9,174 اجمالى المشاهدات,  5 اليوم

رواية صفقه شيطانيه بقلم كوكى سامح

مقدمة

انا عروسه من شهرين والغريب ان جوزى ابتدى يزهق منى وقالى كده بصراحه انه حاسس بالملل وفتور فى علاقتنا وبصراحه مفهمتش يقصد ايه؟؟..

الجزء_الاول_والثانى
.. انا غاده 28 سنه بنت جميله وعلى خلق دكتوره امراض نفسيه وعصبيه وبشتغل فى مستشفى كبيره الحمد لله اتربيت احسن تربيه واعرف الحلال من الحرام كان اى راجل يشوفنى يتمنى نظره منى مش معنى انى دكتورة أمراض نفسيه يعنى قفل ومعقده ولابسه نضاره بل بالعكس كنت بحب الضحك والهزار وكان ليه أصحاب كتير فى مجالى وشباب اكتر من البنات كمان والكل عارف اخلاقى..
.. لحد ما جه اليوم وحصلت طوارئ فالمستشفى وكان فى عجز فى الدكاتره والإداره عينت دكاتره جديده ومن ضمنهم عزت جوزى وهو دكتور جراحه عامه واول ما شافنى أعجب بيه وانا كمان وبصراحه كان وسيم وحاجه كده طول بعرض واى بنت تتمناه واتقدملى واتخطبنا واتجوزنا بسرعه ومن اول ليله جواز وانا شوفت في عينه حب ولهفه للجسد وكانت طلباته غريبه وكان بيطلب منى ارقص بس ببدله رقص وكنت بقول عادى انا مراته وهو جوزى وده شرع ربنا ايه يعنى لما ارقص لجوزى وحتى لو دكتوره الست ست فى كل الأحوال ان شالله لو وزيره ده جوزى وحلالى وفى يوم قالى نعمل فى علاقتنا اللى يغضب ربنا وبصراحه قلبت وشى عليه ورفضت وهو زعل منى وقالى انتى مش مكفيانى بس وقتها قولت احنا لسه عرسان جداد ويمكن ومكملناش اسبوع وبكره مع الوقت هيفهم ده مع انه عارف انه حرام طنشت وقولت كان موضوع وخلص بس للأسف لأ. ؟؟ وكان اى وقت حلو ما بينا يطلب برضه اللى يغضب ربنا بحجه نغير فى العلاقه وانا كنت برفض وبشده وشهر فات على جوازنا
= بالمناسبه انا ساكنه فى عماره لسه بتتشطب وطالعه على شقتين ومفهاش سكان كتير عموما انا مش بحب الاختلاط.
.. بعد جوازنا بشهر كنت قاعده لوحدى وعزت كان عنده ورديه فالمستشفى ولقيت جرس الباب بيرن قومت فتحت واتخضيت كانت الساعه 2 بالليل ولقيت فى وشى راجل وقالى لو سمحت فين دكتور عزت رديت وقولت مش موجود راح زعق بصوت عالى وضرب الباب بكفه وقال مراته بتموت مش قادره تتنفس رديت عليه وقولت انا ممكن اساعد رد وقالى طيب تعالى بسرعه دخلت معاه الشقه وكانت مراته قاعده على كرسى الصالون ومش قادره تتنفس ومتلجه لما شوفتها عرفت ان دى اعراض ضغط عالى وقولتلوا لازم تكشف باطنه ويطمن عليها ويشوف نسبه السكر عندها قد ايه رد عليه وقالى اصل هى عصبيه وسمعت خبر اضايقت منه رديت وقولت تاخد برشام ضغط لو عندها وهيتظبط ان شاء الله بس تكشف باطنه تتطمن لاقيتها ابتدت تهدى وبصت وقالت انتى العروسه الجديده ابتسمت وقولتلها ايوه رددت وقالت هو انتى دكتوره قولتلها ايوه بس امراض نفسيه رددت بصوت ضعيف وقالت نورتى العماره انا ليالى وده جوزى ماجد وابتدت تشكرنى وانا بتكلم معاها لمحت بار عندها فالشقه ومكانش ديكور لأ وكمان من شكل الشقه واضح انهم كان عندهم حفله وخلصت كلام وخدت بعضى واستأذنت ودخلت شقتى وبصراحه مهتمتش بيهم لأنى اصلا معرفهمش مع انهم جيرانى بس انا مش بحب الاختلاط
.. بس تانى يوم قومت بدرى وكان عزت فالمستشفى وجرس الباب رن فتحت وكان ماجد وقالى شكرا فعلا ليالى كان ضغطها عالى والحمد لله بقت كويسه
.. الحمد لله خلى بالك منها وبعدين لا شكر ع واجب احنا جيران ياريت تسلملى عليها
.. مسك ايدى وعينه ع جسمى ونظراته غريبه لدرجه شكيت فى نفسى وبقيت ابص ع جسمى ومش شايفه حاجه غلط وشديت ايدى منه وقولت ابقى سلميلى عليها وارتبكت وقفلت الباب وبعد ساعتين حضرت غدا وكان عزت وصل واول ما دخل قالى حصل ايه بالليل انا استغربت عرف منين
.. فى ايه يا عزت
.. هى ليالى مرات ماجد كانت تعبانه
.. انت تعرفهم
.. لا بس عرفت ماجد شوفته كذا مره بيركن العربيه فى الجراچ
.. اه وعرفت اسم مراته منين؟
.. سمعت البوابه بتقولها بأسمها
.. وعرفت منين اللى حصل 🙄
.. انتى هتحققى معايا قابلته فالجراچ
.. اااه كان ضغطها عالى
.. جرس الباب رن وعزت فتح وكان ماجد وسمعت عزت بيقولوا ان شاء الله وقفل الباب وعزت داخل مبتسم وقال استاذ ماجد ومراته عازمين نفسهم عندنا ع شاى الساعه 8 بالليل
.. وانت قولت ايه
.. هقول لأ طبعا اتحرجت وقولت يتفضلوا
.. ايه قله الزوق دى
.. ليه كده يا غاده ده عشم ودول جيرانا وانتى عملتى معاهم موقف كويس الراجل مراته كانت هتموت
.. اولا ده شغلى ثانيا انا معرفهمش
.. حبيبتى على 8 اجهزى وانا هنزل اشترى جاتوه
.. حاضر يا حبيبى وقالت فى سرها انا مبرتحش لماجد ده وفعلا عزت نزل يشترى جاتوه وغاده جهزت وعملت ميك اب خفيف والساعه دقت 8 وكان جرس الباب بيرن وفتحت الباب وكان ماجد وليالى
… اهلا وسهلا اتفضلوا وفعلا دخلوا وقعدوا فالصالون
ماجد.. هو فين دكتور عزت
غاده.. بالظبط 10 دقايق وهيكون موجود
ليالى.. انا جايه مخصوص علشان اشكرك يا دكتوره
غاده.. يا حبيبتى ده واجب وان شاء الله هتبقى كويسه بس بلاش تتعصبى ده علاجك
.. باب الشقه اتفتح وكان عزت واول ما دخل راح المطبخ وخرج يسلم على الضيوف وقعد معاهم وغاده عملت الشاى ودخلت بصنيه الشاى والجاتوه وقعدت متفرجه وعين ماجد عليها والغريبه ان عزت مندمج فالكلام مع ليالى والغيره دبت فى قلب غاده وابتدت تفتكر كلام عزت ليها وانها مش مكفياه ومش ماليه عينه وقالت اعوذب بالله من الشيطان الرچيم كنت هشك فى جوزى وتوالت الأحداث و فى غصون شهر واحد وليالى وماجد بقوا جيرانا المقربين وعدى شهرين على جوازنا وشهر بس وكان عزت وماجد أصحاب اوى كانوا ناس غريبه كل يوم والتانى حفله بصراحه معرفش بيجيبوا الفلوس دى منين للحفلات دى كلها وغير معرفتهم بالناس عملوا فى شهر واحد اكتر من 5 حفلات لحد ما جه اليوم واتعزمنا فى حفله عندهم وكنت قاعده متفرجه كالعاده وشوفت عزت وماجد بيتكلموا مع بعض ومندمجين اوى وليالى جت قعدت جمبى وقالت عارفه ياريت ماجد زى عزت
.. زيه فى ايه
.. فى كل حاجه وسيم ومفرفش
.. اه مفرفش ده العادى بتاعه
.. ياريت ماجد يبقى مفرفش كده
.. ههههههههه معقول مع انى شايفه ماجد مفرفش اوى
.. بيتهيألك بس ف العلاقه ما بينا بارد وممل زيك كده ما انتى كمان ممله ههههههه ما هو عزت قالنا..
يتبع
الجزء_الاول_والثانى
صفقه_شيطانيه
بقلمى_كوكى_سامح
علقوا ب 20 ملصق 🔖 علشان يوصلك اشعار الجزء الثالث

