Reel Story
@REELSTORYCOM
banner
مارس 25, 2021
134 Views
0 0

روايه غزل الجزء التاسع والعاشر بقلم كوكي سامح #9

Written by
5
(2)

 1,385 اجمالى المشاهدات,  2 اليوم

وقت القراءة المقدر: 27 دقيقة (دقائق)

روايه غزل

الجزء التاسع والعاشر

الكاتبه // كوكى سامح

اولاً احب اشكر كل اللى سأل عنى

واطمن عليه بجد ربنا يسعدكم ويباركلى فيكم

💕💕💕💕💕💕💕💕💕💕💕

نبتدى أحداث الروايه

روايه غزل

الجزء التاسع

الكاتبه // كوكى سامح

وعد مش مستوعبه اللى بيحصل لها

ونفسها مكتوم

ولما قرب من السور وعد عينها فى السماء

واغمى عليها

فى ڤيلا عماد..

= هناء رجعت من الترب وكانت مضايقه

ودخلت على المطبخ وكان فاضى

فتحت التلاجه وخدت مياه

وكانت بتكلم نفسها

وبتقول ان ريقها ناشف

ومش بتاخد العلاج

وخرجت وشافت اسلام

وسألته على وعد فى دخله

إيهاب السواق

هناء قالت بعصبيه.. فين ست وعد

مش المفروض فى علاج انا باخده

من وقت ما جت وانا مخدتش من ايدها

لا دوا ولا أكل

وكمان مش موجوده

اسلام.. ممكن تكون فى اوضتها

إيهاب.. لا يا استاذ اسلام

من بعد ما رجعت من بيت ولدتها

طلعت على فوق

وبعدها بشويه شوفتها

واقفه قدام باب الڤيلا

وخدت أوبر ومشيت

بس معرفش راحت فين؟

هناء.. هى كمان خرجت

اسلام.. ماما

هناء.. نعم

اسلام.. وعد كلمتك وفونك مغلق

واستاذنت منى

هناء.. اومال راحت فين

طفشت يعنى

خلاص يبقى فى داهيه

انا مش محتاجه حد جمبى

انا فيه اللى مكفينى

وتعبانه

ومسكت دماغها وحست بدوخه

وطلعت على اوضتها

= عماد قاعد فى اوضته

بيفتكر كلامه مع غزل وحبه ليها

وانها كانت الحاجه الحلوه فى حياته

ومصبراه على عيشته

عماد رغم الفلوس والعز اللى هو فيه

إنما مش مرتاح

فى حياته

فاقد الحب والحبيبه

مراته وبنت عمه

عمرها ما كانت فتاة أحلامه

وحب عمره

اللى بيتمناه

عاش معاها سنين عمره

وهو ظالم نفسه

لمجرد شويه فلوس

متخرجش بره العيله

=الباب بيخبط وكانت هناء

فتحت الباب ودخلت

ولما شافت منظره

انه قاعد وشارد والدموع

نازله من عينه

قربت منه وحطت ايدها على كتفه

وقالت بوجع : انا عارفه

انك عمرك ما حبتنى

ولا هتحبنى

وكل إللى بنا الفلوس

وابننا وبس

هما دول اللى انت عايش علشانهم

وانا بالنسبالك هوا

بس والله انا حاولت اسعدك

لما طلبت تتجوز حته

عيله من دور ابنك

وتبقى ضرتى

الله يرحمها بقى

انا وافقت وجيت على نفسى

واستحملت حبك ودلعك ليها

اللى المفروض يكونوا ليه

انااااا

عماد بعصبيه.. انا مش عاوز اسمع اى

حاجه

انا مش طايق نفسى ولا عيشتى

كلها

وقام من مكانه واتجهه ناحيه الشباك

وبص لفوق وشاف السما

وقال بكسره : يارب خدنى علشان ارتاح

من اللى انا فيه

انا مش عاوز فلوس

ولا اى حاجه من الدنيا دى

انا خلاص تعبت

هناء.. اول مره اشوفك

بتدعى على نفسك

وكل ده علشان غزل 😭😭

وسابته وخرجت وهى منهاره

عماد واقف مكانه

وعينه جت عليها لما خرجت

إنما كان منهار مش مستحمل اى حاجه

=فى حى البساتين بالتحديد

فى شقه الدور التانى

مامت غزل قاعده لابسه الأسود

ومنهاره على بنتها

وكانت ماسكه صورة غزل وبتكلم نفسها

وحشتينى يا بنت عمرى

ده انا مكانش ليه غيرك

فى الدنيا دى

ليه يارب كده تحرمنى منها

بدرى

كنت خد عمرى انا

وبلاش بنتى

انا قلبى وجعنى

عليها اووى 💔

عدى على فراقك كام يوم

ومش قادرة اتحمل البعد عنك

اعيش ازاى من بعدك

ليه يارب كده

دى راحت فى عز شبابها

بس ليه يحصل فيها كده

ومين اللى كان بيكرهها

لدرجه يخنقها ويرميها من الدور ال 12

انا بتعذب يارب

لمجرد انى احس

انى مش راضيه بقضائك

انا ام يارب

