2,712 اجمالى المشاهدات,  8 اليوم

رواية ابي والغزلان للكاتبة ريام هادي

مقدمة
ها انا اسير بسرعه بطرقات الظلام كغزال شارد من قطيع مفترس حاملة معي جراح من ضبع غادر حاول نهش لحمي
اسرع ودقات قلبي تشير لمن تركتهم خلفي
أسمع من بعيد صراخ وأنين 11
استدير لأرى غزلان ابي بخطر وهن يحاولن الفرار مثلي توقفت لأرى بترقب ماذا سيحصل واذا بأبي يقف بوجه القطيع ليحتضن غزلانه ويقول لن اترك احد يأذيكم
ويتلقى الهجوم بدل عنهن لأرجع بسرعه لجواره لكي احميه
ولكن هل جراحي ستسمح لي بلوصول ؟ 3

سندس :كله من وراج يمه زوجتيني واحد فكر ابن فكر وفوكاها حامل بهاي الصخمانه
ام سندس :ليش يمه شو الرجال ورده وحباب واخلاقه المنطقه كلها تحلف بيها
سندس : وشسوي بأخلاقه توكلني تشربني مكافي متحمله الفكر والضيم واني اشوف حمويني ونسوانهم يلعبون بلفلوس لعب اني ادري هيج راح انضرب بوري واتزوجه الكحف عبالي مثل اخوته بس اااخ لو بس يرجع الوكت لا اتفل بوجهه واطرده 355
ليش ولج من طيح الله حظج هيج رجال ينحط على الراس وهو ممقصر شو يجيب ويحط بحضنج
سندس : بله متسكتين يمه لا وروح ابويه احرك روحي تره كوه متحملة كاعده بخرابه وعيالي بصفي بيتهم شكبره ويخبل ولا واحد كال خلي نساعد اخونا خلي ننطي بس يعرفون يترسون نسوانهم ذهب وفلوس واني باقيه اتحصر وشيجيب من عربانه اللبلبي متسكتين بله بس ماابقى هيج لازم اغير حياتي 256
ام سندس : انتي تخبلتي من الحباله اعرف سوالفج والشيطان يلعب براسج ومكعد تحمدين ربج
سندس : جم مره ردت اسقطها ومسقطت حظي الاسود ادري بيها لزكت جلبت 183
وشمدريج بنيه
سندس : اعرف مثل خواتها نفس العلامات اني كلت بلكت اخلف اخ لحسام مكافي سطرت تلاثه وهاج الرابعه بلطريق كون تموت واخلص
ام سندس : لا اله الا الله انتي فد وحده متخافين الله وممقدره النعمه البيدج
سندس : اهوو اروح اولي للمهجوم قبل متبدين سوالفج ودوخيني 235
كعد امشي وعمي لازم ايدي وين راح يوديني عمري ١٠ سنوات طفله كل همي شون العب وما اقرا امتحان باجر واكل كاكاو بدون متضربني ماما وتعاقبني لان وصخت ملابسي اباوع للدنيا بعين الطفوله والبرائه والحياه الورديه لازمه ايده واني كلي ثقه هذا مثل بابا غير اخوه يباوع عليه ويبتسم وبأيدي الثانيه نستله هو انطانياها وكال تعالي ويايه طبينا لبيتهم الجنت دوم اباوع عليه وابقى صافنه من جماله واكول هم يجي يوم ويصير عدنا بيت مثله 255
شنو الصار اني وين 42
بابا تعالي اني غزالتك سليل بنتك حبيبتك اول فرحتك تعالي بابا 131
ابوي ـــــــــــ
ابوي اشكد حنون ايفيض وجدان وابوي اصحابه تتباها ابصفاتــــه
كريم ايجود حتى ابلگمة اعشاه وقف للناس ناذر كل حياتــــــــــه
اذا يسمع طفل فد يوم جوعان توگف لگمته ابطارف لهاتـــــــه
من يوگف يصلي اتفيضه الدموع اوتصير ادموعه سجادة صلاتـه
يشماغه بخت وعگاله شارات صر اهموم ربعه ابسد عباتــــــه
شريعه تشع امل وشراع بالريح لجل الناس ناكر دوم ذاتـــــــــه
وابوي الغيره عنده اجروف نهران منها اصحابه تغرف والشماتـــــه
سمح يلگه العذر لليخطي وياه عفه اوحلمه چرچوبة سماتــــه
ماسد باب جوده ابشحة الجود عنوان الكرم كل ذكرياتــــــه
وابوي الخير بيده
اشيكرم ايزود مثل حري العراق اومي فراته
254
مساء الـ🥀ـورد والهنا لأحلى المتابعين ورجعت وياكم بقصه جديده بعنوان (ابي والغزلان ) قصه ذات طابع اجتماعي رومانسي ويناقش الكثير من القضايا قد يكون اغلبها جرئ ولكن جداً مهم تسليط الضوء على هكذا قضايا واكيد راح تعيشون معي اجواء منوعه ومشاعر مختلفه ولتنسون القفلات الحلوه 😁 قريباً …
انتظروني 🌹🌹 227

تحياتي لًلًـّــ💎ــجٌٓمٍَُٓيِّعَْٓ

رواية ابي والغزلان للكاتبة ريام هادي

الفصل الاول

اني مرقد حزن يطوفوني مجروحين
على شباك جرحي هواي يبجوون
اني عندي بخت يعثرله مرجع دين
اني دفتر محنة اليقرة بيه ‏يدوخ‬
اني شايل حنان يكفي دور ‏أيتام‬
اني شايل كلب للطعنه يفتح ‫ ‏باب‬
اني متاني الكبر يحضني حتى ارتاح‬
اني عندي فرح مثل الله ما ‫‏ينشاف‬
اني بضهري سهم يذبح جبل ‫‏حمرين‬
اني ويه الحزن عشرة ‫‏معاميل‬
اني شايل خلك حتى انتضرت ‫‏المات‬
اني بكلبي سوالف تذبح ‫‏السجين‬
اني خيمت حزن بيه الجروح ‫‏تنام‬
اني أحلامي مشن كلهن سبايه ‫‏وياك
من هل اللحضه اصيحن بيك الله وياك
47
١٩٨١ كاعد يم راس ابويه واني اشوفه شون يعالج ومابيدي شى اسوي حرت وين اودي لابقيت مستشفى لا طبيب اخصائي كلهم يكولون هو وربه حالته ميأوس منها گابلته وابجي مثل الطفل وهو كوه يحرك ايده ولسانه ثكيل ويردد طه لتبجي وتأذيني
يابه هو بيدي اروحلك فدوه بس عيش والله بعدك انتهي
بويه انت تحبني
طه : شون ما احبك وانت ابويه وصديقي وكولشي اليه
انه اريدن افرح بيك
طه : كلامه ثكيل بس افتهمه يابه يازواج وانت هذا حالك
فرحني اريدن اشوفن بزرك
طه : صار يابه بس صير زين
اجتي مناك تباوع ومعاجبها الوضع تعلمت عليها سنين واني عبالي هي امي بس بوكعت ابويه الاخيره عرفت هي مرت ابويه
مو امي 212
اني طه ياسين اسمي مركب ابويه هيج سماني وجماعتي ناس تصيحلي طه وناس ياس للسهوله وره محجيت بيت الله صارو يصيحولي الحجي طه يمكن اصغر حجي جنت بذاك الوكت لان ابويه تعبان ومابيه حيل ميكدر يروح وحده للحج واخوتي محد قبل يروح اني اطوعت اصير عكازته وجان عمري بوكتها ١٩ سنه اني توليد ١٩٥٨ بغداد بس ابويه حسين اصله من الكوت قضاء الحي عاش وشد عوده هناك وعيشته المفروض تبقى بلكوت ويتزوج بت عمه رازقيه بس حب بنت صاحب جدي اجوي زياره بذاك الوكت جانن نسوانه كلهن مربطات والشيله والفوطه متنزل من راسهن وهي طبت بت حضريه حلوه طويله والشعر مفتوح والتنوره قصيره والكحله جاره عينها وكف عقله عليها 131
حسين : كاعد واغني حضيري ابوعزيز ومندمج هلي ..أوي هلي .. يا ظلام هلي ما جابو ولفي إلي هلي.. خلي يولون هلي هلي يا ظلام يا هلي يا ظالمين يا هلي لا ياهلي الظلام رحم عدكم حنوا علي عاد مو اني ابنكم/
وفارد جسمي على الزرع شهر الرابع والهوا يلعب لعب واشوفن من بعيد بنات عمومي كاعدات يحشن بلزرع كاعنا مايطبلها غريب
واحنا محاوطينهن وهنه مخمرات ماتبين بس عيونهن بس انه اميزها اعرفنها عينها مني بس انه گلبي مايهواها وابوي راكب راسه اله يزوجها الي عبن بت عمي وشياله همي انه ساكت واكولن يجي يوم واعشك مثل الانكليز وبت عمي الي ابوي مشه عليها وكال هاي لحسين محجوزه وربطني بيهه هيه مابيها گصور حليوه وطولها شطب ريحان بس عيونها بعشر نسوان بس انه گلبي مايهواها وبعدني ادندن واشوفها جدامي وجسمي رجف وعيوني فكيتهن على وسيعها هاي منهي الدخلت كاعنا وفوكاها ما مستره روحها ركضت والدشداشه بحلكي وحافي واصيح بعالي صوتي هوش هوش
انعام : شنو هوش مو عيب
حسين : انتي ياهي 150

انعام : وانت شعليك انت المنو
حسين : انه حسين ابن الشيخ خميس راعي الكاع هاي
انعام : ها انت ابن عمي خميس مديت ايدي شونك
حسين : شنهي انه استحرم مااسلم على حرمه
انعام : صوجي سلمت
وعافتي ومشت ورجعت اعيط وين موليه
انعام : اني جايه ويه ابويه اشوف المنطقه والزرع والحلال عندك اعتراض
حسين : چا شنهي ماعدنا حرمه تفتر هيج ماعندج حيه انتي بت ياهو
انعام : اني بت ابوكريم
حسين : عمي ابوكريم على الراس ارجعي ولاتفترين بگيفج هنا الوادم تصخم وجوهنا وانتي محسوبه علينه
جان تعوفني وترجع ورجعت ركض وراها هاي اذا شافوها الديره ياكلوها عبن مامستره روحها حضريه وماتعرف شى عنه
دخلت وراها واسمعها تشكيني لأبوي وابوي يفهمها ونشد عليه وامرني اوريها السلف گله واني تسودنت افتر وياها وكدام الوادم تاكل وجهنا طلبت من خياتي يسترنها وهيه رضت وخذيتها وثلث تيام حاير بيها ماحسيت برويحتي غير عاشكها هايم بيهه وبسوالفهه هاي الدورن عليهه عيوني ماتشوف غيرها لو تصير مذابح اخذها اخذها
132
طه :
دك رجل ابويه لو هي لو اكتل روحي جدي مقبل وگلب الدنيا راد بت اخوه
وتقاطع ابويه ويه جدي سنه كامله وصارت طلابه بوقتها واجه راضاه وگله ازوجها الك بس هم تتزوج بت عمك قنع والدي بس حتى يتزوجها
وراحو وخطبوها (انعام ) حطو جوه اسمها الف خط 176
وتزوج انعام وجابها للكوت ماكو سنتين وسوت الف مشكله وصارت هي الامر الناهي بلبيت وخاصه وره وفات جدي
متحملو عمامي وطلبو من ابويه يتوزع الورث وتقسم وكلمن اخذ حصته بهاي الفتره انعام محبلت وحارت شسوي بس حتى تحبل وحتى تبعد ابويه من اخوته سوتلها زعله وراحت لبغداد وشرطت يشتري بيت ويعيشون هناك وابويه گلبه رچيج عليها ويحبها راح وراها ونفذ شرطها
وعاش بغداد بس جان كل شهر او شهرين يروح يومين ويرجع بحجه اخوته يشوفهم 85
ومره تأخر مراح حوالي ٤ اشهر وبظهريه والجو حار اندكت الباب فتحته انعام وتشوف مقابيلها حماها الصغير وياه بنيه دخلتهم وجهه بيه الف سؤال شديصير وهاي البنيه شايفتها بس وين
حجي حسين .. هله بويه حسن هله رازقيه اتفضلو
انعام وجهه صار نار تريد بس تفهم هاي منو واسم رازقيه سامعته
حسن .. خويه مايصير هيج ٤ اشهر عايف المكروده لا تسأل
انعام .. وليش يسأل
حسن .. خويه ابو علاوي ماخبرت مريتك انت مو اجيت اخر مره وگلت راح انطيها علم
حجي حسين ..انه 101
انعام .. فهموني شنو الصاير وهاي منو
ابويه بذيج اللحظه انتهى لان متوقع المستور راح ينكشف وتعرف انعام بأن رازقه بنت عمه متزوجها
جدي الله يرحمه قبل ميموت زوج رازقيه لأبويه (حسين) بس ابويه شرط مايبلغون انعام ابد وهو يختار الوقت المناسب ولان الكل يحسب احساب لأبويه(حسين ) نسوان وزلم تكتمو على الخبر وجان يروح لأمي (رازقيه) مره كل اسبوع وهي فقيره وحبابه واصلاً تحبه من هي وصغيره وتتمنى تتزوجه جانت راضيه بهذا اليوم الي بالاسبوع 38

بس من راح لبغداد عافها بلكوت ويروح يومين بلشهر او كل شهرين يشوفها ويرجع بدون متعرف انعام لحد مكامت اطول المده وميوصل وعدها لرازقيه يجيبها لبغداد كل مره يوعد وميوفي بس حجي واخوت رازقيه الي همه خوالي گلبو الدنيا لان هاملها لحد مدزوها بيد عمي لبغداد كالو لازم يتحمل مسؤولية مرته هي حالها حال انعام اثنينهن نسوانه ميصير وحده شامرها بلكوت وكل وين وين يسأل عليها والثانيه بغداد مكابلها وكاعد ولان غاسلين ايدهم من ابويه كامو ودزوها يعني حطوه كدام الامر الواقع 19
گبت العيطه والهوسه وطلعت انعام من البيت زعلانه شون تتزوج عليه حاول يفهمها بأن انغصب وجان شرط ابوه المرحوم حتى يتزوجها وهي قافله عافت البيت وراحت لأهلها وابويه بعد ميكدر يعوف بت عمه عيبه بحقه كام واشترى مشتمل صغير بصف بيته حتى تبقى قريبه منه وعينه عليها امي مره اميه فقيره لا تحل ولا تربط جان يكفيها بس نضره رضا من ابويه لان تحبه 40
وره مده وشاء القدر وتطلع انعام حامل وحطت رجل على رجل تتشرط على ابويه واول شرط حطته يطلك رازقيه
بس ابوها لأنعام جان رجال يخاف الله ورجال محترم مقبل الها وخاصه يعرف بوضع رازقيه كولشي حاجيله جدي من البدايه
ومن شافت محد بجانبها بسالفه الطلاك شرطت شرط ثاني للرجوع وهو تسجيل البيت بأسمها معود ابويه توافق ترجع كام وسجل البيت بأسم انعام ورجعت لبيتها وشايلها بلصلوات وامي الفقيره كاعده وساده بابها وكام ميوصل الها يخاف منها
وشهر جر شهر بس المسواك يوصل لأمي حتى ابويه كامت متشوفه من القهر تمرضت بس بقت ساكته متحجي وبس تشوف وجهه غير الابتسامه بوجهه ماكو
133
ولدت انعام وجابت ولي العهد اخويه الجبير
علي وصار حسين ابو علي ولان انعام تعبت بلولاده اخذوها اهلها حتى يداروها وهاي جانت فرصه ابويه حتى يروح لرازقيه جانت كل متسأله وين تنام يكلها بيتنا تروح يمها يكول الها لا 113
ورجعت لبيتها ورجع ابويه لعادته القديمه ميوصل لأمي بس الي صار حبلت امي وسمعت انعام وتخبلت حاولت بكل الطرق حتى يعوف رازقيه بس رب العالمين ثبت وجودها بحملها
بس الي صار ابويه زاد اهماله الها حتى بس يرضي ام علي ولان امي من القهر تمرضت صار گلبها ضعيف ومن فقاريتها مبلغته بمرضها وبيوم الولاده لزمت ايده لأبويه وكالت اله
رازقيه : حسين امانتك ابني
حسين: كولي ياالله هي جيبوبه وانتي سباعيه وراح تكومين بلسلامه
رازقيه: انه ياابن عمي حبيتك اكثر من الهوا ومن رويحتي وماردتن شى منك بس الرضا راضي عني
حسين : باس راسها وايدها وگلها
انه اعرف مقصر بحگج وماراعيت الله بيج حالليني واهبيني
رازقيه : محالل وموهوب اريدن منك تراعي الله بولدي هذا يتيم وحوبته بلمچان وانه اخافن عليك يابعد نظري وريتي لاتبطي عليه هذا ولدك كل ماتحطه جوه جناحك كول رازقيه راضيه عني
حسين : كافي لاتكولين هيج راح تولدين بألف سلامه 51

