Connect with us

روايات مصرية

روايه متعه مزيفه الجزء التاسع والعاشر والاخير بقلم كوكى سامح

Published

on

5
(1)

وقت القراءة المقدر: 24 دقيقة (دقائق)

روايه متعه مزيفه

الكاتبه _ كوكى سامح

الجزء التاسع

. ورموها على الأرض وهى بتصوت ومش عارفه
بيعملوا معاها كده ليه

وقالت :

.. هو فى ايه بالظبط!؟

.. قولتلك اسكتى خالص يا نواره دلوقتى

.. حرام عليكى يا ست عزيزه انا ايدى بتنزف عاوزه اى حاجه توقف النزيف ده

.. نزيف ايه يا بت دى نقط دم

وقالت : فين سيدى؟

رد واحد من رجاله عزيزه وقال لسه مجاش

وقالت بكل عصبيه الشغل كده هيبوظ انا اتعب واعمل كل ده وهو لسه مجاش مش هو اللى قال

لازم البنت تكون موجوده النهارده وتكون عروسه مكملتش يومين

رددت نواره وقالت:

.. انا متجوزه من 3 سنين مش لسه عروووسه!

.. بقولك اسكتى انتى دلوقتى هى الساعه كام؟

.. الساعه 10 ونص يا ست عزيزه لسه بدرى هو قال نص الليل

.. بدرى ايه يا زفت انت!
فى لسه طريق احنا لازم نتحرك دلوقتى دى

المسافه من هنا ل هناك ساعه ونص على الاققل يعنى يا دوب
اتصل بيه وقولوا انى كده هزعل وانا زعلى وحش

.. حاضر يا ست عزيزه

الكاتبه /كوكى سامح

فى الشاليه.

سعيد متنح من كلام جهاد وابتدى يبعد عنها وقال:

.. ڤيروس ايه يا بت انتى!؟

.. بقولك عندى ڤيروس ولو قربت منى هتتعدى ومع الوقت هتموت

.. انتى مجنونه ده جرج فى رجلك بسيط دم ايه ده اللى هيتنقل ليه وهموت!

..انت شايف رجلى كلها دم وصدقنى انا عندى ڤيروس نادر ومميت

.. ههههههه هههههههه كذابه

.. مش مصدق خلاص براحتك انا قدامك اهو وتحت امرك ومسكت قميص النوم وابتدت تقلع قدامه

وهو مذهول من بنت كانت بتستعطفه علشان يبعد عنها لبنت تانيه خالص بتقولوا تحت امرك وابتدى يبعد عنها ويصدق وقال :

.. يادى المصيبه والعمل ايه دلوقتى دى شكلها بتتكلم جد

. ومسك الفون وكلم عزيزه وقالها على اللى حصل

وكان ردها غير متوقع لما قالت هات البنت وتعالى

وهى هتتصرف بس لازم الشغل يتم ومصلحه

الشغل فوق كل شئ وقفل معاها وعينه كلها شر.

. وجهاد قالت لنفسها شكله خاف انا هستمر فى الكذبه دى لما اشوف اخرتها معاه ايه

بس يا ترى فين نواره الراجل ده شكله مش سهل

وباين كده ان الموضوع مش جنس وبس الموضوع فيه حاجه غريبه انا مش فهماها

ولما قفل الفون قال وهو متعصب.

يلا احنا لازم نمشى من هنا.

.. على فين؟

.. متسأليش يلا ورايا

وخرج من الاوضه وهى وراه وبتعرج وطلب منها تسكت وتمشى معاه من غير ولا كلمه ورفع عليها مسدس

.. ايه ده مسدس؟

.. لو سمعت صوتك هقتلك فاهمه

.. تقتلنى ما انا كده كده ميته

الكاتبه /كوكى سامح

.. بقولك يلا مفيش وقت انا مش بيصعب عليه حد خلى بالك الشغل ده مش معايا انا
وكمل كلامه وقال :

ولا على ايه الضرب فى الميت حرام انا مش عارف عزيزة هتتصرف معاكى ازاى

.. عاوزه اعرف انا هروح فين؟ ومين عزيزة دى.
وفين اختى نواره ابوس ايدك

.. يلا يا بت بسرعه مفيش وقت انتى هتندبى يا يا اختى وشدها وخرج وقفل باب الشاليه

.وقالت فى سرها الحمد لله انا فلت من ايده المجرم ده

بس يا ترى مين عزيزه دى اللى هياخدنى عندها انا مش فاهمه حاجه؟!

.وركبوا العربيه وفى الطريق لمنزل عزيزه .

فى شقه سعيد.
.
علاء ماسك السكينه ومنهار من منظر نواره وهى فى حضن صاحبه
.
والام منهاره وخايفه على بناتها الاتنين وقالت:

..مين سعيد ده يا علاء؟

.. ارجوكى مش عاوز كلام دلوقتى.

رددت بعصبيه وقالت لأ ده حقى اعرف مين سعيد ده وفين بناتى

هو قال انه صاحبك وانت متجوز بنتى 3 سنين وعمره ما شوفته عندك

انا بقولك فين بناتى يا علاء ولا بقى فى اتفاق بينكم
ساب السكينه من ايده وقام وقال

.. اتفاق ايه؟

الكاتبه /كوكى سامح

.. ايوه تاخد نواره بنتى المصيف وترجع تقول بنتى هربت علشان تجر رجلى انا وجهاد وتخطفوها ما انتوا عصابه بقى

.. يا حماتى ابوس ايدك انا مش ناقص لو معايا التليفون كنت سمعتك صوت بنتك وهى بتقول طلقنى وانا هربت بإردتى

وبعدين ومسك الاب وفتح الفيديو وقال ده ايه؟
بنتك المحترمه فى حضن راجل غيرى ولا ده كمان تمثيل

.. يعنى بناتى ضاعوا خلاص وجهاد راحت فين؟
وفين طريق سعيد ده؟

.. معرفش معرفش؟

.. مش هو صاحبك

.. انا اعرفه من المعرض من سنه وعمرى ما شوفت منه حاجه وحشه واعرف عنه شويه تفاصيل وده يمكن يساعدنى انى هلاقيه الخاين الفاجر

. وجرس الباب رن

وجرى علشان يفتح الباب، وكانت مفاجأة وقال وهو مذهول هناء.

فى منزل عزيزة.

. راجل من رجاله عزيزه كلم الدجال وكانوا بينادوا عليه يا سيدى وكانت شغلته فى الجن والسحر

وقاله انها زعلانه منه وطلب منه يسبقهم على المكان وبسرعه علشان الوقت وقاله ان المطلوب جاهز

وعزيزه مسكت الفون واستعجلت سعيد وقالها انه كلها ربع ساعه ويكون عندها

.. سعيد هو اللى هينقذنى منكم يا مجرمين

.. سعيد مين يا شابه هو انتى لسه مصدقه نفسك وقربت منها وقالت ده هو اللى رماكى لينا لما عرف لامؤاخذه يعنى انك لسه بنت وده طلبنا

.. انتوا عاوزين منى ايه؟ سبونى فى حالى وانا والله مش هفتح بوقى بكلمة واحده ولا كأنى اعرفكم اصلا

.. انا دماغى مش رايقه دلوقتى خالص ياريت تسكتى بدل ما اقتلك بإيدى الشيطان بيلعب فى دماغى دلوقتى

نواره اترعبت من طريقه كلامها وفضلت تعيط

فى الطريق.

سعيد راكب العربيه ومعاه جهاد

.. هو انت هتاخدنى فين؟ ممكن ترد عليه

.. ما تسكتى بقى هو انتى ايه رغى رغى رغى

.. عاوزه اعرف انت عاوز منى ايه

وبصلها بقرف وكمل سواقه.

لحد ما وصل بيت عزيزه.

