1
(1)

 130 اجمالى المشاهدات,  5 اليوم

رواية عذراء بلا رحم الجزء الخامس بقلم كوكى سامح

الجزء الخامس

الكاتبه // كوكى سامح

ج. 5…بلا_رحم

رضوى قامت مفزوعه وجريت على الحمام

ورجعت كل اللى فى بطنها….مسكت الحوض بإيدها وبصت فى المرايا والدموع نزلت من عينها.. مش معقول اكون حامل.. يمكن برد فى معدتى.. جريت على الاوضه وقعدت على السرير

وهى فى حاله انهيار تااام.

نقف ثوانى قبل ما نكمل قراءه الروايه ✋

بالنسبه لصله القرابه والأشخاص اللى فى

منكم مش فاهم القرابه ما بينهم او حصلت

لغبطه فى الشخصيات

شخصيات الروايه هما..

الجده.. عندها ابن متوفى زوج حكمت.. وحسن

زوج صفيه وبنت متوفيه

الابن المتوفى زوج حكمت عنده بنتين وولد وهما

محمد.. فجر.. زيزى

الابن التانى وهو حسن زوج صفيه وعندهم.

مصطفى ودلعه اوفا.. واخته رضوى

اما بنتها المتوفيه عندها.. سندس

بعد وفاه زوج حكمت الجده أصرت تجوز

حكمت من حسن وبقت ضره صفيه

الكل ولاد عم ما عادا سندس بنت عمتهم

وهما بالنسبه ليها ولاد خالها.. وصلت

البوابه ام يسرى وعندها ولدين وهما يسرى واحمد

ام شخصيه هاجر.. فهى صديقه فجر

– نكمل بقى باقى قراءه الروايه.

__ رضوى قعدت على السرير وهى فى حاله

انهيار تام وبقت تكلم نفسها زى المجنونه

معقول اكون حامل.. وافتكرت كل اللى حصل من

اغتصاب.. وسألت نفسها سؤال.. لو انا حامل

هيكووون من مين انا فى تلاته اغتصبونى

وبقت تلطم على وشها…

__ فى الڤيلا..

فى اوضه يسرى..

فجر ماسكه الكيس وبعد ما فتحته.. الكيس

ده فيه راحتنا.. راحتى انا وانت يا حبيبى

يسرى.. هو ايه ده انا مش فاهم

فجر.. ده سم بيقتل فى ثوانى

يسرى قام اتفزع من مكانه وقال بصوت عالى

سم.. يا نهار اسود

فجر.. وطى صوتك.. ايوه سم.. مش انت بتحبنى

وعاوز اكون مراتك.. خدته فى حضنها وضمته

ليها جامد وقربت من رقبته وقالت بهمس

وشفايفها فى ودانه.. مش انت عاوز اكون مراتك

وملكك.. وباسته فى رقبته

يسرى بيسمعها وهو فى حاله ذهول

فجر.. حبيبى.. لازم نخلص منهم

يسرى.. من مين

فجر.. من أعدائنا

يسرى.. انا مليش أعداء

فجر زقته بكل قوتها.. اترمى على السرير

والكيس وقع منها على الأرض.. قعدت جمبه

على السرير وقالت.. اعدائى هما أعدائك..

ولا إيه

يسرى.. مين أعدائنا دول

فجر.. انت مجنون ولا عامل نفسك مش فاهم

اعدائى.. مصطفى خطيبى اللى عاوز ياخدنى

منك غصب.. وخلى بالك ده بيغير منك موت

علشان عرف انى بحبك.. بس انا مش بحبه..