رواية صفقه شيطانيه بقلم كوكى سامح

الجزء الثالث

ج. 3….صفقه_شيطانيه
ما انتى كمان ممله ما عزت قالنا كده رديت وقولت نعم عزت قالكم ده مين انتم علشان يقولكم وبعدين ازاى يتكلم فى خصوصيتنا
.. عادى يا حبيبتى احنا اخوات
.. لأ احنا مش اخوات ولا حتى أصحاب احنا يدوب معرفه
.. طيب ليه العصبيه وكمان وشك اتغير خلاص مش اخوات انا اسفه يا دكتوره غاده بس انا قولت خلاص احنا بقينا واحد
.. هو فين عزت انا عاوزه اقوم
.. خليكى لسه بدرى ده حتى لسه الحفله هتحلو
عزت.. خير يا غاده لقيتك باعته واتس فى حاجه
غاده.. عاوزه أمشى ممكن
عزت.. لسه بدرى
ليالى.. طيب انا هروح اشوف البوفيه
. غاده.. خلاص خليك انت
عزت.. بقولك خليكى
غاده.. يلا علشان القاعده ممله زى كده
عزت.. انا مش عارف مالك شوفتى ليالى لابسه ايه وعامله ازاى دى جريئه اوى بس حلوه
غاده.. اه عجباك
عزت.. بصراحه لا تقاوم
ماجد.. خير يا دكتوره غاده بتقولى انك ماشيه وكمان مضايقه
عزت.. مضايقه من ايه هو حصل حاجه
غاده.. مفيش حاجه انا بس مصدعه
عزت.. تعالى يا ماجد نكمل كلامنا هى كده علشان جو الحفلات جديد عليها
.. وغاده قعدت وكانت متعصبه من كلام ليالى وقالت انا ممله طيب ازاى يجيب سيرتى معاهم وكمان فالعلاقه اللى ما بينا بس انا هوريك يا دكتور عزت يا محترم
ليالى.. قومى قومى تعالى نرقص
غاده.. لأ مبعرفش ارقص
ليالى.. انتى قفل اوى اوى ليه كده فكى وفرفشى كده خلاص انا هروح ارقص
غاده.. انا مش عارفه الست دى عاوزه منى ايه
.. تليفون غاده رن ورددت ودخلت البلكونه علشان تسمع كويس وكانت اختها ولاء وقالت لها ايه يا بنتى بتصل من بدرى وبعدين ايه الصوت ده انتى فى فرح رددت وقالت ههه انا فى حفله عند ناس جيرانا
.. معقول لحقتوا يبقى ليكوا جيران
.. شوفتى ومش اى جيران انا مش مرتاحه ليهم ومش مطمنه خالص
.. خلاص وايه اللى يجبرك عيشى فى حالك
.. هحاول
وقفلت معاها الفون وقالت لها انها هتكون عندها ع اخر النهار يشتروا حاجات مع بعض ولما قفلت خرجت شافت منظر غريب ليالى دخلت اوضه نومها وبتشاور وبصت لقت عزت دخل وراها ودخلت وراهم وكان الجو بره كله موسيقى واغانى صوتها عالى وكان ماجد مش موجود ولما دخلت وقفت فى مكان محدش هيشوفها فيه وسمعت عزت بيقول ياه جسمك حلو اوى وبصراحه مغرى وابتدى يقرب منها ويحضنها وليالى فى حضنه وكل ده وهى واقفه شايفه وسامعه ومقهوره وقالت انا لازم افضحهم ولازم جوزها يعرف الفاجره دى وفجأه شافت ماجد داخل الاوضه وغاده قلبها وقع وقالت يا نهار اسود دى هتبقى فضيحه ده ممكن يقتلهم لازم اعمل حاجه ودخل ماجد عليهم وقال ايه ده مراتى فى حضن صاحبى يادى الفضيحه رد عزت وقال انا معملتش حاجه والله انا كنت باااااا..رد ماجد وقال متخافش اوى كده مش هقتلك بس هنعمل صفقه مع بعض رد عزت وقال صفقه ايه..
.. انا عاوز حقى انت كنت فى حضن مراتى وانا كمان عاوز مراتك ايه رأيك رد عزت وقال مراتى
.. اه مراتك وهى تفرق ايه عن مراتى
.. مراتى عنيده ومستحيل توافق رد وقاله دى مشكلتك بسيطه هقولك تعمل ايه وفتح الدولاب وجاب حبوب منومه وقاله خد الحبوب دى ومش مشكله انا عاوزاها نايمه رد وقاله منوم
.. اه خود الحبايه دى وحطها فالعصير وهى هتنام وانا هدخل عليها وانت مع ليالى رددت ليالى وقالت ايه رأيك فالحل ده اهو هنكسر الروتين واللى انت عاوزه هعمله وكل ده وغاده شايفه ومنهاره بس عرفت نواياهم وعرفت ان عزت مش راجل وقالت يا ليله سوده دول عصابه وناس مريضه وجوزى سندى طلع زيهم يا نهار اسود اعمل ايه وخدت بعضها وخرجت وقعدت مكانها وفعلا محدش حس بيها وبعد 10 دقايق غاده بعتت رساله واتس لعزت وقامت دخلت البلكونه علشان محدش يلاحظ ولما يخرجوا من الاوضه هيعرفوا انها مش موجود وعزت خرج وبيدور على غاده ووشه احمر وكان مرتبك واتصل بيها وهى رددت وقالت انا فى البلكونه تعالى عاوزاك ودخل عزت يجرى على البلكونه واول ما دخل
.. انا تعبانه عندى مغص عاوزه اروح شقتى وقام مسك ايدها وسندها وخرجوا على شقتهم والحفله شغاله
.. روح شوف فى ايه يا ماجد بسرعه
.. وجرى ورن جرس الباب وعزت فتح وقاله ان غاده تعبانه راح قاله بقولك حطلها المنوم النهارده رد عزت وقال خليها بكره وكل ده وهى سامعه وعارفه باللى هيحصل
عزت.. بقيتى كويسه يا حبيبتى
غاده.. ايوه الحمد لله خلاص يا عزت روح كمل سهرتك معاهم
عزت.. ازاى بس انتى تعبانه
غاده.. انا هنام بس لما ترجع بلاش تصحينى وفعلا عزت خرج وراح يكمل سهرته وغاده قعدت فى اوضه نومها وقالت انا لازم اتصرف انا هبلغ عنهم هما التلاته لا مش هينفع هقول ايه وانا مش معايا دليل 😭 وغاده مصدومه فى جوزها وفضلت صاحيه طول الليل لحد ما جت فى بالها فكره جهنميه وهتوديهم كلهم فى داهيه وقالت انا هاخد المنوم..؟
والساعه عدت 4 الفجر وعزت دخل سكران ونام وقرب منها وابتدى يلمسها وهى قالت انا تعبانه دلوقتى سبنى انا هنام رد وقالها لا مش هسيبك وخدها بالعافيه بس هى حلفت من بعدها انها هتحرم نفسها عليه وفى صباح اليوم التالى عزت قام من النوم بس ملقاش غاده جمبه وكانت الساعه 7 الصبح واتصل بيها الفون مغلق…

