لقاء الاحبه يوسف و تيلا

لقاء الاحبه يوسف و تيلا الفصل الثالث عشر

فى فيلا باسم

كان الكل متجمع وفرحانين برجوع تيلا تانى ليهم وسأل عمار تيلا اذا كان ابوها عايش ولا ميت
تيلا :- معرفش حاجه عنه اخر مره شوفته واحنا بنغرق فى البحر ومعرفش اذا كان عايش ولا ميت
مى :- ميت ولا عايش المهم بعيد عنا
فرحه :- طيب لو عايش ليه مظهرش كل ده
تيلا :- تلاقيه خايف يرجع علشان كان خاطفنى بس إن شاءالله يكون مات وارتحنا منه
هنا :- بس ممكن باب اقصد مازن يظهر فاجئه ويعمل لينا مشاكل لو عايش
باسم :- خليه يفكر وانا امحيه من على الارض
مى :- اطلعى يا حبيبتى نامى فى اوضك فكرها
تيلا :- يااااااه يا ماما لسه سايبه الاوضه بتاعتى
مى :- انا كنت منعه اى حد يدخلها مفيش حد بيدخلها غيرى انا وكنت بنضفها ليكى بأستمرار كأنك عايشه فى وسطنا
تيلا :- انا فرحانه اوى اوى يا ماما حاسه ان روحى رجعت ليا من جديد
مى :- ربنا يسعدك ويفرح قلبك علطول يا بنت بطنى وبستها فى راسها وقالت قومى يلا يا حبيبتى نامى
تيلا :- وقفت وقالت تصبحو على خير
الكل :- وانتى من أهله
وكل واحد دخل اوضه ينام
عند تيلا

