Connect with us

قصص حب

لقاء الاحبه يوسف و تيلا الجزء التاسع

Published

on

5
(1)

وقت القراءة المقدر: 29 دقيقة (دقائق)

💝لقاء الاحبه💝
يوسف 💘 تيلا

🖤الفصل التاسع🖤

اشرقت شمس صباح يوم جديد بنورها الساطع فى سماء الاسكندريه
لتبدء تيلا بفتح عيونها قامت دخلت الحمام اخدت شاور واتوضت وخرجت لبست هدومها وأدت فرضها وخرجت من اوضتها مسكت تليفونها وقعدت على الكنبه وكانت لسه هتتصل بمنال افتكرت انها ماتت دموعها نزلت منها وقالت
تيلا :- بدموع ااااااااه يا ماما الله يرحمك بعدك بقيت وحيده مين هيكلمنى دلوقتى يطمن عليا واحشتينى اوى اوى يا ماما مسحت دموعها وحطت التليفون فى شنتطها وفتحت الباب ونزلت بس شافت يوسف مستنيها
تيلا :- يوسف بتعمل ايه هنا
يوسف:- جيت اخدك معايا الشركه
تيلا :- وتيجى ليه تخدنى طفله مش هعرف اجى لوحدى مثلا وبعدين اركب معاك بتاع ايه اخويه ابويه خطيبى جوزى
يوسف :- كل ده علشان قولت اجى اخدك على سكتى
تيلا :- استاذ يوسف انا ساكنه فى حته شعبيه زى ما انت شايف وعايشه لوحدى والناس كلامهم مبيرحمش فياريت تراعى ظروفى وبلاش تيجى هنا تانى
يوسف :- احم انا اسف انا فعلا مقصدش كل ده انا جيت اخدك معايا واطمن عليكى علشان حالتك امبارح كانت صعبه اوى
تيلا :- شكرآ ليك عن اذنك
يوسف :- على فين
تيلا :- هركب تاكسى
يوسف :- طيب اركبى معايا دلوقتى ومش هعملها تانى
تيلا :- انا اسفه بس بجد مش هقدر اركب معاك سلام مؤقت اشوفك فى الشركه وسابته ومشيت وقفت تاكسى وركبته
يوسف :- قعد يبص عليها لحد ما ركبت التاكسى ومشت وشغل عربيته وراح على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