عمو حسن هو اللى غصبنى عليه.. لازم نتخلص

منهم.. علشان نتجوز انا وانت يا حبيبى

يسرى بفزع.. انتى عاوزانى اقتل مصطفى وعمك

فجر.. انت بتحبنى ولا لأ

يسرى.. اه انا بحبك ومش بحبك بس.. ده انا

بعشقك

فجر قامت من على السرير وخدت الكيس

من على الأرض.. خلاص تسمع الكلام وتاخد

السم ده وتريحنا منهم

يسرى.. هو لازم نقتلهم ونروح فى داهيه.. فى حل

تانى.. احنا ممكن نهرب ونتجوز.. ونرجع بعد ما نخلف

فجر.. اه ويخلص الفيلم الهندى.. عن اذنك

يسرى مسك ايدها.. رايحه فين

فجر.. هغور فى ستين داهيه.. عينيها اتملت دموع

يسرى.. انتى بتعيطى

فجر.. اه بعيط على حظى الأسود.. قال انا اللى

كنت فكراك بتحبنى وهتكون ضهرى وحمايتى

وقربت من الباب ومسكته بإيدها ولسه هتفتحه

وبصت وراها وعينها فى عين يسرى

وقالت.. بحبك

يسرى شدها عليه وخدها فى حضنه.. انا كمان

بحبك وعاوزك ملكى.. بيحسس على شعرها

وهى فى حضنه وقلعها الروب

فجر.. ايه ده انا سامعه صوت رجل بره

يسرى.. تلاقيها قطه ولا حاجه.. ورجع خدها

فى حضنه وبيبوسها زى المجنون..ومش،مصدق

نفسه انها فى حضنه ومفيش غير كلمه واحده

على لسانه.. بعشقك يا فجر

نيمها على السرير وقبل ما ينام فى حضنها

فجر حطت ايدها على صدره وقالت..

هتنفذ اللى قولتلك عليه.. رد وقال.. ايوه

يا حبيبتى ونام فى حضنها

فجر قامت وبعدته عنها اول لما حست انه

بيقرب منها اكتر من الازم.

يسرى.. بتبعدينى ليه عنك يا حبيبتى

فجر مسكت الدبله.. بعد ما اخلص من صاحب

الدبله وابوه.. ولابست الروب.. ومسكت جسمها..

جسمى ده هيكون ملكك.. ونتجوز يا حبيبى

بصت للكيس وقالت.. ده سم بيقتل فى ثوانى

بيعمل ساكته قلبيه.. ومش بيظهر.. متخافش

وسابته وخرجت.

يسرى مسك الكيس وقام خباه

__ فجر طلعت اوضتها من غير ما حد يحس بيها

وكانت فرحانه فرحه غير طبيعيه

دخلت اوضتها وقفلت الباب وقالت.. اخيرا

هاخد حقى بعد ما عرفت ان انت يا عمى

اللى حطيت لبنت اخوك اليتيمه حبوب منع الحمل

علشان متخلفش وصوت ضميرها بيكلمها..

طيب وايه ذنب مصطفى.. رددت وقالت اه

هخلص منه هو كمان.. انا مغصوبه عليه ومش

بحبه.

صوت الضمير.. طيب وايه ذنب الغلبان يسرى

علشان تظلميه معاكى وتوديه فى داهيه

رددت وقالت ذنبه انه بيحبنى

صوت الضمير.. وعلشان بيحبك تأذيه يا ظالمه

رددت وقالت والدموع فى عينها انا ظالمه.. سدت

ودانها.. انا عاوزه اعيش حياتى

بصت فى المرايا ومسكت بطنها وقالت..

انا عارفه انى عمرى ما هبقى ام.. بس على

الاققل هعيش مرتاحه انى اخدت حقى

من أهلى اللى اذونى..

الفون رن وكانت هاجر..

ولما رددت عليها قالت لها انها اتصلت كتير

ومش بترد. وسألتها كانت فين.. رددت بارتباك

.. كنت فى الحمام

وقفلت معاها بعد ما هاجر اطمنت عليها وكانت

بتسألها حصل جديد فى موضوعها.. بس فجر

خبت عليها وقالت لها.. انها لسه متعرفش

حاجه.. وكمان موضوع اختفاء رضوى عامل لغبطه

مع الكل.

__ فجر دخلت الحمام خدت شاور ونامت وهى

حاسه براحه كبيره.

__ فى صباح اليوم التالى..

فجر صحيت حاسه براحه غريبه.. قامت وقفت

فى الشباك وكان يسرى قاعد فى الجنينه

وعينه عليها.. مسكت الفون وبعتت رساله واتس

بكلمه.. بحبككك

.. يسرى فتح الفون ووشه ابتسم.

.. فى اوضه حسن وصفيه..