دخلت الاوضه بتاعتها ولاقتها زى ما سابتها بالظبط باللعب بتاعتها ومترتبه كأنها عايشه فيها مسكت عروسه ومشت ايديها عليها ورجعتها تانى وحطت ايديها على المكتب وراحت على السرير ومشت ايديها عليه وقالت
تيلا :- ياااااه واحشتنى اوضى اوى وواحشنى كل حته فيها لعبى مكتبى سريرى كل حاجه الحمدالله يارب انك رجعتنى تانى لحضنى امى واهلى وكل اللى بيحبونى ياااااا يارب ديم السعاده فى حياتنا تملى
وفى الوقت ده تليفونها رن برقم فتحت وقالت
تيلا :- السلام عليكم مين معايه
يوسف :- وعليكم السلام انا قلب وروح تيلا
تيلا :- يوسف ده رقمك
يوسف :- ايوه
تيلا :- وجبت رقمى منين
يوسف :- مش انتى كنتى سيباه فى الشركه عندى انا بقى اخده من زمان وكنت مخليه معايه علشان لو فى حاجه مهمه فى الشغل
تيلا :- اممممم لو فى حاجه مهمه فى الشغل بس
يوسف :- ا.ا.ايوه طبعآ امال هيكون ليه
تيلا :- امممم مع أن مش مقتنعه بس هعديها
يوسف :- شكرآ لكرم اخلاقك
تيلا :- ميرسى
يوسف :- تعرفى من كتر الفرحه مش عارف انام ونفسى بكره يجى بسرعه علشان اشوفك
تيلا :- وانا كمان فرحانه اوى أن رجعت ليكم تانى وحاسه من كتر الفرحه مش عارفه انام
يوسف :- امممم طيب تيجى نعمل حاجه مجنونه زى بتاعة زمان
تيلا :- زى ايه يعنى
يوسف :- اجيلك
تيلا :- يا مجنون طيب زمان احنا كنا اطفال لكن دلوقتى طبعآ مينفعش
يوسف :- ليه بس اصلك الصراحه واحشانى وملحقتش اشبع منك بجد
تيلا :- بطل جنان كلها كام ساعه وهكون عندك فى الشركه
يوسف :- مش قادر يا توته انتى سنين طويله بعيده عنى عايز اعوض كل اللى فات
تيلا :- الايام اللى جايه كتير وان شاءالله نعيش العمر كله مع بعض ومنبعدش عن بعض ابدآ
يوسف :- بابا يجى بس وانا هعمل كتب كتاب علطول عايزك تبقى مراتى حلالى
تيلا :- إن شاءالله يا حبيبى
يوسف :- يا ايه
تيلا :- احم يلا بقى علشان انام
يوسف :- مش هسيبك غير لما تقولى قولتى يا ايه
تيلا :- بطل غلاسه بقى يا يوسف
يوسف :- لاء قولى يلا قولتى يا ايه
تيلا :- يا حبيبى
يوسف :- وانتى قلبى وعمرى ودنيتى وكل حاجه حلوه فى الدنيا ديه
تيلا :- ربنا يخليك ليا
يوسف :- وميحرمنيش من حبك ولا حنانك ابدآ يارب
تيلا :- هتعمل ايه دلوقتى
يوسف :- ولا حاجه هقعد اعد النجوم لحد ما تتطلع الشمس واجى اشوف نور عينى توته
تيلا :- شايف النجمه اللى قصادك دى
يوسف :- الكبيره اللى بتلمع دى
تيلا :- اممم
يوسف :- مالها
تيلا :- بعت ليك معاها شوقى لعنيك
يوسف :- طيب ثوانى كده
تيلا :- ايه هتعمل ايه
يوسف :- بعت ليكى معاها اربع بوسات بوسه لخدك ده وبوسه لخدك ده وبوسه للراسك وبوسه لشفايفك اللى واحشنى اوى
تيلا :- بكسوف يوسف
يوسف :- روح وقلب يوسف من جوه
تيلا :- غلس
يوسف :- ههههههههه ليه طه
تيلا :- مش بحبك تتكلم معايه كده
يوسف :- وانا قولت ايه طيب انا بعتلك بوسه مع النجمه وانا كنت جيت ادتهالك بنفسى
تيلا :- برضه اتلم
يوسف :- حاضر يا مزتى
تيلا :- هههههههه برضه اللى فيك فيك
يوسف :- طيب اعمل ايه حبك فى قلبى اللى بيخلينى اقول كده
تيلا :- طيب علشان خاطر توته بلاش
يوسف :- حاضر يا قلبى محترم اهو
تيلا :- ههههههههه ماشى تصبح على خير
يوسف :- ايه ده هتقفلى بسرعه كده
تيلا :- هسيبك تنام ساعتين علشان تكون فايق الصبح فى الشغل وانا كمان
يوسف :- مش مهم المهم أن أسمع صوتك ومبعدش عنك لحظه كفايه بعد
تيلا :- بحبك اوى يا يوسف وبحمد ربنا أن رجعنى ليك لان الحياه من غيرك مش حياه
يوسف :- انتى بقى النفس اللى بتنفسه روحى اللى عايش بيها وانتى بعيده عنى لا كنت قادر اتنفس ولا كان عندى روح اعيش بيها وكل ده رجع مع رجوعك ليا
تيلا :- ربنا ما يحرمنا من بعض ابدآ
يوسف :- اللهم امين يا حبى تصبحى على سعاده وهنا مينتهوش ابدآ
تيلا :- وانت معايه وجنبى
يوسف :- بعشقك
تيلا :- بموت فيك
يوسف:- مع السلامه يا عمرى
