روايه غزل الجزء السابع والثامن بقلم كوكي سامح #7

5
(1)

 774 اجمالى المشاهدات,  2 اليوم

روايه غزل

الجزء السابع والثامن

الكاتبه // كوكى سامح

كل سنه وكل ام طيبه يارب تكونوا استمتعوا

النهارده مع امهاتكم ربنا يبارك فى عمرهم 🙏❤️

وربنا يرحم كل ام وعيدها فى الجنه ان شاء الله 🙏

ونبدأ أحداث قصتنا

روايه غزل

الجزء السابع

الكاتبه // كوكى سامح

ولما ماهر خد منها الصندوق وطلع يجرى

وعد اتخضت ومش مستوعبه انه خده منها

وجريت وراه وهو يجرى فى الڤيلا

ويطلع لسانه ويغيظ فيها

وفتح الباب وطلع الجنينه

وعد.. يا ابن المجنونه

اعمل ايه بس انا خايفه حد يصحى

على صوت الواد المتخلف ده

وطلعت جرى وراه

ولما خرجت الجنينه كان ماهر اختفى

وقفت مكانها متسمره وكانت بتكلم نفسها

وبتقول : الواد العبيط راح فين ياربى بقى

اعمل ايييه دلوقتى

وفضلت تبص فى الجنينه بس كانت ضلمه

وكملت كلام مع نفسها

وحطت ايدها فى وسطها

وقالت : ده اول يوم ليه هنا

وانا مش عارفه طريق اى مكان

حتى الجنينه كبيره جدا

وممكن اتوه فيها

هو فين بيودى على فين

وبقت تبص شمال ويمين

وتدور على ماااهر

ومشيت فى الجنينه

مع نفسها والدنيا ضلمه

وتقول بصوت وشوشه

يا ماهر يا ماهر بيه

يا واد يا عبيط يا واد يا هبل

روحت فين يا ابن المجنونه

وكانت ماشيه بخطوات بطيئه

وعينها فى كل الجنينه

ولما وصلت لغرفه البواب

كان الباب مقفول

وقالت فى سرها

يمكن ابن المجنونه دخل هنا

وقربت من الباب وفتحته بشويش

وكانت الغرفه فاضيه

ومفيهاش اى حد حتى

البواب مش

موجووود

وعد استغربت

فين البواب راح فين فى وقت زى ده

ياااه انا مالى بيه بسس

فين ابن المجنونه راح فين

الواد معاااه الصندوق لو حد شافه

تبقى مصيبه

علشان مش هيعرفوا انا اخدت الصندوق

ده لو حد شافه هيقول

انى حراميه

وممكن يحبسونى 😃

وبقت تكلم نفسها وهى ماشيه

فى الجنينه

يا نهار اسود

قصدى يا ليله سوده

فين ابن العبيطه راح فييين

وفجأه لقت نفسها قدام باب الڤيلا

والبواب قاعد ومعاه شاب

هى متعرفوش

بس خافت تسألهم او حتى

تقرب منهم

ووقفت مكانها

وهى واقفه حست بحد وراها

وكان ماهر

وحضنها من ضهرها

وحاول يتحرش بيها

بصت وراها ولما عينه جت فى عينها

شافته بيضحك ضحك هيسترى

خافت منه وحاولت تبعده عنها

بس هو حضنها جااامد

وعد مش قادره تصوت وفى نفس

الوقت خايفه منه ومرعوبه

لانه معاق وممكن يإذيها

وقالت فى سرها

انا لازم اتجاوب معاه

لحد ما يحل عنى

ومن الواضح أن الصندوق

مش معااه

والواد عبيط هيجى بالسياسه

ولازم اعرف الصندوق فييين

وعد حضنته واديته بوسه فى خده

ماهر ضحكك وسابها

وعد.. ازيك يا ماهر

ماهر.. ازيك يا كميله

وعد.. مممم انا بخير

وعد بتتلفت شمال ويمين

وقالت بشويش :

