3,309 اجمالى المشاهدات,  23 اليوم


رواية شياطين بقلم اروي الطاهر المسلاتي (كاملة)

المقدمة

ملاك:مكنتش نتوقع روحي في يوم من الايام نطلع من حوشي الساعه3في الليل ?
مكنتش نتوقع روحي نقدر نطلع بي قفطان عريان وبدون غطاء علي شعري ..:كانت ليله شتاء ،كنت نجري بكل ماعندي من قوه ?
صدمتي وخوفي من يلي صار مفروض يخليني منقدرش نوقف !..بس يمكن هاذي يلي يقولو عليها حرارة الروح
لما يبدا الموت قريب منك تبي اي شي عشان تنقذي روحك وانا درتها وهربت !!…الشوك يدخل في رجليا وكل شويه نطيح ونوقف وحتى بديت نشوف في شوية دم ينزل مني ?نجري وكل شويه نشوف وراي خايفه….خايفه يلحقوني ونموت بدون محد يعلم بيا ….أخيرا بديت نشوف في طريق وضي…واضح انه ضي سيارات
زدت سرعتي لين وصلت ع الرئيسي
كنت نأشر لي السيارات ونبكي بهستيريا ?
الكل كان مرعوب من شكلي !محدش وقفلي
لين اخيرا وقفت سياره فيها راجل كبير في العمر ..غطاني بي كيسه كحله وركبت معاه وانا نبكي ونرعععععش مش قادره نحكي ..خلاص؟يعني انا نجيت من الموت ولا مزال!؟

_________________

اسمي ملاك مواليد 1996سكان طرابلس عيلتي صغيره تتكون من بوي وامي وخواتي الزوز بس.. بعد ما تخرجت وكملت قرايتي تقدملي شاب من مدينه تانيه ،كان محترم واخلاقه كويسه وبابا ع طول ما صدق تهنى عليا لان الراجل سيرته كويسه ❤️رغم ان معنداش حوش بس عادي..بابا كان عنده قطعة ارض باعها وعطي الفلوس لي راجلي عشان ياخذ حوش جنب اهله بشرط الحوش ينكتب بي اسمي وفعلا صار زي مايبي بوي

تزوجت ومندمتش لان فعلا كان كويس معاي وحبيته هلبا …كنت فرحانه بي حياتي مستريحه واموري تمام معاه مفيش مشاكل
اليوم متزوجه ليا 4شهور وحياتنا عسل ?

عندي صديقه ليا اسمها رغد ،من ايام الابتدائي نحبها لدرجه محدش يقدر يوصفها ومستعده نعطيها عيوني…للاسف الايام الاخيره سافرت مع اهلها لي كندا خوها يقرا غادي واهلها قررو يستقرو في كندا …حسيت بضيقه كبيره بس عادي المهم هيا مرتاحه ❤️…قعدت نتواصل معاها ع النت بين فتره وفتره لين جي اسعد يوم في حياتي لما قالت انها بترجع ليبيا عشان شوية اوراق ومعندهاش وين تقعد !!….بدون اي تردد فتحتلها حوشي وجهزتلها احسن دار عندي وراجلي ما عارضش الموضوع وبي هكي زدت حبيته كلهم قالولي لا ردي بالك متجيبيهاش عندك وانا نرد عليهم بي عنف لان رغد اختي يلي مجابتهاش ماما ….وصلت صاحبتي وكنت شايلتها ع كفوف الراحه ووصيت راجلي الف مره ميزعلهاش حتى بي كلمه وكنت فرحانه ان جوهم تمام مع بعض مفيش مشاكل ?

طوالت المده !بعد ماكانت يومين بدت اسبوعين
كانت الميه ماشيه من تحتي بس انا منتبهتش كذا مره نشوف في مواقف قدامي …رغد وراجلي يطلعو في نفس الوقت ويروحو في نفس الوقت عادي ممكن صدفه كذا مره انوض من النوم نلقى في راجلي معاها بس عادي ممكن مجاهاش النوم ويهدرزو لان يعتبر فيها اخته !!

ملاك:بس خلاص !!اليوم قاعده نشوف بي عيوني ونسمع بي وذاني ?
فتحت عيوني الصبح لقيت روحي مربوطه ؟!…اي اي مربوطه نشوف لي راجلي وصاحبتي مش فاهمه شي نسمع وساكته

سعيد:باهي يارغد اسكتي متوترينيش
رغد:مدامك متقدرش اطلقها عشان الحوش خليها تبصم ع التنازل ونتخلصو منها
سعيد:جاب الوراق وبي عنف خلا ملاك تبصم غصب عليا ?وجاب الموس ?
رغد:استنا سعيد فوتها توا خلي في الليل احسن انت عارف علاش
سعيد:ضم الاوراق وطلعو مع بعض وملاح في صدمه !!يعني رح تموت ؟ولا منو بيقتلها راجلها وصاحبتها !!!

_______________

كمية الصدمه يلي حصلتها مش طبيعيه ?يعني تخيلي تنوضي من النوم تلقى اكتر اثنين تحبيهم يحاولو يقتلوك وخذو رزقك بدم بارد !!

ملاك:قعدت نحرك في الكرسي ودموعي ينزلو ?
كل شويه نوقف عشان يهدى الصوت وميجونيش
لين وصلت لي الطاول وحاولت حاولت حاولت لين قدرت تاخذ الموس يلي سيبه سعيد ?
خذيته وقعدت نحاول نقطع الحبل ومره مره يديا ينجرحو والدم مالي المكان ?بس مكنتش نحس في شي الوجع يلي في قلبي كان اكبرررر?
فكيت رجليا وفتحت الروشن ..كانت المسافه عاليا شويه لاكن مترددتش ونقزت?

وهاذي قصتي يلي خلتني نطلع عريانه ونجري في الشارع ?!!

والباين ان الليله هاذي مكانتش صدمه علي ملاك بس ؟!خلينا نشوفو الباقي

مؤيد:خذيت شوية حوايج وطلعت وانا ناوي الشر في عيوني …ركبت السياره وكل يلي نشوف فيه قدامي سلاح وقتل بس …صح مكنتش هكي بس للاسف حال الطيب الايام هاذي ميعيشش !

انا مؤيد عمري 26سنه حالتي الماديه علي قدها ومستوره الحمد الله ليا سنين متخرج وطبعا محصلتش خدمه رغم اني كنت كويس في قرايتي !
في يوم من الايام مروح من خدمتي تفاجأت بي كتيبه قدام الحوش ..وقبل منقول اي كلمه قاموني ورفعوني المقر …كليت طريحه وهزايب ولوحوني ع الرئيسي بدون مانفهم علاش؟!
وبعد يومين اتضح ان تشابه اسماء وغالطين فيا يبو شخص تاني …بس مدارو شي!مفيش حد عوضني !مفيش حد اعتذر
زهقت ان معنديش سند لا اخ لا بو لانعرف ناس كبيره في الدوله …قررت نمشي الجبها ممكن نموت ونستريح

خذيت كل شي نستحقه وشديت الطريق في الليل
مشيت ومشيت ومشيت ومشيت وكنت سارح نفكر زعمى امي لما بتنوض وتعرف اني مشيت شنو بدير ؟ ….قاطع صوت تفكيري سياره مدرسه ع اليمين وصوت عياط قعدت نمشي بشويه ونسمع

جوري:بعدددد بعددد محمد متفاهمناش هكي حني
محمد:يقطع في عبايتها …تي سكري فم امك توا خير ما نصفيك
جوري:بدت تعيط وصوتها يعبي المكان
مؤيد:…يتبع
.

رواية شياطين بقلم اروي الطاهر المسلاتي (كاملة)

الفصل الثانى

محمد:يقطع في عبايتها …تي سكري فم امك توا خير ما نصفيك
جوري:بدت تعيط وصوتها يعبي المكان
مؤيد:نزل من السياره ….خير خوي شن فيه؟!
محمد:طلق جوري… تفضل؟!
مؤيد:شن تفضل متعك خيرك مع البنت ؟!
جوري:تغطي في روحها بي يدين يرعشو وتبكي
محمد:ترا طير من هنايا ياشاطر وخلي التريس في حالهم خير منعلق عليك انت التاني وانتي اركبي السياره
مؤيد:بي تردد طلع سلاحه (السلاح يلي حصله من صاحبه عشان يمشي بيه الجبها )وكانت هاذي اول مره مؤيد يرفع سلاح علي حد
مؤيد:وقف وخلي البنت في حالها !!
محمد:اول ماشاف السلاح قام يديه بخوف …وو و وقف وقف
مؤيد:اشر لي جوري تبعد عليه
جورى:بعدت بخوف علي محمد
مؤيد:توا رح تسيب كل شي بتركب السياره ومعش بنشوفك قدامي
محمد:ساكت ويشوف لي جوري
مؤيد:سحب سلاحه عشان يخوفه
محمد:ركب سيارته وطلع

___________________

سعيد:فتح الباب وجايب معاه كيسه وغطاء وموس اكبر من يلي قبله !بس الصدمه لما شاف الدار فاضيه…رغد?رغدددددد رغددددد
رغد:تلف في شعرها …ها شنو
سعيد:حاط يديه ع راسه …هربت هررربت كارثه وطحنا فيها ??
رغد:حطت يدها ع فمها بصدمه
سعيد:الززززح ياريت قتلتها من بكري وافتكيت من المصايب النمممم حتى جوازي طايح وين بنهرب
رغد:بثقه…بلعكس الهرب جي في صالحنا عندي احسن حل تصفي ذمتك منها قدام الناس بدون ماتقتلها
سعيد:شنو؟!شن تقصدي!!
رغد:نوض البس نمشو حوش اهلها خلينا نوصلو قبلها وحتى لو وصلت عادي بس اهم شي خلينا نمشو توا
سعيد:شن تخرفي انتي ؟
رغد:حبيبي نوض تو نشرحلك في الطريق
سعيد:ساكت
رغد:هياااااا

في السياره :-
مؤيد:مش قادر يسوق ومقعمز مصدوم من يلي صار
جوري:مقعمزه جنبه وتبكي
مؤيد:وين حوشكم يابنت الناس
جوري:انا انا م….
مؤيد:منبيش نعرف شنو اديري الساعه3في الليل مع واحد كان يبي ينحيلك حوايجك ويعريك في الشارع اعطيني حوشكم وين نوصلك وهاذا حقك عليا
جوري:بصوت يرجف…في نهاية الشارع ع اليمين
مؤيد:حرك السياره وطلع وكل تفكيره ملخبط من يلي صار

_____________

ملاك:كانت بحالة فضيعه ?لو يشوفها حد يقول انها مجنونه !!وبسبب ان يلي ركبها معاه كان شباني كبير في السن كان يمشي شوي شوي في الطريق
رغم حالة ملاك وصدمتها بس حمدت ربي انها طاحت في شباني طالع يجيب في خضراء يبيعها وشافها صدفه احسن من اطيح في ولاد حرام ??‍♀️
طول الطريق تبكي وترعش وتضرب في وجها ع امل تكون تحلم بس للاسف كان واقع?الدم يلي في يديها ورجليها والالم اكدولها الشي هاذااا!!

_____________
جوري:تشوف لي حوشهم بي صدمه كان الحوش زحممممه وسيارات واضح ان في شي ?
قلبها طااح اكيد عرفو انها طالعه وبدو يدور عليها
مؤيد:انزلي وربي يستر عليك
جوري:شافت لي مؤيد كانت تبي تطلب منه ياخذها خايفه اهلها يقتلوها !!…بس مقدرتش
مؤيد:قام عيونه في عيونها…تفضلي قتلك ولا مش هاذا حوشكم؟
جوري:بدون متحكي نزلت من السياره وزي عادتها نحت العبايه قعدت بتوته وخشت من الباب الهلفي وكانت خااايفه !!

ميس(اختها):وين كنتي انتي الدنيا مقلوبه
جوري:بخوف …اان انن انا كنت في الحمام يلي برا ليش شن فيه والله مطلعت انا م….
ميس:سكري فمك راجل اختك وصاحبتها هنايا ملاك اختك مدايره كاااااارثه وامي تعيط الدنيا كلها مقلوبه
جوري:ارتاحت انها مش السبب…خيرها ملاك ؟
ميس:سمعت صوت ملاك وصلت تعيط خذت جوري ومشو بسرعه الصاله

سعيد:ياعمي كنت بنعالج الموضوع بس شوف حالتها اهو قدامك
فرج:طاح ع الصالون معش قادر يوقف
ملاك:بصدمه ودموعها ينزلو..ششش شن شنوقاتولهم ياكدابين يامجرررررررررمين ???
ميس:ماسكه ملاك لانها كانت بتضرب سعيد ورغد
ونجمه امهم مقعمزه تبكي بصدمه
ملاك:طاحت ع رجلين بوها…بوي بوي الله يخليك ركز معاي منعرفش شن قالولك لاكن وربي وربي كذابين حاولو يقتلوني وبصموني علي ورق امس ?بوي رد عليااااا كلمني
فرج:سحب يده وحطها علي عيونه
لحضات وخشو عمام ملاك ال3والجيران وملاك طايحه في النص تعيط بهستيريا
عم ملاك الكبير:شن فيه؟!شن صاير فرج …شاف لي سعيد…تكلمو شن صاير
ملاك:جت بتتكلم بس عمها الوسطي سكتها ?
كأن ديمه الاولويه لي الراجل بس ?كأن الراجل بس صادق والبنت كذابه
سعيد:ياعمي انت كبير وبي عقلك انا جيت ومعاي شاهد علي كلامي
ملاك:تشوفله ومفيش شي ينسمع غير شهقات بكاها وميس وجوري ساكتين وفرج ومرته منهارين صدمه وبكي ?

عمها الكبير:ادوي سعيد
سعيد:الاسبوع يلي فات ترقيت في شغلي وجبت لي ملاك حديدة ذهب بي المناسبه هاذي …امس صدمتني لما جابت ورق متنازله علي الحوش وكاتباته بي اسمي دارتهولي هديه والحق فرحت بيها
عمها الكبير:به كويس شن القصه؟
ملاك:تهز في راسها بصدمه وتبكي
سعيد:المهم تعشينا والامور تمام مع الساعه 2نضت ملقيتهاش دورت في الحوش كله !!قلبت الدنيا عليها انا وصاحبتها اهي قدامك
رغد:اي صح دورنا في كل مكان
سعيد:كلمت صحابي والمعارف كلهم عشان يدورو معاي حتى اتصلت بي عمي فرج والعيله هنايا بس الخط مشدش
لين جاني اتصال صدمني قالي ريتها في سياره بيضه جت خذتها من الحوش نسحابك انت واخذها ياسعيد
ملاك:بدت تعيط…كذاااااااااب كذااااااااب حسبي الله فيكم ???????
عمها الصغير:ضربها كف قدامهم عشان تسكت ويسمعو باقي القصه?
سعيد:صحابي قعدو يمشطو في الطريق لين لقو السياره مدرسه تحت الشجره ولما الولد يلي فيها زبط انهم جايينه فتح الباب ونزل ملاك بلغصب وهرب ولو تبي مستعد نجيبلك الشهود كلهم يلي شافوها وهاذي اول وحده يلي دورت معاي
عم ملاك :شاف لي رغد
رغد:تبكي..كنت نتمنى نقول كذب ياملاك بس ليش درتي هكي حرام عليك منقدرش نشهد زور ونقول كذب حرراااام
سعيد:دارت الفيلم هاذا والله اعلم منى وصلها هنايا باش اطلعني كذاب فوق من انها طالعه مع ذكر وراقده بي الحرام تبي تبيض صفحتها تي بارك الله فيا قاعد شاد روحي عليها
ملاك:بدت تعيط بحرااارة ?….حرااااااام عليكم ياويلكم ياووووووويلكم وين بيحطكم ربي حرااام عليكم ….طاحت ع رجلين بوها…بوي اسمعني ونبي وربي كذابين كانو رح يقتلوني بوي ??بوي الله يخليك والله …
فرج:دفها بقوه لين طاحت ع الارض
ميس وجوري كانو حاسين ان اختهم صادقه فربو عليها يهدو فيها ويبكو معاها اما امهم كانت في عالم تااااااني ?

_____________

طلع سعيد ورغد مع عمام ملاك عشان يجيبو باقي الشهود يلي شافو ملاك ركبت السياره وشافوها لما نزلها الولد بلغصب ع اساس
وقعد عمها الوسطي معاهم في الحوش وحبس ملاك في الدار لين يتأكدو من الموضوع

جوري:مباش يخليني نخشلهاااا
ميس:فضيحتنا قدام الجيران الكلاب متشمتين حسبي الله فيهم
جوري:امي امي اهدي انتي عارفه ملاك شنو مستحيل اديرها اكيد بيطلع الحق اول ما يروح عمي
نجمه:تبكي بصوت مكتوم وبس ?
اما ملاك كانت حرارة وناااااار الضلم تاااااكل فيها من داخل ??وتعيط ع طول حسها لين صوتها هرب

الضلم حاااار وواعر هلبا وتزيد حرارته لما مفيش حد يصدقك هنايا المصيبه ??

الفجر اذن ..وكلهم نايضين !
جوري وميس وامهم نجمه صابرين بي امل تطلع الدوه كذب ومفيش شهود او حتى سوء فهم !!
بس بعد الفجر بي دقايق رجعو عمامها وبوها بشكل يخوف

عمها الكبير(حسام) :خش وفي يده كلاشن وجوري وميس يعيطو ونجمه اغمى عليها ?
حسام:خش لي الدار وكانت ملاك مقعمزه وراسها بين يديها اول ماشافته وقفت
ملاك:مدرت شي اقسم ب…..
قاطع كلامها بي كف قووووووي نزل عليها زي السم
وبدي فيها ضرب وضرب وضرب في كل مكان وعمها الوسطي والصغير مقصروش في ضربها ?
لين اغمى عليها والدم في كل مكان ….

ميس وجوري مش عارفين وين يركزو !!في امهم يلي صاخت ولا بوهم يلي ماسك قلبه ويعيط ولا اختهم يلي احتمال حتى قتلوها داخل ؟!??

_________________

مؤيد:رجع للحوش !بعد الشي يلي صار …لان جوري عطلاته ع الموعد وقرر يأجل المشيه لي ثاني يوم
لاكن جوري مغابتش علي باله …هل هيا بنت فاسده؟بس شكلها ولبسها وحتى ملامح وجها متقولش هكي! لانها صغيره عمرها مايفوتش ال17

الساعه 10الصبح!
الخبر انتشر في كل مكان (ملاك بنت فرج خانت راجلها وطلعت مع واحد ورقدت معاه بي الحرام )
فرج في المشفى وجنبه خوته يلي متحلفين في ملاك يقتلوها !
اما نجمه كانت راقده وبس معش قدرت تنوض من صدمتها

ميس:تمسح لي ملاك في راسها من الدم
ملاك:بصوت مبحوح…ميس مدرت شي كانو بيقتلوني
ميس:اششش اهدي مصدقاتك كيف نكدب اختي ؟عارفه انها لعبه لاكن يلي يقهر الشهود يلي جابهم بوي وعمامي مصدقينهم
ملاك:تبكي
ميس:مسحت دموعها…لو كان عندنا اخ او حتى خوال كويسين مكانش هاذا حالنا
جوري:فتحت الباب وخشت…هاك اشربي العصير
ملاك:اشرت بيدها بي معنى مش قادره تاخذ شي

_______________

رغد:اول متجدد الجواز الحقني متعطلش
سعيد:يبتسم…شي اكيد عندك شك فيها ؟..وقام الشنطه
رغد:وكل دقيقه كلمني ع الواتس متشغلنيش عليك
سعيد:تمام عمري حتى انتي مش تاخذك مني كندا ومعش تعبريني
رغد:هوا انا نقدر❤️
سعيد:نداء الرحله هي يالله قدامط وديري بالك ع روحك
رغد:ان شاء الله دير بالك حتى انت
سعيد:اول متوصلي كلميني
رغد:اوكي يلا سلام
سعيد:اشرلها بيده…سلام

__________

ميس:سكرت باب الدار بعد مارقدت ملاك من التعب
جوري:شن صار؟
ميس:عيونها في التالفون…رقدت اففف
جوري:خيرك
ميس:من الصبح ميردش عليا
جوري:خطيبك؟
ميس؛اي

طق طق طق
ميس:الله يستر ?…وطلعت هيا وجوري فتحت الباب
نعيمه:تخبط وتعيط…حسبي الله فيكم مش متربيين??قتلتوه خووووي قتلتوه كله من تربايت امكم الفاسده ياريتها جابت ولد يربيكم يافروخ الحرااااام
جوري:تشوف لي ميس بصدمه
ميس:عممممة العازه والقهمره جايه تحكي عكي م….
حسام:خش …سكري فمك ومعش تردي علي عمتك
نعيمه:ووووه عليا ياخوي وووه??العزي نبيه في حوشي في حووووشي الكلاب هاذم ميستاهلوش حتى حد يعزيهم فيه !!
ميس:عع ع عزي ؟عزي منو ع شن تحكو ?
حوري:تشوف في رجالا خاشيين وجايبين عدة الخيمه
حسام:بوكم عطاكم عمره اختكم وقاة ربايت امكم فيكم قتلاته
ميس:نهارت …لااااااا???????بوووي ????ووووووووين بوووووي لا كذذذب يلي تقولو فيه??????
جوري:استندت ع الحيط بصدمه مش مصدقه يلي سمعاته !!!

