التخطي إلى شريط الأدوات

قصة عفاريت عزيز الحلقة الثالثه

To report this post you need to login first.
0
(0)

 167 اجمالى المشاهدات,  2 اليوم

قصة عفاريت عزيز الحلقة الثالثة

خبطت لبني علي باب الشيخ جوده بقووه مش حاسه بنفسها من كتر الخوف علي ايمن حب عمرها حاسه انه بيضيع منها
اما ايمن فحالته مرعبه الكل مكتفه وهو بيصرخ وبيحاول يهرب منظره مخيف بيبص للكل بغضب ويقوول بصوت مخيف

 

-هقتلللكم كل اللي هيدخلني البيت ده هقتله سيبوني يا ملاعين

اتفتح باب المنزل وخرج منه راجل عجوز شعره ابيض باين عليه الوقار
لبني والخوف باين عليها
-لو سمحت عاوزين الشيخ جوده
العجوز بيبص لايمن وكأنه مش شايف غيره وقال للرجاله اللي مكتفاه. تعاالو اتفضلو جوا

 

الشيخ جوده باصص لايمن اللي بيتشنج ويتعصب وبيحاول ميدخلش وكل اما يشوف الشيخ جوده قدامه يصرررخ
نجح ايمن في التغلب علي الرجاله ووقع منهم اتنين علي الارض وفي لحظة ماكان خلاص اتغلب عليهم وباقي اللي مكتفينه اصابهم الرعب
قرب منه الشيخ جوده وزعقله وقاااله
– تعااااالي هتروح فين ادخل هنا

ايمن صوته بقي غليظ جدا. وعينيه اتحولت للون الدم وقال


-مش هدخل ياجوده
-لا هتدخل بأسم الله الواحد الاحد
ايمن بيحاول الافلات وهو بيصرخ لكن الشيخ جوده قرب منه ومسك ايمن من ايده وهو بيقول
-بسم الله الذي لايضر. مع اسمه شئ في الارض ولا في السماء اللهم اعني علي مردة الانس والجن انك علي كل شئ قدير

ايمن وقع من طوله مغمي عليه والرجاله شالوه ودخلوه جوا منزل الشيخ جوده
اما لبني الدموع مفارقتهاش لحظة بتبص في ايمن جوزها وحبيبها وبتقول اكيد ده حلم وهصحي منه
سألها الشيخ جوده : سبب الاذي تعرفوه؟
ردت لبني : لا ياشيخ بس حصل كذا وكذا. وحكت للشيخ كل اللي شافته مع جوزها

 

بدأ الشيخ جوده يقرأ بصوت غير واضح قراءات علي ايمن ومسك بايده كف ايمن وبدأ في الضغط علي اماكن معينه
ايمن فاق ولكنه مش ايمن خااالص حد تاني صحي من الغيبوبه وبدأ يتكلم
-روحوني انا مش عاوز اقعد هنا
الشيخ جوده : انت مين
-انا ايمن
-لا انت كذاب انت مش ايمن
ومسك الشيخ ايد ايمن واكمل قراءه
-ايمن بيصرخ وبيتوعد الكل
-هقتلللكم. مشوني من هنا. كل اللي جابوني هنا مش هسيبهم وبص للشيخ جوده وقاله ولا حتي انت هسيبك
-الشيخ جوده : لن يحدث شئ الا بمراد من الله وكلم ايمن او الجن اللي مسيطر علي ايمن

– اخرج ايها اللعين من جسد ايمن واترك روحه تعيش بسلام وعد الي عالمك
-رد الجني : روحه بعالمي وروحي بعالمه
الشيخ جوده ملامحه اتغبرت بيقول اعوذ بالله ورا بعض وكأنه عرف الخطوزه اللي فيها ايمن

 

بعد جلسه طويله مع ايمن استمرت من الصبح حتي اذان العصر طول الجلسه كان الشيخ جوده باين علي ملامحه القلق فيها
نده علي لبني اللي راحتله
-خير ياشيخ انا شيفاه نام هو خلاص كده؟
-عاوزك يابنتي تتماسكي ده مش جوزك
-لبني بلهفه مع صوت بكاها يعني ايه مش جوزي ماهو نام قدامك اهوه
-لا يابنتي فيه عهد والد ايمن ربطه بالحن ووالد ايمن اخل بالوعد واللي حصل لوالد جوزك وجوزك ده انتقامهم. وللاسف دي اكتر قبائل الجن كفر قتلو والد ايمن واخذو روحه عندهم

لبني باستغراب: يعني ايه ياشيخ خدو روحه
-يعني اللي قدامك مش جوزك ده حد من العالم السفلي اما جوزك محبوس تحت الارض بس من حسن الحظ لسه عاايش
ضربت لبني بايدها علي سدرها


-يلهوووووي يعني ايه جوزي تحت الارض يعني جوزي اتقتل زي ابوووه؟
-لا يابنتي جوزك روحه متعلقه مماتش لو عرفنا نوصلها قبل ماتموت من البعد عن الجسد فيه نسبة امل انه يرجع تاني
لبني وشها بقا اصفر بصت للشيخ وقالتله

طب انت عملت ايه لايمن والمفروض نعمل ايه
-انا وققتلك عدوانية اللي ساكن جسده بس ده هيستمر لمدة تلات ايام بس ولازم نلاقي المكان اللي محبوسه فيه روحه عشان نحررها وبعد التلات ايام يبقي ماات

لبني بتبكي بصوت كله وجع. لاااا هنلاااقيه ان شاء الله قولي الروح محبوسه فين وانا هخرجها
-ابدأي تفتيش فيلا عزيز والد ايمن وهناك هتلاقي دلالات تدلك علي مكان روحه المحبوسة
بس خليكي فاكره قدامك 3 ايام

لبني زي الملهوفه شكرت الشيخ وخرجو وركبو العربيه وانطلق الكل ناحية بيت لبني ولكن لبني قصاد منزل عزيز
-انا هنزل هنا ياجماعه وانتو خدوه وروحوه
في شباك الفيلا خيال راجل واقف بيبص علي العربيه اللي نزلت منها لبني
شايفها ملهوفه وزي مايكون شمتان فيها وبيقول كنت عارف انك هاتيحي اول واحده

قربت لبني وفتحت الباب و…….

قصة عفاريت عزيز الحلقة الرابعه

ما مدى فائدة هذا المنشور؟

انقر على نجمة لتقييمه!

متوسط ​​تقييم 0 / 5. عدد الأصوات: 0

لا أصوات حتى الآن! كن أول من يقيم هذا المنشور.


Subscribe
نبّهني عن
guest
1 تعليق
Oldest
Newest Most Voted
Inline Feedbacks
View all comments
trackback

[…] قصة عفاريت عزيز الحلقة الثالثه […]

1
0
Would love your thoughts, please comment.x
()
x
DMCA.com Protection Status
Reel-Story © 2020 | Established in 2019 Privacy Policy I Terms & Conditions I Site map I Contact