1,144 اجمالى المشاهدات,  2 اليوم

سجينه عشقت شرطي


حكاية جديدة فيها بزااف حب و غيرة و هبال و هاد الخطرة دخلتلكم فيها اكشن شوية مي لهبال كتر ان شاء الله
عنوان القصة :💖سجينة عشقت شرطي💖
شخصيات القصة
لبنات نشالله نلقی تفاعل نكملها

وصف الشخصيات

رسيم ( ضابط شرطة يخدم في فرقة مكافحة المخدرات و هو بسم الله ما شاء الله طول و عرض و زين عندو عينيه زروقة رايحين ل ڨري و هو اسمر و لكور تاعو يقتل ما نحكيلكمش على الكالاج تع كرشو خخخ المهم ما نعينوش السيد قبل ما نبدا الحكاية ) ( وصال بطلة حكايتنا ليوم هي طفلة مهبولة و دير بزاف المشاكل هي يتيمة و كانت عايشة في ميتم و مع لوقت تستقر وحدها و هي قوية بزاف و مع احداث لحكاية نزيدو نتعرفو عليها كتر )

العم احمد : وصااال وصاااال
خالتي كلتوم : يا وصااال اهبطي طيحي
الحاجة زينب : يا بنتي خليك منو اهبطي
العم بلقاسم : وصااالل واش داك تما اخطيك منو
وصال : ليوم يا انا يا هو شوفو قد منو دار فيا حالة
خخخخ وصال تجري مور السردوك تع عمي بلقاسم هربلو مالحانوت طالعة فوق الديور و تجري موراه
نعرفكم بالشخصيات المذكورة : (خالتي كلتوم و عم احمد هوما لي حاكمين الميتم لي تربات فيه وصال الحاجة زينب و العم بلقاسم هوما ناس قيسهم قيس روحهم و دارهم مقابلة الميتم و عندهم حانوت يبيع الجاج قدام دارهم و هاد الخطرة كان يدبح فالسردوك حتى هربلو و بيان سور السردوك يجري و وصال تجري تقول عندها التربو في رجليها )
المهم هي تجري فوق الديور مور السردوك اوووب و طيح داخل واحد الدار الترنيت نتقبت و طاحت بيها ههه ( يا وصال شحال تحبي المشاكل على جال سردوك قلبتي الحومة ) شافت روحها في دار ما تعرفهاش سترها ربي ما كان فيها حتى واحد حلت التاقة و خرجت تجري راحت عند عمي بلقاسم
وصال : لحاج سردوكك واش موكلو يرحم في يماك ريقي نشف و انا نجري موراه
عم بلقاسم : يا بنتي انا قتلك ما تروحش موراه راه خيرو في غيرو
وصال : ياو السردوك مخلوف روح شوف دار الناس ادا مخلوفة
عم بلقاسم : ههه ما تقوليليش زدتي كسرتي واحدوخرة
وصال : ههه والله درتها بصح هاد لخطرة مضرورة على لخطرة لي فاتت
تما دخلت الحاجة زينب
زينب : ياااا على الموصيبة من المشاكل ما تخرجش راهم يحوسو عليك مالين دار لي كسرتيها يا مسودة لحناك ليوم ما تفراش
وصال :بديتينا بالخلايع انا نروح نشوف الحالة و نجي
راحت وصال تمشي من جيهة هاديك الدار حتى تشوف فالغاشي كامل لتما و الناس تعيط يحوسو على وصال و عم احمد و خالتي كلتوم ( اصحاب الميتم) يصبرو فالناس و يقولولهم ماشي غلطتها المهم شافت الحالة مخلطة و لازم جوز على هاديك طريق باسكو الميتم لتما خخخ يا درا كيفاش دير……يتبع. ديرو جام

سجينه عشقت شرطي

الخطة الفاشلة

عاودت ولات لحانوت تاع عم بلقاسم
وصال : لحاج جيبلي قشابيتك و الشملة فطريقك الله يسترك
بلقاسم : علاه ابنتي غير الخير واش ديري بيهم فسخانة كيما هادي
وصال: والله غير شفت واحد لهيك مسكين غاضني ما عندو فاش يرقد ما عندو فاش يتغطا انا قلت في قلبي ما كان حتى واحد يحب يدير الخير كيما عمي بلقاسم (ههه تبلعط بسلامتها)
بلقاسم : ااا جيتي فالعنوان الصحيح ابنتي اصبري هنا دوك نجيبلك
راح بلقاسم يجيبلها واش قالت و هي عينها لمحت شواية راحت رفدت شوية فحم و دارتو في جيبها …
المهم جا بلقاسم و جابلها لحوايج داتهم. و راحت مور الدورة لبست القشابة و دارت الشملة و جبدت الفحم طلست كامل وجها و لات تبان جات من الموزمبيق و راحت من جيهتهم يا دلااااالييي لقات فطريقها بيدون رفداتو و راح ليهم
الدور عليهم بالواحد
وصال : صدكة صدكة لوجه الله صدكة صدكة خخخخ
لي لتما كامل قعدو يبعدو فيها عمباتلهم صح منهم حتى يلمحها عم احمد يا وليييديي خزرت فيه خزر فيه فهمت بلي عقلها يديرلها براسو تع روحي و هي تقولو : اه ما فهمتش واشبيك تعڨنت ههه دارو ليها الناس لي كانو لتما و معاهم مول الدار امبعد خالتي كلتوم قاتلها ؛ وصال وصال اهربي جاو اهربي ههه
وصال ترفد ديك القشابة و تجري تجري و الناس ڨاع يجرو موراها
3 لي جوز عليه يشوف فيها و الناس لي موراها يجرو و يقولو احكموهاااا سما لي يكون يشوف يولي يجري معاهم الناس ڨاع جراتهم المهم جرات جرات حتي للبحر رمات روحها و هي تعرف تعوم ما ينخافش عليها و الناس لي كانو موراها ما شافوهاش يعني نقولو سلكت هاد الخطرة
فالليل كامل حبت تولي للميتم و مقدرتش عم بلقاسم و زينب قالولها تبات عندهم و عيطو للميتم خبروهم غدوة منداك الصباح طبطب الباب عند دار عمي بلقاسم خبط يشوف شكون غير حل الباب
شخص 1: معاك الشرطة عندنا امر باعتقال الأنسة وصال….
بلقاسم : وصال ماهيش عندي و ماشي بنتي راهت تسكن فالميتم اوليدي علاش جاي عندي
الشرطي 2 : روحنا للميتم و خبرونا بلي المدعي عليها راهي هنا كاين لي شافوها كي دخلت آخر مرة هنا مادابيك تتعاون معانا احسن ليك و لينا
هوما يهدرو حتى تهبط وصال تتثاوب مالدروج
(وصال كانت طفلة متمردة و مهبولة يعني ما تخاف من حتا واحد و لسانها سابقها بزاااف)
غير شافتهم راحت تجري ليهم
انعم حضرات راك تحوس على ختي
الشرطي : راني نحوس على المدعوة وصال….
وصال : ايه انعم ختي واش دارت
الشرطي : كاين شكوى ضدها و لازم تشرف لعندنا للمخفر
وصال : ايماااا على ختي صغرها راح خسارة يا يما ارواح تشوفي بنتك لي حياتها ضاعت في يدين الحڨارة يا يما على ختي عندي عوينة وحدة يا يما واش يبقالي ههه
عم بلقاسم قعد مخلوع فيها و يضحك مالتحت لتحت و الشرطة غاضتهم قريب بكاو حتى جات الحاجة زينب تجري كي سمعت لعياط مسكينة ما فاهمة والو
زينب : وصال بنتي واش صرا شكون ختك وقتاش لقيتيها
الشرطة خزرو في بعضاهم و فهمو اللعب دارت و صال لزينب
وصال : يعني نتي سردوكك باصاني و نتي دخلتيني للحبس
خزرت في لا بوليس و مدتلهم يديها
وصال : سلسلوني و ادوني و ما ترجعونيش ما تخلونيش نعيش ما حاطو كيما هادي
عم بلقاسم ما تقلقش علابالو بلي يعاودو يطلقوها ماشي خطرتها اللولة

