أبريل 17, 2022
1263 Views
0 0

رواية عشق محرم الجزء الرابع عشر والخامس عشر والاخيره بقلم كوكى سامح

Written by
3.6
(40)

وقت القراءة المقدر: 18 دقيقة (دقائق)

رواية عشق محرم الجزء الرابع عشر والخامس عشر بقلم كوكى سامح

ج. 14 15..#….#
ورفعت المسدس عليه وانهارت والبنت جوه بتصرخ وهو بين نارين
= ابتدى يقرب منها ويقولها انا جاى اخد حق بنتك أمينه
.. أمينه بنتى راحت خلاص😭
.. الأول نزلى المسدس وصدقينى انا هجبلك حقها
.. بقولك بنتى راحت ويلا أمشى من هنا وهات تليفون بنتى
= وزقها وخد المسدس منها وابتدى يفتح الباب وهى وقعت على الأرض منهاره واول لما فتح الباب قال انتى الهام
.. ايوه انا الحقنى طنط عاوزه تموتنى مع ان والله ما عملت حاجه
مامت أمينه.. قتلتوا بنتى يا ولاد الكلب
وكيل النيابه.. انتوا فعلا سبب موت أمينه
.. معرفش معرفش معرفش 😢 انا كل اللى فكراه نزلت اجيب حاجه نشربها اتفجأت ب أدهم داخل بيقول فى واحده وقعت من البلكونه وصدقينى يا طنط معرفش وقعت ازاى
وكيل النيابه.. مين ضرب عمران بالنار يا الهام
الهام.. بابا مات؟ لما شوفتوا قلبى وجعنى عليه وانا سيباه غرقان فى دمه 😭 بس والله كنت بترجاه يسبينى علشان الحق بابا إنما حط منديل على بوقى ومحستش غير وانا هنا
.. قصدك تقولى ان اللى ضرب بالنار وخطفك مامت أمينه
.. ايوه هى بس كان معاها واحد انا معرفوش هو اللى ضرب بابا وخطفنى وانا شوفتها فى العربيه
وكيل النيابه.. ده الموضوع كبير وانا عاوز افهم يلا اتفضلوا معايا اتنوا الاتنين
الهام.. فييين؟ انا مش هتحرك غير لما اعرف انا هروح فين؟
مامت أمينه.. بنتى راحت وانا السبب يا حبيبتى يا شبابى يا بنت عمرى 😭
وكيل النيابه.. حضرتك انا مصطفى وكيل النيابه اللى بحقق فى محاوله مقتل عمران وخطفك
الهام.. يعنى بابا عايش
وكيل النيابه.. الحمد لله بس الحاله غير مستقره
الهام.. المهم انه بيتنفس الحمد لله
وكيل النيابه.. اتفضلوا معايا
الهام.. انا هروح قسم شرطه
وكيل النيابه.. انتم الاتنين هتيجوا معايا على ڤيلا عمران
= وفعلاً خدهم ومامت أمينه منهاره وبتهلوس وركبوا العربيه معاه والهام رجعت الڤيلا واول لما دخلوا
فى الڤيلا..
ساره.. الهام يا حبيبتى حمد الله على السلامة
أدهم.. حبيبتى حمدالله على سلامتك
احمد.. اختى حبيبتى
الهام مصدومه ومش بتتكلم
وكيل النيابه.. لو سمحت يا استاذ احمد ياريت تتصل بمامتك لأنى عاوز الكل يتجمع هنا علشان خيوط القضيه تكمل واقدر أحقق وكل واحد فيكم هياخد حقه بالعدل والقانون
أدهم قال فى سره هو بيعمل كده ليه المفروض يحقق معانا فى النيابه
أدهم.. مش المفروض يا باشا التحقيق يتم فى النيابه
احمد.. انت عاوز تمرمطنا
وكيل النيابه.. بحكم صداقتى مع محامى العيله طلب منى بدون شوشره وبعدين القضيه شكلها مش، موضوع خطف الهام ومحاوله قتل عمران لأ ده فى كمان قتل أمينه بس ليه تتقتل هنا؟! انا عاوز إجابات لأسئله كتيره والاجوبه معاكم انتم
فى المستشفى..
الام.. ياريت تتطمنى يا دكتور على عمران
الدكتور.. بعد 24 ساعه لحد ما الحاله تستقر وهطمن حضرتك
.. تليفون الام بيرن ولما رددت كان احمد وعرفت ان الهام رجعت وطلب منها تروح الڤيلا وفعلا سابت ابنها محمد مع عمران وراحت الڤيلا وهى مخضوضه ولما دخلت
