19,812 اجمالى المشاهدات,  13 اليوم

رواية الديوث بقلم كوكي سامح


الجزء الاول والثانى
كنت رايح لأخويا فالبيت وبالصدفه شوفت مراته واقفه فى السوبرماركت اللى تحت العماره وكانت مش مظبوطه تهزر وتضحك بصوت عالى مع شاب أصغر منها وبصراحه النار قادت جوايا أصلها حلوه ومش باين عليها سنها ومستصغره نفسها🔥حسيت انى مش راجل وقربت منها ولما شافتنى اتخضت وقالت انا بشترى حاجات للبيت يا آمين وخدت بعضها وجريت على فوق وانا طلعت وراها ودخلت الشقه ولقيتها بتقول بصوت عالى ده آمين يا طه وكان طه فالحمام وانا قربت من ضحى وقولت عارفه لو شوفتك واقفه مع اى راجل تانى غير اخويا قسماً برب العزه لا أكون قاتلك بإيدى ورددت عليه بكل فجور وبجاحه وقالت بقولك ايه يا آمين انا ليه راجل والراجل ده اخوك الكبير وانت ملكش كلمه عليه…
آمين : انتى عندك 3 بنات وده عيب فى حقهم بس الحق مش عليكى الحق والعيب على اخويا اللى مش عارف يحكمك
ضحى : حق مين يا ابو حق انت بالذات متتكلمش معايا وانت عارف ليه
وآمين مسك ضحى من ايدها وقالها بصوت واطى ده نصيب وانتى دلوقتى مرات اخويا وأم بناته
طه: ازيك يا آمين
آمين : الحمد لله فى نعمه
طه: مال وشك قالب ليه كده
آمين: ماله وشى؟..
طه: ضحى بقولك ادخلى واستحمى ونضفى نفسك كده زى الستات انا اصحابى على وصول
ضحى : حاضر يا ابو البنات بقولك عاوزاك جوه اقولك حاجه..
آمين : همشى انا 😁 المهم انكم بخير
طه : لا ادخل اققعد الناس جايه وهتبقى هيصه
آمين : ناس مين
طه : أصحابنا يا جدع الشله بتاعه القهوه فاكرها؟
آمين : اه طبعا هما بصراحه يشرفوا وبعدين ما تقعدوا على القهوه
طه : ومالهم يا آمين؟ وبعدين انت مالك ده بيتى وانا حر فيه
آمين : وكل واحد مع مراته صح
طه : لا لا يعنى وده ينفع؟
آمين : هو ايه اللى ينفع؟
طه : ان كل واحد مراته تيجى معاه دى القاعده هتبقى وحشه اوى
آمين : واشمعنا انت مراتك موجوده
طه : ومالها مراتى اهى موجوده هتخدم علينا
أمين : انت مش ناوى تعدل نفسك ويكون عندك نخوه ناحيه حرمه بيتك ده ابويا طردك من البيت بسبب كده انك سايب اهل بيتك على هواهم
طه : ههههه هو فى ايه انا واثق فى اهل بيتى إنما كل واحد بقى يشوف نفسه
أمين : انا زهقت منك عالعموم انا كنت جاى اطمن عليك وبس
ضحى : بقولك يا طه عاوزاك تعالى..
وطه قال لأمين ثوانى وراجع وطه دخل ورا ضحى وقالها فى ايه؟
ضحى : فى حاجه عاوزه اققولك عليها؟
طه : قولى؟
ضحى : اخوك امين مش ناوى يعديها على خير هو بنته ساره
طه : عملت ايه البت دى..
ضحى : خود الاول الفلوس دى دول 2000 جنيه خليهم معاك
طه : يااه جم فى وقتهم
ضحى : ساره بنت آمين مع زينه فى الجامعه ما انت عارف وشافتها مع شاب زميلها بذمتك فيها حاجه دى؟
طه : لا مفيهاش حاجه مش هو زميلها🤔 عموما انا هقول لآمين يقول لبنته محدش لى حاجه عندنا
ضحى : حبيبى يا ابو زينه واحشنى يا راجل هههههه
طه : آمين بره يا ضحى مش وقته 😉
ضحى : ههههههه والحاجات دى ليها وقت يا راجل بقولك واحشنى
طه : آمين بره خلاص هخرج اوزعه
ضحى : هههههههه مستنياك لحد ما شله الأنس تيجى
طه خرج وهو شكله مش طبيعى وقال لآمين.
= بقولك يا آمين قول لبنتك ساره ملهاش دعوه ب زينه
آمين : ياه انا كنت جاى علشان كده يا طه
طه : اه جاى تقولى على زميل زينه
آمين قال بصوت واطى لأ مش زميلها زينه ماشيه معاه والولد بيصرف عليها وكمان بتركب معاه عربيته وكل البنات ماسكين سيرتها..
طه : بنتى بتقولى على كل حاجه
أمين: انا نبهت عليك خاف ع بناتك ومراتك وبعدين ضحى حلوه وصغيره
طه : ههه صغيره دى عندها 38سنه زينه لو اتجوزت هتبقى جده
أمين : اه شكلها صغير وبرضه العين عليها اللى يشوف زينه بنتها يقول ضحى اختها الكبيره مش أمها خالص خلى بالك ع اهل بيتك قبل ما تقول ياريت اللى حصل ما كان…
طه : يا شيخ حرام عليك انتوا فى ايه انا سبتلكوا البيت كله وشقتى التمليك وخدت إيجار اهو وقاعد فيه علشان ابعد عن الوش ده
أمين : انت اخويا الكبير
ضحى : يا طه يا طه تعالى بسرعه رجلى بتوجعنى
آمين : فى حاجه
طه : اه اصل رجليها اتجزعت
أمين : عاوز مساعده طيب
طه : لا يا اخويا أمشى انتى وسلملى على الحج اوى وكمان امى
وطه مسك امين بطريقه غريبه ولا كأنه سمع كلامه وفتح الباب وكان شبهه بيطرده وملهوف وقاله ابقى تعالى وآمين نزل وكان مخنوق وقال طه مش هيحس بنفسه غير لما تحصله مصيبه…
ضحى دخلت الحمام ولابست جلابيه بيتى لونها ابيض شفافه مبينه مفاتن ومعالم جسمها وفرددت شعرها وطه دخل وقالها ايه الجمال ده واتحول لذئب بشرى قدام جسمها وخد ضحى فى حضنه وضحى نامت على الأرض وقالت ل طه تعالى فى حضنى وطه نام فى حضنها وهما على إلارض وطه مسك شعرها وابتدى يلمس ضحى وكأنه ذئب ينهش فى جسدها وضحى ست مغروره بجمالها…
ضحى : ههههه الباب بيخبط
طه : يادى الحظ النحس
ضحى : ههههه انا هقوم اعملكم شاى وهحضر الغدا
طه : ماشى يا ست الستات هما البنات هيتأخروا
ضحى : زينه عندها دروس وزينب بتذاكر عند صاحبتها وزيزى فوق عند ام عمر جارتنا وقاعده عندها من بدرى
طه : اخرجى افتحى الباب
ضحى : حاضر
وضحى خرجت بنفس الجلابيه البيضاء الشفافه وفتحت الباب ومشيت وهى كل معالم جسمها باينه…
ودخلوا أصحاب طه وهما مصطفى ومحمد وإبراهيم
مصطفى : يالهوى ضحى دى جسمها حلو اوى
ابراهيم : يا عم عيب كده ده مرات صاحبك
محمد : صاحب مين يا عم إبراهيم هو ده راجل مراته اللى بتفتح الباب لينا ده لا مؤاخذه جسمها كله باين..
مصطفى : ياه لو تقع فى ايدى😉
ابراهيم : مش هينفع كده يا جماعه احنا جايين نلعب عشرتين طاوله وهنمشى خليكم فى حالكم البيوت ليها حرمه
مصطفى : حرمه 😂 بيوت مين ده طه قاعد جوه وهى اللى بتفتح الباب مش شايف جسمها عامل ازاى بصراحه كل لما اشوفها النار بتمسك جسمى كله..
طه : اهلا ادخلوا ادخلوا يا ضحى حضرى القاعده
ضحى رددت من جوه المطبخ وقالت حاضر ودخلت اوضه النوم وجابت الطاوله وخرجت قدام مصطفى ومحمد وإبراهيم وحطت الطاوله قدامهم وطه قالها تعمل شاى لحد ما تحضر غدا وضحى مشيت بخطوات بطيئه وهى داخله المطبخ وملامح جسمها باينه ومصطفى عينه منها وقال فى سره ياه لو تقعى فى إيدى مش هسيبك 😋
الباب خبط وطه قال ضحى افتحى الباب وضحى خرجت وفتحت الباب وقالت ده بتاع الغاز يا طه وعاوز وصلين ب 100 جنيه
ومصطفى عينه مش نازله من على ضحى وعامل فيها راجل وطلع 100 جنيه وقام وقف وقال خد وهات وصلين
ضحى : خلى يا مصطفى ما طه قاعد اهو
طه : كويس انك هنا يا مصطفى ده انا مش معايا فلوس خالص
ضحى قالت فى سرها ههههه يخربيتك ده انا بإيدى مدياك 2000 جنيه ده انت تاكل مال النبى 😂
ومصطفى دفع الوصلين وقال ل طه انت اخويا بعدين لما يكون معاك ابقى هاتهم… وقعد يكمل لعب وضحى دخلت المطبخ وكانت بتعمل شاى وقالت طه يا طه تعالى خود الصينيه
طه : تعالى انتى مش هقدر اسيب الطاوله..
مصطفى : هدخل انا اجيب الصينيه وقام مصطفى ودخل على ضحى المطبخ وقالها انتى حلوه اوى اوى
ضحى : ايه ده مالك..
ومصطفى قرب من ضحى ومسك ايدها وقرب منها وابتدى يبوسها بلهفه…..
يتبع……