سجينه عشقت شرطي

البقلاوة

راحت معاهم و الناس ڨاع تشوف و هي ركبت معاهم و داوها للمخفر
في الجهة الاخرى عندنا رسيم و هو ضابط معروف بشهامتو و قوتو و بزينو تاني عايش و حدو يماه و باباه عايشين في فرنسا كان راقد حتى صونالو تلفون : الو
المتصل : حضرات تلقينا اخبار بلي حيدخلو مخدرات من الحدود تع تونس و المسؤول عليهم سي كريم بن زياد
رسيم : راني جاي و ما ديرو حتى شي و ما تتحركوش
ناض مبلاصتو لبس سروال اكحل و تريكو كحل بينلو الكور تاعو و لبس صباط كحا و خرج بيان سور طونوليل كحلة ركب فيها و قلع راح للمخفر لقاه معمر دخل لبيروه لحقو المساعد ديالو
رسيم : اعلمني بالوضع
المساعد : تلقينا اخبار من مصادر مجهولة بلي كمية من المخدرات راح تدخل من الحدود و لي متوكل بهاد الصفقة هو كريم بن زياد
رسيم : خلي هاد الكمية تدخل خليهم يحسو بلي ماناش فايقين بيهم هاد لخطرة دخلو كمية قليلة باش يشوفو ادا نحكموهم الكمية الصحيحة تدخل موراها ما تتحركوش و ما ديرو حتى شيء خلي كلش يجوز عادي
المساعد : امرك حضرات
خرج المساعد و قعد رسيم فالبيرو و يقول : جايبك جايبك يا سي كريم ليوم و لا غدوة طيح طيح في يدي
5 اووب هو قاعد حتى يسمع فالعياط برا و اكيييد عرفتو شكون مول لمشاكل
وصال و هاداك لي كسرتلو دارو ي ضاربو بالهدرة و المساعدين لي لتم ما قدروش يسكتوهم و الضابط المسؤول على هاد القضايا مازال ما جاش
زصال : علاه تعيط يا وسمك متحشمش تهدر مع النسا هكا مازالك دراري في عقلك يا خويا شيعة لي عندك 2 ولاد الراجل : فرخة كيما نتي تهدر معيا انا هكا الا ما ربيتكش ما نتسماش ….. نوريلك الدراري كيفاش داير
وصال : يا ودي روح ربي روحك براكات ياخي بهلوك وجه ال404
ههه ناضو ڨاع يضحكو حتى جا رسيم يعيط
رسيم : كل واحد خدمتو مسرحية هنايا وين راه الضابط المسؤول واش هاد الاستهتار
وصال قاعدة تشوف فيه و غايسة يووو شحال شباب
(ايه ما قلتلكمش وصال تربات كيما الاولاد هدرتها لبستها حتى شعرها ديما مخبياتو بكسكيطة و هي صغيرة هادا وين عندها 17 سنة )
المهم نوليو بعدما حوس رسيم على الضابط المسؤول و قالو المساعد بلي ما جاش دار لوصال و سقساها علاه دايرة ضجة لقاها غايسة فيه ناض يحرك فيها ميدها
وصال فاقت مع روحها و رجعت لعقلها
وصال : علاه تعيط وسمك و دير فالسمير رانا غير حنا الزوج
رسيم : احتارمي روحك و اعرفي معامن راكي تهدري
الراجل : شفتها ماشي مربية و الله غير نربيها
خزرت فيه وصال و شداتو من ودنو ( هاداك الراجل يترجل غير على النسا و طاح مع وصال ههه) ش
وصال: شوف نتا قتلك ربي روحك امبعد ساهل فهمت و لا نفهمك على طريقتي
رسيم :اوووو يا آنسة هادا ينعد فالقانون تعدي احتارم روحك و لا تخلصها غالية
خرج رئيس الشرطة و كان يسمع و كسرولو راسو مسكين قالو : حضرت الضابط رسيم دخلهم عليا و ادي افادتهم و خليهم يخرجو
رسيم : بصح حضرات هادي ماشي من صلاحياتي انا مسؤول على مكافحة المخدرات
رئيس : يا حضرات هادي راهي المخدرات اون باغصون خخخخخ
دخلهم رسيم للمكتب ديالو و هوما باقيين يضاربو بالهدرة كسرولو راسو
رسيم : سكاااات
وصال : بعقلك
رسيم : ما تخلينيش نغلط فيك يا آنسة
الراجل : حضرات انا جيت نقدم شكوى على هاد الطفلة كسرتلي داري
رسيم : وعلاش كسرتيلو دارو عندك معاه سوابق
وصال : شوف ا شيخ ماميدو انا ما عندي معاه حتى سوابق و ما كسرتهاش بلعاني بصح لوكان عرفت بلي هاديك الدار تاع هاد الرومبوةة و الله غير نديرها بلعاني
رسيم : اولا يا آنسة تحتارميني و تقوليلي حضرات تانيا اهدري معاية بإحترام خير ما نجيبك فالحبس و تالتا احكيلي وصال : ياك قتلك كي يكونو يهدرو الصغار لكبار يسكتو
رسيم :وانتي اسكتي
وصال: عاونتك حضرات
رسيم :خلاص هدرة دوكا احكولي و خلوني نغلق المحضر و تروحو منا نبدا بيك يا سيد اتفضل
الراجل : كنت فالدار ندوش حتى سمعت حاجة طاحت فالدار كي خرجت لقيت الترنيت طايحة و الدار مكسرة امبعد قالولي الناس بلي وصال لي دارتها حوست عليها و هربت مني حتى جيت قدمت شكوى عليها و صباح اعتاقلوها و جابوني باش نقدم افادتي
رسيم : وانتي آنسة وصال كاش ما عندك تزيدي
وصال : لالا بصح ما كسرتهاش بلعاني الرومبوة تاع بير خادم
رسيم :حسن الفاظك و قولي واش مالسبة لي خلاتك تكسريها
وصال : سردوك
رسيم :قتلك خسني الفاظك
وصال : اووف واش نحسن الفاظي قتلك سردوك ملا نقولك كورو تحرش بيا كنت نجري مور السردوك طحت هادا مكان
خرجوها راحت للميتم باتت تخمم واش دير و اوب جا رسيم في بالها يووو سبحان الخالق شحال شباب خخخ رقدت تخمم فيه ناضت صباح بكري لبست سروالها لعريض و تريكوها و دارت كسكيطتها رفدت ساكودوها و خرجت بالتخبية خلاتهم كامل راقدين راحت لواحد لبلاصة يخدمو فيها لبنيان رفدت لحجر بلوكات داخل ساكودوها و راحت لدار هاداك الراجل حلت الساكودو و بدات تيري بالحجر على دارو كسرتهالو كامل و قاست داك الراجل بحجرة لراسو هربت تجري راحت لبلاصتها المعتادة شغل كهف و بدات تزغرت اوون فان تربى دوك ما يزيدش يدور بيا