فى الڤيلا..
.. بنتى حبيبتى حمد الله على سلامتك
.. كنت هموت يا ماما 😭
.. انتى كنتى فين يا بنتى
الهام بصت لمامت أمينه وقالت هى يا ماما إللى خطفتنى والراجل اللى معاها ضرب بابا بالنار وهو كان ماسك فيه بس بابا علشان كبير مقدرش عليه وضربه بالنار
الام جريت عليها وقالت ليه عملتى فى بنتى كده حرام عليكى دى كانت بتعتبرك امها التانيه وعيب على العشره اللى بينا
مامت أمينه.. علشان اخد حقى منكم يا اندال
الام.. يا ست واحنا عملنا ليكى ايه
مامت أمينه.. اسألى عمران بيه اللى ضحك عليه وجوزى سابنى بسببه وطلقنى وسافر ومرضيش يفضحنى لما لما؟
وكيل النيابه.. لما ايه ؟ كملى
مامت أمينه.. لما عرف ان أمينه مش بنته وعذبنى عذاب الدنيا لحد ما اعترفت ان عمران ضحك عليه بأسم الحب وانه الراجل اللى هيحمينى من غدر الدنيا ومن قسوته ليه وان أمينه بنت عمران
الكل مذهووووووول..
الهام.. معقول أمينه تبقى اختى
=وقربت منها وقالت ايوه اختك من دمك بس كان لازم ضحيه وانتى قلب عمران من جوه وروحه علشان كده خدتك خيط علشان انتقم منكم بس ربنا انتقم منى انا وامينه ماتت ماتت 😭 😭
أدهم.. معقول أمينه بنت عمى عمران
الام.. 💔💔💔
وكيل النيابه.. عاوز افهم الحكايه من اولها
مامت أمينه.. انا هقولك على كل حاجه
وكلهم فى ذهوووووول
= وقالت عمران ضحك عليه لأن جوزى كان ببسافر كتير وانا كنت مطلقه ومعايا ولد ولما اتجوزت مخلفتش ومسألتش لان ابنى كان عندى بالدنيا كلها وجوزى كان مش مهتم غير بشغله وبس وكان ابنى الله يرحمه ابنه هو كمان عمرى ما حسيت انه مش ابنه ف مكانش بيسأل فى الخلفه ومن سنين وسنين كنا لسه شباب وكنا بنعمل حفلات وعمران كان صاحب جوزى من الأساس وكان لسه فى مجال الاستيراد جديد وكانوا بيشتغلوا مع بعض ولما جوزى كان بيسافر كان عمران بيجى وعارف انه مش موجود وكان زى الدحلاب شيطان بمعنى الكلمه غاوانى وضحك عليه وحبيت معاه كل حاجه لدرجه كرهت معاشره جوزى ليه وعرفت انى حامل وفرحت وقولت لعمران بس رفض وقالى نزليه وانا حاولت انزله بس ارداه ربنا انها تيجى الدنيا واتعذب بفراقها 😭
وكيل النيابه.. كملى وبعدين
مامت أمينه.. بلغت جوزى انى حامل وفرح وبرضه كان بيسافر وعمران مسألش حتى عنى ولما ولدت جبت أمينه
و عمران كان فرحان بإلهام اوى كانت أول بناته كان فى وقتها الهام عندها حوالى 5 سنين وكان عنده ولدين اكبر من الهام بس كان بيحب الهام اوى
وكيل النيابه.. يعنى الهام اكبر من أمينه ب 5 سنين مثلا
مامت أمينه.. ايوه انا اول لما شوفته مع جوزى كنت اعرف ان عنده ولدين وبنت
وكيل النيابه.. ودور مدام عمران ايه كانت تعرف حضرتك
مامت أمينه.. ايوه كانت تعرفنى من الحفلات بس مكانتش تعرف بعلاقتنا انا وهو
وكيل النيابه.. ياريت تكملى
مامت أمينه.. وخلفت أمينه وعمران كان عارف انها بنته بس ضحك عليه وقالى لو حد عرف بيته هيتخرب وهتحصل مشاكل كبيره وخصوصا ان كل فلوسه بأسم مراته واكيد مدام عمران عارفه بكلامى ده وقالى انه انه انه؟!
وكيل النيابه.. انه ايه ؟؟؟
