Connect with us

قصص الإثارة

رواية عريس جميلة

Published

on

3.5
(12)

وقت القراءة المقدر: 15 دقيقة (دقائق)

رواية عريس جميلة .. كاملة

واية عريس جميلة .. كاملة .. جميلة البنت الجمية اليتيمة المدللة فجأة جالها عريس من الكويت .. هل تعرف عنه أو عن ماضي شيء .. رواية مثيرة جدا .. تابع التفاصيل

الفصل الاول

بابا وماما كان نفسهم يجيبوا بنت كان عندهم تلات ولاد وخلاص نسيوا الموضوع وفجأه ماما عرفت انها حامل وكان عندها ٤٥ سنه الدكتور خوفها ان ممكن اطلع مشوهه او عندي اي اعاقه علشان سنها الكبير لكن سبحان الله اول ما اتولدت كل الناس اندهشت من جمالي وعلشان كده سموني جميله…

كنت مدلعه وكل اللي انا عوزاه بيجيلي كنت ديما بسمع بابا بيقول لماما انا خايف على جميله نفسي اطمن عليها اولاد الشيبه يتامى… مكنتش بفهم الكلمه غير لما وصلت أولى اعدادي وانا راجعه من المدرسه سمعت صوت قرآن طالع من عندنا ودخلت البيت لقيت ناس كتير لبسين اسود وعرفت ان بابا مات… مات وسبني…. اول لما عرفت ان بابا مات خفت من ماما وافتكرت ازاي كنت بتحامي في بابا وازاي كان بيعملي كل حاجه حتى لو ماما كانت رافضه بابا كان بالنسبالي كل حاجه بابا كان باختصار الامان

بس الغريب ان كل خوفي وتوقعاتي كانت بسذاجه طفله لقيت العكس ماما واخواتي كانوا بيعملوا كل حاجه علشان يراضوني مبقتش انام غير في حضن ماما

Advertisement

لما وصلت تالته ثانوي لقيت ماما داخله عليا بتقولي كلام غريب…

_جميله يا بنتي انتي ماشاء الله كبرتي وبقيتي عروسه وانا كمان كبرت واللي جاي من العمر مش قد اللي عدي اخواتك كلهم اتجوز ا

_ ايه يا مامتي عاوزه تقولي ايه اوعي تكوني جيبالي عريس هههه

_ ايوه يا جميله طنط ام احمد جارتنا بتقول ابن عم احمد ابنها مهندس قد الدنيا وبيشتغل في الكويت وهي حكتله عن جمالك وادبك

_ ماما انتي بتهزري صح… انا لسه يا ماما بدرس

Advertisement

ماما مردتش عليا بس قعدت تبكي وكأنها بتقولي انا قربت اموت وعاوزه اطمن عليكي

وعرفت ان العريس جاي بعد اسبوع

كنت مكتئبه جدااا لحد ما جه المعاد وكانت المفاجأه……

جميله….. ولكن

تابع قراءة الرواية

رواية عريس جميلة .. كاملة

الفصل الثانى

اول لما دخلت الصالون كنت باصه في الأرض ومكشره وبدعي في سري اني معجبهوش
لقيت جارتنا ام احمد بتقول:
_ بسم الله ماشاء الله، تعالي يا جميله اقعدي جمبي شايف يا ياسر عروستك حلوه ازاي
_ مامت العريس قالت: تبار ك الله جميله وهي فعلا جميله
انا بقى كان عندي فضول اعرف هو ليه العريس ساكت وياتري شكله ايه لقيت نفسي ببص بطرف عيني لقيته بيبص عليا نزلت عيني بسرعه
وكانوا بيتكلموا وانا مش سمعاهم اصلا
وفجأه سبونا لوحدنا ودخلوا التلاته جوه علشان نقعد لوحدنا شويه
واخيرا اتكلم وسمعت صوته
_ انتي مكسوفه ليه اوووي كده
بصتله وانا بقول لا مافيش حاجه وأول لما عيني جت في عينه حسيت بحاجه غريبه حسيت اني اعرفه من زمان ابتسامته كانت ساحره لقيت قلبي بيدق ووشي احمر
واتلجلجت في الكلام مش عارفه ايه اللي حصل معقول احب حد من اول نظره معقول بعد ما كنت من دقايق بدعي اني معجبهوش بقيت بقول يا سلام لو يحبي او يشفني حلوه زي ماهما بيقولوا
Advertisement

قعد يسألني اسئله ويفتح معايا كلام وانا مكنتش برد غير بهز راسي او كلمات صغيره اه…. لا…. مش اوي
بعد شويه مامته وجارتنا وماما جم وقالوا ايه الاخبار
رد ياسر وقال
_ الظاهر ان دمي تقيل على جميله
_ماما :ليه بتقول كده يا بني بس هي جميله بتتكسف زياده
انا مكنتش عارفه اعمل ايه لقيت نفسي بقوم وبدخل جوه من غير اي كلام
بعد لما مشيوا لقيت ماما داخله عليا وبتحضني وبتقولي
_شفتي العريس حلو ازاي وكمان ماشاء الله مستواه المادي حلو جدااا
هو ده اللي انا حطمن عليكي معاه يا بنتي
_ بس يا ماما انا كان نفسي ادخل الجامعه واكمل دراستي
_ قالتلي والله انتي وشطارتك بقى حاولي تقنعيه يوافق تكملي تعليمك بعد الجواز ما عندك اخوكي محسن اهو خلي مراته تكمل تعلمها بعد الجواز عادي
ها قلتي ايه يا جميله يا بنتي الناس عاوزين رد
_ قلتلها طيب ياماما سبيني افكر
الصراحه انا ياسر كان عاجبني واستغربت ان صورته ما فرقتش خيالي بس انا كان نفسي احب واتحب كان نفسي اروح الكليه واتعرف على شاب واعيش قصه حب رومانسيه
بعدها بيومين لقيت ماما بتقولي
_ مامت العريس اتصلت وبتقولي انه عاوز يخرج معاكي بره علشان تتعرفوا على بعض اكتر
_ قلتلها لوحدنا
_ ما انا مقدرش اقول لحد من اخواتك حيرفضوا وحيفشكلوا الجوازه
ايه رايك اجي معاكي انا وطنط ام احمد ونقعد في اي مكان عام
_ مش عارفه يا ماما اللي تشوفيه
وفعلا ماما ومامته حددوا معاد كان في كافيتريا على النيل وماما ماجتش معايا كانت تعبانه و جارتنا ومامته هما اللي جم معانا ولما وصلنا قعدوا هما على ترابيزه وانا وياسر على ترابيزه تانيه
_ انتي عارفه انك اجمل بنت انا شفتها في حياتي
_ شكرااا ربنا يكرمك
ياسر وهو بيبتسم ابتسامته الساحره : برده مكسوفه…. عارفه يا جميله انا اللي شدني ليكي مش جمالك لا كسوفك ده ونظراتك البريئه دي
_ قعد يحكيلي حجات كتير من اول لما اتولد لحد لما قرر انه يتجوز ونزل اجازه علشان يشوفني بعد ما طنط ام احمد حكتله عني
قالي انا فاضلي شهر على اجازتي ومش عاوز ردك الا في نهايه الشهر تكوني عرفتيني اكتر بس ممكن تاخدي رقمي ونتكلم في التليفون لو مكنش ده يضايقك
وفعلا نفس اليوم بليل لقيته بيتصل وفضلنا نتكلم وانا سعيده ومبسوطه اول مره احب حد اول مره حد يكلمني في التليفون اول مره حد يحسسني اني أنثى مش لسه طفله خايفين عليها
فضلنا نتكلم وكل يوم اتعلق بيه اكتر وكل يوم عاوزه اقوله اني موافقه ومش حستني الشهر بس مش عارفه اقولها ازاي
وهو صامد مش بيسالني خالص وكانه قاصد يعلقني اكتر بيه
وقبل ما الشهر يخلص بيومين لقيت ماما داخله عليا وبتقولي……
.. تابع قراءة الرواية

تابع قراءة الرواية ..