و في الجهة الاخرى هاداك السيد طاح فالارض و الناس كي سمعو لخبيط راحو يشوفو شافوه داوه لسبيطار و بلقاسم و احمد عرفو بلي وصال هي لي دارتها و عارفين مليح بلي هاد لخطرة ماراحش تخرج منها بالساهل
كي فطن داو افادتو و شكى بيها بصح هاد الخطرة التهمة مضاعفة و هي فالجهة الاخرى فالكهف قاعدة و تضحك ما علابالهاش بالدنيا و بلقاسم و احمد قلبو عليها الدنيا
هي باتت فالكهف و صباح راحت للميتم هي دخلت و دخلو موراها لابوليس رفدوها ديرات و هي فرحانة رايحة تشوف رسيم بصح ما علابالهاش بلي هاد لخطرة ماكاش خرجة من هاد المشكل داوها و راحت للمخفر دخلت و تحوس بعينيها على رسيم يووو يا رسيم راك ترو دوموندي كتر من صباح خخخخ
المهم دخلوها و داوها للحبس جاو بلقاسم و احمد باش يدفعو الكفالة لكن هاد الخطرة لاااا مستحيل تخرج بكفالة تهمتها مضاعفة نوليو للحبس عند وصال حكمت بلاصة و قعدت تغني : الحمامة ولفناها طارت اونديري ڨاع ما ربيناهاش عطاتنا بالظهر و دارت غي د الضربة لي ما ننساهاش خخخخ
جا ليها البوليسي : سكتينا عمبالك جبناك ل اكس فاكتور راكي تغني
و راح و خلاها
وصال : واش الشبيبة مطولين هنا بنادم جاع خلونا نسهلو لديورنا
سمعها البوليسي عاود ولا : ههه ها لحيطان كولي و اشبعي راح تبقاي عندنا بزاف
وصال : صحا معليش حتا انا مانيش مقلقة ابعتولي هاداك البقلاوة و معاه طرشونة
البوليسي: عمبالك راكي فاوتال نتيا احكمي بلاصتك و سمعينا سكوتك
وصال: ههه مع البقلاوة لي عندكم راني حاسة روحي فجزر لمالديف حبيبي هههه داوها لاعادة التربية دخلت بقاو يخزرو فيها خخخ كامل صغار تحت 18
وصال: صحا المريولات لاباس عليكم
طرطقو كامل بالضحك ناضت تهدر معاهم و تڨصر خخخ تاقلمت مع الوضع بلخف ههه
المهم لقات طفلة قدها اسمها امينة تفاهمت معاها و هي حكمو عليها 5 سنين يعني تلحق 18 تاني تروح للحبس
توالمو عقلياتهم في زوج و وصال خكاتلها واش مالسبة لي جابتها هنا
المهم جازو عامين و وصال تخمم في رسيم لكن هو ما تفكرهاش كامل حكاية و نساها
لحقت وصال 18 سنة و نقلوها للحبس لتما لقات غير لكبارات ما لقاتش راحتها ما قربتلهمش كامل و ما حبتش تدصرهم علابالها الدسارة جيب لخسارة
جازو لشهور و زادو بعتو امينة معاها للحبس غير دخلت وصال ناضت تجري عنقتها و بداو يضحكو
وحدة لتما بدات تهدر
وحدة: واش جيتو اون فامي يا درا واش مالشيخ مسحتولو فمو
وصال: لالا ما مسحنا فم حتا واحد بصح درنا ما كتر حنا متاهمين بالقتل المزدوج تحبي جربي جربوعة
شافت ف امينة تبسمو و مشاو قاتلها هكاك باش ما يخلطوش فيهم و يخافوهم
ما بقاش يا وصال و تولي حرة اصبري شوية برك
وحد النهار وصال مريحة هي و امينة تڨصر حتى جا البوليسي و قال : وصال…. عندك زائر
خرجت وصال باش تشوف شكون لقات بلقاسم و زينب و احمد و كلتوم ماتت بالفرحة و طمنتهم عليها حتى تشوف رسيم يهدر مع واحد البوليسي وصال ناضت تعيط
وصال : ااييي نتا يا وسمك ايا تشو هنا
المساعد : انا راكي معايا
وصال : لالا راني مع هاداك لي داير لحسة حبي
رسيم طلع عينية جات عينو في عينها قعد يخزر فيها مليح امبعظ راح يمشي جيهتها بلعقل حتى جا بوليسي وحوخر و قالهم خلاصت الزيارة
رسيم : 5 دقايق و ارواح رجعها
العم احمد و بلقاسم و جماعتهم راحو و بقات معا قعدت تخزر فيه يووو شحال توحشاتو و توحشت عينيه
رسيم : انعم تعرفني شكون نتي واش سحقيتي
وصال: ااااا يعني هاد التمرميدة على جال البقلاوة باش فاللخر سنيوة غسلوها
رسيم : يا آنسة ادا تعرفتي اهدري نتي وجهك ماشي بعيد عليا
وصال: لالاللا بعيد كل البعد ا شبيبة
عاود جا البوليسي و قالو خلاصت الزيارة ناضت تجري و دخلت حكات لامينة واش صرا معاها
امينة : شفتي وين لحقتي علاجالو و هو ناسيك و ماشي متفكرك كامل
وصال: سأحارب العالم للخصول على بقلاوة كيما هو و لا الدلاعة لي شفتها داك العام
سلمت على امينة و بكات عليها و وعدتها باش تزورها و ما تنساهاش
جا البوليسي فتحلها لباب و خرجها
غير حطت رجلها برا و حلت عينيها عماتها الشمس شافت لقات احمد و بلقاسم يسناو فيها شحال فرحت راحت سلمت عليهم و عنقتهم
و فالطريق بدات تهدر
وصال : واش الشيوخة ماكوش تحلبو راكو طايحين خشان
احمد : ههه يا بنتي مانيش شيخ ماكيش تشوفي فيا صحيح
وصال: يا لحاج بقالك فيراج و تموت انعل الشيطان
بلقاسم: هههع مليح ليه دايمن نقولو راك كبرت بركاك من لعب الصغار
وصال: غير اسكت اشيخ زعما نتا راك صغير نتا بقاتلك سنة غير شد بيها فمك راكو في زوج في فيراج واحد
احمد :هههههه بردتيلي قلبي
بلقاسم: اواه نتي لسانك زاد على لي كان ناس تكبر تستعقل و نتي زدتي هجتي