تيلا :- مع السلامه يا اغلى ما فى عمرى وقفلت معاه حضنت التليفون وقالت بحبك اوى يا يوسف اوى وفى الوقت ده الباب خبط قامت فتحت وقالت ماما تعالى
مى :- انتى لسه بهدومك
تيلا :- كنت بكلم يوسف والوقت سرقنا
مى :- ربنا يهنيكم ويسعدكم يوسف اتعذب كتير وانتى بعيده عنه كلنا اتعذبنا وقلوبنا وجعتنا على فراقك يا قلبى
تيلا :- وانا كنت بموت وانا بعيده عنكم
مى :- راحت على السرير وقالت تعالى يا قلب ماما تعالى نامى فى حضنى
تيلا :- راحت نامت فى حضن مى وقالت طيب وبابا باسم
مى :- هو اللى قالى اجى انام معاكى فى الاوضه
تيلا :- بابا باسم طيب اوى يا ماما ووجوده فى حياتك غيرها كتير
مى :- وهى بتمشى ايديها على شعر تيلا قالت باسم ده كأنه ملاك ماشى على الأرض مش بشر بيعمل اى حاجه وكل حاجه تسعدنى عايز يجيب ليا حته من السما عوض اختك كتير عن حنان الاب وعمره ما فرق بين فرحه وهنا وعمار التلاته عنده غلاوه واحده وزى ما يجيب حاجه لواحده يجيب الاتنين التانين بحس أن هو مكافئت ربنا ليا على صبرى على عيشت اب وسكتت وقالت مازن بجد ندمانه أشد الندم أن اتسرعت واتجوزت مازن ياريت كنت قبلت باسم ده قبله كانت حاجات كتير اتغيرت بس الحمدالله على كل شئ مازن كان عقاب ليا من ربنا وكان لازم أعيشه عقاب على أن مكنتش عجبنى عيشتى وانا بنت كنت علطول بدور على الفلوس ومتهوره كنت علطول بجرح ستك الله يرحمها بالكلام ومكنش بيهمنى غير نفسى واتعقبت على كل ده من مازن وعلشان ربنا كريم ومش بيحب يزعل عباده مهما اخطأه فى حقه حتى لو عقبهم مش بيهنو عليه بعتلى باسم الايد الحنينه والحضن الطيب اللى كنت برمى فيه كل وجعى من بعدك عنى والايد اللى بطبطب عليا وتمسح دموعى والقلب الطيب اللى كان بيحتاوينى ساعه ما اكون متعصبه واعصابى تعبانه بجد ده رزق كبير من ربنا ليا
تيلا :- ربنا يديم المحبه ما بنكم يارب وميحرمناش من بعض ابدآ انتى عارفه ايه اكتر حاجه وجعتنى لما رجعت
مى :- ايه يا عمرى
تيلا :- موت تيته فايزه قد ايه قلبى وجعنى لما عرفت منك انها ماتت كانت حنينه اوى اوى علينا يا ماما
مى :- ربنا يرحمها يا حبيبتى ماما تعبت اوى بعد بعدك عننا وعلشان كانت متعلقه بيكى حالتها اتدهورت وماتت بعد مده قصيره من اختفائك
تيلا :- ربنا يرحمها يارب هبقى اروح ازورها بس ابقى اوصفى ليا المقبره بتاعتها
مى :- ماشى يا حبيبتى
تيلا :- انتى عارفه يا ماما انا فرحت اوى لما عرفت أن عندى اخ لاء وكمان طالع دمه زى الشربات عسل ابن اللذينه
مى :- هههههههه عمار ده مشكله طالع كله ليا وانا بنت وواخد طريقة كلامى كلها وبرضه احلى مكافئه من ربنا ليا وجبت لباسم الولد اللى هيكون سنده فى الكبر
تيلا :- واحنا برضه البنات عمرنا ما هنتخلى عنه وهنبقى تملى فى ضهره
مى :- ربنا يخليكى انتى واخواتك وميحرمناش منكم ابدآ
تيلا :- ولا يحرمنا منك انتى وبابا باسم يارب
مى :- بكره تحبى تقضيه فى البيت ولا نروح عند خالتك مليكه تسلمى عليها وعلى عمك فهد وتتعرفى على ولاد خالتك
تيلا :- بس انا بكره هروح الشغل
مى :- شغل ليه يا حبيبتى انتى مش محتاجه تشتغلى انتى وضعك دلوقتى يختلف
تيلا :- يا ماما شغلى ملهوش دعوه بوضعى وظروفى ده كيانى ولازم ابني بنفسى معتمدش على حد
مى :- بفرحه وحنان ام يااااااا بنوتى كبرت وبقى ليها كيان بجد انا فخوره بيكى يا توته
تيلا :- مسكت ايديها وبستها وقالت وانا فخوره بيكى اوى يا ماما وطول عمرى بتمنا اطلع شبهك فى كل حاجه لأنك انتى قدوتى
مى :- بستها فى راسها وقالت ربنا يسعدك ويهنيكى ويفرح قلبك مع اللى بتتمنيه
تيلا :- غمضت عينيها وقالت يارب يا ماما يارب
مى :- قعدت تمشى ايديها على شعر تيلا
تيلا:- كانت ماسكه فى مى كأنها هتهرب منها وغمضت عينيها ونامت
مى :- اتأكدت أن تيلا نامت غطتها كويس وباست راسها وغمضت عينيها ونامت هى كمان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