وغصب عنى بنت عمرى وحتى منى راحت

قدام عينى

استغفرك واتوب اليك

سامحنى يارب انا راضيه بقضائك

استعوضت بنتى غزل عندك يا رحيم

ومسحت دموعها

وسمعت صوت بينادى عليها من المطبخ

وطبعا تهيأت

وافتكرت غزل

لما كانت عندها قبل الحادثه بيومين

فلاااااااااااااش بااااااااااااااك

.. ماما انا بعمل شندوتشات اعملك معايا

_ ههههه غزل بحالها واقفه بتعمل أكل

ايه جعانه يا غزل

.. يا ست الكل انا بقول سندوتشات

مش رز وملوخية

تصدقى بقى يا ماما انا نفسى ملوخية

اووووى

_ اعملك يا نور عينى

بكره ان شاء الله هنزل السوق

واعملك الملوخيه اللى بتحبيها وابعتلك تتغدى

معايا

.. ماما ملوخيه خضرا مش تضحكى عليه

وتعمليها ناشفه

_ والله يا بنتى انا بعشق الناشفه

.. ناشفه ايه بس يا حجه

ملوخيه يعنى خضرا

مدلعه فى الطشه والتوم

واو على ريحتها

انا بعشقها من ايدك يا ست الكل

ويا سلام بقى لما بتشهقى عليها

بتطلع تجنن

_ بتتريقى عليه يا ست غزل

اعملى بس زى

وورينى عمايل ايدك

.. والله ما بتريق بس اللى مجننى

ام الشهقه دى نفسى اعرف بتعمل ايه

والله بجد حاجه غريبه

_ يا بت انتى تعرفى تعملى زيها

الشهقه دى مش اى حد يشهقها

= غزل خرجت بره المطبخ

وقعدت على كنبه الانتريه

وحطت قدامها طبق السندوتشات والشاى

والام خرجت وراها

وقعدت قصادها على الكرسى

غزل بحب : والله يا ماما القعده هنا بالدنيا

شايفه السندوتش ده

احسن عندى من ديك رومى

وعلى الاقل باكله بنفس

وحاسه انى جعانه وعاوزه اكل لحد ما اشبع

الام بخوف.. مالك يا غزل فيكى يا حبيبتى

غزل.. مفيش

الام.. عماد زعلك

غزل.. ولو على عماد شايلنى من على الأرض شيل

ويتمنى ليه الرضا ارضى

بس انا مش بحبه يا ماما 💔

الام بغضب.. محدش غصبك

ده اختيارك انا وبابا حاولنا معاكى

كتير وانتى كنتى مصره عليه

غزل بلهفه.. اه صح يا ماما بمناسبه بابا

وسابت من ايدها السندوتش

ومسكت شنطتها

وفتحتها وطلعت من فلوس

وقالت : علشان واضح انى مش هشوف بابا

وشكله كده هيتأخر كالعاده وكان طالب

منى فلوس

ابقى اديله الفلوس دى

وقوليلوا غزل بتسلم عليك

وانك وحشتها اوى

الام.. ابقى كلميه فى البتاع ده

اللى اسمه المحمول

وقوليلوا انتى

غزل بخضه.. فى ايه يا ماما

هو مد ايده عليكى تانى

الام.. مفيش يا بنتى

غزل.. شكلك متخانقه معااه

الام بعصبيه.. يا بنتى انا زهقت

ابوكى اتجنن يا غزل

كل يوم والتانى اسمع من ناس هنا

انه لسه بيعرف البت الرقاصة

وبيصرف فلوسه عليها

لحست عقله بنت الكلب

غزل.. هو لسه بيعرفها

نهار اسود عليه وعلى دماغه

هو انا هصرف عليه ولا عليها

علشان كده كل يوم والتانى يطلب منى فلوس

وانا مش بحب احرجه

والله ما عارفه الاقيها منين ولا منين

منه ولا من العيشه اللى انا عيشاها

وسابت الفلوس على الترابيزه

ومكملتش أكل والفون رن

وكان عماد وطلب منها متتأخرش

وقفلت معاه وقامت وخدت الشنطه

والفون رن تانى

وكانت منه بس غزل رددت عليها بعصبيه

وقالت احمد ايه ده يا ست هانم اللى هبصله

يا منه يا بنت خالى عيب اللى بتقوليه

ده وقفلت فى وشها

وقعدت وكانت مضايقه

الام.. فى ايه مالك وانتى ومنه

غزل بعصبيه.. مفيش بس شكلها اتجننت

انا ماشيه

وخدت شنطتها ومشيت

عوووووووووده

الام منهاره وفى ايدها صورة

غزل وبتعيط بحرقه على بنت عمرها

وقامت دخلت اوضه نومها

وفتحت الدولاب وطلعت بلوزه غزل

ومسكتها وقعدت تحضنها

وكأنها فى حضنها

ما هى أم وقلبها محروق على بنتها 💔

الام بحيره.. هو مين احمد ده اللى منه

كانت بتتخانق مع غزل بسببه!

وبعد تفكير..

الام بخوف.. معقول ممكن تكون منه ليها يد فى

موت بنتى..