صاحت الجده يله خويه البت لازم اولدها
وساعه وعياط امي ترس البيت وشويه واجه صوتي اجيت للدنيا جانت فرحه ابويه جبيره لان صار عنده اثنين ولد بس المتوقعه موتت امي 155
كعد بلكاع والندم تارس روحه بس بعد مافات الوگت وماكو شى يرجع الراح
انعام سمعت اجت تركض وبعز انهيار ابويه اخذتني من حضنه وكالت
انعام : سجل الولد بأسمي
حسين : شنهي هذا ابن رازقيه شون بأسمج
انعام : رازقيه وماتت منو راح يداريه لهذا اليتيم غيري اصير امه احسن ما يبقى طول العمر يعرف اني مرت ابوه وهم كدام العالم ليكولون اكو تفرقه بينه وبين اخوه
وعمامي وخوالي شگل الهم
انعام : منو يعرف كول الهم ماتت وبطنها الطفل قابل يكشفوها
وهذا ابنك مني شو بينه وبين علي سنه يعني الحك احبل واخلف ويصدكوك واني صار سنه مواصله ولا شايفيني ولا شايفتهم 204
فكر بيها ابويه شاف كلامها عين العقل راد يعيشني بحياه مستقره مابيها قال وقلت وليش هيج صار
انعام من سوت هيج مو محبه بيه بس توقعت متحبل بعد لان بصعوبه يله حبلت بعلي وخافت لا اهله بلكوت يزوجوه لان بس واحد عنده وذولاك واحدهم اقل شى عنده خلف سبعه لو ثمانيه رادت تسكت عمامه وخافت لايحطون اخت رازقيه برگبته ويزوجه بحجه ابن اختها ويتيم 132
بكولشي فكرت بس حتى تضمن ابويه الها
وصار الي رادت وتسجلت بأسمها بس حلف يمين عليها اذا طلع هذا السر تحرم عليه ويطلكه بلثلاثه 51
والكل عرف اني ابن انعام بعدها بكم شهر حبلت انفكت الجبسه منها وسطرتهم بطن وره بطن وصرنا اربع اخوه واثنين خوات
عشت طفوله تعبانه جنت اشوف امي تعامل اخوتي بكل حنيه توكل وتشرب وتلبس وعلى گلبها شايلتهم واني شامرتني بس من تشوف ابويه اجه تهتم بيه مجنت اعرف السر وره تصرفاتها ومرت السنين وكبرت دخلت مدرسه رغم هي عارضت بس ابويه جان حنين عليه من جان يكعدني يمه اشوف الدمعه بعيونه احسه من يشوفني ينقهر حتى مجان يمد ايده عليه
بس انعام اذا سويت شى بلعوده بلصونده الي يجي بيدها فرقتني عن اخوتي بكولشي 150
وكملت اعداديه وصار عمري ١٩ سنه ابويه فتح مطعم بلسعدون اني واخوتي نشتغل بيه واليوميات الي ينطيهم اليه اضمهم اخاف اروح للجيش ما اريد احتاج احد علي دومه يسوي نفسه صاحب المطعم واني لابسه ما اتعارك وياه رغم مرات يعاملني حالي حال العمال بس ما اهتم ما اريد نتعارك كدام الغربه ويكولون ابو علي حسين معرف يربي 109
ابويه وكع وصحته ادهورت ومن راد يروح للحج علي مقبل يروح وياه انه تبرعت جنت احب اطلع وياه يمشي ويتباهه بيه احسه حتى يحبني اكثر اخوتي وحجيت وصرت بوقتها اصغر حجي
الحجي طه تعلمت منه الحكمه والعقل والرزانه والدين والتزمت بصلاتي وصومي لحد ماوكع بلمرض الخبيث وبذاك الوكت بلمثانينات ماكو علاج كعد وسولفلي كولشي الصدمه جانت جبيره عليه ماادري احقد عليه لان ظلم امي لو ابقى اراعي الله بيه لان مايوم قصر ويايه حتى انعام كمت ما اعرف اتصرف وياها مثل قبل جنت اتحمل كولشي منها واكول امي حرام عليه بس من عرفت مرت ابويه عرفت ليش هيج تعاملني
بس ابوي حلفني ما اتغير وياها وحط يمين يكسر ظهري شيصير ابقى ابنها وبار بيها حتى وهو يموت يفكر بيها 41

وشد المرض وحسيت روحي راح اتيتم طلب ابويه من انعام تخطبلي مره وراحت وره يومين كالت لكيتلك مره انه اعتمدت عليها
انعام : تعال طه لكيتلك مره
حجي طه : بت منو
انعام : بت ام جاسم الخبازه
حسين : چا مالكيتي غير بت الخبازه هاي النسوان الضاله
انعام : شكو بيهه انت مو تكول كلنا عباد الله وماكو فرق بين غني وفقير لو من يم ابنك اختلف الوضع
حسين : لا اله الا الله انه مو گتلج لاتكولين ابنك
انعام : هو مو عرف على شنو بعد تحاسبني
حسين : شوفيله غيرها
حجي طه : لا يابه اكيد هاي فقيره وادور ستر انه مااريد مره تشرط وتطلب وتوجع راسي اريدها تعيش على كد غطاي
حسين : انت ابن الحجي حسين خميس شنو تعيش على كد غطاك وهذا الخير كله
حجي طه : دايم بحسك يابه بس انه ماعندي واريد اعيش بچدي وتعبي وما امد ايدي لأحد
حسين : حتى ابوك
حجي طه : على راسي يابه بس عوفني براحتي وهاي البنيه اكيد تناسبني
انعام : هذا هو الخميس الخطبه وكطع الحق والاسبوع الوراه الزواج الناس متريد طبه وطلعه
حجي طه : واني هم مو مال طبه وطلعه
بس اريد اشوفه
انعام : بعد متكطع حقها هناك بلمحكمه تشوفها 114
جان بوقتها عالكه حرب ايران ١٩٨٢ ومنعرف الحال شونه يوميه شهيد زافي بمنطقتنا من المستحه من الجيران حتى عرس گلنا نلغي
وبيوم عقد المحكمه واكف وانتظر اشوف مرتي لان بيوم قرايه الفاتحه ماقبلو اشوفها كله من وره انعام خبصتنا خبص
واجتي وياها اخوها وامها من شفتها شكلها سمره وشعرها اسود طويله ضعيفه يعني شكلها مو حلو لو غير واحد ميقبل بيها بس انه لان ماادور شكول ولا تهمني المظاهر كلت اسمها مره تراعي الله بيه وتسندني على دنيتي تقربت مني سلمت شونج سندس
سندس : الْحٍمَدٍ للـّہ وانت شونك 83
حجي طه : بخير يله امشينا وعقدنا جنت اشوفها تكمز من تمشي وعيونها هنا وهنا گلت صغيره وماتفتهم انه اعلمها على طبعي
رجعنا للبيت عزمناهم واشوفها شون تباوع على البيت
سندس : اكولك طة وين غرفتنا
انعام : بعدنا ممقررين بس الله هستوج عقدتي وادورين غرف 82
حجي طه : حسيتها فشلت باوعت عليها وابتسمت الي تردي يجرالج
حسين : بويه هاي كدام نسابتك البيت الصغير الك تتزوج بيه هديه عرسك
انعام : ها على اي اساس
حجي طه : خزرها ابويه وسكتت
حجي طه : لا يابه اريد ابقى يمك اي غرفه هنا اتزوج بيها
حسين : سجلت المشتمل بأسمك ومن باجر تجهزه من گلشي بس نظفه بالاول متروك صار سنين وكله عتيك وخشب واصبغهً حتى يطلع جديد 60
حجي طه : نزلت بست ايد ابويه الله يحفظك اليه يابه اباوع على انعام رجل تضرب برجل وترجف
سندس : نروح نشوفه
حجي طه : هااا تفاجأت بيها بس كلت خطيه فرحانه حقها اخذها واروح اني ماعندي كلام وياها اصلاً اليوم هو اول يوم اشوفها واحجي وياها بس هي جريئه وكل متسوي شى انطي عذر واكول صغيره ومتفتهم رغم امها خطيه كل شويه تعض شفتها وتخزرها وهي مدايره بال 134

امشي نروح كمنا واخذت المفتاح وفتحته اول مره اشوف البيت من غير نظره طول عمري اعتبره مخزن او بيت زايد للغراض العتيكه والتعبانه متوقعت هذا بيت امي العاشت بيه سنه ونص كل حايط بيه الزمه اكول امي لزمته امي نظفته صافن بخيالي واكول شون شكلها جان اكيد ابويه عنده صوره الها وجان تعيط سندس 49
سندس : هذا شنو
حجي طه : شبيج
سندس : اني من كال ابوك بيت وبإسمك توقعت مثل بيتكم ذاك بس اصغر هاي خرابه ابوك من كل عقله ينطيك خرابه وفوكاها مسوي منيه علينا
حجي طه : انتي متلاحظين لسانج طويل بعدنا بأول يوم هيج
سندس : ها لا موقصدي العفو بس تفاجأت بلبيت
حجي طه : شبيه هسه انظفه واصبغه يطلع يخبل وانتي اكيد ايدج بيه تسوي جنه 133
سندس : عوجت حلكي وكتله يصير خير اني عبالي بيت بيت مو گن مال دجاج وفوكاها امك معجبها عمي خلينا نعيش بذاك البيت حتى لو غرفه اقلها قصر
حجي طه : هذا عندي يسوه الف قصر انتي شنو سالفتجً شو من اولها معاجبج العجب سندس اني ماتعجبني هيج تصرفات احب زوجتي تعيش على كد العندي ميعجبج يابنت الناس ماطول بعدنا بأولها
سندس : هاا هاي شبيك شكلت اني
حجي طه : اي من اولها اسمعي الكلام حتى نعيش مرتاحين
سندس : زين ليش منعيش بيت اهلك
حجي طه : كتلج هذا البيت عندي يسوه قصر واني اريد اعيش مستقل وخلف الله على الحجي انطانياه وراح ارتبه وراح تشوفين شون راح تحبي
طريقتها بلكلام محبيتها بس من شفت وضع البيت هم حقها وصخ ومليان زعابيل وغراض بس اني روحي تعلكت بيه لان عرفت امي عاشت بيه 68
يله امشي نرجع ومن باجر ابلش بيه
سندس : والغراض منو يشتريهن
حجي طه : عود انه انطيج فلوس واشتري
سندس : اريد اسألك شى بس مستحيه
حجي طه : كل هذا ومستحيه
سندس : شنو
حجي طه : اسألي
سندس : شو تكول انه مو اني واكو كلمات بيها چا شنو انتم شروك
حجي طه : وشبيهم الشروك
سندس : لا مبيهم بس حجيك بغدادي بس كم كلمه بيها شروكي لهذا سألت
حجي طه : ماخذ كلمات من ابويه ومتعلم عليهن وهيج احجي معاجبج
سندس : لا عيني عاجبني على كيفك شگلت يله نرجع هسه امي تحجي عليه عبالها نسوي شى
حجي طه : امشي يابه امشي 143
رجعتها واخذت اهلها ورجعنا للبيت بيومها دخت من سوالفها وتصرفاتها محسيتها المره التمناها بس يله كولشي قسمه وارجع واكول صغيره وانه اعلمها جان عمرها ١٦ سنه واني عمري ٢٤ سنه
ثاني يوم طلعت للبيت شغل وترتيب انهد حيلي ردت بس احد يعيني وجان تندك الباب
ها حجي شو وحدك
هلا سامي تعال ادخل
سامي : اجيت اني ومرتضى والشله نساعدك
وجان يطبون ٤ اصدقائي واخويه جعفر الاصغر مني وياهم وبلكراج ادبج وهلاهل ولزمو سطل مشمور بلكراج ويدكون ويهزون خربت ضحك عليهم واحدهم ياخذله هزه ويساعد
الله جابكم انكسر ظهري وبعدني نص البيت ممنظفه
جعفر : صحتهم واجيت ادري بيك مدبرها وحدك
حضنته هذا الوحيد من اخوتي حنين عليه هو ونهر اختي
ترتيب اهلي اخويه علي الجبير واني الثاني وجعفر الثالث والرابعه نهر اختي والخامس سلام واصغر خواتي اشراق نسخه من انعام بكولشي بس نهر ماخذه طيبه ابويه وحنيته هي وجعفر الباقين بوجهي ميباوعون ودوم اذا صار شى او انطاني شى ابويه عاطو شمعنه هو بس اني احبهم وافديهم بروحي 52

جعفر : يمعود ابو الحب بشنو صافن
حجي طه : ياحب هو انه وجه حب
جعفر : لعد اذا معاجبتك خطيبتك ليش قبلت
حجي طه : اسمها مره وهم ابوك خطيه راد يفرح بيه هو مريض ومردت اكسر گلمته
جعفر : بس تدري جنهه اسير ايراني شابع كتل وصالخي بلشمس
حجي طه : هههههه ولك لتنسى هاي مرت اخوك
جعفر : يمعود قصدك اخوك الرابع لو تبقى اخر بنيه هم اباوع بوجهه ولك زركه رگبتي ابيض منها
حجي طه : لتخليني ازعل منك
جعفر : لا كله ولا زعلك بلعافيه عليك الدبس مال كربلا وركضت
حجي طه : ولك اني الك وركضت وراه وشكو شى كدامي اركعه بيه ويضحك وذوله على فد دبجه ويهزون مكيفين بعرسي 236
اربعه ايام كمل البيت صبغ وكهربائيات وانطيت كم فلس الي عندي جامعهن تشتري غراض من الاورزدي
سندس : بس ذني ميكفن
حجي طه : ياعيني هلتكدرين عليه اشتري
سندس : يعني من كل عقلك ذني هول ميكفن اشتري غراضه
حجي طه : صبرك ياربي اشتري واني اكمل الباقي رايح
سندس : وين
حجي طه : غير اكمل البيت
سندس : وفلوس البدله
حجي طه : باجر ادزهن الج
طلعت اتمشى بيتهم بعد فرعين عنا شون بيها اذا صار اسبوع هيج سوت بيه من اتزوجه شون
شافني جعفر وسامي كاعدين بلركن ويكرزون حب
جعفر : هااا عريسنا بعدك ممتزوج وتمشي جنك مضيع ميه فلس لو تتزوج شون يمكن تصير ديج هراتي مهلس
حجي طه : ماكو شى
سامي : محتاج شى نسويلك
حجي طه : لا اروح للبيت
جعفر : شعندك قبل شويه جنت هناك
حجي طه : رايح لأبويه وكت علاجه هسه 19
عفتهم واتمشى وحاير بزماني لازم اشوفلي شغله ثانيه مو بس لازم مطعم ابويه بعد راح اصير صاحب عائله
رجعت للبيت كعدت يم راسه وبسته
حسين : يكويك الله بشرني
حجي طه : كله زين يابه لايضل خاطرك
حسين : اريدن اشوف بزرتك
حجي طه : ادعيلي يابه
حسين : لساني مايبطل يدعيلك هاك
حجي طه : شنو هاي
حسين : اخذهم ادري بيك ماتطلب من احد ونفسك عزيزه حتى من ابوك
حجي طه : عندي يابه مستوره والحمدلله
حسين : اخذ لاتزعلني
انعام : ها شنو
حسين : وانتي شعليج
انعام : انت مو عندك فلوس يومياتك الجنت تاخذهم من ابوك وينهن
حسين : مالج دخل انتي ولدي وانطي ماعسى يملك مال الله وعباده انطي من جيبي
انعام : تره ورانا مصاريف كومه ذبايح وعشى اني كتلك نسويهه بينا انت دكيت اله عمامك يحضرون 95
حسين : اول فرحتي وماتريدين اذبح واعزم انه لو بگوتي اگلب الحي بلكوت گله واعزمهم بس مالي گوه الحيل الاولي راح
حجي طه : طوله العمر والقوه يابه وحجي امي صحيح ماله داعي هذا الصرف گله
حسين : اسكت انت وحير بحرمتك وعرسك
انعام : كملت البيت اشتريت كولشي
حجي طه : بقت كم شغله
انعام : عندي شغلات مستخدمه اخذهن ما اريدهن
حسين : خليهن الج هاك بويه روح اشتري وافرح ولاتهتم للفلوس 58
بسته من راسه واخذتهم لان جنت صدك محتاجهم
وبعدها بأيام صار العرس حاولت منطول بيه هوايه عيب من الجيران الناس كلها مكدره
واخذت سندس لبيتنا اول مطبت بستها من راسها مهتمت وبقت تباوع على البيت
سندس : يعني صدك طه عود اني وصيتك
حجي طه : شبيج والله فزيت
سندس : اني كلت راح اجي الكه المشتمل يخبل وارقى اثاث بيه شنو هذا المشتري
حجي طه : ياعيني غير على كد فليساتي
سندس : وابوك مساعدك
حجي طه : انطاني بس خوما كلهن اذبهن اثاث لتنسين ايام راح اضل بلا شغل منين ناكل منين نشرب اقلها عدنا مصرف
سندس : واهلك وين امك الخاتونه بس تعرف تحاسب على الاكل والشربت
حجي طه : مو وكت هذا الحجي ياعيني تعالي خلي اراويج باقي البيت وشوفي غرفتج 124

