التخطي إلى شريط الأدوات

لقاء الاحبه يوسف و تيلا بقلم دودو محمد

To report this post you need to login first.
3.3
(6)

 795 اجمالى المشاهدات,  3 اليوم

المقدمه لقاء الأحبة تتناثر فيه أجمل الكلمات وأرق التراحيب مشاعر تبعث في القلوب ضياها وترسم البسمة على شفاها وتعطي الحياة ألوانها وبهاها وتشع أطياف المحبة في سماها

 

 💝لقاء الاحبه💝
يوسف 💘 تيلا

💔الفصل الاول💔

فى فيلا اسر

فى اوضت يوسف

كان نايم على سريره وفاجئه قام على صوت جاكلين

جاكلين :- يووووووووسف
يوسف :- ايه فى ايه
جاكلين :- ايه يا ابنى كل ده نوم قوم اخلص اتأخرنا
يوسف :- جاكى اطلعى بره علشان مقومش اموتك دلوقتى
جاكلين :- قوم انت لسه هتهدد اخلص
يوسف :- بعصبيه جاااااااااكى
جاكلين :- خافت وقالت احم ماشى انا هستناك عند خالتو تحت وخرجت من الاوضه وقفلت الباب وراها
يوسف :- بص بغيظ على الباب وقام من على سريره ودخل الحمام اخد شاور واتوضه وخرج لبس هدومه واده فرضه ونزل من اوضه
يوسف :- صباح الخير
الكل :- صباح النور
اسر :- ليه مشيت امبارح من الفرح
يوسف :- انت عارف يا بابا أن مليش فى جو الافراح ده
سمر :- وانت من أمته وليك فى حاجه انت ليك بس فى التكشير والزعيق وكلامك الدبش فقط لا غير
يوسف :- تحبى اوريكى نوع تانى الضرب مثلا لسه مجربتهوش
سمر :- ها لاء ده انت حبيب قلبى يا يويو طب والنبى ده انا بفتخر بيك فى الجامعه عندى
يوسف :- والله
سمر :- وما ليك عليا حلفان ده انت حبيبى حبيبى حبيبى حبيبى حبيبى خمسه حبيبه اموووواه
يوسف :- ماما لمى بنتك عنى
مها :- اتلمى يا سمر وملكيش دعوه بأخوكى
سمر :- والله ما هو الحيله ديك البرابر بتاعكم
مها :- بنت قومى يلا روحى الجامعه بتاعتك هتتأخرى
سمر :- طيب طيب بس متزوقيش كده وقامت وقفت
مى :- استنى يا سموره خدينى معاكى على السكه
سمر :- وانا مالى ما تخلى اى حد يوصلكم
مى :- وانا هخلى مين يوصلنى ما لو بابا يرضه يجيب ليا عربيه كنت ارتحت من الذل ده
اسر :- مش لما تفلحى فى دراستك الاول ده انتى ماشيه بدعى الوالدين
مى :- مش دخلت الكليه اللى انتو عايزينى ادخلها يبقى خلاص بقى حن عليا يا اسو وهات ليا عربيه
اسر :- لاء زيك زى اختك ما اهى قعده منطقتش بكلمه واحده ولا طلبت حاجه
مى :- ولا هتطلب حاجه دى آخرها تكون متفرجه وبس
مليكه :- وانا لازم اكون زيك بسبع السانه واطلب علشان اعجبك وبعدين بابا مش مخلينى اطلب حاجه اصلا علشان بيجبها لينا من قبل ما نطلبها
مى :- امممم التطبيل عالى اوى فى العيله دى
سمر :- ما تخلصونى امشى ولا هتيجو معايه
مليكه :- انا خلصت
مى :- توب عليا يارب من العيله دى ومشت هى كمان وقالت يلا يا اختى
وخرجو التلاته
جاكلين :- هههههههه مى ومليكه توأم بس مختلفين جدآ فى طبعهم مى واخده شويه من سمر لكن مليكه طالعه شبه فريد اخويه
يوسف :- شوفو مين بيتكلم على سمر ومى ده على اساس انك حمل وديع صح ما هما طالعين شبهك انتى
جاكلين :- طيب الحمدالله أن طالعين زى مش زيك ده البنت الفرفوشه رزق من عند ربنا احمد ربنا أن عندك بنت خاله زى
مها :- هههههههههه عسل يا جاكى
جاكلين :- شكرآ يا خالتو
يوسف :- طيب قومى يا اختى قدامى علشان منتأخرش
اسر :- استنا يا يوسف
يوسف :- خير يا بابا
اسر :- انا محتاجك يا يوسف انا كبرت ومش قادر على الشغل لواحدى ومعنديش غيرك اقدر أسند عليه ويخاف على ماله
يوسف :- ايوه يا بابا بس انا معرفش حاجه عن شغل الهندسه والديكور خالص
اسر :- ما انت اللى رفض تدخل هندسه وصممت انك تدخل اعلام
يوسف :- ايوه يا بابا انا صممت على اعلام علشان تيلا كانت عايزانى ادخل كده ومتفاقين ومن احنا صغيرين اننا هندخل اعلام
مها :- يا حبيبى الكلام ده وانتو صغيرين لكن انتو دلوقتى كبار وبعدين الله اعلم تيلا دلوقتى فين وعايشه مع مين ولا بقت ايه دلوقتى
يوسف :- ماما تيلا هتفضل علطول فى قلبى وكل عهد اخدنا مع بعض واحنا صغيرين هنفذه حتى لو هى مش موجوده عندى امل انها فى يوم من الايام هترجع ليا تانى
اسر :- انا مليش غيرك يا ابنى وانا ابوك وليا حقوق عليك وانا محتاجك جنبى سيب الشغل فى الجريده وتعال امسك الشغل معايه اقف جنبى وحافظ على مالك ومال اخواتك البنات اللى قعد عمرى كله أكبر فيه علشانكم
يوسف :- انا مستحيل اسيب شغلى فى الجريده بعد اللى وصلت ليه فى الوقت الصغير ده
اسر :- يعنى افهم من كلامك انك رافض تقف جنبى وتساعدنى
يوسف :- انا هكمل المشوار اللى بدأته يا بابا
اسر :- وقف وقال بعصبيه براحتك يا يوسف وخليك فاكر أن جيت وطلبت منك انك تساعدنى وانت رفض وساب الاكل وطلع على اوضه
مها :- ليه يا يوسف تزعل ابوك وهو عمره ما زعل حد فيكم ده جزاته فى الكبر تعملو فيه كده وسابتهم وطلعت الاوضه عند اسر
جاكلين :- على فكره يا يوسف ابوك عنده حق المفروض تكون انت ضهره وسانده مش هيروح يطلبها من حد بره
يوسف :- وانا اعمل ايه يا جاكى ما انتى عارفه الوعد اللى اخده على نفسى من يوم ما تيلا اختفت
جاكلين :- بس ابوك ملهوش ذنب برضه وليه حق عليك
يوسف :- جاكى قفلى على الموضوع ده ويلا بينا على الشغل اتأخرنا
جاكلين :- يلا وخرجو الاتنين وكل واحد ركب عربيته وراحو على الشغل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقه صغيره بالاسكندريه
تجلس فتاه فى منتصف العشرينات على سريرها وتتكلم بحزن