صحيت جاكلين من نومها قامت دخلت الحمام اخدت شاور واتوضت وخرجت لبست هدومها وأدت فرضها وفى الوقت ده الباب خبط
جاكلين :- مين
فهد :- فتح الباب وقال انا
جاكلين :- بابا تعال اتفضل
فهد :- قولت الحقك قبل ما تنزلى كنت عايز اتكلم معاكى كلمتين
جاكلين :- اتفضل يا بابا
فهد :- قعد على السرير وقال تعالى يا جاكى جنبى
جاكلين :- قعدت جنبه وقالت خير يا بابا
فهد :- جاكى انا ملاحظ عليكى انك متعلقه بيوسف اوى منين ما يروح تروحى وراه حتى شغلك اللى انتى مختاره بسبب يوسف برضه سبتيه ورحتى وراه شركة ابوه ممكن توضحيى الأسباب
جاكلين :- عادى يا بابا انا ويوسف من صغرنا واحنا مع بعض فى كل حاجه فى المدرسه وفى البيت وكبرنا مع بعض فده الطبيعى أن احنا منقدرش نستغنى عن بعض فى اى حاجه وكل واحد فينا يروح وراه التانى
فهد :- بس وانتو صغيرين حاجه وانتو كبار حاجه تانيه خالص
جاكلين :- لاء يا بابا هو هو نفس الاحساس يوسف مش اكتر من آخ وانا بالنسبه ليه مش اكتر من اخت بس كأننا توأم بالظبط
فهد :- ولو قولتلك أن الوضع ده مش عجبنى
جاكلين :- بس يا بابا انا مش بعمل حاجه غلط انا بساعده فى شغل عمو اسر
فهد :- جاكى انا مش عايزك تنزلى الشغل ده تانى
جاكلين :- بس يا بابا
فهد :- انا قولت كلمه واحده مفيش نزول الشركه تانى انتى ممكن تكونى شايفه أن الوضع ده عادى ويوسف نفس الحكايه بس الناس مش شايفه كده ومش فهد المنشاوى اللى الناس تتكلم على بنته
جاكلين :- بس انا يا بابا مش يهمنى كلام الناس مدام انا مش بعمل غلط ولا بعمل حاجه تغضب ربنا
فهد :- وقف وقال بعصبيه اللى انا اقول عليه يتنفذ من غير كلام فاهمه
جاكلين :- بدموع بس كده يا بابا انت بتظلمنى
فهد :- جاكى متعصبنيش مش عايز اسمع ولا كلمه تانى وسابها ونزل
جاكلين :- اترمت على السرير وقعدت تعيط
عند فهد نزل وهو متعصب
مليكه :- مالك يا فهد وفين جاكى منزلتش ليه
فهد :- بعصبيه مفيش مرواح لشركة اسر تانى فاهمه بنتك متروحش هناك
مليكه :- طيب ليه بس يا فهد
فهد :- هو فيه ايه انتى وبنتك انا اقول الكلمه تتنفذ علطول من غير ولا كلمه منكم
مليكه :- اهدا بس كده وفهمنى انت ايه غير رأيك كده وطلعها فى دماغك جاكى ويوسف متربين مع بعض وشبه الاخوات انت ليه بقى عقدها كده
فهد :- علشان وهما صغيرين محدش هيقول حاجه لكن جرى بنتك وراه يوسف فى كل حته هتخلى الناس تتكلم عليها
مليكه :- بس
فهد :- قطعها وقال مليكه انا ماشى الشغل وابقى خلى ابنك يجى ورايا وسبها ومشى
مليكه :- هتفضل فهد المتكبر مهما مر العمر بيك عايز رأيك هو اللى يمشى حتى لو غلط وعمره ما بيعترف بأخطائه ابدآ وطلعت عند جاكى ودخلت اوضتها لاقتها بتعيط
قعدت جنبها وطبطبت عليها وقالت
مليكه :- أهدى يا حبيبتى بابا عمل كده علشان خايف عليكى
جاكلين :- بدموع خايف عليا من مين من يوسف ابن خالتى يا ماما ده احنا طول عمرنا متربين مع بعض
مليكه :- هو مش خايف عليكى من يوسف خايف عليكى من كلام الناس
جاكلين :- وايه الجديد الناس لو مشيتى صح او مشيتى غلط مش وراهم حاجه غير أن يتكلموا عليكى بس المشكله فينا أن احنا بنعمل حساب للناس وكلام الناس وبنخاف منهم مع أن مدام البنأدم ماشى صح ومش بيعمل حاجه يغضب بيها ربنا يبقى طظ فى كلام الناس
مليكه :- معلش اصبرى شويه وبعد كده أكلمه ليكى يغير رأيه
جاكلين :- وانا اعمل ايه دلوقتى
مليكه :- انزلى شغلك فى الجريده هو قال متنزليش الشغل فى شركة اسر لكن مش منعك من الشغل فى الجريده
جاكلين :- هعمل ايه فى الجريده يا ماما وهو يوسف مش فيها انا معرفش حد فيها غير يوسف
مليكه :- معلش يا حبيبتى جربى مره تكونى لوحدك من غير ما يوسف يكون معاكى فيها
جاكلين :- حاضر يا ماما ووقفت وقالت لما نشوف اخرتها وبعدين خبطت على راسها وقالت اخ نسيت اتصل اعزى واحده صحبتى مامتها ماتت امبارح
مليكه :- معلش ابقى عزيها لما تنزل الجريده معاكى
جاكلين :- لاء تيلا مش شغاله معايه شغاله فى شركة عمو اسر
مليكه :- بصدمه تيلا
جاكلين :- هههههههه فكرتيها تيلا بنت خالتو مى صح انا زيك اول ما سمعت الاسم بس عرفت انها مش هى وكانت عايشه فى المنصوره بس مامتها انضربت بالرصاص امبارح وماتت الله يكون فى عونها كده ملهاش حد
مليكه :- طيب وابوها فين
جاكلين :- مات برضه
مليكه :- وهى من المنصوره ايه جابها هنا اسكندريه
جاكلين :- اممممم مش عارفه ولو شوفتى الفيلا اللى عايشه فيها وشوفتيها تستغربى هى بسيطه جدآ فى لبسها وكده ومعندهاش عربيه وتشوفيها تقولى عليها فقيره خالص طيب انتى عارفه اول مقابله بينها وبين يوسف كانت ازاى
مليكه :- ازاى
جاكلين :- ههههههههه مش هتصدقى تيلا ضربت يوسف حتدين قلم على خده طرقع بنت الايه
مليكه :- هههههههههههه انتى تعرفى أن برضه حكايتنا انا وابوكى بدأت كده
جاكلين :- بجد انتى ضربتى بابا قلم
مليكه :- ههههههههه ايوه وحب ينتقم منى بس وهو بينتقم وقع فى حبى وانا كمان عشقته
جاكلين :- زيدى يا زيدى حب من بتوع الروايات يعنى
مليكه :- يادى ام الروايات اللى وأكله عقلك دى
جاكلين :- هو فى احلى من الروايات وحب الروايات وخيال الروايات
مليكه :- امممم وانتى عشتى قصه منهم
جاكلين :- ها ل ل.لا طبعآ
مليكه :- مش عارفه ليه حاسه ان انتى مخبيه عنى حاجه
وفى الوقت ده معاذ رن على تليفون جاكلين
جاكلين :- بصت فى التليفون واتوترت
مليكه :- ردى
جاكلين :- ها د .د.ده تليفون مش مهم
مليكه :- بس الواضح عليكى العكس
جاكلين :- ها لاء انا ببقى كده وانا زعلانه ببقى خلف خلاف عكس عكاس كده يعنى
مليكه :- والله
جاكلين :- وما ليكى عندى حلفان يا مليكه
مليكه :- ماشى انا كده كده نازله
جاكلين :- ليه خليكى قاعده قعدتك متتشبعش منها يا لوكه وفى الوقت ده التليفون رن تانى قالت طااااايب يا ملوكه مش هعطلك بقى انزلى شوفى اللى وراكى
مليكه :- بت انتى مجنونه
جاكلين :- اه ليه
مليكه :- طيب كويس انك عارفه نفسك ربنا يشفى وسابتها وخرجت
جاكلين :- نهار اسوح كنت هروح فيها ويتكرر مشهد الروايه التليفون يرن الام تكتشف أن اللى بيتصل يبقى عشيق بنتها تقوم تحبسنى فى الاوضه ويعذبونى ويمنعو خروجى ويجى معاذ العريس الشهم يطلبنى من أبويه ويتجوزنى واو عليكى يا بت جاكى مؤالفه عظيمه وفى الوقت ده رن التليفون بتاعها وكان معاذ
جاكلين :- فتحت وقالت الو
معاذ :- فينك يا بنتى مجتيش ليه اتخضيت عليكى ولما مردتيش عليا قلقت اكتر
جاكلين :- ها ا.ا اصل بابا مش راضى يخلينى انزل الشركه عندكم تانى هرجع الجريده
معاذ :- بصدمه ايه طب ليه كده
جاكلين :- اهو مزاجو كده نعكرو مزاجو يعنى
معاذ :- يعنى مش هعرف اشوفك ده انا يحصلى حاجه لو معرفتش اشوفك
جاكلين :- بلهفه بعد الشر عليك
معاذ :- خايفه عليا
جاكلين :- لاء بس بشوف فى الروايات كده أن البطل يجيب السيره دى ترد البطله بلهفه وتقوله بعد الشر عليك
معاذ :- جاكى عايزه حاجه
جاكلين :- ليه رايح فين
معاذ :- هروح انتحر
جاكلين :- ههههههههههههههه ليه
معاذ :- يابنتى انتى عندك كل حاجه الروايات
جاكلين :- اصل انا كان نفسى اعيش قصه من بتوع الروايات دى من زمان
معاذ :- يا ماما كلام الروايات دى خيال انزلى على أرض الواقع
جاكلين :- نععععععععم بقى اقعد عمرى كله احلم بقصه من بتوع الروايات وتقولى انزل ارض الواقع مليش دعوه انا عايزه يطلع عينى على ما اتجوزك
معاذ :- وهو بيكتم ضحكته قال على ما ايه
جاكلين :- حست نفسها أندفعت فى الكلام وقالت احم ا.ا.انا اتأخرت على الشغل لازم اقفل
معاذ :- هههههههههه اتأخرتى ولا بتتهربى من الاجابه
جاكلين :- ها
معاذ :- عمومآ يا ستى حكايتنا هتبقى احلى من الروايات الف مره وان شاءالله نتجوز ونعيش احلى قصة حب من غير عذاب
جاكلين :- لاء مش بحب الروايات دى انا بحب البطل يعذب البطله قبل الجواز ويعيشو احلى قصة حب بعد الجواز إنما يتجوزو بسرعه كده بيبقى فيها عذاب وطلاق ومرار طافح بعيد عنك
معاذ :- نهار اسود ومنيل ده انتى دماغك لاسعه على الاخر
جاكلين :- ههههههههه وانت لسه عارف ده انت هتشوف ايام سوده سلام يا قلب امك وقفلت مع معاذ وقعدت تضحك وبعد كده اخدت شنتطها ونزلت راحت على الجريده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم ومى

