/* */

لقاء الاحبه يوسف و تيلا الفصل السادس والعشرون

To report this post you need to login first.
4
(4)

 166 اجمالى المشاهدات,  23 اليوم

لقاء الاحبه يوسف و تيلا

⁦⁦
🥀الفصل السادس وعشرون🥀

اشرقت شمس صباح يوم جديد بنورها الساطع فى سماء اسكندريه لتبدأ تيلا بفتح عيونها

تيلا :- فتحت عينيها ببطئ ورفعت راسها وبصت على يوسف وضحكة ومشت ايديها على خده وبسته بوسه خفيفه على شفايفه
يوسف :- حس بحركة تيلا وحس بلمسة ايديها ولما بسته من شفايفه فتح عيونه وبسها من شفايفها بوسه طويله وبعد عنها وبص فى عينيها وقال صباح الخير يا عمرى
تيلا :- بكسوف صباح النور
يوسف :- نمتى كويس
تيلا:- اممم جدآ
يوسف :- علشان فى حضنى وغمز ليها
تيلا :- ضربته على صدره وقالت بطل غلاسه على الصبح
يوسف :- اااه يا مفتريه براحه
تيلا :- هههههههه احسن
يوسف :- ما بلاش ازعل اصل زعلى وحش
تيلا :- هههههههههههه يا امى يا امى خوفت انا
يوسف :- نط فوقيها وقال انتى اللى جبتيه لنفسك بقى
تيلا :- ههههههههه خلاص خلاص احنا اسفين يا صلاح
يوسف :- حذرتك وانتى مصدقتيش
تيلا :- بهزر يا رمضان مش بتهزر
يوسف :- لاء بهزر يا اختى وقرب منها و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت فريد وسمر

صحيت سمر من نومها وهى فى حضن فريد بصت عليه شويه وبعدين جابت الفون وشغلت الفيديو وصورته وهو نايم وهى نايمه فى حضنه وقربت منه وبسته بوسه خفيفه على شفايفه وعملت حفظ للفيديو وحطته جنبها وقالت
سمر :- ديدو يا قلبى
فريد :- امممم
سمر :- اصحه يلا يا حبى
فريد :- ماشى يا ماما كمان شويه
سمر :- هههههههههههه ماما هههههههههههه لاء انا مش ماما انا مراتك سمر ههههههههههه
فريد :- فتح عينه وابتسم وقال صباح الخير يا مجنونه
سمر :- صباح النور انت مفكر نفسك لسه عندكم فى الفيلا ههههههههه
فريد :- هههههههه ايوه
سمر :- ههههههههه لاء انت مع سمورتك مراتك حبيبت قلبك وروحك صح
فريد :- بسها برقه من شفايفها وقال وعمرى ودنيتى وكل حاجه حلوه فى حياتى كلها
سمر :- وقفت على السرير وصرخت وقالت يا لهههههههههههههوى على ابن فرنسا طلع رومانسى اخر حاجه يا اما
فريد :- ههههههههههههههه اقعدى يا مجنونه دماغك ضايعه اكتر من جاكى اختى
سمر :- لاء ده انا عندى استعداد اقف على صور البلكونه واصرخ وأقول إن انا بعشقك وربنا حبك جنينى ياابن مليكه
فريد :- شدها قعدها ومسك وشها ما بين ايديه وقرب من شفايفها وبسها و(وسكتت شهرذاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت عدى ومى

