/* */

لقاء الاحبه يوسف و تيلا الفصل التاسع والعشرون

To report this post you need to login first.
3.7
(3)

 248 اجمالى المشاهدات,  1 اليوم

لقاء الاحبه يوسف و تيلا

⁦⁦
🤵الفصل التاسع والعشرون 👰

اشرقت شمس صباح يوم جديد بنورها الساطع فى سماء الاسكندريه لتبدأ جاكلين بفتح عيونها
بصت حوليها لاقت نفسها نايمه فى الارض بصت على نفسها لاقت انها لسه بالفستان الابيض افتكرت اللى حصل بليل دموعها نزلت منها وقامت بصعوبه من على الارض قلعت الفستان ودخلت الحمام اخدت شاور واتوضت وخرجت لبست هدومها وأدت فرضها حست بصداع جامد فى دمغها خرجت تعمل كوباية نسكافيه
لاقت معاذ نايم على الكنبه وهو قاعد ولسه بهدومه غيرت وشها وراحت عند المطبخ تعمل النسكافيه ليها بس وهى بتعمل الكوباية وقعد من ايديها
معاذ :- قام مفزوع من على الكنبه من صوت كسر الكوبايه وبص حواليه لاقه نفسه نايم وهو قاعد على الكنبه دلك رقبته بأيده وقام يشوف الصوت ده ايه دخل المطبخ لاقه جاكلين بتلم الازاز بأيديها
جاكلين :- وهى بتمسك حتة الازاز بأيديها جرحتها
معاذ :- اتخض عليها ودخل يجرى ومسك ايديها وقال بلهفه جاكى خلى بالك ايدك
جاكلين :- سحبت ايديها منه وكملت لم الازاز من غير ما ترد عليه
معاذ :- مسك ايديها وقال تعالى اعقمها علشان مش كويس كده
جاكلين :- شدت ايديها وقالت حاجه متخصكش وكملت لم الازاز
معاذ:- جاكى مش وقت عند سبيه انا هعمله وانتى تعالى اعقم الجرح
جاكلين :- لاء اللى يشوف كده يقول انك بتحبينى وخايف عليا
معاذ :- غمض عينه وقال مش وقته الكلام ده تعالى معايه
جاكلين :- لاء وقته يا معاذ انا عايزه اعرف اتجوزتنى ليه مدام مش بتحبينى
معاذ :- سكت ومردش عليها
جاكلين :- بلاش سكوتك ده والنبى رد عليا ليه اتجوزتنى
معاذ :- هتعرفى بعدين
جاكلين :- لاء عايزه اعرف دلوقتى
معاذ :- خرج من المطبخ وسابها
جاكلين :- خرجت وراه وقالت بعصبيه بلاش طريقتك دى معايه يا معاذ انا عايزه اجابه صريحة
معاذ :- غمض عينه وقال غصب عنى يا جاكى
جاكلين :- دموعها نزلت منها وقالت وليه غصب عنك فهمنى
معاذ :- قعد على الكنبه وحط راسه ما بين ايديه وقال مش هقدر اتكلم دلوقتى
جاكلين :- طلقنى يا معاذ
معاذ :- رفع راسه وقام من على الكنبه ومسك جاكلين من دراعها وقال بعصبيه اياك اسمع كلمة طلاق على لسانك فاهمه انا مستحيل اسمحلك تبعدى عنى
جاكلين :- زقته وقالت انت اكيد مش طبيعى انت مريض نفسى
معاذ :- ايوه يا جاكى مريض نفسى وانتى السبب
جاكلين :- هطلقنى يا معاذ ولو مكنش بالذوق يبقى بالعافيه انت متعرفش انا بنت مين انا بنت فهد المنشاوى اللى لو عرف اللى بيحصل ده يدفنك مكانك
معاذ :- ههههههههه والله بأمارة ما ضحكنا عليه ابوكى ده ولا حاجه اسم على الفاضى انتى عارفه ايه مشكلتك مشكلتك انك بنت فهد المنشاوى ياريت كنتى بنت حد تانى كانت حاجات كتير اتغيرت ياريت
جاكلين :- بدموع ليه كل ده ليه انا وبابا عملنا ليك ايه
معاذ :- انتى معملتيش، اللى عمل ابوكى وانتى بتدفعى تمن ملكيش ذنب فيه
جاكلين :- انا مش فاهمه حاجه
معاذ :- هتفهمى كل حاجه فى وقتها وبص على ايد جاكلين لاقها بتنزل دم مسكها وقال ايدك بتنزل دم تعالى اعقم ليكى الجرح
جاكلين :- سحبت ايديها وقالت بدموع الجرح ده ميجيش حاجه جنب جرح قلبى اللى انت جرحته ليه يا معاذ وسابته ودخلت الاوضه
معاذ :- بص عليها لحد ما دخلت وقال بكره تعرفى أن انا حفظت عليكى من اللى كان مفروض يتعمل فيكى يا جاكلين ودخل المطبخ يشيل منه الازاز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة وحيد

