Reel Story
@REELSTORYCOM
banner
يونيو 22, 2021
735 Views
0 0

رواية حكايه فاطمه كاملة

Written by
3.6
(5)

 2,048 اجمالى المشاهدات,  8 اليوم

وقت القراءة المقدر: 175 دقيقة (دقائق)

روايه حكايه فاطمه

الجزء الأول

الكاتبه // كوكى سامح

__ فاطمه بنت جميله ساكنه فى منطقة شعبيه كانت قاعده جمب الشباك بتشرب نسكافيه..

وماسكه فى ايدها الموبايل.. الباب خبط اتخضت..

وغصب عنها النسكافيه وقع منها فى الشارع.. بصت وشافت المج وقع على طفل امه شيلاه على

ايدها.. بقت تصوت ولمت الناس عليها.. ابنى مات..

ابنى مات.. فاطمه نزلت جرى تشوف الكارثه الغير

مقصوووده اللى اتسببت فيها..

الام.. ابنى مات

مجهول.. لا تقريبا مغمى عليه

الام بصت لفوق.. انا مش هسيب اللى عمل فيه كده.. انتم متعرفوش انا مين

مجهول.. يا مدام لازم تروحى المستشفى الولد

وشى اتحرق

__ فاطمه نازله والذعر باين على وشها.. فى ايه

والله انا ما اقصد.. غصب عنى المج وقع منى

مجهول.. الولد وشه اتحرق.. وخلى بالك امه باين

عليها شلق ومش هتسيبك

الام قربت من فاطمه.. انتى عاميه ولا شكلك كده

فاطمه.. والله ما اقصد

الام.. انا هحبسك وربنا لاحبسك

فاطمه خافت جدا من اسلوبها..

مجهول.. مش وقته كلام.. يلا على المستشفى

الام شدت فاطمه بقوه.. يلا معانا يا اختى

فاطمه.. انا معملتش حاجه.. وبصت لفوق.. خالتى

الحقينى انا هروح القسم..

__ المجهول وقف توكتوك وخد فاطمه معااه

والولد وامه.. وراحوا اققرب مستشفى.

__ فى الشارع

خاله فاطمه نزلت الشارع تصوت ومش عارفه

خدوها وراحوا على فين؟

__ التوكتوك وقف قصاد اققرب مستشفى

المجهول خد الولد ودخل استقبال.. بس المشكله

انه بيبى 3 شهور وكان مش بينطق وساكت

خالص من بعد ما المج وقع عليه.

فاطمه واقفه منهاره والام مش ساكته.. لو ابنى

جارلوا حاجه انا مش هسيبك..

خرج المجهول وشايل فى ايده الولد وكان فاق

من أثر الخبطه.. بس اتلسع فى وشه من سخونيه

النسكافيه.. الام جريت وفرحت جدا

فاطمه.. الحمد لله انه بخير

الام.. مش هسيبك بردوا

فاطمه.. والله كان غصب عنى

الام وكان اسمها ولاء مسكت الفون واتصلت

بأخوها عمار وحكت على

اللى حصل وبلغته انها فى المستشفى القريبه

من شغله ولازم يجى علشان يروح معاها

القسم يعمل محضر لفاطمه.

مجهول.. يا مدام حصل خير.. ابنك كويس

ولاء.. لو سمحت اسكت انت

مجهول.. دى اخرتها يعنى

ولاء كملت المكالمه وبعد ما قفلت قفشت

فى فاطمه لحد ما عمار يجيلها

وبعد دقايق كان واقف قصادها..

عمار بخضه.. فى ايه

ولاء.. بتشاور بإيدها على فاطمه.. البت المايعه

دى وقعت على ابنى المج وهى واقفه فى الشباك

فاطمة.. والله ما اقصد

عمار بصلها حته بصه.. قرب من فاطمه وقال..

خلاص حصل خير

ولاء اتجننت جدا وقالت انت ازاى تعمل كده

المجهول.. الحمد لله وبص لفاطمه وقالها انه

هيوصلها.

ولاء.. انا مش هسيبها

عمار.. خلاص وحدى الله

__ فاطمه خرجت بره المستشفى ومعاها المجهول

طلب منها يوصلها بس رفضت.. وقفت توكتوك

وروحت البيت.. اول لما وصلت الشارع

الكل جرى عليها.. بس هى فى حاله ذهول.

بقلمى كوكى سامح

__ بعد مرور اسبوع جرس الباب بيرن

فاطمه قامت تفتح لقت فى وشها ولاء وعمار

اتخضت واستغربت.. خير فى حاجه.. الولد

جراله حاجه تانى

ولاء.. ممكن ندخل.. فين ماما يا حبيبتى

فاطمه.. ماما ميته.. بس خالتو فالمطبخ

ولاء.. لا حول ولا قوة الا بالله.. البقاء،لله

فاطمه.. ونعم بالله.. بس ماما ماتت وهى بتولدنى

يعنى من سنين.. انا عمرى ما شوفتها

عمار.. طيب ممكن تنادى خالتك

فاطمه دخلت جرى على المطبخ وبلغتها

–خالتها خرجت مشمره الكوم وحالتها حاله

قالت باحراج.. خودى الضيوف يا فاطمه على

اوضه الانتريه.

__ فعلا دخلوا وفاطمه قدمت حاجه ساقعه

والخالة قعدت معاهم.. وعرفت منهم انهم

جايين يتقدموا لفاطمه.. فاطمه استغربت

بس فرحت لانها أعجبت بعمار لما طلعها من

المشكله.. اتفقوا على يوم العيله كلها تتجمع

ويتفقوا ويقروا الفاتحه وكان بعد اسبوع

__ عدى اسبوع وفعلا الميعاد جه والعيله

كلها اتجمعت وقروا الفاتحه.. بس كان شرط

عمار انه يكتب قبل ما يسافر ويدخل

على فاطمه وتعيش مع اخته لحد ما يرجع

لانه مسافر علشان فى عقد ولازم يخلصه

الخاله.. خلاص تعيش معايا هنا

عمار.. معلش دى شرطى انها تعيش مع اختى

لأنها ارمله ولوحدها لحد ما ارجع.. عموما كلها سنه

.. وطلع طقم كوليه كامل وغالى جدا وقدمه

لفاطمة

الخاله.. يا ابنى معلش اكتب بعد ما ترجع

نخليها شبكه وبعد سنه الدخله

ولاء مسكت فاطمه وقالت.. رأيك ايه يا عروسه

فاطمة.. انا موافقه

ولاء رقعت حته زغروطه.. لولولولولولى

الخاله.. ثوانى بسسسس وقامت وخدت فاطمه

على اوضه النوم.. انا مش موافقه يا بنتى

فاطمه.. بس انا اللى هتجوز يا خالتو

الخاله.. خلاص نخليها شبكه

فاطمه.. شرطه اننا ندخل قبل ما يسافر

الخاله.. وليه يتشرط علينا يا بنتى بلاها.. انتى

لسه صغيره وبكره يجيلك عدلك

فاطمه.. انا فقيره وهو غنى.. وهعيش احسن

ما انا عايشه دلوقت.. ارجوكى يا خالتو وافقى

الخاله.. يعنى عاوزاه علشان الفلوس تبقى الجوازه

دى فاشله

فاطمه.. انا معجبه بيه اوى وبكره مع الوقت هحبه

الخاله.. انا حذرتك يا بنتى.. وخايفه تندمى

فاطمه.. هيبقى احلى ندم.. كفايه انى اعيش

مرتاحه ومعايا فلوس.. وفتحت الباب وخرجت

__ خرجت فاطمه وقعدت جمب عريسها

ولابست الشبكه وكانت مبسوطه اوى

__وبعد مرور شهر وفاطمه بتتكلم مع عمار فون

واعجبت بيه اكتر وكانت فرحانه جدا وبعد ما

حددوا يوم الدخله.. القاعه جاهزه..والخاله

بتستقبل المعازيم.. وعمار راح الكوافير لفاطمة

فى الكوافير..

فاطمه قاعده وجاهزه وزى القمر وعمار وصل

مسكت الفون وخدت سيلفى معااه ونزلته

على الفيس وكتبت من فوق الصوره .. إنّ الخيرةَ فيما اختارهُ الله وأنتَ بِدايةُ هذا الخير و خِتامهِ💍💜🌍🔐

وقفلت الفيس وخرجت واتزفت مع عريسها..

ابتدت البنات تعلق على الصوره ومن التعليقات

مجهوله.. بلاش الجوازه دى واسألينا انا؟؟

__ بعد الفرح ما خلص وانبسطوا الخاله ودعت

فاطمه على بيت ولاء زى ما اتفقوا

__ عمار خد فاطمه ودخل بيها على اوضه النوم..

قعدت على السرير وكانت مكسوفه.. استأذن منها

وقال انه هيدخل الحمام.. وخرج من الاوضه

__ فاطمه قاعده مستنياه والجو كان حر

لدرجه إن الميك اب ساح.. وعدت ساعات وعمار

لسه مرجعش.. فاطمه قلقت ولسه هتقوم تشوفه

هو راح فين.. سمعت صوت البيبى بيعيط وكأنه بيصرخ

فتحت باب الاوضه!!.

الجزء الثانى

الكاتبه // كوكى سامح

#الجزء_الثانى

__ فاطمه بعد ما زهقت من الانتظار.. قامت تشوف فييين العريس.. فتحت الباب وسمعت صوت صراخ الطفل الرضيع..وعينيها فى الشقه

كلها.. بس مكانش فى حد.. الولد نايم على الانتريه

وبيصرخ.. قربت منه وحاولت تسكته.. بس هو

بيصرخ..شالته على ايدها وهى بدور فى الشقه

على عمار واخته ولاء.. وبتنادى بعلو صوتها

وكانت نبرته كلها خوف من المستقبل اللى مستنيها .. عمار.. عمار.. ولاء..انتوا فييين ؟؟ وللأسف مكانش فى حد موجود منهم.. اتجننت وقفت مكانها والولد على ايدها وعلى صرخه واحده.. مسكت الفون واتصلت ب عمار بس كان مغلق.. وحاولت تتصل ب ولاء ونفس الوضع.. مغلق! بصت للولد وقالت..شكلك جعان.. بس انا هعمل

اييه.. فين امك.. وفين عمار جوزى.. يا ترى راحوا

فييين؟.. يارب انا هعمل ايه دلوقتى.. حاولت

تنيم الولد.. بس كان بيصرخ

جرس الباب بيرن..

__ فاطمه جريت على الباب تفتحه وهى بتقول

اكيد عمار.. بس لما فتحت الباب وقفت متنحه

فاطمه.. مين ؟

مجهول.. انا من محل كباب وكفته

ومعايا أوردر لحضرتك

فاطمه.. أوردر ليه انا.. بس انا مطلبتش حاجه!

مجهول.. والله يا فندم معرفش.. انا مجرد دليڤرى

باخد الاوردر ووصله للزبون وبس

__ الولد على صرخه واحده وهى مش عارفه

تتصرف.

الدليڤرى.. اتفضلى يا عروسه

فاطمه.. انت عرفت منين انى عروسه

الدليڤرى.. من الفستان اللى حضرتك لابساه.. الف

مبروك يا فندم

فاطمه.. اه.. من الفستان.. وخدت الطلب.. وقالت

بس انا مش معايا فلوس للأسف

الدليڤرى.. خلى يا فندم

__ الولد بيصرخ وفاطمه عماله تهزه على ايدها

وقالت.. شكرا.. طيب الطلب ممكن يرجع

الدليڤرى واقف وبيبصلها اوى وكانت صعبانه

عليه.. انا ممكن اسيب لحضرتك الاكل وبكره

ان شاء الله هعدى عليكى واخد حقه

فاطمه.. بكره.. تمام.. شكرا جدا

الدليڤرى ادها الاوردر وخدته منه وقبل ما يمشى

سألته على اسمه ورقمه الخاص.. رد وقالها انا

أسمى زين وفتح الموبايل وخد رقمها ورن عليها..

هى سجلت الرقم

وقالت.. بكره ان شاء الله هرن عليك علشان

تاخد حق الاوردر.. علشان انا ميرضنيش الخساره

ليك ابدا يااا؟ رد وقال.. انا زين.. قالت عاشت الاسامى وابتسمت.. متشكرة اوى

__ زين نزل من العماره.. هى جريت على البلكونه

تبص عليه.. خرج وركب الموتوسيكل ومشى

دخلت والولد بيصرخ على ايدها.. بقت تكلم

نفسها.. اعمل ايه يارب.. واروح فين بس..

واتصرف ازاى.. انا حاسه انى فى ورطه كبيره

قعدت مكانها على كرسى الانتريه وسمعت اذان

الفجر ضربت بإيدها على صدرها.. يا مصيبتى

الفجر بيأذن.. وقامت دخلت اوضه النوم

والولد نام على ايدها تعب من العياط.. بصت

على السرير وكان عليه قميص وروب ابيض

وكله ورد احمر.. الدموع نزلت من عنيها وقالت

بعلو صوتها.. انت روحت فيييين يا عمار؟

نيمت الولد على السرير وبصتله اوى.. صعبان

عليها وفى نفس الوقت صعبان عليها نفسها

ومش فاهمه فى ايه؟ .. فردت على السرير نفسها

وهى لابسه الفستان وراحت فى النوم.

__ جرس الباب بيرن وفى نفس الوقت خبط

على الباب.. قامت من النوم اتفزعت وقالت..

اكيد عمار.. خرجت تفتح وكان البواب

وطلب منها تخلى الشقه.

فاطمه.. نعم اخلى الشقه.. ازاى..دى شقتى ؟

البواب.. شقه مين حضرتك

فاطمه بغضب.. شقتى.. انا العروسه.. انا الساكنه

الجديده.

البواب.. يا فندم الشقه مفروشه ومتأجره لمده

24 ساعه وبس ولازم تمشى

فاطمه بذهول.. الشقه مفروشه؟ يا نهار اسود

البواب.. لو حضرتك حابه تجددى كام يوم مفيش

مشكله.. بس اليوم ب 1000 جنيه

فاطمه.. لا لا انا مش هجدد.. انا همشى حالا

وسألته هو عمار أجر الشقه منك امبارح يعنى

رد وقالها لا اللى اجر منى الشقه مدام منال

فاطمه.. منال مين؟

البواب.. والله ما اعرف هى اسمها منال

فاطمه.. ماشى.. طيب ممكن ربع ساعه بس

وانا همشى

البواب.. ربع ساعه مش اكتر.. بعد كده هيتحسب

عليكى.

__ فاطمه دخلت اوضه النوم ومش عارفه تتصرف

ازاى.. فتحت الدولاب علشان تغير الفستان وترجع

بيت خالتها.. بس كان فاضى تماما.. مسكت

الفون تكلم خالتها وكان جرس ومش بترد لحد

ما الربع ساعه عدت.. ومكانش قدامها غير انها

تنزل بالفستان فى عز النهار.. شالت الولد على

ايدها ونزلت بالفستان ولما خرجت من العماره

كانت محروجه وكل إللى ماشى بيبص عليها

عروسه ماشيه فى الشارع.. فاطمه فى موقف

لا تحسد عليه.. وقفت تاكسى ولما وصل لحد

المنطقه بتاعتها معرفش يدخل الشارع لانه

ضيق جدا.. نزلت وطلبت منه يستنى علشان

ترجع تحاسبه.. ولما نزلت ودخلت الحاره

اتنين ستات قاعدين ولما شافوها واحده منهم

قالت.. احيييه العروسه راجعه وشايله عيل

على ايدها

مجهوله.. هى لحقت خلفت.. دى لسه داخله امبارح

يدوب سواد الليل.. ولا ايه الحكايه بقى.. اكيد

الموضوع فى انه ولازم اعرفها.

فاطمه سامعه التلقيح ومش قادره ترد عليهم

مشيت بخطوات سريعه لحد ما وصلت البيت

خبطت اكتر من خمس دقايق.. بس خالتها مش

بتفتح.. افتكرت ان خالتها بتسيب مفتاح عند

جارتهم للطوارئ.. طلعت والولد على ايدها

ولما خبطت على جارتها وفتحت

فاطمه.. صباح الخير يا خالتى ام محمد ممكن

المفتاح

ام محمد.. فاطنه.. ايه اللى جابك يا بنتى..

ده النهارده صباحيتك.. وبصت على ايدها.. ومين

ده كمان؟

فاطمه.. عاااااااا

ام محمد.. مين ده يا بت يا فاطنه

فاطمه.. ونبى يا خالتى انا عاوزه المفتاح

بسرعه علشان ادخل الحمام.. اصل انا على اخرى

_ الولد بيعيط.. فاطمه بتهزه وبتحاول تسكته

ام محمد دخلت وجابت المفتاح وخدته منها

ونزلت على شقه خالتها.. فتحت الباب لقيتها

واقعه على الأرض وقاطعه النفس.

روايه حكايه فاطمه

الجزء الثالث والربع

الكاتبه.. كوكى سامح

__ فاطمه فتحت الباب وكانت خالتها واقعه على

الأرض وقاطعه النفس.. البيبى على ايدها.. جريت

وحطت البيبى على كنبه الانتريه وقالت.. خالتى

مالك.. اكيد غيبوبه سكر.. طيب اعمل ايه دلوقتى

يا ربى.. دخلت تدور على حقنه الأنسولين.. بس

للأسف مكانش فيه.. طلعت لجارتها ام محمد تستغيت بيها.. خبطت على الباب ولما فتحت

ام محمد.. مالك يا فاطنه فى ايه؟

فاطمه.. خالتى تعبانه اوى.. غيبوبه سكر كالعاده

ام محمد.. طيب انا نازله معاكى

__ خرجت بنت ام محمد وكان اسمها الهام

الهام بذهول.. مين👀 فاطمه.. يا مصيبتى انتى لسه بالفستان يا بت .. حصل ايه ها.. حصل ايه.. العريس طلع مش راجل صح ولا طردك ولا فى ايه بالظبط.. ما تقولى يا بت

فاطمه.. بعدين بعدين.. نزلت جرى ووراها ام محمد وبنتها.. دخلوا الشقه والبيبى على صرخه

واحده

الهام.. احيييه مين ده كمان وجريت على الولد

فاطمه.. انا نازله اشترى الحقنه من الصيدليه

ومش هتأخر.. خرجت على الباب ورجعت وقالت

خلى بالك من الولد

ام محمد.. بسرعه يا فاطنه ونزلت على الارض

وبتحاول تفوق خاله فاطمه وكان اسمها شريفه

__ الهام خرجت تبص على الباب واتأكدت

ان فاطمه نزلت.. قالت بذهول.. فى ايه يما..

البت فاطمه جابت لخالتها العار راجعه بفستان

الفرح ومعاها عيل.. اكيد فى مصيبه.. يكونش

الجوازه دى كانت ساتر والواد ده ابنها

ام محمد.. اسكتى دلوقتى

__ فاطمه نزلت الشارع وراحت على الصيدليه

مجهوله.. يادى الفضايح.. مش دى البت فاطمه

يا ولاد.. يادى المصيبه البت لسه بفستان الفرح

فاطمه ماشيه ومتجاهله.. دخلت الصيدليه

فاطمه.. انا عاوزه حقنه انسولين بسرعه.. خالتى

فى غيبوبه وبتموت

كان فى بنت واقفه فى الصيدليه وجاره فاطمه

ولما شافتها استغربت وقالت.. مش كان فرحك

امبارح والمفروض ان النهارده صباحيتك

فاطمه.. بقولك خالتى بتموت.. هاتى الحقنه وبعدين احكيلك

__ البنت جابت الحقنه وفاطمه نسيت انها

مش معاها فلوس. مشيت وقالت لها هتبقى

ترجع تحاسبها.. وهى خارجه من الصيدليه

شافت ان جيران المنطقه كلهم متجمعين

فاطمه قالت فى سرها.. بيتفرجوا عليه ولاد

الكلب.. ما بيصدقوا يفرحوا فى المصايب

مجهوله.. مبروك يا عروسه.. هو انتى لسه

بالفستان ليه يا فاطمه.. رددت واحده واقفه..

هو فستان بس وحياتك دى راجعه ومعاها عيل

فاطمه حطت ايدها على ودانها وصرخت.. بسس

بسسسس.. اسكتوا بقى.. انا خالتى بتموت

وسابتهم وطلعت على شقه خالتها..ادتها الحقنه

وسندوها ونيموها على السرير

فاطمه.. خالتى ام محمد.. ممكن سؤال

ام محمد.. قولى يا فاطنه

فاطمه.. الولد جعان من امبارح وانا مش عارفه

اتصرف.. ومش عارفه ياكل ايه ولا يشرب ايه

الهام.. رضعيه هههههههههه

فاطمه.. تصدقى انك مش محترمه فعلا

الهام.. ليه.. هو مش الواد ده ابنك ولا ايه

ام محمد قرصت الهام.. اسكتى يا بت

معلش حبيبتى دى بتهزر

فاطمه.. طيب الولد جعان.. المفروض اعمل ايه

ام محمد شالت الولد وقالت.. ده لسه بيرضع

عاوز دكتور يكتبلك على لبن صناعى.. وبعدين

ده محتاج يغير كمان.. وعاوز كفوله

فاطمه.. كفوله؟؟؟

الهام.. اسمه بامبرز يا يما.. الكفوله دى على ايامكم

فاطمه.. ماشى انا هتصرف.. وشالت الولد وبتهزه

علشان تسكته

ام محمد.. احنا هنطلع وشويه كده لما خالتك

تفوق هننزل نطمن عليها.. خرجت هى وبنتها

وطلعوا شقتهم

فاطمه قفلت الباب وقعدت تسكت الولد

وكل ده هى بفستان الفرح.. بعد مرور ساعه

الخاله فاقت ولما شافت فاطمه استغربت

الخاله.. انتى هنا بتعملى ايه؟

فاطمه قعدت تعيط وتلطم على وشها

الخاله.. يبقى اكيد زعلتى عريسك.. صح

فاطمه.. العريس طفش يا خالتى.. والشقه طلعت

مفروشه.. وخلاص انا اتفضحت فى الحته كلها

الخاله.. يا نهار اسود ومنيل.. انا قولتلك بلاش

الجوازه دى من الاول

__ البيبى على صرخه واحده

فاطمه شالته وقربت من خالتها وقالت..

عمار وولاء طفشوا وسابوا الولد كمان

الخاله.. يا مصيبه سوده وحلت على دماغنا

فاطمه.. انا مش عارفه اعمل ايه؟

الخاله.. يلا بينا على القسم.. نسلم الواد ونقولهم

اللى حصل من يوم ما أتقدم لحد يوم الفرح

فاطمه.. بس انا خايفه ندخل فى س و ج

الخاله.. عندك حق احنا كده هنروح فى داهيه

وبعدين انتى مرات عمار على سنه الله ورسوله

لو روحنا القسم وعرفوا ان الولد ابن اخته مش

هيعملوا اى حاجه

فاطمه.. الولد جعان اوى.. دخلت غيرت فستان

الفرح وخدت الولد وافتكرت ان التاكسى واقف

مستنى الفلوس.. خدت فلوس من خالتها ونزلت

وعلى ايدها الولد.. الفون رن وكان زين

بس كانت شايله الولد ومش عارفه ترد

طلعت على أول الشارع وكان التاكسى مشى

لما اتأخرت عليه

__ وقفت توكتوك ولما ركبت كلمت زين

رد عليها وقال انه رن بالغلط وخصوصا ان الرقم

عنده من غير اسم.. قالت انا فاطمه

زين.. فاطمه مين حضرتك؟

فاطمه.. انا العروسه بتاعه امبارح فاكرنى يا زين

زين.. عروسه؟

فاطمه.. ايوه انا العروسه بتاعه أوردر الكباب والكفته

زبن سكت ثوانى.. الولد بيصرخ.. زين بعد الفون

عن ودانه.. ايه الصوت ده

فاطمه.. ده الولد بيعيط انا اسفه جدا.. المهم انت افتكرتنى يا زين.. انا العروسه بتاعه أوردر الكباب والكفته.. صوت دوشه الشارع مع وصراخ البيبى

فاطمه.. يا زين.. انت سامعنى ؟

زين.. ايوه سامعك.. واسف انى رنيت على حضرتك

فاطمه ولا يهمك.. المهم تعالى خد الفلوس

زين.. خلاص يا عروسه.. انا مسامح

فاطمه.. لا ده حقك.. ولازم تيجى تاخده.. واصرت

انها تشوفوا علشان ياخد الفلوس.. قالها انه

بعيد عن المكان.. بس هى قالت إنها فى مكان

تانى خالص.. مش شقه امبارح.. ولما قالت العنوان

قالها انه قريب منها وممكن يشوفها.. التوكتوك

وقف قدام عماره الدكتوره.. فاطمه نزلت وبلغت

زين بالعنوان وقفلت معاه.. وطلعت على العياده

وبعد ما كشفت على الولد واطمنت عليه

والدكتوره كتبت لها نوع لبن يشربه.. نزلت

وهى مش عارفه هتعمل ايه فى اللى جاااى

وفى المصيبه اللى هى فيها.. خرجت على باب

العماره.. رنت على زين بس مردش.. وقفت تستناه

زى ما وعدته .. زين جاى بالموتوسيكل ومشغل

مهرجان ( قلبي تعبان من جواه. قلبى راح وياه

ونساه. قلبى. غلب قلبى معاه. قلبى خايف من اللى

رماه 👏💃💃.. وقف قصاد العماره.. وقف

الموتوسيكل ونزل لما شاف فاطمه.. قربت منه

وطلعت الفلوس.

زين.. طيب مش تسلمى الاول

فاطمه.. ازيك.. خد الفلوس بقى!

زين.. مالك قفشه ليه كده

فاطمه.. فقشه.. على اساس انك تعرفنى يعنى

زين.. انا اسف يا عروسه لو كنت ضايقتك

فاطمه.. ما بلاش عروسه دى الله يباركلك

__ زين حط ايده على شفايفه وابتسم.. اسف

يا مدام فاطمه

فاطمه بغيظ.. خد الفلوس يا زين

زين.. خلى

فاطمه.. شكرا.. كفايه زوقك معايا

__ البيبى بيعيط.. فاطمه بتهزه وبتسكته

زين.. ابنك ده ؟

فاطمه.. لا مش ابنى

زين.. ما انا قولت كده بردوا .. اصل امبارح لما

شوفتك كنتى عروسه بفستان فرحك.. فأكيد

مش ابنك.. يبقى ابن اختك صح؟

فاطمه.. انا مليش اخوات

زين.. اومال مين ده؟

فاطمه المفروض انه ابن اخت جوزى.. يعنى انا

مرات خالو

زين.. انتى متجوزه؟؟؟

فاطمه.. يا ابنى مش انت شوفتنى بفستان الفرح

زين.. بصراحه اه.. بس حاسس انك مش عروسه

وشكلك حزين.. وبص الناحيه التانيه وقال.. وكنتى زى القمر مزززه مزززه يعنى

فاطمه.. عااااا.. بتقول حاجه

زين ابتسم.. لا بقول ايه اللى جرى؟

__فاطمه الدموع نزلت من عينها.. انا عروسه شؤم

وحظى وحش فى الدنيا دى.. يوم ما قولت اتجوز

واستريح واعيش عيشه مرتاحه.. العريس يهرب

زين.. نعم.. يهرب من القمر ده.. اقسم بالله حمار

فاطمه.. هرب هو اخته وسابوا الولد.. وانا هتجنن

زين.. طيب ساب الولد ليه.. حاجه غريبه فعلا

فاطمه.. ما انا مش هتجنن من شويه

زين.. اركبى

فاطمه.. عاااا.. قالت بشويش من غير ما يسمع

.. وحيات امك.. ده العشم قاتلك

زين.. يا عروسه اركبى.. انا هوصلك

فاطمه.. شكرا انا هاخد توكتوك.. وبلاش كلمه عروسه دى.. ممكن.. انا أسمى فاطمه

زين.. طيب خليكى مكانك اوعى تمشى

فاطمه.. ليه؟

زين.. هركن وارجعلك

__ زين طلع بالموتوسيكل وركنه فى جراچ

ورجع لفاطمه.. وطلب منها يقعد معاها فى مكان

يسمع منها حكايتها ويمكن يكون فى حل

فاطمه.. الولد جعان ولازم يرضع

زين.. طيب رضعيه

فاطمه.. الرضاعه عاوزة موال.. طلعت اللبن والبيبرونه.. شايف دول

زين.. عاااااا

فاطمه.. مش وقت عااا الولد عاوز يرضع ده جعان من امبارح زي كده.. يعنى لازم اروح البيت.. بس

وعد منى هتصل بيك واشوفك مره تانيه

زين.. انا عاوز اقعد معاكى حالا

فاطمه.. مش هينفع دلوقتى.. انا قولتلك اللى فيها

زين ايده فى شعره.. طيب بقولك تعالى معايا

وانا هتصرف

فاطمه.. على فيين؟

زين.. على كافيه

فاطمه.. والله مش هينفع

زين.. طيب ممكن تحكى حكايتك باختصار

فاطمه.. هتساعدنى

زين.. احكى طيب

فاطمه.. انا اتجوزت فى اسبوعين راجل غنى

وراجع من بره ومعاه فلوس كتير واتفق مع خالتى

انى هتجوز فى شقة اخته ولما اتجوزنا طفش

والشقه طلعت مفروشه ليوم واحد بس

زين.. عاااااااا

فاطمه..مالك تنحت ليه كده

زين.. يعنى جواز مصلحه ومن الاخر كده انتى ملكيش فى الحب .. بت بتاعه فلوس يعنى

اللى زيك كان تمامه راجل خليجى يقعد معاها يومين وخلاص

فاطمه بغضب.. انت بتقول ايه يا بنى أدم انت..انا ماشيه.. مسك ايدها.. والله بهزر.. اصل حكايتك

مستفزه بجد..ده انتى اتنصب عليكى يا بنتى..

وغير العيل ده.. ده انتى وقعتك سوده

فاطمه.. ده غير الفضايح.. انت عارف.. انا رجعت

حارتنا بفستان الفرح والولد على ايدى

زين.. بفستان الفرح.. ليه مكانش عندك هدوم

فاطمه.. كان شرطه اتجوز عند اخته وطبعا شقتها

جاهزه من كل حاجه.. روحت مره فى اول اسبوع من خطوبتنا بعد ما اشتريت كل الهدوم وعلقتها

فى الدولاب كمان لدرجه انى ظبطت التسريحه

من ميك اب وبرفان.. وكنا كل يوم تليفونات.. وقبل الفرح بيوم ولاء كلمتنى وقالت إن حصل معاها مشكله مع صاحب العماره.

زين.. ولاء مين ؟

فاطمه.. اخت عمار

زين.. لا مؤاخذه.. عمار مين؟

فاطمه بنرفذه.. عريسى يا زين

زين.. يا ستى متزقيش براحه عليه.. ما انا معرفش

فاطمه.. المهم عملت مشكله مع صاحب العماره

ووصلت للبوليس ومشيوا من العماره بس خدت شقه فى مكان احسن ولما طلبت منها اساعدها فى فرش الشقه

قالت انهم نقلوا كل حاجه وانا عروسه وعاوزه تريحنى.. حتى عمار لما سألته قال ان كل حاجه

جاهززززه

زين.. عمار مين؟

فاطمه.. جوزى يا زهايمر

زين بابتسامه.. اسف

__ الولد بيعيط وعلى صرخه واحده

فاطمه.. انا ماشيه بقى علشان ارضع الولد

زين.. طيب هشوفك امتى؟

فاطمه.. انا هتصل بيك.. سلام

زين.. رايحه فين ؟

فاطمه.. انا ماشيه.. ما انا قولتلك

زين.. طيب ممكن عنوان بيتك

فاطمه.. انا هكلمك.. لأنى لازم اشوفك يا زين

زين.. ممكن سؤال

فاطمه.. اتفضل بس بسرعه

زين.. طيب انتى وافقتى تقعدى فى شقه اخته ليه؟؟!

فاطمه بتوهان.. اخت مين ؟

زين.. عريسك يا فاطمه

فاطمه.. اه.. علشان كان مسافر وتقريبا

خاف اققعد لوحدى

زين.. الموضوع فى حاجه كبيره ومش مفهومه

فاطمه.. انا عاوزه أمشى بقى

زين.. ثوانى هوقفلك تاكسى

فاطمه.. تاكسى.. لا وقف توكتوك احسن

زين وقف توكتوك وركبت فاطمه ومعاها الولد

ودفع الحساب قبل ما يطلع بيها وقالها.. انتى فاكره عنوان شقه اخت عمار

فاطمه.. المفروشه

زين.. لا الشقه اللى انتى روحتى فيها

فاطمه.. اه فاكره طبعا

زين بصلها اوى وقرب منها.. خلى بالك الشقه دى

هى اللى هتوصلك لعمار واخته

فاطمه.. بجد.. ياريت

الشاب صاحب التوكتوك.. يلا يا جدعان انا ورايا

ورديه وطالع عينى من الصبح

زين.. الله يسهلك.. بس بقولك.. متركبش حد معاها

وطلع فلوس زياده علشان محدش يركب معاها

وطلع التوكتوك بيها

وكانت عينها على عمار وسرحانه فيه

.. فى الحاره ..

