Connect with us

قصص حب

لقاء الاحبه يوسف و تيلا الفصل السابع عشر

Published

on

4
(4)

وقت القراءة المقدر: 40 دقيقة (دقائق)

لقاء الاحبه يوسف و تيلا

⁦☘️⁩الفصل السابع عشر⁦☘️⁩

اشرقت شمس صباح يوم جديد بنورها الساطع فى سماء الاسكندريه لتبدء تيلا بفتح عيونها على صوت تليفونها مدت ايديها واخدته وبصت فيه لاقته رقم غريب داست على الاستجابه وقالت
تيلا :- السلام عليكم
……..:-صباح الخير يا عروسه نوم الهنا
تيلا :- مين معايه
……….:- انا عملك الاسود ايه نستينى بسرعه كده
تيلا :- لو مقولتش انت مين هقفل السكه
………:- طيب تصدقى انك ناكره للجميل يعنى انا سبتك ترحبى بأهلك وتعيشى يومين حلوين مع حبيب القلب يوسف ومرضتش اعكنن عليكى وأبدأ معاكى مهمتى وعايزه تقفلى فى وشى اخس عليكى اخس بس اعمل ايه قلبى طيب
تيلا :- انطق انت مين
……..:- ما قولتلك انا عملك الاسود المهم نبدأ بقى الشغل بس انا واحد ديمقراطى وبحب أسأل الضحايه بتوعى ابدأ بمين الاول بيكى ولا بحبيب القلب يوسف
تيلا :- اياك تلمس شعره من يوسف انت عايز منا ايه
……….:- شكلك كده بتحبى تسألى كتير وانا خلقى ضيق بس ماشى يا قمر نستحمل علشان خاطر العيون الجمال استعدى يا روحى سلام يا مهرت قلبى وقفل السكه
تيلا :- الو مين الو انت يا مين معايه بصت على التليفون لاقته قفل السكه حاولت تتصل تانى على نفس الرقم بس لاقته مقفول رمت التليفون جنبها على السرير وحطت راسها ما بين ايديها الاتنين وفى الوقت ده تليفونها رن برقم يوسف فتحت الخط وسمعت صوت يوسف بيقولها
يوسف :- صباح السعاده والهنا صباح الورد والياسمين صباح بيضحك لاحلى عيون حلوين
تيلا :- هههههه صباح النور
يوسف :- يلا اصحى بقى علشان تيجى الشركه بسرعه واحشتينى اوى اوى
تيلا :- انا صحيت من شويه وهقوم البس واجى الشركه
يوسف :- تيلا مالك
تيلا :- مالى مفيش حاجه يا يوسف
يوسف :- حاسس انك مخنوقه مضيقه صوتك فيه حاجه مش طبيعيه
تيلا :- ها م.م.مفيش يا يوسف علشان بس افتكرت اللى حصل امبارح تحت
يوسف :- انسى بقى يا تيلا محدش هيقدر يوجعك تانى ولا ينزل دموعك وانا جنبك
تيلا :- ربنا يخليك ليا هقفل علشان البس
يوسف :- ماشى يا عمرى
تيلا :- قفلت التليفون وحطته جنبها ورفعت شعرها بأيديها الاتنين وقالت اااااااه يا دنيا مخبيه ليا ايه كمان مش كفايه بقى وجع فيا روحى خلاص مبقتش مستحمله وقامت من على سريرها دخلت الحمام اخدت شاور واتوضت وخرجت من الحمام ولبست هدومها ولسه هتصلى افتكرت اللى حصل ما بينها وبين يوسف استغفرت ربنا كتير وبدأت تصلى فرضها وخلصت فرضها وفتحت باب اوضتها ونزلت
تيلا :- صباح الخير
الكل :- صباح النور
عمار :- صفر ببؤقه وقال لاء كده كتير قمر يا اخواتى
تيلا :- بطل بكش وقول عايز ايه
عمار :- مشى أيده على شعره من وراه وقال بأحراج هو انا مكشوف اوى كده
تيلا :- ادائك اوفر الصراحه اخلص
عمار :- انشالله تتسترى يارب ويجمعك بحبيب القلب اللى احنا كلنا عارفينه والدول العربيه كلها عارفه
تيلا :- عمار لخص يا حبيبى بلاش جو الشحاته ده
عمار :- احم كنت عايز تليفون حديث بدل اللى معايه ده ده بيطلع الصوره ابيض واسود وبيعمل حول للى بتصوريه ده غير يعنى فيه امكانيه مش فى اى تليفون تانى تيجى تدوسى على الفيس يدخلك على جوجل ازاى متعرفيش اختراع يا كوتش
باسم :- وانا قولتلك مفيش تليفونات غير لما تخلص الثانويه بتاعتك وتدخل كليه كويسه وبعدين انت راجل انت لما تطلب من اختك تجيب ليك تليفون
عمار :- اعمل ايه طب ما هى الوحيده اللى شغاله فى البيت ده الاتنين التانين كحيانين وحضرتك يعنى رافض تجبهولى وست الحبايب ماشيه على كلامك وبتثبت ليك حبها على قفايا مفيش غير الاصيله بنت الاصله هى اللى هتنصفنى فيكم ها يا ست اصيله هتجبيلى التليفون
تيلا :- هههههههه ده انت فظيع الصراحه
عمار :- انشالله يارب البسك فستان فرحك بأيديه وسكت شويه وقال ايه ده اللى انا بقوله ده قصدى يعنى اوصلك لعريس الهنا بأيديه
تيلا :- هههههههه ماشى هشترى تليفونك وهكملك الباقى واجبلك تليفون حلو
عمار :- لاء مدام هتشترى التليفون لازم اقولك على الابشونات اللى فيه اول حاجه تقدرى تعملى اتصال منه
تيلا :- ياراجل
عمار :- لاء وخدى التقيله بقى ممكن كمان تستقبلى عليه الاتصالات
تيلا :- لاء بجد انا منبهرا ده فيه مميزات مش فى اى تليفون تانى
عمار :- سعر المنتج ثابت سعر الشحن ثابت يوصل ليكى أينما كنتى
تيلا :- وقفت وقالت لالالا قلبى هيقف الصراحه مش قادره
مى :- رايحه فين اقعدى افطرى الاول
تيلا :- راحت بستها فى خدها وقالت معلش يا ماما علشان متأخرش على الشغل وراحت باست باسم وقالت ليه فى ودنه خف على عمار شويه
فرحه :- تيلا تعالى بدرى النهارده
تيلا :- متخفيش هبقى جنبك
هنا :- تيلا خدينى معاكى
تيلا :- يلا تعالى
وخرجت تيلا وهنا من الفيلا بس صوت باسم وقفهم
باسم :- تيلا استنى
تيلا :- نعم يا بابا
باسم :- مد أيده بمفاتيح وقال خدى
تيلا :- ايه ده
باسم :- عربيه صغيره اشترتها ليكى علشان توصلى بيها للمكان اللى انتى عايزاه
تيلا :- ليه يا بابا كلفت نفسك انا كنت بركب تاكسى الصبح ويوسف بيوصلنى بليل
باسم :- يا حبيبتى دى حاجه بسيطه انا نفسى اجبلك الدنيا بحالها اعوضك كل اللى فات من عمرك
تيلا :- اترمت فى حضنه وقالت ربنا يخليك ليا وميحرمنيش منك ابدآ يا بابا
باسم :- بسها فى راسها وقال ويخليكم ليا وافرح بيكم يارب
تيلا :- اخدت المفتاح وشافت العربيه وعجبتها اوى وركبتها وركبت جنبها هنا
هنا :- مبروك يا توته جميله
تيلا :- الله يبارك فيكى يا حبيبتى يلا اول مشوار نروحو بيها الكليه بتاعتك
هنا :- هههههههههه يلا
تيلا :- شغلت العربيه وراحت الكليه وصلت هنا وراحت على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى

فى اوضت كريم

كان قاعد بيفتكر كلام ابوه

Advertisement

فلاش باااااااك

فارس :- امك عرفت منين موضوع زعلى وانا فى السفر
كريم :- وانت مسألتهاش هى ليه جاى تسألنى انا ليه يعنى
فارس :- متردش السؤال بسؤال
كريم :- احم راحت عند عمو فهد وسألته
فارس :- يعنى فهد اللى قال ليها صح
كريم :- عليك نور يا ابو الفوارس
فارس :- يعنى اللى فيها فيها بتتجسس عليا من ورايا
كريم :- وليه متقولش أن هى عملت كده علشان تعرف ايه مزعلك منها وتراضيك ماما مش وحشه يا بابا ماما بتحبك ومتقدرش تعيش من غيرك وانت سمعت بودنك وشوفت بعنيك كانت حالتها ايه لمجرد انك غبت عليها يومين وشوفت فرحتها لما شافتك قدامها مش عيب انك تغلط العيب انك تعرف غلطك ومتحاولش تصلحه حافظ على ماما يا بابا مش هقولك علشان خاطرنا لاء احنا كبرنا ونقدر نعتمد على نفسنا بس حافظ عليها علشان ماما الحب الحقيقي اللى مش بدور على فلوس ولا حاجه امى الست الاصيله اللى بتحاول تحافظ على بيتها وجوزها اقولك على حاجه يا بابا
فارس:- قول
كريم :- انا عارف موضوع البنت اللى بتمشى معاها اللى هى اصلا تيجى قدى يعنى قد عيالك يعنى هى مش بتحبك هى طمعانه فيك وفى فلوسك
فارس :- بصدمه عارف طيب امته وازاى
كريم :- ماما جت اشتكت من بعدك عنها وسوء معملتك ليها وتغيرك معاها وطلبت منى اعرف السبب روحت سألت عليك وعرفت انك ماشى مع واحده من دور عيالك وبتطلع كل يوم تسهر معاها فى الكافيه اللى اخد عمو فهد فيه ووهمته انك بتسهر فيه لواحدك طبعآ مستحيل اقول لماما الكلام ده علشان ممكن يحصل ليها حاجه لو عرفت إن جوزها حبيبها عشرة عمرها بيخونها وبيخرج مع واحده صغيره من دور عياله، سكت وعملت نفسى معرفش حاجه بالموضوع بس خلاص بقى كفايه مش قادر اشوف امى بتتعذب واسكت اكتر من كده ابعد عن البنت دى يا بابا وخليك مع ماما خليك مع مراتك اللى صانت عرضك وشرفك فى غيابك اللى كانت بتسهر علينا كلنا واحنا نايمين وبنشخر سهرت تكوى لده وتحضر اداوت دى وترتب مكتب حضرتك وتنام ساعتين وتصحه برضه قبل الكل تحضر الفطار وتروح لكل واحد فى اوضه وتصحى ده وتصحى دى وتصحى حضرتك وتفضل طول النهار شقيانه ما بين البيت والأكل ماما متستهلش كده منك ارجع يا بابا لعقلك وبلاش تخلى عيله تلعب بيك
وفى الوقت ده فتحت جومانه الباب ودموعها على خدها
كريم :- ماما
فارس :- جومانه
جومانه :- بدموع ا.ا انت تعمل فيا كده ليه طيب عملت ليك ايه علشان تخونى قصرت معاك في ايه رد عليا ده انا بتمنالك الرضا وبحبك وبخاف على زعلك ليه تخونى ليه تجرحنى بالطريقه دى ليه ليه
كريم :- راح عند أمه وحضنها وقال أهدى يا ماما علشان خاطرى
جومانه :- ابعد انت كمان كنت عارف كل حاجه ومخبى عليا
كريم :- والله يا ماما خوف عليكى مش اكتر.
فارس :- جومانه أهدى بس واسمعينى والله ما حصل حاجه ما بنا كنا بنخرج وبس فى مكان عام اقسم بالله مقدرش المس واحده غيرك انا بحبك
جومانه :- اممممم لاء بجد انا اسفه ظلمتك مش هو ده الكلام اللى عايز تسمعه صح لاء يا فارس طلقنى
فارس :- يا جومانه استهدى بالله انا مش هقولك مش غلطان لاء غلطان بس كنت بحاول
جومانه :- قطعته وقالت مش عايزه اسمع ولا حرف تبرر اللى انت عملته عايزاك تطلقنى
كريم :- بالله عليكى أهدى مش كده
جومانه :- بعصبيه ايه أهدى أهدى اللى انتو مسكنها ليا دى شيفينى مجنونه وبشد فى شعرى كلمه واحده طلقنى يا فارس وسابته وخرجت من الاوضه
كريم :- يا ماما استنى هقولك بس
جومانه :- دخلت وقفلت وراها الباب بالمفتاح وقعدت وراه وحطت ايديها على وشها وقعدت تعيط
فارس :- جومانه افتحى هقولك
كريم :- ماما بالله عليكى ردى علينا بلاش تقلقينا عليكى
وفى الوقت ده خرجت بسمله من اوضتها
بسمله :- هو فى ايه
كريم :- ماما زعلت مع بابا وقافله الباب على نفسها
فارس:- جومانه لو مردتيش علينا هكسر الباب
كريم :- طيب اعملى اى صوت طمنينا عليكى
بسمله :- بدموع ماما علشان خاطرى انا افتحى
كريم :- والعمل يا بابا لتكون حصلها حاجه
فارس :- تعرف تطلع من الجنينه على السلم وتنط فى البلكونه بتاعت الاوضه
كريم :- اه اعرف وراح يجرى على الجنينه ونط من البلكونه ودخل الاوضه ولاقه جومانه وقعه على الأرض وراه الباب ودموعها على خدها طلع يجرى عليها وبعدها عن الباب وفتح الباب ورجع تانى على أمه واخدها فى حضنه وقعد يخبط على وشها ويقول
كريم :- ماما ردى عليا ماما
فارس :- بخوف جومانه ردى علينا
بسمله :- والنبى يا ماما اوعى يحصلك حاجه والنبى اوعى تبعدى عنى
كريم :- قومى يا بسمله بسرعه هاتى ازازة برفان
بسمله :- بدموع حاضر وقامت تجرى جابت ازازة البرفان وحطها على أيده ومشها تحت مناخيرها وقعد يخبط على وشها
بسمله :- بدموع م.م.ماما مش بترد يابابا
فارس :- اخد جومانه من حضن كريم وشالها ونزل يجرى بيها ونزل كريم وبسمله وراه ركب فارس بجومانه العربيه وبص لكريم وقال سوق بسرعه على اقرب مستشفى
كريم :- حاضر وركب العربيه وركبت جنبه بسمله وراحو على اقرب مستشفى ونزل فارس وشال جومانه ودخل بيها بسرعه ودخلها اوضت الكشف وبعد شويه جه الدكتور وكشف عليها وخرج من الاوضه
فارس :- خير يا دكتور
الدكتور:- زعلت جامد الضغط عالى عليها جدآ ولو مكنتوش لحقتوها كانت هتروح فيها
كريم :- وهى دلوقتى عامله ايه
الدكتور :- أدتها حقنه تنزل الضغط عندها وشويه وهتفوق هتلاقوها بتعيط ومنهاره هنيجى ندى ليها حقنه مهدأه علشان الضغط ما يعلاش تانى عليها ويسبب ليها مشاكل
فارس :- شكرآ لحضرتك
الدكتور :- العفو عن اذنك
بسمله :- بدموع يا حبيبتى يا ماما أنشالله أنا وانتى لاء يارب قومها بالسلامه ورجعها تانى لينا
كريم :- اخد اخته فى حضنه وطبطب عليها وقال أهدى يا بسمله ماما أن شاءالله هتكون كويسه
بسمله :- بدموع يارب يا كريم يارب
فارس :- دخل الاوضه عند جومانه وقعد قصادها ومسك ايديها وقال حقك عليا يا عشرة عمرى انا عارف ان غلطان بس بجد انا ندمان ارجعيلى يا جومانه مقدرش استغنا عنك انتى فرحتى وضحكتى الحلوه انتى كل حاجه فى حياتى
وفى الوقت ده بدأت جومانه تفوق وحركة راسها وقالت
جومانه :- اممممم انا فين ومسكت راسها وقالت صداع هيفرتك دماغى اممممم وفتحت عينيها واحده واحده وشافت فارس قاعد وماسك ايديها افتكرت الكلام اللى سمعته سحبت ايديها منه وقالت انت بتعمل ايه هنا وبصت حاوليها وقالت انت جيبنى فين أخرج بره مش عايزه اشوف وشك اطلع بره
كريم وبسمله دخلو على صوت امهم
كريم :- قعد جنبها وقال شششش أهدى يا ماما انتى تعبتى شويه وجبناكى المستشفى
جومانه :- طلعوه بره مش عايزه اشوف وشه اطلع بره
بسمله :- بدموع أهدى يا ماما علشان خاطرى الدكتور قال العصبيه خطر على الضغط بالله عليكى أهدى
جومانه :- عايزنى اهدا خرجوه بره وجوده معصبنى برررررررررره
فارس :- أهدى وانا هطلع بره أهدى بس
جومانه :- ملكش دعوه بيا اهدا ولا لاء شئ ميخصكش
وفى الوقت ده جت الممرضه على صوت جومانه ودخلت أدتها حقنه مهدأه وخرجت
جومانه :- وهى عينيها بتروح فى النوم خرجو بره ب.ر.ه ونامت جومانه
فارس :- كريم خد اختك وارجع على الفيلا وروحو الصبح كليتك ومدرستك
بسمله :- لاء انا هقعد مع ماما
فارس :- بسمله اسمعى الكلام امك مش هتفوق دلوقتى خالص ووجودكم ملهوش لازمه
كريم :- انا كده كده مش هقدر اروح الكليه هروح الفيلا واستنا للصبح بسمله تروح المدرسه وانا هجيب لماما هدوم بدل هدوم البيت دى وهاجى
فارس:- ماشى امشو يلا
كريم :- اخد بسمله وروح الفيلا ودخل اوضه وقفل على نفسه الباب وقعد يعيط ويقول انا السبب لو كنت سكت ومتكلمتش مكنش كل ده حصل انا حمار حمار وقعد يعيط لحد ماالنهار طلع عليه

بااااااااك

كريم :- بدموع حقك عليا يا ماما حاسس بيكى بتتعذبى قد ايه لكن مش بأيدى حاجه
وقام لبس هدومه واخد هدوم لأمه ونزل كانت بسمله جاهزه للمدرسه ركبو الاتنين العربيه وصل أخته للمدرسه وراح على المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

صحيت جاكلين على صوت تليفونها بصت فيه وضحكت وفتحت وقالت
جاكلين :- صباح النور
معاذ :- صباح الورد يا قلبى كل ده لسه نايمه
جاكلين :- امممم اصل سهرت اقراه فى الروايه لحد الفجر ويدوب نمت ساعتين
معاذ :- طيب استفدى ايه من الروايه غير انك مأخديش كفايتك فى النوم
جاكلين :- اصل الصراحه كنت ناويه اقراه صفحتين بس الروايه شدتنى سهرت عليها لحد ما خلصتها
معاذ :- بجد انتى مجنونه مش طبيعيه
جاكلين :- هههههههه عارفه
معاذ :- بس اعمل ايه بحبك ومقدرش استغنا عنك
جاكلين :- بكسوف وانا كمان
معاذ :- وانتى كمان ايه
جاكلين :- احم وانا كمان بحبك
معاذ :- انتى عارفه لو قدامى دلوقتى كنت عملت ايه
جاكلين :- ايه
معاذ :- كنت اخدك فى حضنى ولفيت بيكى وقعد اصرخ واقول أن بحبك بحبك بحبببببببببببك
جاكلين :- الله زى الروايات
معاذ :- تصدقى انك فصيله اقولك هعمل كده تقولى روايات انسى بقى وخليكى معايه انا
جاكلين :- حاضر حاضر
معاذ :- يلا قومى علشان تكلمى ابوكى على نزولك الشركه انا مستنيكى على نار
جاكلين :- حاضر ربنا يستر سلام
معاذ :- مع السلامه يا قلبى
وقفلت جاكلين مع معاذ وقامت دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه ونزلت وكان الكل قاعد
جاكلين :- صباح الخير يا بنأدمين
الكل:- صباح النور
عدى :- متعرفيش تتكلمى بصوت واطى
جاكلين :- هههههههه لاء اصل انا حنجرتى عاليه
عدى :- اقعدى يااختى كنا بناكل بهدوء جه الصداع لحد عندنا
جاكلين :- راحت عنده ولعبت ليه فى شعره وقالت بزمتك يا دودى تقدر تستغنا عنى
عدى :- اه بس لما يجى عريس الغافله يخدك ويريحنا منك
جاكلين :- اخس عليك يا وحش بقى تجرح مشاعرى الرقيقه الرهيفه اخس عليك ومليون اخس ديدو هات من قدامك الزتونه اللى قدامك دى اصل مشاعرى مجروحه اوى من اخوك
فريد :- خدى ربنا يشفيكى بجد مخك فى الباى باى
جاكلين :- سامع يا بابا ولادك الاتنين بيعملونى ازاى اكمنى البنت الوحيده اللى فى وسطهم
فهد :- سيبك منهم انتى حبيبت قلبى انا
جاكلين :- ايوه بقى يا جامد وربنا بحبك من عميق عميق عميق قلبى
فهد :- انا بقول انتى كده عايزه حاجه صح
جاكلين :- احم على الكسفه السوده يا حاج هو انا مفقوسه اوى كده
عدى :- يا بنتى انتى اصلا فاشله حتى فى التمثيل الحاجه الوحيده اللى نافعه فيها قراية الروايات ده بس اللى فالحه فيها
جاكلين :- ايه يا حاجه انتى مكتفيه بدور المتفرجه ليه ما تردى على ابنك ولا عجبك كلامه
مليكه :- الصراحه انا بصدع منكم انتو الاتنين عاملين ولا كأنكم اطفال فى حضانه
جاكلين :- اه صح ده ابنك الحيله مش بتحبى تزعليه المهم خلينى مع فهودى بص بقى يا سيدى اديك سمعت بودنك امبارح كلام يوسف وتيلا رجعت ومفيش حد هيتكلم عليا وخصيمك النبى ما ترفض اللهى يحلى مليكه تملى قصاد عنيك لتوافق
فهد :- تانى يا جاكى
جاكلين :- يقطع جاكى وسنين جاكى اللهى يسترك ويديك الصحه ويعلى مراتبك ويكرمك بزوجه صالحه تجدد بيها شبابك لتوافق
مليكه :- وحياة امك
جاكلين :- ايه ده انتى هنا يا مليكه
مليكه :- استعبطى يا بت
جاكلين :- خلاص بقى يا لوكا كبرى ده انا بدعى وعارفه ولا دعوه هتستجاب مش شيفانى يعنى الشيخه اصلاح قدامك وبصت لابوها وقالت ها يا ابو صلاح نقول مبروك
عدى :- اقسم بالله البت دى عبيطه
جاكلين :- خليك فى حالك يا غلس ها يا بابا كلمة موافق على لسانك اهى طلعها ابوس كعوب رجلك
فهد :- ههههههههههه ماشى
جاكلين :- وقامت نطت من على الكرسى وراحت حضنت فهد من ضهره وبسته فى خده وقالت وربنا انت راجل كفائه مفيش منك اتنين وبموت فيك اوى بحبك يا فهودى
فهد :- طيب اقعدى يا بكاشه اقعدى
جاكلين :- حاضر ابابى وقعدت على الكرسى واكلت بسرعه وقامت وقفت وقالت يلا بقى سلاموز عليكو
عدى :- يخربيت هبلك وعبطك
جاكلين :- أموت واعرف شاغل بالك بى ليه وراحت جنب ودنه وقالت ركز مع مى يا بتاع مى
عدى :- اول ما سمع اسم مى شرق وقعد يكح
جاكلين:- اخويه حبيبى سلامتك يا ضنايا وادته كوباية المايه وبعتت ليه بوسه فى الهوا ومشت
عدى :- لنفسه اه يا جاكى الكلب عرفتى تسكتينى بس عرفت ازاى دى
مليكه :- كل يا حبيبى مش بتاكل ليه
عدى :- ها م.م.ما انا باكل اهو
وشويه ووقف وقال الحمدالله شبعت هسبقك انا على الشركه
فهد :- ماشى
عدى :- خرج ركب عربيته وراح على فيلا اسر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