مامت أمينه.. كان فى يوم سكران كالعاده قبل ما يبطل وكنت لسه معاه ولسه مكنتش حامل منه قالى انه كان لسه معاه ولدين والهام كانت لسه مولوده وكان فقير ومش لاقين ياكلوا وابن عمه عرض عليه شغل وكان هو بالاداره بس طمع فى فلوسه وموته وخدها لى هو ومراته اللى عامله فيها شريفه وكتب كل حاجه بأسمها وجايه تقولى العشره
الام.. كذابه كذابه
وقربت منها وقالت انا مش كذابه انتى وجوزك قتلتوا ابن عمه وخدتوا ولاده علشان ميخرجوش عن طوع عمران ويستحوذ عليهم ويعرف عنهم كل حاجه والأصل بقى ان كل الفلوس دى بتاعتهم وضحكت بسخريه ويشتغلوا خادمين عندكم منكم منكم لله
ا لام.. انتى بتخرفى هو قتل إنما أنا لأ انا عرفت بالصدفه انه قتل ابن عمه
جلال دخل وقال ايوه عمران قتل ابويا انا سمعته وهو بيقولك يا مرات عمى
الهام.. بابا قاتل؟!
أدهم.. وانا مكنتش مصدق 💔
وكيل النيابه.. لو سمحت مش عاوز كلام ياريت تكملى
مامت أمينه.. كان دحلاب وشيطان ويستاهل القتل ولو مامتش هقتله تانى
وكملت كلامها وقالت..
لحد ما جه اليوم اللى شغل جوزى كبر اوى وحب نخاوى الاولاد وكان نفسه فى ولد يشيل اسمه وهنا كانت الكارثه كنت انا قطعت علاقتى بعمران وخلاص مبقاش يكلم جوزى غير فى مكتبه وانا حرمت على جوزى الحفلات فى البيت وفعلا عمران قطع علاقته بيه وفى الفتره محصلش حمل خالص بعد أمينه وروحت للدكتور علشان اعرف السبب بس انا عارفه انى سليمه ومكنش عندى شك فى جوزى خالص والدكتور طلب منى ان جوزى يجى يكشف ويعمل شويه تحاليل وفعلا كشف وعمل التحاليل وكانت عنده نسبه الحيوانات المنويه زيرو ومستحيل يحصل حمل هو اتصدم وعرف ان أمينه مش بنته وانا اعترفت انها بنت عمران وقالى عيشى لأولادك وانا همشى
وبعدها قطع علاقته ب عمران خالص
وكيل النيابه.. وازاى عرف وسكت ده نسب
مامت أمينه.. مصدر فلوسى كانت ميراثى من بابا وعلشان يسيب أمينه بأسمه لأن عمران انا حاولت معاه كتير ورفض وطبعا علشان أمينه متحسش بنقص انا اديته كل ثروتى من بابا وسابنا وسافر ومرجعش وطلقنى بس محدش يعرف انى مطلقه كنت فى حالى وعايشه على حس ان جوزى مسافر علشان خاطر بنتى وسمعتها وهو سابنا خالص وساب الڤيلا دى لينا نعيش فيها بس عندى ارض وعايشه من إيجارها وعمرى ما مستوايا نزل وكنت انا وبنتى بعد موت ابنى فى حادثه عايشين كويس اوى ولما لقيت حياه عمران مستقره وامينه بتكبر ابتديت ارجع الود تانى ما بينا بس عن طريق مرات عمران بقيت اتقرب ليها اكتر بس عمران فى يوم كلمنى وقالى ابعدى عننا انا مش هعترف بأمينه حلفت انى لوحدى وعاوزه عيله لبنتى وناس تقف جمبنا لو احتجنا حاجه بس مرحمنيش بكلامه بس هددته انى هقول انه قتل ابن عمه وسكت وسابنى اتقرب منهم وانا ابتديت اققرب منهم ومكنتش ببين اى حاجه والهام ابتدت تيجى عندنا وهى وامينه بقوا أصحاب واكتر من الأخوات كمان وميعرفوش انهم من دم واحد والبنات بقوا عرايس بس لما كنت بشوف الهام واخده حقها ويمكن اكتر من أخواتها البنات الأصغر منها كنت بعرف انه بيميزها كانت دلعوته وقررت انتقم منهم عن طريق الهام
وكيل النيابه… خطفتى الهام هو ده الانتقام؟
مامت أمينه.. لأ انا انتقمت منهم لما تعرف ان؟؟
=وهنا كانت المفاجأه والكارثه
وكيل النيابه.. اعرف ايه؟ قولى