فى اوضت يوسف

كان نايم وباصص للسقف وبيضحك ومش مصدق نفسه أن تيلا رجعت ليه ولحضنه تانى وقال
يوسف :- بفرحه ياااااا اخيرآ توته رجعت ليا وهتبقى معايه وفى حضنى علطول بجد مش مصدق نفسى حاسس أن طاير فى السما وسط السحاب يارب بقى يجى بسرعه اليوم اللى هتكون فيه مراتى واخبيها فى حضنى ومخلهاش تخرج منه ابدآ وغمض عينه ونام

فى اوضت سمر

كانت بتتكلم مع فريد فى التليفون
فريد :- ازاى يعنى رجعت
سمر :- اه والله النهارده كانت جايه صدفه وفى نفس الوقت كانت خالتو مى جايه واتقابلو وعرفو بعض
فريد :- وهى كانت جايه عندكم ليه وتعرفكم منين
سمر :- بص هفهمك تيلا كانت شغاله مع يوسف فى شركة بابا بس الاتنين مكانوش يعرفو بعض أنهم هما ولاد خاله ويوسف مرحش النهارده وهى كانت جايه تبص عليه وحصل اللقاء
فريد :- وازاى يوسف معرفهاش يعنى كان ممكن يعرفها من الاسم اللى فى الدوسيه بتاعها
سمر :- معرفش بقى يا فريد انت بتسأل كتير اوى كده ليه المهم انها رجعت تانى وانا فرحانه بجد
فريد :- مش حكاية بسأل كتير أن مستغرب الحكايه بس
سمر :- المهم الحبايب رجعت لبعض خلينا فيا وفيك
فريد :- قصدك ايه
سمر :- قصدى ايه ايه يا فريد مش كده يا حبيبى قولى بحبك قولى واحشتينى اى حاجه يعنى تحسسنى بوجودى فى حياتك
فريد :- لاء
سمر :- بغيظ لاء ليه بس
فريد :- انتى دلوقتى بنت خالتى وبس ومش هينفع اقول الكلام ده غير لما تكونى مراتى حلالى
لكن دلوقتى البعد عن اى كلام يثير الشهوات ويؤدى البنأدم لافعال يغضب بيها ربنا انا عايز جوازنا يكون برضا الله علشان يبارك لينا فى حياتنا إن شاءالله انا ان كنت بكلمك فى التليفون دلوقتى علشان اطمن عليكى وده من واجبى بوصل صلة الرحم مش فى نيتى اى حاجه تانيه وربى يشهد بكده
سمر :- كلمة بحبك يعنى هى اللى هتعمل كل ده خلاص يا عم مش عايزه
فريد :- وبعدين انتى ليه ناكره للجميل مش انا اعترفت ليكى بده قدام الفيلا قبل كده
سمر :- اقسم بالله هى دى المره الوحيده اللى فرحت بيها قلبى ومن يومها عينك ما تشوف الا النور عمومآ بارك فيك يا اخ فريد
فريد :- وفيكى يا اخت سمر
سمر :- عاااااا هتشل
فريد :- تصبحى على طاعة الرحمن يا سمر
سمر :- ماشى يا فريد براحتك باى
فريد :- فى رعاية الله
سمر :- قفلت التليفون مع فريد وحطته جنبها وقالت ده ايه الغلب ده ياربى هو حرام لما يسمعنى كلمتين حلوين زى اى اتنين شكلها زى ما مى قالت ده يوم الفرح مش هيلمسنى غير بعد ظهور الرؤية ونامت على السرير واتوبت وقالت بس اعمل ايه بحبه برضه وغمضت عينيها ونامت