Advertisement

فى اوضت سمر

صحيت من نومها وهى مبسوطه جدآ قامت من على سريرها دخلت الحمام اخدت شاور واتوضت وخرجت فتحت دولابها وحاولت تلاقى حاجه محترمه متزعلش فريد منها واخيرآ لاقت فستان طويل وبكم طويل وواسع طلعته ولبسته وأدت فرضها وراحت على اوضت مليكه ومى
سمر :- لوكه يا ملوكه اصحى يلا
مليكه :- فتحت عينيها وقالت صباح الخير
سمر :- صباح النور وراحت عند مى وقالت ميوش اصحى يلا
مى :- ……………
سمر :- بت يا مى اصحى يلا
مى :- ……………..
سمر :- اصحى يلا عدى تحت مستنيكى
مى :- قامت قعدت بسرعه وقالت بجد
سمر :- ههههههههه لاء بضحك عليكى علشان تصحى
مى :- تصدقى انك واحده معندكيش دم
سمر:- بقالى ساعه بصحى فيكى وانتى مع الاموات
مى :- انتى طبيعيه امبارح كنتى بتعيطى والنهارده بتهزرى ده اسمه ايه ده
سمر :- سمي زى ما تسمى المهم انك تصحى علشان متتأخريش ويجى عدى بجد واخوكى تحت ويظهر ويبان المستخبى يا جميل
مى :- لاء مش لدرجاتى
مليكه:- على فكره عدى مجنون وممكن يعمل اى حاجه
مى :- نهار اسوح ده لو عمل كده ده انا هروح فيها
سمر :- طيب قومى وانجزى
مى :- حاضر فست ثانيه واكون خلصت
سمر :- سابتهم ونزلت ودخلت مى اخدت شاور واتوضت وخرجت لبست هدومها وأدت فرضها ونزلت
مى :- لالالا انا مش هقعد اكل انا اتأخرت
يوسف :- اتأخرتى على ايه
مى :- ها ع.ع.على الجامعه
يوسف :- طيب ما اختك معاكى وقعده بتفطر اهو مش مستعجله زيك
مليكه :- ها لالالا ا.ا انا كمان مستعجله وكنت مستنياها تنزل ووقفت وقالت ي.ي.يلا يا مى هنتأخر
مى :- ها ي.ي.يلا ومشو الاتنين وهما متوترين
يوسف :- بص لسمر وقال مال البنات دى متوتره كده ليه
سمر :- ها م.م.مفيش بس علشان مستعجلين بس
يوسف :- بعدم اقتناع جايز
سمر :- سيبك انت المهم ماما وبابا راجعين امته
يوسف:- النهارده بليل
سمر :- بفرحه بجد
يوسف :- ايوه هخلص شغل وهاجى اريح شويه وبعدين اروح اجبهم بليل
سمر :- وانا هحاول اجى بدرى النهارده علشان انضف الفيلا واجهز ليهم الاوضه بتاعتهم
يوسف :- تمام هروح انا الشركه
سمر :- ل.ل.لاء خليك شويه
يوسف :- ليه عايزه حاجه
سمر :- ها لاء ا.ا.قصد اه
يوسف :- اه ولا لاء
سمر :- ا.ا اه ك.ك.كنت اه كنت عايزه اشوف هتحضر مقابلة تيلا بماما وبابا ازاى
يوسف :- هاخدها المطار النهارده معايه تستقبلهم واعرفهم عليها
سمر :- والله طيب كويس
يوسف :- وقف وقال همشى انا
سمر :- ا.ا.انت مالك مستعجل كده
يوسف :- فيكم ايه النهارده
سمر :- و.و.ولا حاجه خ.خ.خلاص امشى
يوسف :- بصلها بأستغراب ومشى
سمر :- بخوف ربنا يستر وميشوفش عدى ومى

عند مى ومليكه

خرجو وكان عدى مستنيها
مى ومليكه :- السلام عليكم
عدى:- وعليكم السلام ازيك يا مليكه عامله ايه دلوقتى يارب تكونى احسن
مليكه :- الحمدالله يا عدى كويسه انت اخبارك ايه
عدى :- كويس الحمدالله وبص لمى وقال ايه التأخير ده كله
مى :- معلش بس اتأخرت شويه النهارده وانا بحضر نفسى
عدى :- ماشى اركبو
مليكه :- ها ل.ل.لاء انا مش هينفع مستنيه واحده صحبتى روح انت ومى
عدى :- شوفى صحبتك فين واوصلكم
مليكه :- ها لاء شكرآ اتفضل انت اصل صحبتى هترفض تركب مع شاب غريب
عدى :- ماشى وركب العربيه
وركبت مى جنبه بس فى الوقت ده خرج يوسف وشاف عدى راح عندهم وقال
يوسف :- عدى بتعمل ايه هنا وليه مدخلتش
مى :- خافت واتوترت
عدى :- ازيك يا يوسف عامل ايه
يوسف :- كويس
عدى :- اصل كنت معدى من هنا وشوفت البنات وقولت اوصلهم معايا فى طريقى
يوسف :- وليه مى بس اللى ركبه فين مليكه
مليكه :- جت تجرى وقالت خ.خ.خلصت التليفون وركبت وقالت معلش يا عدى اخرتك
عدى :- لاء عادى ولا يهمك يا مليكه
يوسف :- طيب انزلو اوصلكم وانت يا عدى متعطلش نفسك عن شغلك
عدى :- لالالا سبهم هما مش زى جاكلين يعنى وبعدين مفيش عطله ولا حاجه الجامعه فى طريقى يا يوسف
يوسف :- ماشى يا عدى شكرآ
عدى :- العفو على ايه بس دول بنات خالتى
يوسف :- لبس النطاره الشمسيه بتاعته وقال ماشى سلام وراح ركب عربيته ومشى
مى :- لالالا قلبى كان هيقف عليا اقسم بالله
عدى :- يابنتى انتى عبيطه احنا ولاد خاله مفهاش حاجه يعنى
مى :- خوفت ليوسف يشك فى حاجه
مليكه :- فتحت الباب ولسه هتنزل
عدى :- خليكى يا مليكه بقى اوصلك معاها واتصلى بصحبتك واعتذرى ليها احسن نقابل يوسف فى سكتنا
مليكه :- قفلت الباب ورجعت تانى وقالت ماشى
عدى :- شغل العربيه وغمز لمى ومشى بيهم على الكليه نزلت مليكه وسابت مى مع عدى فى العربيه
مى :- هنزل انا بقى علشان متأخرش
عدى :- مسك ايديها وبسها وقال واحشتينى
مى :- اتوترت وسحبت ايديها وقالت و.و وانت كمان
عدى :- لو معندكيش محاضرات كتير النهارده اعدى عليكى بدرى ونتغدا مع بعض
مى :- ب ب.بس انا خايفه حد يشوفنا
عدى :- مى بلاش خوفك ده انتى بنت خالتى وقريب اوى هتكونى خطيبتى يعنى محدش ليه عندنا حاجه
مى :- حاضر
عدى :- ها اعدى عليكى بدرى
مى :- هزت راسها بالموافقه
عدى :- ماشى يا قلبى يلا انزلى علشان متتأخريش
مى :- باى ونزلت من العربيه وقعدت تبص عليه لحد ما مشى بالعربيه ودخلت الكليه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند اسر ومها

اسر :- ياااااا مش مصدق نفسى أن خلاص النهارده هكون فى بلدى وفى بيتى بين اهلى وناسى
مها :- وانا فرحانه اوى أن هشوف الأولاد واحشنى اوى اوى
اسر :- وهنبقى فى اوضت نومنا براحتنا وغمز ليها
مها :- ههههههههههه انت فيك نفس
اسر :- قصدك ايه ده انا لسه شباب وبعدين قلبى لسه حديد وصحه الحمدالله عال العال ورفع أيده بس اتوجع وقال ااااااه
مها :- اتخضت عليه وقال اسر انت كويس
اسر :- متخفيش انا تمام
مها :- بالله عليك يا اسر بلاش تتعب نفسك متنساش انك لسه قدامك وقت للعلاج
اسر :- حاضر يا عمرى
مها :- والله العظيم يا اسر لما بتتألم بحس انا بالألم مضاعف علشان خاطرى براحه على نفسك
اسر :- شدها ليه واخدها فى حضنه وقال خوفك عليا وحبك ليا هما قوتى طول ما انتى جنبى بفرح ولما بتبعدى عنى ثوانى هو ده الالم الحقيقى بالنسبه ليا
مها :- بسته فى خده وقالت بحبك وهفضل لاخر نفس فيا احبك
اسر :- ضمها اكتر ليه واخد نفس وطلعه وقال نفسى اعيش عمر على عمرى علشان افضل احب فيكى يا مها الحب اللى ما بنا محتاج يدرس للأجيال الجايه علشان يعرفوا ايه معنى الحب الحقيقى الحب اللى لا فيه خيانه ولا فيه الم حب عاش سنين طاهر ما بنا وقدرنا بيه نتخطى مشاكلنا القليله عشتى زوجه صالحه ومخلصه ليا وعشت زوج صالح ومخلص ليكى حبنا هو ده الوفاء الحقيقى ربنا يخلينا لبعض وميحرمناش من بعض ابدآ
مها :- يارب وبعدين قالت جاهز علشان نمشى
اسر :- ايوه يلا واتنقل اسر بالاسعاف لطياره الطبيه الخاصه فى المطار وركبت مها وبدأت رحلة رجوع اسر ومها لمصر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الجامعه عند هنا

