وقت القراءة المقدر: 41 دقيقة (دقائق)

لقاء الاحبه يوسف و تيلا

⁦☘️⁩الفصل العشرون⁦☘️⁩

اشرقت شمس صباح يوم جديد بنورها الساطع فى سماء الاسكندريه ليبدأ يوم جديد على ابطالنا

فى فيلا باسم

فتحت تيلا عينيها على صوت التليفون بتبص لاقته يوسف ضحكة وردت عليه وقالت
تيلا :- صباح الخير
يوسف :- صباح النور لسه نايمه كل ده
تيلا :- ليه الساعه كام
يوسف :- ده الضهر هيأذن
تيلا:- بصدمه يا خبر ابيض انا نمت كل ده طب ازاى
يوسف :- خلى جسمك يرتاح وبعدين الفرحه تعمل اكتر من كده انا صحيت برضه بصعوبه
تيلا :- هقوم الحق اصلى
يوسف :- ماشى بس كلمينى لما تخلصى
تيلا :- ماشى باى وقفلت مع يوسف وقامت من على سريرها دخلت الحمام اخدت شاور واتوضت وخرجت لبست هدومها وادت فرضها ونزلت من اوضتها
تيلا :- صباح الخير
الكل :- صباح النور
تيلا:- انتى ليه سبتينى نايمه كل ده يا ماما
مى :- لاقيتك نايمه تعبانه مرضتش اصحيكى
عمار :- ايوه يا بختى يا ستى انتى سيباكى للضهر واحنا مصحيانا من الفجر
تيلا :- بلاش قر وحيات أهلك
فرحه :- انتى عروسه ومحتاجه راحه علشان يوم الفرح ميكنش وشك مجهد
تيلا :- راحه منين تيجى الراحه ده لسه ورايا هم ما يتلم علشان خاطر سى يوسف زنقنا فى الوقت
باسم :- يا بت عينى فى عينك كده ده انتى مستعجله اكتر منه
تيلا :- بكسوف بابا ا.ا.ايه اللى انت بتقولو ده
باسم :- هههههههه اللى بقولو ده اللى انا شايفه فى عنيكى
تيلا :- هو انا باين عليا اوى كده
عمار :- ده انتى كتاب مفتوح يا بنتى عنيكى فضحاكى
باسم :- ياريت يا خويه بدل ما انت مركز فى العيون ركز فى مذكرتك
عمار :- انت ليه بتعاملنى المعامله دى وبتعامل البنات بحنيه ليه يا ربى متولدش بنت علشان ابويه يحبنى
باسم :- علشان انت فاشل
عمار :- خبط على صدره وقال ياخرابى وبتقولها كده فى وشى طيب كنت وقفت ورايا وقولتها
تيلا :- ده انت عايز السك على دماغك دى علشان لسانك المسحوب منه ده
باسم :- انا تعبت منه
عمار :- وقف وحط أيده فى جنبه وقال بصوت انوثى مش عجبك طلقنى
مى :- ههههههههههههههه
باسم :- عجبك حركات ابنك
مى :- هههههههههه دمه عسل
باسم :- دلعى فيه براحتك
عمار :- قعد جنب مى وحط راسه على كتفها وقال احببتى امامى
مى :- مسكته من وشه وقالت يختى كميله ياناس ابنى سكر
عمار :- قعد وبصلها وقال يختى كميله وسكر طب حاسبى النمل بقى انت بدلعى عيل عنده سنتين
تيلا :- يعنى لا الدلع عجبك ولا الشده عجباك عايز ايه بالظبط
عمار :- عايز اتنين بيتزا حجم كبير
فرحه :- لوحدك ليه اتفجعت ولا ايه
عمار :- انتى مالك انتى بطنى ولا بطنك
فرحه :- انشالله تولع بجاز انا مالى انا هطلع اوضى وسابتهم وطلعت
تيلا :- هنا سكته ليه
مى :- هى هنا كده تقعد ومش بتدخل فى اى حوار
عمار :- وربنا عندى شك أن البت دى كانت هتخرس وهى صغيره او بلعه نص لسانها المهم عندها اعاقه فى بؤقها
هنا :- عمار لو سمحت مش بحب كده
عمار :- طيب بتحبى كده
باسم :- يا ابنى بطل تغلس على اخواتك
عمار :- مقدرش يا أبا شكلى هيبقى ايه قدام اهل البلد يقولو أن عمار ابن باسم مغلسش على اخواته البنات ازاى بس قولى
تيلا :- اسكت شويه خد نفسك وحط لسانك جوه بؤقك
هنا :- توته عايزه اقولك حاجه
تيلا:- قولى يا حبيبتى
هنا :- لاء بينى وبينك
تيلا :- تعالى طيب فى الجنينه
مى :- طيب اقعدى يا توته افطرى الاول
تيلا :- لا مليش نفس وبصت لهنا وقالت يلا يا هنا
ومشت هى وهنا على الجنينه وقعدو على الكرسى
تيلا :- ها يا حبيبتى قولى
هنا :- احم حصل معايا موقف امبارح فى الكليه وحبيت احكهولك
تيلا :- قولى
هنا :- احم م م محمد
تيلا :- محمد مين
هنا :- محمد ابن عمتو حياة
تيلا :- اه افتكرت مالو
هنا :- طلع المعيد بتاعى فى الكليه
تيلا :- وفيها ايه اعتبرى نفسك متعرفهوش ومتدهوش اى اهتمام
هنا :- انا عملت كده بس هو زعقلى قدام الكل وطردتنى من المحاضره
تيلا :- وسكتى ليه
هنا :- هزت راسها بمعنى ايوه
تيلا :- انتى بت عبيطه ازاى تسمحى ليه يعمل كده كنتى مسحتى بكرامته الارض شكله شبه خالو عايز الحرق
هنا :- خوفت
تيلا :- تخافى من ايه ماشى مبقاش انا تيلا لو مكنتش اعرفك مقامك
هنا :- ه.ه.هتعملى ايه
تيلا :- هروح معاكى الجامعه وهفرج عليه الدنيا
هنا :- لاء والنبى بلاش
تيلا :- هيشوفك ضعيفه كده هيفضل يهينك
هنا :- ط.ط.طيب اتكلمى معاه براحه بلاش تعلى صوتك فى الجامعه
تيلا :- حاضر يا هنا انا مش عارفه انتى طالعه كده لمين ووقفت وقالت متحكيش لماما حاجه من دى
هنا :- حاضر
تيلا :- تعالى ندخل بقى
ودخلت تيلا وهنا
مى :- فى مشكله معاكى ولا ايه يا هنا
تيلا :- مفيش حاجه كانت بتسألنى على حاجه بناتى
مى :- اه ماشى
تيلا :- هروح انا بقى
مى :- رايحه فين
تيلا :- رايحه عند خالتو مها علشان هننزل نختار الفرش
مى :- اصبرى هطلع البس واجى معاكم
تيلا :- علشان متتعبيش
مى :- اتعب ده اسعد يوم فى حياتى
تيلا:- ربنا يخليكى يا ست الكل
مى :- ويفرح قلبك يا حبيبتى وطلعت اوضتها لبست هدومها ونزلت وركبت العربيه مع تيلا وراحو على فيلا اسر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