فى شقه فاطمه..خالتها نايمه على السرير تعبانه

ويدوب بتفوق من التعب.. الباب خبط عليها..

قامت بتتسند وهى بتقول.. فاطمه نسيت المفتاح

فتحت الباب وملقتش حد خرجت تبص اتكعبلت

فى بوكس هدايا.. استغربت.. طلعت على الباب

تبص.. بس مكانش فى حد.. اختفى.. خدت البوكس ودخلت بيه على جوه وقعدت على السرير والبوكس جمبها.

__ فى التوكتوك_

فاطمه راكبه والتوكتوك فرمل

ووقف لدرجه ان الولد كان هيقع من ايدها

فاطمه.. بالراحه فى ايه.. ولقت ست مجهوله ركبت جمبها

فاطمه.. انا متفقه معاك ان محدش يركب معايا

المجهوله.. معلش يا حبيبتى انا زى ولدتك وبنتى

بتولد.. ادعيلها وحياه الغالى عندك

فاطمه.. ربنا يقومها بالسلامه.. خلاص اطلع يسطا

التوكتوك طلع وغير اتجاهه

فاطمه.. انت رايح فيين؟ مش ده الطريق

الست اللى راكبه جمبها طلعت منديل اوبااا

وكتمت نفس فاطمه وخدرتها؟

فاطمه بتحاول تقاوم إنما اتخدرت ومش حاسه

بحاجه؟؟؟

___ فى الحاره____

__ الخاله قاعده وعدت ساعتين على غياب فاطمه

الباب اتفتح عليها.. وكانت ام محمد والهام بنتها

علشان يطمنوا.. دخلوا عليها الاوضه.. رحبت بيهم

الهام.. الله ده بوكس هدايا.. وقعدت جمبها

ام محمد.. يا بت عيب كده

الهام.. شكله حلو اوى يما ..ده اكيد من عريس فاطمه.. وبصت حواليها.. هى فييييين ؟!

الخاله.. خرجت تشترى حاجه بس اتأخرت اوى

.. اتصلى بيها كده.. الهام مسكت الفون واتصلت

بس كان جرس ومحدش بيرد

الهام.. مش بترد يا خالتى!

الخاله.. انا قلقانه عليها اوى

الهام.. هى راحت فييين؟

ام محمد.. يا بت وانتى مالك وغمزت لها تسكت

الهام.. يو يما بقى.. مش بطمن على بطه

الخاله.. راحت مشوار بس اتأخرت عليه وهى

عارفه ان انا تعبانه

__ الهام ماسكه فى ايدها البوكس.. بقولك يا

خالتى.. هى ايه حكايه عريس فاطمه.. وايه

اللى حصل بالظبط هاااااا.. هى مدخلتش صح

ولا دخلت وحصل حاجه ومصمصت شفايفها..

وبعدين مين العيل اللى معاها ده؟

ام محمد.. يا بت خالتك تعبانه اسكتى

الهام.. حاضر

الخاله.. يارب البت اتأخرت اوى.. وتجاهلت كلامها

الهام.. خالتى افتح البوكس

الخاله.. يا بنتى ده يخص فاطمه.. لما ترجع تفتحه

هى

الهام.. طيب

الخاله قامت دخلت الحمام وأم محمد قامت معاها

لأنها كانت دايخه

الهام بنت حشريه وعندها فضول لما خرجوا من

الاوضه مسكت بوكس الهدايا وفتحته

الهام.. يا نهار اسود.. يا مصيبتى.. وخرجت تجرى.
روايه حكايه فاطمه

الجزء الخامس

الكاتبه كوكى سامح

#الجزء_الخامس

__ الهام بعد ما فتحت البوكس خرجت تجرى وعلى صرخه واحده.. يا نهار اسود.. يا مصيبتى

الحقونيييييييييييي الحقونييييييييييييي.. وفتحت باب الشقه وطلعت السلالم جرى وهى بتقول.. الحقنييييي.. الحقنييييي.. وخبطت

على باب شقه جارهم مالك وقارى فاتحتها فى نفس الوقت.. لما فتح وشاف شكلها اتخض

مالك.. فى ايه مالك يا بت شكلك عامل ليه كده!

الهام.. تعبان.. تعالى معايا بسرعه

مالك.. تعبان.. اعوذب بالله.. فيين👀؟!

الهام.. تحت فى شقه البت بطه

مالك.. وايه اللى هيجيب التعبان هنا!؟

الهام.. احييييييه.. انت لسه هترغى.. بقولك تعالى

موته وخلصنا منه

__مالك جرى على المطبخ وخد سكينه ونزل معاها جرى.

__ الخاله خارجه من الحمام ومتسنده على ام محمد وكانت تعبانه ودايخه

الخاله.. ايه ده باب الشقه مفتوح ليه!

ام محمد..اكيد البت سبتنى وطلعت.. انا غلبت

فيها والله يا شريفه

ام محمد.. محدش مرتاح.. ربنا يهديها

__ الهام دخلت ومعاها مالك وكانت مرعوبه

الخاله.. فى ايه يا ولاد! مالكم؟؟

مالك.. تعبان يا خالتى

الخاله.. يا مصيبتى.. مش قادره تتنفس.. جه منين

الله اكبر الله اكبر

ام محمد.. تعبان👀 حابس حابس

الهام وقفت على الباب..مالك دخل الاوضه وقرب

من بوكس الهدايا وشاف حاجه غريبه جدا؟؟

____ فى محل الكباب ____

__ زين وصل المحل وركن الموتوسيكل بعد ما خلص الطلبات كلها وكان كل تفكيره فى فاطمه

وعيونها الحلوه.. شد كرسى وقعد قدام باب

المحل وطلب وجبه الغدا بتاعته.. بعد دقايق خرج

زميله آسر وقعد معااه

__ زين شاب عنده 28 سنه وسيم، طويل، شعره

اسود، بشرته فاتحه وباباه صاحب المحل وهو بيشتغل عنده وعايش بعقده؟؟

آسر.. رنيت عليك من شويه.. مردتش ليه!

_ زين سرحان ومش سامع حاجه

آسر.. زين زين!

زين.. ها.. معاك

آسر.. فى حاجه ولا ايه ؟

زين.. مفيش.

آسر.. اوعاا يكون حد زعلك ومش عاوز تقولى

زين.. قابلتها وشوفت عنيها

آسر.. هى مين دى!

زين.. فاطمه

آسر.. مين فاطمه ؟

زين بتنهيده.. بنت جميله وزى القمر

آسر.. زبونه يعنى ولا ايه.. انا مش فاهم حاجه

زين.. هى زبونه ومش زبونه.. تقدر تقول طلعت

من الفانوس

آسر.. نعم.. فانوس ايه يا علاء الدين 😂

زين.. البنت مزززه اوى

آسر.. قول كده بقى.. مزززه.. تستاهل يعنى

زين.. تستاهل بس.. بقولك مزززه.. وقام وقف

وبيوصف شكلها.. الوش قمر.. ولا الشعر حرير..

ولا جسمها يالهوى على جسمها وجماله

آسر. اشطا.. قرب منه وطلع من جيبه سيجاره

حشيش.. خد روق دماغك

زين ابتسم وخدها منه وبص جوه المحل وقال

اوعااا يكون ابويا هنا.. ده لو شافنا تبقى مصيبه

آسر.. ابوك روح من بدرى.. مراته كلمته وطلع

يجرى زى العيل الصغير

زين بتريقه ومسك وسطه.. اخ تعبانه.. الحقنى

يا بابا.. تقولش كان خلفها ونساها بروح امها .. ولع السيجاره وبيشربها وخد اول نفس

وقال.. انا مش عارف ليه ابويا بيعمل فينا كده

من يوم امى ما ماتت وكل يوم والتانى يتجوز

واحده شكل

آسر.. حقه يا جدع.. الراجل محتاج ست جمبه

زين.. ههزقك وربنا.. حقه ايه يا عم.. ابويا

كبر وعنده اكتر من 70 سنه ومتجوز بت قد

بناته.. والمصيبه حامل.. ومن يوم ما الزفت

ده اتزرع فى بطنها ومحدش قادر عليها

بنت الكلب دى

آسر.. يا عم مراته وليها حق عليه وكلها

كام شهر وتبقى ام اخوك وحط ايده على كتف

زين.. ابسط يا عم.. هيجيلك اخ قريب

زين خد نفس تانى بغيظ.. انا حاسس انه مش اخويا.. البت دى بتضحك عليه وعلينا

آسر.. يا عم حرام عليك بلاش تسيئ الظن

زين.. البت دى العوبان وانا مش هسيبها

آسر.. ايه يا عم قلبتها دراما ليه.. اشرب السيجاره

وروق.. صحيح انت قولتلى البنت اسمها ايه

زين.. فااااااااطمه

__ زين خد الفون وبعد عن صاحبه واتصل بيها

وكان جرس ومحدش بيرد!

زين.. هى مش بترد ليه؟؟!

____ فى التوكتوك ____

__ فاطمه نايمه متخدره ومش حاسه بحاجه

والولد بيعيط.. الست بتفتش فاطمه.. الواد صاحب

التوكتوك نزل وركب معاها ورا ولسه بيمسك

جسم فاطمه.. الست المجهوله.. انت بتعمل ايه! ..

شيل ايدك يا جدع.. يلا اتصل بالجماعه

__ الولد بيصرخ.

المجهوله.. الواد ده صدعنى.. يخربيته مبيفصلش

صاحب التوكتوك مسك الفون ورن رنه وقفل.. وبعد دقايق كان قدامه عربيه فخمه جدا نزل منها

شاب.. سلمه 5000 جنيه واستلم منه فاطمه والولد

____ فى الحاره ____

__ مالك بص فى البوكس وشاف 👀 تعبان

بيتحرك بجد زى ما الهام قالت وجوه البوكس

صور لفاطمه واتنين فيران ميتين.. رفع السكينه

ولسه بينزل بيها على التعبان.. الخاله دخلت وقالت بصرااااخ.. بلاش يا ابنى تأذى نفسك

مالك نزل ايده وبص وراه.. لازم يموت يا خاله

يأما نموت احنا.. ده تعبان واكيد سام.. انا هموته

الهام برعب وزعيق.. موته بسسرعه.. انت مستنى

اييييه!!!؟ ؟

الخاله.. يا ابنى لو موته هيأذيك.. اسمع منى

مالك.. لازم يموت ابن الكلب ده

الخاله قربت منه وقفلت البوكس.. روح بسرعه

لعمك حسين جارنا هو اللى هيخلصنا منه من غير

أذيه.. وبقت تعلى صوتها.. لا تأذينا ولا نأذيك

__ مالك فتح البوكس ومن غير ما يسمع الكلام

نزل على راس التعبان وقتله ووشه كله اتغرق دم

الهام.. مات.. الحمد لله

الخاله بزعيق وغضب.. ليه يا ابنى كده تجيب

الأذيه لنفسك

مالك بتناكه.. ميجبهاش الا رجالها 💪

الخاله.. ليه تأذى نفسك يا ابنى!

مالك.. فى ايه يا خاله.. التعبان لو مكانش

مات.. كنا كلنا هنموت وقرب من الهام وقال بشويش.. عجبتك يا لولو

الهام.. هو انا بحبك من شويه ورقعت حته ضحكه

انت سندى وضهرى يا ملوكى

ام محمد.. وانت يا مالك هتفضل كده يا اخويا

مش عاوز تعمل حاجه!

الهام.. يما بقى فى ايه.. الراجل نازل يخلصنا

من الزفت ده تقومى تبكتيه

ام محمد.. ابكته علشان عاوزه مصلحتك يا بنت

بطنى.. ابكته علشان عاوزاه يخلص واشوفك

فى بيت العدل

مالك.. ان شاء الله قريب يا خالتى ام لولو

ام محمد.. ام لولو.. احيييه.. ده بيقولك يا لولو

يعنى مفيش جواز السنه دى

الهام بكسوف.. خطيبى وبيدلعنى يما

ام محمد.. خطيبك.. اه.. خطيبك بشبكه صينى يا موكوسه ومصمصت شفايفها

الهام حطت ايدها على شفايفها.. بتقولى ايه يما؟

ام محمد.. معلش بقى مقصدش.. خالتك مش

غريبه

__مالك اتحرج ودخل غسل وشه من الدم وبعد ما خلص.. قعد جمب البوكس وطلع منه الفيران

والتعبان ولفهم فى قماشه وحطهم فى شنطه

الخاله.. اعوذب بالله.. انا لو اعرف انه فى كده

مكنتش اخدته خالص

الهام.. هو من عريس بطه يا خالتى

الخاله بنرفذه.. عريس ايه بقى منه لله.. انا لقيت

البتاع ده على باب الشقه وشاورت بإيدها

__ الهام قعدت جمب مالك وبقت تدور وتشوف

البوكس فى ايه وطلعت منه صورتين

لفاطمه مكتوب عليهم.. حب ثم حب ثم عشق

ثم عشق ثم قبول.. عند الرفض.. حزن ثم اكتئاب

ثم عنس ثم حياه سوده ثم مر ثم دموووووع ثم انتحار ثم موووووووووت

الخاله بذهول.. دى صور فاطمه.. مكتوب عليها

ايه يا بنتى

الهام بخوف.. بطه معمول لها عمل بالعشق

ام محمد.. يا عينى يا بنتى

الخاله.. الصور دى مكتوب عليها ايه

__ الهام قرأت كل المكتوب بصوت عااالى والخاله تعبت

لما سمعت الكلام وعرفت ان فاطمه معمولها سحر

مالك بذهول.. طيب ايه لزمه التعبان والفيران

الهام.. معرفش

ام محمد.. اكيد لزوم السحر

مالك بذهول.. ايه ده فى ورقه جوه.. مسكها

وابتدى يقرأ كل اللى جواها وكان مكتوب فيها

فاطمه بنت فوزيه وعبد الهادى نفذى المطلوب

خذارى تموتى التعبان.. ارميه فى رمله صفراء

اما الفيران ادفنيهم والصور احرقهيم وبكده

قبلتى عشقى.. أما بقى لو رفضتى.. يبقى

تقتلى التعبان وبكده جوابك وصلنى ورفضتى

عشقى يا بنت عبد الهادى

الهام.. احيييه.. انت قتلت التعبان

الخاله.. يا نهار اسود حسبى الله ونعم الوكيل فى كل مؤذى

ام محمد.. خير متخافيش يا اختى

مالك.. فى كلام مكتوب تانى زى طلاسم بس

مش مفهومه

الهام.. بقولك ايه انت خد البوكس المهبب

ده وعلى مقلب الزباله عدل.. يلا بسرعه

مالك.. وصور فاطمه

الهام.. اقطعهم.. ولا اقولك ومسكتهم بإيدها

وقطعتهم.. وبعد ما خلصت لفت البوكس

فى شنطه ومالك خدهم ومشى على مقلب الزباله

الهام.. اه يا دراعى

ام محمد.. مالك يا بت

الهام.. اه يما حسيت بنغزه فيه

ام محمد.. ما انتى مش بتسكتى خالص

الخاله بتعيط.. البت اتأخرت.. انا خايفه عليها

اوى

__ مالك رجع وقال إنه رمى الحاجه زى ما طلبوا

منه واستأذن وطلع شقته

الهام.. يلا يما

ام محمد.. احنا هنقعد لحد ما فاطنه ترجع

الهام.. طيب انا هطلع لابويا واخواتى

احضر لهم العشا ولما ترجع اطلعى

ام محمد.. اطلعى

___ فى غرفه مجهوله ____

__ فاطمه نايمه متخدره من غير الولد

دخل راجل مجهول.. البت حلوه والله خسارة

اللى هيحصل فيها رد عليه واحد معاه.. يا عم

واحنا مالنا ده نصيبها بقى.

الراجل المجهول.. بس جميله وحلوه يا خسارتك

رد وقاله.. حد قالها تركب توكتوك لوحدها.. نيهيهيهيهيهي. وخرجوا وسابوها.. بعد مرور

ربع ساعه فاقت وحست بالبرد وبقت ترتعش

قامت وهى بتقول.. اسكت بقى بطل زن.. انا

عارفه انك جعان وكأنها فى حلم فتحت عينها

وشافت نفسها فى؟؟؟؟

___فى شقه زين ___

__ زين نايم فى اوضته وبيتصل ب فاطمه

والفون اتقفل خالص.. زعل جدا وافتكر انها

قفلته منه ومش عاوزه تكلمه.. طلع سيجاره وبعد ما شريبها نام

الباب اتفتح عليه وحس بحد بيلمس جسمه

فاق وقام بسرعه.. ايه ده زهره؟؟؟

__ فى الحاره ___

فى شقه مالك.. بعد مخلص فون مع الهام خطيبته

وكانت كل مكالمته عن فاطمه واللى جرالها

قفل معاها ونام وبعد نوم عميق قام على صوت

غريب وكان صوت انثى.. قتلته ليه ؟

مالك.. ها مين مين؟

الصوت.. بقولك قتلته ليه؟

مالك.. قتلت مين ؟!

الصوت.. جوزى

مالك.. جوزك مين ياست.. انتى مين.. انا مش شايفك

الصوت.. ولا عمرك هتشوفنى

مالك.. انت مين بس!

الصوت.. بقولك قتلته ليه؟

مالك.. انا مقتلتش حد!

الصوت.. قتلت جوزى النهارده.. انا مراته وفجأه

ظهرت قصاده حيه كبيره

مالك.. عاااااااااااااا
روايه حكايه فاطمه

الجزء السادس

الكاتبه كوكى سامح

____ فى شقه زين ____

زين.. مين.. زهره.. ايه اللى دخلك عليه وانا نايم؟

__ زهره 24 سنه جميله، بيضاء، شعرها بنى متوسط الطول، طويله، متزوجه من والد زين

زهره بذهول.. انا فيين.. انا فيييين ؟

زين قام من على السرير بسرعه ومسك دراعها بقوه.. نعم يا اختى!

زهره.. انت مين؟

زين.. بقولك ايه بطلى استعباط ويلا اطلعى بره

قبل ما ابويا يشوفك وتبقى مصيبه

زهره.. ايه ده زين؟ انا ايه اللى جابنى هنا!

زين.. نعم يا روح امك.. وشدها وخرجها بره الاوضه وقفل الباب وسند ضهره عليه.. يا بنت

الكلب.. انا كنت عارف انك العوبان.. إنما معايا

انا.. ده اللى مكنتش عامل حسابه.

__ زهره دخلت تتسحب على اوضه نومها وقعدت

على السرير وهى بتعيط.. يا بابا.. قوم يا بابا..

انا تعبانه.. حج محمد.. يا حج.. الولد تعبنى اوى 😭.. الحج محمد قام من النوم مفزوع

____ الحج محمد راجل عنده 70 سنه أرمل وعنده زين واتنين بنات، طيب بس عصبى جداً

زهره.. انا تعبانه اوى يا بابا.. حاسه ان البيبى

بيتحرك بس جامد اوى.. بجد مش قادره استحمل

الحج محمد خدها فى حضنه وقعد يطبطب عليها

.. معلش حبيبتى بكره تولدى وترتاحى

زهره.. انا تعبانه يا بابا.. مش قادره انام

الحج محمد.. يعنى اعمل ايه بس؟

زهره بخباثه.. بقولك تعبانه وباين عليه كده

هولد بدرى

الحج محمد.. بدرى.. انتى لسه فى الرابع.. نامى يا روحى.. وخدها فى حضنه لما حس انها بتدلع

عليييه.

___ فى الغرفه المجهوله ___

__ فاطمه فاقت من المخدر وكأنها بتحلم ولقت نفسها نايمه على سرير كبير ونايم جمبها كذا بنت

متعرفش حد فيهم حاولت تقوم بس مش قادره من تأثير المخدر وسمعت صوت الولد بيصرخ وكان صوته قريب منها.. قامت وهى دايخه ولسه بتحط رجليها على الأرض.. حست بجسم تحت رجليها.. بصت وبصررراخ.. ايه ده.. ايه الناس دى كلها.. انتوا مين؟.. انا ايه اللى جابنى هنا.. رددت عليها بنت مجهوله تقريبا من سنها.. انتى جيتى هنا ازاى؟؟

فاطمه.. مش فاكره حاجه.. غير التوكتوك اللى

كنت راكبااه

المجهوله.. انا بقى خدونى من الاشاره.. اصلى بسرح بمناديل وبصرف على امى واخواتى

فاطمه.. هو احنا فييين بالظبط؟

المجهوله.. احنا وقعنا فى ايد ما لا يرحم

فاطمه بصراخ.. الولد.. راح فيين؟

المجهوله.. ابنك يا حرام اكيد قتلوه

فاطمه بذهول.. قتلوه.. هما مين؟

المجهوله.. هما اللى هما بقى.. بقولك استنى دورك

وخلاص

فاطمه.. دورى! .. طيب والواد؟؟

____ فى الحاره ____

الخاله.. لا لا لا البت اكيد جرالها حاجه.. الوقت اتأخر ومرجعتش.. يا ترى جرالك ايه يا فاطمه

ام محمد.. يا شيخه فال الله ولا فالك.. متقوليش كده

الخاله.. لا انا لازم اتصرف وانزل ادور عليها

ام محمد.. طيب هى راحت فييين.. وانا اروح

اسأل عليها

الخاله.. هى قالت راحت لدكتور علشان الواد

ام محمد.. متعرفيش فين الدكتور ده؟

الخاله.. مقالتش!

ام محمد.. طيب يمكن رجعت وقعدت مع البت

صاحبه السنترال.. ما انتى عارفه هى مبتقعدش

غييير معاها

الخاله بحيره وخوف.. يمكن؟

ام محمد.. انا هنزل اشوفها وارجع بيها ان شاء الله

__ الباب خبط ولما ام محمد فتحت كانت البنت

اللى بتشتغل فى الصيدليه وفى نفس الوقت صاحبه فاطمه وكانت بتطلب منها حق الأنسولين

واللبن والبيبرونه.

الخاله.. يعنى رجعت من عند الدكتور الحمد لله علشان اشترت اللبن والبيبرونه.. بس البنت قالت إنها اخدتهم علشان توريهم لدكتوره لو كانوا ينفعوا

ولما ترجع هتحاسب.. من هنا اتأكدوا انها مرجعتش؟

__ فى شقه مالك __

مالك.. يا نهار اسود ومنيل تعبان 🐍 واغمى عليه

من الخوف.. بس كان ببفوق فى ثوانى على نفس

الصوت.. انت قتلته ليه؟

مالك.. انا مقتلتش حد وربنا

الصوت ببكاء.. انت قطعت دماغه وموته

مالك.. دماغ مين بس.. انا عمرى ما قتلت حد

الصوت.. انا مراته وانت خدت روح حبيبى منى

وانا مش هسيبك غير لما اخد روحك زيه

مالك.. يا ستى ابعدى عنى والله ما قتلت حد

وظهرت الحيه قصاده تانى

مالك.. عاااااا عاااااا.. وشه اصفر من الرعب

ورجعت اختفت وكلمته..انت قتلت تعبان النهاردة

ومش اى تعبان.. ده جوزى وانا مش هسيب حقه

ولازم اقتلك.. زى ما قتلته

مالك بفزع.. التعبان 🐍😭

الباب اتفتح عليه وكانت مامته والحيه اختفت

مالك على صرخه واحده.. انا شوفتها.. الحقونيييي

الحقونييييي.. هتموتنى.. ونزل جرى على شقه الخاله من كتر الرعب اللى شافه ومفيش غير على لسانه هتموتنيييي.. هتموتنيييييي

ام محمد.. فى ايه

مالك بيلطم على وشه.. شوفتها وهتموتنييييي

ام محمد.. هى مين دى يا موكوس

مالك.. مراته

ام محمد.. مرات مين؟

مالك.. مرات التعبان 🐍وقالت إنها مش هتسبنى

ولازم تموتنييييي زى ما موته

ام محمد.. لا حول ولا قوة الا بالله.. ما انت كنت

كويس وزى الفل.. ايه اللى جرالك انت كمان

__ الخاله خرجت من الاوضه وقالت.. هى فاطمه رجعت وشافت مالك وحالته كانت سيئه

الخاله.. فى ايه يا ابنى مالك

مالك.. هتموتنيييي خلاص

الخاله.. مين دى يا واد اللى هتموتك

مالك.. مرات التعبان 🐍 جاتنى وانا نايم

وكانت زعلانه اوى على حبيبها وعاوزه تاخد

تاره

الخاله.. مش معقول.. اكيد انت بتحلم

مالك.. وربنا ما بحلم.. ده بجد.. تحبى اوصفلك

شكلها.. ولسه بيوصف سمع نفس الصوت.. مش

هسيبك ولازم اقتلك

مالك.. جت.. سمعتوا صوتها صح

ام محمد.. صوت مين يا ابنى

مالك.. صوتها.. كانت بتقولى مش هسيبك

ام محمد.. احييييه خطيب بنتى اتجنن

____ فى طريق زراعى _____

__ فاطمه مغمى عليها وجمبها شنطتها والولد

نايم.. فاقت على صوت اذان الفجر

فاطمه.. ايه ده الولد.. وخدته فى حضنها وهى

مش مصدقه نفسها واستغربت لما لقت الشنطه

جمبها وكمان جواها الفون وبقى كل تفكيرها

هى ازاى خرجت من المكان اللى كانت محبوسه

فيييه.. طلعت الفون واتصلت ب زين مش بيرد؟

واتصلت تانى.

___فى شقه زين ___

__ زين كان خارج من الحمام وسمع الفون بيرن

ولما شاف كان رقم فاطمه.. رد بسرعه

فاطمه بانهيار.. الحقنييييي يا زين

زين.. فى ايه مالك يا فاطمه

فاطمه.. انا اتخطفت ودلوقتييي مرميه على طريق زراعى مفهوش اى حد

زين بفزع.. اتخطفتى.. ازاى ده حصل

فاطمه بدموع.. تعالى الحقنييييي يا زين

___زين قام من مكانه وبقى زى المجنون ومش عارف يعمل ايه وخصوصا انه مش عارف المكان

زين.. فاطمه

فاطمه.. نعم

زين.. عاوزك تهدى خالص وتبطلى عياط.. تقدرى

تحددى انتى فين بالظبط

فاطمه بانهيار.. انا معرفش انا فيين وخايفه

زين.. طيب قومى من مكانك وحاولى تمشى

وانا معاكى ولو قابلتى حد اسألى اسم المكان

وانا هكون عندك حالا

فاطمه سمعت كلامه وقامت وكانت دايخه وتعبانه

زين.. انا معاكى

__ الفون وقع من فاطمه على الأرض والخط فصل

زين.. الو الو بس الخط اتقفل.. اتصل كذا مره ومفيش رد؟ زين اتجنن لما اتصل ومردتش

قام لابس هدومه بسسسسرعه ونزل خد الموتوسيكل علشان يدور عليها.

__ بعد مرور نص ساعه فون زين رن وكانت

فاطمه بس اللى رد عليه كان شاب مجهول .. زين اتجنن وسألوا فين صاحبه الفون

فاطمه خدت الفون ورددت.. انا كويسه يا زين

زين.. مين ده اللى رد عليه.. انطقى

فاطمه.. ده واحد شوفته وسألته على المكان

وقولت يكلمك علشان تعرف الطريق منه

زين.. انتى عرفتى الطريق

فاطمه.. بيقول ان المكان اسمه شبرامنت وانا

اول مره اسمع الاسم ده

زين عرف المكان طبعا وكلم الشاب المجهول

علشان يعرف فيين بالظبط وطلب منه ميبسبش

فاطمه.

___ فى الحاره ____

__ الخاله قلبت الحاره صريخ وصوات على فاطمه

وكل الجيران بيدوروا عليها الا مالك حالته بقت

حاله

الهام.. مالك يا حبيبى ايه اللى جرالك

مالك.. هتقتلنييييي

الهام.. هى مين؟

مالك.. مراته.. مرات التعبان 🐍 دى متوحشه

الهام.. احيييه.. انت اتجننت

مالك..انا مش مجنون.. حتى انتى يا الهام

مش مصدقانى!

الهام.. يا حبيبى قول كلام يدخل العقل

حيه ايه دى اللى تظهرلك علشان تاخد تار

تعبان كان هيموتنا.. اكيد انت بتحلم

الصوت.. مش هسيبك غير بالدم

مالك.. جت.. وكلبش فى الهام.. مش بقولك هتموتنيييييي

الصوت.. مش هسيبك ولازم تموت

مالك طلع يجرى زى المجنون.

الهام.. مالك اتجنن؟

__ فى الطريق الزراعى ___

__ زين وصل بالموتوسيكل عند فاطمه ولما شافها

كان باين عليها التعب والإرهاق

فاطمه.. الحقنييييي يا زين

زين نزل من على الموتوسيكل وقرب من فاطمه

وخدها فى حضنه وهى بتعيط

فاطمه بعدت عنه.. ايه ده ؟

زين.. اسف مقصدش

الشاب المجهول.. عن اذنكم انا بقى.. وحمدالله

على سلامه المدام

زين.. تشكر يا ريس

فاطمه.. اسفه.. انا ملقتش غيرك اكلمه

زين.. فى حاجه غريبه

فاطمه.. خير فى ايه

زين بابتسامه.. الولد نايم

فاطمه.. ما انا رضعته.. وطلعت البيبىرونه

وقالت.. كتر خيره الشاب ده والله هو اللى ساعدنى

زين.. المهم انه رضع علشان كان جعان اوى

فاطمه.. الحمد لله

زين ركب الموتوسيكل.. يلا اركبى

فاطمه.. عااااااا

زين.. مفيهاش كلام دى.. اتفضلى اركبى علشان

اوصلك

__ فاطمه ركبت وراه وكانت محرجه جدا

وحاولت متمسكش فيه بس معرفتش

زين.. امسكى فيا كويس

فاطمه لفت ايد على وسطه والايد التانيه ماسكه

بيها الولد

زين.. اطلع

فاطمه.. اممممم

زين.. اممممم ايه؟

فاطمه بنرفذه.. ما تطلع يا زين

زين.. طيب امسكى كويس.. خلى بالك ها

فاطمه.. حاضر

__ زين حس احساس غريب من ناحيه فاطمه

لما يدها لمسته حس من ناحيتها بحاجه حلوه

حس انها منه ومش اول مره يشوفها

__ طلع بالموتوسيكل وشغل الكاسيت على اغنيه

انا بعشقك انا ❤️

فاطمه.. الله انا بحب الأغنية دى اوى

زين.. وانا بعشقها

الموتوسيكل ماشى وصوت الهواء كان جامد

جدا ومش عارف يكلم فاطمه.. ولما قرب يوصل

وقف بحجه البنزين.

فاطمه.. ايه ده وقفت ليه؟

زين.. بنزين يا ستى!

فاطمه.. والحل؟

زين.. هنتمشى قدام شويه وامون

فاطمه.. زمان خالتى قالبه الدنيا عليه

زين.. طيب ما تكلميها

فاطمه.. انا فكرت اعمل كده بس خوفت اقلقها

اكتر؟

زين.. يا بنتى كلميها

فاطمه مسكت الفون واتصلت بخالتها وطمنتها

بس الخاله قفلت معاها وهى مضايقه من اللى

عملته وخصوصا ان فاطمه مقالتش على كل اللى حصل معاها.

زين.. انتى حلوه يا بطه

فاطمه.. بطه.. انت عرفت منين

زين.. ما هى فاطمه.. يعنى بطه.. مش غريبه

فاطمه.. انت باين عليك كده لمض ومش هتجبها

البر

زين.. انا غلبان اوى

فاطمه.. انا متجوزه على فكره

زين.. عارف وهرب هو اخته وساب المحروس ده

فاطمه.. نفسى اعرف هما عملوا فيا ليه كده

زين.. الموضوع معقد وغريب.