فى شقه سعيد

لما علاء فتح الباب كانت هناء ومسك فيها وضربها بالقلم على وشها وقالت حاسب باسم الولد هيقع

الكاتبه /كوكى سامح

.. اسمع منى سعيد ده راجل انت متعرفوش كويس ده بيلعب بالتلت ورقات آثار ومخدرات وكل حاجة تتخيلها وصدقنى انا عرفت ده متأخر

.. يا ولاد الكلب فين نواره؟

.. نواره هتموت ياريت تلحقها

الام.. بنتى هتموت يا نهار اسود

ومسك هناء من شعرها وقال هى فين نواره وفين طريقها الخاينه دى انا هموتها بنفسى

.. هقولك على كل حاجة بس بشرط تاخد باسم وتربيه كويس الولد مالوش حد غيرى

.. انا مش عايز ولاد بقولك انطقى فين نواره

.. الأول اوعدنى هتاخد باسم

الام.. اوعدها ابوس ايدك انا عاوزه بناتى

.. اوعدك بس بشرط هتتكلمى قدام الشرطه وهتقولى كل حاجه

.. حاضر بس هتاخد باسم

.. هاخده يا هناء

وشدها من دراعها وسابت باسم مع مامت نواره ونزلت معاه على القسم

وخد تاكسى وطلع على قسم الشرطه ومعاه هناء وفى الطريق ابتدت تحكى على كل حاجه وقالت :

انا عرفت سعيد من النت وبالمناسبة انا مش اخت

مراته ولا حاجه دى لعبه بنصطاد بيها الزباين المغفلين اللى زيك متبصليش كده انت فعلا مغفل

وانا كمان ونواره اللى ضحك عليها ووهمها انى هاخده منها
.

. يا ولاد الكلب وققف التاكسى ونزل وشد هناء من ايدها وقعدوا فى كافيه علشان يفهم منها كويس وقال:

.. بس ايه اللى خلاكى تعترفى عل سعيد؟ ما انت ممكن تكونى كدابه؟
.. اسمع كلامى للأخر

انا معاك اهو وكمان هروح معاك قسم الشرطة

هكدب ليه اسمع منى وهتعرف كل حاجه وقالت

وهى مبتسمه بسخريه ودموعها نازله :
.

. انا عرفته من على النت واتقابلنا وحبيته اوى لدرجه الجنون مكنتش اعرف انه بيتاجر فى كل حاجه كنت ساذجه وعلى نياتى وفى يوم طلب

منى اروح معاه شقته وروحت معاه بإردتى وفقد أغلى حاجه عند اى بنت شرفها

اصل انت متعرفش سعيد لى سحر على الوحده بيحسسها انها ملكه وكنت لما اكون فى حضنه بحس انى ملكه فعلاً

وفى يوم سمعته بيتفق على نقله مخدرات وطلب

منى اساعده ووافقت من شده حبى لى
انت متعرفش يعنى ايه ست تحب بجد صدقنى

أصعب حاجه لما الست مننا تحب من قلبها ممكن تعمل اى حاجه

ومع الوقت عرفت سره وانه بيتاجر فى الآثار كمان وكان عاوز يضحى بيه بس قال انه حبنى

من قلبه علشان كده انا قدامك دلوقتى وطبعا ده اللى صدقته إنما مش دى الحقيقه.
الحقيقه انى اصطاد الزباين وبكده هيكسب من ورايا اكتر.

الكاتبه /كوكى سامح

وفى يوم واحده كلمته واحده اسمها عزيزة وبعد المكالمه وشه احمر واتعصب وفضل بيرطم بالكلام

وفهمت من كلامه انهم هيفتحوا مقبرة ولازم يفتحوها بدم بنت ومش موجوده ومطلوب منه بنت حالاً

.. يعنى ايه مش فاهم؟!

.. يعنى تكون بنت محدش لمسها ولما يحصل معاها علاقه ميعديش عليها يومين وبكده المقبره تتفتح

.. ايه الكلام الغريب ده؟

.. ده كلام سيدى صدقنى انا شوفت بنفسى ارجوك متقاطعنيش علشان اقدر اكمل

.. سيدك! سيدك مين.؟

..ده راجل بيفهم فى الجن وهو اللى بيقولهم طلب الجن الحارس على المقبره وكملت كلامها وعلاء فى ذهول.

المهم سعيد طلب منى بنت كنت اعرفها وقالى وقتها انهم مش هيعملوا فيها حاجه يدوب شكه دبوس ينزل منها نقطه دم والمقبره هتتفتح

والبنت مش هتتأذى وهناخد فلوس كتير اوى وانا صدقته ومكنتش اعرف موضوع انها لازم تكون مش بنت ويعدى عليها يومين بس

من خبيتى قولت للبنت دى وهى وافقت وانا استغليت فقرها وكنت واثقه انها هتوافق علشان
كانت مخطوبه ومش لاقيه تتجهز

واتفقنا على يوم وجت فيه الشقه ومعاها باسم حته لحمه حمرا الكلام ده كان من سنه وشهرين ولما سألتها مين الولد قالت ابن اختها

.. معقول وهى صدقتك!

.. مغفله زى وزيك بالظبط سبنى اكمل كلامى
اه وافقت وجت لحد الشقه

وقعدت معانا وفى الأول سعيد اتكلم معاها عادى وسألها هى هتجوز امتى وبعد كده اتهجم عليها قصاد عينى بس انا جبانه وسبته وهى كانت

بتستنجد بيه وانا حسيت انى رخيصه يمكن فى الاول مفهمتش وبعد كده فهمت كل حاجه

واليوم ده كان أسوأ ايام حياتى
هتك عرضى وعرضها وعرض بنات كتير وقتلوهم سعيد ده كلب فلوس وكلب عزيزه

.. وهى فين دلوقتى وازاى باسم معاكى

.. بعدها سعيد حبسها فى الشاليه وانا كنت معاه بس والله مكنتش اعرف انهم هيقتلوها وكنت اول مره اشوف فيها عزيزة

. مين عزيزة؟
.

. دى الكبيره بتاعتهم وعندها ناس بيحفروا آبار آثار والدجال ده هو اللى بيقهولهم ان المقبره عليها

حارس ولى طلبات بس هو مش دجال بالظبط اللى فهمته انه بيفهم فى الجن والاسحار بس مفيش اى عمليه بتم من غيره

ولما عزيزه جت الشاليه كانت نظراتها غريبه وسعيد كان بيخاف منها وخدت البنت وانا روحت

معاهم وخدت باسم حته لحمه حمرا على ايدى
وروحنا لحد المقبرة وكان سيدى موجود وخدوا

البنت وقدموها قربان ودبحوها قدام عينى وبدمها المقبره اتفتحت ومن يومها وانا عرفت سعيد على حقيقته

الجزء العاشر والاخير

الكاتبه / كوكى سامح
وعلاء قال بعصبيه.

.. انتى ازاى تسكتى وازاى متبلغيش عنه الكلب ده
و العصابه دى

.. بحبه بحبه انت متعرفش يعنى ايه ست تحب صدقنى صعب
وووووكمان مكنتش اقدر انا خلاص اتورط معاهم وبقيت زيهم انت عارف انا بشتغل ايه دلوقتى

.. بتشتغلى ايه ؟

.. بصطاد البنات من على النت وبقول انى خاطبه

وعندى عرسان وبقدم سعيد العريس والبنات بتصدق وبجر رجليهم وفى الاخر بيموتوا واهليهم

يا حرام بيتعذبوا بالبعد والحرمان
وانا السبب بس والله انا اتورط معاهم وكمان حبيت سعيد انا مقدرش استغنى عنه

.. وايه اللى جد يا هناء وخلاكى تتكلمى دلوقتى؟

الكاتبه /كوكى سامح

.. ان عرفت ان سعيد وعزيزه اتجوزوا وكمان

هيسافروا بره البلد خالص وانا هيرمينى وممكن

يموتونى ويموتوا باسم والولد مالوش ذنب وانا مش هسبهم يتهنوا

.. فين اهل باسم وليه مرجعش لأهله

.

