Connect with us

قصة مضحكة قصيرة

أغرب سبب خسرت عشانه واحد صاحبي

Published

on

5
(1)

وقت القراءة المقدر: 6 دقيقة (دقائق)

أغرب سبب خسرت عشانه واحد صاحبي

# للفرفشة

اي تشابه اسماء فهي بالصدفة ولايقصد بها احد …

طب انا هحكي لك أغرب سبب خسرت عشانه واحد صاحبي ..
هو كان شكاك جدا وبيشك في مراته شك جنوني وكأنه مثلا متجوز برلنتي عبد الحميد ..
وبدون ذكر اسماء يعني عشان حساسية الموضوع هو اسمه سيد ..
من كام سنة كدا وأول ما ظهر برنامج تروكولر ولما كان تقريبا كل اللي بيستخدموه في مصر ٣، واحده صاحبتي .. واتنين تانيين معرفهمش ، كان اسمي في الفترة دي بيظهر على ترو كولر نور عيني .. علشان خاطر اللي تتعمي في عينيها صاحبتي كانت كاتبة رقمي كدا..
ابو السيد طبعا كان حمار تكنولوجيا ومعلوماته في الموبايلات زي معلومات سعد الصغير في الانشطار النووي بالظبط ..
وحسب القوانين الأولية لعلم الأحياء اللي خدناها في أولى ثانوي اي كائن حي لازم يتجوز كائن حي من نفس فصيلته، لذلك الأخ سيد كان مستحيل يتجوز جينيفر لوبيز ، حمار حصاوي اكيد هيتجوز جحشة، مين بقى ضحية عملية التزاوج اللي ضد البيئة دي؟ أنا ..
اخونا سيد اشترى تليفون جديد لمراته ، وقال للواد اللي باعه له ظبط لي العدة بقى وحط عليها كل البرامج ..
فالواد مشكورا حط له الفيس والماسنجر والواتس وترو كولر..
ومر اسبوع والتاني والتالت لحد ما في يوم اغبر ما طلعتلوش شمس الأخ سيد حب يتصل بي لسبب لا يعلمه إلا الله فملقاش رصيد في تليفونه فكلمني من تليفون مراته..
طبعا الفورمات الوحيدة اللي خياله يعرفها انه لما يرن على صاحبه من تليفون مراته يظهرله رقم صاحبه من غير اسم ، فلما يلاقي نمرة صاحبه متسجلة عند مراته نور عيني يبقى مفيش غير تفسير واحد ، صاحبي بيخوني مع ام العيال ..
ولأن المصائب لا تأتي فرادى ولأن المنحوس منحوس لو علقوا على راسه فانوس .. وقليل البخت يعضه الكلب في المولد ، ولأن العبد لله أيقونة سوء الحظ والصدف المهببة بهباب .. ولو قررت اتاجر في البراهات كل الستات هيتولدوا فلات ، كان رقم مراته آخره ٧٢ ، وكانت خالتي جايبه خط جديد في الفتره دي برضو آخره ٧٢ وكنت مكسل اسيفه يعني اكتبه واحفظه على فوني ..
فرديت بكل تلقائية وقولت له ايوه يا حبيبتي عامله ايه ، قال يعني حبك المحن العائلي دلوقتي .. لقيته بيقولي لا انا مش حبيبتك انا حبيبك ..
قولت له مين معايه ، قالي انا سيد ، قولت له امال تليفون مين اللي بتكلمني منه دا يا عرب ، اعتبرها نمره بلاستيك مني ..ومقتنعش وقالي دا تليفون الواد محمد ابني، تعالى لي البيت يا هيبه انا عايزك..
روحت له مع اني مش فاهم عايزني في ايه ..
خبطت على الباب فتح لي وراح سافخني حتة كف على وشي عيني زغللت ، وراح عافئني من قفايا وراميني جوا وقافل الباب ..
وانا كل دا مش فاهم ايه اللي بيحصل ولا مجمع اي حاجة وعايز اغير البنطلون وأخرج من هنا بأي شكل..
دخلت جوا لقيت مراته قاعده ، وهو ماسك لي سكينة وعمال يشوح بيها في وشي وهو بيقولي بقالكم قد ايه مستغفليني ..
