237 اجمالى المشاهدات,  1 اليوم

💝لقاء الاحبه💝
يوسف💘 تيلا

🙈الفصل الخامس🙈

عند تيلا

وصلت البيت ودخلت قعدت على الكنبه وهى حزينه وقالت
تيلا :- يارب انا تعبت خلاص واملى فيك كبير وواثقه انك شايل ليا فرحه كبيره بس المشوار صعب اوى عليا مش قادره استحمل اكتر من كده نفسى زى اى بنت ارمى نفسى فى حضن امى واقولها واحشتينى اوى اوى يا ماما واخدت نفس وقالت يارب قرب ليا البعيد وجمعنى بأمى بقى وسكتت شويه وقالت ويوسف يارب انا واثقه أن هو مستنينى زى ما انا مستنياه وبعدين مسكت تليفونها واتصلت على منال
منال :- اذيك يا حبيبتى
تيلا :- مش كويسه خالص يا ماما
منال :- ليه يا بنتى انس ضيقك تانى
تيلا :- انس اصلا مش وراه حاجه غيرى بس مش هو السبب
منال :- امال ايه السبب
تيلا :- الدنيا يا ماما مصممه تعاند معايه قولت اعرف اوصل لاهلى عن طريق المدرسه اللى كنت فيها بس للاسف روحت لقتها اتهدت واتبنت عماره عمرك شوفتى حظ كده زى حظى
منال :- معلش يا حبيبتى ربنا عايز كده واكيد لسه مجاش معاد انك تشوفى حبايبك كلهم
تيلا :- ونعمه بالله ادينى صبره معنديش غيره دلوقتى
منال :- عملتى ايه فى الشركه اللى قولتى هتنزليها
تيلا :- اهى دى مصيبه تانيه
منال :- يا ساتر يارب ليه كده
تيلا :- فكره الشاب اللى خبطنى مرتين بالعربيه
منال :- اه مالو اوعى تقولى شغال معاكى فى الشركه
تيلا :- ههههههههه للاسف ايوه بس انيل ده طلع مدير الشركه الجديد يعنى من حظى أن هو كان أول يوم ليه شوفتى حظ معاند زى ده ده انا محظوظه اوى الصراحه هههههههههه
منال :- ههههههههههه يمكن يكون حظ حلو مش وحش زى ما انتى فكره
تيلا :- تانى يا ماما الكلام اللى ملهوش لازمه ده
منال :- مش يمكن وجوده فى نفس الشركه اشاره كويسه ليكى ويكون ربنا بعته ليكى يعوضك عن اللى فات
تيلا :- ماما انتى عارفه أن انا مفيش فى قلبى غير واحد بس هو يوسف هو ده بس اللى قلبى سمح يدخل ليه وبس هو الراجل الوحيد اللى مسموح ليه يدخل حياتى اما بقيت الرجاله كلها صنف واحد كلهم بالنسبالى مازن
منال :- لاء يا حبيبتى كلهم مش ابوكى زى ما فى زى ابوكى فى زى يوسف كتير برضه
تيلا :- صدقينى يا ماما كلهم واحد يوسف الوحيد المختلف عن الرجاله كلها بدليل اللى انا هشتغل عنده فى الشركه زيه زى اى راجل شايف نفسه ومفكر نفسه أن هو علشان راجل يقدر يدوس على اى بنت واللى متأكده منه أن هو مشغلنى عنده علشان ينتقم منى علشان القلم اللى ادتهولو بس انا هعرفه أن الله حق وهعرفه أن مش كل بنات حوا صنف واحد وهديله درس يحلف بيه العمر كله
منال :- يا بنتى عقدة ابوكى مأثره عليكى وبالشكل ده مش هتعرفى تعيشى حياتك زى اى بنت تحب وتتحب وتتجوز وتفتح بيت ويكون عندها اطفال وعيله
تيلا :- تانى يا ماما انا مش هتجوز حد غير يوسف
منال :- وافرضى معرفتيش توصلى ليه هتعيشى حياتك كلها كده من غير جواز
تيلا :- اه يا ماما لو موصلتش ليوسف مش هتجوز عمرى يوسف مش مجرد ابن خاله ولا طفل حبيته واحنا صغيرين لا يوسف بالنسبه ليا الامان هو معنى الحياه هو بالنسبه ليا ملاك عايش على الأرض
منال :- بصى يا حبيبتى هقولك كلمتين الزمن بيغير كتير عمر ما الحاجه بتفضل زى ما هى واكيد يوسف عايش حياته ومش بعيد كمان يكون اتجوز ومعاه عيل وانتى بالنسباله ذكريات طفوله مش اكتر بلاش تبنى امل على حاجه فات عليها زمن لان صدقينى حب الأشخاص بيتغير الحب الوحيد اللى بيفضل العمر كله زى ما هو حب الام هو ده الحب الثابت يا حبيبتى عارفه أن كلامى بيوجعك بس انا وجبى كأم افوقك وانبهك علشان متتصدميش
تيلا :- بدموع مستحيل يا ماما يوسف عمره ما يقدر ينسانى يوسف بيحبينى انا وانا اللى هكون مراته مش حد تانى
منال :- لو كلامك صح ليه محاولش يدور عليكى زى ما انتى بدورى عليه
تيلا :- اكيد بيدور عليا بس مقدرش يوصلى زى اكيد ما كلهم حاولو يدوره عليا بس معرفوش يوصلو ليا عمر ما يجى فى بالهم أن انا فى المنصوره
منال :- كل اللى اقدر عليه ادعيلك ربنا يريح قلبك ويقربلك البعيد يا بنت قلبى
تيلا :- ويخليكى ليا يارب يا ست الكل