رواية صفقه شيطانيه بقلم كوكى سامح

الجزء الرابع والخامس

ج.4و5..صفقه_شيطانيه
وكانت الساعه 7 الصبح وعزت صحى من النوم وملقاش غاده جمبه واتصل وكان تليفونها مغلق وقال هى راحت فين دى وعدت ساعتين وكانت الساعه 9 وكان ميعاده فالمستشفى وبرضه بيتصل والفون مغلق ومسك تليفونه واتصل ب ماجد وقاله ان مراته مش موجوده وتليفونها مغلق وراح المستشفى وبكل بجاحه طلب منه يتصل بيها ويطمنه لو التليفون اتفتح
.. فى ايه يا ماجد
.. يا ستى غاده خرجت وقافله تليفونها اكتر من ساعتين
.. هههه ساعتين بس😂 يمكن فى مشوار والفون فصل شحن
.. جايز
.. عزت وصل المستشفى واول ما وصل غرفته الخاصه طلب فطار ومسك الفون وابتدى يتصل ب غاده والفون مغلق
.. باب الغرفه اتفتح وكانت ممرضته الخاصه سوسن
.. صباح الخير يا عزت اتأخرت ليه انا عامله فطار علشانك مخصوص
.. بقولك يا سوسن انا طلبت فطار وبعدين مش هينفع هنا الكلام ده المستشفى كلها خدت بالها من علاقتنا
.. ومن امتى ان شاء الله وانت عامل حساب لناس وكلامها.. اذا كنت انت مش عامل حساب لمراتك نفسها الدكتوره غاده
.. هى خلاص مشيت ومن اول جوازنا وهى قاعده فالبيت ومتعرفش حاجه عننا وعن المستشفى
.. ومين قالك والدكتوره ملك راحت فين
.. اه ملك متقدرش تتكلم ولو اتكلمت هتتطرد زى الكلبه وهى عارفه
.. بحبك يا عزت
.. يا بنتى مش هنا
.. ما زمان كان بينفع هنا مش فاهمه انت مالك فيك ايه 😁 ولا عرفت غيرى خلاص
.. انا مش عاوز كلام كتير هنا
.. بس انا هبقى مراتك
عزت قال فى سره مراتى ههههه دى شكلها بتحلم
.. ان شاء الله يا حبيبتى
.. طيب مش هتيجى الشقه بتاعتنا وحشتنى بقالك شهر مدخلتهاش
.. وانتى كمان وحشتينى. بس انتى عارفه الشغل ذاد عليه وكمان الجواز وغاده مش سيبانى
.. انا مجرد مبحس انك فى حضنها بتجنن وبموت من الغيره
.. حبيبتى انتى عارفه انى مليش غيرك وطول ما انتى مطيعه وبتسمعى كلامى هخليكى ملكه
.. ربنا يخليك ليه هو انا اشتغلت هنا غير علشانك فاكر لما قولتلى اشتغل هنا علشان اكون جمبك وكمان نطلع مصلحه مع بعض
عزت قام وقف وحط ايده على بوقها وقال بصوت واطى الا المصلحه حسك عينك تتكلمى فيها هنا فاهمه هيكون فيها قاتلك
.. سبنى حاسه انى بتخنق والله مش بتكلم مع حد صدقنى ولا حد بيعرف حاجه عن شغلنا بس انا بحبك وانت عارف
.. حب اه إنما تتكلمى فالشغل هدفنك يلا روحى دلوقتى انا طلبت فطار ومش عاوز اشوف وشك غير لو فى حاجه مهمه
.. حاضر حاضر بس عاوزه اشوفك النهارده فالشقه
.. مش هينفع النهارده يومين كده وعاوزك تحضرى أكله بس من الأخر
.. عيونى ليك يا حبيبى😍 انا خارجه هه باى باى بااااى♥️
عزت قال يخربيتك هتودينى فى داهيه ده لو حد عرف الشغل اللى بعمله فالمستشفى ده اتوقف واتحبس كمان ومسك فونه وفضل يرن ع غاده ولقى الفون جرس وغاده رددت
.. انتى قافله الفون ليه
.. كان فاصل يا حبيبى
.. بحبك
.. انت لسه سكران يا عزت
.. حبيبتى عاوزاك النهارده بالليل ملكه وست الستات
.. ليه فى حفله
.. لأ عاوز مراتى فى حضنى وعاوزها تكون أجمل ست انوثه وجمال وشياكه عاوزاك ملكه
.. ربنا ما يحرمنى منك يا حبيبى
.. صحيح انتى كنتى فين؟
.. اه يا حبيبى ياريت تكلم ولاء أصلها تعبانه جالها مغض كلوى وكانت بتموت كلمتنى ونزلت محستش بنفسى وبصراحه انت كنت تعبان وسكران ومش حاسس بحاجه سبتك نايم تستريح
.. الف سلامه عليها هبقى اكلمها
.. حبيبى انا فالبيت دلوقتى بس كنت عاوزه اخد رأيك فى حاجه
.. قولى يا حبيبتى
.. انا جبت ولاء معايا علشان ارعاها وهى تعبانه وكمان لو المغص رجع الحقها انت عارف ماما قلبها ضعيف ومش بتعرف تدى حقن والمغص ممكن يرجع فى اى وقت وانا او انت نلاحقها
وعزت قال اوووف وضرب بأيده على المكتب وقال وانتى كده بتاخدى رأيى يعنى خلاص خلاص سلام يا ولاء وانا بقولك عاوزاك النهارده ملكه 😎 خلاص سلام وقفل معاها وقال يا نهار منيل طيب انا بقى ليالى طقت فى دماغى النهارده ومش هينفع علشان الاتفاق والصفقه اللى ما بينا ولازم اسلمه غاده ومسك فونه واتصل ب ماجد وقاله اللى حصل بس ماجد كان لى رأى تانى قاله اديهم هما الاتنين منوم وانا هتصرف وعزت وافق بكل سهوله
.. يا كلب يا خاين يا وسخ مكنتش اعرف انك كده بس انا هوريك هعمل فيك ايه بقولك يا ولاء اعملى زى ما اتفقنا
.. انا مش مصدقه اللى بيحصلك يا غاده سبحان الله مش بالشكل ده احنا اول ما شوفناه قولنا ده دكتور محترم
.. نصيبى نصيبى الأسود بس انا هعرفه ان الله حق 🤚🏼
سوسن.. عزت فى حاله عمليه زايده خلى بالك الشغل ابتدى
.. اوك هكلم الدكتور محمد وهخليه يشيل الكلى وطبعا احفظيها زى ما انتى عارفه وكلمى مدام هناء وانا هقابلها بكره وهنتحاسب علشان ابنها تعبان اوى وهى خلاص ع آخرها خلى بالك من دكتور محمد ودكتور ياسين دول حناشين
.. حاضر يا عزت بيه ويا ترى مدام هناء هتدفع كام وانا نصيبى ايه
.. الله ما انتى عارفه نصيبك وكمان ابنها بيموت هتدفع اللى يشترى عمر ابنها ههههههههههه اما بقى مريض الذايده لى ربنا 😅
سوسن.. 😂 😂 😂 هخلص شغلى وهرجعلك
.. والساعه دقت 9 بالليل وعزت وصل سوسن لحد بيتها وراح ع بيته واول ما دخل شقته وفتح الباب لاقى غاده ملكه زى ما طلب وكانت محضره عشا راح مسك ايدها وباسها وحضنها وقعد على السفره الكاتبه كوكى سامح
.. انت هتقعد كده غير هدومك الأول
.. لا لا لا انتى قمر وانا ميت جوع بس هقوم اعمل عصير السفره ناقصها عصير وقام دخل المطبخ وعمل تلاته وطلع الحبوب المنومه من جيبه ودوبها فالعصير بس فى كأسين وطبعا هو لأ وخرج ومعاه3 كاسات عصير وحطهم على السفره وقام وخبط على اوضه ولاء وقالت ادخل ولما دخل اطمن عليها وقالها لازم تقوم تتعشى معاهم ولاء رفضت بس كان عنده أصرار واقنعها وخرجت معاه وقعدت على السفره وابتدوا يتعشوا وقام قدم لهم العصير قبل الأكل وولاء شربته وكمان غاده وهو شرب وابتدوا ياكلوا وهو مستنى على نار 🔥 وغاده وولاء غابوا عن الوعى وناموا ومسك تليفونه واتصل ب ماجد وماجد خرج من شقته بسرعه زى المجنون…
يتبع
الجزءالرابع_و_الخامس
صفقه_شيطانيه
بقلمى_كوكى_سامح
علقوا ب 20 ملصق 🔖 علشان يوصلك اشعار الجزء السادس ومشاركه البوست علشان يوصلك اشعار الجزء السادس