Advertisement

كان الكل متجمع على سفرة الفطار
فرحه :- بصت لمى بمعنى تقولو على العريس
مى :- فهمت وبصت لباسم وقالت باسم كنت عايزه اقولك على حاجه
باسم :- قولى يا قلبى
مى :- فى عريس جى لفرحه وعايز يقعد معاك
باسم :- منين يعنى
مى :- هو زميلها فى الجامعه
باسم :- طيب مش لسه شويه على الموضوع ده ولا ايه
مى :- لاء ما هو هيجى ويقعد معاك وتشوفه ولو عجبك وسألت عليه ولاقيت سمعته حلوه هنعمل خطوبه دلوقتى والفرح بعد التخرج إن شاءالله
باسم :- بص لفرحه وقال وانتى عجبك العريس ولا هو مجرد عريس وخلاص
فرحه :- احم ه.ه.هو كويس بس حضرتك برضه اللى تشوفه
باسم :- تمام خليه يجى يوم الخميس وانا هقعد معاه واشوفه
فرحه :- حاضر يا بابا
عمار:- اخيرآ ابله نظيره هتتجوز طيب انتى حسابتيها كويس ولا ايه النظام
فرحه :- ملكش دعوه خليك فى حالك يا فاشل
عمار :- اااااه قلبى وبتقوليها فى وشى طيب كنتى اصبرى اديكى ضهرى وقوليها
فرحه :- هههههههه خفه
هنا :- ربنا يسعدك يارب يا فرحه
فرحه :- ميرسى يا هنا عقبالك يارب يا حبيبتى
عمار :- هنا تتجوز ده مستحيل طيب ازاى ده لو فكرت هتعقد امه
فرحه :- ليه أن شاءالله يا خويه
عمار :- ده لسانها لو اتكلمت حبه يجيلو تسلخات ده انا من كتر سكوتها بفتكرها ناسيه الحروف ومش عارفه تتكلم
فرحه :- كلنا مش عجبينك وانت اللى حلو فينا يعنى ده انت كلك عيوب
عمار :- وده عيب يا بنتى انا افتخر أن كلى عيوب
فرحه :- والله
عمار :- ايوآ امال ايه اصل العيله بتاعتكم دى مثالية زياده عن اللزوم فا تحسى أن الكأبه شقه طريقها لكل واحد فيكم إنما أنا ياسلام عليا وعلى اللى حواليه كل عيوب نبى حارسنى وصاينى بس فرفوش اقسم بالله ده انا حتة سكره طب انتى عارفه اغنية جارى يا جارى يا حتة سكره كانت معموله ليا بس أنا رفض اطلع فيه راحو جابو ظافر عابدين بس اعمل ايه انا شاب متواضع لاقصى الحدود
فرحه :- لاء بجد ابهرتنى ده انا هعيط من كتر تواضعك
عمار :- امال ايه يا بنتى
الكل :- ههههههههههههههههههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر

وصلت تيلا الشركه ودخلت على ورشة العمل وبدأت تشتغل وبعدها بشويه دخل يوسف وسأل عليها وطلب من السكرتيره تندها ليه
وبعد شويه دخلت تيلا المكتب ليوسف وقالت
تيلا :- نعم
يوسف :- اقعدى يا تيلا
تيلا :- بس حضرتك انا عندى شغل
يوسف :- انا صاحب الشغل وبطلب منك تقعدى
تيلا :- قعدت وقالت قعد اتفضل قول كنت عايزينى فى ايه
يوسف :- تشربى ايه
تيلا :- شكرآ مش عايزه وياريت تدخل فى الموضوع علطول لو سمحت
يوسف :- كنت عايزه أسألك سؤال محيرنى
تيلا :- اتفضل
يوسف :- لما انتى مش بنت الست منال واخدتك من الملجأ فين أهلك الحقيقين
تيلا :- وده يخص حضرتك فى ايه دى حياتى الشخصيه متخصش حد غيرى انا
يوسف :- بس انا سألتك لان الست منال وصتنى عليكى قبل ما تموت وطلبت منى اخلى بالى منك وكانت لسه هتحكيلى حكايتك بس كان اجلها انتهى قولت أسألك واعرف منك
تيلا :- حبست الدموع فى عينيها وقالت انسا كلام ماما منال واعتبره محصلش هى كانت شايله همى حتى وهى بتموت علشان كده طلبت منك كده لكن أنا مش محتاجه حد يخلى باله منى ولا حاجه انا اقدر احمى نفسى كويس من غير حماية حد فياريت متعتبرش نفسك واصى عليه ومش من حقك تسألنى عن حياتى الشخصيه ووقفت وقالت عن اذنك ولسه هتمشى
يوسف :- امك منال طلبت منى اتجوزك
تيلا :- وقفت مكانها مصدومه من اللى سمعته وبصت ليه بصدمه
يوسف :- مستغربه ليه اكيد انتى كنتى قايله ليها حاجه عنى علشان كده هى طلبت منى كده
تيلا :- بصدمه حاجه زى ايه افهم
يوسف :- تكونى كنت قايله ليها انك بتحبينى ولا حاسه بحاجه فى قلبك ليا علشان كده طلبت منى اتجوزك وقالت انك بتحسى بالامان معايا
تيلا :- بصدمه انا
يوسف :- ايوه وعلشان كده بتتهربى منى دلوقتى خايفه لتنكشفى قدامى وعينيكى تفضحك
تيلا :- انت بنأدم مغرور على فكره وانا ولا بحبك ولا بحب غيرك لانكم كلكم صنف واحد صنف متكبر وعايز تملى يثبت رجولته على الست بأى شكل ومش مهم يجى عليها ولا لاء المهم نفسكم وبس علشان كده انا بكرهكم كلكم وانت بكلامك ده أكد عندى المعلومه انكم مخلوقين من غير قلب متعرفوش يعنى ايه رحمه ولا شفقه انا بكرهكم بكرهكم كلكم وطلعت من المكتب وطلعت تجرى نزلت من الشركه وقعدت تجرى فى الشارع وهى دموعها على خدها
يوسف :- انب نفسه على الكلام اللى قالو ليها وقام نزل سأل عليها قالو انها خرجت نزل الشارع وركب عربيته وطلع يجرى يدور عليها وهو ماشى بيدور عليها لقها قعده على كرسى قصاد البحر وبتعيط نزل من العربيه وراح حط أيده على كتفها
تيلا :- مسحت دموعها وبصت لاقته هو قالت انت جاى ورايا ليه
يوسف :- قعد جنبها وقال تيلا انا اسف على الكلام اللى قولته ليكى مكنتش أقصده والله بس استفزيت من ردك عليا علشان كده قولته ليكى
تيلا :- بصت على البحر ومرضتش ترد عليه
يوسف :- تيلا بجد انا اسف
تيلا :- المشكله مش فيك انت وبس يا يوسف المشكله فى الرجاله كلها شايفين أن احنا سلعه رخيصه بالنسبه ليكم وان احنا مخلوقين للاهانه وبس وعارفين انكم بعد كده هتيجو تقولو كلمتين وهنسامحكم بس لاء احنا مش كده احنا مخلوقين زينا زيكم بالظبط لحم ودم وعندنا قلب ومشاعر وكرامه كفايه زل واهانه فينا
يوسف :- بصى انا معرفش مين مديكى الفكره دى عننا احنا مش كده خالص انا مش بقول كلنا بس معظمنا كويس زيكم بالظبط فى منكم الكويس وفى منكم الوحش بس انتى متحكميش عليا من تجربه سابقه عشتيها صوابعك كلها مش زى بعضها
تيلا :- ههه مين مدينى فكره انكم كده الزمن يا يوسف كل اللى انا عشته وشوفته فى حياتى كلها وراها راجل كل مصيبه شوفتها فى حياتى وراها راجل ومازلت بتأذى بسبب الرجاله
يوسف :- تيلا بجد مكنتش اقصد اجرحك بس انا نفسى بجد تفتحى ليا قلبك وتحكى ليا الماضى بتاعك
تيلا :- ما بلاش نتكلم على الماضى ده الماضى ده كان كله جراح
صعب اتكلم عن ماضيه بجد هيكون حاجه متعبه ليا ونفسيتى هتتأذى كتير لمجرد التفكير فيه
يوسف :- مش هغصب عليكى وهسيبك براحتك بس اوعدينى انك هتيجى يوم من الايام وتحكى ليا الماضى بتاعك
تيلا :- إن شاءالله
يوسف :- طيب يلا معايا نرجع الشركه
تيلا :- ممكن تسبنى النهارده بجد انا مضغوطه ومش هعرف اركز فى اى شغل
يوسف :- طيب ثوانى ومسك تليفونه واتصل على معاذ
معاذ :- ايوه يا استاذ يوسف
يوسف :- معاذ مش هقدر اجى الشركه تانى دلوقتى خلى بالك منها لو سمحت
معاذ :- حاضر يا فندم
تيلا :- بصت ليه بأستغراب
يوسف :- قفل مع معاذ وقال مالك مستغربه كده
تيلا :- لاء انت حر وقامت وقالت عن اذنك
يوسف :- استنى هنا انا سبت الشغل النهارده علشان أقضيه معاكى
تيلا :- معايا انا
يوسف :- اممم عندك اعتراض
تيلا :- ايوه
يوسف :- شوفتى معندكيش اعتراض اهو يلا بقى
تيلا :- على فين
يوسف :- هخدك مكان تنسى نفسك فيه
تيلا :- فين يعنى
يوسف :- تعالى بس من غير ما تسألى ومسكها من ايديها
تيلا :- بصت على ايد يوسف اللى ماسكه ايديها وبعدين بصت ليه
يوسف :- بصلها وبعدين شدها من ايديها وركبها العربيه
تيلا :- ركبت العربيه وهى مستغربه حركات يوسف
يوسف :- ركب العربيه وساق بيها وراح عند مكان فى البحر معزول عن الناس كلها ومكنش فيها حد نهائى ونزل وقال انزلى
تيلا :- بصت للبحر وقالت انزل فين
يوسف :- بصى المكان ده مكانى المفضل عرفته من كام سنه كده كل لما اكون مضايق أو مخنوق اجى هنا واقعد قصاده اقولو عن كل حاجه وجعانى ومضيقانى احس نفسى ارتحت ارجع البيت وكأنى مكنش فيا حاجه خالص جربى تفتحى قلبك ليه وطلعى اللى جواكى البحر ده احسن صديق للإنسان تقدرى تقوليلو اسرارك كلها وانت مطمنه محدش هيعرفها غيره
تيلا :- افتكرت لما كانت هتغرق فيه وبصت ليوسف وقالت تعرف طول عمرى بخاف منه وعمرى ما فكرت انزله
يوسف :- تحبى تنزلى فيه
تيلا :- لاء بيفكرنى بحادثه قديمه حصلتلى
يوسف :- حد غرق فيه
تيلا :- هزت راسها بمعنى لاء وقالت انا كنت هموت فيه وياريتنى كنت موت كنت استريحت من اللى شوفته فى حياتى
يوسف :- ولاتقنطوا من رحمة الله خليكى واثقه فى ربنا واتأكدى أن اللى حصلك فى دنيتك ده اختبار من ربنا وان هو شايلك حياه احلى واحسن من اللى فاتت بس خليكى مؤمنه بقضاء الله وقدره
تيلا :- بدموع ونعمه بالله
يوسف :- رفع أيده ومسح دموعها وبص فى عينيها
تيلا :- بصت فى عينه وسرحت فيهم
يوسف :- شدها فى حضنه وملس على شعرها
تيلا :- ارتاحت فى حضن يوسف وغمضت عينيها
يوسف :- يلا نقعد
تيلا :- فاقت على صوت يوسف واخدت بالها من الوضع اللى هى فيه وبعدت عن حضنه وقالت احم ي.ي.يلا وقعدو الاتنين جنب بعض وبصو للبحر
يوسف:- لنفسه انا ليه بتشد ليها ولما بشوف دموعها بتوجعنى برتاح وهى فى حضنى وبعدين سكت شويه وقال ايه اللى انت بتقولو ده يا يوسف نسيت تيلا بنت خالتك وحب عمرك وقلبك بقى يميل لحد تانى وبعدين قال انا لازم احط حدود بينى وبينها بجد الوضع بقى خطر بالنسبه ليا فى شعور جوايا ليها ودى اشاره لحاجه مش حابب انها تحصل قلبى وحياتى لتيلا وبس ومستحيل اسمح لاى حد يهد السور اللى محصن بيه قلبى
تيلا :- لنفسها ليه تملى بحس بشعور غريب للبنأدم ده ليه تملى بحس براحه جوه حضنه بحس عقارب الساعه والدنيا كلها بتقف وانا بصه فى عينيه وبعدين قالت ايه الكلام اللى بتقوليه ده يا تيلا نسيتى يوسف ابن خالتك وحب عمرك وقلبك بقى يدق لحد تانى وبعدين قالت أنا لازم احط حدود بينى وبينه اكتر من كده مش هسمح للشعور اللى جوايا ده يكبر اكتر من كده انا قلبى فيه يوسف وبس ومستحيل اسمح لاى حد يدوب الجليد اللى على قلبى لان يوسف قاعد جواه وممتلكه وبعدين وقفت مره واحده وفى نفس الوقت يوسف وقف مره واحده والاتنين نطقو فى وقت واحد
يوسف :- تيلا
تيلا :- يوسف
الاتنين :- بصو لبعض بأستغراب
يوسف :- قولى كنتى عايزه تقولى ايه
تيلا :- لاء قول انت الاول
يوسف :- لاء اتفضلى انتى
تيلا:- كنت عايزه اروح وانت
يوسف :- نفس الحكايه عايز اروح اتفضلى قدامى اوصلك
تيلا :- مشت وركبت معاه العربيه من غير ما تنطق ولا كلمه وركب يوسف نفس الحكايه وشغل العربيه ومشى بيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