صفيه بتعيط ومنهارة.. بنتى وحشتنى يا ترى

انتى فين يا بنت قلبى وبقت تلطم على وشها

وهى بتقولوا.. كله منك.. انا بنتى ضاعت بسببك

حسن.. بسببى انا.. هو انا اللى خطفتها

باين عليكى اتجننتى

قامت مسكت فيه.. اه اتجننت لما سمعت

كلامك انت والعقارب اللى فالبيت لما مبلغتش

البوليس علشان يدور عليها

حسن.. انا مبلغتش علشان تعيش وترجع

ما على يدك كل يوم رساله شكل واتصال

من أرقام مجهوله اننا لو بلغنا البوليس هيقتلوها.

صفيه قامت فتحت الدولاب وبتلبس هدومها.

حسن.. رايحه فين

صفيه.. هنزل ادور على بنتى

حسن.. انا مش عارف اعمل معاكى ايه

صفيه بعد ما خلصت لبس بزعيق.. انا نازله

ومش هرجع وغير بنتى معايا.

وفتحت الباب ورزعته ونزلت.

حسن فتح الباب وخرج وراها.. يا صفيه.. صفيه..

وقابل فى وشه مراته التانية حكمت.. فى ايه

يا حسن هى صفيه بتجرى كده ليه.. رد وقال..

رايحه تدور على رضوى.. فاكره نفسها هتلاقيها

حكمت.. يمكن تلاقيها

حسن.. مالك يا حكمت

حكمت.. زيزى تعبانه من امبارح

حسن.. عندها ايه رددت وقالت.. سخونيه

وبصراحه انا بخاف من السخونيه اوى

ربنا يستر

حسن.. اكيد احتقان.. متقلقيش

حكمت.. انا هاخدها واروح للدكتور

حسن.. انا هتصل بالدكتور يجالها البيت أفضل

حكمت سابته ونزلت المطبخ وخدت طبق فى

مياه وتلج.. وطلعت تعمل لها كمادات.. وقعدت

جمبها..

الباب اتفتح عليها وكانت فجر

دخلت وهى مخضوضه.. ماما مالها زيزى

الام.. تعبانه اوى

فجر قعدت جمبها على السرير وقالت.. ان شاءالله

تبقى كويسه

الام.. مين اللى قالك

فجر.. عمو حسن.. وعرفت انه اتصل بالدكتور

ربنا يكرمه.. وكملت كلامها بخبث.. مهتم بينا

رغم غياب بنته

الام.. ما هو بردوا عمكم ومكان ابوكم

انا اتجوزته علشانكم يا حبيبتى ورضيت

ان اكون زوجه تانيه وضره للعقربه اللى اسمها صفيه

واستحملت قرفها وظلمها ليه علشانكم بردوا

فجر قالت فى سرها.. بكره يموت وهو ابنه

وهى وبنتها اذا رجعت بقى يبقوا كلاب تحت

رجلينا

تنبيه.. اللى مش هيتفاعل على الروايه بلايك وعشرين ملصق

انا مش هنزل الروايه يوميا محدش يزعل منى كوكى سامح

الكلام للاعضاء كلها والناس المتابعه فى صمت ✋

__ وبعد ربع ساعه كان الدكتور وصل وزيزى

طلع عندها احتقان بس شديد شويه.. كتب لها

على علاج.. وخدت منه وابتدت تتحسن

__ من جهه أخرى صفيه فى تاكسى ودخل

بيها فى حى شعبى ونزلت منه ودخلت عند

شيخه معروفه.. علشان تشوف بنتها راحت فين.

ولما دخلت وقبلت الشيخه وفتحت لها المندل

وقالت إن البنت مش كويسه وعلشان ترجع

فى طلبات الأسياد عاوزاها بمبلغ كبير

وطبعا صفيه وافقت وادتها جزء من المبلغ وباقى

المبلغ بعد ما رضوى ترجع

والشيخه عملت الحجاب وقالت لها تحطه

فى اوضه رضوى.. وطلبت منها لمده 3 ايام

الساعه 12 بالليل بالظبط تدخل اوضه بنتها..

وقامت جابت ازاره مياه كبيره وقالت لها ترش

منها وطلعت ورقه فيها شويه كلمات مش مفهومه

وبعد ما تخلص ترش باقى المياه فى الجنينه..

وتقول عليها الكلمات قبل ما ترشها

وبكده اليوم الرابع بنتها هترجع.. طبعا صفيه

كانت عامله زى الغريق اللى اتعلق بقشايه

وخدت الحجاب والمياه منها اللى مقرى عليها

بطريقه الشيخه.. ومشيت وهى مبسوطه ان

فى امل بنتها ترجع.