بنووتةالشيخ:اول مره في تاريخ رواياتي رح ندخل ونتكلم انا بدل الابطال!لان روايتي هاذي رح تكون اقوى وحده وبنوصل هلبااا قصص وعار صايره لازم الكل يعرفوها ..
كان الوضح اسوء شي ممكن يصير لي عيله كامله ?
بوهم توفى وامهم جتها جلطه بس كانت خفيفه !!
في لحضات الحوش تعبى بي الاقارب والناس يلي تعرفهم جايين يعزو بس كل كلامهم ع الفضيحه يلي صارت وزي عادة المجتمع يلي عايشين فيه محدش منهم قال كلمة خير ابدا وكاهم مصدقين راجل ملاك لا والمصيبه الامير صاخفين عليه (يناري الراجل نفضح بين ناسه واطة راسه مسكين قالو فرحان بيها الايام يلي فاتو واخذلها حديدة دهب وغير شن تبي مدللها )

ميس:نارها مابردتش من موتة بوها وفضيحة اختها وزادها خطيبها يلي فسخ منها من اول يوم في موتت بوها?…متخيلين كمية المصايب يلي جتهم في مره وحده !!

ملاك:وصلتها ورقة طلاقها وكانت حالتها مش طبيعيه عياااااط 24ساعه مش عارفه علي شنو تبكي !
علي موتت بوها يلي كانت السبب فيها ولا ع خيانة راجلها حب حياتها ولا علي رفيقة عمرها يلي طعنتها في ضهرها ؟!?حاولت ملاك تنتحر اكتر من مره بس مكانتش موفقه في الشي هاذا !

ياريت لو وقفت علي هكي بس لااا!!!…بعد ثالث يوم العزي عمامهم اعلنو لي الناس انهم تبرو من صغار خوهم وبدو يقولو ان امهم هيا يلي علمتهم الشي هاذا ?معش حد جاااهم ابدا حتى الجيران ابتعدو عليهم كأنهم بدو مرض معدي واي حد يجيهم او يختلط بيهم الناس تحكي عليه !!
اللعنه ع الحياة لما متلقيش اقاربك سندد?
لما الناس والدنيا كلها تجي ضدك لما تكوني مكسوره ومفيش حد يلمك اكتر مايزدو يكسروك ويهينوك اللعنه علي بشر ديمه مع الواقف علي بشر يفرحو لما يلقو حيط قصير لما يلقو ولايا معندهمش السند ويبدو يحكو عليهم في كل مجلس عشان يتسلو وخلاص يتسلو بي تشويه السمعه اكتر واكتر !?

_________________

بس الصدمات عند ملاك موقفتش هنايا لا مزال.
بعد الموته بي نص شهر فقط كانت ميس وجوري برا الحوش مع امهم ماشيين للمراجه وملاك بروحها في الحوش

ملاك:وقفت بي رجلين ضعاف ?تتمشى ع الحيط لين وصلت الصاله فكرة الانتحار قاعده تلود في راسها ..كانت تتفحص في الحوش بي عيونها تخطط لي طريقه تنهي بيها حياتها بس قاطع تفكيرها صوت الباب يخبط ..قربت بي خطوات مهزوز فتحت الباب ونصدمت !!
عمها الصغير (سفيان):شن جاي يبي بعد ماتبرو منهم وتخلو عليهم
ملاك:قعدت ساكته تشوفله بي عيون حمر من البكي وتاعبه گ العاده
سفيان:خش وسكر الباب وقرب عليها …يتبع

رواية شياطين بقلم اروي الطاهر المسلاتي (كاملة)

الفصل الثالث

الحلقه فيها ???شويه??‍♀️جميع الحقوق محفوضه لي قروب روايات بنووتة الشيخ (الاصلي فيه253الف عضو)

عمها الصغير (سفيان):شن جاي يبي بعد ماتبرو منهم وتخلو عليهم
ملاك:قعدت ساكته تشوفله بي عيون حمر من البكي وتاعبه گ العاده
سفيان:خش وسكر الباب وقرب عليها
ملاك:عمي لو جاي تبي حد راهو الحوش فاضي و….
سفيان:زاد قرب وملاك تباعد لين ردها الحيط كان كل تفكيرها ان عمها جي عشان يقتلها او حتى ينتقم منها ع يلي صار وكيف كانت السبب في موتت بوها
سفيان:انتي عارفه انك بذيتي منبوده في الشارع كله انتي وخواتك وحتى امك الخامره
ملاك:بعيون حمرر…متقولش ع امي هكي ?
سفيان:ومن وين رح تاكلو بعدين وكيف بتعيشو ومفيش حد معاكم الدنيا كلها مقاطعتكم
ملاك:مسحت عيونها…انت شن جاي بتقول عمي من الاخر
سفيان:يمرر في صبعه ع كتف ملاك…يعني لو درتيلي يلي نبيه وقتها نحاول ..نحااااول!!نساعدكم بدون محد يعرف
ملاك:بي استغراب وبرائه..ليش انت شن تبي؟!
سفيان:قعد يتلمس في جسمها…شوية حجات هكي ع الخفيف
ملاك:كأن حد سكب عليها اميه سخونه?بعداته وهيا ترعش حتى الكلام هرب منها مش مستوعبه عمها هكي يفكر !!
سفيان:بي غضب…تو يابنت الحرام كلهم تعطي فيهم جت غير علياااا …وخنقها من رقبتها
ملاك:دموعها ينزلو بدون صوت ?ومعش قدرت حتى تحرك روحها من كثر الخنق
سفيان:قعد خانقها بيد واليد الثانيه دخلها تحت ملابس ملاك ….وسرحت يده في جسمها
تلمس بقرف كل شبر فيها وهيا تحاول تعيط بس صوتها مش طالع من الخنق?
زاد سفيان تمادى وقطعلها البدي يلي كانت لابساته
ملاك:عيطك وحاولت تهرب بس الكف والضرب يلي حصلاته كانو اقوى منها بي 100مره ?
طاحت ملاك ع الارض وعمها الواطي استغل ضعفها وجي فوقها ..حاولت لاخر نفس فيها وقاومت بس مفيش فايده كان عمها زي الوحش الجعان?
اخر شي دراته قبل ما ينحي سروالهاغمضت عيونها وقلبها يدعي لي ربي يخلصها بدون صوت
سفيان:بعد من عليها شويه واللحضه يلي مسك فيها سروالها طق الباب

طق طق طق
سفيان:تباعد علي ملاك مخلوع
طق طق طق
ملاك:هربت لي دارها رغم كانت تمشي خطوتين واطيح بس اخيرا وصلت دارها وسكرت عليها الباب

____________

سفيان :فتح الباب
ميس:عمي؟…ملاك?ملاك وين شنو درت فيها
سفيان:شن بندير فيها يعني خامرات زي بعض …وطلع وسيبهم
نجمه:تتكلم بصعوبه بسبب الجلطه …مم مم ملاك شش شش شوفي شوفي اختك
ميس:خليك مع امك لين نجيك
جوري:هزت راسها ودخلت امها يلي كانت مستنده عليها

ميس:فتحت باب الدار بخوف …ملاااااك ملااااك وينك
ملاك:بصوت يرجف من الحمام …انا هنايا
ميس:وقفت ع الباب….عمي شن كان يبي منك !!!ليش جاي؟
ملاك:غمضت عيونها وهيا تحت الميه بألم…ولا شي ميس
ميس:ملاك متأكده انتي كويس؟
ملاك:اي شوي ونطلع
ميس:تمام …ورجعت لي امها

ميس:الحمد الله مفي شي ادوش شوي وتطلع
نجمه:سكرت عيونها بتعب
جوري:غطت امها وناضت لي دارها
ميس:كتبت رساله وفي داخل قلبها غصه?ميعلمش بيها الا ربي
(اخر شخص كنت نتوقع انه يرخي بيا ويصدق علي عيلتي كلام زي هاذا متخلينيش ?وراس العشره يلي بينا متخلينيش حاسه نفسي خايفه ومكسوره معنديش سند )

ميس:سكرت تالفونها وتنهدت بي حزن ?دقايق بس ووصلها مسج قلبها دق❤️يعني خطيبها مزال يبيها عشان يرد بسرعه هكي …فتحت المسج وكان مكتوب فيه
(بكرا بنجي ناخذ الذبله وباقي الحجات خليهم عندك عارف ان مليكش ذنب لاكن منقدرش ناخذك صغاري بتبدا خالتهم ملاك العاهره يلي سيرتها ع كل لسان )
ميس:انهااااارت من الرساله لاكن حاولت توضح انها عاديه قد ماتقدر عشان اختها ماتحس بي شي ?

_____________

ملاك:طلعت من الحمام سكرت دارها بي المفتاح قعمزت قدام التلفزيون وكان شعرها نازل عليها مبلول مسكت الشفره وحطتها ع الوريد وكانت نبضات قلبها تتسارع !!
كل تفكيرها انها لازم تموت وبس !…وصل بيها الحال ان عمها تحرش بيها لا خلاص تقدر تتحمل اكتر من هكي!!

ملاك:تنهدت..وحطت الشفره ع بداية الوريد كيف جايه بتضغط بقوه وتقطعه بس فجآه التلفزيون فتح علي آيه من القرآن تقول ( فَإِن كَذَّبُوكَ فَقُل رَّبُّكُمْ ذُو رَحْمَةٍ وَاسِعَةٍ وَلاَ يُرَدُّ بَأْسُهُ عَنِ الْقَوْمِ الْمُجْرِمِينَ ﴾
ملاك:قلبها هززز!!!حست بجسمها برد مره وحده?كأنها رساله من ربي بدت ترعش وتبكي وتسمع في باقي القرآن بوجه اصفررر …ايه وحده بس خلتها تفيق علي روحها وتحسسها بي كبر الجريمه يلي رح اديرها ?
لوحت الشفره وناضت من مكانها للحمام طول توضت وبدت تصلي ❤️
في السجود بكت بكت بكت كأنها اول مره تبكي في حياتها حكت لي ربي كل شي صار معاها بي شهقات تقطع القلب شكتله منهم قالتله كيف ضلموها وكسروها وخربولها سمعتها قالتله كيف قتلو بوها ومات وهوا مش راضي عليها ومصدق الكذب يلي حكوه ?

____________

ميس:مدام امي رقدت بنطلع سايريني
جوري:وين!
ميس:عندي 50دينار بنطلع ناخذ شوي حجات للعشي نوضي البسي
جوري:وملاك؟
ميس:وقفت…تو نكلمها نوضي وتي روحك
جوري:اممبه تمام…وناضت

حيدر:شن صار معاك؟!
مؤيد:مصارليش الزفت كل ما خلاص اموري تتسهل لازم تطلع عرقله في الموضوع
حيدر:تي علاش ليك قريب شهر توا كان وصلت الجبها راهو الحرب تمت?
مؤيد:في يوم ولعت وطلعت ع اساس خلاص ماشي غادي يصادفني الموقف متع البنت يلي حكيتلك عليه وبعدين امي مرضت فعدت ماشي جاي عليها
حيدر:شن قصة البنت مفهمتهاش؟
مؤيد:لالا ولا دخلي فيها ان شاء الله ربي يستر عليها وخلاص
حيدر :تلقاها وحده ق??طالعه في الليل ولما مباش يخلصها بدت تلعلع ?
مؤيد:مردش عليه وقعد يدكر في شكلها وملامحها الصغيره ..كانت بيضه وشعرها يعطي ع البني المائل للحمره ?كان جمالها حلو هلبا

جورى وميس:خشو لي السوبر ماركت وبدو يختارو في البضاعه وكانو بعض الناس يعرفوهم ويتهامسو ويحكو عليهم بس مع هاذا ميس نزلت عيونها وكانت تختار في بضاعتها عشان تشري وتطلع بسرعه
جوري:يلي كانت خايفه منه من اول ما خشت ليوبر ماركت صار وهيا انها تتلاقى مع محمد ?
محمد:وقف بحداهم وبدي يلقح في الكلام بصوت عاااالي لدرجة الناس انتبهتله….الله الله ياعمي المهدي محلك كبير ونضيف حرام يخشوله شكلات خامره وبنات حرام زي يلي قدامي
كلهم ساكتين ويشوفو لي جوري وميس بس مع هاذا ميس ماردتش وخلصت عادي وجت بتطلع
محمد:شنو بديتو تطلعو ع كيفكم عاد يلي محشمين شارعنا فرحتو توا قتلتو بوكم قعدتو لا رقيب لا حسيب
مؤيد:خلي الرقيب والحسيب لي عمرك وسيب بنات الناس كانك ذكر وولد امك تعالي لقح ع التريس مش واقف تعرض في عضلاتك ع زوز بنات وانت ندفل عليك ادوخ
جوري:تلاقت عينها في عين مؤيد ?وعرفاته
ميس:مسكت جوري وطلعو بسرعه بدون ميعرفو شن صار بين مؤيد والولد !!

تسريع_في_الاحداث

فاتو شهور ….وفي الشهور هاذي الجيران يضايقو في ملاك وخواتها بطريقه مش طبيعيه .
يطلعو يلقو الكناسه قدام حوشهم …صغار الجران كم مره يكسرولهم في المرش متع الرواشن
من غير الكلام الكبير يلي يحطو فيه بي اعلى صوت عندهم !
ومعش حد جاهم نهائي ولا خش حد لي حوشهم سواء كان مراء او راجل ! بنات نجمه ال3يلي كانو بيموتو وياخذوهم بسبب جمالهم توا خلاص معش في حد يشوفلهم

ملاك:الليل كله صلاة وبس كأنها شي كان يعطي فيها في القوه والقرآن والسبحه معش تتنحى من يدها ❤️
رغم الكسر والذل يلي صار بس داخلها بدي فيه قوة الدنيا كلهااااا!!!..الواضح ان التقرب من ربي اقوى من كل شي ?

______________

الساعه10الصبح :-

ميس:كانت لابسه عبايه كحله ❤️ووشاح بيج مع شنطه نفس اللون ميس كانت سمره نقشها رقيق وعيونها خضر ❤️ دمها وطولة لسانها وعفويتها محليتها
جوري:شني صار؟!
ميس:تمسح في فم امها…طلعت شهادة التمريض بنشوف خدمه شوفي بعد قداش سنه استحقيتها
جوري:قعدت غير انا وقفت في نص السنه
ملاك:طلعت من دارها…ورح تكمليها في احسن مدرسه
جوري&ميس???
ملاك:كانت لابسه سروال اسود وسوريه سوده قصيره مع بشت بيج مزخرف بي الزيتوني ووشاح نفس اللون
جمال ملاك كان حاااد ?عيونها كبار ويهبلو بطريقه مش طبيعيه جسمها رشيق مائل لضعف شوي يعني مش مليانه وشعرها لتحت ضهرها ❤️
ميس:وين؟
ملاك:امس سمعتك تحكي وقلت بنشوف خدمه حتى انا طلعت شهادتي وحكيت مع شركه طالبين سكرتيره
ميس:تشوف لي جوري مستغربه في قوة ملاك!!
ملاك:تلبس في ساعتها…نطلعو مع بعض ؟
ميس:ااه?اي عادي
ملاك:قعمزت جنب امها ومسكت يدها…انا بنتك وعارفه انك مصدقتيني في كل شي ❤️
وجهدي كله رح نديره باش نردو حقنا واعتبارنا في كل شي بس كوني واتقه فيا وادعيلي في داخلك !
نجمه:ابتسمت لانها مش قادره تحكي ودمعتها نزلت
ملاك:باست راس امها …هيا ميس
ميس:لبست سبيدرو بيج ناعم ❤️وطلعت مع ملاك

_______________

ركبو في افيكو وصلتهم لعند مصحه نفسيه عشان تشوف ميس خدمه غادي لانهم طالبين ممرضات وملاك نزلت معاها مرضتش تخليها بروحها

الدكتور:يشوف لي ملف ميس…اها فهمت عليك اي اي تمام انتي مناسبه
ميس:شافت لي ملاك بي فرح❤️
الدكتور:بس خدمتك رح نكون مختلفه ع باقي الممرضات شوي
ميس:كيف?؟
الدكتور:يعني الممرضات هنايا يخدمو في اكتر من حاله بس انتي رح نكلفك بي حاله وحده بس
ميس:اوكي تمام
الدكتور:خذي نفس…اسم الحاله هاني ممكن رح تنصدمي في شكله لان ميوحيش انه مريض ابدا
طبعا ديمه ع الكرسي المتحرك وميتكلمش يعني رح تكوني انتي المسؤله ع الدواء متعه وماكلته
ميس:هوا يقدر يمشي؟
الدكتور:تهرب من الاجابه …تقدري تشوفي الحاله لو معجباتكش ليك الحريه تسيبي
ميس:لالالا مصدقت حصلتها انا …من امتى نبدا؟
الدكتور:تقدري من اليوم عشان تشوفي طبيعة الشغل
ميس:تمام اوكي
ملاك:تمام معناها خلي نشوف الشركه ونخطم عليك بعدين
ميس:بي فرح …تمام ❤️

_______________

جوري:كانت واقفه تغسل في الماعين ..فجآه لمحت عمها سفيان قدام الحوش استغربت !!
هوا في العاده معش يجي من لما تبرو منهم !

ملاك:قعمزت في صالة الانتضار ماسكه شهادتي البسيطه سارحه..هل ياترى يقبلوني؟!نشوف لي الشركه وعيوني بيطلعو فيها
الرخام والديكور الصالونات …لو هاذا كله باعوه احتمال معش حد يجوع في ليبيا
ارتبكت لما البنات يحكو عليا بشويه معرفتش ليش …بسبب شكلي مثلا؟!
رغم ان يقولو الجمال نعمه بس انا ديمه شكلي مسببلي مشاكل وين مانمشي!

نشوف لي الشباب يلي كانو موجودين ولبسهمحتى البنات ..لبس فضيع نحنا نشرو فيه في الاعياد بس هاذا لو كانت المزانيه تسمح لبستي كانت اقل وحده فيهم واكتر وحده فيهم مستوره بس مع هاذا كلهم يشوفولي مفهمتش ليش؟!

قاطع كلامي مع نفسي صوت البنت وهيا تقولي تفضلي للمدير …وقفت خذيت نفس وخشيت وانا مهزوزه وحاولت نوريه اني واثقه في نفسي اكيد هرا راجل كبير قد بوي الله يرحمه وعنده كبره كبيره
بس لما خشيت انصدمت ?