Advertisement

دخلت هنا المحاضره بتاعتها وقعدت جنب زميلتها مريم
هنا :- السلام عليكم
مريم :- وعليكم السلام
هنا :- هو فى ايه النهارده والدكتور اتأخر ليه فى الدخول
مريم :- هو انتى متعرفيش
هنا :- لاء اعرف ايه
مريم :- مش المعيد الغلس ده مشى وجه معيد جديد هيدينا النهارده
هنا :- اممممم ههههه علشان كده الكل فرحان
مريم :- ايوه مش مصدقين نفسنا اننا خلصنا منه
وفى الوقت ده دخل المعيد الجديد
المعيد الجديد :- السلام عليكم
الكل :- وعليكم السلام ورحمة الله وبركاته
هنا :- بصدمه محمد
مريم :- انتى تعرفيه
هنا :- ها ل.ل.لاء د.د.ده شبه واحد قربنا
مريم :- بس يخربيته مز اخر حاجه انا هكرش عليه وش ده شكله مش تقفيل هنا ده تقفيل بره العيون الزرقه والشعر الاصفر والبياض والخدود التفاحه انا شكلى كده قلبى هيطب لالالا ده طب واللى كان كان
هنا :- ششششش اسكتى شويه
محمد :- انا اسمى محمد صفوت تمانيه وعشرين سنه متخرج من باريس علشان كده اتعينت هنا بدون مشاكل هنقضى وقت ممتع مع بعض زى الاخوات وان شاءالله نقضى سنه دراسيه مع بعض سعيده انا مش شديد اوى بس بكون حازم جدآ مع اللى يقصر فى الماده بتاعتى وممنوع اى حد يتكلم خلال المحاضره علشان هيكون ردى عليه حاسم اى حد عايز يسأل سؤال يتفضل
مريم :- رفعت ايديها
هنا :- شدتها وقالت اقعدى يخربيت سنينك
مريم :- استنى بس اطمن على مستقبلى
محمد :- اتفضلى يا انسه
مريم :- وقفت
محمد :- اخد باله من هنا وهى جنبها وبعدين بص لمريم وقال احم عرفينى على نفسك الاول قبل ما تسألى
مريم :- انا مريم واحد وعشرين سنه ومش مرتبطه خالص قعده بنش والمصحف
محمد :- اتفضلى اسألى يا مريم
مريم :- حضرتك مرتبط
الكل ضحك على سؤال مريم
محمد :- بأحراج احم لاء
مريم :- شكرآ وقعدت وهى فرحانه وقالت مبروك عليا يا انا اخيرآ لاقيت فارس احلامى هييييييح
هنا :- اتكتمى شويه بقى
محمد :- نبدأ بقى المحاضره وبدأ يشرح
مريم :- انا محتاجه مايه بسكر احسن هيغمى عليا الواد حليوه اوى ومجننى
هنا :- مريم لو مسكتيش هقوم من جنبك
محمد :- بغيظ انتى يا انسه ياللى بتتكلمى هناك وشاور على هنا
هنا :- اتوترت ووقفت وقالت ا.ا انا
محمد :- امال انا انا مش قايل ممنوع الكلام وانا بدى المحاضره
هنا :- ا.ا.انا اسفه
محمد :- وانا مش قابل اسفك اتفضلى اخرجى بره
هنا :- اتحرجت من طريقة كلامه معاها قصاد الكل ودموعها نزلت منها وخرجت من المحاضره تجرى
محمد :- بص عليها لحد ما خرجت وبعدين قال اى حد اسمع نفسه خلال الشرح هيخرج بره زيها بالظبط مفهوم وبدأ يشرح تانى وبعد وقت خلص المحاضره وخرج بره راح على الكافتيريا وكانت هنا قعده وبتعيط
محمد :- مسك منديل ومد أيده ليها
هنا :- اتفاجئت بأيد حد مسكه منديل ليها رفعت راسها لاقته محمد
محمد :- اتفضلى يا هنا هنا صح
هنا :- قامت وقفت ومردتش عليه ولسه هتمشى
محمد :- مسكها من درعها وقال لما بكون بكلمك تردى عليا مش تمشى وتسبينى
هنا :- لو سمحت سيب دراعى
محمد :- ساب درعها وقال اهو بس بلاش تتجهلينى فى الكلام علشان مش بحب كده
هنا :- انت عايز ايه دلوقتى لو عايز تنتقم منى فى اللى حصل ليك امبارح عندنا فأنا مليش دعوه بأى حاجه بتحصل
محمد :- انا متعودتش ادخل حياتى الشخصيه فى شغلى
هنا :- ياريت بقى مدام انت كده وانا طالبه عندك وانت المعيد بتاعى ياريت بقى كلمنا يبقى أثناء المحاضره وبس عن اذنك وسابته ومشيت
محمد :- بصلها بغيظ وحدف المنديل فى الارض ومشى على مكتبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الجامعه عند فريد وسمر

سمر :- لفت وقالت ها ايه رأيك كده
فريد :- احم اقفى طيب بلاش كده
سمر :- وقفت وقالت حاضر ها ايه رأيك
فريد :- محترم بس لو كان بالحجاب كان هيبقى احلى
سمر :- واحده واحده عليا وانا هعمل كل اللى انت عايزه بس مش عايزاك تزعل منى
فريد :- مش اللى انا عايزه انتى تعملى اللى ربنا امرك بيه علشان ترضى ربنا مش ترضى العبد
سمر :- حاضر يا فريد
فريد :- متعرفيش خالتو راجعه امته هى وعمو اسر
سمر :- النهارده بليل
فريد :- بجد
سمر :- ايوه والله زمنهم فى الطياره
فريد :- يجى يريح شويه واجى اطلبك
سمر :- بجد مش مصدقه نفسى فرحانه اوى يا ديدو وامبارح معرفتش انام طول الليل من الفرحه علشان كلامك ليا ده خلانى طايره فى السما
فريد :- ههههههههههه ماشى يا ستى ربنا يفرح قلبك علطول
سمر :- انت فرحة قلبى وسنينى
فريد :- سمر لمى الدور بقى انتى عارفه اللى فيها
سمر :- والله حرام يعنى انت بتقولى الكلمه الحلوه بطلوع الروح وكمان عايز تكتمنى انا كمان سبنى براحتى يا فريد
فريد :- يا بنتى انتى بتجرى وراه الحاجه الحرام اصبرى على رزقك بس تبقى مراتى على سنة الله ورسوله صدقينى الحب بالحلال احلى واجمل
سمر :- حاضر يا فريد حاضر شكلك لا هيبقى فى حب قبل الجواز ولا حب بعد الجواز وربنا بقيت بحب على نفسى ربنا على المفترى
فريد :- هههههههههه طيب يلا علشان المحاضره هتبدأ
سمر :- يلا يا فريد يلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر

كان يوسف قاعد فى مكتبه ودخلت جاكلين
يوسف :- اول ما شاف الباب بيتفتح فرح افتكرها تيلا وضحك بس اول ما شاف جاكلين قال هو انتى
جاكلين :- هههههههه انا هو انت كنت مستنى حد تانى ولا ايه
يوسف :- ملكيش دعوه خليكى فى حالك
جاكلين :- ما هو انت حالى يا يويو مش انت اخويه حبيبى وبعدين احب انا جو التشويق والاثاره ده بتاع الروايات تبقى قاعد ومستنى حبيبت القلب على نار قوم ايه بقى يجى ليك تليفون أن هى اتختفت ويطلبو منك فديه ويا يخدو أعضائها وانت بقى تجرى وتدور عليها لحد ما توصل ليها فى اللحظه الاخيره وتنقذها، وبعدين نفخت وقالت واو عليكى يا بت يا جاكى فى جو الاثاره ملكيش حل
يوسف :- يخربيت سنينك اشوفك ولاعه فى وسط البحر يا بعيده ايه التفكير اللى يودى وراه الشمس ده، ده انتى دماغك راحت فى داهيه من الروايات ومسك تليفونه يتصل بتيلا
جاكلين :- هههههههه انت خفت عليها
يوسف :- بعد اللى سماعته لازم اخاف عليها
وفى الوقت ده دخلت تيلا وتليفونها بيرن برقم يوسف وقالت
تيلا :- انا اهو والله وبصت لجاكلين وقالت جاكى عامله ايه كويس انك نزلتى الشركه تانى
جاكلين :- الحمدالله يا توته وانا مبسوطه اوى ان هشتغل معاكم
يوسف :- يعنى ربنا وعدنى بأتنين بنات وانا الشاب الوحيد اللى وسطكم
معاذ :- وانا معاك يا استاذ يوسف ونبقى كده اتنين واتنين
يوسف :- ايوه كده تعال جنب اخوك انصفنى اللهى ينصفك
تيلا :- حطت ايديها على كتف جاكلين وقالت بس اعملو حسابكم محدش هيقدر علينا احنا بنات بمليون راجل
يوسف :- واحنا الرجاله قومون على النساء
جاكلين :- خلاص تحدى ونشوف مين هيشتغل احسن من التانى انا اه مش بفهم حاجه فى الهندسه بس واثقه فى توته
معاذ:- واحنا قابلين للتحدى وانا واثق فى نفسى وفى استاذ يوسف
تيلا :- تمام هنشوف مين هيخلص شغله النهارده قبل التانى
يوسف:- موافق
جاكلين :- بس الفريق اللى هيخلص قبل التانى هيبقى فايز واللى هيخسر يعزم الفريق على حسابه
معاذ :- قشطه نبدأ
جاكلين :- ايوه بقى بحب جو الاثاره ده وراحت هى وتيلا وبدأو يشتغلو
ويوسف ومعاذ:- بدأو يشتغلو اسرع
تيلا :- جاكى ابوس ايدك ركزى معايه بطريقتك دى هما اللى هيكسبو
جاكلين :- لالالا يكسبو ايه
تيلا :- خلاص ركزى
جاكلين :- حاضر حاضر
عند يوسف ومعاذ
يوسف :- على فكره شكلهم هيكسبونا
معاذ :- للاسف هما اسرع منا
يوسف :- والعمل
معاذ :- عندى فكره هتخسرهم الشغل اللى عملوه
يوسف :- ازاى
معاذ :- هقولك وقال ليه الطريقه
يوسف :- يا ابن اللعيبه حلوه ابدأ
معاذ :- مسك تليفون المكتب وطلب اتنين عصير وبعد وقت جه واخده ليهم
جاكلين :- ايه ده يا معاذ
معاذ :- طلبنا قهوه لينا وجبنا ليكم عصير
تيلا:- ميرسى يا معاذ بجد كلك ذوق
جاكلين :- بحب انا الروح الرياضيه دى ما بين المنافسين
معاذ :- هسبكم انا بقى علشان معطلكمش
تيلا :- احنا كده كده قربنا نخلص
معاذ :- ربنا معاكم ومشى شويه وغمز ليوسف اول ما شاف جاكلين مسكت العصير
جاكلين :- اتخيلت بحاجه فى العصير بتبص لاقته صرصار صرخت وحدفت العصير على شغل تيلا
تيلا :- بصدمه نهارك اسود ايه اللى انتى عملتيه ده ضيعتى مجهودى كله
جاكلين :- ص.ص صرصار فى العصير
تيلا :- فين ده
جاكلين :- ا.ا اهو وشاورت عليه
تيلا :- مسكته وقالت ده جلد يبقى هما اللى عاملين كده فينا
يوسف :- بص لمعاذ واتفتحو فى الضحك وقال يلا يا ابنى قربنا نخلص ونكسب الرهان
تيلا :- بغيظ على فكره كده غش
يوسف :- كل واحد وشطارته
تيلا :- كده ماشى براحتك
معاذ:- يلا روحو حاولو تشتغلو من اول وجديد
جاكلين :- اللهى اشوف فيكم يوم
تيلا :- تعالى يا جاكى نشتغل
جاكلين :- ماشى
يوسف :- بصوت واطى لمعاذ قال مش مطمن ليهم حاسس أنهم ناوين يعملو حاجه
معاذ :- لا متخفش
يوسف :- ربنا يستر
عند تيلا وجاكلين
تيلا :- وربنا ما هسيب حقى
جاكلين :- هتعملى ايه
تيلا :- هقولك تعالى بس معايه راحو عند الباب
يوسف :- رايحين فين
تيلا :- الحمام وخرجت هى وجاكلين وقفلت عليهم الباب براحه بالمفتاح من بره وراحت عند الكهربا وفصلت عنهم الكهربا والتكيف
يوسف :- ايه ده فى ايه
معاذ :- شكل النور عمل قفله
يوسف :- طيب روح شوفه
معاذ :- حاضر وراح علشان يفتح الباب لاقه مقفول عليهم من بره
يوسف :- فى ايه
معاذ :- هههههه شكله مقلب معمول فين
يوسف :- قصدك البنات هما اللى عملو كده
تيلا :- وجاكلين من بره ضحكو وقالت اتمنى ليكم وقت سعيد ومسكت ايد جاكلين وقالت يلا احنا بقى نشتغل
يوسف :- بغيظ يا ولاد
معاذ :- هههههههه أن كيداهنا عظيم محدش قدر على بنات حوا لحد دلوقتى
يوسف :- على مين ومسك التليفون علشان يتصل على السكرتيره بس اداه جرس ومحدش رد
معاذ :- متحاولش اكيد شالو الحراره عند السكرتيره
يوسف :- لالالا مستحيل افضل كده انا هفطس من الحر
معاذ :- مش قدمنا حل غير أننا نستنا يفتحو لينا
يوسف :- لما نشوف اخرتها
وبعد وقت طويل النور نور والتكيف اشتغل و لاقو الباب بيتفتح ودخلو الاتنين وهما بيضحكو على منظرهم وهما فطسانين من الحر
تيلا :- وهى بتكتم ضحكتها مدت ايديها وقالت احنا خلصنا كسبنا التحدى
يوسف :- وقف بغيظ وقال انتو بتستعبطو
تيلا :- انتو اللى بدأتو واحنا ردينا عليكم
معاذ :- انتو ملكمش حل الصراحه
جاكلين :- احنا بنات حوا يا بابا اللى محدش عرف دماغهم لحد دلوقتى
تيلا :- هههههههه لينا عندكم عزومه بس مش النهارده علشان اتأخرت ومسكت شنتطها وشاورت ليهم بأستفزاز وقالت باى باى وخرجت
جاكلين :- لاقت نفسها لواحدها معاهم طلعت تجرى وقالت توته خدينى معاكى
معاذ:- ههههههههههههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم

فى اوضت فرحه
كانت بتحضر نفسها والباب خبط راحت فتحت وقالت
فرحه :- ماما تعالى
مى :- بنوتى كبرت وبقت عروسه والعرسان واقفين عليها طوابير
فرحه :- هههههههه عرسان ده هو واحد بس يا ماما
مى :- واحد أتقدم بس اكيد موقعه قلوب شباب كتير وانا بنوتى اى واحده ولا ايه انا بنوتى فرحه باسم يعنى اجمل واحده فيكى يا بلد
فرحه :- هههههههه ربنا يخليكى ليا يارب
مى :- ويسعدك يا بنت قلبى يارب ها فاضل كتير
فرحه :- لسه شويه متوتره اوى ومش عارفه احط اى ميكب فى وشى
مى :- حبيبتى انتى زى القمر ومش محتاجه ميكب ومن رأى خليكى كده احلى واحسن حطى حاجات خفيفه اوى وخلى جمالك الطبيعى يسحره
فرحه :- ماشى بس مش تيلا اتأخرت
مى :- زمنها جايه
فرحه :- بصت فى الساعه وقالت ده خلاص وحيد على وصول
مى :- أهدى كده ومتخافيش كل حاجه هتبقى تمام وابوكى مستنيه تحت
فرحه :- م.م.ماشى
مى :- هنزل انا احضر العصير وبستها فى خدها وقالت ربنا يسعدك يا حبيبتى وسابتها وخرجت من الاوضه
فرحه :- قعدت تجهز نفسها لحد ما العريس يجى

عند باسم

Advertisement

كان قاعد وشاغل تفكيره الكلام اللى قالته فرحه عن العريس وكان عنده شعور بحاجه فى قلبه بس مكنش عارف ايه هو وفى الوقت ده رن جرس الباب وقام باسم فتح الباب ورحب بالعريس
ودخله اوضت الضيوف
باسم :- اهلا بيك يا ابنى
وحيد :- اهلا بحضرتك
باسم :- احم كانت فرحه قالت انك عايزنى فى موضوع
وحيد :- ايوه حضرتك انا كنت حابب اتشرف بنسب حضرتك واطلب ايد الانسه فرحه
باسم :- تمام بس ممكن تكلمنى عن نفسك شويه وعن أهلك وكان منتظر يسمع اسمه الثلاثى بفارغ الصبر
وحيد :- انا اسمى وحيد مجدى الجلاد عمرى اربعه وعشرين سنه امى وابويه متوفين وعايش مع ستى فى الصعيد هى اللى ربتنى انا واخواتى بس عايش هنا لظروف دراستى وكده وعندى اتنين اخوات شباب واحد اكبر منى والتانى أصغر منى وعندى اخت واحده الظروف الماديه مش اوى بس عندى ارض بأسمى فى البلد بصرف منها على تعليمى
شاب مصلى واخلاقى عاليه بشهادة الشهود وحضرتك اكيد هتسأل وتعرف ده
باسم :- ثوانى بس انت عندك اربعه وعشرين سنه ازاى مع فرحه فى نفس السنه وازاى متخرجتش
وحيد :- حصلت ليا ظروف منعتنى من التعليم فتره وبعد كده دخلت كملت تعليمى من تانى
باسم :- ممكن اعرف السبب
وحيد :- جدتى تعبت فتره وكنا محتاجين كل قرش انا واخواتى وفرنا مصاريف الدراسه وكنا بنعالجها بيها ولما ربنا شفها رجعنا كملنا تعلمنا من تانى
باسم :- طيب كانت فرحه حكت لينا ظروف موت امك وابوك ممكن اعرف السبب
وحيد :- اتغيرت ملامح وشه وقال أعتقد حضرتك مش من حقك تسألنى فى موضوع زى كده انا حكيت لفرحه على أساس أنها تتطمن لكن متوقعتش تحكى ليكم حاجه زى كده بس عمومآ انا عندكم وممكن تسألو عليا فى اى وقت إنما موضوع امى وابويا مش من حق اى حد يدخل فيه
باسم :- اعذرنى بس ده مستقبل بنتى لازم اكون مطمن عليها
وحيد :- حضرتك انا عندى اخت واكيد هراعى ربنا فى بنتكم علشان خاطر اختى ربنا يكرمها بواحد يراعى ربنا فيها وحضرتك هتعرف قد ايه انا شاب ملتزم وبعرف ربنا وانا منتظر رد حضرتك فى اى وقت
وفى الوقت ده دخلت فرحه بالعصير
باسم :- تعالى يا فرحه
فرحه :- كانت مكسوفه وبتبص فى الارض حطت العصير على الطربيزه
باسم :- تعالى يا حبيبتى اقعدى جنبى
فرحه :- قعدت جنب باسم تحت نظرات وحيد
باسم :- احم انا هسبكم مع بعض شويه وخرج و سابهم
وحيد :- قعد جنبها ومسك دراعها بغيظ وقال انتى ازاى تقولى لابوكى موضوع امى وابويه
فرحه :- ااااااه يا وحيد دراعى ا.ا انا قولت ليه علشان يعرف منى ميعرفش من بره ويتفاجئ
وحيد :- كنتى سألتينى قبل ما تتصرفى من دماغك
فرحه :- ا.ا.اسفه مقصدش حاجه والله
وحيد :- غبيه
فرحه :- دموعها نزلت منها
وحيد :- قومى نادى على ابوكى علشان امشى
فرحه :- طيب بلاش تزعل منى انا غلطانه
وحيد :- بعد كده اياكى تتصرفى من دماغك فاهمه
فرحه :- ح.ح.حاضر
وحيد :- وامسحى دموعك دى علشان لما ابوكى يدخل
فرحه :- مسحت دموعها وقالت طيب بابا قالك ايه
وحيد :- مش عارف اتوقع رده ايه بس انتى بغباءك هضيعى كل حاجه
فرحه :- بابا طيب ومش بيبص للفلوس وكده واكيد هياخد رأى وانا هقولو أن موافقه عليك
وحيد :- وانتى كان ممكن ترفضى
فرحه :- لاء طبعآ انت عارف انا بحبك قد ايه وبتمنا اكون معاك النهارده قبل بكره
وحيد :- بنظرة غل وحقد قال ده انا هخلى ايامك كلها سعاده وفرح وهنا وهخلى الضحكه متفرقش وشك
فرحه :- بفرحه عارفه يا قلبى ربنا يخليك ليا
وحيد :- بتوعد ويخليكى ليا
وفى الوقت ده دخل باسم
باسم :- احم قعدو اتكلمتو مع بعض شويه
وحيد :- وقف وقفل زرار البدله وقال تمام حضرتك انا همشى دلوقتى وهنتظر ردك عليا واتمنى انك توافق وده رقمى وعنوان بيتى هنا وفى البلد
باسم :- مد أيده وقال إن شاءالله خيى شرفت وانست
ومشى وحيد وباسم بص لفرحه وقال اقعدى يا فرحه
فرحه :- قعدت وقالت نعم يا بابا
باسم :- انتى ايه رأيك فيه
فرحه :- اللى تشوفه حضرتك
باسم :- مش اللى انا اشوفه انتى اللى هتعيشى معاه مش انا
فرحه :- احم انا شيفاه كويس جدآ يا بابا ومحترم اوى
باسم :- وانتى حاسه بشعور ليه
فرحه :- اتكسفت وبصت فى الارض
باسم :- رفع وشها وقال من غير كسوف يا حبيبتى مش عيب اننا نحب ونتحب بس لازم اللى تحبيه يكون قد الثقه اللى انتى ادتهالو ويحافظ عليكى ويبادلك نفس الشعور يا حبيبتى الله محبه ورسولنا الكريم أمرنا بالحب الحلال ونتيجة اختيارك انتى اللى هتعشيها بحلوها ومرها محدش هيعشها معاكى خدى وقتك فى التفكير وردى عليا وانا برضه هخلى يوسف يسأل عليه
فرحه :- هزت راسها بالموافقه وقالت حاضر يا بابا
وفى الوقت ده دخلت تيلا وقالت
تيلا :- اسفه بجد يا فرحه اتأخرت غصب عنى والله
فرحه :- لاء يا حبيبتى ولا يهمك
تيلا :- عملتو ايه
باسم :- قعد معاه واخدت منه شوية معلومات وهخلى يوسف يسأل عليه
تيلا :- إن شاءالله خير وربنا يتمم ليكى يا حبيبتى على خير
فرحه :- ميرسى يا توته عن اذنكم
باسم :- روحى يا حبيبتى
دخلت فرحه اوضتها
تيلا :- قعدت قصاد باسم وقالت ايه رأيك فى العريس يا بابا
باسم :- مش عارف يا توته بس فى عنيه غموض مش واضح نظره غريبه مش فاهم معناها بس مش عايز اظلمه هخلى يوسف يسأل عليه ويعرف عنه كل حاجه واللى انا شايفه أن فرحه شكلها بتحبه ومتعلقه بيه مش عايز اوجعها ولا اجرح مشاعرها
تيلا :- يمكن شعورك ده بس من خوفك على فرحه مش اكتر شعور طبيعى لاى اب لما يحسان فى حد تانى هياخد بنته منه
باسم :- جايز اللى فيه الخير يقدمه ربنا
تيلا :- يارب عن اذنك هروح اخد شاور بسرعه علشان رايحه المطار استقبل خالتو مها وعمو اسر
باسم :- بفرحه هما راجعين النهارده
تيلا :- ايوه انا فرحانه اوى أن هشوفهم
باسم :- ربنا يفرح قلبك تملى يا روح بابا
تيلا :- وقفت وقالت ويخليك ليا يارب وسابته وطلعت على اوضتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #

لقاء الاحبه يوسف و تيلا الفصل الثامن عشر

 2,441 اجمالى المشاهدات,  3 اليوم

ما مدى فائدة هذا المنشور؟

انقر على نجمة لتقييمه!

Advertisement

متوسط ​​تقييم 4 / 5. عدد الأصوات: 4

لا أصوات حتى الآن! كن أول من يقيم هذا المنشور.

As you found this post useful…

Follow us on social media!

Advertisement
1 Comment

1 Comment

  1. ياريت تشكرونا على المجهود فى نقل وكتابه الروايه لحضراتكم

    Reel-Story Note

  2. Pingback: لقاء الاحبه يوسف و تيلا الفصل السادس عشر - Reel Story‎

Leave a Reply

لن يتم نشر عنوان بريدك الإلكتروني.

The maximum upload file size: 128 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

قصص الإثارة

أرهقتي رجولتي بقلم شيماء محمد

Published

on

Prev1 of 65
Use your ← → (arrow) keys to browse
3.6
(18)

وقت القراءة المقدر: 1 دقيقة (دقائق)

أرهقتي رجولتي

هو مثل أبيه ، يكره النساء بشده ولديه قلب كالحجر ولكن هل سيلين الحجر أم لا ، عنيد ولا يظهر لها حبه ويعاملها بقسوه حتى يتغلب على كبريائه ولا يعترف بحبه ..هو وصى عليها برغم وجود الأكبر منه ولكن هذه وصيه والدها ..هو مسيطر وذو شخصيه رجوليه …هذا هو بطلنا العنيد القاسى “محمد مهاب “

هى فتاه وجريئه جداً تكره الرجال والتعامل معهم ولا تخاف شيئ ولكن حين يتعلق الأمر بـى محمد مهاب ذلك المغرور الواصى عليها فإن الخوف والرعشه تكون سيدة الموقف .هى عنيده جداً جداً ومرحه بعض الأحيان وتشع أنوثه كوالدتهاا فريده ..هذه هى بطلتناا ” تيا شادى ”
روايه “سجينه بإرادتى ”
الجزء الثانى من أرهقنى عشق طفله 💛..ولكن لا علاقه بالاحداث وغير مرتبطه بها كثيراً
تابعوا …
جميع الحقوق محفوظة
Samiha Mohamed

 74,445 اجمالى المشاهدات,  125 اليوم

Advertisement

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.6 / 5. عدد الأصوات: 18

لا أصوات حتى الآن! كن أول من يقيم هذا المنشور.

Advertisement

As you found this post useful…

Follow us on social media!

No tags for this post.
Prev1 of 65
Use your ← → (arrow) keys to browse
Continue Reading

قصص الإثارة

رواية أحببتُ أبنة الخادمة بقلم ندى الصاوي

Published

on

Prev1 of 42
Use your ← → (arrow) keys to browse
3.5
(21)

وقت القراءة المقدر: 9 دقيقة (دقائق)

أحببتُ أبنة الخادمة

nada elsawy
المقدمه هل فرق الطبقات يؤثر على الحب ؟ هل الشاب المتعجرف سيعجب بابنة الخادمة ؟ هل هى ستحظى بفارس أحلامها الذى سيحقق لها امانيها ؟ هل هو سيتنزل عن كبريائه ويحب ابنة الخادمة؟ انتظرونى ف روايه أحببت ابنة الخادمة

الشخصيات الاساسيه

الأبطال

البطله ملاك : جمالها بسيطه خمريه البشره عودها ممشوق ومتوسطه الطول وتمتلك عيون زيتونيه ورموش كثيفه وشعرها اسود وطويل ولديه غمزه واحدها تظهر لما تضحك اووى عندها 19 سنه وخااايفه جدا تقرب من العشرين شخصيتها قويه جدا وبتحب الهزار ف كليه الهندسه عنده اخت أكبر منها اسمها مى وامها وعايشها ف حاره وبيت بسيط جدا جداا

البطل أحمد الحسينى جسمه رياضى وخمرى البشر ه وشعره ناعم وعيونه عسلى وعنده دقن متكبر مع الى ميعرفوش ومش بيحب يختلط بالفقراء لأنه اتربى على كدها من أكبر العائلات الى ف الشرق الاوسط ومهتم جدااا بشياكته عنده 25

ونيجى بقا لايه دى بقا صاحبت ملاك من زمان هى ملاك بيحب بعض جدا بس عكس بعض ف كل حاجه ايه ايه قصيره وعينه واسعه وعسلى حلوه جدا مندور ملاك فى كليه هندسه مع ملاك وتفس طبع ملاك بتحب الهزار والضحك وف نفس الوقت لسانها استغفر الله العظيم

اسر وسيم جدا وجسمه رياضي وعنده دقن خفيفه وشعره طويله تقريبا بيبهتم بشياكته.حدا كل البنات بتحبه وهو مبيحبش يزعل حد قلبه كبير بيحب الهزار والضحك صحب احمد جدااا وهو احمد وسيف مش بيفرقوا بعض هو مهندس وباباه يكون شريك ابو احمد ف الشراكه وبيشتغلو مع بعض.

احببت ابنه الخادمه

البارت الأول

ف بيت بسيطه وهو حتى أشبه بالبيت يتكون من اوضه وحمام ومطبخ تنام بطلتنا وجامبها اختها مى تدخل امها تصحيها

سعاد : بت ي ملاك اصحى اصحى بقاا

استوووب هنا شويه ( سعاد ست طيبه جدا اتبهدلت اووى ف حياتها وبتصرف على بناتها بعد وفاه ابوهم مع ان كان وجوده زى عدمه واضطرت تشتعل ف البيوت علشان تصرف على عيالها )

سعاد : ي ملاك الزفت اصحى بقااا يعنى انتى مش هتصحى ماااشى

وراحت سعاد ناحيه الشباك تفتحه ودى اكتر حاجه بتكرها ملاك انا اول ماتصحى تلاقى نور

وفتحت سعاد الشباك

ملاك بنوم : ايه ي سعاد حرام عليكى اقفلى الشباك

سعاد : لاء مش هقفله واصحى بقااا الساعه 10 قومى شوفى شغلانه تعمليها وكمان تجيبى طلبات البيت

ملاك قامت واقعدت على السرير وشعرها منكوش

ملاك بضيق : يوووووووه بقا كل حاجه عندك ملاك يعنى مفيش غير ملاك مافى بت تاانيه ولا هو علشان انا الصغيره

سعاد : ايوه عشان انتى الصغيره قومى بقااا علشان انا مش فضيلك ان راحها عند سميه هانم

ملاك قطعتها ونبى متقوليش هانم

سعاد : لاء هانم مش بمزاجك ي بنت سعاد وبطلى لماضها

ملاك : هى مش لماضها ي سعاد وانتى عارفه مش بحب احس انك ااقلل من حد كلنا سواسيا

سعاد الكلمه دى زعلتها سعاددففد بزعل مانتى عارفه انه مش بمزاجنا

انا راحها المطبخ اعمل الفطار صحي واختك وحصلينى

ملاك : المفروض يعنى بعد كل الكلام دها تصحى بس زمانها بتكول رز ولبن مع الملايكه 😂

سعاد مانتى عارفه اختك لو حد اتقتل جانبها مش هتصحى

سعاد أقامت وملاك بتصحى ف مى

ملاك : مى وبتهزفيها انتى ي بت ي مى اصحى

ملاك انا عارفه لو مت جانبك مش هتصحى طب اصحيكى ازاى ؟ ملاك بابتسامه شريره قالت ايوه هى دى

ورااحت عند المطبخ وفاتحت التلاجه

سعاد : عايزه ايه ي ملاك

ملاك : انا كنت حطها ازاه مياه امبارح باليل ف التلاجه متعرفيش راحت فين

سعاد : اها أيها كنت بشرب منها ونسيت ادخلها

ملاك خدت االازازه من سعاد وراحت الاوضه وكبت الازاه على مى

مى صحت مفزوعه من النوم مى بخضه : هاااااااا

مى( بنت رقيقه وهاديه جدااا عكس ملاك شبها ملاك ف الملامح مفيش فرق غير ان لون عينها عسلى عندها22 ف كليه تجاره )