فى اوضت عدى

كان بيتكلم فى التليفون مع مى
عدى :- مى زعلك وحش اوى من امبارح وانا براضى فيكى
مى :- وانا قولتلك مش زعلانه
عدى :- بس طريقتك اتغيرت معايا
مى :- لاء يا عدى انا بتكلم معاك بحدود وأدب علشان مفيش حاجه رسمى ما بنا
عدى :- اوعدك يا مى اخلص من المشكله اللى انا فيها وهاجى اتكلم عليكى علطول
مى :- مشكلة ايه
عدى :- ها ق.ق.قصدى المشكله اللى فى الشغل اللى قولتلك عليها
مى :- ماشى يا عدى بس لحد ما ده يحصل الكلام هيبقى بحدود ومفيش تجاوزات تانى هتحصل ما بنا
عدى :- انتى ايه غيرك كده من ساعة امبارح وانا حاسس بتكلم مع واحده غريبه مش مى البنت الفرفوشه اللى كلها حيويه ونشاط
مى :- بدموع علشان انت يا عدى استغليت ضعفى وخلتنى اغضب ربنا
عدى :- مى بلاش تعيطى بالله عليك دموعك بتقطع قلبى حقك عليا يا نور عينى والله العظيم انا كنت بعمل كده من شوقى ليكى مشاعرى هى بس اللى اندفعت بس مقصدش حاجه وعمومآ يا ستى مش هلمسك تانى غير لما تكونى مراتى بس متزعليش
مى :- وعد
عدى :- وحياتك عندى وعد
مى :- م.م.ماشى
عدى :- يعنى خلاص مش زعلانه
مى :- لاء
عدى :- طيب ايه يثبت
مى :- تانى يا عدى
عدى :- يخربيت الدماغ الشمال انا مش قصدى اللى جه فى دماغك انا قصدى اسمع ضحتك علشان تثبتى ليا انك مش زعلانه
مى :- هههههههههههههه اه فهمتك غلط
عدى :- ايوه كده شمسى طلعت ونورت بحبك وربنا
مى :- احم ا.ا.انا هقفل علشان انزل افطر
عدى :- هو انا فتحت نفسك على الاكل ولا ايه
مى :- الصراحه اه ههههههههههههه
عدى :- طيب يا ستى انزلى افطرى بالهنا والشفا
مى :- ميرسى
عدى :- ميوش
مى :- نعم
عدى :- عايز اقولك انك انتى حب حياتي وانتى اللى فى قلبى ومستحيل احب غيرك انتى فرحتى وضحكتى ودمعتى انت كل حاجه ليا فى الدنيا دى وان مهما حصل ما بنا لازم نعديه سوا ونتمسك ببعض اكتر واكتر علشان بعدك عنى معناه موتى بجد
مى :- وانت ليه بتقولى الكلام ده دلوقتى
عدى :- علشان احنا هتقابلنا مشاكل كتير اوى فى حياتنا وطول ما حبنا قوى مفيش اى حاجه هتأثر فيه وهنحب بعض اكتر واكتر
مى :- انا متمسك بيك يا عدى مهما حصل
عدى :- بفرحه بجد يا مى
مى :- ايوه يا عدى
عدى :- والله العظيم بعشقك وبعشق التراب اللى بتمشى عليه وبتمنى تملى اشوف الضحكه على شفايفك
مى :- وانا كمان
عدى :- نفسى اسمعها منك
مى :- تسمع ايه
عدى :- انك بتحبينى
مى :- احم طيب خليها بعدين
عدى :- اسمعها دلوقتى علشان خاطرى
مى :- بكسوف ب.ب بحبك
عدى :- بفرحه يا دينى النبى ده لو انتى قدامى كنت اقطع
مى :- قطعته وقالت عدى متنساش نفسك
عدى :- احم اه صح معلش اندفعت من الفرحه
مى :- ماشى باى
عدى :- باى يا قلبى قفل مع مى وهو فرحان بس تليفونه رن واتغاظ لما شاف الرقم فتح وقال نعم يا روان
روان :- واحشتنى
عدى :- متصله ليه بيا مش قولتلك أن جاى فى الميعاد
روان :- من الفرحه منمتش والساعه ماشيه ببطئ شديد
عدى :- عايزه ايه يعنى
روان :- ما تيجى دلوقتى كده كده النهارده الجمعه ومفيش شغل
عدى :- لاء يا روان قولتلك هعدى عليكى الساعه اربعه
روان:- ماشى اتقل عليا علشان عارف ان انا بحبك
عدى :- اقفلى يا روان
روان :- مستنياك على نار
عدى :- قفل مع روان وهو متعصب وقال وجودك فى حياتى كان اكبر غلطه ولازم اصلحها يا روان فى اسرع وقت قام دخل الحمام واخد شاور واتوضه وخرج من الحمام لبس هدومه واده فرضه ونزل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت جاكلين

كانت بتتكلم مع معاذ

معاذ :- واحشتينى
جاكلين :- وانت كمان واحشتنى
معاذ :- بتعملى ايه
جاكلين :- ولا حاجه قعده فى اوضى بقراه روايه جديده
معاذ :- مش بتزهقى من الروايات يا بنتى
جاكلين :- لاء طبعآ أنا بموت فى القراءه بحس نفسى فى عالم تانى
معاذ :- لما تيجى عندى مفيش روايات فى حب وفى دلع وفى حضنى اللى مش هسيبك تخرجى منه ابدآ
جاكلين :- بكسوف احم معاذ
معاذ :- عمر معاذ
جاكلين :- ب.ب.بلاش الكلام ده علشان بتكسف
معاذ :- كان نفسى ابقى جنبك علشان اشوف الخدود التفاح
جاكلين :- احم ا.ا انت هتعمل ايه دلوقتى
معاذ :- رايح عند يوسف الفيلا هسلم على استاذ اسر وهشوف يوسف عايزنى ليه
جاكلين :- ممكن يوسف يكون عايزك علشان الشغل اللى هيبدأ يعملو فى الدور بتاعه اللى فى الفيلا
معاذ :- مش عارف ممكن وبعدين قال ما تيجى عند خالتك
جاكلين :- اجى اعمل ايه
معاذ :- كأنك جايه تشوفى خالتك علشان هتجن واشوفك
جاكلين :- مش عارفه بابا هيرضا ولا لاء
معاذ :- جربى مش هتخسرى حاجه هو انتى مش عايزه تشوفينى ولا ايه
جاكلين :- لاء طبعآ عايزه خلاص هنزل أقوله وعلى الله يوافق
معاذ :- مستنيكى يا قلبى سلام
جاكلين :- سلام وقفلت مع معاذ التليفون وقعدة تبوس فى التليفون وتقول بموت فيك بعشقك ياااااه امته بقى يجمعنا بيت واحد وقامت من على السرير دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه ونزلت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت فريد