تيلا :- يا ماما بالله عليكى متصعبهاش عليا
منال الام بتبنى :- يا حبيبت ماما مش قادره استحمل بعدك عنى ارجعى تانى وعيشى فى خير ابوكى الله يرحمه
تيلا :- انتى عارفه يا ماما أن ابن اخوه مش هيسبنى فى حالى بسبب وصية بابا الله يرحمه
منال :- تعالى وانا هحميكى منهم كلهم
تيلا :- مش عايزه مشاكل معاهم يا ماما وبعدين انا عرض عليكى تيجى اسكندريه معايه انتى اللى رفضى وقولتى مستحيل تسيبى المكان اللى عشتى فيه مع بابا الله يرحمه
منال :- صعب اسيب المنصوره بعد العمر ده كله واعيش فى مكان تانى وبعدين يا حبيبتى انتى اخترتى اسكندريه لسبب معين ونزلتى علشانه كنت هاجى انا اعمل ايه معاكى
تيلا :- سكتت شويه وقالت ادعيلى يا ماما اقدر اوصل ليهم بسرعه انا مش فاكره حاجه عنهم غير حاجات بسيطه متساعدنيش اوصلهم
منال :- ربنا يوصلك ليهم بسرعه يا حبيبتى
تيلا :- يارب
منال :- وعامله ايه دلوقتى وعايشه ازاى
تيلا :- اهو يا ماما عايشه بالفلوس اللى انا اخدها منك لحد ما أنزل ادور على شغل
منال :- ابعت ليكى فلوس طيب
تيلا :- لاء يا ماما سبق وقولتلك أن الورث ده مش من حقى كتر خيركم انكم اخدونى وربتونى وعلمتونى واديدونى اسمكم كمان انا هعيش عمرى كله مديونه ليكم بالجميل ده
منال :- هزعل منك يا تيلا ده انا اللى عايزه اشكرك على احلى سنين عشناها معاكى وعن انك عوضينا عن حرامان الخلفه وكنتى احلى بنوته وسمعتينا احلى كلمة بابا وماما
تيلا :- ربنا يخليكى ليا يا ست الكل
منال :- ويخليكى يا حبيبتى ويحقق ليكى كل اللى بتتمنيه يا قادر يا كريم
تيلا :- اللهم امين مع السلامه يا احلى ماما فى الدنيا
وقفلت مع منال وقعدت تفتكر اللى حصل معاها فى الماضى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فلاش باااااااك

