Reel Story
@REELSTORYCOM
banner
مايو 18, 2021
519 Views
0 0

اتجوزتو عشان كان ابن صحاب بابا

Written by
3.6
(16)

 2,221 اجمالى المشاهدات,  6 اليوم

وقت القراءة المقدر: 16 دقيقة (دقائق)

اتجوزتو عشان كان ابن صحاب بابا

الجزء الاول والثاني

اول يوم ليا مع جوزى لبست لبس عروسة خفيف و بحط ميكب رقيق كدة مناسب للبيت منا عروسة بقي
دخل عليا لقيته بيقولى : انتي فاكرة نفسك حلوة ولا جميلة فوقي لنفسك انتي مفيكيش حاجه حلوة ولا تتتحبي
بصيتله وانا دموعي علي خدي وببتسم:مقولتلكش انا عاوزاك تحبني ولا قولت اني حلوة ولا جميلة وبعدين انت بتحكم عليا بمعايير اية؟ بتحكم عليا بمعايير حطتوها علي السوشيال ميديا وخلاص اللي مش عندها تبقي وحشة ياريت تحافظ علي الأمانة اللي اتحطت في ايدك
مشيت ودخلت اوضتي وفضلت اعيط
ده اسر يبقي جوزي للاسف بابا بيحبه جدا لانه أبن صاحبه الله يرحمه وعشان كدة خلاني اتجوزه بالرغم أنه مبيطقنيش
صحيت من نومي حضرت الفطار لقيته داخل بيقولي: بسخرية:هه فاكرة كدة يعني هتخليني احبك
_بص بقي انا زهقت تمام أنا عملت اكل يكفينا عاوز تأكل اتفضل مش عاوز متاكلش وكل من اي حته نفسك فيها وياريت تبطل تفكيرك ده انا مش عاوزاك تحبني يا اخي اغنيها
مسك ايدي وقال:سما القطة المغمضه بقي ليها صوت هه فاكره لما كنتي بتتخبي ورايا زمان من العيال اللي بترخم عليكي كنتي لسة صغيرة وكنتي زي القمر تخيلي كنت بحبك اكيد مستغربة بس ياريتك ماكبرتي وياريتني ما حبيتك لانك خلتيني اكرهك أضعاف حبي ليكي وهتعيشي أسوأ ايام حياتك معايا
دخل اوضته وسابني مش فاهمة اي حاجة
انا واسر أصحاب طفولة اه بس لما كبرنا بدأ يبعد عني ويعاملي بعنف ومبقاش يطقني ولحد دلوقتي مش فاهمة السبب في تغيره اية
­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
لقيت بابا بيتصل رديت
_نعم يابابا
:عاملة اية مع اسر ياسما
_مش كويسة خالص يابابا
:كنت متأكد من كدة بس اللي عملتيه فيه مكنش هين
_عملت اية
:خليه يبقي يفهمك سلام
_بابا استني
قفل معايا وانا مش فاهمة اي حاجه
خدت طبق الاكل هو صعب عليا أنه مأكلش دخلت لقيته قاعد في اوضته بيظبط ورق في شغله حطيت الأكل علي المكتب وكنت هطلع
لقيته بيقولي:شيليه زي ما جبتيه
_بس انت مأكلتش :هه خايفة عليا ماكلش ومخوفتيش علي كسرة قلبي من اللي انتي عملتيه
­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
_عملت اية أنا مش فاهمه
قام من مكانه وقرب مني وقال:بلاش نفتح في جرح قديم لاني لو فتحته هتزعلي مني و اوي كمان
سابني وخد الجاكيت بتاعه ومشي من البيت
قعدت علي السرير وانا ماسكة راسي ومش فاهمة اي حاجه عملتله اية أذيته في اية طيب انا عمري ما اتخيل اني أذيه حتي أنا وهو كنا صحاب زمان مستحيل أذيه نمت مكاني مصحيتش غير لما حسيت بحد بيغطيني
صحيت مخضوضه لقيت أسر قدامي قولتله:انت جيت أمتي والساعة كام
قالي بلامبالاه الساعة ٨
قولتله:انا نمت ده كله واه انت كنت بتعمل اية
قالي وهو طالع:لقيتك سقعانة غطيتك بس
حسيت بإهتمامه وممكن يكون في امل أنه يقولي
طلعت وراه:انت أكلت
قالي بسخرية:يهمك!
قولتله بعند:اه يهمني مش انت جوزي والمفروض اهتم بأكلك
لقيته بيضحك :ههه جوزك! ههه مش قادر والله
­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
_اية اللي بيضحك
ملامحه اتغيرت في ثانية وقالي:ابعدي عني طول ما أنا في البيت متكلمنيش ولا عاوز اشوف وشك لأن كل ما اشوفك ببقي عاوز اقتلك
زعقت ودموعي علي خدي:انت لية بتعمل فياااا كدة عملتلك اية هاا فهمني انا عملت اية انت بتزعقلي وبتكسرني لية قولي غلطي انا عمري ما اتخيل اني أذيك ولا اني أذي حد لية تأذيني بالشكل ده ليييه
