959 اجمالى المشاهدات,  18 اليوم

رواية العمل كاملة لكوكى سامح

العمل
#الجزء_الاول_كااااامل
انا فى كارثه بجد انا عروسه متجوزه من سنه وبحب جوزى جدا وهو كمان نسيت اعرفكم بنفسى انا المغفله قصدى ضحى وبشتغل مدرسه وجوزى معيد فى الجامعه
حصل حمل مرتين بس للأسف سقط والحمل مش بيوصل للشهر التالت
جوزى بيحبنى جدا وانا كمان بعشقه يمكن الكلمه دى قليله عليه
محمد جوزى لى طقوس يوميه بيقوم يروح الجامعه الصبح
ويرجع على الساعه 9 بالليل نتعشا انا وهو ومش بنخرج غير فى الإجازات المهم انا كل يوم بصحى من النوم الصبح جسمى متكسر وهلكانه وتعبانه معرفش ليه وانا بعانى من الانيميا بس اكيد مش ده السبب
كلمت ماما علشان تيجى معايا اكشف قالتلى متقلقيش يمكن برد فى جسمك
قولتلها لا
حجزت عند الدكتوره وميعادى عندها بكره بالليل خدت ماما تبات معايا ومحمد مكانش عارف انها هتبات
نامت فى غرفه الأطفال وياريت ما دخلت
محمد رجع من الجامعه كالعاده الساعه 9 قولتلوا حبيبى قالى نعم يا عمرى قولتلوا ماما عندنا النهارده كان ماسك فى ايده
كوبايه المياه وانا بكلمه رد قالى تنور يا حبيبتى راح قالى هى هتنام فين اصل احنا عندنا غرفه أطفال وغرفه تانيه اسمها معيشه قالى هتنام فييييين قولتلوا فى غرفه الأطفال راحت كوبايه المياه وقعت من ايده وانا كنت حزينه قولتلوا هى اسمها كده قالى حبيبتى بكره تبقى زى الفل واحنا بنتكلم حسيت جسمى بيرتعش وكانت الساعه 10 بالليل محمد قالى ادخلى نامى قولتلوا مش دلوقتى راح قالى
الساعه 10 وانتى عندك شغل وانا كمان واحنا بنتكلم لاقيت محمد بيقولى خلى ماما تنام فى غرفه المعيشه وهو بيتكلم لاقيت ماما خارجه من الغرفه وبتقول انا عرفت يا ضحى انتى مش بتخلفى ليه وماسكه فى ايدها حجاب
محمد بص فى زهول وماما قالت محمد رد وقالها نعم قالت هو انت اللى…… عاوزين تعرفوا حكايه الحجاب وهل محمد لى يد كله هيبان
الجزء_الاول
يتبع……..
لاقيت ماما خارجه من الغرفه وبتقول انا عرفت يا ضحى انتى مش بتخلفى ليه وماسكه فى ايدها حجاب
محمد بص فى زهول وماما قالت محمد رد وقالها نعم قالت هو انت اللى حاطط الحجاب ده فى الدولاب وسط ملايات السرير وضحكت من قلبها لأن فعلا شئ لا يصدقه عقل جوزى حبيبى حبيب عمرى يعملى عمل؟ وهنا بقى السؤال مين حط الحجاب ده فى الدولاب وسط ملايات السرير
محمد دخلى غرفتنا ينام وقال لماما وباسها من راسها تصبحى على خير يا حماتى وقعدوا يضحكوا
اول ما دخل ماما غمزتلى وقالت ادخلى اتأكدى انه نايم
وفعلا دخلت واتسحب بشويش زى الحراميه ههههه
مش مصدقه نفسى
خرجت لماما راحت شدتنى وقعدتنى على كنبه الانتريه وقالتلى مين اللى حاب الحجاب ده هنا انتى خايبه وعبيطه
انا مش هسكت وهولعها نار 🔥 🔥 🔥 ولازم اعرف مين
بيأذيكى يا بنتى وحضنتنى وقعدت تعيط كل ده وانا فى ذهول مش مصدقه نفسى
راحت سالتنى مين بيدخل شقتك قولتلها مفيش غير جارتى وسام ومش بتتحرك من مكانها راحت ماما قالت ومين تانى
قولتلها نهى سلفتى وانتى عارفه مناخيرها فى سما حتى مش بتيجى كتير وكانت هنا من اسبوع وأصحابى دعاء وداليا وطبعا تربيه ايدك يا ماما وضحكت
ماما قالت بتضحكى انتى فى مصيبه يا بنتى فى حد حطك فى دماغه بس مين معرفش
راحت ضحى قالت ماما ماما قالت نعم يا عين ماما وعينها مليانه بالدموع ضحى افتكرت فى بنوته كده بتيجى هنا هى بنت اخوه صاحب محمد طلب منه يذاكر لها بتيجى كل أسبوع مره او مرتين
ماما امممممم ماشى ربك المستعان ربنا ينور بصيرتنا للحق
ضحى يلا يا ماما الموضوع مش مستاهل دى حته ورقه ههههه
ماما قالت حته الورقه دى بقالك سنه مش عارفه تخلفى كل مره تسقطى حته الورقه دى بينت ان ليكى عدو وحسبنا الله
لاقيت نفسى برتعش وجسمى تلج وحسيت بتعب ماما
مالك قولتلها ده كل يوم على كده انا هدخل انام تصبحى على خير
ماما يلا نامى يا ست الكل علشان بكره نروح للدكتور
ضحى دخلت تنام وهى تعبانه وطبعا ده آثار العمل
الام قعدت تفكر وقالت مين اللى بيفكر يإذى بنتى وسام جارتها ولا اصحابها ودول مستحيل ولا سلفتها ولا البنت تبع جوزها محمد بس ايه جاب الشام جمب المغربى وليه الام هتجنن
دخلت تنام معرفتش وقامت وقالت لازم اتصرف ترجع بس من عند الدكتور وربنا يحلها من عنده
وقام محمد من النوم وضحى حضرت الفطار بس الغريبه ان محمد كان مرتبك ومضايق من وجود حماته ضحى محمد انت مسالتش على ماما قالها قولت انها نايمه هههههه وضحك ضحكه صفرا
ضحى هدخل اصحيها تفطر محمد قالها انا همشى باى يا حبيبتى
ضحى دخلت على مامتها الغرفه بتبص ملقتهاش فى السرير
ضحى استغربت بشده ماما فيييين
عاوزين تعرفوا حكايه العمل بتاع ضحى وكمان مامتها راحت فيييين وهتعمل بالحجاب ايه وهتكشف سره ازاى
الجزء_الثانى
يتبع……
اكمل ولا علقوا كتييييير مش هتاخر عليكم
ضحى دخلت على مامتها الغرفه بتبص ملقتهاش فى السرير
ضحى استغربت بشده ماما فيييين ومن كتر ما اتلغبطتت خرجت بره غرفه الأطفال وبقت تدور وتنادى ماما ماما
وراحت عالحمام ومسكت باب الحمام وهى بتفتحه لاقت حد بيخبط على باب الشقه وقالت بصوت عالى مين وراحت تفتح وفتحت الباب ضحى ايه ده ماما انتى كنتى فيييين؟؟؟ انا قلقت عليكى آوى ماما مالك فى حاجه
قالت لها وهى بصوت حزين 😔 مفيش يا بنتى وفى سرها بتقول فى بلاوى
ضحى هدخل احضر فطار
الام لا لا مش، دلوقت
ضحى لا هحضر يا ست الكل غيرى هدومك يلا بقى وهى بتضحك وفرحانه