صحيت سمر من نومها على صوت تليفونها بتبص لاقته فريد فرحت اوى وقامت قعدت وفتحت السكه وقالت
سمر :- السلام عليكم
فريد :- وعليكم السلام صباح الخير
سمر :- صباح النور
فريد :- قولت اصحيكى بدل ما تروح عليكى نومه وتتأخرى على المحاضره
سمر :- شكرآ يا فريد ربنا يخليك
فريد :- سمر
سمر :- نعم
فريد :- احم كنت عايز اطلب منك طلب
سمر :- قول
فريد :- كنت عايزك تتحجبى
سمر :- اتحجب
فريد :- ايوه يا سمر انا خايف عليكى من عذاب ربنا لان الحجاب فريضه مش سنه وعلى كل بنت مسلمه ارتداء الحجاب وانا بغير عليكى من كل شاب بيشوفك بشعرك انا عايزه ليا انا وبس وطبعآ لما تكونى مراتى حلالى
سمر :- بس انا مش مستعده للخطوه دى دلوقتى يا فريد
فريد :- صدقينى انتى بتقولى كده علشان مجربتهوش لكن لو جربتيه هتحسى بأحساس تانى خالص
سمر :- بص اوعدك أن هلبسه بس مش دلوقتى لما احس أن انا حابه اخد الخطوه دى
فريد :- ماشى يا سمر براحتك
سمر :- بالله عليك متزعلش منى انا بحب اخد كل حاجه بأقتناع وانا لو عملت كده هلبسه علطول انما لو لبسته علشان ارضيك هلبسه يومين وهزهق منه وهقلعه
فريد :- خلاص ماشى يا سمر
سمر :- زعلان
فريد :- لاء
سمر :- طيب قول وحياتك عندى ياسمر مش زعلان
فريد :- احم اتلمى يا سمر
سمر :- ههههههههه ليه يا فريد
فريد :- علشان انتى عارفه أن مش هقول كده
سمر :- علشان مكسوف صح
فريد :- سمر قومى يلا اجهزى علشان متتأخريش على الجامعه وانا كمان الحق اجهز
سمر :- ههههههههه بحبك يا ديدو وبحب كسوفك ده قوى
فريد :- ههههههههه قومى يا مجنونه سلام وقفل معاها وقام يجهز نفسه
سمر :- يخربيت كسوفك يا شيخ بس مدوبنى فيه زى البسكوته فى الشاى
مى :- ههههههههههه طب قومى يا نواعم هههههههه
سمر :- مى انتى هنا امته
مى :- من ساعة ما سقيتى البسكوت فى الشاى ههههههههه
سمر :- متعرفيش حاجه اسمها تخبطى على الباب قبل ما تدخلى
مى :- وانا اخبط ليه وانا فى ايديه ادخل واسمع كلام الحب بس استنى كلام الحب مع مين مع الشيخ فريد ده تلاقيه بيقولك يا اخت سمر لحد دلوقتى ولا لما تقوليلو بحبك بيقولك جزاكى الله كل خير يا اخت سمر ههههههههه
سمر :- والله حاجه متخصكيش عجبنى وبحبه
مى :- ربنا يهنى سعيد بسعيده ولا ربنا يهنى سمر الشعنونه مع الشيخ فريد
سمر :- حدفتها بالمخده وقالت اطلعى بره ابت
مى :- يابنتى اسمعى كلامى ده اللى زى ده يوم دخولتكم هيقولك اصبرى لما اشوف الرؤيه وهيحنطك
سمر :- ممممممممممى اطلعى بره
مى :- انتى حره انا ماشيه رايحه الجامعه سلام يا اخت سمر ههههههههه وقفلت الباب وخرجت
سمر :- عيله رزله وقامت دخلت الحمام واخدت شاور واتوضت وخرجت لبست هدومها وأدت فرضها ونزلت
مليكه :- صباح الخير
سمر :- صباح النور مروحتيش ليه الجامعه مع مى
مليكه :- مش بحب امشى معاها فى الشارع دى مجنونه
سمر :- خلاص تعالى انا هوصلك معايا على السكه
مليكه:- ماشى يلا وخرجو الاتنين وركبو العربيه وراحو الجامعه
عند مى
خرجت من الفيلا وهى ماشيه شافت عربيه ماشيه وراها وقفت وقالت
مى :- انت يا بنأدم يا عديم التربيه يا وقح يا زباله ماشى ورايا ليه
الشاب :- بغمزه ما تيجى اوصلك يا جميل
مى :- وحيات امك لما احتاج لحمار اركبه ابقى اطلبك
الشاب :- ليه بس يا حلو الكلام ده ما يطلعش من بؤق واحده جميله شبهك
مى :- ولو ممشتش دلوقتى هوريك الحلو برضه وهى بتضربك باللى فى رجليها
وفى الوقت ده جه عدى ومسك الشاب من شباك العربيه وضربه بالبوكس فى عينه وقال
عدى :- يا و***** يا واطى انا هعرفك تمشى تعاكس فى بنات الناس ازاى
مى :- نهار اسود عدى وشدته من أيده وقالت عدى عدى خلاص بقى يا عدى
الشاب :- شغل العربيه ومشى بيها مره واحده وعدى وقع على الأرض
مى :- طلعت تجرى عليه وقالت عدى انت كويس
عدى :- قام ونفض هدومه وقال كويس وبعدين قال بعصبيه وانتى وقفه تتكلمى معاه ليه حاجه زى كده امشى وسبيه
مى :- اعمل ايه واحد وماشى ورايا بالعربيه اسيبه ماشى ورايا ولا اروح واهزقه علشان يحرم يمشى ورايا
عدى :- ما لازم يعكسك بالهدوم اللى انتى لابسها دى
مى :- والله انت بتتكلم معايا كده ليه انا حره على فكره البس اللى البسه واعمل اللى اعمله محدش ليه عندى حاجه فاهم
عدى :- لاء مش حره يا مى
مى :- انت بصفتك ايه بتكلمنى كده اذا كان بابا واخويه محدش فيهم اعترض على طريقتى دى
عدى :- ابن خالتك ولو حاجه حصلت هتكون فى وشنا
مى :- والله وده من ايه ده ولسه هتمشى
عدى :- مسكها من درعها وقال رايحه فين
مى :- سيب دراعى يا عدى
عدى :- لاء رايحه فين
مى :- ملكش فيه
عدى :- مى متخرجنيش عن شعورى
مى :- لاء بلاش تخرج والنبى احسن ما تستهوا
عدى :- خفه امشى قدامى
مى :- لاء
عدى :- امشى يا مى قدامى
مى :- لاء وسيب دراعى
عدى :- يعنى مصممه
مى :- ايوه
عدى :- انتى اللى جبتيه لنفسك وشالها مره واحده
مى :- اتفاجئت باللى حصل وقعدت تضربه على كتفه وتقولو نزلنى
عدى :- لاء وفتح باب العربيه وحطها فيها وقفله تانى وراح ركب جنبها
مى :- قعدت تخبط على الشباك وتقول الحقونى البنأدم ده خطفنى
عدى :- شد مى فى حضنه وقرب على شفايفها وبسها
مى :- حاولت تبعد عنه معرفتش
عدى :- بعد وقت بعد عنها
مى :- بصت لعدى بصدمه
عدى :- لو صوتك طلع تانى هبوسك تانى انتى حره وشغل العربيه ومشى بيها
مى :- طول الطريق سكته وسرحانه فى اللى حصل
عدى :- وصل مى لجامعه وقال انزلى واعملى حسابك أن هاجى اخدك بعد ما تخلصى
مى :- وهى بصه فى الارض هزت راسها بموافقه ومشيت دخلت الجامعه من غير ما تقول ولا كلمه
عدى :- بص عليها وضحك وشغل العربيه ومشى بيها على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند يوسف وتيلا