محستش بنفسي غير وانا قاعدة في مستشفى ومعلقينلي محاليل لقيته قاعد جمبي وماسك ايدي وبيقول “برغم اللي عملتيه لسة بحبك ولسة خايف عليكي لسة بحب ملامحك وضحكتك مش عارف اتخلص من حبك كأنه سم بيجري في عروقي ” بصيت ناحيته انتبه اني صحيت بس معرفش اني سمعت قالي وهو بيسيب ايدي و بيتصنع اللامبالاة: هروح اجيب الدكتورة تشوفك
ساعتها فهمت اني عملت حاجة كسرته حاجة دمرته مش كسرته وبس بس للاسف مفهمتش اية هي
الدكتورة كتبتلي انصراف وروحنا وكل واحد دخل أوضته ومتكلمش مع التاني
_ايه الصوت ده
قومت افتح الباب اشوف في اى و اتصدمت صدمه عمرى .. يتبع
البارت التاني:
لقيته داخل وفي أيده واحدة وبيقولي:اية مش هترحبي بيا انا وخطيبتي ولا اية؟
بصيتله وانا حاسة اني عاوزة اجيبها من شعرها بس هديت نفسي وعملت وش القوة وقولت:اه اهلا وسهلاً
قالتلي بمياصة:اهلا بيكي
أسر بصلي بصدمة كدة زي ما يكون مش متوقع ثباتي الانفعالي ده
بس انا عندي ثبات اكبر من بتاع ويجز نفسه امااال يا جماعه
أسر:اه طيب لو تعمليلنا حاجة نشربها ولا اية ياحبيبتي
لقيت العقربة بتقوله:اه يا حبيبي
قولت:لا انا اسفة صراحة كان نفسي اخدمكم وكدة بس انا مش الفليبنيه اللي جابتها امك عذرا يعني لأمك بس تقدر تدخل تعمل اللي نفسك فيه وتشربوا عادي جدا
أسر : مفيش مشكله يلا يا حبيبتي نخش نعمل حاجه نشربها
لقيته دخل هو والعقربة اللي معاه المطبخ
وانا دخلت اوضتي وانا مضايقة وقولت:عناد بعناد يا أسر بقي
وطلعت طقم حلو قصير شوية بس خلي شكلي جميل وحطيت حبه ميكب بقيت حلوة اوي
أسر:بقولك اية يابت يا علا هي الخطة فشلت ولا اية
علا: الصراحة يا أسر فشلت ميه في المية وهي متأثرتش
أسر: مش مشكلة هنغيظها اكتر
فجأة سما طلعت وهي متشيكة بقي وقالت:تحبوا اساعدكوا في حاجة
أسر بصلها بصدمة وهو مذهول من جمالها وقد اية هي حلوة قال في سره”اية القمر ده بس”
بعدين سيطر علي نفسه وقال:لا مش عاوزين مساعدة
علا ردت :اه يا حبيبي مش عاوزين
سما في نفسها:لا بقي انتي مش هتسكتي الا مجيبك من شعرك
سما:تمام يا جماعه خدوا راحتكوا البيت بيتكوا وابقوا اعزموني علي الفرح يا حبايبي الف مبروك.
ودخلت اوضتها بلامبالاه مصطنعه وهي جواها بتغلي
أسر:هو مش المفروض تغير وتقوم تبهدلك دلوقتي ولا اية
علا: المفروض بقي
أسر:أنا قولت انك نحس يا علا الكلب
علا:يا ابني بقي احترمني انا صاحبتك بردو في اية
أسر:كان نفسي افهم عقلي فين وانا بكلم واحدة زيك
علا:أسر وربنا هفضحك قدامها
أسر:اششش اسكتي يخربيت كدة ده انتي فضيحة
علا: خلاص سكت بس قولي بقي لية بتعمل فيها كدة وعاوزها تضايق ليه
أسر: عشان جرحتني يا علا جرحتني اوي اوي وللأسف لسة بحبها
علا:عملت اية
أسر :هبقي اقولك بعدين يلا انتي بقي روحي عشان الخطة فشلت ونبقي نشوف حل تاني بكرة
علا مشيت وأسر راح لسما يكلمها
بس قبل ما يخبط سمعها وهي بتشهق من كتر العياط وعماله تقول:هو لية بيعمل فيا كدة أنا عملتله اية ليه مش راضي يفهمني كل شوية يجرحني ويكسرني ويأذيني واقوله لية يقولي انتي اللي جرحتيني عملتله اية عشان يعمل فيا ده كل عملتله اية
دخل أسر وقال:هقولك دلوقتي عملتي اية
مسك أيدها وخدها اوضته وطلع فلاشة وحطها في اللاب بتاعه وقالها :اتفرجي وشوفي عملتي اية
سما قالت بدموع:لو سمعتني لمرة واحدة كنت فهمتك بس انت غبي يا أسر غبي
وطلعت بسرعة من اوضته
أسر:سمااا استنييي
يُتبع تفاعل كبير لو كل واحد من الي بيقراء يعلق ب 20 ملصق هنزل بسرعه
“كان سماعك لمبرري صعباً بينما كسرك لقلبي فكان هيناً!”
سما محمد 💖
للحصول على الجزء الثالث علق ب 20 ملصقا ليصلك اشعار بجزء