الام فى نفس الوقت بتقول فى سرها انتى فى كارثه يا بنتى
ربنا يخرجك منها على خير واعرف مين اللى عملك العمل الأسود ده والأم سرحاااانه
ضحى ماما ماما بصوت فرحان الفطار جهز
الام جايه اهو
ضحى والأم قعدوا على السفره يفطروا وضحى مبسوطه لان مامتها قاعده معاها
الام حزينه مش عارفه مين عمل لضحى كده ومين بيكرهها
ويقصد ايه بالظبط واسئله كتيره بدور فى راسها
ضحى ماما مالك من وقت ما رجعتى وانتى سرحاااانه صحيح يا ماما كنتى فيييين؟ ؟؟؟ الكلام خدنى ونسيت أسألك
الام كنت عند خالتك يا ضحى
ضحى استغربت خالتوا يا ماما قالت لها آه
ضحى من امتى ده ما انتى واخده موقف منها علشان موضوع الفلوس هى رجعتها وانا معرفش؟؟؟
الام لا يا ضحى دى اختى ومستغناش عنها
الام بتقول فى سرها لازم يا بنتى ألجأ لها هى اللى تعرف فالحاجات دى وطبعا تقصد ( العمل)
اليوم كله عدى وجه وقت الدكتور
ضحى ماما ماما انا جهزت خلصتى
الام ايوه خلاص يلا يا ضحى متنسيش تاخدى معاكى التحاليل والاشعه
ضحى ده مش دكتور نسا يا ماما
الام نسيت يا بنتى معلش…
ونزلوا راحوا عند الدكتور وفى الطريق قبلتهم صاحبه ضحى داليا
ضحى ايه يا بنتى فينك مش باينه داليا قالت انا اهو
داليا ازيك يا طنط
الام ازيك يا حبيبتى اخبارك ايه وعامله ايه وهتجوزى امتى
داليا ان شاء الله كلها شهر وانتم مش محتاجين عزومه
طبعا
الام وضحى فى نفس الوقت لا وقعدوا يضحكوا
داليا انتوا رايحين فيييين كده
ضحى عند الدكتور اصلى دايخه وبقوم من النوم جسمى مكسر وبحس انى هلكانه ومتعبه
داليا ربنا يطمنك ويكون خير متقلقيش، طيب اسيبكم انا علشان متتأخروش وهطمن عليكى وهتصل بيكى اكيد
ضحى باى باى والأم طريق السلامه يا عروسه وكانت مبتسمه
وصلوا عند الدكتور وقعدوا يستنوا ميعادهم
الام تعالى اققعدى جمبى يا ضحى
ضحى حاضر ثوانى يا ماما هروح اشوف هندخل امتى بالظبط الام ماشى يا حبيبتى
الام وهى قاعده بتبص على اللى قاعدين فالعياده شافت ست ومعاها بنت بس البنت دى كان شكلها تعبان اوى
الام هى مالها البنت دى وراحت قالتلها هى مالها
الست وشكلها مامتها قالت دى مدوخانى بقالها 5 شهور مفيش حل وتعبانه على طول وولاد الحلال قالوا الدكتور ده كويس
الام قالت ربنا يطمنك عليها واطمن على ضحى بنتى وضحى جت
ماما يلا علشان ندخل الست قالت لها دى بنتك
الام اه ضحى بنتى لسه عروسه
الست شكلك لسه مخلفتيش
الام عرفتى ازاى الست ارتبكت وقالت لا لا علشان مش ع ايدها بيبى ولا حاجه
الام اااه ربنا ييسر أمرها
الست خييير
الست قالت فى سرها هو مش خير يا عينى عليكى يا بنتى ده انتى صغيره
الام قالت عن اذنك الست اتفضلوا الام رجعت وقالت. معلش ممكن اعرف اسمك قالت لها انا أسمى ماجده الام عاشت الأسامى يا ماجده
ضحى ومامتها دخلوا للدكتور وكشفت والدكتور قالها اعملى تحليل دم اشوف نسبه الانيميا اختلفت ولا لا عموما الانيميا عندك 10 كويسه مش وحشه بس يمكن تكون اتغيرت
الام دى بدوخ يا دكتور وجسمها هلكان وبيرتعش كتير ويسقع بس قبل النوم
الدكتور هشوف التحاليل وبإذن الله خير اطمنى
الام فى سرها ده مش طريقنا! علاج بنتى مش عندك نفسى اعرف مين بيكره بنتى وعايزها تعيش تعيسه انا مش هسكت بس اعرف مين ؟
ضحى التليفون
ضحى ده محمد الو ايوه يا حبيبى انا خلصت وهننزل من عند الدكتور لما اروح البيت هكلمك راح قالها انا هتاخر شويه ضحى مهتمتش وقالت ماشى
الام مع السلامه يا ماجده معرفه سعيده 😊 اتشرفت بيكى وربنا يطمنك على القمر ماجده قالت دعاء اسمها دعاء
الام عاشت الأسامي
ماجده هاتى رقمك واستنى منى مكالمه
الام ثوانى وقالت لها الرقم
ماجده بتقول فى سرها لازم اققولك بنتك فيها ايه قبل ما حالتها تبقى زى دعاء بنتى وقعدت تعيط
الام وضحى نزلوا من عند الدكتور وتليفون الام بيرن وقالت لضحى دى خالتك يا حبيبتى
الام ردت على اختها ولاقيتها بتقولها عاوزاكى ضرورى بكلمك من بدرى قالت لها مسمعتوش
الخاله انا حجزتلك عنده الام قالت لها وهى قلقانه ماشى امتى
الخاله بكره بعد العصر الام انا هكون لوحدى
الخاله ماشى نفهم وبعدين نقول لضحى
ضحى فى ايه وهى بتضحك الام مفيش يا حبيبتى
كله خيييير
الام فى سرها ما اظنش بس لازم اعرف مين مترصدلك يا بنتى ولازم اعرف حجاب مين ده ومين حطه فى حاجتك دى مش غريبه وقعدت تفكر راحت ضحى قالت لها بصوت عالى ومرتبكه ماما ماما
الام مالك فى ايه
ضحى عاوزه اققولك مين دخل شقتى غير اصحابى وسلفتى مش هتصدقى
الام وهى مزعوره مييييين ؟؟؟؟
عاوزين تعرفوا ضحى افتكرت مين دخل شقتها وياترى لى يد فعلا وهل ماجده عرفت ضحى ان معمول لها عمل ولا تقصد حاجه تانيه 🤔 يا ترى مييييين ؟؟؟ اسئله كتيره؟؟
الجزء_الثالث

عاوزه اققولك مين دخل شقتى غير اصحابى مش هتصدقى
الام مزعوره وقالت مييييين ؟؟؟ ضحى فاكره يا ماما ولاء
الام ولاء؟؟ ضحى ايوه ولاء بنت عم احمد البواب وحتى اليوم ده قعدت عندى طول اليوم ودخلت غرفه نومى وغرفه نوم الأطفال لأنها روقت الشقه
الام قالت فى سرها ودى اصلا هتعمل ليه كده! لا انا لازم اروح لاختى تودينا للراجل وهو هيعرف وهيقولى؟
ضحى يلا يا ماما علشان منتاخرش محمد هيتأخر النهارده الام ربنا معاه
وفعلا الام روحت مع ضحى البيت كانت خايفه عليها مش من جوزها ما هو بعيد عن الشك ده حبيبها هى خايفه لأنها حاسه ان فى حد بيكره ضحى ومترصد لها
ضحى ماما ماما استنى هدخل السوبر ماركت اجيب شويه حاجات قبل ما نطلع البيت