منال :- مع السلامه يا ضى عيونى من جوه
تيلا :- مع السلامه يا ماما
وقفلت مع امها وقامت تدور على أكل ملاقتش خرجت من المطبخ وفتحت شنتطها وبصت على الفلوس اللى معاها لاقتها بسيطه جدآ قالت
تيلا :- طيب دول يا دوب على قد المواصلات بتاعة الشغل كل يوم طيب الاكل بعدين قالت مش مهم الاكل انزل اشترى باكو بسكوت واعمل شاى وخلاص يارب افرجها عليا من عندك يارب وحطت الشنطه الكورس وفتحت الباب ونزلت تشترى بسكوت و مشت علشان المحل بعيد بتاع البقاله ومره واحده حست بحد ماشى وراها حاولت تكون مش متوتره ومشت ومره واحده استخبت فى عماره بسرعه وبصت براحه على اللى كان ماشى وراها لاقته بيدور عليها واستنت شويه لحد ما مشى وراحت مشت بخطوات سريعه ولكن اتفاجئت الراجل ظهر قصادها وقال
الراجل :- هههههههه مفكره نفسك تقدرى تهربى منى
تيلا :- ا.ا.انت مين وعايز منى ايه
الراجل :- مش انا اللى عايزك انس باشا هو اللى عايزك
تيلا :- ا.ا ابعد عنى ملكش دعوه بيا فاهم
الراجل :-الكلام ده تقوليه لانس باشا مش ليا وراح شالها
تيلا :- قعدت تضرب فيه وتقول نزلنى بقولك نزلنى
الراجل :- حطها فى العربيه وقال اسكتى شويه وربط ايديها ورجليها وكتم بؤقها
تيلا :- اممممممم
الراجل :- ركب العربيه ومشى بيها وراح مكان ما انس قاعد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

صحيت مليكه من نومها وملاقتش فهد نايم عرفت أن هو نزل الشركه قامت من على السرير دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه وراحت حضرت الفطار وطلعت تنده على جاكلين وفريد بس لاقت اوضت عدى مفتوحه راحت خبطت على الباب لاقت عدى نايم على الأرض ومحدش معاه فى الاوضه دخلت عند عدى وقعدت قصاده وقالت
مليكه :- عدى عدى اصحه يا حبيبى
عدى :- فتح عينه وقال ماما
مليكه :- ايه اللى خلاك تنام فى الارض كده وفين مقصوفة الرقبه مراتك
عدى :- بص على الاوضه لاقه نفسه نايم على الأرض وافتكر اللى حصل ما بينه وبين روان بص لمليكه وقال انا طلقت روان يا ماما
مليكه :- خبطت على صدرها وقالت يا نهارك اسود هو انت لحقتك
عدى :- روان مش هينفع تعيش معانا يا ماما روان واخده على حاجه وحياتنا احنا حاجه تانيه خالص
مليكه :- وانت لسه واخد بالك من الكلام ده يا عدى ما احنا كلنا قولنالك كده وانت صممت عليها واتجوزتها لو كنت بتحبها بصحيح كنت صبرت عليها وغيرتها وهى لو بتحبك بجد هتتغير علشانك
عدى :- مسك ايد مليكه وقال اللى تغلط فى امى متتسماش مراتى وهى غلطت فيكى يا ماما وانتى اغلى عندى من الدنيا دى بحالها وباس ايديها
مليكه :- ملست على شعره وقالت يا حبيبى لو عليا انا عملت كده علشان تلتزم ادابها مش علشان اخرب حياتكم انت غلطان يا ابنى مش اول حاجه تقولها الطلاق كنت عقبها بأى حاجه لكن مش بالطلاق يا ابنى هى اكيد الناس هتتكلم عليها وتطلع عليها كلام علشان أطلقت بعد يومين بس من الجواز اللى منرضاش بيه على اختك منرضهوش على بنات الناس يا حبيبى اجهز ونروح نرجعها تانى
عدى :- لاء يا ماما انا بجد قفلت منها انا شوفتها على حقيقتها يا ماما
مليكه :- حاول تغير منها لو معرفتش اصبر عليها شويه وابقى طلقها علشان حرام سمعتها قصاد الناس
عدى :- بس يا ماما
مليكه :- مفيش بس اجهز علشان نروح نرجعها
عدى :- حاضر يا ماما
مليكه :- ربنا يسعدك يا حبيبى وخرجت من الاوضه وراحت اوضت جاكلين وخبطت على الباب
جاكلين :- ايوه مين
مليكه :- انا يا جاكى
جاكلين :- ايوه يا ماما ادخلى
مليكه :- دخلت واستغربت وقالت انتى ليه مش لابسه انتى مش هتروحى الشغل ولا ايه
جاكلين :- لاء يا ماما انا اخد اجازه من الشغل الصحافه وهنزل الشغل مع يوسف فى شركة عمو اسر
مليكه :- طيب وانتى ايه عرفك فى شغل الهندسه
جاكلين :- يعنى يوسف كان يعرف هتعلم زى ما يوسف هيتعلم
مليكه :- براحتك يا جاكى بس انا عايزه اتكلم معاكى كلمتين من زمان
جاكلين :- اتفضلى يا ماما قولى