فاطمه.. اوى

زين.. عموما انا هاخد منك عنوان الشقه وهعرف

دول مين

فاطمه.. انت بتعمل ليه كده

زين ببرود.. عادى يا بنتى.. الناس لبعضها

فاطمه.. طيب.. يلا بقى علشان حضرتك تمون

زين.. تعالى

والاتنين ماشين مع بعض وخد منها الولد وشاله

زين.. اسمه ايه ؟

فاطمه.. والله ما اعرف

زين.. خلاص تعالى نختار اسم لى انا وانتى

فاطمه.. مش عارفه

زين.. اى بنت قبل ما تتجوز بيكون نفسها تسمى

ابنها او بنتها اسماء هى بتحبها.. انتى بقى كان نفسك تسمى ابنك ايه

فاطمه.. زين ❤️

زين.. بجد 😀

فاطمه.. انا بعشق الاسم ده

زين.. بس كده هيحصل لخبطه

فاطمه.. خلاص سميه انت بقى

زين.. مش هزعلك ايه رأيك نسميه زين الصغير

فاطمه.. زين الصغير.. حلو اوى.. وانت زين الكبير

وشافت راجل معاه غزل بنات

فاطمه.. ونبى يا زين نفسه فيه هاتلى منه

زين.. بتحبيه

فاطمه.. بموت فيه وبقالى كتير مأكلتوش

زين.. يارب تحبينى زيه

فاطمه.. عاااااا

زين وقف واشترى غزل البنات ووقف هو وهى

ياكلوه مع بعض وفجأه ست غريبه جت تجرى

عليهم زى المجنونه.. ابنى يا حراميه..

فاطمه.. عاااااا حراميه.
روايه حكايه فاطمه

الجزء السابع

الكاتبه كوكى سامح

___ الولد الصغير كان على ايد زين وفجأه جت ست بتجرى عليهم زى المجنونه.. ابنى يا حراميه

فاطمه.. عاااا.. ابنك مين يا ست انتى

زين.. فى ايه.. ولسه بيكمل كلامه.. والست قعدت تصرخ.. ابنى.. يا حبيبى يا ضنايا وبتحاول تاخد

الولد من ايده بكل قوتها.. فجأه الناس اتلمت

عليهم وسلكوا الست منهم وعرفوا انها تعبانه

نفسياً.

فاطمه.. الحمد لله ربنا ستر

زين.. الحمد لله انها طلعت ست مريضه نفسياً ولا

علشان طلعت مش ام الولد

فاطمه.. فى الحالتين الولد ده مش ابنى ولا عمرى

شوفته غير لما المج النسكافيه وقع على دماغه.

زين ب استغراب.. مج النسكافيه.. انا مش فاهم

حاجه!

__فاطمه سرحت وافتكرت كل اللى حصل وقالت

ان دى كانت بدايه التعارف على ولاء وعمار

ومسكت الولد من ايده وقالت.. والله انا مش

عارفه ازاى حد يسيب حته منه ويهرب ومع

حد هو ميعرفوش من الأساس وفى نفس الوقت

تيجى ست مختله عقلياً.. تمسك فى الولد وكأنه

ابنها. سبحان الله

زين.. والله يا فاطمه انتى حكايتك غريبه بجد

بس ان شاء الله كل حاجه هتتحل.. المهم انا عاوز

منك عنوان الشقه ضرورى.. واوعى تنسى.. ها

فاطمه.. اى شقه!؟

زين.. شقه ولاء يا زهايمر.. وابتسم

فاطمه.. حاضر.. معلش والله نسيت من الخضه

زين.. معلش ما انتى اللى شوفتيه مش شويه.. وافتكر وسألها وقال.. صحيح انتى اتخطفتى ازاى؟

فاطمه.. متفكرنيش.. ده انا شوفت ليله سوده

والحمد لله ربنا نجانى.. ومش فاكره منها غير

شاب انا عمرى ما شوفته فى حياتى؟

زين.. طيب احكيلى كل اللى حصل.. فاطمه ابتدت

تحكى وقالت..

__ فلاش باااك __

فاطمه فى الاوضه بتتكلم مع البنت المجهوله وكانت سامعه صوت الولد قريب منها.. ولما بصت وشافت كميه ناس متخدره جمبها بعد ما البنت

قالت لها تستنى دورها.

الباب اتفتح عليهم.. ودخل شاب وده كان نفسه اللى استلم فاطمه من صاحب التوكتوك وخدها

وخرج بيها وكانت على صرخه واحده

فاطمه.. خلاص هتموتونييي

الشاب.. بقولك ايه يا بت انتى.. انا مش عاوز اسمع صوتك واتعصب.. فاهمه ولا لأ

فاطمه.. طيب فييين الولد.. انا كنت سامعه صوته

الشاب.. ولد مين؟

فاطمه.. اللى كان معايا.. ما انا كنت راكبه التوكتوك

وهو على ايدى.. وهى بتتكلم فجأه قرب منهم راجل وقف اتكلم مع الشاب وشد معاه فى الكلام

وفهمت من كلامه انها حصلت مشكله كبيره ما بين الشاب والراجل اللى مشغلهم.. وكانت على أنه ازاى

يتعامل مع الولد صاحب التوكتوك وخصوصاً انه مش بيجى من وراه غير المصايب بس الشاب المجهول قعد يزعق ويقول.. انا مكنتش اعرف

ان وقفنا التعامل معاه.. انا لقيته بيكلمنى وقال انه معاه بنت ولد.. قولت مصلحه وب 5000 جنيه

مش حاجه.. روحت وخدتهم منه بس الراجل اللى كان بيكلمه قاله ان صاحب التوكتوك اتمسك وهما

مش عاوزين حد من تبعه خالص

الشاب بص لفاطمه وقال.. مفيش غير دى والولد

اللى معاها.. وانا هتصرف معاهم رد عليه الراجل وقاله.. اتصرف واحنا كمان هنشوف شغلنا ونفضى

المكان.

الشاب قرب من فاطمه.. وجرها من ايدها.. تعالى يا وش الفقر انتى

فاطمه بصدمه.. هتموتونيييي

الشاب بغضب.. عارفه.. لو سمعت صوتك تانى.. هقتلك بإيدى

فاطمه.. خلاص مش هتكلم.. ومشيت معاه ودخل

بيها فى اوضه تشبهه غرفه العمليات.. فاطمه اول لما شافتها اتخضت.. وشهقت.. الشاب بصلها وقالها

مستغربه ليه.. فاطمه قالت.. هو انتوا!؟ .. رد الشاب وقال.. تجاره أعضاء وقرب منها وكان فى ايده منديل وقالها.. انتى شوفتيني قبل كده؟

فاطمه.. ولا عمرى شوفتك

الشاب مسك المنديل وبكل قوته خدرها وهى بتقول.. فييين الولد.

__ عووووووووده __

فاطمه.. فوقت لقيت نفسى مرميه والولد جمبى

وحتى شنطتى كانت جمبى بردوا وملقتش حد اكلمه غيرك يا زين

زين.. غريبه بجد.. الناس دى مبترحمش.. ازاى

سابوكى عايشه؟

فاطمه.. والله ما اعرف.. بس انا لما فوقت مكنتش فاكره حاجه خالص

زين.. لازم نبلغ عنهم علشان انتى كده فى خطر

والله اعلم هيعملوا فيكى ايه

فاطمه.. ابلغ عن مين يا زين.. انت مستوعب بتقول ايه.. اولا انا معرفش كنت فيين.. حتى الواد صاحب التوكتوك والست اللى كانت معاه كنت

اول مره اشوفهم فى حياتى والشاب اللى خدرنى

انا عمرى ما شوفته.. انت عاوز ابلغ عن وهم وفى الاخر اطلع انا المحقوقه ويطلع بلاغ كاذب

زين.. طيب انتى كنتى قريبه من هنا؟

فاطمه بعصبيه.. معرفش.. انا بقولك لقيت نفسى هنا واخر حاجه فكراها.. الطريق اللى التوكتوك كان ماشى فيه لحد ما الست خدرتنى غير كده متسألنيش يا زين

زين.. انا بس خايف عليكى وكنت عاوزك تعملى محضر خطف

فاطمه.. انت عاوزانى ادخل القسم.. وكمان ابلغ

واعمل محضر انى اتخطفت

زين.. ايوه وانا معاكى.. متخافيش

فاطمه.. اه.. يبقى انت متعرفش انا بنت مين ومنين.. بص بقى يا عم زين.. انا بنت يتيمه

خالتى ربتنى من بعد موت امى ومن خوفها عليه

علشان كنت حلوه حبتين مخلتنيش اكمل تعليمى

خدت دبلوم صنايع وقعدت فى البيت علشان استنى العدل زى اى بنت مستنيه الجواز.. انا من منطقه شعبيه ولو حد فيهم عرف انى اتخطفت

ودخلت القسم وعملت محضر هتبقى مصيبه.. الحاره كلها هتعرف.. ده غير هيقولوا انى حد عمل فيه حاجه وهتبقى فضيحه بجلاجل

وكملت بتنهيده وجع.. واظن كفايه اوى اللى انا فيه.. عروسه رجعت يوم صباحيتها وعلى ايدها عيل 🥺 وعيطت.. انا سمعت التلقيح عليه من اهل منطقتى وسكت يا زين.. وكفايه عليه فضايح

لحد كده.. انا لو بلغت وقولت اتخطفت.. خالتى

تموت فيها.. دى ست عندها السكر ومريضه وملهاش غيرى

زين.. انا اسف.. بس انتى كده غلط وبضيعى حقك

فاطمه.. انا اللى زيى يقول الحمد لله ان ربنا سترها عليه.. واتمنى يسترها عليه فى اللى جاى

زين.. ممممم معنى كلامك كده انك مش هتقولى

انك اتخطفتى

فاطمه.. لا طبعا مقدرش اقول

زين.. اومال هتتصرفى ازاى وهتقولى ايه عن غيابك بره البيت يوم كامل

فاطمه.. انا هتصرف وان شاء الله هتتحل

__ البيبى بيعيط

فاطمه.. اكيد عاوز يرضع.. يلا بقى انا عاوزه امشى

زين.. حاضر.. وخدها ورجع للموتوسيكل

فاطمه.. مش هتمون

زين بابتسامه.. بصراحه هو متمون.. بس انا كنت

عاوز اتكلم معاكى واعرفك اكتر.. ملقتش طريقه

غير انى اقول انه فضى

فاطمه.. هو انت طلعتلى منين؟

زين.. مش عارف.. بس كل اللى اعرفه انك اوردر

كباب وكفته.. وكان أجمل أوردر طلعته 💓

فاطمه بخجل.. طيب يلا بقى

زين.. ممكن سؤال يا عروسه

فاطمه.. عروسه.. ما بلاش الكلمه دى الله يباركلك

زين بابتسامه حاضر.. فين باباكى؟

فاطمه.. من يوم ما وعيت على وش الدنيا

وخالتى بتقولى انه مات.. ولما ابتديت اكبر وافهم

قالت إنه طلق ماما وهى حامل فيا.. كان فى مشاكل ما بينهم كتير.. بس خالتوا لما بتسمع

سيرته بتتعب.. وانا بطلت اسألها

زين.. يعنى انتى متعرفيش عنه حاجه خالص

فاطمه.. كل اللى اعرفه انه كان تاجر وغنى كمان

بس عمره ما سأل ولا دور عليه 🥺

زين.. انتى بتعيطى.. خلاص قفلى على السيرة

دى خالص ولا كأنى سألتك فى حاجه

فاطمه.. يلا بقى انا عاوزه أمشى

زين.. اركبى

فاطمه.. عااااااا

__ وفاطمه ركبت وراه وكان نفس الاحساس بيتملك من زين انه مش اول مره يشوفها كانت

لما تلمسه يحس انها حته منه وخايف عليها.

__ الهواء كان جامد وزين افتكر حاجه مهمه وقال .. عارفه يا فاطمه انا ممكن اعرف طريق جوزك.. انتى قولتى كان اسمه ايه؟

فاطمه.. عاااا.. اسمه عمار

زين.. انا ممكن اعرف طريقه من الفون اللى عمل منه الاوردر.. ووقف.. انا ازاى تاهت منى فكره الفون دى.. احنا كده ممكن نوصله وبسرعه كمان

فاطمه.. هههههههه طيب ما انا معايا رقم عمار وولاء واتقفل خالص واكيد لما طلب الاوردر كان من رقمه المقفول يا ذكى

زين.. ممممم.. عندك حق.. وطلع بالموتوسيكل وهو

مش عارف يعمل ايه ولما وصل خد منها عنوان

الشقه اللى راحت فيها بتاعه ولاء

ونزلت على أول الشارع بعد ما أكدت على زين انها

هتكلمه وهو كمان قالها انه هيوقف معاها.

__ فاطمه قبل ما تتدخل الحاره مسكت الفون وكلمت واحده من اصحابها وكان اسمها وفاء وقالت لها انها فى ورطه ولو حد كلمها تقول انها كانت بايته عندها.

__ وفعلا فاطمه دخلت الحاره وعلى ايدها الولد وكان كل اللى يسألها تقول انها كانت عند وفاء صاحبتها

مجهوله.. فاطمه هو الواد ده ابن مين يا حبيبتى

فاطمه.. ابن أمه.. وسابتها ومشيت

ولما رجعت البيت كانت خالتها نايمه وتعبانه

فاطمه جريت عليها.. مالك يا خالتى فيكى ايه؟

ام محمد.. كنتى فين يا فاطنه

فاطمه.. يا خالتى ردى عليه

الهام.. خلاص يما.. هى مش عاوزه ترد عليكى

فاطمه.. لا والله انا بس قلقانه على خالتى.. هى مالها وقالت بصدمه.. غيبوبه تانى

ام محمد.. يا بنتى خالتك من امبارح منامتش بسببك.. والعلاج مدوخها

فاطمه.. اصل انا كنت عند وفاء صاحبتى

ونمت من غير ما حس.. ولما شافت شكلى صعبت

عليها.. سابتنى نايمه.. ولما صحيت كلمت خالتى

الصبح وطمنتها.. واهو انا قدامكم زى الفل 🥺

وبعدين مش اول مره يعنى

الهام.. اسكتى يا فاطمه.. جالك بوكس هدايا

بس كان مهبب!

فاطمه.. بوكس هدايا ليه انا؟!

ام محمد.. بعدين.. سبيها تلاقيها راجعه تعبانه

الهام.. حاضر يما.. وسابوا فاطمه وطلعوا

وقبل ما يطلعوا ام محمد رجعت وقالت لفاطمه

انا عاوزه اعرف موضوع الواد ده ايه ونشوف حل يا بنتى.. الشارع كله بيتكلم على رجعوك بيه

والكل بيسأل.. الواد ده مين وحكايته ايه؟

فاطمه بكسره وجع.. انا نفسى معرفش موضوعه ايه؟ وقفلت الباب ودخلت غيرت للولد ورضعته

وكانت الخاله نايمه وكل تفكيرها فى زين الدليفرى

اللى ظهر فى حياتها فجأه والغريبه انها ماشيه

معاه وهى عاميه ومطمنه وكأنها تعرفه من سنين

مسكت الفون وفتحت نت علشان تشوف اكونت

عمار مفتوح ولا لأ

__اول لما فتحت نت جالها اشعارات الصوره اللى اخدتها سيلفى مع عمار فى الكوافير وكانت كاتبه

عليها من فوق .. إنّ الخيرةَ فيما اختارهُ الله وأنتَ بِدايةُ هذا الخير و خِتامهِ 💍💜🌍🔐

لما شافتها الدموع نزلت من عنيها وقالت.. ليه

يارب انا عملت ايه بس علشان يحصل معايا

كل ده.. وفجأه لفت نظرها كومنت.. بلاش الجوازه

دى وسألينا انا.. تنحت وفتحت الاكونت وكان فييييك؟

مسكت الفون وكلمت زين.. بس كان غير متاح

بقت تفكر مين صاحبت الكومنت ده.. اكيد يعرف

عمار وولاء وبيحذرنى

فاطمه حست بتعب وإرهاق من قله النوم.. ونامت

من غير ما تحس على نفسها.. وفجأه شافت انها

فى مكان ضلمه وصوت بيكلمها وكان عالى جدا

انا يا فاطمه يا بنت فوزيه وعبد الهادى ترفضى

عشقى

فاطمه.. انت مين.. رد وقال.. انا ترفضى عشقى

فاطمه حست بنفسها انها فى بحر وبتغرق

وكانت المياه لونها اسود جدا.. خافت وحاولت

تطلع بس مش عارفه.. وكل لما تطلع تشدها لتحت

تانى.. وحست بخنقه وكأنها بطلع فى الروح

والصوت رجع يكلمها.. بترفضى عشقى ليه يا

فاطمه رددت وقالت.. انت مين وفجأه ظهر قدامها

مالك؟ قامت مفزوعه من النوم.. مالك جارنا.. اكيد

هواجس.. لا لا انا كده خرفت

__ فى شقه مالك __

مالك نايم فى اوضته ودرجه حرارته عاليه وكل

اللى على لسانه هتموتنيييي.. وكانت حالته سيئه

جدا..

__ بعد مرور ساعات وكانت الساعه 10 بالليل

زين كان واقف قدام العماره ونفس العنوان اللى

خده من فاطمه ولما سأل البواب قاله حاجه غريبه!

زين اتجنن وبقى مش عارف يعمل ايه.. اتصل بفاطمه.. ولما رددت عليه قالها.. ان ولاء وعمار

ماتوا من سنه فى حادثه؟

فاطمه.. ماتوا والفون وقع منها على الأرض.

ومن جهه تانيه مالك نازل يتسحب على السلم

وفتح الباب على فاطمه بكل سهوله

فاطمه بذهول.. مالك.. انت دخلت ازاى!

مالك.. انتى عشقى يا فاطمه 💓

روايه حكايه فاطمه

الجزء الثامن

الكاتبه كوكى سامح

__ مالك فتح الباب بكل سهوله ولما فاطمه شافته اتخضت وسألته.. انت دخلت هنا ازاى؟!

مالك.. انتى عشقى يا فاطمه 💓 وقرب منها ومسك ايدها.. بحبك يا فاطمه.. وباسها💋

فاطمه بغضب.. انت مجنون ولا شكلك كده وزقته

بره الشقه.. الله يخربيتك.. باين عليك شارب حاجه ومش حاسس بنفسك.. وقفلت الباب ووقفت وراه وقالت وهى بتنهج.. مالك.. اطلع شقتك دلوقتى لو سمحت.. الهام لو شافتك هتبقى

مصيبه 😱

مالك.. انا بحبك وانتى عشقى يا روحى.. من غيرك

اموت يا فاطمه.. وخبط على الباب وبقى يزقه

ومش مستوعب بيعمل ايه وفجأه فتح الباب

وفاطمه وقعت على الارض.. جرى عليها وقعد

تحت رجلها.. جرالك حاجه

فاطمه بذهول.. انت مجنون.. فيك ايه يا مالك.. شكلك مش طبيعى بجد وبقت تبعد عنه وتسحف

بجسمها وترجع لورا.. وهو يقرب منها ومسك كعب رجليها وبقى يشدها عليه.

فاطمه بخوف وزعر.. سيب رجلى يا مجنون

__ زين على الفون.. الو.. فاطمه.. الو.. وقفل السكه

واتصل تانى

__ فون فاطمه رن.. والبيبى بيعيط جوه على

صرخه واحده وهنا بقى مالك اول لما سمع صوت

البيبى وصراخه رجع لطبيعته وشاف نفسه ماسك

رجل فاطمه.. سابها من ايده.. ايه ده.. انا ايه اللى

جابنى هنا! وقام من مكانه وطلع يجرى على بره

زى المجنون.. كان طالع السلم وهو بيتكعبل وسمع

نفس الصوت.. مش هسيبك هموتك يا مالك زى

ما موته.. طلع يجرى على شقته ودخل اوضته

ونام على السرير وبعد ما كانت حرارته عاليه نزلت

وبقى متلج.. بيكلم نفسه وايده على وشه.. انا متلج.. يا نهار اسود.. يبقى خلاص انا كده هموت

وهتعملها فيه المتوحشه مراته.. يا خرابى.. وغطا

وشه ونام وبيرتعش من كتر الخوف والذعر.

__ فاطمه رددت على الفون.

زين بغضب.. هى حصلت تقفلى فى وشى!

فاطمه.. ثوانى.. الولد بيعيط.. وسابته ودخلت

شالت الولد وبقت تهزه على ايدها.. مسكت الفون

ورددت بعصبيه وغضب.

الو.. انا مقفلتش على الفكره.. بس اتصدمت من

اللى انت قولتلوا.. انت عارف ده معناه ايه.. مصيبه.. لما عمار وولاء ماتوا فى حادثه.. اومال

انا اتجوزت مين؟!.. ومين الولد ده! .. ومين الناس

دى اصلا.. انا حاسه انى هتجنن يا زين

زين.. انا سألت البواب وأكد ليه انهم ماتوا

فاطمه بصدمه.. البواب! طيب ازاى

زين.. والله انا كلمت البواب وهو قالى كده.. وقولت لازم اقولك علشان تعرفى دنيتك فيها ايه؟

فاطمه لطمت على وشها والفون وقع منها وبقت تقول.. دنيتى سوده على دماغى ودماغ اللى جابونى.. والبيبى يعيط

زين.. الو.. الو.. وقفل السكه.. بس متصلش

وقال لنفسه.. بالليل هبقى اكلمها على الاققل

تكون هديت من الصدمه شويه

ومشى على محل الكباب والكفته ولما راح المحل

كانت زهره مرات ابوه موجوده هناك.

زين بقرف.. اعوذب بالله

زهره.. ايه انت شوفت عفريت ولا ايه

زين.. هو فييين الحج يا آسر

آسر بلجلجه.. الحج محمد عند الصايغ

زهره بدلع.. بابا عند الصايغ.. وقربت منه.. بقولك

تعالى وصلنى عنده علشان عاوزاه ضرورى

زين بذهول.. نعم.. اوصلك!؟

زهره.. وايه يعنى لما توصلنى.. ده انا حتى فى

مقام ماما!

آسر حط ايده على شفايفه وابتسم.. ماما😂 نيهيهيهيهيها

زين بعنف.. بقولك ايه يا ورده😂.. وشد الكرسى.. اقعدى هنا لحد ما بابا يرجع يا ماما

زهره.. ورده.. ماشى يا زين

__ زين خد آسر وخرج بره المحل وسأله هى هنا

من امتى

آسر.. من نص ساعه تقريبا

زين.. وبابا كان هنا لما جت؟

آسر.. يا ابنى ابوك اللى جابها معاه وقالها تقعد

تستناه

زين.. اومال قالت تعالى وصلنى علشان عاوزاه ضرورى ليه بنت الهرمه دى!

آسر.. ده شغل حريم فكك منه

زين بعصبيه.. اه يا بنت الكلب.. معاك سيجاره؟

آسر.. معايا واحده بس

زين.. طيب هاتها وطلع من جيبه 200 ج وقاله

انا عاوز سيجاره كمان

آسر.. 200 بسسسس!

زين.. بقولك ايه انا مفيش فى جيبى دلوقتى غير

300 جنيه.. بكره اظبطك وهديك فلوس تانى

آسر.. هو فى حاجه.. شكلك مضايق؟

زين.. انا عندى شويه مشاكل وبص ل زهره.. وبعدين اللى يشوف الزفته دى لازم يضايق

آسر.. معلش ما هى زى مامتك 😂

زين.. هقتلك لو قولت الكلمه دى تانى وضربه على كتفه

__ الحج محمد وصل المحل ورمى السلام

على الكل وزهره اول لما شافته قامت من على الكرسى

زهره.. اتأخرت كده ليه يا بابا ومسكت ايده بدلع وباستها.. طلع من جيبه طقم دهب.. انا اشتريت الطقم اللى نفسك فيه

زهره بفرحه.. بجد يا حبيبى وقعدت تبوس فيه

قدام الموجودين وتتنطط واترمت فى حضنه

زين بغضب واحراج.. ايه ده يا حج.. مينفعش هنا الكلام ده.. عيب الناس بتبص علينا

الحج محمد.. دى مراتى واحضنها فى اى مكان

زين قرب منه وقال بوشوشه.. يا بابا احنا فى الشارع.. عندك البيت اعمل فيه اللى انت عاوزه

الاب رد بعصبيه وطلع فيه.. دى مراتى وده محلى

واعمل اللى اعمله فى اى مكان يا زين وبعدين

انت خايف من الناس.. بدل ما تقولى خليها تبطل تنطيط علشان خايف على اخوك اللى فى بطنها

زين.. اعمل اللى تعمله.. انا ماشى وخرج بره

المحل وهو زعلان جدا من طريقه والده معاه

علشان احرجه وزعق فيه قدام العمال وزهره

__ولما خرج مشى من غير موتوسيكل وطلع الولاعة من جيبه بس مشتغلتش.. شاف واحد صاحبه من المنطقه خد منه ولاعه وولع السيجاره

وقعد يشربها ويفتكر زهره وعمايلها معاه

وقال.. فاطمه.. لازم اطمن عليها.. طلع الفون

وكلمها ومش بترد.

____ فى الحارة ____

__ فاطمه عملت رضعه للولد وغيرتله وقعدت

جمبه وبعد ما نام.. مسكت الفون وكلمت مالك

ومكانش بيرد.. رمت الفون.. يا ترى حكايتك

ايه انت كمان يا عم مالك!؟

__ الخاله نايمه وقامت من النوم وقالت دى غرقت

وبصت حواليها وقالت.. الحمد لله انه طلع حلم

وقامت وخرجت تشوف فاطمه

الخاله.. كنتى فين يا بنت عمرى

فاطمه بلهفه.. ماما.. انا اسفه.. وقامت تجرى عليها

ومسكت ايدها وباستها

الخاله.. يااه.. انا بقالى اسبوعين مسمعتش منك

الكلمه دى!

فاطمه..اسبوعين!

الخاله.. ايوه من يوم ما دخل علينا عريس الغفله

النصاب ابن النصابين ده وانتى بطلتى تقوليها

فاطمة.. وربنا ما اقصد يا ماما وحضنتها

الخاله بحزن.. هتعملى ايه فى الواد ده ويا ترى

اخرتها ايه

فاطمه.. قصدك زين

الخاله.. زين مين؟

فاطمه.. انا سميته زين الصغير وابتسمت

الخاله.. ليه هو فى كبير كمان

فاطمه.. اه يا ماما

الخاله.. ويطلع مين ده كمان

فاطمه.. هقولك بعدين علشان فى مصيبه حصلت

الخاله.. مصيبه ايه تانى.. انتى عرفتى طريق ولاء وعمار؟

فاطمه افتكرت انها تعبانه وغيرت الكلام

الخاله.. ادخلى اعمليلى قهوه

فاطمه.. نعم.. دلوقتى!

الخاله.. ايوه

فاطمه.. انتى تعبانه مش هينفع

الخاله.. اخر مره هطلبها منك وصدقينى مش هشربها تانى

فاطمة.. حاضر.. انا بس خايفه عليكى.. انا مليش

غيرك يا امى وحضنتها وعيطت

ودخلت المطبخ وعملت فنجان قهوة وبعد ما الخاله شربته كفته على وشه

فاطمه.. اه مش تقولى كده يا حجه 😂

الخاله شالت زين وقالت.. تعالى يا زين يا صغير

وقعدت تلاعبه

فاطمه.. انتى هتشوفى الفنجان صح

الخاله.. اه.. ومسكت الفنجان.. انا نازله عند سناء

فاطمه.. هى جت؟

الخاله.. رجعت امبارح من البلد

فاطمه.. وعرفت اللى حصلى

الخاله.. مطلعتش.. بس انا نازله اشوف الفنجان

علشان تطمنى ويمكن تعرف طريق المخافى

فاطمه.. المخافى يا خالتى 😂

الخاله.. اه مش عمار وولاء مخافى يبقوا مخافى

ومسكت الفنجان وفتحت الباب.. انا نازله ولما ارجع ابقى اعرف منك حكايه زين الكبير

وفعلا نزلت وقعدت مع صاحبتها سناء جارتها

__ سناء جارتها من سنين وكانت مسافره البلد

ولسه راجعه ومحضرتش فرح فاطمه.. سناء شاطرة جدا فى قراءه الفنجان وبتفهم فيه كويس

__ سناء مسكت الفنجان وشافته.. حطته جمبها

وقالت.. بلاش

الخاله.. بلاش ليه يا اختى

سناء.. الدنيا ليل وحرام.. وبعدين انا مش شايفه

الخاله بخوف.. فى ايه يا سناء

سناء.. مفيش.. انا بس اللى مش بشوف بالليل

ما انتى عارفه ان نظرى ضعيف

الخاله.. قولى فى ايه؟

سناء.. الفنجان فى حاجه مش كويسه!

الخاله بخوف.. فى ايه قوليلى يا اختى.. البت بطه

هيجرالها حاجه

سناء.. لأ

الخاله.. اومال ايه خضتينى!؟

سناء.. الفنجان بيقول ان صاحبه عمرك هتموت

وانا خايفه على ام محمد.. لما شوفت الفنجان قلبى اتقبض..انتى عارفه انها تعبانه وبتغسل كلى

الخاله.. يا وليه خضتينى.. دى الأعمار بيدى الله

وبعدين ام محمد زى الفل وبترجع من الغسيل

كويسه وربنا كرمه كبير عليها

سناء.. هى اتفقت مع مالك هيدخلوا امتى؟

الخاله.. مالك وقعته سوده

سناء.. ليه ماله

الخاله.. يا اختى الواد عقله خف وقال ايه فى حيه

بتطلعله

سناء.. يا مصيبتى

الخاله.. اه والله.. مالك تعبان وعاوز شيخ

ربنا يشفيه ويكمله بعقله

سناء.. يارب.. والخالة قامت واستأذنت وطلعت علشان تاخد الدواء وتنام.. ولما طلعت قعدت اتكلمت مع فاطمه وحكت لها على حوار بوكس الهدايا وازاى اتخلصه منه.. وحكت لها كمان على

حكايه مالك مع الحيه

ومن هنا فاطمه عرفت ان مالك مش طبيعى

والخاله سألتها على زين وفاطمه حكت لها على جدعنته معاها وازاى عرفته.. بس الخاله حذرتها

وقالت لها انها على ذمه راجل ولازم تخاف لحد

ما تحل مشاكلها وخصوصا لما فاطمه أظهرت

إعجابها ب زين.

___الخاله قامت تنام بعد ما اخدت العلاج وكان كل تفكيرها فى فاطمه واللى بيحصل لها؟

__ فاطمه فى فى اوضتها وكانت الساعه 1 بالليل

مسكت الفون وكلمت زين فالاول كانت خايفه لا يكون نايم إنما قالت لنفسها هترن وتشوف

ولما رنت عليه قفلت بسرعه

__ فون فاطمه رن وكان زين.

فاطمه بدموع.. زين انا صحيتك من النوم.. انا اسفه ؟

زين بحزن.. انا فى الشارع يا فاطمه

فاطمه.. دلوقتى.. فى حاجه ولا ايه

زين.. فى حاجات بس خلينا فى موضوعك دلوقتى

فاطمه.. مالك يا زين

زين بيغير الكلام.. مفيش يا عروسه 😂

فاطمه.. عروسه تانى.. الله يباركلك بلاش كلمة عروسة دى😏

زين.. حاضر.. المهم هنعمل ايه دلوقتى فى حوار

عمار وولاء ده.. بصراحه انا اتفجأت لما البواب قال

ماتوا

فاطمه.. دى مصيبه والله مصيبه وطبلت على دماغ امى

زين.. الحل انك بكره بعون الله اققابلك وتيجى

معايا لحد البواب.. مش انتى تعرفيه ولا ايه؟

فاطمه.. اه اعرفه طبعا وشوفته لما روحت عندهم

زين.. يبقى تيجى معايا وتسأليه بنفسك ونشوف

بقى بيكذب ليه

فاطمه.. انت عرفت انه كذاب

زين.. لا معرفش بس بقول كده علشان لو شافك

اكيد هيعرفك ويقول عمار وولاء يطلعوا مين

فاطمه.. اه وممكن يكون خاف منك وقال إنهم ماتوا

زين.. لا يا بنتى ده كان بيتكلم بثقه ومتأكد

__ وابتدت فاطمه تحكيله على موضوع بوكس الهدايا اللى عرفته وكمان طلع عمل معمول لها

بالعشق.. وقالت له على الاكونت اللى كان عامل

الكومنت على الصوره سيلفى وبعتتلو اللينك

واتس علشان يتأكد منه ويشوف مين؟

___وقفلت معاه لما حست انها تعبانه وعاوزه تنام

خدت زين الصغير فى حضنها وبتفتكر زين

وفجأه تلاقى نفسها بتفكر فى مالك.. بقت هتتجنن ومسكت الفون ورنت عليه من غير ارداتها

___ فى شقه مالك __

مالك خارج من الحمام والبيت كله نايم

وفجأه سمع الفون بيرن.. كان بيحسب الهام

بس لما شاف كانت فاطمه.. لسه هيرد لقى نفسه

بيجرى على اوضه نومه من غير ايرادته

واتثبت على الدولاب ونفس الصوت.. انت موته

وظهرت الحيه

مالك.. الحقونييييي.. هتموتنييييي

__ الحيه بتختفى وتظهر..

الصوت.. انا خلاص بقيت ارمله

مالك.. يا ستى وانا مالى.. ارمله ولا مطلقه انا مال

امى وبقى يرتعش

الصوت.. انا اترملت بسببك انت يا مالك.. انت اللى قتلته.. ولازم اققتلك زيه

مالك.. ددده ددده ددده تعبان🐍 وكان لازم يموت

ما هو لا يموت يأما يموتنا

الصوت.. اعترفت اخيرا

مالك.. احييييه.. هو انا اعترفت

الصوت.. انا ارمله وجوزى راح غدر بسببك

مالك.. يالهوتنييييييي على سنينى وبقت أسنانه

ترتعش وتخبط فى بعضها.. وانتى عاوزه منى ايه

دلوقتى.. وجرى على باب الاوضه يفتحه

بس مش بيتفتح ومالك على صرخه واحده

الحقونييييي المتوحشه هتقتلنى ومحدش حاسس بيه وحرراته ارتفعت خالص

الصوت.. عاوزاك تتجوزنى.. يأما اقتلك

مالك.. احييييه ووقع اغمى عليه.