وقربت من الهام وقالت إن الدكتوره ناهد دكتوره العيله بتاعتهم اعز اصحابى وعارفه كل اللى جرا ليه من عمران واتفقت معاها على أنها تقول لألهام انها مش عذراء وكمان بيحصل معاها علاقه جنسيه وهى نايمه وكان قصدى انى اجننها بس بنتى راحت فيها
الهام.. ايه معقول انتى يا طنط يعنى انا كويسه ومحصلش حاجه من اللى الدكتوره قالته ليه!
مامت أمينه.. ومكنتش اعرف ان الهام هتحكى السر ده لأمينه 😭
الهام قربت منها وقالت بس انا كنت بحس بحاجات وجسمى متكسر وألم وكمان كان فى فى فى شاب انا شوفته جسمه ضعيف كان رفيع اوى نازل من الشباك رددت بكل قسوه وهى منهاره مكانش نازل من الشباك هو كان بيدخل عليكى الاوضه يفتح الشباك وينزل ومن غباءه انتى حسيتى بيه ولما بصيتى من الشباك كان خارج الجنينه وهو اللى كان بيكلمك فى التليفون وكان معاه برنامج بيغير الأصوات علشان متعرفهوش وهو اللى قالك شوفى اخر مكالمه فى تليفون بنتى اللى معاكى وانتى صدقتى وكان بيكلمك وبيبعت رسايل علشان تصدقى ان فى حد بجد وتتجننى بس المفاجأة ان بنتى ماتت ومكنتش متوقعه😭
أدهم.. علشان كده كنتى مانعه انى اققرب منك
الهام.. 😭😭😭😭😭😭😭😭😭😭 حرام عليكى خلتينى شكيت فى اققرب ما ليه حسبى الله وكفى
وكيل النيابه.. أمينه ماتت ازاى؟ ومين الشاب اللى اتفقتى معاه على المسكينه دى؟!
= وقعدت على الأرض وقالت بصوت ضعيف ومخنوق الشاب هو هو
وكيل النيابه.. مين ؟
مامت أمينه.. حسين مساعد الطباخ انا اللى جبته يشتغل هنا واتفقت معاه على الخطه دى واديته فلوس كتير بس هو معملش حاجه غير كان بيحسسها ان لمسها مره قلعها هدومها لكن معملش حاجه
وكيل النيابه.. وهو فين مش يمكن هو اللى قتل بنتك؟
الهام.. ايوه هو حسين يا نهار اسود ازاى معرفتوش ده انا كنت بعطف عليه وعمرى ما حسسته انه شغال عندنا
احمد.. حسين مش موجود من امبارح
وكيل النيابه.. يبقى هرب لما حس ان نهايته قربت بس مين قتل أمينه؟
مامت أمينه.. انا عارفه مين بس مش مصدقه ان اب يموت بنته عمران عمران هو اللى زق أمينه ونزل قعد معاهم تحت بعد ما رماها من البلكونه هى كانت ملاك متعرفش حاجه واخر مكالمه كانت كدبه من حسين علشان نتوهه الهام وتتجنن وقامت وقالت حسين قالى ان عمران زق أمينه بس انا كتمت فى قلبى وسكت لأنى كنت هموتها زى ما مموتوا بنتى وجريت على الهام وابتدت تخنقها
الهام.. ايه ده اوعى ايدك يا مجنونه
الام.. سيبى بنتى
أدهم شال الهام من ايدها بعد ما وقعت على الأرض
وكيل النيابه.. والتهديدات كانت من مين؟
ساره.. انا بصراحه كدبت علشان حضرتك تتحرك وتعرف ان الهام اتخطفت وقولت ان حد كلمنى وعاوز فلوس لان كنت حاسه ان اختى راحت 🥴
وكيل النيابه.. اتفضلوا كلكم معايا علشان اخد اقوالكم وتتكتب فى محضر رسمى
مامت أمينه.. ههههههههه هههههههه هههههههه أمينه اهى وعاوزانى 😭😭😂انا هجيلك يا بنتى وجريت بره الڤيلا زى المجنونه والكل خرج وراها ورمت نفسها تحت عربيه ووكيل النيابه قرب منها وكانت فارقت الحياه
=تليفون الام رن وكان محمد ابنها الكبير وقال إن عمران مات وكانت على صرخه واحده والبنات والهام على صرخات الام انهاروا
وكيل النيابه.. البقاء لله