فيين الصندوق

اللى انت اخدته منى

ماهر شاور بإيده على الارض

وقال : السندوق اهو

يا كميله انتى

انا انا انا عارفه ده بتاع البت هناء

وعد.. البت هناء

هى هناء بقت بت 😂🤔

ماهر بيبص حواليه

وقرب من وعد وقال

انتى كنتى بتجرى من البت هناء ثح

هى ضربتك

زى ما ضربتنى

أصلها غبيه اوى انا عارفها كويس

وماهر بيتكلم وعد بتسمعه

بس مش فاهمه كلامه

وسألته

هى مامتك هناء بتضربك

ماهر رد عليها

وكأنه انسان طبيعى

وقال بحزن

دى مش ماما

الماما تاعتى ماتت من زمان💔

والدموع نزلت من عينه

فى الاول وعد كانت بتسمعه

على أنه بنى ادم معاق ذهنياً

إنما لما اتكلم عن مامته

وعيط صعب عليها

وحضنته

وقالت : الله يرحمها

وسابته ووطت على الأرض وخدت الصندوق

وقالت لماهر

لو محتاج حاجه انا جمبك

كلمنى على طول

ومن الواضح أن وعد نسيت

ان ماهر معاااق

وبتكلمه عادى

إنما ماهر قرب منها

وهحاول يضايقها تانى

وعد جريت منه

ودخلت الڤيلا وجريت استخبت فى المطبخ

وطبعا وعد مضايقه من ماهر

جدا

لانها كانت واقفه بتسمع عماد

وكانت عاوزه تعرف هو بيتكلم على مين

وعد واقفه فى المطبخ

وكانت حاسه بالجوع

فتحت التلاجه

وبعد كده اترددت

خدت الصندوق وخرجت بره
المطبخ

وكانت الڤيلا مضيئه انوار خافته

بس نور غرفه عماد

وطبعا كان المكتب كان مفتوح

قربت منه يمكن تسمع حاجه

تانى

ولما بصت كان الباب موارب

وشافت عماد نايم وفى ايده

صوره غزل

ومن هنا حست ان عماد بيحب غزل

خدت بعضها وطلعت الغرفه

اللى جمب غرفه هناء

وفتحت الباب وقفلته وراها

ودخلت وقعدت على السرير

وكانت قلقانه

حطت الصندوق على السرير

وخرجت تطمن وتشوف هناء

صاحيه ولا لسه نايمه
وفعلا خرجت واطمنت ورجعت
جرى على الغرفه
وقفلت الباب عليها

وقعدت على السرير
وفتحت الصندوق

وشافت حاجه غريبه

ايشارب لونه موڤ

وكان حرير

ومعاااه دبله الماظ مكتوب عليها غزل

مسكت الصندوق

واتأكدت من المكتوب عليه

موت غزل

وابتدت تشك ان هناء هى اللى قتلت غزل

وقالت لنفسها

لو هناء قتلت غزل

قتلتها فين وازاى

انا عرفت من د. ندا ان غزل

اترمت من الدور ال 12

وكانت مخنوقه بايشارب

ومسكت الايشارب وقالت

اكيد ده الايشارب اللى غزل اتخنقت بيه

بس فين المكان اللى غزل اترمت منه

انا حاسه انى هتجنن
بجد

يا ترى هناء القاتله ولا لأ

بس ممكن تكون هى القاتله

ما هى ضرتها واكيد كانت محروقه منها

غزل حلوه وصغيره

ومسكت الدبله الالماظ

وقعدت تلعب بيها وقالت

اكيد دى دبله غزل

بس فى حاجه

لو هناء قتلت غزل بجد

هتكتب على الصندوق

موووت غزل

يعنى معقول تفضح نفسها

انا خلاص هتجنن

انا جعاانه موت

وعاوزه اطمن على ماما

وبعدين انا عاوزه هدووم اعمل ايه بقى

وقفلت الصندوق واتسحبت

على اوضه هناء ورجعته مكانه

ونامت مكانها رغم أنها جعانه

9.00 Am
= فى صباح اليوم التالى

وعد قامت من النوم واتخضت لما

بصت على سرير هناء
وملقتهاش

قامت من مكانها وخرجت

وقابلت فى وشها اسلام

اسلام.. ايه يا وعد ده بالراحه على نفسك
يا بنتى

وعد.. انا عملت ايه
وبعدين مش تقول صباح الخير

اسلام.. صباح الخير

وعد.. صباحوووو