كانت فرحه قعده على الكنبه وضمه رجليها لصدرها وبتعيط وفى الوقت ده صحى وحيد وبص على فرحه وقال
وحيد :- برضه منمتيش
فرحه :- خافت وكمشت اكتر على نفسها وبصت بدموع لوحيد
وحيد :- قام وقف وبصلها بقرف ودخل الحمام
فرحه :- قامت بصعوبه تدور على مفتاح باب الاوضه علشان تخرج منها وقعدت تدور فى كل حته
وحيد :- كان واقف وساند على الحيطه وضحك وقال هههههههه بتعملى ايه
فرحه :- اتخضت وخافت منه
وحيد :- بدورى على ده وكان ماسك المفتاح فى أيده
فرحه :- كانت دموعها نازله ومردتش عليه
وحيد :- قرب منها
فرحه :- بخوف بقت ترجع لوره
وحيد :- مفكرانى عبيط هسيب ليكى المفتاح بسهوله علشان تهربى منى
فرحه :- وهى بترجع لوره هزت راسها بدموع بمعنى لاء ووصلت لآخر الاوضه وضهرها خبط فى الحيطه
وحيد :- قرب منها اوى وبسها فى رقبتها وقال ليها جنب ودنها مش هتخرجى من هنا غير وانتى ميته وبعد عنها وضحك
فرحه :- حست أن الدنيا بتلف بيها وبدأت تسود الصوره قدام عينيها ومره واحده وقعت فى الأرض اغمى عليها
وحيد :- اتفاجئ بصوت هبط على الأرض بيبص لاقها فرحه راح عندها وقعد يخبط على وشها ملاقاش منها استجابه قام جاب ازازة البرفان ورجع رش منها على أيده وحطها تحت مناخيرها ملاقهاش برضه فاقت شالها ودخل بيها الحمام وحطها فى البانيو وفتح عليها الميه الساقعه وبعد وقت بدأت فرحه تفوق وكانت بتترعش
قفل الميه وسابها ومشى
فرحه :- قامت بصعوبه من البانيو وهدومها كلها كانت بتنزل ميه وهى بتترعش خرجت من الحمام وراحت عند الدولاب وفتحته واخدت هدوم ودخلت الحمام غيرت هدومها وخرجت لاقت وحيد مش فى الاوضه والباب مفتوح اتسحبت وبصت لاقته فى المطبخ طلعت تجرى على باب الشقه بس لاقته مقفول بالمفتاح
وحيد :- هههههههههههه متحاوليش
فرحه :- بدموع حررررررام عليك بتعمل فيا كده ليه عملت ليك ايه كل اللى عملته أن انا حبيتك وده مش ذنبى ده ذنب قلبى مش بأيديه
وحيد :- انت بتدفعى تمن اللى أهلك عملوا
فرحه :- بدموع عملو ايه وايه الذنب اللى بدفعه
وحيد :- طق طق طق مش هتعرفى حاجه دلوقتى كل حاجه هتعرفيها فى وقتها
فرحه :- قعدت فى الارض وقالت بدموع بس انا مش قادره استحمل اكتر من كده حرام عليك سيبنى فى حالى واغلى حاجه عندك ارحمنى انت بجد عرفت تكسرنى وتجرح قلبى وتوجعنى وده اصعب انتقام ولو انى معرفش ليه بتنتقم منى
وحيد :- هههههههههههه بسرعه كده ده انا لسه بقول يا هادى وببدأ تقولى اسيبك فى حالك ده انتى عبيطه وساذجه اوى الصراحه
فرحه :- بدموع وكسره عندك حق انا عبيطه وساذجه عبيطه علشان حبيتك وساذجه علشان مكنتش بلاحظ الغدر فى عينك ولا كنت واخده بالى من معملتك ليا وضربت نفسها بأيديها على قلبها وقالت انا بكره قلبى اللى حبك وكان سبب وجعى بكره طيبتى اللى خلتنى اصدق أن الناس كلها طيبه وانت منهم
وحيد :- ههههههههه اعمل ايه بقى حظى كان حلو أن قبلت واحده مدلوقه عليا وساذجه زيك عمله زى اليويو كل ما احدفها ترجع ليا ههههههههههه
فرحه :- حطت ايديها على وشها وقعدت تعيط
وحيد :- يوووووو ما خلصنا بقى قومى اتزفتى وحضر ليا الفطار بدل زنك ونكدك ده
فرحه :- بصت ليه بترجى وقالت بلاش تكرهنى فى نفسى اكتر من كده ارجوك
وحيد :- قام وسحبها من دراعها وقفها وزقها وقال امشى انجرى حضرى ليا لقمه
فرحه :- ااااه دراعى اااااه
وحيد :- سمعتى قولت ايه نفذى اللى قولت عليه علشان متعصبش وتندمى فى الاخر
فرحه :- بصت ليه بخوف ودخلت المطبخ تحضر ليه الفطار ودموعها على خدها ومسكت السكينه وبعدين بصت ليها كتير وخرجت وقالت افتح الباب بدل ما اقتلك
وحيد :- ههههههههه امشى يا ماما بلاش تقولى حاجه انتى مش قدها
فرحه :- بدموع افتتتتتتتح الباب بقولك
وحيد :- وهو بيقرب ليها انا اهو ورينى هتقتلينى ازاى
فرحه :- وهى بتبعد بقولك ه.ه.هقتلك
وحيد :- وهو بيقرب قال ما انا جاى ليكى تقتلينى يلا ورينى هتعمل كده ازاى
فرحه :- وهى بترجع لوره بقولك بلاش تستفزنى هقتلك
وحيد :- ولا تقدرى لأنك واحده جبانه وضعيفه
فرحه :- بصت ليه بدموع وحطت السكينه على ايديها ولسه هتقطع شريان ايديها
وحيد :- كان عندها ومسك السكينه منها قبل ما تأذى نفسها وقال انتى مفكره هسيبك تموتى كده بسهوله لما اخلص انتقامى منك فاهمه وحدف السكينه وشال فرحه وقال ودلوقتى لازم تتعقبى على اللى كنتى بتعمليه ده
فرحه :- بدموع وترجى لالالا يا وحيد بالله عليك بلاش
وحيد :- دخل بيها اوضت النوم وحطها على السرير وقطع من عليها الهدوم
فرحه :- بدموع لااااااااااا يارب يارب انا تعبت حرام عليك يا وحيد حررررررام ابعد عنى والنبى يا وحيد
وحيد :- بعد وقت قام وقف وبصلها بقرف وقال ده عقابى ليكى لو فكرتى تعملى اى حاجه تعصبنى فاهمه تسمعى اللى اقولك عليه بالحرف ولو فكرتى مجرد تفكير بس تهربى من هنا مش هرحمك قومى يلا حضرى الفطار
فرحه :- حاولت تقوم بس مقدرتش بدموع م.م.مش قادره
وحيد :- شدها من شعرها وقفها وقال قومى بقولك بلاش دلع
فرحه :- ااااااه ش.ش.شعرى
وحيد :- زقها وقال انجرى حضرى الاكل
فرحه :- مسكت بطنها ومشيت قدامه وهى دموعها على خدها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة ايمن