كان عدى قاعد على السرير طول الليل منمش وكان عمال يبص على مى وهى نايمه لحد ما طلع عليهم النهار
مى :- كانت عامله نفسها نايمه بس كانت صاحيه وحاسه بعدى وهو صاحى ومنمش
عدى :- راح عندها وقال مى حبيبتى اصحى يلا
مى :- ابعد عنى يا عدى وملكش دعوه بيا
عدى :- مى وحياة اغلى حاجه عندك قومى اقعدى واسمعينى
مى :- لاء يا عدى مش عايزه اسمع حاجه
عدى :- يا مى انتى بتعقبينى على الماضى ليه
مى :- علشان انت خبيت علينا كلنا يا عدى
عدى :- كنت عايز اتأكد الاول وبعدين كنت خايف اخسرك يا مى
مى :- يعنى انت دلوقتى مخسرتنيش
عدى :- مقدرش اخسرك يا مى انا اموت لو بعدى عنى يا مى انا بحبك حب بجنون وبعدك عنى معناه نهاية العالم بالنسبه ليا
مى :- قوم يا عدى وبلاش تتعب نفسك فى الكلام لأن انا مهما قولت مش هرجع فى رأى
عدى :- وقف وقال بعصببه تانى يا مى تسرعك تانى يا مى ما هو انتى لاقتينى ضعيف من نحيتك توجعى فيا وتظلمينى وبعدين بكلمتين حلوين منك انسا اى حاجه واجرى عليكى وكأن مفيش حاجه حصلت
مى :- وقفت وقالت بعصبيه وليك عين تتكلم معايا بالطريقه دى انت واحد غشاش عارف يعنى ايه غشاش يعنى خدعتنا كلنا وخبيت حمل روان عننا كنت قولت الصراحه من الأول وكنت سيب الاختيار لينا من الاول مش تحطنا قدام الأمر الواقع انك خلاص بقيت جوزى وملزومه أن اتقبل الوضع
عدى :- لاء يا مى انا فكرت أن اسيب ليكى اختيار البعد عنى دى مقدرش عليها وانا لحد دلوقتى مش متأكد اذا كان اللى فى بطنها ده منى ولا من حد تانى انتى عارفها انها رخيصه وممكن يكون من حد تانى وعملت كده علشان تاخد قرشين ليها مننا انا كل ده مستنى اعمل ليه تحليل الDNA علشان اتأكد
مى :- مع نفسك يا عدى روان نتيجة اختيارك انت مش حد تانى
عدى :- عارف وكنت غلطان بس مفيش حد مبيغلطش وصلحت غلطيتى بطلقها بس للاسف مش سيبانى فى حالى قوليلى انا ذنبى ايه فى كده
مى :- مش مشكلتى والله حل مشاكلك بعيد عنى يا عدى
عدى :- انتى ليه كده لو كنتى حبتينى بجد من قلبك كنتى واقفتى جنبى واتمسكتى بيا مهما حصل مش من اول مشكله تطلبى الطلاق والبعد شوفى خالتك مليكه عملت ايه مع بابا لما عرفت أن عنده ابن من عشقته مش مراته وعنده خمس سنين مش لسه فى بطنها وقفت جنب ابويه واخدتنى وربتنى وعمرها ما فرقت بينى وبين اخواتى ولا عمرها حسستنى أن انا ابن واحده كانت أقل ما يتقال عليها شيطانه وكانت عايزه تأذيها وتخرب بيتها وتحرمها من الخلفه كل ده خلته بعيد عنى وربتنى احسن تربيه ومطلبتش الطلاق من بابا زى ما بتعملى انتى معايه دلوقتى عارفه الفرق ما بينكم ايه رغم تشابه الموقف
مى :- ربعت ايديها على صدرها ومردتش عليه
عدى :- الفرق أن هى حبيته بجد من قلبها واخدت عهد تقف جنبه ومتبعدش عنه مهما حصل لكن انتى لاء يا مى محبتنيش انتى عايزه بس عدى الشاب الرومانسى اللى يقول كلام حلو اربعه وعشرين ساعه وعلطول ضعيف قصاد حبك مش اكتر
مى :- خلصت
عدى :- بصى طريقة كلامك ازاى
مى :- برضه يا عدى هطلقنى انا كان ممكن اقف جنبك لو عرفت منك انت مش اتفاجئ من واحده زى دى كنت ممكن افكر فى الموضوع واديك العذر كمان لكن انت غشتنى وسبتنى كده على عاميه كنت مستنى لما تولد وتروح تعمل ليه التحليل وبعدين تيجى تقولى مى يا حبيبتى روان كانت حامل وطلع عندى ابن منها وعايزك تربيه انتى صح لاء يا عدى طريقة كلامك دى مش هتصعب عليا ولا تأثر فيا
عدى :- عندك حق يا مى انا غلطان وراح عند الباب وبص لمى وعيونه كلها دموع وفتح الباب وخرج وقفله وراه ونزل
مى :- قعدت على الكنبه وقعدت تهز رجليها وتاكل فى ضوافيرها ودموعها نزلت منها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