اسلام.. انتى بتجرى كده ليه؟

وعد.. انا لسه صاحيه ولما شوفت سرير
مدام هناء فاضى اتخضيت
وكنت بدور عليها

اسلام.. ماما فى الترب

وعد.. ترب ليه فى حاجه

اسلام.. راحت تزور غزل

وعد قالت فى سرها

يخربيت كده تقتل القتيل وتمشى فى جنازته

اسلام.. بتقولى حاجه

وعد.. بقول تعيش وتفتكر

ويارب يارب يارب الحقيقه تبان وتعرفوا
القاتل

اسلام.. ان شاء الله

وعد.. ممكن سؤال

اسلام.. اتفضلى

وعد.. هو ماهر الواد العبيط ده
اسفه اسفه مش قصدى

اسلام.. ماله

وعد.. هو اخوك

اسلام.. ابن خالتو الله يرحمها
وماما المسؤله عنه

وعد.. اه تمام تمام

اسلام بصلها ومستغرب من حركاتها

وعد.. معلش ممكن سؤال تانى

اسلام.. عادى قولى بسرعه

مش عاوز هرررى ممكن

وعد.. هى غزل ماتت ازاى

اسلام.. ويخصك فى ايه

وعد.. أصلها صعبانه عليه ونفسى اعرف

حكايتها

اسلام.. هى غزل بقت حكاية
واو غريبه دى

وعد.. خلاص مش عاوزه اعرف

رد وقال : ياريت متعرفيش

احسن

فون اسلام بيرن

ولما رد قال الو يا منه

الجزء الثامن 🧡

ولما رد على الفون كان متعصب

وقال بنرفزه الو يا منه

عاوزه ايييه تانى

وعد افتكرت ان دى خطيبته

ونزلت تحت

لأنها جعانه جدا

وطبعا متعرفش ان منه اللى بتكلمه

بنت خال غزل

وعد نزلت المطبخ ولما دخلت

كان موجود نفس الشاب

اللى كان قاعد مع البواب

ولما شافته قالت انا ميته جوع

مفيش حاجه أكلها

رد وقال

قولى صباح الخير الأول يا انسه

قالت باحراج

اسفه صباح الخير

هو انت مين

رد وقال انا إيهاب ابن عمك عبدالله السواق

وعد.. عاشت الاسامى

انا بقى وعد ممرضه وجايه هنا

اشتغل كام يوم علشان بتابع

حاله مدام هناء

إيهاب.. اهلا بيكى

وعد.. معقول كل الڤيلا دى مفيهاش

حاجه أكلها

إيهاب.. فى التلاجه

وفتح التلاجه وطلع جبنه ومربى

وقعد يفطر معاها

وهنا بقى وعد طلبت منه

انه يروح معاها البيت تجيب هدوم

ليها وطبعا وافق

وبعد ما فطروا

إيهاب خد وعد وراح معاها

علشان يوصلها تجيب الهدوم ويرجع

بيها

والانسه وعد قبل ما تمشى
اتصلت ب هناء بس كان
مقفول

واستأذنت من اسلام

وفعلا خرجت مع إيهاب وركبت

معاااه العربيه

وقعدت تتكلم على المستشفى

وفى ضمن الكلام

ذكرت غزل

وسألت عنها إيهاب

إيهاب اتنهد تنهيده حب

وقال : غزل كانت جميله

كلها حيويه ونشاط

وعد.. انت تعرف عنها كل حاجة

إيهاب.. انا متربى هنا اساسا

وعلى فكره غزل عاشت

فى الڤيلا 6 شهور وبسس وماتت

بعد كده

وعد..قصدك اتقتلت

إيهاب.. اااه اتقتلت

وعد.. انا عرفت انها ماتت موته بشعه

إيهاب.. اترمت من عمارة من الدور ال 12

وكمان اتخنقت

رغم حركاتها اللى كانت بضايق

بس حزنت عليها

وعد.. حركات ايه؟؟؟

اللى كانت بضايقك

وبعدين يعنى لامؤاخذه انت غلبان زى حالاتى

وشغال سواق عندها

ايه اللى هيزعلك منها

دول ناس من نوع تانى

غيرنا

وفتحت الشباك وبصت منه وقالت

ناس عايشه فى عالم واحنا
فى عالم تانى
يدوب لما يسلموا علينا
يغسلوا ايدهم بعدها

إيهاب.. عندك حق

وعد.. ممكن تكلمنى عن غزل شويه

إيهاب كان مستغرب من وعد

وقال : انا شايفك مهتمه اوى بغزل

وعاوزه تعرفى عنها كل حاجه

ليه ليه ها؟!