ملاك واقفها بتضحك على منظر مى

ملاك 😂😂😂😂 😂😂😂

مى : انتى بتضحكى انا عارفه ان العمله دى محدش يعلمها غيرك

ملاك بضحك 😂😂 مانتى مكنتيش هتصحى غير بالطريقه دى

مى طب والله لوريكى ي جزمه

مى وملاك فضله يجروا ورابعض لحد ماروحوا

عند امهم ف المطبخ

مى بعصييه : والله لوريكى ي جزمه

ملاك : بطلعلها لسانها 😂😂😂 اخرك معااى فااضى

سعاد بزعيق : بس اسكتوا بقااا وفهمونى ف ايه

مى : بنت قليله الأدب كبت على مياه وانا نايمه

ملاك بضحك : مانتى مكنتيش هتصحى غير كدها

سعاد بضحك الصراحه ملاك عندها حق

مى طب مااشى ي ماما يعنى يرضيكى اصح مخضوضها من النوم كدها

سعاد بعصييه مزيفها : لاء ميرضينيش عيب كدها ي ملاك صالحى اختك الكبير وبلا علشان ناكول

ملاك صالحت مى وقعدوا يفطروه

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆ ف مكان تانى ف طائره خاصه

سيف : ياااه أخيرا نزلنا مصر دانا ماصدقت

سيف ( دها يكون ابن عم احمد دمه خفيف جدا وبيحب احمد اوى قده ف السن هو دكتور جراحه )

احمد بستهزاء : مش عارف الصراحة ايه الى مفرحاك اووى كدها

سيف : ي بنى واحد ونزل بلده بعد غياب سنين

احمد : حد يسب أمريكا ويجى مصر

سيف: وانت جيت ليه

احمد : مانت عارف انه مش بمزاجى

سيف : بس عايز تفهمنى احمد الحسينى حد بيجبره على حاجه انت نازل بمزاجك

احمد : انا اضطريت انازل علشان كلكم نازلين حتى اونكل هيثم نازل

سيف: قول كدها بقا المزه نازله

احمد : ايه مزه دى انت بقيت بيئه اوووى

سيف: ي عم خلى البساط احمدى

احمد : مش قولت بيئه اسكت بقا

ف مكان ف بنات العيله

ميرناا : اوبا هنزل مصر انا فرحانه

(ميرنا تبقا اخت أحمد بتحب احمد اووى وهو بيحبها جدا بتحب الهزار بنت ملامحها جميله ورقيقه مندور ملاك وف نفس الكليه )

سلمي : وانا كمان فرحانه اوووى الصراحه

سيرين : ممكن تسكتوا بقااا عايزه أنام ي عيال ي زنن

( سلمى وسيرين تؤام عندهما 20 اخوات سيف بس هم شخصياتهم مرحه جدا بقدر كبير من الجمال )

ميرنا: ماتسكتى اختك ي سلمى بدال ماقوم اسكتها انا بطريقتى

سيرين : هشش اخرك فاضى

سلمى : اوبا ي ميرنا بتقولك اخرك فااضى شكلك وحش اووى الصراحه

ميرنا : انتى بتولعينى صح

سلمى : الصراحه اه عايزه اشوف دم

ميرنا : من حيونى

ميرنا فضلت تضرب ف سيرين وسيرين تضرب فيها

تدخل عليهم نسمه

نسمه : هاااى هيصه

( نسمه هى حاجه كدها ملخبطها ف بعضها شويه طيبه جدا وشويه مغروره بس بتحب ولاد عمها اوووى لها اخ اسمه باسم هنعرفه كمان شويه وبتحب سيف جداا وهى دخلت طب علشانه مخصوص )

سلمى : طول عمرك بتموتى ف الهيصه

نسمه : طب لو محبتهش مين هيحبها

سيرين : الحقونى من البت دى

نسمه وسلمى قعدوايضحكوا عليهم

#########$$$$$$$

نرجع تانى لملاك

ملاك : سعاااد ي حجه سعااااد

سعاد وهى بتلبس علشان تروح الشغل

سعاد : نعم ي بت فى اي

ملاك: عايزه اروح عند ايه

سعاد : لاء

ملاك: بطيبه ونبى ي سوسو بقا

سعاد : خلاص روحى بس هاتى طلبات البيت وانتى جايه

ملاك : اشطا هاتى فلوس بقا

سعاد: الفلوس عندك على الترابيزه خوديها وانا همشى علشان اتأخرت

ملاك : حاضر مع السلام

سعاد ومشت وملاك رحت تلبس وفتحت الدولاب ولم تجد الكثير من الملابس ارتدى فستان اسود وجاكت جنيز قصير وطرحه كحلى ومى دخلت عليها

مى : راحه فين على الصبح كده

ملاك بغمزه راحه عند ايه

مى بتوتر :ومالك بتبصى كده لى

ملاك : لاء ولا حاجه انا همشى بقا

مى: سلميلى على ايه

ملاك بضحك: حاضر هسلم على ايه وأخوا ايه سلام

مى : سلام ي رخمه

#################

تعلن الطائره عن الهبوط لينزل منها اولاد عائله الحسينى بهبيبه شبابها وجمال بناتها.

كده اول بارت خلص هو مش طويله بس عما اشوف الاراء وانا اسفه على التاخير

اقتباس

ملاك مااشيها ف الشارع تكلم ايه

ملآك : بت ي ايه

ايه : عاايزه ايه

ملاك : وحشتنى حبعمرى

ايه : مانا لسه شايفك

ملاك : ي دين امى على الرومانسيه الى انتى فيها ماتردى عدل

ايه : ملاك انا مش فايفه لفراغ العاطفى بتاعك دها

ملاك فجاء اهااا ي رجلى

نازل شاب من العربيه وبيقول

@ ايه ي متخلفه انتى ماشيها تكلمى ف الشارع

ملاك : رفعت وشها وبتقول يعنى تخبطنى وكمان بتزعقلى ي بجحتك ي شيخ

احمد اول ماشاف عينه سارح فيهم جامد

وبعدين فاق وقاال انا بحج والله انا مش عارف مين الى بجح ماشيها ف الشارع وبتكلمى ف الفون وكمان بتزعقى

ملاك : انا اعمل الى انا عايزه ومتعليش صوتك عليا مش عارفه ي ربى البلاوى دى بتحدف منين

احمد : بلاوي انتى شكلك تربيه شوراع وانا غلطان انى ضيعت وقتى مع واحدها زيك وسابها وركب العربيه

ملاك : اها ي ابن ……… خبطتنى وماشيت اشوفك تانى وانا والمصحف لعلمك الأدب كل دها وكانت ايه على خط

ايه : فى ايه ي بت

ملاك قصت لها كل ماحدث

ايه بضحك يخرابيتك

ملاك بس واد قليل الأدب

ايه : الواد مز ولا لاء

ملاك : الصراحه لوز الوز

ايه : بدل مالوز الوز يبقا يعمل الى هو عايزه 😂

ملاك: بس مش لدرجه انه يخبطنى ف رجلى يعنى وكمان بيبجح

ايه : خلاص انسى انتى راحه فين دلوقتى

ملاك : راحها أودي لماما حاجات ف الشغل الجديد

ايه : اشطا هقفل انا سلاموز

ملاك : سلاموز

ملاك بعدها وقفت تاكسى ومشت وصلت قدام الفيلا أو القصر من فخامته دخلت انبهارت بجمال القصر كان نفسها تعيش فى لو يوم واحد تبقا صحبته مش خدامه وهى واقف منبهره لقت حد بيقولها@ انتى مين فتبص ورها لقت ملاك واحمد ف صوت واحد انتى تانى

 37,288 اجمالى المشاهدات,  16 اليوم

ما مدى فائدة هذا المنشور؟

Advertisement

انقر على نجمة لتقييمه!

متوسط ​​تقييم 3.5 / 5. عدد الأصوات: 21

لا أصوات حتى الآن! كن أول من يقيم هذا المنشور.

As you found this post useful…

Advertisement

Follow us on social media!

Prev1 of 42
Use your ← → (arrow) keys to browse
Continue Reading

قصص حب

رواية احببت بنت اختي كاملة بقلم مودة ويوسف

Published

on

Prev1 of 9
Use your ← → (arrow) keys to browse
3.4
(11)

وقت القراءة المقدر: 7 دقيقة (دقائق)

كاملة بقلم

 

الفصل الأول

مودة: بس انا خايفة انا ازاي اتجوزت يا ابيه
يوسف: زي الناس يا مودة مالك
مودة بعياط: بس انا ف تالته ثانوي عاوزه اذاكر عشان اجيب مجموع واخش طب أسنان حضرتك عارف ازاي اصحى الصبح يقولوا اتكتب كتابك وهتروحي بيت جوزك
يوسف: بصي يا مودة اهدي وهنعمل ديل انا هسيبك تكملي تعليمك وبلاش شغل بيت وانت تسيبيني اعيش حياتي
مودة: تعيش ازاي يا ابيه هو انت هتموت
يوسف: لا يا ذكية يعني متبقيش قفل وملكيش دعوة بحياتي وترتيبي ليها من الاخر
مودة بكسرة: يعني هتروح تجيب بنات البيت وهتخوني قصادي ليه كده يا ابيه