= والاسعاف وصلت وخدت جثمان مامت امينه والعيله كلها راحت المستشفى علشان يتم دفن عمران وبعد يوم من الهلاك والحزن خرجت خشبه عمران قصاد خشبه مامت أمينه وودعوا الحياه وكان عدل الله هو الحاكم ما بينهم وادفنوا وفارقوا الحياه ليتم التلاقى بينهم أمام الله عز وجل.
= وبعد اسبوع من وفاه عمران وكان أدهم بيتابع مع المحامى قضيه مقتل عمران وامينه وعرف انها اتقفلت بموت الجناه وتم القبض على حسين الطباخ والدكتوره والشاب اللى ضرب عمران بالنار وتم التحقيق معاهم والعدل ياخد مجراه.. وبعد التحقيق معاهم كانت النتيجه ان الدكتوره خرجت بكفاله واتوقفت عن عملها وحسين فى نظر القانون كان متحرش بالهام وخد سنه حبس وغرامه ماديه اما قاتل عمران اتسجن واتحكم عليه ب 10سنوات
= وفى صباح يوم جديد وبعد وفاه عمران بأربعين يوم
الام دخلت على أدهم اوضته فى الجنينه ومعاها الهام وقالت
.. انت جوز بنتى انا عارفه اننا غلطنا فى حقكم بس صدقنى انا كنت قليله الحيله يا ابنى
الهام قربت منه وقالت
.. عارف انا عمرى ما فكرت فيك بس صدقنى المحنه والشده بتبين معدن الناس وانت أصيل وقفت جمبى واستحملت لما بعدت عنك ومخدتش حقك منى كزوجه ووقفت جمبى واتجوزتنى وسترت عليه لما كنت فاكره انى هتفضح
الام.. انا عاوزه وليد وجلال
= والام خرجت وراحت لحد اوضته وليد وجلال وقالت لهم انها عاوزاهم وراحوا وراها اوضه أدهم وكان معاها شنطه وطلعت شيك بالمبلغ اللى عمران سرقه واتقاسموا فوايد عشرين سنه واصبحت الشركه ملك ليهم هما وأولادها النص بالنص ومينسوش ان فى العشرين سنه عمران اللى شغلها وخدت حقها وادتهم حقهم
أدهم.. بس عمران قتل ابويا
الهام.. عمران عند ربه خلاص ولا انت عاوز تاخد حقك مننا
جلال.. فعلا عمى عمران عند ربه بس النار جوانا يا الهام
الهام.. بجد احنا ملناش ذنب
الام.. خلاص يا ابنى احنا هنمشى من الڤيلا خالص وخدوا كل حاجه وياريت تسامحونا وخدت الهام وخرجت من الاوضه
وليد.. يلا مع الف سلامه المهم ان فلوسنا رجعت لنا
جلال.. بس؟
أدهم.. بس ايه؟
جلال.. لو بتحب الهام تفرق يا أدهم
أدهم خرج بره الاوضه وقعد فى الجنينه والهام فى اوضتها بتعيط على اللى بيحصل لهم
محمد.. انتى اتجننتى ازاى تديهم حقنا يا أمى دى فلوسنا
الام.. اتجننت وضربته بالقلم
احمد.. ماما عندها حق احنا دلوقتى رجاله وان شاء هنشتغل وهنشيل المسؤليه وبعدين انت عاوز ابوك يتعذب مش كفايه انه قاتل بنته اللى منعرفش انها اختنا
محمد.. نشتغل ايه شحاتين
الام.. خلاص انا قولت كلمه ومفيش غيرها من بكره كلنا هنمشى من هنا وياريت تجهزوا شنط هدومكم بس
= وأدهم قاعد فى الجنيه لحد الساعه 12 بالليل وبيفكر فى حالهم اللى اتبدل
فى الڤيلا..
الهام قاعده كالعاده على السرير بعد ما حضرت شنطه هدومها وبتفتكر امينه وكل ذكرى ليها معاها وقالت انا عمرى ما حسيت انك صاحبتى كنت بقول انك اختى وعشره عمرى ربنا يرحمك عروسه فى الجنه ومسكت المصحف وفضلت تقرأ آيات من القرأن لروح أمينه وحطت المصحف جمبها وافتكرت حب أدهم ليها وانها خسرته ونامت وبعد اذان الفجر قلقت وقالت ايه ده انا حاسه ان حد بيلمس جسمى بس بصت لنفسها بس كانت لابسه زى ما هى وقعدت على السرير وبصت ولقت أدهم جمبها وقال
.. انا يا الهام وحشتينى ❤️
.. خضتنى بجد 😍