سجينه عشقت شرطي

أمينة

لحقو للميتم لقاتهم كامل يسناو فيها كلتو زينب لبنات تع الميتم عنقوها و فرحو بيها بزاف
و اوووب هاداك الرويجل خرج من دارو خزر فيها و قال : اه الآنسة شرفت ان شاء الله تكوني تربيتي
وصال: هههه مزية لي تربيت نتا انا ما عندي حتى مشكل كي نعاود ندخل شوف نتا راسك ادا حاب يزيد يعاود يولي تريبل تات
ناضو ڨاع يضحكو عليه راح و خلاهم
راحو لدار بلقاسم كامل دارلهم عشا بهاد المناسبة
سردوك تاعو هو سبابها ههه
جاز لعشا ڨصرا و ضحك
جازت سمانة و احمد و كلتوم قالو ل وصال حابين نهدرو معاك
وصال: ايه ا لقرقابو ازرع ينبت واش كاين
احمد : يا بنتي حابينا نهدرو معاك فوحد الموضوع
وصال : ايه اهدر راني نسمع ازدم ديراكت ا شيخ خليك مالمقدمات
احمد: يا بنتي تعرفي بلي لقانون يقول بلي كي يكون عندك 18 سنة مسؤولة على روحك و تخرجي مالميتم باسكو يزيدو يجيو واحدوخرين و انت درك راهو في عمرك 20 سنة يا بنتي راكي فاهمتني
وصال: هههه وشبيك الشيخ قول روحي ديراكت بركا ما تمعني
بصح مزيودة نولي تدير واش نحب نتهنا منكم
كلتوم : يا بنتي ما تقوليش هكا راكي عزيزة علينا لازم توقفي مع روحك ما تبقايش هكا طايشة
وصال: شوف ا شيخ احكم فلسان عجوزتك خير ما نبدى نتحول
احمد : لا يا بنتي عندها الحق و حبينا نقولولك حاجة تانية
وصال: ههه راكو خالعيني ا لحاج راني قريب نبول تحت اهدر اهدر راني نسمع
احمد: والديك يا بنتي
وصال: رانا لحقنا للمسقييي ايهيه واش بيهم والديا
كلتوم : يا بنتي والديك كانو يحوسو عليك جا باباك حوس عليك بصح حنا خفنا نمدوك بلا ما نتحققو منوا
تحرينا عليه و عرفنا عنوان داركم و عرفنا تاني بلي سرقولو بنتو فنهار لي لقيناك عندنا
وصال: سما ماللخر والديا ما سمحوش فيا
احمد : لا يا بنتي ما سمحوش فيك و هادا لعنوان ديالهم
طلعت ما كترتش الهدرة معاهم رفدت دوزانها و دات لادراس ودعتهم كامل و زادت راحت ودعت بلقاسم وزينب راحت للحبس شافت امينة و حكاتلها كلش امينة بعتتها لدارهم تريح فيها و قاتلها وين مخبيا المفتاح ( امينة صغيرة و كانت عايشة وحدها دخلوها للحبس ظلم شهدو عليها ناس بلي سرقت و عي فالصح ما سرقتش هي الحمد لله مرتاحة ماديا ماليها قبل ما يموتو خلاولها دار تسكن فيها و حانوت تع مواد غدائية تسترزق منو و هي فهاد العمر صغير لكن داروها بيها الغظارين و راحت بين الرجلين كي شافوها صغيرة ) خبرتها على مكان المفتاح و قاتلها باش تروح تريح تما ما كان حتا واحد و تصيب خوايح و كلش و قاتلها تاني باش تفتح الحانوت و تسترزق منو باستها و شكرتها بزاف راحو وصال لديك الدار لقاتها مغبرة كامل زادت كملت على جدها و خربتها
تكسلت و تفكرت لهدرة لي قالهالها احمد والديك ما سمحوش فيك بدات تبكي بلعقل و تقول : علاش يا ربي علاش لوكان راني معاهم لوكان عشت حياة كي لبنات لوكان لبست كي لبنات لوكان شبعت حنان و مانيش طايشة هكا بديا رب افتحها عليا يا ربي
رقدت هكاك ناضت صباح ما لقات والو حتى دراهم و ما عندهاش راحت للبلاصة لي قاتلها عليها امينة تاع المفاتح تع الحانوت رفدتهم و خرجت راحت سقسات على الحانوت فتحاتو لقات كل حاجة فيه غاملة خخخ حتى الماكلة و مكاش كيفاش دير
اوووب و يحبس قدامها رسيم( قلت بلي دارو وحدو و دارو قدام دار امينة يعني لي عايشة فيها وصال)
رسيم : خير واش كاين هنا عندك تصريح باش تفتحي هاد الحانوت بلا علم الاهل ديالو
وصال ما فهمت والو فرحت كي شافتو : و يااااااا شحال كبرت صديقي ما عقلتنيش
رسيم : لالا اختي ما عقلتكش شكون نتي
وصال: اااا خصارة عليك تنسى حب الطفولة تاعك يا البوال
رسيم : واش من حب طفولة ربي يهديك ختي
وصال : ااا زعما ما شفيتش كي كنت انا نجري و نت مورايا تقولي نحبك و نديرك مرتي ما شفيتش كي قتلي كي نكبرو نتلاقاو قدام لحانوت لي كنت تشريلي منو الحلوة عاني جيت كنت نسنى فيك
رسيم : لالا ختي راكي غالطة
وصال: اجد يماك قلت نتا معنتها نتا و الله ماني طالقة غير نلسق فالرودة
رسيم : يا ختي هاد الطفولة وين عشناها يرحم باباك
وصال : عشناها هنا اشجار و الازهار و النخيل ڨاع يشهدو علينا
رسيم : ههه لالا راكي غالطة انا جيت جديد خنا
و وصال: اوياااااا السيليمات على نكار العشرة
رسيم قعد يخزر في عينيها خخخ هاد العينين ما شي بعاد عليه ماشي اول مرة يخزر فيهم
رسيم : عينيك نعرفهم من قبل
وصال : حوحي يانا شفيت غير على عينييا ما شفيتش كيما ركبتني فالبرويطو و جريت بيا و طيحتني
رسيم : خخخ يا ختي راكي غالطة راكي غالطة علاه لسقتي هكا
وصال : عييتني علابالك
رسيم : خليك من حب الطفولة تاعك و ولي لعقلك و قوليلي ادا عندك رخصة موقع عليها باش تفتحي هاد الحانوت بلا علم الاهل ديالو
وصال : ما عندي لا رخصة لا غالية مولاتو فالحبس و خلتهولي نسترزق منو
رسيم : الحبس
وصال: ايه الحبس السجن هاديك البراكة و فيها لي بارو ياك تعرفو
رسيم : عينيك
وصال: يعبلو علابالي ما خلاوش فيك عقل
رسيم : شووووت خليني نفكر عينيك و الحبس
وصال: في راسك عينييا شابين على وجهك
رسيم : قتلك اشووووت
قعد يخمم رسيم حتى تفكر وين شافها ايه هيا تع الحبس
رسيم : نتي نتي لي هدرتي معايا فالحبس
وصال : واشبيك مخلوع ياخي بهلول تقول فاقد الذاكرة
رسيم : ايه يا لالة مالا عندك سوابق عدلية
وصال: لالا عندي حواضر عدلية مازال مديسيديا نكمل فيهم حسن الفاظك ا شيخ
رسيم : اهدري معايا باحترام يا آنسة
وصال: اهدري معايا باحترام تانيا تختارميني تالتا تحتارمي المحترم اليه في ضمير الغائب خخخخ

