وقت القراءة المقدر: 26 دقيقة (دقائق)

لقاء الاحبه يوسف و تيلا

⁦⁦
🤵الفصل الثلاثون 👰

فى مستشفى الامراض العقليه

عند محمد وهنا

كانو خارجين من المستشفى فى نفس الوقت اللى كان داخل فيه اعضاء الجمعيه اللى مشترك فيها جاسر وكان بيتكلم وهو مش واخد باله خبط فى هنا

جاسر :- ا.ا.اسف مش قصدى والله
هنا:- مفيش مشكله
محمد :- بس وانت ماشى ابقى فتح بدل ما انت ماشى تخبط فى الناس
هنا :- خلاص يا محمد محصلش حاجه مكنش يقصد واتأسف خلاص
جاسر :- شكرآ ليكى وبتأسف مره تانى ليكى
هنا :- ضحكة ليه ومشت هى ومحمد
جاسر :- بص على هنا لحد ما مشيت ومشى دخل المستشفى

عند محمد وهنا

محمد :- بعصبيه ايه اللى انتى عملتيه ده
هنا :- عملت ايه
محمد :- بتتكلمى معاه برقه كده ليه محسسانى انك تعرفيه
هنا :- علشان معملش حاجه يا محمد خبط فيا واعتذر بكل ادب وذوق وبعدين انت مكبر الموضوع كده ليه خلصنا بقى
محمد :- علشان بغير عليكى يا هنا ولما شوفته خبط فيكى ولمسك كنت عايز اموته
هنا :- اتكسفت وقالت احم حصل خير يا محمد
محمد :- هنا انا بحبك ونفسى المشاكل اللى ما بين أهلك وخالى تتحل علشان اجى اطلبك واتجوزك مش قادر استحمل بعدك عنى اكتر من كده
هنا :- بكسوف احم انا قولتلك يا محمد من الاول أن علاقتنا هتكون فيها مصاعب كتير مش سهله زى اى جوازه والسبب المشاكل اللى ما بين ماما وتيلا وبين بابا بس عندى امل فى ربنا كبير أن يجى يوم وماما وتيلا يسامحوه وتتحل كل المشاكل دى
محمد :- مسك ايديها وقال وانا هستناكى مهما يطول الوقت وكل يوم هيعدى هحبك اكتر من اللى قبله
وفى الوقت ده كان عامر راكب الباص بتاع المدرسه ومعدى بيه وشاف هنا مع محمد وافتكر لما عرفته عليه وقالت ابن عمتها وشاف اسم المستشفى وعرف انها كانت بتزور ابوها
هنا :- اتكسفت وسحبت ايديها من ايد محمد وقالت ممكن ت.ت.توصلنى عند العربيه بتاعتى ع.ع.علشان متأخرش اكتر من كده
محمد :- ضحك وقال حاضر يا ستى ولو انى مش عايز اسيبك تمشى ابدآ
هنا:- راحت ركبت العربيه وهى مكسوفه
محمد :- راح ركب عربيته وبص لهنا وضحك ليها وشغل العربيه ووصلها عند عربيتها واستنا لحد ما ركبت عربيتها ومشيت وشغل عربيته وراح على الفيلا بتاعتهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر

فى مكتب تيلا

كانت قاعده بتشتغل وفى الوقت ده تليفونها رن برقم غريب فتحت وردت
تيلا :- السلام عليكم
شهاب :- مزتى واحشتينى
تيلا :- انت تانى عايز منى ايه يا اخى بقى
شهاب :- عايز عمرك يا جميل
تيلا :- اقسم بالله انا لو قولت لحد من رجالة العيله هيجبوك من قفاك بس انا مش بحب أدى للكلاب قيمه
شهاب :- الله الله الله الجواز نطقك اهو يا مزه
تيلا :- اخر تحذير ليك لو مبطلتش تكلمنى هقول لعمو فهد وهخليها يعلقك فاهم
شهاب :- ههههههههههههههه لاء بجد خوفتينى فهد مين ده اللى بتتكلمى عنه رجالة العيله عندك ولا حاجه واضحك عليهم بأقل مجهود المهم علشان نخلص من الموضوع ده هبعت ليكى فيديو صغير كده شوفيه وبعدين هكلمك تانى يا مزه وقفل معاها وشويه وجت ليها رساله فتحتها واتصدمت
تيلا :- بصدمه س.س.سمر يا نهار اسود لو فريد شاف كده د.د.ده ممكن يطلقها وهى تروح فيها وفى الوقت ده تليفون تيلا رن تانى فتحت التليفون
شهاب :- ههههههههههه ايه رأيك فى الفيديو ده البت مكنه وهى بقميص النوم اااااااه لو اطولها كنت قطعتها
تيلا :- ا.ا انت ايه يا اخى شيطان مستحيل تكون بنأدم زينا ليه بتعمل كل ده عايز مننا ايه
شهاب :- قولتلك عايز عمرك
تيلا :- ليه عملت ليك ايه
شهاب :- عايزه تعرفى قبلينى النهارده الساعه خمسه فى (………..)
تيلا :- مستحيل ده يحصل انت بتحلم
شهاب :- خلاص انتى حره الفيديو ده هيكون بكره عرض فى الكليه وهيشوفو احلى مزه بقميص النوم وبرضه هعمل شوية سلطات كده وهزود قام مشهد من عندى علشان تجيب أعلى نسبة مشاهده
تيلا:- لالالا اوعى تعمل كده
شهاب :- عايزه معملش كده تيجى فى العنوان اللى قولتلك عليه سلام يا مزه وقفل معاها
تيلا :- كانت مصدومه من اللى بيحصل وكانت مش عارفه تتصرف ازاى وخايفه على علاقة سمر وفريد وفى الوقت ده تليفونها رن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الجريده