فى اوضت جاكلين

كانت بتتكلم مع معاذ فى التليفون بزعل
جاكلين :- بزعل اخواتى واحشونى اوى بقيت لوحدى فى الفيلا يا معاذ
معاذ :- يا قلبى هانت وانتى كمان هتحصليهم وتبقى معايه وفى حضنى
جاكلين :- بكسوف ا.ا أن شاءالله
معاذ :- هتعملى ايه النهارده
جاكلين :- ولا حاجه مش قادره انزل النهارده هقعد فى الفيلا اقراه روايه واتخيلك معايه فيها
معاذ :- ضرب وسحل وكده
جاكلين :- ههههههههه الصراحه اه ههههههههه
معاذ :- هههههههههه مجنونه بس بحبك
جاكلين :- وعلى فكره انا كمان بحبك
معاذ :- يارب بس استاذ اسر يقول لابوكى بسرعه على طلبى علشان اجى اتقدم ليكى بسرعه
جاكلين :- يارب
معاذ :- يلا انزلى افطرى وانا هنزل الشركه لان محدش موجود فيها واستاذ اسر ويوسف مأمنين عليها معايا
جاكلين :- ربنا معاك يا قلبى باى وقفلت معاه ومسكت التليفون وباسته وقالت بحبك اوى اوى وبموت فيك وسابت التليفون على السرير ودخلت الحمام اخدت شاور واتوضت وخرجت لبست هدومها وأدت فرضها ونزلت
جاكلين :- صباح الخير
مليكه وفهد :- صباح النور
مليكه :- مش خارجه ولا ايه
جاكلين :- بزعل لاء مليش نفس
فهد :- مالك فى حد مزعلك
جاكلين :- لاء بس الفيلا وحشه اوى من غير عدى وفريد
مليكه :- عندك حق بس كلها كام يوم وراجعين يعيشو معانا هما ومراتتهم
جاكلين :- ربنا يسعدهم
مليكه :- ويسعدك يا قلبى بأبن الحلال اللى يسعدك يارب
جاكلين :- كانت بتشرب مايه وشرقت لما سمعت كده وكانت هتموت وقالت كح كح احم ا.ا.انا اسفه كح كح
فهد :- براحه وانتى بتشربى محدش بيجرى وراكى
جاكلين :- احم ح.ح.حاضر
فهد :- وقف وقال انا ماشى عايزين حاجه
مليكه :- لاء يا حبيبى خلى بالك على نفسك
جاكلين :- ربنا يخليك يا بابا
ومشى فهد وركب عربيته وراح على الشركه
جاكلين :- وقفت وقالت انا طالعه اوضى
مليكه :- مدام قعده خليكى ساعدينى فى البيت
جاكلين :- ها ا.ا اساعد مين مش هينفع طبعآ مش فاضيه
مليكه :- ليه الهانم وراها ايه
جاكلين :- ها م.م.مش عارفه بس اكيد فى حاجه ورايا بس مش عارفه ايه هى
مليكه :- انا اقولك وراكى قرايت الروايات الفاشله زيك بكره ترجعى ليا من الصباحيه وانتى متعرفيش تقلى حتى بيضه
جاكلين :- هبقى اخليه يشترى ليا جاهز
مليكه :- هههههههه كانت خالتك مى بتقول كده وهى بنت واتجوزت جوزها الاولانى كانت شبه الخادمين طول النهار مش بتخرج من المطبخ ومش بتقعد على حيلها
جاكلين :- بفرحه ربنا يبشرك بالخير يعنى هتمرمت واتسحل امته بقى
مليكه :- والله العظيم ربنا يشفيكى والله يكون فى عون اللى هياخدك
جاكلين :- قولى يا سعده يا هنا ده هياخد لؤلؤة البيت اقسم بالله وبعتت ليها بوسه وقالت باى باى يا مزه وطلعت اوضتها
مليكه :- ههههههههه ربنا يهديكى يا بنت بطنى وقامت لمت السفره وبدأت تشوف اللى وراها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

فى اوضت مليكه

مليكه صحيت من نومها وبصت على سرير مى ودموعها نزلت منها وقالت
مليكه:- اول مره فى حياتنا نبعد عن بعض يا توأمى وفى الوقت ده رن تليفونها بصت فيه لاقته رقم أيمن ردت وقالت السلام عليكم
أيمن :- وعليكم السلام مالك يا مليكه صوتك معيطه ليه فى حاجه
مليكه :- بدموع مخنوقه اوى يا أيمن
أيمن :- ليه
مليكه :- اول مره نبعد انا ومى عن بعض من يوم ما كنا فى بطن امى
ايمن :- مى اللى هى توأمك صح
مليكه :- بدموع ايوه واخده كل يوم الصبح اصحه على صوت سمر وهى بتصحينى ونقعد نصحى فى مى ونضحك ونهزر مع بعض بس هما مشيو وسابونى لوحدى الفيلا وحشه اوى من غيرهم
أيمن :- معلش يا مليكه انتى كمان مسيرك هتمشى من الفيلا وتتجوزى قريب ان شاءالله وانا مش هحسسك بوحده ابدآ يا قلبى
مليكه :- م.م.ماشى
أيمن :- متنسيش تكلمى باباكى النهارده
مليكه :- ح.ح.حاضر
أيمن :- ولو ليا غلاوه عندك بلاش دموعك دى تانى علشان بتوجعنى بجد
مليكه :- حاضر بس غصب عنى مش عارفه ليه قلبى مقبوض
ايمن :- طيب من ايه
مليكه :- الاحساس ده بيجيلى لما تكون مى اختى مخنوقه بحس نفسى انا كمان مخنوقه
ايمن :- ده بس علشان هى بعيده عنك لكن تلاقيها دلوقتى عايشه ومبسوطه مع جوزها وبيضحكو وبيهزرو
مليكه :- يارب يا أيمن
أيمن :- بصى مش عايزك تفكرى فى اى حاجه تزعلك فكرى فيا انا وبس ولا استنى يمكن التفكير فيا يزعلك كمان
مليكه :- ههههههههه لاء مش بيزعلنى
ايمن :- ايوه كده اضحكى يا قلبى يارب الضحكه متروحش ابدآ من على شفايفك صباح الورد والياسمين عليكى يا ملوكه يلا قومى خدى شاور واجهزى وانزلى الكليه زمان ولاء هتتجن عليكى هناك
مليكه :- حاضر هقوم انا اجهز باى وقفلت مع ايمن وبصت تانى على سرير مى وقالت ربنا يسعدك يارب يا ميوش وقامت دخلت الحمام اخدت شاور واتوضت وخرجت لبست هدومها وادت فرضها ونزلت وقالت
مليكه :- صباح الخير
اسر ومها :- صباح النور
مها :- اقعدى يا حبيبتى افطرى
مليكه :- لاء يا ماما مليش نفس
اسر :- ليه يا حبيبت بابا
مليكه :- مفيش يا حبيبى بس يادوب الحق المحاضره
اسر :- ماشى يا حبيبت بابا خدى العربيه بتاعة اختك سمر اركبيها دى بتاعتك من دلوقتى
مليكه :- بسته فى خده وقالت ربنا يخليك يا بابا وقالت همشى انا سلام
مها :- خلى بالك على نفسك وسوقى براحه
مليكه :- حاضر باى ومشت مليكه ركبت العربيه وراحت على الكليه
مها :- البت مليكه صعبانه عليا اوى حاسه انها مكسوره كده ووحيده بعد ما اخواتها اتجوزو بالذات البت مى مأثره معها علشان طول عمرهم ما بعدو عن بعض
اسر :- ربنا يرزقها بأبن الحلال اللى يسعدها ويهنيها يارب
مها :- يارب يا اسر يارب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم

كان الكل متجمع على السفره

عمار :- الوضع رجع زى الاول تيلا اتجوزت ورجعنا لبوزين الاخس دول من تانى
فرحه :- احترم نفسك يا عمار
عمار :- فيها ايه لما تتشتمى من غير ما تردى ما اختك هنا ايه اتشتمت وقعده متنحه يا عين امها ولا كأنها بلعه لسانها يا ضنايا لازم الحته اللى فى لسانك دى
فرحه :- والله ما فى حد فينا عنده حته زياده فى لسانه غيرك انت بكره نتجوز كلنا وتقعد انت لواحدك كده زى قرد قطع محدش يعبرك
عمار :- امشى قطع لسانك بكره اتجوز وتقعدو انتو يا بيرين وبص لهنا وقال منوره يا اخت
هنا :- خفه
عمار :- اختى حبيبتى حمدالله على السلامه رجعتى لسانك امته
فرحه :- بابا ما تخلى ابنك يسكت شويه
باسم :- اسكت يا ابنى وحط لسانك جوه بؤقك شويه
عمار :- واتخرس شبه هنا ده انا اموت
مى :- بعد الشر عليك يا حبيبى من الموت
عمار :- والله البيت ده مش فيه غير ميوش وتوته إنما الباقى يع
باسم :- اللهم لا أسألك رد القضاء ولكن أسألك اللطف فيه
عمار :- اللهم يزود فى إيمانك يارب يا بابا
باسم :- بص ليه بغيظ وبعدين بص لفرحه وقال انا رديت على وحيد واديته معاد كمان يومين يجى يتقدم هو وأهله
فرحه :- ميرسى يا بابا
باسم :- بس يارب يطلع قد المسؤولية
عمار:- لولولولولولوى ولاقينا عريس اعمى هيتجوزك يا فوفه عقبال الاخت الخرساء يارب
مى :- يارب ربنا يفرحنا بيكم يا حبايبى
هنا :- وقفت وقالت عن اذنكم انا ماشيه
مى :- ماشى يا حبيبتى خلى بالك من نفسك
وخرجت هنا وقفت تاكسى وراحت على الكليه
فرحه :- عن اذنكم انا كمان باى
مى :- مع السلامه يا حبيبتى فى رعاية الله
باسم :- وانت مش رايح مدرستك
عمار :- هههههههه لاء مش رايح وبعدين ما اجتمع مى وباسم فى مكان واحد والا كان ثالثهم شهرزاد وغمز بعينه
مى :- هههههههههههه مجرم
باسم :- وقف وقال افرحى بيه يا اختى أنا ماشى
مى :- على مهلك يا حبيبى لا إله إلا الله
باسم :- سيدنا محمدآ رسول الله ومشى
عمار :- بصوت مى على مهلك يا حبيبى لا إله إلا الله ايه جو سى السيد القديم ده كان ناقص تمسكى مبخره وتقولى زى امينه فى بين السريات
مى :- اتلم يا مجرم
عمار :- الجريمه الحقيقيه أن اتولد فى العيله دى عن اذنك وسابها ودخل اوضه
مى :- نسخه منى ابن الايه هههههههههههههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى

كانت جومانه وقفه فى المطبخ وبتعمل الفطار

كريم :- بصوت عالى جوماااااااانه
جومانه :- ايه فى ايه خضتنى
كريم :- لسه كتير على الاكل
جومانه :- اصبر شويه والأكل هيكون جاهز
كريم :- طيب بسرعه الله يكرمك احسن جعان اوى وشد من ايديها الخياره وخرج من المطبخ وكانت بسمله قعده بتتفرج على التلفزيون لعب فى شعرها وقال بسله بتعملى ايه
بسمله :- زقت أيده من على شعرها وقالت بطل غلاسه بقى
كريم :- خلاص الحق عليا أن بعبرك يا بسله وقعد جنبها على الكنبه
وفى الوقت ده كان نازل فارس
كريم :- اسد يلا ايه يا حاج مالك نازل منفوخ ولا عنتر ابن شداد فى زمانه
فارس :- اتلم يا اهبل اختك قاعده
كريم :- بسله اعتبرها هوا بس قولى كله ده من الصلح وغمز ليه
فارس :- بلاش قرك الدكر ده احسن لما بتنبر فيها بتخرب الدنيا
كريم :- ماشى ماشى الله يسهلو مزتك فى المطبخ وبعدين بس لبسمله وقال ها وانتى عامله ايه بقى
بسمله :- احسن منك
كريم :- طبعآ مش بسله ههههههههههههههه
بسمله :- ههه خفه
وفى الوقت ده جرس الباب رن
كريم :- بسله قومى افتحى
بسمله :- ما تقوم انت انا مالى
كريم:- اخس عليكى يا بسله قومى بقى افتحى زمان اللى على الباب خلل يا عين امه
بسمله :- هوف ربنا يتوب عليا منك وقامت تفتح
كريم :- قاعد على قلبك والله بسله
بسمله :- فتحت الباب وقالت جاسر ا.ا اتفضل
جاسر :- كريم موجود
بسمله :- يعنى هيكون فين اهو قاعد يقرف فيا جوه
جاسر :- ههههههههههههه
بسمله :- سرحت فى ضحكة جاسر
جاسر :- ايه هو انا حلو اوى كده علشان تسرحى فيا بالشكل ده
بسمله :- ها احم ا.ا.اتفضل
جاسر :- بضحكة رجوليه شكرآ يا بسله ههههههههه
كريم :- من جوه مين يا بسله
بسمله :- احم د.د.ده جاسر صاحبك
جاسر :- ههههههههه على فكره اول مره اعرف ان اسمى حلو كده
بسمله :- ها
كريم :- دخليه يا غبيه
بسمله :- ح.ح.حاضر وبصت لجاسر وقالت ا.ا.اتفضل
جاسر :- هههههههههه بلاش تدخلى دلوقتى احسن لو حد شاف خدودك حمرا كده من الكسوف يفتكر حاجه غلط هههههههه وسابها ومشى
بسمله :- بصت فى المرايا على وشها وقعدت تهوى بأيديها وشويه ودخلت
كريم :- كنتى فين يا بنتى انتى بتموتى الاول ولا ايه
بسمله :- وهو متوتره ع.ع.عايز ايه منى
كريم :- اتنين شاى بقى من ايدك وهاتيهم فى اوضى
بسمله :- وهى بتبص على الأرض ح.ح.حاضر
جاسر :- كتم ضحكته على منظر بسمله وطلع مع كريم فى اوضه
كريم :- ايه رأيك فى الفرح امبارح
جاسر :- حلو بس كان عندى احساس غريب ان انا مش غريب يعنى حاسس أن كان ليا فى الفرح ده زيكم بالظبط مش عارف اوصفلك شعورى بالظبط اللى كنت حسه امبارح فى الفرح
كريم :- عروستى
جاسر :- ايه
كريم :- يعنى مش فاهم
جاسر :- انا نفسى مكنتش فاهم
كريم :- لغز غريب
جاسر :- المهم قولى كنت متعصب امبارح ليه فى آخر الفرح
كريم :- متفكرنيش ده انا كل ما افتكر الموضوع ده الدم يغلى فى دماغى من بنت سلطح ملطح دى
جاسر :- ههههههههه دى مين دى اللى قدرت تعصب كريم المنشاوى
كريم :- بنت كده مصديه البيست فريند بتاعة مليكه قربتى المهم خبطها من غير قصد بنت التيت اتفتحت زى البولعه ومتقفلتش بعيد عنك ولسنها ده ايه مبرد
جاسر :- هههههههههه والله جدعه عملت معاك اللى مفيش واحده قدرت تعمله فيك
كريم :- وحيات امك شمتان فيا طيب اللهى وانت جاهى يرزقك بواحده هبله وفى الوقت ده الباب خبط
بسمله :- الشاى يا كريم
كريم :- ادخلى يا هبله
جاسر :- وهو بيكتم ضحكته
لم نفسك راعى ان انا موجود
كريم :- يا عم كبر وبص نحيت الباب وقال ايه يا بسله موتى ولا ايه
بسمله :- تعال خده منى يا ابنى
كريم :- ابنى وبعدين بص لجاسر وقال هاتوه الله يسترك
جاسر :- خدامين الجزم وقام فتح الباب واخده من بسمله وهو بياخده أيده لمست ايدها
بسمله :- اتوترت وكانت هتوقع الصنيه من ايديها
جاسر :- بصوت واطى اسف
بسمله :- م.م.ماشى عن اذنك ونزلت تجرى
جاسر :- قعد يبص عليها لحد ما نزلت ودخل وقفل الباب وحط الشاى على المكتب وقال اتفضل اهو
كريم :- اخدمك يوم فرحك على الهبله أن شاءالله
جاسر :- انا نفسى ابوس راس البنت اللى مسحت بكرامتك الارض جدعه بنت ابوها بجد
كريم :- دى مصديه ومقشفه يا ابنى
جاسر :- هههههههههه طيب بس احسن ما ربنا يديك واحده شبها
كريم :- امشى انا اتجوز واحده شبه دى دى لوكال اخر حاجه
جاسر :- هههههههههه بكره نشوف وشربو الشاى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الكليه عند هنا