وصل يوسف بالعربيه ووقف ومقلش ولا كلمه
تيلا :- فتحت الباب ونزلت من العربيه ورزعت الباب وطلعت على شقتها
يوسف :- لسه هيمشى طلعو عليه بلطجية
البلطجى :- انزل يا ننوس عين امك عملى فيها حبيب ومقرطسنا فى الحاره
يوسف :- نزل وقال انت بتقول الكلام ده ليا انا
البلطجى :- امال بقولو لامى انت مفكرنا ايه ها وبعدين علشان تدخل وتطلع من هنا لازم تدفع ليا وللرجاله
يوسف :- تصدق بحسبك راجل وخايف على بنت الحته لاقيتك عايز فلوس ونعمه الرجوله والله
البلطجى :- اخلص طلع المعلوم
يوسف :- وانا مش هطلع حاجه واعلى ما فى خيلك اركبه ولسه بيلف علشان يركب العربيه
البلطجى :- رفع سلسله طويله وضرب يوسف فى ضهره
يوسف :- وجعته ولسه هيضرب البلطجى اتلم عليه مجموعة البلطجيه وضربوه
تيلا :- سمعت صوت من فوق فتحت الشباك وبتبص لاقت البلطجيه بيضربو يوسف نزلت تجرى وحاولت تحوش عنه بس واحد من البلطجيه ضرب تيلا بالقلم
يوسف :- شاف كده قام جرى على تيلا يحميها من ايده ومسك البلطجى ده وقعد يضرب فيه والتانين بيحاولو يضربوه في يوسف
تيلا :- لما شافت يوسف تعب ووشه كله بيجيب دم ومش قادر كانت لابسه سلسله دهب غاليه عليها قلعتها ورمتها ليهم وقالت خدو دى وسبوه بقى
البلطجى :- مسك السلسله وقال دى دهب يا رجاله كفايه عليه كده يلا بينا ومشيو البلطجيه وحاولت تيلا تسند يوسف علشان يوقف وبعد تعب عرفت توقفه وحطت دراعه على كتفها وحطت دراعها وراه ضهرها وسندته وطلعته عندها فى الشقه ودخلته الاوضه عندها ونيمته على السرير وجابت مايه وقطن ومسحت ليه وشه من الدم وجابت شنطت الإسعافات وبدأت تشوف الجروح اللى فى وشه وبعد وقت خلصت بس لاحظت أن فى دم فى القميص بتاع يوسف وعرفت أن جسمه مجروح مدت ايديها وهى متوتره وبدأت تفتح ليه زارير القميص بتاعه ولاقت أن صدره بينزل دم مدت ايديها وهى متوتره ولمست الجرح بأيديها بس يوسف اتوجع من لمست ايديها بعدتها بسرعه وطهرت ليه الجرح ولفته بالشاش وقربت منه وجابته لقدام وقلعته القميص خالص وقعدت وراه ضهره وطهرت ليه الجرح اللى فى ضهره ولفته بالشاش ورجعته لواره ونيمته تانى على السرير لاقته بدأ يسخن جابت ميه من الحنفيه وعملت ليه كمدات على راسه لحد ما الحراره نزلت شويه وقامت من جنبه خرجت من الاوضه و قعدت على الكنبه وضمت رجليها لصدره وحطت راسها عليها وقعدت تبص على الباب لحد ما عينيها راحت فى النوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى

دخل فارس الاوضه عند كريم وكان كريم لسه نايم
فارس :- كريم كريم انت يا زفت اصحه
كريم :- اممممم
فارس :- امممم ايه قوم عايزك
كريم :- ماشى روح وانا كمان اربع خمس سعات كده هجيلك
فارس :- قوم يلا قامت قيامتك
كريم :- قام نط وقعد وقال ايه يا ابا فى حد يصحى حد كده طفشت المزه اللى كنت بثبتها فى الحلم
فارس :- وحيات امك
كريم :- اه والنعمه وكنت هكلمها عليك
فارس :- بجد
كريم :- فى ايه يا حاج انت راشق فى كله كده ده انا بهزهز معاك
فارس :- قوم يلا كتك القرف فى شكلك وانت عيل رخم
كريم :- هو في ايه يا حاج بتعاملنى كده ليه هو انا جيت وخطفت مزتك منك ولا ايه ده انت بتعاملنى معامله واحده مخطوف جوزها فى يوم صبحيتها
فارس :- استرجل كده خلينى احس ان خلفت راجل
كريم :- حاااااضر من عنيا هما اتنين كنز من بيريل هتلاقينى سبع الرجال قصادك
فارس :- المهم خلينى اقولك الكلمتين اللى كنت عايز اقولهم ليك
كريم :- قول يا ابا ما هو مش ورايا غير الكلام مع العيله دى
فارس :- هووووف انا مسافر يومين تبع الشغل خلى بالك من الفيلا فى غيابى ومن امك واختك فاهم
كريم :- يالهههههههههوى فاهم ده الا فاهم دى مسافر احيه
فارس :- نهار اسود عليا وعلى خلفتى السوده وبصلو بقرف وطلع وساب الاوضه
كريم :- حرك بؤقه يمين وشمال وخبط على صدره كذا مره وقال يا نصيبتى السوده يا انى يا امااااااا شكل ابويه بيعيش مراهقه متأخره احيه يا ابو سوسو احيه احييييييه على اللى هيحصلك يا جومانه لما تسمعى الخبر هترقص المجنونه والهبله النهارده مكنش يومك يا جومانه بوريه منك فارس بوريه
فى دخلت جومانه عليه
جومانه :- انت اتجنيت يا ولا بتكلم نفسك
كريم :- تعالى يا ضنايا تعالى ده انا عندى خبر هتنبهرى بيه بصى هبهرك يا بهير
جومانه :- خبر خبر ايه ده
كريم :- اهم حاجه اخدى برشام السكر والضغط علشان المضاعفات
جومانه :- ما تخلص يلا في ايه
كريم :- مش انا اللى هخلص المهم مستعده
جومانه :- اه
كريم :- بابا مسافر يومين تبع الشغل
جومانه :- يالهههههههههههههههوى
كريم :- ماما ماما ماتت الوليه مستحملتش الخبر
جومانه :- موته تشيلك انت وابوك فى ساعه واحده
كريم :- ايه ده يا جومانه انتى لسه فيكى نفس اهو
جومانه :- يبقى ممكن السفريه دى رايح يتجوز عليا فيها
كريم :- لاء مش ممكن هو اكيد
جومانه :- ضربته وقالت بتستظرف وحياة امك
كريم :- وانا مالى طب انتى مش قادره عليه جايه طلعى همك فيا انا
جومانه :- بدموع يبقى اكيد هيتجوز اللى كان بيقضى معاها بقيت اليوم
كريم :- يا ماما يمكن تبع الشغل بجد
جومانه :- لاء ابوك حاله متلغبط بقالو فتره كبيره يبقى هو ده سر تغيره معايه
كريم :- طيب ما تسألى عمى فهد
جومانه :- اكيد مش هيقولى يعنى يا ابن العبيطه
كريم :- طيب ليه الشتيمه المهم اتصلى بعمى وحاولى مش هتخسرى حاجه
جومانه :- هو راح فين دلوقتى
كريم :- اكيد راح الشركه علشان كان لابس هدوم خروج
جومانه :- لما عمك يروح الفيلا هروح ليه واعمل حسابك هتيجى معايا
كريم :- انا مالى بس انتى جوزك هيتجوز عليكى ذنبى انا ايه
جومانه :- تصدق انك بنأدم معندكش ريحة الدم وقامت وسابته
كريم :- ايه العيله دى واحد يقولى استرجل والتانيه تقولى معندكش دم والنعمه الواحد يهج من ام البيت الاسود ده احسن حاجه انام علشان اكمل بقيت الحلم بتاع المزه جيلك امزه ونام تانى على السرير
جومانه :- من تحت كرررررررررررررررريم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد لقاء الاحبه يوسف و تيلا الجزء العاشر