رواية الديوث بقلم كوكي سامح

الحلقه الثالثه والرابعه

ومصطفى ابتدى يبوس ضحى بلهفه وضحى قالت ايه ده اوعى كده وزقت مصطفى بكل قوتها وقالت بصوت واطى اطلع بره لفضحك وألم عليك الناس وخلى بالك طه مش هيسكت بس مصطفى قرب من ضحى وقالها طه هو ده راجل ده يوث سايب الرجاله تتدخل بيته ولا عنده ريحه الرجوله
ضحى : يلا يا كلب يا حيوان اطلع بره
مصطفى : هههههههههه عارفه انتى زيه هو انتى فاكره نفسك ست محترمه انا عارف ان حماتك وحماكى طردوكى انتى وجوزك طرده الكلاب وكمان اعرف ليه ولا تحبى اكمل
= ضحى زقت مصطفى وخرجت من المطبخ ودمها محروق وبيغلى وهى خارجه اتكعبلت وطه قال مالك يا ضحى
ضحى : تعالى مش قادره اقوم
وطه قام وجرى على ضحى وقومها وقال هو فين مصطفى ورددت ضحى وقالت تقريبا دخل الحمام
مصطفى خرج بالصنيه وقال فى سره هههههههه مقالتش حاجه وكمان قالت فالحمام تبقى كده بتقولى بحبك يا مصطفى😅
= مصطفى : الف سلامه عليكى يا ام زينه
محمد : فى ايه يا عم اتأخرت ليه؟
ابراهيم : مصطفى انت شكلك مش مظبوط خالص فى ايه؟
مصطفى : دى طلعت حلوه اوى
ابراهيم : مين دى؟؟
= مصطفى : هيكون مين هى ضحى
ابراهيم : انت شكلك هتعمل مصيبه لا يا عم انا مش هعرفك تانى ولو عاوز تعرفنى ابقى تعالى على القهوه انا هقووم أمشى
= طه: معلش يا رجاله ضحى تعبت شويه وعموما اشربوا الشاى وهى هتبقى كويسه وهتحضر الغدا
مصطفى : المهم انها كويسه
طه : ابراهيم واقف ليه؟
ابراهيم : انا ماشى وعندى مشوار واشوفكم بخير سلام يا رجاله
طه : خود الباب فى ايدك….
= الباب خبط وكانت زينه
زينه : مساء الخير.. بابا عاوزاك لو سمحت
طه : قولى انا هقعد اكمل لعب الطاوله
زينه : خلاص خلاص هى ماما فين؟
طه : فى اوضتها..
= وزينه دخلت على ضحى وقالت مالك يا ماما قاعده كده ليه
ضحى : وقعت على رجلى
زينه : الف سلامه عليكى
ضحى : مال وشك فيكى ايه
زينه : انا قرفت من ست ساره دى بجد حاجه زى الزفت النهارده كانت واقفه ويوسف كان مستنى بالعربيه ومعرفتش اركب معاه كان عازمنى على الغدا وكله بسببها عامله فيها ست الطاهره
ضحى : اه يعنى مش معاكى فلوس
زينه : البركه فيكى بقى
ضحى : مش عارفه الاقيها منك ولا من عمك آمين؟
زينه : اكيد كان هنا ونكد عليكوا منه لله مش كفايه اننا عايشين فى إيجار وهما فى تمليك فى بيت جدى
ضحى قالت بخباثه ربنا عالقوى..
زينه : اخواتى فين؟
ضحى : زينب عندها دروس وزيزى عند ام عمر
ضحى : اتصلى ب زيزى خليها تنزل
زينه : حاضر بس هدخل الحمام الأول
وزينه قامت ودخلت الحمام
= وضحى بتكلم نفسها وقالت انا مش عارفه مصطفى ده عاوز ايه منى بس باين عليه بيحبنى وشكله معجب بيه اوى…
= ضحى قامت ووقفت قدام المرايا وبصت لجسمها وقالت اكيد لازم مصطفى يعجب بيه هو فى ست احلى منى وفى صوت جوه عقلها بيقول كله من طه هو اللى خلى الرجاله دى تبصلى كده وانا مش من حقهم وصوت شيطان بيقولها بس انا برضه ست جميله واى راجل يشوفنى لازم يعجب بيه.
وتليفون ضحى رن وقالت ياااه دى منار سلفتى لما ارد عليها اشوفها عاوزه ايه اكيد فى مصيبه
ضحى : الو ازيك يا منار..
منار : ازيك يا ضحى بلغى طه جوزك ان عمه اتوفى ولازم يروح يعزى فيه
ضحى : وانتى بقى اللى مكلفه ب المكالمه دى ههههه
رددت عليها منار وقالت خلى طه يروح يعزى والحج بيقولوا اوعى تقول قدام حد من اعمامك على اللى حصل وطبعا سبب خروجكم من البيت وخدته إيجار سلام
ضحى : داهيه لا تسلمك يا شيخه حرقتى دمى..
= ضحى خرجت وهى بتعرج على رجليها وقالت طه يا طه
= طه : فى ايه مالك؟
ضحى : عمك مات
طه : عمى مات لا حول ولا قوة الا بالله ده كان زى الفل.
ضحى : وانت كنت بتشوفوا يعنى 😏
= مصطفى ومحمد قالوا بصوت واحد البقيه فى حياتك يا طه عاوز اى خدمه
= ونعم بالله… عارفين عمى ده كان راجل جامد وصحته متينه بس ميغلاش على اللى خلقه الله يرحمه
= مصطفى : كلنا لها دنيا..
محمد : يلا يا مصطفى نمشى دلوقتى وانت لو عاوز حاجه يا طه كلمنا.
= مصطفى عينه على ضحى وقال اه احنا هنمشى ولو عاوز حاجه كلمنى ماشى
طه : خليكم قاعدين ضحى هتعمل غدا
محمد : لا لا احنا هنمشى عندنا مشوار
طه : ماشى وانا هبقى اكلمكم علشان نكمل لعب
ومصطفى ومحمد مشيوا ولما طه قفل الباب وراهم مصطفى قال لمحمد لازم تقول نمشى يعنى انت كده قطاع أرزاق على طول. رد عليه محمد وقال مصطفى شيل ضحى دى من دماغك دى ست مش مظبوطه وشها مكشوف كده ومبتكسفش
مصطفى : بس عجبانى
محمد : ده صاحبك وعيب تتكلم ع اهل بيته حتى لو فى ايه