وعد.. عادى والله بس فعلا البنت

صغيره وماتت مقتوله

ونفسى اعرف كانت عايشه ازاى

رد وقال : ماشى يا ستى

غزل بعد ما اتجوزت

وجت الڤيلا بعد شهر العسل

كانت مبسوطه وخصوصا لما هناء هانم

حبت وجودها

كانوا كويسين مع بعض جدا

لدرجه ان هناء كانت بتقولها يا بنتى

وغزل بتقولها يا ماما

وعد.. يا سلام ونعم الانسجام
بتقولها يا ماما

اكيد هناء راميه طوبه عماد 😂
وده اكبر دليل

انها بتقولها يا ماما

إيهاب.. هناء هانم فى صله قرابه بينها

وبين عماد بيه

وبابا كان بيقولى ان الجواز كان مصلحه

علشان الورث ميخرجش بره

وكان بيعاملها عادى

بس لما اتجوز غزل

هناء هانم وافقت على الجواز

وقالتله غزل كفايه عليك وسبنى فى حالى

وفعلا كانت بتنام لوحدها

لان قبل ما يتجوز غزل
كلم هناء قدام الكل
وقال انه هيتجوز

وكان ردها انها موافقه

بس يبعد عنها

وعد.. ممممم
كمل كمل

إيهاب.. اكمل ايه

وعد.. كمل كلامك

عن غزل

وطبعا إيهاب بيتكلم مع وعد ومش عارف نيتها

وانها بتستدرجه فى الكلام

وكمل كلامه وقال

هى كانت مغروره بس مثيره

النظره منها تسحر

وعد.. باين عليها كانت حلوة اوى

إيهاب.. كانت جميله

بس عصبيه ومش سهله
لدرجه ان اللى يشوف طريقه
كلامها يقول عليها كبيره عن سنها كتير
ومن الواضح انها عاشت تجارب كتير
ومش خاام خالص

وعد مستمعه وبتحاول من خلال
كلامه توصل لأى خيط
يدل على الحقيقه

إيهاب كمل كلامه وقال :

والله انا مش عارف مين

اللى قتلها

بجد ليه يعمل كده

بس انا عندى شك علشان حصل موضوع

قبل كده وانا مقولتش عليه

لأى حد

وعد قالت بلهفه : موضوع ايه؟

قول بسرررعه وحياه ابوك

رد وقال : بس امانه عليكى

مفيش حد يعرف

الكلام ده بينى وبينك وبس

علشان لو حد عرف
ممكن اروح فى داهيه

وعد.. قول انا بير اسرار
عيب عليك

وابتدى يحكى ل وعد وقال :

عارفه فى يوم كانوا كلهم مسافرين

ومكانش فيه غير غزل وبس

فلاااااااااش باااااااااااك

إيهاب قاعد على باب الڤيلا

غزل خرجت من بلكونه اوضتها

وندهت على إيهاب

إيهاب طلع جرى

وكان باب الاوضه مقفول

وطلبت منه يدخل عليها

ولما دخل كانت نايمه فى السرير

ولابسه دريس حملات قصير جدا

إيهاب.. ادخل يا مدام غزل

غزل.. تعالى يا إيهاب

بس إيهاب كان واقف قصادها

وكأنه عمره ما شاف ستات

غزل.. تعالى اقعد عاوزاك

وطلعت سيجاره

وسألته بتشرب سجاير

إيهاب.. لا لا مش بشرب

غزل.. طيب

هات الولاعه

إيهاب قاعد قصادها ووشه احمر

وغزل قاعده بكل جراءه

إيهاب.. الولاعه اتفضلى.