صحيت مليكه من النوم بصت حاوليها بأستغراب وبعدين افتكرت اللى حصل امبارح قامت من على السرير دخلت الحمام اتوضت وخرجت أدت فرضها وفتحت الباب وخرجت من الاوضه لاقت أيمن نايم على الكنبه صعب عليها راحت عنده وخبطت علي كتفه وقالت
مليكه :- ا.ا ايمن ا.ا.ايمن
ايمن :- شد مليكه جنبه وقال اخيرآ قدرت اوصلك
مليكه :- حاولت تقوم وقالت بكسوف ا ا ايمن خ.خ.خلينى اقوم
ايمن :- ده انا قتيلك النهارده بعد الليله اللى شوفتها امبارح بقى انا اتكرش من الاوضه يوم دخلتى وانام فى الصاله على الكنبه
مليكه :- بكسوف ا.ا.انا ك.ك.كنت خ.خ.خايفه
ايمن :- من ايه
مليكه :- احم ممكن تخلينى اقوم
ايمن :- لاء وقرب من شفايفها وبسها بوسه طويله وبعد عنها وحط راسه على راسها وقال يا مليكه انا بحبك ومستحيل اعمل حاجه تأذيكى انتى مراتى دلوقتى يعنى طبيعى ننام جنب بعض على سرير واحد وطبيعى اى حاجه تحصل ما بنا
مليكه :- كانت مكسوفه وخدودها حمرا ومش عارفه ترد على ايمن
ايمن :- وقف وشالها وقال مليكه سيبى ليا نفسك خالص وصدقينى مش هتندمى
مليكه :- بكسوف هزت راسها بمعنى موافقه
ايمن :- بسها من خدها ودخل بيها اوضت النوم ونزلها وقال ادخلى اتوضى الاول
مليكه :- هزت راسها بالموافقه ودخلت الحمام اتوضت ودخل ايمن كمان اتوضه وخرج وصلى بمليكه راكعتين وقال الدعاء وقام وقف وبسها فى راسها وقرب من شفايفها وبسها وبعد وقت بعد عنها ومد أيده قلعها الاسدال وقال ايه الجمال ده
مليكه :- كانت حاسه ان قلبها هيوقف عليها من الكسوف
ايمن :- شالها وحطها على السرير وقرب منها و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

فى اوضت يوسف

صحيت تيلا من نومها على صوت المنبه مدت ايديها وطفت المنبه وبصت على يوسف وقالت
تيلا :- حبيبى اصحه يلا هتتأخر على الشغل
يوسف :- فتح عينه بصعوبه وقال نامى يا تيلا بلاش نروح الشغل النهارده انا تعبان
تيلا :- اصحه يا يويو النهارده اول يوم مينفعش كده احنا بقالنا كتير مرحناش
يوسف :- يووووه يا توته بقى خليها بكره بقولك
تيلا :- قربت من شفايفه وبسته بوسه خفيفه وقالت علشان خاطرى اصحه يلا
يوسف :- طيب ادينى واحده تانى علشان افوق
تيلا :- قربت منه تانى واديته بوسه
يوسف :- شدها اكتر ليه وعمق البوسه وبعد وقت بعد عنها
تيلا :- بكسوف تصدق انك غلس
يوسف :- ههههههههه مش انتى اللى بدأتى ههههههههه
تيلا :- علشان اصحى حضرتك
يوسف :- بسها فى حرف مناخيرها وقال احلى صباح على احلى عيون فى الدنيا دى
تيلا :- هههههههه ماشى يلا قوم علشان هنتأخر انت على الجريده وانا على الشركه متنساش أن معاذ عريس ومفيش حد فى الشركه بيخلى باله منها
يوسف :- طيب اجى معاكى الشركه مش هقدر ابعد عنك المده دى كلها
تيلا :- هههههههه لاء انت هتروح شغلك
يوسف :- يا ستى انا هسيب الشغل فى الصحافه وهشتغل فى الهندسه اصل الصراحه حبتها اوى
تيلا:- والله
يوسف :- وحياتك عندى
تيلا :- بطل دلع وقومى يلا روح شغلك وقامت دخلت الحمام اخدت شاور واتوضت وخرجت لبست هدومها وأدت فرضها
يوسف :- دخل الحمام واخد شاور واتوضه وخرج لبس هدومه واده فرضه ونزلو الاتنين مع بعض وكان اسر ومها قاعدين بيفطرو
يوسف وتيلا :- صباح الخير
اسر ومها :- صباح النور
اسر :- لابسين كده ورايحين فين
تيلا :- نزلين الشغل يا عمو كفايه دلع لحد كده وبعدين الشركه مفيش حد مخلى باله منها
مها :- وانت يا يوسف
يوسف :- انا هنزل الجريده يا ماما
مها :- ربنا يكفيكم شر طريقكم يارب
تيلا :- اللهم امين
وفى الوقت ده تليفون تيلا رن برقم شهاب اتوترت وبصت على التليفون بخوف
يوسف :- مين
تيلا :- بتوتر ها د.د.ده رقم غريب و.و ومش حابه ارد
يوسف :- ومش عايزه تردى ليه
تيلا :- ا.ا.اصل ي.ي.ي
اسر :- قطعها وقال ما انت عارف يا حبيبى معاكسات الشباب اليومين دول احسن حاجه عملتها مراتك متردش على اى رقم غريب علشان لما بيسمعو صوت واحده مش بيسكتو ويفضلو يتصلو على الرقم
يوسف :- هاتى انا اهزق امه
مها :- خلاص بقى يا يوسف مش مستحقيه العصبيه دى بتحصل مع اى حد
اسر :- يلا بس افطرو
تيلا :- ح ح.حاضر واكلت وهى متوتره
يوسف :- اكل وبعد وقت بص لتيلا وقال خلصتى اكل
تيلا :- ا.ا.الحمدالله
يوسف :- طيب يلا وقام من على الكرسى ومسك ايد تيلا وخرجو من الفيلا ركبو العربيه وصلها للشركه وراح هو على الجريده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

فى اوضت فريد

صحى فريد من نومه وحسس على السرير وهو مغمض عينه ملاقاش سمر جنبه فتح عينه وبص حاوليه ملاقهاش قام دخل الحمام اخد شاور واتوضه وخرج لبس هدومه واده فرضه ونزل يدور على سمر بص عليها فى الصاله ملاقهاش دخل المطبخ لاقها وقفه بتحضر الفطار راح براحه ووقف وراها ولف أيده حاولين وسطها وبسها فى رقبتها
سمر :- عااااا اخس عليك يا ديدو خضتنى
فريد :- وهو بيبوس فى رقبتها من وراه سلامتك يا عمرى من الخضه
سمر :- بس يا فريد احسن ما حد يشوفنا
فريد :- لسه كله نايم وبعدين قال بتعملى ايه
سمر :- بحضر الفطار للكل
فريد :- اكيد هيبقى زى العسل علشان الايدين الحلوين دول هى اللى هتعملو وباس ايديها
سمر :- لفت ليه وحطت دراعها حاولين رقبة فريد وقالت بدلع بحبك اوى يا ديدو وبعشق دلعك ليا
فريد :- بص على شفايفها وقال وعد منى طول ما انا عايش هدلعك واعيشك اسعد ايام عمرك وقرب من شفايفها وبسها وفى الوقت ده دخلت عليهم مليكه وشفتهم كده قالت
مليكه :- وهى بتكتم ضحكتها قالت احم احم
سمر :- بعدت عن فريد بسرعه واستخبت وراه من الكسوف
مليكه :- صباح الخير
فريد :- احم صباح النور
مليكه :- بتعملوا ايه فى المطبخ
فريد :- دى سمر صحيت بدرى وقالت تنزل تحضر الفطار على ما كله يصحه
مليكه :- تسلم ايدك يا حبيبتى
سمر :- وهى مستخبيه وراه فريد ومسكه فى هدومه قالت ش.ش.شكرآ يا خ.خ.خالتو
مليكه :- روحو انتو اجهزو على ما انا احضر الاكل على السفره
فريد :- ماشى يا ماما عن اذنك وحاول يمشى بس سمر ماسكه فيه ومش عايزه تسيبوه
مليكه :- كتمت ضحكتها على منظر سمر
فريد :- احم سمر امشى يلا وسبينى
سمر :- طلعت تجرى على اوضتها
فريد :- بص لأمه واتفتحو فى الضحك هههههههههههههههه
مليكه :- هههههههههههههههه ربنا يقويك على جننها اطلع يا حبيبى ليها
فريد :- حاضر يا ماما عن اذنك وطلع على اوضه
مليكه :- بصت على فريد لحد ما طلع اوضه وقالت ربنا يهنيكم ويسعدكم انت واخوك واختك يارب وبدأت تحضر الاكل على السفره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت عدى ومى

