لقاء الاحبه يوسف و تيلا

💣الفصل الخامس عشر💣

انتهى اليوم سريعآ وجه الليل واتجمعت أسرة فهد عند باسم فى الفيلا

مليكه :- كده برضه يا مى ترجع تيلا ومتقوليش وانتى عارفه اننا كلنا كنا هنتجن عليها
مى :- متزعليش والله انا نفسى مش قادره اصدق اللى حصل ولا أن تيلا رجعت لحضنى تانى حاسه ان انا بحلم
مليكه :- والله لما باسم قلى فرحة اوى هى فين صح
مى :- زمنها جايه هى ويوسف
مليكه :- يوسف عرف برجوعها
مى :- كانت شغاله مع يوسف فى الشركه
مليكه :- يعنى هى اشتغلت مع يوسف قبل ما يعرفو بعض
مى :- ايوه يعنى كانت قريبه مننا واحنا منعرفش
فهد :- الحمدالله انها رجعت بالسلامه وابوها ده مستحيل يكون اب علشان يعمل فيها كده
مليكه :- سبحان مغير الاحوال مازن ده لما شوفته اول مره كان غير كده خالص كان شكله طيب وساعدنى معرفش ايه قلب حاله كده
مى :- اسألينى انا اللى شوفت معاه اسود ايام عمرى كنت كل يوم بيمر عليا وانا معاه كنت بتمنا الموت مليون مره
باسم :- انسى يا مى وامحى الفتره دى من حياتك نهائى
مى :- مش بسهوله دى يا باسم ده انا عمرى كله راح فى حزن وكسرت قلب ووجع بسببه لما بعد عنى بنتى واخدها من حضنى
مليكه :- معلش يا حبيبتى ده كان اختبار من ربنا بس صعب شويه واهو الحمدالله انك كنتى صبره على ابتلاءه
فهد :- خلاص يا جماعه انسو وافرحو برجوع تيلا لينا
مليكه :- انتو عارفين القعده دى نقصه ايه
مى :- ايه
مليكه :- مها واسر بجد واحشونى جدآ
مى :- وانا والله واحشونى اوى ربنا يرجعهم بالسلامه
باسم :- صح يا فهد متعرفش فارس رجع ولا لاء
فهد :- رجع النهارده وروح على الفيلا
باسم :- طب كويس إن رجع أصله اتأخر ده مفروض كان نزل من امبارح
فهد :- اصل حصل مشكله فى الشغل آخره كده
باسم :- امال فين عدى وجاكى وفريد
مليكه :- عدى اتصلت بى قال هيروح الفيلا ياخد شاور سريع وهيجى وجاكى لسه فى الجريده وشويه وهتيجى وفريد مش عارفه هيجى ولا لاء هو قافل على نفسه الباب ومش عايز يفتح لحد وفى الوقت ده نزل عمار
عمار :- لالالا خالتو مليكه عندنا هى وعمو فهد ده ايه حصل فيكى يا دنيا الشمس والقمر اتجمعو عندنا فى ليله واحده
مليكه :- ههههههههههه مشكلة المشاكل عامل ايه واحشنى
عمار :- وانتى اكتر يا مزتى والله بس نعمل ايه عمو فهد قافل بابه على القمر بتاعنا
فهد:- مش ملاحظ انك بتعاكس مراتى قدامى
عمار :- تصدق بأيه
فهد :- لا إله إلا الله
عمار :- أن خالتو مليكه دى حلمى أن الاقى زيها واتجوزها بس عارف ومتأكد أن صعب خالتو مليكه دى مفيش منها اتنين فى الدنيا دى بحالها يابختك والله
فهد:- ياابنى انت طالع بكاش كده لمين ابوك طول عمره كان ميت على نفسه ومش بيطلع ليه صوت
مليكه:- هههههههههه انا عارفه هو فى غيرها مى كانت شقيه كده بالظبط زى ابنها ونفس كلامه وحركاته انت عارف وهو بيتكلم كده كأنى رجعت سنين كتيره وراه ومى هى اللى بتتكلم
باسم :- وانا ايه خطف قلبى وشغل تفكيرى غير شقاوة مى وجنانها وخفت روحها
مليكه :- ايوه يا عم كنت واقع فى حب اختى واحنا ولا كنا حاسين بأى حاجه مش سهل انت
مى :- ههههههههه ولا انا وحياتك كنت حاسه بحاجه اتفاجئت بمشاعره متأخر اوى بس بجد ندمانه على كل لحظه ضاعت فى البعد عنه
باسم :- ربنا يخليكى يا ميوشتى
عمار :- يا اخوانا راعو مشاعر السناجل اللى زى حالتى
باسم :- سناجل ايه انت يلى لسه مطلعتش من البيضه مش لما تنتبه لدراستك الاول