. اهل باسم انا اعرف طريقهم بس كنت هرجعه ازاى واقول ايه! ولو كنت رجعته كانوا هيبلغوا

عنى ويعرفوا انى السبب فى موت بنتهم ارجوك خلى بالك من باسم وصدقنى نواره مظلومه زى البنات دى سعيد ضحك عليها وجر رجليها

. وضربها بالقلم وقال وانتى قولتى ان مراتى بتفتح نت وبتكلم الرجاله وهى عريانه ده حقيقه ولا كذب

.. والله كدب صدقنى انا اللى كنت بعمل كده ولما نواره شافتنى كذبت عليها وقولتلها ان ده واحد هيخطبنى ودموعها نازله بحرقه وقالت :

ما هو اللى يعمل الحرام بيعمل كل حاجه وانا ضميرى مات من يوم ما عرفت سعيد وشوفت البنات بتموت قدام عينى ومن غير سبب علشان الفقر وبس.

ومسكت ايده وقالت ابوس ايدك الحق نواره هيقتلوها وخلى بالك من باسم

. وبعد ما خلصوا كلامهم خدها على قسم الشرطة واعترفت بكل حاجة قالتها ل علاء

وفعلاً الشرطه اتحركت وبإذن من النيابه طلعت قوه من رجال الشرطة بالقبض على عزيزه وسعيد وأعوانهم واتجهوا لمنزل عزيزه

وتم القبض على هناء فى الحاال.

فى منزل عزيزه.

. نواره قاعده بتعيط ومستينه قدرها ومتعرفش عزيزه هتعمل فيها ايه؟

وعزيزة ورجلتها فى انتظار سعيد.

. وبعد وقت قصير سعيد وصل ومعاه جهاد ودخلوا بيت عزيزه

وجهاد لما دخلت شافت نواره مرميه على الأرض وجريت عليها وحضنتها

.. نواره اختى حبيبتى

نواره استغربت وقالت :

جهاد ايه اللى جابك هنا وعرفتى سعيد ازاى؟!

..مش مهم المهم انك لسه عايشه واطمنت عليكى يا نواره

وبصت ل سعيد وقالت :

انت يا مجرم لعبت بيه وضحكت عليه وانا مش هسيبك

سعيد متجاهل نواره وقال ل عزيزه.

.. فين الرجاله الساعه بقت 11 وشويه هنتأخر

كده والبت التانيه اهى بس انا مستغرب انتى

عاوزاها ليه دى بتقول انها عندها ڤيروس ودمها ملوث واللى يقرب منها هيموت

.. معقول يا سعيد حتت بت زى دى تضحك عليك دم ايه اللى ملوث ويموت ههههههه ده حته جرح فى رجليها البت اكلتك الاونطه يا باشا

.. يا بنت الكلب وحيات امك ما هسيبك
وقرب منها ومسكها وضربها بالقلم

عزيزه.. مش دلوقتى يا سعيد المهم نخلص شغلنا الأول نواره جاهزه يلا وشاورت لواحد من رجلتها على جهاد

وقرب راجل من رجالتها وشال جهاد ودخل بيها اوضه تانيه

وجهاد بتصرخ

ونواره بتصرخ على صرخات اختها

وسعيد شد نواره من ايدها وهى عينها فى عينه وقالت وهى بتصرخ بلاش اختى يا مجرمين.

والرجاله جهزت وحضروا شوال علشان نواره

وعزيزة قربت من نواره وطلعت حقنه ولسه هتضربها فى جسمها

والشرطه وصلت واقتحمت المكان كله

عزيزه.. ايه ده انتوا مين؟

ظابط الشرطه.. أخيراً وقعتى يا عزيزه وانت يا سعيد بيه.

علاء قرب من نواره وهى مبسوطه لما شافته

وقالت. علاء جوزى حبيبى

ولما قرب منها مسكها وابتدى يخنقها والكل اتفجأ باللى عمله

ورجال الشرطه انقذوا نواره من ايده

نواره قالت وهى مش قادره تتنفس. جهاد جوه يا علاء

وعلاء جرى على الاوضه اللى شاورت عليها ومعاه رجال الشرطه

وكانت جهاد بتقاوم فى محاوله اغتصابها من راجل من رجاله عزيزه

وتم إنقاذ جهاد ونواره من ايد المجرمين وتم القبض عليهم وكانت نواره السبب فى القبض على

اكبر عصابه بتاجر فى المخدرات والآثار واصطياد البنات عن طريق النت وقتلهم.

وبعد يومين من القبض على العصابه وبمواجهه المتهمين وبعد معاينه شاليه سعيد وشقته ومنزل عزيزه

وأمرت النيابه.
بتشمعهم بالشمع الأحمر وحبسهم 4 ايام على ذمه التحقيق ومع مراعاه التجديد.

وخرجت نواره من قسم الشرطه ومعاها جهاد وعلاء

والام فى انتظارهم على باب القسم ومعاها باسم

.. حماتى يااه انا نسيت الولد لازم اسلمه

.. سيبه انا اخدت عليه يا ابنى

.. مش من حقنا انا لازم اسلمه لقسم الشرطه وهما يتصرفوا

والام مدت ايدها وسلمت الولد ل علاء

وهى منهاره وصعبان عليها باسم

.. متقلقيش انا هطمن عليه يا حماتى

.وفعلاً سلمه لقسم الشرطه

والام حضنت بناتها وحمدت الله عز وجل على رعايته ليهم ورجعوهم ليها بخير

وعلاء اخد مراته وحماته واختها ورجعوا من المصيف على بيت حماته وهنا.

نواره قربت من علاء.

.. سامحنى ارجوك

.. انتى طالق يا نواره مبقاش ينفع

.. يا مصيبتى يا علاء تطلق بنتى وانت عارف انها مظلومه وكانت هتموت

.. بنتك اللى نامت فى حضن راجل غيرى وكمان متصوره فيديو بنتك دى فاجره وخاينه بس انا مش هقتلها مش هلوث ايدى بدمها النجس

.

. اختى مش نجسها يا علاء احنا ناس شريفه وولاد أصول وانت عارف كده كويس مش كفايه اللى عملته فيها 3 سنين وانت.!

نواره قربت منها ومسكتها وبكل عصبيه.

.. اسكتى انتى يا جهاد ملكيش دعوه خالص

.. انتى مش سامعه بيقول عليكى ايه وهو السبب من الأساس

.. خلصت يا نواره على كده وورقتك هتوصلك فى اققرب وقت

ونواره مش مستحمله كلامه وقالت

ماما جهاد سبونا لوحدنا

وفعلاً دخلوا وسابوهم.

وقربت منه وقالت.

.انا 3 سنين ومستحمله مرضك وانك عاجز جنسياً

وعرفت ان فيه علاج لحالتك وحاولت معاك بكل الطرق

كنت بلبس أجمل قمصان عندى واقرب منك وانت

تبعد عنى وعمرى ما اهملت فى نفسى بالعكس

كنت بحاول معاك بكل طريقه وانت ولا فى دماغك

لحد ما قولت انا مليش فى الجواز يا نواره وصدمتنى وبرضه

عيشت معاك واستحملت على أمل انك تتعالج

يا شيخ ده انا بقيت اتكسف منك بقيت اتكسف اللبس قدامك اى قميص

لحد ما فى يوم وانا بفتح الاب وشوفت انك بتعمل علاقات مع ستات وكمان مثيره ومتصوره

فيديو يعنى البيه لى فى الجواز مش زى ما وهمتنى

رد وقال :

مش مبرر يا هانم انك تروحى لغيرى وتنامى فى حضنه
وابتدى يزعق وصوته يعلى

كنتى اطلبى الطلاق اكرملك بدل ما انتى بتتنطتى قدامى كده ومش عارفه تقولى ايه.!

. هههههههه مصدق نفسك يا علاء بالعكس انا شايفه انك انت اللى مش على بعضك وبتتنطت قدامى

انتى طلعت سرنا بره اوضتنا وقولت للمجرم سعيد صاحبك وعشره عمرك اللى عمرى ما شوفته 😏😂
انى لسه بنت وانت مقربتش منى 🥺

وخليته طمع فيا وانت اللى قربتنى منه وبعدين انا كنت اعرف منين انهم مجرمين ولا بيلعبوا علينا

المفروض ده صاحبك وانت واثق فيه العيب مش منى يا علاء

.. انتى خاينه يا نواره.