مصطفى : صاحب مين يا عم ده مش راجل
محمد : ملناش دعوه
مصطفى : انا راجل مدخلش اصحابى بيتى
محمد : هو مش راجل لنفسه وبعدين انت فاكر الراجل اللى زيه عارف انه مش راجل 😂 لا ده بيكون فاكر نفسه اجدع راجل يلا يلا انا هروح وبكره هكلمك نقعد على القهوه ومصطفى ومحمد نزلوا من العماره
تليفون طه رن وقال اما ارد ده آمين اخويا ورد عليه وآمين قاله الجنازه هتكون الصبح وتعالى على 8 الصبح
طه : يا حبيبى يا عمى الله يرحمك
آمين : اوعى متجيش وياريت متتكلميش مع الحج خالص
طه : اه انت بتكلمنى علشان كده
آمين : انا بعرفك بس
طه : الحج مش هيرتاح الا لما بيتى يتخرب وأطلق ضحى صح كده
آمين : لا حول ولا قوة الا بالله انا قولت كده مش انت مشيت من البيت
طه : قصدك طردنى
آمين : يا طه مش وقته الكلام ده
طه : خلاص ان شاء الله هكون موجود الصبح
آمين : فى حاجه تانيه ياريت بلاش ضحى تيجى معاك
طه : يا جدعان ما تشيلوا ضحى من دماغكم
آمين : ياريت متتأخرش مع السلامه
= وآمين قفل مع طه بس طه دمه كان بيغلى علشان امين كلمه على ضحى بالأسلوب ده
ضحى : انت كنت بتكلم آمين
طه : ايوه بيأكد عليه علشان متأخرش الصبح عليهم
ضحى : هو انت هتروح لوحدك عاوزه اروح معاك
طه : لا انتى تعبانه
= ضحى قالت بصوت عالى اه يبقى آمين قالك انى مروحش معاك
طه : انا مش عارف عاوزين مننا ايه
ضحى : بيغيروا مننا علشان بنحب بعض
طه : اه الظاهر كده
ضحى : طه انا الصبح هصحيك بدرى وهلبس الأسود واروح معاك
طه : طبعا يا حبيبتى..
= والباب خبط وطه قال لضحى افتحى الباب وراح قعد على كنبه الانتريه وضحى فتحت وقالت ده الزبال وعاوز الشهر
طه : الشهر بكام
ضحى : خلاص يا طه انا دفعت ال 25
طه : ياااه 25 جنيه ده كتير
ضحى : كل شهر على كده
= ضحى قفلت الباب وبعد ما دفعت شهريه الزبال وراحه قعدت جمب آمين وقالت هروح معاك بكره اتفقنا
طه : اه يا حبيبتى لازم نودع عمى وكمان تعزيهم
= الباب خبط وضحى فتحت الباب ولقت فى وشها بنتها زيزى وقالت ماما انا تعبانه اوى
ضحى : مالك يا زيزى فيكى ايه؟
= زيزى جريت على اوضه نومها وكانت زينه فالحمام بتاخد شاور
طه : هى مالها زيزى
= ضحى قالت ل طه انا هدخل وراها واشوف مالها وجريت ضحى على اوضه زيزى ولقت زيزى وشها مخطوف وقالت مالك يا حبيبتى
زيزى : مفيش يا ماما انا مضايقه شويه بس
= زينه خرجت من الحمام وبتنشف شعرها وقالت مالك يا زيزى فيكى ايه
ضحى : انا هخرج واتكلمى مع اختك براحتك
وضحى خرجت وقفلت الباب وراها
زينه : مالك يا زيزى
زيزى : انا سمعت عم مصطفى وعم محمد بيتكلموا على السلم على بابا وماما وبيقولوا كلام مش كويس
زينه : اسكتى ششششششششش اوعى تكلمى احنا احسن ناس ولو قالوا حاجه يبقوا بيغيروا مننا
زيزى : بيغيروا ايه.. بقولك بيقولوا ان ابوكى مش راجل
زينه : شششششش اخرسى وحسك عينك تتكلمى فى حاجه زى كده ابوكى احسن راجل فى الدنيا
زيزى : انتى فاكره انى صغيره ولا ايه انا عارفه ان جدى طردنا من البيت
زينه : قولتلك اسكتى احنا مش هنغير حاجه
زيزى : انا هنام وبالمره مش هاكل محدش يصحينى
= تليفون زينه رن وكانت اختها زينب وقالت إنها هتبات عند خالتها وهتيجى الصبح وزينه خرجت وقالت لأمها ان زينب هتبات عند خالتها نعمه
ضحى : هى قالتلك هتبات
زينه : ايوه
طه : هتبات عند نعمه والله نعمه اختك دى قليله الأصل دى حتى مبتسألش
ضحى : دى لسه مكلمانى
زينه : انا هنام
ضحى : دلوقتى لسه بدرى وكمان هعملكم سندوتشات وحاجه خفيفه
زينه : انا شبعانه
= وزينه دخلت تنام وعدى الوقت لحد الساعه ما بقت واحده بالليل وضحى وطه دخلوا ناموا
= وفى صباح اليوم التالى ضحى صحيت وحضرت فطار ل طه وفطروا ولبست اسود وطه كمان جهز وضحى قالت لزينه انهم هيروحوا دفنه عمهم وطه اخد ضحى ونزلوا من العماره وخدوا تاكس وراحوا لحد البيت وكان لسه محدش موجود وطه اخد ضحى وطلعوا بيت عمهم وطه خبط على الباب وفتحت الباب منار سلفه ضحى وطه سلم على منار وقال هما فين الجماعه
منار : كلهم جوه
ضحى : طيب افتحى الباب انا معاه ما دخلينى ووسعى كده.
= ومنار بصت بغيظ وقالت فى سرها هو انتى جيتى مش آمين قال بلاش اصل انتى وجوزك مش بيجى من وراكم غير المشاكل.
= وطه دخل وشاف امه وابوه وكل العيله متجمعه وكان الحزن مالى البيت وقال البقاء لله
ضحى : ازيكم يارب تكون اخر الاحزان
= فتحى اخو طه قام وقف وقال مش امين قالك متجبش الست دى معاك..
منار قالت فى سرها دى هتبقى مجزره……
يتبع…