الجزء العاشر والأخير 🧡

= فى شقه مصر الجديده

وعد مرميه فى أرضية

البلكووونه

ومغمى عليها وفاقده الوعى تماماً

……………

= منه قاعده فى اوضتها وباين عليها

الضيق ولما باباها دخل عليها وسألها

الاب.. مش هتاكلى

منه بخوف وتوتر.. لا يا بابا انا شبعانه

الاب.. يا بنتى الحى ابقى من الميت

انا عارف انك زعلانه على بنت عمتك

وده ميقلش عنى انا كمان هموت عليها

ونفسى امسك اللى عمل فيها

كده

بس هنعمل ايه لله الأمر من قبل ومن بعد

والشرطه بدور وان شاء الله

ربنا يكرمهم ويمسكوه فى أقرب

وقت

وحق الغلبانه ده يرجع

منه.. اه اه يارب يا بابا

هو حضرتك جيت من بره امتى

الاب.. لسه داخل بس الظاهر كده

انك حتى مسمعتيش الباب وهو بيتفتح

منه.. كنت ماسكه الفون والهاند فى ودانى

ومسمعتش

الاب.. طيب يا بنتى انا هروح انام شويه

ولما اصحى ابقى أكل تكونى

انتى كمان جوعتى

انتى عارفه انا مبعرفش اكل من غيرك

منه.. 😭😭😭😭😭

الاب قرب منها وخدها فى حضنه

منه.. بحبك يا بابا

ربنا يخليك ليه وميحرمنيش منك ابدا

الاب.. واعيش وافرح بيكى واشوفك

احلى عروسه

منه.. مش باين

الاب.. ليه كده اتفائلى خير

منه بدموع.. انا مقهوره على غزل يا بابا

الاب لسه هيتكلم

الباب خبط وكانت اخته

مامت غزل

ولما فتح الباب ومن غير سلام

طلبت تشوف منه

منه خرجت من الاوضه وعينها فى الارض

العمه.. تعالى معايا عاوزاكى جووه

منه.. فى ايه يا عمتو

.. بقولك تعالى معايا جوه

_ حااضر

الاب واقف مكانه ومش فاهم حاجة

= دخلت معاها الاوضه

ومسكتها من دراعها بقوة

.

. مين احمد يا منه

_ انا معرفش حد بالاسم ده

.. لأ تعرفى يا بنت اخويا

قبل موت غزل بيومين بالظبط

كانت عندى وكان فى بينكم مكالمه فون

وسمعتها بتقولك انا مليش علاقه ب احمد

وقفلت فى وشك صح ولأ

منه بخوف.. محصلش

العمه..وانا بقولك حصل

وهنا بقى ابتدوا يشدوا مع بعض،
فى الكلام
وكانت منه بتنكر

جرس الباب بيرن
وخبط جامد على الباب

الأب فتح وكانت وعد

وكانت ماسكه دماغها

الأب.. انتى مين

وعد دخلت وزقته وقالت :

فين ست منه قتاله القتله

الأب.. فى ايه يا بنت انتى
وعاوزه من بنتى ايه

العمه خرجت على الصوت ووراها
منه

وعد قربت من منه

.. مين اللى كان عاوز يموتنى فوق

_ فوق فين يا مجنونه انتى

.. انتى هتستعبطى شقه غزل

الام.. بنتى

هو انتى تعرفى غزل

وعد..حضرتك مين

_ غزل ضنايا ومكانش ليه غيرها

بنت عمرى 😭💔

وعد قربت منها

ربنا يصبرك

الام.. يارب

وعد.. مش عاوزة تعرفى مين قتل بنتك

الام بحرقه.. مين انتى تعرفيه

قوليلى علشان اكله بسنانى

وعد بصت وشاورت على منه

الام.. ايه

لا لا اكيد فاهمه غلط

منه.. لا لا انتى تصدقى انى انا اعمل كده

دى مجنونه يا عمتو

الاب.. بنتى انا تقتل غزل دى اختها

وعد.. بنتك نفسها قالت تعرف مين القاتل

الاب قرب منها.. انتى تعرفى مين قتل
بنت عمتك يا منه

منه..يا بابا لا يا بابا

الاب.. ردى عليه انتى تعرفى مين قتلها

منه.. 😭😭😭😭😭😭

وعد.. انتى القاتله صح

منه انهارت وقالت لا مش انا

الام.. اومال مين

منه.. باباها

العمه.. لا لا كذابه يا منه

مستحيل مستحيل واغمى عليها

وعد.. يا مصيبتى باباها اللى قتلها

منه قعدت وانهارت

الاب فوق اخته ولما فاقت

سألت منه قتلها ازاى

وعد واقفه مذهوله ومفيش على لسانها
غير كلمه واحده معقول اب يقتل بنته

العمه.. بعد ما رباها قتلها

دى كانت بتصرف عليه
وعلى مزاجه
الكلب
كان يوم اسود يوم اتجوزته

وعد.. هو مش باباها

الام مش قادره تصلب طولها

قعدت على الكنبه وقالت

ده مش باباها ده عمها

بعد ما باباها مات فى حادثه
كانت لسه صغيره
طلب ايدى علشان يربى
بنت اخوه الوحيد

ووافقت عليه رغم انى كنت عارفه
ان عينه زايغه
وبيشرب
بس كنت زى اى ست
وقولت ضل راجل ولا ضل حيطه
اهو البنت بنت اخوه

هيحافط عليها بدل ما اتجوز راجل غريب
واخاف عليها
تفكيرى كان غلط
. وبنتى راحت للأبد

وضربت بإيدها على وشها

وماتتت ماتتت 😭😭😭

وعد قربت من منه وقالت

هو قتلها ازاى

منه بخوف وابتدت تحكى..