عند يوسف وحشته تيلا مسك تليفونه علشان يتصل بيها واتصل بيها لاقها انتظار جرب مره كمان لاقها انتظار وقعد مده يجرب يتصل بيها بس تملى كان انتظار وبعد فتره طويله ردت عليه تيلا وهى متوتره
يوسف :- كل ده بتكلمى مين
تيلا :- د.د.دى واحده صحبتى من ايام الجامعه
يوسف :- بشك ازاى يعنى وجابت رقمك منين
تيلا :- ع.ع.عادى يا يوسف جبته من مكان ما جبته
يوسف :- ماشى يا تيلا بعد كده لما اتصل بيكى وتشوفى رقمى لو بتكلمى الرئيس تقفلى معاه وتردى عليا فاهمه
تيلا :- ح.ح.حاضر يا يوسف
يوسف :- بتعملى ايه
تيلا :- شغاله
يوسف :- انا زهقت من الشغل اجى ليكى ونروح الفيلا
تيلا :- ها ل.ل.لاء مش هينفع ا.ا.انا عندى شغل كتير وهتأخر النهارده روح انت وانا لما اخلص هخلى السواق ويوصلنى
يوسف :- بلاش تتعبى نفسك يا تيلا
تيلا :- اصل الشغل كتير علشان اليومين اللى فاتو معاذ مكنش فاضى ليه علشان الفرح
يوسف:- ماشى يا تيلا خلى بالك على نفسك
تيلا :- ح.ح.حاضر
يوسف :- بحبك
تيلا :- بموت فيك باى
يوسف :- قفل مع تيلا وحط التليفون على المكتب وقال يا ترى يا توته مخبيه عليا ايه وايه حكاية التليفونات الكتيره دى وفى الوقت ده التليفون رن برقم غريب رد وقال
يوسف :- السلام عليكم
شهاب :- وعليكم السلام
يوسف :- مين معايا
شهاب :- انا واحد شاف مراتك بتخونك مع صاحبى وحبيت ابلغك
يوسف :- بعصبيه ايه اللى انت بتقولو ده يا حيوان
شهاب :- قبل ما تتعصب وتغلط هقولك ايه يثبت كلامى مراتك اليومين دول بتتكلم مع صاحبى كتير على التليفون ولما تشوفك تقفل التليفون وتقولك رقم غلط او لو اتصل بيها اثناء ما تكون موجود بتتوتر ومش بترد عليه وعايز تتأكد النهارده هتقابلو فى (………) الساعه خمسه وهياخدها ويطلعو شقه فى الدور الرابع ويقضو وقت مع بعض اللهم إن بلغت اللهم فاشهد سلام
يوسف :- كداب مستحيل مراتى تعمل كده الو الو وحط التليفون على المكتب وقال بنأدم زباله مستحيل اصدق أن تيلا كده تيلا عامله شبه الطفل البريئ وبتحبنى مستحيل تخونى
حوار مابين العقل والقلب

العقل :- طيب تسمى ايه الاتصالات اللى كانت بتيجى ليها علطول واول ما تشوفنى تتوتر
القلب :- انت هتشك فى حب عمرك دى تيلا حبيبتك اللى تعبت لحد ما وصلت ليها
العقل :- ادينى سبب مقنع ليه بتعمل كل ده واللى اتصل ايه مصلحته يقول كده
القلب :- اكيد حد عايز يفرقكم عن بعض تيلا بتحبك ومستحيل تخونك
العقل :- انا لازم اروح الساعه خمسه اتأكد
القلب :- وافرض طلع الكلام ده كدب هتقدر تبص فى وش تيلا تانى ازاى بعد ما شكيت فيها
العقل :- زيادة تأكيد مش اكتر علشان اطمن
القلب :- انا مش معاك فى اللى انت هتعملو لان بحب تيلا ومستحيل اشك فيها
العقل :- وانا بحبها بس عايز اطمن مش اكتر
يوسف :- بس بس بقى انا هروح اتأكد وخلاص
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة وحيد