رواية عريس جميلة .. كاملة

الفصل الثالث

_جميله يا بنتي ياسر ومامته جاين بكره يقدموا الشبكه ونعمل خطوبه على الضيق كده
_ خطوبه ايه يا ماما اللي بكره ازاي يعني
_ يا بنتي ياسر خلاص إجازته خلصت ومفروض يسافر اخر الاسبوع وبعدين ما انتي وهو كل يوم تتكلموا وبقيتوا زي السمنه على العسل عاوزه ايه تاني بقى
_ طب هو ياسر عارف الكلام ده
_ الله طبعا يا بنتي امال حنعمل الخطوبه من وراه
_ طيب يا ماما مش حنلحق بكره ازاي بس
_ يا بنتي سبيها على الله انا حروح اتصل باخواتك واقولهم
_ اخواتي… صحيح يا ماما دول استحاله يوافقوا وحيزعلوا ازي ماشفهوش ولا قعدوا معاه قبل كده
_ ملكيش دعوه انا كنت قيلالهم ان في عريس متقدملك وحكيالهم وبكره حتبقي قعده تعارف وقرايه فاتحه بالنسبه لهم
علشان ظروف سفر العريس
سبت ماما وانا مش مستوعبه هو بكره بكره انا وياسر حنتخطب طيب ليه هو مقليش جريت على تليفوني لقيت رساله منه اول مره يبعتلي رساله الرساله كانت كلمه واحده
بحبك
مش عا رفه ليه دموعي نزلت….. حسيت احساس غريب اول مره راجل غير بابا حبيبي يقولي بحبك اول مره احس اني فرحانه وحاسه بالأمان مع راجل تاني غير بابا
قلبي فضل يدق لحد ما لقيت تليفوني بيرن… هو ياسر
قالي ايه رايك في المفاجأه دي
_ انت ازاي تحدد الخطوبه من غير ما تاخد رايي
_ طب ما انا عارف رايك
_ ياسلام طب ايه هو
_ قريتي الرساله
_متغيرش الموضوع يا ياسر
_ بقولك قريتي الرساله
_ اه
بحبك……….
وفضلت الكلمه دي اخر كلمه يقولها لي في نهايه كل مكالمه وكل رساله يبعتهالي
كنت بروح المدرسه وبرجع وانا مش بفكر غير فيه كل لما ابص على أيدي واشوف دبلته احمد ربنا انه حققلي حلمي وعشت قصه حب بالرغم من انه في الأصل جواز صالونات ايوه انا بحب ياسر بحبه اكتر من اي حاجه تانيه في الوجود

عدت السنه ونجحت وجبت مجموع يدخلني كليه كويسه لكن ياسر اقنعني اني ادخل كليه الاداب وانتساب علشان لما نتجوز واسافر معاه اعرف اكمل دراستي… وقد كان
نزل ياسر من السفر وكان أجمل يوم في حياتي لما فاجأني ولقيت الباب بيخبط وهو واقف قدام الباب معاه وورد
وبلالين كتير
ولقيته متصل بأخواتي وجايبهم علشان يحددوا ميعاد الفرح

فرحنا كان يوم مش عادي ياسر عملي كل اللي نفسي فيه واكتر عملي الفرح على يخت في النيل كنت شبه الاميرات وهو حبيبي كان أجمل أمير

صحباتي كلهم كانوا بيحسدوني عليه وعلى وسامته وشياكته
بعد الفرح سافرنا على شرم الشيخ وقضينا أجمل اسبوع في حياتي كان احلى من العسل
من كتر السعاده كنت خايفه على ياسر كان عندي احساس انه حيحصله حاجه
كنت بخاف عليه من كل حاجه مش عوزاه يسبني ثانيه واحده
وبعد لما رجعنا من شرم قعدنا مع مامته علشان مكنش عندنا شقه في مصر احنا كده كده مسافرين كمان اسبوع
مامت ياسر كانت ست طيبه وكانت بتعاملي كويس وماما حبيبتي كانت بتتصل بيا كل يوم

Advertisement

عدي الاسبوع وسافرنا الكويت ومكنش هاممني حاجه ولا اني اول مره اطلع بره مصر ولا اني حسيب ماما لوحدها كل اللي كنت بفكر فيه اني حبقي مع ياسر علطول……
سافرنا وكل يوم كنت بحبه اكتر وفكره انه حيموت بتسيطر عليا اكتر عدي شهرين وبعدها حصل اللي كنت خايفه منه…….

.. تابع قراءة الرواية

رواية عريس جميلة .. كاملة

الفصل الرابع

ياسر مات……
ياسر اللي حبيته وتعلقت بيه مات واحده واحده مات……
بقى انسان تاني مش هو اللي عرفته وحبيته بقى يغيب بره البيت بعد الشغل بالساعات وناسي اني لوحدي في بلد غريبه معرفش فيها حد
بقى يرجع من الشغل ميتكلمش معايا ويفضل ماسك تليفونه بالساعات في الاول كنت بحسبه بيشتغل لكن عرفت بعد كده انه بيعرف بنات ويقولهم انه مش متجوز
ياسر طلع ندل لما واجهته زعق وضربني وقالي انا كده وانا حر هو انا مقصر معاكي في حاجه
مكنتش عارفه اعمل ايه اقول لماما، طب حتعملي ايه دي ممكن تموت من خوفها عليا
قررت اتصل باخويا الكبير بس لقيته بيقولي شوفي انتي مقصره معاه في ايه خلاه يبص بره
صدمتي في اخويا كانت أكبر من صدمتي في ياسر
اعمل ايه وانا لوحدي في بلد غريبه اعمل ايه وانا مليش ظهر ولا حد ياخد حقي اسكت وارضي بالاهانه والزل ولا اعمل ايه
انا كرهت ياسر وكرهت نفسي لحد ما فكرت اني انتحر او اقتله

حياتي معاه تحولت من ايام كلها حب لأيام كلها ضرب وزعيق
وجالي حاله عصبيه بقي كل لما يجي جمبي اعيط واصوت
اول مره افتكر اني بمثل بس لما الموضوع اتكرر وجابلي دكتور عرف ان عندي ازمه عصبيه
ومع انه السبب في اللي حصلي الا انه مستحملنيش وحالتي النفسيه سائت جدااا وهو قرر انه ينزلني مصر….
ماما اتفاجأت بيا بخبط عليها بعد ٦ شهور بس من جوازي جايه بشنطتي ولوحدي…….
ماما تعبت جدا من زعلها عليا وفضلت انا جمبها اهتم بيها وبعد فتره لقيت حماتي جايه بتقول اني انا السبب واني كنت بعمل حاجات غريبه وبصوت وان ممكن اكون ملبوسه وان ياسر قد ايه اتعذب معايا ومشفش يوم حلو معايا
انا سمعت كلامها مع ماما ومعرفتش ارد ولا ادافع عن نفسي كل اللي كنت بفكر فيه ازاي كده…..
هو ممكن يكون في ناس كده بيقلبوا الحقايق ويكدبوا بالشكل ده
ماما قالتلها خلاص زي ما دخلنا بالمعروف نخرج بالمعروف
وفعلا أطلقت…….
ورجعت الكليه كانت الحل الوحيد علشان انسى اللي حصلي
وفي الكليه مقلتش لحد اني كنت متجوزه
وبعد سنتين لقيت واحد زميلي في الكليه بيطلب انه يجي البيت يتقدملي……
هو شاب محترم وشكله مؤدب وكان بيطلع الأول على الدفعه بس هو ميعرفش حكايتي وكمان انا مش حقدر احب تاني قلبي مبقاش حمل حب ووجع تاني
روحت البيت وانا بفكر اعمل ايه انا لسه صغيره وماما بقت ست كبيره ومش حتعيشلي العمر كله حعمل ايه وانا لوحدي واخواتي كل واحد ملهي بحياته
وفي عز ما انا بفكر أوافق على العريس ولا لا رن تلفوني….. وكانت المفاجأه

.. تابع قراءة الرواية .