مازن :- امشى انجرى معايه من غير ولا نفس
تيلا :- لاء انت وحش انا مش بحبك
مازن :- طيب امشى وانا هجيب ليكى العاب كتيرررررر اوى
تيلا :- مش عايزه منك حاجه بابا جايب ليا العاب كتيرررررر اوى واحلى من اللى انت بتجبهم ليا
مازن :- بابا
تيلا :- ايوه بابا باسم انا بحبه اوى هو احسن منك مش بيخلى ماما تعيط وبيخليها تضحك علطول لكن انت وحش
مازن :- اتغاظ وشالها ومشى بيها
تيلا :- اوعى نزلنى يوسف الحقنى يووووووووسف
مازن :- شممها منديل وخلاها نامت وشلها وحطها فى عربيه ومشى بيها وبعد وقت وصل عند الميناء وكان فى ناس مستنيا المركب اللى هتاخدهم وبعد وقت وصلت المركب وركب الكل وكان اليوم ده فى عاصفه جامده وحصل قلق فى المركب
مازن :- بخوف هو فيه ايه
صاحب المركب :- العاصفه جامده والبحر عالى
مازن :- طيب وايه العمل دلوقتى
صاحب المركب :- هنستنا للصبح
مازن :- هنا فى وسط البحر
صاحب المركب :- عندك حل تانى يا اخ
مازن :- لاء
صاحب المركب :- يبقى نقطنه بسكاتك وبعد وقت اشدت العاصفه وبدأت الميه تدخل المركب وبدء الكل يخاف ومره واحده المركب مالت وبدأت الناس تسقط فى البحر ومازن وقع فى الميه وتيلا معاه
تيلا :- فاقت وبدأت تنزل فى الميه وتطلع وتنادى على ابوها وهى بتعيط وتقول الحقنى يا بابا
مازن :- مكنش عارف يعوم واخد العوامه ولابسها
واحد :- حد يلحق البنوته الصغيره دى وبص لمازن وقال مش هى معاك يا اخ
مازن :- بكدب لاء معرفهاش
الراجل :- ازاى مش كانت معاك
مازن :- ها لاء
تيلا :- الحقنى يا بابا
مازن :- غير وشه ومبصش ليها
تيلا :- بدموع وهى خلاص بدأت تفقد الوعى الحقنى يا ب.ب.بابا
واحد :- البنت بتغرق وراح يجرى عليها ولبسها الهاف جاكت ورفعها عن الميه بس كانت فقده الوعى وبعد وقت وصل ليهم فريق الانقاذ وخرجهم من البحر فى منهم من نجاه وفى منهم غرق ومات وخرجو جثث بس برضه تيلا كانت فقده الوعى
وطلع النهار وتيلا فاقده وكانت فى مستشفى ومحطوط ليها نفس شالته وقامت تجرى من الخوف وخرجت من المستشفى وكانت بتجرى ووقعت قصاد تاكسى
السواق :- فرمل عليها ونزل يطمن عليها وقال حصلك حاجه
تيلا :- بخوف هزت راسها بمعنى لاء
السواق :- قومها وقال فين بابا وماما
تيلا :- بدموع معرفش
السواق :- توهتى منهم طيب
تيلا :- معرفش
السواق :- انتى اسمك ايه
تيلا :- تيلا
السواق :- تيلا ايه
تيلا :- تيلا مازن محمد إبراهيم
السواق :- منين يا تيلا
تيلا :- بدموع اسكندريه
السواق :- ياااااه وانتى ايه جابك المنصوره
تيلا :- ايه المنصوره دى
السواق :- دى ولا اقولك تعالى اركبى معايه وام العيال تبقى تفهمك
تيلا :- لاء انا عايزه اروح عند ماما وبابا
السواق :- تعالى بس غيرى هدومك عندى بنت فى جسمك كده البسى من عندها حاجه
تيلا :- ركبت معاه وهى خايفه وراحت معاه عند البيت
السواق :- دخل الشقه ومعاه تيلا