كانت فرحه قعده على الكنبه فى الاوضه وضمه رجليها لصدرها وعماله تعيط ودخل وحيد عليها وبصلها وقال
وحيد :- انتى بنأدمه مقرفه ونكد فى واحده فى أول أسبوع فى الجواز تقعد بالمنظر ده وعماله تعيط قومى البسى قميص واغسلى وشك بدل القرف ده
فرحه :- بصت ليه بدموع وقالت وحيات اغلى حاجه عندك ارحمنى بجد مش قادره استحمل كل ده كفايه وجع قلبى اللى حاسه بيه بسببك ده بيقتلنى اكتر من الوجع الجسدى اقسم بالله
وحيد :- بص ليه وقال بغل وغيظ واهلك مرحموش اطفال محتاجين امهم وابوهم مع بعض ليه علشان هما معاهم فلوس داسو بجزمتهم على قلوبنا احنا علشان متعتهم وانا بشربهم من نفس الكاس وشدها من درعها وبص فى عينيها وقال انا بكرهكم فاهمه بكرهكم
فرحه :- انامش فاهمه ايه الكلام اللى بتقولو ده بس كل اللى فهمته انت بتنتقم منى بسبب اهلى لكن ليه عملو ليك ايه
وحيد :- زقها وقعد على السرير وقال مش وقته الكلام ده اجهزى علشان نزلين البلد عند أهلى
فرحه :- بصدمه ايه اللى انت بتقولو ده مستحيل حرام عليك
وحيد :- قام مسكها من شعرها وقال وانا مش باخد رأيك فاهمه اخلصى
فرحه :- بدموع ااااااااه ابوس ايدك بلاش ط.ط.طيب ودينى عند أهلى و.و.ومش هقولهم اللى حصل منك
وحيد :- هههههههههههههههههه انتى عبيطه يا بت لاء بجد انتى عبيطه ولا بتستعبطى انا مش هسيبك غير لما اخليك تكرهى نفسك ومشى لحد الباب وقال نص ساعه تكونى جهزتى وخرج وسابها
فرحه :- قعدت فى الارض وقالت يااااااااارب انا مليش غيرك بجد مش قادره انا تعبت وحطت ايديها على وشها وقعدت تعيط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى عند مازن

دخل جاسر وكان بيلف على المرضه ويقعد معاهم ويضحك ويهزر لحد ما لفت انتباه مازن وهو قاعد سرحان حس بشعور غريب وراح عنده وقعد جنبه وقال
جاسر :- مد أيده وقال انا جاسر وانت
مازن :- حس احساس غريب وبص على جاسر وبص على أيده
جاسر :- بضحكه مش عايز تسلم عليا بلاش وسحب أيده وقال قولى اسمك طيب
مازن :- بص ليه ومتكلمش ورجع بص تانى قدامه
جاسر :- اممممم طيب فين ولادك أهلك
مازن :- سمع كده دموعه نزلت منه
جاسر :- صعب عليه مسك أيده وقال ممكن تتكلم معايا افتح ليا قلبك ده هيساعدك تتعالج بسرعه
مازن :- بص على ايد جاسر اللى ماسكه أيده وداس عليها واتمسك فيها اكتر
جاسر :- استغرب من الاحساس ده وحط أيده التانيه على ايد مازن وطبطب عليها وضحك وقال كان نفسى تتكلم معايا وتقولى على اللى حاسس بيه عندى احساس أن حكاية حياتك غريبه وكان نفسى اسمعها بس براحتك ولسه هيقوم
مازن :- مسك أيده اكتر ومكنش عايز يسبها
جاسر :- بص على أيده اللى ماسكه فيه وبعدين بصله وقال انت عايزنى اقعد معاك صح
مازن :- هز راسه بمعنى ايوه
جاسر :- ضحك ليه وفرح وقال حاضر بس اوعدنى انك هتحاول تتكلم معايا وتحكيلى حكايتك
مازن :- رجع بص تانى قدامه ودموعه نزلت منه
جاسر :- طبطب على أيده وقال مهما تكون حالتك قول الحمدالله ولا تقنطو من رحمة الله
مازن :- سرح تانى ومردش عليه
جاسر :- بص ليه شويه وبعدين بص على ايد مازن اللى ماسكه فيه ومش عايز يسيبها وقعد جنبه وهو ساكت بيتابع مازن فى صمت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
في بيت معاذ و جاكلين