عمار :- احم احم شكلى وحش صح كسفه وش دى
مليكه :- ههههههههه الصراحه بقى شكلك وحش اوى
عمار :- طاااااب يا جماعه نورتونا وانستونا عن اذنكم
مى :- رايح فين
عمار :- داخل البيضه تانى علشان اتفقس سلام وطلع اوضه
الكل :- ههههههههههههههه
فهد :- الولا ده بيفكرنى بتلاته جاكلين بنتى وكريم ابن فارس ومى بنت اسر ملهمش حل
مليكه :- هما الجيل ده كده يحب الضحك والهزار اكتر من الجد فى حياتهم ربنا يحميهم ويحرسهم وفى الوقت ده دخلت تيلا ويوسف من الباب
تيلا :- اول ما شافت خالتها مليكه طلعت تجرى عليها وقالت خالتو مليكه واحشتينى اوى اوى واترمت فى حضنها
مليكه :- ضمتها ليها وقالت توته حبيبت قلب خالتو عامله ايه يا حبيبتى واحشتينى اوى يا توته
تيلا :- الحمدالله يا خالتو فرحانه اوى أن رجعت ليكم من تانى
مليكه :- بعدتها عنها وبصت على جسمها وقالت بس ايه الجمال والحلاوه دى يا توته بسم الله ماشاءالله عسل يا حبيبتى
تيلا :- وانا اجى ايه جنب جمالك وحلاوتك ده انتى كل ما تكبرى كل ما بتزيدى حلاوه
مليكه :- هههههههه يا بكاشه لسه محتفظه بروحك الحلوه زى ما انتى
فهد :- طب وبالنسبه ليا انا مش واحشك
تيلا :- جريت عليه وقالت ازاى يا بص مش واحشنى ده انا هتجن عليك واترمت فى حضنه
فهد :- ضمها ليه وقال توتتى الصغننه كبرت وبقيتى عروسه زى القمر
تيلا :- ههههههههه ده انت اللى قمر وعسل كمان ايه يا عمو خالتو سيباك كده ازاى
فهد:- كده ايه
تيلا :- بالحلاوه والشياكه دى مش خايفه عليك احسن تيجى مزه وتخطفك منها
فهد :- لعب فى حرف مناخيرها بصوبعه وقال يابت بلاش لماضه انتى عارفه خالتك مجنونه وتقوم تقتلنا احنا الاتنين
تيلا :- ههههههههه والنبى عسل
الكل :- ههههههههههه
يوسف :- كان متغاظ من تيلا وهى بتهزر مع فهد وقال احم هو انا شفاف ولا ايه
مليكه :- حبيب قلبى ده انت منور المكان كله تعال فى حضنى
يوسف :- راح حضنها وسلم عليها وقال اذيك يا خالتو
مليكه :- انا مبسوطه اوى بلم الشمل ده ربنا يجمعنا مع بعض دايمآ وميحرمناش من بعض
الكل :- اللهم امين
يوسف :- سلم على فهد وقال اذيك يا عمو
فهد :- الحمدالله يا حبيبى ايوه يا عم من قدك حبيبتك رجعت ليك من تانى وغمز ليه
يوسف :- هههههههه بس ادعى ليا بابا وماما يرجعو بسرعه علشان تبقى معايه علطول
مليكه :- ربنا يسعدكم يارب ويهنيكم
يوسف :- سلم على باسم وقال اذيك يا عمو باسم عامل ايه
باسم :- بخير يا حبيبى انت ايه اخبارك
يوسف :- الحمدالله كله تمام برجوع تيلا ليا
باسم :- رجوع تيلا فرحه للكل رجوع تيلا كان سبب سعادتنا كلنا
تيلا :- قعدت جنب باسم وحطت راسها على صدره وقالت ربنا يخليك ليا يا بابا
يوسف :- سلم على مى وباس ايديها وقال عامله ايه دلوقتى يا خالتو
مى :- الحمدالله يا حبيبى تعال اقعد جنبى هنا
يوسف :- قعد جنب مى وقال ياااا يا خالتو انا من زمان اوى مجتش هنا
مى :- كلنا كنا رافضين نروح الاماكن اللى كانت بتكون فيها تيلا علشان وجع قلوبنا
يوسف :- عندك حق يا خالتو
وفى الوقت ده دخل عدى وجاكى
عدى :- سلم على الكل وراح عند تيلا وقال حمدالله على سلامتك يا توته كلنا فرحنا بخبر رجوعك وسلم عليها
تيلا :- الله يسلمك يا عدى مرسى ليك والله انا اللى سعيده جدآ ان شوفتكم من تانى
عدى :- بس لسه محتفظه بملامح وشك الطفوليه طبعآ مع تغير شوية حاجات زودتك انوثه
تيلا :- وهى متوتره من ردت فعل يوسف قالت ش.ش.شكرآ يا عدى