فى اوضت مى ومليكه

كانت مليكه ومى كل واحده بتتكلم فى التليفون

عند مليكه كانت بتتكلم مع ولاء صاحبتها
مليكه :- اللهى يجيبو ويحطوه عليكى فى حد يعمل اللى انتى عملتيه ده
ولاء :- وانا عملت ايه بس
مليكه :- لاء ولا حاجه كان قلبى هيقف عليا بس من الكسوف بسببك بقى انا اهزر معاكى فى موضوع اخوكى تيجى انتى وتقولى الكلام ده قدامه
ولاء :- هههههههه اه شوفتينى وانا بقر لاخويه علطول
مليكه :- بت انتى عبيطه ولا شكلك كده
ولاء :- طيب والله اخويه أمور واى واحده تتمناه وبعدين انتى كنتى بتتكلمى معايه بجد ساعة ما قولتى انك نفسك ربنا يكرمك بواحد
شبه
مليكه :- منكرش أن كلامك عنه وعن شخصيته خلتنى اتمنا واحد شبه وحرك قلبى من جوايا بس مش تيجى قدامه وتقولى يا ذكيه
ولاء :- وعلى فكره بقى اخويه هيمان على الاخر من ساعة ما شافك ومش مبطل كلام عنك وصدعنى اقسم بالله شكله وقع فيكى يا بت المحظوظه ده اللى يحبها ابيه ايمن يا بختها ويا سعدها وياهناها
مليكه :- يا سلام ليه بقى أن شاءالله
ولاء :- ليه ابيه ايمن مش فيه حاجه وحشه وسيم وامور ورائد قد الدنيا وعنده قلب من دهب وحنين وطيب ورومانسى وفيس وحاجه كده مش موجوده غير فى الافلام والروايات
مليكه :- ده انتى بتقولى شعر فى اخوكى بقى
ولاء :- انا مهما اقول مش هقدر اوصف ليكى ابيه ايمن ده ايه انا مش بعتبره اخويه الكبير انا بعتبره ابويه
مليكه :- ربنا يخليكم لبعض
ولاء :- بجد يا ملوكه اكسبى أبيه ايمن وشدي ليكى انا بحبك ومش هتمنا واحده لاخويه احسن منك وفعلا هو مشدود ليكى وده انا شوفته فى عينيه انا لما كنت بحكيلو عنك مكنش بيصدق أن فى حد زيك ومفكرنى بأڤور بس لما قبلك وشافك صدق كلامى
مليكه :- انا خايفه اعلق نفسى بحبال دايبه واقع على جدور رقبتى تنكسر افرضى أن هو مش حاسس حاجه من نحيتى اتعذب انا بقى
ولاء :- انا بقولك اخويه الاول كان معجب بشخصيتك من كتر كلامى عنك لدرجة بقولك مفكرنى بأڤور بس لما شافك اكتملت الصوره ليه وعلشان كده اعجب بيكى علطول
مليكه :- سكتت ومردتش
ولاء :- طيب هسألك سؤال انتى ايه شعورك من اتجاه أبيه
مليكه :- مش عارفه بس زى ما انتى قولتى لما شوفته اكتملت الصوره عندى من كتر ما كنت برسمه فى خيالى من كلامك عنه ويمكن كمان احلى من اللى كنت متخيله شكله مع شخصيته حاجه كده خيال شكله فعلا عامل شبه ابطال الروايات وشكله تقيل ورومانسى فى نفس الوقت وشهم كمان واو يا بت يا ولاء لما شدنى ساعة ما كانت العربيه هتخبطنى مش قادره اقولك لحظه متتوصفش لاء ومحترم اوى وزوق جدآ تركيبه كلها على بعضها تتاكل اكل
ايمن :- كل ده فيا لا ده انا كده اتغر فى نفسى اوى
مليكه :- بصدمه م.م.مين
ايمن :- انا اللى كنتى بتقولى فيه شعر دلوقتى
مليكه :- بصدمه نهار اسود ومنيل وقفلت السكه فى وشه وقعدت تقول يااختتتتتتى عليا قلبى هيقف لالالا ده وقف خلاص أودى وش فين منهم اخدى راحتك فى الكلام يا مليكه اشربى بقى يا مليكه اهو سمع الكلام كله احيه احيه عليا وعلى اللى هيحصلى الله يحرقك يا ولاء الكلب بكره لما اشوفك هولع فيكى ازاى تديه التليفون وانا بتكلم ازاى ماشى يا ولاء ماشى