سجينه عشقت شرطي

شيخ ماميدو

رسيم : لكان تفتحيه بلا توقيع مولاه تدخلي للحبس و تخلصي غرامة و هنا تخلاص الهدرة و راح و خلاها
و هيا قعدت تهدر وحدها
يعني نتلاقا بيك يا دخلني للحبس يا نخلص غرامة لوكان اعطيت طريحة لكاش وزير ما يديروليش هكا
راح رسيم لخدمتو و هيا عاودت راحت للحبس لامينة و حكاتلها واش صرا راحت جابت الرخصة هاديك و التوقيع ديالها و غد منداك راحت فتحاتو جا لقاها قاعدة قبل ما يهدر قاطعاتو و عطاتلو الرخصة هاديك
هو شافها و راح ما هدرش معاهاكامل
وهي باقية تخمم زعما واش دير فالحانوت
اووب جاتها فكرة فالراس ترجعها قهوة غبدير هي لي دخل مصروف من نهار اللول يدخلولها الناس بزاف ناضت بدات تخرج فالخردة لي لداخل حتي جازت وحدة ملتم
قاتلها نعاونك
وصال لي يحي يدير الخير ما يشاورش
وحدة : ههه لسانك طويل تاني
وصال : قد طول ديالي ماش حاجة كبيرة
وحدة : ههه صحا راكي ديريلو فالنتواياج هادا عندو فايت 4 سنين ما تفتحش
وصال: علابالي تع صحبتي
وحدة : الله يبارك حقا ما تعارفناش انا مريم راني نسكن هنا جارتك
وصال : مرحبا انا وصال و نسكن لهيك
تعارفت عليها و حكاتلها بلي حابة ترجعو قهوة و مريم عاونتها فالنتواياج و عاونتها ماديا تاني و قاتلها بلي كي تفتح القهوى تخلصها و رسيم كان دايمن يجوز ملتم و يشوفها كيفاش تخدم والف يشوفها مع صباح ربي حتى وحد نهار جا جايز ملتم حتى يقرا بلاكة كبيرة
مقهى السلام
اوو ضرب على عقلو ما صابوش كيفاش هي تفتح قهوة
دخل لقها فوق الطابلة تمسح فالحيوط
رسيم : واس لالة خليتك تفتحي هنا بصح ماشي باش ترجعيلي قهوة قدام داري
وصال : يا ماميدو شفتني في منامك يعني صبحت عليا
رسيم : كيفاش هادا تفتحي قهوة و شكون يخدم فيها و شكون يدخل ليها
وصال: قهوة يدخلو غيها لعجايز و لبنات ما تعيينيش لقهوة شكون يدخل ايها
رسيم : يا ر..ك هبلتي نتي شكون يخدم فيها هادي
وصال : و انا ما عمرتلكس العين مانيش نبان واقيل
رسيم : كيفاش انتي راكي تحرشي نتي طفلة تخدمي في وسط الرجال
وصال: يا عمريي غار عليا نور عيوني ارواح تخدم فبلاصتي
رسيم : نندب على خماجك دبري راسك اتهاردي
جا خارج و اووب يجيه فروطوار فالراس
دار ليها : يا ر..ك علابالك واش درتي لوكان نلحق ليك
وصال : هادي علا خماج و الباقي مازال ما صفيتوش
خخخ خرج و راح ركب طونوبيلتو و قعد يخمم فيها ببفف مهبولة هاد راح لخدمتو كي لعادة غير مع الجرائم و المخدرات و هادوك لحكايات و هي تسڨم في قهوتها
كان باقي سمانة و تخرج امينة مالحبس قررت بلي نهار لي تخرج فيه امينة دير هي افتتاح تع القهوة و الناس كي سمعو بلي تخدم فيها مرا قعدو يسناو فالافتتاح على احر من الجمر
جازت ديك السمانة و فيها كان رسيم يراقب في كل تحركات وصال مالبعيد اما هي كانت فليل دايمن تخمم فيه و فاانهار تكون مع شغل القهوة
لحق اليوم الموعود ليوم تخرج امينة راحت وصال ستقبلتها و راحو للدار و قعدو يڨصرو توحشو بغدعضاهم و وصال حكاتلها كلش لامينة و صباح كي جاز رسيم لقا القهوة مغلوقة تقلق موالف يصبح عليها مالڨري مكشرد ة مالڨري ما تتهلاش فروحها مالڨري لدوكا ماشافش لاطاي تاعها مالحوايج لي تابسعم بصح يحب يبدا نهارو بيها
هوما فالدار يوجدو روحهم لافتتاخ غدوة
امينة كانت مخبية دراهم قبل ما تدخل للحبس قاتلها امشي نخرجو نشرو كاش حاجة نلبسوها غدوة
راحو شراو بزاف حوايح دخلو للدار دوشو و رقدو
جا الصباح و ناضو شربو حليبهم و امينة قالت لوصال : شوفي مليوم هاد اللبسة ما نحبهاش و اليوم خلي روحك ليا و الباقي عليا
وصال ماكانتش من المعارضين حكمتها امينة جبدتلها شعرها لصفر الطويل ماكياتلها عينيها لخضورة و زادت دارتلها غلوس في فمها الصغير لبستلها سروال سليم ابيض و شوميز بوغدو مع صندالة بوغدو و لاول مرة بانت لاطاي ديالها المرسومة تقو منحوتة
راحو للقهوة و فالطريق لي يشوفها يدوب و الله كانت آية في الجمال لحقو للقهوة زادت جات مريم تعاونو كامل و وجدو لحالة باسكو عرضو مام النسا لحقت 13:00 بداو الناس يجو لقهوة تعمرت و رسيم ما جاش
نروحو للجهة الاخرى كان مريح في بيروه و يخمم فيها امبعد تفكر الافتتاح راح يجري للطونوبيل ركب و كان رايح لدارو باش يبدل جاز على لقهوة لقا لغاشي بزاف و غي لمصاغر خخخ كانو يكحلو عندو الحق قال في قلبو : يا رسيم اهبط دوكا تزيد طول شوية يدوهالك
ڨارا و هبط جا داخل لقاتو عند الباب
وصال : عسلامة هادا وين الناس قريب تروح و لا مزالك زعفان مالفروطوار
رسيم قعد مخلوع شكون هادي لالا اكيد ماشي هيا واش هاد الشعر واش هاد لاطاي داب في عينيها هبلاتو بزينها لي كان مخبي
وصال : ا ماميدو راني نهدر معاك
خو بقا غايس فيها هي راح جابت بيدون ما رماتو عليه شمخاتو كامل مسكين
رسيم : يا ر..ك هبلتي واش درتي مين جبتي هاد التوحش مالغابة ما رباوكش مليح والديك
هي على آخر كلمة قاتلو : تربيت في ميتم ما نعرفش واش معناه والدين
و خرجت تجري تمشي و تبكي و هو وقف امبعد تكاكا مع عمرو خرج يجري موراها شافها تمشي و تبكي قعد يجمشي موراها حتى لحق ليها حكمها جبدها من يدها و دورها ليه و عنقها

