجتي السابقة اسف علي كل لحظة وجع سببتها لك ”
وصلتها الرسالة جريت علي التليفون فاكره أنه احمد طلع كريم وقفت لحظة وافتكرت يوم فرحهم وأنه أول بختها وحياتها بنفس عميق ضغطت علي ديليت مسحت الرسالة وكل سنينها معاه 💔
انت اللي اخترت ي كريم وصدقني مافيش حد بيموت من الحب بس كتيييير عاشوا ميتين باسم الزواج والصبر ..

بعد مرور يومين اتي الخميس المنتظر ،هدي لابسه فستان بسيط ومش منفوش نازله من بيتها علي عربية احمد ووراها سارة بفستان وسالم ببدلة ركبت العربية وبتشاور للولاد فسارة بكت وخبتها جدتها في حضنها وقف احمد السواق وقال
=فين الولاد ؟؟
= هخليهم عند ماما اسبوع وبعدين هجيبهم ،عشان نبقي براحتنا
= انا قولت كدا
نزل من العربية وقال سارة سالم
وفتح حضنه ليهم ،جريوا عليه واخدهم وركب سالم جامب السواق وساره بينه وبين مراته وقال
= هدي ي املي ومنيتي ،ي حبي ودنيتي
انا كنت عايز اربع اولاد يكونوا منك انتي وبس دول أولهم لسه قدامك كمان اتنين ⁦❤️⁩😁😁
ضحكوا الكل وتابع السائق طريقة لبيتهم السعيد أن شاء الله
تمت بحمد الله