رواية الديوث بقلم كوكي سامح

الحلقه الخامسه والسادسه

ومنار قالت دى هتبقى مجزره

= طه اتحرق دمه من كلام اخوه وقال مراتى ليها الحق زيها زى اى واحده فى البيت ده. وكل ده وضحى واقفه بتتفرج عليهم والنار والغل فى قلبها منهم لأنها هى وجوزها اطردوه من البيت
آمين : تعالى يا طه ادخل الاوضه التانيه وياريت بلاش مشاكل احنا لسه حتى مدفناش عمى
طه : انا مش عارف عاوزين منى ايه

آمين : يلا يا طه ادخل جوه.
وفعلا طه ومراته دخلوا الاوضه التانيه وكان الغل باين فى وشهم من معاملتهم ليهم وضحى كل اللى شاغل دماغها انها قدام سلايفها بتتهزق وبقت فرجه قدمهم..
= وكل العيله متجمعه وقاعدين وفتحى قال انا مش عارف الست دى عامله لأخويا ايه دى من وقت ما اتجوزته وهى كلمتها ماشيه عليه وابتدى يوجهه كلامه لأبوه وأمه وقال والله احسن حاجه عملتها يا حج انك طردتهم من البيت دى كانت هتخرب بيتنا وتجيب لينا مصيبه ورد عليه ابوه وقال مش وقته خالص الكلام ده يا فتحى..

= وبعد مرور الوقت والكل قام وراحوا الجنازه ورجعوا على البيت الكبير بيت العيله
الاب : طه خد مراتك وامشى من هنا
طه : حاضر بس بعد العزا
الاب : بقولك أمشى واتكل على الله
الام : سيبهم يا حج يحضروا العزا
الاب : اسكتى انتى ومش عاوز اى حد يتكلم فى الموضوع ده
ضحى : يا حج
الحج : اسكتى انتى ما كله بسببك
أمين : لا حول ولا قوة الا بالله خلاص يا حج هيحضروا العزا وهيمشوا دى الأصول
الحج : خلاص بس يمشوا النهارده

أمين : كلامك أوامر بس يمشوا بكره الصبح ان شاء الله
= وكل العيله متجمعه فى عزا عمهم وبعد العزا ما خلص والناس اللى بتعزى مشيوا الاب قال مفيش داعى للعزا 3 ايام عموما ابن عمكم هيكمل عزا فى بيتهم هناك… منار خودى ولادك وعلى شقتك وياريت كل واحد فيكم على شقته احنا تعبنا النهارده
= وآمين واقف ومضايق وقال تعالى بات عندى فى شقتى النهارده بس رد عليه وقال انا هاخد مراتى وهمشى محدش بقى طايقنى حتى امى وأبويا خلاص اتبروا منى وابتدى يعلى صوته وقال مش كفايه اطردنا من هنا طرده الكلاب انا ومراتى وبناتى وقاعد فى إيجار بس ابوه قاله والسبب ايه ولا تحب افكرك اصحابك طالعه نازله فالبيت وكل شويه انبهك واقولك مش هينفع كده وفى حريم فى البيت والهانم حتى متقولكش عيب لأ عادى عندها ما هو لامؤاخذه العيب على الست لو رافضه الكلام ده انت غصب عنك هتلم نفسك إنما هى عادى وواخده الأمور عادى وغير لما قعدت مع سلايفها ومددت ايدها على اللى مش ليها وتهمت بيه سلفتها منار بس ربنا ظهر الحق وبرضه حطيت الزفت على دماغى وسكت وفى الأخر تروح عند دجال تعمل عمل ولا مصيبه ايه وكمان بتشتغل معاه فالسر وتبعتله اصحابها وولاد الحلال عرفونى لما بقت سيرتنا على كل لسان

= ورد عليه وقال اه انت عاوزنى أطلقها علشان ترتاح يا ابويا مراتى مش حراميه انا عارف انها غلطت بس من معاملتكم لمنار احسن منها الغيره بتعمل كده وبعدين ده مش دجال ده صاحبى وانا كنت عارف انها بتبعت اصحابها عنده يعنى مغلطتش…
= رد عليه وقال اه وانت كده راجل لا لا لا مش راجل انت مش راجل ازاى انت كده وازاى ميكونش فى غيره على أهل بيتك رد عليه وقاله انا واثق فيها…
= بس ابوه قال بصوت عالى وعصبيه انا عندى السكر والضغط انت هتموتنى بيهم انت غير اخواتك كل واحد من اخواتك مراته فى حضنه ومرتاحين الا انت وهى خلاص خلصنا.. وخلى بالك بكره تروح فى داهيه وابقى تعالى قول ابويا قالى
= هى واقفه محروق دمها وقالت يا عمى انا مش حراميه انا بس غيرتى من منار هى اللى عملت كده وبصت لجوزها وبكل خبث وقالت اما الدجال ده والله مش دجال ده شيخ وصاحب ابنك وكان بيفك السحر لأى بنت وانا كنت بطلع نسبه وجوزى عارف..ابوس رجلك ياعمى سامح طه على الاققل…

= وهو واقف ضعيف قدام ابوه بس ابوه سابها بتتكلم وطلع وكل واحد طلع شقته وهى وهو واقفين زى الكلاب وخدها ومشى وفى الطريق هى قالت بصراحه كده اخواتك دول خرابين بيوت عمرانه وانا عملت ايه لكل ده رد عليها وقالها انتى ست الناس كلهم وعمرى ما هسيبك بس المهم انى قولت انى كنت اعرف موضوع الدجال وهى قالت بخباثه منها لله اللى كانت السبب هى اللى ضحكت عليه….

ووصلوا البيت متأخر وطلعوا شقتهم وكانوا تعبانين ودخلوا ناموا من تعب يوم شاق وفى صباح اليوم التالى.. زينب جت من عند خالتها وزينه صحيت ودخلت المطبخ وزيزى فى اوضتها نايمه وضحى صحيت من النوم هى وهو وقاموا فطروا ودخلت المطبخ على زينه وقالت فى حد سأل علينا امبارح رددت وقالت عمو مصطفى سأل عليكم وكان جاى يعزى بس قولت انكم مش موجودين واحتمال تقعدوا وهى قالت احنا رجعنا متأخر وانتم نايمين وابتدت تفكر فى كلام مصطفى ليها وقالت انا مش عارفه هو عاوز منى ايه بس لازم اكلمه…

= تليفون طه رن ورد وكان مصطفى وطلب يشوفوا ورد عليه وقاله تعالى هستناك…

= وهى دخلت تغير هدومها السوده ولابست أجمل ما عندها وكأن اللى حصل فى بيت العيله محصلش ولا فى بالها وزينه دخلت عليها وقالت إنها هتروح تقابل زميلها وحبيبها يوسف وهى قالت لها تروح وزينه لابست وكانت الساعه 5 قبل المغرب وقالت وهى خارجه لما ارجع هجيب لكم اي رد عليها وقال هاتى معاكى بسبوسه وكنافه بالمكسرات رددت وقالت عيونى يا احلى اب وفعلا زينه خرجت وكلمت يوسف وخرجوا يتفسحوا مع بعض….

= وكانت فرحانه ومبسوطه معاه بس تأتى الرياح بما لا تشتهي السفن وهو قاعد معاها فى كافيه قالها النهارده فى مفاجأة علشانك يا حبيبتى وهى رددت بأبتسامه عريضه وقالت مفاجأه ايه رد عليها وقال النهارده عيد ميلاد اختى داليا وطلع من جيبه علبتين قطيفه وهى انبهرت بيهم وقالت ايه دول رد عليها بكل حب دى هديه ليكى والتانيه لأختى داليا ده الماظ يا حبيبتى وهى فرحت وقالت ياريت كنت قولت من امبارح علشان كنت اعمل حسابى واللبس فستان سواريه إنما شكلى كده مش حلو واكيد ناس كتير واصحابها موجودين ولابسين اخر شياكه وسواريه كمان وطبعا اكيد انت عامل لها حفله كبيره يا يوسف 😍

رد عليها وقال اه هى حفله بس مش كبيره انا وماما وبنات خالتى وانتى يا حبيبتى ويلا بقى علشان منتأخرش وهى قالت طيب يلا بس شكلى حلو رد وقالها انتى زى القمر وقامت مع يوسف على بيته علشان تحضر حفله عيد ميلاد اخته داليا…..