عدى :- بص ليوسف وقال اذيك يا يوسف عامل ايه
يوسف :- وهو متغاظ منه قال كويس الحمدالله
عدى :- يارب دايمآ
جاكلين :- بنت خالتى الغاليه تعالى فى حضنى يا ضنايا
تيلا :- هههههههههه جاكى الرخمه وحضنتها
جاكلين :- رخمه فى عينك ده انتى اللى كان دمك تقيل
تيلا :- ههههههههه لسانك لسه زى ما هو
جاكلين :- بقى انتى تشتغلى معانا ولا نعرفك ولا تعرفينا الصراحه زى الروايات بالظبط
تيلا :- يخربيت ام الروايات فكره لما اغمى عليا فى المكتب كنتى عايزه تعملى فيا ايه
جاكلين :- ههههههههه ما انتى اللى اتسرعتى وفوقتى بسرعه
تيلا :- المره الجايه بقى
جاكلين :- مفيش مره تانيه انا رجعت للشغل فى الجريده
تيلا :- ليه كده يعنى مش هتبقى معايه فى الشركه
جاكلين :- بصت لابوها وقالت يلا الله يجزيه اللى كان السبب
يوسف :- معرفش انك رجعتى الجريده حصل امته ده
جاكلين :- ما هو لو انت بتسأل كنت عرفت لكن من لقى أحبابه نسا أصحابه
يوسف :- مقدرش انسا اختى يا جاكى بس انتى عارفه بقى الضغط اللى كان عليا وبعدين رجوع تيلا مأخدش بالى والله ياريت ترجعى تانى الشركه وهنبقى فريق عمل ممتاز انا وانتى وتيلا ومعاذ
جاكلين :- سامع يالى فى بالى أخته وارجع يارب لين الحجر بقى
تيلا :- انتى بتقولى ايه
جاكلين :- لاء ولا حاجه ده بس من خنقتى يا اختى
فهد :- بصلها وضحك
مى :- امال فين فريد
عدى :- فريد تعبان شويه مش هيقدر يجى
باسم :- الف سلامه عليه
جاكلين :- امال فين هنا وفرحه
مى :- هنا فى اوضتها وفرحه بتشترى فستان جديد علشان فى عريس جاى ليها بكره
مليكه :- بفرحه بجد ربنا يتمم ليها على خير ويسعدها هى وكل البنات يارب
مى :- اللهم امين
فهد :- وسألتو على العريس كويس
باسم :- ده لسه هقعد معاه وأتكلم وأشوف الدنيا ايه
فهد :- ربنا يسعدها يارب
باسم :- يارب يا فهد عقبال ما تفرح بجاكى
جاكلين :- يفرح بمين يا عمو باسم لسه قدامى مشوار طويل لسه العريس يشوفنى واشوفه ويطلع عينى ويمرمطنى ويمسح بكرامتى الارض وبعد كده يتجوزنى غصب عن عين اللى خلفونى وبعد كده يطلع عينى واطلع عينيه وفى الاخر نحب بعض ونجيب عيال
الكل :- كان مصدوم من كلام جاكلين
تيلا :- نهارك اسوح ومنيل ايه اللى انتى بتقوليه ده انتى طبيعيه وفايقه للكلام ده
جاكلين :- ههههههههه اه والله فايقه ما هو انا لازم اعيش زى الروايات بالظبط
يوسف :- سيبك منها يا توته دى الروايات فوتت دماغها
جاكلين :- هه خفه
باسم :- فهد تعال معايه عايزك فى المكتب
فهد :- ماشى يلا
مى :- وانتى يا لوكه تعالى معايه المطبخ نحضر الاكل
مليكه :- يلا يا ميوش
تيلا :- ما تتصل بسمر ومى ومليكه يجو يقضو الوقت معانا
يوسف :- فكك مش نقصين صداع وبالذات من البت مى
عدى :- قلبه دق لما سمع اسم مى وكان بيتمنى انها تيجى
جاكلين :- اه بالله عليك يا يوسف اتصل بيهم وخليهم يجو دول واحشنى اوى
تيلا :- يلا بقى يا يوسف علشان خاطرى
يوسف :- حاضر
عدى :- فرح اوى لما عرف أن مى جايه
يوسف:- طلع تليفونه واتصل على سمر وبعد وقت ردت عليه
سمر :- بدموع ايوه يا يوسف
يوسف :- بقلق سمر مالك انتى بتعيطى
سمر :- بكدب لاء يا يوسف انا بس واخده شوية برد مغيرين صوتى
يوسف :- بقولك هاتى البنات وتعالى عند خالتو مى
سمر :- معلش يا يوسف انا تعبانه هخلى مى ومليكه يروحو ليك بأى تاكسى
يوسف :- اجى اوديكى الدكتور
سمر :- لالالا انا زى ما قولتلك شوية برد مش اكتر وهاخد حبايه وانام
يوسف :- ماشى بلغى مليكه ومى