.. انا اللى لمستك انتى مراتى وحلالى ❤️
.. انا كنت فى كابوس
.. من النهارده وانا جمبك مش هتشوفى كوابيس تانى
.. عارف انا افتكرت أمينه وشوفت نفس الحلم وهى بتقولى اللى زقنى من البلكونه هو اللى عمل فيكى كده وافتكرت بابا
.. دى هواجس مش كل الأحلام بتتحقق
.. فعلا هواجس وانت حلم ولا حقيقه
..انا الحقيقه اللى فى حياتك
.. انت حبيبى اللى كنت عمرى ما هحبه😂♥️
.. انا طول عمرى بشوفك عشق محرم
.. ليه مش بنى ادمه
.. لأ انا فقير وانتى غنيه
.. انت حبيبى 👩‍❤️‍💋‍👨 المحنه دى فعلا عرفت فيها انى بحبك بجد ❤️
.. أخيراً العشق المحرم بقى ملكى 😍
.. انا عشقك بس مش محرم ❤️ انت جوزى وحبيبى
.. كان محرم كنت محرمك على نفسى علشان فقير كنت بقول لنفسى الهام العشق المحرم كنت بعشقك بجد ❤️ بس مكانش عندى اى امل انك تكونى جمبى
.. انا فى حضنك اهو 👩‍❤️‍💋‍👨
.. ربنا ما يحرمنى منك يا حلالى ♥️
=وكان اول لقاء بيجمع الهام وأدهم واول لحظه منهم بصدق وحب من الطرفين
= وفى صباح اليوم التالى
الام دخلت على الهام وشافت أدهم نايم فى حضنها وخرجت من الاوضه وهى مبسوطه بعوده المياه لمجاريها وحضرت أجمل فطار ليهم والعيله كلها اتجمعت على السفره بحب وود وليد قال انا عاوز اعتذرلك يا الهام
الهام.. ليه يا وليد
والكل مذهول
وليد.. انا اللى وزعت صورك على الفيس بس والله الغيظ والشيطان ركب دماغى
الام.. انت غلط بس الغلطه دى هى اللى جمعتهم مع بعض
الهام.. انا عارفه انك طايش ربنا يهديك
أدهم.. سامحيه يا حبيبتى
الهام.. انا مسمحاه من قلبى علشان كان سبب جوزانا
الام.. بس اوعى تعمل كده فى حد تانى 😂🤔
وليد.. توبه والله توبه يا مرات عمى
= وابتدوا يشتغلوا كلهم فى الشركه فى جو حب ومحبه بينهم وكانت الهام حامل وبعد 9 شهور رزقت بأول طفله وسميتها أمينه 😍
وكل العيله اتجمعت فى زواج ساره وابن خالتها ❤️
وكان موووت عمران حاسم لانهاء الخلاف بين الاخوه وولاد عمهم ورجوع الحق لأصحابه وعاشوا فى سعاده وحب مع مشاكل الحياه العاديه وتمت القصه 😍
.. إِنَّ الَّذِينَ يَأْكُلُونَ أَمْوَالَ الْيَتَامَىٰ ظُلْمًا إِنَّمَا يَأْكُلُونَ فِي بُطُونِهِمْ نَارًا ۖ وَسَيَصْلَوْنَ سَعِيرًا👌
😭😭😭😭😭😭😭😭😭😭
.. وَأَنفِقُوا فِي سَبِيلِ اللَّهِ وَلَا تُلْقُوا بِأَيْدِيكُمْ إِلَى التَّهْلُكَةِ ۛ وَأَحْسِنُوا ۛ إِنَّ اللَّهَ يُحِبُّ الْمُحْسِنين👌
صدق الله العظيم 💚
. ممكن متكونش شايف حبك بس هو جمبك😍
قد ايه المواقف بتبين المعدن👌 اوعى تقول ده عشره عمر وده عشره يومين هيكون الفاصل ما بينهم موقف وساعتها هتحكم بنفسك مين معدنه أصيل ومين تمثيل 🎭
مفيش حاجه اسمها غنى وفقير لأن ربك هو ولى التدبير وقادر يغير حالك لأحسن من غيرك بكتييير
المهم خليك صافى النيه لأنها هى البقيه وعلى نيتكم ترزقون 👌
من حفر حفره لأخيه وقع فيه ارجوكم محدش بياخد حقه بدراعه ادعوا وفوضوا امركم لله فهو حسبكم ووكيلكم.
ربنا يسعدكم ويصلح حالكم ويبعد عنكم كل شر 🙏
#
#
#
علقوا ب 20 ملصق علشان يوصلكم اشعار كل قصه جديده وياريت الكل يعلق علشان البوست يوصل لكل أعضاء الصفحه 👍🏼
القصة كاملة علي موقع رييل ستوري
https://reel-story.com/3eshq-moharam/
وعاوزه اعرف رأيكم بكومنت ❤️

