وقت القراءة المقدر: 9 دقيقة (دقائق)

رواية أغرب رغبة الجزء الخامس
للكاتبة/حنان حسن

بعدما دخلت المطبخ

عشان اجيب اكل لزقزوق العبيط..

حاولت انجز

واخد الاكل واخرجلة…

عشان اخرج و امشية بسرعة

لكن قبل ما اخرج من المطبخ

اتفاجئت
ب_ زقزوق العبيط

داخل عندي المطبخ

فا اتفزعت

وسالتة؟

قلت… ايه الي جابك هنا يا زقزوق؟

للكاتبة حنان حسن

وفي اللحظة دي

لقيت زقزوق قرب مني

و بصلي بطريقة مخيفة

وبعدها فضل يردد

جملة.. واحدة

وهو..بيقول

هيقتلوكي…..
هيقتلوكي
ومش هتاكلي عيش

هيقتلوكي ومش هتاكلي عيش

سمعت جملتة

كل لكن مفهمتش حاجة
فسالتة؟

وقلت.. انت عايز عيش؟

خد العيش

ومديت ايدي بالكيس الي فيه الاكل

عشان ياخدة ويخرج

لكن زقزوق
فاجئني
ورجع ايدي لورا بكيس الاكل

وهو بيقولي…

يا عبيطة افهمي

هيقتلوكي

مش عارفة ليه
لما شوفت اصرار
زقزوق علي تكرار الجملة دي

قلقت جدا

وبالرغم من اني
عارفة
ان زقزوق تعبان في عقلة

وبيقول اي كلام

الا ان قلقي خلاني سالتة؟؟

قلت.. ايه الي بيخليك تقول كده
يا زقزوق؟

بصلي زقزوق بعد ما سمع سؤالي

ولقيتة حط ايدة
علي راسة…
وغمض عنية

وكان عامل زي الي
نايم وبيحلم

وبدء يحكي الحلم الي هو شايفة…
وبيحصل ادامة
وهو صاحي

ولقيتة بيقولي

خلي بالك لانها جيالك

فسالتة؟؟؟
قلت.. هي مين دي؟

للكاتبة حنان حسن

قال.. ام عادل

قلت.. وام عادل هتيجي هنا ازاي؟
وليه؟

قال…هتيجي عشان (تقتلك)

وفضل زقزوق يصرخ وهو مغمض عنية

ولقيتة بيقولي

انا شايفها وهي جاية

عشان
تقتلك ادامي اهية

وهتخبط علي بابك…
وهتدخليها….
عشان انتي طيبة

وبصلي زقزوق ورجع يصرخ تاني

وهو بيقول

اوعي تشربي العصير
يا غلبانة.. لتنامي

بصراحة طريقة كلامة… والحلم
الي بيحصل امام عينة وهو صاحي
فزعني

فاسالتة

قلت.. قتل ايه الي انت بتتكلم عليه
يا عم زقزوق؟

وعصير ايه الي بتحذرني وخايف لاشربة؟

رد زقزوق العبيط
وهو بيحذرني

قال… هتديكي العصير الي فيه المنوم

و هتنيمك…
وترش البنزين حواليكي

وبعدها هتولع شمعة….

وهتسيب الشمعة والعة لغاية ما تسيح

الشمعة
هتقع علي التربيزة الي عليها البنزين
وتولع المكان

وتخرج حماتك
وانتي نايمة

و تتحرقي… وتموتي انتي…
يا ولداه

بصيتلة وانا مرعوبة
من كلامة

ومكنتش فاهمة حاجة

فا حاولت اتاكد
ان كان كلامة ده
تحذير حقيقي ليا؟

ولا الحكاية
ما هي الا نوبة جنان من خيال
راجل مجنون؟

فاسالتة…

قلت.. انت جيبت الكلام ده منين يا زقزوق؟

قال.. من (حلم)

للكاتبة حنان حسن

قلت.. يعني انت حلمت وانت نايم؟

والحلم ده انت شوفت فيه
القصة الي انت قولتهالي دي؟

بصلي زقزوق العبيط…
وابتسم…

ولقيتة…
رجع يتكلم بهبل تاني

وهو بيستعد للرحيل

و بيقول

حط السقط في الترباس
(حلم) عايزك تاكلي عيش

وسكت شوية

ورجع يكرر الجملة

قال… حط السقط في الترباس
(حلم) عايزك تاكلي عيش

بصيت لزقزوق الي كان سايبني

بعد ما نشف دمي بكلامة الاهبل

ولقيتني بدعي عليه
وانا بقول..