سجينه عشقت شرطي

4 سنيييين

بقات تبكي في صدرو و هو مزير عليها حكمها من يدها و مشاها معاه و هي ما هدرت والو تمشي و ساكتة و فالقهوة امينة تحوس عليها ما لقاتهاش
نوليو لعند ابطالنا داها رسيم لدارو و قعدها فالفوتاي و راح جابلها اتاي و قالها اسمحيلي ما كانش قصدي نجرحك ما كونتش عارف بلي تربيتي فالميتم
وصال : لا معليش ما صرا والو
رسيم : يووو شحال تباني عاقلة
وصال : بلع عليا فمك عندك وجه و تزيد تهدر وجهك مقزدر بسلامتو
رسيم : ههه علاش يا سيدي غلطنا و طلبنا السماح
وصال : نتوما غلطتو زوج خطرات و طلبتو السماح خطرة برك
رسيم : او وقتاش ياك هادي لولة ااا ولا تع الفروطوار
وصال قربت منو و حطت يدها على خدو : رسيم ما عقلتنيش صح شكون انا
رسيم : نتي وصال جارتي هه واش بيك ما تقوليليش برك مازالك فحب الطفولة
وصال زادت دارت يدها لخرا فخدو لوخر : شوف في عينييا رسيم مانيش نتمسخر صح ما عرفتنيش شكون راني نعرفك من 4 سنين
رسيم : لا وصال ما عرفتش بصح عينيك ماشي بعاد عليا
وصال: خسارة
رسيم : واش لي خسارة
وصال: والو والو اعطيني داك لاتاي ندوقو
عطالها لكاس غير شربت عودت حلت عينيها بزربة و بزقاتو
رسيم : ااااا ر..ك واش درتي
وصال : هادا راك سور طيبتو ما جبتوش متوالات
رسيم : خخخخ ربي يهديك قيمتك و نضت طيبتلك و تزيدي تعايري
وصال : ا ماميدو خويا هادا راه بول انعل بليس
رسيم : جيبي جيبي و روحي لقهوتك و اخطيني
وصال : يااااا غكرتني يكونو يحوسو عليا هادا ڨاع بسبتك
ناضت تجري خرجت و هو قعد يتبسم وحدو يووو شحال راهي زلة
كملو نهارهم و فليل رسيم تخمامو كامل فيها كيفاش بكات في صدرو كيفاش شداتو في وجهو كيفاش كانت لابسة كيفاش كانت طالقة شعرها لي هبلو بصفوريتو
و هي تاني ماكانتش بعيدة على داك التخمام خممت فيه و رقدت عندها خدمة الصباح بكري يووو بصح هو ما جاهش رقاد تاع راني نعرفك من 4 سنين بقات تخدم في راسو
جا الصباح و ناضت وصال و امينة شربو قهوة و راحو. سيقو القهوة
وصال كانت لابسة سليم كحل و شوميز بيضة و دايرا كوتشفال كانت شويبة 7 لقات الناس يدخلو للقهوة خاصة لي جان يعني الزين لي شافوه لبارح ما يروحش خسارة جا جايز رايح لخدمتو لقاها تخدم هي و امينة و لي جان كامل مبرونشيين معاها طلعتلو السخانة صبح ربي قريب هبل قلع و راح علابالو لوكان يهبط يدڨدڨ كاش واحد
راح لخدمتو جا ليه المساعد
المساعد : حضرات عندنا 4 سنين و حنا نسناو فكمية التانية للمخدرات باش تدخل رانا تلقينا معلومات بلي حتدخل غدوة ان شاء الله
رسيم : وجدو روحكم لغدوة ان شاء الله و ما نحب حتى اخطاء و خلو المعلومات تريح سرية
المساعد :امرك حضرات
خرج و غلق الباب رسيم يهدر في قلبو : راك جيت ليا برجليك 4 سنين و انا نسنى فيك
اووب جا تخمامو ف 4 سنين لي كانت تهدر عليهم وصال خرج ركب طونوبيلتو و راح للقهوة
هي كانت تسربي للناس و امينة طيب لداخل راحت دات قهوة لطابلة فيها غير لي جان قعدو يرمولها فالهدرة كانت حدور و يشدها واحد فيهم من يدها و اوووب يدخل رسيم
عينيه ولاو حمورة نار شعلت فيه راح يجري حكم هاداك السيد خرجو برا و طاح عليه بالضرب
رسيم : تزيد تحط يدك عليها نمرمدك يا ر..ك ادا ما دخلتكش كومة منتسماش الظابط رسيم …..
واحد ما دنا علابالهم بلي رسيم بوليسي و هي مشوكيا الناس كامل تشوف امبعد قالهم رسيم : كل واحد يكمل شغالاتو يا الله
و هي باقية تشوف و مستغربة من ردة فعلو زعما اي غي بالها يتحقق
رسيم : تعرفيني من 4 سنين صح
وصال : ايه
رسيم : من وين عرفتيني
وصال : مالسردوك
رسيم : واشبيه السردوك كيفاش تعرفيني بيه ما فهمتش
وصال دارت و حطت يدها في خدو : ما شفيتش نهار جات ليك وحدة كسرتلك راسك متهمة فقضية التعدي على املاك الغير ما شفيتتش نهار قتلي احتارمي روحك يا آنسة ما شفيتش نهار قتلك ماميدو ما شفيتش نهار عيطتلك فالحبس و نتا ما عقلتنيش اربط الاحداث في بعضاها تفهم علاش نعرفك من 4 سنين
رسيم قعد مشوكي فاللي تهدر فيه يعني عادي ام سبع لسان كيما سماها هو و يااا كيفاش يدير دوكا
لحقها حطها قدام القهوة و راح ما هدرش كامل معاها هي هبطت منا و بدات تمنشر في قلبها خخخ
ديجا نتا ما فيك حتا حاجة تصلح ما فهمتش كيفاش حبيتك انا لڨو تاعي شويا بيزار ياخي بهلول
راحت للقهوة و حكات لامينة كلش و امينة قاتلها خلاص 4 سنين و حازو انساي هاد لحكاية و خليك منها و عيشي حياتك ترتاحي من وجاع القلب
هو بات ليل كامل و هو يخمم فيها كيفاش يدير معاها علابالو بلي يحبها بصح الحل كيفاش
رقد و ناض صباح بكري عندو مهمة ليوم باش يحكموا كريم بن زياد
راح لخدمتو و وجدو روحهم راحو لموقع العملية حاصروها سناو حتى تاكدو مالسلعة دخلت و هجمو عليهم صرات حرب بيناتهم بالرصاص و كاين بزاف جرحي و هو زدم على كريم كي كان يسلم فالدراهم لتجار المخدرات يعني حكمو فالجرم المشهود
داوه لابوليس و راحو للمخفر سيركلاو لحالة خافو من هجوم وحدوخر
نوليو للجهة الاخرى ناضت صباح و ماشافتوش جاز من القهوة زادت جازو سوايع و ما بان عليه حتى خبر او هادا لهاد الدرجة ما نعنيلو والو جوزت نهارها هاكاك و مع لعشيا غلقت لقهوة و راحت للدار و هو مع لعشية ولا لقا لثهوة مغلوقة خخخ نهارو جاز سامط بلا مايشوفها راح لبيتو حكم بلاصتو و قعد يخمم فيها شحال توحشها ليوم و زاد ريح كي حكم كريم هم و انزاح
ناض صباح دوش و جاز للقهوة لقاها هاداك وين فتحت ڨصر معاها و صبح عليها كي العادة و راح لخدمتو
زادت شوية جات امينة للقهوة قاتلها وصال نطلع شوية للدار ونجي
وصال طالعة للدار و اوب تحبس قدامها طونوبيل كحلة جبدوها زوج من يديها و غموها ( هادو تابعين لجماعة كريم عندهم شحال و هوما يتبعو في رسيم و شافوه معاها بزاف عرفوها نقطة ضعفو 🙂
داوها لوحد المستودع خباوها تم و ربطوها و غلقولها فمها بالسكوتش
صوروها و بعتوها ميساح لرسيم
رسيم كان مريح في بيروه كي شاف التصويرة هبل و لا يخبط و يعيك حتى عيطولو فالتلفو ن من رقم مجهول قالو ترجعلنا لبوس بخير نرجعولك ورداتك بخير و مكان اللقاء راني نعيطلك فليل و نقولك
رسيم ولا كي المهبول هبط للحبس عند كريم جبدو و دخل يضرب فيه حتى جاو يسلكو فرغ فيه كامل زعافو
نوليو ل وصال كانت تنوم في روحها عرسها و راح تتزوج ب سيم و هو جا يخرجها فطنت بدات تزغرت لي كانو يعسو فيها عمبالهم مهبولة خافوها
امبعد هيا فاقت بلي انخطفت
وصال : واش لحومة مطولين معايا هيا سرحونا بكري ليوم يلعب فيلم جديد
الحراس : بلعي فمك و ما تهمينيش قادر ننهيك دوك خلي يرجعلنا لبوس و نتي تسهلي فطريقك
وصال : يا حييي خلينا نروحو عيينا و حنا نسناو
الحارس رفد تلفون عيط لرسيم
رسيم : او وي وين نتلاقاو
الحارس على ساعة نتلاقاو فبلاصة…… تعرفها
رسيم : صحا على ساعة نكونو تما
وصال : يااا اعطيني نهدر معاه لوجه ربي يا لفرطاس
دالها تلفون في ودنها
وصال : الو رسيم
رسيم : وي يا عمري ما تتقلقيش راني جاي ما تخفيش ما يصرالك والو راني معاك
وصال: لالا مانيش خايفة سيي كيفاش تجي في نص ساعة باسكو الفيلم جديد يبدا
رسيم : روحي ر..ك ما تخلينيش نغلط فيك
نحالها الحارس تلفون وكوبا ديراكت
وصال: اسمع بو دوارة جعت جيبلي ناكل
الحارس هاو ليك الخبز كوليه ما تموتيش
وصال : يا محاينك تربيت في ميتم و ما كليتش خبز وحدو راك صحبديح في عقلك بودماغ
الحارس دار ليها تعنكر فيها و خرج
و في الجهة الاخرى رسيم وجد كليكة كبيرة باش تروح قبلو يتخباو في ديك لبلاصة امبعد يروح هو
لحق الوقت دار كريم فالطونوبيل و راح لهاديك لبلاصة لقا 5 رجال و هيا في وصتهم شادينها
وصال : يحرق زريعتك هادا وين جي لفيلم حيخلاص واش ندير بيك دوكا
رسيم : بلعي نتي
الراجل : اكلق كريم نطلقوها
رسيم : لالاا ابعتوهالي هيا قبل
الراجل : قتلك ابعت كريم نبعتهالك هدرة تع رجال
وصال: علاه نتا راجل قتلك جيبلي ناكل رحت و خليتني راك حاط روحك راجل
امرهم يغلقولها فمها هههه
المهم رسيم بعت كريم و هوما بعتوها هي تمش بلعقل و كريم كيف كيف حتي خرجو لا بوليس من كل جهة
سلموا نفسكم المكان محاصر