دخلت هنا الكليه وكان محمد واقف مع شلة بنات وكان بيضحك وبيهزر حست نفسها مضيقه وكانت متغاظه جدآ مشت من قدامه من غير ما تكلمه
محمد :- اول ما شفها نده عليها وقال هنا هنا استنى
هنا :- وقفت وقالت نعم
محمد :- ماشيه علطول كده ليه
هنا :- عادى مرضتش اقطع عليك
محمد :- تقطعى عليا فى ايه
هنا :- ولا حاجه عن اذنك
محمد :- استنى يا هنا فيكى ايه مالك
هنا :- بضيق مفيش يا محمد روح شوف كنت بتعمل ايه وسبنى فى حالى
محمد :- بأستغراب كنت بعمل ايه مش فاهم
هنا :- ولا حاجه واقف وسط بنات وعمال تضحك وتهزر وصوتكم جايب اخر الدنيا
محمد :- بأستغراب وانتى ايه مضيقك كده
هنا :- ولا حاجه مصدعه شويه بس عن اذنك
محمد :- هنا انتى بتغيرى عليا
هنا :- ها ل.ل.لا طبعآ ايه ا.ا.الا انت بتقوله ده
محمد :- تصرفاتك ملهاش معنى غير كده
هنا :- د.د.ده تخريف طبعآ وسابته ومشيت
محمد :- لنفسه اقطع دراعى أن هى غيرانه عليا وراح وراها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مستشفى الامراض العقليه

كانت حياة قعده جنب مازن وبتتكلم معاه على أمل أن هو يرد عليها أو ينتبه ليها وقالت

حياة :- مازن ارجعلى علشان خاطرى انا محتاجك جنبى بجد انا مليش غيرك دلوقتى فى الدنيا بعد موت جوزى
مازن :- مبصلهاش ولا رد عليها
حياة :- طيب اقولك على حاجه امبارح كان فرح تيلا
مازن :- اول ما سمع اسم تيلا بصلها بأهتمام
حياة :- فهمت أن عايزها تكمل كملت وقالت كانت طالعه زى القمر وكانت مبسوطه جدآ وفرحانه اتجوزت ابن خالتها وشكلهم بيحبو بعض وانا كنت فرحانه اوى ليها ربنا يسعدها
مازن :- عينه دمعت وكان بيحاول يحرك بؤقه ويقول حاجه
حياة :- هزت راسها تشجعه على الكلام وقالت قول يا مازن اللى عايز تقوله انا سمعاك
مازن :- قفل بؤقه تانى ودموعه نزلت منه وبص قدامه تانى
حياة :- مازن ساعدنى ارجعك حاول تتكلم معايا انا متاكده انك سامعنى ومانع الكلام بمزاجك
مازن :- هز راسه وسكت تانى
حياة :- طيب انت عارف نفسى فى ايه نفسى محمد يحب هنا وهنا تحبه ويتجوز بجد انا حبيت هنا طالعه هاديه جدآ ورقيقه وملهاش فى الكلام الكتير ومؤدبه ومحترمه بجد وعلى فكره قريب اوى هنا هتكون عندك
مازن :- بصلها بترجى
حياة :- بسته فى راسه وقالت مش هسكت غير لما ارجعك زى الاول واحسن يا اخويه
مازن :- دمعه نزلت منه
حياة :- مدت ايديها ومسحتها وقالت كل حاجه هتبقى احسن ان شاءالله
وقعدت تتكلم معاه علشان تساعده يتكلم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند وحيد وفرحه

كانو قاعدين فى الكافتيريا وبيتكلمو مع بعض

فرحه :- بفرحه مش مصدقه نفسى أن بابا وافق وخطوبتنا كمان يومين حاسه ان بحلم
وحيد :- انا كنت متأكد أن ابوكى هيوافق عليا على فكره لانى شاب ميتعوضش الصراحه
فرحه :- اكيد يا قلبى مفيش منك اتنين فى الدنيا دي
وحيد :- عارف
فرحه :- امته يعدى علينا اليومين دول بفارغ الصبر
وحيد :- ده انا اللى منتظره بفارغ الصبر علشان بيقربنى
فرحه :- بعدم فهم بيقربك من ايه
وحيد :- ها ليكى طبعآ ان انا هاخدك فى حضنى وكده
فرحه :- بجد يا قلبى بحبك اوى
وحيد :- طبعاااااآ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الفندق