غزل.. ميرسى

وولعت السيجاره وابتدت تشربها

وقالت.. هات تليفونك

إيهاب.. 010 !!! ؟؟

غزل.. ايه ايه ايه

هات الفون نفسه العده مش الرقم

إيهاب.. اه اتفضلى

ومسكت الفون واتصلت

ولما الرقم رد عليها قالت بنرفزه

يعنى مش عاوز ترد عليه

ماشى يا مؤمن

انا عاوزاك ضروى

ياريت تروح الشقه وانا هسبقك على هناك

بس مؤمن قفل فى وشها

واتصلت بيه تانى

وكانت بلوك

واتعصب ورمت الفون على الأرض

إيهاب.. ليه كده بس يا غزل هانم

انا محلتيش غيره

غزل.. اسفه

ماشى يا مؤمن الكلب

عووووووووووووده

وعد.. مين مؤمن ده كمان

إيهاب.. معرفش بس لما كلمته

كانت مضايقه ومتوتره

تقريبا كان فى بينهم مشكله

وعد.. يمكن اخوها ولا حاجه

إيهاب.. لا مش اخوها

يعنى اخوها هيعملها بلوك

وبعدين من يوم ما اتجوزت

مشفتش ليها غير ام وأب وبس

وشكلها كده كانت مظبطه مع مؤمن ده
والله اعلم

وعد.. يا نهار اسود دى متجوزه

إيهاب.. انتى فاكره ان اللى زى غزل
دى تعمل حساب لجوزها

دى كانت بتهزقه

وكان ماشى وراها زى الكلب

العربيه وقفت ووصلت وعد لحد البيت

وطلعت فى السريع

اطمنت على مامتها وسابت لها فلوس

وخدت هدوم ونزلت جرى

ورجعت ركبت العربيه

وطلعوا على الڤيلا

وطبعا هى عرفت شويه تفاصيل

بس لسه مش فاهمه حاجه

ولما رجعت كان باب المكتب مقفول
وفتحت الباب ودخلت

وكان المكتب فاضى

بس كان عندها فضول تتفرج ع المكتب

وتدور يمكن تلاقى حاجه

ولما فتحت الدرج شافت عقد

وموبايل

والموبايل كان مقفول

وخدته ولما قرأت عقد الشقه عرفت

ان الشقه فى الدور ال 12 فى مصر الجديدة

واستغربت

وقالت يبقى دى الشقه اللى اترمت منها

بس يا ترى مين اللى رماها

هناء اللى معاها الايشارب ودبله غزل

ولا عماد اللى معاه العقد

وكانت متحيره

وخدت الموبايل وطلعت ع اوضتها

يمكن تلاقى فى حاجه

ولما فتحته

كان عليه صوره غزل

وكان مفتوح من غير كود

وهى بدور فى الموبايل شافت رسايل

وعرفت انه فون غزل

ولما فتحت الواتس

شافت رساله من شهرين

وكان مكتوب فيها

خلاص يا منه هكون جمبك

يا بنت الخال

عماد وافق اخد شقه فى العماره

عندكم تمليك

منه.. بجد انا مبسوطه اخيرا هتبقى جمبى

غزل.. ايوه يا روح بنت عمتك

ما انا كان لازم اعمل كده

واخد شقه وابقى جمبكم

علشان اصالح خالى

ومن وقت ما اتكلمتى وقولتى ان صاحب

العماره طالب مستأجر لشقه

وانا مكنتش ع بعضى

كلمت عماد ووافق وبصراحه مقصرش

وكلم صاحب العماره

وخدها تمليك الحمد لله

منه.. تعالى بسرعه علشان تصالحى بابا

غزل.. ده خالى حبيبى ربنا يخليه لينا

وعد بعد ما قرأت الكلام

شافت كام رساله محذوفه

قفلت الواتس والتفكير

شاغل دماغها

مين قتل غزل

فى الغاز كتير هى مش فاهمه منها حاجه

وكلمت نفسها وقالت

أومال عماد اغتصب مين؟

ومين مؤمن ده؟؟

وليه هناء شايله معاها الايشارب

اللى غزل اتقتلت بيه

وفردت نفسها على السرير

وقالت : انا لازم اشوف منه بنت خااال

غزل

البنت دى هى اللى معاها الخيط

اوباااااااااا

وافتكرت اسلام وهو بيتكلم

فى الفون وقالت

معقول انا سمعته بودانى دول

وهو بيقول منه

وكان مضايق منها

يا ترى تشابهه اسماء

الكاتبه // كوكى سامح

ولا هى بنت خال غزل

لو طلعت هى يبقى اسلام

لى يد فى قتل غزل
والله اعلم

وفتحت سجل الاتصالات

وجابت رقم منه واتصلت من فون غزل

وطبعا هى عرفت العنوان من العقد

إنما هتعمل اتصالها ب منه حجه

تكون عرفت بيها العنوان

= فى شقه منه مصر الجديدة
وبالتحديد فى غرفتها

الفون رن

منه مسكت الفون بكسل وضيق

ولما شافت رقم غزل

قلبها وقع منها

ورددت بسرررعه وقالت غزل

بس وعد قالت

الفون ده انا لقيته فى الشارع

واتصلت بكذا رقم

ومحدش رد