عند مى

كانت بتتكلم هى وعدى

عدى :- يعنى توته رجعت تانى لخالتى مى
مى :- ايوه بس أموره اوى
عدى :- هى طول عمرها كده توته ومن وهى صغيره كانت جميله
مى :- نعم يا اخويه ما تلم نفسك ايه جميله دى كانت عجباك اوى
عدى :- احم احم انا ليه شامم ريحت غيره فى الموضوع
مى :- ها م.م.مش غيرانه وانا هغير ليه يعنى وبعدين تيلا بتحب يوسف ويوسف بيحب تيلا يعنى هتبقى مرات اخويه وانا مش بحب حد يغازل مرات اخويه قدامى
عدى :- يخربيت عقلك كل ده لفه علشان تقولى انك مش غيرانه
مى :- اه انا كده اذا كان عجبك
عدى :- انت تعجب الباشا يا باشا
مى :- ابتسمت وقالت ايوه كده اتعدل
عدى :- انتى عارفه نفسى فى ايه
مى :- ايه
عدى :- نفسى اخدك فى حضنى وتنامى فيه لصبح
مى :- عدى ايه اللى بتقوله ده
عدى :- وانا قولت ايه بس ده انا بقولك على حاجه بسيطه من اللى نفسى فيها لكن أنا الصراحه نفسى فى حاجات كتير مينفعش تتقال
مى :- احم م.م.ماشى مش هتنام علشان الشغل الصبح وانا انام علشان الكليه
عدى :- انا لو عليا مش عايز اسيبك نهائى عايز افضل اتكلم معاكى علطول
مى :- طيب وشغلك
عدى :- مش عارف بس مش عايز حاجه من الدنيا دى غيرك انتى وبس
مى :- طيب
عدى :- طيب ايه مفيش وانا كمان ولا بحبك ولا حاجه من دى خالص
مى :- احم لا اتكسف
عدى :- تتكسفى من مين منى انا وبعدين خلى الكسوف للتقيل وراه مش دلوقتى خالص
مى :- قصدك ايه
عدى :- لاء كلام كبير عليكى ابقى اشرحو ليكى لما تكونى معايه وفى حضنى
مى :- والله عظيم انت قليل الادب
عدى :- بس بحبك وبعشقك كمان
مى :- ت.ت.تصبح على خير
عدى :- تصبحى على سعاده وهنا وضحكه صافيه طالعه من القلب يا عمرى وبعدين قال مى
مى :- نعم
عدى :- بعت ليها بوسه وقال دى منى ليكى
مى :- غلس وقفلت السكه وضحكة وعضت شفتها اللى من تحت وقالت قليل الادب بس كلامه زى العسل وحضنت التليفون ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