رواية صفقه شيطانيه بقلم كوكى سامح

الجزء السادس والسابع

وخرج ماجد يجرى على شقه عزت ودخل عنده وقفل الباب وهما بيتفقوا وكانت ولاء وغاده نايمين على السفره ماجد قال ايه ده صوت صوت ليالى وكمان بتصوت وبتنادى عليه خرج يجرى وشاف البوليس جوه شقته بيفتشها وقال ايه ده فى ايه رددت وقالت معرفش انا لقيت ظابط والعساكر دول هجموا على الشقه وبيقولوا فيها مخدرات وفى بلاغ ضدنا رد وقال دى حمله
.. ماجد قال بصوت عالى هو فى ايه بتفتشوا شقتنا ليه احنا ناس أخلاقنا كويسه واسأل علينا
.. فى بلاغ ضدكم انك بتخزنوا مخدرات فى شقتكم وبتاجروا فيها كمان
.. لأ يا فندم العنوان غلط احنا ملناش فالحورات دى
.. خرج واحد منهم وقال ملقتش غير حشيش رد الظابط وقال ده كده تعاطى اتفضلوا معانا
ماجد قال بصوت واطى يا فندم ده حشيش اه بس مش كتير ده انا بشربه انا ومراته يعنى مش بنتاجر
الظابط.. اتفضل معانا وهناك هنعرف بتاجر ولا بتتعاطى
ماجد.. ولا بتاجر ولا بتعاطى انا بشربها مع مراتى فى وقت فرفشه
الظابط.. اتفضل معانا
الكاتبه كوكى سامح
وبعد جدال ماجد نزل مع الظابط وخرج عزت وقال خير فى ايه رد وقاله ارجوك عاوز محامى ونزل مع الظابط والعساكر وكان شكله زباله وقال اوعى تنسى المحامى
عزت قال الله يخرب بيتك محامى ايه بس غاده واختها نايمين على السفره ولازم اتصرف علشان محدش فيهم يشك فى حاجه
ليالى.. شوفت اللى جرى يا عزت خدوا جوزى وظلم ده بلاغ ضده ومش اى بلاغ ده متوصى عليه
عزت.. احسن يبقى هقضى معاكى الليله فى شقتك
ليالى.. انا بقول ايه وانت بتتكلم فى ايه
عزت.. علشان عاوزك وبحبك يا لولو وفى حاجه انا مش عارف اتصرف غاده واختها نايمين على السفره مش عارف هعمل ايه وخايف اى واحده فيهم تفوق وطبعا هتشك علشان نايمه على السفره
.. شوفتى يا ولاء الفكره اللى قولتلك عليها نجحت ازاى كان لازم اغير الحبوب المنومه انا بدلتها بحبوب تانيه وهو مخدش باله لمجرد انها نفس الشكل رددت ولاء وقالت شاطره ما دى شغلتك يا دكتوره وكمان طلع دكتور فاشل 😂وبصراحه مساعده عادل زميلى لينا واخوه انقذتنا اوى وبصراحه قام بالواجب والبوليس وصل فالوقت المناسب رددت غاده وقالت كان لازم يحصل كده بعد ما انتى فهمتيه انهم ناس مشبوهه وطبعا ده كلامى ليكى علشان عادل يقتنع وبالفعل لقى حشيش وده كان فى صفنا ونفعنا كتير
.. اعملى نفسك نايمه بسرعه الباب بيتفتح وفعلا عملوا نفسهم نايمين وليالى دخلت هى وعزت
ليالى.. هتعمل ايه دلوقتى دول نايمين وكأنهم ميتين
عزت.. هنام جمبهم وهعمل مش عارف حاجه والجدع يدور
ليالى.. دماغك سم
عزت.. تعالى فى حضنى بس انا هموت عليكى
ليالى.. انت مجنون مش هنا وبعدين فى اتفاق بينك وبين ماجد انت نسيت ولا ايه
عزت.. اه بس انا مش قادر وعاوزك
ليالى.. مراتك تسمعنا
عزت.. تسمع مين دى نايمه وكأنها جثه وخد ليالى فى حضنه
.. وغاده سامعه كل حاجه وقالت فى سرها انا هوريك العذاب الوان يا كلب وهعرفك ان كيدى غلب شيطانك يا فاجر
وعزت واقف مع ليالى وفى شقته وغاده سامعه ومقهوره وكان بيحضن ليالى وبيتحايل عليها زى الكلب اللى لقى عضمه
ليالى.. بقولك مش هنا ومش وقته خالص
عزت.. انتى حلوه وجسمك مغرى اوى وانا مش قادر خلاص
ليالى.. انت بس هات محامى شاطر ل ماجد وكل حاجه هتتحل وانا هكون معاك وهخليك تحس اللى المدام دى معرفتش تحسسهولك
غاده قالت فى سرها انا هوريكى يا فاجره يا بتاعه الرجاله
عزت.. بجد اموت انا فى الاحاسيس 😍
ليالى.. انا هدخل شقتى وابقى طمنى بعد ما تصحوا عملت ايه 😂
وليالى خرجت على شقتها وعزت مسك فونه وكلم محامى يروح القسم يشوف ماجد ويحاول يخرجه وجرس الباب رن وعزت جرى يفتح وكانت ليالى وقالت تعالى اققعد معايا شويه انا خايفه انام لوحدى ودخلت شقتها وعزت جرى وراها وقفل باب شقته ودخل شقتها زى الكلب السعران
ولاء.. ده انسان حيوان انتى ازاى عايشه معاه
غاده.. نصيبى بس وغلاوتك هعرفه مقامه وقالت بصوت واطى انا مش هسيبه والمنوم ده انا بقى اللى هخليه يشربه وهتشوفى هعمل ايه رددت ولاء وقالت المهم يا حبيبتى مش عاوزه ضرر ليكى وعاوزه ليالى وماجد دول يتعاقبوا رددت وقالت انا هوريهم اللى عمرهم ما شافوه اولها حبس وبهدله ولسه اللى جاى احلى بس انا عاوزه اسأل عليهم الناس دى منين واساسها فين ومنين رددت ولاء وقالت اسألى البواب