__ فاطمه قفلت الفون وقالت.. ايه اللى بيحصل

ده.. انا ازاى اكلم مالك فى وقت متأخر كده

وافتكرت زين ونامت من تعبها

__ زين ماسك الفون وكلم حد من أصحابه هكر معروف وشاطر جدا لما كلمه الهكر طلب منه مبلغ مادى 3000 جنيه وطبعا زين وافق وقاله بعد ساعه هكون عندك وكانت حوالى الساعه اتنين بالليل وهو فى الشارع وراح لصاحبه وكان الهكر

خلص شغل ولما فتح الاكونت شاف صور لراجل

وشايل ولد وبنت على ايده؟؟

وكان فى محادثه فى شات بين شاب وبنت وطبعا زين مش عارف حد خالص.

فتح الشات وشاف المحادثه وكان مكتوب فيها.

فاطمه بتاعتى انا وبسسسس يا الهام؟؟؟

___ فى صباح اليوم التالى البيت كله صراخ

وفاطمه صحيت من النوم مخضوضه.. الباب

بيخبط وكانت جارتهم ام محمد ودخلت وهى بتلطم على الخاله فى اوضتها.. قومى سناء صاحبتك ماتت 😭

يتبع..
روايه حكايه فاطمه

الجزئين التاسع والعاشر

الكاتبه كوكى سامح

ج. 9و10….#حكايه_فاطمه

___ البيت كله صراخ على سناء والخاله مش مصدقه.. معقول هى اللى تموت.. يا حبيبتى يا عشره عمرى كله😭

ام محمد.. والله انا مش مصدقه!

الخاله.. لا إله إلا الله.. وافتكرت كلامها معاها لما شافت الفنجان.

___ فى شقه زين ____

__فتح الباب ودخل وكانت الساعه 11 صباحاً.. زهره خارجه من الحمام ولابسه بورنس وفوطه على شعرها

زهره بلهفه.. كنت فيين يا زين؟

زين.. استغفر الله العظيم يارب.. وقعد على كرسى السفره.. هى الاصطباحه باينه من اولها

زهره.. هو انا بكلم نفسى.. ما ترد عليه يا ابنى

زين.. ابنك هههه.. حلوه دى!

زهره بعصبيه.. بقولك كنت فين من امبارح ها.. رد عليه بدل ما اتجنن عليك

__ زين قام من مكانه وقرب منها واتعصب عليها

وقالها.. يا ستى وانتى مالك.. حد قالك انك وصيه

عليه.. ولا شيفانى عيل صغير قدامك علشان تسألينى روحت فين وجيت منين ..ايه القرف ده!

زهره.. الحق عليه انى بطمن عليك وأسأل عنك

وبعدين انا كلمتك كذا مره فون وكنت مش بترد

وتكنسل عليه!

زين.. شكرا على سؤالك.. حلو كده.. استريحتى؟.

زهره.. انا مش هستريح غير لما تقرب ليه يا زين

زين.. اققرب ليكى.. ازى يعنى!؟

زهره قربت منه وخبطته فى كتفه.. كدهوه وضحككككككت

زين مسك دراعها بقوه وغضب ووطى صوته.. بت انتى اوعى تكونى فاكره شويه الالبندا بتوعك دول يخيلوا عليه ها يا روح امك

زهره مسكت ايده.. اوعا ايدك وجعتنى

زين.. ولسه هوجعك اكتر لو نسيتى نفسك ونسيتى انتى مرات مين.. فاهمه يا بت.. وزقها

__ زهره اتخبطت فى ترابيزه السفره

زين.. انتى مرات ابويا الحج محمد.. فاهمه يا بت

__ اوباااا😱الحج محمد خارج من الاوضه وزهره لمحته.. ابتدت تغير كلامها وبكل خباثه قالت.. انا اسفه يا زين مش هروح المحل تانى واعملك مشاكل مع الحج.. انا عارفه انك راجل وطبعك حامى وبتغير على مرات ابوك من الهوا الطاير

بجد اسسسفه وربنا يسعدك ويباركلك على قد خوفك علينا.

زين.. عااااااااااا.. وشاف باباه

الاب بعصبيه ل زهره.. انتى واقفه كده ليه؟

زهره.. مالك يا بابا وحضنته.. مش تقول صباح الخير!

الاب.. يلا على اوضتك.. مشيت بخطوات بطيئه كلها دلع وبتعدل الفوطه على شعرها وقالت.. وصلت👌

زين باحراج .. صباح الخير يا بابا

الاب.. صباح الخير.. انت كنت فين من امبارح؟

زين.. كنت عند واحد صاحبى

الاب.. والله.. وصاحبك مين بقى ان شاء الله

زين.. اى حد والسلام.

الاب.. اه.. يبقى زعلان؟

زين.. انا مش زعلان ولا حاجه.. بس كان معايا

حوار كده وخلاص ظبطه

الاب.. طيب يا ابنى.. روح ربنا يسهلك ويصلح حالككككك وطبطب على كتفه.. وسابه ودخل على اوضته.. زهره قاعده قدام التسريحه وبتسرح شعرها.. قرب منها وعينه حمرا جدا والغيره باينه

على وشه وقال بعصبيه وزعيق ..انتى ازاى تقفى

بالمنظر ده قدام زين!؟

زهره قامت واقفت وبصت لنفسها من فوق لتحت

.. وماله منظرى.. قربت منه وحضنته.. انت بتغير

عليه يا بابا.. عينها كلها خباثه.. توء توء.. اوعاا تكون بتغير عليه من زين.. قصدى ابنك الوحيد.. انا عارفه ان الوضع حساس اكمننا من سن بعض

بس الصراحه زين عاقل ومحترم رد وقالها.. انا اغير من ابنى لا طبعا.. بس عيب تقفى قصاده بقميص النوم

زهره.. اولا ده مش قميص نوم.. ده بورنس.. كل الحكايه انى كنت خارجه من الحمام وكان هو لسه راجع ولما شافنى قالى بلاش تيجى المحل تانى

علشان انتى حلوه وصغيره واخاف حد يعاكسك

__ زهره بتتكلم وبتكذب والحج قعد على السرير وبيسمع لها.. بتسرح شعرها.. بس بينى وبينك يا بابا انا حسيت انه اضايق لما حضنتك قدامه وقدام الناس.. علشان كده طلب منى مكررهاش تانى

الحج محمد.. هو طلب منك كده؟

زهره.. ايوه.. بس اوعا تقولوا.. انا مش عاوزه مشاكل.. انا ما صدقت احس انه قابل وجودى معاكم

الحج بعصبيه.. وجودك يقبله غصب عنه.. انتى مراتى ومحدش لى كلمه عليكى غيرى انا.. فاهمه ولا لأ.. قعدت جمبه ولعبت فى خدوده وباسته.. مسك شعرها وكانت اعصابه سايبه وايده بترتعش

وخدها فى حضنه.. قالت فى سرها.. لازم تمشى

من البيت يا زين.. علشان اقدر انفذ المطلوب.. ولو الطريقه دى منفعتش معاك.. هيبقى موتك على ايدى يا ابن الحج محمد.

___ زين دخل اوضته وكان تعبان جدا ومرهق ونام على السرير وقام غير هدومه ومسك الفون

وكلم الواد الهكر علشان يقابله ويديلوا الفلوس حق تهكير الاكونت ولما قفل معااه.. فتح الاكونت

علشان يتأكد من شويه حاجات وطبعا فتح الشات

تانى وبقى يفكر مين الهام دى ويا ترى فاطمه تعرفها ولا لأ.. اتصل ب فاطمه وكان غير متاح وكرر الاتصال كذا مره بردوا غير متاح.. وبعد ربع

ساعه وصلت رساله الفون اتفتح.. اتصل بسرعه

__ولما رددت كانت بتعيط.. زين اتخض عليها وسألها فى ايه؟.. قالت إنها عندها حاله وفاه.. اتخض وقالها خالتك جرالها حاجه.. رددت وقالت لا دى واحده جارتنا إتوفت الصبح وكل البيت راح الجنازة وانا قاعده مع زين الصغير.. اطمن عليها وطلب منها تكلمه لما تفضى وقفل معاها من غير

ما يقولها كان عاوزاها فى ايه؟.. نام شويه لحد ما تكلمه؟

__ فى الحاره __

كانت الساعه 5 مساءا والكل رجع من الجنازه والشارع كله فى سيره سناء وموتتها فجأه بعد ما عرفوا انها ماتت نتيجه هبوط حاد فى الدوره الدمويه وكانت الوفاه طبيعيه

__فى شقه سناء__

الخاله والجيران قاعدين مع بنات سناء وكانوا منهارين تماما من موتتها المفاجأه

. ام محمد قعدت جمب الخاله.

الخاله.. يا ريتنى ما شوفت الفنجان 😭

ام محمد.. انتى شوفتيه تانى بردوا

الخاله.. اه وسناء شافته امبارح وقالت.. وسكتت.

ام محمد.. وقالت ايه؟

الخاله.. مقالتش.. خلاص هى ماتت بس والله فراقها يعز عليه 😭

ام محمد.. عليكى لوحدك.. والله على الشارع كله

ربنا يرحمها

الخاله.. أمين يارب ويحسن ختامنا

___ فى شقه مالك ___

الباب بيخبط وكانت الهام وعينها بطق شرار ولما اخته فتحت وكان اسمها ندا.. سألتها على مالك.. قالت إنه نايم وتعبان من امبارح.. الهام.. انا بتصل بيه مش بيرد عليه ليه؟

ندا.. اخويا تعبان يا الهام وحالته مش كويسه!

الهام.. يعنى هيكون حصله ايه.. اخوكى ده بيدلع

ندا.. اخويا بيدلع ايه يا شيخه.. ما كله بسببك وبسبب البوكس المهبب ده..على فكره بقى مالك فعلا ملبوس ومحتاج شيخ يكون ابن حلال مش دجال زى اللى بنسمع عنهم

الهام.. شيخ ايه بسس.. متكبريش الموضوع.. ده يدوب موت حته تعبان🐍 وفكرت ثوانى.. انا حاسه ان مالك بيستعبط اقسم بالله.. علشان انا وماما والخاله كنا موجودين ومحصلش معانا حاجه.. اشمعنى هو بقى! ؟؟؟

ندا.. متحلفيش.. مالك حالته زى الزفت.. وبعدين هو اللى موت التعبان يمكن علشان كده حصله اللى حصل.. يا حسره قلبى عليك يا اخويا..وقربت منها.. عارفه من امبارح بالليل وحرارته مش طبيعيه.. شويه سخونيه وبعدين جسمه يبرد ويرتعش

الهام بذهول.. احيييه يعنى مالك ملبوس بجد

ندا.. الله اعلم.. بس اللى شيفاه انه مش طبيعى

وسألت حد بيفهم وقال انه ملبوس

الهام.. طيب ادخلى قوليلوا انى عاوزاه ضرورى

ندا.. حاضر.. بس لو صاحى.. ودخلت تصحيه ولما خرجت.. مالك خرج وراها وكان دايخ

الهام بغضب.. انت ازاى يا استاذ لما رن عليك متردش عليه.. وبعدين ازاى متحضرش جنازه خالتى سناء.. ده الشارع كله راح.. الا انت!

مالك بدموع.. غصب عنى.. انا بضيع ومحدش فيكم مصدقنى

الهام.. نفسى اعرف جرالك ايه!؟

مالك.. هتموتنيييييي المتوحشه يأما اتجوزها

الهام.. هى مين دى؟

مالك.. الحيه مراته

الهام.. لا لا انت اكيد بتخرف.. انا نازله.. وفتحت

الباب وخرجت

__ مالك خرج وراها.. بيبص شمال ويمين.. سمع نفس الصوت.. هموتك زي ما موته يا مالك.. قفل

الباب وجرى على اوضته

____ بعد مرور ساعات وكان الوقت اتأخر والعزاء خلص.. الخاله قعدت مع فاطمه واتكلمت معاها

على موضوع الفنجان اللى شافته سناء وماتت بعده

فاطمه.. تخاريف.. انتى عارفه انى مش بعتقد

بالحاجات دى

الخاله.. والله يا بنتى كله ع الله

__ فون فاطمه رن.. لما شافت الرنه.. ابتسمت.. وقالت.. زين.. خدت الفون ودخلت اوضتها

الخاله بصت لفاطمه بحزن.. يا عينى عليكى يا بنتى .. حظك وحش زى المرحومه

__ فاطمه رددت على الفون.. الو.. ازيك يا زين

زين.. الحمد لله.. ايه متصلتيش ليه؟

فاطمه.. معلش غصب عنى

زين.. عاوزه اتكلم معاكى فى حاجه مهمه ضرورى

فاطمه.. قول.. انا معاك؟

زين.. مش هينفع فون.. انا عاوز اشوفك وقال بصوت واطى.. وحشتينى

فاطمه.. عاااااا.. بتقول حاجه!

زين.. عاوز اشوفك ضرورى بكره.. ينفع؟

فاطمه.. ينفع بس الصبح

زين.. اوك.. يبقى بعد الضهر

فاطمه.. ان شاء الله.. وهرن عليك قبل ما انزل

زين.. ابقى هاتى زين الصغير معاكى علشان وحشنى اووووى

فاطمه.. حاضر.. بس انا عندى فضول وهيموتنى

انت عاوز تقول ايه؟

زين.. انا عرفت صاحب الاكونت

فاطمه بتنهيده فرح.. اخيرا.. بتاع مين؟

زين.. بكره لما اشوفك هقولك

آسر.. زين تعالى كلم فى زباين

فاطمه.. انت فى المحل

زين.. ايوه.. انا هقفل ولما اروح هكلمك.. باى يا بطه

فاطمه.. باى.. وقفلت.. قعدت جمب البيبى وشالته

وابتسمت .. تعالى يا اخره صبرى.. يا ترى انت مين وحكايتك ايه؟؟؟

____ فى صباح اليوم التالى.. فاطمه لابست وخدت البيبى واستأذنت من الخاله بحجه انها هتروح لدكتوره الولد.. الخاله طلبت منها متتأخرش

___فاطمه نزلت الشارع وكل اللى يجى عينه عليها

يتكلم ويلقح بالكلام.. اللى تقول غلطت والواد ابنها.. واللى تقول العريس طفش.. واللى تقول

اكيد العريس شاف عليها حاجه.. وكله كلام فى الهوا.. إنما سمعتها ضاعت وسط اهل منطقتها

__مسكت الفون ورنت على زين وطلب منها تستناه فى كافيه.. خدت تاكسى لحد الكافيه.. ولما وصلت كان زين لسه موصلش.. قعدت وطلبت نسكافيه والبيبى معاها.. بقت تلاعبه.. ويضحك وكانت ضحكته جميله.. زين وصل ولما دخل عليها الكافيه.. شد كرسى وقعد.. وحشتينى❤️

فاطمه.. عاااااا

زين بتجاهل.. عامله ايه؟

فاطمه بتنهيده وجع.. الحمد لله على كل حال

زين مد ايده وخد البيبى من ايدها.. والله وحشتنى اوى يا زين يا صغير

فاطمه بلهفه.. مين صاحب الاكونت يا زين.. بجد انا هموت واعرف مين اللى عمل فيا كده

زين.. تعرفى واحده اسمها الهام؟

فاطمه بذهول.. لا.. اه.. اه.. مالها الهام؟

زين.. تقربلك يعنى ولا ايه؟

فاطمه.. الهام دى جارتى وزى اختى واكتر.. عارف

انا مليش اخوات بس هى اختى

زين.. صاحبه الكومنت والاكونت فى بينه وما بينها شات.. فاطمه قاطعته فى الكلام.. شات ايه

انت بتهزر صح!

زين.. بقولك فى شات بينها وبين صاحب الاكونت وكاتب فيه ان فاطمه بتاعتى انا وبسسسسس.. وبالمناسبه الاكونت باسم بنت إنما بتاع شاب وطبعا واضح من كلامه فى الشات مع الهام

فاطمه بصدمه.. لا لا.. انت كذاب.. اكيد كذاب

زين فتح الفون والاكونت وفتح الشات وفاطمه

شافته وكانت صدمه كبيره جدا.. قامت من مكانها

زين مسك ايدها.. رايحه فييين 👀 فاطمه.. انا ماشيه.. عن اذنك

زين.. رايحه لصاحبتك صح

فاطمه.. ايوه

زين.. طيب اقعدى لو سمحت

___ فاطمه قعدت ومش قادره تبلع ريقها.. شربت مياه وكانت على آخرها

زين.. يا بنتى اهدى مش كده

فاطمه.. ودينى مش هسيبها

زين.. وانتى بقى معتقده ان لما تكلميها هتعترف

على طول كده

فاطمه.. كلامها فى الشات اكبر دليل عليها

زين.. ممكن تقول كذب وخصوصا ان الاكونت اللى

بتتكلم منه بأسم تانى.. مش بأسمها

فاطمه.. هو فعلا مش ده الاكونت بتاعها.. حطت ايدها على خدها.. طيب هعمل ايه

زين.. اتصلى بيها وقوليلها انك اغمى عليكى فى الطريق.. ومعاكى الولد وقاعده عند ناس ومش قادره تتحركى من مكانك ودايخه.. ولو سألتك

مكلمتيش خالتك ليه.. قوليلها مش هقدر اقولها

لا تتعب واطلبى منها تيجى تاخدك

فاطمه.. عاااااااااااا

زين.. يا بنتى انجزى واتصلى قولى كل اللى قولتوا

ده بالظبط وخلى بالك من كلامك معاها

فاطمه.. معلش يعنى.. اقولها ناس مين دول اللى انا عندهم؟؟

زين قالها على عنوان شقه اخته كانت ميراث من مامته.. فاطمه.. انت عاوز اروح معاك الشقه دى

مينفعش يا زين!

زين.. انتى مش واثقه فيا ولا ايه

فاطمه.. والله ما اقصد.. بس مينفعش

زين بابتسامه.. متخافيش مش هحطلك فالعصير

حاجه اصفرا

فاطمه.. متزعلش منى بس بردوا مينفعش!

زين مسك الفون وكلم اخته وكان اسمه امنيه وقالها تسبقه على الشقه وبص لفاطمه اوووى.. ارتحتى ؟

فاطمه بخجل.. اسفه يا زين

زين.. محصلش حاجه.. وطلب منها تتصل بالهام

__ فعلا فاطمه اتصلت بإلهام وقالت لها زى ما زين قالها بالظبط وكانت بتمثل انها تعبانه ومش قادره

تتحرك من مكانها.. الهام صدقتها وخدت منها العنوان ونزلت من البيت على العنوان

__ زين حاسب وخد فاطمه معاه على الشقه علشان يوصلوا قبل ما ما هى توصل

زين.. اركبى

فاطمه.. عاااااااا

زين.. اركبى يا بطتى

__ فاطمه ركبت وراه وهى فرحانه لما قالها يا بطه

حطت ايدها على وسطه.. كان طاير من الفرحه

إنما كان بيتكلم من جواه.. هى ليه كل لما

بتلمسنى بحس الاحساس الغريب ده.. بحس

أنها حته منى.. بحس انها روحى.. فى حاجه بس

مش عارف هى ايييه.. طلع بالموتوسيكل على الشقه ولما وصل كانت اخته وصلت واتعرفت فاطمه واستريحوا لبعض جدا

فون فاطمه رن وكانت الهام وبتتأكد من عنوان العماره.

__ بعد مرور ربع ساعه.. جرس الباب رن وكانت

الهام.. قامت اخت زين فتحت لها ولما دخلت

شافت فاطمه قاعده على الانتريه.. جريت عليها

ايه اللى جرالك يا بطه.. طمنينى عليكى

__ زين طلب من اخته تمشى وفعلا مشيت

وقفل الباب ولما دخل عليهم

الهام.. هو مين ده يا بطه؟

فاطمه.. انتى اللى مين؟

الهام.. مالك يا بت فيكى ايه.. انا الهام صاحبتك

وعشرة عمرك.. انا اختك يا بت.. وبصت ل زين.. هى مش فكرانى ولا ايه؟

فاطمه نيمت البيبى جمبها وقامت وقربت من الهام وقالت.. انتى اللى بتعملى فيا كل ده

الهام بذهول.. بعمل ايه بس.. فيكى ايه.. مالك

يا بطه!؟

فاطمه شاورت على البيبى.. مين الواد ده وابن

مين.. انا عاوزه اعرف حالا

الهام.. احيييه والله ما اعرف.. بصت ل زين.. هى مالها جرالها ايه

زين.. مش هى بتسألك.. ردى عليها بالاجابه

الهام.. والله ما اعرف؟

فاطمه طلبت منه الاكونت وفتحت الشات والهام شافته واتصدمت وحاولت تقوم تجرى بس معرفتش.. قعدت مكانها وهى مش مصدقه نفسها

انها اتعرفت وقالت بلجلجه.. انا انا انا معرفش الولد والله ولا اعرف مين بيعمل فيكى كده

زين.. اومال مين صاحب الاكونت ده

فاطمه بغضب.. مين يا الهام ولا ناويه تكذبى زى ما اتعودتى

الهام وطت راسها فالارض.. صاحب الاكونت احمد

جارنا.

فاطمه.. احمد جارنا!؟

الهام.. ايوه.. اللى أتقدم ليكى كذا مره وانتى رفضتيه

فاطمه بصدمه.. احمد.. طيب ليه عمل الكومنت ده

الهام.. علشان كان بيحبك وعاوز يشككك فالجوازه

وخلاص.. يمكن تغيرى رأيك

زين قرب منها.. بت انتى قولى الحقيقه

الهام عيطت.. انا هقولكم الحقيقه كلها واللى حصل.. وابتدت تحكى.. احمد بيحب فاطمه من زمان بس هى مش بتحبه خالص.. أتقدم ليها كذا مره وكانت بترفض

زين.. وبعدين.. كملى

الهام بدموع.. مالك خطيبى مش بيشتغل والواد

احمد بيشتغل فى شركه كويسه اوى فى يوم طلبت من مامته تكلمه عن شغل لخطيبى وفعلا

كلمته ولقيتها بتكلمنى وطلبت منى اطلع عندهم

اتكلم معاه بنفسى وطبعا هما جيرانا وناس كويسه

لما قعدت معاه وكلمته على شغل ل مالك.. قالى

المفروض فى فلوس بتدفع وبصراحه كان مبلغ

بس لقيته بيقولى هو هيخليه يتعين من غير

حاجه مقابل حاجه واحده اى حاجه من ريحه فاطمه.. وقتها انا استغربت وسألته ليه؟..رد وقالى

هو عاوز اى حاجه يفتكرها بيها مش اكتر وانا صدقته فالاول وبعد كده قالى انه نفسه يتجوزها

وبيحبها اوى.. وطلب منى اى حاجه من هدومها

علشان سأل حد بيفهم وهيقرى على الهدوم

دى وممكن تعطل الجوازه وفاطمه تكون من نصيبه

__ الهام انهارت جامد.. انا كنت غيرانه منها انها

هتتجوز جوازه حلوه ومحترمه وكمان واحد غنى

وانا لسه قاعده ومش هتجوز ومالك فقير.. الغيره

دخلت قلبى ووافقت.. والله الشيطان هو اللى

وزنى ووسوس ليه.. انا بنى آدم.. مش ملاك.. بصت لفاطمه وزين.. انا مش ملاك.. غصب عنى.. وبقيت اقول لنفسى..هى احسن منى فى ايه علشان تتجوز قبل منى من راجل غنى وابن ناس

وحسيت ان الفرصه جاتلى على طبق من دهب

وانتقم من فاطمه اللى طول عمرها احلى واجمل منى.. اللى شباب الشارع كلهم بيحبوها ويتمنوا

نظره منها.. أما أنا أخرى مالك وبسسس الفقير

الغيره اتملكت من قلبى وعقلى وكنت بتصرف

وكأنى عاميه.. قبل فرح فاطمه بأسبوع وزعت

هدومها القديمه علينا كلنا وادتنى كذا حاجه

خدت منهم ترنج واديته ل أحمد جارنا.. وعيطت

وانهارت.. بس والله الشيطان اللى عمل فيا كده.. وبردوا مكنتش اعرف ان الجوازه هتبوظ بجد

فاطمه.. ههههههههه يعنى هو صاحب البوكس

الهام.. معرفش.. انا اديته الترنج وقال إن شيخ

هيقرى عليه وانتى توافقى انك تتجوزيه.. إنما

يعمل سحر والحوارات دى.. لا لا.. مقالش كده

فاطمه انهارت.. انتى صاحبت عمرى.. لا.. انتى اختى.. تعملى فيا كده.. حسبى الله ونعم الوكيل

انا عمرى ما اذيتك ولا جرحتك بكلمه.. بالعكس

انا كنت اخت ليكى.. بقى انتى يا الهام بتغيرى

منى انا .. طيب على ايه بس ولطمت على وشها

الهام.. ابوس رجلك سامحينى

فاطمه.. منك لله.. انتى مش بوظتى الجوازه.. انتى اذيتينى واذيتى مالك نفسه.. منك لله

زين.. والحل ايه؟

فاطمه.. فى ايه.. ما انا خلاص حياتى كلها ادمرت

زين.. البت دى لازم تتحاسب هى والواد اللى اسمه احمد

الهام.. هتعملوا فيا ايه.. هتموتونى.. ولا هتبلغوا عنى… والله ما اعرف انه هيعمل سحر.. كل اللى قالوا.. ان الشيخ هيقرى على الهدوم

فاطمه.. سابها تغور.. كفايه عليها مالك واللى حصلو

زين.. حصلو ايه

فاطمه.. اتلبس وكمان بقيت فتاه أحلامه

الهام.. نعم.. انتى بتقولى ايه

فاطمه.. انا بقيت فتاه احلام مالك.. وكله بسببك

الهام.. لا لا 💔😭

زين.. انتى يا فاطمه

فاطمه.. للأسف.. وانا كمان يا زين بحس من ناحيته بحاجات غريبه وخارجه عن ايردتى

الهام.. انا هكلم احمد واخد منه الترنج.. والسحر هيتفك.. صدقينى يا فاطمه😭

زين.. طيب والحل دلوقتى

فاطمه.. خلاص انا ضعت

زين.. يا بنتى اهدى ان شاء الله كله هيبقى خير

المهم وخدها بعيد وشوشها.. مش هنروح العماره

علشان تشوفى البواب.. ده اللى معاه السر.. واكيد لما يشوفك هيعرفك؟ ويمكن يعرف زين الصغير كمان

فاطمه.. عندك حق.. طيب والخاينه دى هنعمل فيها ايه؟

زين.. خليها هنا علشان لازم تروح البيت معاكى.. وكمان علشان متجبش سيره لأى حد.. ولا انتى رأيك ايه؟

فاطمه.. انا معاك وشالت الولد وطلعت البيبرونه

ورضعته.. الهام قاعده بتعيط.. سامحينى.. انا هتصرف وان شاء الله السحر هيتفك

__ الولد خلص رضاعه وخدت الولد وخرجت

مع زين

الهام.. رايحين على فيين.. انتوا هتسبونى لوحدى ليه.. يا فاطمه.. يا فااااطمه 😭

__فاطمه رجعت وقالت.. ربع ساعه وارجعلك

يا اختى يا جدعه.. متخافيش.. شويه وارجعلك

وقفلت الباب وراها.. زين قفل الباب بالمفتاح على الهام ورجع فتحه وخد منها الفون وخرج

الهام وقفت ورا الباب وقعدت على الأرض وبقت

تعيط.

___ زين خرج مع فاطمه وركبت وراه وكان نفس الاحساس عنده لما لفت ايدها على وسطه.. انه يعرفها.. وهى حته منه 💓

___ زين طلع بالموتوسيكل على العماره ولما وصلوا نزل وركن وخد الولد من فاطمه وقربوا من العماره.

فاطمه ب استغراب.. مش ده البواب اللى كنت بشوفه!!؟

زين.. معقول؟

فاطمه.. اه.. التانى كان راجل كبير شويه وشعره

كله ابيض.. وسألته.. فين عم الحج اللى كان بيقف هنا رد وقالها معرفش.. انا لسه مستلم جديد

زين.. طيب انا بسأل بخصوص الشقه.

البواب قاطعه فى الكلام.. عارف يا استاذ تقصد شقه اللى فى الدور التانى.. ما انا قولتلك ان اصحابها ماتوا فى حادثه

فاطمه.. لما انت جديد عرفت منين التفاصيل دى؟

البواب.. علشان الشقه دى بالذات كل جمعه اخت المرحومه بتيجى تفتحها وتبخرها وتقعد فيها وتمشى اخر الليل!

روايه حكايه فاطمه

الجزئين الحادى عشر والثانى عشر

الكاتبه كوكى سامح

ج. 11 و12…#حكايه_فاطمه

متشكرة جدا حبايييب قلبيييي على التفاعل القمر ده✨🎈

__ البواب.. علشان الشقه دى بالذات كل جمعه اخت المرحومه بتيجى تفتحها وتبخرها وتقعد فيها وتمشى اخر الليل!

فاطمه بذهول.. اخت المرحومه.. بصت ل زين.. يا نهار اسود ومنيل.. زين طلع سيجاره وعزم على البواب بس قال انه مش بيشرب.. وسأله

زين قرب منه.. يا باشا اخت المرحومه دى اسمها ايه؟

البواب.. معرفش اسمها ايه!؟.. زين طلع 100ج.. يا باشا.. بلاش تعصب نفسك وبيديلو ال 100ج .. والبواب رفض ياخدها.. زين وقف مكانه مستغرب!

فاطمه بتوسل.. يا عم ابوس ايدك قول اسمها ايه

ساعدنى الله يباركلك؟

البواب بنرفزه.. يا ستى ابوس ايدك انتى سبينى فى حالى.. انا قولت اللى عندى ومعرفش اى حاجه تانيه.. عن اذنكم علشان صاحب العماره لو شافنى واقف كده هيقطع عيشى وسابهم ومشى

زين.. تشكر يا باشا مردوده

البواب شوح بإيده.. بالسلامه وقعد على باب العماره.

___ زين خد فاطمه ومشى..ركبت وراه وعلى ايدها البيبى وطلع بيها على اققرب كافيه وطلب منها تستناه لحد ما يرجع.

قاطمه.. انت رايح فييين وسايبنى هنا لوحدى!؟

زين.. انا مش هسيبك يا بطه.. خليكى هنا لحد ما ارجع.