انا كل اللي داير في دماغي ساعتها أن سيد عرف اننا كنا بنغشه في الكوتشينه ..ونشيله المشاريب ، دماغي مودتنيش لأبعد من كدا ، وطبعا مرعوب من منظره ..وهو كمان خارج لي لابس الفانلة واللباس فأنا مش عارف هو هيقتلني ولا هيعتدي علي جنسيا الأول ..
الغريبه بقى في وسط كل اللبش دا أن مراته كانت طبيعية خالص ولا فارق معاها اي حاجة .. طبعا متعودة على العته دا منه ..
بدأ يزعق فيها ويقولها مش هو دا حبيب القلب يا عزه ، انا هقتله قدام عينيك ..
قامت عزه بدل ما ترقع بالصوت .. بصتله من فوق لتحت كدا وقالت له ما تقتله في ستين داهية انت وهو ..
وانا في سري بقى عمال أقولها اه يا بنت الوسخه يا اللي امك وسخه ..
قام سيد صعد التهديد وقالها وبعد ما اقتله هقتلك انتي كمان ..
قالت له لو كنت راجل اقتلني كدا زي ما بتقول .. وشوف انا هعمل فيك إيه.. دي طلعت هي غبية كمان ، طب يا رب دول اتنين معاقين ذهنيا واتجوزوا بعض انا ذنبي ايه اموت في وسطهم ..
فضلت بقى اخد شتيمه وتفافة رذاذ من فم سيد ، مكانش بيتف علي هو كان بيتفتف وهو بيتكلم .. وخصوصا لو كان متضايق ، لحد ما بدأت اجمع وافهن الموضوع ، وقفشت طرف الخيط اول ما قالها وكمان مسجلاه نور عيني ..
صرخت في وشه وقولت له انا هفهمك ، يقول لي ابدا ، يا حمار هفهمك ، مفيش فايده ..
كان خلاص ساعتها بدأ يتنازل عن فكرة القتل وقرر انه يعلمني بالسكينه في منطقة غلط عشان يكسر عيني زي ما كسرت عينه..
الجيران اتلموا اخيرا الحمد لله ، وقعدوا يقولوله استهدا بالله يا سيد وارمي السكينه دي من ايدك وهو يقولهم لا، أعلمه في ط**ه الأول، وانا اقوله يا سيد هتستفيد ايه لما تعورني في الحته دي ، والله العظيم مراتك أشرف من الشرف .. دا تروكولر يا جحش ، والناس يقولوله يا سيد سيب الراجل بقى حرام عليك دا شكله غلبان ومظلوم .. يقولهم خلاص أعلمه في وشه ..
يا ابني انت شاري السكينه دي جديد وعايز تجربها ، ما قولت لك تروزفت على دماغك ودماغ مراتك ..
بدأوا الناس يهدوه وخدوا منه السكينه وتطوع كام شاب من اللي كانوا واقفين انه يفهمه حكاية البرنامج دا ، فهو قال لهم لا انا مش هصدق غير لما اسمع الكلام دا من اللي باع لي التليفون ..
كان واد فاتح محل عندهم في المنطقة بعتوا جابوه كل دا وانا لسه واقف ومأمن على مؤخرتي ومصدرها لا مؤاخذة للحيطه .. احسن سيد يتهور فأنا اللي هاتعور ..
الواد بتاع التليفونات جه الحمد لله وشرح له فكرة البرنامج وقال له يعني بص مثلا ، انا هكتب نمرتي على تليفون ام محمد ال هي عزة شوف هيظهر ايه ..
ظهر وجيه النجس .. باين حاجة زي كدا ، راح سيد قفش فيه هو كمان وقال له وانت كمان طلعت ماشي معاها ، دا انت مدوراها بقى وكانت الليلة هتتكحل اكتر لولا أن ربنا بعت لنا واحد فاهم .. وقال له امسح البرنامج دا من على الجهاز وجرب تشوف الأرقام تاني هتلاقيها من غير اسم ..
اقتنع بقى في الآخر خالص بعد ما قطع خلفي ، وبدأ يعتذر لي .. ويعتذر لمراته ويبوس راسها ويغلط نفسه ..
قولت له انا مش عايز منك اعتذارات .. انا عايز اقول حاجه للأخ وجيه ال باع لك الفون ، وناولته الكف اللي اخدته على وجهي وانا داخل من سيد وقولت له دي أشكال تبيع لها تليفونات وتنزل لها برامج .. 😂😂😂😂
اذا ضحكت اترك تعليقا مناسبا

