1,545 اجمالى المشاهدات,  5 اليوم

جوزى اتجوز سلفتى

الفصل الاول

أنا هند من خمس سنين تزوجت عزت و سكنا في شقة في نفس البيت مع حماتي و سلفي . حماتي هي اللي ربت زوجي و سلفي بعد وفاة والدهم و هما صغيرين لما حمايا توفي كانت حماتي لسه في عز شبابها بس هي رفضت الجواز و وهبت حياتها لأولادها ربتهم و كبرتهم علشان كده زوجي و سلفي مش بيستحملوا الهوا علي حماتي و روحهم فيها . سلفي متزوج قبلنا بسنتين و عنده ولدين . بعد زواجنا ربنا رزقنا بأحمد و بعد أحمد زينب . و بالرغم من إني كنت ساكنة مع أهل زوجي في نفس البيت إلا ان علاقتي بيهم كانت كويسة لأننا ما كناش بنختلط ببعض كتير حتي حماتي في ست بتيجي تعمل لها شغل البيت و لو إحتاجت حاجة ما كانتش بتطلب مني أنا أو من سلفتي بصراحة كانت بتطلب من أولادها يعني كل واحد في حاله . بعد 3 سنين من زواجنا نقلنا في شقة تانية أقرب من شغل زوجي . بعد ما نقلنا زوجي كان علي طول بيتصل بوالدته يتطمن عليها و كان بياخدني أنا و الولاد و نروحلها مرة كل أسبوع في يوم أجازته و لو في يوم كنت تعبانة أو مش فاضية إني أروح معاه كنت بقوله يروح هو بس ما كانش بيرضي و يقولي : يعني حتي يوم الأجازة هقضيه بعيد عنكم . كنت أقوله : إحنا راضيين روح أنت إتطمن علي مامتك و إرجع . كان يرد و يقولي : خلاص هتصل أطمن عليها و نبقي نروح كلنا في يوم تاني رجلي علي رجلكم . كانت حياتنا مثالية و جميلة لحد ما فجأة من سنة اتوفي سلفي في حاذثة و هو في عز شبابه و ساب مراته و طفلين عندهم 6 سنين و 4 سنين . و كانت وفاته صدمة كبيرة لزوجي و حماتي . و بعد فترة من وفاة سلفي بدأت ألاحظ حاجات غريبة علي زوجي …. يتبع

جوزى اتجوز سلفتى

الفصل الثانى

بعد وفاة سلفي ب6 شهور بدات الاحظ حاجات غريبه على جوزي ماكنتش بتحصل قبل كده واحده بواحده بدأت زياراته تزيد جدا لحماتي قلت عادي ممكن عاوز يعوض غياب اخوه بس اللي مش عادي ان بعد ماكان مابيروحش الا بينا بقى يتحجج باي حجه علشان مانروحش معاه مثلا بقى يطلع من الشغل على هناك على طول ويتصل بيا ويقولي ان هو عند والدته ويتصل بيا ويقولي اتغدوا انتوا لاني هتغدى عند والدتي وحتى يوم إجازته وهو رايح مبقاش ياخدني معاه ويتحجج من العيال هتتعب من الطريق اشمعنى دلوقتي العيال هتتعب مالعيال كانوا اصغر من كده وبيروحوا عادي لا وكذا مره يتصل بيا من هناك ويتاخر ويقولي الوقت أتأخر فهبات وفمره يوم إجازته جهزت لبسي ولبس الولاد وسيبته في غرفة الاطفال وبعد مافطرنا دخل لبس علشان يروح عند مامته ودخلت انا كمان لبست ولبست العيال وخرج شافنا واحنا لابسين وبان عليه التوتر قلتله هروح معاك عند ماما وحشتني بقالي كتير مشفتهاش وبالمره تاخدني معاك عند حماتي وانت رايح نشوفها وتشوف العيال بان عليه الضيق وقالي ماتخليها المره الجايه وقالي ان هو رايح وراجع على طول قلتله احنا لبسنا خلاص لسه هنقلع يلا هنسبقك على العربيه وسبناه ونزلنا وهو نزل ورانا على طول واحنا في الطريق قالي هرن على والدتي واقولها أنكم جايين معايا قلتله لا خليها مفاجأه احسن وهتفرح اوي لما تلاقي الولاد داخلين عليها ولما دخلنا روحت سلمت على حماتي والولاد راحوا سلموا عليها وعلى ولاد عمهم سلفتي بقى كانت خارجه من مطبخ حماتي وكانت على سنجة عشره لابسه ومتشيكه وحاطه ميكب ولا كأنها واحده جوزها مات من 8 شهور وأول ماشافتني اضايقت سلمنا على بعض نظرات سلفتي لجوزي كانت مفضوحه اوي وطول القعده وكل كلامها كان موجه لجوزي بمنتهى الدلع وجوزي كان بيحاول يتجنبها علشان مااخدش بالي بعد ماروحنا قولتله انا عاوزه ارجع شقتنا علشان تفضل جنب مامتك على طول اول ما قلت كده اتخض وقالي وشغلي وكده قلتله ما احنا كنا فيها وكنت بتروح شغلك عادي وبعدين لو رجعنا الشقه هتوفر المشاوير مرواحك لمامتك وهتبقى جنبها بس هو رفض ورفضه ده أكد ليا ان في حاجه مش طبيعيه وبعد عشره ايام اتصل بيا جوزي وقالي ان هو رايح عند حماتي بس انا سمعت صوت ابن سلفي في التليفون سألته قولتله انت روحت ولا لسه هتروح قالي انا لسه هروح وقالي ممكن ابات قولتله وماله ومن غير تفكير لبست ولبست العيال وروحت عند حماتي واول ماحماتي شافتني اتبرجلت دخلت وسلمت عليها وقولتلها فين عزت قال ان هو جايلك قالتلي فوق عند سلفتك …. يتبع