رواية عريس جميلة .. كاملة

الفصل الخامس والاخير

رديت على التليفون……..
لقيت ياسر بيقولي سامحيني يا جميله ارجوكي تسمعيني انا مش عارف اعيش من غيرك
انا مردتش بكلمه واحده قفلت التليفون وقعدت اعيط
ليه تاني يا ياسر راجع تاني ليه عاوز ايه عاوز تدمرني اكتر من كده ايه ليه ده انا لسه كنت حفتح قلبي لايهاب ليه تفكرني بكل الوجع اللي فات……..
رحت تاني يوم الكليه وقابلت إيهاب وحكتله على كل حاجه وقلتله قد ايه انا اتعذبت
لقيته بيقولي انه متمسك بيا وعمره ما حيتخلي عني وانه حيعوضني كل اللي انا شفته وقاسيته مع ياسر

روحت البيت وقعدت افكر في إيهاب انا مش بحبه ومش حاسه باي حاجه اتجاهه…….
ولقتني برد على نفسي وبقول فيها ايه ما انا حبيت قبل كده وايه اللي حصل كانت اسوء تجربه ممكن اي بنت تمر بيها
دخلت على ماما وقلت أحكلها على إيهاب
_ بجد يا جميله؛ يارب يا بنتي يعوضك ويسعدك وتبدئي حياه جديده مع واحد ابن حلال يصونك
_ بس ده لسه طالب يا ماما ومعندوش شقه ومستقبله لسه مش مضمون

Advertisement

_ وايه يعني يا حبيبتي ما احنا خدنا اللي عنده شقه ومستقبله مضمون عمل ايه يعني
_ خلاص يا ماما ملهوش لازمه الكلام ده
_ ربنا يكتبلك كل الخير يا بنتي
قمت ودخلت اذاكر في اوضتي لقيت نفس النمره اللي كلمني منها ياسر كنسلت طبعا ورحت متصله بايهاب كأني بهرب من ياسر في اني أقرب من إيهاب اكتر
_ ايوه يا إيهاب عامل ايه
_ انا مش مصدق نفسي انك بتكلميني
_ انا مخنوقه
_مالك بس يا جميله فضفضي
_ مش عارفه بس حاسه اني عاوزه اعيط انا مش عارفه ليه انا تايهه كده
_ ده طبيعي بعد كل اللي مريتي بيه بس لازم تنسى بقى وتبدئى حياه جديده
جميله انا بحبك؛ بحبك من اول لحظه شفتك فيها
_ انا مش بحب الكلام ده
_ انا اسف لو ضايقتك بس مش قادر اخبي مشاعري انتي بقيتي كل حاجه بالنسبه لي واوعدك اني حشتغل ليل ونهار علشان ااقرب المسافه اللي بنا
قفلت السكه مع إيهاب وانا مضايقه مع انه انسان رقيق وطيب هو انا ليه بقيت كده هو انا مش حعرف احب تاني خلاص صديت من جوا من كتر الوجع

بصيت على التليفون في أيدي لقيت رساله من ياسر بيقولي فيها…….
جميله انا عارف اني ظلمتك بس ربنا انتقم مني، انا محتاجك يا جميله ومش حقدر اعدي اللي انا فيه من غيرك
انا عمري ما حبيت ولا ححب حد غيرك…. بحبك
قريت الرساله ويارتني ما قرتها دخلت في دوامه ومقارانات وافتكرت كل الحاجات الحلوه اللي كانت بنا وافتكرت برده كل الألم والعذاب اللي شفته معاه
مسحت الرساله ودخلت عند ماما تاني حضنتها وقعدت اعيطت
نمت في حضنها زي زمان
عدي كذا يوم وانا مش بروح الكليه ومش برد على تليفونات إيهاب ومش بفتح رسايل ياسر
وفي يوم وانا قاعده بدي لماما الدوا الباب خبط رحت افتح لقيت طنط مامت ياسر قدامي انا معرفتش اقولها ايه حتى كلمه اتفضلي وقفت في زوري لقيت ماما بتقولي مين يا جميله
ردت هي وقالت انا يا حجه ودخلت
وقعدت في الصالون وانهارت من العياط وقالتلي
_سامحيني يا بنتي انا ظلمتك وصدقت كلام ياسر وافتكرتك ظلماه بس والله ربنا جابلك حقك ياسر بعد ما طلقك عرف أمتك وحزن وجاله المرض الوحش
_ انتي بتقولي ايه يا طنط، لا حول ولا قوه الا بالله
_ ارجعيله يا جميله هو محتاجك
_مالهوش لازمه الكلام ده يا طنط ربنا يشفيه ويعافيه يااارب بس اللي بنا خلاص انتهى
_ لا يا جميله يا بنتي انتي مش فاهمه ياسر من ساعه ما سبتيه وهو ندمان وحزين عليكي ولما تعب نفسيته سائت اكتر ومش مستجيب للعلاج انتي الأمل الوحيد اللي ليا يا بنتي ارجوكي حاولي تسامحيه وتقفي جمبه يمكن ربنا يغفرله ويشفيه
مشيت مامت ياسر وسابتني حزينه وحيرانه اكتر من الاول
هو انا ممكن اسامح ياسر وانسى اللي حصل لا مش ممكن
بس ده بقى مريض وضعيف ومحتاجلي
يعني حرجعله علشان صعبان عليا
كل الكلام ده كان بيدور في راسي ومنمتش طول الليل
تاني يوم رحت لجارتنا ام احمد وطلبت منها اسم وعنوان المستشفى اللي فيها ياسر
دخلت عليه لقيته واحد تاني المرض خد منه كل حاجه شكله وهيئته بس اول لما شفني حاول يقوم وابتسم ابتسامته اللي سحرتني اول مره شفته فيها
_ جميله انتي جيتي مش مصدق اني شايفك قدامي
_ انا……..
_ متقوليش حاجه انا مكنتش عاوز حاجه من الدنيا غير اني اشوفك وتسامحيني قبل ما اموت
_ متقولش كده يا ياسر ربنا يديك طوله العمر
نزلت من عند ياسر وانا متلخبطه اكتر وقررت اني حقف جمبه هو دلوقتي انسان ضعيف ومحتاجني ولازم اخلص موضوع إيهاب وابعد عنه واخليه ينساني
عدت سنه وياسر حالته بتتحسن وخلص جزء كبير من العلاج
و طلب اننا نرجع لبعض
وبعد سنتين كمان ربنا رزقنا بمودة وملت عليا دنيتي بعد موت ماما
ياسر رجعلي تاني رجع بعد ما مات رجع ونور حياتي هو وموده..

 26,737 اجمالى المشاهدات,  9 اليوم

ما مدى فائدة هذا المنشور؟

انقر على نجمة لتقييمه!

Advertisement

متوسط ​​تقييم 3.5 / 5. عدد الأصوات: 12

لا أصوات حتى الآن! كن أول من يقيم هذا المنشور.

As you found this post useful…

Follow us on social media!

Advertisement
No tags for this post.
1 Comment

1 Comment

  1. ياريت تشكرونا على المجهود فى نقل وكتابه الروايه لحضراتكم

    Reel-Story Note

Leave a Reply

لن يتم نشر عنوان بريدك الإلكتروني.