تفاعل عشان يصلك اشعار ب جزء الثالث

—————————

البارت التالت:

سمااا استنييي
سما مشيت ومسمعتهوش وراحت اوضتها وقفلت عليها وفضلت تعيط جوا
“ازاي صدق الكلام ده علي طول لية محطليش عذر ولا مبرر لية اتهمني بسهوله كدة كنت فاكرة اني كسرتك بس طلعت انت اللي كسرتني”
_سما افتحي الباب
مردتش عليه
_سما مبهزرش افتحي وكلميني وهسمعك بالله ما تعيطي طيب
مسمعش صوت غير عياطها اللي قطع قلبه
راح اوضته وجاب المفتاح لانه معاه نسخة لكل الاوض
فتح الباب لقاها مغطيه وشها وعماله تعيط حس ساعتها أنه قد اية غبي عشان يأذيها كدة
قال بهمس_سما
قرب منها وقال:انا اسف لكل حاجة سببتهالك بس مقدرتش اكدب عنيا واللي شوفته
اللي حصل
أسر وسما كانوا صحاب جدا زمان وأسر كان بيعشق سما واللي ميعرفوهش اسر أن سما كمان حبته
كان أسر بيجهز شُنطه عشان السفر لانه هيدرس في جامعة بره ومقالش لسما أنه مسافر لانه مقدرش يودعها
قعد هناك شهور الدراسة ولما رجع قابل سما وكانت بتكلمه عادي بس نبرة صوتها متغيرة هو قال ممكن تكون زعلانه مني وهو بيفكر فيها اتبعتله رسالة من سيف
وده بقي زميلهم هما الاتنين بس أسر مش بيطيقه لانه لازق ل سما
يدوب فتحها اتصدم”حمدلله علي السلامة يا اسور بس ياريت تبعد عن سما نهائي لأنها ليا وانا وهي بنحب بعض وقريب هنتخطب وعشان تتأكد تعالي كافية ** النهارده الساعة ٨”
أسر اتجنن وبقي علي أعصابه وقال: اكيد يبكدب انا عارف سيف عينه علي سما اكيد ييكدب اكيييد
جت الساعه ٨ نزل أسر بسرعة من غير ما يفكر راح الكافية اول لما دخل لقي سيف قاعد لوحده راحله وقال:انت فاكر يا كلب انت انك هتضحك عليا
وضربه في وشه وقعه في الأرض
سيف حط أيده علي وشه وقال وهو بيقوم:هه انا بقول تهدي اعصابك لأن اللي جاي مش هيعجبك خالص
اداله فلاشة وقاله:ابقي افهم مع نفسك سلام
مشي وسابه وهو ماسك الفلاشة
روح هو كمان حط الفلاشه علي طول وشغلها لقي سما بتكلم سيف وبتقوله:انا بكره أسر بكرهه مش طايقة اشوف وشه حتي هخليه يحبني وبعدها هكسره واسيبه
سيف قالها:وانا معاكي يا حبيبتي
أسر بص للفيديو وهو صعبانه عليه نفسه أنه حبها وهي عاوزة تكسره وساعتها قرر أنه هيندمها علي كل حاجه
باك
قالتله وهي بتعيط:ومجاش في بالك أن في حاجه ناقصة في الموضوع مربطش الكلام بإني كنت فعلا بكرهك ساعتها لانك سافرت وسبتني ومجاش في دماغك اني بعد الكلام ده قولتله اني مش قادره اتخيل انك سبتني بعد ما حبيتك واني انهارت في اليوم ده من العياط وقولت حتي مش هقدر اكرهه ولا انتقم منه كل اللي جه في بالك انك تنتقم مني وبس مش كدة
تعرف حتي لما رجعت من السفر نسيت اي زعل منك وقولت أنه اكيد رجع يصلح اللي عمله بس انت رجعت عاملتني بقسوه وبعدت اكتر
انا كنت نسيت كل الحاجات دي وكل الزعل واحب اهنيك لانك فعلا ندمتني بس علي اني حبيتك
أسر معرفش ينطق ولا كلمه حس أنه مش عارف يتصرف بس قال بعد شوية:سما انا
وقفته وقالت:بعد إذنك أخرج وسيبني لوحدي
_بس
: بعد اذنك سيبني