صحيت مى من نومها وبصت على السرير ملاقتش عدى وشويه لاقته خارج من الحمام بصلها وقال
عدى :- صباح الخير
مى :- وهى بتقوم من على الارض بصعوبه من وجع ضهرها قالت صباح النور
عدى:- بصلها بأستغراب وقال انتى اللى جايبه لنفسك ما قولتلك نامى على السرير بدل وجع الضهر ده
مى :- لاء انا كده مرتاحه
عدى :- براحتك واجهزى علشان اوصلك الجامعه فى سكتى
مى :- ماشى وسابته ودخلت الحمام
عدى :- بص عليها لحد ما دخلت الحمام وبعدين قلع البورنص ولبس هدومه واده فرضه وسرح شعره ونزل
ودخل لأمه المطبخ
مليكه :- عدى صباح الخير يا حبيبى
عدى :- صباح النور يا ماما
مليكه :- امال فين مى
عدى :- نزله ورايا دلوقتى
مليكه :- ماشى يا حبيبى خد حط اخر حاجه دى على السفره مرات اخوك هى اللى حضرت الفطار النهارده هههههههههههههه
عدى :- هههههههههههه ربنا يستر وما نطلبش الإسعاف
مليكه :- هههههههههههههههه يارب وخرجت هى وعدى
عدى :- صباح الخير يا بابا
فهد :- صباح النور يا حبيبى
مليكه :- اقعد استنا اخوك ومرات اخوك
عدى :- قعد وقال والله البت جاكى واحشتنى وواحشنى غلاستها
مليكه :- الفيلا وحشه من غيرها بس ربنا يسعدها يارب ويهنيها مع جوزها
عدى :- يارب وفى الوقت ده نزل فريد وسمر
فريد وسمر :- صباح الخير
الكل :- صباح النور
سمر :- قعدت وهى مكسوفه من مليكه
فهد :- فين مراتك يا عدى
عدى :- نازله دلوقتى وفى الوقت ده نزلت مى وقالت
مى :- اسفه يا جماعه اتأخرت عليكم
فهد :- ولا يهمك يا حبيبتى صباح الخير
مى :- صباح النور
مليكه :- اقعدى جنب جوزك يلا افطرى
مى :- معلش يا خالتو مليش نفس
سمر :- يا بنتى خلى عندك دم واسمعى كلام خالتك
مى :- احم حاضر وقعدت جنب عدى بس كانت بتاكل ببطئ شديد
فهد :- لاحظ وقال مى يا حبيبتى انتى مش بتاكلى حاجه بتحطى اللقمه وتقعدى عليها ساعه
مى :- يا عمو انا قعد اكل علشان خاطركم بس بجد مليش نفس
مليكه :- فى ايه يا عدى ساكت ليه ما تشوف مراتك
عدى :- احم سبيها براحتها يا ماما هى لو جعانه هتاكل وبعدين وقف وقال الحمدالله
مليكه:- طيب انت مأكلتش حاجه برضه
عدى :- لاء الحمدالله شبعت وبص لسمر وقال تسلم ايدك الاكل جميل
سمر :- بالهنا والشفا
عدى :- بص لمى وقال مدام خلصتى اكل يلا
مى :- وقفت وقالت سلام يا جماعه
الكل :- مع السلامه
عدى :- خرج وركب العربيه
مى :- خرجت وركبت العربيه جنب عدى
عدى :- ساق العربيه وراح بيها عند الجامعه
مى :- لسه هتنزل
عدى :- مى ملكيش دعوه بأى شاب فاهمه وبالذات الولا الملزق ده
مى :- حاضر
عدى :- هعدى عليكى بعد الشغل هستناكى
مى :- ماشى ممكن انزل بقى
عدى :- انزلى يا مى
مى :- فتحت الباب ونزلت دخلت على الكليه من غير ما تبص لعدى نهائى
عدى :- بص عليها بزعل لحد ما دخلت وشغل العربيه ومشى راح على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم

كان الكل قاعد على السفره

عمار :- بص لهنا وقال سبحان الله يا هنون الكل اتجوز وانتى شكلك هتقعدى فى اربظنا
باسم :- اتلم يا زفت الطين وملكش دعوه بأختك
عمار :- ليه بس يا بابا ده انا برفع من روحها المعنويه وبديها امل وتفائل للحياه انها هتبور وهتعنس إن شاءالله بالسكوت بتاعها ده
هنا :- ما هى اللى كانت بتديك على دماغك مشت خلاص علشان كده واخد راحتك
عمار :- الله اكبر ابو الهول نطق لا ده انا كده هدبحلك نمله وافرقها على اهل المنطقه
مى :- والله الفيلا بقت ملهاش طعم بعد ما تيلا وفرحه مشيو وسابوها
عمار :- وانا رحت فين يا مزه ده انا فاكهة البيت تنكرى تنكرى اوعى تقولى لاء ازعل واجيب ناس تزعل معايا
مى :- هههههههههه اهو انت بقى الصداع بتاع البيت
عمار :- صداع ابقى خدى طيب حبايتين صداع وانتى هترتاحى منى ده ايه البيت ده ياربى
باسم :- اسكت شويه حط لسانك جوه بؤق على الصبح
عمار :- حاضر ابابى
هنا :- وقفت وقالت هروح انا بقى
باسم :- ماشى يا حبيبتى خلى بالك من نفسك
هنا :- حاضر يا بابا ولسه هتمشى
مى :- هنا هو انتى ليه بقيتى تتأخرى اليومين دول عن معادك
هنا :- اتوترت وبصت لأمها وقالت ا.ا اصل زوده المحاضرات وبقينا نتأخر شويه عن معادنا
مى :- يعنى هيبقى كل يوم نفس النظام
هنا :- ا.ا ايوه يا ماما
مى :- ماشى يا حبيبتى ربنا معاكى
هنا :- ع.ع.عن اذنكم وخرجت وهى بتحمد ربنا أن أمها مأخدتش بالها من توترها وركبت عربيتها وراحت على الكليه وكان محمد مستنيها
محمد :- صباح الخير يا هنا
هنا :- صباح النور يا محمد
محمد:- ايه اخرك كده
هنا :- مفيش بس ماما سألت عن غيابى كل يوم
محمد :- ها وقولتلها ايه
هنا :- كدبت عليها ودى اول مره اعملها وقولتلها أن الجامعه زودت لينا محاضرات علشان كده بتأخر وهتأخر كل يوم
محمد :- معلش غصب عنك وانتى مش بتعملى حاجه غلط انتى بتقفى جنب باباكى فى مرضه
هنا :- عارفه يا محمد بس ضميرى بيأنبنى أن بكدب على ماما وبخبى عنها حاجه
محمد :- ما هى لو كانت مش هتلوم عليكى وتمنعك عن زيارة باباكى كنتى قولتلها ولا ايه
هنا :- عندك حق
محمد :- طيب يلا ندخل علشان هبدأ المحاضره
هنا :- ماشى
ودخلو الاتنين وبعد وقت محمد خلص محاضرته وخرج هو وهنا وراحو على المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الجامعه عند فريد وسمر

دخلو الاتنين الجامعه وكانو حطين أيديهم فى ايد بعض وقبلو شهاب قصادهم
شهاب :- لالالا قلبى الصغير لا يحتمل المنظر ده جوزين عصافير يا اخواتى
فريد :- بقولك ايه انت يا اخ بيتهيألى انت جربت ايدى قبل كده فبلاش اللى بتعملوا ده علشان متهورش عليك تانى
شهاب :- اخس عليك يا شيخ فريد بقى انا جاى ابارك ليك وابارك للاخت سمر تعمل كده مكنش العشم يا ديدو
فريد :- اتغاظ وقال متقولش اسم مراتى على لسانك علشان مقطعش ليك لسانك ده ويا سيدى متشكرين اتفضل بقى غور من وشى
شهاب :- بس الحجاب هياكل من مراتك حته
فريد :- مسكه من هدومه وقال شكلك كده عايز تتربه
سمر :- مسكته من دراعه وقالت فريد علشان خاطرى بلاش هو بيعمل كده علشان يستفزك
فريد :- ابعد عن سكتى احسنلك فاهم وزقه ومسك ايد سمر ومشى
شهاب :- هههههههههه دكر اوى ماشى ابقى ورينى الرجوله دى بعدين ههههههههه

عند سمر وفريد

فريد :- كان متعصب وقعد على الكرسى بتاع الكافتيريا وقال ودينى انا مسكت نفسى عليه بالعافيه
سمر :- متشغلش بالك بي يا حبيبى هو عايز يستفزك علشان تضربه ويكون سبب فصلك من الكليه
فريد :- انا ممكن اسكت عن اى حاجه الا ان يجيب سيرتك على لسانه
سمر :- عارفه يا حبيبى انك بتغير عليا والله بس حاول تمسك اعصابك اكتر من كده
فريد :- ربنا يسهل هو فاضل قد ايه على المحاضره
سمر :- مش عارفه استنا اشوف الساعه كام فى التليفون ومدت ايديها فى جيب الفستان ودورت على التليفون ملاقتهوش
فريد:- فى ايه
سمر :- مش عارفه شكلى نسيت التليفون فى البيت
فريد :- مش مشكله ووقف وطلع تليفونه من جيب البنطلون وبص فى الساعه وقال لسه نص ساعه تعالى نشرب حاجه
سمر :- مسكت أيده وقالت بموت فى غيرتك دى يا ديدو
فريد :- وانا بعشقك يا قلب الديدو ومشو الاتنين يطلبو حاجه يشربوها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى

كانت جومانه قعده قدام التلفزيون بتتفرج على المسلسل الهندى فى نزلت كريم

كريم :- يخربيت الهندى وسنين الهندى اللى واكل دماغك دى يا جومانه
جومانه :- يا ابنى انت مش بتفهم فى الفن ده من احسن المسلسلات هى المسلسلات الهندى
كريم :- على ايه دول ناس عايزه الحرق اموت واعرف بتستفادو ايه لما البطل يموت وتيجى البطله تنادى عليه بقدرت قادر البطل يصحه تانى ولا البطله اللى تاخد رصاصه فى دماغها وتقعد تصور نفسها سلفى قبل ما تموت ولا تقعدو الفين حلقه تتفرجو على المسلسل ورومانسيه اخر حاجه وفى اخر حلقه يطلع البطل اخو البطله اللى هما فى الالفين حلقه كانو بيحبو بعض دول عايزين النيازك يضرب فيهم ونخلص اقسم بالله
جومانه :- بس يا اهبل اش فهمك انت روح شوف هتروح فين
كريم :- رايح الهند ههههههههههههه
جومانه :- هههه خفه يا ولا زى ابوك
وفى الوقت ده نزل فارس
كريم :- اووووبه الكبير وصل وصل الراعى الرسمى لتهزيق جومانه ادخل يا كبير
فارس :- بقى انتى تقولى على ده خفه شبهى طيب ده حتى دمه تقيل إنما أنا دمى زى العسل
جومانه:- طبعآ يا قلبى
كريم :- نهار اسوح اكلت بعقلك الشكولاته يا حاج
فارس :- امشى يا لا هو انا عندى كام جومانه
كريم :- انا بقول اخدها كده من قصيره وامشى سلام يا مزز الفيلا فاضيه وعيشو حياتكم بقى ها بس بلاش تتشقاو اوى علشان السن والصحه وكده وبعت ليهم بوسه فى الهوا ومشى
جومانه :- ههههههههههه مصيبه من مصايب الزمان ابنك ده
فارس :- بس عنده حق الفيلا فاضيه ما تيجى
جومانه :- ياراجل اتلم
فارس :- اتلم ليه تعالى بس وشدها من ايديها وطلع اوضت النوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند كريم خرج وركب عربيته واتصل بجاسر وانتظر الرد
جاسر :- السلام عليكم
كريم :- وعليكم السلام يلا اجهز هعدى عليك بالعربيه
جاسر :- لالالا انا النهارده مش رايح عندى مشوار تانى
كريم :- بقلق فى حاجه ولا ايه
جاسر :- لالالا بس الجمعيه اللى انا مشترك فيها عامله حمله النهارده وهنطلع على المستشفيات الامراض النفسيه ونقعد مع المرضه واللى مش عنده اهل هنكتب اسمه فى قايمه ونعمل ليه زياره كل اسبوع كتعويض ليه عن فقدان أهله ونقف جنبه لحد ما نساعده يتعالج
كريم :- ااااااه انت عامل زى البت بسله برضه مشتركه فى جمعيات تبع المدرسه وبيعملو نشطات زى دى زيارة مريض أو اطفال ايتام أو مستشفى السرطان والحاجات اللى زى كده
جاسر :- فعلا انا سمعت أن جمعيتنا جايبه طلاب من مدارس ثانوي واعدادى وطلاب جامعات
كريم :- ماشى ربنا يوفقك سلام وقفل مع جاسر وساق العربيه وراح على الجامعه بتاعته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند جاسر