.. وانت قصرت معايا!

.. يعنى كل واحده جوزها يأثر معاها تجرى على راجل تانى

.. انا مقولتش كده يا علاء بس انت اللى عملت فيه كده وزى ما بيقولوا حطيت النار جمب البنزين

.. نواره ورقتك هتوصلك قريب للأسف انا مش هقدر اكمل

.. علاء واحده بواحده انت خونتنى وانا كمان بس فيه فرق اانت بإردتك إنما أنا اضحك عليه وانت كده بتظلمنى 🥺

.. يا هانم انا شوفتك بعينى نايمه فى حضنه وكمان انا سمعت صوتك بودانى وانتى مش عاوزانى

.. كنت مجبره انا كنت فى ايد عصابه كان غصب عنى

..وسعيد كان غصب عنك برضه

.. انت اللى وصلتنى لكده مش هقولك غير انى مظلومه وانت اللى ظلمتنى ومش هسامحك يا علاء

وخرج علاء وقفل الباب وراه وساب نواره لحزنها.

ولما راح شقته كانت ضلمه

ودخل اوضه نومه وافتكر كل وقت كانت نوارة موجوده فيه

جرس الباب بيرن

ولما فتح كانت نهله جاره نواره وصاحبتها وسألت عليها
ورد علاء عليها معجبهاش ورجعت شقتها واتصلت ب نواره

تطمن عليها..

فى منزل نوراه

نواره قاعده فى اوضتها ورجعت زى ما كانت بس فى اختلاف حزينه وكل لما تبص لنفسها فى المرايه تفتكر سعيد وكل اللى حصل لها

والام بتصبرها على حالها

وفى يوم وصلت لها ورقه طلاقها وكانت اكبر صدمه ل نواره من علاء

فى شقه علاء.

بيحصل توضيبات فى الشقه ونهله لمحت بنت غير نواره وابتدت تسأل وعرفت انه هيتحوز

واتصلت ب نواره وعرفت منها انها اتطلقت من علاء

فى منزل نواره.
. جرس الباب بيرن وكانت جارتها نهله

والام فتحت الباب واستقبلتها

ونهله دخلت ل نواره اوضتها تتطمن عليها ولما دخلت

نواره قاعده على السرير وكانت خاسه اوى وحزينه وعنيها ورمه من العياط ومن حزنها على نفسها واللى حصل لها

.. وحشتينى يا حبيبتى اوى

.. انا كويسه يا نهله الحمد لله

.. ايه اللى حصل وانتى فى بيت امك ليه؟

.. مفيش نصيب بينى وبين علاء انا أطلقت يا نهله 😭

.. علشان كده البيه هيتحوز

.. هو هيتحوز!

.. ايوه

.. بس انتى ليه مخدتيش عفشك

.. انا مش عاوزه حاجه

.. بس ده حقك وبعدين انتى ازاى تسمحى لواحده غريبه تنام علي عفشك وحاجتك

.. ارجوكى يا نهله اقفلى الموضوع ده

.. ممكن اعرف ايه اللى حصل

.. دى خصوصيات بينى وما بينه مرتحتش معاه

وكل واحد فينا راح لحاله خلاص

.. ربنا يهدى سرك يا نواره انتى بنت حلال واصيله

. ربنا ما يحرمنى منك يا نهله

وقامت نهله ومش فاهمه فى ايه ولما خرجت من عندها

الكاتبه /كوكى سامح

سألت مامت نواره وقالت لها على علاقه علاء ب نواره وانها بنت من يوم ما اتجوزت من 3 سنين ومحدش كان عارف ومقالتش تفاصيل تانيه.

فى شقه علاء
جرس الباب بيرن وكانت نهله وجوزها وكانوا بيسعوا للصلح بين نواره وعلاء

وعلاء قابلهم بأبتسامه حزينه.

ودخلوا قعدوا فى الصالون.

.. استاذ علاء انا والمدام النهارد هنكون وسيط للصلح بينك وبين مدام نواره

.. ارجوك يا استاذ دى خصوصيات واحنا خلاص مفيش بينا نصيب وهى مش على ذمتى دلوقتى

.. فى ايه يا علاء نواره بتحبك دى بنت ناس واصيله

.. انا عارف انها بنت ناس واصيله للأسف يا نهله بس خلاص اتطلقنا 😏

.. هتخسرها نواره بتحبك دى مكانتش بتخرج من البيت والله

.. يا ستى انا عارف كل ده بس مبقاش ينفع

.. هقولك كلمتين من ست زى زيها مهما حصل ما بينكوا من خلافات مش هتتحل بالبعد

نوراه كانت نعم الجاره عمرى ما قصدها فى طلب وقالت لأ وقفت معايا فى ولادتى وشالتنى لأن

ماليش اخوات بنات وكانت نعم الأخت لما كنت بخرج كنت بسيب بنتى عندها وعمرى ما قالت لأ

عمرى ما رجعت من مشوار وبنتى عندها وقولت البنت جعانه لا والله كانت بتقوم بالواجب وغير

وغير وطبعا انت عارف ان مفيش امان فى الزمن ده وانا من طبعى مش بقرب من حد بس نواره

بمعاملتها الطيبه اجبرتنى احبها وقربت منه وقالت بوشوشه وانت لو كنت قربت منها كنت هتحبها
وربنا يصلح ذات بينكم
واستأذنت هى وجوزها

وعلاء زعلان على نواره ومضايق من خيانتها
بس قال لنفسه انه السبب فى كل حاجه حصلت وحس انه بيحب نواره ومش قادر يبعد عنها.

فى منزل نواره

نواره نايمه بدموعها نوم عميق وحلمت وقامت

مبسوطه وقالت انا ازاى مش بصلى وكانت الساعه

2 بالليل وقامت اتوضأت وخدت المصليه وقامت

الليل.. ودعت لله عز وجل بهدوء سرها واستغفرت

وندمت على ما فعلت وتابت اللى الله توبه نصوحه لا رجوع فيها.

وفى صباح يوم جديد

قامت نواره بتضحك وفرحانه برجعوها لله وثقتها فى الله عز وجل والتزمت بالصلوات والقيام والاستغفار . وعرفت ان اتحكم على عزيزه وسعيد والعصابه بأحاله أوراقهم للمفتى

وقررت تشتغل وتغير من نفسها

وفعلاً كلمت شركة واتفقت تنزل شغل من اول الشهر واتعلمت الدرس صح

وفى يوم جرس الباب رن وكان علاء

ولما نواره فتحت اتخضت من الفرحه وبرضه خافت ليكون فى حاجه جديده

.. ممكن ادخل يا نواره

.. اتفضل

ولما دخل الام خرجت وقعدت مع علاء.

.. يا حماتى انا غلط فى حق نواره وحق نفسى

.. حماتك انت خلاص طلقت بنتى يا علاء

.. ونفسى ارد نواره تانى انا فعلا حسيت انى محتاج ليها ومش قادر ابعد عنها

ونواره سمعت وكانت فرحانه برجوع علاء ليها

والام دخلت اوضه نواره وطلبت منها تخرج ل علاء

وخرجت نواره وعلى يقين بالله ان سامحها وقبل توبتها

وعلاء قرب منها وقال.

انا بحبك يا نواره

انا عرفت انك هتتجوز

غصب عنى اللى حصل مش سهل وغير أهلى يا نواره صدقينى غصب بس انا راجع ليكى بقلب المحب

.. انا عارفه انى غلطت يا علاء بس والله غصب عنى

انا كنت فى اختبار صعب صدقنى

.. الحق عليه انا والعيب على أهلى اللى جوزونى غصب عنى انا قولت لأبويا انا مش عاوز اتجوز

وغصب عليه وبالغصب ده حسيت انى مجبر ودخلت فى العند وانتى كنتى الضحيه يا نواره واهلى السبب فى كل اللى احنا فيه

.. انا اسفه يا علاء انا عارفه انى خونتك..