 7,299 اجمالى المشاهدات,  59 اليوم

Advertisement

ما مدى فائدة هذا المنشور؟

انقر على نجمة لتقييمه!

متوسط ​​تقييم 5 / 5. عدد الأصوات: 1

لا أصوات حتى الآن! كن أول من يقيم هذا المنشور.

Advertisement

As you found this post useful…

Follow us on social media!

Click to comment

Leave a Reply

لن يتم نشر عنوان بريدك الإلكتروني.

The maximum upload file size: 128 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

قصة مضحكة قصيرة

زوج يختبر زوجته 💥🔞😱

Published

on

5
(1)

وقت القراءة المقدر: 2 دقيقة (دقائق)

حاولت أختبر ولاء مراتي، فقولتلها بعد ما رجعت من الشغل أنا كتبت كومنت عن غلاء الأسعار في صفحة سياسية ودخل بعدها بساعة ظابط من أمن الدولة هددني بالسجن لو محذفتهوش، فعملتلُه بلوك ومرضتش أحذفُه وخايف من وقتها، قالتلي محدش بيخاف من الحق
يا فخليها على اللّٰه ومتقلقش طول ما أنا جمبك، قولتلها ونعمَ باللّٰه يا حبيبتي وأخدتها بالحُضن بما إننا واقفين وكده ومش لسه هقوم من مكاني أحضُنها، إبتسمت وقالتلي ربنا يخليك ليا وما يحرمني من وجودك أبدًا يارب، بس باللّٰه عليك ما تكتب بعد كده أي حاجة تاني
عشان إنت مش مُتخيل حياتنا أنا والأولاد هتبقى عاملة إزاي من غيرك، طبطبت عليها وقولتلها إن شاء اللّٰه يا حبيبتي وقعدنا إتغدينا وشربنا الشاي وطلعت وقفت شوية في البلاكونة مع نفسي عما تذاكر للعيال، فلقيت التلاتة زمايلي اللي كنت متفق معاهم على المقلب واقفين تحت البيت وبيرنوا.. قولتلهم اطلعوا، ودخلتلها جري قولتلها فيه ٣ رجاله
غُراب شوفتهم طالعين البيت دلوقتي وشكلهم مباحث، حطت إيديها على قلبها من الخضة وقالتلي طب إطلع على السطح بسرعة وأنا هقولهم لسه مرجعش من برة، ففتحت الباب وفي ثانية كُنت فوق، خبطوا عليها.. فلبست وفتحتلهم الباب نص فتحة، سألوها عليا، قالتلهم الكار*ثة….

فلبست وفتحتلهم الباب نص فتحة، سألوها عليا، قالتلهم لسه مرجعش من برة، قام واحد فيهم قايل طب هاتها يا إبني هي والأولاد عما يرجع من برة براحتُه، قالتلُه فوق السطح يا باشا وقفلت الباب في وشهم!

🔥

 1,249 اجمالى المشاهدات,  51 اليوم

ما مدى فائدة هذا المنشور؟

Advertisement

انقر على نجمة لتقييمه!

متوسط ​​تقييم 5 / 5. عدد الأصوات: 1

لا أصوات الآن! كن أول من يقيم هذا المنشور.

As you found this post useful…

Advertisement

Follow us on social media!

No tags for this post.
Continue Reading

قصة مضحكة قصيرة

غلطة شميدث

Published

on

3
(2)

وقت القراءة المقدر: 3 دقيقة (دقائق)

لا تكثروا من الفضفضة !!