كانت جاكلين قاعده في اوضتها ودخل عليها معاذ لاقها بتعيط قعد جنبها و سكت شويه بعدين قال
معاذ :- جاكى
جاكلين:- قامت وقفت وقالت لو سمحت متنطقش أسمى على لسانك وياريت تطلع بره
معاذ :- جاكى اللى بيحصل ليكى ده عارف أن ملكيش ذنب فيه بس غصب عنى والله
جاكلين :- عايزه افهم انت ليه بتعمل كده معايه وليه بتكره ابويه كده وليه بتنتقم منه فيا
معاذ :- صدقينى هتعرفى كل حاجه فى وقتها بس عايزك تتأكدى أن انا مقدرتش أذيكى وبعدى عنك ده بحافظ عليكى من نفسى
جاكلين :- ولما انت كويس اوى كده ليه قبلت تكسرنى قلبى بسببك بينزف من جوه مش علشان ملمستنيش لاء علشان اكتشفت أن اللى فات ده كله تمثليه عليا ولا حبتنى ولا حاجه وانا زى الهبله حبيتك وعشقتك كمان
معاذ :- مش كله تمثيل ياجاكى فى منه حقيقه
جاكلين :- لاء بجد والمطلوب اصدقك صح انا على قد الحب اللى حبيته ليك على قد ما كرهتك يا معاذ وهطلق منك فى اقرب فرصه فاهم
معاذ :- بعصبيه مسكها من دراعها وقال انا قولتلك متجبيش سيرة بعدك عنى على لسانك عملت فيكى ايه ها انا ولا اغتصبتك ولا حبستك ولا اهانتك ولا جرحت مشاعرك زى ما مطلوب منى علشان مهنتيش عليا يا جاكى لو عايزه تبعدى عنى هتشوفى معاذ التانى فاهمه
جاكلين :- بألم ااااااه ابعد عنى مش طيقه لمستك ليا ولا طيقه ابص فى وشك
معاذ :- اتغاظ من كلامها وقال بعصبيه بلاش تختبرى صبري يا جاكلين علشان متندميش من ردت فعلى
جاكلين :- لاء خوفتنى انت مش راجل اصلا علشان اخاف منك
معاذ :- قرب منها وزقها على السرير ونام فوقيها وقعد يبوس فى وشها
جاكلين :- بدموع لالالا ابعد عنى انا بكرهك بكرهك ابعد عنى عاااااااااااااااا
معاذ :- قام من فوقيها مره واحده وقعد فى الارض وقال بدموع ليه تخلينى اعمل كده ليه
جاكلين :- حطت ايديها على وشها وهى نايمه وقعدت تعيط
معاذ :- قام من على الارض وراح عند جاكلين وسحبها فى حضنه وقال حقك عليا متزعليش منى وخرجها وقعد يمسح فى دموعها ومسك وشها بأيده وقال مقدرش اذيكى يا جاكى مقدرش بس كلمة بعدك عنى بتخلينى ببقى بنأدم تانى مقدرش ابعد عنك اموت والله اموت وشدها تانى فى حضنه
جاكلين :- زقته وقالت ابعد عنى ملكش دعوه بيا انا بكرهك
معاذ :- يا جاكى افهمى اللى بيحصل ده ملناش يد فيه ومش قادر انفذ اللى هما عايزينه منى مش قادر اقسم بالله
جاكلين :- بدموع اطلع بره وسبنى يا معاذ
معاذ :- وقف قصادها وقال جاكى
جاكلين :- اطلع بره بقولك
معاذ :- قرب منها وبسها فى راسها وبصلها بدموع وراح عند الباب ووقف تانى وقال اجهزى علشان نزلين البلد عند اهلى
جاكلين :- مستحيل
معاذ :- لو عايزه تعرفى ليه بيحصل كده هتعرفى كل حاجه هناك وخرج وسابها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم

وصلت هنا وطلعت اوضتها تغير هدومها وشويه وباب اوضتها خبط راحت فتحت الباب وقالت
هنا :- عمار تعال ادخل
عمار :- دخل وقفل الباب وراه وقال هنا مين اللى انتى كنتى معاه النهارده
هنا :- اتوترت وقالت م.م.مين م.م.مكنش فى حد معايا
عمار :- هنا بلاش كدب انتى كنتى مع محمد ابن عمتك وكنتى عند مستشفى الامراض العقليه عند ابوكى
هنا :- شششش وطى صوتك بالله عليك مش عايزه ماما تسمع وفى الوقت ده الباب اتفتح ودخلت مى
مى :- بعصبيه ايه الكلام اللى سمعته ده
عمار :- ماما
هنا :- م.م.ماما
مى :- ردى عليا ايه الكلام اللى سمعته ده
هنا:- بصت فى الارض ومردتش عليها
مى :- مسكتها من درعها وقالت ليه تعملى كده ليه تروحى ليه المستشفى لو مكنتيش عايشه وشوفتى اللى عملو فينا وعيشك زى اليتيمه لو مكنش باسم علينا كنتى هتعيشى عمرك كله محرومه من حنان الاب
هنا :- بدموع بس برضه ده ابويه يا ماما انا أسمى هنا مازن مهما عمل هيفضل ابويه وأبو تيلا اللى كان سبب وجودنا فى الدنيا يا ماما ومفروض انتو تسامحوه لان كل اللى حصل منه ده غصب عنه بابا تعبان بجد مش مجرد كلام روحى شوفى حالته هيصعب عليكى
مى :- صقفت وقالت لاء برافو شكل عمتك وابنها عرفو يلعبوها صح وضحكو عليكى علشان عبيطه وبعدين انتى هتحسى بينا ازاى ما هو انتى كنتى صغيره ومشوفتيش كان بيعمل ايه فيا مشوفتيش العذاب اللى اختك شافته بسببه وجايه بكل سهوله وتقولى نسامح لاء يا هنا لاء والف لاء
هنا :- يا ماما ده ربنا اسمه الغفور الرحيم يعنى بيغفر لعبيده مهما عملوا من ذنوب واحنا البشر اللى مخلوقين من طين مش قادرين نسامح بعض طب ليه وبعدين عذره معاه واحد مريض نفسى وأفعاله كانت لا اراديه ارحمو من فى الارض يرحمكم من فى السماء
مى :- رفعت ايديها ولسه هتضربها دخل باسم ومسك ايديها وقال
باسم :- لاء يا مى بلاش وهى عندها حق
مى :- سحبت ايديها وقالت عندها حق انت يا باسم بتقول كده وانت عشت معايه كل لحظه اتعذبت فيها بسببه
باسم :- طلع مريض يا مى وبعدين مهما يعمل هيفضل ابوها وربنا أمرنا بحقوق الوالدين وان احنا نطعيهم مهما حصل ونبرهم مهما حصل
مى :- بعصبيه انت ابوها يا باسم انت اللى ربيت وانت اللى تعبت علشانهم وانت اللى كنت بتجرى معايه فى المستشفيات لما حد فيهم يقول الاه وجاى دلوقتى تقولى عليه ابوهم مش هسمح بده وبصت ليها وقالت وانتى مفيش خروج من البيت فاهمه وانسى البنأدم التانى ده باسم هو اللى ابوكى فاهمه وخرجت وسابتهم
هنا :- قعدت على الكرسى وعيطت
عمار :- انا اسف يا هنا مكنتش اقصد اللى حصل ده
باسم :- عمار روح اوضك
عمار :- حاضر وخرج وقفل الباب وراه
باسم :- قعد على السرير قصاد هنا وقال متزعليش يا حبيبتى من ماما هى بس مش قادر تنسا اللى شافته منه امك اتعذبت جامد بسببه
هنا :- بدموع بس كان غصب عنه مريض نفسى يا بابا
باسم :- مكناش نعرف يا حبيبتى بس برضه مش هتقدر هى واختك تنسا اللى حصل منه بين يوم وليله هياخدو وقت لحد ما توصل ليهم فكرة أن هو مريض انتى سامحتيه علطول علشان مشوفتيش منه حاجه
هنا :- انا كنت زيهم مش قادره اسامحه بس لما شوفت حالته صعب عليا جدآ يا بابا
باسم :- مسح دموعها وقال معلش نصبر شويه بس تهدا وانا هكلمها
هنا :- بس انا بروح ليه كل يوم
باسم :- معلش اصبرى اليومين الدول لحد ما تهدا وبعد كدا هتسمح ليكى تخرجى تانى
هنا :- حاضر
باسم :- حضرك الخير يا حبيبتى
هنا :- انا بحبك اوى يا بابا ومهما حصل هتفضل برضه ابويه اللى ربانى وبحبه
باسم :- ضمها ليه وبسها فى راسها وقال وانا بحبك يا حبيبتى وانتى بنوتى العسل حبيبت قلبى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة ايمن ومليكه