فلااااااااش بااااااااك

= غزل فى الشقه وقعده لوحدها

الباب بيخبط وكانت منه

.غزل.. تعالى

ودخلت قعدت فى الصالون

منه.. ممكن تبعدى عن أحمد

_ يا بنتى دى اوهام فى دماغك وبس

.. مش اوهام يا غزل

احمد اتغير خالص

_ وانا مالى
كل ده علشان كلمته مكالمه
يبقى انا اللى بعدته عنك

وطلعت سيجاره وولعتها

وقعدت تشربها
اقسم بالله المكالمه دى كانت تخصك انتى
وكل اللى قولتوا وطبعا بعد ما شوفت
حالتك النفسيه بعد ما اتغير منك

انه يرجعلك تانى بس كان قليل الزوق
ورفض
ومكلمتوش تانى بس انتى
شكاكه ودماغك ناشفه

منه.. طول عمرك احلى منى
والرجاله بتجرى حواليكى

الا أحمد

علشان كده حبيتى توقعيه

فى شباكك

انتى كذابه يا غزل

غزل.. اوووووف بقى

دى مش طريقه كلام انا مش كذابه

يا بنت الخال

جرس الباب بيرن..

غزل.. اكيد مؤمن

وقامت فتحت الباب

وكان باباها ولما شافته دخلت الصالون

منه.. انا نازله وبعدين نكمل كلامنا

وفعلا سابتهم بس وقفت الباب تسمع كلامهم

الاب.. انا عاوز فلوس يا ست غزل

غزل.. انا سبتلك فلوس مع ماما

الاب.. امك بتقول لا مفيش فلوس

غزل قربت منه وقالت

.. هو انت كمان جاى شارب
يا عم ارحمنا
بقى من القرف ده

_ ايه يا غزل مالك شدا حيلك عليه كده

انا ابوكى يا بت

.. انت مش ابويا
يا عمى

انا ابويا مات من زمان

انت لو ابويا فعلا

كنت حافظت عليه وعلى ماما

انا خلاص زهقت منك ومن طريقتك دى

يوم شارب ويوم ماشى مع الراقصه

وكمان بتضرب ماما
حرام عليك يا شيخ بدل ما تحافظ
ع امانه اخوك وبنته الوحيده
ايه الغلب ده

_ انا عاوز فلوس وخلاص اتصرفى

.. اه عاوز فلوس علشان الراقصة

صح

عموما انسى بقى

انا كلمتها وقولتلها تبعد عنك

وباعتك بقرشين

شوفت بقى

_ تانى يا غزل

قولتلك قبل كده ملكيش دعوه بحياتى

.. مش هبعد يا عمى

وده علشان خاطر ماما

وكمان مفيش فلوس

اى فلوس ماما هتاخدها

خلصنا

ولو سمحت ياريت متجيش الشقه
دى تانى

_ يا غزل انا شارب بلاش تطيرى الكاسين

اللى فى دماغى

.. ما يطيروا ولا يغوروا

فى ستين داهيه

قرب منها وابتدى يشد معاها فى الكلام

وكان شارب طينه

فون العم رن..

