وقت القراءة المقدر: 16 دقيقة (دقائق)

لقاء الاحبه يوسف و تيلا

⁦⁦
🤵الفصل الواحد والثلاثون 👰

فى أقصى الصعيد

وصل معاذ وجاكلين البلد ودخلو الدار اول ما شفتهم جدتهم راحت عندهم وبصت لجاكلين من فوق لتحت وقالت
الجده :- امممم بنت المنشاوى والله وجيه اليوم اللى بنت المنشاوى وقعت فى ايدى
جاكلين :- بخوف وانتى تعرفينا منين
الجده :- يااااااا من زمان اوى ايام ما كان ابوكى مستقوى على البشر بفلوسه وسلطته
جاكلين :- ابويه عمره ما ظلم حد ولا استقوى عليه إلا لو كان البنأدم ده ظلم أو اخد حاجه مش من حقه
الجده :- شكلك طالعه قويه شبه يا بنت المنشاوى
جاكلين :- ربنا يخليهولى طول ما هو فى ضهرى هفضل قويه بيه وعارفه ومتأكده أن مهما كان محدش هيقدر يأذينى وفى اقرب وقت بابا هيكون عندى وهيحمينى منكم
الجده :- ابوك كان الأول لكن دلوقتى كبر بدليل أن عيال ابنى ربنا يحرسهم قدرو يضحكو عليه واتجوزكم وفى الوقت ده دخل وحيد وفرحه
فرحه :- اول ما شافت جاكلين طلعت تجرى عليها
جاكلين :- حضنتها وقالت فرحه بتعملى ايه هنا
وحيد :- باس أيده جدته وقال كله اتنفذ يا جده زى ما طلبتى منى
جاكلين :- يا ولاد ال انتو عصابه بقى ليه بتعملو فينا كده ليه
وحيد :- مرات اخويه الغاليه شيفك مستقويه وبص لمعاذ وقال شكله معرفش يكسرك
معاذ :- بص على الأرض وسكت
الجده :- معاذ عملت ايه
معاذ :- م.م.معملتش يا جده
الجده :- ضربته بالقلم وقالت علشان انت مش راجل امجد ابنى خلف رجالين وبنتين بس
معاذ :- حط أيده على خده وقال مقدرتش يا جده مقدرتش
الجده :- يبقى كلام شهاب صح حبيت بنت المنشاوى بنت الراجل اللى كان السبب فى موت امك وابوك
جاكلين :- كانت بتسمع الكلام ده ومصدومه
فرحه :- كانت خايفه ومسكه فى جاكلين
معاذ :- ايوه يا جده حبيتها مش بأيديه
الجده :- سحبت جاكلين وقالت تدخل عليها دلوقتى حالا وتكسرها قدمنا كلنا
جاكلين :- اااااه سبينى ابعدى عنى
معاذ :- مستحيل يا جده اعمل كده
الجده :- بصوت عالى دعااااااااااء تعالى حالا
دعاء:- جت وبصت للبنات من فوق لتحت وقالت بكل غل اذيكم يا ولاد المنشاوى
الجده :- واحده خلصانه وده ابن ابنى الراجل بجد وحيد اما بقى اللى مش راجل مقوى قلب مراته علينا وحدفت جاكلين ليها
دعاء :- مسكتها من شعرها وقالت اكيد انتى بنت فهد شبه قويه وعنيكى تخوف شبه انتى عارفه ابوكى عمل ايه ابوكى كان سبب حبستى فى السجن ولما خرجت عشت هنا هربانه من اخويه واهلى علشان عايزين يقتلونى انا بكرهو عيشنى عمرى كله متشرده بس خلاص جه الوقت وادفعه التمن هو اللى كان معاه
جاكلين :- اااااااه انتو اكيد مجانين ايه الغل والشر اللى انتو عايشين فيه ده
دعاء :- شدتها اكتر من شعرها وقالت اسكتى مش عايزه اسمع صوتك
الجده :- البيه حبها ومقدرش يكسرها
دعاء :- كده يا معاذ يا خسارة تربيتى فيك فضلت اربى وازرع فيكم الانتقام والشر وفى الاخر تحب بنت اكبر عدو لينا اللى اكتر واحد كان سبب فى اذيتكم ابوها اللى خلانى اروح اعترف بكلام محصلش علشان يحبس ابوك ويطلع هوو اللى معاه من القضيه دى فهد اللى استخدم نفوذه
معاذ :- بص فى الارض وقال بس البنات ملهاش ذنب يا اما
جاكلين :- زقتها وقالت انتى مريضه مش معقول تكونى سليمه بكلامك ده
دعاء :- رفعت ايديها ولسه هتضربها بالقلم
معاذ :- مسك ايديها وقال بلاش يا اما علشان خاطرى
دعاء:- لاء واضح بنت فهد عرفت تلعب بعقلك وتعملك زى الخاتم فى صوبعها
الجده :- انا عارفه هنكسرها ازاى بنت المنشاوى وسحبتها من دراعها ودخلت هى ودعاء وجاكلين وقفلت الباب عليهم
معاذ :- طلع يجرى وقعد يخبط على الباب ويقول افتحى يا جده بلاش اللى هتعمليه بلاش يا اما وحياة اغلى حاجه عندكم افتحى يا جده ابوس ايدك
جاكلين :- عاااااااااااااااا ابعدو عنى محدش يلمسنى
معاذ :- اتجن اكتر لما سمع صوت صريخ جاكلين وحاول يكسر الباب
وحيد :- اهدا يا معاذ انت عارف الجده مش هترتاح غير لما تكمل انتقامها
فرحه :- كانت قعده فى الارض وكمشه على نفسها وخايفه وعماله تعيط
الجده :- من جوه افتحى رجلك يا بنت المنشاوى
جاكلين :- لالالا ابعدى عنى متلمسنيش وبصوت عالى معاااااااااااااذ
معاذ :- اتجن لما سمع صوت جاكلين بتنادى عليه وطلع يجرى على الباب وبكل قوته كسر الباب وراح يجرى على جاكلين واخدها فى حضنه
الجده :- ابعد يا معاذ
معاذ :- لالالا يا جده بلاش واغلى حاجه عندك مش انتى عايزانى ادخل عليها هنفذ ليكم اللى انتو عايزينه بس محدش يلمسها
دعاء :- وايه يثبت لينا انك هتعمل كده
معاذ :- هوريكم اللى يثبت
جاكلين :- كانت خايفه ومسكه فى معاذ اكتر
معاذ :- غطا جسم جاكلين وسندها تقف واخدها وخرج
وحيد :- بص لفرح لاقها خايفه وبتعيط وقال احم قومى معايا يلا
فرحه :- بخوف ودموع هزت راسها بمعنى لاء
وحيد :- راح عندها وشدها وقال انجرى قدامى
فرحه :- لالالا يا وحيد بالله عليك ارحمنى وسبنى
وحيد :- شدها وطلع على اوضه وحدفها على السرير
فرحه :- قعدت على السرير وضمت رجليها عند صدرها وقالت بدموع وحيد بالله عليك ارحمنى م.م.متلمسنيش
وحيد :- بص عليها وقال ا.ا.انا اصلا مليش مزاج اقرب منك ونام على الكنبه واداها ضهره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت معاذ وجاكلين