كان بيتكلم فى التليفون مع سمر

سمر :- واحشتنى
فريد :- احم اتلمى على الصبح
سمر :- اه نسيت الاخ فريد عنده حساسيه من الكلام الرومانسى احنا اسفين يا صلاح
فريد :- ههههههههههههههه
سمر :- لاء استنا عندك انت ضحكت احلف وربنا ده انا قولت ان الصموله بتاعة شفايفك عطلانه ولا حاجه اخيرآ الاخ فريد ضحك الا قولى يا اخ هل الضحكه حرام برضه وبتأدى إلى الرزيله
فريد :- اتلمى يا سمر
سمر :- ليه بس هو انا بقولك حاجه غلط وقالت بصوته حرام اقولك كلام حلو يا سمر انا مش من الشباب اللى يقول كلام حلو ويسبل يا سمر وبعدين اتكلمت بصوتها عادى وقالت لحد ما جننت سمر واللى جابو سمر
فريد :- ههههههههههههههههه
سمر :- لاء بجد قلبى هيوقف مرتين تضحك فى يوم واحد لاء كده كتير ربنا يستر وميحصلش حاجه فى البلد علشان فريد ابن فهد يضحك لسمر مرتين
فريد :- خفة دمك موصفتش
سمر :- لاء استنا كده لولولولولولولوى ابن مليكه قلى كلمه حلوه
فريد :- ههههههههههه يا مجنونه
سمر :- اعمل ايه حبك جننى اقسم بالله ده انا مستنيا يوم الفرح بفارغ الصبر لما نشوف الشيخ فريد هيعمل ايه
فريد :- احم ما انا كنت عايز اتكلم معاكى بخصوص الفرح
سمر :- ايه رجعت فى كلامك يا لههههههههههههوى
فريد :- يخربيت عقلك اسمعى عايز اقولك ايه
سمر :- قول واشجينى
فريد :- احم انتى عارفه أن انا شاب ملتزم ومليش فى جو الافراح وكده فقولت نكتب كتابنا ونسبهم هما فى الفرح ونمشى احنا
سمر :- ايه لاء طبعآ أنا عايزه افرح ودى ليلة العمر بتيجى مره واحده ولازم اعشها
فريد :- يا سمر هنقعد نعمل ايه رقص ومش هرقص ومش هسمحلك تتحركى من جنبى وهنكون قعدين طب ما الوقت ده نستفاد بيه ونروح نصلى ونقعد مع بعضينا براحتنا
سمر :- لاء مليش دعوه انا عايزه افرح
فريد :- براحتك يا سمر سلام
سمر :- استنا يا فريد احنا مش اتفقنا هنغير من بعض ليه انت مغيرتش من نفسك يعنى مجرد أن رفض ليك طلب زعلت وعايز تقفل مع أن لو انت بتحبنى هتوافق تعمل اى حاجه بحبها وهتتنازل علشان خاطرى مش تزعل وتقفل
فريد :- انفذ ليكى حاجه لو فى المعقول ومفهاش معاصى لكن الفرح ده كله معاصى اغانى وشباب بتتنطت وبنات مبهرجه فى نفسها ولبسه لبس مينفعش يتخرج بيه من اوضت النوم هنستفاد احنا ايه بكل ده غير المعاصى اول يوم فى حياتنا لازم يكون يرضى ربنا علشان يوفقنا فى حياتنا الجديده ويرزقنا الزريه الصالحه
سمر :- فكها شويه يا فريد الدين يسر مش عسر وانت بطريقتك دى مش تدين ده تعقيد
فريد :- خلاص يا سمر روحى شوفيلك شاب من بتوع اليومين دول اللى كل يوم مع واحده شكل وهعيشك الحياه اللى انتى عايزه تعيشيها لكن أنا لاء سلام
وقفل السكه فى وش سمر وقام دخل الحمام اخد شاور واتوضه واده فرضه ونزل من اوضه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

فى اوضت مليكه

كانت بتتكلم مع ايمن

ايمن :- عامله ايه
مليكه :- الحمدالله كويسه
ايمن :- لسه صاحيه
مليكه :- ايوه
ايمن :- هتعملى ايه النهارده
مليكه :- ولا حاجه بقعد فى اوضى اصلى واقراه فى المصحف شويه وبعدين بنزل اقعد معاهم تحت
ايمن :- مش هتروحى تشترى الحاجه معاهم
مليكه :- لاء هتروح ماما وسمر ويوسف وانا ومى هنقعد مع بابا فى الفيلا علشان لو احتاج حاجه
ايمن :- ماشى
مليكه :- وانت هتعمل ايه
ايمن :- شويه ونازل الشغل
مليكه :- بس النهارده الجمعه
ايمن :- هههههههه احنا عندنا مفيش اجازات
مليكه :- بجد
ايمن :- ايوه ممكن انا وزمايلى نريح بعض يعنى واحد يمسك مكانى ومنزلش انا وتانى يوم العكس امسك انا الشغل كله وهو يريح كده يعنى
مليكه :- على كده انتو بتتعبو
ايمن :- ايوه بس شغلنا وبنحبه
مليكه :- ربنا يقويك
ايمن :- بكره لما نتجوز وارجع من الشغل وأشوفك قصادى واخدك فى حضنى هنسا اى تعب
مليكه :- احم ا.ا.انا هقفل بقى
ايمن :- استنى عندك هو انا كل ما اقولك كلمه تهربى وتقفلى
مليكه :- ها ل.ل.لا عادى ب.ب.بس ق.ق.قولت بلاش اعطلك
ايمن :- ومين قالك انك معطلانى لسه بدرى على نزولى الشغل وبعدين انا بكون مبسوط اوى وانا بكلمك وسامع صوتك
مليكه :- خ.خ.خلاص ماشى
ايمن :- تعرفى أن انا بقيت اعشق فيكى كل حاجه حتى كسوفك وتوترك لما بكون معاكى ولا بكلمك فى التليفون طريقتك وانتى عايزه تقتلى اختى ولاء لما بدبسك معايه فى حاجه كل حاجه فيكى جميله
مليكه :- بكسوف ا.ا.انت بتاخد بالك من اللى بيحصل بينى وبين ولاء
ايمن :- ههههههههههه ايوه بس بعمل نفسى مش واخد بالى علشان تكونى على طبيعتك بتبقى عسل عايزه تتاكلى اكل بتخلينى احبك اكتر واكتر وبتشغلى بالى وتفكيرى اكتر بحركاتك دى
مليكه :- ع ع.على فكره اختك ولاء هى اللى بتخلينى اعمل كده بتستفزنى بحركاتها التلقائيه بس بصراحه بحبها اوى
ايمن :- وبالنسبه لاخوه ولاء ايه نظامه معاكى
مليكه :- ها م.م.م.م.م
ايمن :- انتى علقتى ولا ايه
مليكه :- ا.ا انا عايزه اقفل
ايمن :- ههههههههههههه مفيش فايده فيكى بس برضه بحب خجلك ده ماشى يا ستى هسيبك براحتك مع السلامه
مليكه :- سلام وقفلت معاه وحطت ايديها على قلبها وقالت لاء ده انا قريب اوى قلبى هيقف عليا كلمتين تانى وهضيع
مى :- دخلت عليها وقالت احنا بنضيع يا وديع
مليكه :- ا.ا انتى هنا من امته
مى :- هههههههه من ساعة ما كنتى بضيعى ههههههههههه
مليكه :- ههه خفه
مى :- شكل السيد الرائد شقى وغمزتلها
مليكه :- احم لاء على فكره هو محترم جدآ ومش بيعمل حاجه تغضب ربنا هو بس بيوصلى إعجابه بيا بس انا لسانى بيتربط وقلبى بيدق جامد اوى وبحس أن هيقف عليا وبرتبك وبتبقى حالتى حاله وبتهتته فى الكلام وبيقى شكلى مسخره ومش بعرف ارد عليه
مى :- طول عمرك خايبه شكله بيحبك وبيموت فيكى وانتى حتى مقولتيش ليه كلمه تبل ريقه
مليكه :- مش عارفه طب اعمل ايه
مى :- اتشجعى مره كده وحاولى توصلى ليه حقيقة مشاعرك ليه
مليكه :- هو عارف
مى :- عارف منين يعنى
مليكه :- احم مره كنت بتكلم عليه مع ولاء والجزمه ادته التليفون وسمع كله
مى :- اوبا على الكسفه يا ابو صلاح وعملتى ايه
مليكه :- قفلت السكه فى وشه
مى :- جدعه يخربيتك يا عبيطه
مليكه :- اعمل ايه اول ما سمعت صوته كان قلبى هيقف عليا
مى :- موكوسه من ضمن المواكيس
مليكه :- والله انا كده وانا عجباه على كده خلى الجرأه ليكى انتى وسى عدى بتاعك
مى :- احم عدى طب والله مفيش زيه فى عينى فى الدنيا دى كلها بحبه اوى وعلى فكره انا اكتر منك مع عدى لما ببقى معاه ويقولى كلمه حلوه بسكت كأنى بلعت لسانى ومش بعرف ارد مع أن هو ايه استاذ فى الرومانسيه ابن الايه يخلى الواحد قلبه من جوه بيعمل فرح من كتر دقاته ساعات بحس أن هو سامع دقات قلبى من كتر ما هى عاليه ولا لما بيقرب منى بحس أن هيغمى عليا من ريحته اللى بعشقها ولا لما يبقى قاعد فى مكان بكون انا و هو موجودين فيه مش بقدر اشيل عينى من عليه بتنح فيه وفى ملامحه الرجوليه هيييييييييح قد ايه بيبقى وسيم بشكل وبحس نفسى محظوظه اوى أن البنات كلها هتموت عليه وهو بيحبنى انا ومش بيديهم اى اهتمام
مليكه :- هيييييييح وايه كمان قولى فيه اشعار كمان وكمان
مى :- بحب اوى لما يضحك وأشوف الغمازات بتوعه ولا لما يكون متعصب احيه يا ابو سوسو احيه ببقى هتجن من عصبيته عروق رقبته بتبان منها ووشه بيحمر بتزيده حلاوه ورجوله اكتر ما هو وببقى عايزه اكله اكل بيبقى قمر ابن الايه ولا لما اكون زعلانه ويصالحنى بيبقى شبه الطفل اللى بيصالح امه طب اقولك على حاجه انا بعشق حتى سكوته
مليكه :- زيدى يا زيدى على الحب والرومانسيه ده لو عدى سمع الكلام ده مش بعيد يتجن اكتر ما هو مجنون
مى :- ما هى دى المشكله نفس اقولو الكلام ده بس اول ما ببص فى عينه الكلام بيطير من على لسانى
وفى الوقت ده تليفون مى رن
مليكه :- هو عدى
مى :- لاء ده رقم غريب
مليكه :- طيب ردى على ما ادخل الحمام وسابتها ودخلت الحمام
مى :- ردت وقالت السلام عليكم
………:- وعليكم السلام الانسه مى
مى :- ايوه مين معايه
……….:- انا واحده اعرف بعلاقتك انتى وعدى وعرفت أن هو بيقابل طلقته تانى وبعدين بيطلعو على شقه بيقضو وقت حلو مع بعض
مى :- وانتى تعرفى منين بعلاقتى مع عدى وجبتى الكلام ده منين
……….:- عرفت منين علاقتك مع عدى دى طريقتى الخاصه أما الكلام ده لو تحبى تتأكدى منه الساعه اربعه هيتقابلو فى (…………) وهياخدها ويطلعو على شقه
مى :- ممكن اعرف مين بيتكلم معايه
……….:- فاعل خير سلام وقفلت السكه فى وش مى
مى :- بصدمه الو الو
وفى الوقت ده خرجت مليكه ولاقت مى وشها متغير ومصدومه
مليكه :- مين
مى :- ………….
مليكه :- مى يا مى
مى :- ها ا.ا ايوه
مليكه :- بقولك مين
مى :- ها د.د.ده رقم غلط ولسه هتمشى
مليكه :- مى انتى شكلك فى حاجه والسبب التليفون ده
مى :- وهى مسكه دموعها بالعافيه قولتلك ده رقم غريب يا مليكه وسابتها ودخلت الحمام وقفلت على نفسها الباب وحطت ايديها على بؤقها علشان تكتم صوت عيطها وقالت لالالا مستحيل عدى يعمل فيا كده ا.ا.اكيد دى طلقته وعرفت بالموضوع وبتقول كده علشان تغظنى ا.ا.انا لازم اروح اشوف بعينى وغسلت وشها وخرجت من الحمام كانت مليكه خرجت من الاوضه اترمت على السرير وقالت يارب تكون بتكدب عليا لو عدى بيعمل كده ده انا اموت مش هقدر استحمل خيانة عدى ليا وكسرت قلبى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند يوسف