الام انا هسبقك يا ضحى طيب خودى المفتاح
الام هاتى.. ضحى راحت السوبر ماركت ودخلت تشترى وشافت مييين؟؟ صاحب محمد جوزها ومراته وقالت لهم ايه ده ايه الصدف الجميله دى منورين ازاى تيجوا لحد البيت ومتطلعوش صاحب محمد واسمه احمد قالها بس كان شكله غريب معلش أن شاء الله هنجليكوا مره تانيه ضحى ازيك يا شرين مش بتتصلى بقالك فتره ولا حتى بتسألى شرين معلش كنت مشغوله يا ضحى
ضحى بقولك فرح داليا قرب ابقى تعالى يا شرين اكيد هكون موجوده بس اعرف امتى وضحكت من غير نفس
ضحى اسبكم انا وهستناكم تنورونى
ضحى مشيت وسلمت عليهم وهى بتسلم على شرين كانت خايفه
ضحى مالك يا بنتى هو انا هاكلك ههههههههه شرين معلش ايدى ملوحه
ضحى الف سلامه عليكى
ضحى خدت الطلبات وخرجت من السوبر ماركت وهى خارجه قابلت محمد فى وشها وقالت ايه ده مش قولت هتتأخر!؟ محمد خلصت شغل وراح سأل هى ماما فييين مشيت وكان مبتسم
ضحى لا دى سبقتنى يا حبيبى محمد كشر كأن فى حاجه وكان قلقان
ضحى ومحمد طلعوا والأم قاعده شارده بتفكر وسرحانه وبتقول مين عاوز يإذى بنتى حسبى الله وكفى
محمد وضحى مالك يا ماما الام تعالوا حبايب قلبى ربنا يعوض عليكم بالخير كله
ضحى ومحمد يارب
الام دخلت تنام وكالعاده ضحى قالت انا بردانه وجسمى بيرتعش وحاسه انى هلكانه محمد تعالى ندخل ننام
التليفون رن ومحمد راح يشوف مين لاقاه صاحبه احمد جوز شرين رد عليه الو ازيك يا احمد
ضحى حبيبى انا هدخل انام مش قادره محمد ما صدق ادخلى حبيبتى ضحى دخلت ونامت قتيل!
محمد ازيك يا احمد واخبارك ايه مع ضحى
الام كانت لسه صاحيه وسمعت صوت محمد بيتكلم وبيقول اوعى يا احمد تكون انت وشرين اتكلمت مع ضحى فى حاجه
محمد مرتبك ومضايقك وابتدى ينفخ
الام خرجت وقالت هو بيتكلم مع مين عموما ميخصنيش بس قالت ده بيقول اسم ضحى لازم اعرف وابتدت تتسنط ع كلام محمد جوز ضحى وسمعته بيقول احمد انا عملت كل ده علشان مصلحتها واظن محدش هيخاف عليها قدى.
الام؟!! هو فى ايه!!! وفضلت تتسنط ولاقت محمد اتعصب وقفل السكه تقريبا حس بيها الام لازم اعرف وراك ايه يا محمد
الام قالت انا هنام وكله هيبان بس اروح للراجل وهو هيوضح كل حاجه ومين قاصد يإذى بنتى ضنايا
محمد تليفونوا رن بس ومن غير ما يرد هو عارف مين نزل بسرعه بملابس البيت ونزل يجرى يا ترى فى ايه هو محمد عنده السر ولا مين وياترى الام هتعرف بنتها معمول لها عمل ومين اللى عمله ولالا وايه السبب مين بيكره ضحى
#جزء_الرابع
الحلقه الاخيره ج 1
محمد تليفونوا رن بس ومن غير ما يرد هو عارف مين نزل بسرعه بملابس البيت ونزل يجرى حتى نسى يركب الاسانسير وخد السلالم جرى وقال تعالى ؟؟؟؟
فاليوم التالى محمد وضحى كانوا بيفطروا محمد سأل ضحى فين ماما ردت وقالت ماما سبتها نايمه بصراحه صعبت عليه من امبارح وهى قلقانه وحسيت انها مش بتنام كويس قولت تصحى ع راحتها
محمد عملتى ايه عند الدكتور ردت ضحى وقالت لسه هعمل تحاليل وقالى يمكن الأنيميا نسبتها اتغيرت
محمد ياريت لما تعرفى النتيجه وطلعت سلب اهتمى بالعلاج انتى مهمله يا ضحى،
ضحى راحت حضناه آآوى ❤️ وقالت ربنا يخليك ليه يا حبيبى ومحمد بيلف دراعه حوالين جسم ضحى الام خرجت وقالت صباحكم هنا ربنا يرضيكم يا حبايب قلبى ويرزقكم الخلف الصالح
ضحى ومحمد آآمين..
ضحى صحيتى بدرى ليه كده يا ماما سبتك تنامى شويه ولسه محمد بيسأل عليكى
الام خدت كفايتى من النوم انا خارجه ع بيت خالتك ضحى تانى ياماما خلاص هاجى معاكى
الام لا ي حبيبتى انا مش هتأخر وهكون موجوده ع ميعاد الدكتور
الام قلقانه 😧 جدا وعاوزه تكلم اختها علشان تنجز وتقابلها ويروحوا ميعاد الراجل اللى هيعرف مين بيإذى ضحى
الام مقتنعه بكده
الباب خبط ضحى مين
محمد خليكى هفتح انا؟ راح فتح الباب لاقى ولاء وقالت فييين مدام ضحى محمد بينادى ع ضحى
ضحى كلمى؟ ضحى قالت مين
محمد ولاء
الام عماله تبص وتبحلق وعاوزه تشوف ولاء؟
ضحى تعالى يا ولاء
ولاء مدام ضحى النهارده ميعاد تنفيض الشقه حضرتك نسيتى؟!
ولاء طيب بصى شويه وهنادى عليكى
ضحى ولاء هاتى رقم فونك؟؟
ولاء حاضر بس مش حفظاه هو التليفون تحت؟
ضحى ارن عليكى بدل ما افضل انادى بصوت عااالى وافضح الدنيا ده الشارع كله بيسمعنى ههههههههههه
ولاء حاضر هاتى رقمك وهرن على حضرتك
ضحى؟ ثوانى دخلت كتبت الرقم وقالت خودى يا ولاء ابقى رنى عليه
ولاء حاضر ونزلت
محمد انا ماشى يا حبيبتى وفتح الباب وافتكر ورجع وقال ضحى لو خرجتى علشان التحاليل كلمينى
ضحى حاضر يا حبيبى 😍 ونزل محمد
الام دخلت اوضه النوم واتصلت لاختها واتفقت ع ميعاد قبل العصر علشان المشوار بعيد وهى مش عاوزه تتأخر ع ضحى
ولبست وخرجت وقالت ضحى انا هنزل عاوزه حاجه ضحى لا ياماما بس ياريت تكونى هنا ع 7 علشان تيجى معايا معمل التحاليل
الام حضنت ضحى اوى وفضلت تتدعلها بنور البصيره
والخلف الصالح وعينيها دمعت وقعدت تعيط
ضحى ماما مالك فى ايه
الام نفسى ربنا يكرمك وفى سرها نفسى اعرف مين بيإذيكى يا ضنايا😭💔
ضحى يارب يارب كله خير
الام فعلا نزلت وضحى قفلت الباب وراها ودخلت المطبخ وخرجت تجرى وقالت لما ابص ع ماما اشوفها كده وخرجت البلكونه وبصت وفضلت واقفه ما بين ما خرجت من المطبخ والبلكون دقيقه وقالت ايه ده؟؟! دى ماما ما خرجتش من العماره؟؟! طيب ليه هى راحت فين 😧 وقالت بلاش وهم اكيد خرجت ولما دخلت المطبخ وجريت ع البلكونه فالوقت ده خرجت؟؟!