دخل معاذ وجاكلين الاوضه وقعد على الكنبه وحط راسه ما بين ايديه
جاكلين :- بخوف م.م. مستحيل تلمسنى فاهم
معاذ :- عندك حل تانى
جاكلين :- ايوه سبنى امشى انا وفرح
معاذ :- مقدرش اعيش من غيرك يا جاكى
جاكلين :- وانا مقدرش احبك تانى يا معاذ بعد ما عرفت انك كنت واخدنى وسيله للانتقام
معاذ :- بس مقدرتش انتقم منك علشان حبيتك
جاكلين :- اللى اتكسر عمره ما يتصلح وانت كسرت قلبى يا معاذ وكسرت القلب صعبه اوى اوى الموت اهون بكتير اقسم بالله
معاذ :- راح عندها ومسك وشها وقال جاكى انا هحميكى حتى من نفسى اوثقى انتى فيا بس
جاكلين :- صعب تتقمص دور الطيب بعد ما كشفت عن نيابك هتفضل فى نظرى انك بنأدم كداب ومخادع
معاذ :- ادينى فرصه واحده بس أثبت ليكى صدق كلامى
جاكلين :- بس برضه مش هسمح ليكى تلمسنى
معاذ :- ماشى يا جاكلين انا هتصرف
جاكلين :- اوعى كده ونامت على الكنبه
معاذ :- لاء نامى انتى على السرير
جاكلين :- لاء انا مرتاحه هنا
معاذ :- ماشى يا جاكى اللى يريحك وراح على السرير وقعد يبص على جاكى وهى نايمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