غزل بسخريه.. والله وبقى فونك يرن

تلاقيها الرقاصة الصايعه

اللى ماشى تدور وراها
فى كل حته

قرب منها ومسك فيها

وكانت بتبعد عنه

وقالها انتى هتعملى عليه انا شريفه

وتقولى انى ماشى مع الراقصه

بس انا راجل يا روح امك

الدور والباقى على اللى ماشيه على حل

شعرها مع كل راجل شويه

وهى على زمه جوزها

غزل.. دى حياتى وانا حره فيها

انت مالكش حكم عليه

قرب منها ولوى دراعها وقال

هاتى فلوس يا بتاعه الواد

مؤمن اللى بيجى عندك الشقه هنا
كل يوم

اوعى تكونى فاكره انى معرفش

غزل قعدت على الكنبه وبقت تبجح فيه

عووووووووده

منه كملت كلامها وعينها فى عين عمتها

وقالت : غزل قعدت وهو بعد عنها
مع انها كانت بتبجخ فيه وده العادى.
بتاعهم مع بعض

يا عمتو ما انتى عارفه

نزلت وسبتهم لأنى قولت ان اكيد هيصالحها
زى كل مرررره

والدموع نزلت من عينها

وقالت : بس طلعت مش زى كل مره

فتحت الباب لقيته نازل يجرى

اتخضيت من منظره

طلعت اكمل كلامى مع غزل

كان باب الشقه مفتوح

دخلت واستغربت وفضلت انادى عليها يا غزل

بس مكانتش بترد

عينى جت على البلكونه

دخلت اشوفها قولت يمكن قاعده

لأنها بتحب تقعد فيها

بس ملقتهاش

مسكت الفون ورنيت عليها

بس مكانتش موجوده

اتخضيت نزلت جرى قولت يمكن

لما عمها نزل

هى نزلت قبله وواقفه تحت ولا حاجه

لحد ما يمشى

خرجت على باب العماره

لقيتها مرميه على الأرض وسايحه فى دمها

لقيت نفسى خوفت

وجالى حاله ذهول وطلعت شقتنا جرى

وقفلت باب الاوضه عليه

مكنتش مصدقه نفسى انها ماتت مقتوله

ومن مين عمها اللى بتقولوا يا بابا

الام بقت تصوت وانهارت

وعد.. الصوات مش هينفع

لو عاوزه حق بنتك تيجى معايا
دلوقتى

الام.. فين فين

وعد..قسم الشرطة

نبلغ عنه ولما يقبضوا عليه كل حاجه هتبان

وقربت من منه وقالت

بس فى حاجه غلط

ايه الدليل انه قتلها

منه.. مكنش في غيره معاها

انا متأكده انه هو

وعد.. طيب انتى بتتكلمى معاه

منه.. خالص

انا مش بتكلم معاه

وعد.. طيب معاكى صورته

الام.. انا معايا صورته ثوانى

وفتحت الفون وجابت صورته

ولما وعد شافتها قالت

هو القاتل فعلا

وكان عاوز يقتلنى انا كمان

الام.. يقتلك ليه

وعد.. انا طلعت فوق شقه غزل قولت يمكن

الاقى اى دليل بعد كلامى مع منه

بس كانت الشقه مفتوحه
ولما دخلت خنقنى وكان هيرمينى

من البلكونه

وقالى بدورى ورايا ليه

وهو ميعرفنيش اصلا

بس انا اما فوقت

لقيت نفسى مرميه على إلارض

بس السؤال هنا

هو ليه مقتلنيش زى غزل

ده كان خلاص هيموتنى

ليه رجع فى قراره

والسؤال التانى وبصت ل منه

وقالت :

هو عرف ازاى انى انا هنا

وفى شقه غزل

علشان كده شكى زاد فيكى يا منه

منه.. معرفش بصراحه عرف ازاى

وعد.. لازم نبلغ يا جماعه

منه.. ياريت

الام.. انا موافقه

بابا منه.. وانا كمان

واتفقوا مع بعض ونزلوا

وفى نزلتهم من العماره

كان فيه قوه من ظباط الشرطه
نازلين من العماره

وقفوا متنحين وخافوا

وقالوا يا ترى فى مصيبه ايه تانى

وهما واقفين

سألوا البواب بعد ما الظباط مشيوا

البواب.. هما قالوا انهم جالهم بلاغ
ان قاتل الست غزل

فى الشقه

ولما طلعوا مكانش حد موجود

بس لقوا مخدرات

والشمع الأحمر متشال

بصوا لبعض وسابوا البواب ومشيوا

بابا منه راح جاب العربيه

وخدهم فيها

وعد.. اه عرفت انا عايشه ليه

كان عاوز يلبسنى مصيبه

ابن الكلب ده

منه.. اكيد علشان مدوريش وراه تانى

الام.. بس جاب المخدرات دى منين
هو حيلته حاجه

ده كحيان وكل فلوسه

ضايعه على الشرب والرقاصه

وعد.. اكيد معاه شريك

ممكن يكون مؤمن ده يا منه

منه.. معرفش بس كل اللى اعرفه

ان مؤمن ساب غزل

ومكانش بيرد عليها

الاب طلع بالعربيه على قسم الشرطة

وقفوا قصاد القسم

بس هنا وعد قالت

فى حاجه غريبه مش اقولها ولا لأ

الام.. قولى يا بنتى

وعد.. فى ڤيلا عماد

فى صندوق بتاع مراته

فى ايشارب وكمان دبله الماظ مكتوب عليها غزل

ومكتوب عليه موت غزل

وبعدين انا سمعت عماد بيقول

انه اغتصب حد بالعافيه
وكان فى حد بيساومه

وصوته عالى وقاله

انت وأصحابك لمستو جسمها بس وبعد ما اغمى عليها

انا اللى عملت كل حاجه

و كمان شوفت معاه فون غزل وعقد الشقه

منه بذهول.. معقول عماد هو اللى اغتصب غزل

منه لله كله بسببه

الام.. يا مصيبتى هى غزل حد اغتصبها يا منه

منه حكت لها كل حاجه بالتفصيل

وبعد ما خلصت كلام

الام.. علشان كده كانت مصره تتجوزا

اكيد كانت فاكره انه هيستر عليها

اهو موتك يا غزل يا بنت عمرى💔

الاب.. لازم ناخد حقها

يلا ادخلى بلغى وخودى معاكى وعد

ودخلوا مع بعض

وبلغوا بالفعل وقالوا كل اللى يعرفوه عن القضيه

وهنا بقى وعد كلمت دكتور تعرفه

كان ابنه ظابط

وطلبت منه المساعده

علشان ينجزوا ويقبضوا على عم غزل

ويقراروو

وبعد ما قفلت قالت :

.. كان لازم واسطه

اصل الدكتور ده بيعزنى اوى

وابنه بقى شاطر جدا

وان شاء الله خير

وقربت من ام غزل وخدتها فى حضنها

وبعد ما بلغوا ولسه هيخرجوا من القسم

امين شرطه خرج وراهم وطلب منهم يقعدوا

وبعد مرور ساعه

= فى قوه طلعت على بيت البساتين

وكان العم موجود وشارب كالعاده

وقبضوا عليه

ولما وصلوا نزل وفى ايده الكلبشات

وتم معااه التحقيق وبالمواجهه

مع منه

انهار وقال كارثه

الظابط.. مين قتل غزل

الاب.. مش انا.