ام السيد مرات السواق :- مين دى يا ابو سيد
ابو سيد :- بنت كنت هخبطها بالعربيه وشكلها تايهه من ابوها وامها
ام السيد :- وليه مرحتش سلمتها فى القسم ممكن يحصل لينا مشاكل بسببها
ابوالسيد:- معرفش بقى انا قولت اجبها ليكى وانتى تتصرفى
ام السيد :- اسمك ايه يا شاطره
تيلا :- بخوف اسمى تيلا
ام السيد :- فين ماما وبابا يا حبيبتى
تيلا :- فى البيت
ام السيد :- ايوه فين البيت ده
تيلا :- معرفش
ابو السيد :- دى بتقول من اسكندريه
ام السيد :- اسكندريه وايه هيجبها المنصوره
ابو السيد :- معرفش
ام السيد :- ايه جابك هنا يا حبيبتى
تيلا :- قعدت تعيط وتقول انا عايزه بابا وماما
ام السيد :- طيب اسكتى وانا هوديكى عندهم
تيلا :- بدموع عايزه ماما وبابا
ابو السيد :- بزعيق اسكتى شويه يا بت انا اللى جبت الصداع ده لنفسى
تيلا :- خافت وقعدت تعيط اكتر
ام السيد :- بت يا سميه خدى البت دى اديها حاجه من هدومك تلبسها
سميه :- حاضر يا اما امشى يا بت قدامى
تيلا :- بدموع لاء ا.ا انا عايزه ماما وبابا
ام السيد :- غورى يا بت صدعتينا
تيلا :- قعدت تعيط ومشت مع سميه وغيرت هدومها بهدوم تانيه
سميه :- ايه ده حلق وخاتم دهب يا اما يا أبا البت دى معاها خاتم وحلق دهب
ام السيد :- جت تجرى وقالت والله ورينى يا بت
تيلا :- ابعدى عنى ملكيش دعوه بيا
ام السيد :- مسكتها من شعرها وقالت تعالى هنا يا مخفيه وقلعتها الحلق والخاتم
ومر الوقت وجه الليل وكانت تيلا قعده خايفه على الكنبه وباب الشقه اتفتح ودخل ابو السيد
ابو السيد :- قعده كده ليه يا بت منمتيش ليه زى اللى فى البيت
تيلا :- بدموع مش عايزه انام عايزه اروح عند ماما وبابا
ابو السيد :- راح عندها ومسكها من دراعها وزقها وقال ادخلى اتخمدى والصبح اوديكى مش نقصه صداع على اخر الليل هضيعى النفاسين اللى واخدهم بس تيلا وقعت على الأرض وهدمها اترفعت
ابو السيد :- بص على جسمها وبلع ريقه وراح عندها ولسه هيمد أيده على جسمها
تيلا :- ابعد عنى ا.ا انت عايز ايه
ابو السيد :- شششش وطى صوتك هتصحى اللى فى البيت ومسكها وقال تعالى هجيب ليكى حاجه حلوه ومد أيده على جسمها
تيلا :- بعدت عنه وقالت لاء متمدش ايدك يوسف قالى كده عيب
ابو السيد :- بغيظ شكلك كده هتتعبينى وراح عندها ومسكها وكتم بؤقها بأيديه والايد التانيه يمشيها على جسمها
تيلا :- عضت ايديه وطلعت تجرى وفتحت الباب ونزلت تجرى من الشقه
ابو السيد :- اااااه يا بنت ال
ام السيد :- فى ايه يا ابو السيد
ابو السيد :- ها البنت اللى جبتها معايه هربت من هنا رجعت ملاقتهاش
ام السيد :- احسن فى داهيه هو احنا لاقين نأكل اللى معانا علشان نأكلها
ابو السيد :- اه عندك حق سيبك منها وتعالى عايزك فى كلمتين فى حضنى
ام السيد :- بدلع هههههههه يلا ابو العيال
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند تيلا