كان الوضع مشتعل ما بين الكل
يوسف :- اتفاجئ بأيد نزلت على وشه حط أيده على وشه وقال بتضربنى يا بابا
اسر :- الواضح كده معرفتش اربى كويس لما أيمن جه دلوقتى وحكا ليا اللى حصل انا مصدقتش ازاى تعمل كده فى بنت خالتك قبل ما تكون مراتك ازاى ترضاها على نفسك أن جسمها يبان كده ها طيب ترضاها على اخواتك البنات أن حد من جواز اخواتك ينزلها بقميص النوم قصاد الرجاله فين الرجوله فين ادفو على تربيتك الوسخه
يوسف :- ولما اروح واشوفها نايمه بقميص النوم فى حضن راجل فى سريره يبقى كده عادى رد عليا يا بابا
اسر :- جوز اختك حاول يقولك الحقيقه بس بتهورك وتسرعك محاولتش تسمع ليه حاجه ده الراجل اتكسف من منظر مراتك وهى بقميص النوم
يوسف :- بعصبيه هيقول ايه بعد ما شوفت كل حاجه بعنيا قولو انتو ليا ردو يا رجالة العيله هيكون ايه رد فعلكم لما تشوف مراتك فى حضن واحد تانى
أيمن :- يوسف اهدا علشان تعرف الحقيقه حاولت افهمك وانت عصبيتك عمياك وسده ودانك تيلا مظلومه دى كانت خطه مرسومه عليها من انس وأبوه وشهاب والموضوع اتكشف لما ابو انس زار ابنه فى المكتب واحنا حطين كاميرات صوت وصوره فيه واحنا بنتابع الحوار ما بنهم سمعنا هما بيقولو على الخطه اللى هينفذها شهاب وطبعآ سمعنا كل التفاصيل وبدأنا نراقب التليفونات بتاعة تيلا وبتاعتك وبتاعة شهاب وابو انس وقبل حتى ما اعرف مليكه ولا اقبلها المهم ومن خلال مراقبة التليفونات عرفنا أن هو عايز يقابلها علشان احم وبص على سمر وفريد وقال علشان يبتزها بفيديو مخصوص لحد فى العيله
سمر :- سمعت كده اتوترت وعرفت أن الموضوع ده يخصها
فهد :- وهو يعرف العيله ازاى
أيمن :-شهاب يبقى مع فريد وسمر فى الكليه
فريد :- بصدمه شهاب اللى معانا فى الكليه
أيمن :- ايوه
عدى :- وايه عرف شهاب بالناس دى بتيلا انا مش فاهم حاجه
أيمن :- الناس دول يبقى عم وابن عمى تيلا بالتبنى وحصل ما بنهم مشاكل بسبب أن ابوها بالتبنى كتب كل حاجه بأسم تيلا وحاول يقتلها بس امها بالتبنى وقفت قصادها واخدت هى مكانها الرصاصه وماتت ودخل انس السجن عندنا هنا فى اسكندريه وبدأ ابوه يزوره عندنا زى ما حكيت ليكم سمعنا وهما بيخططو الانتقام من تيلا وكان قصدهم أن يوسف يشوف تيلا فى الوضع ده فيقتلها أما شهاب احنا لسه منعرفوش اتعرفو على بعض ازاى فى التحقيق اكيد هنعرف الكلام ده والمشكله أن ابو انس هرب ومش عارفين نوصل ليه وده هيسبب خطوره على حياة تيلا
فهد :- ولما انت عارف الكلام ده ليه مقولتش من الاول
أيمن :- حضرتك ده شغل وانا حالف يمين أن احافظ على اسرار الشغل وبعدين احنا كنا بنراقب التليفونات من بعيد من غير ما حد يعرف علشان منتكشفش وياخدو بالهم ويأمنو نفسهم بس على ما وصلت كان يوسف ماسك تيلا بالمنظر ده ومقدرتش حتى اتدخل منعآ للاحراج وروحت لعم اسر وبلغته باللى حصل وجبته معايا
يوسف :- كان بيسمع الكلام ده وهو مصدوم وقال وايه يثبت كلامك ده
أيمن :- ممكن تيجى معايه وتسمع التحقيق معاه وأقواله
تيلا :- كانت ماسكه فى امها وجسمها كله بيتنفض وعماله تعيط
اسر :- هتفضل طول عمرك متسرع وهتقابل مشاكل كتير فى حياتك بتهورك ده أما تيلا انت متستهلش واحده شبها وربنا بيحبها أن بعدها عنك وهتندم ندم عمرك عليها
يوسف :- طيب كلكم اديتو الهانم الحق طيب ليه محدش سألها ليه مقالتش ليا على سر التليفونات دى ولا بلاش انا ابوها امها لبابا لعمو فهد لكن هى اتقمصت دور الراجل وحبت تحمى نفسها بنفسها مدتش حق أن معاها رجاله لاء تيلا مش بريئه ايوه مخنتنيش بجسمها لكن خنتنى بعقلها وتفكيرها وتصرفها الغلط فين الصراحه اللى مفروض تكون ما بنا فين المشاركه اللى مفروض تكون بين كل راجل وست ازاى كان بيجى ليها نوم فى حضنى وهى مداريه عنى حاجه لاء هى برضه غلطانه وغلطها برضه ميتغفرش ليها ولو رجع تانى اللى حصل من اوله برضه هعمل فيها زى اللى عملته واكتر ومش ندمان على أن طلقتها وخرج وسابهم ركب عربيته ومشى بيها فى شوارع اسكندريه
فهد :- سمر خدى تيلا وطلعيها اوضت جاكى ونيميها على سريرها
سمر :- حاضر يا عمو وسندتها هى ومى الصغيره وطلعو بيها اوضت جاكلين
اسر :- بص لباسم ومى الكبيره وقال انا اسف ليكم بجد من اللى عملو يوسف بجد وشى منكم فى الارض
فهد :- يوسف هنعرف نربيه ونسويه على الجانبين المهم دلوقتى البيه اللى انت أكد لينا أن هو كويس
اسر :- مين
فهد :- معاذ يا اسر طلعو عصابه هو ووحيد اخوات ولاد امجد
اسر :- امجد مين
باسم :- امجد يا اسر اللى كانت مراته قعده فى الشقه عند فهد وقتلها وضرب فهد بالرصاص واتهمت فيه مليكه
اسر :- ايوه اللى كان متجوز دعاء السكرتيره اللى كانت شغاله عند فهد فى الشركه وخلنها تعترف عليه
فهد :- ايوه يا اسر هما والمشكله أنهم اخدوهم ومش عارفين راحو بيهم فين
أيمن :- انا ممكن اساعدكم
الكل :- بص ليه
مليكه الكبيره :- بدموع ابوس ايدك رجعلى بنتى يا ايمن
أيمن :- العفو يا امى من غير اى حاجه جاكلين وفرحه وكل بنات العيله اخواتى
مى الكبيره :- ربنا يبارك فيك يا ابنى تعبينك بمشاكل العيله وانت لسه عريس
أيمن :- متقوليش كده يا امى انا اخدمكم برموش عينى
فهد :- بس احنا مش عارفين اى حاجه عنهم غير اسم ابوهم
أيمن :- قولى اسمهم الثلاثى ولو فى عندكم صور ليهم وانا خلال اربعه وعشرين ساعه هوصل ليهم
باسم :- اسمهم معاذ ووحيد امجد الجلاد
عدى :- صورهم اهو وطلع تليفونه ووراهم لايمن
أيمن:- تمام أبعدهم ليا وانا هروح ابحث عليهم فى السجلات وان شاءالله خير
مى الكبيره :- بدموع ربنا يردكم لينا فى أقرب وقت يارب
مليكه :- بدموع يارب يا مى يارب
أيمن :- عن أذنكم ومشى راح يحقق مع شهاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت جاكلين

