/* */
التخطي إلى شريط الأدوات

مجهول يحاول قتلي بقلم مصطفى على

To report this post you need to login first.
2.5
(4)

 645 اجمالى المشاهدات,  2 اليوم

رواية مجهول يحاول قتلي كامله

رن تلفوني رقم مجهول رديت عليه الو ….. رد عليا صوت غريب

_ اقسم بالله العظيم لازم اعمل فيكي زي ما عملت فيه كريمه عزيز كمان خمس ايام

_ الو .. الو مين معايا انتا مين

الخط قطع مين ده ومين كريمه عزيز دي انا بجد مفزوعه من المكالمه دي مكنتش عارفه اعمل ايه خصوصا اني عايشه في البيت لوحدي كل اللي عملته اني رنيت علي ريهام صحبتي عشان احكي ليها علي الي حصل

ريهام _ يا مريم دي اكيد معاكسه او واحد كان قاصد واحده تانيه انتي ايه عرفك يبنتي نامي

مريم_ لا مش متأكده ..مش مطمنه يا ريهام .

ريهام _ لا سيبك من الكلام ده مفيش حاجه هتحصل وبعد خمس ايام هسبتلك كده ..

_____

الساعه 7 الصبح صحيت بدري دخلت المطبخ عشان اعمل حاجه اشربها وافتكرت اللي حصل امبارح عملت فنجان قهوه ورحت علي ال لاب توب فتحت جوجل وكتبت .. كريمه عزيز وكانت المفاجأه الكبيره جدا !!

مقتل وتشريح شابه في منتصف العمر تدعي كريمه عزيز في شقتها بعد اغتصابها ولم يتم العثور علي القاتل !!!؟؟

انا تصدمت … فضلت باصه للخبر كأني قريته غلط .. لكن لا .. فعلا الخبر ده منشور علي كل المواقع من حوالي خمس ايام !!؟ مكنتش عارفه اعمل ايه مكنتش عارفه اتصرف ازاي .. مكنش فيه حل غير اني ابلغ الشرطه … وفعلا روحت الاسم .وحكيت كل اللي حصل لضابط الشرطه

ضابط الشرطه يتكلم بي سخريه _ ههههه حضرتك شغاله ايه

مريم _ دكتورة اسنان

ضابط الشرطه _ طيب فيه دكتوره تقول كلام زي ده ..وهي حتي معهاش دليل ملموس

مريم _ حضرتك انا قولتلك كل اللي حصل

ضابط الشرطه _ يا دكتوره فيه في اليوم اكتر من 100 واحد بيتعاكس جات عليكي يعني انا أسف طبعا بس مقدرش اساعدك في حاجه

______

انا كدبت علي الضابط قولتله ان فيه واحد هددني بالقتل .. لكن مقولتش اسم كريمه عزيز مش عارفه ليه مقولتش كده لكن حسيت اني كنت خايفه مكنش قدامي حل غير اني اتصل بي عماد .

عماد بيفهم في شغل البرمجه والكومبيوتر والحاجات اللي زي دي

حكيت ليه كل اللي حصل … وقالي ابعتي الرقم ده ..وانا هشوفه .. وهرد عليكي بكره

دخلت نمت . بالعافيه… وانا بفكر ياتري مين ده وايه علاته بيا ..

_____

صحيت علي الساعه 3 الفجر علي صوت تلفوني بيرن .كان عماد

رديت عليه _ الو

عماد يتكلم بنرة خوف وقلق _ الرقم ..! انا عرفت موقعه حاليا فين ؟

مريم _ بجد طيب فين !!؟

عماد _ حاليا هو فيه الشقه عندك !!!؟

بصيت علي الباب من تحت لقيت ظل شخص واقف .. وكانت هنا الصدمه الكبيره 😱😱😱
انا حسيت ان ده هيكون اخر يوم في عمري .. مريم _ الحقني يا عماد .. انا مش لوحدي في الشقه ..الحقني عماد _ فيه ايه انا جاي حالا .. مريم _ بسرعه .. ___ مكنتش عارفه اعمل ايه … الباب مقفول وده الحمدلله لحد ما سمعت الصوت ده من برا الاوضه _ افتحي الباب يا مريم الصوت ده مكنش غريب عليا .. _ انتا مين _ افتحي الباب وهتعرفي .. _ لا طبعا مش هفتح انا هبلغ البوليس ..!! _ انا اخوكي حسام يا هبله ههه هههه انا سمعت الجمله دي من هنا وجريت ع الباب وفتحت الباب واترميت في حضنه وانا ببكي _ ايه بس فيه ايه .. هو المقلب ده ركب عليكي ولا ايه … _مريم مقلب .. هو انتا اللي عملت كده .!!!! حسام _ اه كل سنه وانتي طيبه حبيت ارجعلك شويه من اللي انتي عملتيه فيا زمان ..اتفقت مع عماد .. لما كلمني هه مريم _ ده انتا وعماد نهاركم اسود مني … انهارده من بعد اللي حصل اليوم اللي كنت خايفه منه كان احلي يوم في حياتي .. كان عيد ميلادي

ما مدى فائدة هذا المنشور؟

انقر على نجمة لتقييمه!

متوسط ​​تقييم 2.5 / 5. عدد الأصوات: 4

لا أصوات حتى الآن! كن أول من يقيم هذا المنشور.


Subscribe
نبّهني عن
guest
0 تعليقات
Inline Feedbacks
View all comments
0
Would love your thoughts, please comment.x
()
x
DMCA.com Protection Status
Reel-Story © 2020 | Established in 2019 Privacy Policy I Terms & Conditions I Site map I Contact