سمر :- ماشى سلام
تيلا :- ايه مالها سمر
يوسف :- صوتها مش عجبنى
جاكلين :- يعنى مش جاين
يوسف :- سمر مش جايه اللى جايه مليكه ومى
عدى :- وهيجو دلوقتى لواحدهم
جاكلين :- خلاص روح انت هاتهم
يوسف :- لالالا هما هيركبو تاكسى وهيجو
عدى :- على ايه هروح انا اجبهم بالعربيه بسرعه واجى بدل ما يركبو مع حد غريب
يوسف :- خلاص خليك انت انا هروح اجبهم واجى بسرعه
جاكلين :- خليك انت يا يوسف عدى يجبهم مفيهاش حاجه
يوسف :- مش عايز اتعبه
عدى :- يا عم مفيهاش تعب ولا حاجه احنا ولاد خاله ووقف وقال هروح انا علشان الحق وقتى وخرج وهو فرحان وركب عربيته وراح على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

خرجت سمر من اوضتها وراحت عند اوضت مى ومليكه وخبطت على الباب ودخلت
مى :- بخضه سمر مالك ومال عينك منفخه كده من كتر العياط
سمر :- مفيش يا مى
مى :- ازاى مفيش ده باين على عينك انك مش مبطله عياط من بدرى اكيد الشيخ فريد السبب ما هو معقد وهيعقدك معاه صدقينى يا بنتى ده عايز واحده تنفذ كلامه من غير اى نقاش ده لو اتجوزك هيمشى معاكى بالشرع ويقولك مثنى وثلاث ورباع
سمر :- اعمل ايه طب غصب عنى بحبه وقلبى مش بيدق لغيره وعينى مش شايفه فى الكون حد غيره حاجه مش بأيديه انتى شيفانى فرحانه اوى بضعفى ده انا بلعن قلبى مليون مره على حبه ليه ورغم كل ده مش قادره أكرهو بحبه لدرجة الجنون يا مى واترمت فى حضنها وقعدت تعيط
مى :- صعبت عليها اختها وقعدت تطبطب عليها وقالت مدام انتى بتحبيه كده شوفى ايه اللى بيخلق مشاكل ما بنكم وبلاش منها حاولى تغيرى من نفسك وغيرى فيه
سمر :- المشكله يا مى اننا احنا الاتنين مختلفين تماما عن بعض ورغم كده لا هو عايز يتغير علشانى ولا انا قادره اتغير علشانه علاقتنا حاجه معقده ونفسى انا وهو نقف عند نقطه مشتركه ما بنا علشان نقدر نفهم بعض
مى :- مش عارفه اقولك ايه الصراحه ربنا يهديه ليكى
سمر :- مسحت دموعها وقالت صح فين مليكه
مى :- احم مع ايمن
سمر :- ايمن مين
مى :- اللى حكت لينا عليه قبل كده صاحب التليفون
سمر :- نهار اسود معاه فين وبتعمل ايه معاه
مى :- طلب منها أن هو يقعد معاها فى مكان مفتوح يتكلمو شويه مع بعض علشان يعرفوا بعض اكتر علشان لما بابا يجى يتقدم ليها
سمر :- بفرحه بجد يعنى هو هيجى يتكلم عليها
مى :- ايوه
سمر :- بس لو يوسف عرف أن مليكه مع شاب غريب هيخرب الدنيا
مى :- لو جه وسأل عليها نقول انها مع ولاء صاحبتها ما هو طلع اخوها
سمر :- لاء بجد ايمن اخو ولاء
مى :- هههههه اه شوفتى الصدفه
سمر :- ماشى انتى روحى دلوقتى عند خالتو مى يوسف مستنيكى ولو سألك على مليكه قولى انها جت من الكليه ونامت وانا هتصل بيها استعجلها
مى :- واروح اعمل ايه عند خالتو مى
سمر:- معرفش هو اتصل وقال إن انا اجى واجبكم بس انا قولت ليه أن انا تعبانه وهبعتكم ليه
مى :- ماشى
سمر :- البسى بسرعه وروحى وخرجت وسابتها لبست هدومها وخرجت من اوضتها ونزلت واتفاجئت بوجود عدى
مى :- عدى بتعمل ايه هنا
عدى :- نزل من العربيه وراح سند عليها ومسك ايد مى وبسها وقال جاى اخطفك
مى :- اتكسفت وسحبت ايديها منه وقالت انا بتكلم جد يا عدى بتعمل ايه هنا
عدى :- جاى اخدك الفيلا عند خالتو مى ما احنا كلنا هناك
مى :- بفرحه بجد
عدى :- هههههههه اه بجد
مى :- انا هتجن على خالتو مليكه فرحانه اوى انى هشوفها
عدى :- ومش فرحانه بأبن خالتو مليكه