.. خلاص يا نواره بلاش الكلمه وياريت تسامحينى وانا مسامحك يا نواره قلبى

ونواره كانت زى الطفله البريئة وجريت على الشباك وعلاء مش عارف هى بتعمل ايه وجرى وراها

وفتحت الشباك وبصت للسماء زى الأطفال وقالت.

يارب علاء صالحنى زى ما طلبت منك انا دعيت وانت لبيت ♥️🙏 اشكرك يارب على نعمه الدعاء اشكرك يارب على نعمه الاستجابه وانك قبلت توبتى

علاء قرب منها وحضنها وهى حضنته وكان اول حضن بينهم بالصدق والمحبه 😍

والام واقفه والدموع فى عينيها بفرحتها ب نواره وعلاء

وجهاد فرحانه لفرحه اختها ورجعوها لبيتها وجوزها

وفى يوم جديد تم كتب كتاب نواره وعلاء ما بين

حضور أهلها وجارتها نهله وحبيبتها بقايمه جديده

وعفش جديد ودخلت نواره شقتها انسانه مختلفه

تماماً وكانت فرحانه بتغير علاء للأحسن وفضل ربنا عليهم

الكاتبه /كوكى سامح

وبعد اسابيع من زواجهم نواره كانت حامل وبعد

شهور الحمل خلفت بنت وعلاء اطلق عليها اسم نواره. وانتهت القصه فى سبوع نواره الصغيره 😍
وبحضور الاهل والاحباب ♥️

وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21)

ربنا مقالش حب قال موده ورحمه بينكم يعنى

سكن الحب بيجى بعد العشره

ياريت تخلوا بالكم من السكن بتاعكم مراتك راعى

شعورها هى انسان ليها مشاعر وأحاسيس
مراتك زى الورده كل لما تسقيها هتفتح وهتكون

جميله وهتتمنى تراضيك بإى طريقه

مهما كانت ظروف الحياة صعبه متخلهاش تأثر على حياتكم وامسكوا فى بعض مهما كانت

الظروف حاولوا ولو كان الخيط رفيع لو فى زره حب واحده اتمسكوا بيها

لكل ست اوعى تهجرى جوزك وتقولى انا زعلانه منه وتغضبى او تنامى فى اوضه تانيه صدقينى ده أكبر غلط 😁

الراجل بيتعود على البعد وبعد كده مش هتكونى فارقه معاه✋

ولكل اب وام إياكم والاجبار راعوا ولادكم خليهم يختاروا ويعيشوا حياتهم بطريقتهم هما

وصدقونى ولادكم زرعتكم من زرع حصد وطول ما الزرعه قويه وصح هما هيختاروا صح

هيختاروا اللى شبهم فى اخلاقهم

وأخيراً عسى أن تكرهوا شيئا وهو خير لكم

وعسى أن تحبوا شيئا وهو شراً لكم

استخيروا الله فى كل اموركم وهقولها تانى وتالت

وعاشر اللى ربنا يبعدك عنه اوعى ترجعله ✋
ربنا يسعدكم ويصلح حالكم ويبعد عنكم كل شر 🙏 😍
وإياكم ونسيان الجار الرسول وصى بسابع جار

وفى مثل قديم كده كنت بسمعه من جدتى الله يرحمها جوزك يحب عفيه وأهلك يحبوكى غنيه وجارك يحبك سخيه 👏
وتمت القصه على خير وعاوزه رأيكم فى كومنت ♥️

و علقوا ب 20 ملصق علشان يوصلك اشعار القصه الجديده ❤️

 15,679 اجمالى المشاهدات,  48 اليوم

Advertisement

ما مدى فائدة هذا المنشور؟

انقر على نجمة لتقييمه!

متوسط ​​تقييم 5 / 5. عدد الأصوات: 1

لا أصوات حتى الآن! كن أول من يقيم هذا المنشور.

Advertisement

As you found this post useful…

Follow us on social media!

No tags for this post.
5 تعليقات

5 Comments

  1. ياريت تشكرونا على المجهود فى نقل وكتابه الروايه لحضراتكم

    Reel-Story Note

  2. Pingback: روايه متعه مزيفه الجزء الثامن بقلم كوكى سامح - رييل ستورى

Leave a Reply

لن يتم نشر عنوان بريدك الإلكتروني.

The maximum upload file size: 128 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

روايات مصرية

رواية السم فى العسل بقلم كوكى سامح

Published

on

Prev1 of 16
Use your ← → (arrow) keys to browse
3.8
(23)

وقت القراءة المقدر: 9 دقيقة (دقائق)

روايه السم فى العسل

الجزء الأول

اله كوكى سامح

__ يوم ما حمايا كتب وصيته وقال فيها ان اللى هتخلف بنت هى اللى هتاخد نص ثروته

وحياتنا اتقلبت ١٨٠ درجه للأسوء

انا سهر ٢٥ سنه على قدر كبير من ال.. متجوزه من ” احمد الدمنهورى” ولقبه الباشا

وعايشه فى فيلا حمايا ( الدمنهورى بيه) اكبر تجار العاب الأطفال فى مصر وجميع البلاد العربيه

عندى سلفتين ” روقيه” ٣٥ سنه وعندها (مروان ٣ سنوات) وزوجة الأخ الاكبر ( عمار)

اما ” معتزه” ٣٢ سنه وعندها ( ياسين سنتين)

وزوجة الأخ الوسطانى ( كريم)

طبعا انا قولت سلفتين لان السلفه التالته متنفعش تبقى سلفتى لانها اختى التؤام (منار) ومتزوجه من الأخ الوسطانى تؤام كريم واسمه ( كارم) ومعاها “باسم” عنده شهوور

اما انا بقى مرات الباشا اللى الكل بيعملوا الف حساب واراد ربنا ما حمايا كتب وصيته

انى احمل ولما شوفت السونار عرفت انها بنوته

ونويت اسميها ( فريحه)

عانيت من شهور.. وجه اليوم اللى اتولدت فيه فريحة وكانت فرحه البيت كله

بس رغم الفرحه اللى عشتها اما اتولدت فريحه على وش الدنيا.. عرفت اسوء خبر

٣ سنوات عرفت انها مريضه

الخبر ده قلبي وكسرنى وكنت بسأل نفسى.. ازاى طفله تعانى من السكر فى سن زى ده

دى لسه حتى متعرفش ربها.. كنت ببكى طول الليل واسأل نفسى لما تكبر ويبقى عندها ٦ سنين وتروح المدرسه هتعمل اي وهتتعامل ازاى مع الأطفال اللى من سنها؟!

المفروض ان هيكون ليها نظام اكل معين دى مريضه سكرى.. وده خلانى غصب عنى ما انا مش ملاك.. انا بنى ادمه من لحم ود”م

خلانى ازعل من ربنا وابطل صلاه وكنت بسألوا وبقولوا.. انت ليه تستخسر فيا فرحتى

ليه بنتى يكون عندها السكر وولاد العيله كلهم صحتهم كويسة.. اعترضت ع امر ربنا

وكان غلط كبير منى.. بس انا قولت انى بنى ادمه مش ملاك…

وفى يوم كنت بلاعب فريحه فى الجنينه لقيت احمد داخل عليا وكان باين عليه انه مخنوق ومضايق.. شال البنت ع ايده وكان بيلاعبها

قربت منه وسألته : مالك.. شكلك كده مضايق من حاجه رد عليه رد غريب ومسك حنجرته وهنا عرفت انه مخنوق جدا

احمد : تعبان ومش طايق نفسى

سهر قربت منه وحضنته : اي اللى مضايقك

احمد : بعدين

سهر : من امتى وانت بتخبي ع مراتك حبيبتك

احمد بابتسامه كلها وبصوت خافت : حاسس ان فى حاجه بتحصل من ورايا بس مش عارف هى اي؟

سهر ب استغراب : حاجه اي؟ هو فى حد فى الشغل مضايقك

احمد بتنهيده واداها البنت وخدتها من ايده

ياريت.