.. بواب مين يا ولاء ده يعرفهم قبل منى واخاف يشك ويقولهم على حاجه بس انا على علاقه كويسه بمراته ست غلبانه وتحب تخدمنى
.. طيب كويس اسأليها ويمكن تعرفى حاجه
.. 😭😭😭😭😭😭😭😭😭😭 مالك يا حبيبتى بلاش عياط وغلاوه ماما عندك
.. مش قادره اتنفس وهو فى حضنها حاسه انى هموت مع انه خاين ووسخ بس اتصدمت فيه بجد
.. عندك حق ربنا يعوضك خير يا حبيبتى
.. البيه معاها جوه ومش مكفيه عارفه لو كان بيخون كان اهون هيكون خاين وخلصنا واهون عليه من المصيبه اللى هيعملها فيه 😒 ده بيبيع شرفه علناً الكلب الواطى رددت ولاء وقالت دلوقتى هنعمل ايه رددت وقالت هنعمل نفسنا اننا صحينا من النوم عموما مده الحبوب المنومه دى مش كبيره كبيرها 3 ساعات
.. وعدى وقت طويل وكل ده عزت عند ليالى والساعه دقت 2 بالليل وغاده قاعده مع ولاء فى اوضتها بحجه انها تعبانه
.. بحبك يا عزت انت بجد غير ماجد خالص
.. تصدقى نسيت اكلم المحامى واعرف ماجد عمل ايه
.. ههههه هههههه واحنا كنا فاضين خلاص كلمه دلوقتى
.. ايه ده معقول دى الساعه 2 الوقت عدى معاكى على طول
.. خليك قاعد معايا للصبح تكون مراتك الست الروتينيه فاقت من مفعول المنوم
.. انا كنت عاوز انام جمبها علشان محدش فيهم يشك
.. لأ مراتك ساذجه واختها شكلها هبله بس عارف انا مش عارفه مين اللى عمل بلاغ على شقتنا رد وقال يمكن اى حد من سكان العماره
.. لأ معتقدش احنا هنا من فتره
.. تليفون ليالى رن وقالت استنى ده رقم غريب وردت وقالت الو ولما عرفت ان صوت جوزها قالت فينك يا حبيبى انا هتجنن عليك رد وقالها انا هخرج الصبح من النيابه وهدفع غرامه ده انا هخرج بواسطه المهم عملتى اللى اتفقنا عليه رددت وهى مرتبكه وقالت بعدين بعدين وقفل معاها
عزت.. انا فهمت من كلامك معاه انه هيخرج الصبح
.. اه يلا بقى قوم على شقتك دلوقتى انا مضمنش انه يجى
.. الله ما يجى ما هو عارف كل حاجه انتى نسيتى
.. لأ يا حلو فى اتفاق ما بينكوا ولا انت ناسى
.. مش ناسى يا ست ليالى انا هلبس واقوم وقام لبس هدومه وراح شقته وملقاش غاده وولاء ودخل اوضته ملقاش مراته وراح خبط ع اوضه ولاء
غاده قامت فتحت الباب وعملت انها مدروخه رد وقالها مالك انتى مش فى اوضتنا ليه 🤔
.. انا حاسه انى دايخه اوى يا عزت وولاء هكذا معرفش فى ايه رد وقال مش عارف انا فجأه كده لاقيتكوا نمتوا مش عارف فى ايه رددت وعملت عبيطه وقالت اه انا محستش بنفسى بس ابقى شيل الآكل اللى على السفره علشان مقدرتش لا انا ولا هى انت عارف ولاء تعبانه رد وقال عنيه يا قلب عزت
.. قولى انت كنت فين وجاى منين دلوقت الساعه 3 😁 ياااه ماجد البوليس خده وحقق معاه وانا كنت معاه والصبح هيخرج من النيابه وبصراحه محبتش اسيبه رددت وقالت يا حرام عندك حق والبوليس خده ليه رد وقال ده بلاغ وبيقول انهم عندهم مخدرات
.. تليفون عزت رن وكانت سوسن رد عليها وهو ملهوف ومرتبك وقال الو
.. الو عزت الحق ابن مدام هناء مات هى كلمتنى وحالفه تفضح الدنيا عليكم رد وقالها يا نهار اسود انا جاى بسرعه على المستشفى
غاده.. فى ايه
عزت.. حاله وفاه بس مهمه وخد مفاتيح العربيه وساب غاده وجرى
ولاء.. هو مشى
غاده.. يلا في داهيه
ولاء.. بس عزت ده مش سهل عمل عبيط بعد سؤالك عليه انا وانتى حصل لنا ايه
غاده.. هو مش لاقى رد علشان كده استعبط يلا روحى شيلى الأطباق من ع السفره ويلا علشان ننام رددت وقالت اوك وفعلا شالت الأطباق ونامت غاده جمبها ومش عارفه تنام من التفكير واول ما الصبح طلع وكانت الساعه 8 الصبح وعزت لسه مرجعش نزلت على مرات البواب لان علاقتها بيها كويسه من اول ما سكنت فالعماره وخدت منها معلومات وعرفت انهم ساكنين فالعماره من سنتين وكل يوم حفلات وسهر وفضلت غاده تستفسر منها لحد ما قالت لها انها تعرف سكنهم القديم لو عاوزه تعرفيه رددت غاده وقالت ياريت بس انتى عرفتيه منين رددت مرات البواب وقالت ما هو اللى مأجر لهم الشقه ابن خالى وجايبهم من العماره القديمه لعمارتنا
وغادہ خدت بعضها وانتهزت فرصه عزت مش موجود وراحت على عمارتهم القديمه وابتدت تسأل لحد ما عرفت مصيبه كبيره مكانتش تخطر فى بالها وعزت رن ومردتش عليه علشان كانت فالشارع وقالت وغلاوتك عندى النهارده هشربك السم الهارى المنوم بإيدى واللعب هيبقى على كبير وهعرفك هعمل فيك ايه..
يتبع
بقلمى_كوكى_سامح
علقوا ب 20 ملصق 🔖 علشان يوصلك اشعار الجزء التامن ومشاركه علشان انزلكم الجزء بسرعه