The maximum upload file size: 128 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

ادب نسائي

قصة ( المقابلة الشخصية )

Published

on

By

3.8
(4)

وقت القراءة المقدر: 10 دقيقة (دقائق)

قصة ( المقابلة الشخصية ) كاملة
كان عندي مقابلة النهارده عشان شغل .. كلموني امبارح الساعة 4 العصر وبلغوني بمعاد المقابله
انا اتحمست جدا وخصوصا اني لسه متخرجه السنة دي وعايزة اشتغل واكون نفسي واعتمد على نفسي
جهزت هدومي ومارضتش اقول لبابا وماما عشان افرحهم المقابله .. لانهم كانوا بيدورا معايه كتير
تاني يوم الصبح نزلت وماكنتش عارفه المكان بالظبط سالت ناس كتير لحد ماعرفت العماره اللي فيها المكتب
طلعت ورنيت الجرس .. لقيت واحده بتفتحلي وبتقولي انتي نورهان .. قولتلها ايوه يافندم قالتلي تعالي
طلعت قعدت والمكان شكله مريب لانه فاضي مافيش غير الست دي قاعده على طربيزة في الصاله
المكان اشبه بشقه حتى مافيش ديكورات او اي حاجه .. بعدها بشويه تلفونها رن وقامت داخله غرفه تانيه
بعدها طلعت قالتلي خشي .. قومت ودخلت وانا معايه السيرة الذاتيه بتاعتي الـ CV خبطت الباب ودخلت
لقيت راجل بشعر أبيض طويل وذقن بيضه وماسك سيجار ولابس بدله سودا وقاعد على مكتب كبير
قالي اتفضلي يا نورهان قومت داخله مسلمه عليه وقعدت ..واديتله السيفي بتاعي قالي مش عايز سيفي
عايز اسمعك انتي .. عرفي نفسك .. قولتله انا نورهان 22 سنه .. قاطعني وقالي اشتغلتي قبل كده قولتله لا
قالي بتعرفي تتكلمي انجليزي كويس .. قولتله مستوايا جيد جدا في الانجلش
قالي طيب عرفيني بحياتك واهلك اكتر .. استغربت السؤال شويه بس انا عمري ماحضرت انتر فيو في حياتي
وكنت بسمع ان في اسئله غريبه بتتقال احيانا فالمهم عرفته باهلي وبيتشغلوا ايه وعايشين فين وكل حاجه
قالي يعني اقدر اقول واسف ان انتوا اسره متوسطه ومافيش حد في العيلة ليه نفوذ
قولتله ايوه .. قالي طيب عايزة المرتب كام ؟!
قولتله ما يقلش عن 4000 ..بصلي وقالي 4000 بصيغة تعجبيه ؟!!
قولتله اه عشان المواصلات والدنيا غاليه .. قالي طيب ..قومت سالته وقولتله الشغل هيبقى فين وعبارة عن ايه ؟
قالي يعني ايه فين ؟
قولتله يعني مش شايفه حد في المكتب اصلا .. هي الناس فين ؟
قالي اه دا المكتب بتاعي الشغل هيكون في الشقه اللي فوقينا تحبي تبصي عالشغل
قولتله اه ياريت .. قالي ماشي اتفضلي .. قومت معاه وطلعنا الدور اللي فوق
قدام الشقه اللي فوق مكتبه بالظبط ومن ورى الباب وهوا بيفتحه شكل مافيش اي صوت جاي من جوه
حسيت بقلق رهيب .. وبدات اعرق واتوتر حسيت اني عايزه اطلع اجري
لقيته بيفتح الباب وانا بدات ارجع لورى ببطئ ..
———————————————————————————–
بعدها لقيت واحده طالعه من جوه بتقولي اتفضلي ولقيت ناس قاعده جوة اطمنت شوية وجمدت
ودخلت ومجرد ما دخلت جوه لقيت الباب اتقفل بسرعه والبنت مسكتني والناس اتلموا عليا وكتمو بوقي بقماشه
كان بيدق جامد وعدى عليا شريط حياتي كله وأنا برجع لبابا بنتيجه الثانويه وهوا فرحان معاناتي في الكليه
هزاري مع صحابي قدام الكافيتريا فرحة أهلي في حفل التخرج افتكرت تخيلاتي بفرحه اهلي وانا راجعلهم وبقولهم اني لقيت شغل أفتكرت اخواتي حاسه اني بدات أدوخ ومش شايفه قدامي الظاهر انهم حطوا ماده مخدره وجابوا لزق وحطوه على بقي لقيت ايدي ورجلي بتتربط بحبال وخدوا الشنطه اللي معايه والموبايل من جيبي وفتشوني كتير وقام حد شايلني وبيحطني في اوضه لقيت فيها بنتين تانين حطوني جمبهم ومشيوا
بعدها فضلت أحاول أفضل في وعيي وانا قاعده جمبهم وهما بيبصولي وهما مربوطين برده وفجأة حاسه اني مش سامعه صوت بره دخلني وقفل علينا ومافيش نور غير من الشباك نور الشمس حتى مش عارفه اعيط بدات احس بيوجعني
شويه الباب فتح ودخل واحد ماسك كاميرا فضل يصور كل واحده اكتر من صوره ..ويمسك الموبايل يكتب فهمت انه بيبعت صورنا لحد وبيكلمه وبعدها قام سحب بنت من الاتنين وطلع بره الاوضه وقفل الباب بصيت للبنت اللي معايه لقيتها منهاره وبتعيط واحنا مش عارفين نتكلم ولا نرفع صوتنا
شويه دخل علينا اتنين ومعاهم شوالين كبار وقاموا حطونا جوه الشوال ولقيت نفسي بترفع وانا جسمي بيتوجع ومن كتمه النفس اغمى عليا .. صحيت لقيت نفسي في اوضه بيضا الحيطان والارضيه والسقف والاضاءه بيضاء وقوية.. ومافيش اي حاجه تانيه غير كاميرا وقدام الكاميرا البنت الاولى اللي خدوها مننا احنا التلاته قاعده على كرسي حديد مربوطه فيه وفي واحد وشه عليه قماش اسود ومش ظاهر منه حاجه ولابس أسود ولابس جوانتي اسود
وحاطت حاجات على طربيزة قدام الكاميرا فيها شاكوش وموس وسكينه وساطور وبيقرب من الكاميرا اللي متوصله بلاب توب وعمال يكتب عليه وفي حد بيراسله وبيرد عليه تقريبا وفجأة الشخص ده مسك الساطور ورفعه قدام الكاميرا وبعدها هز راسه كانه بيقوله حاضر وراح ناحيه البنت
البنت كانت بتبصله وشكلها مش في وعيها بس عينيها كانت بتبكي وقام مقرب منها الساطور قومت مغمضه عيني ماقدرتش استحمل بعدها سمعت صوت مقزز جدا من نواح البنت وبعدها شميت ريحة الدم ماقتش عارفه أعمل ايه حقيقي
بعدها سمعت صوت ناس داخلين وسمعت صوت المساحة وصوت ميه بتتسكب على الارض وانا مغمضه ومش عايزة افتح ولا عايزة اتخيل ايه اللي حصل وهكذب عقلي مهما يتخيل .. بعدها سمعت صوت خطوات بتقرب مني ..جسمي بدأ يترعش جامد وفتحت من الخوف .. لقيت الراجل اللي لابس أسود واقف قدامي والبنت الاولانيه مش موجوده
بصيتله بخوف لقيته ماسك الكاميرا وبيصورني انا والبنت ورجع تاني يكتب على اللاب توب بتاعه وفضل قاعد قدام الكاميرا مستني بعدها هز راسه بالموافقه وقام جاي نحيتنا وانا بعيط ومش قادره اصرخ لان بقي مقفول بلزق كتير جدا وقام واخد البنت التانيه وقعدها على الكرسي قدام الكاميرا وقام رابطها عليه وهي ايديها ورجلها اصلا مربوطين بس ربطهم على الكرسي الحديد
بعدها قام يكتب على اللاب توب ويستنى وبعدها قام طلع بره الاوضه ورجع ماسك مسدس .. قومت مغمضه عيني جامد وفضلت أعيط أنا مش عارفه ليه بيعمل كده وايه المرض اللي يخلي ناس تستمتع وهي بتشوف ده قدامها وازاي حد يجيله قلب يقتل بالبرود ده كانه بيقتل نمله .. حاسه اني في كابوس غريب مش هصحى منه غير على موت

