Reel Story
@REELSTORYCOM
banner
يناير 26, 2020
187 Views
0 0

رواية تربية ابليس خطيبتي حامل الجزء الرابع

Written by
4.7
(6)

 4,543 اجمالى المشاهدات,  10 اليوم

وقت القراءة المقدر: 4 دقيقة (دقائق)

#تربية_ابليس #خطيبتي_حامل

 تربية_ابليس 4

جرينا انا وهدير على الصالة علشان نشوف الخبطة دى من ايه ، لقينا طنط سلوى اغمى عليها على الارض طبعًا مستحملتش تشوف المنظر اللى كنا فيه انا وبنتها هدير ، شيلناها وقعدناها على كرسي الانتريه وقعدنا نحاول نفوقها ، لحد مافاقت وبدأت تفتح عينيها بالعافية ، واول مالقيتنا قدامها قعدت تعيط وتلطم على وشها ، وتقول حرام عليكم قتلتوا فرحتى ، وطبعًا مكنش قدامى اى شئ اقوله غير انى بوست على راسها وقولتلها:

= هنفذلك كل اللى انتى عايزاه بس اهدى ولو عايزانا نكتب الكتاب انا معنديش مشكلة

ردت عليا وقالتلى

.. فى اسرع وقت ، وتعيشوا معايا هنا لحد ماربنا يسهل وتجيبوا شقتكوا وبراحتكوا

طبعًا لما عرضت الكلام ده على والدى ووالدتى ، رغم رفضهم التام انى اعيش معاهم فى نفس البيت وان كان دايمًا كلام ماما ، انها مبترتحش لطنط سلوى ، لكن علشان كانت بتحب هدير وبتعملها اللى هي عايزاه ، فكانت الامور ماشية ، ووافقوا على الجواز من هدير بعد معاناة ومحاولات كتير للاقناع .

فعلا بعد اسبوع بالظبط كتبت كتابى على هدير ، وليلة الدخلة كنت بحلم زى اى عريس انى الاقى اللى قدامى عذراء ، لكن قولت كله فى ميزان حسناتى انى اتسترت على بنت اتلموا عليها الكلاب واغتصبوها ، عملنا الفرح على الضيق اوى بين اهلها واهلى ، ولما دخلنا اوضة النوم وقفلنا علينا الباب ، لقيت هدير عيطت وهي بفستان الفرح وقالتلى :

.. كان نفسي اوى ياتامر ، اكون زى ماانت عايز ، بس حقك عليا ، انا بحبك وهعوضك عن كل حاجة واحنا عايشين مع بعض

طبعًا هديتها بالكلام ، لحد مابطلت عياط ، وسألتها السؤال الاهم:

= امك دلوقتى قالتلى اتصرفوا واديتنى منديل وعايزة فيه دم ، هنعمل ايه؟

مسكت ازازة برفان وكسرتها وفتحت جزء صغير من رجلها من تحت ، وسابت الدم نزل شوية ومسحت ايديها ورجليها بالمنديل ، وادتلى المنديل وقالتلى”

= سيبه هنا والصبح نديهولهم

استغربت من سرعة تفكيرها ورد فعلها ، ودخلت خدت الشاور بتاعها وعملنا ليلة الدخلة ، وطنط سلوى مشيت باتت عند اختها وقالتلنا انها هتسيبنا اسبوع وبعد كده هترجع البيت .

تانى يوم جت طنط سلوى خدت المنديل وجابتلنا الصباحية ومشيت على طول ، مش هنكر ان الاسبوع ده من احلى الاسابيع اللى قضيتها فى حياتى ، بعد ماخلص الاسبوع على طول جت وعاشت معانا فى البيت ، اللى لاحظته واستغربتله ان الدورة الشهرية مبتجيش لهدير من ساعة ماعرفتها ، يعنى مفتكرش جت فى مرة قالتلى ان عندها الدورة او لمحتلى حتى ، فاضطريت انى اسألها :

.. هو انتى الدورة مبتجلكيش ولا ايه ؟!