واقعة مضحكة في أحد سجون ألمانيا .. و حكمة كبيرة

في أحد سجون ألمانيا وفي حقبة الستينيات، كان السجناء يعانون من قسوة حراس السجن والمعاملة السيئة في كل النواحي..
‏ومن بين السجناء كان سجين يدعى “شميدث” والمحكوم عليه لفترة طويلة، لكن هذا السجين كان يحصل على إمتيازات جيدة ومعاملة شبه محترمة من قبل الحراس، مما جعل بقية نزلاء السجن يعتقدون أنه عميل مزروع وسطهم، وكان يُقسِم لهم أنه سجين مثلهم وليس له علاقة بالأجهزة الأمنية..

Advertisement

لكن لم يكن أحد يصدقه، فقالوا : نريد أن نعرف السبب الذي يجعل حراس السجن يعاملونك بأسلوب مختلف عنا.
‏ فقال لهم شميدث : حسناً، أخبروني عن ماذا تكتبون في رسائلكم الأسبوعية لأقاربكم؟

فقال الجميع : نذكر لهم في رسائلنا قسوة السجن والظلم الذي نتكبده هنا على أيدي هؤلاء الحراس الملعونين.
فرد عليهم باسماً : أمّا أنا في كل إسبوع أكتب رسائلي لزوجتي وفي السطور الأخيرة أذكر محاسن السجن والحراس ومعاملتهم الجيدة هنا، وحتى أنني أحياناً أذكر أسماء بعض الحراس الشخصية في رسائلي وأمتدحهم كذلك.

فرد عليه بعض السجناء : وما دخل هذا كله في الإمتيازات التي تحصل عليها وأنت تعلم أن معاملتهم قاسيه جداً؟

فقال : “لأن جميع رسائلنا لا تخرج من السجن إلا بعد قراءتها من قِبل الحراس، ويطّلعون على كل صغيرة وكبيرة فيها، والآن غيروا طريقة كتابة رسائلكم..

تفاجأ السجناء في الأسبوع التالي بأن جميع حراس السجن تغيرت معاملتهم للسجناء للأسوء، وحتى “شميدث” كان معهم وينال أقسى المعاملات..

Advertisement

وبعد أيام سأل “شميدث” بعض السجناء وقال: ماذا كتبتم في رسائلكم الإسبوعية؟

فقالوا جميعاً: لقد كتبنا أن “شميدث” علّمنا طريقةً جديدة لكي نخدع الحراس الملاعين ونكسب ثقتهم ورضاهم!
حينها لطم “شميدث” خديه حسرةً، وجلس يسحب شعر رأسه كالمجنون..

🖤 ‏العبرة:

•من الجميل أن تساعد الآخرين، والأجمل أن تعرف مع من تتكلم، فليس كل مستمع ناصح وحافظ للسر، فبعض من حولنا قد يسيئون التصرف وفقاً للموقف، وما يتناسب معك قد لا يتناسب مع غيرك..

•لا تكثر الفضفضة فإنك لا تدري متى يخون المنصتون ولا تبوح بأسرارك للآخرين لكي لا يقوموا بإستغلالها ضدك عند اللزوم ..ولا تقل سرك لأحد ما دمت لا تستطيع الإحتفاظ به ؛ فالآخرون لا يملكون صدراً كافياً للإحتفاظ بأسرارنا

Advertisement

 7,171 اجمالى المشاهدات,  53 اليوم

ما مدى فائدة هذا المنشور؟

انقر على نجمة لتقييمه!

متوسط ​​تقييم 3 / 5. عدد الأصوات: 2

Advertisement

لا أصوات حتى الآن! كن أول من يقيم هذا المنشور.

As you found this post useful…

Follow us on social media!

Advertisement
No tags for this post.
Continue Reading

قصة مضحكة قصيرة

ماذا ستفعلين لو مت ؟!

Published

on

5
(1)

وقت القراءة المقدر: 3 دقيقة (دقائق)

ماذا ستفعلين لو مت ؟!

#

أن إمراة كانت تحب زوجها لدرجة الجنون ، فمرض الزوج وكان يقول لها :- ماذا ستفعلين لو مت ؟!
فتقوم زوجته بتهدأته وتقول: لن تموت .

 

لكن الزوج يصر على قوله .