خرج من اوضه ودخل المطبخ لأمه ومسك ايديها وبسها وقال
جاسر :- صباح الخير يا ست الكل
سعاد :- صباح الخير يا حبيبى مش رايح الكليه ولا ايه
جاسر :- لاء عندى شغل فى الجمعيه الخيريه النهارده
سعاد :- ربنا يقدرك على فعل الخير يا حبيبى
جاسر :- بتعملى ايه
سعاد :- بحضرك الفطار
جاسر :- مكنتيش تعبتى نفسك وانا كنت حضرته
سعاد :- يا حبيبى تعبك راحه بالنسبه ليا انا اخدمك برموش عنيا
جاسر :- باس راسها وقال ربنا يخليكى ليا يارب
سعاد :- ويخليك ليا ضى عنيا يلا يا حبيبى علشان تفطر
جاسر :- اخد الاطباق من ايد أمه وراح حطهم وقعدو ياكلو الاتنين وشويه وخلصو وقام جاسر شال الاطباق وعمل الشاى وقعد وحط الصنيه على الطربيزه ومد أيده بكوباية الشاى لأمه
سعاد :- تسلم ايدك يا حبيبى
جاسر :- الف هنا وشفا يا امى ومسك الكوبايه بتاعته وشرب منها وافتكر كوباية الشاى بتاعة بسمله ضحك
سعاد :- الضحكه دى وراها واحده صح
جاسر :- ها ق..ق.قصدك ايه يا امى
سعاد :- الضحكه اللى ضحكتها دى بتقول انك افتكرت واحده صح
جاسر :- احم ي.ي.يعنى
سعاد :- بفرحه مين قولى وانا اخطبها ليك من بكره
جاسر :- ههههههههه أهدى بس يا ست الكل هو مفيش حاجه ما بنا بس كل الحكايه تبقى اخت كريم ما انتى عارفه
سعاد :- ايوه الولا اللى دمه زى السكر ده
جاسر :- ايوه هو ده بحس أن ببقى مبسوط لما بشوفها وببقى عايز اتكلم معاها علطول انتى لو شوفتيها هتحبيها علطول جميله اوى وهاديه وضحكتها رقيقه جدآ ودمها خفيف ومؤدبه اوى اوى يا ماما
سعاد :- ده انت شكلك واقع خالص
جاسر :- المشكله يا ماما انها لسه فى ثانويه عامه ومقدرش حتى المح ليها بأى حاجه
سعاد:- طيب وهى متعرفش بتحس بأيه نحيتك
جاسر :- بحس أن هى كمان معجبه بيا بس هى من النوع اللى بيتكسف علطول
سعاد :- انا من رأى قولها عن حقيقة مشاعرك ولو هى بتحبك هتستناك طول الوقت اللى هى بتدرس فيه وتكون انت كمان اتخرجت واشتغلت علشان تقدر تصرف عليها
جاسر :- بس مش كده خيانه لكريم
سعاد :- خيانه لو كنت ناوى تتسلى يوميآ بيها وتسبها لكن ده حب طاهر وانت هتحافظ عليها كأنها اختك لحد ما يجمع ما بنكم بالحلال يبقى مفيش خيانه ولا حاجه يا حبيبى
جاسر :- شرب الشاى وقال عندك حق يا ماما واللى ربنا عايزه هو اللى هيكون
سعاد :- ربنا يفرح قلبك يا حبيبى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فهد المنشاوى