كانت مليكه نايمه فى حضنه وهى مكسوفه

أيمن :- مبروك يا قلبى
مليكه :- بكسوف الله يبارك فيك
أيمن :- مش مصدق نفسى انك بقيتى مراتى ونايمه فى حضنى انا كنت فقد الأمل فى كده بعد ليلة امبارح
مليكه :- احم خ.خ.خلاص بقى يا أيمن
أيمن :- خلاص ايه يا قلب أيمن
مليكه :- بلاش ت.ت.تتكلم فى اللى حصل من شويه
أيمن :- ههههههههههه حاضر وفى الوقت ده تليفونه رن بص فى التليفون وبعدين قال مليكه ممكن تعملى ليا واحد قهوه
مليكه :- ح.ح.حاضر وقامت من جنبه لبست الروب وخرجت
أيمن :- رد وقال ها خير فى اخبار جديده
المتصل :- الهدف اتصل تانى بيها النهارده واداها معاد فى (…….) الساعه خمسه وبعدين قفل معاها واتصل على جوزها
ايمن:- يا ابن ال دول عصابه ولاد الكلب
المتصل :- نعمل ايه يا فندم
ايمن :- خليكم مراقبين التليفون ورقبهم وانا هكون موجوده فى الوقت ده هناك
المتصل :- تمام يا فندم سلام
وفى الوقت ده دخلت مليكه بالقهوه وادتها لايمن
ايمن :- اخدها منها وقال تسلم ايدك يا حبيبتى وشربها وقام دخل الحمام اخد شاور وخرج لبس هدومه وقال معلش يا حبيبتى هنزل مشوار بسرعه وجاى مش هغيب وبسها فى خدها وخرج
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

فى اوضت فريد وسمر

سمر :- اول ما دخلت من باب الاوضه دخلت تدور على التليفون
فريد :- دخل وقال لاقتيه
سمر :- وهى بدور قالت لاء
فريد :- افتكرى يمكن حطتيه هنا ولا هنا
سمر :- مش فاكره حطيته فين يا فريد
فريد :- شدها ليه وقال أهدى يا سمر فى داهيه انا اجبلك احسن منه
سمر :- المشكله اللى عليه يا فريد
فريد :- ايه اللى عليه
سمر :- ها و.و ولا حاجه يا حبيبى ه.ه.هدخل الحمام وسابته ودخلت الحمام
فريد :- بص ليها بأستغراب وفتح الدولاب واخد هدوم ليه وغير هدومه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت عدى ومى

دخل عدى الاوضه وقلع الجاكت بتاعه وفتح زراير القميص بتاعه ونام على السرير بتعب وقال
عدى:- اااااااااه جسمى مش قادر النهارده تعبت اوى اوى فى الشغل
مى :- ليه اللمبه منستكش التعب
عدى :- لمبه قصدك على مين
مى :- بغيظ اميليا اوه سيد عدى انت متزوج اتصدمت يا عين امها
عدى :- ههههههههه تلاقيها كانت رسمه عليا ولا حاجه
مى :- هههه خفه
عدى :- تنكرى أن انا دمى خفيف
مى :- اه دمك يلطش
عدى :- قام وقف قصادها وقال بذمتك
مى :- ا.ا ايوه ولسه هتمشى
عدى :- شدها على السرير ونام فوقيها وقال لما انتى بتحبينى وغيرانه عليا ليه بتعملى كده
مى :- ع.ع.عدى اوعى
عدى :- لاء
مى :- عدى بتكلم بجد
عدى :- انتى ليه عناديه كده لما انتى بتحبينى بتبعدى عنى ليه
مى :- ع.ع.عدى ابعد
عدى :- بص فى عين مى وقال انتى لو تعرفى المجهود اللى بعملو علشان اقدر اتحكم فى نفسى وانتى نايمه معايا فى نفس الاوضه من غير ما المسك هتعرفى انا بحبك قد ايه بس بجد خلاص مش قادر استحمل انا تعبت اوى يا مى وقرب من شفايفها وبسها ومد أيده يفتح البلوزه بتاعتها
مى :- كانت هتبعده بس حست أن حرارة جسمها زادت وقربت منه اكتر
عدى :- شاف مى استجابة معاه نزل على رقبتها وبسها برقه ورجع تانى على شفايفها وبسها
مى :- مسكت فيه اكتر بس فى الوقت ده سمع عدى صوت ابوه بينادى عليه زقته وقالت ع.ع.عمو فهد
عدى :- غمض عينه واخد نفسه بصعوبه وقام قفل قميصه وفتح الباب ونزل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند فهد تحت