كانت تيلا نايمه على السرير ودموعها على خدها
سمر :- ليه عملتى كده يا تيلا
تيلا :- بدموع عملت ايه
سمر :- عرضى نفسك لكل المشاكل دى بسببى
مى :- بسببك ازاى
سمر :- الفيديو اللى اتكلم عليه ايمن ده يبقى بتاعى انا يا مى
مى:- ازاى يعنى مش فاهمه
سمر :- بدموع انا يوم الصباحيه كان فريد نايم وانا كنت نايمه جنبه بالقميص وبوسته وصورت فيديو وانا بعمل كده والتليفون ضاع منى النهارده الصبح فى الجامعه ودورت عليه ملقتهوش ولما ايمن قال كده عرفت أن التليفون وقع فى ايد شهاب وشاف الفيديو وهدد بيه تيلا
مى :- بعصبيه انتى غبيه ازاى تعملى حاجه زى كده اهو شوفى اخرت الاستهتار عمل ايه تيلا حياتها خربت بسببك علشان تنقذ حياتك انتى وفريد ويوسف لو عرف أن الفيديو ده بتاعك انتى هيولع فيكى ولا فريد مش عارفه اقولك ايه الصراحه
سمر :- بدموع عارفه أن انا غلط بس مكنتش اتوقع ان تليفونى يضيع منى ويحصل كل ده وبصت ليها وقالت اسفه بجد اسفه يا تيلا وحضنتها
تيلا :- بدموع انا صعبان عليا نفسى اوى يا سمر واللى اخوكى عملو فيا نزلنى بقميص النوم فى الشارع بجد انا ندمانه أن حبيته كسر قلبى جامد اوى باللى عملو ده
مى :- معلش يا تيلا هو راجل ومعذور برضه
تيلا :- فين الرجوله فى كده يا مى ينزل مراته بنت خالته بجسمها عرضه للرجاله وضحكة بأنكسار وقالت هههه وفى الاخر بيقولى تربية ملجأ عمرى ما هقدر اسامحه تانى يا مى عمرى
سمر :- حقك عليا يا تيلا انتى كنتى بتنقذى شرف أخته وهو جه عليكى وهانك اسفه ليكى بجد اسفه
تيلا :- بدموع ممكن تسيبونى لوحدى
مى :- اه طبعآ يلا يا سمر
سمر :- مسحت دموعها وقالت يلا وباست راس تيلا وخرجو الاتنين
تيلا :- نامت على السرير وكتمت نفسها فى المخده وقالت عاااااااااااااااا يارب يارب انا قلبى واجعنى من جوه الصدمه اكبر من ان استوعبها بقى يوسف حب عمرى يعمل فيا كده ح.ح.حب ايه ده اللى يعمل فينا كده اااااااااه يا دنيا ناويه تعمل فيا ايه كمان خلاااااااص تعبت ومش قادره استحمل حاجه تانى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند يوسف