_____________

ميس:قعدت ساعه واقفه مش مستوعبه شكل المريض النفسي يلي قدامها ?
الممرضه:خيرك يا انسه؟
ميس:تو هاذا مريض ولا يمرض??؟
الممرضه:هههههه
ميس:كلهم حلوين هكي يلي عندكم؟
الممرضه:ههههه عطيك السلامه لا هاني حاله خاصه
ميس:تشوف لي هاني بطريقه عبيطه …كيف؟
الممرضه:تفتح في الستارات….هوا كان طبيعي وكان يتمرن وبطل ملاكمه
ميس:تشوف لي عضلاته…اي واضح
الممرضه:صارت معاه صدمه منعرفش شن هيا طيرت عقله بكل
ميس:حرام الجمال يضيع
هاني:عيونه في الارض
الممرضه:يالله نخليك تعرفي عليه تبي حاجه انا برا
ميس:تمام
الممرضه:طلعت وسكرت الباب
ميس:هاي ياوسيم?انا ممرضتك الجديده ..وقعمزت قدامه…طبعا انا اول مره نخدم به وبما ان عقلك طار زي مقالت الممرضه وشكلك يفتح النفس بنحكيلك همومي كلها ع الاقل متقدرش تتكلم وانا بنتفجر قداش ما نكمت في داخلي ? قداش ليا خاطري في حد مش فاهم شي في الدنيا نحكيله حتى ميفهمش عادي مهم نفضفض
الميهم نوعدك نعاملك كويس
هاني:قام عيونه فيها
ميس:سبحان الله محلاك❤️

_______________

ملاك:صدمتي في عمره وشكله !!وكل شي تقريبا
خشيت قعمزت وزاد توتري
إلياس:خذي الملف ويتصفح
ملاك:قتلها الصمت يلي قعد قريب ربع ساعه بدون ميتكلم وحست انه ذكي هلبا يعني ليه ربع ساعه يفصص في ملفها
إلياس:اممم ملاك فرج
ملاك:بلعت ريقها…اهاا
إلياس:معدلك حلو وامورك طيبه
ملاك:شش شكرا
إلياس:سألتي ع الراتب برا في حالك قبلوك؟
ملاك:صراحه انا مسألتش بس قالت500
إلياس:سكر الملف….ندفعلك 5000
ملاك:بصدمه 5000?؟
إلياس:اي 5ألاف في الشهر الواحد بس خدمتك مش نفس يلي شفتيها برا او يلي شرحولك عليها !
ملاك:اقسمت وحلفت داخلها لو كانت الخدمه شي خامر ومستغل رح تقلب عليه الدنيا !!…شن تقصد ؟!
الياس:…يتبع

رواية شياطين بقلم اروي الطاهر المسلاتي (كاملة)

الفصل الرابع

ميس:سكرت حكة الدواء بعد ما عطت منه شويه لي هاني وقعمزت جنبه …خاطري نعرف شنو الصدمه يلي خلاتك تمرض هكي ؟!
هاني:يشوفلها بي ملامح برود
ميس:يعني انت راجل شوف عضلاتك وزياده كنت بطل ملاكمه ?معقوله تتعرض لي صدمه تخليك هكي؟
يعني نقصد انا تعرضت لي صدمه عمري ماكنت نحلم بيها وقاعده مستمره في حياتي !
ميس:تبي تعرف شنو الصدمه صح؟!?
شنو اسوء من ان يتبلو ع اختك ويصدقو الناس بوك يموت ع خاطر الشي هاذا وعمامك يتبرو منك والناس كلهم يبدو يحكو عليك وانت معندكش اخ تستند عليه ولا خوال وخطيب يفسخ وانا معنديش ذنب ..شي صعب صح؟! بس ملاك اختي قالت كل شي رح يتصلح لما نكونو قراب لي ربي ..
نجوى:ههههههه عطيهالك
ميس:نخلعت…ها ?
نجوى:من جدك تهدرزي مع هاني ؟!ميفهم في شي رح اتعبي في روحك
ميس:?اي عارفه
نجوى:انا نجوى نخدم هنايا في الاسعاف
ميس:وانا ميس ممرضة هاني الجديده تشرفت بيك
نجوى:تغيرت ملامح وجها وشافت لي هاني …اءء انتي مصارش معاك شي غريب؟
ميس:لا ليش؟
نجوى:لا شي سلامتك المهم او احتجتي شي احكيلي
ميس:تمام صحيتي
نجوى:سلمك يلا باي

______________
إلياس:اي 5ألاف في الشهر الواحد بس خدمتك مش نفس يلي شفتيها برا او يلي شرحولك عليها !
ملاك:اقسمت وحلفت داخلها لو كانت الخدمه شي خامر ومستغل رح تقلب عليه الدنيا !!…شن تقصد ؟!
الياس:وخر شويه واتكا ع الكرسي رجع شعره للخلف بطريقه اذووب ?…شوفي انا منعرفش نشرح هلبا به!
انا انسان مش متع خدمه نضامي سفر هياجه لبس طلوع بنات ماكله بنات مره تانيه
ملاك?
الياس:عشان نكون واضح معاك من الاول
ملاك:بس لحد توا مفهمتنيش شنو تبيني نشتغل؟!
الياس:نبيك تكوني مديرة الشركه هاذي ..انتي تخدمي انتي تصممي انتي اتابعي وتختاري الصفقات والمشاريع بي اختصار مديره
وانا رح نكون شكل فقط لي الشركه عشان بوي لا اكتر مضطر ندير هكي
ملاك:ااء اها
الياس:5الاف في الشهر رح يكون راتبك من غير السياره عشان المواصلات ومن غير العلاوات في كل صفقه ناجحه
ملاك:ساكته
الياس:المهم بس لاااازم تكوني موجوده معاي 24ساعه سواء في الشغل او واتس عشان لو سألوني ع شي بخصوص الشغل منقعدش زي الاهبل مش فاهم شنو نقول !من غير هكي لازم تمشي معاي مؤتمرات وندوات وبلا بلا بلا باش لو حد فاتحني في موضوع منقعدش حال فمي
ملاك:بس انا!!!
الياس:حسب علمي بوك متوفي ومعندكش خوت شباب ممكن الشي هاذا يساعدك
ملاك:قامت حاجبها!
الياس:نقصد ان يكون في حريه في طلوعك وهكي
ملاك:اهاا
الياس :موافقه ولا رح توافقي؟!
ملاك:سكتت شويه وبدت تفكر..الخدمه يلي عرضها مش زي مكانت حاطه في راسها يعني خدمه خامره ??‍♀️…خدمه شريفه تعتبر وبمبلغ محلمتش بيه في يوم بدت ملاك تخطط لو كل شهر5000تقدر تجمع ع الاقل حق شقه وتطلع من المكان يلي هما فيه وتفتكا من هلبا ناس يحاولو يأذوهم !!
الياس:شن صار؟
ملاك:تت تمام تمام موافقه
الياس:ابتسم ابتسامه عرريضه..مليح مليح توا تفضلي في صال الانتضار مالين جهزو المكتب متعك ديري عليه دوره وشوفي الملفات وتعالي بكرا
ملاك:وقفت..تمام
الياس:اءء ملاك
ملاك:تلفتت..نعم؟
الياس:كل شي يصير هنايا يموت هنايا!
ملاك:كيف ؟
الياس:قرن حواجبه…برا يعرفوني هكي مفيش داعي حد يعرف اني تافه ومتع بنات ومش فاهم حتى شن معناها صفقه مفهوم؟!
ملاك:ضحكت …تمام
الياس:ابتسم ع جنب واشرلها بي راسه وهوا يمضغ في مستكه ع الخفيف
ملاك:طلعت وهيا تحكي داخلها مش مصدقه كمية الجمال يلي عنده ونضرته يلي اذوب مشافتش الحجات هاذي الا في الافلام تقريبا ?

محمد:انتي عارفتيني توا كان نخش لحوشكم ونطلعك من شعرك ورحمة من عندي غالي مفي واحد يقدر يرحمك مني ولا يوقف في طريقي بلعكس كان عزمت فروخ الشارع معاي نتزردو بيك
جوري:بالله عليك محمد خلاص طلعني من راسك ياسر مش ناقصين مصايب ??
محمد:تي عارفك انتي وخواتك فاتحين حوشكم دعاره يافروخ الحرام وتوا جايه اديري في روحك شريفه؟!
جوري:اي شريفه ولما طلعت معاك عشان حبيتك وانت يلي لعبت في دماغي والدليل اني مخليتكش تلمسني ابدااا
محمد:?هههههه تي به به كان مخليتكش تجي تبوسيلي رجلي عريانه وربي معاد نتسمى محمد
جوري:سكرت في وجها ويديها يرعشو خايفه لان الثقه يلي يتكلم بيها محمد كانت كبيره وفي نفس الوقت كلامه صح يقدر يدير اي شي بدون ماحد يوقف في طريقه ??‍♀️

_____________

ملاك:طلعت من المكتب وكانت ريحته القويه يلي مليانه المكتب علقت في حوايجي ❤️قعدت واقفه فتره لين جهز مكتبي
مكتبي يفتح علي مكتب إلياس بدون باب ..خشيت قعمزت وبديت نتفرج ع الملفات عشان نفهم طبيعة الشغل لاني خادمه في شركات قبل قعدت منسجمه لين قاطع افكاري صوت عياط

محمود:فتح الباب …ياوووووووحش درتهااااا يافرخ الكلب ?
الياس:راقد ع الصالون ولاهي ع اللاب توب …ديما وانت بي فضايحك تعال
محمود:كنت عارف انك تخطط لي بنت السفير يامخبش لاكن البنت فووووضى
الياس:ضحك…شن فوضى!
محمود:حاجه صح يعني …وطاحت عينه ع ملاك
الياس:محمود ?
محمود:شن صاير في العصاير؟!
الياس:ملاك المديره الجديده
ملاك:ابتسمت واشرت براسها بمعنى اهلا
محمود:غباااره هاذي يلي بتمشي معاك لعشاء العمل والمؤتمرات و و و !فوضى البنت
الياس:وقف يعدل في حوايجه
محمود:هل تسمح لي بتذوق؟!
الياس:نعدمممك …حجات الخدمه لا
محمود:يشوف لي ملاك…الله يصكرها في وجهك
الياس:يبخ في البرفان…نمشو نشوفو موضوع السياره؟
محمود:معنديش عليه خلفيه
الياس:خش ع الاستوديو ???
محمود:دمك ولا كريمة اساس
الياس:????
محمود:يشوف لي ملاك…متأكد مفيهاش كيف؟
الياس:خذي تالفونه…هني عمرك وهيا اطلع
محمود:حط يديه في جيوبه
الياس:قرن حواجبه
محمود:اي زيد اكذب ع الناس ياواعر
الياس:اسكت واطلع

______________

طق طق طق
جوري:جاااايه
طق طق طق
جوري:فتحت الباب…?ااءء اهلين عمي
سفيان:اهلين بي جوري شن الجو
جوري:كويسه
سفيان:شنو مفيش تفضل لي عمك؟
جوري:ارتبكت…اها اكيد تفضل
سفيان:خش وراها ويفصل فيها بي عيونه كأنها مش بنت خوه ابداا ??‍♀️

________________

ميس:تشرب في هاني بس بحركه عفويه تبزعت عليه الميه
ميس:افففف اسفه اسفه …حطت الكوب ع جنب وقامت التيشرت نحاته ونصدمت ?
كانت عضلاته خافيهم التيشرت ❤️بس ضهره في اكتر من خبطه وهلبا خباش ..شافت لي وجه هاني بصدمه
ميس:شن يلي صار معاك؟!حاول انك تحكي بالله عليك
هاني:ساكت ويشوفلها
ميس:منو دارلك هكي ؟!وحطت يدها علي ضهره بنعومه
هاني:نفض يدها بقوه
ميس:نخلعت…به به به خلاص تمام ع راحتك
هاني:?
ميس:جابت تيشرت تاني لبستهوله وطلعت من الغرفه !!

جوري:لاكن ياعمي حرام مش …
سفيان:اششش الشي هاذا بينك وبيني وتوا ديما خواتك بيبدو طالعين
جوري:ساكته وتشوف لي عمها
سفيان:اليوم ارقدي وفكري في يلي وريتهولك وغضوا نجيك باهي ؟!
جوري:خافت ترفض يديرلها شي او حتى يضربها …بب به
سفيان:باسها ع خدها…شاطره شاطره
جوري:اول ماعمها عطاها بضهر وطلع مسحت البوسه بقرف

ميس:انتي قلتي اي شي نحتاجه نجيك صح؟
نجوى:اها احكي صار معاك شي؟!
ميس:لا بس معنديش معلومات ع المريض
نجوى:هاني!!
ميس:اي
نجوى:شافت يمين ويسار…هاني مريض بس هادي جدا مش عنيف ولا يعيط زي الباقي لالا قاعد في حاله وبس اهله يجو مره في الاسبوع ويلي يجيه خوه فقط ومرات شخص تاني مش معروف منو
ميس:متعرفيش شنو الصدمه يلي خلاته هكي ؟
نجوى:لا بس مفيش ممرضه قعدت معاه اكتر من 3ايام والسبب مش معروف ??‍♀️المهم انتي ديري بالك
ميس:غيرتله التيشرت وشفت ضهرا كله خبطات ومخبش
نجوى:تبصرررررررري????خلاك تغيريله ملابسه؟
ميس:تيشرت بس
نجوى:ميس متتخطيش حدودك معاه وردي بالك بس هاذا يلي نقولهولك !
ميس:هزت راسها
نجوى:يلا توا باي
ميس:باي ….ورجعت جنب هاني

ترن ترن ترن
ميس؛اهلا ملاك شن صار
ملاك:بصوت واطي…اقسم بالله بنعيططط غير نطلع من الشركه
ميس:تمشط في شعر هاني…احكي
ملاك:5الاف راتبي الشهري
ميس:بلا كذب تسحابي روحك بنت وزير التعليم?
ملاك:وحق ررررربي غير تو نروحو نهدرزلك
ميس:به تمام ملاك عندك فلوس
ملاك:حاليا لا ليش
ميس:قعمزت قدام هاني …امي دواء السكر تم منها ومعش عندي حتى قرش
ملاك:يصير خير
ميس:تمام هي باي
ملاك:سلام

______________

ملاك:خذت شوية ملفات عشان تروح بيهم الحوش وتبدا شغلها طلعت من المكتب وسكرت الباب اول شي شافت مجموعة بنات واقفين يهدرزو واول ما طلعت ملاك بدو يشوفولها ويحكو وكان واضح هلبااا ان يتكلمو عليها ??‍♀️

سهير:اهلا بي الموضفه الجديده
ملاك:ابتسمت..اهلين بيكم
بشرى:صراحه ربي يكون في عونك جديات
ملاك:بي استغراب ..ليش؟!
بشرى:مفيش اسوء من انك تكوني سكرتيرة مدير طبعه زباله و24عياط وتكشيخ
ملاك:اذكرت كلام الياس
الياس:قرن حواجبه…برا يعرفوني هكي مفيش داعي حد يعرف اني تافه ومتع بنات ومش فاهم حتى شن معناها صفقه مفهوم؟!
ملاك:ضحكت…الله غالب نتحملو عشان الخدمه
سهير:اي ع قولتك..وبدت تشوفلها من فوق لعند لوطه
بشرى:اءء قبل متروحي ياحلوه خليني نفهمك شي
ملاك:تفضلي؟
بشرى:يعني انتي سكرتيرة مدير وسيم والشي هاذا واضح والشركه كبيره
ملاك:به؟!
بشرى:حاولي تحسني من لبسك شويه يعني فوتي المديلات القديمه هيا
ملاك:شي يخصني حبيبتي ?…وطلعت وخلتهم
سهير:مش ناويه ع خير شكلها
بشرى:حقيره لو نعرف بسسس ليش خلا مكتبها معاها خدمت 3سنين هنايا مفيش مره قالي صباح الخير والنم هاذي من اول يوم معاه داخل
سهير:اطلع في شعرها من الوشاح….تو نديرو راي في موضوعها

ميس:خذت شنطتها ..يلا نتلاقو بكرا هاني ❤️
هاني:معبرهاش
ميس:مسكت يده…منعرفش علاش جايني احساس انك في يوم من الايام رح تحكي لاكن تقول اسراري يلي نقولك فيها حي عليك ره ?رد بالك ايواه
هاني:?
ميس:طلعت والضحكه علي وجها فرحانه بخدمتها ❤️اخيرا حصلت مكان اطلع منه في فلوس حتى لو كانو شويه

اما جوري كانت ماشيه جايه وقلبها بيطلع تراجي في خواتها عشان تحكيلهم يلي صار رغم انها كانت خايفه بس مش قادره تسكت !?
طق الباب وناضت جوري بخوف يمكن عمها رجع ?
بس ارتاحت لما سمعت صوت خواتها
جوري:فتحت الباب..جج جيتو
ملاك:حضنت جوري..اي جينا ومعانا احلا اخبار
جوري:ااء اه كويس خشو
ميس:امي راقده؟!
جوري؛لا
ملاك:خشت بسرعه عشان تبشر امها اما ميس رجعت لما سمعت الباب رجع يطق
ميس:فتحت الباب بس مكانش في حد ؟!…شافت ع الارض لقت دواء سكر جديد خذاته بي استغراب وحاطه في بالها ان ملاك جايباته !

_______________

جوري؛ميس استني قبل متخشي
ميس:خيرك انتي وجهك اصفر ؟!
جوري:فف ف في شي صار عارفه انه غلط
ميس:شنو فيه؟!احكي
جوري:اءء اء ااان
ميس:بخوف…جووري احكككي
جوري:….يتبع

ومن الحلقات الجايه وح تنقلب الدنيا ??
لو تفاعلتو انزل اضافيه

رواية شياطين بقلم اروي الطاهر المسلاتي (كاملة)

الفصل الخامس

جوري؛ميس استني قبل متخشي
ميس:خيرك انتي وجهك اصفر ؟!
جوري:فف ف في شي صار عارفه انه غلط
ميس:شنو فيه؟!احكي
جوري:اءء اء ااان
ميس:بخوف…جووري احكككي
جوري:ككان كان عمي سفيان هنايا قبل متجو
ميس:ليش خيره شن يبي؟!
جوري:اءءء اء
ميس:تكلممممي جوري
جوري:به به …فتحلي تالفونه وراني فيديوهات متع..
ميس:متع شنو!
جوري:حجات غلط ميس نتحشم نقولها ومش هكي وبس قالي نبيك اديريلي زيهم ونعطيك فلوس
ميس:عيونها طلعو من الصدمه…لا لا لا جوري متقوليش درتي شي!!
جوري:لا وحق ربي مدرت حاجه قتله حرام قالي نخليك يومين تفكري
ميس:رمت شنطتها بغل وخذت وشاحها وطلعت وقلبها ناااار
جوري:ميسسسس ميسس استنييييي ميس

_____________

ملاك:الحمد الله انتي بديتي تتحسني والكلام بدي يطلع منك بتحسن ياغاليه
نجمه:الحح الحمد الله علي ك كك كل حال يابنتي
ملاك:ابتسمت…بي اذن الله مع الراتب القوي متعي نعيشو كويس ونحصلو حوش في منطقه تانيه ونفتكو منهم
نجمه:التسمت برضاء لاكن قلبها موجوع ?
جوري:ملااااك ملااااك ?الحقي ميس مشت حوش جدي
ملاك:حوش جدي؟!ليش
جوري:?اءء ء

__________________

ميس:قربعت الباب وارل مافتحتلها بنت عمها خشت بسرعه…ويييينه ووووينه يلي مداير روحه عمنا
دانا(بنت عمها حسام الكبير):هي هي ياماما وين خاشه تعيطي هكي شن تسحابي روحك !!
ميس:انتي ياكلبة الفلوس ضمي فممممك
هنيه(مرت حسام):شني ادير هنايا بنت الحرام يلي حشمتنا وحشمت الشارع كله الله لاتربحكم لا انتم ولا امكم كلاب
ميس:ضممممي فمك انتي معش تحكي ع ماما هكي سفيااااان الحقيبيييييير وين
حسام:ممممميس????….شن الكلام يلي نسمع فيه ومش محرم عليكم العتبه هاذي انا؟!
ميس:اي عارفه بس عتبتنا حني مش محرمينها عمي عممممي سفيان يتحرش بي بنت خوه وجايب فيديوهات خامره يوري فيها ويقلها ديريلي ونعطي مقابل
حسام:شاف لي سفيان
سفيان:بنت حرام كذااابه
ميس:حسبي الله فيكم الله ياخذ فيكم الحق شيااااطين وربي شيااااااطين
وبدون تردد حسام وسفيان طاحو في ميس ضرب ضرب ضرب لين اغمى عليها واخر شي وصلت ملاك لقت ميس اختها دايخه وملوحينها قدام باب الحوش ?
ملاك:تمسح في الدم من علي وجها …مم ميس ميس ?ميس نوضي ميس
جوري:حطت يدها علي فمها بصدمه من المنضر يلي شفاته !!
ملاك:قامت اختها سندتها عليها هيا وجوري ورجعو حوشهم مكسورين بدون اي قدره والجيران يتفرجو ?

ليله كامله فاتت كلها بكي وقهر وحزن والم وكل الاحاسيس البشعه يلي ممكن شخص يحسها ?
تخيلي روحك مضلومه ويضربوك عشان دافعتي ع شرفك والمشكله معندك شي اديريه خير السكوت وبس ??‍♀️
ملاك:سهرت جنب اختها اديرلها في الكمادات علي عينها وتذكر في تفاصيل حياتها يلي صارت معاها ?
اما جوري مبطلتش بكي وحست ان كل شي صار بسببها هيا
ونجمه ياروحي عليها شن ممكن ادير ولا شن قدرتها اصلا وهيا حتى الوقوف بسيف وبصعوبه توقف ?

______________

ثاني يوم الساعه 10الصبح :-
جوري:راقده في عالم تاني
اما ملاك كانت راقده وهيا مقعمزه لانها سهرت مع ميس
ميس:ملاك ملاك
ملاك:ناضت بفزع…هاا?
ميس:وقت ع خدمتك نوضي
ملاك:شافت ميس لابسه…وين ماشيه انتي
ميس:للمصحه ولانسيتي؟
ملاك:خليك متمشيش شوفي وجهك واكيد جسمك مكسر
ميس:منبيش نغيب من اول يوم وتأخرت اصلا لازم نطلع ديري لي امي فطورها وعطيها الدواء يلي جبتيه امس
ملاك:اي دواء؟
ميس:مش جبتي دواء السكر امس؟
ملاك:تتكسل…ااااه مجبت شي انا
ميس:مهتمتش بي الموضوع …يلا انا طالعه باي
ملاك:ديري بالك
ميس:ان شاء الله

_______________

ملاك:ناضت دوشت لبست سروال جينز مع سوريه بيضه وجاكيت رسمي اسود وكندره وشنطه ورديه ❤️ومكياج خفيف تغطي بيه تعبها !