مليكه :- اقعدى وقعدت قصادها وقالت انا من زمان حاسه ان فى حاجه فى قلبك ليوسف وصممتى تدخلى نفس الكليه اللى يوسف دخلها وروحتى بعد التخرج دخلتى معاه نفس الجريده اللى هو بيكتب فيها وكل ده وانا اقول عادى علشان طول عمركم متربين مع بعض وزى الاخوات بس بقالى فتره حاسه بتغير مشاعرك ليه من اخ لحاجه تانيه وقرارك انك تشتغلى معاه فى شركة ابوه دى أكدت ليا كده بس عايزه اقولك فوقى يا جاكى يوسف مفيش حد فى قلبه غير تيلا وبس وكلنا عارفين كده علشان متتعشميش وفى الاخر تتصدمى من النتيجه يوسف مش ليكى يا جاكى
جاكلين :- سكتت شويه وبصت لامها وبعدين ضحكت ههههههههههههههههه
مليكه :- بأستغراب بتضحكى
جاكلين :- ايوه بضحك علشان الحكايه اللى حكاتيها دى مدهوسه فى مليون كتاب روايات بنت الخاله اللى بتحب ابن خالتها وابن خالتها بيحب بنت خالته التانيه واكون انا الشخصيه الشريره اللى هتعمل بأى طريقه علشان توقع ابن خالتها ده فى حبها هى ايه يا حاجه شوفى روايه تانيه ليه ميكونش انا بحب فعلا يوسف بس حب من نوع تانى خالص حب الاخ التوأم والصديق الانتيم يوسف مش اكتر من كده يا ماما هو سرى وانا سره وانا شاهده على حبه لتيلا بنت خالتو مى حتى بعد ما اختفت حبها فى قلبه بيزيد مش بيقل
مليكه :- انا خايفه عليكى يا بنتى ومن وجبى كأم افوقك وانبهك للغلط
جاكلين :- متخفيش يامزه يوسف مش اكتر من ابن خاله واخ وصديقى الانتيم
مليكه :- بستها فى راسها وقالت ربنا يكملك بعقلك يارب
جاكلين :- ويخليكى ليا يا مزه
مليكه :- بنت اتكلمى عدل
جاكلين :- ايه التحول المفاجئ ده
مليكه :- ههههههههه مجنونه وسابتها ومشيت
جاكلين :- اخدت نفس وقالت ياريت كل الروايات حقيقه يا ماما كنت حققت اللى فى قلبى وقامت تلبس هدومها ونزلت
مليكه :- راحت خبطت على اوضت فريد
فريد :- ايوه
مليكه :- فتحت الباب وقالت اصحه يلا يا حبيبى علشان تروح جامعتك
فريد :- انا صاحى من بدرى يا ماما وكنت بقراه فى المصحف وشويه ونازل
مليكه :- ربنا يتقبل منك يا حبيبى
فريد :- اللهم امين
مليكه :- سابته ونزلت اوضتها ولبست هدومها وانتظرت عدى ينزلها وبعد وقت نزل عدى وركبو العربيه وراحو على فيلا اهل روان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر

كان قاعد يوسف وبيفكر فى تيلا ومره واحده جت صورة تيلا قصاد عينه
يوسف :- ليه بقت صورة وش البنت دى علطول بيجى قصاد عينى يمكن علشان تشابه الاسم بينها وبين تيلا حبيبت قلبى بس اشمعنا هى دى بالذات ليه بقت تستحوذ على جزء من تفكرى وانا عمرى ما فكرت فى واحده غير تيلا
وفى الوقت ده دخل معاذ وقال
معاذ :- استاذ يوسف كان فى شركه فى المنصوره للهندسه والديكور كان الأستاذ اسر عايز يشتريها وبعتنا مندوب ليهم يتفاوض مع صاحب الشركه بس رفضو ومن مده الراجل صاحب الشركه مات وعرضنا عليهم أن نشترى الشركه بس كان فى اختلاف ما بين الورثه ودلوقتى ابن اخو صاحب الشركه اتصل بينا وقال إن هما موافقين على البيع
يوسف :- طيب ليه التعب ده ايه هيخلينا نشترى فى الحته البعيده دى
معاذ :- لاء الشركه دى مهمه جدآ لأستاذ اسر وبعدين احنا لينا فروع فى كل حته الا المنصوره ملناش فيها
يوسف:- تمام يعنى احنا هنروح بليل نشترى الشركه من ابن اخوه ده
معاذ :- تمام كده
يوسف :- ماشى يا معاذ شكرآ اتفضل على مكتبك
معاذ :- عن اذنك يا فندم وخرج معاذ بس وهو خارج كانت جاكلين داخله والاتنين خبطو فى بعض
جاكلين :- ااااااااه
معاذ :- وهو ماسك جاكلين قبل ما تقع قال ا.ا.اسف بس حضرتك اللى دخلتى علطول من غير ما تبصى
جاكلين :- اوبس انا اسفه والله ما اخد بالي
معاذ :- ل ل لا ولا يهم
جاكلين :- احم طيب ممكن تسبنى
معاذ :- اخد باله وقال احم ا.ا انا اسف وبعد عنها
جاكلين :- عارف المشهد ده اتهرس قد ايه فى الروايات
معاذ :- نعم
جاكلين :- اه والله زى مابكلمك كده أن البنت تتخبط فى الشاب وتيجى تقع يمسكها الشاب الأمور ويسرح فى عينيها ويتهته زيك كده دلوقتى اه ونسيت والبنت خدودها تحمر من الكسوف مع أن خدودى ولا احمرت ولا حاجه وبلاش اكملك الباقى بقى لما يحصل موقف تانى ابقى اقولك بقيت الروايه وسابته ومشيت
معاذ :- وقف مصدوم ومش فاهم حاجه وبعدين قال البت دى يا مجنونه يا اما مجنونه مش طبيعيه ابدآ