روح يا شيخ… اللهي يجيلك ويتحط عليك
وتتهطل….
اكتر منتا اهطل
يا بعيد

وفضلت اكلم نفسي

واقول..

هو انت جاي الفجر
عشان تقولي..

حط السقط في الترباس
عشان مش عارف مين هياكل اية؟

المهم اني مفهمتش من الكلام كلة
غير كلمة( الترباس)
ولقيتني بلطم علي وشي وانا بقول

هو انا ناقصة فوازير يا اخويا؟

مش كفاية الرعب الي انا عايشة فيه؟

و فضلت اللوم علي نفسي

اني سمعتلة….
و اديتة فرصة
يحطم اعصابي اكتر
ما هي متحطمة

وطبعا دخلت نمت
وانا متاكدة…

ان الكلام الي انا سمعتة من زقزوق…
ما هو الا….
مجرد هذيان

للكاتبة حنان حسن

من شخض مريض
بعقلة

ولكن بعد مرور اقل من نصف ساعة
علي مغادرة زقزوق العبيط

الاوسمعت باب الشقة بيخبط

فا انتفضت من رقدتي

وجلست علي السرير

و انا اعتقد بان زقزوق
عاد مره اخري

وكنت علي يقين بانه
هو الي علي الباب

ولقيتني بقول لنفسي

لا بقي
انا باين عليا اني
لازم اتعامل مع مرزوق بقسوة

عشان مش كل شوية الاقيه جاي يخبط علي الباب

وبالفعل… فتحت الباب
لكن…
وانا ببص علي الي واقف علي بابي برة

اتفاجئت
(بحماتي) ام عادل واقفة ادامي

ولقيت نفسي مش مصدقة عنيا

فا سالتها
قلت… حماتي؟
معقولة؟

انتي عرفتي مكان الشقة هنا ازاي؟

قالت….جري ايه يا بت يا زهراء؟

هو انتي هتفضلي سايباني واقفة ادامك
علي الباب كده كتير؟

فا قلت.. لا ازاي
اتفضلي

وبالفعل دخلت حماتي
من الباب

وهي بتقولي
اعملكم ايه بقي انتي وعادل ابني

وحشتوني فا قلت اجي ازوركم

وسالتها

قلت.. بتقولي تزَورينا؟

ليه هو انتي مش بتشوفي عادل كتير ولا ايه؟

قالت… عادل بقالة اكتر من اسبوع نايم في حضنك

والواد مهنش عليه حتي يتصل بيا بالموبيل

فا سالتها
امال جيبتي عنوان هنا ازاي؟

قالت… سالت الواد منصور السواق
الي نقل ليكم العفش
عن عنوان شقتكم الجديدة
واخدتة منه

قلت.. اه اهلا وسهلا..

للكاتبة حنان حسن

وسالتني
قالت… امال الواد عادل فين؟

قلت… عادل سهران مع جماعة اصحابة
ومش هيرجع غير بكرة او بعده

قالت… خلاص انا هستني معاكي
علي ما يرجع

اصلي عايزاه في موضوع مهم

ومش عارفة اتصل بيه

لان موبيلة مقفول

ولا انتي عندك مانع يا زهراء
اني ابات معاكي؟

قلت… لا ازاي؟

اتفضلي طبعا البيت بيتك

واستغربت من كل الي بيحصل

لاني كنت شايفة كل كلمة قالهالي
زقزوق العبيط
بتتتحقق

وَبعد ما كنت بشك ان كلامة
كلام مجانين

شوفت حماتي بتخرج من حقيبة اليد بتاعتها
علبة عصير
وبتطلب مني اني اشربها حالا

فا بدات اتاكد ان زقزوق العبيط…
كان عنده حق
في كل كلمة قالها

وعرفت كمان ان الحلم

الي شافة ماهو الا
كلام حد بيقراء المستقبل….