 5,579 اجمالى المشاهدات,  2 اليوم

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.6 / 5. عدد الأصوات: 40

لا أصوات حتى الآن! كن أول من يقيم هذا المنشور.

As you found this post useful...

Follow us on social media!

Article Categories:
قصص حب
http://www.reel-story.com/

عن الموقع ورسالتنا القصة والرواية هي فن من الفنون الإنسانية الرائعة التي تروي القصص الخيالية والواقعية من أجل العبرة والعظة والتعلّم منها دائماً، فهيا بنا سوياً لهذه الرحلة الرائعة في بحر الأدب العربى والتعرف أكثر على الروايات الشهيرة التي اخترناها. سواء كنا نحب أن نقرأها أو نسمعها ..أو نشاهدها، فنحن نحب القصص. منذ فجر التاريخ عندما كان البشر يتجمعون حول النيران، إلى عصر النتفلكس، نحن نحب القصص.. قد يبدو الأمر مجرد تسلية وتزجية للوقت، لكن أي شيء منتشر إنسانيا لهذه الدرجة، وعبر التاريخ، لا بد أن يرتبط بشيء أكثر جوهرية من مجرد التسلية

Comments to رواية عشق محرم الجزء الرابع عشر والخامس عشر والاخيره بقلم كوكى سامح

  • ياريت تشكرونا على المجهود فى نقل وكتابه الروايه لحضراتكم

    Reel-Story Note

اترك تعليقاً

لن يتم نشر عنوان بريدك الإلكتروني.

The maximum upload file size: 512 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

Reel-Story © 2022 | Established in 2019 Privacy Policy I Terms & Conditions I Advertise I Contact