فى اوضت يوسف وتيلا

كان يوسف فى الحمام وتليفون تيلا رن بتبص لاقته رقم غريب ردت وقالت

تيلا :- السلام عليكم
شهاب :- صباحيه مباركه يا عروسه يارب بس العريس يكون رفع راسنا هههههههههه
تيلا :- انت تانى
شهاب :- شطوره حفظتى صوتى
تيلا :- انت مين وعايز منى ايه
شهاب :- الصراحه كنت عايز عمرك بس صعبتى عليا قولت اسيبك تفرحى يومين حلوين مع عريس الهنا وبعدين اخلص عليكى يا عروسه ههههههههههههه
تيلا:- طول ما ربنا معايا مش هتقدر انت تأذينى بحاجه
شهاب :- لاء جسمى اشعر من التقوى ده انتو كلكم عيله متعرفش ربنا من اكبركم فهد المنشاوى لاصغركم
تيلا :- انت مين علشان تقول علينا كده ده انت واللى زيك مش بتخافو ربنا وعقابكم هيكون شديد لان ربنا مش بيحب المفسدين فى الارض اللى زيك
شهاب :- كان بودى اقعد اتكلم معاكى اكتر من كده بس هسيبك بقى مع عريس الهنا سلام
وفى الوقت ده خرج يوسف من الحمام وشاف تيلا وهى بتتكلم فى التليفون
يوسف :- مين يا قلبى
تيلا :- ها د.د.ده رقم غلط
يوسف :- ومال وشك مخطوف كده
تيلا :- ها م م.مفيش ممكن بس علشان مأخدش كفايتى فى النوم
يوسف :- قعد جنبها وقال ليه حضنى مش مريح ولا ايه
تيلا :- لاء طبعآ مريح
يوسف :- امممممم طيب ما تيجى تتأكدى كده وشدها ليه و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند عدى