ميس:وصلت ع المشفى وكلهم يسألو فيها علي وجها وكانت تجاوب انها طاحت من الدروج ??‍♀️لين خشت لي غرفة هاني باش ارتاحت
ميس:ابتسمت…صباح الخير هاني الحلو
هاني:شبحلها وقام حاجبه
ميس:خذت الفطور حطاته قدامه …يلا افطر عشان الدوا ولو كملنا بكري نطلعك للحديقه شن رايك
هاني:يشوفلها بي استغراب
ميس:حطت يدها علي وجها…مستغرب صح !!
قلبي معبي ?نحكيلك؟
هاني:ساكت
ميس:بدت تحكيله شن صار معاها وبين الكلمه والكلمه تنزل منها دمعه وبسرعه تمسحها

___________________

ملاك:خشت مكتبها وقعدت ساعتين كاملات تدرس في نفس الملف لين شمت ريحة الياس وعرفاته وصل ❤️?
الياس:صباح الخير
ملاك:صباح النور
الياس:قعمز ع الكرسي…ها شنو الوضع عندك ؟!
ملاك:تمام ماشيه الامور
ترن ترن ترن
الياس:الو
عرفه(بوه):اهلا اهلا بي رجل الاعمال
الياس:ضحك بهزوه …اهلا بي اب الراجل ?
عرفه:شويه ونوصل لشركه
الياس:فزع لين قريب طاح من الكرسي وملاك نفلقت بضحك ….ااءء لالا قصدي اه?به كويس شنو فيه علاش ؟نقصد توا عندي اجتماع ره
عرفه:ههههه كويس نبي نشوف ولدي شن دار بعد ما استلم الشركه شهرين كاملات
الياس:زمطت ريقه بصعوبه
عرفه:اهو قريب نوصل وتو نحضر الاجتماع معاكم
الياس:قعمز بصدمه…بب به ?..وسكر الخط

__________________

ميس:مسحت عيونها…وهاذا كللل شي !…الحمد الله يلي متفهمش تصدق؟
لان كلام زي هاذا مستحيل نقول لي حد ونشكي حالي لي ولا شخص
هاني:نزل عيونه
ميس:يالله ياحلو خلي نعطيك الدواء توا …امتى بس ترجع كويس ونعرف قصتك ؟!
لو كان قصتي اقوا حي عليك بعدين معناها انا مريضه وقلبي ميت ههههههه????
هاني:قلب عيونه بي ملل …

الياس:يمسح في وجها…ضعنا ضعنا يااااسهير ياسهييير
سهير:نعم استاد؟
الياس:جهزي غرفة الاجتماعات
سهير:ليش الاجتماع لي منو؟
الياس:تي جيبي اي حد حتى فرج متع النضافه جيبيه
سهير:حاضر ..وطلعت
الياس:يساوي في شعره…شن بنقول ؟!!!شن بندير
ملاك:كنت مركزه في الصفقه متع استيراد الاحذيه لو تحب نتكلمو بي خصوصها ؟
الياس:تكلمي حتى بخصوص الشباشب المهم منقعدوش ساكتين اشبحلي ونشبحلك
ملاك:تمام ???
طلع الياس من مكتبه ورغم توتره وخوفه كلهم هايمين فيه ??منضره مش لي شخصيته التافها ابداااا

_____________

طق طق طق
ميس:تفضل؟!
مؤيد:السلام عليكم
ميس:وعليكم السلام ..منو حضرتك
مؤيد:شبحلها واذكرها…اءء انا انا صاحب هاني وجاي زياره هنايا
ميس:اهاا تفضل خوي
مؤيد:وخش وعيونه علي ميس يبي يتأكد ان نفسها يلي كانت مع جوري في المحل او لا !!!
ميس:يالله نخليكم انا
مؤيد:هز براسه
ميس:طلعت وسكرت الباب

__________________

في قاعة الاجتماعات :-

عرفه:اها ابدو كأني مش موجود بنسمع بس
يلي يخدمو في الشركه كلهم متوترين لان الشهرين يلي فاتو يجو يهدرزو ويروحو مفيش خدمه ??
الياس:لا كيف مش موجود انت الكل في الكل
عرفه:ابدو ولدي ابدو
الياس:شبح لي ملاك بي معنى انقذيني ?
ملاك:استاذ هاذا ملف اخر صفقه درسنا عليها حاليا وممكن تحتاج لي تعديل تقدر تتفرج عليه براحتك
عرفه:يقلب في الملف …امم
ملاك:استيراد احذيه بي خامه كويسه من تركيا وبما ان الكميه رح تكون حاويه تامه اكيد السعر رح ينقص ولما توصل هنايا توزعوها بسعر يلي يعجبكم لان الخامه تعتبر راقيه
الياس:مركز في ملامح بوه
عرفه:اهاا كويس كويس وامتى بتبدو فيها؟
ملاك:حاليا استاذ الياس هوا يلي خدم الملف ومزال ماكملاش يعني محطش السعر وباقي المعلومات اكيد اول مايكمل يعرضه علينا وتكمل الصفقه
عرفه:به ممتاز…وشاف لي الياس…ولا وصار منك ?
الياس:نفخ روحه…امالا شنو تسحابنا نلعبو ?
ملاك:حست داخلها بشعور حلو كان يعتبر نجاح سااحق ليها في ساعتين بس وزاد تأكدها لما شافت نضرات الدهشه والحقد علي وجوه كل الموجودين ??‍♀️

__________________

ميس:واقفه ع الروشن تتفرج ع المطر كيف تصب
مؤيد:طلع من الدار وسكر الباب
ميس:كملت الزياره؟
مؤيد:اي تمام بس!!…طلب لو ممكن
ميس:اها اكيد
مؤيد:نبيك اديري بالك عليه مطلعيشي برا ولا تخلي حد يخشله غيري وغير شخص تاني رح تعرفي لما يجي
ميس:كنت مخططه نطلعه لحديقه يشم هوا
مؤيد:ردي باااااالك!!!
ميس:ليش؟!
مؤيد:مش مهم المهم ديري بالك
ميس:تمام
مؤيد:يالله سلام
ميس:سلام …ورجعت لي غرفة هاني

الياس:رجع لي مكتبه بعد ما ودع بوه
ملاك:قامت راسها….ها شن صار
الياس:خبطها ع كتفها بي بصاره…تي شن الدماغ يلي عندك انتي
ملاك:باش تعرف بس??

سهير:حقيره هاذي جايه بي خدمتها نحس فيها
بشرى:مدام دارت هكي مستحيل يفصلوها شفتي الياس كيف يشبحلها
سهير:تخيلي يطلع هوا جايبها
بشرى:كيف مفهمتش ؟!
سهير:يعني يبيها هاذا باش خلا مكتبها داخل
بشرى:مستحيل يكون الياس ذوقه هكي
سهير:بس متقدريش تنكري ان البنت طرف وهلبا
بشرى:اي بس شوفي ستايلها كيف و…

ترن ترن ترن
سهير:ايوا استاذ
الياس:اطلبو غدي ليا ولي ملاك
سهير:اء اها ???…اءء ت تبيه داخل وبرا برا؟
الياس:جيبيه المكتب
سهير:تمام بي اذن الله
الياس:سكر الخط وسهير تشوف بي صدمه لي بشرى لان الياس عمره في حياته مادارها ??‍♀️

____________

ميس:رتبت سرير هاني …انا بكرا بنجي مبيت لان يومين دوام هادي ويوم مبيت ..المهم ياحلو رح نخليلك العصير هنايا طبيعي حلو ره ?
هاني:عيونه ع التلفزيون
ميس:تنهدت وجت بتطلع لاكن عترت في كرسه هاني وجت بطيح لاكن!!!مسكها هاني بيد وحده
ميس:كانت طايحه علي هاني ومصدومه تشوف لي قوته وكيف مسكها ع الارض بيد وحده بس قامت عيونها فيه وكان قريب عليها ?للحضه وحده بس حست انه فيه شي دقات قلبها !!نفس هاني ونضراته وكأنه فاهم كل شي يصير

ميس:باعدت عليه بتوتر وتشوف لي يده تذكر كيف شدها بصدمه!!..اءء الساعه اء خلاص انا دوامي دوامي تم …يالله بكرا نتلاقو
هاني:رجع يده قدامه ورجع عيونه لتلفزيون
ميس:طلعت وسكرت الباب ويدها علي قلبها !!.

________________

ملاك:مسحت فمها ..الحمد الله
الياس:زيدي خيرك؟!
ملاك:لا الحمد الله شبعت صحيت ❤️

ترن ترن ترن
الياس:الوو ..اهاا تمام عادي
ملاك:لبست شنطتها ومدت الاوراق لي الياس
الياس:خذي الاوراق وقعد ماسك يدها
ملاك:??
الياس:تمام اي عادي !!..ماشي هي ..وسكر التالفون
ملاك:يدي؟
الياس:اااه اسف اسف مش قصدي?
ملاك:اوكي يالله هي سلام توا
الياس:اءءء
ملاك:شنو!
الياس:اء قبل ما قبل ماتطلعي دخلي شعرك
ملاك:تساوي في وشاحها
الياس:لالا..من تالي !
ملاك:وجها احمررر لما لقت شعرها كله طايح بدون متحس !!..جباته ع جنب تحت الجاكيت وطلعت ووشاحها مبهدل من التوتر ?
الياس:طاح ع كرسي المكتب …شعرها خذي عقلي ??

_______________

ميس:نزلت من الايفيكو وطول الطريق وهيا تفكر في يلي صار وكيف كان تصرف هاني لما قريب طاحت!!…قاطع تفكيره المتضر يلي شفاته قدام حوش جدها بصدمه…قربت شوي شوي لين لقت حتى جوري طالعه تتفرج كان قدام حوش عمامها سيارة اسعاف وشرطه!!

جوري؛تعااالي من بكري نراجي فيك
ميس:شن صاير ?
جوري:شفتي ؟!مبكري جو تلاته رجاله منضرهم يخوف كسرو باب حوش عمي حسام وطلعو سفيان ضربوه قريب قتلو تعرفي ال3عليه ومحدش قرب منهم الجيران يتفرجو وساكتين
ميس:???
جوري:بعدين جي عمي حسام بدي يلعلع عليهم شدوه حتى هوا مرجوه تعرفي ساعه يضربو فيهم
ميس:علاش شن دارو؟?
جوري:وين نعلم انا لاكن مسحواط ع كبدي ربي خذي حقك من تاني يوم ????
ميس:ضحكت…ههههه سبحان الله

___________

ملاك:نزلت من التاكسي تشوف لي شنطتها ..سكرتها واول ما قامت عيونها وقفت بصدمه
ملاك:انت شن جابك هنايا؟!…يتبع

رواية شياطين بقلم اروي الطاهر المسلاتي (كاملة)

الفصل السادس

ملاك:نزلت من التاكسي تشوف لي شنطتها ..سكرتها واول ما قامت عيونها وقفت بصدمه
ملاك:انت شن جابك هنايا؟!
سعيد:ملاك انا…
ملاك:بسرعه ما طاحو دموعها…حسبي الله فيك ?حسسسسبي الله فيك لين يحطو عليا التراب انت ويلي كانت صاحبتي
سعيد:بيتكلم بس قاطعاته بى صوت بكاها وعياطها عليه
ملاك:شرتوني انا وخواتي قتلتو بوي ?يلي كنت حاسبتها اخت ليا تطعني هكي ؟!!!!
زواجي انا وياك وكل ذكرياتنا يمشو مع الريح في لحضه؟! معقوله حقدكم والطمع يوصل بيكم لدرجة بتقتلوني ؟؟!
سعيد:سكت ويشوفلها
ملاك:دفاته بقوه وخشت لي حوشهم وهيا تمسح في دموعها بدون متفهم ليش جاها وحاول يحكي معاها اصلا؟!!!

_____________

ميس:يستاهلو الكلاب
نجمه:تنهدت…ياسر سلم بنتي مش لازم نحكو عليهم
ميس:ترتب في سفرة الغدي …ان شاء الله نفتكو منهم
جوري:يااااارب
ملاك:ابتسمت..سلامات
ميس:اهلين مليح وصلتي ع الغدي تعالي
ملاك:تحاول تخفي عيونها لانهم حمرر وواضح عليها كانت تبكي …تمام نبدل ونجي
نجمه:خيرها اختك؟
ميس:مش عارف بس عادي متهمتميش ممكن تاعبه بس ☺️

التمو كلهم ع الغداء وميس فكرها رااايح وتذكر في هاني ويلي صاير معاها اليوم !
ملاك:قعمرت معاهم
نجمه:شن صاير ؟
ملاك:مدام رجعتي تحكي كويس ووضعك يتحسن انا في احسن حال وربي ❤️
نجمه:ابتسمت وطبطبت علي ملاك بحنيه ?

تسريع_في_الاحداث بعد مرور 4شهور ❤️

ملاك :في الاربعه شهور هادم خذت علي وضع الشغل وتعودت اكتر علي الياس داخل المكتب كان يتعامل معاها كأنه اخته صغيره ضحك وبراده وتسهويك بس لما يطلع من المكتب الحواجب مقرونات وميعرف حد ?
بدي وضع حوشهم يتحسن وكل مره يشرو حاجه كان راتب ملاك قوي هلبااا بس في المقابل حتى هيا تتعب عشانه ❤️

ميس:ميس كان وضعها غريب هلباا .. بعدماتحكي لي هاني گ العاده شن صار معاها ومشاكلها وهمومها فجآه تنحل ❤️وترجع بي فرح تحكيله كل شي صار وكيف بي شكل مش مفهوم يلي تبيه يصير
بس مرات لما تركز في عيون هاني تحس في شي داخلها شعور بي الخوف ان هاني فاهم وعارف ??‍♀️بس لالا مستحيل هوا ليه فتره طويله هنايا ومعمراش تكلم اصلا !!

نجمه:لما شافت بناتها بدو يخدمو وكل وحده بي راتبها بدت صحتها تتحسن ..نوعا ما بدو يوقفو علي رجليهم الحوش معش ينقصه شي ويخططو انهم يطلعو من الجيها يلي ساكنين فيها ..والشي هاذا خلا نجمه ترجع تذبث في وقفتها وحركتها وحتى كلامها

جوري:بدت في مدرسه ثانوي خاصه بس كان حتى جوري يصيرو معاها في مواقف غريبه!!الولد يلي نقدها من محمد ويلي دافع عليهم في السوبر ماركت (مؤيد)في كل مكان تمشيله تقريبا تشوف
لما تجي عينها في عينه ينزل راسه كأنه مش مهتم بيها او كأن الصدفه يلي جمعتهم مثلا !!

_______________

ميس:وهكي ياشطور كملنا كورس الدواء الاول شن رايك ☺️☺️
هاني:??
ميس:تسكر في علبة الدواء…اليوم مبيت اناا قاعده ع قلبك ?معنديش هموم نحكيلك بس …
بس تو ندور اي شي نهدرزلك فيه شن رايك؟!
هاني:?
ميس:طبست بتربط خيط السبيدرو طاح وشاحها ?
هاني:تغيرت نضراته لي ميس كأنه شاف حاجه حلوا مثلا❤️?
طق طق طق
ميس:تلبس في وشاحها ….تفضلي !
نجوى:هلا ميس كيف الحال؟
ميس:اهلين نجوى…تمام الحمد الله خشي
نجوى:لا بس…في ممرضه جديده جايه تساعدك في هاني
ميس:تساعدني؟?بس انا متريحه هاني مش متعب لدرجه نبي حد يساعدني فيه
نجوى:اوامر الدكتور وجبتها عشان تتعرف عليك
ميس:شافت لي هاني ورجعت عيونها علي نجوى..اوكي وينها
نجوى:تفضلي خشي
دانا:ههههههه لالالا تبصرو معقوله مستشفى محترمه مشغلين فيها العاهره هاذي لا مستحيل ???
ميس:وقفت بصدمه ??(الممرضه الجديده دانا بنت عمها!!)
نجوى:شن تحكي انتي؟
دانا:هههههههه واك مش قادره نسكت بالله عليكم تعالو تعالو نحكيلكم
تجمعو عليها الدكاتره والممرضين يلي كانو واقفين ع الممر وبدت دانا تحكي في قصة ملاك وان ميس دارت نفس الشي هاذا باش سيبها وميس منحرجه بتموووت ?

_______________

الياس:راقد ع الصالون وملاك مقعمزه ع الارض ومتكيه ع الصالون
ملاك:الياس شوفلي الورقه هيا
الياس:عيونه في تالفونه…معنديش نيه ملاك نضمي جوك
ملاك:نزلت راسها ع الصالون جنب الياس وسكرت عيونها…افف تعبت حاسه روحي
الياس:قعد يشبحلها كيف مسكره عيونها ركز في تفاصيلها رموشها فمها كل شي فيها ??
ملاك:فتحت عيونها …خيرك؟
الياس:ها?شي
ملاك:نزلت راسها ويدها ع رقبتها..احح رقبتي شكلي بنروح تعلت هلبا اليوم
الياس:خبطها ع رقبتها ببصاره ..هني روحك مفيش مرواح لين تكملي
ملاك:وقفت …ع فكره الايام هاذي بديت مدير خرا
الياس:بس قنين صح ?
ملاك:ضحكت وخشت مكتبها بس كان قلبها يحس بي هلبا حجات غريبه ??‍♀️

ميس:عيونها دموع…خلاص رتحتي هكي؟!
دانا:ربعت يديها وابتسمت بخبث…اي ارتحت خلي يعرفو حقيقتك انتي وخواتك الخامرات وكيف ربتكم امكم
ميس:ضربتها كف
دانا:يدها علي خدها بصدمه…كيف تتجرئي ياعااااهره ياااا
الدكتور :ياااااسر انتي وياااااها ??هاذا مكان محترم مش قاعده تناقشو فيها مشاكلكم العائليه وتسمعو المصحه كلام وسخ
دانا:تعدل في روحها وتشوف لي ميس بكره…واضح يعني شن بيطلع منها شكال زي هاذي
ميس:دموعها بينزلو …انا رح نكمل دوامي اليوم وبكرا رح نسيب …طلعت بسرعه للحمام وكلهم يحكو عليها وع الكلام يلي سمعوه من دانا ??‍♀️
الدكتور:خلاص هيا كل واحد لي خدمته
تفرقو كلهم لي شغلهم وخشت دانا لي هاني تشوفله وتشوف للادويه متعه
اما هاني ولا كأنه شي صاير جنبه عيونه علي الروشن وبس كأنه في عالم تاااني

_____________

الياس:نورتيني ياحبي انتي
ملاك:تسمع في الصوت نصدمت..معقوله الياس جايب بنت للمكتب?
الياس:ملاااك ملااك
ملاك:طلعت بتوتر…ايوا
الياس:تعالي سلملي علي امي
ملاك:??اهلا اهلا
سليمه:اهلين بيك ياغزاله كيف الحال
ملاك:بخير الحمد الله كيفك انتي
سليمه:نشكر ربي
ملاك:اءء اء نخليكم امالا
الياس:اشرلها براسه
ملاك:طلعت

سليمه:شنو ياصياع البنت شن داير فيها
الياس:اياااه علينا يما لازم اطلعيني حقير معاهم كلهم
سليمه:نعرفك متع نساوين طالع لي بوك يامعفن
الياس:ع فكره تضلمي فينا الزوز وربي..المهم شن جابك هنايا قولي الحق !
سليمه:اااخ ….وبدت تحكي

________________

ميس:غسلت وجها وتشوف لي روحها في المرايا …انا قويه اناقويه انا قويه ??لازم نطلع ونواجه كل يلي برااا انا عارفه ومتأكده من برائة اختي وان حني مادرنا شي ??…ربي رح ينصرنا حتى بعد الف سنه لازم نطلع ونسكر وداني ع كل شي يصير برااا …خذت نفس عمممميق وطلعت

ملاك:واقفه ع الريسبشن لان كلهم مشو يتغدو
هيثم:شن الجو ياحلو
ملاك:قلبت عيونها بملل..تفضل بي شنو نقدر نساعدك خوي؟!
هيثم:بلاها خوي هاذي!
ملاك:تفضل استاذ هيثم
هيثم:في حد قبلي قالك انك تهبلي ؟!
ملاك:جت بتطلع لاكن نصدمت لما شافت وراه

____________

ميس:رجعت غرفة هاني وارتاحت لما ملقتش حد معاه …سكرت الباب وجت قدامه
ميس:تشوف لي هاني…تعود عليك تصدق؟رغم انك مفيش مره حكيت فيها ?..افف لي منو بنشكي همومي توا بس!!…مسكت يده
دير بالك ع روحك هاني ❤️حاول تتعافى وربي مافيه اسوء من يلي قاعده نمر بيه انا بس قاعده نقاوم
نقاوم عشان اختي يلي هالكه روحها في الخدمه وعشان ماما والف حاجه تانيه ?انا رح نكمل دوام المبيت اليوم بس بكرا خلاص بنسيب ..ودير بالك زي ماقتلك باهي؟
هاني:زي العاده مردش ولا حتى عبرها بي نضره وحده

____________

ملاك:يما بالله عليك ماتحشمينيش تربحي
نجمه:قلت بنخشله انااا المدير مش قصه عاااد كل يوم مخليك عنده للعشيه خدمة منو هاذي
ملاك:بصوت واطي تحاول تحافض علي هدوئها…امي الله يخليك انا تو نكلمه بس انتي روحي توا ارجوك
نجمه:عارفاتك بتاكليها في روحك وصحتك نحي باعدي من قدام وجهي
ملاك:امممي لااا
نجمه:السلام عليكم
الياس:?
ملاك:??‍♀️??‍♀️??‍♀️??‍♀️
سليمه:بصدمة فرح نجمممممه ????
نجمه:لالالا يلي نشوف فيه مش حقيقي ??
وبدو يحضنو في بعض ويبوسو ويحكو لي بعض الزوز كيف حالك سلمك سلمك شن حالك سلمك سلمك ??
وملاك والياس مصدومين الزوز !!