كان هيطلع فعلا ويسيبها بس وقف ورجعلها تاني وحضنها جامد وقالها:مش هسيبك تمام عيطي وصرخي في حضنه اضربيني أو اشتميني بس انا مش هبعد عنك انا اسف والله اسف انا بحبك
فضلت تعيط في حضنه لحد مانامت
صحي أسر تاني يوم بيبص ملقاش سما فضل يدور عليها في الشقة كلها مش لقاها ولقي كل هدومها مش موجوده
لقي رسالة منها اتبعتت علي تليفونه بتقول:انا اسفه يا أسر مش هقدر اكمل معاك مش هقدر كل ما اشوفك هفتكر جرحك ليا اسفة بس لازم أبعد بتمنالك حياة سعيدة بس من غيري
أسر قعد في الأرض ودموعه نزلت وقال:مستحيل اسيبك تبعدي عني يا سما مستحيييل
“اتظن ان الفراق علي هيناً بل كان قلبي يحترق لإبتعاده عن قلبك”
قلبي وقلبك صارو متل جبال ما بيتلاقوا
يُتبع
سما 💖
للحصول على الجزء 4 علق ب 20 ملصقا ليصلك اشعار عند النشر
———————–
البارت الرابع: وقبل الاخير ولو التفاعل حلو هنزل الاخير كمان شويه
“فراقك طال وبوختي في هزار بُعدك انا بعدك عرفت اني مليش بعدك”
أسر:بقالي شهرين بدور عليها وهي زي ما يكون مش موجوده علي الكوكب كله دورت في كل مكان ممكن تروحه كل حته بس هي سابتني ومشيت ومهانش عليها تسأل عني غلطت اه غلطت بس كانت تعمل اي حاجه غير أنها تعاقبني ببعدها عني بس هي قررت تموتني بفراقها
علا:اهدي يا أسر بإذن الله هتلاقيها وهترجعوا وتحبوا بعض تاني ربنا مش هيسيبك ابدا
أسر :ونعم بالله
علا:بس بردو منيأسش لأن في وسط الضلمه دي كلها في خيط رفيع هيطلعنا للنور
أسر:قصدك اية
علا:هفهمك
: السلام عليكم
_وعليكم السلام ادخلي ياسما
دخلت وقعدت معاها وقالت بحزن:بقالي شهرين بتعالج ومفيش اي امل خالص بعدت عنه عشان مش ينفع اخليه يشيل هم تعبي ويتعب معايا بس انا بردو مش مرتاحه واديني بتعالج من ناحية جسدياً وجتلك دلوقتي عشان اتعالج نفسياً وللاسف بين دول ودول انا عاوز اعالج حزن ده “وشاورت علي قلبها”اللي مش هيتعالج غير بقربه
الدكتوره:طب ما انتي في ايدك علاجك اهو
سما:ازاي
الدكتور:قولتي أن قلبك هيتعالج بقربه؟ يبقي روحيله وهو لو بيحبك هيستحمل تعبك وهيعافر معاكي عشان تخفي ومش هيسيبك ابدا
سما: مفيش حل غير ده؟
الدكتورة:ده الاحل الامثل ليكي روحيله مش هتخسري حاجة
سما:تمام يا دكتور
مر اسبوع من حياتهم خالي من اي شئ وفي الأسبوع ده كانت سما بتفكر في كلام الدكتورة وأسر بيفكر في اللي قالتهوله علا
سما حسمت أمرها وجهزت شنطها عشان ترجع وركبت القطر وراحت
يدوب لسة بتدخل البيت لقت اللي صدمها
سما: أسر ازاااي؟
أسر بصدمة:سما!
يُتبع
“وتفرق اية حياتي وانت مش فيها وروحي دي كلمات ببعدك فقدت معانيها”
💖
للحصول على الجزء الخامس والاخير علق ب 20 ملصقا ليصلك اشعار عند النشر
——————–
البارت الخامس: والاخير وعشان الاخير مفيش تفاعل صح 😍
سما!
سما:متوقعتش انك هتخطب بالسرعة دي بس عموماً الف مبروك ليك
مشيت لقت ايد بتشدها
: المرادي مش هسيبك تروحي تمام
بص للناس وقال لموا الحاجة خلاص الموضوع انتهي ويلا يا علا روحي بيتك بقي
علا:اشطا ياكبير ربنا يهني سعيد بسعيدة وغمزتلهم
أسر:بطلي نبرك بقي وامشي
سما بصتله بصدمه:مش فاهمة حاجة