بس الحمد لله ان حضرتك رديتى

لان الفون امانه

وعاوزة ارجعه لحضرتك

وعد رددت والدموع نازله من عينها

ده فون بنت عمتى

وعد قالت ممكن حضرتك تيجى تاخديه

أو تقوليلى مكانها

مكانها فييين

رددت وقالت طيب خودى عنوانى

وتعالى وانا هاخده منك

وعد قالت بس عاوزه الحلاوه

وضحكت

منه.. تعالى بس

وادتها العنوان

ولما قفلت قعدت تعيط على غزل

نرجع بقى ل وعد

وعد قفلت الفون

وبعد ما عرفت العنوان بالظبط واتأكدت منه

قامت من مكانها

وخرجت من غير ما تكلم

اى حد وخدت أوبر ومشييييت

على عماره وعد

ولما وصلت قدام العماره

قعدت جمب البواب

واطقست منه على كل حاجة

وعرفت ان غزل اترمت من فوق

وكان باب الشقه مفتوووح

والشقة فاضيه

وخدت بعضها وركبت الاسانسير

وطلعت على شقه منه

ورنت الجرس

ومنه فتحت الباب

وكانت قاعده لوحدها

وعد قالت : ممكن ادخل

ومنه كانت مرتبكه وقالت لها تتدخل

وعد اول ما قعدت طلعت فون غزل

منه اول لما شافته خدته من ايدها

وقعدت تبوس فيه

زى الطفله وكانت بتعيط بهستيريه

وعد بم انها ممرضه فاهمه انها

تعبانه نفسياً بسبب موت غزل

وفهمت من شكلها انها تعرف حاجه

ضربت على الحديد وهو سخن وقالت

انتى قتلتى بنت عمتك

غزل لييييه؟؟

منه برقت بعينها
وكان شكلها مش طبيعى

وقالت لأ انا مقتلتهاش

والله لأ مش انا لا لا مش انا

وعد قربت منها

ومنه بتبعد ووقفت عند البلكونه

وقالت : انتى مين؟

وعد.. بقولك قتلتى بنت عمتك ليه؟

منه قربت من سور البلكونه

وعاوزه ترمى نفسها

وعد جريت عليها

وقالت بتعملى ايه يا مجنونه

ومسكتها

منه.. سبينى انا عاوزه اموت زى غزل

وبصت فى عين وعد وقالت

انا لازم اموت

وعد.. قتلتى غزل ليه؟

منه.. مش انا صدقينى

وعد.. اومال مين؟

منه.. معرفش

وعد مسكتها وقالت

مين قتل غزل انطقى

منه قالت بهستيريه

انا اعرف اللى قتل غزل وجبانه

وداريت عليه

بس مينفعش اقول

وعد..بقولك قولى مين

يأما اموتك بإيدى هنا

منه.. اللى قتل غزل هو. اكتر حد حبته

وصرفت عليه وعاش فى خيرها

ولما استوعبت بتقول ايه

وانها وقعت فى الكلام

مسكت وعد بكل قوتها وبتطردها من الشقه

وعد.. يا بنت الكلب يا قتاله القتله

وقالت بانهيار مين قتل غزل بنت عمتك يا منه

منه قفلت الباب فى وشها والفون معاها

ولما الباب اترزع فى وش وعد

خدت بعضها وطلعت الشقه الدور ال 12 اللى

غزل اتقتلت فيها

وكان الباب مفتوح

اتخضت وقالت معقول باب الشقه

مفتوح ولسه القضيه شغاله

المفروض تكون الشقه متشمعه

ودخلت الشقه

ولما دخلت حد شدها وكتم نفسها وقفل باب

الشقه وهى متعرفش مين

وعد بتستغيث ومش عارفه مين

ونفسها مكتوم

مممم مممممم مممممم

وبصت وعينها فى عينه

وكانت عينه كلها شر

وقالها انتى بدورى ورايا ليه

وشالها وخدها ناحيه البلكونه

وعد مش مستوعبه وكأنها بتقول لنفسها

انا اللى جبته لنفسى

وقرب من سور البلكونه وقال

لازم تموتى زى غزل

وعد مش مصدقه اللى بيحصل لها

والراجل شايلها على ايده

وبص من السور وقام…….

تن تن تن تن تن تن تن البارتين خلصوا 💙

بسرعه والوقت بيجرى معاكم يا حلويين

انا طولت البارتييين علشان خاطركم 🤗 🙈

ومش هسأل على التفاعل عاااا😂

تابعونى ب 20 ملصق 🔖 علشان يوصلك اشعار الجزء التاسع

روايه غزل الجزء التاسع والعاشر بقلم كوكي سامح #9

ما مدى فائدة هذا المنشور؟

#موقع_رييل_ستورى

انقر على نجمة لتقييمه!

متوسط ​​تقييم 5 / 5. عدد الأصوات: 1

لا أصوات حتى الآن! كن أول من يقيم هذا المنشور.

As you found this post useful...

Follow us on social media!

0%
Reel-Story © 2020 | Established in 2019 Privacy Policy I Terms & Conditions I Advertise I Contact