سندس : طبيت للغرفه زين بس الاخشاب شايله نفسها
حجي طه : وعيونج بس الله يرزقني مااقصر وياج
تعالي بيومها اخذتها وصارت زوجتي جانت اجرأ مني اني بعمري متقربت للمحرمات لعذا ماعندي تجارب بس حاولت ماافشل نفسي وكدرت وصارت زوجتي يومين عايشين بهدوء محد دك بابنا بس امها بمصباح العرس جابت الريوك وابويه دز بيد جعفر هديه مغلفه فتحتها واشوفهه السبحه مالته دمعت عيني اعرفها غاليه عنده
جعفر : وين يمعودعايف مرتك
حجي طه : بس ابوك ايد ابويه واتشكر منه
جعفر : تلحك يمعود روح لمرتك انت عريس ميصير تطلع
حجي طه : ياعريس ولك هذا ابويه افدي بروحي مو بس اعوف مرتي واروح اسلم عليه ركضت لبيت ابويه بصفنا حايط على حايط
حسين : ها بويه طه مبارك عليك
حجي طه : تسلم يابه الله يطولنا بعمرك
حسين : يابه ولو مو وكته بس انه احملنك امانه
حجي طه : كول يابه تأمرني
حسين : عينك على امك واخوتك ذوله مايعرفون يتصرفون
حجي طه : كول ياالله حجي عمرك طويل
حسين : انه بيوم ظلمت امك وقصرت بحگها وخفت لا تطلع بگبرتي عبن امك تگلي گبل ما تموت الف رحمه على روحها عينك على ولدي كل ماتحطه جوه جناحك كول رازقيه راضيه عني
وامك راضيه عني عبن شلتني بكبرتي وصرت عگازتي ومايوم كصرت بحگي انه اريدنك حوك وتحابي على اخوتك وامك لاتنسى هي الربتك
تحملها اعرف تظلمك بس تحملها
حجي طه : صار يابه تأمر
بسته وشكرت منه على الهديه 58
رجعت اتمشى للبيت لكيت الانضباطيه بلباب تفضلو
انت طه ياسين حسين
اي نعم
مطلوب للخدمه
حجي طه : بس انه عريس
هو بيدنا كلها بلغناها واذا ما جيت بلموعد تعتبر افرار وانت بكيفك بعد
اجاني يركض جعفر هااا طه شكو
حجي طه : طالبيني للخدمه
جعفر : مو كتلك ادخل معهد كليه اي شى المهم متدخل جيش هاك شفت اني وعلي نكمز هنا وهنا حتى منروح للحرب
حجي طه : هي برگبتي برگبتي بس الكاسر ظهري ابويه التعبان وضعه اليوم قلقني 18
جعفر : اني كلت هسه تكول لان عريس بس والله فرصه اجتي اشرد منها ههههههه
حجي طه : ولك هو شفت حتى اشرد اسكت احسن هاي هم مسكينه عروس وراح اعوفها وحيدها وبعدها السبعه مصايره
جعفر : خلي نكول لأبويه بلكت يسوي شى
حجي طه : چا هو من يجي البلاغ اكو سبع يكول لا مايفيد مااريدن ابوي يتكدر انه اسولفله واقنعه
سندس : صخام بوجهج سندس راح تروح وتعوفني واني عروس
حجي طه : هو بيدي ياعيني حظي هيج
سندس : لا كول حظي شفت هسه اني وفوكاها عايفني ورايح والله اعلم ترجع لو لا
حجي طه : شكو تلطمين وتفاولين بلموزين شنو جابوني شهيد وهيج ادكين
سندس : هي بس هاي البقت حتى تكمل
حجي طه : اروح ابلغ ابويه واهلي وحظريلي جنطتي باجر من الصبح لازم طالع 54
سندس : تكول رايح للحبانيه انت رايح للحرب ولا داير بال
حجي طه : شسوي شنو البيدي حالي حال الوادم تعوذي من الشيطان وادعيلي ارجع بلسلامه احسن ما تلطمين وتبجين
عفتها ورحت للبيت الجبير دخلت لكيت امي توكله كعدت گباله
ها بويه شنهي عايف مريتك وانت عريس ومگابلني وكاعد
انعام : المن زوجناك حتى تگابلنه وتكعد
حجي طه : يابه انه طلبوني بلتجنيد
حسين : شنهي ماتروح
حجي طه : لازم يابه تعرف عقوبه الافرار
حسين : ادفع فلوس انطي كل حلالي بس ماتروح انت
انعام : شكو عليه مو رجال
حسين : انتي سگتي باجر من الصبح ادز على جيرانه ضابط بلكت يسوي حل
حجي طه : ماكو حل يابه ادعيلي ارجع بخير بسته واشوف الدموع بعينه وامسحهم
انعام : شنو حسين قابل راح يموت
حسين : نعله الله على بليسج كومي مني
حجي طه : مو قصدها يابه
انعام : لاتعيط عليه فوكاها وانت روح لبيتك لتعب ابوك مكافي هو تعبان وانتي مدندل راسك وتشكي يمه روح لمرتك وعوف الرجال بحاله
حسين : تسكتين لااحط البرجلي على راسج
انعام : هي هاي البقت انضرب لخاطر ابن رازقيه
حجي طه : انداريت عليها جانت اول مره تنطقها محجيت شى ودنجت وابوي شمر العكاز مالته عليها مأجتي بيها بست راسه وطلعت
ثاني من الصبح حظرت جنطتي مكدرت اروح اودعه خفت ليوكع التحقت وگلبي يمه ويم مرتي المالحكت اشوف شى منها 110
التحقت وشمروني على الحدود تعرفت على وجبه من الشباب الخيرين جان واحد منهم صار شهر ونص منازل وانطوه نزول انطيته عنوان بيتنا بس يروح يطمني صارلي اسبوع هنا وگلبي ناغزني على ابويه
عدت الايام لرجوعه وجاب رساله بيده فتحتها من جعفر وبيها خبر هد حيلي ابويه من كثر متعب من وره روحتي ضربتله جلطه
كعدت على الساتر ابجي مثل الجهال منو الك يابه منو يداريك واضرب على راسي
كول ياالله خويه وادعيله بلعافيه والشفا
استحيت من الولد بس ميعرفون شنو هو بلنسبه اليه 77
علي : ها يمه صحتيني
انعام : سد الباب ها بشر كملتهن
علي : اي يمه بس والله خايف
انعام : انجب واسكت مو اني الاخلي ابن رازقيه يورث
علي : بس هذا تزوير
انعام : لا موتزوير حقي وحقكم مكافي سنين متحمله ابن ضرتي وكل يوم اشوفه كدام عيني اتذكر شون ابوك تزوجها وكعدتها بصفي وصارت راسها براسي
جيب الورق لااطيح حظك
علي : هاج
انعام : كاملات
علي : اي كل الاملاك بأسمج بيع وشرى منه الج تنازل عام يبقى بس ختم ابويه وبصمته شون نحصلهن
انعام : هذا الختم كسرت الكنتور وطلعته
تعال عاوني
علي : شراح تسوين
انعام : ابوك لا ايد ولا رجل وهو والميت سوه الزمه خلي ابصمه همزين مو توقيع بس بصمه
علي : غير ميعرف يقرا ويكتب وكل معاملاته يبصم بس والله ميت خوف
انعام : وجع بگلبك الزمه لا اطيح حظك
علي : لزمنه ايده وحطينا الحبر بأصبعه فتح عيونه اني جفلت 77
يتبع … 30

مساء الـ🥀ـورد والهنا لأحلى متابعين موعد نشر القصه يومين نشر ويوم استراحه والوقت الساعه ١١ مساءاً اخاف اتأخر ٥ دقايق او ١٠ مو تستلموني 😊 ليش تأخرتي على كيفكم ويايه المتابع قصصي السابقه يعرف البارت شكد طويل واعطيه حقه الاريده منكم تستمتعون بلقصه بدون توتر
قراءة ممتعه لًلًـّــ💎ــجٌٓمٍَُٓيِّعَْٓ

رواية ابي والغزلان للكاتبة ريام هادي

الفصل الثانى

صفنتلها..
ولگيت بروحي چم فلاح
چم واحد نساني وراح 17

أنه الزارع عشرتي
بكل دروب الشوگ
چنت انشاف ما انلاح 17

انه الضويت چم ظلمة
و درب عاثور
وهسه بحسرة اتاني يمرني اي مصباح 32

العله متوني غفو
عافو بروحي الغيم
ما مرني بشر لا گلي هم و انزاح 19

يجيني محمل
وياخذ ضحكتي وياه
يبوگ السكته مني يعوف بس صياح 8

اثاريني محطة
الناس بيه تعيش
و موعد هجرتي لمن يحس مرتاح
66
علي : يمه هذا ابويه يباوع عليه
انعام : قابل راح ياكلك واذا باوع انطيني اصبعه
علي: حرك ايده وطفرت يمه تحرك
انعام : وجع بگلبك ولك تعال يلخبل خلي نفضها
علي : اخاف من ابويه شوفي شون يباوع
انعام : اوف الله خلفت مطي عقل مابراسه ولك ابوك لا ايد ولا رجل ميسويلك شى تعال
علي : يومه اني طالع والله قطره دم ماضلت بيه
انعام : من امداك وامده بطني الشالتك ولك لو جايبه جلب هم يفيد اكثر منك ولك تعال قبل مااحد من اخوتك يحس اخ منك
علي : يابه اعذرني حكم القوي
انعام : صخونه اي والله يله خلي الحبر زين
لتباوع هيج حسين هذا حك تعبي وحك ولدي مكافي انطيته ذاك البيت كولش كافي على ابن رازقيه 182
علي : يمه انتي مو تكولين لا ايد ولا رجل شو كعد تسولفين وياه
انعام : بس عيونه المعصبه افهمها عشره ٢٧ سنه شون مااعرفه ادري بيه واعي لگلشي يصير
بصمت كل الاوراق
علي : يمه ابويه تنزل دموعه
انعام : مسحتهن وبسته من راسه هذا الصح حسين كافي العشته طول هاي السنين واني اربي ابن ضرتي كل ما اشوفه اتخيلك شون تحضنها وتبوسها وتشمها كل ما اشوفه بحضنك شون شايله وتشمه وتغمض احسك تشم امه مو هو عشت سنين واني اشوف الحصره والقهر بعيونك من تشوفه وتحضنه حيل احسك تحضنها تتمناها ترجع حتى تعوضها عيشتني حركان الدم واني مامجبوره اعيشه 254
حتى حبيتة وفضلته على ولدك حصره اذا لزمته وعطت لتضربي تشتري الزين اله وبكولشي تكوله صار حتى من تطلع وتاخذ الولد الوحيد التلزمه من ايده واشوفك شون تخاف عليه من الشارع خليت حتى علي يكرهه لان حسسته هو الجبير مو علي
لا عبالك ممنتبه على تصرفاتك وكلت ميخالف اصبري ياانعام هسه يحس هسه يبطل وانته حاطته جوه جناحك
كافي سنين متنعم بخيرك الباقي لولدي فلس واحد ميشوف ابن رازقيه انطيته بيت ينجب ويكعد بيه غير شى حق تعبي وياك وحق ولدي 114
علي : يمه كافي ابويه جنه تعب
انعام : خليني ولك ٢٤ سنه واني كاتمه الضيم بقلبي من يوم ماعرفت برازقيه مرته
عشت بس ٣ سنوات متنعمه بحبه وتالي الكاه متزوج عليه وفوكاهه تعيش بصفي
علي : ميخالف بس هو هسه مريض والردتي صار خلي نطلع
انعام : انجب انت واطلع عوفني وياه
علي : يمه اخاف تأذي
انعام : من صخونه اي والله شون أذي ولك بس اريد اسولفله البگلبي وحركته انت رجال مثله ماتحس بلوعه المره امشي ولي
علي : طالع هو اني شمحصل غير الرزايل
انعام : تعال اخذ الاوراق يلثول وباجر هذا المحامي الجبته نص ردان خلي يكمل الاجرائات
علي : ليش نص ردان والله خوش محامي
انعام : امشي لك انت شفت شكله شون مهتلف
علي : مالج دخل بلشكل يمه المهم هو عبقري بهاي السوالف وراح يسويها واحنا هنا كاعدين
انعام : اذا راد فلوس بعد اركعه بلنعال العندي انطيته وخلي يكملهن بسرعه
علي : صار خلي اطلع اروحله حتى يلحك باجر يكمل المعامله
انعام : روح ولتتأخر
علي : صار

حجي طه : كاعد على الساتر وصوت المدافع يهزنا هز والطلقات مطر فوكانا وكل شويه وانطونا تعليمات بلتنقل لمكان لحد مستقرينا هنا ليل وكمريه واباوع للسما
واتذكر ابويه وضحكته طلعت السبحه من جيبي ريحتها عنبر ريحته الدوم يحط منها ومابطل بيوم يحط كون اشوفك يابه واشبع من ريحتك گلبي ناغزني عليه شون حاله دخيلك ياابا الحسن شافي وعافي بعده اتيتم واتأذه منو الي بعدني محتاجه حيل
انحطت ايد على جتفي مسحت الدمعات النزلت من عيوني واني ادعي
ها خويه شو وحدك
كمت وكفت نائب ضابط عمر
عمر : اكعد اخذ راحتك ورحمه لأهلك صيحلي عمر من نكون خارج الواجب
بيك شى ليش وضعك مو زين من الصبح منتبه عليك
حجي طه : گلبي طاك على ابويه صار شهر هنا ومااعرف شى عنه
عمر : مضل شى كلها اسبوع وتنزل
حجي طه : الله كريم تعشيت
عمر : الْحٍمَدٍ للـّہ وضميت حصتك
حجي طه : مجوعان نفسي مسدوده
عمر : كولشي بيد ربك ادعيله بلصحه والعافيه الاب عزيز وميحس بلوعته بس الفاقده
حجي طه : الله يرحم ابوك اعتذر خاف ذكرتك
عمر : ليش هو الاب وفركته ينسي يبقى يحفر بروحك وكل متكبر تحتاجه اكثر 127
حجي طه : خايف على ابويه حيل وضعه موزين من عفته
عمر : انت مو عندك اخوان لتخاف اكيد عينهم عليه
حجي طه : بس مو مثل ما اني موجود
سمعنا صوت انزلو انزلو
نزلنا نركض اني وعمر
ها خير
نائب ضابط رشيد : اجتنا تعليمات نتحرك مجموعه كامله ضاربيها واكو دبابتين لازم نروح نصلحهم عطلانات بمكان طايح حظه
حجي طه : اني مااعرف اصلح
رشيد : اعرف بيك بس اني وعمر لازم نروح نسيت احنا اصلنا بكتيبه الدبابات ولازم نروح نصلح
حجي طه : شسمها الدبابه
رشيد : تي 55
عمر : وهاي شعطلها
رشيد : حظنا امشو يله ماطول ليل والمكان مو بعيد لازم نكمل كولشي قبل ميطلع النهار
عمر : منو راح يجي ويانا
رشيد : احنا ٦ نروح ونرجع بسرعه بس الضابط كال اخذو طه وسام وياكم
عمر : طه اذا خايف ابقى
رشيد : اي مو احنا بستان الوالد على الشط نزكف سمج واذا معاجبه ليجي ياكل هاي شبيك عمر غير تعليمات
حجي طه : لا اجي هي الاعمار بيد الله واكيد منخالف التعليمات
عمر : شبيك جوله (يعني حاروكه ) قابل شگلت
رشيد : يمعود امشي مو وكت سوالف تأكد من العده بلسياره
حجي طه : مشينا والطريق متعرج تصعد وتنزل السياره بينا واحنا والسما الصافيه وحدنا لو نرجع لو لا اذا لمحتنا قوات العدو راح تصفينا بلحظتها
وصلنا للمكان نزلو جنود من الدبابه حدود ١٠ بيهم سلمنا عليهم من شافونا تكول شافو الجنه ممصدكين اباوع اكو قريه حدوديه اشوفها من بعيد
هاي شنو سيدي هناك ومنو كاعد
رشيد : ناس حالهم من حالنا
حجي طه : ميخافون
عمر: اكثر هاي البيوت عافوها اهلها من القصف ادمرو دمار ونزحو للمناطق البعيده من المواجهه يعني كل هاي البيوت فارغه لو تلكه احد بيها لو متلكه 82
رشيد : انطي الدرنفيس وتعال ساعدني ورانا شغل هوايه وانت طه اخذ وسام و٣ من الولد واكفو احمو ظهرنا اخاف يجي احد
حجي طه :اباوع ناس تركض يمنه وناس يسره بس يردون يكملون صار شى
عمر : انطونا تعليمات بالاستعجال لازم نكمل بسرعه كالو اكو مجموعه استطلاع ايرانيه قريبه من المنطقه لازم نكمل قبل ميصير ضوا اذا لكونا يحركونا حرك
حجي طه : بلعت ريك وخفت وتشاهدت الايام العشتها هنا خلتني انام واكعد اتشاهد لان على لحظه تموت صحت ولك وسام تعال واجوي ولد ويانه
اكولك وسام انت متزوج
وسام : لا والله حجي بس خاطب وعرسي على هاي النزله ادعيلي اتزوج متدري صار ٣ سنين احبها وكوه اهلها انطونياها وانتظر يوم يوم نتزوج
حجي طه : ترجع بلسلامه ونحضر عرسك هم
وسام :مايحلى العرس اله بيكم
اباوع على الجندي بصفي يهز براسه
ها خويه شبيك
اباوع على حظي على اساس نزلتي البارحه والضابط اجلها
حجي طه : لتضوج تهون
شتهون خويه واني اريد اشوف ابني مريتي ولدت وهذا اول ولد صار سنين انتظره
حجي طه : الله يحفظه الك وتشوفه عريس
رجعنا نراقب وكل شويه ادير وجهي 103