ضحى بتكلم نفسها وترد عليها وقالت هههههههه خير ان شاء الله
والفون رن مسكت الفون وقالت ايه ده؟ ردت وقالت الو
ردت عليها ولاء مدام ضحى اطلع ولا مشغوله ضحى قالت اطلعى يا ولاء
وبعد خمس ربع ساعه الباب خبط؟
ضحى مين؟ وفتحت الباب لاقت ولاء
ولاء قالت لضحى ابتدى منين يا مدام زى المره اللى فاتت من أوضه النوم؟
ضحى ادخلى
ضحى دخلت المطبخ وعملت شاى ب القرنفل هو المشروب المفضل عندها بعد القهوه وعملته وخرجت وقعدت ع كنبه الانتريه
وولاء جوه آوضه النوم بتروق،
الفون رن ضحى ردت وقالت ده محمد ايوه يا حبيبى
محمد قلبى بتعملى ايه وهتروحى المعمل امتى؟
ضحى انا كويسه وهروح ع 7 وان شاء الله ماما هتكون رجعت محمد ماشى سلام يا حبيبتى
ضحى مع السلامه ولما جت سيره مامتها افتكرت واتصلت بيها والفون يرن ومحدش يرد؟؟
ضحى ان شالله يكون خير؟
ضحى قالت هكلم خالتوا يمكن ماما مش سامعه الفون واتصلت وخالتها ردت وقالت مين؟
وضحى قالت انا ضحى ازيك يا خالتوا ممكن تتدينى ماما علشان دى مش سامعه الفون
الخاله ماما؟؟!! لسه مجتش يا ضحى
ضحى ازاى ازاى كل ده المفروض تكون وصلت من بدرى
خالتها متقلقيش يمكن الطريق زحمه
ضحى بقولك يا خالتوا طمنيني لما توصل طمنينى
ضحى حاضر وقفلت؟ وفى نفسك قلقت😧 اكتر وقعدت تقول انا مش مطمنه خالص ماما مش بترد وكمان لسه موصلتش عند خالتوا؟!!!
ولاء مدام ضحى؟ وبتنادى عليها وضحى سرحانه فى مامتها
ولاء انا هدخل الصالون ولا اوضه نومكم
ضحى اى حاجة اى حاجه؟
واتصلت برقم مامتها وبردوا الفون مفتوح وجرس ومش بترد؟؟
واتصلت اكتر من ال 10مرات ومفيش اجابه خالص
واتصلت بمحمد وهى المره دى قلقانه وعدى اكتر من ساعتين وولاء نزلت وخلصت الشقه وكلمت خالتها تانى والأم موصلتش وضحى ابتدت تنهار واتصلت بمحمد ومحمد رد وقال حبيبتى قالت ماما لسه موصلتش عند خالتى وبتصل بيها مش بترد العمل ايه قالها انا جاى
وقفل معاها واتصل باحمد صاحبه وقاله ع اللى حصل وكانت مراته شرين قاعده وقالت لأحمد انت رايح فين قالها عند محمد مامت ضحى غايبه من الصبح شرين يارب خير هاجى معاك قالها يلا ونزلوا وراحوا عند ضحى وكان محمد وصل وضحى منهاره وماسكه الفون وباصه فيه ومش فاقده الأمل يمكن ترد عليها وعماله تفتكر اخر حضن بينهم ودوعائها ليها واعيط 😭💔
محمد فى ايه بس متقلقيش والباب خبط فتح لاقى شرين واحمد محمد تعالوا
شرين متقلقيش ي ضحى ومسكت ايديها واحمد ان شاء الله خير
شرين قومى ضحى قامت ودخلت مع شرين آوضه النوم وشرين سألت ضحى هى راحت فيين؟ ضحى بتعيط معرفش معرفش؟
شرين ضحى هو انتى لسه تعبانه؟
ضحى تعبانه من ايه؟؟!
شرين اسفه خلينى فى طنط يارب تكون بخير
ضحى مسكت ايد شرين وقالت لا قولى تعبانه من ايه
شرين عادى!
ضحى بقولك قولى
شرين محمد قال انك؟؟
#العمل_2…والاخير
شرين ضحى هو انتى لسه تعبانه؟
ضحى تعبانه من ايه؟؟!
شرين اسفه خلينى فى طنط يارب تكون بخير
ضحى مسكت ايد شرين وقالت لا قولى تعبانه من ايه
شرين عادى!
ضحى بقولك قولى
شرين محمد قال انك؟؟
ضحى قال ايه؟ بتتعبى بالليل وقال كمان انك؟؟
محمد دخل عليهم وقال ضحى تليفون ماما اتقفل خالص هضطر أبلغ وفعلا محمد خد احمد صاحبه وراح بلغ بس قالوا لازم يعدى ٢٤ ساعه علشان نتحرك! ضحى اتلهت ونسيت كلام شرين ليها كل تفكيرها فى امها 😭😭 وطبعا لازم تكلم كل عيلتها مسكت الفون وقعدت تتصل بكل حد فى العيله كبير وصغير! وشرين قاعده تبص لضحى نظرات غريبه
احمد قالها بهمس انتى فى ايه ي بنتى عينك فضحاكى حسى ع دمك شويه! راحت قالت غصب عنى! بقيت اخاف من ضحى ازاى تتجنن واحنا ساكتين وجوزها ايده فى المياه البارده
احمد زقها وكانت زقه جامده وقالها حسك عينك تتكلمى فى حاجه زى كده تانى 😁
شرين عينيها رغرغت جامد وقامت وطبعا ضحى فى تليفونتها مشغوله مخدتش بالها اساسا من شرين واحمد؟
وشرين قامت مسكت ضحى وحضنتها حضن ضحى حست بيه بحنيه وقالت لها قلبى عندك 💔 ان شاء الله هتطمنى ع طنط ربنا يطمنا عليها 😢 ضحى انا تعبانه يا شرين حاسه انى هموت ماما بضيع منى مش عارفه راحت فين 😭💔
شرين ساكته خالص وعماله تبص لضحى وفجأه الساعه بقت 11 بالليل ضحى بقى جسمها يتنفض وقالت لشرين انا حاسه بسقعه وجسمى مكسر عايزه اناام
شرين يا نهار اسود الحاله جتلها دى أعراضها انا هخلع؟،!
