600 اجمالى المشاهدات,  4 اليوم


🔥خربت بيتى الله يخرب بيتك🔥

قصة مضحكة عن شاب حاول يخطب حبيبته

أنا ياعمي جاى إنهارده عشان أتشرف واطلب ايد بنتك إسراء- طب يا ابني أهلا وسهلا ياترى بقى أنت مؤهلاتك أيه وبتشتغل أيه ؟- والله ياعمي أنا عايز أقولك على حاجه تانية الأول قبل موضوع مؤهلاتي وشغلي ده- حاجة أيه يا ابني؟- عيوبى- عيوبك ! .
غريبة دى! . أنا أول مرة أشوف حد بيبدأ تعريف نفسه بذكر عيوبه!! . واضح إنك صريح يا ابني- أيوه وهو ده أول عيب حضرتك- وعيب ليه !. . الصراحة من شيم الكرام .
قولي يابنى . أنت شوفتها فين ؟- فى الحمام حضرتك- نعم !!!- أيوه زى مابقولك كده . كنت ببص عليها من شباك المنور بقالى سنة ونص . وياما شوفتها بتستحمى . .
وبصراحة جسمها عجبني جدا وعشان كده أنا جيت لحضرتك . .- أنت بتقول أيه ياكلب !!. أنت بتتجسس على بنتي من سنة ونص ! . وبتتكلم عن جسمها كده عيني عينك . أنت مجنون ولا أيه !!!!- ماهو ده العيب التاني حضرتك . أنا فعلا كنت مجنون من حوالي سبع سنين بس الحمد لله دخلت المصحة واتعالجت وبقيت كويس جدا .
ودى شهادة بتثبت إن قوايه العقلية سليمة. اتفضل حضرتك- أنت جاى تشلني . ! أنا مش مصدق اللى بسمعه ده . أنت عايزني أجوز بنتى لواحد مجنون !!- كان ياعمي .. أنا دلوقتى سليم وبشهادة أكبر دكاتره فى البلد- سليم إزاى .
وأنت عمال تهرتل من ساعة ما جيت .- منا قولت لحضرتك إنى صريح . مش أحسن ما أضحك عليك وتعرف من بره .= امشى اطلع بره- روق ياعمي دا أنا ميسور الحال جدا وعندى فيلا بتلات جناين فى التجمع . وبابا سايبلى فلوس كتير فى البنك . .
وبالنسبة لنقطة الصراحة دى فهى من شيم الكرام زي ماحضرتك قولت . يبقى أيه المشكلة بقى!!!- فيلا ب3 جناين . امممم ..بس يا ابنى دى صراحة تودي فى داهية . مش بالطريقة دى يعني . أى حد مكاني ممكن مايتفهمش الكلام ده ويعملك مشكلة .
حاول تمسك لسانك شوية .- ياعمى والله دا أنا بجاهد نفسى كتير عشان مبقاش صريح للدرجة دي . طب تعرف أنا قبل ما آجى لحضرتك جاهدت نفسى علشان ماقولكش على السر اللى أنت ماتعرفوش طول عمرك- سر !!! . سر أيه ؟= لا بلاش بقى عشان ماتحصلش مشاكل- لا قول . سر أيه ده؟؟= اممم طالما مصمم بقى ، . ف بصراحة كده ياحاج .. اسراء مش بنتك .
ومدام منال كان مشيها بطال طول عمرها ومقرطساك- أنت بتقول أيه ياحيوان . لاء دا أنت فعلا مجنون رسمي- لأ دى الحقيقة .أنا أصلا مهندس برمجيات وقبل ما آجى كان يهمني أعرف كل حاجة عن الأسرة وعشان كده اخترقت كل أجهزة الكمبيوتر عندكم وشوفت الرسايل اللى بين مدام منال وبين عشيقها وهى بتقوله إنها معادتش قادرة تخبي السر ده أكتر من كده .- وبعدين كمل- وبعدين أتفقت معاه أنها هتروح يوم الأربع ترفع قضية خلع عليك وبعد ما تخلعك . هتااخد اسراء وتسافر بره وهو هيسافر وراهم وهيتجوزوا هناك .