فى اوضت جاكلين

كانت جاكلين بتتكلم مع معاذ فى التليفون

جاكلين :- لاء بجد احلف يعنى اللى كنت بتكلم معاها طول الوقت تيلا بنت خالتى طيب ازاى
معاذ :- اه والله انا اتفاجئت زيك لما عرفت أنها هى بنت خالتك اللى كنتى حكيتى عنها ليا بس فرحت ليهم والله
جاكلين :- طيب انا معرفتهاش علشان واحنا صغيرين مكناش بنحب بعض لكن يوسف ازاى قلبه محسش بيها غريبه دى
معاذ :- انا تملى كنت بحس أن هو فيه فى قلبه شعور لتيلا وكنت بشوف نظراته ليها مكانتش نظرات عاديه وهى برضه كانت بتحس بحاجه فى قلبها ليوسف بس مشكلتهم الاتنين أنهم مكنوش عندهم الشجاعه أنهم يصارحو بعض وده اللى خلاهم يحبو بعض فى صمت بس القدر جمعهم بطريقه تانيه خالص وطلع الحب اللى فى قلبهم حب طفوله
جاكلين :- واو اهو ده فعلا زى بتوع الروايات بجد لقاء الاحبه يا لهههههوى عليكى يا بت يا جاكى مؤالفه عظيمه ده انا لازم اكتب روايات
معاذ :- فوقى يا حبيبتى فوقى يا ماما من الروايات اللى جننتك دى
جاكلين :- لاء استنا عندك لو مكنش خيال الروايات اللى عندى مكنتش حبيتك بسرعه كده
معاذ :- مش فاهم قصدك ايه
جاكلين :- يعنى اول لقاء ما بينا وقعت فى حضنك وده شجعنى زى بتوع الروايات اينعم انك مش المدير بس يكفى انك الشاب الوسيم
وبعدين انا عايشه معاك بأحساس الرومانسيه بتاعة بطلات الروايه مع أن مشوفتش منك ولا مشهد لحد دلوقتى
معاذ :- مشهد ايه يعنى
جاكلين :- فين الورد يا عم انت وبعدين مش مفروض تنكد عليا وترجع تصالحنى وتقولى يا بت مليش غيرك
معاذ :- طيب من غير ما انكد عليكى فعلا بحبك ومليش غيرك فى الدنيا دى كلها
جاكلين :- لاء انت كده هتلغبط عندى الافكار ده لسه لما نتجوز تفقعنى العلقه السخنه التمام وبعد شويه تيجى تصالحنى وتقولى معلش يا بيبى ده الشيطان وانا اصالحك وتعزمنى على العشا وتغير عليا وتضرب واحد علقه سخنه علشان عكسنى
معاذ :- انتى ليه تفكيرك عنيف اوى كده
جاكلين :- لاء لسه هكملك وبعدين الشاب اللى ضربته ينتقم منك انا هسيب ليك طريقة اختيار الانتقام ولو أن أحب أن يسيب فرامل العربيه وتتقلب بيك وتدخل المستشفى وتبقى بتودع وتعمل عمليه خطيره وقلبك يوقف ويحتاجو دم وميلقوش فصيلة دمك علشان مش موجوده وبالصدفه يا سبحان الله شوف القدر تكون فصيلة دمى نادره زيك واتبرع ليك بدمى وبعض كل ده تدخل فى غيبوبه ويحطوك على الاجهزه وانا بقى اعيط اعيط اعيط واقولك ارجعلى وبعد مده اكون بعيط وتنزل دمعه على ايدك منى الاقيك تحرك ايدك انا بقى اتفاجئ وروح اجرى عليك واحضنك وأبلغ الدكتور ويجى يشوفك وتقعد تحت الملاحظه وتخرج ونعيش فى تبات ونبات ونخلف صبيان وبنات
معاذ :- نهاااااار اسوح ايه اللى انتى بتقوليه ده
جاكلين :- مليش دعوه انا عايزه اعيش حياتى كده بالظبط
معاذ :- عايزه منى حاجه امسحى رقمى من عندك ولا اقولك انا هشيلو خالص مش مستغنى عن عمرى الله يحرقك ويحرق الروايات اللى اكلت عقلك خالص دى
جاكلين :- متخفش ما انت هتعيش فى الاخر دى هتبقى زى شكة الدبوس وافق بقى
معاذ :- اوافق على ايه يا مجنونه انتى
جاكلين :- ههههههههه تعيش الأحداث اللى قولتها ليك دى كلها معايه
معاذ :- انا موافق على جزء واحد منها
جاكلين :- بفرحه بجد ايه هو الجزء
معاذ :- اننا نعيش فى تبات ونبات ونخلف صبيان وبنات إنما الهبل والعبط ده بتاع روايات وبس فاهمه
جاكلين :- على فكره بقى انت غلس اوى ورخم
معاذ :- اكون غلس ورخم احسن ما اموت
جاكلين :- طيب اقفل بقى علشان عايزه أكمل قرايت الروايه
معاذ :- نهار اسوح عليا وعلى سنينى السوده تصبحى على خير
جاكلين :- هههههههه وانت من أهله وقفلت معاه ومسكت الروايه وقعدت تقراه فيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد
لقاء الاحبه يوسف و تيلا الفصل الرابع عشر