رواية صفقه شيطانيه بقلم كوكى سامح

الجزء الثامن والتاسع

ج. 8و9….صفقه_شيطانيه
.. والله لا هوريك العذاب الوان يا عزت الكلب انت والفاجر والفاجره اللى اتلميت عليهم فعلا الطيور على أشكالها تقع
.. وغاده اشترت من السوبر ماركت طلبات للبيت وشويه حاجات وروحت على بيتها وكانت اختها ولاء نايمه وهى طالعه العماره وقفت قدام الاسانسير ولمحت بعينها ماجد داخل من باب العماره واول ما شافته طلعت السلم جرى وفتحت باب شقتها ودخلت وكانت بتنهج ومش قادره تتنفس.
.. تليفون غاده رن وكان عزت وردت وقالت ايوه يا حبيبى عملت ايه وفينك دلوقتى
.. وانتى سألتى يا غاده عموما انا هرجع البيت بالليل ع 10
.. ليه انت من الساعه 3 بالليل بره البيت اوعى تكون بتخونى يا عزت
.. اخونك ايه بس بقولك انا فى مصيبه فى ولد اتوفى والدنيا مقلوبه أصله اهله واصلين وبعدين الولد على 3 بنات واهله مش ساكتين
.. وانت مالك ده أمر ربنا
.. يا غاده لما ارجع البيت هفهمك كل حاجه سلام دلوقتى انا بس حبيت اطمنك عليه وقفل معاها بس بعد ما قفل قالت داهيه ما ترجعك بس لأ انا عاوزاك ترجع علشان تشرب من نفس الكاس يا خاين يا فاجر انا هعرفك مقامك ودخلت اوضه النوم ونامت جمب ولاء لأنها تعبانه ومرهقه
.. يا دكتور مدام هناء مش ساكته والدنيا خربانه وغير بقى ست الدكتوره ملك بتقول كلام فى سلوكك ومش لازم تسكت عليه خالص
.. انا مش فاضى دلوقتى يا سوسن فين دكتور محمد ودكتور ياسين ولا هما عاوزين يقبضوا على الجاهز رددت وقالت انا كلمتهم بعد ما كلمتك بس دكتور محمد رد وقال انه هيكون فالمستشفى بعد ساعه علشان الطريق ودكتور ياسين مردش عموما الساعه 9 زمانهم جايين دلوقتى رد وقالها والزفته اللى اسمها هناء ايه مشكلتها انتى خدتى منها فلوس رددت وقالت لأ بس انا هفهمك يا عزت هى قالت إنه اخد علاج بالغلط وطلع مش مسكن خالص والعلاج أثر عليه وعلى كليته واتوفى رد وقالها خلاص واحنا مالنا
.. استوب يا دكتور ووطت على ودنه ووشوشته وقالت بهمس انت ناسى ابن اختها اللى انت عملتله العمليه ونقل الكلي ولما صاحب الكليه عرف بالصدفه انها اتسرقت وحاول يشوشر علينا هى عملت معانا ايه عوضته بالفلوس وعرفت تسكته خالص وطبعا بنفوذها رد وقالها وده معناه ايه رددت وقالت معناه يا دكتور عزت انها عارفه سرنا اننا بنسرق من المرضى الكلى من غير رضاهم وبنبعها وغير وغير…
عزت.. اوك انا هتكلم معاها بس دلوقتى ابنها مات ايه فى ايدى اعمله
.. معرفش يا دكتور
.. بقولك يا سوسن مش عاوزك ترجعى هنا وغير معاكى دكتور محمد وياسين فاهمه والا والله العظيم اققلبها على الكل وسوسن خرجت من اوضتها ع نار 🔥 ومستنيه الدكاتره علشان يقفوا جمب عزت
.. وهو قاعد فالمستشفى ومسك تليفونه وكلم هناء وقالها ان حالة ابنها كان بيتابعها الدكتور ياسين ودى حالته وهو يدوب كان هيساعد فى انه هيزرع لى كلى وكان ردها ان ده قضاء وقدر وأمر ربنا وعزت استغرب وقالها طيب الممرضه بتاعتى قالت انك مضايقه وحالفه تعملى مشاكل رددت وقالت بصراحه الدكتوره ملك وقفت جمبى واكدت ان حاله ابنى كانت مستحيله وحتى لو كان زرع كلى مكانش هيعيش وخلاص ابنى مات يعنى خلاص كله راح وابنى راح والدفن هيكون بعد الضهر رد بأستغراب وقال ربنا يرحمه ان شاء الله هحضر انا والدكاترة بس قبل ما تقفل قالت وارجوك فى طلب رد وقالها اتفضلى قالت ياريت الكليه اللى اخدتها من المريض انا هدفع حقها وزياده وياريت تتبرع بيها ع روح ابنى رد وقالها معقوله رددت وقالت وهحولك الفلوس ع حسابك زى ما عملت فى كلي ابن اختى وساعدته وانا عارفه ان كل ده من وراه المستشفى لحسابك وربنا يجزيك خير واهو عايش الحمد لله لأنها اعمار رد وقالها حاضر وقفلت معاه وبعد ما قفل قال الدكتوره ملك تقف جمبى انا؟!
.. الباب خبط وكان الدكتور محمد وياسين واول ما دخلوا شافوا عزت بيفكر
.. ايه اللى حصل يا عزت سوسن قالت إن الولد مات وهنروح كلنا فى داهيه رد وقال يا دكتور ياسين مفيش حاجه خالص هى قالت لما ابنها مات واعصابها فلتت بس دكتور محمد قال هى عارفه حاجه طيب
.. ايوه عارفه اننا بنسرق الكلى ونبعها وانا قبل كده بعت لأبن اختها وانقذته
.. اكيد بقى يا عزت شالت الجميله ع راسها علشان كده سكتت رد وقال تصوروا مين اللى خلاها تسكت ردوا فى وقت واحد وقالوا مين رد عزت وقالهم الدكتوره ملك ودى اكبر عدوه ليه علشان كده خايف وقال انا تعبان وقاعد هنا من بالليل وكنت ع اعصابى انا همشى وهستأذن علشان خلاص مش فاهم حاجه
.. الف مبروك يا ماجد انك خرجت منها ع خير
.. ياااه اسوء يوم فى حياتى بس لو اعرف مين اللى عمل كده مش هخليه ع وش الدنيا بس عملتى اللى قولتلك عليه
ليالى.. هههههه اه موضوعك جه فى وقته البوليس خدك من هنا وانت مشيت معاه وكان عزت محتار والست غاده نايمه بالمنوم زى القتيله
ماجد.. كانت خلاص هتبقى فى ايدى😁 كملى عملتى ايه
ليالى.. انا بقى خليت عزت ع آخره وعملت اللى اتفقنا عليه والكاميرا مصوره كل حاجه صوت وصوره
ماجد.. حبيبتى يا لولو
.. أمشى انت بدلعنى زيه
.. زيه ايه انتى العشق كله يا لولو
.. بس عزت عجبنى اوى
.. وانا خلاص راحت عليه رددت وقالت لا انت الأساس ههههههههههه ههههههههههه وهتعمل ايه دلوقتى رد وقالها لازم نتمم موضوعنا انا عاوز غاده بأى طريقه هتنفعنا كتير ولو حصل المراد هنكسب حلو اوى رددت وقالت بس خلى بالك مش عاوزين نغلط زى المره اللى فاتت رد وقالها هههه لأ انا مجهز كل حاجه
.. ومسك تليفونه واتصل بعزت وعرف انه مش فالبيت وفى المستشفى وقدامه لسه وقت لحد ما يوصل وقفل معاه وابتدى يخطط لغاده لأنه عارف انها فالشقه لوحدها وقال ليالى عاوزك تتدخلى عندها دلوقتى وعزت فالمستشفى واعملى نفسك تعبانه بسرعه رددت وقالت تعبانه تانى اخاف تكشفنا رد ماجد وقالها خلاص خلاص لما عزت يرجع افضل اهو يساعدنا بصراحه انا عاوزها دى تعجب الباشا رددت وقالت ايه ده شكلها دخلت مزاجك رد وقالها لازم تتدخل مزاجى وبعدين ده شغل وليالى ضحكت وقالت المهم عزت يفضل ع عماه وميعرفش حاجه
ماجد.. عندك حق انا لازم اخليه على عماه
عزت رن ع سوسن وقالها تتدخل اوضته ولما دخلت قالها انه هيمشى والموضوع عدى ع خير بفضل الدكتوره ملك رددت وقالت ازاى كده فى مؤامره وانا خايفه عليك ملك دى مش سهله وانت مش موجود قالت كلام وحش كتير يبقى ازاى دافعت عنك وخرجتك من الموضوع كده من غير مشاكل دى عارفه بلاوى وعارفه
.. اسكتى وبطلى رغى انا عاوز انام انا همشى
.. خلاص روح الشقه وانا هخلص على طول وهكون عندك رد وقالها خلاص انا فعلا عاوز انام فى هدوء ومن غير وش غاده هتبقى عاوزه تعرف ايه اللى حصل وانا كمان مش قادر اتكلم وعاوز اريح علشان اعرف افكر رددت وقالت طيب اسبقنى وفعلا عزت نزل وخد عربيته وفى الطريق لبيت سوسن والساعه كانت عدت 12 الضهر وراح شقه سوسن واول ما دخل راح على اوضه النوم ومن غير ما يغير هدومه راح فى سابع نومه من التعب.
ليالى.. اتصل بعزت الوقت بيجرى وعاوزين نخلص
ماجد.. لو مجاش على الساعه 6 بالليل انا هتصرف وهاخد غاده بالعافيه..