فتقول له لكي يطمئن : أنها ستجلس كل ليلة عند قبره تبكيه وترثية .

فاشتد المرض عليه حتى قضى عليه ، ودفن الزوج في المقبرة العامة ، فكانت الزوجة تأتيه كل ليلة وتبكيه ……وبعد مدة من الزمن أعدم حاكم المدينة اشخاصا وصلبوا بجانب المقبرة
( قديما كانوا يصلبون الجثث للعظة والعبرة وينصب حارسا على الجثث لئلا يأتي ذووه وياخذوا الجثة من مكانها )….نرجع لقصتنا ….فكانت هذه الزوجة تأتي إلى قبر زوجها وتبكي …فسمع الحارس الواقف على الجثث المصلوبة بكاء المرأة وكان شابا وسيما يتدفق حيوية ونشاطا ، فلما سمع صوت المرأة ..جاء إليها مهرولا ..ليساعدها …فلما رآها تبكي زوجا ميتا …جلس إليها وأصبح يحادثها …ويقول لها :دعك من الأموات واهتمي للأحياء …..فتبادلا الحديث إلى أن أوصلاهما الشيطان إلى مبتغاه ……..فلما أفاقا من غفلتهما تذكر كل واحد منهما وظيفته …فرجع الحارس إلى الجثث فوجد الجثث ناقصة …فرجع إلى المرأة …وأخبرها بأن جثة واحدة فقدت ….وأن الحاكم سيعاقبه على تبتم
سه …ففكرت الزوجة مليا فقالت : إخرج جثة زوجي فلا زالت طرية واصلبها بدل المأخوذة أو المسروقة !! فقامت الزوجة مع الحارس وأخرجا جثة الزوج ليعلقاها بدل الجثة المفقودة ..!!!!!!!! فوجدو شى غريب اذهلهم…..

فوجدو شى غريب اذهلهم ……….
اكتشفت ان زوجها قد انقلب علي جمبه واتخذ وضع الجنين في بطن امه وتغير لون وجهه الي الازرق …يبدو ان عليه علامة اختناق .. فتيقنت في نفسها هيا والحارس ان هذا الرجل لم يكن ميتا عند دفنه وقد مات الان .. وانه لا يصلح لان يعلق مكان الجثة المفقودة .. ولكن الزوجة لم تحرك ساكنا عندما رات زوجها علي هذا الحال فعشقها للشاب قد طغي علي ان تتذكر حتي كيف كانت تحب زوجها .. ..لم يعلمو ما عليهم فعله. ورطته في جثته المفقودة وورطتها في حبها للشاب وهم علي هذا الحال قد تجمع الاهالي ورأو ما هم عليه والقبر منبوش من علي زوجها ووصل الخبر للملك وقد كان زوجها مقربا للملك وصديقه وكان الملك ذو فراسة وحدس عظيم فعلم ما حدث وما وقع مع المرأة والحارس .. وقال للحارث : لقد وكلتك بحراسة الجثث ولديك واحدة ناقصة وعليك انت تقتل هذه المرأة حتي تعوض الناقص والا قتلتك انت.. فصعقت المرأة والشاب والحاضرون مما حدث .. فلم يتردد الشاب للحظة وهم باخذ سيف احد الحراس وهم بقتل المرأة حتي امره الملك بالتوقف فجأة .. فنظر الملك للمرأة وقال لها ارأيتي من قد وقع قلبك في هواه مريضا ماذا قد يفعل بك. .. ارأيتي موت قلبك عندما رأيتي جثة زوجك وقد دفنتيه حيا وانتي لا تعلمين وعندما علمتي لم تحركي ساكننا ولم يردعك ضميرك او يؤنبك علي ما فعلتيه مع الحارس واخذ الملك يؤنب في نفسها حتي همت بأخذ احد السيوف من الحراس واغمدته في قلبها وفارقت الحياة …. .. القوي ليس بقوة جسده. بل القوي هو من امسكك زمام نفسه وساقها بعيدا عن هواه حتي لا تصرعه .. ذاك هو القوي??

 10,056 اجمالى المشاهدات,  14 اليوم

ما مدى فائدة هذا المنشور؟

Advertisement

انقر على نجمة لتقييمه!