اباوع عليهم ماشاء الله السرعه العدهم كارثه بس هنا الدقيقه محسوبه من عمرنا بقينا مركزين الدنيا ظلمه بس شويه الكمريه عاكسه وكفنا نباوع لمحنا من بعيد حركه مو طبيعيه
نزلنا نركض
سيدي الحك قريبين من عدنا
رشيد : بسرعه جمع العده ونادي على تعزيزات
حجي طه : يعني منرجع
عمر : شون نرجع نعتبر متخاذلين والدبابتين تصير الهم
حجي طه : بدوا ينادون على تعزيزات قريب موصلو قطعو اي اتصال حتى ليحسون اكو احد
عمر : شنسوي رشيد التعزيزات تتأخر واذا بقينا هيج تالينا لو نتأسر لو ننگتل
رشيد : واذا رجعنا هسه هم احتمال يصيدونا وهم نعتبر تخاذلنا عن ايداء الواجب توزعو ياولد اذا صارت وحده من اثنين لازم نتواجه الموت ولا الاسر
تشاهدو
حجي طه : تشاهدنا ولزمت سبحه ابويه وبستها جانت لحظات مرعبه اشوف الموت لحظه لحظه يتقرب من عدنا 70
١٠ دقايق واشتغلت الاشتباكات صعدنا على التله سيطرنا عليها اقلها نرميهم من فوك اذا صعدو التل وسيطرو عليه نصير مكشوفين وكلش سهل كتلنا بقى عمر يصلح بلدبابه كال اقلها تفيدنا
جان عددنا ١٦ واحد والموت بينا وبينه شعره ذولاك فدائين يشمرون بروحهم ولا يهتمون اباوع واحد وره الثاني من جماعتي يتصوب ويموت استلمونا قنص همه مجهزين بناظور ليلي واحنا ممستعدين يشوفونه واحنا كوه نلمح منهم المسافه قريبه كولش صارت والرمانات تتشمر بكل مكان سونا طشار بهاي اللحظه عرفت عمري انته 85
ركض عمر حتى يساعدنا ملحك حتى يكمل تصليحها محسيت غير رمانه قريبه علينا ركضنا واطشر منو المات اباوع رشيد غركان بدمه واني الدم ينكط من راسي ركضت على رشيد احركه شفت رجله مكطومه والنفس مكطوع شسوي ياربي الخوف سيطر عليه اول مره اشوف الموت بعيني ذوله القبل شويه جنت اكل واشرب واسولف وياهم واحد واحد ينكتل كدامي جان يجرني عمر حيل مصدوم ماافهم بهاي الشغلات
عمر : ولك تحرك
حجي طه : كمت ابجي ماتو
عمر : مو وكتها 112
سحلني عمر من ياختي ونركض بأتجاه القريه بكل سرعتنا نريد بس نوصل بدون ميشوفونا
اركض واتشاهد صار رمي قوي يمكن لمحونا
سمعت طبه ورايه اندار الكه عمر متصوب
عمر : روح طه اركض
حجي طه : شون اعوفك
عمر : ولك روح راح يلزموك
حجي طه : لو نموت سوه لو نعيش سوه شو تعال وتجيته متصوب برجله وشمرنا نفسنا بيت عتيك
عمر : ولك عوفني وانهزم بيها مجال الفلته
حجي طه : لو ما انت تسحلني من التله جان هسه متصوب اسكت وخليني اشوف مكان نختل بيه
اباوع البيت مهجور وصغير وين نولي دخيلك ياعلي احضرنا اباوع هذا مدد وينزف واني حاير يمكن دقايق ونلكاهم فوك راسنا الوب بلبيت ادور على مكان انضم روحنا بيه
عمر : طه بداعت ابوك عوفني اني ميت ميت اذا مو من وراهم من النزف
حجي طه : سحبت البدله مالتي نزعتها ونزعت الفانيلا الداخلي ورجعت لبست البدله
عمر : شسوي
حجي طه : انطيني صبر
شديت رجله حيل
عمر : اااخ
حجي طه : صوتك ليسمعون بلكت النزف يقل
عفته ورجعت ادور على مكان نضم روحنا فتحت اكو باب من الجهه الثانيه للبيت فسحه جبيره باوعت تنور طين مديت ايدي مليان خشب صغار وكبار وسعف يابس
فرغته بلكاع ورجعت ركض اله
كوم
عمر : وين
حجي طه : لكيت مكان اضمك بيه
عمر : وانت
حجي طه : خلي بس أمن عليك واني ادور لنفسي كوم ساعدني
عكزته على جتافي ويمشي صوت سياراتهم واضحه بس مو قريبه اكيد حارو بلدبابه والولد الي ماتو اخاف بيهم عايش
شلته
عمر : ادخل هنا
حجي طه : واليرحم اهلك تحمل الموت گبالنا
عمر : ليش متختل انت لك لتعاند اني ميت
حجي طه : وداعت ابويه ما اعوفك كتلك اذا الله كاتبلنا الموت نموت سوه يله كول ياالله دخلته حشر روحه بلتنور وذبيت الحطب والسعف واسمعه يكول ااخ
تحمل اخويه تحمل راجعلك عمر وداعت ابويه ما اعوفك
ركضت ادور مكان اختل بيه اركض واتختل بين البيوت سمعت سياراتهم قربت شمرت نفسي مثل الساكيه مال مي بس خايسه كلها طحالب المجاري انطف منها الموت من يجي تسوي المستحيل حتى ميصيرلك شى اتجاهد حتى تعيش
بقيت متمدد على ظهري ولحظه اتنفس ولحظه لا حتى ليحسون اكو احد حتى النفس كمت اخاف اخذه ليشوفوني 103

الكاتبله عمر رب العالمين يعيش لو جيوش العالم كلها كدامه ما اعرف شكد بقيت على هذا الحال بس وقت مو طويل واسمع صار رمي ياالله ارحم بحالنا
وادعي وابجي اي ابجي الروح عزيزه وهم خايف على عمر ليلكوه تندمت عفته هناك لو شامره يمي بس اني متوقعت الكه هيج مكان واشتغلت الاشتباكات بحدود الساعه ونص اذا مو اكثر واخاف امد راسي ليطلع احد ايراني كدامي
سمعت صوت ناس تركع بلبيبان وكطعت النفس
وسمعت حجينا ولدنا يسولفون اروح فدوه لصوتكم سمعت واحد كال سيدي ماكو احد هنا
طفرت من مكاني واصيح اني هنا اني
اجوي يركضون وموجهين السلاح عليه 51
انطيتهم اسمي وبيا فرقه اداوم عرفت همه التعزيزات الي طلبناها قبل ساعتين
وروحي مفرفحه لزمت الضابط من ايده واكوله سيدي صديقي هنا
ركضو الجنود ويايه
وصلت للمكان ركضت مثل المخبل وخرت السعف لكيت عمر ولا نفس 83
اضرب بوجهه تهسترت ولك عمر اكعد اكعد اجونا فتح عيونه وسدها ياابا الحسن ياعلي عايش
اخذوه الجنود وشالوه واني اركض وياهم وگبل على الطبابه المتنقله بين منوصل
باوعت الكل مدد بشر على مد البصر
ليش ياربي شنو ذنبها هاي الناس كلها تموت جم ام هسه انكسرت بولدها وجم مره ترملت وجم طفل تيتم اذا من عدنا او منهم شكد عوائل تشردت لا اله الا الله
رجعت واني ساكت المريت بيه مو قليل الخوف والرجفه خلوني بحاله صدمه
رجعنا للمقر طبيت والدنيا صارت صبح اجوي جماعتي يركضون شافو حالي حتى مكدرت اسولف طلعنا ٦ رجعنا ٢ عدا العشره الماتو اباوع وسام البعده عريس
ومتزوج حبيبته لو هذا المشاف ابنه
امر الفوج دز عليه وانطاني نزول وامر يتسوى ارسال لعمر للمستشفى هو وكم واحد متصوب من غير مناطق 150
نزعت ملابسي المتعفنه وغسلت ولبست نظيف ونزلت حتى بدون ما اسلم احس المر عليه خلال الكم ساعه الفاتت الجبال ميحملها 25
رجعت وعيني صافنه على الطريق واتذكر كولشي صار اباوع جان هسه لافيني بعلم وراجع شهيد رحمتك يارب
نزلت بكراج العلاوي وركبت فورتات ونزلت براس الشارع وتمشيت لبيتنا وعيوني على كل حصوه بشارعنا
واشوف واحد يركض ويصيح لك طه باوعت جعفر حضني حيل وحضنته والدمعه بعيني
ابويه
جعفر : تعال شوفه هسه اكيد يفرح لان شافك
دخلت اله قبل حتى ما ادخل لبيتي جنت حيل محتاجه محتاج حضنه يرجعني طفل صغير ويخليني جوه عباته
دخلت لغرفته واشوفه مدد لا ايد ولا رجل منا اني اعصابي تعبانه ومنا شفت ابويه وضعه منتهي شمرت نفسي بحضنه وابجي مثل الجاهل
جعفر : شبيك طه خوفت ابويه شوف حتى كام يبجي
حجي طه : يابه اشتاقيتلك وابوس بيده ورجله يابه كوم محتاجك
جعفر : اذكر الله شجاك مو كتبتلك عن حالته بلرساله تقصدت ادزلك خبر حتى لتنصدم من ترجع تالي هذا حالك 40
حجي طه : عوفني وياه وحدنا محتاجه حيل
انعام : ها رجعت عبالي يجيبوك ملفوف بعلم
جعفر : ياستار يمه تصدكين تكذبين فوك متبوسي وتتحمدين بلسلامه على رجعته
انعام : شكو قابل حرر فلسطين
جعفر : يمه غير جان بلجبهه
حجي طه : عوفوني ويه ابويه
انعام : خوش والله تطردني من غرفتني
حجي طه : درت وجهي ومجاوبتها جان اسمع صوت ورايه تجي تركض وتبجي حضنتني نهر اختي
نهر : الحمدلله على سلامتك ياروح اختك
حجي طه : بستها من راسها الله يسلمج
انعام : اجت اللوكيه امشي ولي على شغلج
نهر : هسه يمه بس اشوف طه سوده بوجهي ليش هيج حالك ضعفان ومسود بيك شى
انعام : شبيه قابل مو كدامج
حجي طه : مابيه شى حبيبتي
باوعت الظاهر انعام متعوفني وحدي وياه واني حيل مابيه ومنايم صار يومين بست راس ابويه وكتله ارتاح واجيك عيونه تعبانه ومغوركه بلدموع 94

جعفر : وين
حجي طه : ارتاح وبليل اجي
عفتهم وطلعت بلباب شفت سلام راجع من المطعم سلم من وره خشمه واشواق اصلاً منزلت تسلم مدرت بال اريد اروح اسبح وانام اريد ارتاح
طبيت للبيت فتحته ملكيت احد بيه صحت سندس سندس ماكو
رجعت طلعت وصحت جعفر
اكولك ويه سندس
جعفر : تعاركت ويه امي وراحت لبيت اهلها
حجي طه : على شنو تعاركن
جعفر : نسوان ناقصات عقل وعلكت بينهن
حجي طه : غير افهم شكو غير اني عايف مرتي امانه عدكم بيتها ارجع ما الكها
جعفر : مرتك اجت اداعي بمصرف تكول ماعندي وامي استلمتها روحي لرجلج هو ينطيج 54
حجي طه : بس اني عايف فلوس الها يكفيها شهرين مو بس شهر وهي وحدها بلبيت
جعفر : والله ياخويه مااعرف تالي ضلت سندس تعيط وانتم اهله وغصب عنكم تصرفون عليه اني جنتكم
وامي طردتها وكالت من يجي رجلج هو يصرف عليج
حجي طه : استغفر الله وتالي
جعفر : رحت كسرت قاصتي واخذت فلوس منها وحطيتهن بيد مرتك وبيدي وديتها لأهلها كلت زحمه تروح وحدها وهم اذا تبقى هنا وحدها راح تعلك بلزايد
حجي طه : شوكت هذا الحجي
جعفر : قبل ١٠ ايام
حجي طه : خلي اطب اسبح وانام ومن اكعد اروح اجيبها
جعفر : تريد اني اروح اجيبها
حجي طه : لا مالي خلك هسه كالت امك وحجت وعادت روحي بخشمي
جعفر : ارتاح وهسه راح اجيبلك اكل
حجي طه : كولشي ما اريد بس انام
جعفر : خوفتني حيل
حجي طه : لتخاف من انام راح اصير زين
طبيت للبيت وسبحت وكل ما اغمض عيني اشوف شكل رشيد لو وسام الغركانين بدمهم وارجع ابجي اريد يبرد گلبي مكعد يبرد 64
طلعت نشفت شعري وتمددت ومن التعب كولشي محسيت نمت نومه مو طبيعيه مفتحت عيني غير ثاني يوم الفجر سمعت يأذن باوعت حيل هلكد نمت
اوو حتى لا مصلي مال البارحه اعوذ منك يلشيطان كمت توضيت وصليت الواجبه والقضا وكعد اسبح تذكرت ابويه هسه كاعد اعرف بيه يكعد على صلاة الصبح
طلعت لبيت ابويه فتحت الباب دخلت من المطبخ
اباوع مكان الصلاه مالته فارغ اتذكرت هو مريض واكيدهسه صلاته تغيرت ومااكدر ادخل لغرفته وهمه نايمين قبل من جنت اعرف امي انعام ادخل عادي بس من عرفت هي مرت ابويه كمت حتى استحي منها 24
نزلت نهر وتفرك بعيونها وتبتسم
نهر : عرفت جاي على ابويه محد يطب هيج وكت غيرك والله اشتاقيت لشكلك انت وياه من تصلون سوه
حجي طه : صباح الخير وبستها
نهر : صباح العافيه عليك تعال نتريك سوه
حجي طه : اي والله جوعان بس بالاول اكعد ابويه يصلي
نهر : لا لتكعده
حجي طه : ليش غير يصلي ادري بيه ميكدر يتحرك بس على الاقل يحرك بعيونه واني اساعده
نهر : والله ياطه مااعرف شكول الك
حجي طه : امشي بلمطبخ واحجيلي وجهج ميتفسر
نهر : تعال كعدنا وحضرت القوري حطيته على النار وطلعت البيض والجبن والخبز هم نشرته حتى يموع لان جامد
حجي طه : احجي شصاير
نهر : ابويه الحاجتين جواه
حجي طه : وكفت على حيلي شون شكعد تكولين
نهر : انت شفته مدد بس متدري هو منتهي حتى حاجته ميكدر يگضيها وميسيطر على نفسه لهذا بطل الصلاه
حجي طه : ومنو ينظفله منو يدير باله عليه
نهر : امي
حجي طه : اوف يابه كل هذا صاير بيك واني ما ادري
اني شفته ذبلان وحاله كولش تعبان
نهر : امي متوكله هوايه حتى ليوصخ هوايه
حجي طه : انتي صدك تحجين
نهر : ابوس ايدك لتكول الها تره اطيح حظي 95

حجي طه : اني اخذه يمه واداري اني نازل اسبوعين واحطه على راسي
نهر : لتسوي مشكله طه انت هم وراك مره وعريس ومنو يكول مرتك تقبل تره سندس وكحه انت مشفت معدنها زين كلها يومين والتحقت
حجي طه : گلي جعفر على المشكله
نهر : مو بس المشكله ياطابه ياطالعه بخت وليش متساعدون اخوكم وليش بيتكم هيج مرمرت گلبنا بس امي متعرف بسوالفها هي بس تحجي كدامي لان تعرف بيه ما اردها واتجنب المشاكل 32
حجي طه : اني اعرف شون اتصرف وياها وابويه اجيبه يمي ميعجبها تبقى بيت اهلها
نهر : لزمت ايده وكتله عوف ابويه بحاله لا انعام راح تقبل تاخذه ولا مرتك لا تقبل تستقبله اني هنا وكدام عيني روح لبيتك يبعد اختك وعيش هاي الاسبوعين بحضن مرتك ولتسوي مشاكل انت لو راجع وبعد متروح اكول هوس تعارك شسوي سوي
بس هنه اسبوعين ونرجع مثل قبل ويجوز اتعس ابويه صحته على كده ومو حمل المشاكل والطلايب وامي ومرتك حيلهن حيل اسد بس يتعاركن 37
حجي طه : واعوفه هيج
نهر : ماعليه شى ذيج الفتره كلها هو هنا وبدونك لتخربطله النظاه واني گتلك عيني عليه وعيونك مااقصر وانت يوميه روح وتعال عليه المهم لتسوي مشاكل من يوم وكعت ابويه وامي مراحمه احد اي واحد يعاندها اطيح حظه خلص اجازتك بسلامه بداعتي عندك
حجي طه : وجعتي گلبي وظهري كسرتي
نهر : اسم الله على ظهرك بس هذا حالنا والحمدلله على كل حال
يله خلي نتريك سوه
حجي طه : اطب اشوفه
نهر : شويه وتكعد امي وادخلك تشوفه بس اكل حتى تكدر تتحمل اللغوه الي تصير
حجي طه : ماشي كعدت اكل وافكر بكل كلمه كالتها نهر ونار بصدري عليه هاي تالي عمره يصير بيه هيج شيخلص العسكريه الكشره واكابله واكعد واريد اشوف منو يفتح حلكه ويحاجيني 27
شويه وطبت انعام
انعام : هاا شرفتنا مبين مرتك مقبلت ترجع وياك
حجي طه : صباح الخير يمه
انعام : هلا
حجي طه : ابويه كعد
انعام : اي روحله
حجي طه : رحت ركضت مثل الجاهل ينتظر ابوه دخلت ومن شافني عيونه دمعت حضنته حيل كافي يابه شبيك بس تشوفني تبجي هياتني يمك مابيه شى
يأشر براسه والنطق شبه كاطعه
حجي طه : ماافهم والله شتريد جوعان يإشر لا عطشان لا صحت يمه تعالي شوفي ابويه شيريد
انعام : هااا شيريد قابل شبيك حسين
حجي طه : دار وجهه منها استغربت اول تالي ابويه يسوي هيج
انعام : هسه اوكلك جيبي الريوك نهر
نهر : اي يمه اجيت
كعدت بصفه تحط اللكمه بحلكه ساد حلكه ميقبل ياكل
انعام : يمعود افتح حلكك تره مالي خلك تضل تتعزز اكل وفضني 51
حجي طه : على كيفج يمه انطيني اني اوكله
انعام : هاك وكله اوي اروح اتريك فوك ما اداري والله متعافي
اخذت الصينيه منها شوربه دجاج مخبوطه كولش زين وخفيفه قربت الخاشوكه منه فتح حلكه وعيونه بعدهم يلمعن احس الدمع يتسابق حتى ينزل اخذت خاولي صغير قريب من راسه واوكله وامسح حلكه
يباوع عليه وعيونه بيهم الف كلمه وموضوع بس ميكدريحجي
حاولت اسأله بديت اسولف وياه وهو بس يهز براسه وياكل بس قليل كولش
كتله يابه الولد مسويلك شى
حرك راسه لا
انعام وياك حرك عيونه اي
شبيهه مأذيتك جان تصير فوك راسي
ها ولك ابن رازقيه تحرك ابوك عليه
حجي طه : يمه عيب هذا الحجي ليسمعج احد
انعام : قابل كذبت
حجي طه : انتي امي وعشت سنين واصيحلج يمه ومصار كم سنه يله عرفت انتي مو امي يعني ما اكدر الغيج من حياتي واعتبرج مالج وجود
انعام : اذا هيج تحسبلي خاطر ليش تحرك ابوك عليه لو تريد تسوي شى موزين
حجي طه : شسوي ابويه وتعبان واريد افهم شبيه وكعد اسولف وياه
انعام : عوف ابوك وروح رجع الزركه مرتك كالت نهر مرايح بعدك الهه
حجي طه : يمه انتي شبيج متفهميني انه مضوجج بشى تره البيه كافيني ومالي خلك مشاكل وطلايب 51