فى مكتب عدى

كان قاعد فى مكتبه ودخلت السكرتيره وقالت

السكرتيره :- استاذ عدى فى واحده بره اسمها روان عايزه تقابل حضرتك
عدى :- لنفسه ياربى مش هنخلص وبعدين بص لسكرتيره وقال خليها تدخل
السكرتيره :- حاضر يا فندم وخرجت ودخلت روان
روان :- حبيب قلبى واحشتينى
عدى :- عايزه ايه يا روان
روان :- اخس عليك يا دودى بقولك واحشتنى
عدى :- قام من على مكتبه وراح عندها ومسك شعرها بغيظ وقال ودينى وما اعبد يا روان لو ما بعديش عن سكتى وسبتينى فى حالى لكون مسقطك ومطلع روحك بأيدى دول
روان :- اااااه ااااه شعرى يا عدى
عدى :- زقها وقال غورى من هنا ومش عايز اشوف وشك تانى غير لما تولدى واخد العيل واتأكد أنه ابنى
روان :- مسكت شعرها وقالت بغيظ صدقنى هتندم على كل اللى بتعملوا معايا ده يا عدى وفتحت الباب وخرجت
عدى :- داهيه لا ترجعك وفى الوقت ده دخلت السكرتيره وقالت
السكرتيره :- انا اسفه يا استاذ عدى بس فى عند حضرتك كذا اجتماع متأخر وكلهم مهمين جدا
عدى :- سكت شويه وفكر فى مى وقال تمام جهزى اول اجتماع وابعتى ليا عم عبده السواق
السكرتيره :- حاضر يا فندم وخرجت وشويه دخل عبده السواق وقال
عبده :- افندم يا عدى باشا
عدى :- هتروح الجامعه عند مى مراتى هتجبها وتيجى على هنا
عبده :- حاضر يا عدى باشا
عدى :- انت عارفها صح
عبده :- ايوه يا باشا شوفتها فى الفرح بتاع حضرتك
عدى :- ماشى اتفضل روح دلوقتى يدوب تلحقها
عبده :- حاضر عن اذنك وخرج من المكتب راح ركب عربيته وراح الجامعه عند مى لاقها وقفه راح عندها ووقف وقال مدام مى
مى :- ايوه
عبده :- استاذ عدى بعتنى اخدك لان هو مشغول مش قادر يجى لحضرتك
مى :- مسكت تليفونها واتصلت على عدى واتأكدت منه وقفلت معاه وركبت العربيه
عبده :- مشى بيها وراح على الشركه
مى :- لحظت أن ده مش طريق الفيلا قالت لو سمحت ممكن اعرف وخدنى فين
عبده :- استاذ عدى قالى أن اوديكى الشركه عنده
مى :- ماشى يا عم
عبده :- عمك عبده
مى :- ربنا يديك الصحه
عبده :- شكرآ يا هانم
مى :- لالالا قولى يا مى انا مش زى بنتك ولا ايه
عبده :- ده شرف ليا يا بنتى
وفى الوقت ده وصل بالعربيه الشركه نزلت مى من العربيه وبصت على الشركه من بره وبعدين قالت
مى :- يااااااه هى دى شركة المنشاوى
عبده :- دى واحده من مجموعة شركات يا بنتى اتفضلى معايه اوصلك لمكتب استاذ عدى
مى :- وهى منبهره بشكل الشركه دخلت مع عبده عند مكتب عدى وكان عنده اجتماع
عدى :- بص ليها انها تقعد
مى :- قعدت على كرسى المكتب وقعدت تتفرج على عدى وهو شغال وكانت معجبه جدآ بطريقته وهو شغال وبعد وقت خلص عدى الاجتماع والناس مشيت وهو قعد قصاد مى
عدى :- معلش سيبتك شويه بس غصب عنى طلع عندى اجتماعات كتيره متأجله من جوازى
مى :- مفيش مشكله بس انت بعت وجبتنى هنا ليه كان ممكن يوصلنى للفيلا
عدى :- علشان عايز اقولك على حاجه
مى :- احم قول
عدى :- روان كانت هنا النهارده
مى :- بغيظ كانت بتعمل ايه هنا
عدى :- كانت جايه تقولى أن انا واحشتها
مى :- بنت ال هى محرمتش من العلقه اللى اخدتها منى وربنا لو شوفتها دلوقتى كنت قطعت شعرها
عدى :- ههههههههههههههه
مى :- بتضحك على ايه
عدى :- اصلك بتبقى حلوه اوى وانتى متعصبه
مى :- اتكسفت وقالت لو سمحت بلاش الطريقه دى
عدى :- حتى الكلام عايزه تمنعينى منه يا مى عمومآ حاضر هتكتم
وفى الوقت ده دخلت السكرتيره وقالت
السكرتيره :- حضرتك هتبدأ الاجتماع التانى امته
مى :- بصت لسكرتيره من فوق لتحت بغيظ
عدى :- هما وصلو
السكرتيره :- ايوه يا فندم
عدى :- ربع ساعه ودخليهم
السكرتيره:- حاضر عن اذنك وخرجت
مى :- بصت عليها لحد ما خرجت وقالت بغيظ حلوه السكرتيره دى
عدى :- نعم
مى :- جميله يعنى هو الواحد محتاج ايه غير الوجه الحسن قصاده علطول
عدى :- كتم ضحكته وقال اسم الله عليكى بتفهميها وهى طايره
مى :- اتغاظت وقالت تنفعك برضه وقت الزنقه
عدى :- يا شيخه اتقى الله البنت مؤدبه ولبسها مؤدب ومحجبه وفوق كل ده متجوزه وحامل كمان
مى :- دى حامل طيب ازاى
عدى :- زى الناس حامل فى أول شهورها
مى :- طيب ربنا يقومها بالسلامه ويخليها لمصر
عدى :- ههههههههههههههههه مشكله وفى الوقت ده دخل المستثمرين الأجانب وسلم عليهم عدى وكان اتنين رجاله وواحده ست
(جان 35سنه& بيتر 32& اميليا25 )
اميليا:- قربت من عدى وباسته من خده ده ومن خده ده
مى :- اتصدمت لما شافت كده
عدى :- اخدهم على طربيزة الاجتماع وكان بيتكلم فى الشغل
والبنت منزلتش عينيها من على عدى وقربت منه وقالت ليه حاجه فى ودنه
عدى :- ضحك ليها وكمل كلامه فى الشغل
مى :- كانت هطق من جنبها وهى شايفه أن البنت هتاكل عدى بعينيها وعماله تدلع عليه قامت بسرعه وراحت قعدت جنب عدى
عدى :- استغرب من وجود مى وقال مى بتعملى ايه هنا
مى :- وهى بتبص للبنت بغيظ قربت منه وقالت عايزه اتفرج عليك وانت شغال وقالت بدلع ممكن يا عدى بليز
عدى :- استغرب من طريقة كلام مى وقال ماشى اقعدى هنا وشاور على كرسى اخر الطربيزه
مى :- مسكت أيده وقالت لالالا خلينى هنا جنبك
عدى :- بص على ايد مى اللى مسكت أيده وقال ماشى وبعدين بص للمستثمرين وقال (هكتب الترجمه علطول )
عدى :- انا بعتذر بشده انها زوجتى
اميليا :- اوه مستر عدى هل انت متزوج
عدى :- أجل الاسبوع الذى مضى
جان :- ولكن ما اعلمه انك تزوجت من وقت ما
عدى :- أجل ولكن انفصلنا
بيتر :- ولكن زوجتك صغيره بعد الشئ