= تليفون طه رن ورد عليه وكان مصطفى وقاله انا واقف تحت على باب العماره ياريت تبعت حد من بناتك تشيل معايا شويه حاجات ورد وقاله ضحى هتنزل..
= هى قالت هنزل كالعاده ده ولا فى باله كفايه عليه الطاوله ونزلت علشان تاخد الحاجه منه واول لما شافها قالها فكرتى فى اللى اتكلمنا فيه رددت وقالت لا هات الحاجه راح مطلع من جيبه فلوس وقالها خودى اشترى فستان ليكى انا عارف ظروفكم رددت وقالت بس دول كتير وجرت ناعم معاه وقرب منها على السلم وحاول يحضنها راحت قالت مش هنا وخدت من ايده الشنط وطلعت وهو طلع وراها…..

= زينه مع يوسف وراحت معاه حفله عيد الميلاد وخدها وطلع بيها العماره وفتح باب الشقه ودخل وهى دخلت وقفل الباب وراه بالمفتاح وهى قالت ايه ده مفيش حد ولا ايه وبعدين انت بتعمل …

رواية الديوث بقلم كوكي سامح

الحلقه السابعه و الثامنه

..قالت بتعمل ايه وبتقفل الباب بالمفتاح كمان؟؟!

= قالها اه انا بحبك وعاوز اكون معاكى لوحدنا وقالت لوحدنا هو انت شارب حاجه فين داليا واصحابها المفروض ده عيد ميلاد ولا انت دماغك فيها ايه رد وقال يا بنتى انتى لسه عيله فى سنه اولى جامعه وامك علمتك كلمتين وجايه

تعمليهم عليه قالت متجبش سيره امى انت فاهم ومسك ايدها بقوه وقالها انا عاوزك انتى وهديكى كل اللى انتى عاوزاه مش انتى عاوزه فلوس وهى بصت وفى عنيها دموع زى الأطفال وقالت انا عاوزاك تخطبنى قالها تعالى وشدها وجرجرها لحد اوضه النوم وهى بتصوت وبتستغيث وشدها على السرير وقفل الباب…
= ضحى طلعت ومعاها الحاجه والشنط ودخلت الشقه ومصطفى وراها وطه قاعد وماسك الطاوله وقال تعالى العب معايا عشرتين. قاله حاضر هلعب معاك بس عاوز شاى.
= ضحى دخلت تعمل الشاى وبعد ما خلصته قالت يا زينب يا زينب والبنت متعرفش ان مصطفى قاعد وخرجت من اوضه نومها وهى لابسه قميص كط قصير وقالت بخضه ايه ده مش تقولوا ان فى حد هنا.. ولما شافها بالقميص بص عليها وعينه زى الصقر وقال انا عمك مصطفى وجريت على اوضه نومها وغيرت هدومها ودخلت المطبخ وخدت الشاى وضحى خرجت وراها علشان تقعد معاهم بس وهى بتقدم الشاى

مسك ايدها وهو بياخد الصنيه وقالها كبرتى واحلوتى ده انا عندى عريس ليكى وقالت انا لسه صغيره وجزت على أسنانها وقالت يا عمو ودخلت اوضتها وقالت ايه ده انا حاسه انه بيعاكسنى ده راجل مش مظبوط ونظرانه مش طبيعيه….
= ضحى قاعده معاهم وعينها عليه وقالت فى سرها ده زغر للبت زغره بعينه وكأنه كلب لقى عضمه وهو عينه عليها وقال عامله ايه منور يا طه ورددت وقالت الحمد لله كويسه وقامت ودخلت المطبخ وشاورت لى وهو قال انا هقوم ادخل الحمام…

= قالت انا متشكره على الفلوس رد وقال لو عاوزه تانى قولى انا معايا متقلقيش بس عاوز اشوفك لوحدنا.. قالت بجد. رد وقالها انا شايف انك اتغيرتى ده انتى مكنتيش طايقه حتى تبصى فى وشى ويشهد علينا المطبخ ده. قالت كنت بدلع قالها انا بحبك ومستخسرك فى الراجل اللى قاعد بره ده صدقينى ده ميعرفش قيمتك وهى قالت فى سرها لازم اجيب اخرك وهو بيتكلم راح مقرب ليها وحضنها وهى مستسلمه وقالت ياااه اول مره احس بالحضن ده قالها انا هطلع دلوقتى ولو قدرتى تيجى عندى الشقه الجديده تعالى قالت هى فين قالها هكلمك بالليل واتفق معاكى بس هى كانت متلغبطه وهو خرج يكمل لعب مع طه..

= ايه الراجل ده هو كل يوم يجى عندنا رددت زينب وقالت صاحب ابوكى بس مالك شكلك كده واخده موقف منه رددت وقالت اه انا قولت كل حاجه ل زينه وقالت مدخلش نفسى فى اللى مليش فيه..
= قالت وحكيتى ايه ل زينه عاوزه اعرف.
= ضحى دخلت عليهم وقالت قومى يا زينب تعالى حضرى الأكل ابوكى وعمك مصطفى جعانين
قالت طيب نستنى زينه يا ماما بس قالت لها هتتأخر عند صاحبتها ومسكت الفون واتصلت وزينه مش بترد….
= زينب عدت من قدامهم وهما بيلعبوا وعينه عليها وقال دى زى القمر واحلى من امها..

= وحضرت الاكل وقعدوا كلهم واتعشوا وطه حتى مسألش على زينه وبعد ما خلصوا أكل ضحى عملت الشاى وهو قال فين زينب رددت وقالت جوه خير عاوز حاجه قالها بسأل وحتى زينه مش باينه قالت دى عند صاحبتها وعدى الوقت والساعه دقت 10 وقام استأذن ومشى وطه قاعد ولا فى دماغه حاجه وخرجت وراه عالباب وقالت هستنى مكالمتك بالليل هتوحشنى وقفلت الباب وهو مشى وراح عالقهوه

وشاف صاحبه ابراهيم وقاله مش هتروح عزا عم ناجى بس ابقى كلم طه علشان يروح معاك قاله وانت مش هتيجى رد هبقى احصلكوا اصل عندى مشوار الأول والشيطان ابتدى يلعب فى دماغه ما خلاص هو فتحله السكه….
بقولك اوعى سبنى حرام عليك هو انت علشان معاك فلوس تعمل فيه كده رد وقالها الفلوس دى اللى خلتك قدامى وفى ايدى دلوقتى يا كلبة فلوس قالت انا زى اختك يا يوسف قالها اختى قطع لسانك انا اختى مبتروحش شقق لوحدها وانا مش هسيبك وابتدى يتهجم عليها وهى تقاوم
= جرس الباب رن سابها وقام مفزوع وقالها قومى بسرعه ده بابا شكله جه يا نهار اسود وهى قامت وفتحت باب الاوضه وقالت فى سرها كنت هضيع

= فتح الباب وكانت امه واخته وقال ماما داليا انا معايا زميلتى زينه وقالت دى شكلها صغير انتى معاه فالجامعه بس شكلك مش قده؟؟؟! رددت لأ انا فى أولى رددت عليها وقالت هو فى رابعه معقول بتذاكرى معاه رددت وهى محروجه وقالت هو كان بيفهمنى شويه حاجات وخدت شنطتها ومشيت وجرى وراها وهى نازله تجرى من على السلم وهو وراها وقفت وقالت انا مش عاوزه اعرفك تانى قالها انا متشرفش بيكى يا بنتى هو انتى ليكى راجل يلمك انتى اخرك معايا قرشين وخدتيهم بس انا مخدتش حقى.. قالت حقك ؟ انا هديك فلوسك على الجزمه قالها وهو واثق من نفسه اوعى تكونى فاكره نفسك شريفه ولا نسيتى العربيه كنا بنعمل فيها ايه.. قالت كنت بحبك قالها علشان فلوسى وطلع من جيبه فلوس وقالها خودى علشان تعرفى تتدخلى بيتكوا مش ده نظامكم فالبيت ده انتى اللى قولتى..