انعام : كول لمرتك خلي تنجب وتكعد بيتها لا اسحلها بنص المنطقه مبقت عليه بس بت الخبازه
حجي طه : مو انتي اختاريتيها هو اني الجبتها وسويتيها بس هي وبس
انعام : غير الناس كالت حبابه وفقيره
حجي طه : واني مشفت شى منها موزين
انعام : غير كعدت يومين يمها وماشاء الله كصتها تخبل عليك ذبتك بلجبهه اذا بقت منا لشهر يجوز يجيبوك مكطم 102
حجي طه : كولشي قسمه والحمدلله على كل حال خلي اروح ارجعها
انداريت على ابويه وبست راسه وايده راجعلك يابه اسبوعين اني يمك
انعام : سد الباب وراك
هااا حسين تشكيني لبن رازقيه هاي تاليها اله احرمك شوفته يله توب وروح ابويه اذا حسسته بشى حتى هنا ما اخلي يدخل ولتنسى البيت بأسمي واطرده طردت الچلب صير عاقل حتى لا اطلع قهرك بأبنك العزيز 156
حجي طه : باوعت ساعه ٧ الصبح هسه بس اني اروح للناس من السبعه شيكولون عليه خلي ارجع للبيت ارتاح وعلى الساعه ١٠ اروح طبيت اباوع للبيت تراب وصخ هسه انتي طلعتي زعلانه اغطي الغراض حتى ليصير بيها تراب 32
نفضت التخم واكو ماعون قديم محطوط على الطبله شلته وحطيته بلسنك همزين ماكو مواعين بس البيت وصخ
سحبت جنطتي مال العسكريه وطلعت ملابسي وطلعت الجيس البيه البدله كله خيسه جبت المعجانه وكعدت اغسلها اخاف هاي تلعب روحها من ريحتها وكعدت التهي بيها واغسل وعقلي مو براسي ساعه افكر بلصار بيه هناك وساعه افكر بأبويه شنو قصده انعام مأذيته شمسويه محسيت بروحي غير غاسل ملابسي كلها علكتهن بلحمام حتى يذبن ميهن وسبحت وبدلت باوعت ساعه ٩ ونص خلي اتمشى الهم 67
وصلت لبيتهم دكيت الباب طلعت امها لابسه دشداشه الخبز وخطيه مبينه هلكانه
شونج عمه
هله يمه الْحٍمَدٍ للـّہ على سلامتك هلا من جاينا ولج سندس خايبه سندس الحكي منو اجه
اجتي تركض شافتني ركضت حضنتني
اني خجلت لان امها واكفه
بستها من راسها شونج
سندس : شوني حال الضيم حالي 78
ام سندس : يمه على كيفج ويه الوليد توه وصل تعال ادخل يمه الحمدلله من رجعت سالم غانم
حجي طه : لا عمه تعبان اجيت اخذ سندس وارجع للبيت
ام سندس:شون ترضاها ادوس عتبت بيتي وماتدخل راح اسويلك احلى ريوك وخبز حار من يدي
حجي طه : بيت العامر بأهله عمه بس والله تعبان وهم متريك غير وقت اجي اني وياها ونتغدا هم
سندس : ليش شوكت اجيت
حجي طه : من البارحه
سندس : لا بالله واكيد امك كالت لترجعها ومااجيتني اول موصلت
حجي طه : اجيت روحي مشايلها كفيلج الله وبس گضيتها نوم ومن كعدت استحيت اجيج من الصبح كلت يصير ساعخ ١٠ واجيج
ام سندس : كافي ولج وامشي حضري غريضاتج وروحي ويه رجلج
حجي طه : لتباوعين هيج وامشي لبيتج العايفته صار ١٠ ايام
سندس : هو اني عفته لو انطردت منه
حجي طه : محد طردج منه واذا امي طردتج من ذاك البيت
سندس : ليش هو مو البيت واحد 26
لا مو واحد ذاك بيت ابويه وهذا بيتج هاي كدام امج اخاف ارجع التحق ممنوع عليج توصلين لذاك البيت لو شميصير تلزمين بيتج وتكعدين
سندس : غير بيت عيالي واروح الهم وشحتاج اخذ منهم
حجي طه : اني ممخليج بقصور وعايفلج مصرف يكفي شهرين وانتي وحدج متكوليلي ليش رايحه اداعين بفلوس
سندس : هاي امك الحيه كالتلك مو
حجي طه : عطت بيها انجبي واياج تتجاوزين
جان امها تركعها على حلكها
اش اسگتي من صخم الله وجهج يمه امسحها بيه طفله وما تفتهم
حجي طه : اني افهمها امشي يله 69

سندس : ماارجع روح
ام سندس : انجبي وامشي ارجعي لرجلج
سندس : متشوفي شون من اول مطب يتأمر عليه
حجي طه : انه لا متأمر ولا طلبت شى كتلج بس ذاك البيت متوصلين اله ومالج دخل لا بأمي ولا بأي احد من ذاك البيت
عليج بيتج وبس
سندس : على اساس معيشني بقصر شعشوع
حجي طه : والله يابنت الناس هاي امكانيتي شبيدي لو عندي اجيبلج احد قصر
ام سندس : الله يرزقك وتجيبلهت أًاٌلاًحلى لاتهم يمه كله رزق من الله
حجي طه : ونعم بالله يله تعبت حيل
سندس : ماشي 52
ورجعنا للبيت واول مطبينا كتلها
نظفي البيت تره حيل وصخ
سندس : لو ادري تجي جان نظفته بس تعال كولي مشتاقيت اليه
حضنته وبديت ابوس بيه بهدوء
حجي طه : تعبان سندس كملي شغلج وبعدين النه كعده سوه
سندس : انت شبيك ولا جنك عريس عاف مرته ثالث يوم عرسها توقعت تجي مشتاق طاير عليه
حجي طه : حضنتها حبيبتي اعذريني وضعي مخربط يوم يومين واصيرلج احسن من قبل
سندس : براحتك اروح اكمل شغلي احسن ودفعته وخرت من حضنه
حجي طه : بقيت اليوم كله نايم شكد ماانام احس اتعب اكثر لحد ماحسيت بسندس تتقرب مني وتبوس بيه تكعدني
فتحت عيني
سندس : متتعشى مجعت
حجي طه : قربها مني وريحتها واني صار اكثر من شهر ممتقرب منها ثارني وجريتها وتقربت منها حسيت هلمره مو مثل قبل مندمجه ويايه وتحس بيه
سبحنا واكلنا جان بوكتها شهر التاسع ١٩٨٢ واحنا كاعدين ناكل جان تكولي
سندس : طه
حجي طه : هاعيني
سندس : اني حامل
حجي طه : ذبيت اللكمه من ايدي ممصدك الكالته صدك حامل يعني راح اصير اب
سندس : اي ان شاء الله
حضنتها حيل وبستها
سندس : متوقعتك هيج تفرح
حجي طه : شون ماافرح وهاي امنيه ابويه
سندس: كولشي وكلت ابويه والله موتتني
حجي طه : شوفي يابنت الناس اني ذيج المره جنتي عروس وكلت ما اكسر بنفسها وبعدها صغيره 119
سندس : وهسه شنو كبرت ٢٠ سنه
حجي طه : شوفي حتى طريقه كلامج مال وحده عمرها ٦٠ سنه مو مال وحده صغيره طفله كل كلمه اكولها ترديها بعشره لتنسين اني رجلج وعيب تحجين بهاي الطريقه متحمل وساكت واكول بعدها ممتعلمه عليه
سندس : هسه ليش صرت اعصاب
حجي طه : سامعه احذر الحليم اذا غضب شكد تشوفيني بارد بس اذا صرت عصبي مااشوف كدامي تحترمين وتجرين عدل اشيلج على راسي تعوجين اطيح حظج صيري عاقله كبرتي واتزوجتي وراح تصيرين ام
سندس : زين بعدك تتذكر حامل
حجي طه : يعني متكدرين تسكتين
سندس : وانت متكدر اله تلعب روحي عوفني احجي ميصير هيج اني هم مرتك والي حق عليك
حجي طه : واني بشنو مقصر
سندس : خلي نعيش هناك
حجي طه : هناك منعيش ذاك البيت تنسي
سندس : ليش مو بيت ابوك والك حصه بيه حقك ورثك
حجي طه : ولج ابويه عايش وتردين اورثه تخبلتي
سندس : مو ورث قصدي
حجي طه : اسكتي سندس لو ما حامل جان عرفت شسوي
سندس : شو كمت
حجي طه : لعبتي نفسي ما اريد اكلي وحدج
كامت تبجي اوف والله مالي خلك
سندس : انت ليش متحبني وتحب اهلك اكثر مني ليش حصره اجيب طاريهم تتعصب عليه
رجعت وحضنتها اسكتي كافي موزين انتي حامل
سندس : هو انت خايف على الطفل مو عليه
حجي طه : لا عليكم اثنينكم وكافي لتبجين
سندس : كله من وره امك غاسله راسك مني
حجي طه : تره هي الخطبتج اليه انه لا شايفج ولا اعرفج
سندس : شون وهي اجت كالت هو طلبج بالاسم
حجي طه : صفنت انه
سندس : هي من خطبتني كالت شافج وكال اريد سندس واني كيفت وافقت
حجي طه : سكتت لا اكدر اكذبها لأنعام لان سندس تدري امي ولا اكدر اكول صحيح بقيت ساكت وكتلها امشي شيلي المواعين وتعالي بحضني
وهي كيفت مرات احسها طفله متفتهم ومرات احسها مره كامله بعدني ممتعلم على تصرفاتها 83
بقيت يوميه اروح لأبويه الصبح وبليل مرتين بليوم ويوم بعد يوم اشوفه ذبلان بشرته بحمل سندس وابتسم ابتسامه خفيفه عرفته فرح كمت كل ما اكعد وياه انعام متعوفنا ابد مگابلتنا وكاعده
وبعدلي ٤ ايام والتحق وبدت نفسيتي تتعب هم ارجع للضيم
وبليل متمدد وسندس بحضني ونسولف هي سوالفها كال ذاك البيت وحجت امك واني اسمع الها بس كولشي ما احجي الظاهر ميفيد وياها واني من كثر ما روحي بخشمي ساكت اريد تخلص اجازتي بدون مشاكل
اندكت الباب حيل ركضت حافي ياستار شصار
واسمع عياط قوي فتحته
واشوف سلام گبالي ويصيح ابويه مات 242
يتبع .. 25
مساء الـ🥀ـورد لأحلى المتابعين ارجع واكرر موعد النشر يومين ويوم استراحه والوقت ساعه ١١ مساءاً
القصه تحمل الكثير من الاحداث المتوقعه والغير متوقعه لتستعجلون الحكم على اي بطل موجود بلقصه وان شاء الله بمرور الايام راح تحبوها
تحياتي لًلًـّــ💎ــجٌٓمٍَُٓيِّعَْٓ

رواية ابي والغزلان للكاتبة ريام هادي

الفصل الثالث

بارت جداً طويل لعيونكم 🌹 22

هاي الفتره كلش مشتهي الموت
واحس بروحي مامرتاح كلش
من شفت الزرع للصبخه مگيود
والفلاح مابي حيل يغبش
من شفت الوحل دك صدره للريح
والقداح خايف يستحي ايطش
مادام السعف يركص للـ غراب
بعد ما أمّن اكعد بالنخل عش 68

حجي طه : ولك شتكول
سلام : ابويه مات طه
بذيج اللحظة ركضت حافي مثل المخبل راح عزوتي وحزام ظهري راح الحنين ابويه رغم كل السواه بس جان حنين عليه وروحه بيه ومايوم قصر بحقي او كلي لا على اي شى اريده جنت احسه مو بس ابويه صديقي
طبيت وشفته مدد وصاير ثلج شمرت روحي بحضنه مثل الجاهل اعيط ذيج اللحظه فقدت كل حواسي وتركيزي بشى واحد خسرت اعز الناس خسرت سندي بلحياة وتيتمت
عياط وصياح النسوان جنت مااسمعه من كثر مفاقد شون شلت ابويه مااعرف شون انطاني گلبي اغسله وانزله بلحد هم مااعرف من كثر مامقهور حتى حچي مااحجي مقبلت احد يطب وياه غيري واخوتي من شافو وضعي سكتو غسلت اله وجفنته ونزلته كله بيدي ويه كولشي اسوي لحمي وصدري وروحي تتكطع عفت ابويه نايم وحده حاله حال اعزاز الناس تدفن وترجع وحدها اخ يلنجف شگد بيج اعزاز 266
نهر :
كاعده والطم على ابويه وابجي واحس الدنيا وكعت على راسنا اعرف بعد روحته راح نتأذه عامود البيت ابويه وانهد على راسنا
المله تنعي والناس تبجي الله يرحمة جبير اهله بلكوت والناس توجب ياهو الي اطب تلاچي والكل تلطم صارت صلاه الظهر الكل تصلي اليوم الثالث وحيل هوسه معارفنا هوايه
وبدو الزلم يحضرون لصب الاكل ويصيحون على البنات احسبو العدد حتى ندخل الاكل ودخل واباوع الي تتعارك على الماعون والي تكول لحمتي صغيره والثانيه تصيح ماكو خضره وهاي تكول فد خبيزة من يمجن طكت روحي وكمت اعرف بكل الفواتح هيج اتصير بس اني مااتحمل هيج شغلات گلبي يكوم يوجعني احنا نبجي دم على ميتنا وهنه حايرات بلكمه تكول مماكلات لحم بحياتهن 164
ادخل لغرفه ابويه وصلت قريب اله اجتي كرابتنا خلف الله عليهن شايلات الفاتحه شيل
ولج نهر تعالي الحكي
نهر: شصار
اشواق اختج ومرت اخوج اتعاركن بلمطبخ راح تعلك ونصير علچ بحلك النسوان
نهر : ركضت طبيت للمطبخ واشوف وحدتهن رافعه الدشداشه ومتحزمات وناس تهدد بناس عطت بيهن شكو
اشواق : تعالي شوفي سندس اتضم اللحم متستحي
نهر : وانتي شكعد تسوين بلمطبخ مو عيب عايفه العزه وحايره بالاكل ولج هذا ابوج المات متستحين 86
شفت اثنين من كرايبنا واكفات يتفرجن يموتن على هاي السوالف
من رخصتكم عمه اريد احجي وياهن
يا يمه قابل احنه غربه
نهر : ميخالف عمه من رخصتكم
اوف شكد يحبن هاي السوالف طلعن سديت باب المطبخ 31
بله انتن متستحن شتكول علينا الناس
سندس : كولي لأختج ابوها ميت مصار ٣ ايام وحايره تفتر اضم لحم
اشواق : هو اني لو انتي كل شويه راكضه ماخذه جدر اترسي لحم وادزي بيد جاهل لبيتج مرتين سويتيها عبالج مشفتج
ولج هاج شوفي هذا الجدر سلام جابه كال ضموه وهي نصه فرغته
نهر: من طيح الله حظجن اي والله يعني هيج عيونجن ضيكه 63