واسراء تعيش بينهم . فأنا جيت علشان الحق اسراء. عشان بجد مش هقدر أعيش من غيرها .= أنت بتقول أيه !!- بقول الحقيقة ياعمى يعنى حضرتك هتتخلع ومدام منال هتتجوز وأنا أعمل أيه؟؟ دا انا حتى مش قادر أمشى من غير الصورة اللى صورتهالها وهى بتستحمى آخر مرة ودايما شايلها فى جيبى .
حتى شوف حضرتك- ان. ان . أنت أكيد بتخرف . أنت واحد مجنوووون . أيوه . امشى اطلع بررررره- اهدى بس ياعمي . وأنا هثبتلك إن كل كلامى صح . مش مدام منال عندها خاتم فضة براس قطة وسلسلة دهب نص قلب . وكمان عندها وحمة تحت باطها الشمال ؟- أيوه !!!! أنت عرفت الكلام ده منين؟؟!!- ما أنا قولت لحضرتك إنى شوفت كل الرسايل اللى بينها وبين عشقيها حتى بالأمارة اسمه متولي .
آهو الخاتم ده كان هديه منه فى عيد ميلادها . والسلسلة دى كانت ف مناسبة تانية والوحمة دى بقى كانوا بيتكلموا عنها وقالها وحشتنى وحمتك اخلعيه وتعالى نتجوز بقى . ها ياعمي قولت أيه . نقرا الفاتحة ؟- قولت أيه فى أيه!! . أنا هيغمى عليا . اسندني .
بقى اسراء مش بنتي !!؟. ومنال مقرطساني طول عمرى .!!!!- أيوه دى الحقيقة واللى أنت ماتعرفوش إن حضرتك مابتخلفش أصلا .- أنا مابخلفش !!! . طب إزاى!!! . انا ليا ابن تاني من واحدة تانية كنت متجوزها قبل ..- أيوه أيوه عارفها . مش قصدك مدام سحر وابنها تامر- أيوه . أنت كمان عارفهم- لأ ياعمي ماتقلقش مافيش تامر- يعنى أيه مافيش تامر!!!- بص هو تامر ده كان لعبة كده مدام سحر كانت عملاها عليك عشان تقبض منك شهريات ونفقة . وهو فى الأصل عيل كانت متبنياه شوية وبعدين لما زهقت منه رجعته الملجأ تاني .=متبنياه !- أيوه وعل فكرة مدام منال عارفة بس ماقدرتش تقولك عشان مدام سحر برضه عارفه حكايتها مع متولي . بصراحة الأتنين مقرطسينك ياعمي .
سيبك بقى من ده كله . وقولى هنكتب الكتاب أمتى ؟- كتاب أيه . أنا هموت . اااااااه . قلبي- لأ ياعمى ماتموتش دلوقت . لازم نكتب الكتاب الأول .- امشى يابن الكااااااااااالب . قلبى . هموووووووت .- لأ ماهو حضرتك لو موافقتش على الجواز أنا هنشر كل المعلومات دى والصور على النت وساعتها مش بس هتموت .
أنت هتموت مفضوح كمان .- ياحيوان يابن الكلب . ياندل- ماهو ده العيب التالت اللي نسيت أقول لحضرتك عليه أنا فوق إنى صريح وكنت مجنون سبع سنين فا أنا ندل جدا .. ها موافق حضرتك ولا نذيع- موافق . موافق .موافق . خدها . مش عايز أشوفها ولا أشوف حد .
سيبوني لواحدي- طب حيث أنك وافقت بقى ياعمي. أحب أقولك إن كل الكلام اللى قولتهولك ده مش صحيح= …….!-
الحقيقة إنى مؤلف سينمائى وبحب بنتك جدا و اسراء طلبت مني أثبتلك مواهبي عشان تقدر تثق فيا لأنك مابتصدقش غير بالتجربة .
ها أيه رأيك فيه بقى ؟- !!! ( يابن الكااااااالب )- يا اسراء . اسراء . مبروك ياحبيبتى . بابا وافق خلاص