مى :- م.م.ماانا بشوفك كل يوم لكن خالتو مليكه بقالى كتير مشوفتهاش
عدى :- قرب مى ليه وحط أيده فى ضهرها وبص فى عينيها وقال انا بقى مش مكفينى اشوفك كل يوم مرتين بس انا عايز اشوفك طول النهار وطول الليل قصاد عينى الساعات اللى مش بشوفك فيها بتمر عليا سنين
مى :- كانت متوتره من قربها لعدى ولمسة ايد عدى لضهرها وداست بسنانها على شفتها من تحت
عدى :- قرب من شفايفها وبسها وبعد وقت بعد عنها وقال قولتلك حافظى عليهم علشان بتوعى
مى :- اتصدمت من اللى حصل ووشها احمر واتوترت وقالت ا.ا ايه اللى ا.ا انت عملته ده
عدى :- وكل ما هشوفك تعملى كده هبوسك وبعدين الحركه نفسها مثيره بحسها دعوه منك أن انزل عليهم وابوسهم
مى :- ا ا انت قليل الادب
عدى :- ههههههههه عارف
مى :- عدى ب.ب بلاش طريقتك د.د.دى معايه
عدى :- رجع شعر مى وراه ودنها ومسك وشها بأيده وبص فى عينيها وقال مى انا معاكى بحس نفسى شاب مراهق بنسا فرق السن وبنسا اى حاجه ومش بفتكر غيرك انتى وبس وان انا عايز اخدك فى حضنى ومخرجيش منه ابدآ وعايز علطول ادوق الشهد اللى على شفايفك انا المرتين اللى بوستك فيهم حاسس أن انا بقيت مدمن طعم شفايفك وأوقات ببقى عايز ادوق الشهد ده بأى طريقه وان جسمى نقصه حاجه نقصه القرب منك يا مى
مى :- بصت فى عينيه وحست بصدق كلامه
عدى :- قرب منها اكتر ولسه هيبوسها
مى :- بعدت عنه وقالت احم ي.ي.يلا بينا علشان منتأخرش عليهم
عدى :- هههههههههه اتهربى براحتك بس صدقينى هطلع كل ده عليكى لما تبقى مراتى
مى :- رجعت شعرها وراه ودنها وبصت على الأرض بكسوف
عدى :- داس بصوابعه الاتنين على مناخيرها وقال بحبك وبعشق كسوفك ده وغمز ليها وراح ركب العربيه ومى ركبت جنبه
عدى :- امال فين مليكه
مى :- احم تعبانه شويه ومش هتقدر تيجى
عدى :- ماشى وشغل العربيه وراح بيها على فيلا باسم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند اسر ومها

مها :- شوفت مش قولتلك أن يوسف مش هينسانه اهو حجز لينا الطياره وهننزل خلاص مصر
اسر :- ياااااه مش مصدق نفسى انا هرجع بلدى وسط اهلى وناسى
مها :- هترجع تنور فيلتك من جديد يا قلبى وتنور اوضتنا وسريرك من جديد طب اقولك على حاجه انا كل حته فى الفيلا واحشانى والبنات واحشنى اوى وهتجن واخدهم فى حضنى ويوسف نور عينى واحشنى اوى ابن اللذينه
اسر :- وانا زيك واكتر يا قلبى
مها :- مسكت أيده وقالت بس اى مكان اكون معاك فيه بيبقى بالنسبالى جنه
اسر :- قرب ايد مها من شفايفه وبسها وقال انتى عارفه من كتر الحب اللى بحبهولك محتاج مليون قلب على قلبى علشان يكفيه ومحتاج سنين وسنين علشان اقدر اشرحه ليكى بحب كل حاجه فيكى ضحكك هزارك كلامك عيونك كل حاجه فيكى محتاج يتقال فيها اجمل قصايد الغرام
مها :- انت عارف نفسى فى ايه
اسر :- أمرى لو عايزه نجمه من السما اجبهالك
مها :- ربنا يخليك يا عمرى نفسى ربنا يكمل شفاك على خير وتيلا ترجع ليوسف ويفرح قلبه والبنات ربنا ينجحهم ويكرمهم بعرسان شبهك كده يعيشوهم سعاده ومبسوطين زي ما انا سعيده و مبسوطه معاك
اسر :- يارب يا قلبى ويخليكى لينا بس مهما يكونو مش هيبقو زينا انا وانتى لأننا من الاخر مفيش اتنين هيحبو بعض زينا
مها:- طبعآ يا عمرى وعشرة سنينى
اسر :- امممممم انتى عارفه محتاج ايه
مها :- ايه
اسر :- محتاج منك قبلة الحياه
مها :- ههههههههه اللى هو ازاى يعنى وهنا افرض حد دخل علينا