حاسه ان الدنيا دي مش زي مانا تخيلت ورديه والناس بتخاف على بعض في ناس عشان الفلوس ممكن تعمل اي حاجه ممكن تعمل حاجات أبشع مما تتصور .. أنا حظي وحش جدا اني وقعت مع قتلة زي دول بيستغلوا الناس نفسي أرجع باي شكل قبل ما اروح بمنتهى البرود من غير ما اعرف اهلي انا رايحه فين؟!
نفسي بابا يرجع يتصل عليا دلوقتي وهرد عليه بسرعه واقوله الحقني .. نفسي ارجع وقبل ما انزل يقولي رايحه فين واقوله تعالى معايه .. نفسي في مكالمته اللي ماكنتش برد عليها وانا مع صحابي نفسي في سؤاله ليا كل ما اجي انزل ويقولي اجي معاكي وأقوله ساعتها أيوه تعالى معايه
فوقت من على صوت ضرب نار هزني وقتلني من جوه .. كاني انا اللي خدت ضربه الرصاص دي .. بعدها سمعت صوت الناس تاني وصوت الناس اللي بتمسح بعدها لقيت حد بيمسك وشي وبيضربه جامد فتحت عيني وانا منهاره لقيت الراجل بيصورني ورجع قدام اللاب توب وبيهز دماغه بموافق وقام طالع بره ودخلوا الناس شالو الكاميرا واللاب توب
وبعدها وقفوني وجابو قماشه سودا ربطوها على عيني وحد شالني وقاموا رميني في حته ديقه عرفت كده انها شنطه عربيه لما اتحركت وفضلنا ماشيين كتير لحد ما وقفنا وقاموا مطلعني منها وحد شالني تاني وحاساه بيطلع سلم وجسمي اتوجع من الشيله .. وبعدها لقيت نفسي بترمي ولقيته سرير وبعدها عيني اتفكت ببص حواليا لقيت نفسي في اوضه نوم كلها أحمر وفي اتنين رجاله قاموا فاكين ايديا ورجليا وربطوها على اطراف السرير

وسمعتهم بيتكلموا بعدها بيقولوا الريس هيفرح قوي المره دي البنت حلوة .. قالوا اه حظها حلو لو وحشه شويه كانت اتقتلت بس جمالها انقذها .. حاولت اتكلم وانطق وهما يبصولي ويقوليلي اسكتي .. ما توجعيش دماغه وتتعبيه دا راجل كبير .. وفضلوا يضحكوا .. وساعتها جاتلي فكره
فضلت اضحك معاهم وانا عيني بتعيط بس بقهقه وعيني فرحانه هنا هما استغربوا وفضل يقولي بتضحكي علي ايه وانا ابصلهم واضحك لحد ما واحد اتعصب وقال للتاني انا هفك بوقها واعرف بتضحك ليه ؟!
وفعلا فك بوقي قومت قايلاله خلي الريس يتمتع بس هتكون اخر متعه قبل ما يموت معايه .. ساعتها بصوا لبعض وقالوا يموت معاكي ازاي ؟! قولتلهم انا عندي الادز وبتعالج منه عشان كده كنت بدور على شغل لان خطوبتي اتفسخت بسبب الموضوع ده ..بس يلا كده كده هموت خليني اتمتع انا كمان
ساعتها الاتنين وشهم فعليا اتغير وقلب احمر وبصوا لبعض .. وبعدها طلعوا هما الاتنين جري على بره .. وقاموا جايين ومعاهم خدامه وفكوني وربطوا ايدي بس وهما بيجروني بالحبل من بعيد .. والشغاله شالت الملايه والبطانيه اللي كنت نايمه عليها وقاموا مغميني ورموني في شنطه العربيه تاني واتحركوا بسرعه
وبعدها في الطريق سمعتهم بيقولوا ياغبي لو قتلناها والدم جه علينا هنتعدي والريس اللي هيقتلنا ساعتها ومش معانا سلاح ومش هينفع نرجعها المستودع الريس هيعرف .. بعدها بشويه العربيه وقفت وقام مطلعني من الشنطه ورميني في الشارع واتحركوا بسرعه حسيت ساعتها اني اتولدت من جديد .. فكيت القماشه اللي على عيني وماكنتش عارفه افك ايدي لقيت نفسي على طريق صحراوي
انا هربت منهم بجد بقيت زي المجنونه بجري عالطريق وانا مش عارفه انا رايحه فين ؟! لحد ما لقيت عربيه جايه شاورتلها وانا هطير من الفرحه عدت من جنبي بسرعه وبعدها لقيت عربيه تانيه شاورتلها وقفتلي وطلع كانوا اتنين شباب واتخضوا من شكلي وقرروا يساعدوني وحكيتلهم اللي حصل مابقوش مصدقين وراحوا مغيرين طريقهم وراجعين تاني عشان يوصلوني البيت لاننا كنا في مكان بعيد جدا قد نكون في مدينه تانيه
وبعد ساعتين وصلنا البيت وطلعت اخبط على الباب وكان قبل الفجر بشويه
وبعدها أبويا لقيته بيفتح وهوا مخضوض وأول ما شافني لقيته بيبكي وعمال يكرر أسمي وانا انهرت من البكاء هنا .. حسيت بأمان رهيب وأمي صحيت واخواتي اتلموا حواليا يحضنوني وشكروا الشابين جدا .. وبعدها فضلت اعيط كتير جدا وماما تجيب ميه تمسح وشي وتقرا اذكار جمبي وتطبطب عليا وجابولي اكل ماكنتش قادره اكل يادوب شربت ميه وشويه عصير
وفضلت نايمه في حضن ماما اليوم ده وانا بعيط ومش قادره اتكلم.. ولحد دلوقتي ماحكتلهمش غير اني كنت هتخطف .. وبعد اسبوع بدات احكيلهم اللي حصل وبدات اتابع مع دكتور نفساني لاني كنت بصحى كل يوم على كابوس .. بس عرفت اني قبل اي حاجه لازم اتاكد منها كويس وأتاكد أنها أمان ولازم اعرف ابويا واخواتي ولو حاجه مش معروفه اخدهم معايه واسئل عنها كويس وادور على النت .. مش عشان نفسي في حاجه اتهور كده واروح وخلاص .. لان الناس دي بتستغل احتياجنا عشان يشبعوا رغباتهم الوحشيه ولازم ما تكونش مدي حسن النيه للغريب لان الغريب مش هيرحمك لو وقعت مع الشخص الخطأ .

تمت ..
بفلم_عمر_ليمونه
لو عجبتك أعمل share ❤️

 11,443 اجمالى المشاهدات,  1,392 اليوم

ما مدى فائدة هذا المنشور؟

Advertisement

انقر على نجمة لتقييمه!

متوسط ​​تقييم 3.8 / 5. عدد الأصوات: 4

لا أصوات حتى الآن! كن أول من يقيم هذا المنشور.

As you found this post useful…

Advertisement

Follow us on social media!

No tags for this post.
Continue Reading

قصص الإثارة

قصص مخيفه حدثت بالفعل لا ينصح اصحاب القلوب الضعيفة

Published

on

By

قصص مخيفه حدثت بالفعل لا ينصح اصحاب القلوب الضعيفة
4.3
(3)

وقت القراءة المقدر: 3 دقيقة (دقائق)

بعض النصائح الهامة قبل قراءة قصص مخيفه .. 