سندس : هاي جذابه هي كم لحمه صغار اخذتهن لأخوج اكيد مأكل وبليل ارجع تعبانه منو يسويله عشا احمي وياكل
اشواق : وطه ياكل جدريتين لحم
نهر : اشش كافي لا اركع راس براس
ولج اشواق ابوج مات قبل كم ساعه وحايره بطنج صدوك تحجين
اشواق : اني شعليه لتذبيها براسي هاي امي كالت شوفي بت الخبازه شسوي وحدها بلمطبخ والكل كاعد يتغدا بس هي بقت تفتر روحي شوفيها واجيت وشفتها تضم بلحم
نهر : اخ يمه اخ 71
سندس : وشبيها بنت الخبازه عيني مو مرت ابنها بله مستحت على شيباتها ورجلها مي كبره منشف وادز بيج حتى تراقبين هيج الموت ماله حرمه عدجن
اشواق : على اساس انتي شونج يمه الحرمه والخجل ينكط منج ولج شوفي حالج شون مهتلفه ومشايفه وتتختلين حتى تضمين اكل و لتحجين على امي تسوه راس امج وعشيرتج كلها انتي شنو شايفه نفسج علينا
سندس : تسوه راس امي مو شو تعالي 84
وجان تجرها من شعرها وانبطحن بلكاع وناس تضرب ناس وجان اجر الجفجير وعلى راسهن وخرن حقيرات فضحتنا من ضربي على الراس وحده هدت الثانيه
سندس : ولج نهر تضربيني واني حامل
نهر : واكسر راسج انتي واشواق لان اثنينجن متستحن
سندس : خلي يجي اخوج اذا ما اخلي يلعب بيجن طوبه ويربيجن
اشواق : امشي لج ام الكمل يربينا مبقى علينا بس طه والله ياالله 104
نهر : انجبي انتي الثانيه وامشي ولي اكعدي يم امي حتى حرمه ميت ماعدجن خلي يخلص العزا واني اعرف شون تفضحنا هيج
سندس : يابه دولي عودتهدد خلي واحد يلزم شعره مني اخلي العزا عزاوين
اشواق : اي بخبز امج والطحين مالتها ترشه على راسنا امشي لج فكر من جيتي جبتي المصايب وياج
سندس : اني الج اشواق هسه اعلمج شسوي هاي الفكر
اشواق : لا بالله شسوين سوي انتي وهذا الابسته برجلي 73
نهر : رجعت كفختهن وجريت اشواق لبره وباوعت لأمي بنظره ليش هيج يمه حتى حرمه لأبويه مخليتي وحايره بلحم ثالث يوم فاتحته الله اكبر شكد البني ادم كوي الموت كدامه وحاير بطنه ودنيته الفانيه 38
طلعت اشواق يم امي وانداريت على سندس انتي مو حامل ولي لبيتج
سندس : هلوو شنو اطرديني
نهر : تقربت عليها وكتلها
اول شى نصي صوتج كافي فضايح ومخازي كدام الناس راح اطيحون سمعتنا علمود كم لحمه الناس جايه وتحسب الف حساب النا من وره المزعطه انصير علچ بحلوكهم وثاني شى منريد شى منج روحي لبيتج
سندس : وانتي منو واطرديني على شنو شايفه نفسج بابا هذا البيت بيت رجلي ومن اليوم الي الكم بيه رجلي مثله بيه واطب واطلع على كيفي واريد اشوف ياابن امه وابوه يطلعني منه حتى احركه عليكم 79
نهر : لتحجين شى اكبر من راسج لو ما بحلكي تراب وابويه هسه مدفون جان راويتج منو ابن امه وابوه وشون اطلعج منه نصيحه اخذيها مني وهاي لخاطر اخويه طه لان احبه احترمي نفسج واطلعي بكرامتج احسن ماتصفالج انعام وتخليج تندمين عاى اليوم الفكرتي ادخلين بيه بهذا البيت
سندس : هلوو هلوو وانعام منو يمه وتطردني مثل ما الها بهذا البيت لرجلي هم
نهر : الله مطولج ياروح لتحجين شى اكبر منج لو ما انتي مرت طه وطة بعزيت روحي جان الي تصرف ثاني وياج
سندس : اسمعي نهر طه رجلي وكل هاي الاملاك اله حصه بيهن حاله من حالكم والي اله هو الي واني مااطلع من ملكي 60

منحس غير انعام فوك راسنا
انعام : ياملك ام الوصخ ولج مبقت عليه بس بنت الخبازه بت الحافي امشي اطلعي من بيتي لا انعل سلفه سلفاج
نهر : كمت الطم على وجهي يمه عيب منا الناس تخزينا فاتحة ابويه راح تنكسر عيب النسوان تباوع
انعام : اسكتي انتي الثانيه خلي اشوف هاي الوصخه واكفه وتشمرين ولسانج اطول منج ولج انتي منو وتحجين بلحصص والورث
نهر: يمه متفهم وراح تروح لبيتها ارجعي اكعدي يمه النسوان مو راح نتعزى ونتصخم مو وكتها
سندس : لو ما مره جبيره وشيباتج بكد عمري جان عرفت شون اجاوبج بس مااريد طة يزعل مني
انعام : امشي لج انتي وطة ونعالي امشي بره لا اسحل الطرمه كلها بيج واشوفج ياام الاملاك انعام شسوي 7
سندس : خلي يجي ويشوف امه شون تحجي عليه الخابصني بيهم اهلي واهلي ذوله اهلك ياسبع
انعام : يله بره وتأشر بيدها ولي دوختينا الله يشيلج
نهر : سحبتها من دشداشتها امشي كافي يمعوده صوتج الناس بدت تباوع شوفي الولد اجوي يركضون
سلام : شصاير حسكم للجادر واصل متستحون
سندس : كول لأمك هذا الحجي الي رجلها مصارله ساعات من مات وبحلكها عود تراب عشتوو عافت العزا وتفتر ورايه وفوكاها تطردني من البيت
سلام : روحي لبيتج سندس عندج رجال ونحجي وياه 32
سندس : وليش يمه ماعندي لسان واحجي
انعام : هاي متريد تطلع هيج تريد اسحلها من شعرها وامسح الفاتحه كلها بيها امشى زركه هم حاسبه روحج مره وتتشرطين وتحجين لو منج ابوس ايدي وجهه وكفه لان رضا بيج طه بس هو هم غمه وقبل بوحده مثلج لا خلقه ولا اخلاق
نهر : امشي يمعزايه وسحلتها وهي تأشر بيدها وصوتها سمع الي بلطرمه كلها
عبالج اعوفج تتهنين بيه بعيني اذا ماافلش هذا البيت على راسكم ما اتسمى سندس وشوفي الزركه شسوي 155
نهر : دفعتها بره ولزمتها من ايده وگبل لبيتها بصفنا حيل لزك والرياجيل مگلوبه بره الله ياخذجن فضحتنا فتحت الباب الخارجي ودفعتها داخل بيتها وعطت بيها بس كافي متعبتي نسيتي انتي حامل تهدي هداج الله
سندس : انجبي واطلعي كله من وراج
نهر : فوكاها صارت من ورايه كتلج اطلعي بكرامتج بس انتي اااخ منج تحبين الاهانات
فوك ما واكفه بعزه ابوجن هيج تسون بيه بس عندي رجال هو يعرف شون ياخذلي حقي
نهر : تقربت منها وكتلها شكد شايفه وكحات مثلج مشايفه يعني لسانج طويل وتتجاوزين على الاكبر منج وفوكاها تردين تسوين مشاكل بين الاخوه شراح تستفادين من هاي الهوسه كلها
سندس : والله اني مندكيت بأحد انتم تحارشتو بيه اجتي اشواق واستلمتني عياط وانتي وامج كملتوها
نهر : انتي مو صاحيه يعني هذا وقت تتعاركين بيه لو ابوج الميت راح تسوين هاي سوايتج ولو عندج احترام لرجلج جان سكتي هذا ابوه عمج وجان لازم متسوين مشاكل بس شون متكدرين الخباثه بدمج
سندس : نهر اطلع لا افرح امه لا اله الا الله عليج وحدتجن لسانها شطوله
نهر : خلينا اللسان الكصير الج وطبي لبيتج وبعد لتوصلين هناك 1

طلعت وركعت الباب الله يعينك على ما بلاك ياااخويه مو مره حيه وتمشي
دخلت للبيت صارت بوجهي اشواق سحبتها للغرفه مال سلام شو تعاي طبينا وسديت الباب
اشواق : ااخ عوفيني
نهر : سمعي لج اذا سويتي بعد مشاكل والله اطيح حظج
اشواق : مالج دخل بيه انتي مو وليه امري
ابويه ومات وهسه امي مسؤوله عني
نهر : طايحه حظ من يومج تموتين على الخباثه
اشواق : خليت الطيبه الج ام گلب الحنين
عافتني وطلعت كعدت على جربايه سلام كمت ابجي وين عفتنا يابه هاك بفاتحتك ويتعاركون بعد اشهر شون راح اشوف ايام سوده اعرف اني دومي عكس امي بكولشي وهاي اشواق ويه امي تكول حزب عدنا شراح يخلصها وياهم
مسحت دموعي وطلعت لان صاحو راح يسون الختمه اباوع على امي ادك وتلطم الي يشوفها هسه تكول راح تموت وره رجلها من القهر واللطم والدموع عشره عشرة
ميدرون قبل شويه جانت تتعارك على اللحمه وصوتها مسمع لسابع جار 17
ساعات مرت صعبه ومتعبه وتم كولشي فاتحته جانت بذاك الوكت من اكبر الفواتح بلمنطقه كلها عراضه وشيوخ من كل المحافظات حتى بلبيت جانو هواي محافظات يباتون يمنا تالي الليل لمو الجادر واني صعدت لغرفتي مااتحمل من التعب احس روحي شويه واخرب
سمعت صوت اخوتي دخلو للبيت نزلت كلت خاف تسوي مشكله امي من وره سندس وخطيه طة مكسور ومو حمل قال وقلت سألت عن طه كالو راح للبيت اوف الْحٍمَدٍ للـّہ بقيت كاعده بلمطبخ افكر بحالنا وخاصه ب طه

حجي طه : واكف بلفاتحه واباوع على الناس التجي وخاصه اهل امي شفت خوالي اثنين اخوت رازقيه وسلمت عادي مكدرت اخذهم بحضني واكولهم اني ابن اختكم اني ابن رازقيه مراح يصدكون الكل يعرف اني ابن انعام وماعندي دليل يثبت كلامي بس كلام ابويه وابويه راح لدار حقه
وشستفاد هسه اذا فتحت الموضوع بس راح اشوه صورته الله يرحمه ويجوز يكذبوني ومحد يصدكني مااعرف طبيعه نفسيتهم شنو 37
٣ ايام بلفاتحه وعيني ماغمضت النوم موتت ابويه كسرتني شكد جنت خايف من هذا اليوم احس روحي ضليت وحدي سندي بلدنيا راح
واكف ثالث يوم الفاتحه بلجادر والدنيا مگلوبه شيوخ واهل وجيران ولمحته من بعيد يدفع بيه واحد بلعربانه ركضت عليه
هاي شجابك سيدي
عمر : بعدك تكول سيدي مو احنا خارج الخدمه
بوسته الْحٍمَدٍ للـّہ على سلامتك
عمر : الله يسلمك البقيه بحياتك سألت عليك وكالو مجاز بس اليوم الظهر اجوني الولد جنود اثنين ورجعت سألت كالو ابوك توفى اخذت العنوان منهم واجيتك خفت لا خلصت الفاتحه
حجي طه : جيتك على راسي بس ليش كلفت نفسك وانت مريض
عمر : شون ماااجي للانسان الضحى بروحه حتى ينقذني اني عايش اليوم بسببك هذا اخويه عمران
حياك الله
تفضلو وبقو بحدود نص ساعه وراحو جيته جانت غاليه عندي هو خوش رجال ابن اصول
بعدني احجي ويه الناس اجه سالم گالب وجهه
حجي طه : شكو
سلام : مرتك شكد وكحه لخاطر النبي
حجي طه : اهوو شبيهه
سلام : يابيها گلبت الدنيا عركه هي وامي
حجي طه : وامي بيها حيل تتعارك وبهذا وضعها
سلام : اني شمدريني بس انت الزم مرتك شويه شنو هاي الجساره العدها
حجي طه : كافي منا الناس بعدين اعرف شصار 2

كملت الفاتحه وشالو الجادر واني حيلي مهدود كالو تعالو نتحاسب كتلهم باجر لان تعبان
دخلت للبيت هدوء وماكو احد صحت سندس وينج
سندس : ها عيني الله يساعدك
حجي طه : ويساعدج بس طلعيلي داخليات اريد اسبح
سندس : حاضرين وهسه احضرلك العشا
حجي طه : مجوعان
سندس : شون ياعيني متاكل
حجي طه : الزاد بحلكي زهر اريد اسبح وانام
مشيت خطوتين وانداريت صدوك تذكرت شغله
ليش متعاركه ويه امي اليوم
سندس : شبسرعه بلغنك بهاي السوالف استاديه بس اكيد مكالو شنو السبب
حجي طه : اني سألتج الج مو الهم شصار وتعاركتو
سندس : ليش محجولك شسون بيه وشون طردني من بيتك
وحطيت ايدي وابجي
حجي طه : هاا بيتي شمرت الخاولي على القنفه وكعدت بصفها فهميني شصار
سندس : امك بعز العزه ادز اشواق عليه اخاف ابوك شى او اخذ شى واني بس اخذت ماعون صغير بيه لحمه علمود كلت اخاف تجوع بليل وماعندي عشا اسويلك وهاي استلمتني حاصل فاصل وكملتها نهر وختمتها امك وطردني تقبلها هاي تاليها انطرد من بيتج 57
حجي طه : متأكده هذا الصار
سندس : قابل اكذب انت لو شايف شگالت امك عليك يبوو حجي ميلبس عليه ثوب حتى غلطت عليك
حجي طه : نفخت بضوجه استغفر الله يعني احنا بيا حال وانتم تسوون هيج موعيب منا الناس وخطار معرفتي تلزمين لسانج
سندس : شو انت ذبيتها براسي اكوله لعبن لعب بيه وحده ترفع وحده تكبس علمود لحمه
حجي طه : احد طلب منج اكل
سندس : هاي فوك زينيتي طلعت اني الموخوش وتعال كولي شو لا تعصبت ولا رحت كسرت البيت على راسهن اكوله طردوني وغلطو عليك وانت حايرلي بالزمي لسانج غير مرتك تجاوزو عليها وانت بارد ثلج 53
حجي طه : يعني ابويه قبل شويه شلنا الجادر مالته تردين اروح اتجاوز عليهن وهنه بهذا الحال ومنو يكول كلامج صحيح غير اسمع الموضوع من الطرفين لو هي بس هوسه
سندس : راح تخبلني انت اكولك طردوني طردوني اغنيها الك
حجي طه : اذا متجاوزه طبج مرض واذا ممتجاوزه اخذلج حقج بس بلعقل لتنسين هاي امي
سندس : واني مرتك والي كولشي تملكه
حجي طه : وكفت شملك
سندس : نسيت البيت وكل الاملاك الك حق بيهم وريث حالك من حالهم والك حصه بكولشي
حجي طه : يعني صدوك انتي ناقصه عقل ومتستحين ولج تراب ابويه بعده بهدومي وتحجين على الورث والحصص من هيج طردوج اكيد نفس هذا الحجي سمعتي الهم
لو منهم اطيح حظج مو بس اطردج
ولمزتها من ايدها حيل واجر بيها بقوة اسمعي لج هذا الموضوع متفتحي ابد واذا سمعتج مره ثانيه حاجيه بيه اكسر الحزام على ظهرج اني بعمري ما ماد ايدي على مره لتخليني اتعامل مثل مااتعامل ويه الحيوان جري عدل ولوما حامل واخاف علي بطنج جان عرفت شون اجاوبج 21
سندس : اااخ عوفني جتفي خلعته
حجي طه : ومره ثانيه اخلع راسج من جسمج انجبي واسكتي
دفعتها ومشيت 50
هاا نسيت اكولج شى البيت الكاتله روحج عليه بأسم امي من سنين
سندس : لطمت على خدودها صخام بوجهج سندس لا اكيد تريد تحرك دمي
حجي طه : وليش احرك دمج اني مااكذب وتكدرين تسألين من ٢٤ سنه ذاك البيت بأسم انعام لهذا لدوخين نفسج وياطابه وياطالعه وحجه البيت وليش منعيش بيه هذا بيتج وانجبي واكعدي بيه واحترمي نفسج
سندس : وانت ليش مكتلي ذاك البيت بأسمها قشمرت عليه مو عيب عليك
حجي طه : ليش انتي قبلتي بيه علمود البيت
سندس :متوقعتك حافي وماعندك شى عبالي براسك خير وكلك فلوس
حجي طه : حافي مو جان الزمها كطعت شعرها تكطع واضرب على راسها وتعيط
سندس : لك عوفني الله لا ينطيك
جريتها من شعرها للغرفه وفتحت الكنتور يله لج البسي اليوم متضلين هنا
سندس : اني ماابقى بهذا المهجوم عش دجاج ومان عليه بيه ودفعته
حجي طه : عفتها تبدل واني نار بيه اذا تحجي بعد حجايه يمكن ادفرها حتى الطفل اموته بطنها 122