خرج من اوضه ونزل كان معاذ وصل وسلم على اسر وقاعد بيتكلم معاه
يوسف :- معاذ ازيك
معاذ :- الحمدالله يا استاذ يوسف
يوسف :- بلاش استاذ يوسف دى خليها يوسف علطول انت مش غريب
معاذ:- لاء برضه انت رئيسى فى الشغل
يوسف :- يا عم انا راضى وبعدين رئيسك فى الشغل بابا مش انا انا صحفى وماسك الشركه مؤقتنا وبعدين انا دلوقتى بعتبرك صديق ليا
معاذ:- ش.ش.شكرآ
اسر :- معاذ رغم أن مش بقاله كتير فى الشركه بس قدر يثبت نفسه بقداره وبقيت بعتمد عليه فى كل حاجه وهو شاب نعمه الادب ونعمه الأخلاق الصراحه
معاذ :- شكرآ لثقة حضرتك فيا ويارب افضل اكون عند حسن ظن حضرتك
اسر :- ربنا يكرمك يا ابنى
يوسف :- معاذ عايز منك خدمه ضرورى
معاذ :- اتفضل
يوسف :- مد أيده وقال عايزك تسأل على واحد فى العنوان ده وده وتعرف عنه كل حاجه
معاذ :- اخدهم منه وقال حاضر يا فندم
يوسف :- برضه افندم المهم أتأكد من كل كلمه تسمعها لان ده واحد متقدم لبنت خالتى وانا زى ما انت شايف فرحى الاسبوع الجاى ولسه قدامى حاجات كتير اوى
معاذ :- متخفش هسأل عليه كويس جدآ وبكره الصبح هيكون عندك كل حاجه عنه وعن أهله
يوسف :- انا واثق فيك
معاذ :- شكرآ وبص لأسر وقال استاذ اسر كان ليا عند حضرتك طلب
اسر :- قول يا ابنى
معاذ :- ك.ك.كنت عايز من حضرتك بعد الفرح وتكون كويس تيجى تطلب ايد الانسه جاكلين ليا
اسر :- جاكى وانت تعرفها منين
يوسف :- ما هى شغاله معايا فى الشركه وبعدين بص لمعاذ وقال اه منك انت مش سهل منمر على البت وساكت
معاذ :- احم الانسه جاكلين تخطف اى حد بأدبها وخفة دمها
اسر :- ربنا يقدم اللى فيه الخير أن شاءالله بعد الفرح هطلبها من ابوها ليك ربنا يسعدكم
معاذ :- أشكرك جدآ حضرتك ووقف وقال همشى انا بقى علشان الحق وقتى
اسر :- استنا هنا عايزك
معاذ:- أمر حضرتك
اسر :- الامر لله يا ابنى كنت عايزك تجيب عمال من الشركه وتبدأو تشتغلو فى الدور بتاع يوسف بس بأسرع وقت يخلص قبل الاسبوع ومش مهم كتر من العمال على قد ما تقدر
معاذ :- حاضر يا فندم من بكره هنبدأ الشغل وهكثف ليهم الوقت علشان نقدر نخلص الشغل ده فى اربع ايام بالكتير
اسر :- وانا واثق فيك وعارف انك قد المهمه دى
يوسف :- معلش يا معاذ تعبينك معانا
معاذ :- متقولش كده ده شغلى وانا تحت امركم فى اى وقت ووقف وقال همشى انا بقى
اسر :- ماشى يا ابنى ربنا معاك
معاذ :- السلام عليكم
اسر ويوسف :- وعليكم السلام
وخرج معاذ من الفيلا
يوسف:- كويس جدآ معاذ ده من يوم ما روحت الشركه وهو مسبنيش ولا لحظه وفهمنى كل حاجه بطولت بال وحكمه
اسر :- فعلا شاب مجتهد وممتاز فى شغله هو الوحيد اللى بثق فيه وبعتمد عليه فى كل حاجه ربنا يحميه لشبابه
يوسف :- بس تفتكر عمو فهد هيوافق عليه
اسر :- والله مش عارف انا بعد الفرح هروح معاه وهكلم فهد وهو ليه مطلق الحريه يوافق ولا يرفض بنته وهو حر فى اختيار عرسها وكمان احنا منعرفش رأى جاكى ايه يمكن مش بتحبه أو عايزه حد تانى
يوسف :- على رأيك هما حرين فى اختيارهم