سليمه:عطيك دي يافرخ مقتليش مخدم عندك بنت نجمه رفيقت عمري
نجمه:والله ياغاليا قلبت عليك الدنيا
سليمه:بالله مش تزوجت ولهيت في الفروخ سافرت ووقتها مفيها ها التليفونات يلي ولدي المعفن عيونه فيهم 24ساعه
ملاك:??
الياس:قاعد مصدوم ?
سليمه:تي شنو تراجي قوللهم يجيبولنا قهوا
الياس:ضرب الرقم وقاعد مصدوم
سهير:اها استاذ
الياس:اءء جيبي جج جيي
ملاك:???
الياس:اثنين قهوا جيبي
سهير:حاضر
سليمه:عليك صدفه زي العسل تي شن جابك هني
نجمه:والله نسيت حتى علاش جايا وخيتي قعدت بروحي بناتي الزوز يخدمو والثالثه في المدرسه
سليمه:من غضوا يطلعو للخدمه يجيبوك عندي يوم واليوم التاني نجيك انا
نجمه:والله واستاحشتك ياسليمتي ?
سليمه:حضنتها…. اكتر منك والله ?
الياس:شاف لي ملاك
ملاك:هزت كتافها وتضحك

الساعه 11في الليل:-

ملاك:في دارها تحاول تركز في شغلها بس كل ماتذكر الموقف يلي صار تموت بضحك القصه ان نجمه بعد ماروحت قعدت ساعات تهدرز بي الارضي مع ام الياس والياس قاعد مصدوم لاعند الليل ???

جوري:تشوف من الروشن وجت عينها في عين مؤيد يلي مقعمز في السياره …شن القصه ؟!شن يلي قاعد يصير !!!

______________

في المشفى:-
كان في غرفة تمريض خاصه للمبيت وكل شويه تطلع مجموعه تطمن ع المرضى بس مكانش حد يحب يطلع في الليل كلهم يرقدو

ميس:كملت ترتيب حوايج هاني من المغسله وجت لي غرفة هاني بهدوء بس يلي شفاته صدمها ومعش خليها قادره تتحرك ??!!
هاني:كان واقف ع الروشن ويحكي بي التالفون
ميس:نصدمت لما سمعت صوته ?كان يحكي طبيعي وواقف ع رجليه جهامته وجسمه اول مره تشوفه واقف ع حيله ..بعدت بخوف وقلبها يدق ..يعني !!يعني هاني مش مريض؟!
معش قدرت تخشله لي الدار قلبها كان بيطلع ومصدوووومه ليش هوا هنايا وشنو غرضه؟؟

فاتت الليله كلها صدمه وخوف علي ميس ..عمرها مكانت تتخيل يلي شفاته عقلها كان يقكر ان هاني جديات مش مريض يعني كان يفهم في كل حرف تقوله خبطت علي وجها لما اذكرت انها حاكيتله كل اسرارها ومعاناتها موقف حقيييرررر نحطت فيه ?

_______________

ثاني يوم :-

ملاك:تصب في الشاهي وقامت حاجبها لما شافت جوري ….شن يلي في وجهك ؟
جوري:شنو شي؟!
ملاك:جوري من امتى تحطي في الحجات عيا ع وجهك وزياده ماشيه المدرسه
جوري:والله عادي كل البنات يمكيجو وقفت عليا يعني
ملاك:خشي امسحي
جوري:افففففف يكفي اني نلبس اقل وحده فيهم متبينيش حتى نمكيج يعني !!
ملاك:ليش اقل وحده كل شي جديد خذيتهولك ?
جوري:بس مش ماركه زي يلي يقرو معاااي
ملاك:تنهدت بي قلة صبر …خشي امسحححححى الباص قريب يجي
جوري:رجعت دارها وهيا متنرفزه

_______________

ميس:لالا منبيش نخشله هاني انا …انت انت خلي الممرضى الجديد تخش تهتم بيه
الدكتور:يا انسه دوامك يتم الساعه 10وتوا الساعه 8قاعده ودانا فصلوها امس
ميس؛فصلوها ؟?ليش!!
الدكتور:اوامر من فوق
ميس:خذت نفس عميق..تمام تمام
الدكتور:شيبها ومشي وهيا تفكر كيف بتخش عليه؟!!!شن بدير كيف بتشوف لي عيونه ??‍♀️

ميس:فتحت الباب وخشت وعينها ع الفطور…صباح الخير هاني
هاني:ولا كلام ولا حركه
ميس:كملت شغلها زي كل يوم بدون ماتشوف لي عيونه وهاني لاحض الشي هاذا

______________

الياس:بخ البرفان متعه ويعدل في شعره …ملاك هيا عطلنا
ملاك:طلعت من مكتبها…اها جاهزه
الياس:قرب عليها وبتسم…جميله اليوم
ملاك:ضحكت …بلا حركاتك البايخه هيا عطلنا
الياس:قرب يده عليها وملاك نجمدت في مكانها مش عارفه يده لوين بتوصل؟
الياس:دخل قصتها …طالع بلغلط كأنه
ملاك:بلعت ريقها..ها؟!…اي اي
الياس:هيا تفضلي قدامي
ملاك:طلعت قدامها وقلبها يدق بقوه بس داخلها تقول….فيقي ع روحك ملاااااك الناس هادم مش لينا ??‍♀️??‍♀️

(وطبعا كانو ماشيين لي اجتماع في شركه تانيه )

________________

الساعه9ونص:-

ميس:ماسكه الدواء وتمش في الممر سمعت صوت دوشه برا…شافت لي الروشن وكانو سيارات مضلمه وكم راحل نازل بي سلاحه مطوقين المكان ..قلبها نخصها علي هاني …لوحت الدواء ومشت لي الدار تجررررري
اول ما فتحت الباب شافت هاني مقعمز يربط في الكدار متعه
ميس:ها ها هاني ?
هاني:وقف يشوفلها وكان لابس سروال جيش مع بدي اسود يقتل ?
قبل ما حد يحكي شي لي التاني روشن الغرفه تكسر وخشو زوز شباب

مؤيد:بصوت عااالي …اطلع اطلع اطلع بسرررررررعه مفيش وقت
هاني:وقف ع الروشن حط رجله عشان يطلع بس مقدرش رجع
ميس:تشوفله بصدمه
هاني:مسكها من يدها ورفعها معاه ??…يتبع

رواية شياطين بقلم اروي الطاهر المسلاتي (كاملة)

الفصل السابع

مؤيد:بصوت عااالي …اطلع اطلع اطلع بسرررررررعه مفيش وقت
هاني:وقف ع الروشن حط رجله عشان يطلع بس مقدرش رجع
ميس:تشوفله بصدمه
هاني:مسكها من يدها ورفعها معاه ??

___________

الياس:يحاول ينتبه مع الاجتماع والكلام يلي ينقال بس كل شويه يرجع عيونه علي ملاك ويتفرج عليها كيف منتبها
الراجل:ولا شن رايك استاذ الياس؟
الياس:حاط يده علي خده ويتفرج علي ملاك
الراجل:استاذ؟!
ملاك:خبطاته ع رجله من تحت الطاوله?
الياس:?هااا؟!
ملاك:موافقين صح؟!?
الياس:اي اي اكيد ?
الراجل:تمام ع بركة الله
وبدو كلهم يلي موجودين في الاجتماع يلمو في وراقيهم عشان يطلعو
الياس:شنو يلي وافقت عليه قبل شويه؟!
ملاك:جنازتك ?
الياس:سارح في ضحكتها…شن رايك تمشي معاي؟
ملاك:بي استغراب ..وين؟
الياس:يعني امك عندنا وهكي روحي معاي بعدين نوصلكم مع بعض
ملاك:اءء تمام اي
الياس:تم
ملاك:خذت وراقيها وطلعت وعيون الياس مفارقوهاش ابدا ..تعود عليها طول ها الايام ملامحها حركاتها ضحكاتها كل شي فيها ❤️

اما ميس ..بدون ماتفهم لقت روحها في سياره مصفحه ..جنبها هاني ومن قدام مؤيد وولد تاني ..حاسه روحها في فيلم ?السياره تجي ووراها قريب 5سيارات يحاولو يلحقوهم السؤال يلي كان داخلها…انا شنو جابني هنااايا؟!
ميس:شافت لي هاني يلي كان مقعمز جنبها وسحب سلاحه جت بتتكلم بس قاطعها !
هاني:حط صبعه ع يدها ..اشششش منبيش نسمع ولا سؤال ولا حتى كلمه لين نوصلو
ميس:سكتت وكانت اول مره تحس بي الخوف هكي !!

_____________

حياة:ايااااه عااد تبصري
جوري:والله منقدر اختي مستحيل تخليني
حياة:غير زيدي شوفيها بعدين نحنا مش مبعدين كافي ع الطريق وكلنا بنات بس
جوري:نحاول
حياة:البسي حجات باهيه مدابيك وجيبي معاك فلوس راهو الكافي راقي اقل شي 50دينار الحاجه
جوري:ااءء اها ?..اوكي عادي اصلا ديمه نكشو لي اماكن زي هادي انا وخواتي
حياة:ضحكة ع جنب بهزوا…هه اوكي تو نشوفو ..ومشت
جوري:في داخلها…اففف انك تصاحبي ناس اغنياء صععببب تو من وين بنجيب الفلوس اناااا??‍♀️??‍♀️

ملاك:نزلت من السياره وفمها مفتووح في الحوش يلي قدامها !!…شي خيال مش طبيعي كبره وجماله
الياس:ها ؟شنو بتخشي ولا بتقعدي واقفه برا ?
ملاك:اءء اي اكيد
الياس:تفضلي
ملاك:خشت هيا والياس مع بعض
سليمه:جيت وليدي ؟
الياس:حط المفتاح…اي
سليمه:تمشي وتجي بلاتمره برا غير حوايجك درنا غدي قنين انا وعمتك نجمه
الياس:??‍♀️??‍♀️
ملاك:?
سليمه:اهلا اهلا شرفتينا
ملاك:تسلمي ربي يخليك…هي شنو ماما؟
نجمه:تقرض في السلاطه
سليمه:لالالا غداكم عندنا اليوم عاد كيف تروحو ميصيرش؟!
ملاك:شافت لي امها بي ارتباك
الياس:قام حاجبه…اي اقعدو تغدو فكره حلوه
ملاك:تمام ☺️

______________

ميس:وصلنا لي مكان غريب كأنها استراحه كبيره بس مرتبه وديكورها فخم درست السياره يلي كنت فيها وسياره تانيه نزلو وكلهم وكان عددهم قريب 5شباب وانا قريب نحط مصاريني من الخوف بدات لما نزل هاني وقعدت بروحي في السياره

مؤيد:تي كيف تجيبها هاني فهمني علاش جبتها
هاني:مسح وجها بي يديه…منعرفش مم م مقدرتش نخليها غادى!
مؤيد:بقلة صبر…تي الخطر كان عليك مش عليهااااا!
هاني:بصوت واطي خارج من بين سنونه يلي كانو رح يطربقو…افهمممم!…مقدرتش نطلع ونخليها لاني عارف مش رح نشوفها مره تانيه
مؤيد:وقف بصدمه…علاش انت شنو بدير بيها!?
هاني:بيتكمل بس قاطعهم صوت باب السياره تسكر ونزلت ميس
ميس:تشوف لي الشباب الموجودين بي ارتباك ومكانتش عارفه روحه شنو بدير وليش هيا هني اصلا!
هاني:رجع عيونه لي مؤيد….بندوي معاها فضيلنا المكان
مؤيد:كيف تثق فيها النممممم
هاني:اسكت ودير زي ماقتلك
مؤيد:تنفس بغضب وطلع …
هاني:اشر لي ميس بمعنى الحقيني
ميس:قعدت واقفه شوي بعدين مشت وراه …خشو الاثنين لي مبنى صغير زي الكوخ

_____________

ملاك:قعمزت مع امها وام الياس ع سفرة الغدي ومعش سكتت من الضحك علي هدرزة ام الياس وامها لين نزل ياكبدي ??

الياس:نزل من الدروج لابس توته لونها سوداء سروال وتب طالع فيها يجنن?…شنو بديتو
سليمه:امالا بنستنوك؟ وانت بشويه عليك وليدي اطربق المراره
الياس:واااك يما خيرك عليا ها الايام
سليمه:لين تعقل وتحط عقلك في راسك
نجمه:خيره العفو ياسليمه اهو مشاء الله عليه
الياس:يرقص في حواجبه لي امه وياكل
سليمه:لين يعقل ويوافق نخطبله
ملاك:بدون ماتحس بسرعه قامت عيونها فيه!!
نجمه:اهااا كان هكي معاك حق
الياس:قام راسه لقي ملاك تشوفله بنضرات غريبه
ملاك:ابتسمت ونزلت عيونها ❤️?

——————-
ميس:ساكته تشوفله
هاني:اءء اء عارفه انك تراجي في تفسير لي كل شي لاكن!
ميس:اول مره تسمع صوته بوضوح هكي عيونها بيطلعو وصدمتها كأنها تحلم
هاني:انا قعدت في المشفى بي اسم مزور…نقصد صح اسمي هاني بس مش نفس اللقب واضطريت نعيش الدور شويه
ميس:بصوت خااافت..ليش؟
هاني:في بلادنا لو ولد عمك قتل وهرب عادي جدا يقتلوك انت ..حتى لو مدخلكش في شي ??‍♀️
ميس:يعني يعني كنت تسمع في كل شي نحكيلك فيه؟!?
هاني:يحك في رقبته بتوتر
ميس:حطت يديها ع وجها…ياحشمتي ??‍♀️
هاني:لالا لا بلعكس …اءء صراحه تعودت نسمع قصتك ومشاكلك
ميس:تشوفله ومتحشمه
هاني:بديت نستنا في الصبح عشان نسمع باقي اخبارك ..خايف يكون في حد ضرك اكتر!!
وكنت نرتاح لما تجيني فرحانه بعد منساعد…نقصد لا يعني بعد ماتنحل امورك
ميس:مر شريط حياتها قدامها…قصة الدواء ..والطريحه يلي كلوها عمامها بعد ماضربوها!!
وكل شي تحكي فيه لي هاني ينحل تاني يوم
ميس:بعيون يلمعو…انت كنت تساع فيا صح ?
هاني:اءءء شوفي يابنت الناس انا منعرفش نشرح ونبرر
ميس:علاش طلعتني معاك؟
هاني:لان اء عشان ان
ميس:ليش؟
مؤيد:شنو ياهااااني ؟
هاني:قرب علي ميس…اسمعيني انتى كل شي رح تنسيه تمام!!كانت غلطه مني اني جبتك هنايا
ميس:شن قصدك
هاني:خذي نفس و…
ميس:معش تعلم بروحها وفجآه الدنيا ضلمت قدامها

سليمه:بسلامه سلمك نتلاقو ان شاء الله
نجمه:سلمك بسلامه تو نهدرزو
سليمه:بسلامه خلاص امالا الارضي قاعد
نجمه:تمام هي بسلامه
الياس:بالك شويه زديها بسلامه ع الحساب ؟
ملاك:????
سليمه:اسكت يافرخ ووصل المرا امشي
الياس:طلع وهوا يضحك وملاك وامها وراه

جوري:رجعت من المدرسه واول شي دراته خشت غرفة ملاك ..حطت الشنطه بهدوء وفتحت الذولاب خذت فلوس بدون ماتعدهم وطلعت
ملاك:جوري؟!
جوري:نخلعت…اهاا?جيتو؟
ملاك:اي جينا!!…شنو اديري هنايا
جوري:ولا شي بس كنت نسحابه حوايجي هنايا
ملاك:تشوفلها بي استغراب
جوري:سيبتها وطلعت بسرعه

_____________

ميس:فتحت عيونها بتعب…قعمزت وهيا تتحسس في رقبتها بألم ولما بدت تذكر شن صار معاها فتحت عيونها بصدمه …جوري من جابني هنايا؟؟
جوري:تبدل في حوايجها…بي اللطف اختي شنو من جابك هنايا روحت لقيتك راقده
ميس:من جابني هاني وين ???
جوري:شنو يعني روحتي من الخدمه زي كل مره ولوحتي روحك ع السرير معسلتيش حتى اماعين الفطور
ميس:تحك في عيونها وتحاول تسترجع شن صار بس اخر شي تذكره انها كانت واقفه تحكي مع هاني …يعني يلي صار كله حلم؟؟!

ملاك:بدلت حوايجها وطلعت لصاله
نجمه:مشاء الله ولا وصار منها سليمه وبدت ام
ملاك:هههههه علاش خيرها
نجمه:زمان كانت شطانه بتهبل
جوري:ماما
نجمه:نعم
جوري:تفاهمت مع حياة اليوم نقرو في حوشها وبكرا هيا تجيني
ملاك:وشنو يلي بتقروه؟
جوري:بتوتر…رياضيات
نجمه:به بنتي بري حياة حوشها مش بعيد
جوري:خشت بفرح لي الدار طلعت احلا حاجه عندها وبدت توتي في روحها

_________________

ميس:اهلين بيك
البنت:تفضلي
ميس:معليشي كنت نبي الدكتور حمزه شوي
البنت:اوكي لحضه
ميس:تراجي بتوتر وقلبها يدق ❤️❤️
الدكتور:ايوا السلام عليكم؟
ميس:وعليكم السلام كيف الحال دكتور؟
الدكتور:تمام الحمد الله كيف نقدر نساعدك
ميس:انا الممرضه ميس
الدكتور:اهلين ميس
ميس:كنت نبي نطمن علي هاني
الدكتور:هاني؟طلع اليوم روحو بيه اهله
ميس:هااا!!
الدكتور:اي بعد ماكملتي دوامك
ميس:فهمت انها كانت تحلم سكرت الخط وتفكر ..يعني خلاص معش بنشوفه توا؟!
ويلي صار فعلا كان حلم كله؟؟

جوري:طلعت من الحوش وكان واضح عليها الخوف تمشي وتشوف وراها كل شويه لين وقفت تاكسي ومشت ….كل شي ادير فيه غصب عليها عشان ماتطلعش اقل من صاحباتها وبس !!
وصلت المافي وبسرعه ما نست خوفها خشت بثقه وقعمزت مع البنات كأنها متعوده علي الوضع
طلبو كم حاجه وبدي صوت الضحك يعلى …لحضات وخشو مجموعة شباب وجوري نصدمت!
قعمزو معاهم ع الطاوله ويلي في الكافي قعدو يشبحو واضح مش عاجبهم المنضر

ناصر:ها ..عرفنينا بلحلو ياحياة…واشر علي جوري
جوري:نزلت عيونها بخوف
حياة:هاذي جوري معانا في المدرسه
ناصر:قبل مايزيد يقول اي شي قاطعهم صوت مؤيد
مؤيد:نوضي اطلعي
جوري:بصدمه…ن نن نعم ؟
مؤيد:يحاول يحافض علي هدوئه….نوضي اطلعي معش بنعاود اكتر من هكي نوضي اطللللللعي
ناصر:تي منو انت
مؤيد:قبل ما يتكلم قاطعاته جوري…هاذا ولد عمي خلاص خلاص انا طالعه
مؤيد:قعد واقف لين طلعت جوري قدامه
جوري:واقفه في الشارع مش فاهمه شنو ادير ووين تمشي
مؤيد:فتح السياره …اركبي
جوري:شنو نركب انت خيرك وبعدين منو انت اصلا وشن دخلك فياااا
مؤيد:بتركبي ولا نفضح بيك الدنيا توااااا
جوري:خافت وركبت ع طول بس موقفتش بكي حست روحها في ورطه كبببببيره

____________________

ميس:ماشيه جايه حاسه بي شي يوجع قلبها ومش عارفه توصفه خوفها علي هاني ليش خذوه اهله؟!
او يكذبو عليها ويلي صار مش حلم؟!!…به هيا متأكده سمعت صوته وحكي معاها كيف فجآه تلقى روحها في سريرها؟!
الف سؤال للاسف مفيشي اجابه

مؤيد:انزلي لحوشكم يابنت الناس الشكلات يلي كنتي معاهم مش ليك حاولي تباعدي عليهم
جوري:متقولش لحد بالله عليك ..وتمسح في دموعها
مؤيد:انزلي انزلي
حوري:نزلت بسرعه خشت لي حوشهم وهيا ترعش من الخوف ..بس كان فيه طير شر يراقب فيها والواضح ان ناوي يفضحهم اكتر اليوم

______________

ملاك:مسرع روحتي؟
جوري:تبكي…اي مصارش من القرايه
ملاك:خيرك ?
جوري:قطوستها ماتت وجعتني???
ملاك:هههههه ياعمري ع الحساسه
ميس:ربي يهدي هاذا كله ع خاطر قطوسه؟
جوري:مسحت دموعها

طقققققققق طططططططق
نجمه:بسم الله هاذا منو يخبط هكي ?
ملاك:خليكم تو نفتح …يتبع

اليوم فيه حلقه تانيه تفاعلكم عشان الحضر

رواية شياطين بقلم اروي الطاهر المسلاتي (كاملة)

الفصل الثامن

طقققققققق طططططططق
نجمه:بسم الله هاذا منو يخبط هكي ?
ملاك:خليكم تو نفتح …يتبع
جوري:كان قلبها حاس ان يلي يخبط جاي بسببها هيا !!
ملاك:فتحت الباب وخشو عمامها وولد جرانهم كأنهم وحوش الشر في عيووونهم
حسام:دف ملاك ومسك جوري من شعرها
ميس:بعددددد من عليها خلاااااص حرام عليكم خلونا في حالنا ???
ملاك:تحاول تفك اختها من بين يديهم بس مفيش فايده للاسف
اما نجمه مرا كبيره طبيعي ترعش ومعش تقدر توقف اصلا!!