= ماما بتنادى عليه انا طالع ومش هسيبك يا زينه ولا هسيب فلوسى؟ انتى كلك ع بعضك بتاعتى مش هسيبك وطلع وهى ميته من الخوف وقالت لنفسها انا قولت غنى وهيتجوزنى بس طلع زباله. وفضلت ماشيه فالطريق لحد ما روحت البيت ودخلت الشقه..

= ازيكم.. قالها فين الكنافه بالمكسرات قالت مش تسألنى مالك الاول قالها انتى زى البمب طلعى الكنافه قالت مجبتش ودخلت اوضتها..
= تعالى ياماما قالت لها مالك فيكى ايه..رددت وعنيها كلها دموع يوسف كان عاوز يتهجم عليه وكنت هضيع.. قالت لها نهاره اسود انا مش هسيبه وهبهدله رددت وقالت ده هددنى يا انا يا ياخد فلوسه..

.. قالت يا نهار اسود فلوس ايه سيبك منه ابقى شوفى حد غيره رددت وقالت ما هو ده اللى هيحصل.
= مش هسبها بنت الكلاب دى. انا يوسف حته بت لسه عيله تقلبنى فى فلوسى اى نعم بمزاجى بس كان نفسى اخد مزاجى منها وبرضه مش هسبها واتصل بصاحبه واتفق معاه أن يقابله….

= والساعه دقت 12 بالليل وطه نام والبنات فى اوضتهم
= تليفون ضحى رن وقالت مصطفى ورددت على طول واتفقت معاه انها هتكون عنده على الساعه 6 بالليل وقفلت معاه ودخلت نامت والبنات ناموا
= وفى صباح اليوم التالى كلهم صحيوا وفطروا وضحى طلبت من زينه تروح عند خالتها تجيب من عندها حاجات وفعلا زينه راحت وخدت معاها زيزى..

وإبراهيم اتصل ب طه واتفق هيروح معاه العزا ويقعدوا على القهوه شويه وبعد العصر طه نزل راح القهوه يقعد مع اصحابه ويروحوا مع بعض العزا
= تليفون ضحى رن وقالت إن الجو خلى ليهم وهتخرج معاه وطه مش موجود والبنات زينه وزيزى عند خالتهم مفيش غير زينب بس اللى فالبيت ومش مهم وقالها تروح تسبقه على الشقه وهو سايب لها المفتاح فى العداد وفعلا ضحى لبست وكانت زى القمر وخرجت وخدت تاكس لحد عماره مصطفى..

= عاوز قميص النوم ده بكام البنت البياعه قالت ده مقاسات يا فندم المدام رفيعه ولا تخينه مصطفى قال هى جسمها زيك بالظبط قالت يبقى خد ده وطلب قميص نوم لونه اسود وخده ومشى…
= وضحى وصلت العماره وخدت المفتاح من العداد ودخلت الشقه ومستنيه مصطفى..
=الباب بيخبط وقامت زينب فتحت وقالت عمى مصطفى؟؟ بابا مش هنا زقها وقال انا عاوزك انتى

رواية الديوث بقلم كوكي سامح

الحلقه التاسعه و العاشرة

وزينب فتحت الباب ولما شافت مصطفى قالت بابا مش هنا بس هو زقها وقال انا عاوزك انتى وقفل الباب برجله وهى حست بخوف وفزع وقالت انت عاوز منى ايه انا عارفه من آخر مره كنت هنا انك بتعاكسنى ولو قربت منى هقتلك

وبابا مش هيسكت رد وقال هو ابوكى ده راجل ده ديوث ميعرفش يعنى حرمه بيت وفتح الشنطه اللى معاه وطلع منها قميص النوم الأسود اللى اشتراه وقالها اللبسى ده
= زينب قالت انت مجنون يلا اطلع بره وقام مصطفى مسكها من جسمها وابتدى يتهجم عليها وزينب لا حول ليها ولا قوه.
= ضحى قاعده فالشقه مستنيه مصطفى وهتتجنن انه اتأخر عليها ومسكت تليفونها واتصلت بيه ومردش عليها وقامت
يمكنكم طلب القصص والروايات عبر واتساب من هنا

تتفرج على الشقه ودخلت الحمام والمطبخ ودخلت اوضه النوم وفتحت الدولاب وقالت ده فى قمصان نوم يعنى اكيد فى حد بيجى هنا..
= ومصطفى جر زينب لحد السرير وابتدى يتهجم عليها والبنت ضعيفه وفجأه فقدت الوعى وهو اتجنن وقال هى مالها وفضل يفوق فيها وهى فاقده الوعى تماما ومش حاسه بحاجه….

= ومصطفى سمع لشيطانه وقرب من زينب وجردها من ملابسها واغتصبها….

= الباب خبط… ومصطفى اتفزع وقال مين وبقى يكلم نفسه هيكون مين ضحى عندى وطه فالعزا اومال مين… والباب اتفتح ومصطفى مش عارف يعمل ايه ومين اللى بره
= ضحى قالت ده اتأخر قووى وكمان مش بيرد انا هقوم أمشى. وقامت ونزلت من العماره وخدت تاكسى لحد البيت وقالت هتعدى على اختها تاخد زيزى وزينه وفعلا عدت عليهم بس اختها قالت لها لازم تطلع وضحى طلعت تقعد معاهم شويه..

= مش عارفه ليه قلبى مقبوض يا بنات بس زينه قالت ليه خير رددت عليها وقالت مش عارفه وزينه قالت هو انتى كنتى فين رددت عليها وقالت انا كنت بشوف واحده صاحبتى اعرفها من زمان..
= أمل : عامله ايه يا ضحى مع طه لسه زى ما هو رددت عليها وقالت يعنى هو هيتغير فجأه كده

= أمل قالت قومى يا زينه اعملى شاى وفعلا زينه قامت والوقت بيعدى وتليفون ضحى رن وكان طه بيطمن عليها وهى قالت إنها عند اختها بتطمن عليها وقالها انه هيخلص عزا وهيرجع على البيت وتعمل حسابها ان اصحابه هيكونوا معاه ولازم تعمل عشا كويس وهى قالت هعملكم احسن عشا وقالت هو مصطفى معاكم بس هو قالها لا انا فالعزا انا وإبراهيم بس إنما مصطفى قال جاى ومجاش وقالها اكيد