  • ذكر اسم الله و التعوذ من الشيطان الرجيم

  • تخفيف اضاءة الغرفة و الافضل غلق النور بالكامل 

  • قراءة المعوذات و الادعية الماثورة 

  • اذا بدأت تحس برعشة و جو غريب حولك اطفى الجهاز فورا و نام فى غرفة اخواتك 

  • اذا سمعت صوت غريب بالغرفة انصحك الا تحاول رؤية ما يحدث ابدا و اياك ان تنظر الى الوراء 

  • انا لست مسئولة عن النتائج بعد القراءة 

القصة الاولى

يحكى انه فى يوم من الايام ذهب مجموعة من الاصدقاء الى منطقة السد فى وادى صحنوت فى عمان للتخييم و معهم عدة السمر من عود و طبل و غيرهم .. و عندما جاء الليل اصبحوا يغنون و يمرحون و يضحكون و قرب الساعة الثانية ليلا سمعوا جميعا صوت امرأة عجوز تصيح و تنادى بصوت غريب فقامو جميعا و حاولو الذهاب نهاية مصدر الصوت .. وجدو امرأة بنص جسدها الاعلى فقط و يداها توصل للارض و تركض باتجاهم باستخدام ايديها و هى تقول بلغة عجيبة حاولو تفسيرها بصعوبة ( يا ويلكم لقد ازعجتونى و تسببتم فى تعذينى ) ركض جميع الشباب الى السيارات مسرعين و من يومها لم يعودو ابدا الى ذلك المكان الرهيب

القصة الثانية

فى منطقة ما غير مسموح بذكر اسمها كان هناك منزل مشهور جدا بانه مسكون و لكن يقال ان به جن صالح و تسكنة ايضا عائلة من البشر و فى يوم كانت الفتاة الصغيرة نائمة فى غرفتها و سمعت صوت طرق منتظم على الباب فاستيقظت و فتحت الباب فرأت اخوها يطلب منها غرض معين فاعطتة له و عادت الى نومها و لكن فجأة تذكرت شيئا جعلها ترتعش بشدة و هو ان اخوها قد سافر الى دولة اخرى مع اصدقائة منذ يومين .. ركضت فورا الى غرفة اهلها و نامت معهم حتى الصباح و لم تحكى ما رأت الى اى شخص حتى يومنا هذا خوفا من ان يلحقها اى اذى .

القصة الثالثة

كانت هناك ام تعيش بمفردها مع طفلتها التى تبلغ من العمر اربع سنوات و كانت قد ولدت حديثا طفلا جديدا لم يكمل اربعين يوما بعد و فى يوم كانت الام فى المطبخ تعد العشاء لطفلتها و تركتها مع اخاها تلعب فى الغرفة و بعد انتهاء الام من صنع العشاء ذهبت لتطمئن على الاولاد و يا لهول ما رأت وجدت ان الطفلة قد اكلت اخاها باكملة و نظرت الى والدتها قائلة ان عظمة الرأس قوية ام استطع اكلها ! صرحت الام فى جنون و سمع الجيران فرأو ما حدث بانفسهم و قد تم الحكم على البنت بالقتل و ظلت الام فى المستشفى تعالج لمدة سنوات .. هذة القصة واقعية حدثت بمدينة بهلاء بعمان .

Advertisement

 10,251 اجمالى المشاهدات,  1,021 اليوم

ما مدى فائدة هذا المنشور؟

انقر على نجمة لتقييمه!

متوسط ​​تقييم 4.3 / 5. عدد الأصوات: 3

لا أصوات حتى الآن! كن أول من يقيم هذا المنشور.

Advertisement

As you found this post useful…

Follow us on social media!

No tags for this post.
Continue Reading

قصص الإثارة

حكاية سمير: ما بدأ دردشة مثيرة مع فتاة جميلة انتهى بكابوس

Published

on

By

5
(1)

وقت القراءة المقدر: 11 دقيقة (دقائق)

“أنا فتاة لبنانية عمري 23 عاما” هكذا قدمت الفتاة الجذابة نفسها على سكايب عندما بدأت الدردشة مع سمير الشاب الفلسطيني المقيم في إيطاليا (هذا ليس اسمه الحقيقي). لم يتخيل سمير للحظة أن تلك الفتاة المثيرة التي لم تكن ترتدي إلا القليل أمامه على سكايب هي في الواقع شاب مغربي يعيش في مدينة وادي زم التي اقترن اسمها خلال السنوات الأخيرة بعمليات النصب الإلكتروني.

تفاصيل ما بدأ دردشة مثيرة مع فتاة حسناء وانتهى بكابوس مزعج رواها سمير بكل صراحة للصحفي شون أونيل.

حدث ذلك عندما كنت وحدي بالمنزل. أضافتني تلك الفتاة على فيسبوك. لم أستغرب الأمر لأنني أتلقى باستمرار طلبات صداقة من زملاء دراسة مثلا لا أتذكر الكثير عنهم.

Advertisement

في اليوم التالي بعثت لي برسالة قالت فيها:”لقد اطلعت على صفحتك وسجلت إعجابي لصورتك” فقمت بزيارة صفحتها وبهرني جمالها. فقد كانت مثيرة للغاية.

في تلك الليلة بدأنا الدردشة عبر سكايب. قالت إنها في الثالثة والعشرين وإن والديها متوفيان وتعيش مع شقيقتها الكبرى في مدينة صيدا اللبنانية. وأضافت أنها تشعر بالضجر لأنها لا تعمل أو تدرس وشقيقتها صارمة جدا. عندما سألتها عن هواياتها صارحتني مباشرة أنها تحب الجنس كثيرا.

تعجبت لصراحتها في البداية. أثارت فضولي ولكن ساورتني الشكوك بسبب حديثها المباشر عن الجنس مع شخص لا تعرفه. ولكني كنت أشعر بالملل أيضا. كانت صديقتي متغيبة خارج المدينة ولم يكن لدي ما أفعله فقررت مسايرة هذه الفتاة حتى أرى أين ستؤدي بِنا هذه الدردشة.

بعد قليل سَألَتْ إن كانت لديّ كاميرا ويبكام. قمت بتشغيل الكاميرا وقلت لها: “هل يمكن أن أراك أيضا؟”. عندما شغلت الكاميرا رأيت أنها بالفعل جميلة.

واصلنا الدردشة ولكن بالكتابة فقط حيث قالت إن شقيقتها موجودة في الغرفة المجاورة وقد تسمع صوتها. تطور الحديث بيننا إلى أن قالت إنها تشعر بالإثارة.

Advertisement

بعدها طلبت أن ترى عضوي الذكري. انصعت لطلبها ثم قلت لها: “جاء دورك الآن”. فاستلْقَتْ على ظهرها وخلعت ملابسها وبدأت تُمارس العادة السرية. قلت لنفسي:”غير معقول، لم أصادف شيئا كهذا من قبل. وبهذه السهولة!”

بدأت أفعل نفس الشيء. وبعد لحظات بدا عليها هي أيضا وكأنها بلغت ذروة النشوة. بعدها عاودت الدردشة معي وهي لا تزال دون ملابس. سألتني عن عملي فقلت لها إنني أعمل في مجال التسويق في إيطاليا. فردّت: “لا بد أنك ثري” فقلت لها ‘أنا لا بأس بي’. في هذه اللحظة كتبت أنها تسمع وقع خطوات شقيقتها وإنه لا بد أن تنهي الدردشة.

بعدها بنصف ساعة تقريبا تلقيت رسالة على فيسبوك نصها كالتالي: ‘اسمع، أنا رجل

لقد سجلت لك فيديو وأنت تمارس العادة السرية..

هل تود مشاهدته؟’

Advertisement

أرسل لي التسجيل وكان عبارة عن خمس دقائق أظهر فيه وأنا أمارس العادة السرية.

موقع اليوتيوب يستخدمه
أضافت الرسالة: ‘لديّ قائمة بكل أفراد أسرتك الموجودين على فيسبوك- والدتك، شقيقتك، أولاد عمومتك… أمامك أسبوع واحد لترسل لي 5000 يورو وإما سأرسل لهم الفيديو.

أصبت بحالة من الصدمة. قلت لنفسي يا إلهي، إنها مصيبة! أول ما فكرت فيه كان أن أدفع المبلغ فورا. ثم قمت بإزالة الفتاة – أو ذلك الرجل- من قائمة معارفي على سكايب ولكن بعدها فورا تلقيت رسالة على واتساب تقول “أنا هنا”.