وبيعرف الي محدش يقدر يعرفة

المهم… كان لازم اتصرف مع ام عادل بحكمة

فا انتهزت انها دخلت الحمام
ولما خرجت

وسالتني

عن علبة العصير
وان كنت انتهيت من شربها ولا لسه؟

قلتلها اني شربتها كلها

فا ابتسمت بارتياح

وطلبت مني اجلس حنبها علي السرير

عشان نتكلم شوية

للكاتبة حنان حسن

وفعلا جلست بجانبها
واثناء ما كنت بتكلم معاها

حطيت راسي علي المخدة
وعملت اني اتخدرت

ولقيتها بتقلبني يمينا ويسارا

وانا عملت فيها نايمة ورايحة في النوم
كمان

فا لقيتها خرجت من حقيبتها شمعة… وولاعة

وخرجت من الكيس الي كانت داخلة بيه من الباب زجاجة

وكان واضح من ريحة الزجاجة ان بها بنزين

ولما ام عادل لاقتني روحت في النوم

مسكت البنزين ونثرتة في كل مكان

وبعدها… ولعت شمعة صغيرة الحجم…

وتركتها والعة
عشان لما تسيح… والنار تزحف علي البنزين

تمسك النار فيا وفي الغرفة

المهم… بعد ما ام عادل انتهت من جريمتها

تركتني نايمة…
وخرجت هي من الشقة بسرعة

قبل ما نار الشمعة تحرقني انا والمكان

المهم…
اتاكدت ان كلام زوقزوق كله كان صدق

ولما سمعت باب الشقة بيتقفل

اناكدت انها مشيت

فا قمت بسرعة

طفيت الشمعة…. وفضلت استعيد كل كلمة
قالهالي زقزوق

وافتكرت الجملة
الي بتقول…حطي السقط في الترباس

فا فهمت هو كان يقصد ايه
وده كان معناه اني عايزني اقفل بالترباس علي نفسي ومعدتش افتح ناني لحد

َفعلا قفلت بالترباس علي نفسي

وفضلت طول الليل سهرانة بفكر…

واقول.. ياتري كان حالي هيكون ازاي؟

لو مكنش زقزوق نبهني لمحاولة القتل؟
الي كانت عايزة تقوم ليها ام برشامة؟

وفضلت منتظرة للصباح بالعافية

وواول ما طلع الصبح

خرجت ادور علي زقزوق
في الشوارع

لكن للاسف
ملقتهوش

لكن لما رجعت تاني للبيت
لقيت زقزوق قاعد ادام الباب المحروق
في مدخل البيت

للكاتبة حنان حسن

فسالتة..
قلت.. انت كنت فين؟

انا كنت بدور عليك عشان اشكرك

انت انقذت حياتي

ولما لقيت زقزوق بيبصلي ومش بيرد
عليا

سالتة
قلت… انت عرفت كل المعلومات الي انت قولتهالي دي ازاي؟؟؟

وبردوا مردش عليا

وبعد كام دقيقة

لقيت زقزوق قام من مكانة عشان يمشي

لكن قبل ما يمشي
سالتة…

قلت.. بما انك بتعرف كل حاجة

ممكن تقولي

عادل راح فين؟

ولية امه كانت عايزة تقتلني؟

وازاي اقدر احمي نفسي من العفاريت الي هنا

وازاي؟؟؟
وقبل ما اكمل الاسالة
وقبل ما يجاوب زقزوق علي سؤال واحد

لقيتة قام عشان يخرج
ويسبني في حيرتي

فسالتة؟؟

قلت… هو انت هتمشي من غير ما ترد عليا؟

طيب حتي فهمني اي حاجة؟

وفي اللحظة دي

لقيت زقزوق بصلي
وهو بيقول..

ادخلي اسالية وهو هيجاوبك

قلت.. اسال مين؟

قال… اسالي الي بيحميكي…
وبيساعدك

ومتنسيش كمان
تسالية
هو بيساعدك ليه؟

والمقابل الي هو عايزه منك ايه؟

وسالتة
قلت.. انا مش فاهمة انت تقصد ايه

للكاتبة حنان حسن

ومين الشخص الي بتتكلم عنة ده؟

رد زقزوق ..
وهو بيتجاهل جميع الاسالة

قائلا..

عيش… اكل عيش

وسابني ومشي

وبعد ما لقيت نفسي واقفة لوحدي

استغربت.. من كلمات زقزوق الغريبة

ومديت ايدي وفتحت باب شقتي
ولما دخلت

شوفت حاجة لا يمكن تتخيلوها………..

لو عايز باقي احداث الرواية ضع عشر ملصقات مع متابعة صفحتي الشخصية
مع تحياتي
الكاتبة
حنان حسن

رواية أغرب رغبة بقلم حنان حسن – ‏الجزء ‏السادس#6

 3,791 اجمالى المشاهدات,  3 اليوم

No tags for this post.