الظابط.. أنطق اومال مين

الاب رد وقال

فلاااااااااش باااااااك

الفون رن..

غزل.. والله وبقى الفون يرن

تلاقيها الرقاصه

اللى دايره وراك فى كل حته

الاب.. هتعملى عليه شريفه

مش كفايه الواد اللى ماشيه معااه ع جوزك

الباب اتفتح وكان اسلام

بتخونى ابويا يا بنت الكلب

غزل.. اسلام ايه اللى جابك هنا
وبعدين اوعاااا تغلط فيا

اسلام.. انتى زباله يا بت

غزل قربت منه وشدت معااه

اسلام مسك رقبتها وقال

ابوكى اللى رباكى

قصدى عمك اللى من دمك

باعك ليه بقرشين

وبيضم ايده حوالين رقبه غزل

وعينها كانت كلها دموع

وبصت اخر بصه لعمها

وقالت كده يا بابا

اسلام بيضغط على رقبتها ب الايشارب

خاينه فاجرة كان يوم اسود يوم ما بابا عرفك

غزل بطلع فى الروح

وفى اخر نفس

وغمضت عينها ووقعت على الأرض

العم.. ايه ده انت بتعمل ايه

اسلام.. عملت ايه خلصتك منها

ومن سلوكها الزباله

العم.. احنا متفقناش ع كده

انت قولت هتهوشها وبس

غزل.. اه اه اه الحقنى يا بابا انا بموت

اسلام بخوف.. دى لسه عايشه

نزل على الأرض وخد الدبله والفون من ايدها
وشالها ودخل البلكونه

العم.. رايح فين يا اسلام بيه

اسلام.. هخلص منها

دى لو عاشت هنروح انا وانت فى داهيه

وقف فى البلكونه

والايشارب وقع منها على الأرض

وبص ورماها ووقعت غزل من الدور ال 12

جثه هااامده

العم.. يا نهار اسود البت راحت 😭

اسلام خد الشال والفون ونزل جرى

العم.. يا اسلام بيه هتسبنى لوحدى

ونزل يجرى

عووووووووده

العم.. انا مقتلتهاش حضرتك

هو قال هيهوشها لما عرف انها بتعرف راجل

على ابوه

وقالى كلمنى لما تكون عندها

مقابل مبلغ

وانا فعلا كلمته واتفجأت انه قتلها

وغصب عنى هربت

اصل اسلام ده ايده طايله

الظابط.. وعرفت ازاى ان وعد فى الشقه

العم.. منه هو

ما هو كلمنى وقالى بدور ورايا

وانا روحت الشقه وشلت الشمع الأحمر

ولما دخلت تدور على دليل وانا شوفتها
شيلتها ووهمتها انى هقتلها

الظابط.. ومقتلتهاش ليه

العم.. يا بيه هى اغمى عليها

وانا كلمت اسلام وقالى هيتصرف

وانه هيلبسها جريمه

هو كان عاوز انى هقتلها

بس انا رفضت

وكان رده انه هيتصرف

ما انا عرفت منه انها ممرضه ولدته

وكمان كانت بتشتغل فى المشرحه

ومكنش مستريح لها

لانها مكانتش طبيعيه

وعرف انها بدور ع قاتل غزل

اصل كان بيراقبها

منه.. منك لله حسبى الله ونعم الوكيل فيك

وتم القبض عليه

وطلع تصريح من النيابه بتفتيش

الڤيلا والقبض على اسلام

الاب خارج وفى ايده الكلبشات

الام قامت زى المجنونه

وبعزم ما فيها

قطعت وشه بضوافرها

وهو كل اللى على لسانه

انا مقتلتهاش بس كانت تستاهل القتل

كفايه أخلاقها دى فضحتنا
وخدوا على الزنزانه

وبعد ساعه…

تم القبض على اسلام

وعماد والأم

وبسؤال اسلام ومواجهته مع عم غزل

اعترف انه قتلها علشان سوء سلوكها

واعترف انه امه وابوه عرفوا

انه قتل غزل بالصدفه

بعد ما اكتشفوا الايشارب معاه والفون

والدبله

وهنا هناء قالت : انا ضللت العداله

وكان ذنب غزل فى رقبتى

لما خبيت الحاجه معايا

بس خوفاً على ابنى الوحيد

وانهارت

وتم القبض عليها لتضليل العداله

مامت غزل بحرقه.. يا بنت الكلب

خايفه ع ابنك الوحيد

ما هى بنتى الوحيده

هناء فى ايدها الكلبشات

وعينها فيها دموع

واتحبست ع ذمه القضيه

وبسؤال عماد : انا كنت بحب غزل

ومعرفش ان اسلام ممكن يقتل

بس بعد ما اتقتلت كان راجع البيت

ومرتبك اوى

ومعرفتش غير من هناء لما دخلت عليه

بفون غزل

الباب بيخبط

وكان عسكرى

وقال إن وعد ومنه طالبين يدخلوا

علشان يواجهوا عماد

ولما دخلوا

منه.. منك لله

كله بسببك

انت اللى اغتصبت غزل

عماد ب ارتباك.. ايوه

انا اللى اغتصبتها علشان اعرف اتجوزها

وعد..علشان تتجوزها

تغتصبها

عماد.. كانت حلوه وطلبت منها الجواز

ورفضت عشان اكبر منها

فحبيت اكسر عينها

وتتجوزنى غصب عنها لما تعرف

انى هستر عليها

وفعلا ده اللى حصل

منه.. كنت اخر شخص ممكن اشك فيه

انك اغتصبت غزل ربنا ينتقم
منك

وتم القبض على عماد

بتهمه تضليل العداله واخفاء معالم الجريمه لحمايه ابنه واغتصاب غزل

وتم القبض عليهم جمعياً

……..

وكانت القضيه كبيره واتحكم فيها بسرعه

وكانت الأحكام هى

عماد اتحكم عليه ب 5 سنوات

هناء. اتحكم عليها بسنه واحده

العم.. اتحكم عليه ب25 سنه سجن

اما اسلام اتحكم عليه بالإعدام شنقاً

……..

