/* */

رواية عشقت زوجة ابي للكاتب محمد مالك

To report this post you need to login first.
3.9
(81)

 5,424 اجمالى المشاهدات,  1 اليوم

رواية عشقت زوجة ابي

👈❤️🌹 القصه كامله 🌹❤️👉

انا كريم عمري ٢٠ سنة بدرس في الجامعة الاميركية ابن وحيد لبابا رجل اعمال كبير ماما ماتت وانا كان عمري سنة ومن ساعتها ولحد الان بابا كان بيتجوز كل سنة واحدة والعجيب ان اي واحدة كان بيتجوزها مكنتش بتقعد معاه اكتر من سنة وتتطلق وتاخد فلوس كتييير اوي من بابا لدرجة اني حسيت ان الواحدة منهم بتتمني الطلاق عشان تاخد الفلوس الكتير دي يعني بابا كان بالنسبة لهم مجرد مشروع مربح مش اكتر والمصيبة ان بابا مش عايز يفهم كدا او فاهم ومش عايز يقتنع بده .. الله اعلم المهم انا مكنش بيفرق معايا الموضوع دا خالص لاني اتعودت ان كل سنه اشوف ست جديدة في البيت واعرف انها مرات بابا الجديدة لحد ما جت السنه دي وبابا اتجوز بنت تقريبا من سني وبتدرس في كلية الطب جمال وادب بس دايما كانت حزينة وكلامها كان قليل جدا البنت دي لفتت نظري من اول مرة حسيت ناحيتها بالاهتمام واني عايز اعرف كل شئ عنها ومهتم دايما باخبارها حاسس ان وراها غموض كبير اوي لانها غير كل اللي شفتهم وفي مرة طلبت مني اوصلها الكلية بعربيتي وانا وافقت لقيتها بتقولي بلاش تدويني الكلية عايزة اروح اي مكان اقعد فيه لاني مخنوقه اوي انا وديتها كازينو جميل وشاعري كنت دايما بروحه لما اكون مضايق وعايز مكان هادي ارتاح فيه فرحت جدا وشكرت في المكان وقالتلي انا عاوزة اقلك علي سر خطير .. قلتلها قولي فراحت قالتلي انا وباباك متجوزين لينا شهور ولحد الان انا عذراء .. انا انكسفت بصراحة وقلتلها شئ ميخصنيش فراحت قالتلي وكل اللي اتجوزهم باباك قبلي كانوا زيي بالظبط .. انا استغربت وقلتلها انتي عرفتي منين .؟!! قالتلي عايزة اقلك علي سر خطير بس اوعدني انك تحفظ السر وتساعدني كمان لان باباك عاوزني اعمل حاجة انا اموت اكرملي ومعملهاش .. ساعدني ارجوك …
كارثة هيعرفها كريم …..
عشقت زوجة ابي للكاتب محمد مالك
الجزء الثاني
كريم وفرح مرات ابوه قاعدين في الكازينو وفرح ناوية تقوله علي سر خطير
كريم .. قولي يا فرح .. ايه هو السر الخطير؟!!
فرح .. انا بصراحة مكسوفه اقولك .. بس انا لازم اقلك انت ابنه واكيد هلاقي مبرر عندك .. بص انا باباك من ساعة ما اتجوزنا مقربش ناحيتي خالص وانا لسة عذراء لدلوقتي زي ما قلتلك .. انا طبعا كنت مكسوفه اسأله هو ليه مقربليش لدلوقتي قلت اسيبه براحته خالص لكن من يومين لقيت باباك جايبلي هديه غاليه اوي ولما سألته ايه المناسبة قالي وجودك في حياتي اجمل واسعد مناسبه بالنسبة لي المهم بعد ما اتعيشنا طلب يتكلم معايا في موضوع حساس انا فكرت انه هيتكلم في موضوع انه لسه ملمسنيش لحد دلوقتي وكدا لقيته بيقلي انا يا فرح عندي مشكله جامدة سببتلي عجز جنسي وطالب منك خدمة وبعدها هتكوني حرة وهديكي الفلوس اللي عايزاها واكتر كمان
كريم .. وايه هي الخدمة ؟!!
فرح .. باباك طلب مني اني اشغلك والف عليك واخليك تتعلق بيا لحد ما تغلط معايا وافقد عذريتي علي ايدك
كريم بتعجب شديد .. انتي بتقولي ايه ؟!!
فرح .. بقلك اللي حصل هو حلفني اني مقلكش حتي لو رفضت اعمل كدا .. لكن انا لازم كنت اقلك واعرف انت ليه باباك طلب مني كدا مع انه عارف اني بنت ناس ولا يمكن هقبل ان ده يحصل ابدا ؟!!!
كريم .. فرح انتي بتتكلمي جد ابويا انا طلب منك انك تعملي كدا؟!!!
فرح .. ايوه صدقني مش هكدب عليك انا مستغربه اكتر منك هو ليه خبي عليا موضوع العجز الجنسي وليه طلب من اعمل كدا ؟!!
كريم .. انا مش مصدق بابا يطلب منك طلب بشع زي دا ليه؟!!!
فرح .. مش عرفة انا كمان هتجنن من ساعتها وخصوصا بعد ما اتصلت بيا طليقته اللي قبلي وقالتلي انها زيي لسه عذراء وانه طلب منها نفس الطلب ورفضت بس مرضيتش تقلك واكتفت بالطلاق والفلوس اللي اخدتها منه .. لكن انا مش عايزة فلوس ولا زفت انا اتجوزت باباك غصب عني لأني كنت مضطرة اتجوزه عشان يدفع ديون بابا للبنك اللي كان هيسجنه لو مدفعش الدين اللي عليه ليه بعد ما خسر كل فلوسه وباع كل شركاته .. كريم انا ناوية اطلق من باباك لانه نزل من نظري جامد ومش عايزة منه حاجة بس انت لازم تعرف لين باباك عايزك تقع في غلط كبير زي ده مع اني شايفاك انسان مهذب وجميل ومحترم جدا واي بنت تتمناك
كريم .. انا بجد مش قادر اصدق ولا قادر افكر بس مش عاوزك تطلبي الطلاق دلوقتي خالص لحد ما اعرف ايه القصة بالظبط
فرح .. هتعمل ايه يا كريم ؟!!