جوزى اتجوز سلفتى

الفصل الثالث

واول ماحماتى شافتنى اتبرجلت دخلت وسلمت عليها وقولتلها فين عزت قال إن هو جايلك قالتلى فوق عند سلفتك …!!! بيعمل اى فوق ؟

قالتلى عادى قولتلها يعنى اى عادى سكتت ومن غير تفكير قولتلها انا هطلع اشوف اى الموضوع شدتنى من ايدى قالتلى تطلعى فين قولتلها لجوزى !! قالتلى ماهو جوزها هى كمان …محستش بنفسى اغمى عليا انا فعلا مش مصدقة رغم انى حسة أن فى حاجة غريبة لكن مكنتش متوقعة أنه اتجوزها فعلا وبسرعة دى …كنت متأكدة أن فى حاجة بينهم لكن كنت مفكرة أن لسة محصلش جواز ازاى يغدر بيا كدة معقول أهون عليه كدة وبسهولة دى !!؟؟؟

فوقت لاقيت حماتى قعدة بتتفرج على التلفزيون ولا كأنى مغمى عليا قولتلها فين عزت قالتلى منا قولتلك فوق عند مراته جريت على فوق وسمعت صوتهم عالى بيضحكو وقلبى هيقف بجد حسة انى مش قدرة اتنفس خبطت الباب وهو فتح وبلبس البيت اول ما شافنى اتبرجل وقالى هند !!! انت جيتى امتى قولتله جيت من شوية …انت هنا ليه ياعزت ؟؟؟

قالى ابدا انا كنت بطمن على الولاد ونازل قولتله اى الكلام اللى حماتى بتقوله ده !!

كلام اى ياهند ؟ …سلفتى طلعت فجأة ولبسة لبس نوم وقالتلى هند !!! مش على الأقل تقولى انك جاية ! فى حد يجى لحد كدة من غير ما يقول مش يمكن مشغولين

مقدرتش انطق ولا أقول ولا كلمة بصيت لجوزى لاقيته ساكت مشيت وانا رجلى مش شيلانى وهو مجاش ورايا نزلت اخدت عيالى وحماتى بكل هدوء بتقولى تعالى اشربى معايا شاى مردتش عليها ومشيت روحت البيت واستنيته لما يجى عشان افهم ازاى ده حصل …وفضلت مستنية لكن للاسف مجاش

معقول اول مرة من خمس سنين يسبنى انام لوحدى

انا مش مستوعبة اى اللى بيحصل حسة أن قلبى هيقف عدا يومين ومجاش وبعدين لاقيته فتح الباب ودخل قعد فضل ساكت شوية وبعدين قالى انا جاى اقولك كلمتين …دول عيال اخويا الله يرحمه وانا مقدرش اسيبهم قولتله متقدرش تسيبهم ولا متقدرش تسيبها !! قالى ولا اقدر اسيبها قولتله وعيالك قالى مالهم عيالى ؟ عيالى هما عيالى ومسؤولين منى قولتله وانا ؟ …انت ليكى الخيار هتقبلى بالوضع ده او انت حرة مقدرش اغصبك ….يتبع

جوزى اتجوز سلفتى

الفصل الرابع

قولتله وانا ياعزت ؟؟!

قالى انت حرة مقدرش اغصبك ياتقبلى بالوضع ده او انت حرة ….

اندهشت اوى قولتله قد كدة مليش قيمة عندك قالى متقوليش كدة انا فعلا فى وضع صعب ولاد اخوية ومراته انا بعتبرهم أمانة اخويا الله يرحمه

تقوم تخرب بيتك ؟!!!