عند معاذ
خرج من الفيلا واتصل على وحيد وانتظر الرد
وحيد :- ايه يا معاذ
معاذ :- انت لسه كل ده نايم
وحيد :- ايوه ليه
معاذ :- طيب قوم كده وصحصح للكلام اللى هقولو
وحيد :- قول سمعك
معاذ :- يوسف ابن اسر اتصل بيا الصبح وجيت ليه الفيلا
وحيد :- وكانو عايزين منك ايه
معاذ :- هقولك اهو ادانى العنوان بتاعك علشان أسأل عليك
وحيد :- لاء بجد
معاذ :- اه والله والورقه معايه اهى
وحيد :-ههههههههههههه دول ناس اغبيه اوى حلو اوى الموضوع ماشى فى مصلحتنا شهيصنى بقى عندهم وقول فيا احلى كلام ولا اقولك تعال وانا هعمل ليا سيره ذاتيه متعملتش لحد قبل كده
معاذ :- ماشى يلا سلام وقفل السكه واتفاجئ بوجود جاكلين وراه اتوتر وقال ج.ج.جاكى ا.ا.انتى هنا من امته
جاكلين :- انت كنت بتكلم مين قول انطق انا سمعت كل حاجه
معاذ :- ق.ق.قصدك ايه
جاكلين :- قول يا معاذ الانكار مش هيفيدك
معاذ :- د.د.د.د.ده ا.ا.اخ
جاكلين :- هههههههههههههههه مش قادره شكلك تحفه وانت متوتر كأنك عامل مصيبه ههههههههههههه مش قادره
معاذ:- ا.ا انتى بتضحكى
جاكلين :- ههههههههههه اه ايه رأيك انفع محققه اقنعتك صح
معاذ :- يعنى ايه
جاكلين :- يعنى انا جيت وانت بتقفل قولت اجرب دور المحققه بس ادأى مقنع الصراحه
معاذ :- اخد نفسه وقال ايه اخرك كده انا قولت همشى من غير ما اشوفك
جاكلين :- على ما أقنعت بابا ووافق
معاذ :- بس الحمدالله أن شوفتك اصلك واحشانى اوى
جاكلين :- بصت فى الارض بكسوف وقالت و.و.وانت كمان
معاذ :- على فكره انا كلمت استاذ اسر يجى معايه بعد الفرح اتقدم ليكى
جاكلين :- بفرحه بجد
معاذ :- ايوه
جاكلين :- نطت بفرحه وسقفت وقالت هيييييييييييه
معاذ :- بس يا مجنونه هههههههههه
جاكلين :- بطريقه طفوليه انا فرحانه اوى يا معاذ اوى
معاذ:- ربنا يقدرنى واخليكى سعيده ومبسوطه علطول
جاكلين :- طول ما انا جنبك بكون مبسوطه اوى
معاذ :- بحبك
جاكلين :- بكسوف وانا كمان
معاذ :- هو كل حاجه وانا كمان اقولك واحشتينى تقولى وانا كمان اقولك بحبك تقولى وانا كمان انا عايز اسمع كلمة بحبك من شفايفك يا جاكى
جاكلين :- بكسوف ب.ب بح
وفى الوقت ده جت تيلا ومى
تيلا :- معاذ ازيك عامل ايه
معاذ :- الحمدالله مبروك الخطوبه
تيلا :- الله يبارك فيك عقبالك وبصت على جاكلين وقالت ازيك يا جاكى شكلك فرحانه ومبسوطه
جاكلين :- ا ا.الحمدالله كويسه
مى :- ازيك يا ابنى
معاذ :- بخير الحمدالله
مى :- عامله ايه يا حبيبت خالتو
جاكلين :- الحمدالله يا خالتو
تيلا :- واقفين كده ليه ما تدخلو جوه
معاذ :- أنا كنت جوه ولسه خارج وقبلت الانسه جاكى وهى جايه سلمت عليها وماشى علطول
مى :- طيب يلا يا جاكى
جاكلين :- احم حاضر وبصت لمعاذ وقالت مع السلامه
معاذ :- سلام وسابهم ومشى
تيلا :- حطت ايديها فى دراع جاكلين وقربت من ودنها وقالت ايه النظام
جاكلين :- ها قصدك ايه
تيلا :- بغمزه شايفه نظرات وهمسات وحاجات كده تقول إن فى أن فى الموضوع
جاكلين :- ي.ي.يعنى
تيلا :- ايوه بقى يا سلام عليكى يا توته ياللى بتقريها وهى طايره
جاكلين :- بس ايه فضيحه
تيلا :- بس امته وفين حصل الشغل من ورانا واحنا ولا حاسين بأى حاجه ده انتو سهونه
جاكلين :- من قبل ما اعرف انك بنتى خالتى
تيلا :- ههههههههههه يلا يا عم الله يسهلو
جاكلين :- انتى هتقرى ولا ايه
تيلا :- انا مش بقر انا بحسد بس هههههههههههههه
جاكلين :- طيب امشى يختى امشى
ودخلو الفيلا
يوسف اول ما شفهم راح عندهم وسلم عليهم
يوسف :- ايه التأخير ده كله
تيلا :- فين التأخير ده معادنا العصر جينا الضهر كده متأخرين
جاكلين :- معلش يا بنتى الحب وناره مش مستحمل بعدك عنه
يوسف :- هه خفه ايه جابك
جاكلين:- اخس عليك يا اوسف بقى انا جايه اقف جنب ابن خالتى وأخويه وبنت خالتى واختى وتعاملنى كده مكنش العشم
يوسف :- ابو عشم مات وبناخد عزاه مش نقصين صداع على الصبح
جاكلين :- يرضيك كده يا عمو اسر
اسر :- لاء طبعآ كله الا جاكى حبيبت قلبى
جاكلين :- باسته فى خده وقالت ربنا يخليك يا احسن عمو فى الدنيا دى كلها
تيلا :- يا سلام ولما هى حبيبت قلبك انا ايه بقى
اسر :- انتى نور عنيا من جوه
تيلا :- باسته فى خده وقالت وربنا عسل بمووووت فيك
مى :- هههههه الحق ابوك مكوش على البنات كلها
يوسف :- ايه يا حاج انت بتعملهم ايه بس علشان يحبوك كده
اسر :- سحر عيونى مايتقومش
تيلا :- الصراحه كلك على بعضك كده متتقومش
يوسف :- لا والله وده من ايه أن شاءالله على فكره انا زى ابنه برضه ويجوز الدلع ده ليا انا كمان
مى :- ههههههههههههه ابوك طول عمره رومانسى ومدوب امك فيه
يوسف:- ولما كبر دوب بنات العيله فيه برضه
اسر :- فيه ايه كفايه قر عليا واحد وربنا محبب خلقه فيه انتو متغاظين ليه
يوسف :- بص لتيلا وقال طيب يا خلقه عايزك فى كلمه
تيلا :- هههههههههههه حاضر وقامت راحت معاه
جاكلين :- امال فين البنات
اسر :- فى الاوض بتاعتهم
مى :- ومها
اسر :- كل ده بتلبس
مى :- طول عمرها اكتر واحده فينا تغيب فى اللبس
اسر :- مع أنها هى قمر مش محتاجه وقت لده كله
مها :- وهى نزله من على السلم انت احلى يا قلبى
جاكلين :- صفرت ببؤقها وقالت يا واد يا جامد انت قلبى الصغير ميتحملش الجمال ده كله
مها :- يا بكاشه
جاكلين :- طب وربنا الستات كلها بتكبر فى السن وستات العيله دى بتصغر وتحلو اذا كنتى انتى ولا خالتو مى ولا ماما اللى يشوفنا جنب بعض يقول انكم اخواتنا
مى :- ههههههههه ربنا يسعدك يا قلبى يارب
جاكلين :- ويخليكى يا خالتو ووقفت وقالت هطلع للبنات فوق
مها :- اطلعى يا حبيبتى وابعتى سمر
جاكلين :- حاضر يا خالتو