يوسف: هتخوني ويا ابيه ف جملة واحدة ااه منك مانا متجوز مراهقة يابنتي هو مش إحنا ولاد خالة عمري كلمت بنت؟
مودة ببراءة: تؤ حضرتك قمر ومحترم
يوسف: امال ايه بقى هتخوني دي انا مبحبش الخنقة وعارفك زنانة ومش هحبسك عن التعليم يا ستي كملي بس سيبيني ف حالي ومتبوظيش نظام حياتي يعني من الاخر هتقعدي هنا وهفضل زي مانا ابيه يوسف.
مودة: حاضر يا ابيه بس انا بحب اطبخ
يوسف: مانا عارف وعارف المهرجان القومي اللي بيبقى ف المطبخ بعدها،(ثم اكمل ببسمة) و بعدين انت وعدتيني بمجموع عالي
مودة: ان شاء الله يا ابيه يارب
يوسف: يلا بقى يا مودة اوضتك اهي ادخلي ريحي وانا هروح الشغل براحتك خالص وعادي ومتعرفيش حد انك اتجوزتيني صحابك عشان ميتريقوش
مودة بحزن: معنديش صحاب يا ابيه “ثم أكملت ببسمة” وبعدين حضرتك تشرف اي حد
حط ايده على خدها: تسلمي يا دودي
مودة بارتباك: شيل ايدك يا ابيه كده حرام وعيب
يوسف وهو خارج: ياريت تقتنعي اني بقيت جوزك
(يوسف السيوفي مهندس ديكور شديد ومجتهد جدا بس مع عيلته مرح طويل ورياضي ومنظم جدا عنده ٢٨ سنه وبيحب مساحته الشخصية ومودة نصر الله بنت خالته اصغر منه بعشر سنين وهو دايما بيشجعها جميلة جدا وقلبها ابيض اوي واهم حاجة عندها رضا امها مختمرة وبيضا وشعرها طويل وعيونها عسلي اتجوزوا ف يوم وليلة منغير اي ترتيبات بسبب ان والدتها اللي ربتهم سوا عشان هو والدته متوفية تعبت وقالت لو متجوزتوش ده هيتعبها اكتر و ده لأنها مش هتطمن عليهم غير سوا وبتقوله كده كده هجوزهالك متفرقش امتى معلش يا جماعة عقليات قديمة😂💕)
يوسف داخل الفيلا
يوسف: مودة يا مودة
مودة وهي بتعدل طرحة الاسدال: ايوه يا ابيه حمد لله على السلامة
يوسف: الله يسلمك انت كنتي قاعدة فين
مودة: قاعدة بذاكر جوا يا ابيه
يوسف: طب تحبي اجيب اكل ايه؟
مودة: تجيبلي ايه يا ابيه انا عاملة لحضرتك غدا
يوسف بذهول عشان كان دايما عايش لوحده ف القاهرة وخالته وبنتها عايشين ف إسماعيلية وعمر ما حد اهتم بيه: بس مافيش اكل ف التلاجة انت عملتي ايه؟
مودة: نزلت جيبت كذا حاجة يا ابيه من تحت
يوسف: بس انا مسبتلكيش فلوس
مودة: معايا يا ابيه فلوس محوشاها
يوسف: مودة انت مراتي وفلوسك دي ليكي انت وبس انا هنا بس اللي اصرف واي حاجة تعوزيها اطلبيها مني وتاني حاجة ياريت متقوليش ليا ابيه وحضرتك تاني عشان الامور اتغيرت
مودة بعد ما دموعها نزلت وانفعلت: ماهو انا معرفش حاجة وكله بيتحكم فيا ومفرحتش اتجوزت كده ف يوم وليلة انا كان ليا أحلام احققها ونجاح عاوزه اوصله ليه دايما رأيي ملغي عند الكل ومليش كيان وشخصية تاخدوا رأيها قبل ايه قرار
يوسف وهو بيحط ايده عليها: اهدي يا مودة انا
مودة وهي بتنزل ايده: ابيه يوسف من فضلك “وكملت وهي داخلة جوا” الأكل محطوط ع السفرة ألف هنا “وقفلت الباب”
يوسف: يا مودة “سمع شهقاتها” يابنتي افتحي الباب ماينفعش كده ياربي
مودة: سيبني يا ابيه من فضلك
يوسف بتنهيدة اتجه للسفرة
يوسف باستمتاع: نفسها ف الاكل حلو اوي والله وحد هيعملي اكل بدل اكل بره ده وايه ده دي نضفت المطبخ
بعد ساعتين
يوسف: مودة
مودة وهي بتفتح باب اوضتها: ايوه يا ابيه
يوسف: ابيه تاني؟
مودة: خير يا ابيه
يوسف: لا مافيش كنت بس عاوزك تيجي تقعدي معايا شوية
مودة: اسفة يا ابيه بذاكر فيزكس
يوسف: طب مش عاوزه مساعدة انت مش معاكي مدرسين يعني اكيد هتحتاجي مساعدة
مودة: لا شكرا انا مش ناقصة حاجة عشان حد يساعدني وبعدين ال physics سهلة
بعد ساعة
مودة: ابيه يوسف
يوسف: ايوه يا مودة
مودة: احم ممكن حضرتك تشرحلي قانون كيرشوف
يوسف: هو انت ناقصك حاجة مش عارفة تحليها
مودة: انا اسفة اني جيت وشكرا هجيبها من ع النت شكرا يا ابيه
يوسف: انت قفوش كده ايه يا ولا حاضر هشرحهالك بصي
مودة : اتفضل
يوسف: بس كده يا ستي
مودة وهي بتقوم: شكرا يا ابيه
يوسف وهو بيشد ايديها تقعد جانبه: اقعدي هنا بس رايحة فين مش عاوزه مساعدة تاني ده الامتحان بعد شهر
مودة بكهربا من لمسة ايده: يا ابيه من فضلك سيب ايدي
يوسف: طيب هسيبها لو قولتي يوسف كده
مودة: يا ابيه
يوسف بتسلية: طب مش سايب “وحط ايدها ف ايده على صدره” خليها بقى
مودة بتوتر: يا يا يا يوسف
يوسف بتسلية: ايوه جدعة
مودة وشها احمر وجريت دخلت جوا
..
(سبحان الله وبحمده عدد خلقه ورضا نفسه وزنة عرشه)💕
تاني يوم
يوسف: ايه ده انت صاحية ليه الساعة لسه سبعة
مودة بالاسدال: كنت بحضرلك الفطار يا ابيه
يوسف: يا ايه
مودة: حاضر والله بس لما اخد ع الوضع
يوسف وهو بياكل: تسلم ايدك والله مشوفتش اكل حلو كده
مودة بابتسامة خجل: ألف هنا
يوسف بتسلية: مش الأكل بس اللي حلو على فكرة
مودة: احم انا هدخل اذاكر
يوسف: طيب بقولك سيبك بقى من شغل البيت عشان خلاص امتحان بعد شهر
مودة: بعرف اوفق يا ابيه متقلقش عليا
..
بعد يومين
يوسف وهو بيدور عليها وف ايده هدية ليها: مودة انت فين “بيخبط ع الباب ملاقاش رد ففتح”
مودة كانت مسيبة شعرها ولأول مرة يشوفه وكانت مشغلة اغاني ولابسة هوت شورت وبتغني ومكانتش منتبهة لوجودة
يوسف من بيحضنها من وراها : ده ايه القمر ده؟
مودة اتنفضت ولفت: ا ا ابيه يوسف “بدأت ترجع لحد ما لزقت ف الحيطة وهو بيقرب”
يوسف: بس اهدي انا جوزك اهدي
مودة كانت بتترعش ومخضوضة من قربه: ا ا “دمعت”
يوسف اخدها ف حضنه وهمس: اهدي ده مش حرام انت مراتي
مودة بدأت تهدى ومسكت فيه جامد لما حست انه بيطمنها
يوسف بعدها عنه شوية ومسك وسطها وهمس: انت بتخافي مني؟
مودة:
يوسف: شوفتي مني حاجة وحشة؟
مودة هزت راسها بالنفي
يوسف بيقربها ويقرب: بحبك “باسها وبعد دقايق بعد عنها”
مودة خدها احمر وقالت بارتباك: الاكل هيتحرق “وجريت”
يوسف:تسلم ايدك انا هروح الجيم شوية
بعد ساعتين
تن تن
مودة:ايوه أيوه ” لقت قدامها بنت لابسه قصير ومشطبة وشها كده😂”
سيرين بدلع: هو الباشمهندس يوسف موجود؟ وبعدين يا شاطرة هو انت ازاي تخدمي ف بيت راجل اعزب الناس هتقول عليكي ايه
مودة: …
.

 12,239 اجمالى المشاهدات,  13 اليوم

Advertisement

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.4 / 5. عدد الأصوات: 11

لا أصوات حتى الآن! كن أول من يقيم هذا المنشور.

Advertisement

As you found this post useful…

Follow us on social media!

Prev1 of 9
Use your ← → (arrow) keys to browse
Continue Reading
زد معلوماتكساعتين ago

تقنية هانيويل للزراعة المستدامة تعزز أعمال بيور هارفست للمزارع الذكية في دولة الإمارات

زد معلوماتكساعتين ago

اسئله عامه للتعارف بين الشباب والفتيات

زد معلوماتك3 ساعات ago

كيف تساعد شخصا قريبا منك على التعامل مع المرض النفسي؟.. نصائح تعرف عليها

زد معلوماتك3 ساعات ago

أبرز شخصيات "تايم" تأثيرا حول العالم.. تعرف عليهم

زد معلوماتك3 ساعات ago

"الخجل" المرتبط بالقلق الاجتماعي.. متى يتطور لحالة مرضية؟

زد معلوماتك6 ساعات ago

فى 5 خطوات كيف تثقف نفسك بنفسك ؟

عماد الدين حسين
زد معلوماتك6 ساعات ago

تجارة الآثار.. الحيتان والبساريا – عماد الدين حسين

زد معلوماتك7 ساعات ago

من هو أكبر كاتب أنمي

زد معلوماتك8 ساعات ago

أسباب اختلاف شكل (السُرة) من شخص لأخر

زد معلوماتك9 ساعات ago

ريز أحمد.. أول مسلم يفوز بجائزة الأوسكار

زد معلوماتك10 ساعات ago

14 شخصية مسلمة مشهورة عند الغرب

زد معلوماتك11 ساعة ago

أصل الحياة والنماء .. قصة عيد الأم من الطقوس الفرعونية للاحتفال العالمي

زد معلوماتك12 ساعة ago

الطريق إلى أوديسا.. "عقبة حاسمة" تعرقل تقدم روسيا

زد معلوماتك13 ساعة ago

أوبزيرفر: هذه 10 شخصيات قوية ستترك بصمتها على شكل 2020

زد معلوماتك13 ساعة ago

اسئلة تاريخية متنوعة ومختلفة مع الإجابات

قصص الإثارةشهر واحد ago

رواية رغبه متوحشه (كامله)

قصص الإثارة4 أسابيع ago

رواية بنت بمدرسة عيال اغنياء بقلم ماري جو

قصص حدثت بالفعلأسبوع واحد ago

رواية هنا فى الاعماق – بقلم مايا بلال

قصص متنوعةأسبوع واحد ago

حكاية ليلى واحمد وجارتى ابتسام

قصص الإثارةأسبوع واحد ago

رواية بنت فى ورطه بقلم كوكى سامح

ادب نسائيشهر واحد ago

قصة غرام اولاد الالفي بقلم سماء احمد

ادب نسائيشهر واحد ago

رواية ظلام البدر +21 بقلم بتول

قصص متنوعة3 أسابيع ago

عايشة عند اخويا ومراتو بلقمتى ويارتني بلاقي اللقمه

ادب نسائيشهر واحد ago

تكملة رواية ظلام البدر +21 بقلم بتول

روايات مصريةشهر واحد ago

قصة حماتي كامله للكاتبه ايمي رجب

روايات مصريةشهر واحد ago

رواية كبرياء عاشقة بقلم هدير نور(كاملة)

قصص الإثارة3 أسابيع ago

حكايتي مع ابو زوجى السافل وما فعلت به

قصص الإثارة3 أسابيع ago

قصة حماتي وزوجتي الحامل +18 للكبار فقط

روايات مصريةشهر واحد ago

قصة انا وحمايا بقلم كوكي سامح

روايات مصريةأسبوعين ago

رواية براءتي الجزء الحادى عشر بقلم كوكي سامح #11

Facebook

Trending-ترندينغ