سندس : اني اروح لا خلف الله عليك
حجي طه : اي مو بكيفج ساعه ١١ بليل موليه لأهلج حتى خوش تكذبين عليهم يله امشًي
اخذتها مشي بليل وهي تمشي ورايه وتبجي وصلنا لبيت اهلها دفرت الباب حيل وطبت وطلع اخوها وامها يركضون
ام سندس : دخيلك ربي شصاير ابني
حجي طه : هاي بتكم يمكم متصيرلي مره طول ما هذا لسانها وهاي اخلاقها
سندس : وشبيهه اخلاقي مو احسن من خواتك الحقيرات الشايفات نفسهن
ام سندس : ولج اسكتي يمصخمه
روح يمه لبيتك ومن تهدى النفوس ادزها لبابك
سندس : ماارجع لو يموت
حجي طه : لدزيها اني اصلاً ملتحق عكب باجر وشهر ونص يله اجي خليها يمج
سندس : هاي هيه هذا القبضته شمرتني يم امي حتى متصرف ولا فلس من يومك كحف وبخيل
جان تضربها امها على حلكها كامت تعيط وتبجي وطبت جوه واخوها الصغير وراها 58
سندس : يمه طة احسبها عليه هاي صغيره وطايشه ومتفتهم
حجي طه : ياصغيره هاي عمه توديج وتوديني للبحر وترجعنا عطشانين بتج ماراضيه بعيشتها رحمه لأهلج قنعيها وعقليها اذا تبقى بهذا الحال متصيرلي مره بعدنا بلبدايه وهيج تتعارك وتهد وتتجاوز
وره سنين شسوي اني تعبان وحيلي مهدود وظهر انكسر وهي مكان متراعي الله بيه تزيد همي
ام سندس : روح يمه لدوامك وترجع بلسلامه وعوفها يمه ومن ترجع النا حجي
حجي طه : هاج عمه
ام سندس : شنهي
حجي طه : مصرف الها اخاف تحتاج شى
ام سندس : مستوره ابني توكل لدربك وليضل بالك
حجي طه : لا هي مسؤوله مني خليهم يمج متعرف تتصرف اخذيهن عمه حتى ارتاح
ام سندس : صار وليدي بس تهدى وكول ياالله وارجع لبيتك وارتاح وراك تعب يعينك الله على ايامك
حجي طه : الله كريم اروح اني
ام سندس : مودع بالله وليدي
حجي طه : رجعت اتمشى ساعه حدود ١٢ بليل واباوع الجو طيب نهايه التاسع بعد يومين ندخل شهر العاشر ١٩٨٢ وحاير وافكر شون بلضيم الرايحله عكب باجر الالتحاق مالتي وخايف ليش انكر جسمي يرجف الشفته ذيج المره خوفني الموت قريب بكل وكت هناك بس شسوي مجبور 10
دخلت للبيت دورت على ملابسي زين مرتبات بلجنطه بس الجو هناك بليل بيه كرصه برد فتحت الكنتور ادور هدوم الشتوي ماكو صعدت للغرفه الفوك مسويها مخزن فتحته لكيت جنط الملابس الشتويه طلعت بلوزات خفاف اثنين بس بيهم تايت حتى لتاكلهم العثه
لازم ينغسلون بس والله ولا بيه حيل جتوفي تون عليه
خلي انزل لنهر بلكت تكدر تغسلهم
طبيت للبيت باوعت علي وسلام كاعدين بلحديقه يحسبون فضل الفاتحه عفتهم ودخلت
باوعت گلت اذا ماكو نهر ارجع اغسلهم اني لكيت نهر كاعده بلمطبخ وحاطه ايدها على خدها
شبيج يابه
طفرت من مكانها وحضنتني وتبجي
اذكري الله وترحميله
نهر : راح نضيع وراه
حجي طه : اي والله بس شنكول غير الْحٍمَدٍ للـّہ على كل حال اكعدي ارتاحي ليش منايمه
نهر : مجاني نوم وانت بيك شى سمعت صوت عياط توقعت سندس قريب الصوت من غرفتي
حجي طه : اعرفج متكذبين عليه احجيلي شصار
نهر : وبديت اسولف كولشي وداعتك وروح بابا هيج صار
حجي طه : لتحلفين ميحتاج اني مصدكج
نهر : الله يساعدك عليها شون جارعها
حجي طه : يمي متسوي هواي شغلات او على الاقل تضبط نفسها هي الظاهر راسمه على العالي واليوم كسرت اول امل الها
نهر : دير بالك فدوه انت مناقصك اذيه
حجي طه : والله لو ما حامل واخاف الله اخاف لا اكسر بختها باجر اطلكها بس والي بطنها شون
نهر : اريد اسألك شغله ضاله بالي بس اخاف تزعل
حجي طه : لا احجي ماازعل
نهر : هي تدري بأن ماما مو
حجي طه : مو امي هذا قصدج
نهر : عفيه لتزعل مني
حجي طه : ليش ازعل هذا واقع بس اني مكايل الها سندس مراهقه ومتفتهم وراح تلغي هنا وهنا ومناقصنا وجع راس
نهر : اي فدوه لعمرك لتكول ابد الها خلينا هيج مستورين
حجي طه : الله كريم اكولج نونه تكدرين تغسلين هذني البلوزين والله تعبان وجتوفي تون عليه
نهر : ياسوده عليه من عيوني
حجي طه : هاي وديتها لأهلها من انزل اجيبها
نهر : اي احسن لان اذا بقت هنا راح تسوي مشاكل عاشت ايدك
حجي طه : من ينشفون باجر ذكريني بيهم لان هناك بارده
نهر : تروح وترجع سالم غانم وبكل خطوه سلامة ياروح اختك
بست راسها وطلعت صارت بوجهي اشواق
هلو طه
حجي طه : هلو شوقه شونج
اشواق : الْحٍمَدٍ للـّہ شفت مرتك شسوت اليوم
حجي طه : انتي هم مقصرتي
اشواق : هاا يعني اني موزينه ومرتك الزينه
حجي طه : كافي لغوه وروحي نامي مو وكت هاي السوالف
اشواق : اي عيني اكيد ادافع عليها
حجي طه : اشواق شنو يحكج جسمج قبل شويه سحلت ذيج تحبين اسحلج مثلها
عافتني وطبت لغرفتها تركض
نهر هنا عمرها ١٨ سنه كملت اعداديه وانعام بطلتها مخلتها تدخل كليه بحجه منو يساعدني وتعبانه بطلت واستلمت البيت واشواق بعمر سندس ١٦ سنه 29

رجعت للبيت سبحت ونمت حتى مااكلت
وثاني يوم بقيت بلبيت معجبني اروح لأي مكان بس العصر اجوي ناس تعزي خلصت الفاتحه بس الناس منكطعت رجلها من البيت
خلصت اليوم خطار ومجاملات لحد مرجعت هلكان ومن الفجر طلعت ذيج المره ودعت ابويه هلمره منو اودع بس خطيه جعفر لكيته واكف هو ونهر بلباب ساعه ٥ الصبح وبيدها دولكه مي بستهم ودعتهم وذبتها ورايه واسمعها تدعيلي من كل گلبها المفروض مرتي هيج تسوي بس الْحٍمَدٍ للـّہ كولشي قسمه حتى الفرح والراحه قسمة واني ممقسوم اشوفهن 72

مشيت لراس الشارع ركبت فورتات ولكراج العلاوي اباوع هواي جنود مثلي ملتحقين منو راح يستشهد منهم ومنو يرجع لأهله واني رجعت هلمره امشي بطولي المره الثانيه شون ارجع ملفوف بعلم لو اصلاً ميلكولي جثه
كعدت منتظر السياره تقبط وتمشي بينا للموت اسبح بسبحة ابويه واستغفر
مشينا ساعات وصلنا للمقر
التحقت حالي حال الالاف الجنود مندري شنو مصيرنا
كاعد وصافن على الفراغ الكدامي صحراء على مد البصر وصوت الهاونات البعيد الي صارت عادي عدنا اصلاً متاخذ عيونا النوم اله نسمع صوت الهبد والركع والقاذفات
اجوي جماعه من غير فرقه انقلو علينا تعرفت عليهم خوش ولد نزار ومحسن وسلمان عدنا نزار يضحك للهوا وصوته يخبل دوم يغني بليل صوته ريفي حنين من اهل الناصريه كاعد واشرب جاي وبنص العاشر صارلي ١٥ يوم هنا كولشي مااعرف لا عن اهلي ولا عن مرتي
محسن : شوكت الله يخلصنا والله طكت روحي اذا اطل واحط طلقه براس الضابط احد يلومني
حجي طه : شبيك محسن صاير نار اكعد يمعود
سلمان : ولك على اساس عرسه اسبوع الجاي والامر مقبل ينزله وهو تخبل عدنا انذار
حجي طه : هو اصلاً العراق كله انذار هذا شبيه الضابط
نزار : تلكه مرته طارته لان مينزل واجه يذب حركته بينا
محسن : ولكم اذا متزوجت هذا الاسبوع ابوها الحقير يخرب كولشي
حجي طه : هي غير مرتك شيخرب
محسن : ابوها عمي اخو ابويه واخذ كلمه من عدنا نهايه هذا الشهر اذا مصار الزواج كل واحد يشوف دربه
سلمان : والله احسن الك شلك بلزواج هاك كدامك متزوجين جنا دبابه ضاربها هاون ومعطبه واحدنا اذا تاخذ راشدي منه يكولك رحمه الله والديك الثاني اقوى
النسوان مثل البك مال الاهوار من يوكفن على الواحد ميكعدن راحه اله تمص دمه وتخلي مثل المخبل يحك 150
نزار : احجي على نفسك اني اسد
سلمان : امشي لك لتخليني اقسملك هو انت اذا انضرب هاون قريب تطلع من الحمام حزام البنطرون متشده وتتعثر بلكاع
نزار : اهو هي مره صارت وجلبت بيها
محسن : ولكم عوفو الحزامات والهاونات اريد اتزوج زوجوني لا احرك روحي
حجي طه : ههههههه خلي اروح احجي ويه الضابط
نزار : هاك راح يحلها السيد طه دخيل جدك
حجي طه : تستهزأ مو هسه تشوف
نزار : اذا قبل ابقى اغنيلك للصبح
محسن : واني اشد وصله واصيرلك فيفي عبده بس اقنعه رحمه لأبوك
حجي طه : كولشي مااريد منكم بس جفوني شركم ولتتعاركون
كمت رحت للضابط اخذتله تحيه هو يعرفني من شغله عمر
استريح
حجي طه : سيدي جايك بخدمه وعلى الله وعليك
كول طه
حجي طه : سيدي جندي اول محسن عريس ويريد يتزوج اقبل بنزوله
اني مو كتله بعد اسبوعين تنزل
حجي طه : فهمته الوضع ضل صافن
سيدي ذيج المره من صارت الاشتباكات جان اكو جندي ويانا امنيته يشوف ابنه محروم سنين منه والامر مالته مأخر نزوله لو قابل جان يمكن هو عايش وشايف ابنه يعني حرمه من الحياه ومن ابنه ترضاها تتحمل خطيته احنا ورانا تنقلات ومنعرف حالنا خلال هاي المده واخاف يصير عليه شى وتتندم طول عمرك واني مستعد ابقى مكانه ماانزل شهرين او ٣ الي تريده بس نزله خلي يتزوج تكسب اجر بيه وهي اجازته يعني ممخالف القانون
خوش محامي عنده
حجي طه : والله مو محامي بس اتذكرت الشهيد واجيت ابلغك
صفن دقايق اخذ اسمه وانطه ورقه بنزوله تشكرت منه جانت شبه معجزه وافق يمكن هذا الولد اله خبزه بلدنيا
ويتزوج
رجعت اتمشى اجه يركض
محسن : بشر حمامه غراب
حجي طه : السيد طه ميحط ايده بشى اله يصير
جان يشيلني ويبوسني
واني اضحك على سوالفه 131

واجه نزار يغني
ويردح كافي اسكت يمعود مااريد اسمع اغاني تدري بيه حزين على والدي
محسن : الله يرحمه مشكور والله انت اخ والنعم منك
حجي طه : تدلل وشايف كل الخير
راحو الولد كعدو مسافه عني ويدندن بيهم نزار واني صافن اجت اذني يمه صوته حنين غصب عنك تسمعه والليل طويل وين تروح
واسمعه يغني ياحريمه 42
ياحريمه انباكت الجلمات من فوك الشفايف
ياحريمه ياحريمه
ياحريمه اسنِينَكّ العشرين مامرها العِشَك والعشك خايف
ياحريمه ياحريمه
لا ولك – – لا لا على بَختَك مانّي سالوفه صَرت بين الطوايف
ياحريمه ياحريمه
يازلف بتغاوي ويه الليل بطراف الكِصِيبه
هاك رُوحي الّما غُفت والطيف مامره حَبيبه
هاك جَرحي الّما تعَطَب وانتَ عطابه ولهيبه
هاك عُمري الظاك حَنضَل وانت بَرحي
ياحريمه ياحريمه
91
ادندن ويااه من ضيم قلبي تعبت وكل عمري ٢٤ من اوصل للخمسين يمكن ميت
مرت الايام واسبوع جر اسبوع صارلي ٣ اشهر هنا المن انزل انطب معركه نطلع من الثانيه لعبت روحنا الي مات والي تصوب شفت ايام سوده بس الموت مبين معاجبه اني مكعد يتقرب مني نزلت تعبت اشتاقيت لأهلي 38
طبيت للبيت واباوع عليه مهجور هاي اكيد سندس موصلت لهنا سبحت على السريع وطلعت على بيتنا دكيت الباب طلعت نهر بس شافتني عاطت وحضنتني وتبجي
ولج شبيج
نهر : عبالي صار بيك شى وجعفر مثل المخبل يدور عليك من فرقه لفرقه كل شويه داز جماعه يسألون عليك
حجي طه : لتخافون عايش مميت
نهر : اسم الله عليك يابعد روحي شونك صحتك شونها
حجي طه : بخير بستها من راسها لكيت انعام كاعده بلكاع بلمطبخ والجو بارد شهر الواحد ١٩٨٣ كعد تنظف خضره دنجت عليها بست راسها شونج يمه
انعام : هلا بيك الحمدلله على سلامتك
حجي طه : الله يسلمج كعدت على الكرسي واجتي اشواق هم سلمت وسلام بس علي وجعفر بلمطعم بلشغل
انعام : شونها صحتك
حجي طه : يم الله
انعام : ليش تأخرت منزلت
حجي طه : حتى ترتاحون مني
انعام : واحنا شكو غير عندك بيت ومره
حجي طه : هي وينها المره
انعام : غير انت سيبتها بيت اهلها ومرتك صغيره وكحه يرادلها كرصه كعدها بيتك واكرصها
حجي طه : الله كريم اليوم اجيبها
كعدت وياهم حيل مشتاق الهم جان الوضع طبيعي مصار اي شى كملت الغدا ورحت لبيت سندس دكيت الباب طلعلي اخوها الصغير سلم
اجتي تمشي من بعيد بطنها طالعه كبرانه ابتسمت من شفتها حضنتها وهي هم حسيت باشتياق الها رغم مشفت يوم عدل وياها
يله امشي نروح للبيت جانت هادئه كولش يمكن هاي ٣ اشهر اجت من صالحي
رجعنا للبيت ونظفته وساعدتها لان حيل وصخ ورتبنا كولشي
بقيت تقريباً ٤ ايام بلبيت يمها جانت هادئه هدوء عجيب ومطيعه بشكل تمنيت تبقى هيج والله اعيشها بخير بس ابو طبع ميغير طبعه غير الجفن
خامس يوم اجتي كعدت بصفي
اكولك حبيبي طه
حجي طه : كولي محتاجه شى
سندس : مو محتاجه بس انت متشوف وضعنا
حجي طه : شبيه
سندس : بس مو تعيط مثل ذيج المره اسمعني للاخير وافهمني
حجي طه : الله يستر احجي
سندس : هسه شبيك بعدني محاجيه ضجت
حجي طه : احجي وفضيني
سندس : متشوف اخوتك شون يلعبون بلفلوس لعب شفت علي اشترى سياره سوبر ٨٢ منيله هاي الفلوس كلها
حجي طه : ليش اشتره سياره
سندس : هاي شنو مشفتها بلباب
حجي طه : اي شفتها بس معبالي مالته
سندس : لا عيني مالته ولازم مطعم ابوك ومحلات باب الشيخ عدا ايجارات البيتين
حجي طه : انتي منين تعرفين هاي الشغلات
سندس : ماكو شى ينضم بله همه يلعبون بلفلوس لعب واحنا هذا حالنا هسه البيت وافتهمنا لأمك باقي الورث
حجي طه : تردين اداعي بورثي وابويه سنه مكمل
سندس : عمي لداعي اقلها شارك بلخير اطلع اشتغل مثل قبل بلمطعم انت هسه من اصحاب المال مو عامل عند ابوك مثل قبل يعني يصير خواتك مترسات ذهب واني حصره عليه
حجي طه : ليش مو اشتريتلج نيشان
سندس : قحط كم قطعه روح شوف اشواق ونهر يحيرن شيشترن من الذهب عدا امك الله اعلم شعدها
حجي طه : انتي ليش هلكد مركزه وياهن 72