سهر : ياريت.. قصدك اي بياريت دى!؟

احمد : اخواتى.. انا حاسس ان محدش فيهم طايقنى وخصوصا ما ربنا كرمنا ب فريحه

سهر خدت البنت فى حضنها وحضنتها بخوف : مالها فريحه.. واي دخل بنتى ما بينكم

احمد : انتى ناسيه وصيه بابا اللى كتبها وقال فيها ان البنت اللى هتتولد ليها نص الثروه

سهر حضنت البنت بخوف اكتر : وده معناه اي

احمد ب : معناه ان بنتنا عليها العين ي سهر

سهر بذهول : انت تقصد أن اخواتك قاصدين يأذوا بنتى.. وابتدى صوتها يعلى

(قرب منها وحط ايده على بوقها.. وطى صوتك حد يسمعنا)

سهر : معقول اخواتك يأذوا بنتى

احمد بانفعال : لا طبعا.. بس بقول الموضوع ده عامل بينى وما بينهم حساسية جامده

بيتعاملوا معايا بطريقه غريبه

سهر بانفعال : واحنا مش عاوزين حاجة تغور الفلوس.. وعيطت.. مش كفايه أن بنتى مريضه سكرى ومش هتعيش زى باقى الأطفال ( وانهارت)

احمد خدهم فى حضنه : انا لازم اقول لبابا يلغى الوصيه دي خالص وبعد طويل كل واحد فينا ياخد حقه بشرع ربنا

سهر بصتلوا بنظره حزن : ياريت

_ بعدها بكام يوم سمعت احمد بيكلم حمايا فى الموضوع.. وكنت واقفه انا وداده ( تحيه)

حمايا دخل المكتب ونادى على تحيه وطلب منها تعمل قهووه

الدمنهورى قعد على الكرسى وولع سيجار

.. خير ي أحمد عاوزنى فى اي!

ولما سمعته بيتكلم معاه ولسة بقرب من الباب علشان اسمع بيقولوا اي لقيت اختى التؤام

منار نازله ومعاها روقيه ولما شافونى قربوا منى

روقيه : واقفه كده ليه ي سهر!؟

سهر بارتباك : واقفه عادى

( تحيه خارجه من المطبخ ومعاها القهوه)

منار : القهوة دى لمين ي تحيه

تحيه بصت لسهر وقالت : القهوه لسى الدمنهورى بيه وسى الباشا

روقيه : اه.. متقولى ان الباشا جوه مع حمايا

وفى نفسها ( عقربه.. تلاقيه بيتفق مع حمايا وبيطلب وصايا ع بنته ويلهف نص الثروه فى كرشه)

سهر بارتباك : واحد مع باباه انا مالى وسابتهم وخدت فريحه وطلعت اوضتها

روقيه لمنار : الصراحه مش دى اختك وتؤامك

إنما غيرك خالص.. متزعليش منى.. انتى ع سجيتك وطبيعيه إنما هى عايشة الدور اكمنها واخده الباشا.. كبير العيله

منار بغضب : دى اختى ع فكره وياريت تتكلمى عنها بأسلوب ا من كده

روقيه قربت منها بوشوشه : ي بنتى انتى عبيطه المفروض ان كلنا فى مركب واحده.. بنت اختك هتاخد نص الثروه بالظلم

منار : وهى مالها العيب من حمايا يعنى مش منها ولا من جوزها واستأذنت وخرجت الجنينه

روقيه بسخريه : وهى مالها العيب من حماها

كتك وكسه بكره تعرفى قيمه كلامى لما نبقى كلنا ع الحديده

وهنا خرج احمد من المكتب ووشه احمر جدا

وباين عليه انه مضايق لدرجه ان مشافش روقيه قدامه وكان بيبرطم بالكلام ( انا هاخد مراتى وبنتى وهسيب البيت خالص)

روقيه بعدت لما شافت الدمنهورى خارج من المكتب وعفاريت الدنيا بتتنطت فى وشه

روقيه فى نفسها ( ي ترى فى اي) انا لازم احكى ل عمار كل اللى حصل ومسكت الفون وكلمته

وقالت إن احمد متخانق مع باباه

__ عدت ٣ سنوات والحال كما هو عليه لا الدمنهورى غير وصيته ولا احمد ساب البيت بس اللى اتغير ان فريحه كبرت وبقى عندها ٦ سنين

كانت زى البدر فى تمامه.. كانت روح الدمنهورى

اللى بيتنفسها..

__فى الجنينه فريحه قاعده بتلعب مع ولاد عمها

وسهر فى ايدها نسكافيه وبتتمشى فى الجنينه

لمحت بنت واقفه عند السور بتشاور لها وشكلها يدى ١٨ سنه.. قربت منها

البنت بوشوشه : انا بشوف الودع ي هانم ممكن اشوفلك

سهر : لا لا مش بحب الحاجات دى

البنت : ابوس ايدك ي هانم.. جربى

سهر فى نفسها ( هى اكيد محتاجه فلوس)

طيب انا هشوف

وفتحت الباب ودخلت البنت

البنت مدت ايدها : ووشوشى الودع ي هانم

سهر طلعت ١٠٠ جنيه واديتهلها

البنت مسكت ايدها وبصت فيها قبل ما تمسك الودع وبصت فى كفها وقالت : نهار اسود

ده انتى هتشوفى ايام سوده

سهر قلبها اتقبض : انتى بتقولى اي.. اعوذب بالله ي شيخه عليكى

البنت بصت لها بحزن : اللى جاى كتير عليكم

سهر حطت ايدها ع ودنها : أمشى انا مش هسمع حاجه

البنت : انا ماشيه وهرجعلك شهر ي هانم

سهر حطت ايدها ع دماغها : لا لا اكيد كذابه

اعوذب بالله

البنت مشيت وسهر نسيت كلامها وقالت انه كله كذب رغم أنها اتأثرت بيه

وبعد شهر الفيلا كانت جاهزه للاحتفال بعيد ميلاد باسم ابن منار تؤام سهر وسلفتها فى نفس الوقت… باسم تم ال ٧ سنوات

الحفله كبيره وبعد ما طفوا الشمع وكانت الساعه ٩ مساءا.. فريحه اختفت.. سهر خرجت تدور عليها

ملقتهاش وحصل قلق فى الفيلا لمجرد ان فريحه مش موجوده.. سهر فى نفسها ( انا عارفه هى فين اكيد عند البسين) جريت ع البسين من غير ما حد يحس بيها وشافت فريحه قاعده

قربت منها : كده ي فريحه تقلقينى عليكى

جدو والبيت كله مقلوب عليكى

فريحه مش بترد.. قربت منها لقيتها جثه هامده

سهر ابتدت تصرخ ومحدش سامعها.. مسكت الفون واتصلت باحمد وقالت انها عند البسين

فى ثوانى الكل كان عندها واكتشفوا ان فريحه ماتتتتتتت💔

فى دقايق كان الجد اتصل بالدكتور وقال إن البنت اتوفت بغيبوبة سكر فالحال

خرجت الطفله فريحه جثه هامده من الفيلا محموله فى تابوت

وبعد الدفن سهر دخلت فى حاله ه

ونامت نوم عميق وصحيت ١٢ بالليل قامت مفزوعه

وبتصرخ.. بنتى.. بنتى.. فريحه

الداده قاعده تحت رجليها ولما سمعتها بتصرخ ومفزوعه قامت من مكانها : عاوزه حاجة ي ستى سهر

سهر بصراخ : عاوزه بنتى ي داده.. فريحه راحت فى غمضه عين

الداده بصت شمال ويمين وقامت قفلت الباب

وجريت ع سرير سهر وقربت منها وبوشوشه

انا هقولك ع حاجه بنتك ادفنت عايشه

سهر.. اي.. بتقولى اي!