اسر :- مش مهم البوسه هنا حاجه عادى زى مسكت الايدين بالنسبه ليهم بيبوسه بعض عادى فى الشارع
مها :- لا يا اخويه انا اتك
وفى الوقت ده شدها اسر ليه وقطعها ببوسه وبعد وقت بعد عنها وقال
اسر :- البوسه دى هى اللى بتدينى الطاقه اللى اقدر اكمل بيها الحياه
مها :- نامت على صدره وقالت هفضل طول عمرى ومهما اكبر احس نفسى طفله وانا فى حضنك واحس بالامان ربنا ميحرمنيش منك ابدآ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مليكه الصغيره وايمن

Advertisement

كانت قعده فى الكافيه مع ايمن
ايمن :- احم مبسوطه
مليكه:- هزت راسها بمعنى ايوه
ايمن :- مليكه
مليكه :- بصت ليه وقالت نعم
ايمن :- انا عايزك تتكلمى براحتك معايه بلاش الكسوف
مليكه :- ح.ح.حاضر
ايمن :- تبدأى تتكلمى انتى عن نفسك ولا اتكلم انا
مليكه :- لاء اتكلم انت
ايمن :- ماشى يا ستى انا الرائد ايمن صلاح عندى تسعه وعشرين سنه عندى اخت واحده وهى البيست فريند بتاعتك ولاء ابويه متوفى وامى عايشه ربنا يديها الصحه الحاله الماديه متيسره الى حد ما طبعآ بما انا كنت راجل البيت فا كنت بدرس واشتغل فى نفس الوقت علشان اصرف على البيت واعلم ولاء لأنها بالنسبه ليا بنتى مش اختى الصغيره قمت معاها بدور الاب والاخ والصديق ابويه كان شغال فى مصنع على قده ومات وهو شغال كنت انا كبير بس ولاء كانت لسه عندها سنه وشهور وماما رفضت الجواز واختارت تعيش معانا وتربينا وانا من اليوم ده اخد عهد على نفسى ان هكون الابن اللى يشرفها ومش هخليها تحتاج لحد والحمدالله اتخرجت وبقيت رائد ومش مخلى امى واختى محتاجين حاجه اما بقى فى حياتى العاطفيه فأنا الصراحه ماليش اى تجارب لان مشكلتى أن عشت عمرى كله بدور على واحده تكون فيها شبه من امى تبقى محترمه ومتدينه واصيله علشان لو موت تعمل زى ما امى عملت معانا والصراحه مقبلتش حد كده فى حياتى كل اللى اشوفهم بنات مدلعه وعايزه تعيش حياتها وخلاص والتفكير فى العباده ده اخر همها علشان كده قلب متحركش لاى واحده غير دلوقتى انتى يا مليكه اللى قدرتى تدخلى قلبى بأدبك واحترامك وتدينك قدرتى تخطفيه ببرأتك علشان كده قولت مستحيل أفرط فيكى ابدآ بس يا ستى ده كل حاجه عنى ولو حابه تعرفى حاجه عنى اسألى
مليكه :- هزت راسها بمعنى لاء
ايمن :- تمام تحبى انتى بقى تتكلمى عن نفسك
مليكه :- انا اسمى مليكه اسر عمرى 19 سنه عندى اخت توأم شبهى وعندى اخت اكبر منى واخويه يوسف هو الكبير بابا وماما عايشين الحمدالله ربنا يديهم الصحه بابا عنده شركة هندسة ديكور هو حاليا مسافر علشان كان تعبان وعمل عمليه والحمدالله بقى كويس وهيرجع مصر قريب عمرى ما كان ليا اى تجارب مع اى شاب لان بخاف ربنا واول مره اخرج مع شاب غريب هو انت بس
ايمن :- هههههههه انا عارف كل ده عنك واكتر كمان من كلام ولاء عليكى
مليكه :- احم وانا كمان كنت عارفه الكلام اللى انت قولته من كتر كلام ولاء عنك
ايمن :- الواضح كده أن ولاء هى كلمة السر
مليكه :- هههههههههههههه
ايمن :- على فكره ضحتك حلوه اوى
مليكه :- اتكسفت وقالت ش.ش.شكرآ
وفى الوقت ده رن تليفون مليكه برقم سمر
مليكه :- دى سمر اختى
ايمن :- توأمك
مليكه :- لاء اختى الكبيره
ايمن :- طب ردى
مليكه :- فتحت وقالت ايوه يا سمر
سمر :- ايه يا مليكه لسه كتير
مليكه :- ليه
سمر :- علشان اخوكى عند خالتو مى وكان عايزك تروحى عندها انا بعت مى وقولتلها تقول انك فى الفيلا ونايمه