ممكن تاخد بالك منهم من غير جواز اى الحكمة فى انك تتجوز سلفتى دى طول عمرها بتكرهنى وعينها من كل حاجة عندى تقوم تاخدك انت ياعزت منى

بص فى الارض ومردش عليا كأنها عملاله سحر انا بجد هتجنن ازاى ده حصل وازاى قدرت تاخد قلب جوزى بالسرعة دى دى جوزها ميت حتى المفروض تحزن شوية دى مكملتش سنة ياناس

واخيرا قررت انى هدخل معها فى التحدى ده وانى مش هسيبها تخرب بيتى انا لازم احافظ على جوزى وعيالى

نديت عليه بعلو صوتى وقولت له انا موفقة ياعزت انا هفضل فى بيتى

بص لى بدهشة وقالى بجد ياهند ؟؟؟!!!

قولت له اه طبعا ولا انت كنت متوقع انى امشى من بيتى

قالى لاء بجد انا كنت بتمنى توافقى

قولت له خلاص وانا وفقت

وفجأة التلفون رن ببص اشوف مين ؟ هى اللى بتتصل وبكل ثقة بتقوله تعالى بقى انت اتأخرت عليا

لاقيته قام بدون تفكير

وقالى انا خارج قولتله طيب سلملى على حماتى

قالى هند …..انتى مش زعلانة ؟!!!

قولت له لاء هزعل ليه انا قولتلك انى موفقة خلاص

حسيت باستغراب فى ودهشة فى عينه وبعد مكان متحمس انو يروح حسيت انه محتار كدة وقالى طيب سلام لو احتاجتى حاجة كلمينى

عدا يومين وانا مكلمتوش ولا اتصلت بيه

وبقيت اصلى وادعى ربنا يرجعلى حقى

انا مش ضد أنه يراعى عيال اخوه ولا مراته لكن دى وحدة نيتها وحشة وعايزة تخرب بيتى مش هدفها الستر أو أنها تحافظ على عيالها

وعشان كدة عارفة أن ربنا هينصرنى عليها

ولقيته جاى بيقولى مش قولتلك ابقى كلمينى طمنينى عليكى !!!

رغم أن جوايا الف غضب انو هو المفروض اللى يرعى بيته وعياله وهو اللى يسأل علينا حتى بلاش يجى

الا انى رديت عليه وقولت له انت قولت لو احتجت حاجة …وانا ماحتجتش حاجة هتصل ليه

وبقى بدل ماهو كان عايز يكون هناك على طول بقى محتار وعايز يراضينى بأى شكل وانا اللى طول الوقت بقوله مش هتروح تطمن على ولاد اخوك

ومابجبش سيرتها نهائي

وهى طول الوقت بتكلمه وتقوله تعالى بقى اوقات يروح وأوقات لاء وهى ديما بتتخانق معاه

وحتى حماتى بتتصل تقوله تعالى لمراتك ولا دى ملهاش حق عليك

رد عليها وقالها يامى انا نفذت رغبتك بس مش معنى كدة انى اخرب بيتى انا اتجوزتها عمل خير

قالت له بقى دلوقت عمل خير !!!؟؟

مانت كنت مبسوط وطاير من الفرحة بيها

أيوة الغربال الجديد له شدة ياأمى وانا بصراحة مقدرش اخرب بيتى واتخلى عن عيالى وهند

وكفاية أنها وفقت وقدرت موقفى

انا سمعت المكالمة كلها وبقيت هطير من الفرحة ووسجدت لربنا سجدة شكر أن جوزى رجعلى

ومعنديش مانع أنه ياخد ثواب فى عيال اخواه ولا عمرى ازعل وعمرى ما اطلب منه أنه يطلقها حشالله

لكن المفاجأة أن الكلام وصلها انو قال إنه اتجوزها عمل خير وعشان خاطر عيال اخوه الله يرحمه

هى اللى طلبت الطلاق وقالت له انا ماقبلش انك تتجوزنى عطف منك وقبلت فى الاول لما حسيت انك عايزنى انا ومحدش غيرى يملى عينك

قالها انت عارفة من زمان أن هند ماليه عينى طول عمرها

ومفيش طلاق هو الجواز والطلاق لعبة ولا اى انت مش قولتى انا اتجوزتك عشان عيالى ميحسوش أنهم اتيتمو

دلوقت عايزة تطلقى مقبلش انا عيال اخويا يتيتمو طول ما انا على وش الدنيا

وحماتى قالت لها نفس الكلام

وهى اللى بقت طول الوقت تطلب الطلاق وبقت حاسة بالندم

ورجعت لبست اسود على جوزها اللى مات

وهو بيعتبرها مرات اخوه اللى مات وبيعمل واجب ربنا كتبهوله

الحمدلله ربنا رجعلى حقى وبقيت انا اللى ديما بجبلهم لبس والعاب وبعتبرهم زى ولادى بظبط وكبرت اوى فى نظر جوزى وعرفت احافظ على بيتى

💕💕💕💕

انتهت.