أسر: انا مستحيل احب غيرك ولا اني ابعد عنك انا اتفقت انا وعلا اننا نقول اتخطبنا وكدة عشان تعرفي الخبر ترجعي على طول وبالمناسبة علا تبقي صاحبتي من زمان وبعتبرها اختي الصغيره وقريب هتبقي مرات صاحبي عشان عارف غيرتك
سما:يعني كل ده مش حقيقي؟
أسر:لا بس انا مستغرب لحقتي تعرفي ازاي واحنا لسة كنا هننشر الخبر؟
سما:انا معرفتش اساسا انا رجعت عشان مقدرتش اكون بعيد اكتر من كدة
أسر بحزن:لية اخترتي تبعدي عني؟ كنتي اعملي اي حاجه غير بعدك انا كنت بموت بالبطئ في بعدك متخيلة انام واصحي ومشوفش عيونك قدامي ولا ابتسامتك ليا ولا وشك اللي بينور حياتي كنت عايش في ضلمة في بعدك
حضنها جامد لدرجة أنه فعصها
سما:اااه
بعد عنها بسرعة:مالك حصل اية
سما: مفيش أنا تعبانه شوية
_طيب خلاص اهدي
شالها وقال:كدة مش هتتعبي ابدا
ووصلها اوضتها وقال:انا عاوز افضل ابصلك لحد ما اشبع منك
سما في سرها”ياريت لأن ممكن متلاقنيش” قالتله:انا مش هقدر اعيش معاك ابدا ولا عاوزة اشيلك همي ابدا لان همي كبير اوي مش هتقدر عليه
أسر:همك همي هشيلك طول العمر في قلبي
سما:مش هينفع انا منفعكش
أسر:فهميني مالك اية اللي حصلك هم اية اللي بتحكي عنه وتعبانه مالك هاا؟
سما:مش هقدر احكي اي حاجه دلوقتي
أسر: خلاص مش هتكلم
خدها في حضنه ونام
صحيت لقته بيلعب في شعرها قالتله:انا لازم اقولك حاجه مهمة
أسر:قولي
سما:انا تعبت من شهرين وده السبب اللي خلاني ابعد عنك الفترة دي كلها عشان مش اخليك تشيل همي وتتعب معايا بس الدكتورة قالتلي لازم ارجعلك
اسر حضنها وقالها:انا كنت متأكد أن بعدك عني لسبب وأنك مستحيل تبعدي عني ده كله بمزاجك لية مقولتليش انك تعبانة وشاركتيني همك
سما عينيها دمعت وقالتله:مكنتش عاوزاك تعرف عشان مش اتعلم معايا وعاوزة اقولك انا لسة بحبك برغم اللي عملته فيا بحبك ومش عارفه لية قلبي الغبي لسة بيحبك بعد ده كله
اسر طبطب علي ضهرها:انا اسف علي كل حاجة بس متعيطيش بسببي انا مستاهلش
سما:أسر انا عاوزة الغي كل اللي فات من دماغي بس مش قادرة عاوزة اكمل اللي باقي من حياتي بدون قلق وحزن
اسر اتخض وقال:اللي باقي من حياتك؟
سما:اصل ..
اسر:انطقي ياسما في اية مالك
سما:انا مريضة والدكتورة قالتلي اني فترة وممكن اموت
اسر عنيه دمعت وشدها لحضنه بقوه وقالها:انتي مش هتموتي تمام مش هيحصلك حاجة هتعيشي معايا وهنقضي باقي حياتنا سوا وهنجيب ولاد وبنات زي القمر زيك هتعيشي يا سما
سما: خلاص يا أسر اهدي انا موجوده اهو موجودة
بعد خمس سنين
بس يا علي اقعد بقي لخمتني
اسر:اية ده اية ده
سما_في اية؟
حضنها وقال:اميرتي الحلوة متعصبه لية
_اعمل اية ابنك غلبني كل شوية جري من هنا لهنا
:سيبيه يلعب وتعالى معايا
مسك ايديها وخدها اوضة وقالها افتحي النور كدة
فتحته لقت الاوضة مليانة صور ليهم من وهما صغيرين لحد صورهم مع ابنهم
سما:انا بجد مبسوطة اوي ومش مصدقة الجمال ده
حضنته وقالت : بحبك والحب شوية عليك والله
اسر: يابت وربنا قلبي مش حملك
سما:طب بحبك بحبك بحبك
“ورفيق دربٍ لا يتخلي عن يداي”💖 تم