تحيه : ي ستى هانم وطى صوتك دى لو سمعتنى هيكون فيها قتلى

سهر.. مين دى؟

تحيه : هقولك بعدين.. بس قومى بسرعه بنتك مدفونه بغيبوبة سكر من الصبح وممكن تكون فاقت الحقيها الأول وبعدين هقولك ع اللى حصل

سهر قامت زى المجنونه وكان فى ايدها فستان فريحة : الحقها فين

تحيه : الترب ي هانم

سهر بارتباك وعدم وعى : انا هروح الترب

وفتحت باب الاوضه وقبل ما تخرج

تحية : ي هانم

سهر بصتلها : نعم

تحيه : مفتاح التربه فى درج مكتب الدمنهورى بيه.. نزلت سهر جرى والڤيلا كلها مفيهاش حد

الكل نايم من الدفن والعزا.. اليوم كان شاق جدا.. حتى احمد كان بره البيت من زعله وفاه بنته الوحيده

سهر نزلت زى المجنونه ودخلت المكتب وخدت المفتاح وطلعت بره الڤيلا وركبت عربيتها وطلعت ع الترب تشوف بنتها اللى عرفت انها مدفونه بغيبوبة سكر….

وصلت السهر والدنيا كانت ضلمه.. فتحت فلاش الفون وفتحت المدفن ودخلت ع مدفن بنتها

وابتدت تفتح المدفن وهى بتفتحه سمعت صوت وشافت حاجه غريبه 😳😳

يتبع……

 424,652 اجمالى المشاهدات,  4,084 اليوم

Advertisement

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.8 / 5. عدد الأصوات: 23

لا أصوات حتى الآن! كن أول من يقيم هذا المنشور.

Advertisement

As you found this post useful…

Follow us on social media!

Prev1 of 16
Use your ← → (arrow) keys to browse
Continue Reading

روايات مصرية

رواية الوريث كاملة بقلم كوكى سامح

Published

on

Prev1 of 10
Use your ← → (arrow) keys to browse
3.1
(9)

وقت القراءة المقدر: 2 دقيقة (دقائق)

كاملة بقلم كوكى سامح

#اقتباس_بسيط_من_القصه_الجد
#الوريث
_ عربيه واقفه فى نص الطريق والناس ملمومه حواليها 😳😳
ادهم قاعد جوه عربيته على الكرسى اللى ورا
متأخر على كته
قال بشخط : وقفت ليه يا عم صابر؟
صابر السواق : الطريق واقف باين كده فى حادثه
ادهم : اتصرف وغير الطريق بسرعه وامشى اى اتجاه غير ده المهم تنجز بص فى ساعته.. انا متأخر والمفروض ان عندى اجتماع من نص ساعه
صابر : الطريق التانى فى تصليحات ومقفول يا باشا
ادهم بزعيق : خص انزل شوف فى ايه؟
صابر : ححاضر، فتح باب العربيه ونزل جرى دخل وسط الناس
ادهم فتح شباك العربيه وبص منه على اللمه
واحد من الناس اللى واقفه: لا حول ولا قوة الا ب والله الناس مبقاش عندها اى رحمه!
واحده ست كبيره فى السن : معقول اللى بيحصل ده استرها علينا وعلى ولادنا يارب
كان قاعد مستعجل وكل دقيقه يبص فى ساعته
وقال : كل ده تأخير يا صابر ولسه هينزل
صابر جاى بيجرى ووشه باين عليه الخضه
قال : الحق يا باشا فى مصيبه
ادهم : فى ايه خضتنى؟
#الوريث
#بقلمى_كوكى_سامح
من ب ان شاء الله هنزل الجزء الأول من القصه الجديده
تفاعل بقى يا حلوين 😘 علشان الت يوصل لكل الفانز اللى بيسألو على القصه الجديده متنسوش اك ولملصقات 

الفصل الأول

جارى كتابه الفصل ….

 126,449 اجى المشاهدات,  1,157 اليوم

ما مدى فائدة هذا المنشور؟

Advertisement

انقر على نجمة لتقييمه!

متوسط ​​تقييم 3.1 / 5. عدد الأصوات: 9

لا أصوات حتى الآن! كن أول من يقيم هذا المنشور.

As you found this post useful…

Advertisement

Follow us on social media!

Prev1 of 10
Use your ← → (arrow) keys to browse
Continue Reading

روايات مصرية

رواية صغيرة ارهقت رجولتي كاملة بقلم بسملة بدوي

Published

on

Prev1 of 26
Use your ← → (arrow) keys to browse
4.1
(13)

وقت القراءة المقدر: 5 دقيقة (دقائق)

رواية صغيرة ارهقت رجولتي كاملة بقلم بسملة بدوي

 

تم تغيير اسم الرواية من صغيرة ارهقت رجولتي الي صغيرة ارهقتني عشقا تابع الفصول التالية: الفصل الأول

انا صهيب المغربي اتجوز عيله 17سنه
صالح “الجد ” جواز مؤقت بس ي صهيب يبني لحد ما تتم عندنا السن القانوني إنما الوقتي اعمامها هياخدوا ورثها دول عالم طماعين وجشعه ومافيش في قلبهم رحمه وهي و نسمه وهادئه ومش هتحس بيها خالص
صهيب بلامبلاه ……. ماشي روح انت وابعتلي الورق امضي عليه
عملت كده وعروستك جايه بالليل
صهيب بصدمه …..عملت اي
اخدت توقيعك وكتب اتعمل
صهيب بغضب …… اييييه ازاي يعني
وطي صوتك متنساش انا ن يولد وقلنا هو زواج على ورق يبقي خلاص
صهيب بشر …… ماشي ماشي ومشا ركب عربيه وراح النايت كلاب
يعني انا كده اتجوزت ي ملك انا لسا صغيره على الجواز يملك وكمان انا خايفه يكون ويضربني زيك عمو
ملك ب ……. متخافيش يروحي انا معاكي متخافيش و جده صالح معاكي كمان يعني اطمني خالص وهو ارحم من اعمامك يا روز وجده قال هو جواز مؤقت بس لحد ما تتمي18سنه وتستلمي ورثك وكمان على ورق يعني مش هيلمسك مع اني اشك يكون قدامه الحوريه دي و قاطعتها روز بصراخ وكسوف…….اسكتي بقا الله يملك
ملك بضحك ……يخربيت ام جمالك والفراوله الي بتطلع فى حدودك دي يبت
روز بضحك……. هبله .
قاطعهم دخول ام روز ……. روز اجهزي يالا عشان هتروحي مع صالح بيه وقالت ب …..هتوحشيني اوي يبنتي
روز بدموع وهي بتشدد من احتضانها……. انا اكترر يماما بس هجيلك كل يوم
لا اوعي ليشوفوكي انا هبقي اجيلك انا خلي بالك من نفسك يحبيبه ماما
روز بدموع …حاضر يماما وانت كمان
ملك بمرح ……. احضنوني معاكو
قعدوا يضحكوا عليها
في مكان تاني
عماد بيه معايا خبر يساوي مليون جنيه ، صهيب بيه المغربي مش هتصدق اتجوزاتجوز امبارح
ايه امته ومين وبنت مين حد اعرفه ولا انطق يغبي
لا يبيه الي عرفته من الخدامه أنها سمعتهم امبارح بيتخانقوا وعرفت أنه اتجوز وجبتلك معلومات عنها اهي بس في حقي انا وه
عماد طلع شيك ب 500الف واعطيهوله ……اهو حققك انت والرجاله
-ودي المعلومات يباشا
اخدها بسرعه وقال بصدمه ………. روز اتجوز روز
عند صهيب وقف العربيه عند ملهي ليلي ( نايت كلاب )
دخل واتوجهت كل الأنظار ليه وهو ابتسم بغرور وراح قعد على البار
الجرسون …… طلبك اهو ي صهيب بيه
شاور بايده وقعد يشرب في كاسه ، جت بنت عامله زي عروسه المولد بالميكب الي حطاه وفستان يفضح اكتر من يستر وقالت…….. مش معقول صهيب بيه المغربي هنا لا انا اكيد بحلم
بصلها بسخريه وكمل شرب الكاس
بصتله بغيظ من تجاهله ليها وقالت بدلع …….. مالك يباشا شكلك مهموم سيبلي نفسك وانا مكملتش الجمله ولاقته زقها واخد فونه ومفاتيح العربيه ومشا وقال ……. حافظ انا الفلم ده شوفي غيره ومشا
بصتله بغيظ……. بقا كده ماشي يبن المغربي انا حطيتك في دماغي اتفرج بس على الي هيحصل