احمد يلا نمشى ضحى عاوزه تنام
احمد قال لشرين مالك انتى كمان ملبوسه 😂 راحت ردت عليه بسخريه وقالت اه انت عاوز كده؟ وقالت انا عارفه ي حبيبى انى منحوسه انى اتجوزتك وقعدوا يضحكوا 😂 وكل ده وضحى بتترعش ودخلت اوضتها ومحمد شغال تليفونات مكان ضحى مصدق دخلت تنام؟
قال لأحمد وشرين انتوا ايه فظاع بجد الحمد لله مخدتش بالها شرين قالت ربنا يشفيها
احمد سلام ي محمد بس طمنى ع طنط يلا ي شرين
محمد سلام!
احمد قال بصوت عالى هكون معاك ع تليفون وهجيلك بعد الشغل.؟!….
محمد قاعد لوحده ومسك الفون واتصل بكل قرايب ضحى
وقرايبه
وفجأه فون البيت رن؟؟
محمد قال غريبه محدش بيكلمنا عليه؟؟ اما اققوم ارد
قال الو محدش رد قفل السكه
واتقررت كذا مره 🙄 وقال مترد ولا تردى مين انا سامع نفس حد! بس محدش بيرد؟
كل ده والبلاغ لسه محدش خد فى إجراء وحماته لا حس ولا خبر 😒
الفون رن محمد مردش كالعاده ونزل بملابس البيت جرى وفى ايده الموبايل وخد السلالم جرى ؟؟؟ فين وليه🤷‍♀️ محدش عارف بيكلم مين
وضحى نايمه فى سابع نومه، ودموعها ع خدها 😭
فى صباح اليوم التالى ضحى قامت وقالت لمحمد انت قاعد كده ليه 🤔
محمد رد قالها صباح الخير ي ضحى قالت اسفه واترمت فى حضنه صباح الخير يا حبيبى وقعدت تعيط ماما ماما ده انا مليش غيرها
محمد انا عارف انك بتتألمى بس هطلب منك طلب
ضحى عنيه ليك يا حبيبى؟؟
محمد روحى كملى تحاليل! ضحى ازاى انا فى ايه ولا فى ايه
ارجوك ماما ترجع بالسلامه وكله هيكون بخير!
الباب خبط ضحى هقوم افتح؟
محمد خليكى هقوم انا وقال ثوانى
وفتح الباب لاقى بشر اعمام وعمات ضحى وخاله ضحى بس كانت محسوره ع اختها وتقول يارب ترجعى. بالسلامه يا حبيبتى 😭
ضحى انتى بالذات متتكلميش مش كفاية سارقه فلوسها وبتمثلى انك زعلانه 😞 محمد مسك ضحى وحط ايده ع بوقها اسكتى اسكتى عيب يلا ادخلى جوه
وضحى دخلت اوضتها منهاره
راح قال اسف ي طنط حضرتك عارفه انها مش فى وعيها مضايقه علشان غياب مامتها ومتوتره
راحت بصوت حنين وقالت لمحمد لمؤاخذه يا بنى يعنى ايه مش فى وعيها 🤔 محمد وشه جاب الوان انا قولت كده انا بقول متوتره
خاله ضحى قالت بحسب قولت كده وفى سرها قالت
هو انا علشان جاهله وست فهمى ع قدى هيستعبطنى اما نشوف يا محمد انت كمان وراك ايه 🤔
بس اختى ترجع بالسلامه 😭 وشوف مياتك ايه 🤔 وقالت لما ادخل لضحى اشوفها……
محمد قال انا نازل احرك البلاغ وقال البيت بيتكم يا جماعه وفعلا مشى
الباب بيخبط ع ضحى
ضحى قالت ادخلى تعالى ي خالتوا انا اسفه
خالتها.. عذراكى راحت قالت لضحى بقولك تعالى احكيلى ماما خرجت ازاى وضحى قعدت تحكلها…..
ضحى قالت ياااه يا خالتوا الكلام خدنا واعمامى وعماتى بره
يلا نخرج نشوفهم وهما قاعدين الباب خبط جامد جرس ورزع وخبط جامد؟!
ضحى ايه ده مين اللى بيخبط كده؟! وقامت تفتح الباب
وفتحت وبصت اوى وقالت تعالى وحشتينى وحشتينى يا نور
شوفتى ماما؟ شوقتى حصل لنا ايه 🤔 😭
خاله ضحى بصت وقالت هى مين نور دى مش تعرفينى يا ضحى؟؟
ضحى قالت نور تبقى؟؟؟
يتبع….

#العمل_2
ج2
العمل الجزء التانى ح ٢
خالة ضحى بصت وقالت هى مين نور دى مش تعرفينى يا ضحى؟؟
ضحى قالت نور تبقى اختى مش فاكراها يا خالتو اختى من بابا 😏 الخاله والله يا ضحى متشرفتش بيها قبل كده 🙄
نور ازيك يا طنط اتشرفت بحضرتك جدا 😍
خاله ضحى بتقول فى سرها هى مالها دى فرحانه ان اختى مش موجوده ومنعرفش عنها حاجه 🤔 دى حتى ولا سألت 😁 ضحى تعالى يا نور ندخل جوه وخدتها ودخلت وكل ده اعمام وعمات ضحى موجودين
خالة ضحى معلش يا جماعه ضحى بس متأثره بغياب مامتها بس انا موجوده هدخل اعمل حاجه تشربوها وفعلا دخلت المطبخ وجالها تليفون قامت جريت وردت وهى فالمطبخ بصوت همس محدش يسمعه خالص؟؟!
وقعدت تتكلم حوالى 10 دقايق ومحدش واخد باله من كلامهم وصوتهم عالى وهى استغلت ده
وخلصت وعملت شاى وخرجت تقدمه لأهل محمد واهل ضحى من باباها
ضحى بتنادى ع خالتها بصوت عالى يا خالتو من فضلك تعالى عاوزاكى
الخاله جايه ي بنتى اهو ودخلت وكانت حركاتها بطيئه جدا؟
ضحى مالك ي خالتو خير؟ قالت معلش حبيبتى حاسه انى مرهقه شويه ورجلى مش شيلانى خالص
ضحى؟! انتى كنتى كويسه طيب تعالى استريحى ع السرير
نور قامت من مكانها وقالت تعالى يا طنط طيب اطلب دكتور؟
الخاله شويه وهكون كويسه راحت مسكت نور من ايدها وقالت لهاا معلش ي بنتى فى طلب كده؟
نور؟؟ اتفضلى
الخاله ممكن تعملى غدا للناس عيب قاعدين من بدرى وجاين يطمنوا ع اختى انا عارفه ان مش وقته بس إكرام الضيف واجب؟
نور حاضر ياا طنط 😍
نور بتبرطم وهى ماشيه وبتقول ايه القرف ده هو بيتى علشان اعرف اتصرف فيه ناس غريبه وست غريبه؟
عمه ضحى واسمها سعاد فى ايه يا نور؟
نور خير عاوزه حاجه 😁🤔 وبكل قله زوق وهى بتتكلم
عمتها ايه ي بنت قله الادب دى 😁
نور لو سمحت اعتبرونى غريبه زى ما كنت انا مش فى حياتكم اساسا 😒
كفايه ضحى عليكم وسابت عمتها؟
عمتها التانيه قالت سيبك منها دى شكل امها خرابه البيوت وقعدوا يضحكوا علشان تتغاظ 😁 ونور سامعه وساكته
بس حزينه؟
لما دخلت المطبخ قالت انا تعبت نفسيا مفيش غير زفته ضحى مفيش غيرها حاجه مقرفه 😏😁
لما اخلص وأخرج ولا كأنى اعرفهم اساسا جالها تليفون وردت عليه وهى بتضحك واول ما ردت قالت حبيبى واحشنى 😍
مووووت؟؟
ضحى بصوت عالى نوررر نورررر؟؟!