= ليه ياحبيبي دى كانت لسه عندى من قريب قبل مانتجوز بس انا اكيد مش هقولك يعنى التفاصيل البسيطة دى
“القصة للكاتب مصطفى مجدى”
.. ماشى ياقلبي

رغم ان اجابتها كانت بقلق وتردد ظهروا على وشها ، لكن عديت الموضوع ، فى نفس اليوم اللى سألتها فيه ، صحيت على الفجر علشان اخش الحمام ، وانا معدى من الصالة شوفت رجلين سودا بتتحرك قدامي ، فضلت واقف فى مكانى وقعدت امسح عيني بأيدى، يمكن اكون غلطان وفعلا ملقتش حاجة قدامى ، رفعت ازازة المياه علشان اشرب شوفت واحدة محروقة بالكامل وجلد وشها مهري واقفة جنبي ، رميت ازازة المياه على الارض وخرجت بسرعة من المطبخ ، دخلت الاوضة وطبعًا مرضتش اتكلم ولااقول اى حاجة لحماتى او لهدير علشان مسببلهمش اى خوف .

من اليوم ده وانا بقيت بقوم كل يوم بليل اشوف فى حاجة ولا لا ، بعد مرور شهر بالظبط على جوازى صحتنى هدير من النوم وقالتلى ان خالتها تعبانة وانها هتروح هي وحماتى يطمنوا عليها وانهم ممكن يباتوا هناك لحد مايطمنوا انها بقت كويسة ، نزلت الشغل واليوم ده حسيت انى تعبان شوية فأستاذنت ورجعت البيت بدرى ، اول مادخلت البيت ، حماتى كانت قاعدة على كرسي الصالة ، انا متعود لما بدخل البيت بسلم على هدير وابوسها واسلم على حماتى طنط سلوى وابوسها .

لما لاقيتها فى الصالة حضنتها وبوستها كالعادة ، وانا ببوسها لقيتها بتحضنى جامد وبتمشي ايديها على ضهرى ، واللى متوقعتوش ان …..
الحلقة الخامسة بعد تخطى هذه الحلقة 1500 لايك”.. التفاعل والشير فقط هو اللى هيحدد استكمال القصة من عدمه
يتبع

رواية تربية ابليس خطيبتي حامل الجزء الخامس

ما مدى فائدة هذا المنشور؟

انقر على نجمة لتقييمه!

متوسط ​​تقييم 4.7 / 5. عدد الأصوات: 6

لا أصوات حتى الآن! كن أول من يقيم هذا المنشور.

As you found this post useful...

Follow us on social media!

banner
http://www.reel-story.com

عن الموقع ورسالتنا القصة والرواية هي فن من الفنون الإنسانية الرائعة التي تروي القصص الخيالية والواقعية من أجل العبرة والعظة والتعلّم منها دائماً، فهيا بنا سوياً لهذه الرحلة الرائعة في بحر الأدب العربى والتعرف أكثر على الروايات الشهيرة التي اخترناها. سواء كنا نحب أن نقرأها أو نسمعها ..أو نشاهدها، فنحن نحب القصص. منذ فجر التاريخ عندما كان البشر يتجمعون حول النيران، إلى عصر النتفلكس، نحن نحب القصص.. قد يبدو الأمر مجرد تسلية وتزجية للوقت، لكن أي شيء منتشر إنسانيا لهذه الدرجة، وعبر التاريخ، لا بد أن يرتبط بشيء أكثر جوهرية من مجرد التسلية

Comments to رواية تربية ابليس خطيبتي حامل الجزء الرابع

اترك تعليقاً

لن يتم نشر عنوان بريدك الإلكتروني.

The maximum upload file size: 512 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

Reel-Story © 2020 | Established in 2019 Privacy Policy I Terms & Conditions I Advertise I Contact