فاطمه مسكت ايده.. على فييين👀 انت مش هتمشى من هنا غير لما تقولى انت رايح فييين؟

زين مسك ايدها.. خايفه.. فاطمه ضمت ايدها على ايده جامد..انا مش خايفه.. انا مرعوبه.. بس وجودك جمبى هو اللى مهون عليه ومصبرنى على اللى انا فييه.. انا مش عارفه انا من غيرك كنت عملت ايه؟

زين عينه فى عينها.. انا.. انا.. انا.. وسكت ؟

فاطمه.. انت ايه؟.. وقالت فى سرها.. أنطق بقى وقولها.. قول انك بتحبنى زى ما انا بحبك ❤️

زين بتوتر.. انا هروح اسأل على الست اخت المرحومه واشوف بتيجى امتى واحاول اعرف عنها اى حاجه..خلى بالك من نفسك انا مش هتأخر عليكى.. ومشى وسابها.. بصت للبيبى وكان نايم

__ زين راح لحد الشارع اللى فيه العماره وابتدى

يسأل على عمار وولاء.. وكان كل اللى يسأله يقول انهم ماتوا فى حادثه من فتره كبيره.. قربت منه ست مجهوله وكانت حامل.. يا استاذ؟.. زين ب استغراب.. حضرتك تعرفينى.. رددت وقالت.. لا بس كنت عاوزة اقولك.. لو تقصد الشقه اللى فى الدور التانى اللى فى العماره دى وشاورت عليها؟

زين.. ايوه هى الشقه دى.. حضرتك تعرفى عنها اى حاجه؟!

المجهوله.. اه اعرف ان فى ست بتيجى كل اسبوع وتقعد فيها وتفتح البلكونه وتبخرها وتمشى اخر الليل.. اصل انا ساكنه فى العماره اللى قصادها

زين.. اه.. طيب حضرتك تعرفى اسمها ايه.. وبتيجى امتى بالظبط؟

المجهوله.. انا هقولك كل اللى اعرفه.. من كام يوم انا كنت واقفه فى البلكونه وشوفتها وكانت بتعيط بحرقه بصتلى اوى وقفلت فى وشى الشيش بصراحه حسيت انها ست أتمه ومش اجتماعيه من يوم ما ظهرت وهى مش بتكلم اى حد خالص!

زين.. طيب حضرتك تعرفى أصحاب الشقه ولاء وعمار؟

المجهوله.. بصراحه لا.. اصل انا لسه ساكنه جديد وكل إللى عرفته ان اصحاب الشقه ماتوا فى حادثه.. بس كل اللى لفت نظرى الست اللى بتيجى

تبخر وتمشى وده بيحصل مره واحده فالاسبوع تقريباً.

زين.. طيب ممكن طلب؟

المجهوله.. اتفضل!

__زين طلع الكارت بتاعه وطلب منها لما تشوفها

فى الشقه تتصل بيه بسرعه.. المجهوله خدت الكارت ومشيت بسس زين مش مرتاح وحاسس انه معملش اى حاجه وكأن الحكايه بتتعقد اكتر!

__ زين راح تانى عند البواب يمكن يعرف منه اى حاجه بس الفون رن ولما رد كانت زهره..كنسل

فى وشها.. واتصلت تانى.. رد عليها بقرف!

زين.. نعم.. خير!

زهره.. بقولك ايه تعالى بسرعه ابوك تعب فجأة ووقع من طوله.. الحقنيييي يا زين وقفلت السكه

زين بخضه.. بابا تعبان.. واتصل ب اخواته البنات ومكنش حد بيرد وحاول يتصل ب زهره تانى بس الفون اتقفل.. اتخض وعرف ان فعلا فى حاجه حصلت لأبوه.. نسى نفسه وطيران على البيت

اوبااااااا 😱 نسى فاطمه انها قاعده مستنياه فى الكافيه

___ فى الشقه ___

__ الهام قاعدة بتعيط ومش عارفه تعمل ايه؟

وبقت تسأل نفسها.. مين الشاب ده اللى مع فاطمه

وماشى معاها زى ضلها.. ويا ترى هيعملوا معاها اي وهيتصرفوا معاها ازاى؟؟ وكان كل تفكيرها فى مالك اللى راح منها واتلبس وبقى يحب فاطمه وهى السبب فى كل اللى حصل؟ وبقت تلطم على وشها وكانت منهاره تماماً

___ فى الكافيه ____

__ بعد مرور ساعه ونص.. فاطمه قاعده مستنيه

وقاعده قلقانه على زين علشان اتأخر عليها

اتصلت بيه كذا مره وكان مقفول وده قلقها عليه جداً.

___ زين فى الطريق ولما وصل البيت عرف ان ابوه راح على المستشفى نتيجه زبحه صدريه مفجأه.. وكانت زهره واخواته البنات معاه.. خد بعضه وراح على المستشفى وهو مش شايف قدامه.. ولما وصل.

زهره.. الحقنييييي ابوك بيموت.. انا مش عاوزاه يموت ابوس ايدك.. انا مليش غيره يا زين

زين.. متخافيش ان شاء الله هيبقى كويس.. ودخل سأل واطمن على حالته والدكتور قاله.. يعدى بس 24 ساعه اللى فيهم الخطر وبعد كده

هيبقى كويس بس المهم يعدوا بسلام

__ زين خرج من عند الدكتور وكان مضايق جدا

شد كرسى وقعد اوباااااا😱 الفون رن وكانت فااطمه… زين ضرب بإيده على جبهته.. فاطمه.. انا نسيتها.. رد على الفون بسرعه

فاطمه بغضب.. معقول يا زين تسبنى قاعده

لوحدى وتمشى!!؟

زين.. بابا تعبان يا فاطمه.. انا اسف.. والله

غصب عنى

فاطمه بدموع وكسره… لا لا انت كذاب.. باباك مش تعبان ولا حاجه.. انا عارفه انك هربت منى ومن مشاكلى

وعندك حق على فكره.. ايه اللى يجبرك تقف جمب واحده انت متعرفهاش.. عادى عادى.. كلكم كده

واطييين 💔

زين.. يا فاطمه.. اسمعينى بسس!!

فاطمه.. انا مش عاوزه اسمع حاجه ولا عاوزه اعرفك تانى.. المهم روح افتح الشقه وخرج الهام منها.. سلام يا زين وقفلت فى وشه

زين بحزن.. فاطمه.. فاطمه.. الو.. الو

زهره سمعت المكالمه وقالت فى سرها.. يا ترى

مين فاطمه دى كمان!

__ زين طلب من اخته تروح الشقه تفتحها لالهام

وتديها الفون بتاعها.. وفعلا اخته راحت وفتحت الشقه.. الهام خدت الفون وخرجت وخدت تاكسى وروحت على الحاره وبتفتح الفون وشافت رساله عندها من رقم مجهول وكان زين ومكتوب فيها..

انا بحذرك تبعدى عن فاطمه خالص يأما افضحك قدام اهلك وأهل الحاره كلهم واقول انك بتاعه

سحر واعمال واذيتى فاطمه ومالك

الهام بخوف..احيييه يا وقعتى السوده على دماغ اللى جابونى.. ده لو حد عرف ان موضوع السحر انا السبب فيه هتبقى فضيحه وسيرتى هتبقى على كل لسان وحالى هيقف اكتر ما هو واقف وغير حماتى لو عرفت هتبقى مصيبه وطبلت على دماغى.. اعملى ايه يارب..وصلت البيت

__ ومن جهه تانيه فاطمه روحت البيت وقلبها مكسور من زين ولما دخلت الشقه جالها هبوط

مفاجأ ووقعت اغمى عليها.. الخاله جريت وخدت

الولد وكانت على صرخه واحده.. بت يا بطه.. فيكى ايه يا عين امك.. الهام طالعه على السلم

ولما سمعت صوت الخاله دخلت تشوف فى ايه

وكانت حاسه بالذنب ناحيه فاطمه

الهام.. فى ايه يا خالتى.. شافت فاطمه مغمى عليها.. حاولت تفوقها إنما مش بتفوق

الخاله.. البت مالها.. جرالك ايه يا حبيبتى

الهام.. شكله هبوط يا خالتى وقامت عملت مياه بسكر

__ فاطمه فاقت وقامت من مكانها ودخلت اوضتها من غير ما تتكلم؟

الخاله.. بطه مالك يا بت

الهام خرجت من المطبخ.. المياه بسكر يا خالتى

___فاطمه قاعده فى الاوضه وحرارتها كانت عاليه جدا.. الخاله طلبت من الهام تتدخل تتطمن عليها

ولما دخلت شافتها متغيره قربت منها.. انا اسفه

يا بطه ورحمه امك يا شيخه سامحينى.. متزعليش منى والله الشيطان غاوانى.. انا مكنتش

اقصد سحر واعمال وحاجات من دى ولو على الترنج.. ادينى بس الأمر وانا اجيبه من ابن الكلب

اللى اسمه احمد ده

فاطمه مسكت قلبها وحست بنغزه.. مالككككك❤️

فيييين مالك

الهام ضربت بإيدها على صدرها..يا مصيبتى.. مالك خطيبى.. العمل اشتغل.. يالهوتينيييي

___فى شقه مالك ___

__ مالك حاسس بنفس النغزه قام من على السرير

فاطمه.. فييين فاطمه ❤️ ولسه بيتحرك من مكانه علشان ينزل لها سمع نفس الصوت

وكان المره دى أقوى.. انت رايج فين؟

مالك بتوهان.. رايح لحبيبتى فاطمه

الصوت.. انا بقولك متروحلهاش انت حقى انا

مالك.. انا قلبى بيوجعنى وبيقول فاطمه

الصوت.. انا ارمله ولازم اتجوز.. واخترتك انت

يأما اموتك

مالك.. انتى حيه ومجرد صوت وبس

الصوت.. انا حيه.. وظهرت قدامه.. مالك واقف مكانه وماسك قلبه والمره دى مكانش خايف وكأنه متخدر.. مالك ابتسم.. مش بقولك حيه

وصوت وبسسس.. وفجأه الحيه ظهرت قدامه

بشكل بنت فى غايه الجمال

مالك بذهول.. الله الله الله.. ايه ده!؟

___ فى المستشفى ___

بعد مرور ساعات وكانت الساعه 9 بالليل.

__ زين خرج يشترى حاجات من بره المستشفى ولما رجع ملقاش غير اخواته البنات بسس ولما سأل على زهره قالوا انها استأذنت علشان تروح بيت أهلها تبلغهم ان جوزها تعبان وحالته صعبه

__ زين قال لاخواته انه رايح البيت يجيب حاجه

ومش هيتأخر عليهم وفعلا خرج ومسك الفون

وكلم فاطمه علشان يشرح لها الموضوع وانها ظلمته ولكن مش بترد

__راح البيت علشان يغير هدومه ولما فتح باب الشقه ودخل شاف حاجه غريبه ان الشقه كلها

ضلمه ومفيش غير الشمعدان بس اللى منور

استغرب جدا وقفل الباب وراه ولما دخل كانت الشقه فاضيه.. وفجأه سمع صوت خارج من اوضه باباه وكانت زهره

زين.. مين؟

زهره.. انا يا حبيبى

زين راح يفتح النور ولكن مش بيتفتح خالص

زهره.. مفيش غير نورك انت وبس وقربت منه

وحضنته وكان مسلوب الاراده

زين.. زهره.. ايه اللى جابك.. مش انتى قولتى

انك عند اهلك

زهره خدته فى حضنها.. انا عارفه انك جاى يا زين

وكنت قاعده مستنياك.. انا بحبك.. عارف يعنى

ايه بحبك.. ونزلت على رجله وبقت تبوسها

زين.. زهره بلاش.. انتى مرات ابويا.. واللى فى بطنك حته مننا.. ده اخويا وانتى محرمه عليه

زهره.. بحبك يا زين وكانت بتحاول معاه بكل أنوثتها وجمالها

زين بغضب.. ايه ده يا مجنونه.. بقولك انتى محرمه عليه.. ابعدى عنى وزقها

زهره.. انا بحبكك ومش هسيبك لوحده غيرى

انت فاهم.. ولا انا وحشه والست فاطمه اللى

انت هتموت عليها حلوه

زين انهار ونزل فيها ضرب بالاقلام على وشها

فون زين رن رد وهو متعصب.. الو.. مين؟

مجهوله.. انا يا استاذ زين.. انا اللى شوفت

حضرتك النهارده

زين.. معلش مين انا مش فاكر؟

المجهوله.. يا استاذ زين انا اللى قابلتك النهارده

و كلمتنى على الشقه

زين.. ايوه.. معاكى.. الست جت

المجهوله.. فى مصيبه؟

زين.. فى ايه حضرتك.. مصيبه ايه؟

المجهوله.. الشقه!

زين.. مالها

المجهوله.. فى شاب ومعاه بنت والاتنين ماسكين

فى بعض والشاب ولع فى الشقه..

يتبع..

#الجزء_الحادى_والثانى_عشر

#حكايه_فاطمه

#بقلمى_كوكى_سامح ✨
روايه حكايه فاطمه

الجزء الثالث عشر

الكاتبه كوكى سامح

ج. 13…#حكايه_فاطمه

__ زين رد على الست المجهوله وعرف منها ان فى شاب وبنت فى الشقه وكانوا ماسكين فى خناق بعض وبعد كده الشاب ولع فى الشقه.. قفل معاها

وكان مستغرب من اللى قالته!؟.. زهره قربت منه.. انت بتمد ايدك عليه يا زين وكل ده علشان بحبك

__ قربت منه وكانت زى المجنونه ونزلت على الأرض ومسكت رجله بتوسل.. انا بحبك يا زين

ومقدرش ابعد عنك

زين بانفعال وتهور.. انتى مجنونه ولا شكلك كده.. يا بنتى ابعدى عنى انتى محرمه عليه.. ومسكها

من شعرها.. زقها وبعد عنها.. مسك الفون واتصل

ب فاطمه ومش بترد.. زهره.. بتكلم مين؟ ها.. قولى بتكلم مين؟.. بس انا عارفه.. اكيد هى البنت

اللى انت كلمتها فى المستشفى.. البت اللى اسمها فاطمه؟!

زين بغضب.. ودينى لو جبتى سيرتها تانى على لسانك الزفر ده.. هتبقى وقعتك سوده معايا.. انتى فاهمه يا بت؟ وسابها وفتح الباب وخرج

__زهره بصت لشمعدان والسفره اللى كانت محضراها والجو الرومانسي اللى كانت عملاه علشان توقع بيه زين فى حبها..مسكت الفون وعملت مكالمه ل مجهول وكانت عينها كلها غل وهزيمه وقالت.. انا فشلت زى كل مره.. الواد ده

مش نافع معاه اى حاجه! وقفلت ورمت الفون

على الارض وهى منهاره وعينها بطق شرار.. لازم تموت يا زين.. وانا اللى هموتك بإيدى؟.

___ زين نزل وقبل ما يركب الموتوسيكل عمل

مكالمه لفاطمه ومش بترد وطبعاً هو عارف انها زعلانه وفهمت الموضوع غلط وفى نفس الوقت

كل شويه يتصل بيها.. وبعد ما عرف ان مفيش

فايده ركب الموتوسيكل وراح على العماره علشان

يشوف حكايه الشقه واللى بيحصل فيها!؟

____ فى الحاره ____

__ فى شقه مالك الحيه ظهرت قدامه فى شكل

بنت فى غايه الجمال.

مالك.. الله ايه ده!؟.. وبيدعك عينه.. بجد ايه اللى انا شايفه ده.. انتى الحيه اللى كنتى فى جلد تعبان🐍من شويه.. انا مش مصدق نفسى.. والله مش مصدق نفسى.. قرب منها وبيحاول يلمسها

الحيه.. ابعد الا اللمس✋.. لو لمستنى هرجع زى

ما كنت حيه فى جلدى الاصلى

مالك.. انتى حلوه كده وكمان مش بتخوفى

الحيه.. شوفت بقى انى مش صوت وبسس زى ما

قولت.. وواقفه قدامك اهو.. وكمان بنت وزى القمر

مالك.. قمر وبسس قولى قمرين تلاته

الحيه.. قولت ايه بقى؟

مالك.. فى اييييه!

الحيه.. هتتجوزنى؟

مالك.. اتجوزك وبس ده انا هتجوز امك كمان😂

الحيه.. هههههه.. اتفقنا

مالك.. اتفقنا يا حبيبتى💋

__الحيه عيونها اتغيرت وقربت منه بزعيق.. خلى بالك انت وعدتنى بالجواز ولو خالفت الوعد ده هتشوف منى اللى مفيش بشر شافه.. فاهم ولا لأ

مالك بتهتها وخوف.. يا ستى والله هتجوزك.. بس قوليلى اسمك ايه؟

الحيه.. انت ممكن تسمينى ايه ولفت بجسمها

مالك.. انا معرفش اى اسم ليكى غير .. أفعى.. حيه.. تعبان غير كده معرفش

الحيه .. ليه احنا لينا اسماء كتير!

مالك.. انا معرفش وعمرى ما اهتميت حتى انى اقرأ عنكم او اعرف اى حاجه تخص الافاعى

غير انكم افاعى سامه ومالكوش امان.. ابتسم

وبعد كده قعد يضحك بصوت عالى.. ده احنا لما

بنشوفكم مش عاوز اقولك بنقول ايه

__ الحيه عنيها احمرت.. بتقولوا ايييه؟

مالك.. قلبتى ليه بس.. ما انتى كنتى حلوه وزى الفل

الحيه..ههههه هتسمينى ايه

مالك بيفكر.. هسميكى.. اه.. انا عندى اسم حلو ليكى

الحيه.. قول بسرعه؟

مالك.. انا كنت قبل كده قرأت روايه وحبيت البطله اوى وكان اسمها ايزيس.. انا هسميكى ايزيس 💋

الحيه.. انا ايزيس وضحكت

مالك بلهفه.. مش هنتجوز بقى ولا ايه؟

الحيه.. اه هنتجوز بس فى شروط للجواز.. يا ترى انت قد الشروط دى؟

مالك.. انا قدها وقدود.. بس قولى شروطك ايه

وفكر ثوانى وقال.. بس فى حاجه عاوز اعرفها

قبل ما تقولى شروطك؟

الحيه.. قول حاجه ايه؟

مالك.. لما حاولت المسك انتى قولتيلى انك هترجعى فى صورتك الحقيقيه! .. طيب ازاى واحنا المفروض هنتجوز.. يعنى لازم المسك ولا ممنوع اللمس ولا ايه!؟

الحيه.. ما ده اول شرط فى الجواز.. لما نتجوز

وتيجى تلمسنى.. انا مش هرجع لصورتى الحقيقه

هفضل زى ما انا فى شكل البنت القمر اللى واقفه قدامك.. المهم اننا نتجوز وده اول شرط نتجوز بجد مش كلام وخلاص

مالك.. انا موافق يا ايزيس.. بس هنتجوز ازاى

الحيه.. ما انا قولتلك فى شروط لازم تعرفها

مالك بلهفه.. ايه هى الشروط دى؟

__ فجأه مالك حرارته ارتفعت جدا وهو مش حاسس.. الحيه بصت للباب.. وقالت.. انا ماشيه

وهسيبك بسلام ورجعت لصورتها الحقيقه

مالك.. ايه ده.. ليه.. انا عاوزك يا ايزيس.. ارجعى

الحيه صوتها بيبعد.. هرجعلك بالليل فى اى وقت

علشان اقولك الشروط ونتجوز يا مالك سلام

مالك.. ايزيس ارجعى 🥺.. وحرارته ارتفعت جدا

__ من ورا الباب ندا اخته واقفه ومعاها شيخ وبتلطم على وشها.. سامع يا شيخنا.. مالك اخويا بيكلم نفسه من الصبح

الشيخ.. انتى متأكده انه مش معاه اى حد جوه

_ ندا فتحت الباب وكان قاعد على الأرض.. جريت عليه.. قوم يا مالك.. الشيخ بص فى الاوضه وقال..

هو اللى مضلم الاوضه كده

ندا.. ايوه يا شيخ.. من فتره وهو على الحال ده

الشيخ قرب منه وحط ايده على جبهته.. حراراته

مرتفعه اوى

ندا.. اعملو كمادات يا شيخ

الشيخ.. اخوكى مش محتاج كمادات.. ده ملبوس

ندا.. ما انا علشان كده جبتك يا شيخ

الشيخ قرب من مالك.. انت كويس.. ها.. رد يا ابنى

مالك.. ايزيس مشيت

الشيخ.. مين ايزيس!

مالك.. الحيه حبيبتى

__ الشيخ غمض عينه وفضل يقرأ آيات من القرآن

معينه.. وفجأه.. باب الشقه خبط وكان الخبط جامد.. ندا جريت تفتح الباب وكانت فاطمه

ندا.. فى حاجه يا فاطمه.. امى مش هنا

فاطمه بسرحان.. فييين مالك❤️.. ودخلت على اوضته وقعدت جمبه

__ ندا مستغربه من اللى بيحصل لفاطمه

الشيخ.. هى مين دى؟

ندا.. دى جارتنا وزى اختى بالظبط

الشيخ.. البنت دى شكلها فيها حاجه!

ندا.. والله معرفش.. انا المهم عندى دلوقتى

اخويا اللى بيضيع منى

___ فاطمه رجعت لوعيها واستغربت لما شافت

نفسها جمب مالك.. انا فيين.. انا ايه اللى جابنى هنا!؟

ندا.. معرفش يا فاطمه

فاطمه قالت فى سرها.. اكيد السحر اللى عمل فيا

كده.. يا نهار اسود.. ده انا كده اتفضح واروح فى

داهيه

ندا.. انتى بتكلمى نفسك يا فاطمه

فاطمه قامت وبصت للشيخ ونزلت على شقتهم

__ الشيخ قعد جمب مالك وبقى يقرأ آيات

من القرأن وكان مغمض عينه وفجأه شم ريحه

فى الاوضه.. هى.. انا عرفت ريحتها؟

ندا.. هى مين يا شيخ؟

الشيخ.. الموضوع كبير يا بنتى واخوكى مش قده

ندا.. اخويا ملبوس صح

الشيخ.. هو مسحور بالعشق ومرصود بالقتل

ندا ضربت بإيدها على صدرها.. قتل.. قتل ايه ؟

مالك.. ايزيس الحيه حبيبتى

ندا.. من وقت ما تعب وهو بيقول ان فى حيه

بتكلمه بس انا بشوفوا بيكلم نفسه وشقتنا

مفيهاش اى حاجه ونضيفه وزى الفل

الشيخ قرب من ندا.. العشق أمره سهل.. سحر وبإذن الله انا هفكه وقال بوشوشه.. اللى مش سهل اللى بيقول عليها بتكلمه

ندا.. الحيه

الشيخ.. هى مش حيه.. دى أفعى وشديده وناويه

على نيه

ندا.. يعنى مالك فعلا بيشوف حيه

الشيخ.. أفعى مش حيه يا بنتى

ندا.. يا نهار اسود ومنيل على دماغنا

الشيخ.. انا عاوزك تخرجيه من اوضته ويقعد فى

وسطكم طول الوقت وعاوزك كمان تشترى شويه

أعشاب من العطاره هقولك على اسمها.. هى غاليه شويه.. بس ياريت تشتريها كلها وكمان متتأخريش علشان طول الوقت مش فى صلحه

__ الشيخ نزل بعد ما قال ل ندا على أسماء

الأعشاب وقال لها لما تجهز تكلمه على طول

___ فى شقه فاطمه ____

__ نزلت ولما شافت الهام طردتها قدام خالتها

الخاله.. ليه يا بنتى كده.. هى عملت ايه.. دى من ساعه ما شافتك وانتى مغمى عليكى مكانتش

عارفه تعملك ايه علشان تفوقك!

فاطمه.. دى منظر قدامك إنما غير كده.. وسكتت

لما افتكرت كلام زين ليها.. ان الموضوع يفضل سر

ومحدش يعرفه

الخاله.. الهام دى زى اختك بالظبط

__ البيبى بيعيط.. شالته وكانت بتهزه بغيظ

الخاله.. بالراحه على الولد.. ده صغير ميستحملش

فاطمه.. حاضر.. مسكت الفون وشافت ان زين

متصل بيها كذا مره.. خاين وواطى.. منك لله.. ربنا يكسر قلبك زى ما كسرت قلبى 💔🥺

الخاله.. مالك يا فاطمه

فاطمه.. انا داخله اوضتى شويه.. وسابتها ودخلت

الخاله بحزن.. يا ترى مين اللى نصب علينا النصبه

دى وليه.. ورفعت ايدها ودعت.. يارب يوقفلك

ولاد الحلال يا فاطمه يا بنت فوزيه

___ زين وصل عند باب العماره وركن الموتوسيكل

وبردوا بيحاول يتصل ب فاطمه ومش بترد

فتح الواتس وكتب رساله.. يا فاطمه ردى عليه

انا مش واطى زى ما انتى فاكره.. اقسم لك ان بابا

تعبان وسايبه فى المستشفى علشان خاطرك.. انا دلوقتى عند العماره وطالع الشقه لأنى عرفت

حاجه مهمه ممكن توصلنا للى عمل فيكى كده

ولما بعت الرساله ظهر ان فاطمه قافله نت

الرساله وصلت وكانت شرطه واحده

طلع فوق الدور التانى واستغرب لان مكانش

فى اى حريق!.. رن الجرس.. ولسه بيخبط

الباب اتفتح.. استغرب.. ودخل الشقه

الباب اتقفل.. بص وراه وشاف الست المجهوله

بس طبعا هو كان أول مره يشوفها

زين بتوتر.. انتى قفلتى الباب ليه؟

الست المجهوله.. انت مين وبتسأل على عمار وولاء ليه؟

زين بلجلجه.. انا صاحب عمار وكنت مسافر ولما رجعت كنت عاوز اشوفه

الست المجهوله.. بس انا اعرف كل أصحابه وعمرى ما شوفتك

زين.. طيب هو فين لما يشوفنى هيعرفنى

__باب اوضه اتفتح وخرج منه شاب وفى ايده مسدس رفعه عليه.. انا عمار بتسأل عليه ليه؟

وخرجت بنت واقفه ورا عمار.. وانا ولاء ؟

زين.. عاااااااا.. ولاء وعمار والفون وقع من ايده

___فى الحاره ___

__ فى شقه بعد مرور ساعات فاطمه قافله الفون ومش عاوزه تتصل ب زين وطول الوقت بتعيط

__ فى شقه مالك

__ مالك نايم فى اوضته وكان تعبان جدا

وسمع صوت الافعى.. مالك انا جيبت

مالك بلهفه.. ايزيس حبيبتى

الافعى ظهرت بشكل بنت جميله.. قوم يلا علشان

نتجوز

مالك بفرحه.. بجد.. دلوقتى.. بس ازاى!

الافعى.. مش قولتلك فى شروط؟

مالك بلهفه.. قولى طيب بس بسرعه

الافعى.. تعالى ورايا

مالك.. على فييين 👀؟

الافعى.. متسألش على فين لان ده شرط من الشروط اللى لازم تنفذها

مالك.. حاضر.. انا معاكى ومشى وراها لحد ما

شاف نفسه فى…..
روايه حكايه فاطمه

الجزء الرابع عشر والخامس عشر

الكاتبه كوكى سامح

___ مالك مشى ورا الافعى من غير ما يحس لحد ما شاف نفسه فى ارض فاضيه كلها رمله.. مالك.. ايه ده انا فييييين👀 وازاى جيت هنا بالسرعه دى.. الافعى.. انت معايا يا حبيبى.. مالك.. بحبك يا ايزيس.. قرب منها وقبل ما يلمسها قالت.. انت نسيت اننا لازم نتجوز الأول.. مالك بخضه.. ممم.. اسف.. رجع لورا.. اوعى بس ترجعى لشكلك الاصلى علشان ممكن اموت فيها ههههه.. الافعى..

المهم هتنفذ شروط الجواز ولا لأ.. مالك بلهفه.. اه طبعاً ودى فيها كلام.. الافعى.. الشرط الأول.. مالك.. احيييه😂 هما كام شرط.. الافعى بغضب..

هتنفذ ولا لأ.. مالك.. هنفذ يا ايزيس بس وحياه ابوكى بلاش تتعصبى.. قلبى الصغير لا يتحمل.. الافعى.. انت بتتكلم كتير كده ليه.. مالك حط ايده على شفايفه.. خلاص انا ساكت ومش هتكلم تانى.. الافعى.. الشرط الأول.. هتروح مدفن هقولك

عليه.. مالك بخوف.. مدفن احيييه.. الافعى بغضب

ما تخرس بقى ولا أمشى ومتشوفش وشى تانى..

مالك بلهفه.. لا لا اوعى تمشى انا موافق يا ايزيس.. الافعى.. هتروح المدفن وهتنزل القبر.. مالك بخوف.. قبر انا هنزل القبر.. الافعى.. سبنى اكمل باقى الكلام ده احنا لسه فى الشرط الأول.. مالك.. هما كام شرط.. الافعى.. 3 شروط بسسس.. مالك بيضرب نفسه بالقلم على وشه.. بسس!؟.. الافعى بغضب.. انت معايا.. مالك.. والله انا معاكى بعد ما اروح المدفن وانزل القبر هعمل ايه؟ .. الافعى.. هقولك لما نوصل.. مالك بخوف ورهبه.. حاضر.. الافعى مشيت ومالك وراها ولقى نفسه واقف فى مدافن فاضيه.. مالك ب رهبه وخوف.. المدافن فاضيه مفيهاش اى قبر دى ارض بس يلا بقى نمشى من هنا بسرعه.. الافعى شاورت بإيدها..

انت هتروح القبر اللى هناك ده.. مالك بص وفعلا شاف قبر.. الافعى.. يلا روح وانا جايه وراك.. مالك بخوف.. حاضر انا رايح بس ممكن سؤال.. الافعى.. شكلك كده مش بتحبنى.. مالك.. انا بموت فيكى خلاص والله ما انا سائل ومشى لحد ما وصل للقبر وشاف ورقه على بابه.. الافعى.. يلا اقرى وسمعنى.. مالك مسك الورقه وكان فيها شويه كلمات مش مفهومه بصلها اوى.. ده كلام باللغه غريبه انا مش فاهمها؟.. الافعى.. خلاص مش مهم يلا افتح القبر وانزل.. مالك فتح باب القبر واتفتح معاه بكل سهوله نزل على السلم وكان مرعوب وحاسس برهبه القبر والباب اتقفل عليه بص وراه واتخض مسك الباب وقعد يصرخ.. ايزيس الحقنييييي الباب اتقفل عليه.. الافعى.. متخافش انا اللى قفلته وبص قدامه لقاها فى وشه ومعاها

جثه لبنت وشها مش باين.. قرب منها والقبر منور على وش الافعى والجثه.. مالك بخوف.. جثه مين دى!؟.. الافعى.. جثه البنت اللى قتلت ابنى.. مالك.. ابنك!؟.. الافعى..ما انا قولتلك انا مبسش ليه تار ابداً ورجعت لشكلها الاصلى ولفت جسمها علي مالك.. وكان على صرخه واحده.. الحقونييييي انا بموت هتخنقينييى يا ايزيس؟؟؟؟؟

___ فى العماره ___

__ الفون وقع من ايد زين وقال بذهول.. عمار وولاء.. ايه ده انتم عايشين.. اومال ليه البواب لما سألته قال انكم ميتين فى حادثه

المجهوله.. انت عاوز ايه بالظبط!؟

زين.. انا عاوز عمار وولاء فى حاجه ضرورى ممكن؟

__المجهوله قعدت على كنبه الانتريه.. بتعيط ومنهاره.. انت مييين؟ رد وقال.. انا زين

المجهوله بغضب.. عاوز ايه من ولاء وعمار

زين.. عاوز اتكلم معاهم فى موضوع بخصوص

البنت الغلبانه اللى اسمها فاطمه

المجهوله باستغراب.. فاطمه مين؟

زين.. البنت اللى عمار اتجوزها وساب ابن ولاء معاها.. المجهوله.. انا مش فاهمه انت بتتكلم على ايه؟.. زين.. على عمار وولاء.. المجهوله شاورت بإيدها وسألته.. دول عمار وولاء.. زين.. اه.. معرفش؟.. المجهوله.. لما انت متعرفهمش بتسأل عليهم ليه وبتنبش ورانا ليه.. زين.. ما انا قولتلك علشان فاطمه وقرب منها.. البيبى معاها من يوم ما عمار هرب والبنت مش عارفه تتصرف وحالها وقف وسمعتها راحت.. المجهوله بزعيق.. واحنا مالنا يا اخى.. زين.. مش انتى اخت عمار وولاء.. المجهوله.. لا انا اخت ولاء إنما عمار ده يبقى جوزها.. زين بذهول.. جوزها يا نهار اسود ومنيل

يعنى عمار اتجوز فاطمه على ولاء.. المجهوله.. امتى حصل الموضوع ده.. زين.. موضوع ايه؟.. المجهوله بغضب.. ان عمار اتجوز فاطمه على ولاء.. زين.. تقريباً من اسبوعين.. المجهوله قربت منه بوشوشه.. عمار وولاء ماتوا فى حادثه من سنتين وكمان فى حاجه تانيه مهمه لازم حضرتك تعرفها ان المرحوم مكانش بيخلف.. زين.. عاااااااا

____ فى المستشفى ____

والد زين تعبان والبنات قاعدين جمبه وزهره وصلت المستشفى وكانت مضايقه جدا من اللى زين عملوا معاها وكل شويه تتصل بيه ومش بيرد

_____فى الحاره _____

__ فى شقه فاطمه.. قاعده وجمبها الولد نايم وكانت كل شويه تقلق من كتر تفكيرها فى زين واللى عملوا معاها.. وبقت تقول.. كلب واطى كلهم كده والله مفيش راجل يستاهل.. وقامت وقفت فى الشباك وشافت يافطه على بلكونه احمد ان الشقه للإيجار.. اتخضت وقالت.. السحر والعمل.. انا لازم اخد منه الترنج بسرعه.. افتكرت كلام زين لما قالها متتكلمش فى اى حاجه ولازم الموضوع يكون سر وهو اللى هيتصرف.. مسكت الفون علشان تتصل بيه إنما كرامتها نقحت عليها.. بقت تفكر وقالت.. انا لازم اكلمه الموضوع مهم ومفهوش كرامه.. اتصلت بيه ومردش عليها.. كررت الاتصال كذا مره وبردوا مش بيرد.. رمت الفون على السرير.. زين الصغير اتخض وعيط..