__ بعد مرور ساعات صفيه رجعت البيت ودخلت

اوضه بنتها وخبت فيها الازازه والحجاب.

من غير ما حد يشوفها.

فى الشقه المجهوله..

رضوى قاعده مكانها لا حول ليها ولا قوه.

بتحاول تخرج بس مقفول عليها ومحبوسه

حست بجوع وكان مفيش قدامها غير العيش

وباقى الفراخ وشكلها بايظ وكان العيش ناشف

جدا.. مدت ايديها وأكلت عيش ناشف وقالت

ناشف بس مش بايظ واگلت منه ونامت وهو

فى ايدها وفجأه صحيت على صوت فار بياكل

العيش اللى فى ايدها..

فى الفيلا.

البوابه اتفتحت وكانت الساعه 10 بالليل

وكانت هاجر جايه تتطمن على فجر وتبات معاها

بس لما فجر شافتها اضايقت وقالت.. مش وقتها

اليومين دوول..

هاجر.. فين محمد انا كنت عاوزاه

فجر.. محمد مش فاضى يا بنتى.. خطيبته

مخطوفه.. وكمان عنده شغل.. بصى يا هاجر

انتى صاحبتى واكتر من اختى.. ياريت تنسى

محمد خالص.

هاجر.. انتى اللى بتقولى كده يا فجر

فجر.. حبيبتى انا عاوزه مصلحتك.. انتى عارفه

انك بالنسبه ليه اكتر من اخت

هاجر.. خلاص يا فجر.. انا دوست على الزرار..

وهنسى.. انا نسيت.. بقولك ايه انا جايه اقعد

معاكى يومين علشان اطمن عليكى.. ونعرف

مين اللى عمل فيكى كده.

فجر بكسره وخباثه.. انا خلاص مش عاوزه

اعرف..

هاجر.. انتى بتقولى ايه

فجر.. مش وقته دلوقتى الزفت اللى اسمه مصطفى جاى

__ مصطفى قرب منهم وسلم على هاجر

وقعد يهزر معاهم.. وحط ايده على وسط فجر

يسرى واقف بعيد ومراقب.. وطبعا فجر شيفاه

وقالت لازم استغل حبه ليه واخليه يغير عليه

علشان ينفذ اللى قولتلوا عليه.

مصطفى ماسك وسط فجر.. ابتدت تحرك جسمها

وتدلع عليه ولفت ايدها على ايده.. حس بيها

وبقى يحسس على جسمها ومستغرب من رد فعلها

يسرى واقف والغيره بتاكل قلبه قبل عينه🔥

مصطفى مسك ايد فجر وباسها..

هاجر.. انا طالعه يا فجر

فجر.. اطلعى وانا هجهز عشا خفيف واطلعلك

__ هاجر سابتهم وطلعت على اوضه فجر

مصطفى.. ما تيجى

فجر عينها على يسرى وشايفه وشه والغيره باينه

عليه.. قربت من مصطفى وباسته من شفايفه..

هو مش مصدق نفسه وكأنه ناسى الدنيا

حضنها وهى حضنته.. وفجأه صفيه شافتهم.. ايه

ده.. انتوا بتعملوا ايه.. اختك مخطوفه.. وانتى يا

هانم.. بنت عمك مخطوفه.. وواقفين تتمسخروا

فجر ضحكت بدلع وباست مصطفى ومشيت

مصطفى بغيظ.. فى ايه يا ماما.. انا مصدقت

انها حبتنى

الام.. اه يا حرقه قلبى على ولادى.. بنتى مخطوفه

وابنى بدل ما يدور على أخته الوحيده واقف

يحضن ويبوس اه يا وكستى فى ابنى

مصطفى سابها ومشى.. الام طلعت الفيلا

__ فجر ماشيه فى الجنينه من الجهه التانيه

يسرى وراها وشدها.. ايه مبسوطه.. انا شايفك

مبسوطه.. ايه عجبك حضنه.. البوسه حلوه صح

فجر.. غصب عنى يا حبيبى.. ده خطيبى وابن

عمى.. وبعد ما رضوى ترجع.. هيبقى حلالى..