وبص على الباب ومشى على مكتبه
فى المكتب

جاكلين :- يويو عامل ايه يا مان
يوسف :- جاكى ايه جابك مش مفروض تكونى دلوقتى فى الجريده
جاكلين :- لاء ما انا اخد اجازه وقررت أفضل ليك زى العمل الرضى كده وملزماك زى ضلك وهشتغل معاك فى الشركه
يوسف :- بأستغراب تشتغلى معايه فى الشركه ازاى وانتى بتفهمى فى الهندسه
جاكلين :- هههههههه لاء
يوسف :- امال هتعملى ايه بقى
جاكلين :- هتعلم زيك
يوسف :- بلا نيله هو انا فاهم حاجه شوية رسم ومش فاهم اى حاجه منهم
جاكلين :- لاء متخفش انا مخى نضيف اوى بفهم بسرعه مش هتعبك صدقنى
يوسف :- ده على اساس انا اللى هفهمك هو انتى بتفهمى اصلا
جاكلين :- ميرسى يا يويو الله يكرم اصلك يا اخويه
يوسف :- جاكى الله يرضه عنك انا مستحمل هنا بالعافيه مش هيبقى انتى والشغل عليا
جاكلين :- جربنى وكفاءة هبهرك
يوسف :- يا دين النبى انتى بتفهمى ازاى بقولك مش فاهم حاجه يبقى ازاى اعلمك
جاكلين :- لاء ما هو انت تتصرف انا هنام هنا لو محدش علمنى
يوسف :- الله يخربيت زنك يا شيخه اصبرى هخلى معاذ يعلمك
جاكلين :- اشطه يا معلم هات معاذ
يوسف :- يارب صبرنى على البلوه دى ومسك التليفون وطلب معاذ يجى وبعد وقت جه معاذ وخبط على الباب ودخل
يوسف :- تعال يامعاذ
جاكلين :- اووووبا هو انت معاذ
يوسف :- انتى تعرفيه
جاكلين :- لاء بس من شويه كنت فى حضنه
يوسف :- نعم يا اختى
معاذ :- احم احم
جاكلين :- اه والله وقعت فى حضنه وشرحت ليه المشهد
يوسف :- انتى عبيطه يا جاكى
جاكلين :- لاء ليه
يوسف :- يارب صبرنى وبص لمعاذ وقال معاذ معلش هتعبك معايه بس عايزك تعلم الاخت دى شغل الهندسه والديكور والنظام هنا فى الشغل
معاذ :- حاضر يا فندم
جاكلين :- ايوه بقى هو ده الكلام
يوسف :- ربنا يعينك يا ابنى على اللى هتشوفه ربنا معاك
جاكلين :- تعال بس يا معاذ سيبك منه تعال احكيلك المشهد التانى فى الروايه
معاذ :- افندم
جاكلين :- اه والله بيدخل الشاب اللى البنت وقعت فى حضنه المكتب وبيتفاجئو ببعض وتبدأ الحكايه من هنا
معاذ :- حكاية ايه
جاكلين :- لاء متحطش فى بالك دى حكايه كده بايخه
معاذ :- ها نعم انا مش فاهم حاجه
جاكلين :- لاء يا معاذ فوق كده معايه وصحصح ده لسه خمسين مشهد هيتنفذو
معاذ :- لنفسه لاء وربنا دى مجنونه رسمى واخدها وراح على مكتبه
جاكلين :- معايه يا معاذ
معاذ :- ها ا.ا.ايوه معاكى
جاكلين :- اشطه فهمنى بقى الشغل واه بلاش بس والنبى وانت بتشرح ايدك تلمس ايدى اصلها بايخه واتهرست فى كل الروايات
معاذ :- بصدمه نعم
جاكلين :- اسمع بس الله يرضى عنك شوف حاجه تانيه تكون جديده
معاذ :- احم انا بقول الاحسن نبدأ شغل يا استاذه
جاكلين :- اسمى جاكلين او ممكن تقولى جاكى وبلاش استاذه دى احنا مش فى مدرسه فاهم يا استاذ معاذ
معاذ :- هههههههههههههههههه
لاء بجد انا فى عشر دقايق دماغى لفت
جاكلين :- ياراجل تلاقى بس الصموله عايزه تتربط كويس
معاذ :- صموله
جاكلين :- يا راجل متحطش فى بالك بتقف على حاجات غريبه تعال نبدء الشغل
معاذ :- يلا بينا
وبدأ معاذ يفهم جاكلين الشغل وبعد وقت طويل انتهى
جاكلين :- نهار اسوح ومليل بليل ايه اللعبكه دى كلها انتو شغلين كده من زمان
معاذ :- ايوه
جاكلين :- قول والله
معاذ :- بصى يا ستى انتى مع الشرح تحسى أن هو صعب بس مع الشغل هتلاقيه سهله جدآ
جاكلين :- جايز
معاذ :- انتى اصلا شغاله ايه
جاكلين :- صحافيه
معاذ :- بأستغراب وازاى صحافه وهتشتغلى فى الهندسه
جاكلين :- بص يا سيدى انا يوسف ده بالنسبالى اكتر من آخ وهو ابن خالتى ومن صغرنا واحنا واخدين كل حاجه نكون مع بعض ولما اخد الاجازه من الجريده اخد انا كمان اجازه وجيت اساعده فى الشغل بس كده
معاذ :- لدرجاتى مرتبطين ببعض
جاكلين :- ايوه
معاذ :- ربنا يخليكم لبعض
جاكلين :- يارب المهم انا كده المفروض اعمل ايه بقى
معاذ :-ولا حاجه
جاكلين :- يا راجل ودى وظيفه جديده عندكم هنا فى الشركه
معاذ :- هههههههههه لاء بس حضرتك هتبشرى العمل مع استاذ يوسف
جاكلين :- اممممم ماشى عن اذنك وسابته ومشيت