عدى :- بعصبيه مستر بيتر ممكن نتكلم فى العمل ونترك الأمور الشخصيه جانبآ
بيتر :- أجل أجل لا عليك يا رجل زواج مبارك لكما
عدى :- شكرآ لك
مى :- كانت بتسمع الكلام ده كله وهى فرحانه أن عدى قال إنها مراته
اميليا :- كانت كل شويه تحاول تقرب من عدى
مى :- كانت متغاظه منها وقربت على عدى اكتر ومسكت دراعه زى الطفله الصغيره وسندت راسها على كتفه
عدى :- بص لمى وقال مالك يا مى انتى تعبانه ولا حاجه
مى :- ها ل.ل.لاء بس راسى بتوجعنى شويه
عدى :- لو صدعتى من الشغل روحى عند المكتب وريحى
مى :- مسكت فيه اكتر وقالت لالالا ا.ا.انا هقعد هنا
عدى :- بصلها بأستغراب وبعدين بص ليهم وقال انا بعتذر مره آخره
اميليا :- ما بها زوجتك هل هى مريضه بعد الشئ
عدى:- اجل تشعر ببعض الدوار
بيتر :- هل هى بها طفل
عدى :- بضيق لا
اميليا :- ههههههههه ولكن من يراها يقول انها طفله صغيره وتتمسك بأبيها
مى :- أجل يا سيده اميليا اننى طفلته المدلله وزوجته وزوجى عدى عودنى أن أكون ذلك
عدى :- وهو بيكتم ضحكته قال مى انتى ايه اللى بتقوليه ده
مى :- ايه قولت ايه
عدى :- انتى مالك غريبه النهارده كده
مى :- بعصبيه عادى والله الغريبه الاجتماع ده بصراحه اول مره اشوف اجتماع بيتكلم فى الأمور الشخصيه اكتر من الشغل
عدى :- بصلها بأستغراب
جان :- اراى انك مشغول سيد عدى اذا فا انا بطالب بتأجيل الاجتماع
عدى :- انا اتأسف لك بشده ولكن شئ خارج عن ارادتى
وقفو التلاته
بيتر :- إلى اللقاء سيد عدى ونلتقى فى أقرب وقت
عدى :- إلى اللقاء مستر بيتر
جان :- إلى اللقاء
عدى :- إلى اللقاء
اميليا :- قربت منه وباسته وقالت إلى اللقاء سيد عدى
عدى :- احم إلى اللقاء سيدتي
مى :- اتغاظت وبصت ليها بغيظ
اميليا :- إلى اللقاء صغيرتى وقالت بصوت واطى صغيرتى الحمقاء
مى :- عملت نفسها بتضحك وقالت بالمصرى فى ستين داهيه إن شاءالله
اميليا :- لا أفهم عليكى صغيرتى
عدى :- وهو بيكتم ضحكته قال بتقول لكى تتمنى أن تراكى فى أقرب وقت ولكن بالمصريه
اميليا :- طبعآ صغيرتى مصر غنية بجمال ربانى وسوف نقوم بالسياحه فى أقرب وقت ممكن حتى نستمتع بجو مصر الممتع
مى :- وهى بتضحك ليها أن شاءالله مش هتلحقى والطياره هتولع بيكى فى الجو
اميليا :- ماذا
عدى :- مقدرش يمسك نفسه من الضحك وقال هههههههههههههههه انها ترحب بيكى فى اى وقت هههههههههههههههههه
اميليا :- اجل إلى اللقاء وخرجت
جان :- قرب من عدى وقال أنا أفهم شوى اربى واراى أن زوجتك تغار عليك من اميليا
عدى :- اتكسف وقال انا بعتذر وبشده انها صغيره ولكن لا تقصد ما قالته
جان :- لالالا عليك يا رجل اميليا وبيتر لا يفهمون اللغه العربيه زواج مبارك لكما وسلم عليه وخرج
مى :- بعصبيه كان بيقولك ايه بصوت واطى ده تلاقيه كان بيخطبك لشريكته ما هما عندهم عادى
عدى :- قعد على المكتبه وبصلها ومردش عليها
مى :- بعصبيه بكلمك انا رد عليا
عدى :- انتى ايه اللى عملتيه ده مع المستثمرين وبالذات مع اميليا
مى :- بغيظ عملت ايه دى واحده سافله وعايزه الشنق
عدى :- ليه
مى :- ك.ك.كده وبعدين واحده معندهاش خشى كل شويه تقرب منك وتكلمك فى ودنك وانت مبسوط اوى وبتضحك ممكن اعرف كانت بتقولك ايه
عدى :- شئ ميخصكيش
مى :- يغيظ اه ما انت عجبك جسمها اللى باين من هدومها ولا اموه اموه اللى كل شويه تبوسك ايه فتحها مبوسه بنت ال
عدى :- وقف وهو بيكتم ضحته وراح عندها وقال انتى زعلانه ليه وايه مضيقك فى انها تبوسنى
مى :- وهى بترجع وراه قالت و.و.وانا ه.ه.هزعل ليه ما تولع انت وهى
عدى :- وهو بيقرب منها تكونى غيرانه عليا مثلا
مى :- ها ل.ل.لاء طبعآ وهغير عليك ل.ل.ليه ا.ا.انا بكرهك وفى الوقت ده ضهرها خبط فى الحيطه
عدى :- قرب منها اوى وقال بس واضح عليكى الغيره
مى :- وهى متوتره من قرب عدى ليها قالت ل.ل.لا م.م.مش غيرانه
عدى :- قرب وشه من وشها اكتر وقال بس البت طلقه والصراحه يتغار منها
مى :- نفس عدى وترها اكتر وقالت د د.دى عامله ش.ش.شبه عروسة المولد
عدى :- وهو بيغمض عينه قال قولى كلام غير ده ده البت بتنور لوحديها من الجمال الطبيعى
مى :- غمضت عينيها وقال د.د.دى جمال نفسه
عدى :- قرب من شفايفها ولسه هيبوسها الباب خبط
مى :- فاقت وزقته بعيد عنها وطلعت تجرى من قدامه
عدى :- غمض عينه علشان يهدا وبعدين راح قعد على المكتب وقال ادخل
السكرتيره :- حضرتك كده فى اجتماع تانى هتكمل ولا نأجله لبكره
عدى :- لالالا انا خلاص تعبت خليه بكره
السكرتيره:- حاضر يا فندم تأمر بحاجه تانى
عدى :- لاء خلاص روحى انتى انا ماشى
السكرتيره :- تمام يا فندم عن اذنك وخرجت وقفلت الباب وراها
عدى :- بص لمى كانت خدودها حمرا من الكسوف وقال يلا نروح
مى :- م.م.ماشى ووقفت وراحت عند الباب وفتحته وخرجت
عدى :- بص عليها وبعدين قام اخد تليفونه ومفاتيحه ونزل وراها ركبو العربيه الاتنين وراحو على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى دودومحمد
لقاء الاحبه يوسف و تيلا الفصل الثلاثون

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.7 / 5. عدد الأصوات: 3

لا أصوات حتى الآن! كن أول من يقيم هذا المنشور.

As you found this post useful...

Follow us on social media!


Subscribe
نبّهني عن
guest
0 تعليقات
Inline Feedbacks
View all comments
0
Would love your thoughts, please comment.x
()
x
Reel-Story © 2020 | Established in 2019 Privacy Policy I Terms & Conditions I Site map I Contact