كان قاعد وماسك تليفونه وبيتكلم فيه

فهد :- اتكلم يا شيخ
المأذون :- حضرتك حصل حاجه يوم الفرح غريبه ومعرفش اذا كنت تعرفها ولا لاء
فهد :- خير اتكلم
المأذون :- العريس اللى اسمه وحيد وللى اسمه معاذ
فهد :- مالهم
المأذون :- لاحظت أن هما اخوات وشكل حضراتكم متعرفوش الموضوع ده لان جيت اتكلم واحد منهم سكتنى بطريقه مخيفه
فهد :- بصدمه اخوات ازاى يعنى
المأذون :- اسم العريس الاولانى وحيد امجد الجلاد
والتانى :- اسمه معاذ امجد الجلاد
فهد :- بعصبيه ازاى وبعدين سكت شويه وقال انا غبى ازاى مأخدش بالى من تشابه الأسماء ولاد امجد لعبوها صح وعرفو يضحكو علينا بس ودينى لكون مطلع روحهم بأيدى لو فكرو يأذو البنات وقفل التليفون وقال عدددددددى انزل هنا حالا
الكل :- نزل على صوت فهد
عدى :- خير يا بابا
فهد:- مسك عدى من هدومه وقال امته هقدر اعتمد عليك قولى هتفضل طول عمرك خ**** ومحدش يعرف يعتمد عليك
مليكه :- فهد سيب عدى فى ايه حصل
فهد :- بعصبيه البيه اعتمد عليه يسأل على عريس أخته راح جاب معلومات غلط وجه
فريد :- قصدك ايه يا بابا جاكى حصل ليه حاجه
مليكه :- ب.ب بنتى مالها يا فهد
فهد :- البيه معاذ ووحيد عريس فرحه اخوات وضحكو علينا يا مليكه
عدى :- ليه يضحكو علينا طيب
فهد :- بص لمليكه وقال معاذ ابن امجد يا مليكه فكراه اللى كانت مراته قعده فى الشقه بتعتنا
مليكه :- ب.ب.بنتى راحت يا فهد ي.ي.يعنى هما بينتقمو مننا ع.ع.علشان مفكرين أن انا اللى قتلت امهم ي.ي
يعنى بنتى بتتعذب دلوقتى
فهد :- ما هو لو كان ابنك راجل كان عرف يوصل للحقيقه من قبل ما يحصل حاجه
عدى :- يا بابا انا والله سألت عليه كويس اوى والكل شهد فيه طيب سيبك منى عمو اسر ويوسف ما كانو بيشكرو فيه
فهد :- لازم أبلغ باسم حالا ومسك تليفونه وطلب باسم
باسم :- ايوه يا ابنى مش لسه كنا مع بعض
فهد :- البنات يا باسم كان عندك حق لما شكيت فى وحيد ابن امجد
باسم :- بصدمه ق.ق.قصدك ايه يا فهد
فهد :- وحيد ومعاذ ولاد امجد واكيد اتجوز البنات ينتقمو منهم
باسم :- ولاد ال ودينى لكون مطلع روحهم انا رايح حالا عند فرحه بنتى وانتى الحق جاكى وقفل مع باسم وبص لعدى وفريد وقال تعالو معايه
مليكه :- بدموع انا جايه معاكم
فهد:- اقعدى هنا يا مليكه مش ناقص وجع قلب
مليكه :- مليش دعوه يا فهد انا عايزه بنتى
فهد :- اقعدى هنا وبنتك هتكون عندك
مليكه :- ب.ب.بنتى وحست نفسها مش قادره تقف على رجليها واغمى عليها
كلهم جريو على مليكه
وحاولو يفوقو مليكه
سمر :- روحو انتو هاتو جاكى واحنا هنفوقوها
فهد :- ماشى يلا وبص لسمر ومى وقال خلى بالكم منها
مى :- متخفش يا عمو روح انت
فهد :- اخد عدى وفريد ومشى راح عند شقة جاكلين
وراحو خبطو على الباب بس محدش رد
عدى :- افتح يا معاذ احسن هنكسر الباب
فهد :- افتح بقولك وقعد يخبط على الباب وبعدين بعد ومره واحده ضرب الباب برجليه الباب اتكسر ودخلو بس ملقوش حد موجود
فريد :- ده مفيش حد موجود
فهد :- يا ولاد ودينى ما سيبهم ومسك تليفونه واتصل على باسم
باسم :- محدش موجود يا فهد
فهد :- وبرضه محدش عندى
باسم :- بقلق وبعدين هنعمل ايه يا فهد الله اعلم عاملين ايه فى البنات
فهد :- بعصبيه ودينى ما هسيب ولاد الكلب دول تعال عندى فى الفيلا حالا وانا هشوف طريقه نوصل ليها للبنات
باسم :- ماشى انا جاى حالا
عدى :- طيب هيكون اخدوهم وراحو فين
فريد :- واحنا هنعرف منين يا عدى
فهد :- مش عايز اسمع نفس حد فيكم يلا بينا انزلو ونزلو ركبو العربيه وراحو الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر

جه المعاد قامت وقفت بخوف واخدت نفس ونزلت ركبت تاكسى وادته العنوان وراحت عنده ولسه هتنزل
شهاب :- تعالى اركبى جنبى
تيلا :- بخوف ا.ا.انت مين
شهاب :- انزلى وتعالى اركبى جنبى
تيلا :- بخوف م.م.ماشى ونزلت ركبت جنبه
وكان يوسف وراهم وشاف تيلا بتركب جنب السواق
شهاب :- كان محضر منديل فيه مخدر وحطه على مناخيرها
تيلا :- حست أن الدنيا بتسود فى عينيها ووقعت فى حضن شهاب
يوسف :- اتصدم لما شاف تيلا بتنام فى حضن شهاب
شهاب :- شغل التاكسى ومشى بيها وهى فى حضنه وراح على الشقه
يوسف :- مشى وراهم ووقف بعيد عنهم
شهاب :- نزل من العربيه وراح فتح الباب من عند تيلا ونزلها وحط أيده فى ضهرها وعمل أن هما ماشين فى حضن بعض وطلع الشقه ودخل فيها وبدأ يقلع هدوم تيلا من فوقه ودخلها اوضت النوم ونيمها على السرير ونام جنبها
يوسف :- طلع يجرى وراهم وطلع الدور اللى قال عليه شهاب كسر الباب ودخل وشاف تيلا نايمه فى حضن شهاب
تيلا:- كانت بدأت تفوق
شهاب :- قام وكان لسه هيجرى
يوسف :- مسكه وقعد يضرب فيه
تيلا :- فاقد وشافت نفسها نايمه فى السرير بقميص نوم ويوسف عمال يضرب حد شدت الغطا عليها ودموعها نزلت منها
شهاب :- زق يوسف وطلع يجرى
يوسف :- بص لتيلا والشرار بينط من عينه
تيلا :- هزت راسها بمعنى لاء محصلش ودموعها كانت نازله منها
يوسف :- ليه عملتى كده نقصتك ايه ردى عليا وراح شدها من شعرها
تيلا :- اااااااه والله العظيم ما حصل حاجه انا معرفش جيت هنا ازاى
يوسف :- كدااااااابه لاخر لحظه كنت بكدب نفسى واقول مستحيل يحصل كده وشوفتك بعينى وانتى بتترمى فى حضنه وطالعه معاه ليييييييه تعملى كده وضربها بالقلم
تيلا :- اااااااااه والله العظيم مظلومه يا يوسف والله بحبك ومستحيل اخونك اااااااه
وفى الوقت ده دخل أيمن وشاف تيلا كده غير وشه وقال
أيمن :- يوسف اهدا انت فاهم غلط
يوسف :- أيمن ابعد من قصادى دلوقتى
أيمن :- يا ابنى اهدا تيلا مظلومه ومسكنا شهاب وهفهمك كل حاجه
يوسف :- شد تيلا من شعرها وقال تفهمنى ايه تفهمنى أن مراتى بتخونى ونايمه فى حضن راجل غريب وهى بقميص النوم
تيلا :- اااااااه يا يوسف مظلومه والله
أيمن :- يا ابنى اهدا متبقاش متهور كده
يوسف :- سحب تيلا من شعرها وخرج بيها من الاوضه وهى بقميص النوم
أيمن :- طيب يا ابنى استر مراتك
يوسف :- لاء هى اللى فضحت نفسها وخليها زى ما هى
تيلا :- لالالا يا يوسف ابوس ايدك بلاش تنزلنى كده بالله عليك حرام عليك
يوسف :- كمل شد شعرها ونزل بيها من على السلم
أيمن :- طلع يجرى وراه ومسك يوسف وقال مينفعش كده يا يوسف يا اخى راعى انها بنت خالتك برضه
يوسف :- زق أيمن ونزل الشارع وهو بيشد تيلا من شعرها وبقميص النوم وركبها العربيه وركب وساق العربيه واتصل على باسم
باسم :- بزعل ايوه يا يوسف
يوسف :- انت فين يا عمى
باسم :- احنا فى فيلا خالتك مليكه
يوسف :- ماشى انا جاى حالا وقفل التليفون وراح على فيلا فهد المنشاوى ونزل من العربيه وشد تيلا من درعها ودخل بيها الفيلا ورماها فى الارض
الكل :- اتفاجأ بشكل تيلا ويوسف
فهد :- ايه ده فى ايه
يوسف :- الهانم جايبها من شقة وحضن راجل
الكل :- اتصدم
باسم :- قام مسكه من هدومه وقال ايه اللى انت بتقوله ده يا حيوان
يوسف :- اهى عندك اهى اسألها
تيلا :- هزت راسها بمعنى محصلش
مى :- طلعت تجرى على تيلا وقالت حد يجيب اى حاجه بسرعه نسترها بيها
وبصت ليوسف وقالت انت ندل وجبان لما تخلى مراتك كده جسمها مكشوف للرجاله انا غلطانه أن وثقة فيك وآمنة على بنتى معاك
سمر :- راحت جابت هدوم لبستها لتيلا
يوسف :- كنت مفكرها لسه تيلا الطفله البريئه اللى كنت بحبها بس طلعتى واحده و**** تربية ملجأ بصحيح انتى طالق يا تيلا طالق
بس فى الوقت ده اتفاجئ بأيد نزلت على وشه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد.
لقاء الاحبه يوسف و تيلا الفصل الواحد والثلاثون

 3,503 اجمالى المشاهدات,  12 اليوم