نزلت الشارع وقعدت تجرى تجرى تجرى لحد ما وقعت على الأرض واغمى عليها من قلة الاكل
وبعد وقت فاقت ولاقت نفسها نايمه فى سرير ومتعلق ليها محلول وبصت حواليها لاقت ممرضه قعده جنبها
الممرضه :- حمدالله على السلامه يا توته
تيلا :- بفرحه انتى تعرفينى يعنى تعرفى ماما وبابا
الممرضه :- لاء معرفكيش
تيلا :- بزعل امال عرفتى ازاى أن انا اسمى توته
الممرضه :- انا معرفش أن اسمك كده انا الاسم ده بقولو للاطفال كلها
تيلا :- بزعل طيب انا عايزه اروح عند ماما وبابا
الممرضه :- طيب هما فين وانا اوديكى
تيلا :- فى البيت
الممرضه :- ايوه فين البيت ده
تيلا :- معرفش
الممرضه :- طيب انتى كنتى فى الشارع فى الوقت ده ليه ناس لاقوكى وقعه فى الارض جابوكى هنا
تيلا:- انا كنت بهرب من الراجل الوحش عايز يعمل معايه حاجات وحشه
الممرضه :- مين ده
تيلا :- مش عارفه
الممرضه :- طيب متعرفيش اى حاجه تدل على بيتك
تيلا :- بيتى عند بابا باسم فى شجر كتيررر اوى وفى بحر فى البيت بنزل فيه
الممرضه :- قصدك بسين
تيلا :- ايوه وفى اوضه فيها لعب كتير بنلعب فيها انا واختى هنا واختى فرحه
الممرضه :- لاء انا قصدى البيت من بره جنبه ايه اسم حد مشهور
تيلا :- معرفش
الممرضه :- عمومآ انتى هياخدوكى ولو معرفوش بيتك هيحطوكى فى الملجأ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بااااااااك

فاقت تيلا على صوت جرس الباب مسحت دموعها وقامت من على سريرها وفتحت الباب واتصدمت وقالت
تيلا :- انت عرفت مكانى ازاى
؟؟؟؟؟؟:- ………….. لقاء الاحبه يوسف و تيلا الجزء الثانى

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.3 / 5. عدد الأصوات: 6

لا أصوات حتى الآن! كن أول من يقيم هذا المنشور.


Subscribe
نبّهني عن
guest
0 تعليقات
Inline Feedbacks
View all comments
0
Would love your thoughts, please comment.x
()
x
DMCA.com Protection Status
Reel-Story © 2020 | Established in 2019 Privacy Policy I Terms & Conditions I Site map I Contact