مليكه :- حاضر ياسمر انا جايه اهو
سمر :- ماشى سلام
مليكه :- قفلت مع سمر وبصت لايمن وقالت ممكن اروح لان اخويه سأل عليا
ايمن :- اه طبعآ وياريت لما يرجع باباكى تبلغينى علشان اجيب اهلى واجى اتقدملك
مليكه :- حاضر
ايمن :- ممكن طلب اخير
مليكه :- اتفضل
ايمن :- رقمك علشان لما احب اطمن عليكى
مليكه :- احم م.م.ماشى وادته الرقم بتاعها
ايمن :- سجله عنده ورن عليها من تليفونه وقال سجلى الرقم عندك ولو احتاجتى اى حاجه اتصلى بيا علطول
مليكه :- ش.ش.شكرآ
ايمن :- دفع الحساب وخرج هو ومليكه وصلها عند الفيلا وراح على بيته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم

فى مكتب باسم

باسم :- يا ابنى بقولك بتقول أن ابوه قتل امه واتعدم وهو واخواته عيشين فى البلد مع أهلهم
فهد :- قصدك ايه مش فاهم
باسم :- خايف ليكون ابن امجد وجاى ينتقم مننا
فهد :- امجد مين
باسم :- فى ايه يا ابنى ما تركز جوز سحر
فهد :- يااااااه يا باسم وايه فكرك بيهم دلوقتى
باسم :- مش عارف لما فرحه قالت عليه وعلى حكايته افتكرت الموضوع ده
فهد :- شيل الأفكار دى من دماغك ايه هيجيب ابن سحر وامجد هنا وبعدين اللى انا اعرفه ان الصغير ده كان اكبر من بنتك فرحه يجى بأربع سنين وانت بتقول أن هو زميلها فى الجامعه شيل انت الأفكار السوده دى من دماغك
باسم :- بكره هقعد معاه واطمن اكتر
فهد :- متقفش قصاد سعادة بنتك لو عايزاه بسبب تفكير ملهوش أساس يعنى
باسم :- أن شاءالله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس

كانت جومانه نايمه فى حضن فارس
جومانه :- فارس
فارس :- نعم
جومانه :- ممكن لما يكون فى حاجه مزعلك منى تيجى تقولها ليا علطول بلاش تاخد جنب وتبعد عنى لأن انا بحبك ومقدرش استغنا
فارس :- المفروض تحسى ده من نفسك يا جومانه
جومانه :- وانا اعرف ايه اللى زعلك ازاى مش لازم انت اللى تقولى وانا اوعدك هعدل من نفسى علشانك بس برضه متنساش ضغوط الحياه والاولاد عليا عارفه انك بتشتغل علشان خاطرنا لكن أنا البيت كله عليا غصب عنى هكون عصبيه
فارس :- بس صدقينى العصبيه على الراجل مش كويسه بتحسس الراجل أن ملهوش لازمه
جومانه :- انت الخير والبركه بتاعنا يا فارس والدنيا من غيرك ملهاش طعم
فارس :- ضمها ليه وبسها فى راسها وقال ربنا يخليكى ليا
جومانه :- وميحرمنيش منك ابدآ يارب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم

كانت تيلا وجاكلين قاعدين مع يوسف
يوسف :- جاكى ممكن تجيبى ليا كوباية مايه
جاكلين :- ليه حد قالك انى الشغاله الفلبينيه بتاعتك
يوسف :- اخلصى
جاكلين :- زوحليقه دى صح
يوسف :- يارب نفهم
جاكلين :- وحياتك عندى لو مكنتش لسه شيفاها فى روايه ولا كنت هفهم
يوسف :- يا دين النبى على البرود
جاكلين :- هههههههه خلاص خلاص هروح اجبلك الميه من المنبع نفسه وهتأخر براحتى ومشت
تيلا :- ههههههههههه مشكله
يوسف :- بصلها بجديه كلامك مع عدى توقفيه نهائى فاهمه
تيلا :- بصدمه ايه اللى انت بتقوله ده عدى ابن خالتنا زى اخويه
يوسف :- اللى اقول عليه يتنفذ علطول ملكيش دعوه بيه انا كنت هطق وانتى بتتكلمى معاه وبلاش والنبى الاحضان اللى ماشيه توزعيها على الرجاله دى والمبوسه المفتوحه دى
تيلا :- بصدمه انت فايق للكلام اللى بتقوله ده انت فاهم بتقول ايه ده عمو فهد زى ابويه وبابا باسم ابويه بتغير عليا منهم
يوسف :- واغير عليكى من اى حد حتى لو حريم انا عايزك ليا وبس