بعد مرور 6 شهور

فى السجن هناء عرفت ان ابنها الوحيد اتعدم

ماتت ب السكته القلبيه من الزعل عليه

اما عماد قابل موت ابنه بانهيار عصبى

وجاله حاله زهايمر

ودى كانت نهايتهم

فى شقه البساتين…

مامت غزل قعده فى اوضتها وكانت بتقرأ لها

قرأن

الجرس رن

قامت وسابت المصحف وفتحت الباب
وكانت وعد

بتطمن عليها

من يوم ما اتعرفت عليها

وهى حبيتها واعتبرتها بنتها زى غزل

وبالفعل وعد كانت بتزورها دايماً

= اما منه بقى كان حالها حااال

لما بلغت عن الجريمه وطبعا هى معملتش حاجه

بس وعد انقذتها لما بلغت

وكانت شاهد مالك

وبالنسبه لأحمد حاول يرجع لها

بس رفضت وبعد ما كانت ابتدت تحب اسلام

وفهمت مع الوقت انه كان واخدها سكه

لغزل علشان يعرف اخبارها

ولما ماتت اتغير منها

وطبعا سابها

والأستاذ احمد طلع مش كويس

لانه لما عرف ان غزل اتجوزت عماد

وعلى علاقه بمؤمن خد منه بذنبها

وسابها ولما كانت بتحاول تكلمه كان بيكنسل

عليها

وادها بلوك بعد موت غزل

واتهامها فى شرفها وانها زى بنت عمها

كان جبان وطلع مش راجل زى ما هى متخيله

واتقدم لها شاب جارها

بس هى حبت تكمل دراستها من غير ما حاجه

تشغلها عن الدارسه ورفصته

……

وفى يوم وعد راحت الڤيلا

تاخد هدومها

وكمان هى كانت ناسيه موضوع هدومها ده

خالص

ولما وصلت

كانت البوابه مفتوحه وإيهاب السواق قاعد

ولما شافها رحب بيها وقابلها احسن مقابله

وطلبت منه يطلع اوضتها ويجيب لها هدومها

وفعلا طلع

وعد واقفه مستنياه وفجأه

ماهر جاى بيجرى وحضن وعد

وعد..يا ابن المجنونه

ماهر.. انتى تانى يا بت يا كميله

وعد.. يخربيتك انت لسه عبيط

إيهاب نزل وسمع كلامها مع ماهر

إيهاب بضحك.. بالذمه الراجل معاق ذهنيا

وانتى بتقوليلوا انت لسه عبيط

ماهر.. دى كميله اوى وانا هتحوزها

وهنا خرجت واحده ست

وفيها شبهه من هناء

ونادت على ماهر

ماهر جرى عليها وحضنها

وعد.. هى مين دى

إيهاب.. دى هاله بنت خاله مدام هناء الله يرحمها بقى

وولدتها كمان ومعاها بنتها وجوزها

وهما مسؤلين حاليا عن ماهر والثروة كلها

لحد ما عماد بيه يطلع ده لو كان فاكر حاجه

من الأساس

وعد.. خدوا جزائهم خلاص

وكملت كلامها بتنهيد

بس والله كويس انهم هياخدوا بالهم من ماهر

الواد عبيط وغلبان

اينعم قليل الادب 😂

بس غلبان

ايهاب.. انتى كويسه الحمد لله

وعد.. الحمد لله بخير

هاله.. ايهاب جهز العربيه

وعد.. شكلك كده عندك شغل

اسيبك انا وفرصة سعيدة

إيهاب.. وانا اسعد

وعد.. سلااام

إيهاب.. سلام

ومشيت وعد وكان عندها ورديه فى المستشفى

ولما وصلت

دخلت اوضتها وغيرت هدومها

ونامت مكانها

وحلمت ب غزل ولما قامت من النوم

كانت نور قاعده قصادها

وقالت.. بت يا وعد اصحى

وعد بفرح.. شوفتها بتضحك

انا فرحانه اوى

نور.. هى مين دى؟

وعد.. غزل

نور.. غزل مين

وعد.. غزل يا بنتى

نور.. هى كميا يعنى قومى بسرعه

فى شغل تحت فى المشرحه

وعد.. انتى بومه صح

والله بووومه

وقامت تشوف شغلها

وعدت على د. ندا

وقابلت شريف وقعدت معااه وشربت شاى

ولما فضيت من الشغل

دخلت المشرحه

وقفت تبص للادراج وكان فى درج

مفتوح ولما قربت منه

كان فيه جثه طفل صغير

وكان مشهوه

عينها دمعت وصعب عليها