معاذ :- بص عليها لحد ما اختفت وضحك على طريقة كلامها
جاكلين :- رجعت ليه تانى وقالت اه نسيت اقولك متفضلش تبص عليا لحد ما اختفى وبعدين تضحك اصل المشهد ده فى كل الروايات مع أن ممكن تضحك عادى وانا وقفه مش لازم تستنا لما اختفى
معاذ :- مقدرش يمسك نفسه من الضحك وقال هههههههههههههههه لاء بجد انا مشوفتش حد زيك ابدآ
جاكلين :- ههههههههههههههه ولا هتشوف هههههههههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم

صحيت مى من نومها ملاقتش باسم جنبها قامت دخلت الحمام واخدت شاور واتوضت وخرجت لبست هدومها وأدت فرضها وخرجت من الاوضه وفى الوقت ده دخل باسم من باب الفيلا وهو شايل شنط فى أيده
باسم :- صباح الخير يا عمرى صاحيه من بدرى
مى :- صباح النور يا قلبى لاء لسه صاحيه من شويه بس انت كنت فين بدرى كده
باسم :- نزلت اشترى حاجات للعيال محتاجنها
مى :- حاجات ايه دى
باسم :- هتعرفى دلوقتى وراح وقال هنا يا فرحه يا عمار
هنا :- ايوه يا بابا خير
باسم :- تعالى عايزك وهاتى اختك فرحه واخوكى عمار
هنا :- حاضر يا بابا وراحت ندهت على فرحه وعمار ونزلو التلاته
فرحه :- خير يا بابا
عمار :- خير يا حاج ايه الهيصه اللى عملها على الصبح دى يكونش الزمالك فاز على الأهلى
باسم :- زمالك واهلى هو ده بس اللى فالح فيه يا اخويه
فرحه :- سيبك منه يابابا وخليك معايه انا
باسم :- خدى يا فرحه الشنطه دى ليكى ودى كمان وانتى يا هنا دول بتوعك وانتى يا ميوش ده علشانك
مى :- وجايب ليا انا كمان
باسم :- انتى الاساس يا حبى
مى :- ربنا يخليك ليا يارب
عمار :- وانا يا حاج وقع من قعر الافه ولا ايه
باسم :- عايز ايه
عمار :- والله اى حاجه تيجى منك تبقى فل الفل بدل ما انا حاسس كأنى يهودى واقع وسط جماعة داعش
هنا وفرحه ومى :- ههههههههههههههههههه
عمار :- بتضحكو ما انتو كل واحد اخد حاجته محدش افتكر الولا الغلبان عمار
باسم :- خد يا اخويه حاجتك اهى
عمار :- اخدهم وقال من يد ما نعدمها يا حاج وطلع يجرى على اوضه
باسم :- ها يا بنات ايه رأيكم فى الحاجه
هنا :- جميله يا بابا ربنا يخليك لينا يارب
باسم :- البسى بقى البلوزه السمرا الجديده وبلاش القديمه وعندك كذا طقم غيرى فيهم براحتك
فرحه :- حلوين اوى يا بابا ربنا يخليك ليا يارب
باسم :- ويخليكم ليا يارب وميحرمنيش منكم ابدآ وبعدين بص لمى وقال وانتى يا قلبى
مى :- تعيش وتجيب لينا يارب
وفى الوقت ده نزل عمار
الكل بص عليه وضحك
عمار :- ايه ده يا حاج
باسم :- وهو بيكتم ضحكته ماله
عمار :- جبت قميص قولت ماشى تغير إنما ليه طويل اوى كده وبكم فى عز الصيف ليه حد قالك ان انا ناوي اتحجب لاسمح الله
باسم :- اصلك مش واخد على الاحترام واخد على البنطلون المتقطع والتيشرتات اللى كلها بتلمع شبه هدوم البنات
عمار :- والله يا حاج مش معترض على القميص بس ليه جايب القميص بكم وطويل كده
هنا :- خلاص يا عمار ابقى اعمله عند اى ترزى وخلاص
عمار :- كشفت شعرى ودعيت عليكم كلكم قلبى وشعر صدرى مش راضين عنكم وسابهم وطلع على اوضه
الكل :- ضحك على عمار وكل واحد راح على اوضه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند اسر ومها فى المستشفى

اسر :- تفتكرى يوسف هيقدر ياخد باله على الشركه
مها :- طبعآ يوسف راجل ويقدر يكبرها كمان عن لما انت كنت مسكها
اسر :- عارفه يا مها نفسى فى ايه
مها :- فى ايه يا عمرى
اسر :- نفسى ابنك يعيش حياته ويشوف بنت كويسه تحبه ويحبها ويتجوزها وأشوف ليه عيل قبل ما اموت
مها :- صعب يا اسر انت عارف ابنك مفيش حد فى قلبه غير تيلا ولا عمره هيفكر يتجوز من حد تانى
اسر:- عارف يا مها ومجرب حب الطفوله وحاسس بالابنك حاسس بيه بس على الاقل انتى كنتى قدامى لكن هو متشعلق فى حبال دايبه فين تيلا يا مها بقالنا قد ايه بنحاول نوصل ليها ودورنا عليها فى مصر وبره مصر وموصلناش ليها نفسى ابنك بقى يفوق من حبه ليها وينتبه لنفسه
مها :- كلنا نفسنا أن تيلا ترجع بس بجد مع مرور الوقت الواحد بيفقد الأمل فى رجوعها