فبدأت أستعطفه. قلت له إنه ليس لدي 5000 يورو. قال: “بالطبع لديك. أنت تعمل في وظيفة جيدة في أوروبا”. قلت له ‘لا أنا كنت أكذب لنيل إعجاب الفتاة. أنا مجرد موظف توصيل طلبات في محل بيتزا’. تذكرت أنني أرسلت لها صورة لي وأنا أقوم بتركيب البلاط في حمام بيتي وقلت له ‘هل تعتقد أنه لو أنني ثري كنت سأقوم بهذا العمل بنفسي؟”

يبدو أنه اقتنع بعض الشيء وقال لي ‘”قد يكون هذا صحيحا ولكنني لا أبالي. لديك أسبوع واحد لترسل لي 2000 يورو وإلا سأرسل هذا الفيديو لجميع أفراد أسرتك”.

Advertisement

حاولت أن تمالك نفسي وأن أفكر بشكل منطقي. قلت لنفسي: لو أرسلت إليه المبلغ، ما الذي سيمنعه من العودة لطلب المزيد؟

حينها فكرتُ أنه لو أرسل الفيديو لقائمة أصدقائي – والذين لا يعرفونه – فسوف يذهب في صندوق بريد المهملات. وحتى لو وجدوه لن يقدم أحد على فتح فيديو أرسله مجهول. من المحتمل أنه قد يكون فيروسا. وجدت نفسي أمام خيارين: إما أن أدفع المبلغ المطلوب دون أي ضمان أنهم لن يعودوا لطلب المزيد فيما بعد.

في هذه اللحظة أرسل لي يقول إنه سوف يرفع التسجيل على موقع يوتيوب. قلت له “افعل ذلك، لم يعد يهمني”.

بعدها حذفته من قائمة أصدقائي على فيسبوك وعدّلت إعدادات الخصوصية لحظر أي شخص من النشر على صفحتي أو الإشارة إليَّ دون موافقتي.

لكنه عاود وأرسل لي رابط الفيديو على واتساب. شاهدت نفسي مرة أخرى أمارس العادة السرية على موقع يوتيوب. شعرت عندها بالغثيان.

Advertisement

أبلغت إدارة يوتيوب فورا لاحتواء التسجيل على مشاهد جنسية. في تلك الأثناء كان يواصل تهديدي بأنه سيرسل الفيديو لأقاربي على فيسبوك لو لم أدفع. صممت على موقفي فغضب بشدة وبدأ يبعث برسائل سباب قائلا إنه سيرسل التسجيل لوالدتي وكل معارفي. بعد حوالي ساعة رفعت إدارة يوتيوب الفيديو من على الموقع. أعتقد أن كل المشاهدات المسجلة كانت لي باستثناء مشاهدة واحدة ربما. قد يكون المُشاهد هو المبتز نفسه أو ربما أحد أقربائي. لن أعلم بالتأكيد ولكنني لم أسمع شيئا من أحد.

ربما أحد أقربائي الذكور شاهده ولم يبلغ أحدا. ولكن تخيلوا لو شاهدته مثلا إحدى عماتي أو خالاتي؟ كانت بالتأكيد ستبلغ شقيقتها، وزوجها وأبويها وسرعان ما كان سينتشر الخبر في العالم أجمع. فأنا لدي أقارب في أمريكا وكندا وأستراليا والسعودية ودول الخليج وأوروبا.

ماذا لو شاهدت أمي ذلك التسجيل؟ لو حدث ذلك سألقي بنفسي من النافذة من شدة العار!

لم أسمع من ذلك الشخص بعد حذف الفيديو من على فيسبوك. أعتقد أنه انتقل لصيد فريسة أسمن. عندما سألته لماذا يستهدف شخصا فقيرا مثلي قال لي: “هل تعتقد أنني لا أستهدف أثرياء الخليج؟ بالطبع أستهدفهم. من حسن حظك أن صفحتك على فيسبوك تقول أنك لست متزوجا وإلا كنت طلبت منك مبالغ أكبر بكثير”.

أعتقد أن الأمر انتهى ولكنني من حين لآخر أبحث في فيسبوك إن كان قد رفع التسجيل مرة أخرى.

Advertisement

داخل مدينة وادي زم
نسبة غير صغيرة من حالات النصب الإليكتروني أو ما يمكن تسميته “فخ الجنس عبر سكايب” تم تعقبها في مدينة وادي زم في وسط المغرب والتي تقع على بعد حوالي 150 كيلومترا شرق مدينة الدار البيضاء.

في يونيو 2016 تمكن الصحفي في بي بي سي رضا الماوي من الوصول إلى أحد هؤلاء المحتالين في مدينة وادي زم وهو شاب في العشرينات من العمر، طلب منه أن يسميه “عمر” وهذا الاسم على ما يبدو هو كناية عن المال الوفير باللغة “الدارجة” عند الشباب المغربي.

شرح “عمر” لرضا الماوي بالتفصيل جميع مراحل عملية النصب بدءا من الرصد ثم الاستهداف ومن ثم الإيقاع بالضحية وصولا إلى الابتزاز في النهاية. وشرح له كيف يمكنه رصد الضحية المُحتملة.

فكل ما يود معرفته عن الضحية موجود على فيسبوك: مدى ثراء الضحية، وضعه في المجتمع، حالته الاجتماعية. فصفحاتهم في الغالب تظهرهم وهم يقودون سيارات فارهة ويسكنون منازل فخمة أو في سفراتهم إلى الخارج. أضاف أنه بحكم خبرته لاحظ أن المشاركين في موقع إنستغرام يكونون أكثر ثراءا في الغالب من الموجودين على مواقع أخرى للتواصل الاجتماعي. كما أن نوعية الهاتف المستخدم تدل أيضا على وضعهم المادي.

“نقطة الضعف عند العرب معروفة وهي الجنس”. هكذا استهل عمر حديثه مع رضا الماوي قائلا: “نقطة الضعف الأخرى هي لو كان الشخص متزوجا ولديه معارف كثر على فيسبوك. كل هذه النقاط يمكن أن نستغلها ضده”. ويقول عمر إن الدول الأسهل في الاستهداف هي دول الخليج.

Advertisement

استمر عمر في شرح نوعيات الرجال الذين يشكلون صيدا سمينا له:

“هناك مثلا أصحاب الدين. تتعجب وتقول ‘هذا يبدو شيخا جليلا ويحمل القرآن ومن المستحيل أن يقع في ذلك الفخ. فلنجرب معه” وعندما تجرب يقع في الفخ!”.

يتسم أسلوب عمل عمر وأقرانه بفاعلية واضحة اكتسبوها بحكم الخبرة والتكرار. فهم يفتحون بالتوازي عدة خطوط دردشة قد تصل إلى 10 حوارات في نفس الوقت. وبمجرد رد الضحية على مكالمة سكايب – أو من خلال فيسبوك نفسه مؤخراً- يشغلون برنامجا محددا يظهر للضحية وكأنه يخاطب مباشرة فتاة على الخط الآخر. في الحقيقة تكون “الفتاة” تسجيلا مسبقا لحوار على ‘الويبكام’ مأخوذ من أحد المواقع الاباحية.

وهم لذلك لا يخاطبون ضحاياهم بالصوت بل بالدردشة الكتابية حتى لا ينكشف أمرهم. وما يساعدهم على ذلك هو أنهم يعرفون عن ظهر قلب جميع إيماءات وحركات الفتاة على الفيديو ويقومون بتوجيه الدردشة حسب تسلسل مشاهد التسجيل.

يستطرد عمر قائلا: “نطلب منه أن يخلع ملابسه ويأتي بحركات مخلة، وأشياء إباحية. من الضروري أن يكون مجردا من ملابسه تماما. ويجب أن تكون اعضاؤه واضحة. وعليه أن يأتي بحركات محددة اثناءها يتم تسجيله مع التقاط وجهه. إذن يتم تسجيل ذلك ووجهه واضحا حتى يظهر الفيديو بمصداقية أكبر”.