نور طيب سلام دلوقتى وجريت ع الحوض كأنها بتغسل المواعين
ضحى خلصتى
نور خلصت ايه 🤔 انا لسه داخله ملحقتش حتى اغسل ايدى 😂
ضحى مكشره ونور بتضحك وقالت انا خارجه لو عاوزه مساعده
نور؟ لا انا هظبط الدنيا
ضحى دخلت وقعدت مع عمه من عمتها اسمها منى وقالت لها هو حصل حاجه؟! شكلكم مش طبيعى حتى نور؟
عمتها منى مش عارفه البنت دى ازاى تيجى هنا؟
ضحى دى اختى يا عمتو وكفايه اللى شافتوا من بابا
عمتها اسكتى يا ضحى امها كانت خاربه الدنيا لحد ما جه اليوم اللى كان هيطلق فى مامتك..
ضحى ماما اااه يا حبيبتى وحشتينى
ضحى عمتو ازاى يطلق ماما علشان ايه وليه؟؟
نور شغاله كلام تليفونات وكل ده وخاله ضحى واخده بالها منها؟
وضحى قاعده مع العيله بس بتاخد وتدى فالكلام مع عمتها منى
عمتو بابا كان هيطلق ماما بسبب مامت نور ليه 🤔؟
منى دى خرابه بيوت لدرجه انها كانت تقف فالبلكونه و…….
محمد ثوانى يا طنط ونور خرجت
ضحى الو ازيك يا حبيبى عملت ايه
محمد ولا اى حاجه بقولك عماتك واعمامك اكيد فى تسليه
ضحى انا مقهوره ع ماما ي محمد وتعبانه مش وقت هزار خالص..
محمد طيب سلام
نور محمد جوزك ده 🤔
ضحى اه بس خلقه ضيق خالص 🙄😁
نور محمد عمل ايه فى القسم وفى الإجراء اللى مفروض
يتخذه بعد ٢٤ ساعه ؟؟
ضحى فى سرها ايه ده عرفت منين
ضحى.. نور نعم يا دودو
خلى بالك من خالتو علشان انزل اشترى شويه حاجات من السوبر ماركت 😁
نور خليكى هنزل انا كفايه عليكى يا حبيبتى
وفعلا نزلت وجالها تليفون وهى نازله
وهى بتتكلم ع السلم لاقت ايد بتحسس ع جسمها بصت وقالت ايه هو انت
يتبع
#العمل2

 

نور نزلت وجالها تليفون وهى نازله
وقفت ع السلم وهى بتتكلم لاقت ايد بتحسس على جسمها؟ بصت وقالت ايه ده هو انت؟؟
انا جيت علشانك بس 🤚 محدش يفرق معايا لا ضحى ولا وأمها قصدى طنط 😂
رد محمد حبيبتى لازم اطلع وخلى بالك انا مش عاوز ضحى ولا اى حد من الموجودين ياخد بالهم؟!
نووور! يا خواف
محمد باى دلوقتى انا طالع متتأخريش. نور اوكيه ي حبيبى ♥️
محمد طلع وخبط ونسى يفتح بالمفتاح اصل الحب ولع فى قلبه 🔥
خاله ضحى فتحت الباب وضحى قاعده مع أهلها وبيتكلموا ع ذكرياتهم مع مامتها وقد ايه ست عظيمه وجدعه،
ضحى. محمد ايه ده مفتحتش بالمفتاح ليه 🤔 رد وقال انا جاى تعبان كنت فى القسم طول الوقت ودوخت علشان البلاغ يتحرك؟ نسيت يا ضحى
ضحى. انا مش عارفه ايه اخرتها انا خايفه ع ماما اوى اوى
محمد خدها فى حضنه وضحى قعدت تعيط يا حبيبتى يا ماما وحشتينى
محمد ان شاء الله كله خير. الباب بيخبط محمد قام يفتح وقال نور وكأنه مندهش 😲
اهلا اهلا اتفضلى ايه ي بنتى مش باينه خالص عاش من شافك
نور مش عاجبها الكلام وقالت كويسه ودخلت الحمام واتصلت بمحمد وهو قاعد جمب ضحى
محمد مخدش باله الفون كان صامت 📴 محسش خالص بس ربنا عاوز يكشفه؛
ونور عماله تتصل وقالت انت مش بترد عليه علشان قاعد معاهم مانت طول عمرك لما بتصل بتنزل تكلمنى تحت فالشارع خلاص بقيت تكرهنى ماشى انا مش ههنيك على يوم واحد معاها وللاسف محمد خسر ضحى لأجل نور اختها وطبعا اختها من الأب خسر حب عمره علشان كل ذنبه انه جوزها لا بتحبه ولا اى حاجه!
نور خرجت من الحمام ولاقت محمد واخد ضحى فى حضنه اتجننت مبقتش ع طبيعتها خالص وقعدت ع الكرسى وبقت تهز فى رجلها من كتر العصبيه حاسه ان ضحى بتكسبها ومحمد فالاخر بيخاف ع شعور ضحى
خاله ضحى مراقبه نظرات نور ودخلت اوضته ضحى وقالت فين شنطه نور وقفلت الاوضه عليها وفضلت تدور ولاقيتها فالدولاب وفتحتها ولاقت فيها نفس الحجاب اللى مامت ضحى لاقيته فى اوضته الاطفال وقالت معقول😲🤔 انتى يا خاينه اللى عامله العمل لاختك
وهنا المفاجأه 😲 مسكت الموبايل وقالت لما اكلمها علشان تحضر معانا خلاص كل حاجه وضحت بس يا ترى السبب ايه 🤔 اللى يخلى نور تعمل عمل لضحى؟؟
مسكت الفون واتصلت وقالت الو حبيبتى كله ماشى تمام الخطه مظبوطه زى ما قولتى وعرفتى تجرى رجليها لحد البيت
مامت ضحى كان لازم اعمل كده انى جرالى حاجه علشان تيجى الخاينه بنت خرابه البيوت انا سمعته بيكلمها ولما حس بيه خد بعضه ونزل فالشارع بس لازم ياخد جزاءوه ويتعاقب ع خيانته لبنتى ضنايا بتتعذب لا عارفه تخلف ولا تعيش زى اى ست بس ربنا كريم هيعوضعها 🙏😭 الباب خبط راحت قفلت فى وشها
وقالت مين؟؟ انا ضحى يا طنط ثوانى وفتحت الباب
ضحى انتى قافله الباب بالمفتاح ليه 🤔
الخاله كنت بغير هدومى؛
ضحى غريبه هههه مع انك مغيرتيش؟؟
الخاله انا هخرج دلوقتى اققعد مع الناس وخرجت وقالت شكرا ليكم كلكم وكفايه تعبنكم معانا ومحمد ونور بيصوا لبعض؟ وقالت كل واحد يروح يرتاح فى بيته وهنطمنكم بإذن الله 😊 اعمام ضحى وعمتها قاموا وقفوا وقالوا لا شكرا ع واجب واتفجأوا من اسلوبها ومشيوا زعلانين!