اني الف مره كتلج مالج دخل بيهم عيشتهم غير عيشتنا
سندس : هسه لتعيط كعد نتفاهم عوف الورث وعوف الذهب مااريد بس اقلها مصرف شون حالنا راتب الجيش هم راتب ربع الشهر ميكفي والفلوس الجنت ضامهن والي انطاكياهن ابوك هم خلصن واني كلها كم شهر واجيب متكولي شون نعيش ناكل حصو واهلك عايشين بلعز حتى الله ميرضاها روح للمطعم اشتغل امن مستقبلنا ابوك والله يرحمه منو يساعدك اذا وكعت غير جيبك 60
حجي طه : صفنت على كلامها هم بيه نوع من الصح اني وضعي بدا يدهور والعيشه صعبه والفلوس العندي شبه خلصت خلي ارجع للمطعم من باجر اقلها هلسبوعين الكاعد بيهم الم كم فلس يفيدوني مصرف الي والها قبل ما التحق
سندس : ها ياعيني شو سكتت
حجي طه : يجوز ارجع باجر للشغل
سندس : اي واخيراً وباسته من خده من فدوه لرجلي
حجي طه : اوف منج
ثاني يوم كعدت من الصبح انتظر الولد تفاجأ علي بوكفتي
علي : ها صباح الخير شو هنا
حجي طه : منتظركم حتى اروح وياكم للشغل
علي : ليش
حجي طه : شنو ليش غير مطعم ابويه واشتغل بيه طلع جعفر وحضني جان كل ميشوفني لو يبوسني لو يحضني كيف لان راح اطلع وياهم عكس علي انگلب وجهه استغربت منه صعدنا بلسياره كتله
بلخير على السياره
علي : الخير الي يصيبك
رجعنا للشغل جانت تصرفات علي مزعجه يعيط على العمال ويغلط ويكفخ واذا واحد وكع ماعون القيامه قامت مرت ٣ ايام اروح واجي وياه واني ساكت على اعصابي رابع يوم متحملت من شفت عدنا عامل من زمن ابويه يشتغل عدنا رجال جبير والمرحوم يموت عليه ابوجمال محافظات من اهل البصره كل شهر ينزل ٣ ايام ويرجع عنده عائله برگبته وايتام وابويه استخطاه وشغله وصار ١٠ سنين ويانا ويبات بلمحل لان وكع ماعون الطماطه لو الدنيا نگلبت 39
علي : اعمه متشوف شكبرك تصير اصلاً زايده مني مبقيك هنا من باجر تولي لأهلك حتى نوم متنام بلمحل مناقصني عاهات يوميتك اجيب بيها اثنين عمال
حجي طه : على كيفك علي وياه هو ماعون طماطه شنو قيمته
علي : رجاءاً لتدخل اني صاحب المحل وبكيفي
اجه جعفر يركض ها يولد شبيكم
حجي طه : شنو صاحب المحل موعيب هذا الحجي المحل محل ابونا وگلنا بيه واني مكتلك شى بس كتلك على كيفك
ابو جمال : وليدي طه لتتعاركون انه اروح لهلي
حجي طه : وين تروح انت باقي هنا انت من ريحه الغالي
علي : خوش والله تكسر گلمتي
جعفر : كافي علي الناس تتفرج علينا وهذا باب رزقنا عدكم شى حلوهه بلبيت مو هنا
علي : انت اسكت لتدخل شوف طه هذا المحل محلي واني اطرد اليعجبني وابقي الي يعجبني حتى انت اذا اطخ بعقلي اطردك
حجي طه : مو بكيفك
جعفر : كافي علي بروح ابوك شوف العالم شون تباوع
علي : ماشي نرجع للبيت وشوف شراح اسوي
حجي طه : اركع راسك بلحايط وشسوي سوي ابو جمال ميطلع من المطعم وانت اذا معاجبك الوضع تكدر تروح واني وجعفر هنا 33
علي : ههههههه اسكت بابا اسكت عدنا بيت ونحجي بيه وانت ابو جمال اذا شفت وجهك بلسعدون كله احرك جد جدك
حجي طه : متحملت وجريت قميصه ولك احترم نفسك شنو هاي اخلاقك
وكفت العمال كلها بينا وابو جمال ريكه نشف خطيه ويصيح عمي رايح مولي من بغدادگلها
حجي طه : لا متروح عمي واريد اشوف يارجال يطردك
علي : رجال وغصب عنك وانت هم امشي اطلع بره
حجي طه : من شفته هيج متحملت وشلت المملحه بصفي وركعتها براسه عاط وجعفر يهدي بيه والعمال واكفين بنصنا تالي عمرنا ولد حجي حسين يتعاركون كدام الوادم
صرت عصبي نار مااشوف كدامي وذوله فوك ١٠ رياجيل بينا هو كوم واركب السياره واطلع
رجع الكل لشغله بس اني بقيت الوب احس مكتفيت منه
صعدت للطابق الثاني عدنا غرفه استراحه مال عمال نزعت ملابس الشغل ولبست ملابسي وطلعت وراه هذا شبيه متفرعن علينا 30

جعفر : وين يمعود
حجي طه : اريد اشوف شبيه اخوك متخبل وميستحي يطرد ابو جمال علمود ماعون طماطه
جعفر : لتروح خلي تبرد الشغله لتكبرها طه
حجي طه : هو يمشي ويصيح المحل محلي ليش هيج يكول
جعفر : صار ٣ اشهر يخربط ويحجي هيج واني منطي الاذن الطرشه شنسوي اخونا الجبير ولازم نتحمله
حجي طه : الجبير يحترم نفسه حتى نحترمه مو متفرعن علينا ويعيط على الناس تكول عبيد عنده ذوله بأجرتهم يشتغلون لا خلف الله عليه لو ما همه منين يطبله وارد وممقصرين والمطعم جبير والرجل هوايه عليه اكيد تصير غلطان مبقى واحد مرزله ٣ ايام بقيت وياه لعبها لروحي وساكت واكول ميخالف ماادخل بشغله بس مو توصل بيه يطرد ابو جمال
جعفر : خلي نكمل شغلنا ونرجع سوه
حجي طه : لا راجع هسه 22
طلعت وركض جعفر ورايه اخذنا نفرات ورجعنا وصلنا للبيت طبيت سمعت صوته يعيط
لو اني بلمطعم لو طه دفعت الباب وطبيت
انت شبيك تخبلت متستحي
جان يركض عليه وضربني على خشمي بكل قوته خلاني افقد توازني وعاطت نهر وركضت عليه وانعام واكفه ولا يمها
لزمه جعفر
علي : لك اني تمد ايدك عليه كدام العمال وتخليني مضحكه كدامهم
حجي طه : واكسر راسك هم لان متستحي ومتخاف الله وتتعدى على الفقره
علي : اطيح حظك وحظهم بكيفي واريد اشوف شون تكسر راسي
طبت سندس على العياط لان الصوت عالي وحايط على حايط
انعام : كافي صوتكم مااسمعه طه بعد متوصل للمطعم
حجي طه : على اي اساس المطعم مال ابويه واني الي حصه بيه
انعام : لا مالك اي حصه ولا الكم كولشي بأسمي كشايه مالكم عندي كلكم والي يعصاني ابيته بلشارع ولد لو بنيه 54
بقيت ممستوعب الحجي شون بإسمج البيت اي اعرف من زمان بس
انعام : كولشي بأسمي ابوك تنازلي بيع وشره عن املاكه اللهم بس البيت الي انت كاعد بيه بأسمك بس الباقي كله اليه
جعفر : يمه ابويه هيج يسوي مستحيل
انعام : انت انجب وحسك مااسمعه لا اخليك تبات بلشوارع واسمعوني كلكم اني بكيفي المن انطي والمن ماانطي واني خليت مطعم السعدون لعلي وهو يشغله وانت طه تحير بروحك مالك مكان هنا
سندس : على اي اساس انتي مو امه شنو من ام متخافين الله تحرمين ابنج من كولشي
انعام : مبين مرتك متدري اني مرت ابوك مو امك
سندس : لطمت على صدرها شنو مرت ابوك ولك طه احجي صدوك هاي مرت ابوك
انعام : هاي بعينج وامشي اخذي رجلج ومااريد ادخلون البيت
حجي طه : مااصدك ابويه ينطيج حصصنا ويسجل كولشي بأسمج
انعام : اعرفك مثل امك تحب تاخذ مال غيرك
راحت دخلت للغرفه جابت الاوراق هاك شوف همزين تعرف تقرا وتكتب وهاي بصمه ابوك وختمه 49
حجي طه : جبل وكع على راسي اني ميهمني الفلوس كد ميهمني كسرت النفس والروح الي كسرها ابويه بيه متوقعت يخلي رگبتي جوه رجلها ويدري كولش زين هي متحبلي الخير
انعام : شوف طه اني تربيه وربيتك وزين مني وتحملت كل هاي السنين وابوك ومات وانت مالك اي شى يمي والمطعم والمحلات متوصل الهن واذا وصلت اشتكي عليك
سندس : تعزيتي يسندس مسحتي ايدج بلحايط
حجي طه : عطت بيها انجبي وروحي للبيت
سندس : هو انت كدرتك عليه وفوكاها ميخليني احجي عليها وخابصني اهلي واهلي ذوله اهلك شفت اكلو حقك وخلوك ولا فلس بجيبك وذلوك
جعفر : يمه لتسوين هيج طه اخونا وانتي ربيتي
انعام : ربيت وكافي خلي يحير بروحه
حجي طه : اباوع على نهر تبجي منهاره واشواق وسلام فاكين عيونهم
علي : اخذ مرتك ولطب لهذا البيت وبس اشوفك قريب من المطعم بيدي اسحلك بلشارع
طلعت والدمعه بعيني اول مره احس روحي ذليل ومكسور ومن اقرب الناس اليه حتى مكدرت ارفع عيني واحجي بعد اذا كولشي بأسمها وهي طردتني لشنو بعد باقي
سحبت سندس من ايدها وهي تبجي وتلطم على صدرها تكول ميت عدها
دخلنا للبيت وعاطت 86

هاي هيه ي طه طلعت ايدك الحايط لا فلوس ولا ورث ولا املاك وفوكاها مو ابنها اخاف بعدين تطلع مو ابنهم ابن حرام
جان اندار عليها وضربتها انركع راسها بحافه الباب وشاغت روحها لازمتها وتعيط
هو انت صير رجال براسي تضرب وتحاسب لو بيك خير جان كدرت تاخذ حصتك واني الثوله مأمنه عندك ورث واتحمل الفكر
حجي طه : تسكتين لا وروح ابويه اكطع النعال على راسج
سندس : هذا الفالح بيه تضربني من تعرف هاي مو امك شون تعوف ابوك الها هاك تنازل الها عن كولشي وانت بقيت حالك حال المجدي بطرك البيت ومنو يكول بيتك
حجي طه : عطت عيطه هزيت البيت هز
لج كافي حيوانه اسكتي اريد افتهم الصار
سندس : شتفهم يعين امك الاملاك وبح وكلها بأسم انعام وانت طردتك واخوتك حايرين بروحهم يعني راح اضل طول عمري ويه واحد حصره عليه اللكمه 87
حجي طه : شو تعالي جريتها وطردتها وسديت الباب عفتها بره حتى مااوصلها اني مصدوم ومكسور وما اعرف شون اتصرف وهي مثل المخبله تهسترت
كل مااغمض اتذكر الاوراق الي طلعتهم وكولشي بإسمها روحي تفرفح واضل افتر مثل المخبل عبالك احجي وياه واعاتبه ليش يابه هاي تاليها خليتني مضحكه الها
كعدت بلكاع وايدي على راسي احس راح يطك يمكن ضغطي صعد بقيت حوالي الربع ساعه
اندكت الباب حتى مكدرت اكوم بس سمعت صوت ام سندس
فتحته وشفتها جايه وبيدها بتها
هاك يمه هاي مرتك انت حير بيها وبعيشتها
حجي طه : صافن عليها مفهمت شتريد
ام سندس : اجتني وكدامك اكول الها اني معودت ازوجها اني مره على كد حالي طلعت بلدنيا بيها وبأخوها وابوها مات وخلصتها سنين اخبز للناس واوكلها واوكل اخوها انكسر ظهري عليهم ومن زوجتها كلت انشال الحمل عليه مو هسه راجعتلي وفوكاها حبله اني مره مريضه مااكدر اعيش مرتك وابنك
سندس : يمه طردني وضربني شون تقبلين ارجع
ام سندس : الرجال يضرب ويغلط ساعه عصبيه تنجبين وتركدين بيتج وانت يمه طه اعرفك عاقل وشزيناتك شجاك تطردها وهي حبله وادزها وحدها
حجي طه : شوفي شسوت هي وخلتني اتخبل عليها
ام سندس : اكعدي واسكتي غير بيت رجلج ماعندج تجيني تشوفيني هله بيج غيرها ماعندي
باوعت عليها هاي المره المسكينه هم ابتلت بتها بست راسها وكتلها عمه ميكون خاطرج اله طيب
وانتي ادخلي لغرفتج مااريد اشوف وجهج
سندس : شفتي مو گتلج
ام سندس : شگلج ضربج طلقه راد ادخلين بغرفتج ادخلي ولي 69
طبت للغرفه تبجي تعرف مالها مكان تروح بيه بعد حچي امها
طلعت امها اني احس روحي بكابوس ومخنوك وما ادري وين انطي وجهي طلعت من البيت وصار بوجهي جعفر يتعذر
انت شعليك قابل العركه وياك
جعفر : بنص هدومي هسه والله حجيت وياها هلمره ياهو تلزمه اذا ميسمع كلامها تنومه بره
حجي طه : اني عندي بيت وساترني وعلى الشغل تدبر بس انت مالك مكان ابقى تحت جناحها تره علي راح ياكل الاول والتالي صير سبع واخذ حقك
جعفر : شون اخذ حقي وهمه حالي من حالك اكلوه كولشي بأسمها
حجي طه : العتب مو عليها على ابويه النطاها كولشي موتزعل مني
جعفر : شزعل لو بيدي هسه احركهم على سوايتهم وهاي نهر بس تبجي مسويتها مناحه
حجي طه : مااكدر اطب اطيب بخاطرها سكتها خطيه تتأذه باوعت على البيت رفعت راسي تالي عمري انطرد من بيتك يابه ترضاها استغفر الله واتوب اليه
جعفر : لتضوج ايام ويهدا كولشي وترجع مثل الاول
حجي طه : لا اول ولا ثاني امك مخططه لكولشي بس انتظرت الوكت المناسب مبين هسه صار الوكت الجانت تنتظره من سنين حتى تنتقم من رازقيه
جعفر : امك شعليها
حجي طه : محد يعرفها بكدي بس الي الله واذا ابويه سجل كولشي برضاته الها بلعافيه عليها بس اذا اكو شى او مغصوب لا محالل ولا موهوب والله موجود وحبله طويل يجي يوم ويطلع الحق
اني باجر التحق 64
جعفر : يمعود وين رايح بعدها اجازتك
حجي طه : اريد بس منك عينك على سندس هاي خبله ومتكعد راحه راح اخلي مصرف عدها عندي جم فلس بس انت كل كم يوم مر عليها اخاف تحتاج شى
جعفر : طه بروح ابويه ضل والله قلبي وجعني لتروح
حجي طه : لتخاف ماطول الدنيا مطيحه حظي مااموت
70
طلعت ثاني يوم للجبهه وعفت فلوس على الميز لسندس كل فلوسي بقيت بس مال كراوي حتى مشفت وجهه بعد
احس الجبهه صارت احن عليه من اهلي حتى لو ريحه الموت بكل مكان الجو ثلج نهايه شهر الثاني ١٩٨٣ وداير مداير الجوله كاعدين اني ومحسن والحصره تاكلنه على نزار الي استشهد وسلمان المفقود كمت احس روحي نحس وشؤوم حتى على اصدقائي ياهو القربه مني يصير بيه شى
كمت ماانزل كل جماعتي تنزل واني باقي تكول اشتري الموت شرايه صرت ضعيف مكسور مهزوز كل مااتذكر نظره مرتي اليه بأستصغار لو نظره علي وانعام الحاقده اكره روحي شسويت اني حتى كل هذا يصير بيه 128
اشتاقيت لنهر وضحكتها ولجعفر وسوالفه حتى اشواق وسلام رغم ميتقربون مني بس احبهم 12
شهر الخامس الضابط گلي انزل ارتاح حسيت نفسي وصحتي تعبت وعندي راتب مال ٣ اشهر بجيبي مصرفت منهم وين اصرف واحنا بنص الموت گلت انزل انطيها لسندس وارجع التحق
نزلت بس مو مثل كل مره اقدم رجل واخر الثانيه عبالك ولا اريد اروح وصلت للبيت حتى بيتي احسه غريب بس جذبني صوت هذا منين طالع فتحت الباب عياط طفل
دكيت باب الهول فتحه اخو سندس حضني وگلي هلو عمو الحمدلله على سلامتك بسته بس عيوني ادور صوت الطفل هذا منين اجتي عيوني واشوف ام سندس متربعه بلكاع والطشت يمها وتسبح بأبن نفاس بس مااعرف ولد لو بنيه 10
اندارت عليها وصاحت هله يمه هله بجيتك والله واجت وجابت الخير وياها وجابت ابوها من الجبهه بلخير يمه ماجاك وكعت من ايدي الجنطه واشوف ام سندس تلفهه بخاولي ابيض وتكوم وتحطها بحضني لحمه حمره والخدود دم
هاك يمه بنيتك
فتحت عيني وممصدك صرت اب حطيت وجهي وشميتها من رگبتها بنفس قوي لو بيدي احطها بنص صدري واحضنها حيل بس اخاف عليها حيل صغيره بجت دمعت عيوني واني اشوفها
هاي بنتي
ام سندس : اي وليدي مرتك ولدت قبل ٣ ايام واجت بت ومنعرفلك طريق وماسميناها اله تجي وتسميها
شسميها
سليل اسمج سليل
شرفت اول غزلان الحجي طة 136
يتبع … 60

رواية ابي والغزلان للكاتبة ريام هادي

الفصل الرابع

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الخامس

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل السادس

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل السابع

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الثامن

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل التاسع

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل العاشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الحادى عشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الثانى عشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الثالث عشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الرابع عشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الخامس عشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل السادس عشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل السابع عشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الثامن عشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل التاسع عشر

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل العشرون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الحادى والعشرين

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الثانى والعشرون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الثالث والعشرون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الرابع والعشرون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الخامس والعشرون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل السادس والعشرون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل السابع والعشرون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الثامن والعشرون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل التاسع والعشرون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.

رواية ابي والغزلان للكاتبة ريام هادي

الفصل الثلاثون

الحلقة قيد الرفع على الموقع الآن
لاتنسى ان تحفظ موقعنا فى البوكمارك لسهوله الوصول للقصه
وستجد الرواية بحلقاتها الجديدة داخل الموقع
واترك تعليق على هذا المقال لنرسل لك اشعارًا عند نشر الحلقات الجديدة.