نيمته ومسكت الفون وقالت إنها هتكلمه واتس.. فتحت نت.. ولسه بتفتح الواتس.. جالها اشعار برساله من زين.. قلبها دق.. فتحت الرساله وقرأتها

__وكانت مبسوطه اوى من كلامه وانه بيعتذر لها

وكمان راح الشقه لان فى حاجه مهمه تخصها

وده أكد لها انه لسه مهتم بيها ومهربش منها زى ما

كانت متخيله.. اتصلت بيه ومش بيرد.. قامت

تعمل نسكافيه كالعاده😂

فاطمه لسه محرمتش وبتحب النسكافيه بعد اللى حصل لها 😂🤭

__ سابت زين الصغير نايم مكانه ودخلت المطبخ

وعملت النسكافيه وبعد ما خلصته دخلت تشوف

خالتها.. بس الخاله كانت قاعده وبتقرأ قرأن..فاطمه متعوده لما خالتها بتكون قاعده فالخلوه مش بتدخل عليها.. بس الخاله قفلت المصحف وقالت لها تتدخل

الخاله.. مش هتاكلى اى لقمه يا بنتى انتى من الصبح مأكلتيش اى حاجه؟!

فاطمه بحزن.. مليش نفس

الخاله بحزن ودموع.. انا عارفه انك مقهوره من المصيبه اللى انتى فيها.. خدتها فى حضنها.. معلش يا بنت قلبى نصيبك كده.. فاطمه.. يااه انا برتاح فى حضنك اوى يا ماما

الخاله.. يا قلب ماما وعيون ماما.. وعيطت.. كل لما احضنك احس انى بحضن المرحومه فوزيه الله يرحمها.. عارفه يا بطه انتى فيكى شبهه منها اوى

وكمان طبعك زيها بس اللى قهرنى.. ان نصيبك وحش زيها.. كان نفسى يكون نصيبك احسن منها

وكملت كلامها بحسره.. يلا منه لله اللى كان السبب ورفعت ايدها لفوق ودعت عليه.. منك لله رميت بنتك ولا حتى بتسأل عليها حسبى الله ونعم الوكيل

فاطمه بدموع.. هو فين بابا يا خالتى انا معرفش عنه حاجه غير اسمه وبسسس!

الخاله بلجلجه وتجاهل.. سيبك سيبك منه المهم

هو انتى بتحبى زين؟

فاطمه بخجل.. الصراحه.. بحبه اوى❤️

الخاله.. اوعى تنسى انك على ذمه راجل

فاطمه بحزن.. قولى على ذمه نصاب وحرامى

اتجوزنى ورمانى يوم الدخله وساب ليه حته عيل

معرفش عنه اى حاجه؟

الخاله.. انا بقول لازم نبلغ ونسلم الولد لشرطه

وجوده بقى خطر علينا.. الوقت بيجرى ولحد دلوقتى معرفناش عنه اى حاجه.. مين ابوه.. مين امه.. انا خايفه اوى يا بطه ومش خايفه على نفسى.. انا خايفه عليكى انتى يا بنتى

فاطمه بصدمه.. نسلم الولد..لا لا انا اتعلقت بيه اوى ومقدرش استغنى عنه.. ابوس ايدك يا خالتى

بلاش.. وبعدين زين فى الشقه دلوقتى بيقول انه

عرف حاجه مهمه ويمكن توصلنا للى عمل كده

الخاله.. انتى كلمتيه.. فاطمه.. لا بس لقيته باعت رساله واتس.. الخاله.. يا بنتى الموضوع بيتعقد

ومش هينفع الولد يقعد معانا اكتر من كده.. فاطمه.. ابوس ايدك بلاش.. الخاله.. كل ده علشان

زين انا عارفه يا بطه انك خايفه بمجرد انك تسلمى الولد زين يبعد عنك.. فاطمه بدموع.. لا يا خالتى انا كل خوفى على الولد والله انا حاسه انه

حته منى وحاسه انه ابنى وخايفه عليه اوى.. خايفه اسلمه ويترمى فى دار رعايه ولا ملجأ ويتبهدل.. الخاله.. لا حول ولا قوة الا بالله عموما

يا بنتى انا هكلم وليد المحامى جارنا يمكن يقدر

يشوف صرفه ويطلقك من اللى اسمه عمار ده

اهو جارنا ومننا وعلينا وبعد كده نشوف موضوع

الولد.. فاطمه بفرحه.. يعنى ممكن وليد يطلقنى

من عمار الزفت ده.. الخاله.. مش محامى اكيد يقدر ده شغلته هو بقى؟!

____ فى العماره ____

__ زين قاعد مع الست المجهوله ومستغرب بعد ما

عرف ان عمار جوز ولاء مش اخوها واتأكد ان اللى

عملوا كده فى فاطمه ناس تانيه استغلوا الأسماء

وطبعا بعد ما الست المجهوله قالت إنهم ماتوا فى

حادثه من سنتين ومقصوده؟!.. زين.. يعنى اتقتلوا

مش قضاء وقدر.. المجهوله بدموع.. ايوه

وابتدت تحكى.. عمار كان صحفى وشاطر جدا

اتجوز اختى بعد قصه حب.. اتجوزوا 5 سنين ومن تانى سنه مكانش حصل حمل.. كشفوا وطلع عمار عنده عيب يمنعه من الخلفه.. ولاء كانت

بتحبه وعاشت معاه.. بس عمار كان عنيد وخصوصا فى شغله.. كان عنده صفقه صحفيه كبيره جاله بسببها تهديدات كتير وهو بعنده أصر يكملها.. قتلوه.. قطعوا فرامل العربيه.. ضيع اختى

معاه.. كانوا رايحين مصيف زى كل سنه بس

مرجعوش😭.. ماتوا الاتنين واتعذبت انا بفراقهم..

واتقيدت ضد مجهول وده طبعا بعد ما هددونى انى متكلمش.. زين بذهول.. طيب الشقه فاطمه جت فيها على اساس انها شقه ولاء!.. طيب ازاى انا عاوز افهم.. المجهوله.. اه من فتره انا قولت اتصرف فى الشقه واستفاد منها.. اصل الشقه دى

كانت تمليك بأسم ولاء ولما ماتت انا ورثتها منها

ومن فتره كده كنت محتاجه فلوس فكلمت البواب علشان يعرضها للإيجار.. وفعلا عرضها

واتأجرت مرتين.. زين.. المرتين دول كانوا لمين؟

المجهوله.. المره الأولى اتأجرت اسبوعين وكانت ست وجوزها تقريباً.. بس انا مش فاكره تفاصيل

لان البواب هو اللى كان مسؤل.. زين بلهفه.. كان معاهم ولد صغير.. المجهوله.. ما انا قولتلك معرفش تفاصيل ما حضرتك عارف الأمور اللى زى

دى البواب بس هو اللى بيتصرف فيها.. زين.. طيب والمره التانيه.. المجهوله بحزن.. المره التانيه لست كبيره فى السن وللأسف ماتت فيها مخنوقه من الغاز ومن يومها وانا ببخر الشقه كل جمعه وحلفت انى مش هأجرها تانى.. زين.. البقاء لله.. المجهوله.. انا اسفه جدا فى اللى عملته مع حضرتك بس والله انا لقيتك بتسأل كتير خوفت يكونوا حطونى فى دماغهم تانى.. زين.. ولا يهمك

انا اللى اسف على الازعاج حضرتك.. وقام زين من مكانه وقبل ما يخرج من الباب.. المجهوله.. انا

ممكن اساعدك ومسكت الفون.. انا هكلم البواب القديم اللى كان موجود قبل ده واتصلت بيه وسألته الناس اللى أجروا الشقه اسبوعين كان معاهم ولد ولا لأ وكانت ظروفهم ايه؟ وبعد ما خلصت وقفلت معاه.. زين بلهفه.. قالك ايه؟

المجهوله.. قالى فى الاول مكانش معاهم ولد إنما بعد يومين تلاته ظهر معاهم رضيع ولما البواب سألهم

قالوا انهم اغراب من الغردقه وملهمش حد فالقاهره وكانوا جايبين لدكتور هنا لأن الولد كان تعبان وجايين يعالجوه لما عرفوا إن الدكتور رجع

من بره على القاهره علشان كده أجروا الشقه

زين.. متشكر جدا.. ومشى بعد ما عرف حكايه الشقه كلها!..نزل وركب الموتوسيكل ومسك الفون وشاف زهره مرات ابوه متصله بيه كذا مره وكمان فاطمه وجاله اشعار رساله واتس.

فاطمه.. كلمنى ضرورى يا زين

زين قلب دق بسرعه واتصل بيها.. رددت عليه

فاطمه.. الو

زين.. وحشتينى ❤️

فاطمه.. نعم.. انت بتقول ايه؟

زين.. بقولك وحشتينى يا بطه.. والله ابويا تعبان

وكل كلمه كتبتها كانت صدق

فاطمه.. ماشى يا زين.. انا اسفه

زين.. انت مالك بارده ليه كده!؟

فاطمه.. انا تعبانه اوى وحاسه انى حظى وحش فى الدنيا دى🥺

زين.. انا جمبك ومعاكى وفى ضهرك انا سندك

بعد ربنا فى الدنيا.. اوعى اسمعك فى يوم تقولى انك تعبانه او حظك وحش والكلام الفاضى ده.. صدقينى كله مكتوب.. ومحدش فينا يقدر يهرب منه.!

فاطمه بتنهيده وجع بعدت الفون عنها.. بحبك.. بحبك اوى💓

زين.. الو.. بطه؟

فاطمه.. معاك يا زين وقالت بلهفه.. انت عملت ايه

فى الشقه.. عرفت حاجه؟ ولا لأ

زين.. الشقه طلعت حوار كبير اوى يا بطه

فاطمه بتوتر.. حوار ايه!

زين.. لازم اشوفك علشان اتكلم معاكى بس مش بكره.. اطمن بس على بابا وبعد كده هكون فاضيلك على طول.. ادعيلو

فاطمه.. ربنا يشفيه

زين.. يارب.. بطه🥰

فاطمه.. نعم 😍؟

زين.. نفسى احكيلك عن حياتى وعن أهلى وعن عيشتى كلها.. عاوزك تعرفى عنى كل حاجه.

فاطمه.. انا فعلا نفسى اعرف عنك كل حاجه؟

زين.. ثوانى يا بطه انا معايا مكالمه تانيه من المستشفى هرد عليهم وهبقى اكلمك لما اخلصها

فاطمه.. حاضر..سلام.. هستناك يا زين؟

زين.. سلام يا قلب زين.. وقفل معاها.. بحبك يا بطه.. خدتينى من نفسى واهلى يا بنت الايه ❤️

__ بعد ما فاطمه قفلت معاه قالت.. انا نسيت اقولوا ان احمد جارنا هيمشى من شقتهم.. انا اصلا مكلماه علشان كده.. لازم اكلمه علشان اعرف اعمل

ايه معاه.. بعد ما عمل ليه السحر بالعشق.. مسكت الفون ولسه هتكلمه فصل شحن! .. فاطمه.. يو بقى.. ايه الحظ ده.. خدت الفون وحطته على الشاحن

زين رد على الفون وكانت اخته وقالت إن باباه

فاق وبقى كويس ولازم يروح لهم المستشفى

علشان يشترى ادويه مش موجوده من بره المستشفى!؟

__ ركب الموتوسيكل وشغل قرأن وكان على آيه

( وَلَسَوْفَ يُعْطِيكَ رَبُّكَ فَتَرْضَى💙) كلم نفسه..

الآيه دى بشرى من ربنا عز وجل.. وبقى كل تفكيره فى فاطمه وحكايتها وحبها اللى اتولد فى قلبه💓

___ طلع على المستشفى ولما وصل شاف زهره

وكان محروق دمه منها بعد اللى عملته معاه قرب منها بوشوشه.. حضرى نفسك يا حلوه.. زهره بذهول.. احضر نفسى لأيه ان شاء الله؟.. زين.. لحفله طلاق.. زهره.. طلاق مين؟!.. زين.. طلاقك من ابويا يا ورده 😂.. زهره بغضب.. ورده ماشى يا ابن بتاع الكفته

__ الدكتور طمن زين وقال إن الحج صحته اتحسنت بس هيقعد فالمستشفى يومين

كمان مش اكتر من كده.. علشان بس يطمنوا عليه

وخد اسماء الادويه وطلع يشتريها واتصل بفاطمه

وكان الفون مغلق.. رجع على المستشفى ومعاه الادويه والحقن.

___ وبعد مرور اسبوع على أبطال الروايه.. زين بيتابع المحل بعد باباه ما خرج من المستشفى

وكان طول الوقت بيتكلم مع فاطمه فون واتعلق بيها جدا ♥️

__ الخاله اتكلمت مع المحامى علشان يشوف حل ويطلق فاطمه من عمار؟

__ وبالنسبه ل مالك الكل اكتشف غيابه عن البيت

والهام انهارت ودخلت فى حاله اكتئاب لأنها كانت السبب فى اللى حصلو.. بلغوا الشرطه.. ودوروا فى كل حته عند قرايبه واصحابه والمستشفيات ولم يعثروا عليه.

____ فى شقه فاطمه _____

___ فاطمه نايمه فى اوضتها قامت على صوت

هبده جامده وسمعت صوت زين الصغير بيعيط.. بصت جمبها بس مكانش موجود.. قامت تجرى وخرجت على بره.. شافت الخاله واقعه على الأرض ولابسه العبايه وزين واقع جمبها وبيصرخ.. جريت عليه وشالته.. خالتى انتى كنتى رايحه فين ب زين.. الخاله ساكته ومش بتتكلم

فاطمه بغضب.. بقولك كنتى رايحه فين ب زين

ردى عليه.. الخاله قامت ومش قادره تتنفس.. مياه انا عاوزه مياه.. فاطمه جريت على المطبخ وجابت

مياه والخاله شربت.. فاطمه.. انتى كنتى رايحه فين بالولد واتعصبت.. ردى عليه يا خالتى وريحينى.. الخاله زقتها ودخلت على اوضه نومها ونامت على السرير وكانت حاسه بتعب جامد ومش قادره تتنفس.. فاطمه بقلق.. مالك يا خالتى انتى كويسه..الخاله بوجع.. انا كنت هخلصك من الولد واحطه قدام اى ملجأ علشان اريحك يا بنتى.. فاطمه بزعيق.. حد قالك انى تعبانه وبقت تهز الولد من كتر ما هى اضايقت من كلامها!

الخاله بوجع ودموع .. المأذون كان كذبه.. بتحاول تاخد نفسها بالعافيه.. عمار مكتبش عليكى من الأساس.. فاطمه بذهول.. ايه؟.. الخاله.. المحامى أكد ليه الكلام ده.. فاطمه بقلق وتوتر.. طيب لو سمحت متتكلميش خالص.. انا هنزل اجبلك دكتور حالا.. الخاله مسكت ايدها.. مفيش وقت اسمعى كلامى للأخر.. فاطمه بدموع.. لا يا خالتى انتى هتبقى كويسه.. الخاله.. بطه اسمعى كلامى ومتقطعنيش.. فاطمه بدموع.. حاضر 😭

الخاله.. انتى كنتى عاوزه تعرفى فين ابوكى

فاطمه.. مش وقته خالص.. ابوس ايدك متتكلميش

الخاله مش قادره تتنفس.. فى الدولاب جوه هتلاقى علبه فيها شهاده ميلادك وورقه جواز امك فوزيه من ابوكى وعنوانه.. روحى لابوكى يا بطه

فاطمه بدموع.. لا يا ماما انا مش هروح فى حته انا عايشه معاكى ومش هسيبك وبقت تجرى بالولد شمال ويمين.. خلاص خودى الولد انا مش عاوزاه بس خليكى جمبى.. انا مش زعلانه خالص

بس ابوس ايدك اوعى تسبينى وقعدت جمبها

الخاله.. خلاص يا بنتى ومسكت ايدها.. اتجوزى زين يا بطه.. صوتها ابتدى يروح.. عمار مكتبش

عليكى.. انتى حره يا بنتى.. اتجوزى زين.. ولفظت

أنفاسها الاخيره.. وماتت الخاله

فاطمه بصرااااااخ.. ماما ماتتت عااااااا لا لا لا😭

___ بعد مرور اسبوع من موت الخاله فاطمه لابسه الأسود وكانت حزينه لأنها فقدت اعز حد على قلبها امها اللى ربتها وطبعا زين عرف بس

هى كانت مش بتكلمه وحالتها كانت صعبه جدا

__فاطمه افتكرت كلام الخاله وقامت على اوضتها وفتحت الدولاب وطلعت هدومها وقعدت تعيط 😭😭.. وبعد كده طلعت العلبه وفتحتها ولقت

فيها شهاده ميلادها وورقه زواج امها من ابوها

والعنوان مكتوب فى ورقه.. الفون رن وكان زين

فاطمه كنسلت عليه.. وهو قلقان عليها جدا وخصوصا انه عارف انها عايشه لوحدها.. نامت على سرير الخاله والعلبه جمبها.. بعد ساعه زين الصغير كان بيعيط وكأنه بيصرخ.. قامت وسكتته

وكانت الساعه 8 بالليل قامت ولابست وخدت

البيبى معاها ونزلت وطلعت على أول الشارع وخدت أوبر لحد العنوان اللى كان فى العلبه.. الفون بيرن وكان زين.. وهى بتكنسل عليه ومش بترد.. الاوبر وقف ونزلت مكان العنوان بالظبط

_ مشيت بخطوات بطيئه كلها فرحه وخوف فى نفس الوقت فرحه انها هتشوف ابوها المحرومه منه وخوف لو كان جرالو حاجه او يرفض وجودها

__ الفون بيرن وكان زين وهى ماشيه وفى ايدها

الولد ووصلت للعنوان وبصت قدامها وقالت بذهول.. زين.. انت بتعمل ايه هناةة!؟

زين.. ده محل بابا يا بطه!

___ ومن جهه تانيه الهام نايمه وحالتها مش كويسه من وقت ما مالك غاب واختفى قامت من النوم على صوت وكان مالك

الهام بفرحه.. مالك حبيبى انت كنت فين؟

مالك.. انا موجود وعاوزك معايا يا حبيبتى

الهام.. على فييين؟

مالك.. على دنيتنا التانيه.. قومى تعالى معايا

الهام قامت ومشيت معاه وكانت مسلوبه الاراده؟

يتبع…
روايه حكايه فاطمه

الجزء السادس عشر والسابع عشر

الكاتبه كوكى سامح

ج. 16و 17….#حكايه_فاطمه

__ فاطمه سمعت من زين ان ده محل باباه وقعت اغمى عليها.. قبل ما تقع زين مسك البيبى من ايدها! ..زين بذهول.. بطه فيكى ايه يا حبيبتى.. آسر جاى يجرى مذهول.. فى ايه يا زين.. مين دى!.. زين.. دى فاطمه.. خود البيبى ده بسرعه.. وبقى يحاول يفوق فاطمه ولكن كانت فاقده الوعى.. شالها على ايده وخرج بيها زى المجنون

على اققرب مستشفى.. فاطمه مغمى عليها إنما حاسه ب زين وسامعه صوته ولهفته وخوفه عليها بقت تكلم نفسها بصوت غير مسموع.. زين حبيب قلبى من جوه يطلع اخويا.. زين اخويا! انا حاسه انى بحلم.. يارب انا فى حلم بجد! .. اكيد انا نايمه

يارب نفسى افوق من الحلم ده.. بس انا خايفه افوق يطلع حقيقه وساعتها اموت احسن.. ايوه الموت ليه نجاه.. زين وقف اوبر وطلب منه يطلع على اققرب مستشفى.. نيمها جوه الاوبر وقعد جمبها وعينه عليها وحاسس بيها بس مستغرب هى عرفت المحل منين؟ وليه اغمى عليها لما شافته.. لمس شعرها بإيده وبكل حنيه مال عليها وباسها.. كانت حاسه ومازالت بتكلم نفسها.. يارب لو حقيقه ريحنى وخود عمرى منى.. حركت ايدها

ومسكت ايده وحطتها على قلبها💔 ودموع الوجع نزلت من عينها على ايده.. زين بحب وخوف.. بحبك يا فاطمه وباس ايدها ومسح دموعها.. الاوبر وصل.. نزل وشالها لحد جوه ودخل بيها طوارئ.. الممرضه.. هى مراتك.. زين بتوتر.. خطيبتى.. الممرضه.. طيب لو سمحت روح سجل البيانات بسرعه وحاسب علشان الدكتور يجى يكشف عليها.. زين بعصبيه وزعيق.. يا ستى اطمن عليها بس الاول.. الممرضه بغضب.. الدكتور مش هيكشف غير لما تسجل بياناتها وتحاسب ده نظام المستشفى يا فندم.. ضرب بإيده على باب الغرفه وزق التورلى ب فاطمه لحد جوه وبزعيق.. فين الدكاتره اللى هنا.. انا عاوز دكتور بسرعه.. الممرضه بانفعال.. ميصحش كده يا فندم.. زين ب استغراب.. واللى يصح ان المريضه تموت لحد ما سجل البيانات وادفع فلوس.. فاطمه بقت تتخنق ومش قادره تتنفس.. لما شافها كده اتجنن وبقى يزعق وخرج بره وعمل شوشره.. الدكتور جاى من بعيد ولما قرب من زين قال ب استغراب وتوتر .. فى ايه حضرتك خير يا فندم.. زين بتوتر.. انا معايا مريضه جوه وتعبانه اوى ممكن تكشف عليها ابوس ايدك.. الممرضه.. يا دكتور ده مسجلش بياناتها ولا حتى حاسب.. الدكتور دخل الغرفه على فاطمه وتجاهل الممرضه ولما كشف عليها طلب منه صوره دم كامله.. زين بخوف وقلق.. هى عندها حاجه؟.. الدكتور.. الاول حضرتك تسجل بياناتها وانا كشفت عليها وادتها حقنه ودلوقتى ممكن تطلع بره الممرضه هتدخل تركب لها محاليل وهتبقى كويسه ان شاء الله.. زين بلهفه خوف.. يعنى هى هتفوق؟ طيب عندها ايه يا دكتور.. الدكتور بقلق.. مقدرش اشخص الحاله غير لما تعمل صوره الدم وهكتبلك شويه تحاليل تانيه واشعه تعملها لان انا ملاحظ ان درجه حرارتها عاليه جدا وده امر مش طبيعى.. زين خرج بلهفه وخوف وسجل بيانات فاطمه وهو مكانش عارف غير اسمها وبس!.. ساب بطاقته وحاسب وجرى ووقف قدام باب الغرفه.. عينه عليها.. هى نايمه مستسلمه ووشها كله عرق شديد وكانت بتخترف وهى مغمى عليها بأسمه.. زين؟.. الممرضه سمعت الاسم وبصت عليه وخرجت.. انت اسمك زين.. ايوه انا زين.. المريضه بتنادى عليكككك❤️.. زين بلهفه حب.. ممكن ادخل لها.. الممرضه.. اتفضل بس متعملش صوت لانها محتاجه راحه.. زين.. ممكن اعرف هى هتفوق وهتخرج امتى؟.. الممرضه.. شويه وهتفوق تكون بس الحقنه عملت مفعولها إنما تخرج ده بقى اللى هعرفه من الدكتور.. زين دخل عليها وقعد جمبها ومسك ايدها وباسها وقرب منها.. بطه حبيبتى نفسى اسمع صوتك.. قومى بقى وبقى يكلم نفسه.. لو اعرف بس انتى حصلك كده ليه؟؟!

____ فى الحاره _____

__ الهام ماشيه فى الشارع قدام الناس كلها بملابس النوم وبتكلم نفسها.. انا ماشيه معاك اهو يا مالك💓.. بجد انت وحشتنى.. مجهوله.. مش دى البت الهام! هى مالها ماشيه كده ليه وبصت لها وكانت مستغربه من منظرها وحاولت تاخدها على بيتها.. الهام بتوهان.. فى ايه يا ست انتى.. المجهوله.. تعالى يا بنتى وكانت بتحاول تغطى جسمها.. الهام زقت ايدها.. ايه سبينى انا ماشيه مع خطيبى مالك.. المجهوله بصت حواليها ومفيش حد وقالت.. احيييه البت اتجننت 😱.. الهام.. بحبك يا مالك.. المجهوله.. شدت ايدها علشان توصلها لحد البيت إنما الهام جريت منها 😱 الهام تجرى ومش شايفه قصادها غير مالك بيشاور لها❤️😳 وهى تجرى مكان ما بيشاور وخرجت بره المنطقه خالص وكانت بتجرى زى المجنونه على الطريق وقفت عربيه قصادها وكانت هتعمل حادثه.. اوبااا😱خرج منها شاب ومعاه واحد صاحبه وكان احمد جارها وقال بزعيق.. انتى عاوزه تموتى وتودينى فى داهيه.. ايه القرف ده.. وبص على جسمها وهى واقفه بملابس النوم.. احمد خرج من العربيه بذهول.. دى الهام جارتى يا معتز .. رد وقاله جارتك يا احمد.. احمد.. ايوه دى جارتنا بس مش عارف هى مالها عامله كده ليه!.. معتز.. طيب يا ابنى اسإلها لو عاوزه حاجه.. احمد قرب من الهام.. فى ايه يا بنتى شكلك عامل كده ليه.. الهام مش شايفه غير مالك واقف قصادها وبيشاور لها تركب شاورت بإيدها على العربيه.. احمد.. عاوزه تركبى.. الهام بألم ووجع مسكت بطنها وبصراااخ.. اه اه الحقونيييييي بطنى بتتقطع.. احمد بقلق.. انتى تعبانه ولا ايه.. معتز.. تعالى نطلع بيها على اى مستشفى.. الهام عينها على مالك وكأنها بتاخد اشارات منه وكل حاجه بتعملها مقصوده.. احمد بتوتر.. يا بنتى انتى كويسه.. الهام بصرااخ.. بطنى بتتقطع.. احمد بص لمعتز.. عندك حق لازم نروح بيها على اى مستشفى واضح انها تعبانه اوى!

..الهام.. انا عاوزه اروح للدكتوره بتاعتى بسرعه وماسكه بطنها وبتتألم.. احمد.. اركبى طيب.. ركبت وماسكه بطنها وبتتألم من كتر الوجع.. معتز ركب وقفل الباب وراه بنرفزه علشان اضايق ان الهام ركبت على الكرسى اللى قدام وبكده احمد اضطر انه هو اللى يطلع بالعربيه.؟؟؟

___ فى المحل ___

آسر قاعد ومعاه زين الصغير والولد مش مرتاح وكأنه حاسس باللى بيحصل مع فاطمه.. الحج محمد وصل المحل وكان تعبان ومعاه زهره.. هو فييين زين.. آسر بقلق.. زين راح مشوار يا حج.. زهره ب استغراب.. مين الواد اللى على ايدك ده.. آسر بلجلجه.. ابن واحده زبونه راحت تشترى حاجه وسابته معايا.. زهره بغضب.. وانت خدته منها كده عادى.. افرض الواد ده مش ابنها ولا خطفاه تبلينا بيه ليه.. آسر.. يا مدام زهره انا عارف الست دى كويس وحتى زين يعرفها.. زهره بعوجه.. اه زين يعرفها وبصت للحج.. شوفت بيقولك ابنك يعرفها وشدت كرسى وقعدت.. الحج محمد.. قومى انا تعبان وعاوز اروح.. آسر.. ما تقعد يا حج رد وقالوا.. انا كنت بتمشى شويه اكمنى زهقت من قعدت البيت.. آسر.. ربنا يكمل شفاك على خير.. الحج محمد.. يارب يا ابنى ومسك ايد زهره ومشى معاها.

___ فى المستشفى ___

زين قاعد جمب فاطمه وابتدت تفوق.. زين بلهفه.. حبيبتى انتى كويسه.. فاطمه بتعب.. الحمد لله.. انا فين وبعمل هنا ايه!؟.. زين.. انتى تعبتى شويه الظاهر كده انك عندك شويه إرهاق.. فاطمه بدموع.. انا تعبانه وحاسه ان كل جسمى متكسر

زين مسك ايدها وباسها.. فاطمه بخضه.. ايه ده انت بتعمل ايه.. زين بذهول.. فى ايه يا بطه مالك

انا بحبك وبطلب ايدك للجواز تتجوزينى يا بطه

فاطمه بانهيار.. مبقاش ينفع خلاص.. زين بتوسل.. طيب بالراحه على نفسك انتى تعبانه حبيبتى ومسك ايدها.. زقت ايده وقلبها بيتقطع.. زين بذهول.. مالك يا بطه متغيره ليه! انا صدر منى اى حاجه زعلتك.. بصت حواليها!!؟

فين زين الصغير.. زين.. فى المحل مع آسر.. ما حضرتك لما اغمى عليكى الولد انا لحقتو وجبتك على المستشفى على طول علشان اشوف حصلك ايه وسألها.. هو انتى عرفتى طريق المحل بتاعنا منين؟! ..فاطمه بتهته.. مممن مممن.. زين.. منين يا بطه.. اصل انا مستغرب اوى انك عرفتيه ده انتى حتى عمرك ما سألتينى عليه.. فاطمه قالت فى سرها اعمل ايه يارب واقولوا ايه؟!والدموع نزلت من عينها.. زين.. انتى بتعيطى ومسح دموعها

.. فاطمه بكسره.. انا حاسه انى خلاص بقيت وحيده من غير خالتى وبتغير الكلام.. وحاولت تقوم من مكانها زين بلهفه.. خليكى لما اسأل الدكتور الأول.. وقام من مكانه وخرج سأل الدكتور وقالوا انها لازم تقعد علشان هتركب محاليل تانى وكمان مش هتخرج غير لما يشوف التحاليل والأشعه بتاعتها وفعلا زين وافق وراح طمن فاطمه وقالها انه يمشى وهيكون عندها الصبح بدرى علشان يطمن عليها.. فاطمه بقلق.. خلى بالك من زين الصغير.. زين.. فى عنيه وسابها ومشى.. ولما راح المحل شاف آسر شايل الولد وبيلعبه.. زين بابتسامه.. اكيد تعبك صح.. آسر بذهول.. مين الواد ده يا ابنى اوعا يكون ابنك وانا معرفش ههههه.. زين خد الولد منه وقعد بيه.

__ آسر ماسك فى ايده شنطه فاطمه وقرب من زين.. الشنطه دى بتاعه المزززه صح.. زين بغيره.. اتلم ولم لسانك قال مزه قال.. آسر بضحك.. ايه وقعت وحبيت.. زين بلهفه.. اوى💓.. وخد الشنطه وطلب منه شويه حاجات علشان هيروح يبات فى شقه اخته.. آسر.. خلى بالك ابقى كلم الحج وفهمه علشان وانت مش موجود جه ومعاه مراته.. زين ضرب كف على كف.. بنت الكلب عاوزه تموته وانفعل بغضب.. ازاى تخرجه وهو تعبان كده.. ماشى يا زهره الكلب انا هوريكى بس اطمن على فاطمه.. ومسك الفون وكلم باباه واستأذن منه انه هيبات عند حد من أصحابه وقفلوا المحل وخد شنطه فاطمه وزين الصغير وراح الشقه ولما دخل غير هدومه وقعد بالولد ونيمه ومسك الفون وفجأه فون فاطمه رن فى الشنطه.. اتخض.. فتح الشنطه وطلع منها الفون وكان رقم غريب ولسه هيرد بس قفل فى وشه وبعد كده اتصل بيه ورد وقال انه اتصل بالغلط..