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.6 / 5. عدد الأصوات: 16

لا أصوات حتى الآن! كن أول من يقيم هذا المنشور.

As you found this post useful...

Follow us on social media!

Article Categories:
قصص الإثارة
banner
http://www.reel-story.com/

عن الموقع ورسالتنا القصة والرواية هي فن من الفنون الإنسانية الرائعة التي تروي القصص الخيالية والواقعية من أجل العبرة والعظة والتعلّم منها دائماً، فهيا بنا سوياً لهذه الرحلة الرائعة في بحر الأدب العربى والتعرف أكثر على الروايات الشهيرة التي اخترناها. سواء كنا نحب أن نقرأها أو نسمعها ..أو نشاهدها، فنحن نحب القصص. منذ فجر التاريخ عندما كان البشر يتجمعون حول النيران، إلى عصر النتفلكس، نحن نحب القصص.. قد يبدو الأمر مجرد تسلية وتزجية للوقت، لكن أي شيء منتشر إنسانيا لهذه الدرجة، وعبر التاريخ، لا بد أن يرتبط بشيء أكثر جوهرية من مجرد التسلية

اترك تعليقاً

لن يتم نشر عنوان بريدك الإلكتروني.

The maximum upload file size: 512 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

Reel-Story © 2020 | Established in 2019 Privacy Policy I Terms & Conditions I Advertise I Contact