Advertisement

يستخدم المحتالون برنامج كمبيوتر يقوم بالتقاط فيديو الضحية ويتولى تسجيله.

“بعد تسجيل المقطع نضعه على حساب على موقع يوتيوب ونبعث به في رسالة خاصة بمعنى أن الضحية فقط هو الذي يمكن أن يطلع عليه. نبعث له الرابط ونطلب منه أن يشاهده. وحينها يبدأ التهديد”.

ولخص عمر عملية النصب والابتزاز في ثلاث مراحل: 20 دقيقة كلام ودردشة، 20 دقيقة لمقطع الفيديو الذي نسجله ثم نحفظه، والعشرين دقيقة الأخيرة تكون للتهديد. التهديد والتفاوض.

مدينة وادي زم لا تبدو عليها علامات الثراء الفاحش باستثناء عدد من السيارات الفارهة والدراجات البخارية غالية الأثمان. ولكن بي بي سي أحصت أكثر من 50 مكتبا للتحويلات المالية في المدينة وهو رقم مرتفع إذا ما قيس بحجم المدينة وعدد سكانها. أحد أصحاب هذه المكاتب – رفض أن نذكر اسمه – قال إن المكتب الواحد يدخله في المعدل ما يوازي حوالي 10 آلاف دولار يوميا من أموال الابتزاز.

قبل انتشار هذه الظاهرة كانت مدينة وادي زم تعتمد على تحويلات من نوع آخر، وهي تحويلات أبناء المدينة الذين يعملون في أوروبا وبالأخص إيطاليا، حسب الدكتور أمين السعيد وهو محاضر في مادة القانون وأحد أبناء وادي زم والذي يعمل على توعية الشباب بعواقب ومضار النصب الإلكتروني أو “الأرناك” كما يطلق عليه باللغة الفرنسية. يستطرد الدكتور أمين السعيد أن الأزمة الاقتصادية التي عمت أوروبا منذ 2008 أثرت بشدة على تحويلات أبناء المدينة العاملين بالخارج مما دفع قطاعا من الشباب إلى البحث عن مصدر بديل انطلاقا من فكرة أن الغاية تبرر الوسيلة.

Advertisement

بحث أبناء المدينة عن مصادر دخل من الخارج يعود في الأصل إلى تراجع الاعتماد على الزراعة كمصدر أساسي للعيش بسبب عدم تطور أساليب الزراعة في المنطقة مما أثر على مردودها.

هذا يضاف إلى مشكلة البطالة التي يعاني منها شباب المدينة على الرغم من أن إقليم خريبكة الذي تقع فيه مدينة واد زم يحتوي على ثالث أكبر مخزون لمادة الفوسفات الخام في العالم.

وشهدت ساحة الشهداء، في مقابل مبنى الكنيسة التي تعود إلى عهد الاستعمار الفرنسي، الصيف الماضي سلسلة من المسيرات والوقفات الاحتجاجية لخريجين يطالبون بتوظيفهم ومن بينهم حركة ‘بغيت حقي في الشغل’. عضو الحركة صلاح الدين الكنان يقول إن الحركة تطالب بتطبيق حق التشغيل الذي كفله دستور عام 2011 وبتعيين أبناء المدينة في مجمع للفوسفات الذي يقع على بعد أقل من 20 كيلومترا خارج المدينة.

“مخزون الفوسفات في الإقليم هو من الأعلى في العالم ويساهم في الأمن الغذائي العالمي بينما سكان المدينة يعانون من آثار صناعة الفوسفات الصحية مثل الربو والسرطان وهشاشة العظام”.

يضيف الكنان أنه من العار أن تتحول مدينة وادي زم من “مدينة الشهداء” التي صمدت في وجه الاستعمار الفرنسي إلى عاصمة ما يعرف بالأرناك.

Advertisement

 10,396 اجمالى المشاهدات,  1,015 اليوم

ما مدى فائدة هذا المنشور؟

انقر على نجمة لتقييمه!

متوسط ​​تقييم 5 / 5. عدد الأصوات: 1

لا أصوات حتى الآن! كن أول من يقيم هذا المنشور.

Advertisement

As you found this post useful…

Follow us on social media!

No tags for this post.
Continue Reading
فضفضة رييل ستورىساعتين ago

مهارات حل المشاكل الزوجية المستعصية

فضفضة رييل ستورىساعتين ago

الكبت الجنسي والشباب.. مشاكل وحلول

فضفضة رييل ستورى3 ساعات ago

سكك حديد مصر.. المشاكل والحلول

فضفضة رييل ستورى4 ساعات ago

مشاكل كثيرة يواجهها المراهق وهذه هي الحلول…!

ذاكرة التاريخ History's Memory5 ساعات ago

حدث في مثل هذا اليوم … الثالث و العشرين من رمضان

فضفضة رييل ستورى6 ساعات ago

أسباب وحلول بكاء الأطفال المستمر

فضفضة رييل ستورى9 ساعات ago

أسباب وراء عصبية وعدوانية المراهق.. وحلول للسيطرة عليها

فضفضة رييل ستورى9 ساعات ago

مهارة حل النزاعات بين الأطفال

فضفضة رييل ستورى10 ساعات ago

5 طرق إبداعية لحل المشاكل

ذاكرة التاريخ History's Memory10 ساعات ago

أحداث شكلت حياتنا يتذكرها العالم عام 2022

ذاكرة التاريخ History's Memory11 ساعة ago

ما هي أبرز الأحداث التي هزت الرأي العام العربي والعالمي في 2020؟

ذاكرة التاريخ History's Memory13 ساعة ago

زلزال القاهرة واكتشاف أمريكا.. أبرز الأحداث التاريخية في مثل هذا اليوم 12 أكتوبر

ذاكرة التاريخ History's Memory13 ساعة ago

أولمبياد طوكيو 2020.. أحداث تاريخية لا تنسى

قصة في صوره13 ساعة ago

في حال أنك لم تشاهد حجم الكعبة بالنسبة لحجم الأنسان العادي ❤🕋

ذاكرة التاريخ History's Memory14 ساعة ago

أحداث تاريخية مهمة في الحادي عشر من يوليو في الذاكرة الفلسطينية

قصص الإثارة3 أشهر ago

رواية رغبه متوحشه (كامله)

قصص الإثارة3 أشهر ago

رواية بنت بمدرسة عيال اغنياء بقلم ماري جو

قصص حدثت بالفعلشهرين ago

رواية هنا فى الاعماق – بقلم مايا بلال

قصص متنوعةشهرين ago

حكاية ليلى واحمد وجارتى ابتسام

قصص الإثارةشهرين ago

رواية بنت فى ورطه بقلم كوكى سامح

ادب نسائي3 أشهر ago

رواية ظلام البدر +21 بقلم بتول

ادب نسائي3 أشهر ago

قصة غرام اولاد الالفي بقلم سماء احمد

ادب نسائي3 أشهر ago

تكملة رواية ظلام البدر +21 بقلم بتول

قصص متنوعة3 أشهر ago

عايشة عند اخويا ومراتو بلقمتى ويارتني بلاقي اللقمه

روايات مصرية3 أشهر ago

قصة انا وحمايا بقلم كوكي سامح

قصص الإثارة3 أشهر ago

حكايتي مع ابو زوجى السافل وما فعلت به

قصص الإثارة3 أشهر ago

قصة حماتي وزوجتي الحامل +18 للكبار فقط

روايات مصرية3 أشهر ago

قصة حماتي كامله للكاتبه ايمي رجب

روايات مصرية3 أشهر ago

رواية كبرياء عاشقة بقلم هدير نور(كاملة)

قصص الإثارة3 أشهر ago

رواية انا والطبيب في العيادة وبدون إعتراض مني

Facebook

Trending-ترندينغ