الجزء الثالث
فرح .. هتعمل ايه يا كريم ؟!!
كريم .. انا لازم اعرف هو ليه عاوزني اغلط الغلط الكبير ده!!! ايه قصده من ورا كدا؟!!
فرح .. يعني ناوي تواجهه وتقله ؟!! اوعي يا كريم هيعرف اني قلتلك وممكن ساعتها يضرني ويضر بابا
كريم .. لا طبعا مش هقله لاني متأكد انه هينكر وساعتها هتطلعي كدابه وممكن يؤذيكي فعلا ويؤذي والدك انتقاما منك لأنك وقعتي بينه وبين ابنه الوحيد .. لا انا لازم اعرف السر ورا طلبه اللا انساني ده من غير مواجهة ومن غير ما يعرف اصلا
فرح .. ازاي ؟ ناوي تعمل ايه بالظبط ؟!!
كريم .. بصي عاوزك تروحي تقليله انك موافقة علي طلبه وانك هتعملي كل اللي قالك عليه
فرح .. اوافق ازاي !!! لا طبعا
كريم .. افهميني .. الموافقة دي كدا وكدا بيني وبينك يعني عشان نجاريه مش اكتر وعايزك تطلبي منه مبلغ كبير اوي عشان ميشكش في حاجة
فرح .. وبعدين ؟!!!
كريم .. هنسيب الدنيا ماشيةعادي انتي هتوصليله الاحساس بأنك فعلا بداتي تشغليني وانا بدات افكر فيكي وهنشوف هنعمل ايه بعد كدا .. المهم انا عايزة يقتنع تماما اني انا اتعلقت بيكي وحبيتك زي ما هو عايز وانا من ناحيتي هوصله فعلا اني انا بدات افكر فيكي بجد وانك فعلا نجحتي انك تشغليني
وفعلا فرح راحت لوالد كريم وقالتله انها موافقة علي كل طلباته وطلبت منه المبلغ الكبير اللي قالها عليه كريم والعجيب ان والد كريم وافق علطول ودا اللي خلاهم يتعجبوا ويصروا انهم يعرفوا ايه غرض والد كريم بالظبط من القصة دي وبدأت فرح التمثلية بداتها برسايل غرام لكريم ونظرات وابتسامات وتلميحات وكلام من تحت لتحت علي اساس انها فعلا بدأت تشاغله وكريم قام بدوره في التمثلية وعمل انه قال اتعلق بيها واتأثر بكلامها الناعم ومعاملتها الرقيقة وبدا يرد علي رسايلها وانه فعلا بدأ يفكر فيها وكل ده كان بيحصل قصاد الاب وتحت اشرافة حاجة غريبة فعلا لحد ما جت ساعة الصفر وكريم طلب من فرح انها تروح تقول لباباه ان كريم حاول فعلا يعتدي عليها وهو مش موجود لكن للأسف كريم فشل لأنه بكل اسف طلع عاجز جنسيا هو الاخر …..
ايه اللي هيحصل بالظبط ؟؟؟

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.9 / 5. عدد الأصوات: 81

لا أصوات حتى الآن! كن أول من يقيم هذا المنشور.

As you found this post useful...

Follow us on social media!


Subscribe
نبّهني عن
guest
0 تعليقات
Inline Feedbacks
View all comments
0
Would love your thoughts, please comment.x
()
x
Reel-Story © 2020 | Established in 2019 Privacy Policy I Terms & Conditions I Site map I Contact