عند يوسف وتيلا

يوسف:- لا والله عماله تبوسى فى ابويه وتتغزلى فيه قدامى
تيلا :- هههههههههه ده ابوك وزى ابويه بتغير عليا منه
يوسف :- بغير عليكى من الهوا اللى يلمس وشك مش ابويه بس وبعدين عايزه تبوسى تعالى بوسينى انا مش هقول حاجه والله
تيلا:- يا سلام
يوسف:- طيب جربى كده
تيلا :- يوسف اتلم
يوسف :- اااااه امته بقى يجى يوم الفرح بسرعه الاسبوع ده هيمر عليا اطول اسبوع فى حياتى
تيلا :- احم طيب يلا ندخل ليهم جوه
يوسف :- بتتكسفى وتحمرى من الكلام امال هتعملى ايه فى الفعل
تيلا :- يوسف بطل قلة ادب
يوسف :- ادخلى يا بنتى ربنا معاكى فى اللى جاى
تيلا :- ضربته فى كتفه وقالت غلس
يوسف :- عيون وقلب الغلس
تيلا :- اتكسفت ومشت قدامه دخلت عند مى ومها واسر
يوسف :- اخد نفس وقال صبرنى يارب ودخل وراها

عند اوضت سمر

جاكلين خبطت على الباب وفتحته ودخلت لاقت سمر بتعيط
جاكلين :- بخضه مالك يا سمر
سمر :- مسحت دموعها وقالت مفيش
جاكلين :- هو ايه اللى مفيش يعنى انتى بتعيطى من غير سبب
سمر :- مقدرتش تمسك دموعها وقعدت تعيط تانى
جاكلين :- صعبت عليها شدتها واخدتها فى حضنها وطبطبت عليها وقالت أهدى يا حبيبتى
سمر :- انا تعبت يا جاكى من فريد عايز رأيه بس اللى يمشى فى كل حاجه يا اما كده يزعل ويخاصمنى رأيى ملهوش اى اهميه عنده انا بالنسبه ليه أفعالى كلها طايشه وهو الرزين علطول بيعملنى بجفاء وانا اللى بحاول الطف الجو معاه اخوكى علشان عارف ان انا بحبه ومقدرش استغنا عنه شايف نفسه عليا وانا خلاص تعبت يا جاكى
جاكلين :- حبيبتى لازم يحصل كده ما بنكم انتى وفريد شخصيتكم مختلفه تمامآ عن بعض وعلشان توصلو لنقطه مشتركه هتتعبو كتير على ما توصلوا ليها بس الحب بيصنع المعجزات يا سمر وانتى علشان بتحبى فريد هتتغيرى علشانه وهو علشان بيحبك هيتغير علشانك بس على ما ده هيحصل هياخد وقت انتو خلاص كلها اسبوع هتكونو فى بيت واحد تحت سقف واحد هتبقو مع بعض اكتر وقت ممكن تقدرو تقربو اكتر من بعض وتتكلمو وتتفاهمو عن كل حاجه بتخلق مشاكل ما بنكم السبب فى المشاكل دى بلاش منها الحب حلو فى كل حالاته فى زعله فى حنيته فى لياليه فى خصامه وعتابه ورجعوه واشتياقه عيشى كل لحظه في الحب ومتفوتهاش علشان اللحظه اللى بتروح مننا مش هترجع تانى بتحبيه غيرى فيه وسعتها الحب هيبقى احلى واحسن علشان بتشوفى نتيجة حبك عملت فيه ايه وعمل علشانك ايه وانتى برضه وريه حبك فى تغيرك عرفيه أن حبك ليه بيغير فيكى خليه يحس بأنجاز الحب فيكى علشان يحس بحلاوته معاكى
سمر :- وده اللى بحاول اعمله يا جاكى بس هو اللى مش عايز يتغير علشانى
جاكلين :- هيتغير صدقينى مسألة وقت مش اكتر الراجل بيبقى عنده عزة نفس شويه عن الست الست مندفعه بمشاعرها تملى وهى اللى بتتحكم فيها إنما الراجل بيبقى عنده تحكم فى مشاعره بيحاول يحتفظ بيها اكتر وقت ممكن علشان مفكر أن مجرد ما يتغير علشان واحده يبقى كده بيجى على حساب رجولته فتلاقيه متنشن شويه بس شطارت الواحده هى اللى بتعرف تلين الحديد وتخليه يسيح فهمتى يا حلوه
سمر :- هزت راسها بمعنى ايوه
جاكلين :- مسحت دموع سمر وقالت يلا اغسلى وشك وحطى ميكب على عينك يدارى اثار العياط ده وانزلى علشان مستنينك تحت
سمر :- حاضر وقامت غسلت وشها وحطت ميكب ونزلت
جاكلين :- راحت عند اوضت مي وخبطت ودخلت ولاقت مى بتعيط قالت لاء ده النهارده يوم العياط العالمى بقى تعالى فى حضنى يا ضنايا واحكى وقولى اكيد اخويه العزيز مزعلك ما هو انا مش ورايا غير مشاكل اخواتى الصبيان
مى :- هزت راسها وقالت ا.ا ايوه هو
جاكلين :- عمل ايه خايب الرجا ده
مى :- بدموع حكت ليها اللى حصل
جاكلين :- يا سلام بت انتى عبيطه تصدقى كده على عدى طيب لو هو بيحبها وعايزها ليه هيعمل كده ويقابلها زى الحراميه ما هو لسه فى العده يا مى لو عدى عايز روان كان رجعها الفيلا ومكنش حد هيمنعه
مى :- طيب واللى اتصلت دى مصلحتها ايه
جاكلين :- يا اذكى اخواتك مين ليه مصلحه يوقع بينك وبين عدى غير مقصوفة الرقبه روان علشان متغاظه أن عدى مسألش فيها وحبك انتى
مى :- وهى هتعرف منين
جاكلين :- لاء روان عندها خبره فى التجسس عاليا اوى وهى وقعت اخويه فيها ازاى غير بالتجسس
مى :- بس برضه عايزه اتأكد بنفسى وأشوف بعنيا
جاكلين :- يا بنت الحلال ربنا يهديكى عدى بيحبك ومستحيل يبص لواحده غيرك
مى :- مش هنخسر حاجه لو روحت اتأكد بنفسى
جاكلين :- بقلة حيله ماشى يا مى هخلينى معاكى ونروح بس هفكرك عدى مستحيل يعمل كده
مى :- علشان قلبى يطمن بس
جاكلين :- ماشى انا قعده مستنيه الساعه اربعه لما نشوف اخرتها معاكم وربنا شكلى هسيب الصحافه واشتغل ليكم مصلحه اجتماعية
مى :- ربنا يخليكى يا جاكى
جاكلين :- نسيت مليكه أشوفها هى كمان لتكون بتعيط هى فين صح
مى :- فى المطبخ تحت ومتخفيش هى عايشه احلى ايامها اليومين دول
جاكلين :- طيب كويس لاقيت حد يجبر بخاطرى و مش منكد فى البيت ده ونصفنى شويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