اسر :- ايه رأيك فى جاكى بنت مليكه اهو طول عمرهم مع بعض وعارفين بعض اكتر من اى حد تانى
مها :- بس اعتقد اللى ما بنهم ده اخوه مش اكتر
اسر :- بس صدقينى ممكن ينفعو لبعض اوى علشان هما اصدقاء
مها :- لا يا اسر بلاش جاكى انا بحبها وابنك لو غصبنا عليه ممكن يجرحها ويبقى قضينا على صداقتهم وحبهم لبعض زى الاخوات
اسر :- طيب انتى شايفه مين ينفع لابنك
مها :- معرفش بس اكيد مش جاكى وبعدين ركز انت الاول فى صحتك ولما نرجع نبقى نشوف ليه عروسه كويسه وربنا يهديه
اسر :- يارب يا مها يارب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

صحيت سمر من نومها

ودخلت صحيت مى ومليكه ونزلت تحضر ليهم الفطار وبعد وقت نزلو الاتنين
مى :- صباحو يا بشر
سمر :- متعرفيش تتكلمى شبه الناس
مى :- ايه ده هى الناس بقت تتكلم من مكان تانى غير بؤقها
مليكه :- بلاش استظرافك على الصبح والنبى انا مش عارفه جايبه البرود ده منين ابوكى تعبان وانتى بتهزرى
مى :- خلاص كلكم بقيتو العاقلين وانا بس المجنونه
سمر :- لاء يا ستى انتى ست العاقلين بس اقعدى افطرى علشان الحق اوصلكم لكليه معايه على السكه
مى :- اوعدنا يارب ناس مستعجله علشان تشوف حبيب القلب
سمر :- اتلمى يا مى
مى :- بقول حاجه غلط مش انتى مستعجله علشان تشوفى فريد حبيب القلب اااااااه يا قلبى قلبى الصغير لا يحتمل الحب ده كله هيييييييح
سمر :- وربنا يا مى لو متلمتيش لهوريكى
مى:- خلاص بس متزوقيش وفطرو التلاته وراحو ركبو العربيه مع سمر وصلتهم الكليه وراحت سمر الكليه بتاعتها
فى الكليه عند سمر

اول ما وصلت سمر دورت بعينيها على فريد واول ما شافته راحت عنده
سمر :- صباح الخير
فريد :- صباح النور
سمر :- عامل ايه
فريد :- الحمدالله
سمر :- وخالتو مليكه
فريد :- الحمدالله كلهم كويسين
سمر :- يارب دايمآ
فريد :- طيب عن اذنك
سمر :- فريد
فريد :- بصلها وقال نعم
سمر :- احم ممكن اروح اقعد معاك
فريد :- طبعآ تعالى
سمر :- ش.ش.شكرآ
فريد :- العفو على ايه انتى زى اختى يا سمر
سمر :- اختك
فريد :- ايوه اختى
سمر :- حاولت تمسك دموعها وضحكة وقالت شكرآ ولسه هتمشى
فريد :- سمر رايحه فين
سمر :- هروح فى اى حته بعيد عن هنا وسابته ومشيت
فريد :- لنفسه مالها دى زعلت من ايه غريبه وراح قعد على الكافتيريا شرب عصير وراح المحاضره بتعته
سمر :- طول المحاضره منزلتش عينها عن فريد
فريد :- طول المحاضره مركز مع الدكتور مش منتبه لسمر
سمر :- دمعه نزلت منها مسحتها علطول بأيديها وقالت انا خلاص تعبت من حبه ولا هو حاسس بيا تعبت من الحب اللى من طرف واحد براحتك بقى يا فريد تحس أو متحسش بيا مش فارقه هحاول انساك بأى طريقه
وبعد وقت المحاضره خلصت وجه شاب قعد جنب سمر وقال
شهاب :- على فكره حرام العيون الحلوين دول ينزلو دموع دول اتخلقوه علشان الناس تتغزل فيهم
سمر :- بأستغراب نعم
شهاب :- بقول ازاى واحده زى القمر كده تعيط ده مين اللى معندهوش دم يزعل العسل ده
سمر :- لو سمحت الزم ادبك ولسه هتمشى
شهاب :- مسكها من دراعها وقال على فكره انا مش بعاكس أنا شوفتك زعلانه وبتعيطى فى المحاضره جيت اشوفك وأشوف ايه مزعلك
سمر :- بحزم لو سمحت سيب دراعى والزم ادبك وبعدين اعيط ولا معيطش ده شئ ميخصكش
شهاب :- بصوت عالى انتى شايفه نفسك على ايه ده انتى حتة بنت متسواش قولت اجى اعمل ليكى قيمه وأشوف زعلانه ليه لكن انتى فكرتى نفسك حاجه
فريد :- سمع كده راح عند سمر وقال فى ايه يا سمر
سمر :- مسحت دموعها وقال مفيش يا فريد
فريد :- قال مالو بيكى
شهاب :- وانت مالك بقى يا ننوس عين امك جاى تعمل حبتين قدام المزه علشان تلفت انتباهه
فريد :- مسكه من ليقته وقال دى بنت خالتى يا غبى واياك تقرب منها تانى فاهم وسابه وبص لسمر وقال امشى قدامى يلا
شهاب :- بصوت عالى حلو الحبتين اللى عملتهم قدام المزه دى بس المزه دى تلزمنى وراح عنده وضرب فريد فى وشه
سمر :- بلهفه فريد وبصت لشهاب وقالت ايه اللى انت عملته ده يا حيوان وربنا لاشتكيك لمسئولين الجامعه
شهاب :- هههههههه لاء خوفتينى يا بت
فريد :- مسك شهاب وقعد يضرب فيه