متوسط ​​تقييم 5 / 5. عدد الأصوات: 1

لا أصوات حتى الآن! كن أول من يقيم هذا المنشور.

As you found this post useful…

Advertisement

Follow us on social media!

Continue Reading
زد معلوماتك19 دقيقة ago

10 روايات عن القضية الفلسطينية: تجاوز المأساة وتوثيقها

زد معلوماتكساعتين ago

تراجع عدد السكان في 16 ولاية تركية

فضفضة رييل ستورى4 ساعات ago

متصل يبكي على الهواء ببرنامج كلام الناس : ” مراتي بتضربني وبتشتمني وواخدة كل فلوسي “

ذاكرة التاريخ History's Memory5 ساعات ago

إكرام المحاقري: اليمن: 14 اكتوبر.. احداث تاريخية يتجدد ذكر مجدها

ذاكرة التاريخ History's Memory5 ساعات ago

مشاهد وعبر من تاريخ المغرب المعاصر (1955-1999)

قصة في صوره7 ساعات ago

صورة نادرة للملك سلمان بن عبد العزيز ال سعود

ذاكرة التاريخ History's Memory9 ساعات ago

أحداث 1915 إبادة جماعية أم "خيانة عصابات أرمينية"

ذاكرة التاريخ History's Memory9 ساعات ago

في عيد الصحافة الاذربيجانية .. صحفيوا اذربيجان يحتفلون بعيدهم ال 147 في مدينة شوشا المحررة

ذاكرة التاريخ History's Memory12 ساعة ago

امير البحار القائد المسلم رشيق الوردامي والبلاد الضائعة تسالونيك

زد معلوماتكيوم واحد ago

مشاهير خاضوا معارك شرسة للدفاع عن أشقائهم.. من جيجى حديد لجانيت جاكسون

تفسير الأحلام والرؤىأسبوع واحد ago

تفسير رؤية صبغ الشعر في المنام للمطلقة

تفسير الأحلام والرؤىأسبوع واحد ago

تفسير رؤية عدوك في المنام ..وما تفسير ابن سيرين

تفسير الأحلام والرؤىأسبوع واحد ago

تفسير منام رؤية الأب المتوفي

تفسير الأحلام والرؤىأسبوع واحد ago

تفسيرات رؤية القرنفل – المسمار – في المنام

تفسير الأحلام والرؤىأسبوع واحد ago

حكم تفسير الأحلام.. جائز شرعا وفقا لدار الإفتاء ولكن بشرط

قصص الإثارة3 أشهر ago

رواية رغبه متوحشه (كامله)

قصص الإثارة3 أشهر ago

رواية بنت بمدرسة عيال اغنياء بقلم ماري جو

قصص حدثت بالفعلشهرين ago

رواية هنا فى الاعماق – بقلم مايا بلال

قصص متنوعةشهرين ago

حكاية ليلى واحمد وجارتى ابتسام

قصص الإثارةشهرين ago

رواية بنت فى ورطه بقلم كوكى سامح

ادب نسائي3 أشهر ago

رواية ظلام البدر +21 بقلم بتول

ادب نسائي3 أشهر ago

قصة غرام اولاد الالفي بقلم سماء احمد

ادب نسائي3 أشهر ago

تكملة رواية ظلام البدر +21 بقلم بتول

قصص متنوعة3 أشهر ago

عايشة عند اخويا ومراتو بلقمتى ويارتني بلاقي اللقمه

روايات مصرية3 أشهر ago

قصة انا وحمايا بقلم كوكي سامح

قصص الإثارة3 أشهر ago

حكايتي مع ابو زوجى السافل وما فعلت به

روايات مصرية3 أشهر ago

قصة حماتي كامله للكاتبه ايمي رجب

قصص الإثارة3 أشهر ago

قصة حماتي وزوجتي الحامل +18 للكبار فقط

روايات مصرية3 أشهر ago

رواية كبرياء عاشقة بقلم هدير نور(كاملة)

قصص الإثارة3 أشهر ago

رواية انا والطبيب في العيادة وبدون إعتراض مني

Facebook

Trending-ترندينغ