نزل من الفندق وهو مخنوق وركب عربيته ومشى بيها فى الشوارع ولاقه نفسه قدام شركة ابوه نزل من العربيه وطلع عند مكتب فهد ودخل عنده
فهد :- بخضه عدى خير يا ابنى مراتك كويسه
عدى :- بخنقه كويسه يا بابا انا اللى مش كويس
فهد:- مالك يا عدى اتخنقت مع مى
عدى :- حاجه زى كده
فهد :- انتو لاحقتو فين الكلام اللى قولته ليكم يوم الفرح
عدى :- مشكلتى أن بحبها وهى متأكده من كده يا بابا علشان كده بتعذب فيا و مشكلتها انها مش بتثق فيا تملى شكه فيا ومتسرعه ومش بتسمع دفاعى عن نفسى ومن اول مشكله حصلت ما بنا طلبت الطلاق منى
فهد :- الستات كلها كده بس فى ايد الراجل يغيرها ويخليها اهدا من كده مهما تكون مش هتكون زى امك مليكه بعنادها وتمردها وقدرت اغير منها وهى الصراحه علشان بتحبنى بتعمل بكل طريقه علشان تراضينى بس ثوانى مشكلة ايه اللى حصلت ما بين يوم وليله ده انتو كان فراحكم لسه امبارح
عدى :- احم روان
فهد :- مالها
عدى:- جت لينا امبارح بليل وبوظت الليله
فهد :- وكانت عايزه ايه منكم
عدى :- ك.ك.كانت جايه تقول لمى انها حامل
فهد :- بصدمه ايه حامل
عدى :- هز راسه بمعنى ايوه
فهد :- طريقتك بتقول انك كنت عارف
عدى :- ايوه عرفت قبل الفرح بأسبوع بس كنت مستنى أنها تولد واعمل تحليل اتأكد اذا كان منى ولا لاء
فهد :- وليه مقولتش لينا اول ما عرفت كنا عرفنا نتصرف بدل اللى حصل ما بنك وبين مراتك بسببها
عدى :- زى ما قولتلك يا بابا انا كنت عايز اتأكد الاول قبل ما اعمل دوشه على الفاضى فى العيله
فهد :- وده حصل امته بالظبط
عدى :- احم قبل ما نتجوز
فهد :- بقرف طول عمرك نجس ومقرف واللى بيحصل دلوقتى نتيجة اخطائك اللى كنت بتعملها
عدى :- عارف يا بابا ولو كنت اعرف كل ده هيحصل عمرى ما كنت هفكر أن ارتكب اخطائى دى الواحد مش بيتعلم ببلاش يا بابا
فهد :- واكيد طبعآ مى رفضت تسامحك وعيشتك ليله من اسود لياليك
عدى :- هز راسه بمعنى ايوه وقال لو بعدت عنى هموت يابابا
فهد :- هى كمان متسرعه ما هى اتجوزتك وهى عارفه ماضيك يعنى متفاجئتش ولا حاجه بس انت غلط لما خبيت كنت حتى جيت قولتيلى وانا حليت ليك مشكلتك
عدى :- على فكره يا بابا عمو اسر عارف كل حاجه وهو اللى طلب منى مقولش ليها حاجه الا لما اتأكد علشان هو عارف بنته متسرعه وهتخرب الدنيا على موضوع لسه مش متأكدين منه
فهد :- وهو ده اللى حصل هتعمل ايه دلوقتى
عدى :- مش عارف علشان كده جيت ليك تشوف ليا حل مش عايز مى تبعد عنى وانا اقنعتها انها تستنا كام شهر معايا علشان سمعتها وعلشان خاطر ابوها ومحتاج اقنعها تفضل معايا بس روان مش هتسكت على كده وهتفضل ورانا تخرب لينا حياتنا
فهد :- وقف وقال خلاص خليك انت حاول ترجع مراتك ليك وانا سيب ليا روان وموضوع حملها ده
عدى :- طيب اصالحها ازاى بما انك عندك خبره فى الموضوع ده انا مش قادر استحمل بعدى عنها اكتر من كده
فهد :- لاء اهدا على نفسك دلوقتى اخر حاجه تفكر فيها دلوقتى انك تلمسها اصبر عليها لحد ما تثق فيك الاول وبعد كده ابقى فكر فى جسمها وهى هتكون وثقة فيك وهتسلمك نفسها بسهوله
عدى :- ازاى هستحمل أشوفها قصادى من غير ما المسها ده انا اموت
فهد :- انت عايزها علشان بتحبها ولا علشان جسمها لو علشان جسمها يبقى طلقها من دلوقتى لان حب الجسد فانى لكن لو علشان بتحبها هى يبقى هتيجى على نفسك وهتستحمل علشان تثق فيك وتسلملك نفسها بمزاجها لان حب الروح هو اللى باقى يا عدى
عدى :- بس اخليها تثق فيا ازاى
فهد :- حاول انك توريها مش مهتم بجسمها قد ما مهتم بيها حاول تتكلم معاها فى اى مواضيع تخصها هى حاول تشاركها أفكارها حاول تعرف هى بتحب ايه واعملهولها خليك مصدر سعادتها مش دموعها وتعستها واعمله بصدق وهى هتحس بده بسهوله قوم روح ليها واعمل اللى قولتلك عليه ومتشغلش بالك بروان اصل انا اتعاملت مع نوعيتها قبل كده روان نسخه من امك روح يا حبيبى ربنا يسعدك
عدى :- وقف وقال ربنا يخليك يا بابا عن اذنك وخرج من مكتب ابوه وخبط فى باسم
باسم :- بأستغراب عدى بتعمل ايه هنا وسايب مراتك
عدى :- ها مفيش ك.ك.كنت بطمن على بابا سلام وسابه ونزل ركب عربيته وراح الفندق
ودخل الاوضه وكانت مى قعده وبتعيط على الكنبه
مى :- اول ما شافته مسحت دموعها وبصت الإتجاه التانى
عدى :- قعد قصاد مى وقال بتعيطى ليه
مى :- مش بعيط ولو سمحت ملكش دعوه بيا
عدى :- مى انسى بقا اللى حصل ده مليش يد فيه ده أرادت ربنا
مى :- انسا ايه انسا انك خدعتنى وخبيت عليا موضوع حمل طلقتك انت عارف هى اولى بيك مش انا هى ام ابنك لكن أنا مجرد واحده لشهوتك مش اكتر
عدى :- مى انتى عارفه بتقولى ايه واعيه لكلامك ده
مى :- ايوه يا عدى انا مقدرش استحمل اكون سبب فى فراق راجل وست ما بنهم طفل
عدى :- اكبرى بقى واعقلى ازاى تقولى كلام زى ده هو انا ولا حاجه اوى كده بالنسبالك علشان عايزه تبعدى عنى وتسبينى بالسهوله دى انا عمال افهمك انك كل شئ عندى وانتى سيقه فيها وتوجعينى واقول استحمل هى لسه صغيره معندهاش خبره فى الحياه وصدمة روان مأثره فيها لكن توصل معاكى أن تقولى على نفسك انك مجرد شهوه ليا وانك تطلبى من أن ابعد عنك واروح لروان بجد انا اللى مصدوم فيكى بصراحه
مى :- بدموع ايوه لان مفروض ده يحصل يا عدى
عدى :- جسمك مش محتاجه فى حاجه يا مى وطلاق هطلقك بس مش دلوقتى مش علشان خاطرك لاء علشان خاطر ابوكى وقام وسابها تعيط
عدى :- لنفسه سامحينى يا مى لازم اقسى عليكى علشان تعرفى تتمسكى بالحاجه اللى فى ايدك وتثقى فيا اكتر من كده وتهدى شويه ومتتسرعيش علشان نعيش سعاده فى المستقبل ودخل الحمام وهو قلبه واجعه من دموع مى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد
لقاء الاحبه يوسف و تيلا الفصل السابع والعشرون

ما مدى فائدة هذا المنشور؟

انقر على نجمة لتقييمه!

متوسط ​​تقييم 4 / 5. عدد الأصوات: 4

لا أصوات حتى الآن! كن أول من يقيم هذا المنشور.

As you found this post useful...

Follow us on social media!


Subscribe
نبّهني عن
guest
0 تعليقات
Inline Feedbacks
View all comments
0
Would love your thoughts, please comment.x
()
x
Reel-Story © 2020 | Established in 2019 Privacy Policy I Terms & Conditions I Site map I Contact