سفيان:لما حاولت جوري تتكلم ضربها كف وطلعها من شعرها بلقوه وملاك وميس صوتهم كان طالع والجيران كل حد يحكي في قصه بروحه !!
حسام:طلع سلاحه سحبه…ياسر حشمتونا هلبا والماضي معش نبيه يتكرر
ميس:تعيط بهستيريااا….للاالااااااا لااااااا
ملاك:كل يلي دراته حمت اختها بضهرها وجوري كانت تنتفض مع بعضها من الخوف ?
في اللحضات هاذي صار ضرب سلاح برااا
ونجمه تسحابهم قتلو بناتها عيطت عيطه قوووويه واغمى عليها …بس الحقيقه ان ضرب السلاح هاذا جي قدام الحوش!

في ثانيه طلعو حسام وسفيان والولد يلي كان معاهم !
ملاك:نوضي نووووضي
جوري:كانت تمشي واطيح لان رجليها يرعشو ومش حاملينها!! بس مع مساعدة خواتها قدرت انها توصل اي الدار ويسكرو عليها

ميس:ماما ماما اهدي
نجمه:دايخه وتبكي…بنتي وينها بنتي
ميس:الحمد الله جوري دخلناها نوضي صحصحي بالله عليك وراسك ?❤️??
ملاك:سكرت باب الحوش وكل الرواشن كويس …بس الجديد في الموضوع ملاك كانت قويه هلبا !!
رجعت لي غرفتها طلعت كلللل الشناطي الكبار

____________

ميس:شن اديري ?
ملاك:اطلع في الحوايج…يلي كان لازم يندار من البدايه طلعي حوايج امي بسرعه وخلي الباقي عليا
ميس:وين بنمشو؟؟
ملاك:اي مكان مهم مغش بنقعدو في الرعب هاذا بسرررعه
ميس:به به ??

محمود:يدخن..اشرحلي اكتر
الياس:بلا تسهويك؟
محمود:به بلا تسهويك ادوي
الياس:قصدي اموري تلخبطت بديت نفكر فيها ديما!تبدا تخدم وانا منملش لو قعدت حتى الف ساعه نتفرج عليا …الزح بديت معش نطيق مكان بلاها كل شويه نحكي معاها ع الواتس ونخترع في حجات هكي وخلاص
محمود:خذي رشفه من قهوته …يعني كبدت؟!
الياس:لاعاد مش لدرجه هياا!!
محمود:شبحله بنضرة شك
الياس:افففف به به كبدت اي
محمود:امتى ناوي تحكي معاها
الياس:بدت عيوني تفضح فيا وقررت نعترفلها
محمود:اوووو شيت معناها موضوعك رسمي انت!
الياس:ياكل في الفستق…اي جديات
محمود:وشن النهايه؟
الياس:مش عارف متسألنيش لين نشوفو البنت

________________
طق طق طق
جوري:لا متفتحيش لحد ????
ملاك:سكرت الشنطه وناضت …تفضل؟!
حسام:بعدي من وحهي في رجاله بيخشو
ملاك:اصلا مخلين الحوش بيلي فيه اشبعو بيه عطيني ربع ساعه بس
حسام:بعد من قدام وجهي وقولي لي اختك الصغيره الفرخ يلي كنت راكبه معاه اليوم جي بيخطبك ونعدمك متوافقيش
ملاك:راكبه معاه???؟!!
حسام:نحي من وجهي وناديهااا
ملاك:رجعت للغرفه مش مستوعبه خطبة شنو وولد شنو؟!!!

جوري:خبطت علي وجها وبدت تعيط اكتررر
ملاك:مسكت جوري من حوايجها…تكلممممممي وين مشيتو وشن درتووو ?تكلممممي جوري متزيديش تقهرينا
جوري:وحق ربي مدرت حاااجه ??غلطت اي لما خذيت منك فلوس ومشيت مع البنات للمافي بس مكنتش نعرف ان رح يجوهم ولاد بعدين
ملاك:كملي
جوري????
ملاك:تخض في اختها بقوه….تكلممممممي
ميس:بشويه ملاك خلينا نفهمو من البنت
جوري:لما لما جو الشباب ادخل واحد منعرفاش وطلعني ..روح بيا وقالي معش اتبعيهم
ملاك:مش غبيه انا من وين يعرفك وانتي كيف تركبي مع اي حد هككككككي
جوري:كنت خااااايفه ????
حسام:ملاااااك نادي اختك
ملاك:نوضي قدااامي
ميس:لا ملاك متمشيش معاها شوفي حالتك بتقلبي الدنيا
ملاك:اقسم بالله جوري لو يطلع فيه موضوع خامر في النص انا يلي رح نقتلك
ميس:خلاااااص عاد اهدي وانتي البسي شي ع راسك وقدامي
جوري:مسحت دموعها ولبست وشاح
ميس:لبست ع راسها وطلعت مع جوري
اما ملاك قعدت جنب امها ومن داخل تغللللللي ???خايفه يكون الولد ضحك ع جوري او صار شي !!

سفيان:شن جابك معاها انتي
ميس:انت بدات اسكت مش طايقه منضرك وجاي بكل قوه وصحة وجه …بعد من طريقي
وخشت هيا وجوري

حسام:قايم حاجبه …خشي خشي
ميس:مؤيد?
حسام:ومن وين تعرفيه انتي التانيه؟!
ميس:يزور في مريض عندنا في المشفى
مؤيد:يشوف لي جوري كيف عيونها حمر من البكي وخدودها مخبشات !!…انا الصراحه شفت اختك اليوم في شي مش ليها
ميس:شافت لي جوري
مؤيد:عارفه مش متع دوه فاضيه لاكن يلي اتبع فيهم مش ليها وحاولت نبعدها عليهم
حسام:وحضرتك من وين تعرفها
مؤيد:شبحله بنضره قويه…مفيش حد ميعرفش الثاني في المنطقه هاذي..وانا جاي طالب الحلال خطوبه وفاتحه مع بعض وبعدين تكمل قرايتها ع راحة راحتها
حسام:تزوج النم وريحنا من الفضايح يلي صايره كل يوم
جوري:غطت وجها بيديها متحشمه من الكلام يلي يحكي فيه عمها ??‍♀️??‍♀️
مؤيد:خلينا نقرو الفاتحه ونديرو خطبه بسيطه وبعدين ساهل …ولا مش موافقه؟!
جوري:قامت عيونه وبدون متعلم بروحه طلعت منها…موافقه موافقه
ميس:نصدمت في اختها !!!
حسام:خشي اقلبي وجهك
مؤيد:تكلم بي احترام خوي راهو براني انا
حسام:سكت
جوري:خشت بسرعه لاكن ميس قعدت واقفه
حسام:وقف كأنه يلز…نتلاقو غضوا ويصير خير
مؤيد:متقزد من اسلوب عمها!!شنو نتلاقو غضوا؟!كأنه شي عادي مش فاتحة بنت خوه المتوفي!…مسألش مؤيد لا ع حوش ولا خدمه ولا اي حاجه يبي يزوجها ويفتك بس!!?
ميس:نست عمها يلي جنبها…هاني كويس؟
مؤيد:اي روح لي اهله احتمال معش يحتاج مشفى
حسام:خبطها ع كتفها…طرطور انا واقف تسألي فيه ع الذكوره
ميس:مكانتش مهتمه لابي عمها ولا كلامه !!
كل تركيزها علي هاني ?يعني خلاص معش بتشوفه؟!يعني يلي صار كله حلم؟!!!!!
فاقت ع صوت عمها يلعلع ع طول حسه بدون ذوق وادب قدام مؤيد!
حسام:تي خشي اقلبي وجهك
ميس:طلعت من المربوعه وعقلها يفكر في هاني خيبة امل كبيره صابتها لما عرفت ان يلي صار مجرد حلم!!

_________________

جوري:طلعت من الحمام وتشوف لي ملاك يلي كانت ماشيه جايه نااار والعه فيها
ميس:وقفت وهيا قاعده سارحه
نجمه:شن صار ؟…حد يفهمني يطمني
ملاك:بنتك خطبوها ووافقت وحتى بيقرو عليها فاتحه
نجمه:شنووو؟!منو هاذا خطبها
ملاك:اسأليها الاخت هيا تعرفه
جوري:ملاك متضلمينيش عاد وربي مانعرفه
ملاك:سمعت صوت الباب تسكر …هيا نوضو والله معاد قاعده دقيقه هنايا
نجمه:وين بتمشي !
ملاك:فندق وغضوا من الصبح ندور حوش للايجار توا ارفعو حوايجكم بس
نجمه:كيف بتطلعي من حوش بوك ياملاك في ها الليل ؟!هبلتي انتي خلوني راني مش قادره نوقف
ملاك:لهاذا السبب معش نبي نقعد يا امي يكفي يلي صاااار خلاص معش قادرين نتحملو الجيها الحقيره هاذي خلينا نحولو يكفي يلي صاررر

___________________

هاني:واقف ويلعب في ملاكمه ويضرب بكلل جهده
مؤيد:واقف جنبه ساكت
هاني:شن صار معاك ..ويضرب
مؤيد:خطبت البنت وتميت الموضوع !
هاني:شبحله وهوا داااهش …مليح مليح
مؤيد:سألتني عليك!
هاني:منى؟!
مؤيد:الممرضه من غيرها؟
هاني:ليش شن تبي؟
مؤيد:بلا استعباط مؤيد واضح عليها البنت !!
هاني:يضرب في كيس الملاكمه….عندي مشاكل اهم منها لازم نحلها !
مؤيد:امتى الزح؟ولد عمك قلبو عليه الدنيا وكان ملقوشي بتموت بدله رغم ان مدخلك في شي
هاني:مسح العرق بلفوطه….تنحل تنحل !!

دانا:طلعت بسرعه…ها بابا شن صار طلعت مع ولد زي ماشفتها صح؟؟!
حسام:اي صح
هنيه:وانشاء الله ربيتوها ها الساقطه
دانا:اسكتي ياماما خليه يحكي
حسام:ورب العزه جيت بنقتلهااا…لاكن الولد يلي كانت معاه حي وخطبها
هنيه:ومتقوليش وافقتو ?…تي كيف هاذي جريمة شرف وكان تطلع حتى زانيا معاه مفروض قتلتوها هيا وياه ورفعتوها طبيب الشرعي
حسام:انا معش عندي نيه في المشاكل وطلعت درت شوشره عشان الحيران يخطو في بالهم ان مش رح نرضو بي الغلط
دانا:ككككيف يابابا??مش معقوله بدل الموت تنخطب شن هاذااا
حسام:يشرب في الشاهي …الفرخ يلي جي وااصل ومش من مصلحتنا نوقفو قدامه
دانا:مفهمتش.؟
حسام:مش ضروري تفهمي

(كأن البشر بدو يخافو من العباد اكتر من ربي ?)

________________

غرفه في الفندق فيها سرير زوجي راقده فيه نجمه وفي حضنها ع اليمين جوري اما ع اليسار كانت ميس …رقدو بتعب بعد ماجوري حكتلهم يلي صار واعترفت بغلطها وحلفت الف مره انها مدارت شي غير يلي حكاته ??‍♀️

بس ملاك مرقدتش !…طول الليل ادور ع الفيس ع حوش للايجار قببت الدنيا لين حصلت
كانت حاطله مسؤلية امها وخواتها عليهااا..واكيد رح تحاول تحسن الوضع بي اي ثمن كان

______________

ثاني يوم ??
ميس:تلبس في جاكيتها وبصوت واطي …بس لازم نمشي اناا
ملاك:تمام استني نطلعو مع بعض
ميس:اوكي
ملاك:بصوت هااادي..جوري جوري
جوري:فتحت عيونها بفزع …ها?
ملاك:نحنا طالعين نشوفو حوش اقعدو هنايا واطلبو الفطور من لوطه اديري بالك ع ماما وعطيها دواها فوق الطاوله لين نجي !
جوري:هزت براسها ورجعت لحضن امها
طلعو ملاك وميس مع بعض ركبو تاكسو ومشو ..

بنووتة الشيخ:ملاحضه صغيره ..لما تشوفي بنات خاشين طالعين يخدمو او حتى يقضو في مشاويرهم متقعديش تحكي عليهم ان امهم منحله او مش متربيات …راهو مش كلهم عندهم اخ او اب يقضيلهم شغلهم وهما مرتاحين زيك ?

الياس:كيف؟كيف؟؟؟!
سهير:اي جديات مجتش اليوم
الياس:قعد يتصل بي ملاك اكتر من مره بس مفيش رد!!

ملاك:سكرت فونها ورجعاته الشنطه …كم سعر الاجار من الاخر؟
الراجل:والله شوفي الحوش يستاهل وفيه فرش يعني اقل من الف دينار سامحيني منقدرش !
ملاك:قعدت تحسب في سعر فلوسها يلي كانت اضم فيهم من راتبها….اوكي رح نعطي عربون 3شهور
الراجل:اوكي مليح بكل
ملاك:تمام تفاهمنا امتى نستلم؟
الراجل:الحوش نضيف ومفرش حتى من بكرا تفضلي
ملاك:تمام شكراا
الراجل:العفو ❤️

_______________

ميس:كل شوي تخش لي غرفة هاني …ع امل تلقاه حتى بي الكذب ?
الغريب ان يلي يخدمو معاها كاهم مش نفس توكتها يعني حتى بتسألهم شن صار امس هما مكانوش معاها ??‍♀️…بس رغم هاذا كله سألت وكلهم قالو عركه بسيطه برا ونحلت
كانت رح تنصاب بي الجنون بسبب القصه هاذي معندهاش حتى شي يوصلها بي مؤيد عشان يطمنها عليه …والله اعلم مؤيد رح يكمل في قصة الفاتحه والخطبه او لا ?

ملاك:خشت لي الشركه تجري مستعجله وهوًووووب تنخبط في شخص ويطحو اوراقه
ملاك:نزلت بسرعه تلم فيهم….اسفه اسفه والله كنت مستعجله …قامت عيونها واندهشت
عمر:ملاك؟?
ملاك:عمر ?انت شنو ادير هنايا؟!
الياس:شرفتي والله كأن بكري هلبا صح؟
ملاك:اسفه والله كان عندي شي بسيط وكملته
عمر:انتي تخدمي هنايا?
ملاك:ارتبكت …اي قداش ليا
عمر:احلا صدفه والله شن صاير فيك قاعده متزوجه؟
ملاك:لااطلقت للاسف من مده
عمر:ملاك منبيكش اضيعي مني مره تانيه لازم نحكو ع اي شي فيس واتس اي شي عندك
الياس:ربع يديه وقام حاجبه
ملاك:اءءء انا حاليا معندي شي مركزه بشغلي اكتر حاجها
عمر:تمام تمام انا الايام هادي مشغول بس اكيد رح نرجع نتواصلو
ملاك:اها ليش لا ☺️
عمر:سلم عليها وقعد ماسك يدها فتره….فرصه سعيده
ملاك:تسلم ☺️
عمر:طلع بدون ما يودع الياس من كثر صدمته بي الدنيا يلي جمعانه بي ملاك من جديد

الياس:ها؟
ملاك:اءءء هاذا هاذا عمر
الياس:اي ؟
ملاك:زمان كان ولد جيرانه في العمارات وصديق الطفوله يعني ?
الياس:خدمتك تراجي فيك ?…وطلع
ملاك:اوفففف

(الشيط يلي خباته علي الياس ان عمر يموت فيها وتقدملها اكتر من 5مران بس بوها رفض لان صغير يعني وقتها كان نفس العمر هوا وياها )

________________

ميس:ماشيه في المرر مع الطاوله المتحركه يلي فيها كم دواء ..رجعتها لي غرفة الصفحه وشهقة بفزع لما شافت هاني سكر عليها الباب .
ميس:??????
هاني:اششششش اشش اششش خليك ساكته
ميس:هاني!!…منحلمش صح؟!
هاني:اي متحلميش
ميس:مساته علي خده…منحلمش انت تكلم فيا !!
هاني:اي وجيت نطمن عليك
ميس:انت ساعدتني في كل شي ؟!يلي صار امس مش حلم هاني احكي
هاني:اي
ميس:سكتت وهيا تتفحص فيه بنضراتها وعيون تلمع…انت ليش رجعت هني؟
هاني:..يتبع

مزال حلقتين بس ????وصدمممه رح يكونو

رواية شياطين بقلم اروي الطاهر المسلاتي (كاملة)

الفصل التاسع

رح نقولها بي الفم المليان (الروايه قصيره لان القصه حقيقيه ومتعمقتش في الخيال محبيتش نخربها )وهلبا ناس رح تقول وهم خودو راحتكم

ميس:سكتت وهيا تتفحص فيه بنضراتها وعيون تلمع…انت ليش رجعت هني؟
هاني:انا كنت!!
ميس:هزت براسها يمين يسار …استنى استنى انا كيف نضت لقيت روحي راقده في سريري؟؟!
هاني:المفتاح كان معلق قدام الباب🤷🏻‍♀️ومقدرتش نخليك برا والحوش مش صعب نعرفه!
ميس:اهااا
هاني:سرح يذكر..كيف كان حاملها بين يديه وهيا مغمى عليها كيف طول الطريق يتأمل فيها !!
ميس:ابتسمت..ليش درت هكي؟!وكيف جيت هنايا
هاني:خذي نفس عمييييق…شوفي انا كانت عندي مشكله وحليتها
ميس:نذكر قلت ولد عمك او شي زي هاذا صح؟
هاني:اي
ميس:به مليح معناها عادي توا تقدر تخش وتطلع كيف ماتبي صح؟!
هاني:مش اوي يعني …. ويساوي في جاكيته
ميس:اوكي تبيني نساعدك في شي !
هاني:متوتر ومش قادر يحكي…لا لا صحيتي
ميس:امالا ليش جيت؟
هاني:قام عيونه فيها…اءء انا جيت في شويه حجات بناخذهم
ميس:نجيبهولك؟
هاني:لا خلاص خديتهم!!…هي سلام توا
ميس:تشوفله بنضرات مكسوره🥺💔
هاني:ديري بالك ع روحك
ميس:قصدك خلاص معش بنشوفك؟!
هاني:سكت وطلع بسرعه
ميس:عندها هلباااا اسإله ملحقتش تسألها لي هاني …قصة مؤيد مثلا؟! بس هاني طلع وخذي قلبها معاه 💔

_______________

ملاك:تكتب وكل ما تقيم عيونها تشوف الياس يشبحلها وقايم حاجبه !!