تيلا :- لاء انت مش طبيعى وبعدين عدى ابن خالتو يعنى عادى لما أكلمه واسلم عليه مدام فى حدود الأدب
يوسف :- شدها ليه وقال توته انا بغير عليكى من الدنيا بحالها وعايزك ليا وبس
تيلا :- بس كده يبقى حب تملك يا يوسف طيب ما انا بسيبك تتكلم مع جاكلين عادى
يوسف :- تيلا انا بحبك وحبى ليكى فوق الوصف وغيرتى عليكى ده شئ طبيعى
تيلا :- تغير عليا من الغريب مش من أبويه وواحد قد ابويه وابن خالتى
يوسف :- قربها اكتر ليه وبص فى عينيها وقال بقولك انا بغير عليكى حتى من الحريم ولسه هيبوسها
دخل عدى ومى
عدى :- اتحرج وقال احم احم احنا جينا
تيلا :- اتكسفت وبعدت عن يوسف
مى :- شكلنا جينا فى وقت غير مناسب ههههههههه
يوسف :- اتلمى يا مى وفين اختك مليكه
مى :- مليكه نامت وقالت مش هتقدر تيجى
يوسف :- ماشى
مى :- اذيك يا توته احنا اسفين يا صلاح لو قطعنا عليكم
تيلا :- م.م.مى ا.ا انتى فهمتى غلط
مى :- ههههههههه ايوه ايوه تلاقيه كان بيشوف ايه اللى فى عينك زى ماما وبابا بالظبط
يوسف :- مى حطى لسانك فى بؤقك بدل ما اقوم اقطعهولك
عدى :- قرب من مى وقال اسكتى شويه بدل ما انتى عارفه ممكن اعمل فيكى ايه
مى :- احم وبصت على الارض وسكتت
جاكلين :- ايه ده ميوش جت
مى :- جاكى فينك يا بنتى مش بتيجى ليه زى الاول
جاكلين :- مش فاضيه خالص
مى :- ليه سيدت الأعمال وراها ايه
جاكلين :- الروايات يا بنتى ده انا بخلص روايتين فى اليوم على أمل أن يحى اليوم اللى هتمرمت فيه
مى :- هههههههههههه تتمرمتى ده انتى ست مصريه اصيله تعشقى النكد
جاكلين :- ههههههههههه اوى يا بت يا ميوش ده انا بنام واحلم باليوم اللى اخد علقه سخنه من جوزى ويمسح بكرامتى الارض
وفى الوقت ده نزل عمار
بنات خالتى المجانين هنا ده كده اليوم ظات تعالو فى حضنى يا بنات خالتى
عدى :- ده على اساس ان احنا كياس جوافه قدامك
عمار :- اصل الصراحه الفيلا مليانه مزز ومش قادر خلاص عايز احضن وابوس
جاكلين :- عمورتى تعالى يا اختى بيضه كبيرتى واحلوتى اهو
عمار :- يا اختى بيضه ليه شيفانى نزلك وانا حاطت السكاته فى بؤقى
مى :- لاء مين قال كده بس اخر مره شفناك فيها كنت عاملها على نفسك
عمار :- لا والله ده على اساس ان عندك كام سنه ده هما كل الفرق اللى بنا اربع سنين
جاكلين :- لسه برضه صغنونه يا عمورتى
عمار :- يا اما أهدى شويه ده انا قدامك راجل طول بعرض
مى :- نععععععععم طول بأيه ده انت اوزعه شبه الضيف احمد اللى فى فريق الثلاثى المرح
عمار :- لاء والله حوشى يا بت طولك اللى ماشيه تخبطى بيه فى السقف كتك نيله وانتى شبه شيكابالا
عدى :- اتغاظ وقال مش نلم الدور ولا ايه
عمار :- ياربى ليه مدتنيش بنات خاله شبه مى عز الدين كده ولا شبه البت اللى بتنور فى مسلسل الاسطوره اللى اسمها شهد الصراحه اسمها شهد وهى شهد فعلا يااااااه ده الواحد كان استغنا على اللمبات وحطها فى البيت تنور لواحدها لكن انتو غفر يا بنات غفر وسبهم ومشى
الكل :- هههههههههههه وفى الوقت ده جرس باب الفيلا رن راحت فتحت مى الصغيره ولاقت ست كبيره ومعاها شاب
مى :- ايوه حضرتك
الست :- ممكن اقابل مدام مى
مى :- اقولها مين
الست :- قوليلها حياة محمد إبراهيم اخت مازن محمد إبراهيم وده ابنى
تيلا :- سمعت كده وقالت بصدمه ع.ع.عمتى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
#بقلمى دودومحمد

Advertisement

لقاء الاحبه يوسف و تيلا الفصل السادس عشر