عند ملك كانت واقفه بتعيط وبتقول …..هتوحشيني اوي يماما
الام بدموع ……. انا اكترر ي حبيبه ماما سامحيني مش عارفه احميكي منهم يروحي بس انا مطمنه عليكي مع صالح بيه
صالح بطيبه ….. روز انتي خايفه مني
روز ببراءه …… لا بس خايفه من الي اسمه جوزي سمعت بيقولوا أنه وحش هو ممكن يضربني زي عمو
الام بصتلها بحزن عليها قاطعها الجد ……لا يحبيبتي طول ما انت معاكي متخافيش يالا بقا نمشي
الام بدموع …..خلي بالك من نفسك ياروز وكلي كويس وانا هبقي اجيلك واه صحيح فين خطك طلعيه واكسريه
_حاضر
ومشت مع الجد
طول الطريق وقلبها بيدق جامد ووصلت القصر وقالت بانبهار …….واو انا هعيش هنا
الجد بضحك على تصرفاتها الطفوليه ……ايوه عجبك
_ايوه جدا جدا
الجد بضحك……..هيعجبك من جوه اكتر
_طب يالا بسرعه بسرعه يالا
دخلوا
الجد بضحك على شكلها …….ههههه اي عجبك
عجبني بس ده زي الي بشوفه في التلفزيون خالص الله انا فرحانه اني هعيش هنا اوي وبعدين
تعالي أما اوريكي جناحكم انتي وصهيب
بصله ب قال بحب وطيبه…….. متخافيش تعالي
طلعت كان كبير اوي ولونه بين الأسود والرمادي
بصتله وقالت في نفسها …….. ألوانه بتخوف كله اسود اسود
الجد ها عجبك
ايوه حلو
اسيبك بقا تجهزي هدومك وكمان شويه هبعتلك الخدامه بالاكل
حاضر
يحضرلك الخير يحبيبتي ومشا
جهزت هدومها و واخدت شاور ولبست بجامه سوده ستان تعكس لون بشرتها ناصعه البياض وسابت شعرها الأسود الطويل الي وصل لتحت خصرها وبعدين دخلت الخدامه بصتلها بزهول .
روز بخوف…….انتي بتبصيلي كده لي
الخدامه باحراج ……احم اسفه يهانم بس اصل بصراحه انتي جميله اوي اوي عينك دي
روز بخجل …… ايوه عيني وشكرا ليكي انتي اجمل وياريت بلاش هانم اسمي روز بس
الخدامه برفض…… ايه لا لا ده صهيب بيه يقطع عيشي لو سمعني بعدأذنك يهانم ومشت بسرعه
روز بخوف ……. يلهوي ده مركب لهم الرعب يلهوي اومال هيعمل فيا اي عااا يماما
وبعدين شافت الاكل وقالت بقرف …..اي ده عامل كده لي كان عباره عن خضار وأكل مسلوق eat vegan
عااا بياكلوه ازاي ده اعمل اي ايوه هنزل اشوف في حاجه تتاكل تحت ونزلت ودخلت المطبخ وكانت حاطه راسها في التلاجه وقالت بفرحه ……. نوتيلا
قاطعها صوت رجولي جذاب ……. انتي مين وبتعملي اي.
لفت وبصتله
صهيب بصدمه وانبهار من جمالها ووو….

 134,458 اجم المشاهدات,  1,174 اليوم

ما مدى فائدة هذا المنشور؟

Advertisement

انقر على نجمة لتقييمه!

متوسط ​​تقييم 4.1 / 5. عدد الأصوات: 13

لا أصوات حتى الآن! كن أول من يقيم هذا المنشور.

As you found this post useful…

Advertisement

Follow us on social media!

Prev1 of 26
Use your ← → (arrow) keys to browse
Continue Reading
زد معلوماتكساعة واحدة ago

10 روايات عن القضية الفلسطينية: تجاوز المأساة وتوثيقها

زد معلوماتك3 ساعات ago

تراجع عدد السكان في 16 ولاية تركية

فضفضة رييل ستورى5 ساعات ago

متصل يبكي على الهواء ببرنامج كلام الناس : ” مراتي بتضربني وبتشتمني وواخدة كل فلوسي “

ذاكرة التاريخ History's Memory5 ساعات ago

إكرام المحاقري: اليمن: 14 اكتوبر.. احداث تاريخية يتجدد ذكر مجدها

ذاكرة التاريخ History's Memory6 ساعات ago

مشاهد وعبر من تاريخ المغرب المعاصر (1955-1999)

قصة في صوره8 ساعات ago

صورة نادرة للملك سلمان بن عبد العزيز ال سعود

ذاكرة التاريخ History's Memory9 ساعات ago

أحداث 1915 إبادة جماعية أم "خيانة عصابات أرمينية"

ذاكرة التاريخ History's Memory10 ساعات ago

في عيد الصحافة الاذربيجانية .. صحفيوا اذربيجان يحتفلون بعيدهم ال 147 في مدينة شوشا المحررة

ذاكرة التاريخ History's Memory13 ساعة ago

امير البحار القائد المسلم رشيق الوردامي والبلاد الضائعة تسالونيك

زد معلوماتكيوم واحد ago

مشاهير خاضوا معارك شرسة للدفاع عن أشقائهم.. من جيجى حديد لجانيت جاكسون

تفسير الأحلام والرؤىأسبوع واحد ago

تفسير رؤية صبغ الشعر في المنام للمطلقة

تفسير الأحلام والرؤىأسبوع واحد ago

تفسير رؤية عدوك في المنام ..وما تفسير ابن سيرين

تفسير الأحلام والرؤىأسبوع واحد ago

تفسير منام رؤية الأب المتوفي

تفسير الأحلام والرؤىأسبوع واحد ago

تفسيرات رؤية القرنفل – المسمار – في المنام

تفسير الأحلام والرؤىأسبوع واحد ago

حكم تفسير الأحلام.. جائز شرعا وفقا لدار الإفتاء ولكن بشرط

قصص الإثارة3 أشهر ago

رواية رغبه متوحشه (كامله)

قصص الإثارة3 أشهر ago

رواية بنت بمدرسة عيال اغنياء بقلم ماري جو

قصص حدثت بالفعلشهرين ago

رواية هنا فى الاعماق – بقلم مايا بلال

قصص متنوعةشهرين ago

حكاية ليلى واحمد وجارتى ابتسام

قصص الإثارةشهرين ago

رواية بنت فى ورطه بقلم كوكى سامح

ادب نسائي3 أشهر ago

رواية ظلام البدر +21 بقلم بتول

ادب نسائي3 أشهر ago

قصة غرام اولاد الالفي بقلم سماء احمد

ادب نسائي3 أشهر ago

تكملة رواية ظلام البدر +21 بقلم بتول

قصص متنوعة3 أشهر ago

عايشة عند اخويا ومراتو بلقمتى ويارتني بلاقي اللقمه

روايات مصرية3 أشهر ago

قصة انا وحمايا بقلم كوكي سامح

قصص الإثارة3 أشهر ago

حكايتي مع ابو زوجى السافل وما فعلت به

روايات مصرية3 أشهر ago

قصة حماتي كامله للكاتبه ايمي رجب

قصص الإثارة3 أشهر ago

قصة حماتي وزوجتي الحامل +18 للكبار فقط

روايات مصرية3 أشهر ago

رواية كبرياء عاشقة بقلم هدير نور(كاملة)

قصص الإثارة3 أشهر ago

رواية انا والطبيب في العيادة وبدون إعتراض مني

Facebook

Trending-ترندينغ