(وهذا رسيم يا يما شحال شباب بقلاوة تقطر بالعسل احمم خمسة وخموس علية نزيدو نضربوه بعين )

(هذي وصال )

سجينه عشقت شرطي

النهاية

المهم لابوليس قالو المكان محاصر
و واحد من حراس كريم تيرا رصاص بداو يتيريو بالرصاص و رسيم راح شد يد وصال و خباها و يقولها ما تخفيش راني هنا ما تخافيش
قوا صوت الرصاص و المواجهة قوات جا رسيم و وصال باش يتخباو فبلاصة وحدوخرا و اوب يتيريو على وصال طاحت وصال فالارض و الدم في كل بلاصة ناض رسيم يعيط و يايري كي المهبول
هربو لوخريت و داو معاهم كريم و رسيم ولا يجري لوصال و يعنق فيها و يقول : يا عمري ما تخلينيش يا حبي ما نقدرش على فراقك اصبري اتحملي في خاطري حتى جي لامبيلونس
وصال تهدر و دايخة و قاتلو : نحبك يا لبقلاوة و فقدت الوعي
قعد ليل كامل و هو يشوف فيها من زجاج هادي هيا ام سبع لسان تاعو راهي قدامو و ساكتة
يووو هادي هيا حبيبة قلبو راها تصارع فالموت قدام عينيه بلا ما يديرلها والو
تفكر آخر كلمة قالتهالو بدا يبكي و يقولها : غير افطني يا عمري و الله انا تان نحبك افطني والله نعيشك احلى عيشة
رقد لتم فطن صباح راح يشوفها لقاها ما فطنتش بدا يدعي
جازت 24 ساعة و هو يدعي و وصال ما فطنتش حتى جا ليه الطبيب و قالو المريضة دخلت في غيبوبة
هبل من راسو مسكين راح قدامها و بقا يبكي كي الطفل الصغير الطفلة لي حبها حضيع من يدو
جازت 3 اشهر و هو نفس الروتين يروح يزورها فالصبيطار يحكيلها شحال يحبها و يروح يخدم (ايه و كريم كي تبعوه داك نهار حكموه هو و جماعتو و حكمو عليه مؤبد مع الاعمال الشاقة لقاو عندو سوابق قتل مخدرات )
المهم ناض صباح و راح ليها كي عادتو جاب دخل عندها و بقا شادلها و يدها و يبكي و يحكيلها شحال توحشها و شحال حبها حط راسو عند يدها و يبكي حتى حس بيد فوق شعرو طلع راسو لقاها دايرة يدها فوق شعرو الدنيا ما كتنتش سايعاتو من الفرحة وصال فطنت راح يقدر يقولها نحبك راح يهبلها و يغير عليها يا وصال شحال فرحتيه مسكين مالفرحة قريب زغرت شدلها يدها و يبوس فيها و يقولها ما تهدري والو يا عمري ما تعبيش روحك
ىاح عيط للطبيب تفحصها و قالو بلي وضعها تحسن على قبل
فرح مسكين و زاد خبر امينة فرحت و جات ليها هي تان كانت تزورها
جازو يمات و جا نهار لي تخرج فيه وصال مالسبيطار
رسيم قال لامينة بلي وصال تريح عندو هو يهتم بيها و دا كونجي مالخدمة باش يريح معاها
راحت امينة و رسيم للسبيطار يخرجوها شافتهم فرحت بدلتلها امينة حوايجها و جا رسيم يخرجها تكاها على صدرو و شدها بيدو و يمشي فيها بلعقل
لحقو للطونوبيل ركبها و راحت معاهم امينة
وصلوها لدارها كانت هابطة وصال قالها : وين نتي جي معايا
وصال: وين نجي معاك نروح لدار لي كنت فيها واش نجي ندير معاك
رسيم: لا انا المسؤول على هاد الحالة لي راكي فيها انا لي نهتم بيك
وصال: لا ما مسؤول على والو هادا نتيجة تهور ديالي
رسيم: لا هاد غلطتي و اون بلوس ما يهونش عليا نخلي عمري بادلا ما نتهلى فيها
وصال وجها ولا كي الطمطومة حشمت و هبطت راسها
رسيم : يااا لخطرة لولة لي نشوفك حشمتي هههه
تبسمت وصال و كمل طريقو لحقو لدارو راح يهبطها فتحلها لباب و دخلها طلعها لبيتو و هبط للكوزينة وجدلها فطور حبيبنا طباخ عايش وحدو وجدلها سنيوة و دارلها فيها وردة و داهولها
هي شافتو تبسمت قعد قدامها و قالها : انا نوكلك ليوم
وصال : لا نعرف ناكل وحدي مرسي
رسيم : لا شووت انا نوكلك ما تعبيش روحك راني هنا
يوكلها و يخزر في عينيها و هي دايبة في عينيها هبلها باهتمامو اول مرة واحد يهتم بيها اول مرة تحس روحها انسان
كمللها مسحلها فمها و شدلها يدها و قالها : ارقدي و ريحي مازال ليام و نهدرو بزاف حوايج آخرة كلمة سمعتها منك قبل 3 اشهر حاب نسمع واش كاين موراها
باسها من جبينها و خرج
فرحت وصال حتى هيا حابة تفرغلو قلبها هي تان ماشي من المعاكسين تكسلت و رقدت
لحق الليل طلعلها لعشا لقاها راقدة كي الملاك حط السنيوة قدامها و بقا يخربلها في شعرها
رسيم : وصال نوضي كولي لازمك تاكلي باس تشربي دواك
وصال: اامم عيشك حبي نزيد شويا
رسيم : ااا واش قلتي ما سمعتش
وصال فاقت مع روحها واش قالت حلت عينيها و قاتلو حاضر هاني نضت
ضحك عليها و ما حبش يحشمها وكلها كي عادتو شربلها الدوا و كي كان رايح شداتو من يدو
وصال: عيشك ريح حابة نهدر معاك
رسيم: ايه انا تان حاب نهدر معاك بصح ماشي وقتها راكي مريضة صغرونة
وصال،: لا معليش حابة نهدر دوكا
رسيم قعد قدامها و قالها راني نسمع فيك
وصال: من اول يوم شفتك فيه دبت فيك ما قدرتش نبعد عيني عليك عودت درت مشكل باش ندخل للخبس و نشوفك فرحت كي حكمو عليا 4 سنين قلت نبقى نشوفك لمدة هادي كامل بصح خسارة تعبي راح في باطل نهار شفتك فالحبس و معقلتنيش دمرتني و نهار لي خرجت و زدت شفتك قدام لحانوت قلت هادا مكتوب ربي و ليت نسناك دايمن صباح باش نشوفك نفرح كي تقولي صباح لخير نهار ضربت هاداك السيد عجبني لحال لقيت راجل في كتافي
وزدت نهار خطفوني و هدرت معايا ريحتني كي كنت تقولي ما تخافيش راني جاي معاك نحس بالامان