سمر :- فريد خلاص سيبوه خلاص يا فريد فريددددددد
شهاب :- وهو وشه كله بيجيب دم مش هسيبك يا فريد خليك فاكر انك انت اللى بدأت ومشى من قدامهم
فريد :- بص لسمر وقال بعصبيه امشى قدامى
سمر :- كانت اول مره تشوف فريد بالحاله دى خافت ومشت قدامه من غير ولا كلمه
فريد :- مشى لحد عربيته وقال اركبى
سمر :- لاء هروح بعربيتى
فريد :- بعصبيه كلمه واحده بقولك اركبى
سمر :- ركبت العربيه وهى دموعها على خدها
فريد :- شغل العربيه ومشى بيها بسرعه
سمر :- بدموع فريد ممكن تهدى السرعه شويه
فريد :- بعصبيه مش عايز اسمع صوتك فاهمه
سمر :- بعصبيه انت ليه بتكلمنى كده وانا ذنبى ايه فى اللى حصل
فريد :- فرمل العربيه مره واحده وبص بغيظ لسمر وقال بعصبيه ذنبك انك انتى اللى اديتى ليه فرصه يعمل معاكى كده لو كنتى وقفتيه من الاول عند حدوده مكنش عمل معاكى كده
سمر :- بصدمه انا يا فريد امال لو مكنتش عارف اخلاقى ومتربين مع بعض كنت قولت ايه ها البيه هو اللى جه عكسنى وانا قعده مكانى يعنى مروحتش عنده واتميصت شبه البنات وعمومآ انا يا سيدى واحده مش كويسه وبتعمل كده علشان تلفت انتباه الشباب ليها ملكش دعوه بيا سبنى فى حالى بقى ولسه هتنزل
فريد :- شدها وضربها بالقلم وقال استنى هنا
سمر :- حطت ايديها على وشها وقالت انت بتمد ايدك عليا يا فريد بأى حق ها انت مجرد ابن خاله وبس مش اكتر
فريد :- بص الاتجاه التانى ومردش عليها
سمر :- بس الحق مش عليك الحق عليا انا علشان حبيتك اتنازلت كتير معاك على كرمتى ورميت نفسى كتير عليك ليك حق تعمل اكتر من كده يا فريد
فريد :- اتصدم لما سمع كلمة حبيتك وبص لسمر وقال بتحبينى
سمر :- بدموع ايوه يا فريد بحبك ومن واحنا اطفال بحب وجودى جنبك اختارت نفس الجامعه علشان ابقى معاك حاولت كتير الفت نظرك ليا لكن انت علطول كنت بتتجاهلنى وبتعاملنى زى اختك واخرها طبعآ الصبح بس انا خلاص تعبت اقسم بالله تعبت الحب من طرف واحد ده موت بالبطيئ يا فريد لما تشوف اللى بتحبه مش حطك فى دماغه بجد حاجه صعبه اوى بس خلاص انا من النهارده هعيش حياتى وهنساك يا فريد وانا اللى هعتبرك ولا حاجه بالنسبالى ولسه هتنزل
فريد :- مسك ايديها وقال سمر استنى
سمر :- بصت على ايد فريد وسحبت ايديها وقالت خلاص يا فريد الحب اللى هيجى منك بعد اعترافى ده هيبقى مجرد شفقه منك مش اكتر وده مش هسمح بيه عن اذنك يا فريد ونزلت وهى دموعها على خدها ووقفت تاكسى وركبته وراحت على الفيلا
فريد :- بص على سمر لحد ما مشت وقال غبى ازاى محستش بحبها ليك رغم أن تملى كان جوايا حاجه بتشدنى ليها اهى خسرتها العمر كله غبى غبى وشغل العربيه ومشى بيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مليكه وعدى
وصلو عند فيلا اهل روان
روان :- اول ما شافتهم نزلت تجرى وفتحت ليهم وربعت ايديها قصاد صدرها وقالت نعم جاين ليه
مليكه :- جاين نرجعوكى لبيتك من تانى
روان :- لاء سورى انا مش تحت امركم
مليكه :- طيب مش هدخلينا عندك ولا ايه هنفضل نتكلم من على الباب
روان :- هووووف اتفضلو
عدى :- وهو بيدوس على سنانه قولتلك يا ماما بلاش بس بتتكلم ازاى
مليكه :- معلش يا ابنى استحمل علشان خاطرى
عدى :- حاضر يا ماما لما نشوف اخرتها
ودخلو قعدو
مليكه :- ممكن تنادى على ماما وبابا يا روان
روان :- ليه مش مامى وبابى كانو قرع
مليكه :- معلش يا حبيبتى كانت ساعة شيطان
روان :- بقرف اه ماشى ثوانى انادى مامى وبابى ومشت وسابتهم
عدى :- اه يا ماما انا هطق اقسم بالله
مليكه :- اصبر بس
وفى الوقت ده دخلت ام روان وابوها
ام روان :- هاى
مليكه :- هاى ورحمة الله وبركاته
ابو روان :- اذيك يا مدام مليكه اذيك يا عدى مع أن زعلان منك
مليكه :- اذيك يا ابو روان احنا منقدرش على زعلكم ابدآ دى روان زى جاكى بنتى والبيوت ياما بتحصل فيها مشاكل
ام روان :- بس مش لدرجة انكم تضربو بنتى وهى لسه فى أول أسبوع للجواز وابنك يطلقها ويمشيها من الفيلا فى عز الليل لواحدها بشنطة هدومها