محمد ليه كده يا طنط اتحرجوا جدا؟
قالت فى سرها لازم ضحى تعرف حقيقتك يا خاين؟
محمد طنط فى حاجه قالت لا ي حبيبى ربنا يراضيك انت والغلبانه اللة جوه وان شاء الله الحقيقه تظهر؟
محمد قال حقيقه ايه 🤔
ارتبكت وقالت اختى يا ابنى وقعدت تعيط تكون بخير وتظهر مش عاوزه حاجه اكتر من كده
الساعه عدت 8 بالليل وضحى وخالتها ونور ومحمد قاعدين والباب خبط محمد قام يفتح لاقى شرين واحمد وقالهم اتفضلوا
احمد قال مفيش، اخبار وشرين قالت هى مين دى
خاله ضحى دى اخت ضحى؟ شرين! مين حصل ازاى هههه
الخاله اختها من الاب
شرين اه اهلا وسهلا
ودخلت لضحى وضحى سألتها محمد قال عليه ايه وشرين قالت لها قال انتى شبهه ملبوسه وكان بيدور ع شيخ علشان تتعالجى قامت وقالت انا انا هه ملبوسه لا طبعا وليه يقول كده؟؟ شرين ابوس ايدك محدش يعرف؟ ضحى حاضر بس كان قلبها بيغلى والحقيقه ابتدت تبان والخيوط ابتدت تتجمع
و الخاله بتراقب نور ومحمد لحد ما سمعت نور بتقول لمحمد ازاى متردش عليه رد محمد وقال انا مردتش فين؟
نور شوف تليفونك راح شاف
الخاله دخلت وملحقش يرد ع نور. ويكلمها
ضحى خرجت من الاوضه وقعدت جمب محمد وخدت تليفونوا وهو مشغول وبيتكلم مع احمد ودخلت اوضتها وقالت لشرين يلا بسرعه شرين قالت ايه فى ايه ي بنتى
خوددى تليفون محمد وتليفونى اعملى برنامج تجسس الواتس ردت وقالت الباسورد ايه؟
ضحى عيد ميلادى وقالته وشرين ابتدت تفتح الفون وادخل الباسورد والفون مفتحش ضحى قالت غريبه لا فى أنه بقى
وكمان بيكدب عليه خالتها دخلت عليهم ضحى قالت خضتينى يا خالتوا فى ايه ي بنتى مفيش تليفون محمد ده
ضحى ابوس ايدك اسكتى لا يسمعك قالت لها لا وهى بتتعوح كده ده مشغول مع نور واحمد؟
ضحى اعمل ايه يا شرين عاوزه اراقبه ده حتى لاغى باسورد بتاريخ عيد ميلادى!!
الخاله فجرت المفاجأه وقالت عيد ميلاد نور امتى؟؟
ضحى!!! ليه 🤔
الخاله تعرفيه ولا لا انجزى
قالت اه طيب دخليه باسورد لفون محمد وكانت بتقول التاريخ وشرين بتكتب الباسورد هوبااااا شرين؟ الفون فتح
ضحى ايه وقعدت ع الارض
الخاله وشرين قومى واصلبى طولك كده شرين اتأكدت انت كداب وخاين وخدت ضحى فى حضنها وضحى حتى صوتها ما طلع
شرين ظبطط الفون وخالتها اخدته وخرجت وحطته ع السفرة
نور ومحمد واحمد قاعدين بيضحكوا ع موقف حصل بين محمد وأحمد ومبسوطين 🤩 وضحى جوه نار 🔥 جواها ومش عارفه تعمل ايه 🤔
الخاله دخلت ضحى ردى ع ماما حاضر الو ايوه يا ماما فهمتك وعرفت انتى قاصده تعملى الخطه ليه بس انا بموت يا ماما
ألام مش ماسكه نفسها حزينه ع حظ بنتها وع حب عمرها
ضحى تعالى يا ماما كله ظهر
ألام لا بس دول خاينين وهقولك ع كلمه اللهم اضرب الظالمين بالظالمين واخرجنا منهم سالمين 🙏
ضحى اااه يا ماما يارب مش لو كان ليه اخ كان واقف لهم
ألام انتى بميت راجل ملكيش اخ بس ربنا خلقلك عقل وقالت لها سلام ي بنتى انا جايه؟
ضحى رساله واتس استنوا؟؟ ا
البرنامج اشتغل؟
نور حبيبى ♥️
محمد هه، مش وقته
نور عاوزاك فى حاجه 🤔
محمد مش دلوقتى احمد قاعد معانا والبيت مش فاضى
نور انا هنزل وانت كمان تنزل عند ولاء بنت البواب
محمد ولاء ودلوقتى مجنونه 😁
نور لا بحبك 🌹♥️
محمد شويه لما ابعتلك اسبقى وخلى ولاء تفتحلك الاوضه
نور طيب يا حبيبى ♥️
نور بقولك هتحط السائل بتاع العمل فى العصير لضحى
محمد اكيد اومال هتنام ازاى ده بيبهدلها 😂 بتنام متلجه
نور احسن ربنا يريحنا منها
اوبا الفون وقع من ايد ضحى واغمى عليها
شرين وخالتها ضحى وبصوت عالى محمد قام يجرى ودخل عليهم فى ايه خالتها خدت الفون وخبته
ردت وقالت متقلقش ده من كتر الخوف ع امها دى ألام يا ابنى
وطبعا الام فالطريق ؟؟؟
وضحى مغمى عليها ومحمد قاعد جمبها وشرين بس خالتها لقيمه لقم السنين وقالت غريبه هى نور مدخلتش ليه خرجت تشوفها لاقت احمد واقف وقالها فى ايه طنط محبتش ادخل
قالت ضحى تعبانه شويه ادخل يا ابنى لصحبك وقالت فين نور؟! احمد فالمطبخ انا هدخل اشوف فى ايه لو استدعى اجيب دكتور هجيب ودخل لهم بس الخاله قلقانه عاوزه تشوف نور بتعمل ايه بعد ما خلاص الحقيقه بانت وكله اتكشف ان العمل مخرجش من، تحت ايدها
ودخلت تتسحب وكانت نور بتتكلم فالتليفون وكانت هنا المفاجأة سمعتها بتقول انا مشغوله النهارده ياريت متزعلش منى الخاله قالت طيب محمد جوه بتكلم مين سمعتها بتقول باى يا طارق يا اغلى اسم عندى ♥️
وسابت الفون ع رخامه المطبخ ودخلت الحمام وقبل ما يقفل ويطلب باسورد الخاله جريت ومسكت الفون وخدت رقم طارق وسجلته فى تليفون ضحى وسابته مكانه؟!
وخرجت نور من المطبخ وقالت فى ايه مالك يا ضحى وضحى نايمه فاقده الوعى مش قادره ترجع تشوف حب عمرها وخاينته ليها؟
الخاله دخلت البلكونه وقالت لازم محمد يعرف ان نور بتخونوا وطارق يعرف اعمل ايه وقالت جاتنى فكره واتصلت لاختها وقالت أخرى نفسك ساعه لما اققولك تعالى تيجى
ردت وقالت فى جديد؟؟!
الخاله؟ اه كل حاجه هتعرفيها بس اللى فى بالى يحصل؟
ودخلت الاوضه عليهم وقالت يلا كله يخرج انا هفوق ضحى
محمد قال لا مش هخرج هدخل اعمل لها عصير
الخاله اعملها وان شاء الله تكون فاقت
وكلهم خرجوا ومسكت ضحى وقالت لها قومى قومى قومى لازم يتفضح الخاين ضحى فاقت وقعدت تعيط صعب صعب
الخاله اجمدى
تن تن
الخاله امسكى فى رساله ع الواتس 😁
نور حبيبى ♥️
محمد قلبى
ضحى قالت قلبك وانا بموت ولا همك انا!