عنقاتو و قاتلو : تعيش ما تخلينيش راني 4 سنين و انا نعشق فيك كحزاد زير عليها رسيم و قالها : انا تان نحبك يا ام سبع لسان ما تامنيش شحال خفت عليك خفت لا تروحي من يدي و ما نقدرش نحاغظ عليم راكي كل حاجة فحياتي راكي قطعة مني ما نقدرش نعيش بلا بيك زيرت عليه و بدات تبكي حكملها وجها بيديه و يمسحلها فدموعها اومبعد باسها تكسل قدامها و رقدت فوق صدرو حتى لصباح
ناضت فرحانة باسها من راسها و صبحو حب في حب
جازو يماتهم عسل في عسل و وصال برات
قرر رسيم يديرلها سوربريز
راح هو للمخفر و بعتولها استدعاء راحت لمركز الشرطة و هي خايفة لحقت لقاها بوليسي : انتي آنسة وصال….
وصال : ايه انا غير لخير
البوليسي: قضيتك راح تتعاود تتفتح و من المحتمل يكون فيها سجن مرة تانية
وصال : يا خاااه وعلاش واش درت انا
البوليسي : روحي لهيك يطلعوك على باقي القضية
رايحة و خايفة على غير لعادة لخطرة لي فاتت ما كانتش خايفة كانت رايحة تشوفو بصح ليوم خايفة يحكموها و يضيع من يدها
لحقت قالها بوليسي2: آنسة وصال لقضية تاعك عاودت تفتحت و زادو فيها شكاوي و كاين ضدك بزاف اتهامات راح نحتاجزوك عندنا فالحبس لتحت حتى يلحقنا قرار من المحكمة باش نشارعولك
دارلها لي مينوت و هبطها للحبس هي هابطة و رجليها فشلو حتى تشوف ورد حمر فالدروج لحقها البوليسي للحبس و تتشوكا تلقا لحبس هاداك معمر بالشموع و الورد و مكتوب نحبك وصال كبيرة و النبولات
ما امنتش واش راهي تشوف قعدت تحك في عينيها و زاد كمل عليها رسيم كي هبط على رجلو
و قال: حبيتك و ربي شاهد على حبي هاد الحبس شاهد على عشقي حكايتنا بدات من هاد الزنزانة و راح تكمل فيها نتي عانيتي على جالي و عدابك ما يروحش فالريح يا نور عيوني
تقبلي تكوني مرتي قدام ربي و عبادو
تقبلي تكوني حلالي يا لكبدة ديالي
وصال: ناضت تزغرت هو فهمها بلي قابلة ناضو لمحابسية يصفقو ههههه
قاتلو: يعني خلاصو عليك لبلايص باش تخطبني فالحبس
رسيم: ههه نتي خطبتك فالحبس و زغرتي و فرحتي لوكان خطبتك فبلاصة شابة واش ديري
عنقاتو و خرجو
هو كان مزروب و ما حبش يطول عيط لوالديه هبطو من فرنسا و هي ولات عند امينة حكاتلها و فرحتها و عاونتها و قالها لخدمة فالقهوة تنسايها قعدت تخدم فيها غير امينة وحدها
المهم راحو خطبوها والديه غير هي و امينة و راحت عيطت لبلقاسم و احمد و زينب و كلتوم حضرو معاها و فرحولها بزاف
حتى اهل رسيم ناس ملاح فوق اللازم
زربو على لعرس باش يوليو والديه لفرنسا
بقات سمانة و وصال غير تحضر فروحها و مينة تاني مخلاتهاش عاونتها بلي تقدر
جازو يمات و لحق ليوم الموعود
يوم لي يتربط اسمها مع اسمو ملي ناضت صباح و هي تزغرت
دارت تشقاالة وحدها و مريم تاني جات عاونتهم مع صباح راحت وصال للحفافة هبلتها ديريلي هكا ما ديريش هكا هادي شابة هادي ماشي شابة حتى لحفافة تقلقت ساعفتها و مشطتلها مشطة سامبل و ماكياتلها ولات كي لبوبية قمر الله يبارك
زادت راحت لبست داك البدرون فصللها كامل جسمها خرج عليها هباااال
تمنات لوكان جاو والديها حاضرين معاها بصح الله غالب لقات بلقاسم و احمد وكلتو و زينب فكتافها ما حسسوهاش كامل بالفراغ
هي قاعدة مع امينة و و الناس برا تسنا في رسيم يجي يديها عروسة لدارو و لقلبو حتى سمعو كلاكصون قلبها بدا يخبط سمعت زغاريت ناضت تزغرت معاهم حتى خبطتها امينة لضهرها
خرجت تحت كتاف بلقاسم و احمد
ركبت فالطونوبيل ركبت معاها امينة راحو للصالة صدروها و هي تشوف ما لقات ما دير دارت لمولات الديجي قاتلها : اطلقي وحدة راي
دارتلها الراي و هي ناضت ما حبتش تقعد حتى جات ليها امينة قعدتها
المهم جا وقت لي يدخل فيه رسيم
كانت فالبيت و هو دخل ااممم واش نحكيلكم واش مالزين و هاديك الكوستيم زادت فيه النص لبسها فالنواغ مع لكور ديالو جاتو هبال و هي لبست غوب بلانش و الكاريثة لبستها مع كونفارس
خرجها شطحو على الراي تصورو و داها للاوتال
كي لحقو رفدها و طلعها للشومبرة حطها و قعد قدامها
رسيم : ادخلي دوشي حبيبي امبعد ندخل انا
وصال دخلت دوشت لبست نويزات بينتلها كامل جسمها و هي الله يبارك جسمها متناسق طلقت شعرها دارت ناكياج خفيف و خرجت
هو شافها هبل مسكين داب مقدرش يشد روحو
قالها: ما شكيتش نقدر ندخل ندوش
وصال: يوو رسيم ادخل راني هنا
دخل رسيم دوش قالها البسي حاجة نصليو
صلاو و قر الدعاء باش ربي يسهللهم
المهم دار ليها شدها من وجها وقالها نحبك هي قاتلو انا تاني و عنقاتو امبعد دورها ليه و باسها ….
امبعد صرا لي صرا ما تحلالكمش
ناضو صباح جوزو احلى ليلة في عمرهم
باسها و دوشو و راحو للدارو جاز صباح لعروسة و داها فواياج لماليزيا جوزو تما شهر غير حب في حب
كانت اجمل ايام حياتهم
المهم جازو ربع سنين و هوما عايشين في حب و حنان و جابو مرام عندها 3 سنين و ناويين يزيدولها خوها
وصال هبلاتو رسيم مسكين و لا يمشي بلا عقل ايه و حوست على والديها في عنوانهم قالولها بلي ماتو عندهم 2 عامين
غاضتها عمرها ماتو قبل ما تعرفهم ولا تشم ريحتهم و لا تحط راسها على صدرهم لكن مرام و رسيم عوضولها داك الفراغ و الحنان كامل و خاصة انو والدين رسيم ما بخلوش عليها و حبوها كيما وليدهم
و امينة صحبتها تزورها كل سمانة و تخطبت لواحد عرفاتو فالقهوة و راهو قريب عرسها …. النهااااية
مرسي ليكم كامل و ربي يخليكم سلام
واعطوني رايكم فالحكاية.
✋✋😍😍😍😍😘😘😘😘
رايكم يهمني