عنده عذره وهى قالت ابقى كلمه ولا معملش حسابه على العشا رد طه وقالها لا اعملى حسابه انا هكلمه وهخليه يجى عافيه لانه بصراحه ايده سخيه ولو جه هيجيب شويه حاجات تستاهل بوقك الجميل ده رددت عليه بدلع وقالت صراحه هو سخى وقفلت مع طه واتصلت بمصطفى ومش بيرد واتصلت ب زينب وبردوا مش بترد… وقالت يلا يا بنات علشان نمشى.. بابا عنده سهره النهارده وأمل قالت لضحى

هو لسه بيعزم اصحابه عنده وطبعا انتى ولا فى بالك بس العيب عندك وخلوا بالكم انتوا عندكم بنات وبكره يتجوزوا ومش هينفع النظام ده وضحى قالت انا بناتى ميضحكش عليهم ابدا طالعين لأمهم.. وقامت ضحى وخدت زينه وزينب ونزلوا وركبوا تاكسى ووصلوا لحد العماره وطلعوا على فوق وضحى قالت ايه ده هو باب شقتنا مفتوح ليه وضحى وزينه وزيزى دخلوا الشقه وقالت هى فين زينب بس زينه قالت تلاقيها فالمطبخ كالعاده 😂

ودخلت زينه تشوفها وضحى دخلت اوضه نوم البنات وقالت بصوت عالى زينب وفضلت تصرخ وتلطم وزينه وزيزى دخلوا الاوضه وزينه قالت فى ايه وبصت وشافت زينب نايمه على السرير ومصطفى مقتول جمبها ومضروب بالسكينه فى قلبه ضربه موت…

رواية الديوث بقلم كوكي سامح

الحلقه الحادية عشر

= وزينب قالت هو قتله وخد حقى ورددت بلهفه زينه وقالت هو مين يا حبيبتى اللى قتله ودخل الدكتور وقال ياريت تخرجى خلينا نشوف شغلنا بس قالت انا عاوزه اطمن على اختى رد الدكتور وقال ياريت حضرتك تطلعى بره دلوقت وفعلا خرجت وقالت بابا ماما هى زينب فاقت بس معرفتش اتكلم معاها والدكتور هيخرج يطمنا..

= ضحى قالت خلاص اختك ضاعت وكله بسببنا انا دلوقتى عرفت غلاوه بناتى ومش عارفه البنت هتعيش ازاى 😭 رددت زينه وقالت ده غصب عنها يا ماما وربنا كريم اوى وبعدين الشيطان مات خلاص..
= الدكتور خرج وقال إن زينب بقت كويسه بس مع شويه مهدئات هتبقى احسن وياريت محدش يدخلها دلوقتى وزينه قالت انا عاوزه اقعد مع اختى واطمن عليها رد وقال هى بقت كويسه وبعد ساعه وكيل النيابه هيكون موجود علشان يعرف منها اللى حصل بالتفصيل..
= طه قال يا دكتور يعنى البنت هتخرج امتى رد عليه وقال اسبوع على الاققل..

= وفى بيت العيله امين قال كفايه يا حج بقى اظن ضحى وطه اتعلموا من غلطهم رجعهم البيت وخصوصا بعد اللى حصل ليهم هناك ولبنتهم هيقعدوا ازاى بعد الفضيحه رد عليه وقالوا انا مليش غير بناته ودول امانه فى رقبتى لحد ما كل واحده تتجوز ولو قابلت رب كريم انت يا أمين اللى هتتولى أمرهم لأنك عارف اخوك فتحى عصبى والموضوع ده حارق دمه وبيقول العار خلاص بقى ورانا فى كل حته رد وقاله يا حج فتحى عصبى بس قلبه ابيض ده كان بيعيط زى العيال على زينب…

= والام قالت خلاص سامحهم يا حج قالها انا هاخد البنات وهنا زيزى قالت والله يا جدو انا فرحانه هنا وحاسه انى مبسوطه مع ان ظروفنا مش كويسه واللى حصل لأختى كان صعب بس انا هنا حاسه بأمان وقالت فى سرها اه لو تعرف يا جدى كانوا بيقولوا على ماما ايه وغير بابا مكانش بيدخل زينه البيت غير لما تكون معاها فلوس عمره ما سألها بتجيب منين ولا بتروح فين كل اللى همه الفلوس يارب رحمتك بيا وبأخواتى ده احنا غلابه اوى..
= مالك يا حبيبتى فيكى ايه رددت وقالت مفيش يا عمو انا بس صعبان عليه زينب دى متستاهلش كده خالص رد وقالها احمدى ربنا واهو مصطفى مات ربنا اخد حقها من غير كلام بس نفسى اعرف مين اللى قتله…

= تليفون امين رن وكانت زينه وقالت إن زينب فاقت ووكيل النيابه عندها وبيحقق معاها رد وقالها انا جاى دلوقتى وقفل معاها وقال خلاص زينب فاقت ونزل راح المستشفى
= وكيل النيابه قال يا زينب انا عاوز اعرف اللى حصل كله بالتفصيل قالت بصوت تعبان وبالراحه اوى انا مش قادره اتكلم بس قالها لازم تتكلمى مصطفى دخل شقتكم ازاى رددت وقالت واعصابها تعبانه هو صاحب بابا وعادى انه يكون عندنا الباب خبط فتحت قولتلوا بابا مش هنا زقنى وقالى عاوزك انتى بس انا مقدرتش عليه وانهارت ووكيل النيابه بيستجوبها وهى منهاره وقالها كملى وبعدين رددت وقالت انا محستش بنفسى اغمى عليه. رد وقالها مصطفى كان مضروب بالسكينه فى قلبه ومات بصت زينب والدموع فى عينيها اه وكيل النيابه قالها انتى قتلتيه ومستحملتيش واغمى عليكى صح قالت لأ وسكتت وقالت عاوزه مياه

والممرضه جابت لها مياه وشربت وابتدت تكمل كلامها وقالت انا اغمى عليه ومحستش بحاجه غير بصوت وكأنه طشاش فى ودانى وبفتح عينى لقيت عمو محمد صاحب بابا ماسك فيه وبيقولوا انت تعمل فالبنت كده بس هو قاله بكل سخريه عادى ما انت عارف كل حاجه بس عمو محمد قاله لأ مش عارف انا عارف ان عينك من أمها مش بنت قد بنتك بس هو مسك فيه وقاله انت جبت المفتاح منين قاله مالكش دعوه بس مصطفى قاله انت عملت نسخه على المفتاح اللى انا خدته من هنا رد وقاله حرامى بيسرق حرامى ووكيل النيابه قالها طيب محمد عرف منين انه جاى علشانك رددت وقالت بصوت ضعيف ومكسور عمو محمد قاله ان سمعه بيكلم فى التليفون مع واحد صاحبه راجل مش كويس فالمنطقه عندنا وعمو محمد يعرفه وقاله ان خلاص الجو هيكون فاضى

وزينب هتكون لى لوحده وخصوصا ان بابا فى عزا وماما ماما ماما وكيل النيابه قال ماما مالها قالت مفيش رد وقالها فى حاجه تخص ماما قالت لأ وكملت كلامها وقالت مسكوا فى بعض وعمو محمد خرج سكينه من جيبه وقتله والله قتله وفش غليلى من لله وقالت عمو محمد مش قاتل ده كان جاى يدافع عنى…ووكيل النيابه اكتفى بأقولها ومشى…
= أمين وصل المستشفى وقال الحمد لله زينب فاقت وطه وضحى دخلوا الاوضه على زينب وطه حضنها وفضل يعيط وقالها مين اللى قتل مصطفى رددت وقال عمو محمد رد وقالها سبحان الله مع ان الشيطان ده كان بيكرهنى فيه على طول اكمنه اللى فى قلبه على لسانه وحضن زينب وقالها كله هيتصلح يا بنتى..