___ فى صباح اليوم التالى صحى على فون من المستشفى وكانت فاطمه بتكلمه من فون الممرضه وطلبت منه شنطتها ضرورى وكمان البيبى بس رفض وقالها لما تخرج من المستشفى هيجيبو لحد عندها بس هى كانت مصره علشان عارفه انه مش هيعرف يتعامل معاه من ناحيه اكله وغياروه بس طمنها وقالها ان امنيه اخته هتقعد معاه قفل معاها بعد ما طمنها وقام من النوم وغسل وشه وعمل فون لأخته امنيه وطلب منها تيجى على الشقه وفضل قاعد مستنيها علشان تقعد بالولد واتأخرت عليه جداً.. ومن جهه تانيه فاطمه عملت صورة الدم اللى الدكتور طلبها والأشعة كمان.. زين نزل من البيت وهو نازل وبيعدى الطريق خبطته عربيه وجريوا بيه على المستشفى بس كانت الاصابه كسر فى الأيد.. خرج من المستشفى ومش قادر من كتر الألم وكان عاوز يروح لفاطمه بس كان تعبان اوى.. رجع الشقه وطلب من اخته تروح لفاطمه المستشفى تطمن عليها.. وفعلا راحت ولما

روحت البيت اتصلت ب زين وطمنته بس زهره سمعتها وهى بتكلمه وعرفت ان ايده اتكسرت وقاعد فى شقه اخته.. زهره حلفت انها لازم تروحلو وفعلا راحت عنده وفتحت باب الشقه بالنسخه اللى فى مفاتيح الحج ولما دخلت كان زين نايم والولد جمبه.. زهره استغربت وسألت نفسها مين الولد ده وبصتلو اوى.. ده نفس الواد اللى كان مع آسر فى المحل!.. زين حس بيها وقام من النوم ولما شافها كأنه شاف عفريت وقام وهو مش قادر من الألم.. زهره.. خليك مكانك.. زين بوجع.. ايه اللى جابك ودخلتى هنا ازاى!؟.. زهره ماسكه المفاتيح وبتغيظو.. جايه اطمن عليك بدل ما تقولى اققعدى اشربى حاجه.. بتسألنى ايه اللى جابك! عموما انا عارفه الشقه من اول يوم جوزانا انا والحج والمفتاح زى ما انت شايف الحج معاه نسخه.. زين بقرف.. انا مش عارف ايه البجاحه دى وسابها ودخل الحمام.. ره لمحت شنطه فاطمه.. وقالت ايه ده هو فى ست هنا ولا ايه وانا بردوا بقول مين الواد ده.. ومسكت شنطه فاطمه وفتحتها وشافت فيها شهاده ميلادها وعقد زواج وبصت اوى “صدمه” 👀😱😳 وبذهول مستحيل انا مش مصدقه نفسى.. وقفلت الشنطه بسرعه.. زين خرج من الحمام وبقرف.. يلا اتكلى على الله من هنا.. زهره.. هو انت بتعاملنى كده! يكونش قتلتلك قتيل.. زين بانفعال.. بت انتى انا قولتلك كذا مره انك مرات ابويا وبسس فاهمه ولا لأ وحس بألم فى دراعه.. زهره.. هى مين فاطمه؟.. زين.. ملكيش دعوه ومسك الميداليه وخد منها النسخه وطردها بره الشقه.. زهره خرجت وكل تفكيرها فى فاطمه مسكت الفون وعملت مكالمه لمجهول.. انا خلاص “لقيتهاةة” وقفلت.. وكانت بتكلم نفسهاة ” أنا لازم اراقب زين علشان اعرف طريقك يا فاطمه”

__ فى صباح اليوم التالى امنيه اخت زين جت الشقه علشان تاخد بالها من الولد وزين خد شنطه فاطمه وفونها وخد أوبر هو تعبان ومش قادر من الألم ولما وصل المستشفى الممرضه قابلته وقالت ان الدكتور عاوزوه قبل ما يدخل لفاطمه!

__زين دخل لدكتور ومش قادر من التعب.. قعد.. الدكتور.. صباح الخير يا استاذ.. زين بلهفه.. صباح الخير يا دكتور خير فى حاجه.. الدكتور بحزن.. انا كنت عاوز حضرتك بخصوص تحاليل المريضه.. زين بلهفه خوف.. خير يا دكتور التحاليل كويسه ها.. فاطمه كويسه صح.. الدكتور.. للأسف لوكيميا ” سرطان دم” صدمه ةةةةة.. زين بدموع.. فاطمه هتموووت.. وضرب بإيده على المكتب لا مش ممكن تموت لااااا.. الدكتور.. انا بلغت حضرتك علشان المريضه لازم تخضع للعلاج لأنها لسه فى بدايته.. زين مصدوم ومش مستوعب ان فاطمه مريضه سرطان.. قام من مكانه وهو مش قادر حتى يتنفس من الصدمه وكان ماشى فى الطرقه ومش شايف حد قدامه.. دخل على فاطمه الغرفه بابتسامه.. وحشتينى وقعد جمبها.. فاطمه بخضه.. ايه ده انت ايدك اتكسرت.. زين.. اه.. فاطمه.. سلامتك وقالت بلهفه.. بردوا مجبتش معاك زين الصغير.. زين بدموع.. قاعد مع امنيه اطمنى.. فاطمه بقلق.. مالك يا زين وقالت فى سرها اكيد عرف انى انا اخته وخدت منه الشنطه والفون.. مسك ايدها وباسها وقرب من شفايفها.. بحبك ولسه هيبوسها.. زقته واتعصبت.. استغرب من رد فعلها!؟ لانه عارف انها بتحبه وحاسس بده من تصرفاتها معاه.. فاطمه فتحت الشنطه وطلعت منها عقد الزواج وشهادة ميلادها ومدت ايدها.. زين ب استغراب.. ايه ده.. فاطمه بدموع.. امسك شوفهم.. زين مسكهم ولما شاف اسمها بالكامل وشاف عقد الزواج اتجنن وبان عليه التوتر والقلق ” صدمه ةة”😱 هو ده اسمك انتى بالكامل.. فاطمه بدموع.. انا اختك يا زين😭..شوفت المصيبه من يوم ما روحت المحل وانا عرفت انى اختك.. خلاص يا زين مبقاش ينفع نتجوز.. زين بدموع فرحه وخوف.. مين قال انك اختى.. فاطمه.. خالتى الله يرحمها قالت ليه ان العنوان ده فى ابويا وانا ولما شوفتك انت قولت ان ده محل باباك صح ولا ايه!؟.. زين.. لا يا فاطمه انتى مش اختى للأسف انتى بنت عمى عبد الهادى.. فاطمه بفرحه.. انا بنت عمك انا فرحانه اوى انى طلعت من دمك.. زين بحزن.. ياريتك ما كنتى هى.. فاطمه.. هى مين ؟!.. زين.. بنت عمى اللى بيدوروا عليها علشان يقتلوها.؟

__ وقفت عربيه ملاكى قدام باب المستشفى نزلت منها زهره لأنها كانت مراقبه زين ولما دخلت عرفت ان فاطمه محجوزه جوه.. مسكت الفون وكلمت ” مجهول” البت فى المستشفى تحب انفذ ” المجهول” نفذى وبسرعه ةةة.. زهره.. تمام يا باشا وحقى؟ ” مجهول” حقك محفوظ يا زوزه

_____داخل المستشفى _____

__ فاطمه مستغربه من كلام زين.. يقتلونى.. ليه!؟

.. زين بتوتر.. مش وقته.. بصى انتى لازم تمشى من هنا حالا.. انا هروح اجيب الولد واجى اخدك واخبيكى.. ولا اقولك انا مش هسيبك.. فاطمه بقلق.. فى ايه يا زين كل ده علشان طلعت بنت عمك.. زين بدموع وغضب.. ياريتك ما كنتى بنت عمى.. انا هروح اجيب زين الصغير وارجعلك بسرعه.. فتح الباب وخرج.. فاطمه بدموع.. زين متتأخرش عليه.. بصلها اوى وصعبت عليه رجع وقعد جمبها وخدها فى حضنه.. مستحيل تروحى منى.. متخافيش يا حبيبتى وفضل قاعد فى حضنها لحد الساعه 8 بالليل.. زين.. حبيبتى انا همشى انتى هنا فى امان والصبح ان شاء الله هرجعلك ومعايا زين وهخدك ونمشى من هنا خالص.. فاطمه بقلق.. لو تفهمنى بس فى ايه؟ زين قام من جمبها وخرج من المستشفى وهيرجع لها الصبح زى ما اتفق معاها.. خرج وهو مش مصدق نفسه ومن اللى بيحصلو.. فاطمه مريضه سرطان ومش عارفه.. وفى نفس طلعت بنت عمه اللى العين عليها وعاوزين يقتلوها وغير زين الصغير حكايته ايه وابن مين.. خرج وبقى يكلم نفسه انا حاسس انى دماغ هطق وخد أوبر لحد شقه اخته؟

__ زهرة شافت زين لما خرج ودخلت المستشفى

وكان معاها اتنين شباب جته طول وعرض..قالت لهم انها هتدخل الأول ولما ترن عليهم ينفذوا المطلوب منهم.. وفعلا دخلت وسألت على غرفه فاطمه.. فتحت الباب عليها.. فاطمه بخضه.. مين؟

زهره قربت منها وكتمت نفسها وخدرتها؟

__ فى مكان ما جثه الهام واحمد مرميه على الطريق وشبهه متاكله ومعتز مغمى عليه جمبهم

😱😱

ج..18و19….#حكايه_فاطمه

متشكره جدا حبايييب قلبيييي على التفاعل القمر ده ✨🎈

____ دخلت زهره وخدرت فاطمه.. الباب اتفتح ودخلت عليها الممرضه”صدمه ةةة”😱 شافتها.. زهره جريت عليها وزقتها.. الممرضه وقعت على الارض بصرااااخ.. آمن.. زهره خرجت جرى من المستشفى والشباب كانوا واقفين مستنين أوامر منها.. ركبت العربيه بفزع وخوف.. يلا بسرعه!؟