طق طق طق
الياس:ادخل
اسراء:فتحت الباب وخشت بهدوء …صباح الخير
الياس:وقف وسكر جاكيته…اهلا اهلا تفضلي
ملاك:تتفرج عليهم وتتفحص في اسراء
اسراء:كانت لابسه سروال جلد اسود وبلوزه بيضه لفوق الركبه …كيف الحال ان شاء الله متأخرتش عليك بس
الياس:ضحك…هههه لا بلعكس احلا من يتأخر
ملاك :😳
اسراء:ههههه كلك ذوق
ملاك:تتفرج عليهم وتحكي داخلها ….طلع مع كل البنات هكي 💔وانا يلي كنت نسحاب روحي مميزه عنده !!ويشوفلي بنضرات مرات نفهم فيها اعجاب💔خيرني انا شنو نحس لما فهمت بطريقه هاذي!!؟!
اسراء:امم شن رايك نبدو شغلنا؟
الياس:حصل لانه ميعرف شي في الخدمه!…خلي الشغل بروحه توا في كم حاجه بنهدرزو فيها والشغل تو نخدمه بروحي ونبعتهولك ياحلو
اسراء:ابتسمت …كيف ماتحب
ملاك:حطت القلم بغيظ وطلعت من مكتبها
اسراء:عرفنا؟
الياس:ملاك سكرتيرتي
اسراء:اهلين ملاك
ملاك:اهلين بيك..وجت بتطلع وقفها صوت الياس
الياس:علي وين؟
ملاك:طالعه ناخذ شوية نفس وانت خوذ راحتك مع الانسه ☺️
الياس:اي والله ياريت
ملاك:نصدمت من الكلمه بس محبتش توضح طلعت بدون ماتتكلم

ميس:بالها مشغول !..وطول وقت خدمتها سااارحه مش عارفه تتعامل مع المرضى لانها كانت واخذه علي هاني ..تفكيرها كله عنده حاسه بشي غريب خوف عليه!!
اعجاب بيه وكيف ساعدها بدون متحس وبدون حتى جميل ع الاقل سكتت شويه تفكر ..بعد يلي شفاته من راجل اختها ملاك ومن عمامها ..مزال في رجاله كويسين زي هاني ؟!

ترن ترن ترن
ملاك:واقفه ع الريسبشن…الو
حسام:وينكم انتمم؟!وين انتلفتو
ملاك:شافت لي سهير وبشرى كيف يراقبو فيها وخلت الوضع عادي …اجرنا حوش
حسام:يعيط عليها…تتصرفي من كيفك انتي يابنت الحرااااااام ياساقطه يلي مش لاقيه منو يلمك
ملاك:بهدوء …انت وخوتك تبريتو مني انا وباقي عيلتي!…خلاص هي معش ليكم عندنا شي ولا حتى حكم علينا
حسام:تو نجيبك ياملاك وياويلك مني
ملاك:بثقه…كل شي يجيبه الفلوس وانا الفلوس عندي …توقع مني حتى ندير حراس لينا ولو يصير ليا او لخواتي شي انت المسؤل ورح تتحاسب
حسام:نبرة صوته تغيرت…انا كنت بنقولك وتي اختك عشان الفاتحه
ملاك:اول مانستلمو الحوش ونجهزو روحنا نكلمك
يلا سلام…وسكرت الخط
عمر:ملاك ❤️
ملاك:اها عمر …شنو تشتغل هنايا ولا كيف؟
عمر :لا انا موضف عادي في شركه تانيه
ملاك:اهاا به كويس بتوفيق
عمر:جبتلك كريب زي ماكنتي تحبي زمان ايام العمارات تذكري 😅
ملاك:ضحكت…شكراااا تعبت روحك
عمر:يشوفلها بحب…ادللي تبي اي شي
ملاك:تسلم يارب
عمر:ملاك
ملاك:اها؟!
عمر:انا قاعده مشاعري القديمه متغيرتش ره بذات بعد شفتك توا وربي
ملاك:خذت نفس وسكتت
عمر:مقدرتش نتزوج وقعدت ندور عليك هلبا مفيش حد مسألتاش علي اسم عيلتك بس ملقيتكش
ملاك:بس عمر انا مطلقه توا
عمر:مهما كان متهمنيش القصص هاذي المهم اني لقيتك ومنبيش نضيعك من بين يديا
ملاك:سكتت وهيا تشوف لي عيونه واضح الحب الصافي عنده عمر من قبل 15السنه وهوا يموت في ملاك وتقدملها هلبا بس للاسف بوها كان معارض
عمر:شن قلتي؟مستعد نخطب من اليوم
ملاك:عمر انا بابا توفى بسبب دوه كذب طلعت عليا ولحد اليوم يحكو بيها وكل الناس قاطعتنا بسببها
عمر:دوة شنو
ملاك:بتوجع راسك
عمر:نبي نعرف
ملاك:شاف لي مكتب الياس مسكر…اوكي..وبدت تحكي

________________

سهير:مش مخليا ذكر في حاله بنت الكلب
بشرى:اي شكلها تعرفه من قبل
سهير:خدت رشفه من القهوا …شن متوقعه من شكال زيها بالله واضح معارفها هلبا
بشرى:اللهم جيرنا ياربي ويشتر علينا معقوله لبنات بدو هكي الله واعلم شن دايره لي الياس داخل
سهير:سمعت قسم المحاسبه يحكو عليها …قالو راجلها طلقها لان لقاها طالعه مع واحد
بشرى:شهقت…حححي حسيت اصلا واضح من منضرها متع رجاله
سهير:اي والله

بنووتة الشيخ:قبل متحكمي ع حد بي المنضر اعرفي ان كل كلمه رح ترلي عليك بنفس الموقف ره !!

__________________

جوري:قتلي ملاك حصلنا حوش واول ماتروح بنمشوله
نجمه:فرشت المصليه ع الارض …ااااه الدنيا شن مزالت ضامه من هم بس؟!
جوري:ساكته
نجمه:كبرت وبدت تصلي

ترن ترن ترن
جوري:ردت…الو
مؤيد:اهلين
جوري:اهلين تفضل؟
مؤيد:جوري صح؟
جوري:اي ان شاء الله منو معاي
مؤيد:معاك مؤيد خطيبك المستقبلي
جوري:هرب عليها الضي 😂…اءء اه اهاا 😨من وين جبت رقمي
مؤيد:اسهل شي الارقام توا
جورى:تباعدت علي امها…مليح انك اتصلت بياا!في شي لازم نقولهولك قبل ميصير وتقرو الفاتحه والقصص يلي تفاهمتو عليها امس
مؤيد:توقع شي كبير ..شنو😳
جوري:عارفك انك انجبرت او مغصوب ع الشي يلي درته بس تقدر تهرب نحنا طلعنا من حوشنا وحكيت كل شي لي خواتي وم….
مؤيد:قاطعها…بس انا خطبتك لاني نبيك!!
جوري:وجها احمرررر…ها 😨؟!
مؤيد:اي نبيك عجبتيني من اول يوم شفتك فيه وعارف انك بنت كويسه ومخلطه ع صاحبات مش كويسين هما يلي خلوك هكي !!
جوري:حطت يدها ع فمها 🤭بصدمه ممزوجه بي الفرح
مؤيد:اتصلت عشان نسألك ع ايميلك بنبعتلك صور الدبله ختاري لان معندكش واتس ولا فايبر ع رقمك هاذا
جوري:عيونها دمعو…انت جديات تحكي؟
مؤيد:اي جديات نتم فيك وكملي قرايتك ع الاقل لو خشيت عليكم مغيش حد يحكي وقتها تبدي حلالي
جوري:صوتها اختفى بس دموعها نزلو
مؤيد:جوري؟
جوري:انا حتى اسمك منعرفاش !
مؤيد:ههههه اسمي مؤيد 😅
جوري:مسحت دموعها …تشرفناا

ملاك:وهاذا يلي صار 🤷🏻‍♀️
عمر:ساكت مصدوم من يلي سمعه !!..تقصدي ان ان عمامك تبرو منكم
ملاك:اي
عمر:ساكت ويشوفلها
الياس:فتح باب المكتب …تفضلي
اسراء:شكرا ☺️..وبي اذن الله زي ماتفاهمنا
الياس:اها اكيد
اسراء:طلعت من الشركه والياس يشوف لي ملاك !
ملاك:رجعت عيونها لي عمر…عارفه ليش سكتت وحتى لو فكرت زيهم مش رح نلومك …بس معش يهمني انا رح نعيش حياتي وربي رح ينصرني منعرفش كيف بس متأكده لان ربي عادل ❤️وعن اذنك …ورجعت ملاك للمكتب ونضرات عمر مفارقتهاش

ملاك:شافت لي الساعه …وبدت تلم في اوراقها
لين حست بحد واقف وراها وتلفتت
الياس:رجع للخلف شوي..شنو مروحه؟!
ملاك:اي خلاص دوامي تم
الياس:بس جيتي متأخر
ملاك:عندي ضروفي وحاليا جيت ومخليا ماما وخواتي في فندق
الياس:ليش شن فيه؟
ملاك:حولنا من حوشنا ولقيت حوش اجار لازم نروح بكري عشان ننقل البضاعه
الياس:نساعدك في شي؟
ملاك:ابتسمت…لا شكرا انت خليك لاهي مع البنات يلي عندهم صفقات معاك
الياس:ضحك…بلا براده عاد
ملاك:الشغل بكرا يوصلك يلا سلام…وطلعت
الياس:قعمز ع الكرسي كان واضح علي ملاك انها مضايقه بعتلها مسج مكتوب فيه (بكرا رح يكون دوامك من الساعه 5العشيه لعند 7المغرب لان مش رح نجي الصبح )

فاصل اعلاني :بنمشي ناكل ونجيكم صوابعي من الكتيبه وووه بعدين قولو قصيره باهي؟😂😂

__________________

ملاك:روحت للفندق واتصلت بي تاكسي و نزلو حوايجهم طلعت امها شوي شوي وجوري معاهم ركبو التاكسي ومشو للحوش يلي اجراته ملاك ❤️

ترن ترن ترن
ميس:ها؟
ملاك:وين انتي
ميس:كيف طلعت وين بنكون يعني ؟
ملاك:وخيرك تدوي بدون نيه هكي 😂
ميس:اااه ولا شي ..تبي حاجه؟
ملاك:بنبعتلك النعته متع الحوش يلي اجرناه وتعالي غادي لان جيت هنايا انا وماما وجوري
ميس:شن وضع الحوش ؟
ملاك:اموره طيبه وواتي رتبنا الحوايج بس
ميس:به كويس ابعتيه هي
ملاك:تمام…وسكرت الخط

____________

مؤيد:كيف؟😨
هاني:ينزل منه عرق بسبب التمرين…زي ماقتلك!
مؤيد:علاش به
هاني:لان وضعي ميسمح لي شي يامؤيد !!
مؤيد:لاكن!!
هاني:خلاص انا نعرف
مؤيد:تمام ع راحتك …

تسريع_في _الاحداث

كان اول يوم ليهم حلو في الحوش الجديد ❤️مفرش دافي ومش ناقصه شي وتعودو عليهم من اول يوم !!

وبسبب زن حسام ع مؤيد قررو الفاتحه بعد 3ايام بس !!
وملاك محبتش تخلي اختها هكي يعني كل شي بسرعه بسرعه بدون ما تفرح حتى شويه 🤷🏻‍♀️
طلعت هيا وميس خذو احلا ضيافه لي اهل مؤيد وكلها حجات راقيه جديات ملاك مبخلتش ع اختها في شي ❤️❤️❤️

جورى:لبست قفطان ابيض هادي فيه ورد بسيط❤️وخلت شعرها مفتوح مع مكياج خفيف …كانت خايفه من داخل ومتوتره لانها اول مره تشوف ام مؤيد
ونفس الشعور كان عند امها وباقي خواتها بس صدمتهم كانت حلوووه لما تعرفو علي ام مؤيد وكانت تجنن كيف طيبه ❤️❤️

___________

جوري:مقعمزه جنب ام مؤيد
عفاف(ام مؤيد):الله يبارك والله مش مصدقه اخيرا وليدي حط عقله في راسه وخذي …جاني الاسبوع يلي فات قالي يما خطبت ضحكت من وسط خاطري نسحابه يبصر
نجمه:هههههه دوم الضحكه يارب
عفاف:شهاده بالله ياغاليه حبيتك من وسط خاطري هي
نجمه:القلوب عند بعضها حتى انتي تنحبي وتخشي القلب طول ❤️
ميس:جوري مؤيد ينادي عليك
جوري:ابتسمت بخجل …وناضت من جنبهم …خشت للمربوعه وهيا متحشمه وحاطه علي راسها الوشاح
مؤيد:ابتسم…مبروك علينا
جوري:يبارك فيك ..وتشوف لوطه
مؤيد:قرب يده ونزل وشاحها…خلاص عاد مرتي 😅
جوري:ضحكت متحشمه…ااه اي
مؤيد:تميت مع عمامك اليوم …ولازم اديري بالك ع روحك وتباعدي ع النماذج يلي يقرو معاك
جوري:هزت براسها
مؤيد:وكل يوم رح نجي نرفعك للقرايا ونروح بيك واي شي ينقصك انا المسؤل عليك
جوري:ابتسمت…ان شاء الله
مؤيد:باس يدها…توا بري نادي ع امي وقت ..ونكملو هدرزتنا ع الفون تمام؟
جوري:خدودها حمررر…حح حاضر..وناضت بسرعه
ميس:وين؟
جوري:بنادي ع امه بيروحو
ميس:خشت لي مؤيد….كيف حالك مؤيد ان شاء الله تمام
مؤيد:اها ميس الحمد الله كيف حالك انتي؟
ميس؛كويسه…بنسألك قبل ماتروح
مؤيد:اها؟
ميس:هاني؟…وين توا
مؤيد:اءء هاني؟!…في حوشهم وين بيكون😅
ميس:تشوف فيه؟
مؤيد:اي امس شفته طالع هوا ومرته
ميس:مرته😨😨😨😨😨😨
مؤيد:اي
ميس:متزوج هوا؟!
مؤيد:اي وعنده ولد
ميس:بلعت ريقها وغصصصه في قلبها…اهاا اءء ار ر ربي يهنيه ويهنيك
مؤيد:ابتسم…الفال ليك يارب
ميس:ابتسمت بوجع…تسلم

فاتت عليهم ليله كلها فرح ❤️
يعني قداش ليهم مفرحوش هما 💕وبدات نجمه في البدايه كانت خايفه بس لما تعرفت علي ام مؤيد وشافت بنتها كيف فرحانه تريحت ودعت ربي يكمل عليها بي الخير

اما ميس:فرحانه لي اختها بس موجوعه من داخل للاسف اي هيا حبت هاني بدون حتى مايحكي معاها هلبا بدون هدايا بدون كلام رومنسي حبااااته 💔بس صدمتها لما عرفت انه متزوج دمرتها !!

ملاك:معش شافت عمر ..وعرفت انه خلاص تباعد عليها عشان يلي سمعه بس الياس يوم علي يوم يتقرب منها اكتر ❤️

_____________

ثاني يوم 🌤🌤

ملاك:الو
ميس:اها وين
ملاك:شوي وطالعه كملت …وراس ميسو جيبي معاك غدي من برا اكيد جوري البايره بنروح نلقاها راقده وماما عند ام الياس اليوم
ميس:به تمام انت بنخطم ع حوشنا الاول
ملاك:ليش؟شن عندك
ميس:في كم حاجه بناخذها
ملاك:تمام هي شويه ونوصل انا
ميس:تمام
ملاك:سكرت الخط وحت بتطلع بس قلبها فز من مكانه لما خش عليها الياس ❤️

الياس:استني نبيك
ملاك:اها
الياس:عارف لو عزمتك برا مستحيل تجي وتوافقي
ملاك:ضحكت…تسحابنا في تركيا؟😂
الياس:عارفك بارده ..قعمزي نبيك
ملاك:قعمزت
الياس:اول شي شكرا لانك وقفتي الشركه ع رجليها ورجعتيها احسن من الاول 🙏🏻
ملاك:اها؟
الياس:شوفي …انا يعني
ملاك:🙄
الياس:تنهد…تبي الصراحه معجب بيك وحبيتك ملاك
ملاك:كأنه حد بزع عليها اميه سخونه …😳😳
الياس:خذي مفاتيحه…انا طالع تمام؟انتي خودي وقتك وافقتي نكون اسعد واخد في الدنيا ..رفضتي رح تقعدي ملاك البارده يلي اذكى مني ..وخبطها ببصاره ع كتفها
ملاك:ضحكت وهيا قاعده مصدومه
الياس:يلا سلام…وطلع
ملاك:خذت حجاتها وطلعت وهيا تضحك وفرحااااانه بشكل مش طبيعي !!…كأنه كل شي تتمنى فيه قاعد يصير معاها 😍😍😍..وقفت تاكسي وركبت وهيا تضحك بروحه زي المجنونه

___________

ميس:شاف لي حوش عمها وداخلها تقول…حسبي الله لين نموت مستحيل نسامحكم !!!💔
فتحت شنطتها ادور في مفتاح الحوش لين لقاته ولما رفعت عيونها طاحت من الصدمه

ملاك:فتحت فونها وهيا تشوف في مسج …
الياس:حبيت لون خدودك لما اعترفتلك ❤️
ملاك:سكرت فونها وهيا مبتسمه …فجآه حست بروحها تلود في مكان واحد وصوت مرش مكسرر !!!
راسها انضرب في الارض وصوت ناس جنبها تقول …طلعوووهم طلعوووهم معاه بنت …وبعدين معش تعلم بشي…يتبع

تابعو الحلقه الاخيره عشان تشوفو عدالة ربي كيف لانها نهايه قويه بجددد وامل كبيررر مع صدمه اكبر ❤️🔥

رواية شياطين بقلم اروي الطاهر المسلاتي (كاملة)

الفصل العاشر والاخير

ميس:تشوف لحوشهم القديم مش مصدقه 💔..كل شي محروووق
درجة الحقد وصلت بيهم ان يحرقو حوشهم 💔ناضت ع الارض وبخطوات مهزوزه 💔تتمشى بين الرماد والاثاث المحروق ..كل الذكريات في الحوش يلي تربو فيه نحرقت 💔…مش سادهم العمام والجيران انهم حرقو قلوبهم؟زادو حرقو الحوش …علاش!!شن ذنبهم؟انهم بنات ومعندهمش سند مثلا؟الشي هاذا يخلي الكل يستقوى عليهم ويحاول يستغلهم!!!….خذت شنطتها وطلعت شافت كم ولد من الجيران وعمها سفيان يشوفولها ويبتسمو بي شماته !!