فى اوضت فريد

دخلت مليكه الاوضه عند فريد لاقته قاعد بيقراه فى المصحف قعدت على السرير لحد ما يخلص
فريد :- اول ما شاف امه صدق بالله العظيم وبص لأمه وقال خير يا ماما
مليكه :- خير يا حبيبى مروحتش ليه مع خطيبتك تختار فرش بيتكم مع بعض
فريد :- يا ماما انا مليش فى الكلام ده ده شغل ستات ايه يودينى انا معاهم
مليكه :- يا حبيبى طيب ما يوسف ابن خالتك معاهم
فريد :- هو حر لكن أنا مش بحب اللف بتاع الستات ده
مليكه :- فريد يا حبيبى انت كده بتكسر فرحة سمر اي عروسه بتفرح لما عريسها يشارك معاها اختيار فرش بيتهم
فريد :- وفى الاخر مين بيقعد فى البيت اكتر مش الست دى هتكون مملكتها الخاصه تفرشها زى ما هى عايزه
مليكه :- الواحده لما تحب بتبقى عايزه اللى بتحبه شريك فى كل ممتلكاتها الخاصه علشان تحس منه الاهتمام المشترك اللى ما بينكم
فريد :- هبقى انزل معاها وقت تانى
مليكه :- انتو متخانقين
فريد :- حاجه زى كده
مليكه :- يا حبيبى بلاش تكسر فرحتها دى عروسه وفرحكم فاضل عليه كام يوم بلاش تنكد عليها فى اسعد ايام حياتها
فريد :- انتو ليه محسسنى أن انا الجانى وهى المجنى عليها من غير حتى ما تسمعو السبب
مليكه :- علشان عارفه طبعك كويس قوى وعارفه عصبيتك المفرطه مع اى حد
فريد :- هو انا علشان بتكلم فى الحق وفى رضا ربنا ابقى عصبى
مليكه :- على فكره يا حبيبى كلنا مؤمنين بربنا وبنصلى وبنقراه قرأن وبنصوم وعارفين الحلال من الحرام بس برضه مش مصعبنها زيك كده
فريد :- لما اطلب منها بلاش نحضر الفرح ونبدأ اول ليله فى عمرنا من غير معاصى ابقى كده متشدد ولا عايز ارضى ربنا ولما اكلمها على الحجاب ابقى كده متشدد ولا عايزها ترضى ربنا ولما اكلمها واطلب منها تلبس لبس محترم يدارى جسمها من عيون الناس ابقى كده متشدد ولا عايزها تخاف على نفسها وترضى ربنا
مليكه :- عندك حق فى الكلام ده بس انت واخد سمر وعارف انها كده متجيش عايز تغير منها كله فى يوم وليله اصبر عليها شويه وهى هتتغير علشانك دى الدنيا اتخلقت فى ست ايام والسابع استوى الرحمن على العرش وبعدين ربنا قايل الطيبون لطيبات يعنى سمر زيك نصك التانى وربنا بعتها تكمله وربك رب قلوب وهى لو كانت مش كويسه ولا قلبها اسود اكيد ربنا كان بعدها عنك ورزقها بواحد زيها سمر معدنها كويس وهتقدر تغير فيها براحتك بس براحه عليها شويه مش كله بالعصبيه والنرفزه استفد ايه لما ضيعت يوم ما بنكم فى الزعل والخصام غير كسرت قلبها انت عارف حالتها ايه دلوقتى اكيد هتكون مكسوره لما تشوف اخوها وبنت خالتها بيختارو مع بعض وهى وحيده خلى بالك يا فريد الواحده ممكن تضحى بعمرها علشان اللى بتحبه بس لما متلاقيش الاهتمام وقلبها ينكسر بتبعد من غير سابق إنذار حافظ عليها علشان متخسرهاش وسابته ومشيت
فريد :- قعد يفكر فى كلام أمه وبعدين مسك المصحف وقعد يكمل قرأت القرآن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الفيلا عند جومانه

كانت قعده فى اوضتها على السرير ومسكه التليفون وجايبه صورة فارس وبتعيط وتقول
جومانه :- بدموع ليه يا فارس تعمل كده معايه بعد العمر ده كله كسرت قلبى ووجعتنى انا قولت هتغير علشانك بس طلعت متستهلش ورغم اللى عملته فيا ده مش قادره اكرهك لسه بحبك عارف ليه علشان انا بقيه على العشره مش زيك خاينه للعشره يا فارس قلبى من جوه بينزف من خيانتك ليا
وفى الوقت ده التليفون رن برقم فارس مردتش عليه وشويه ووصلت ليها رساله منه فتحتها وكان مكتوب فيها (جومانه بجد انا اسف سامحينى بالله عليكى مش قادر اعيش بعيد عنك انتى الهوا اللى بتنفسه عارف ان انا غلطان وغلطى صعب اوى بالنسبالك بس ارجعيلى واللى انتى عايزاه هعمله أنشالله لو قولتيلى ارمى نفسك فى النار هرمى بس ترجعيلى من تانى فى حضنى عارف انك قلبك مكسور ولسه بتحبينى ومسكه صورتى وبتعتبينى ودموعك على خدك بس صدقينى انتى بتعقبينى عقاب اشد واصعب من الموت بعدك عنى يعنى نهاية العالم ارجعى ليا يا عشرة سنينى وعشرتى الطاهره وام عيالى بحبك يا جومانه ومنتظر رجوعك على نار )
جومانه :- كانت بتقراه الكلام ده ودموعها بتنزل من عينيها وقالت اااااااااااه يارب بعد اللى عمله ده وجاى يطالبنى اسامحه بكل سهوله ميعرفش أن كسرة القلب أشد واصعب من اى حاجه فى الدنيا يارب الصبر من عندك وقامت خرجت من الاوضه وشمت ريحة اكل نزلت وراحت على المطبخ لاقت كريم وقف وبيطبخ
جومانه :- هههههههه ايه اللى انت عامله ده
كريم :- ايه ده برنسيس جوجو بنفسها هنا شرفتى مطبخى المتواضع يا هانم
جومانه :- بتعمل ايه هههههههه
كريم :- مسك ايديها وقال اتفضلى هنا على الطربيزه والمنيو هيكون عندك فى ثانيه
جومانه:-ههههههههههه
كريم :- بما أن مفيش منيو فا انا هقول ليكى الأصناف بنفسى
جومانه :- اشجينى يا ابن بطنى
كريم :- احم عملت ليكى طبق مكرونه بالبشاميل خرافه هتاكليه مش هتنسى طعمه
جومانه :- غيرو
كريم :- احم لحمه بوفتيك هتاكلى صوابعك وراها
جومانه :- غيرو
كريم :- ماشى عملت ليكى اصعب اكله على رجالة مصر كلها بطاطس محمره وكنت لابس هدوم قوات الدفاع المدني وانا بحط البطاطس فى الزيت
جومانه :- هههههههههههههههه كل ده علشانى
كريم :- انا اطلع اجيب حته من السما علشانك
جومانه :- ربنا يخليك يا حبيبى انت واختك الحاجه الوحيده العدله اللى طلعت بيها من جواز ابوك
كريم :- طيب يا جومانه الراجل ظبطك اهو وخلاكى ام سامحيه يا جوجو قلبك ابيض
جومانه :- عايزه اسامحه يا كريم بس قلبى واجعنى اوى بسببه ودموعها نزلت منها
كريم :- وحيات اغلى حاجه عندك بلاش تعيطى وبعدين قال انتى مش شامه ريحة حاجه
جومانه :- اه شامه ريحة شياط
كريم :- بص على البوتاجاز وقال نهار اسود عليا اللحمه وطلع يجرى
جومانه :- هههههههههه عسل ربنا يحميك ويحرسك لشبابك يا ابن بطنى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند وحيد فى الشقه

