روايه غزل

الجزء الأول

الكاتبه // كوكى سامح

كانت أول ليله ليه انزل شغل فى المشرحه

كنت خايفه ومرعوبه

من كميه الأموات اللى فيها

يااه كل دى ناس ميته

لا حول ولا قوة الا بالله

وانا قاعده على باب

سمعت صوت كركبه

قومت من مكانى

قولت اشوف فى ايه

جمدت قلبى وفتحت الباب

ودخلت بس لقيت قطه

بصراحه حمدت ربنا

ولسه هخرج

حسيت بحاجه بتشدنى

رجعت تانى

وقفت بين الأموات

اكلم نفسى

وانا مستغربه!

المكان كله تلاجه

فيها شويه ادراج جواها بنى ادمين زينا

كانوا فى يوم من الايام

على وش الدنيا

وفى الاخر ماتوا

وكل ميت فيهم ميت بطريقه مختلفه

الله اعلم ماتوا ازاى وليه

بس فى الاخر فى المشرحه

فى حته تلاجه

يا ترى عندهم احساس بالبرد

انا نفسى بردانه وبتكتك كمااان

رغم ان الدنيا حر

وانا واقفه بكلم نفسى

لفت نظرى درج من الإدراج

مكتوب عليه رقم 5

والرقم ده مميز بالنسبه ليه

يوم عيد ميلادى

حسيت ان الدرج ده بالذات

بيشدنى ناحيته

قربت منه مع انى كنت خايفه

بس فى وقتها كان قلبى جامد

من الاخر كده

قلبى مييييييييت

قربت من الدرج ومديت ايدى

وفتحته

بعدت بسرررعه

وقولت لنفسى

قال قلبى ميت قال 😂

ده انا طلعت كفته

ياريتنى ما اشتغلت هنا

لأنى خوفت من المنظر

هو ينفع واحده تخاف

وتشتغل فى المشرحه

ده اول شرط لازم يكون قلبى

جااااااامد

بس قربت من الدرج

وكانت بنت ميته

وكل جسمها ازرق

بجد صعبت عليه

وسألت نفسى يا ترى

ماتت ازاى؟

وايه اللى جابها المشرحه هنا؟

وانا بكلم نفسى غصب عنى لمستها

ولاحظت ان لسه ميته من يوم

واضح ان ده اول يوم ليها

فى المشرحه

بصيت لها اوى

وسألتها

يا ترى ايه سبب موتك يا حلوه

ما هى كانت بنت حلوه

شكلها بيضاء وشقرا

وشعرها لونها اورانچ

وكل وشها رغم اللون الأزرق اللى فيه

بس باين ان كله نمش

من الاخر كده البنت طلقه

زى القمر

يا ترى ماتت ازاى؟

رديت على نفسى زى الهبله

يعنى ايه ماتت ازاى؟

اكيد ماتت عادى يعنى

ما كلنا هنمووووت

وفجأه الباب اتفتح عليه

وكان الممرض شريف

بس انا وقعت من طوووولى

اغمى عليه من الخضه

ده انا طلعت كفته يا جدعان 🙄

وبخاف بجددد

وبعد ما فوقت قومت لقيت

نفسى فى مكتب

المدير

وبيفوقونى

ولما فتحت عينى كانوا كلهم بيضحكوا عليه

نسيت اعرفكم بنفسى

انا وعد عبد السلام 22 سنه

دبلوم تمريض ومساعده الدكتوره ندا

دكتوره التشريح

بنت جميله

بحب المغامره ومعروفه

من كل اللى حواليه

انى قلبى جااامد

دخلت تمريض لأنى كان نفسى

ابقى دكتوره بس ظروفنا مادياً

للأسف مسمحتش

ماما كانت مريضه قلب وسكر

وضغط وكله الله يشفيها

كنت بحب اديها الحقن

وركب لها المحاليل

وكل ده اتعلمته من الصيدليه

اللى فى شارعنا

وانا عندى 16 سنه شيلت المسؤليه

من بعد وفاه بابا

والدكتوره الله يكرمها

اللى فى الصيدليه

طلبت منى اشتغل معاها

بجانب الدراسه

والحمد لله خدت دبلوم التمريض

واشتغلت فى مستشفى

ومع الوقت بقيت مساعده

الدكتوره ندا دكتوره التشريح

وده هيخلينى على طول هنزل المشرحه

وشغلى كله هيكوووون فيها

… نرجع بقى للأندال اللى بيضحكوا عليييه😂

طقم التمريض المحترم والمدير

لقيت نفسى فوقت وكلهم نازلين ضحك

حتى المدير

اللى بقول عليه بووومه

والله كان فطسان من الضحكككك

من كسوفى قومت وفتحت الباب وجريت

قابلت الدكتوره ندا

لقيتها بتقولى

متتكررهاش تانى غير لما اقولك

.. فى ايه يا د. ندا

انا عملت حاجه غلط

لقيتها قالت بعصبيه

بتنزلى المشرحه ليه

خدتى اذن منى يا وعد

رديت عليها بخوف وقولت :