في داخلها تحسبت عليهم من وسط قلبها ومشت !
ملاك:فتحت عيونها وهيا ناسيه شن صار معاها ..ليش انا هنايا ؟حاسه بوجع كبير في جسمي كله!!
ميس:عيونها حممممر من البكي..الحمد الله ع السلامه
ملاك:وين انا!!
نجمه:تبكي ..الحمد الله طلعتي بخير من الحادث يابنتي الحمد الله
ملاك:حطت يدها ع راسها بتعب…ااه الحادث اي صح درت حادث اليوم
ميس:بلعت ريقها…اولامس درتيه ياقلبي بس قعدتي تحت تأثير المخدر
ملاك:اووووف اولامس؟!!…بس الحمد الله حاسه روحي كويسه
جوري:طلعت من العرفه كأنها متبيش تبكي قدامها
ميس:نزلت عيونها …اي الحمد الله ❤️
طق طق طق
ميس:تفضل
سليمه:السلام عليكم
نجمه:وقفت تسلم عليها …وعليكم السلام
سليمه:الحمد الله ع السلامه ان شاء الله هاذا حد السو يارب
نجمه:الله يسلمك ياغاليه
سليمه:خش ولدي مفيش حد غريب
الياس:السلام عليكم
كلهم:وعليكم السلام
الياس:كيف الحال ملاك؟
ملاك:اذكرت كل الكلام الحلو يلي قالهولها❤️ابتسمت….بخير الحمد الله
الياس:جيت نتحمدلك ع السلامه وربي يحفضك ان شاء الله
ملاك:استغربت في الطريقه يلي يحكي بيها الياس!!
كان يحكي برسميه هلبااا مش كأنه نفسه يلي اعترفله بحبه قبل يوم بس!!
الياس:يالله عن اذنكم نخليك امي لما بتروحي كلميني
سليمه:ان شاء الله
الياس:طلع بدون حتى ميشوفلها !!
ملاك:قعدت تشوف للباب فترررره مش فاهمه شن صاير؟!نضرات ام الياس وميس وامها وجوري يلي معش خشت كأنه في شي!!
______________

جوري:منعرفش كيف بتتقبل الموضوع😭هيا خذت دور بابا الله يرحمه تخدم علي خاطرنا وكل شي في راسها
مؤيد:حضنها …اشششش خلاص اهدي ان شاء الله تتحسن الامور
جوري:مش فاهمه علاش يصير معانا هكي مفيش حد معانا ليش 😭💔
مؤيد:زاد حضنها اكتر…وانا وين مرتي الغاليه
جوري:مسحت دموعها واول مره كانت حاسه بي الامان❤️
ملاك:انا بننزل من السرير حاسه جسمي مخدر
ميس:بلعت ريقها…استني خليك مرتاحه توا
ملاك:راحة شنو بالله…ونحت الغطاء من عليها!!
نجمه وميس شافو لبعض
ملاك:تشوف بصدمه..قامت عيونها…ميس وين رجلي؟
ميس:عيونها دموع…مم ملاك انا من يوم عرفتك قويه م…
ملاك:قوية شنووو وين رجلي ميسسسس؟!!!!
امي وين رجلي؟ليش نحوها انا نحلم صح..سكرت عيونها
لانحلم انا ورح نفيق
ميس:تبكي…ملاك حبيبتي ما،،…
ملاك:طاحو دموعها لما فتحت عيونها..يعني انا منحلمش!!!؟!رجلي نقصت يا اممممي😭😭😭
ميس:حضنتها تحاول تهديها
ملاك:بدت تبكي بهستيرياا وتعيط …ياررررررربي لييييييش؟؟؟؟تعبت ياربي يلي قاعد يصير عليااا😭😭😭😭خلاص معش نقدر نتحمل معش نقدر نووقف😭😭😭😭😭ياربي تعبت تعبببببببت والله تعبت 💔💔💔😭
دقايق من صوت ملاك العالي وجو الممرضات بسرعه عطوها حقنة مهدء ورجعت رقدت 💔

في ممر المشفى:-
جوري وميس مقعمزين وكل وحده وجها تاعب اكتر من التانيه!
ميس:كيف بنكملو حياتنا؟
جوري:حطت يديها علي عيونها…
ميس:معش عندنا شي مفيش حاجه مخسرناهاش!..سمعتنا بين الناس توسخت…حوشنا الاول حرقوه الشخص يلي يمد فينا بي القوه نهااار توا
جوري:اتكت ع الحيط…ممكن دورنا احنى توا نعطوها القوه
ميس:من وين بنعطيها وانا مدمره؟!..حطت يدها ع قلبها…في شي داخل يووووجع محطم محروووق💔
جوري:نزلو دموعها وحضنت ميس….لا بالله عليك متخلونيش نشوفكم هكي ميس 😭💔
ميس:سكرت عيونها بتعب😔
____________

ثاني يوم🌤🌤
نجمه :مسيبتش بنتها ولا تحركت من مكانها 💕
جوري ونيس نفس الشي وكل وحده تحاول تسند التانيه !!
اما مؤيد مسيبهمش هوا وامه ومخلوهمش يحتاجو شي !
محمود:كيف؟😨
الياس:قصدي بلعقل محمود ترضاها لروحك انت؟!
محمود:وقف مش مصدق!….تي شن تقول الياس؟!مش حكيتلي انك تحبها وتبيها؟؟
الياس:اي البنت كانت عاجبتني بس ترا برجل وحده ره؟!!!
محمود:رجع شعره للخلف وعيونه بيطلعو من الصدمه!!…بتخليها هكي عادي؟
الياس:يشرب في القهوا…تقدر تقول انسحاب تكتيكي
محمود:هيا خلت لي الشركه اسم ره!!وهيا يلي رفعاتك فوق
الياس:اي بس هيا مكانتش ادير في شي ببلاش
محمود:لو عطيتها مليوووون …مش رح يعوض شعورها انك تنجح بشغلها هيااا
الياس:اياااه علينا محمود انت صاحب منو بزبط
محمود:انا صاحب الحق …واول مره نعرف انك مش راجل ياريتك قعدت في نضري متع بنات بس !!…وخذي جاكيته وطلع
______________

ملاك:مقعمزه ع السرير وامها تقرالها في القرآن وكانت ذاااابله كأنه تأثير الصدمه مزال فيها
ميس:فتحت الباب وخشت …ملاك😳في حد جاي لزيارتك
نجمه:صدق الله العضيم…منو جي؟
ملاك:شبحتلها بدون اهتمام
عمر:السلام عليكم ❤️

ميس:اثنين قهوا وواحد اميه لو سمحت
الشاب:تفضلي
ميس:شكرا…ومدتله الفلوس
الشاب:لاصحيتي خالصين
ميس:نعم؟!
الشاب:اي خالصين
ميس:كيف هكي ؟!
الشاب:كل شي تاخذو فيه من هنايا خالص ☺️..ومشي
ميس:بسم الله خيره هاذا😯
___________

ملاك:مصدوووومه
عمر:عارف انك تسحابيني اختفيت غشان قصتك يلي حكيتيها بصراحه امي مرضت هلبا معش قدرت نجي الشركه
نجمه:مش فاهمه شي…الف سلامه عليها
عمر:الله يسلمك خالتي
ملاك:تمسح في دموعها…عادي !!مسيبتنيش عشان قصتي يلي حكيتها رح تخليني لاني برجل وحده
عمر:ضحك….ههههه هبلتي انتي؟!قصدي انا نبيك انتي نبي روحك شن دخلي لو برجل وحده او حتى يد وحده؟!ولاشنو ياخالتي ؟!
نجمه:ساكته مصدومه
عمر:لو رضت خالتي نجمه تزوجك ليا وعد قدامكم وقدام ربي وقدام الدنيا كلها نوقف معاك ونكون ليك زي ماتحبي..ولو سكرت راسها زي عمي فرج الله يرحمه بعدين كلام تاني😅
نجمه:ابتسمت…والله انت معروف بي اخلاقك الطيبه وكيف تبي ملاك من زمان غير الحاج الله يرحمه ع قد مدارو فيه مباش يوافق الله غالب وتوا القرار لي ملاك بنسبه ليا معندي منقول فيك!
عمر:شاف لي ملاك…ها شن قلتي ؟
ملاك:انا تاعبه …تاعبه هلبا
عمر:تمام ارتاحي وتو نحكو في الموضوع عادي
ميس:تراقب وساكته!!
__________________

فات اليوم واليومين والثلاثه وحتى الاسبوع 🌤
وملاك تراجي في الياس ع امل يجيها!!
اتصلت بيه الف مره مردش 🤷🏻‍♀️اخر شي بعتلها مسج ان امه مش موافقه عليها وتبيله بنت خالته هه طبعا اشهر كذبه عند الشباب لما يبو ينهو بيها العلاقه
بس عمر مسيبهاش ❤️قعد معاها كل يوم ودار شي عمرها ما رح تنساه …باع الارض متاعه ع خاطرها
خذي مقاسات رجلها وبعتهم لي المانيا عشان يشريلها رجل صناعيه ومتحسش بي الفرق لما تطلع من المشي ونفسيتها متتعبش ❤️وفعلا صرف فلوسه كلهم وخذالها الرجل الصناعيه
لما خش الدكتور وركبها لي ملاك بكت من وسط خاطرها!!مش لان رجلها نقصت …او فرحانه برجل الصناعيه لا!!…بكت لان في شخص يحبها لدرجة باع كل شي يملكه عشان متحسش انها مختلفه ع الناس في الوقت يلي تستنى في الياس يلي معش عبرها اصلا 💔
__________________
روحت ملاك للحوش مضايقه بس في نفس الوقت فرحانه شوي ان لقت شخص وقف معاها في محنتها هاذي …طولت ملاك عشان تتقبل وضعها بس الرجل الصناعيه ساعدتها هلبا والفضل يرجع لي عمر اكيد ❤️
شهرين فاتو ✨✨
وملاك كل يوم تنصدم في عمر اكتر كيف مهتم بيها ومش مخلي حتى حاجه تنقصها رغم ان حالته الماديه متوسطه وهوا موضف عادي جدا في شركه كبيره
بس اهتمامه سؤاله عليها هدايا مفاجآه حتى موعد الدواء هوا المسؤل عليه ❤️…والشي هاذا بدات خلاها تتقبله وتوافق علي عرض الزواج رغم خوفها من المجتمع برا !!
______________
صفاء:ويانجمه انتي جارتي قبل وعشرة عمر ياغاليه
يلي تبيه اطلبيه بي اذن الله ماتنقصها حاجه
نجمه:والله منبي لاذهب ولا فلوس نبيه يدير باله عليها بس !!!…بنتي تعذبت هلبا ياصفاء نبيها ترتاح
صفاء:عارفه ومدام عمر اختارها انا واثقه فيه ❤️
جوري:تشوف لي ملاك وتبتسم
اما ملاك..رغم فرحتها حايره كيف الناس واهل عمره رح ينضرولها ؟؟؟!
________________

ميس:طلعت من المصحه فرحانه بي راتبها ❤️
خشت محل حلو خذت بكلاوه وقعدت واقفه تراجي في العامل يغلفها
هاني:مش عيب حلو يشرب حلو؟!
ميس:تلفتت بسرعه وبدون متحس ع روحها ..هااااني😍
هاني:نزل نضراته …كيف حالك
ميس:اذكرت كلام مؤيد…بخير انت كيف حالك وحال ولدك ومرتك
هاني:سكت
العامل:تفضلي اختي
ميس:شكرا ربي يخليك…
هاني:اسمعيني درت هكي لان كنت حاسبها في دماغي خلاص رح تعيشي حياتك وبنعيش حياتي!!
ميس:هه …شن تقول ؟
هاني:مرتبك…اسمعي بتريس منعرفش ندوي باهي
انا لامتزوج لاخاطب ..وصيت مؤيد يوصلك الدوه هكي لان…
ميس:لان شنو؟
هاني:منعرفش منعرفش قتلك من البدايه منعرفش ندوي …وانت شن تشبحلي اقلب وجهك
العامل:نزل عيونه وهوا مش فاهم شي
وميس:ضحكت من منضر هاني كيف مرتبك ومش قادر يحكي كلمتين علي بعض
ميس:هه…المهم ربي يحفضك سواء كنت متزوج او لا …عن اذنك مستعجله ..وقعدت تمشي بشويه ع امل هاني يناديها او حتىيقول اي شي
ميس:تمشي بخطوات بطيئه
هاني:اسمعي
ميس:وقفت خذت نفس عمممميق وتلفتت..اها؟!
هاني:كلمي امك…قلها تقدري ادير عرس تاني مع ملاك؟!ولا مجو نعاونوك ونخلوك تقدري
ميس:ابتسمت…شن قصدك
هاني:بلع ريقه…يعني نقصد ان انتي يعني انا وياك
ميس:ضحكت…من قالك اني موافقه ؟
هاني:موافقه عارفك …بعدين قام حاجبه…ترفضي قصدم
ميس:سكتت شوي….تبي تحكي مع امي عندي حوش تجيه وانت مش صعب عليك شي مدام عرفت ان ملاك بتتزوج …ومشت
هاني:ضحك…قدعه الفرخه
ميس:ماشيه في الطريق مش مصدقه يلي سمعاته من هاني وبطيررررر من الفرح ❤️❤️❤️❤️

تمت خطوبة ملاك ع خير ❤️وبسرعة البرق لحقتها ميس واقاربهم اما سمعو نصدمو
كيف الثلاثه نخطبووو مع بعض والصغيره حتى فاتحتها مقريه برغم سمعتهم والدوا يلي سمعوها عليهم !!؟
بنووتة الشيخ:انا حكيتلكم كيف اوضاعهم تحسنت والفرح دخل حوشهم بس توا خلينا نحكو علي عدالة ربي ترا 👌👇🏻👇🏻
حسام(عمهم):دخل علي بنته في غرفة المشفى يضرب فيها والممرضين يحاولو يفكوها منه بس مقدروش 🤷🏻‍♀️يضرب فيها ويردد بأعلي صوته….ياووووسخه من منوووو حامل ياساااقطه منو يلي دارها معااااك ياحقيررررره
ودانا تبكي وتقول في اسم الولد بشهقات متقطعه 🔥
طلع حسام لان شبه عرف الولد منى اما سفيان(عمهم الصغيره)جاب سلاحه وخش لي غرفة دانا…سحب سلاحه ودانا تبكي وتترجى فيه وتستنجد بي الدكاتره والناس بس محدش قدر يخشلها وفجآه …سفيان ضرب الرصاصه بين عيونها والدم تلطخ في كل مكان 🔥…لحضات بس وجت الشرطه قماته بي سلاحه ودم دانا يلي كان ملبز حوايجه كلهم
_______________

حسام:وصل لي حوش العيله يلي ذكراتهم دانا وكانت ناااااااار والعه فيه ..طق الباب لين طلع شاب
محمد:تفضل؟
حسام:خش ناديلي ع هيثم ال…..
محمد:هيثمممم هيثممممم
هيثم:ها
محمد:تعالا يبوك….وخش
حسام:انت😨😨😨😨😨
هيثم:تفضل
حسام:اذكرتني ؟!
هيثم:لا والله
حسام:قبل سنه شهدت انك شفت بنت خوي ركبت مع ولد وهربت من راجلها
هيثم:اهاا مرت سعيد ملاك اسمها تقريبا
حسام:شده من حوايجه….يااااحقيرررر انت ضحكت علي بنتي لقيتها صغيره ياولد الحراااام انت نفس الشخص ياوووووسخ شهدت علي بنت خوي وجيت لي بنتي خليتها تحمل منك تسحابها ساقطه زي بنت عمها
هيثم:دف حسام بقوه…..تي بنتك هيا السااااقطه لعلمك بس شهاده من ديني بنت خوك طاهره وشريفه ومدارت حاجه ره وشهدنا زور راجلها حاول يقتلها وعطانا فلوس باش نشهدو بنتك هيا الوسخه وبنت الحرام
حسام:وقف بي وجلين يرجفو ومستند ع الحيط…للا لا لالا لا مش صح لا
هيثم:قربع الباب وخش
__________________

بنووتة الشيخ:حسام مات بجلطه ع القلب نفس يلي صار مع فرج اب ملاك
في العزي الناس كلهاااااتحكي بي الفضيحه يلي صارت وكلهم صدومين كيف ملاك طلعت شريفه😨قصة ملاك انتشرت في المدينه كلهاااا وقصة دانا اكتر واكتر 🔥
الشباب يلي شهدو زور كلهم اعترفو بيلي صار هذيك الليله وفجآه قصة ملاك وبرائتها بدت حديث الساعه
عدالة ربي موقفتش هنا لالا مزاااال فيه :-👇🏻
في ليله كانت مطررر قويه بكل وريح ضرب الرعد عمود الكهرباء وصار التماس كهرباء قوي ولع النار في حوش عمام ملاك والجيران في مرا وحده
النار كلت كل شي وطلعت الناس يلي فيهم بي حوايجهم بس 💔كل حد اشترك في حرق حوش اهل ملاك حوشه انحرق وادمر وزياده في منهم انصابو بي حروق خطيره 🔥
وسفيان معش طلع من الحبس كل مره يأجلو في النيابه متعه وياكل في طرايح من الناس يلي في الحبس معاه وميقدرش يحكي شي !!!
سعيد راجل ملاك بعد ما بصمها ع اوراق الحوش وباعه وبعت نص المبلغ لي رغم في تركيا ..خذي جوازه بعد ماطلع وسافر بيلحقها ولما وصل للمكان يلي وصفتهوله ملقاهاش وعرف انها خذت الفلوس وضحكت عليه ومعش قدر يرجع لي ليبيا قعد متشرد غادي بعد ماكملو فلوسه
اما رغد:يلي صرفت فلوس صاحبتها في الماكله والهياجه جاها الكانسر في العضام وحالتها منقدرش حتى نوصفها 🤷🏻‍♀️🔥💔
الياس:بعد ما استقالت ملاك الشركه نهاااااارت وانفضح بينهم كلهم ان ملاك هيا يلي كانت ادير في كل شي وطلعا اب الياس حسها ضحكه عليه وحرمه من الورث

وهاذا كان جزاء الشياطين 🔥🔥
ميس وملاك انزوجو في يوم واحد في حفله كبيره شوي واغلب المعازيم كانو اهل العريس وجيرانهم الجدد ❤️
تفاجأة نجمه بي مرت سلفها حسام ومرت سلفها الوسطي وشوية جيران خشولها يطلبو منها في السماح
بس نجمه مقدرتش تسامح جرحها كبير هلباااا ورجعو مذلولين زي ماجو
هاني:يفك فس القرواطه …زحمه الدنيا من عازم هادم كلهم
ميس:تساوي في الطرحه …امي وامك مقصروش
هاني:كأنك طالعه غزاله؟
ميس:ونبي 🙄علاش قبل شنو كنت؟!
هاني:تي احلا غزاله ياممرضة قلبي انتي
ميس😂😂😂
هاني:نوضي خلي نروحو ياسر قعاد هنايا
ميس:نوض والله مانولي
هاني:وقف نوضي هي
ميس:بصوت واطي …مزال هاني شوي😂
هاني:مسكها من يدها…هي انستو بعض ياعيله تصبحو ع خير …طلع ماسك ميس وكلهم ميتين بضحك وميس ماسكاته من يده وعضلاته 🥺❤️
عمر:يغطي في وجه ملاك…بشوي عليك امسكي في يدي
ملاك:عمر وقف
عمر:خيرك فيك شي،؟
ملاك:قامت كاب الڤيلو…قامت كاب الفيلو من ع وجها…نبي نقولك شكرا علي كل شي درته ع خاطري جديات عمر وبي عوضني بيك ره !!
عمر:باسها ع راسها ورجع غطاها…اششش معش تقولي هكي هاذا واجبي…خلي مروحو ونحكو ع رواق 🤭
ملاك ضحكت بخجل
الياس:بعد ما استقالت ملاك الشركه نهاااااارت وانفضح بينهم كلهم ان ملاك هيا يلي كانت ادير في كل شي وطلعا اب الياس حسها ضحكه عليه وحرمه من الورث
ميس وهاني 😍كانو احلى اثنين ياحليلي هاني مش هارف شن يحكي ولا يتصرف 😂بس ميس كانت فاهمه وهيا تحكي في كل شي بدله
اما عمر كان مغرررق ملاك برومنسيته ❤️❤️وملاك مكانتش متعوده ع الدلع هاذا تضحك وخلاص 😂زي الهبله
جوري:كملت قرايتها ومؤيد دار باله عليها ويأتت في حوشه شوي شوي
ونجمه اخيراااااا ارتاحت ❤️❤️❤️…النهايه
*الحب مش بي العشره والوقت الطويل ره الحب موااااقف الحب كله لي الراجل يلي يوقف معاك وميرخيش بيك الحب لي الراجل يلي يعترف بيك قدام الدنيا بدون مايتحشم من شكلك او اعاقتك الحب لي الراجل يلي يحبك يحب روحك مش جسمك الحب لي الرااااااااجل مش العيل
*متقعديش تدوي ع بنات يطلعو ويخشو بنات يسوقو ويمشو يشرو في خضرتهم ويقضو في حجاتهم نبدي تدوي عليهم وتتفلفسي راهو مش كلهم عندهم اب او اخ زيك …مش كل الناس مرتاحه زيك في الحوش وكل شي يجي لعندهم
*تي وعزة جلالة الرحمن وراس كل حرف كتبته في جميع رواياتي كل حاجه بديريها رح تلقيها حتى لو كانت كلمه ره…لما تحكي ع بنات الناس وتبدي تقرمي فيهم وتخلي تشويه سمعتهم موضوع تتسلو بيه ربي رح يردهولك …بي اختصار الكف يلي بتعطيه الحد ربي رح يردهولك بعشر كفوف🔥👌
*نحنا في زمان معش توثقي في صاحبه لدرجة تبدي عمياء ديري بالك راهو بدو كل حد مصلحتي وبس حتى لو ع حساب الصحبه وعشرة العمر يلي بينكم 💔
*خوني توا علي راحتك وخودي مصالحك ع حساب تدمير هلبا ناس لاكن غضوا متبكيش وتقولي شن درت ياربي عشان نتعاقب هكي 🤷🏻‍♀️
*اخر شي والشي هاذا مهما تكلمت عليه مش رح نقدر نوصفه هوا قدرة ربي 🔥👌خليك قريبه منه ومتقطعيش الامل بيه وارمي حمولك عليه وادعي بس ورح تشوفي شي عمرك ماشفتيه 🔥🔥
تصميم الصوره الكاتب معاذ الحمري
وزي مانقول ديما انا بنووتة الشيخ (اروى) …الحب في كل مكان بس انتي دوري واختار صح ❤️
رايكم👇🏻