وانا هبقى ملكه.

يسرى مسكها من دراعها بقوه.. اه علشان اقتلك

فجر.. انت هتقتلنى انا.. اتشطر واقتله هو وابوه

وانجز.. خلينا نخلص.. واكون ملكك.. ونتجوز

ونمشى من البيت ده.. وحضنته.. وفجأه شافت

عملت نفسها انها شافت مصطفى وقالت..

ابعد عنى خطيبى واقف فى الشباك واخاف

يشوفنا وسابته ومشيت

__ يسرى واقف مكانه والغيره واكله قلبه..

جرى على الاوضه وطلع الكيس وقال.. انا بكره

هنفذ المطلوب علشان فجر تبقى ملكى انا..

__الساعه دقت 12 بالليل صفيه خرجت وهى

بتتسحب على اوضه رضوى تنفذ المطلوب..

خدت ازازه المياه ومسكت الورقه وقرت عليها

تلك الكلمات اللى مش مفهومه ورشت الاوضه

ونزلت على الجنينه وهى بتتسحب وسمعت

هاجر معاها فون وبتتكلم بوشوشه وبتقول

كفايه عليها لحد كده.

__ وفى صباح اليوم التالى..

يسرى قام من النوم ودخل المطبخ ورا مامته

بعد ما عملت الشاى وحط من الكيس

فى المجات بعد ما اتأكد أن ده فطار مصطفى

وابوه حسن.. علشان خارجين مع بعض فى مشوار

ام يسرى طلعت ومعاها الصينيه وفيها

الفطار والشاى وطبعا متعرفش ان الشاى فى سم

وكانت حكمت مراته التانيه مامت فجر خارجه من

الاوضه.. وطلبت من ام يسرى تاخد منها الصينيه

وهى هتوديها بنفسها

ام يسرى.. انا هروح يا ست حكمت

حكمت.. انا هوديه وروحى انتى اعملى الفطار

بتاعى انا وفجر..

وفعلا ام يسرى سمعت كلامها.. ونزلت المطبخ

حكمت بتتلفت شمال ويمين وهى ماسكه

الصينيه وقالت انا هشرب من مج حسن

علشان يفضل كلب تحت رجلى ويمشى

ورايا فى كل كبيره وصغيره ومسكت

المج بتاعه وخدت شفطه وقالت انا سمعت الوليه

بتقول كده اللى تشرب قبل جوزها يبقى

كلب تحت رجليها وخدت شفطه تانيه..

يتبع..

تابعونى ب 20 ملصق علشان يوصلك اشعار

باقى الروايه واستمرار النشر 👍🏼

رواية عذراء بلا رحم الجزء السادس بقلم كوكى سامح #6

ما مدى فائدة هذا المنشور؟

موقع رييل ستورى

انقر على نجمة لتقييمه!

متوسط ​​تقييم 1 / 5. عدد الأصوات: 1

لا أصوات حتى الآن! كن أول من يقيم هذا المنشور.

As you found this post useful...

Follow us on social media!

By Reel-Story

عن الموقع ورسالتنا القصة والرواية هي فن من الفنون الإنسانية الرائعة التي تروي القصص الخيالية والواقعية من أجل العبرة والعظة والتعلّم منها دائماً، فهيا بنا سوياً لهذه الرحلة الرائعة في بحر الأدب العربى والتعرف أكثر على الروايات الشهيرة التي اخترناها. سواء كنا نحب أن نقرأها أو نسمعها ..أو نشاهدها، فنحن نحب القصص. منذ فجر التاريخ عندما كان البشر يتجمعون حول النيران، إلى عصر النتفلكس، نحن نحب القصص.. قد يبدو الأمر مجرد تسلية وتزجية للوقت، لكن أي شيء منتشر إنسانيا لهذه الدرجة، وعبر التاريخ، لا بد أن يرتبط بشيء أكثر جوهرية من مجرد التسلية

One thought on “رواية عذراء بلا رحم الجزء الخامس بقلم كوكى سامح #5”
  1. ياريت تشكرونا على المجهود فى نقل وكتابه الروايه لحضراتكم

اترك تعليقاً

لن يتم نشر عنوان بريدك الإلكتروني.

Reel-Story © 2020 | Established in 2019 Privacy Policy I Terms & Conditions I Advertise I Contact