من فرحتى يا دكتوره علشان

النهارده اول يوم ليه

انى اكون مساعده حضرتك

وقولت انزل اخد فكره بس

وبصراحه كان عندى فضول ودخلت التلاجه

مستحملتش ووقعت من طولى

لما دخل عليه شريف

انا اسفه يا دكتوره

مش هاتتكرر تاانى

ردت عليه وقالت :

انا خوفت عليكى

وعموماً يا ستى

بكره تزهقى بس انا بدعى تكملى معايا

يا وعد

مش زى غيرررك

لما يدخل المشرحه يغير رأيه

من الخوووف

وعد.. انا قلبى مييييت 😂

د. ندا.. اه علشان كده اغمى عليكى

والدكتوره ندا بعد ما اتكلمت معايا

سبتنى ومشيت لان جالها فون

وراحت مكتبها ترد عليه

وانا سرحت فى البنت الميته جووه

البت الحلوه البيضا ام نمش

ام شعر اورانچ دى

يا عينى عليها

ميته بس كان شكلها ملاك نايم

ودخلت غرفتى علشان اغير

هدومى وامشى

وهنا بقى دخلت عليه

نور البومه ما ده اللقب بتاعها

بومه 😂

وقالت : النهارده فى ورديه

يعنى هتمشى الصبح

رديت وقولت :

بس ماما متعرفش ولازم ابلغها

ومسكت الفون وكلمت

ماما وقولتلها ان عندى شغل

ولما قفلت معاها كانت ألبومه خرجت 😂

وبعد ساعه وكانت الساعه 12 بالليل

وكانت المستشفى هاديه

ومفيش فيها اى صوت

وفكرت ان انزل المشرحه

بس افتكرت كلام د. ندا وقولت بلاش

فتحت التليفزيون وكانت مسرحية

الواد سيد الشغال لعادل أمام شغاله

وانا بعشقها قولت اتفرج عليها

بدل الوحده دى واتسلى

عملت نسكافيه وكام سندوتش

وقعدت على الفوتيه

ومدت رجلى والنوم كبس عليه

وفجأه قومت على رؤيا

البنت الميته البيضا الشقرا

ام نمش الحلوه دى كانت واقفه بتكلمنى

بصتلها وضحكت وقولتلها انتى عايشه

انا كنت زعلانه عليكى اوى

اصلك صغيره وحلوه

بس لقيتها بصت ليه بحزن وقالت

وعد

قولتلها عرفتى أسمى ازاى

رددت وقالت :

مفيش وقت

وقربت عليه ومسكت ايدى وقالت

تعالى بصى كده

قولتها ابص على ايه

قالت على رقبتى

قربت منها وبصيت اوى

بس مفهمتش حاجه

لقيتها بتقولى

وعد انا ميته ظلم خودى حقى يا وعد

خدعووونى وظلموووونى

انا مش هدفن يا وعد غير لما حقى يرجع

وابتدت تبعد وتفلت ايدها من ايدى

وهى بتقول

ولو ادفنت حقى فى رقبتك يا وعد

اللى منى اللى منى ظلموووونى يا وعد

وفلتت ايدها

قومت من النوم مفزوووووعه

بصيت حواليه مكانتش موجوووده

قولت اكيد حلم

وبلمس خدى لقيت الدموع

نازله من عينى

فعلا البنت صعبت عليه

فى الاول قولت ده حلم عادى

بس البنت كلامها غريب

وكله مسمع فى ودانى

لقيت نفسى قومت من مكانى

وخرجت على مكتب د. ندا

انا عارفه انها سهرانه

ودخلت عليها وسألتها على البنت

هى استغربت

بس فتحت ملفها وقالت :

البنت اسمها غزل وعندها 20 سنه

وميته مخنوقه بإيشارب

واترمت من الدور ال 12 وماتتتتتت

انا عيط

عيط بجد معقول مين عنده قلب يعمل

كده فى بنت زى دى

وفجأه سمعنا صووووت عالى بره فى المستشفى

قومت اشوف فى ايه

لقيت المستشفى مقلوبه

والامن طالع من المشرحه

ولما سألت فى ايه

عم مينا حارس المشرحه

قال : فى جثه مش موجوده

ولما سألته مين

رد وقال :

الجثه اللى فى درج رقم 5؟؟؟!

قولت غزل….

روايه غزل الجزء الثاني بقلم كوكي سامح #2

روايه غزل الجزء الثالث 3 والرابع 4 بقلم كوكي سامح

روايه غزل الجزء الخامس والسادس بقلم كوكي سامح #5

روايه غزل الجزء السابع والثامن بقلم كوكي سامح #7

روايه غزل الجزء التاسع والعاشر بقلم كوكي سامح #9