قفلت الدرج

ونزلت لدكتورة ندا وسألتها

عن تقرير الطفل وليه مشهوه بالمنظر ده

وعرفت من دكتورة ندا

ان جارته حرقته ومحدش يعرف السبب

وخرجت من عند د.ندا

وقالت لازم اعرف الولد ده ليه حصله كده

وليه جارته المفتريه تشوهه

وفجأه رقعت ضحكه

وحطت ايدها على بوقها

وفى دخله عم مينا حارس، المشرحه

اما شافها بتضحك قالها

يا بنتى الضحك فى الميت حرام

وعد.. اه اخلى بالى فى ميتين جوه 😂😂

وعد فطسانه من الضحك

ومينا الحارس واقف يهزر معاها

وقعدت جمبه وقالت ايه رأيك تشرب نسكافيه

مينا الحارس.. ياريت

نور البومه وشريف

قعدوا معاهم ووعد عملت النسكافيه

ليهم كلهم ورجعت لحياتها الطبيعيه

ولشغلها ومع الوقت طلبت انها متنزلش المشرحه تانى

وفعلا بقت ممرضه فى المستشفى وبس

ورجعت ليها ضحكتها الحلوه

وفى يوم عيد الام خدت تورته ومعاها مامتها

وراحت لمامت غزل وقضت معاها

اليوم ده وكان بالنسبه لمامت غزل
عوض عن بنتها

اللى غلطت وراحت ضحيه افعالها

مامت غزل كانت سعيده بوعد

وعد.. كل سنه وانتى طيبه يا اجمل ام

وفتحت الهديه وكان فيها مصحف وصوره

كبيره لغزل

الام مسكت الصوره وخدتها فى حضنها

وعلقتها على الحيطه

وعد جهزت التورته وقعدوا احتفلوا باجمل مناسبه

الام واقفه وبتقطع التورته وحست بصوت غزل

وافتكرتها وهى بتقولها كل سنه وانتى طيبه يا ماما

والدموع نزلت من عينها ما هى ام وعمرها

ما هتنسى ضناها

وعد.. يلا يا حجه افتحى بوقك وكلى التورته

الام رجعت من تفكيرها والتورته فى بوقها

وضحكت ووعد حضنت مامتها ومامت غزل

وانتهت قصتنا

تن تن تن تن تن القصه خلصت يا حلوين 💙

والله الوقت بيجرى بسرعه معاكم 😍

عاوزه رأيكم فى كومنت ♥️

ومش هتكلم على تفاعل فى اخر بارتين عااا😂❤️

استنونى فى القصه الجديده 💖

لمتابعه الرواية من البدايه تفضلوا الرابط

روايه غزل الجزء الأول بقلم كوكي سامح

ما مدى فائدة هذا المنشور؟

انقر على نجمة لتقييمه!

متوسط ​​تقييم 5 / 5. عدد الأصوات: 2

لا أصوات حتى الآن! كن أول من يقيم هذا المنشور.

As you found this post useful...

Follow us on social media!

banner
http://www.reel-story.com/

عن الموقع ورسالتنا القصة والرواية هي فن من الفنون الإنسانية الرائعة التي تروي القصص الخيالية والواقعية من أجل العبرة والعظة والتعلّم منها دائماً، فهيا بنا سوياً لهذه الرحلة الرائعة في بحر الأدب العربى والتعرف أكثر على الروايات الشهيرة التي اخترناها. سواء كنا نحب أن نقرأها أو نسمعها ..أو نشاهدها، فنحن نحب القصص. منذ فجر التاريخ عندما كان البشر يتجمعون حول النيران، إلى عصر النتفلكس، نحن نحب القصص.. قد يبدو الأمر مجرد تسلية وتزجية للوقت، لكن أي شيء منتشر إنسانيا لهذه الدرجة، وعبر التاريخ، لا بد أن يرتبط بشيء أكثر جوهرية من مجرد التسلية

Comments to روايه غزل الجزء التاسع والعاشر بقلم كوكي سامح #9

اترك تعليقاً

لن يتم نشر عنوان بريدك الإلكتروني.

The maximum upload file size: 512 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

Reel-Story © 2020 | Established in 2019 Privacy Policy I Terms & Conditions I Advertise I Contact