.. ولاء صحيت من النوم وكانت غاده نايمه وابتدت تصحيها وقالت لها يلا الساعه بقت 4 احنا اتأخرنا اوى وفعلا غاده صحيت وقامت وفاقت وعملت اتنين قهوه وقعدت مع ولاء وحكت لها عرفت ايه عن ليالى وماجد؟؟؟؟؟؟؟؟؟؟
ولاء.. يا نهار اسود ومنيل ايه اللى بتقوليه ده دى مصيبه رددت وقالت واى مصيبه دول طلعوا وباء والعن من الوباء بس على مين وحياتك مش هيعدوا من تحت ايدى والباب خبط خبط جامد وولاء قامت تجرى تفتح وكانت الدكتوره ملك وكان شكلها مرهق ومش طبيعى وقعدت مع غاده وقالت لها على كل حاجه حصلت فالمستشفى وعلاقه عزت بسوسن الممرضه بتاعته
ولاء.. كمان الممرضه منك لله يا عزت وكمان بتسرق الكلى وتبيعها للناس وتاخد فلوس ملعون ليوم الدين
غاده.. ههههه مش هيفلت من ايدى الكلب ده كان يوم اسود يوم ما شفته
ملك.. انا قولتلك بلاش ده حاول يتحرش بيه كتير وكذا مره يلمس جسمى وكنت بسكت علشانك
غاده.. وهتسكتى المره دى كمان علشان خاطرى
.. انا همشى يا دكتوره غاده وياريت تخلى بالك من نفسك رددت وقالت متقلقيش اللى اتلسع من الشوربه ينفخ فالزبادى وملك قامت وقالت إنها ماشيه وولاء بتفتح الباب لقت فى وشها ليالى وقالت فين دكتوره غاده قوليلها جارتك ليالى وولاء اترعبت منها ودخلت وهى ماسكه جسمها وقالت كلمى يا غاده دى جارتك
غاده.. تعالى يا ليالى
ليالى.. النهارده عاملين حفله علشان ماجد خرج بالسلامه
غاده.. خرج منين 😁 رددت وقالت اه معلش هو انتى متعرفيش وطبعا غاده عملت عبيطه وقالت اعرف ايه فى ايه يا ليالى رددت وقالت يا ستى اتعمل فينا بلاغ وظلم وحياتك والبوليس خد ماجد بس الحمد لله خرج بالسلامه وهنعمل حفله صغيره وبصت بعينها على ملك وولاء وقالت ياريت تقبلوا الدعوه يا انسات هستناكم مع الدكتوره غاده
غاده.. هى الحفله النهارده
ليالى.. اه يا يا حبيبتى بس اوعى تتأخرى ودخلت جرى على شقتها وقالت ل ماجد ان غاده هتيجى الحفله ومعاها اختها وكمان فى واحده معاهم وابتدى يجهز لخطته واللى هيعمله معاهم..
.. غاده وولاء وكان معاهم ملك بس الدكتوره ملك عرفت من غاده حكايه ليالى وماجد مع عزت واصرت تساعدهم وهتكون معاهم فالحفله
عزت قام من النوم والساعه بقت 7 بالليل وكمان سوسن كانت مش موجوده وقام من النوم وشاف نفسه انه نام نوم تعب وغسل وشه وفجأه التليفون رن وكان ماجد وطلب منه يكون عنده علشان هينفذوا خطتهم وقفل معاه ونزل ومن غير ما يكلم سوسن وركب عربيته وروح ع بيته واول ما دخل كانت غاده بتلبس هدومها وولاء وملك جاهزه وقال ايه ده دكتوره ملك هنا رددت وقالت ايوه ملك صاحبتى وجايه تطمن عليه فقولتلها تتدخل الحفله معانا بس انت كل ده فالمستشفى رد وقال لسه مخلص كان يوم سيئ فعلا ودخلت المطبخ وجابت عصير وقالت خد اشرب يا حبيبى الجو حر اشرب شكلك مرهق وخده من ايدها وشربه على طول وكان العصير اللى بيحبه واول ما شربه بعد 5 دقايق وعزت وقع على الأرض وملك وولاء شدوا عزت من رجله وربطوه ودخلوه اوضه النوم وابتدت خطتهم وخرجوا التلاته ودخلوا ع شقه ليالى وغاده رنت الجرس واول ما دخلت الشقه وكان معاها ملك وولاء وطبعا عزت فى شقته شافت ان مفيش حفله كان فى اتنين رجاله طول وعرض بادى جارد وقفلوا باب الشقه عليهم وماجد بيتصل ب عزت ومش بيرد
غاده.. هو فى ايه وبصت بعينها وشافت راجل شكله غريب وقالت انت مين وبعدين فين الحفله ده مفيش حد هو فى ايه بالظبط وفى ثانيه باب الشقه اتقفل عليهم وماجد قالها اخيرا وقعتى فى ايدى يا غاده
ليالى.. هههه ومش لوحدها دول تلاته وهتبقى ليله كبيره
ملك.. هو فى ايه بالظبط
ولاء.. انا مش فاهمه حاجه
وغاده لسه هتتكلم ماجد شدها من ايدها بالعافيه وخدها على اوضه النوم
ليالى.. يلا كل واحده فيكم تقلع هدومها بالرضا كده بدل ما هيكون بالعافيه وملك وولاء اترعبوا والبادى جارد كل واحد فيهم مسك كل واحده من ايدها وابتدوا يقلعوهم هدومهم وفجأه الكاميرات اشتغلت عليهم وملك وولاء بقوا يصوتوا ومحدش سامعهم..
وغاده فى اوضه النوم مع ماجد وشافت حاجه غريبه وبصت وقالت يا نهار اسود يا ولاد الكلب….
يتبع
الجزء_التامن_والتاسع
خطه_شيطانيه
بقلمى_كوكى_سامح
علقوا ب 20 ملصق ومشاركه للبوست🔖 علشان يوصلك اشعار الجزء الاخييير ومتأخرش عليكم وياترى غاده هتعمل ايه وشافت ايه ويا ترى وقعت فالفخ وازاى هتنقذ نفسها …