عدى :- بعصبيه بنتكم اللى غلطانه غلطت فى امى وغير إن كام مره اقولها بلاش تنزلى بهدوم قصيره وخفيفه تحت وهى تخرج من الاوضه بلبس مينفعش يتقعد بيه قدام حد والفيلا فيها ابويه وأخويه
ابو روان :- بس انتو واخدين بنتى وانتو عارفين أن دى طريقة لبسها
مليكه :- ايوه بس البنت بتمشى على كلام جوزها وهو طلب منها كذا مره
ام روان :- لاء طبعآ بنتى مش واخده على الخنقه هى واخده تعيش بحريتها
مليكه :- واحنا مش بنخنقوها بس بنطلب منها تلبس لبس محترم وتقعد زى ما هى عايزه فى اوضتها
روان :- انا اصلا مش عايزه ارجع الفيلا دى تانى
مليكه :- يعنى عايزه ايه
روان :- يشترى ليا فيلا ويكتبها بأسمى
عدى :- نعم يا اختى
مليكه :- بس يا عدى وبصت ليهم وقالت اذا كنا جينا هنا لحد عندكم علشان نرجع بنتكم مش علشان خاطر ابنى هيموت عليها ولا حاجه احنا جينا علشان خاطر سمعت بنتكم قدام الناس انها ازاى تطلق فى أول يومين فى الجواز لكن على وضعكم ده انتو اللى عايزين الفضايح ووقفت وقالت يلا يا عدى هما اللى خسرانين
عدى :- انا قولتلك من الاول بلاش انتى اللى صممتى اننا نيجى
مليكه :- كنت مفكراهم بنأدمين طلعت غلطانه وبصت ليهم بقرف ومشت هى وعدى
روان :- بابى دول مشيو
ابو روان :- اعملكم ايه انتى اللى طفشتيهم
ام روان :- ولا يهمك يا حبيبتى بكره هيجى ليكى يترجاكى علشان ترجعى ليه
روان :- بجد يا مامى
ام روان :- بجد ياروح مامى
روان :- ولما يجى ليا هاخد منه كل اللى انا عايزاه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند تيلا وصلت لشقه اللى فيها انس ونزلها الراجل وقال
الراجل :- البنت اهى يا انس باشا
انس :- طلع شيك وقال تشكر يا ذوق واداه الشيك
الراجل :- من يد ما نعدمها يا باشا ومشى وساب تيلا متكتفه مع انس فى الشقه
تيلا :- اممممممم
انس:- ههههههههه شكلك حلو اوى كده وانتى تحت رحمتى
تيلا :- اممممممم
انس :- مشى أيده على جسمها وقال الواحد الشيطان بيلعب فى دماغه وبيقول ليا اعمل معاكى حاجات مش هتعجبك
تيلا :- هزت راسها بمعنى لاء
انس :- انا بقول مش وقته لو سمعتى كلامى هتروحى وانتى زى الفل لو عندى هسمع كلام الشيطان وهظبط نفسى
تيلا :- هزت راسها بمعنى ايوه
انس :- برافو عليكى هيجى ناس دلوقتى تشترى الشركه بتاعة عمى وانتى زى الشاطره هتمضى على العقد لو الناس حست بحاجه انتى عارفه ايه هيحصلك
تيلا :- هزت راسها بمعنى موافقه
انس :- راح فكها وقال قدام الناس انتى بنت عمى ومراتى فاهمه
تيلا :- بخوف م.م.ماشى
انس :- شاطره كده خليكى زى ما انتى كده
تيلا :- حاضر
وبعد وقت جرس الباب رن
انس :- شكلهم الناس مش عايز غلطه واحده
تيلا :- ح.ح.حاضر
انس :- فتح الباب وقال اهلا وسهلا اتفضلو
يوسف :- شكرآ ليك ودخل قعد واتفاجئ بوجود تيلا وقال انتى
انس :- دخل وقعد جنبها وحط أيده على كتفها وقال ايوه دى تيلا بنت عمى ومراتى
يوسف :- اتصدم لما سمع كده وقال انتى متجوزه
تيلا :- وهى حابسه الدموع فى عينيها هزت راسها بمعنى ايوه ومن جواها بتصرخ بمليون لاء
انس :- يعنى مش متجوزين بمعنى متجوزين لاء مكتوب كتابنا ولسه الفرح
يوسف :- امم مبروك المهم نبدأ فى الاتفاق
انس :- انا اتفقت على السعر مع استاذ معاذ والمدام جاهزه تمضى على العقود
يوسف :- احسن برضه وفرت ليا وقت وبص لمعاذ وقال هات العقود
معاذ :- طلع الورق واده ليوسف
يوسف :- اتفضلى يا مدام أمضى هنا
تيلا :- اخدت القلم وايديها بتترعش مضت على العقود من غير ما تبص فيها وسابت القلم ووقفت وقالت عن اذنكم انا تعبانه شويه وراحت عند الباب ونزلت ودموعها على خدها وقفت تاكسى وركبته وروحت على البيت ورمت نفسها على السرير وقعدت تعيط
عند يوسف مضى العقود ودفع الفلوس لانس ومشى هو ومعاذ وروح البيت وهو كان زعلان من جواه لما اكتشف أن تيلا متجوزه
يوسف :- وانت ايه مضيقك اوى كده انها طلعت متجوزه ما تولع انت شاغل بالك بيها ليه وليه اصلا بتفكر فيها من يوم ما قبلتها اول مره وهى صورتها مش بتغيب عن بالك رغم أن هى اتجرأت ومدت ايديها عليك ودى اول مره تحصل من حد اخدت نفس وقام غير هدومه ونام على سريره لقاء الاحبه يوسف و تيلا الجزء االسادس