نور أنجز انا هنزل عند ولاء
محمد بعمل العصير تشربه وهنزلك
نور من غير سلام
محمد ♥️♥️♥️🌹
احمد ومراته شرين قاموا واستأذنوا والبيت فضى خالص والخاله قالت ياه النوم مسك عينى اصلى بنام بدرى
نور دى الساعه ١٠ انا كمان هنزل اجيب حاجه من سوبر ماركت حاسه انى مخنوقه وفتحت الباب ونزلت
تن تن ضحى رساله
نور حبيبى ♥️ انا نزلت هستناك
محمد اوكيه يا عمرى 😍
ضحى يا خاين يا كلب
محمد دخل ع ضحى وضحى رمت الفون جمبها ومحمد جايب لها العصير وقال اشربى انا عارف انك متعوده عليه قبل النوم ردت ضحى وقالت ماما وحشتنى وكانت فاقت بقى وبتمثل؟ محمد اشربى ان شاء الله هتطمنى عليها كله خير
ضحى؟ محمد ممكن تجبلى مناديل من بره قالها حاضر
ضحى قامت جرى ع البلكونه ورمت العصير
وفى نفس الوقت الخاله بتتصل بطارق وقالت انت طارق نور عاوزاك ضرورى نور بتموت ياريت تلحقها وده العنوان وطبعا خاله ضحى كانت عامله فون نور صامت ونور من لهفتها مخدتش بالها خالص
وطارق مهما يتصل هى مش هترد 😁 ولا هتاخد بالها لأنها مع عشقها التانى 😍
محمد جاب المناديل لضحى ولاقاها بتقول انا برتعش ومتلجه وجسمى هلكان انا عاوزه انام وفردت ع السرير واستغطت وابتدت تمثل انها نايمه
الخاله كلمت اختها وقالت لها تعالى بس ع اوضه ولاء
ألام ولاء مين 🤔
الخاله بنت البواب ولا اققولك لما توصلى كلمينى
وطارق فالطريق
ونور تحت فى اوضه ولاء بنت البواب
ومحمد نازل لها
وضحى المفروض نايمه؟؟ 😂
الخاله دخلت لضحى وقالت قومى 10 دقايق وننزل
ضحى انا خايفه 😱 😭 ده محمد حبيبى واختى اللى الكل قالى ابعدى عنها وانا قولت لا
الخاله دى بتعرف واحد غير محمد ضحى مركزتش 😁؟؟
محمد نزل لاقى نور قاعده فى الاوضه مع ولاء حط ايده فى جيبه وطلع 200 جنيه وقال لولاء اطلعى فوق وشويه وهنادى عليكى ضحكت وقالت حاضر ي استاذ محمد
نور قاعده ع السرير وقالت لمحمد وحشتنى تعالى فى حضنى بقى ♥️💗 وفعلا نام فى حضنها وابتدوا فى العلاقه الجنسيه 💋❤️ 🔥 وطبعا نور كل ده كدب بتلعب عليه؟!
راحت خالت ضحى قالت نادى ع ولاء قالت لها المفروض انى نايمه الخاله قالت انا هنادى
ضحى قالت انا معايا تليفونها هى كانت رنت عليه لما طلبت منها بس يارب اكون سجلته يارب يارب
مسكت الفون ودورت وفعلا لاقيته وقالت الحمد لله
طنط اتصلى من عندك انتى وفعلا رنت عليها وولاء ردت ع طول والخاله قالت انتى ولاء لو سمحت انا عاوزاكى فى شقه مدام ضحى علشان تشترى لينا حاجه من الصيدليه
ولاء قالت حاضر ثوانى
واتصلت ع محمد ونور ومحدش رد للأسف تليفونتهم صامته
وقالت وانا مالى انا هنزل اشوف هما عاوزين ايه وخبطت ع الباب
و الخاله فتحت الباب قالت لها تعالى ي بنتى لاقت ضحى ولاء قالت اذيك يا مدام ضحى؟؟!
ضحى ايه يا ولاء اتخضيتى اه صح انا مش نايمه راحت خالتها مسكتها وشدتها ع الانتريه وقالت اققعدى ي بت هنا
ولاء عيب يا مدام انا معملتش حاجه
ضحى فاتحه بيتك دعاره لجوزى ولعشقيته ولاء سكتت غصب عنى صدقينى
ضحى هاتى مفتاح 🔑 الاوضه ولاء طلعته بكل سهوله ومستسلمه خالص وساكته وقالت لها هاتى تليفونك وخدتوا منها؟؟!
وقالت لخالتها يلا ننزل
الخاله 😭
ضحى طنط انا مش زعلانه ده خاين ولا يسوى وحسبى ربى وكفى 🤚
ونزلوا وهما نازلين لاقوة طارق فى وشهم
وسأل وقال لو سمحت فى حد هنا اسمه نور الخاله ايوه يا ابنى دى بتموت خد المفتاح ده وافتح بيه هى فى الاوضه اللى هناك دى؟؟
طارق وكان ملهوف وفعلا خده من غير تفكير وفتح الباب هوبااا لاقى نور فى حضن محمد وقال ايه ده مش معقول يا بنت الكلب يا خاينه نور قامت وقالت انت فاهم غلط؟
محمد فى ايه 🤔
انت مين
طارق انا المغفل وطارق استوعب ان دى لعبه وحكم عقله وقال انا وانت اضحك علينا وفتح تليفونه وفتح الصور والفيديوهات ولاقى نور فى حضنه وقاله هى دى حبيبتك وحبيبتى
محمد؟؟؟
محمد يا بنت الكلب يا خاينه خسرت بيتى ومراتى علشانك شربتها العمل وكانت فكرتك ليه كل ده وانتى مش عاوزانى وفى حضن راجل غيرى ااه وهو بيتكلم مش حاسس بنفسه وطبعا كان خانقها جامد وبيقولها ردى عليه وهو فى حاله هيستريا بص لاقاها جثه هامده وقال لا لا لا
دخلت ضحى وقالت هههههه هههههه دى أخرت وسخاتك وخيانتك ليه 🤔 اشرب بقى
ألام جت وشافت منظر عظيم وقالت لضحى مش قولتلك اللهم اضرب الظالمين بالظالمين واخرجنا منهم سالمين وخدت ضحى واختها وطلعت وطارق مشى ونور ماتت واخرتها سوده 😭😱
ومحمد مستنى يتعدم وضحى طلبت الطلاق وابتدت تفوق بشغل جديد وحياه نضيفه 😍 من غير خيانه
يا جماعه طول ما فى ام عظيمه وتخاف عليكى هنفضل نعيش فى سعاده واوعى تفكرى فى اى مشكله بينك وبين جوزك صغيره وتكبريها لا بالسياسه والحب كل حاجه هتكون كويسه حافظوا ع الناس الكويسه فى حياتكم واتمسكوا بيهم ام الناس الياهاا سبيهوهم للى خلقهم يصطفى فيهم الأذيه وحشه محدش ياخد حقه بأيده ❤️
#العمل_2
#الحلقات_الاخيره
بقلمى_كوكى_سامح
تمت بحمد الله
لو عجبتكم علقوا برأيكم فى كومنت ♥️