____ داخل المستشفى ____
___ الممرضه قامت وكانت مفزوعه وبقت تصرخ بعلو صوتها..آآمن.. جريت على فاطمه وحاولت تفوقها إنما كان المخدر عمل مفعول.. جريت على بره وفى طرقه المستشفى بصرااااخ.. آمن.. الحقونييييي وهى بتشاور بإيدها ناحيه باب الخروج.. وفى ثوانى كانت المستشفى اتقلبت عليها ولما مدير سألها قالت إنها شافت ست بتخدر المريضه وكاتمه نفسها إنما حاولت تمسكها معرفتش وهربت منها!.
___ العربيه ماشيه بسرعه البرق.. زهره قاعده متوتره جداً مسكت الفون وعملت مكالمه ل”مجهول”.. الو ” مجهول” بهدوء.. الشيك جاهز يا قمر.. زهره بتوتر وغضب.. الموضوع باظ ” مجهول” بزعيق.. نعم هو ايه اللى باظ؟.. زهره.. والله الخطه كانت ماشيه كويس لكن زفته الطين الممرضه دخلت عليه وشافتنى.. خددت نفس.. بس الحمد لله قدرت اهرب منها ” مجهول” بزعيق وغضب.. يا ستى ما تهربى ولا تغورى فى ستين داهيه انتى اصلا فاشله الكل قالى بلاش انتى✋ بس قولت انك بت غلبانه وهتطلعى بقرشين.. زهره.. يا باشا ادينى فرصه وانا هثبتلك انى قد المسؤليه وهجبلك البت لحد عندك “مجهول” بسخريه.. تجيبيها لحد عندى أشك.. ده انتى حتى معرفتيش توقعى زين فى حبك.. قفل السكه.. زهره.. الو؟.. الو.. الو.. اوووف.. ووقفت العربيه ونزلت خددت تاكسى وروحت على البيت وطبعا هى بتستغل تعب جوزها ونومه طول الوقت من العلاج وكبر سنه وفوق كل ده أن زين مش موجود ودخلت اوضتها من غير ما حد يحس بيها وفى نفس الوقت معرفتش ان امنيه بره البيت!
___ من جهه تانيه زين وصل وكان متوتر جدا ودخل الشقه.. امنيه بعصبيه.. بقى كده كل ده تأخير؟.. زين بلهفه.. فين الولد!.. امنيه.. نايم جوه.. دخل جرى على اوضته.. امنيه دخلت وراه.. فى حاجه ولا ايه.. زين.. لا يا حبيبتى يلا انتى روحى قبل ما العقربه تاخد بالها وتعملك مشاكل مع بابا.. امنيه.. عندك حق وخدت شنطتها وقبل ما تخرج بصت ل زين.. مش هتقولى ايه حكايه الولد ده هو وفاطمه.. زين بتوتر.. بعدين بعدين بس يلا انتى على البيت بسرعه وطمنينى لما توصلى وطبعا لو بابا سأل عليه قوليلوا اى حاجه تكون مقنعه.. امنيه بصتلو اوى باستغراب وقربت منه.. انا عارفه انك بتهرب منى ومش عاوز تحكيلى على اى حاجه وانا مش واخده منك على كده بس عموما انا مش مرتاحه يا زين وخايفه عليك!.. زين بقلق.. انتى فاهمه غلط والله يا حبيبتى أفضى بس وهقولك على كل حاجه وبالتفصيل الممل.. امنيه بغضب..ده انت سايب بابا فى عز تعبه وقاعد هنا.. زين بعصبيه.. فى ايه يا امنيه ما قولتلك لما أفضى.. قطعت كلامه.. خلاص يا زين وخرجت ورجعت تانى.. انا غيرت للولد ورضعته ومش هسيبك يا اخويا لو نازل الصبح كلمنى وانا هتصرف واجى اقعد معاه.. زين.. على فكره فى خبر حلو علشانك بس بعدين.. امنيه بابتسامه سخريه.. اه بعدين.. انا ماشيه!.. سلام.. وخرجت!
.. زين قعد جمب الولد وكل تفكيره فى فاطمه.. قام غير هدومه وخد دوش واستغل ان الولد نايم ونام جمبه بس كان قلقان.. بيفكر فى مرض فاطمه اللى هى متعرفش حاجه عنه وكمان انها طلعت بنت عمه.. مسك الفون واتصل بيها ومش بترد وكرر المكالمه مره واحده وبعد ما قفل قال .. اكيد نايمه انا مش هتصل بيها واحاول انام علشان اقدر اروح لها الصبح بدرى واخدها وامشى من البلد خالص وبعد كده فكر وبقى يكلم نفسه.. وانا ليه اهرب انا هجيبها على الشقه هنا وبعدين هتصرف ولو على زهره من بعد اللى عملتو معاها وهى مش هتخطى هنا تانى. وطبعا زين عمر ما يخطر فى باله ان زهره تعرف فاطمه
___ الشرطه عثرت على جثه الهام واحمد
وتم نقل معتز لمستشفى لحد ما حالته تتحسن ويتم استجاوبه؟؟
____ فى الحاره _____
ام محمد عرفت ان الهام بنتها اختفت فى ظروف غامضه وغير جارتها فى الشارع اللى شافتها أكدت انها كانت ماشيه فى حاله مش طبيعيه وبملابس النوم ” ام محمد” بانهيار.. ازاى بنتى تخرج من منطقتها ومحدش يرجعها ازاى 😭 وبقت تلطم على وشها.. انا حاسه انى عايشه فى غابه دى بنت منطقتكم يا ناس.. الجاره.. انا حاولت بس البت كانت مش طبيعيه وكل إللى على لسانها انا مع خطيبى مالك ” ام محمد” يقطع مالك وسنينه ضيع بنتى منه لله.. الجاره.. بس هو مكانش معاها دى كانت لوحدها وحاولت ارجعها ومعرفتش” ام محمد بصرااااخ” بنتى راحت خلاص.. بس انا مش هسكت وخددت بعضها وجريت على القسم تقدم بلاغ.
__فى صباح اليوم التالى زين قام من النوم واتصل بامنيه علشان تقعد مع الولد وفعلا نزلت من البيت على الشقه.. زين خرج وخد أوبر لحد المستشفى ولما وصل شاف عسكرى واقف على اوضه فاطمه اتخض جدا ولما سأل عليها منعوه من الدخول لان كان بيتحقق معاها وطبعا عرف من الممرضه اللى حصل واستغرب وبقى يكلم نفسه زى المجنون.. بطه فى خطر.. معقول قدروا يوصلوا ليها بالسرعه دى.. طيب ازاى ؟؟
__ داخل الغرفه __
فاطمه فاقت وشافت قصادها مدير المستشفى والدكتور المشرف على حالتها وكان اسمه د. ناجى
وكمان وكيل نيابه علشان ياخد اقوالها.. خافت جدا وبان على وشها الفزع ” وكيل النيابه” حمدالله على السلامه.. فاطمه.. الله يسلمك ” وكيل النيابه” ” انتى كويسه دلوقتى.. فاطمه هزت راسها بآه” وكيل النيابه ” تمام.. وطلب الممرضه اللى شافت الواقعه..وبعد ثوانى كانت واقفه قصاده
” وكيل النيابه ” قرب من فاطمه.. انا عاوز اعرف ايه اللى حصل بالظبط.. الممرضه بتسرع.. يا باشا انا دخلت علشان اطمن عليها شوفت ست ماسكه منديل وبتخنقها ” وكيل النيابه” بعصبيه.. انا بسأل المريضه.. لو سمحت لما اوجهلك كلام اتكلمى.. الممرضه باحراج.. حاضر وسكتت!
“وكيل النيابه” ها يا فاطمه.. ايه اللى حصل بالتفصيل؟.. فاطمه بهلع وتوتر.. انا كنت لسه هنام.. لقيت الباب اتفتح عليه ودخلت ست انا معرفهاش ولما سألتها انتى مين؟!.. جريت عليه وكتمت نفسى بالمنديل.. انهارت.. كانت عاوزه تموتنى
..الممرضه.. شوفت يا باشا “وكيل النيابه” لفاطمه.. يعنى انتى متعرفهاش.. فاطمه.. ولا عمرى شوفتها.. واستجوب الممرضه وقفل المحضر وخرج.. زين دخل جرى.. بطه حبيبتى انتى كويسه وبقى يمسك جسمها من كل حته وبيطمن عليها.. انتى بخير يا حبيبتى.. فاطمه بدموع.. كانت هتموتنى.. زين.. مين؟!.. واحده ست عمرى ما شوفتها.. زين بخوف وتسرع.. قومى اجهزى انا هاخدك وامشى من هنا اوبااا 😱 وبالنسبه لعلاجك انا هوديكى احسن مستشفى.. فاطمه بذهول.. ليه هو انا عندى ايه؟ مش المفروض انى عندى شويه أرق وخلاص.. زين بتهرب.. اه يا حبيبتى.. يلا قومى اجهزى وانا اخدت اذن بخروجك.. فاطمه.. طيب والمحضر.. زين.. انا هبقى اتابع وقال فى سره يا ترى مين الست اللى كانت عاوزه تموت بطه.. ده حتى محدش يعرف طريقها ولا ابن عمى نفسه عرف انى لقيتها!؟.
____ فى مستشفى خاصه يرقد بها معتز وكان عنده حاله من الهلع والخوف.. هتموتنى زى ما موتت احمد وجارته وكان بيقوم يصرخ طول الليل 😱
الدكتور المشرف على حالته طلب انه يتعالج علاج نفسى لانه حالته كانت نفسيه وتحتاج مهدئات وبس وفعلا تابع حالته دكتور امراض نفسيه وعصبيه وابتدى معاه العلاج وخصوصا ان حالته كانت بتسوء.
__ من جهه تانيه فاطمه خرجت من المستشفى مع زين وطلب منها يقعدوا فى كافيه.
_ زين شد الكرسى.. فاطمه قعدت.. ايه الرومانسيه
دى يا زين انا خايفه اخد على كده.. زين بخوف ولهفه ومسك ايدها.. بطه انتى فى خطر.. فاطمه بذهول وغضب.. فى ايه من اول ما عرفت انى من دمك وانت بتقولى عاوزين يموتونى ودلوقتى انا فى خطر! .. ممكن اعرف فى ايه بالظبط؟.. زين بلهفه.. هى خالتك الله يرحمها ما اتكلمتش معاكى على موضوع جوزاه المرحومه والدتك من عمى
..فاطمه.. لا خالص.. بس كل اللى قالته ان ابويا كان تاجر كبير ومعاه فلوس كتير اوى ودمعت.. بس رمانى وامى ماتت وهى بتولدنى🥺 وخالتى اللى ربتنى الله يرحمها.. زين بحزن.. الله يرحمها.. بوصى يا بطه انا هقولك ظروف الجوازه كلها وطبعا ده انا عرفتوا من ابويا.. فاطمه.. بصيت👀
وحطت ايدها على خدها وهى بتسمعه.. زين.. اولا بابا وعمى اخوات من الاب بسس” فاطمه” ممممم وبعدين؟.. زين.. ركزى معايا فى اللى جاى يا بطه
“فاطمه” والله مركزه.. زين.. باختصار جدتك كانت ست غنيه ومعاها فلوس وبعد ما جدى مات خلت عمى يسيب صنعه ابوه ويشتغل معاها فى التجاره وحتى عمى ساب المحل لبابا خالص بس كان على طول عنده وبعد كده ابوكى اتجوز بنت خالتو وده بأمر من جدتك “فاطمه” اكيد مكانش بيحب قريبته علشان كده اتجوز ماما.. زين.. هو مكانش بيحب حد خالص هو اتجوزها علشان كان عاوز يخلف ولاد ويبقى عنده عزوه وده طبعا بعد ما مراته خلفت ولد وبعد 8 سنين خلفت بنتين تؤام وتعبت فجأه بالقلب والدكتور قالها لو خلفت ممكن تموت وكان الحل الوحيد انه يتجوز عليها.
___ المهم انه فى يوم كان في المحل وشاف مامتك وطبعا ده من سنين واعجب بيها وطلب منها الجواز واشترط عليها انه هيعلن الجواز على أهله بعد ما تخلف الولد وطبعا بعد ما كذب عليها وقالها.. ان مراته الأولى خلفتها بنات وبس
وامه عاوزه الولد.. مامتك اقتنعت واتجوزوا وكانت حامل من اول شهر وسمعت من بابا لانه الوحيد اللى كان عارف بالجواز ان عمى كان فرحان لما عرف انها حامل وكان بيحلم بولد يبقى اخ لابنه الوحيد ” خالد”
وبعد تسع شهور حضرتك شرفتى وعمى استوطى
وساب مامتك خالص لانها خلفت بنت
“فاطمه بدموع ” يرمينى لمجرد انى بنت ده ظلم والله حرام ده فى ناس مش طايله ضفر عيل.. زين.. ما هو عنده عيال يا بطه بس عاوز ولاد.. سبينى اكمل الكلام للأخر علشان تعرفى دنيتك هتمشى ازاى؟
” فاطمه بحزن ” كمل.. زين.. اللى عرفته ان بعدها
خالتك جت وقالت إن مامتك ماتت بعد الولاده بيوم اتقهرت لما عرفت انه سابها وطفش وبعد 17 سنه بنات عمى ماتوا فى حادثه “صدمه ةةة “
فاطمه 😱 مش معقول.. زين.. وطبعا كانت صدمه عليه جامده.. عمى اتقهر عليهم ومن هنا بلغ مراته واخوكى خالد بوجودك.. وقال انه متجوز وعنده بنت واللى حصل لبناته كان ذنبك.. بس خالد اتجنن وثار لدرجه انه هدده بالحجر وغير مراته عملت مجزره ورفضوا وجودك تماما.. عمى من الحسره والقهره جالو المرض اللعين ومات فى شهرين. ده كل اللى اعرفوا يا بطه ” فاطمه” مسكت ايده.. طيب والحل ايه وخصوصاً انك بتقول رافضين وجودى..زين قال فى سره رافضين وجودك بس؟ ده لو خالد عرف بظهورك فيها موتك ” فاطمه شاورت بإيدها عند عينه” ايه يا عم السرحان.. زين بعد تفكير.. عمى ساب ملايين يا بطه وخالد مش هيسيبك تاخدى مليم واحد منهم مع انه حقك الشرعى بس للأسف
” فاطمه” للأسف ليه.. زين.. ممكن يقتلك ويخلص عليكى.. عارفه لولا واثق ان محدش يعرف طريق المستشفى أو أنك ظهرتى اصلا.. كنت قولت الست
اللى كانت عاوزه تموتك تبعه ” فاطمه” انت خايف
زين.. خايف عليكى وبس” فاطمه” حبيبى بس ده حقى وانت قولتها بنفسك انه حقى الشرعى وانا مش ناويه اسيب حقى مهما كانت الظروف والعواقب؟ وانت سندى وضهرى فى الدنيا دى.. مش ده كلامك ليه..زين.. ايوه انا سندك وضهرك
ومش هسيبك مهما حصل “فاطمه” بحبك ❤️
.. زين.. بموت فيكى.. وعلشان الكلام الحلو ده انا لازم اعرف بابا ان عرفت طريقك “فاطمه” بجد
مسك الفون واتصل بابوه الحج محمد وقالوا ان فى مفجأه علشانه وانه فى الطريق وفاطمه بلغته ان جوزاها من عمار كان كذبه والمأذون نصب
وفرح جدا ومكانش مصدق نفسه
خد أوبر وطلع على بيته.. فاطمه معاه وفرحانه جدا انها هتتعرف على عمها وبقى ليها عيله ولما وصولوا.. زهره كانت واقفه فى الشباك.. شافت فاطمه وزين.. اتخضت.. خددت الفون وفتحت باب الشقه وقفلتو وراها وطلعت على السطوح.
__ زين فتح باب الشقه ومكانش فيه غير اخته التانيه وباباه.. وعرف اخته على بطه ودخل عليه اوضه النوم وقدملو بطه وكانت مفاجأة للكل
.. ومن جهه تانيه.. زهره نزلت وهربت.. افتكرت ان زين عرف حاجه عنها؟؟
الحج محمد لما شاف فاطمه خدها بالحضن وقالها انها شبهه مامتها بالظبط وكمان قالها انه سأل عليها كتير وكان نفسه يوصلها ولما راح لبيتهم القديم كانوا عزلوا منه وافتكر اخوه وقعد يترحم عليه وقالها انه ندم على غلطته وطلب منها تسامحه وهنا بقى قالها خبر يفرح
ان اخوه قبل ما يموت قالوا انه سايب وصيه مع المحامى تخص فاطمه ولو لقاها تخليها تقابلو علشان تاخد حقها الشرعى من الميراث.
” فاطمه بفرحه” ومن غير ما تشعر حضنت زين والحج محمد خد باله ان فى حاجه ما بينهم.. شوفت يا زين وانت اللى كنت عاوزنى اهرب.. زين بلهفه.. خالد لو عرف انك ظهرتى مش هيسيبك هيقتلك قبل ما تاخدى حقك “فاطمه” طيب نروح للمحامى الأول ونشوف الوصيه فيها ايه؟
الحج محمد.. فاطمه عندها حق لازم تشوف المحامى.. دى وصيه اخويا ليها يا زين وبعدين خالد ده ميعرفش يعمل حاجه معاها وشاور لفاطمه.. جريت واترمت فى حضنه.. انا افديكى بعمرى يا بنتى مش، كفايه انك بعيد عن اهلك السنين دى كلها ” فاطمه” مش بخاطرى يا عمى
زين بدموع.. انا عيط بجد ” فاطمه” مكنتش اعرف ان القا صعب اوى كده.. بجد انا حاسه انى هموت من الفرحه..
___ وبعد مرور يومين على أبطال قصتنا
فاطمه راحت الشقه مع زين وامنيه عرفت انها بنت عمها وفرحت جدا لصله القرابه اللى بينهم.. زين طلب منها تقعد فى الشقه بس هى رفضت
وخدت زين الصغير وقعدت بيه فى شقتها القديمة وفى الوقت نفسه عرفت ان الهام اختفت.. وبالنسبه لجارها احمد كان حاطط يافطه انه هيعزل.. يعنى بيعرض الشقه للبيع وبس وعرفت بردوا ان اختفى فى ظروف غامضه.. وطبعا محدش يعرف ان الهام قبلت احمد قبل ما تختفى.. وبالنسبه ل زهره قعدت عند واحده من صاحبتها وبتحاول تكلم المجهول علشان تقولوا ان فاطمه وصلت بيت زين إنما الفون غير متاح طول
الوقت؟
__ فاطمه كانت بتكلم زين فون ليل ونهار طول اليومين دول لحد ما قالها انه عرف عنوان المحامى وكمان كلمو وخد منه ميعاد..فرحت جدا انها خلاص هتاخد حقها.. إنما زين كان مضايق ومخنوق.. اولا لانها مريضه كانسر ومتعرفش وثانيا ان خالد ابن عمه مش هيسيب فاطمه فى حالها.؟
___ فى المستشفى ___
فى غرفه معتز.. كان قاعد وبيفطر ونفسيته ابتدت تتحسن مع العلاج النفسى وقعد معاه الدكتور وسأله عن اللى حصل بالظبط.. معتز بخوف.. اخاف اتكلم تموتنى.. الدكتور.. مين دى ؟
معتز بيبص شمال ويمين وبوشوشه.. الافعى
الدكتور ب استغراب.. أفعى 🐍؟
معتز.. اه والله انا شوفت ست حلوه وزى القمر واتقلبت أفعى وعضت احمد صاحبى وجارته
الدكتور.. ممكن تحكيلى حصل ايه بالظبط
معتز بهلع.. مسك الكوڤرته وبقى يرتعش والممرضه اديتو حقنه ونام من الخوف؟؟
___ مكتب المحامى ____
زين راح ومعاه فاطمه وكانت الفرحه مش سيعاها
لما دخلت مكتب المحامى رحب بيها وابتدت تتكلم معاه فى كل حاجه وقالها انه دور عليها كتير بأمر من والداها.. إنما مكنش ليها اى اثر ولما اشتدت عليه المرض والدكاتره قالوا ان خلاص كلها ايام ويموت اضطر انه يكتب وصيه ويوثقها علشان يحفظ حق فاطمه بالكامل
زين.. طيب هى الوصيه مكتوب فيها ايه بالظبط
فاطمه بلهفه.. اه بالله عليك مكتوب فيها قول بسرعه علشان لو خالد ظهر فيها قطع رقاب
المحامى.. ده حقك يا انسه فاطمه..اما بالنسبه لخالد.. هو كمان لى حقه الشرعى ومالهوش انه يمنعك تاخدى حقك المهم تنفذى شروط الوصيه
فاطمه بذهول.. شروط.. هى الوصيه فيها شروط
المحامى.. طبعا ولو متنفذتش مش هتاخدى الملايين اللى هتورثيها
زين.. طيب ممكن نعرف الوصيه مكتوب فيها ايه بالظبط
المحامى.. طبعا ومسك الورقه اللى مكتوب فيها الوصيه وقال.. فاطمه عبد الهادى هتاخد حقها
الشرعى بالكامل وهو 40 مليون جنيه وده غير العقارات والاراضى.. فاطمه بتوتر وفرحه.. ده بجد انا هبقى مليونيره واغمى عليها من الفرحه.. زين فوقها وابتدى المحامى يكمل وهى بتسمع
بس بشروط اولا الثروه هتتوزع بعد زواج فاطمه
بيوم واحد المهم انها تكون زوجه وعلى ذمه راجل
فاطمه بذهول.. ليه ان شاء الله
المحامى.. ثانيا.. الزوج يكون من دمها 👌
زين بابتسامه.. الشروط دى كلها مناسبه ليه ولفاطمه.. قربت منه ومسكت ايده.. فعلا الشروط دى مناسبه.. بصت للمحامى.. انا وزين ولاد عم وان شاء الله هنتجوز❤️.. المحامى.. حلو جدا.. مبروك.. بس فى شرط اخير.. فاطمه.. خييير ايه تانى.. المحامى.. ان الثروه تتكتب باسم الزوج حفاظاً على حقك.. زين.. ليه ده حرام.. ده حقها هى مش حق زوجها.. المحامى.. دى الشروط لان
الاستاذ عبدالهادى والدها خايف عليها من ابنه ومراته.. فاطمه غمزت ل زين.. موافقه انا هتجوز وطبعا انا وهو واحد.. وقامت ومعاها زين وطبعا
بعد ما المحامى اتفق معاهم ان الموضوع سر لبعد الزواج
زين خرج من عند المحامى وكل كلامه عن الظلم فى الوصيه.. فاطمه.. انت زعلان ليه.. زين.. حرام ده ظلم يعنى علشان اتجوزك اخد فلوسك
فاطمه.. يا حبيبى احنا نتجوز ونفرح وننبسط وفلوسى هى فلوسك ولا ايه يا زين
زين.. خالد مش هيسبنا فى حالنا؟
فاطمه.. انت هتبقى جوزى وطبعا هيخاف منك وهيعملك الف حساب.. بس نتجوز ونخلص ولا اقولك نسافر بره البلد خالص ونبعد عنه وعن امه
زين.. والله حرام.. فاطمه.. ما قولتلك انت جوزى وانا هبقى مراتك وفلوسنا واحده.. لو مضايق يعنى ممكن بعد ما نكتب وتستلم التركه من المحامى ترجعلى حقى بالكامل بيع وشراء والفلوس تحطها فى البنك بأسمى
ايه رأيك؟
.. زين بفرحه.. فكره والله عندك.. اما عمى عبد الهادى طلع راجل تفكيرو على قده صحيح..انتى صح يا روحى 💋
___ بعد مرور يومين زين كان فك الجبس وكتب كتابه على فاطمه بحضور اخواته البنات وابوه.. اما زهره زى ما هى مختفيه وطبعا قاعده عند صاحبتها وبتتصل ب المجهول وغير متاح وراحت لحد من تبعه وقالها انه مسافر وراجع بعد اسبوع.
___ فى المستشفى ___
معتز حالته بتسوء ولسه محدش يعرف تفاصيل بس بقى يمشى وهو نايم لدرجه ربطوه فى السرير وكل كلامه.. الافعى.. الافعى 🐍 هتموتننيييييييييييييي
____ بعد كتب كتاب زين وفاطمه.. كانت لابسه دريس ابيض عادى جدا مع ميك اب سمبل وكانت جميله ورقيقه وهو لابس بدله بيضاء وكانوا الاتنين قمرات ❤️ وقضوا ليله الدخله فى الشقه
وكانت أجمل ليله ما بينهم.. فاطمه بدموع.. انا مش مصدقه نفسى.. زين.. ولا انا.. فاطمه🥺زين الصغير وحشنى اوى.. زين.. وانا كمان بس مش عارف هنتصرف معاه ازاى هو دلوقتى قاعد مع اخواتى إنما بعد كده هنعمل ايه.. وبعدين لا عارفين باباه ولا مامته ولا مين عمار ولا ولاء وحاجه تحير.. فاطمه.. صعبان عليه اوى.. زين.. الحل الوحيد نسلمو لشرطه وبعد كده نتبناه.. فاطمه.. لا لا متقولش كده انا اسملو لشرطه بإيدى.. زين.. يا حبيبتى اومال هنعمل ايه وقرب منها وخدها فى حضنه وكانت بتعيط.. زين.. انا عرفت ان خالد مسافر.. فاطمه.. اللهى ما يرجع.. زين.. هو لسه ميعرفش حاجه عنك ولو عرف هقطعه
فاطمه.. بموت فيك ومش من شويه
زين.. يعنى مفيش صباحيه ومفيش وقت بكره
ان شاء الله هنكون عند المحامى علشان استلم التركه.. فاطمه بفرحه.. مبروك يا حبيبى
زين.. مبروك عليكى انتى يا روحى 💋
____ وقضوا احلى ليله رومانسيه بين اى اتنين بيحبوا بعض.. وفى صباح اليوم التالى.. زين وفاطمه جهزوا وطلعوا على المحامى وعملوا كل الإجراءات باستلام تركه عبد الهادى ونصيب فاطمه منها وحقها الشرعى كامل باسم زين
___ بعد مرور 4 ايام التركه كلها أصبحت ملك زين وفعلا من حب زين لفاطمه رجعلها كل فلوسها
وكتب لها الا راضى والعقارات بيع وشراء وده كان الاتفاق اللى ما بينهم
___ بعد مرور اسبوع فاطمه استلمت تركتها واصبحت مليونيييييييره 🙈💖
“بس لسه قاعده فى شقه اخت زين”
وهنا بقى زين طلب ان يسلم الولد للشرطه… فاطمه وافقت بس طلبت منه يقعد معاها يوم علشان تودعه وطبعا لان محدش عارف عنه اى حاجه وزين عاوز يستقر مع حبيبته
___ بعد عشاء رومانسى جميل بين الزوجين فاطمه قعدت جمب الولد وباسته ونيمته فى اوضته.. ودخلت ل زين ونامت فى حضنه
زين حس انها نامت وكان بيلعب فى شعرها.. بطه حبيبتى.. فاطمه.. ممممم.. زين.. بحبك.. فاطمه.. بموت فيك 💋 ونام فى حضنها.
___ الساعه دقت 4 صباحا.. فاطمه قامت من النوم على رنه فون.. كنسلت خرجت وهى بتتسحب وكانت متأكده ان زين نايم بس هو حس بيها قام وراها؟
فاطمه دخلت اوضه الولد وخدته وشالته وخرجت بره الشقه وقالت.. انت قرفتنى.. مجهول.. اختى هتموت على الواد وانتى بالك طويل.. فاطمه.. خودوا إياك نخلص وعلى فكره انا حاولتلك الفلوس تمام.. مجهول.. اشطا
زين قرب ” صدمه ةةةةة ” مين؟ آسر لااااا😱
يتبع..
ج. 20…..#حكايه_فاطمه
متشكرة بجد حبايب قلبيييي على التفاعل القمر ده ✨🎈
__ آسر ” صدمه ةةة” زين😱 وزق فاطمه وخد الولد وركب عربيه وطلعت بيه بسرعه البرق.. زين خرج وراه بس كان مشى.. ضرب بإيده على الحيطه “فاطمه بصدمه ةة” زين 😱 قرب منها ومسك دراعها بكل قوته ” فاطمه بوجع” ايدى، وجعتنى.. شدها ودخل بيها جوه الشقه وزقها على كنبه الانتريه.. قفل الباب بالمفتاح وقرب منها وكان منهار تماما.. مسك دماغه وبذهول وغضب.. هو اللى فهمته ده صح ولا غلط ” فاطمه” ساكته ومش بترد!.. زين بزعيق.. ردى عليه؟.. قرب منها وعينه فى عينها.. ردى عليه يا نصابه وضربها بكل قوته بالقلم.. ” فاطمه بانهيار” قامت وقفت وبصتلو اوى وعينها كلها كره علشان مد ايده عليها واتهامها بالنصب وقالت بكل ثقه.. انا مش نصابه يا زين.. انا فاطمه عبد الهادى.. انا نفسها بنت عمك.. زين بانهيار.. مسك دراعها.. لما انتى بنت عمى ومش نصابه.. تعرفى آسر منين وزقها
” فاطمه بتهور ” انا اعرف آسر قبل منك يا ابن عمى وعلشان الدنيا تكون واضحه اوى.. انا اللى شغلتو عندك.. زين بكسره وذهول.. انتى اللى شغلتيه عندى؟، ضحك بهستيريه ولسه هيمد ايده عليها.. مسكت ايده بكل قوتها ” فاطمه” اوعا تمد ايدك عليه وبكسره..انت هتستقوى عليه اكمنى لوحدى ومليش حد .. دى مش رجوله على فكره وزقت ايده وبكل برود وانانيه..انا مش فاهمه انت مضايق اوى ليه كده.. قربت منه ونظرتها كلها قوه وانتصار وحطت ايدها على كتفه.. اخد الحق حرفه.. وانا حبيت اكون حريفه يا ابن عمى.. زين قعد على كنبه الانتريه مصدوم من اللى بيسمعوا
” فاطمه بانهيار” انت متعرفش يعنى ايه حرمان من كل حاجه.. زين رفع راسه وبيبصلها
” فاطمه بدموع” اه اه متبصليش اوى كده.. انا اتحرمت من كل حاجه وأولهم الام والاب.. يمكن خالتى عوضتنى عن امى.. انما اتحرمت من ابويا وحضنه ليه.. اتحرمت من السند.. اتحرمت من عمود البيت يا زين.. وغير أكل وشرب وتعليم وخروج والخ وانى اعيش زى البنات كويس.. انا عشت طول عمرى يتيمه ومحرومه وابويا على وش الدنيا ومعاه ملايين 😭 عارف لو عشت يتيمه طول عمرى وفقيره ومحرومه بس بأمر ربنا كنت هقول ده قضاءؤه ونصيبى من الدنيا وهرضى بالمكتوب إنما ده مش امر الله ده امر من ابويا يوم ما رمانى.. عاوزنى ارضى يبقى هعيش طول عمرى جبانه وضعيفه ✋.. قعدت على الأرض ومسكت ركبته.. وبصت فى عينه وعينها كلها دموع.. انت متعرفش يعنى ايه الناس تعطف عليك لانك فقير.. دى لوحدها كسره وذل.. عارف؟ انا وخالتى ياما نمنا من غير عشا وكل ده وابويا عايش على وش الدنيا رامى بنته لمجرد انها بنت
لما كبرت وفهمت سألت خالتى عليه وعلى مكانه وكنت مستعده اروح اقولو انا بنتك اللى انت رميها وده ميرضيش ربنا بس كانت كل مره بترفض وتقولى منه لله وبكسره.. مارضيتش تقولى مكانه علشان كانت خايفه عليه من ابويا تخيل🥺.. بس خالتى كانت جبانه وانا مش زيها يا زين.. وخدت وعد على نفسى يوم ما تجيلى الفرصه الصح لو فيها موتى مش هسيب حقى.. قامت من على الأرض وابتدت تحكى اللى حصل.. فى يوم شوفت اعلان ان محامى عاوز بنت تشتغل عنده فتره مسائيه وبصراحه فرحت جدا وقررت اشتغل بس خالتى فالاول كانت رافضه وبعد كده وافقت بس بعد ذل وطبعا لما حسستها انى مخنوقه من قعده البيت ومضايقه ونفسى اساعد نفسى وكمان مش انا الطفله اللى تخاف عليها زى الأول.. خلاص بقى الطفله اللى حرمتها من التعليم كبرت وفهمت كل حاجه.. حرمتنى من التعليم علشان الفقر وقله الحيله مش زى ما كانت بتضحك عليه بكلمتين.. انتى حلوه وجميله وانا خايفه عليكى من عيون الناس.. المهم وافقت واستلمت الشغل وكنت سكرتيره بظبط المواعيد وبس وكان شغال فى المكتب محامى مبتدأ.. تحت التمرين بس كان شاطر جدا لهلوبه زى ما بيقولوا لى فى كل حاجه.. وبصت ل زين.. انت عارف المحامى ده كان مين.. زين.. مين؟
” فاطمه” كان آسر ” صدمه ةةة” زين😱 .. آسر..
يا ولاد الكلب” فاطمه” ايوه وهو بصراحه كان شاطر جدا ويمكن كمان اشطر من المحامى اللى مشغلو عنده.. وانا كنت اجتماعية ولبقه وقدرت اتصاحب عليه وبسرعه جدا
وفى يوم كنت راجعه من المكتبه فتحت ودخلت الشقه لقيت خالتى فى غيبوبه سكر وجمبها شنطه وطبعا اديتها الحقنه وقبل ما تفوق فتحت الشنطه وشوفت فيها علبه وشويه ذكريات من امى..زى ايشارب كانت بتلبسه وحلق وخاتم وعقد فلصو هيئ هيئ.. وفتحت العلبه وشوفت فيها قسيمه زواج امى وكمان شهاده ميلادى وطبعا ده بالنسبه ليه عادى إنما اللى مش عادى كارت بأسم الحج محمد وكان اسمه بالكامل وطبعا عرفت انه عمى من اسمو وده عنوانه.. انا فرحت جدا علشان عرفت عنوان عمى وطبعا اكيد ده مكان ابويا او على الاققل ولو مش مكانه اكيد يعرف طريقه؟ .. قفلت العلبه وخليت الشنطه جمبها وطبعا خالتى معرفتش حاجه وانا عملت عبيطه وبعدها بأيام كنت محتاره اروح لعمى واكلمو! ولا اعمل ايه؟ وبما ان آسر محامى ملقتش قدامى اى حل غير انى استغلو لأن مفيش راجل معايا وكنت لوحدى وحتى خالتى مكنش ينفع اقولها كانت هترفض وتقولى لأ علشان خوفها عليه من ابويا اللى انا من دمه هيئ وسألت آسر اتصرف ازاى وحكتلو كل على حاجه وقتها قبل ما يعرف اسم بابا قالى ان ده حقى وأظهر عادى طول ما قسيمه الزواج وشهادة الميلاد صحيحه وهنا بقى قولتلو على اسم بابا بالكامل.. اتصدم وقالى ده مليونيييير بس مات وابنه ماسك شغلو كله لان الوريث الوحيد.. خوفنى اوى وقالى انه هيسأل الأول قبل ما أظهر لان ممكن تحصل مشاكل كبيره على الميراث وهنا قولتلو على عنوان المحل بس قالى هنحتاجه بعدين وبعد اسبوع لقيت آسر بيكلمنى وقالى انه سأل وعرف كل حاجه.. كانت الصدمه لما عرفت ان كان ليه اخوات بنات وماتوا وطبعا لانه محامى عرف بطريقته الصدمه الكبيره الوصيه وشروطها وهنا كانت العقده.. ابويا حرمنى قبل ما يموت وكمان هيحرمنى بعد ما مات.. اتجوز واحد من دمى وميراثى بأسمه وعيطت.. ظلم.. ضيع حقى وهو عايش وكمان وهو ميت منه لله اب ظالم وجاحد
__زين بغضب.. وانا الفريسه وانتى الصياد صح وضربها بالقلم ” فاطمه بانهيار” كان لازم اعمل كده علشان اخد حقى وبدموع ووجع.. آسر طلب منى
عنوان المحل وراح وسأل عنكم او بعت حد معرفش.. بس عرف عنك كل حاجه وقالى هو ده اللى عليه العين زين ابن عمك 💔.. ده اللى يقصده ابوكى فى الوصيه انك تتجوزى ابن عمك
ويكتب الفلوس كلها بأسمه وبكده يضمن ان فلوسهم متطلعش بره وكمان حمايه ليكى من ابنه
وطبعا انا رفضت بس آسر قالى لازم انفذ الوصيه غير كده مفيش فلوس ولا تركه وكان الحل الوحيد انك تحبنى علشان فلوسى ترجعلى 💔
زين نزل ضرب فيها بالاقلام.. يا بنت الكلب وانا قلبى كان لعبه فى ايدك ” فاطمه” غصب عنى مكنش قدامى حل غير كده.. مكنش ينفع أظهر ونتجوز من غير ما اعرفك مش يمكن الچينات تطفع عليك وتطلع زى عمك وترمينى بعد ما تاخد فلوسى اللى هى حقى انا؟! زين بانفعال.. يعنى انتى اللى طلبتى من آسر يشتغل عندنا علشان تعملى علية الخطه دى كلها “فاطمه” ايوه.. بعد ما سأل عليكم وعرف عنكم شوية تفاصيل.. عرف انكم محتاجين ناس للشغل وسألنى وخد رأيئ فالاول كنت خايفه بس هو قالى انا هيشتغل علشان اعرف كل الأخبار وكمان يتابعك ويعرف عنك كل حاجه واشتغل معاكم شهرين قبل ما يأجر الشقه؟
زين بانفعال وغضب.. يعنى عمار وولاء كذبه صح! والشقه مش بتاعتهم وكله نصب ” فاطمه” لا مش كذبه لان اخت ولاء كان ليها قضيه فى المكتب عندنا وطبعا آسر كان عارف كل التفاصيل لانه كان متابع بنفسه ولى كلام معاها.. زين.. هى تعرفك وشافتك ” فاطمه” لا انا عمرى ما شوفتها لأنها مكانتش بتيجى المكتب اصلا.. القضيه كانت قديمه واتقفلت.. بس اللى اعرفه ان آسر كان لى تعامل معاها.. يعنى مثلا تتصل بيه يخلص لها ورق او اى شغل المهم يطلع لنفسو سبوبه زى ما كان بيقول.. اصل هو كان على قده وحلمه يفتح مكتب ويشتغل لنفسو وفى يوم عرف ان الشقه هتتأجر
ومن هنا رسم الخطه وقالى ان أصحاب الشقه متوفين فى حادثه وهيستغل أسمائهم وبس وانا وهو مش هنظهر فى الصوره خالص لان اللى هيأجرو الشقه بنت خالتو وكان اسمها منال وجوزها وطبعا كان بالاتفاق معاه وبصراحه انا وافقت لان الخطه كانت مقنعه جدا ومتخرش المياه وبما انه عارف ان التركه كبيره طلب منى مقابل مساعدته ليه 10 مليون جنيه لى ولبنت خالته وجوزها اللى هما عمار وولاء المزيفين وبصراحه انا وافقت علشان اخد حقى وفعلا أجروا الشقه وبعد كده قالى ان لازم منال وجوزها يظهروا ويتقدموا لخالتى بس مش بطريقه مباشرة لازم حوار علشان يبان انه نصب وخالتى وأهل الحته يصدقوا.. ومن هنا كانت فكره النسكافيه وحصلت المشكله وبعدها طبعا اتقدموا ليه وقالوا ان أسمائهم عمار وولاء وخالتى صدقت جدا وخصوصا لما روحت المستشفى وكان معايا جارنا وشاف كل حاجه بعينه وكان كله تمثيل فى تمثيل وطبعا عمار الوهمى مبلغش وكان ظاهر انه معاه فلوس وبيسافر وانا رسمت قدام خالتى انى طمعانه وهعيش معاه عيشه كويسه.. حتى المأذون كان كذب وطقم الدهب كان كوبى
كله تمثيل فى تمثيل وعيطت بانهيار😭😭😭
__ وهنا زين سألها.. وكان ايه لزمته إيجار الشقه مش فاهم ما كله نصب اشمعنى دى وكمان ازاى محدش فيكم خاف انى اعرف حاجه عنكم
” فاطمه” ما انا قولتلك انا وآسر مكناش فى الصوره اصلا وبعدين اللى أجروا الشقه بنت خالتو وجوزها وانت كنت هتعرف منين وبعدين انت لما روحت سألت كانت اخت ولاء هناك وهى اللى كلمتك.. وبردوا كان التعامل كله مع البواب يعنى هى زيك بالظبط متعرفش حاجه.. اما بالنسبه لايجار الشقه كان لازم علشان خالتى تصدق الموضوع وكمان علشان انت لما تسأل تعرف ان الموضوع كله نصب وفى ناس استغلت الأسماء دى وضحكت عليه وبكده انت هتحاول تقف جمبى وتساعدنى..زين.. والبيبى؟
” فاطمه” ما هو ده أن المفروض المشكله بسببه
ان العريس واخته نصبوا عليه وسابوا البيبى وطفشوا وبكده انت هتقف جمبى وبقلب جامد لان الموضوع مش نصب وبس لا كمان فى ولد وخصوصا ان كان لازم أظهر ليك أن الجوازه طلعت نصب كمان علشان انا وانت نقدر نتجوز
وخالتى قبل ما تموت عرفت ان مفيش جواز لما سألت المحامى وبلغتنى ما هى مكنتش تعرف، حاجه.. انا ضحكت عليها ووطت راسها فى الأرض
.. زى ما ضحكت عليك. ولما ماتت خالتى كانت صدمه ليه بجد.. آسر قالى بعدها لازم اخد الورق وانجز قبل ما تظهر حاجه تعطلنا وكمان علشان تعرف صله القرابه اللى بينا وتقف فى ضهرى ونتجوز واخد حقى الشرعى وطبعا اللى هى التركه
زين.. والخطف بردوا كذب والسحر وصاحبتك كل ده كذب اوعى يكون موت خالتك كذب هو كمان
” فاطمه” انا فعلا اتخطفت ولقيت نفسى مرميه على الطريق زراعى وكلمت آسر وطلب منى اكلمك واستغل الموقف لصالحى علشان تتتعلق بيه وبالولد اكتر وخصوصا انه كان بيقولى انك معجب بيه وموضوع السحر والعمل والهام والله حقيقه
والحاجات دى كلها كانت صدف وسبحان الله كانت بتساعدنى اققرب اكتر.. زين بسخريه.. اه علشان تنصبى عليه
” فاطمه بزعيق” انا مش نصابه.. انا فاطمه عبد الهادى بنت عمك وقسيمه الزواج وشهادة الميلاد الحمد لله المحامى اتأكد منهم وانت عارف ده كويس وبتوتر.. انا نصبت فى ايه بس انا كل اللى عملتو انى اخدت حقى بالحرفه.. إنما لا عملت ورقه ونصبت بيها ولا حتى بطاقه مزوره ولا قتلنا ولا سرقنا كله كان كلام وبس وحرفه والشقة لما اتأجرت.. قولتلك اللى أجرها بنت خاله آسر وحتى الشقه المفروشه منال بنت خاله آسر هى اللى أجرتها بأسمها وطبعا انت عمرك ما هتعرفها اصلا وبالنسبه ليوم الدخله الاوردر آسر اللى بلغك بيه وانت طلعتو وعلى فكره آسر مسبنيش لحظه واحده كان بيكلمنى دايما علشان
مغلطش قدامك فى اى حاجه.. زين.. انتى بجد بنت بجحه ده انتى مخوفتيش على سمعتك
” فاطمه” كان لازم ارجع حقى بإى طريقه والحمد لله حقى رجعلى كامل مكمل بعد ما كتبت ليه كل حاجه.. متزعلش منى وانا ايش عرفنى انك انسان كويس ولا لأ.. انا كنت ممكن أظهر فى اى وقت واتجوزك حسب شروط الوصيه ومن غير كل الحورات دى كلها بس كان ممكن تعذبنى او تاخد فلوسى وتهرب وتعمل زى ما عمك عمل فى امى
علشان كانت ضعيفه وفقيره.. إنما أنا قررت لا أكون ضعيفه ولا فقيره ولا جبانه 22 سنه عايشه
فى عذاب محدش وقف جمبى إنما أنت احمد ربنا انك فى حضن ابوك واخواتك البنات
وسابتو ودخلت اوضه نومها وجابت شنطه من فوق الدولاب وبتلم هدومها.. زين قاعد وأيده على دماغه وبيفكر فى مصيبته.. فاطمه خرجت من الاوضه وفى ايدها شنطه هدومها
وبصتلو وقالت.. زين لو حابب نكمل مع بعض انا موافقه.. صدقنى انا مقدرش أنكر انى أعجبت بيك
وانت انسان كويس ودلوقتى انا معايا فلوس كتير
وهنعيش احلى عيشه بفلوسنا يعنى بدل الموتوسيل هنشترى اغلى عربيه وبدل الشقه دى هنشترى فيلا كبيره ولا اقولك قصر ونعيش مع بعض.. زين بسخريه.. ههههه المشكله بقت دلوقتى هنعيش فين وهنركب ايه.. لا يا هانم المشكله حضرتك انى خلاص فقدت الثقه فيكى وبعدين مش انتى فاطمه البنت الطيبه الجميله اللى عرفتها ” فاطمه بغرور” اومال مين ان شاء الله انا فاطمه انت مجنون ولا ايه.. زين بحزن ودموع..
بطه اللى عرفتها كانت بنت بسيطه وجميله على سجيتها مش انتى خالص وبعد عنها.. بطه اللى عرفتها لما كانت بتركب ورايا كنت بشوفها طايره من الفرحه مش اللى واقفه قدامى دلوقتى النصابه” فاطمه بنرفذه” انا مش نصابه ولا عملت ورقه واحده مزوره والله كله فى السليم الحمد لله
قرب منها.. انتى نصبتى على قلبيييي يا فاطمه 💔 ” فاطمه باحراج” قولتلك نكمل حياتنا مع بعض.. زين.. انت طالق.. طالق.. طالق يا فاطمه
وحد الله بينى وما بينك ولا حتى بين فلوسك بس
اخر حاجه عاوز اتكلم فيها معاكى.. خلى بالك من نفسك كويس ومن صحتك وطبعا زين عاوز يقولها انها مريضه وبغصب.. انا مش هسيب الكلب اللى اسمه آسر وبعدين رجع فى كلامه.. خساره لأنى ممكن اموته واللى زى ده خساره فيه يوم حبس
وفيكى انتى كمان.. اطلعى بره وبزعيق.. برررررره
خددت شنطتها وقبل ما تخرج قالت.. على فكره
انا مش مريضه سرطان زى ما انت كنت فاكر ده كان من ضمن الخطه وياريت متسألش حصل ازاى!؟ بس علشان أصعب عليك اكتر وتخاف عليه وتحمينى من خالد وكمان علشان تعرفنى بعمى ويبلغنى بالوصيه👌وبقولك خلى بالك مرات ابوك اللى اسمها زهره.. آسر قالى انها تبع خالد ابنك عمك اللى هو اخويا ما هو كان بيراقبها وعرف انها متجوزه من باباك مخصوص علشان لو ظهرت عندكم فى اى وقت تبلغو وكمان مش حامل دى بتكذب ابقى خلى بالك كويس وخليه يطلقها ويفكه منها سلام يا زين
وخرجت فاطمه والساعه 7 صباحا وبصت اوى
لما شافت النهار طلع ومشيت فى الطريق اللى اختارتو وكان بعدها عن زين
إنما زين قفل على نفسو وطلب، من ابوه يطلق زهره لما عرفوا حقيقتها وساب شغل المحل خالص واشتغل بشهادته فى شركه كويسه وعاش حياته من غير فاطمه كان قلبه تعبو من حبها إنما كان بيساعد نفسو على نسيانها💔
وبالنسبه لمعتز فاق وقال إن لما قابل الهام جاره احمد خدتهم فى طريق كان ترب ودخلوا معاها قبر وشاف ست واتقلبت أفعى 🐍 وكل إللى فهمه انها كانت بتاخد تار زوجها وان احمد والهام هما السبب فى تحضير زوجها للسحر وكان مالك سبب قتله.. والافعى موتت الهام واحمد نفس الموته
ولما شاف اغمى عليه ومحسش بنفسو وغير وهو على الطريق وبلغ وقال إن كان فى شاب معاهم
اسمه مالك فى الترب وده الوحيد اللى عايش بس ميعرفش حاجه عنه وقال لو كانت الافعى موتته
كانت جثته ظهرت جمبهم وطبعا الدكتور صدقوا لان الطب الشرعى اثبت ان الهام واحمد ماتوا بعضه ثعبان وبكده كلام معتز حقيقى وتم بلاغ الشرطه لإنقاذ مالك وقتل الافعى لحمايه المواطنين.. وخرجت حمله من الشرطه ومعتز معاهم وكمان شيخ بيفهم فى الافاعى وازى يتعامل معاها وفعلا هجموا على المكان وبمجرد ما الشيخ قرأ كلام من القرأن وتمتم بكلمات لا تفهمها الا الافعى خرجت من القبر وتم ضربها بالنار لأنها مؤذيه.. وهنا مالك خرج وكان شخص تانى مريض نفسيا بس بموت الافعى السحر خرج من جسمه
واتنقل على مستشفى للعلاج وبعد ما حالته اتحسنت وعرف موضوع الهام عزلوا من المنطقه خالص.. أما ولدت الهام عاشت بعد موت ابنتها
فى حسرة وقهره ومعايره من اهل الشارع انهم بتوع اسحار واعمال واتقطعت معاها المعامله ومع أولادها وحالهم وقف واضطريت تمشى من الحاره خالص زيها زى مالككككك
وبعد مرور شهر حصلت مصيبه ان خالد عمل حادثه وكمان معاه جثه لفتاه مجهوله وكانت زهره
هو كانت حالته خطيره بين الحياه والموت.. أما زهره ماتت فى الحال
خالد حالته انتهت بالشلل بقيه عمره ولما المحامى بلغ فاطمه كان ردها قاسى وقالت.. انا مليش اخوات
___ بعد مرور 5 شهور امام مطار القاهر وقفت عربيه فارهه وخرجت منها فاطمه.. وكانت انسانه تانيه خالص.. متغيره تغير تام كشكل ومنظر ولغه
وكل شئ.. دخلت المطار وقعدت فى الاستراحه منتظره الطياره الذاهبه على فرنسا فى رحله نزهه وعمل فى نفس الوقت.. فاطمه اتغيرت وعاشت حياتها من غير زين وقررت تنساه للأبد
فاطمه ركبت الطياره وقعدت على الكرسى وشدت الحزام.. عاوزه اقولكم حاجه يا اللى متابعين حكايتى.. انا فاطمه عبد الهادى.. عشت أسوأ سنين عمرى من فقر وذل وعيشه الله اعلم كانت هتودينى على فين.. اتربيت على بيت بدون اب وام ولما كبرت عرفت انه طفش وساب امى علشان انا بنت.. طيب بالله عليكم ده يرضيكم
انا عارفه انكم زعلانين علشان زين واللى عملتو فيه.. بس كان غصب عنى.. زين بالنسبه ليه كان طوق نجاه.. كان النور اللى نور طريقى علشان يرجعلى حقى وطبعا بعد الوصيه المنيله دى بالذمه فى وصيه بالشكل ده.. هو ده يرضى ربنا
ان اتجوز من دمى وكمان فلوسى وميراثى يتكتب
بأسم ابن اخوه.. والله حرام فعلا اب جاحد يلا بقى الله يرحمه.. اوعوا تزعلوا انى انا وزين متجوزناش ولا الحب جمعنا.. صدقونى احيانا الحب بيدمر.. وبعدين مش كل قصه اخرتها حب وسعاده وتنتهى بفستان ومأذون وكوشه وفرحه
احيانا الحاجات دى بتبقى النهاية او بداية العذاب
إنما زين اختار طريقو الصح من غيرى وانا اطمنت عليه وطلع كويس جدا وعالج نفسو من حبى
عارفين ليه لان كل واحد فينا عنده اراده يقرب ازاى ويبعد بردوا ازاى.. اوعوا تخلوا قلبكم
هو اللى يتحكم فيكم والله انا مش انانيه
انا بس بقولكم ان انا كمان عايشه حياتى ومبسوطه بس بطريقتى.. يمكن عقده من صغرى
وكبرت جوايا ان الحب مش كله حاجه ولا اساس الحياه.. ساعات بنحب ناس ومش بنكمل معاها
يأما ظروفنا او طلعت خداعه وكذابه.. احنا بقى نعمل ايه نموت نفسنا لا طبعا نعيش بطريقتنا مع اللى يشبهنا.. اختاروا راحتكم واوعوا تيجوا على نفسكم صدقونى بياخد من اعصابكم وحرق دمكم
ده غير بنورث من علاقات خرجنا منها الأمراض
والله ما فى أغلى من الصحه
انا بقولكم انا اختارت حياتى ومرتاحه ومحدش
يزعل منى لان مش شرط كل قصه تنتهى زى ما احنا عاوزين✋ وكانت دى حكايه فاطمه 💕
باااااااااى علشان الطياره هتطلع 😘
تمت بحمد الله 😍
عاوزه رأيكم فى كومنت ♥️ وكمان التفاعل بلايك
و20 ملصق لاستمرار النشر
#حكايه_فاطمه
#بقلمى_كوكى_سامح ✨

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.6 / 5. عدد الأصوات: 5

لا أصوات حتى الآن! كن أول من يقيم هذا المنشور.

As you found this post useful...

Follow us on social media!

Article Categories:
قصص متنوعة
banner
http://www.reel-story.com/

عن الموقع ورسالتنا القصة والرواية هي فن من الفنون الإنسانية الرائعة التي تروي القصص الخيالية والواقعية من أجل العبرة والعظة والتعلّم منها دائماً، فهيا بنا سوياً لهذه الرحلة الرائعة في بحر الأدب العربى والتعرف أكثر على الروايات الشهيرة التي اخترناها. سواء كنا نحب أن نقرأها أو نسمعها ..أو نشاهدها، فنحن نحب القصص. منذ فجر التاريخ عندما كان البشر يتجمعون حول النيران، إلى عصر النتفلكس، نحن نحب القصص.. قد يبدو الأمر مجرد تسلية وتزجية للوقت، لكن أي شيء منتشر إنسانيا لهذه الدرجة، وعبر التاريخ، لا بد أن يرتبط بشيء أكثر جوهرية من مجرد التسلية

اترك تعليقاً

لن يتم نشر عنوان بريدك الإلكتروني.

The maximum upload file size: 512 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

Reel-Story © 2020 | Established in 2019 Privacy Policy I Terms & Conditions I Advertise I Contact