رواية صفقه شيطانيه بقلم كوكى سامح

الجزء العاشر

ج. 10..والاخيرصفقه_شيطانيه
.. وشافت غاده فى اوضه النوم راجل كبير ذو مركز مرموق ومعروف فى مجاله ومعاه واحده ست وجميله وقال هى دى اللى هيحصل معاها التبادل ونكسر الروتين رددت وقالت يا نهار اسود يا ولاد الكلب انتوا ازاى بتعملوا كده
.. والست اللى معاه قامت وخدت ماجد من ايده وخرجوا من الاوضه
.. وغاده بصت للراجل وقالت بصوت عالى هى مين الست دى رد وقال بكل بجاحه دى مراتى بس خلاص زهقنا من بعض وقولنا نكسر الملل وابتدى يقرب منها ويقولها انا دافع فيكى لماجد اللى يعيشك ملكه بس مكنتش اعرف انك حلوه وكلك انوثه ومغريه اوى كده
.. اوعى تقرب منى يا فاجر لأنى مقدرش اقول انك راجل انتم أشباه رجال
.. هى تتكلم وهو يقرب اكتر ومسك جسمها وابتدى يتهجم عليها وهى بتصرخ بصوت عالى وبتقول كلكم هتروحوا فى داهيه
.. البادى جارد ابتدوا يقلعوا ملك وولاء هدومهم وهما بيصوتوا وفاتحين الكاميرات عليهم وبيصورهم
.. وفجأه ليالى قالت وكلهم بصوا لبعض وقالت ايه ده الرزع والخبط اللى عالباب وجريت علشان تبص من العين السحريه ورجعت بتصوت وبتقول بوليس بره والبادى جارد قفلوا الكاميرات وسابوا البنات
.. وليالى جريت على الاوضه اللى فيها ماجد وقالت الحق البوليس بره والدنيا اتقلبت عليهم وولاء جريت وفتحت الباب وماجد وليالى كانوا بيحاولوا يهربوا من باب المطبخ بس اتمسكوا وولاء جريت على الاوضه اللى فيها غاده وشافت راجل مرمى على الأرض وسايح فى دمه وقالت
.. مات يا غاده
.. يموت ولا يغور ده كان بيتهجم عليه الفاجر ملقتش قصادى غير الفازه دى وقولت يا معين والحمد لله خد نصيبه حسبى الله ونعم الوكيل فيهم دول مش رجاله
والبوليس فتش الشقه كلها وعرف انها شقه مشبهوهه وماجد وليالى بيديروها فى اعمال منافيه للأداب
الظابط.. كنتى استنى شويه يا مدام غاده نفترض انه كان مات
.. والله كان نفسى اققتله ده فاجر حضرتك وكان بيتهجم عليه
.. عموما هو اغمى عليه من أثر الضربه على دماغه
.. والبادى جارد وماجد وليالى وكلهم البوليس مسكهم بس ليالى قالت بكل بجاحه انت عاوز مننا ايه حضرتك هى شقتنا مفيش غيرها
الظابط.. انتى وماجد جوزك بديروا الشقه فى اعمال منافيه للأداب وكمان شرب وخمرا وتبادل ازواج رددت وقالت اولا دول أصحابنا رددت غاده وقالت هههه فاكره نفسك هتهربى كل حاجه متسجله يا ليالى هانم صوت وصوره وليالى انهارت ومسكت غاده وقالت انتى مش سهله انا هوريكى يا كلبه
غاده..ما كلبه غيرك يا فاجره
الظابط.. يلا كلكم اتفضلوا قدامى وطلب الإسعاف علشان تاخد الراجل اللى سايح فى دمه وكمان لأنه لى سلطه ومركزه مرموق وحساس
ليالى..مش هسيبك يا غاده
الظابط.. فين الدكتور عزت يا مدام غاده رددت وقالت جوه نايم زى ما اتفقنا رد تمام وقبضوا عليهم ودخل الظابط شقه غاده ولاقاه نايم وقرب منه وكانت المفاجأه وقال ايه ده ميت الدكتور عزت ميت يا مدام غاده
غاده.. ايه عزت مات لا لا لا وجريت عليه ومسكته وقالت مات ازاى انا كنت حاطه منوم وحبايه واحده والله
ملك.. الدكتور عزت مات والله ريح واستريح ده كان الشر نفسه وبصت لغاده وقالت بس مات ازاى؟؟
غاده.. معرفش والله ما أعرف انا دوبت حبايه المنوم بس
الظابط.. طيب كلكم كده وحتى انتى يا مدام غاده هتتفضلى معانا علشان التحقيق وكمان علشان التحقيق فى قتل عزت والاسعاف وصلت وخدت عزت جثه هامده وخدت الراجل اللى غاده ضربته بالفازه والكل اتقبض عليهم بس ملك وولاء كانوا شهود..
.. وبالتحقيق مع ليالى وماجد اثبت انهم قوادين وبيديروا الشقه منافيه للأداب وبسؤال غاده عنهم فجرت مفجأه قدام الكل وقالت انا لما سألت عليهم عرفت انهم مش متجوزين دول اخوات وبيمثلوا انهم متجوزين علشان يعملوا موضوع تبادل الزوجات وحتى عزت جوزى مكانش يعرف عن الموضوع ده حاجه وقالت انا معايا دليل اسئلوا الجيران والسمسار لان السمسار ابن خال مرات البواب وقالى انهم اخوات مش متجوزين وكمان كانوا عاملين مشاكل وخرجوا بفضيحه ولما سألت السمسار ليه خلاهم يسكنوا هنا قالى انهم واخدين عليه إيصالات امانه وبيهددوا بيها علشان كده جاب لهم سكن فى العماره اللى بتشتغل فيها بنت خاله والتحقيق مع ليالى وماجد انتهى بحبسهم وابتدى التحقيق فى قتل عزت والكل حيران مين اللى قتل عزت وبسؤال كل الموجودين والتحريات فالمستشفى اثبت ان عزت دكتور بيتاجر بأعضاء المرضا ويقوم بيبعهم وتم القبض على الدكتور ياسين ومحمد والممرضه سوسن واثبتت التحقيقات ان سوسن كانت على علاقه بعزت وبمواجهه الدكتوره ملك انهارت وقالت إنها قتلته لانه متجوزهاش زى ما وعدها وطلبت منه يروح البيت عندها علشان كان تعبان وعاوز ينام وفعلا راح ونام وهى راحت وهو نايم وحطت فالمياه اللى جمبه على الكومود سم لأنها عارفه انه من عادته لما يقوم من النوم بيشرب مياه على طول وهو كان نايم وتعبان ومحسش بيها ورجعت ع المستشفى علشان محدش يعرف حاجه وانهارت تماما وكانت ضحيه عزت واعترفت بكل حاجه وتجارتهم ببيع أعضاء المرضا واتحبست بتهمه قتل عزت وانتهى التحقيق معاهم وكل مذنب اخد جزاءه وليالى وماجد اتحبسوا بتهمه اداره الشقه فى اعمال منافيه للأداب والتزوير بأنهم متزوجين لوقوع الضحيه فى شباكهم وهما اخوات فالاساس واتحكم عليهم بالسجن وحبس دكتور محمد وياسين بتهمه بيع أعضاء المرضا وبشهاده هناء عليهم واتحكم عليهم بالسجن وكمان حبس سوسن بنفس التهمه وزياده عليها قتل عزت واتحكم عليها بالسجن 25 سنه واما عزت قابل ربنا بسوء عمله
.. وبعد مرور شهرين وغاده سابت الشقه واصبحت ارمله عزت ورجعت شغلها فالمستشفى وابتدت حياه جديده
ومع الوقت اثبتت انها دكتوره ممتازه فى اختصاصها واتعرفت على أصحاب جدد
.. وفى يوم صباح جديد ولاء طلبت من غاده تقابل عادل زميلها علشان يخطبها وفعلا قابل مامتها والدكتوره غاده واتفقوا على يوم الخطوبه وجهزوا وعملوا الخطوبه فى قاعه كبيره وحضرت الخطوبه الدكتوره ملك وقربت من غاده اكتر وبقوا أعز أصحاب لأن معدنهم واحد وعندهم مبدء واحد لا للغش ولا للحرام
ملك.. الف مبروك يا غاده ع خطوبه ولاء عقبالك وربنا يعوضك خير
غاده.. ان شاء الله بس انا خلاص اتعقدت انا مريت بتجربه مره وتعبانه نفسيا
ملك.. عاوزه اعرفك على اخويا على يا غاده وكان اول لقاء ل غاده وعلى اخو ملك ونشأت بينهم قصه حب وعلى طلب يتجوز من غاده بس هى قالت انا مريت بتجربه صعبه ومش عاوزه أظلمك او أظلم نفسى من أسباب فشلى مع عزت اختيارى لى واتجوزنا بدرى ومن غير ما ندرس بعض كويس وقالت يا على لازم اخد وقتى
على.. خودى راحتك على الأخر المهم انى بحبك بجد ♥️
غاده.. وانا كمان قلبى اتعلق بيك وبأخلاقك انت العوض من ربنا والسند
.. وبعد مرور سنه حب بين على وغاده اتخطبوا فى حفله عائليه بسيطه وكان الكل فرحان بيهم وبحبهم لبعض وغاده اتفقت مع على يتخطبوا سنه ويجهزوا شقتهم من غير استعجال وكانت ليله خطوبتهم من اجمل الليالى وعلى طلب ياخد سلفى للعيله وهو وغاده وسطهم وخد السلفى وانتهت القصه بخطوبه غاده وبدايه جديده مع شريك حياتها على وكان بالنسبه ليها الحب كله ♥️
الغلط غلط والصح صح ولا يصح الا الصحيح 👌
العلاقه الزوجيه ليها احترمها مش شرط نعمل الغلط علشان تغير فى علاقتك مع مراتك وتقول اجرب كل حاجه ده غلط وحرام حرمه الله عز وجل بطله الروايه حرمت على نفسها الغلط وحبت انها لا تعصى الله فى علاقتها بجوزها وطبعا عانت كتير بس علشان هى صح ربك كريم ووقف معاها ربنا مبيظلمش حد والله احنا اللى بنظلم نفسنا
انا شوفت واحده كلمتنى وقالت إن جوزها يجامعها من الخلف وهى مش حابه ده علشان حرام طيب ناخد فصله هى وافقت ليه من الاول ليه مقالتش ان ده حرام بعد ما تقع فالغلط تيجى تشتكى وكأنها مجنى عليها والعكس فى واحده تانيه نفس الموضوع بس هى حابه ده وكمان اتعودت يا جماعه ربنا قال فى كتابه الكريم انه شديد العقاب وغفور رحيم لمن تاب صدقونى المعصيه واحده وحتى لو كانت صغيره او بستهونوا بيها راعوا زوجاتكم واتقوا الله فيهم
ربنا يسعدكم ويصلح حالكم ولكل زوجه او بنت مقبله على الزواج محدش بيعمل حاجه غصب عنه 🖤 عودى خطيبك وجوزك على الحلال فى علاقتكم ببعض صدقونى هتكسبوا رضا ربنا عليكم فى علاقتكم وفى ولادكم 😍
واحب اققولكم اهم حاجه الاختيار اختاروا صح يا جماعه اختاروا ولاد ناس تقدروا تعيشوا معاهم متربين صح ويعرفوا الدين صح 👍🏼
الجزء_العاشر_والاخير
صفقه_شيطانيه
بقلمى_كوكى_سامح
علقوا ب 20 ملصق 🔖 وعاوزه اعرف رأيكم
لمتابعتها من البداية على الموقع
https://reel-story.com/safka-shaytaniya/.