مشى بعربيته فى الشوارع وكان بيجرى بيها بطريقه جنونيه وكان كل اللى قصاد عنيه صورة تيلا وهى نايمه فى حضن راجل غريب بقميص النوم ووقف العربيه مره واحده ونزل منها وراح وقف قصاد البحر ودموعه نزلت منه وقال
يوسف :- ليه ليه ليييييييييييه تعملى كده يا تيلا ليه الشرخ اللى ما بينا صعب يرجع يتصلح من تانى اتكتب علينا نتعذب بالبعد عمرى ما اتخيلت أن يوصل بينا الحال للبعد والوجع والجرح ااااااااه قلبى وجعنى على اللى وصلنا ليه يارب صبرنى الايام الجايه على بعدها وقعد على الكرسى وسرح فى الأيام اللى كانت ما بنهم وهما صغيرين وضحك بحزن وقال ياريت فضلنا صغيرين زى ما احنا ياريت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند ايمن

دخل مكتبه وطلب من العسكرى أن هو يجيب شهاب وشويه وجه العسكرى بشهاب ودخل وساب شهاب وخرج
أيمن :- اقعد يا شهاب
شهاب :- متشكرين وقعد
أيمن :- ايه يا شهاب مزعل الحكومه ليه منك
شهاب :- وهو فى حد يقدر يزعل الحكومه برضه يا باشا
أيمن :- مالك ومال تيلا ويوسف
شهاب :- مين يوسف وتيلا دول يا باشا معرفهومش
أيمن :- شكلك كده هتتعبنى معاك
شهاب :- يا باشا اقول حاجه معرفهاش
أيمن :- كان قلبى حاسس انك هتتعبنى وطلع تليفونه وشغل تسجيل المكالمات اللى ما بينه وبين تيلا وبين ابو انس
شهاب :- مش انا يا باشا
أيمن :- شهاب شهاب شهاب بلاش تعصبنى هتزعل
شهاب :- يا باشا انا واحد فى حالى ومليش دعوه بحد
أيمن :- طيب كنت بتعمل ايه النهارده فى الشقه
شهاب :- شقة ايه يا باشا انا معرفش حضرتك جبتنى هنا ليه انا كنت رايح لواحد صحبى ونزلت من عنده لاقت حضرتك بتقبض عليا معرفش ليه
أيمن :- بتعب شهاب ياريت تتكلم وتقول الحقيقه لان احنا ممكن نعرف اذا كان ده صوتك ولا لاء عن طريقة لجنة اختبار الصوت
شهاب :- يا باشا انا مش هتكلم غير بوجود محامى
أيمن :- حقك ادينى رقم حد من عندك أبلغهم أن يجيبو ليك محامى
شهاب :- اخويه
أيمن :- اسمه ورقم تليفونه
شهاب :- …………….
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد

 4,775 اجمالى المشاهدات,  3 اليوم