كان بيتكلم مع فرحه

فرحه :- وحيد بالله عليك متزعلش منى انا قولت لبابا والله مكنتش اقصد حاجه وعرفت ان انا غلطانه ووعد منى مش هقول على حاجه انت تقولها ليا لحد تانى خالص
وحيد :- مش لو فكرت اقولك حاجه تانى اصلا
فرحه :- اللى يريحك بس اهم حاجه متزعلش منى انا بحبك اوى ومش بحبك تزعل منى
وحيد :- ماشى خلاص خلصنا بلاش كلام كتير
فرحه:- ح.ح.حاضر يعنى مش زعلان منى
وحيد :- يا دين النبى على الكلام الكتير
فرحه :- خلاص خلاص هسكت بس بلاش تتعصب
وحيد :- ماشى انا هقفل عايزه حاجه
فرحه :- بسرعه كده خليك اتكلم معايه شويه
وحيد :- لاء مش فاضى يلا سلام وقفل السكه وضحك بشر وقال هههههههه ولسه يا بنت باسم مبقاش انا لو مكنتش اخليكى تتمنى الموت
شهاب :- احبك انا يا شرير
وحيد :- ههههههههه مش انت الصغير فينا بس اكتر واحد فينا دماغك سم
شهاب :- من اللى شوفته من عيلة فهد وأتباعه
وحيد :- طول ما احنا مع بعض هنقدر نكسرهم
شهاب :- بس اللى خايف منه اخوك معاذ شكله حب البت وهيضيعنا
وحيد :- لاء بيتهيألك طب انت عارف خلو مين يسأل عليا
شهاب :- اوعى تقولى اخوك معاذ
وحيد :- ههههههههه هو
شهاب :- ههههههههههه اغبيه بجد ادو القط مفتاح القرار
وحيد :- طبعآ هظهر قدمهم الشاب اللى مفيش منه اتنين ملاك بجناحين
شهاب :- طيب خلى بالك من جناحتك ههههههههههه
وحيد:- ههههههههههههه قرب اوى حسابهم وانتقامنا منهم
شهاب :- هههههههههههههههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مى وجاكلين

نزلو من الفيلا وركبو العربيه وراحو العنوان اللى عدى هيقابل فيه روان
ووقفت بعربيتها هى ومى فى مكان بعيد وشافو روان وقفه فى الشارع وبتبص حاوليها
مى :- بدموع اهو شوفتى اهى مستنياه اهو
جاكلين :- أهدى يا مى يمكن تمويه منها اصبرى شويه بس
مى :- بدموع ادينى مستنيه اهو وكانت متوتره وعماله تدعك فى ايديها من كتر التوتر وتدعى ربنا أن يكون كدب وميجيش عدى بس فى الوقت ده اتصدمت لما شافت عدى نازل من العربيه وبيسلم عليها واتصدمت اكترلما شافت روان بتسلم عليه وبتبوسه
جاكلين :- كانت مش مصدقه عينيها واتصدمت
مى :- بدموع ع.ع.عدى ي.ي.يا جاكى بيخونى
جاكلين :- كانت مش عارفه ترد وتقول ايه وشغلت العربيه ومشت وراهم وقفت بعيد عنهم
عدى :- نزل هو وروان ودخلو عماره وطلعو شقه ودخلو فيها
مى :- د.د.ده طلع معاها يا جاكى ولسه هتفتح الباب وتنزل وراهم
جاكلين :- استنى رايحه فين
مى :- هطلع وراهم
جاكلين :- استنى شويه
عند عدى
دخل هو وروان
روان :- اول ما دخلت حضنت عدى وقالت واحشتنى اوى يا عدى
عدى :- بعدها عنه وقال فين الصور يا روان
روان :- معايه بس شرطى انك تردنى الاول ووو قربت منه ومدت ايديها فتحت زارير قميصه وقالت تنيمنى فى حضنك
عدى :- بعد عنها وقال اشوف الصور الاول
روان :- راحت عند الشنطه وطلعت الظرف اللى فيه الصور ومدت ايديها وقالت خد اهو
عدى :- اخدهم منها وبص فيهم واتأكد منهم وقال ايه يضمن أن معندكيش نسخه تانيه منهم
روان :- قربت منه وبسته فى صدره العريان وقالت وانا ايه مصلحتى اخلى نسخه تانيه وانت هتبقى معايه انا
عدى :- مسكها من شعرها وقال انسى انا لمى وبس
روان :- اااااه شعرى يعنى كنت بتضحك عليا علشان تاخد الصور
عدى :- انتى اللى خلتينى اعمل كده
وفى الوقت ده جرس الباب رن
عدى :- بأستغراب ده مين عارف ان انا هنا
روان :- بضحكة شر يمكن البواب
عدى :- راح عند الباب وفتحه واتصدم
روان :- فتحت البلوزه بتاعتها ونكشت شعرها وراحت عنده وحطت ايديها على كتفه وقالت مين يا حبيبى
مى :- بدموع ليه طيب كنت بتعلقنى بيك ليه
عدى :- مى والله مش زى ما انتى مفكره ومسكها من درعها
مى :- زقت أيده وقالت ابعد عنى مش عايزه اعرفك تانى ونزلت تجرى
عدى :- فهميها يا جاكى والله ما كنت بعمل حاجه
جاكلين :- مدت ايديها على صدر عدى ومسحت الروج وقالت لاء واضح اننا فاهمين غلط ليه طيب محدش منعك منها انت اللى اخترت تبعد عنها ليه تكسر قلب المسكينه دى
عدى :- عرفتو منين
جاكلين :- بقرف أسأل اللى معاك وسابته ونزلت
عدى :- بص لروان بغيظ وراح عندها مسكها من شعرها وضربها بالقلم وقال انتى اللى قولتلها
روان :- اااااه لاء م.م.مش انا
عدى :- مين غيرك شيطانه وتعمل كده علشان توقع بينى وبينها وضربها بالقلم تانى
روان :- اااااه يا عدى بقولك مش انا مش انا
عدى :- وقعها فى الارض ولسه هيضربها بالرجل
روان :- مسكت رجله وقالت بلاش انا حامل يا عدى
عدى :- ………….
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد
لقاء الاحبه يوسف و تيلا الفصل الواحد والعشرون

 3,065 اجمالى المشاهدات,  3 اليوم