= وبعد مرور اسبوع زينب خرجت من المستشفى وراحت على بيت جدها وضحى وطه معاها وزينه
= أمين قال معلش يا طه ابوك؟ ولسه هيتكلم خرج ابوه من الأوضه وقاله شوفت دى آخره عمايلك ياما قولتلك تلم نفسك وتعيش لبناتك وانت تسمع وتطنش والهانم دى كمان زوجه لا تؤتمن بالمره بس علشان خاطر البنات انا جبتلك شقه صغيره تعيش فيها انت والهانم رد وقال وبناتى مقدرش استغنى عنهم رد وقاله ده عقابك ويلا امشوا من هنا رددت ضحى وقالت فعلا ده عقابنا ومسكت بناتها وفضلت تعيط وقالت سامحونى وزينه قالت يا جدو انا مقدرش استغنى

عنهم رد وقالها هما هيجوا كل اسبوع يقعدوا معاكم خلصنا بقى قالت بصوت مقهور حاضر يا جدى وطه وضحى ودعوا بناتهم وراحوا الشقه الجديده وعاشوا فيها لوحدهم وبيكفروا عن ذنبهم..
= وفى النيابه تم القبض على محمد واتحقق معاه واتحول على المحكمه واتحكم عليه بعقوبه مخففه 3 سنوات بدافع الشرف عن زينب

رواية الديوث بقلم كوكي سامح

الحلقه الثانية عشر والاخيرة

= تليفون زينه رن وكان يوسف ورددت عليه وقالت بأسلوب وحش عاوز ايه رد وقالها ياريت متزعليش منى يا زينه انا فعلا حبيتك بس حياتكم كانت غريبه غصب عنى طمعت فيكى بس والله بحبك رددت وقالت خلاص كل حاجه انتهت رد وقالها انتى فين قالت انا عند جدى قالها خودى ميعاد انا هدخل البيت من بابه وبعدين ابقى خودى قرار انك توافقى

او ترفضى رددت وهى مكسوفه وفرحانه ومتلغبطه خلاص انا هكلم عمى وقفلت معاه وفعلا كلمت عمها امين وخدت ميعاد علشان يوسف يتقدم وفعلا يوسف جه فالمعياد ومعاه مامته وباباه وأخته واتقدموا ل زينه ورددت وقالت هتفكر…
= أمين كنت عاوز اتكلم معاك يا حج رد وقاله خير يا أمين انت عارف ان زينه العريس اللى أتقدم لها شكله ولد كويس وهى شكلها موافقها وكمان الولد مقدر ظروفها وحتى

محدش فيهم اتكلم فى موضوع زينب رد وقاله فعلا شكلهم محترمين بس امين قاله ايه رأيك يا حج تبقى الفرحه فرحتين رد وقاله فرحتين ازاى رد امين وقال احمد ابن اخويا فتحى هيخطب زينب رد وقاله بتكلم بجد انا مكنتش عاوز اغصب عليه بس البنت كويسه رد وقاله ده عرضنا واحنا هنلمه ودى بنت اخويا وملهمش غيرنا وملهمش ذنب فى حاجه وع فكره هما الاتنين فى بينهم إعجاب وانا كلمتها وطبعا بعد ما هو كلمنى وكمان ابوه فتحى كلمنى انا وافقت يمكن فالأول زينب كانت حاسه انه مش بيحبها وواخده الموضوع بحساسية إنما فهمت ان دى مصلحتها وعرفت انه بيحبها رد وقاله ع خيره الله
= ضحى.: بناتى وحشونى لسه هستنى 3 ايام تانى رد طه وقالها انا مش هروح الخطوبه اخاف من الناس قالت انت ابوهم وانا امهم..

= الباب خبط وكان امين وطلب من طه طلب غريب وقاله ياريت بلاش تحضروا خطوبه البنات وبالأخص اهل عريس زينه شكلهم ميعرفوش حاجه رد طه وهو مكسور وقال حاضر انا عارف انهم وسط أهلهم بس وحشونى رددت ضحى وقال خلاص يا طه دى مصلحتهم. رد امين وقال ايوه مصلحتهم ولو بتحبوهم ابعدوا عنهم خالص وعموما البنات كلهم زى الفل ونفسيتهم مرتاحه وخصوصا بعد خطوبه زينب واظن العيب فيكم ياما حذرتك وفهمتك وقولتلك وانت لا حياه لمن تنادي ربنا يهديكم وخرج ومشى وضحى فضلت تبص ل طه وساكته ملهاش عين تتكلم..
= وبعد مرور اسبوعين وفى وسط لمه العيله والأحباب كانت خطوبه يوسف على زينه واحمد على زينب وكان اليوم جميل بس زيزى قالت كان نفسى بابا وماما يكونوا معانا رددت منار وقالت مع الوقت كله هيتصلح يا حبيبتى والخطوبه تمت على خير..😍

= الباب خبط وطه قام وهو مكسور وحزين وفتح الباب وقال بناتى حبايبى وحشتونى وقال ضحى يا ضحى وخرجت تجرى وقالت فى ايه وبصت ولقت بناتها وقالت بناتى وحشتونى اوى اوى ومسكت زينب حضنتها وقالت مبروك يا حبيبتى وقوليلى مبسوطه فى خطوبتك وطه كان مشغول مع زينه وزيزى وقالت ماما ياريت تكونى اتعلمتى وياريت تعيشى ل بابا انا عرفت انك كنتى فى شقه مصطفى بس انا محبتش اققول…
= ضحى خدت زينب بعيد وقالت بعدى عنكم علمنى كتير ودخلوا عليهم زيزى وزينه وضحى سكتت وزينب حضنتها وقالت محدش يعرف يا ماما ومهما حصل انتى امى 😭 وضحى فرحت وقالت ربنا يحرمنى منكم يا بناتى يا أجمل بنات 😘😘

= وبعد مرور شهور والبنات مخطوبه وطه ابتدى يتغير وغير مجال شغله ورجع يشتغل ما اخوه أمين وفتحى وابتدت النفوس تهدى بالتدريج لحد ما جه اليوم وزيزى نجحت فى الثانويه العامه وكانت فرحتها مرتبطه بزواج أخواتها زينه وزينب وعاشوا بسلام وانتهت القصه بزواج البنات ونجاح زيزى 😍
بيوتكم امانه وبناتكم امانه لازم تحافظوا عليهم علشان غالين اوى اوى
رَجُلٌ دَيُّوثٌ : رَجُلٌ لا يَغارُ على أَهْلِهِ وَلا يَخْجَلُ، ثَلاَثَةٌ قَدْ حَرَّمَ اللهُ تَبَارَكَ وَتَعَالَى عَلَيْهِمُ الْجَنَّةَ؛ مُدْمِنُ الْخَمْرِ وَالْعَاقُّ وَالدَّيُّوثُ [حديث]

الدّيُّوثُ من الرِّجال: القَوَّادُ على أَهلِهِ وده كلام الله عز وجل لينا
الراجل الذى لا يغار على أهل بيته ديوث
الراجل اللى بيتباهى بجمال مراته قدام الناس ديوث
الراجل اللى بياخد من مراته فلوس وميعرفش مصدرها ديوث 👌
مفيش حاجه اسمها صاحب يدخل بيتى واقول ده متربى معايا مفيش الكلام ده حافظوا على زوجاتكم وبناتكم علشان الخيانه مش بتيجى غير من كده ونسأل نفسنا الخيانه بتحصل ليه ✋وربنا يهدينا ويهديكم جميعا
انتهت ويهمنا رأيكم بالتعليقات