Advertisement

 1,801 اجمالى المشاهدات,  3 اليوم

ما مدى فائدة هذا المنشور؟

انقر على نجمة لتقييمه!

متوسط ​​تقييم 5 / 5. عدد الأصوات: 1

لا أصوات حتى الآن! كن أول من يقيم هذا المنشور.

Advertisement

As you found this post useful…

Follow us on social media!

Advertisement
1 Comment

1 Comment

  1. ياريت تشكرونا على المجهود فى نقل وكتابه الروايه لحضراتكم

    Reel-Story Note

  2. Pingback: لقاء الاحبه يوسف و تيلا الجزء الثامن - The Reel Story‎ - قصص وروايات عربية

Leave a Reply

لن يتم نشر عنوان بريدك الإلكتروني.

The maximum upload file size: 128 ميغابايت. You can upload: image, audio, video, document, text, other. Links to YouTube, Facebook, Twitter and other services inserted in the comment text will be automatically embedded. Drop file here

قصص حب

رواية احببت بنت اختي كاملة بقلم مودة ويوسف

Published

on

Prev1 of 9
Use your ← → (arrow) keys to browse
3.4
(11)

وقت القراءة المقدر: 7 دقيقة (دقائق)

كاملة بقلم

 

الفصل الأول

مودة: بس انا خايفة انا ازاي اتجوزت يا ابيه
يوسف: زي الناس يا مودة مالك
مودة بعياط: بس انا ف تالته ثانوي عاوزه اذاكر عشان اجيب مجموع واخش طب أسنان حضرتك عارف ازاي اصحى الصبح يقولوا اتكتب كتابك وهتروحي بيت جوزك
يوسف: بصي يا مودة اهدي وهنعمل ديل انا هسيبك تكملي تعليمك وبلاش شغل بيت وانت تسيبيني اعيش حياتي
مودة: تعيش ازاي يا ابيه هو انت هتموت
يوسف: لا يا ذكية يعني متبقيش قفل وملكيش دعوة بحياتي وترتيبي ليها من الاخر
مودة بكسرة: يعني هتروح تجيب بنات البيت وهتخوني قصادي ليه كده يا ابيه

يوسف: هتخوني ويا ابيه ف جملة واحدة ااه منك مانا متجوز مراهقة يابنتي هو مش إحنا ولاد خالة عمري كلمت بنت؟
مودة ببراءة: تؤ حضرتك قمر ومحترم
يوسف: امال ايه بقى هتخوني دي انا مبحبش الخنقة وعارفك زنانة ومش هحبسك عن التعليم يا ستي كملي بس سيبيني ف حالي ومتبوظيش نظام حياتي يعني من الاخر هتقعدي هنا وهفضل زي مانا ابيه يوسف.
مودة: حاضر يا ابيه بس انا بحب اطبخ
يوسف: مانا عارف وعارف المهرجان القومي اللي بيبقى ف المطبخ بعدها،(ثم اكمل ببسمة) و بعدين انت وعدتيني بمجموع عالي
مودة: ان شاء الله يا ابيه يارب
يوسف: يلا بقى يا مودة اوضتك اهي ادخلي ريحي وانا هروح الشغل براحتك خالص وعادي ومتعرفيش حد انك اتجوزتيني صحابك عشان ميتريقوش
مودة بحزن: معنديش صحاب يا ابيه “ثم أكملت ببسمة” وبعدين حضرتك تشرف اي حد
حط ايده على خدها: تسلمي يا دودي
مودة بارتباك: شيل ايدك يا ابيه كده حرام وعيب
يوسف وهو خارج: ياريت تقتنعي اني بقيت جوزك
(يوسف السيوفي مهندس ديكور شديد ومجتهد جدا بس مع عيلته مرح طويل ورياضي ومنظم جدا عنده ٢٨ سنه وبيحب مساحته الشخصية ومودة نصر الله بنت خالته اصغر منه بعشر سنين وهو دايما بيشجعها جميلة جدا وقلبها ابيض اوي واهم حاجة عندها رضا امها مختمرة وبيضا وشعرها طويل وعيونها عسلي اتجوزوا ف يوم وليلة منغير اي ترتيبات بسبب ان والدتها اللي ربتهم سوا عشان هو والدته متوفية تعبت وقالت لو متجوزتوش ده هيتعبها اكتر و ده لأنها مش هتطمن عليهم غير سوا وبتقوله كده كده هجوزهالك متفرقش امتى معلش يا جماعة عقليات قديمة😂💕)
يوسف داخل الفيلا
يوسف: مودة يا مودة
مودة وهي بتعدل طرحة الاسدال: ايوه يا ابيه حمد لله على السلامة
يوسف: الله يسلمك انت كنتي قاعدة فين
مودة: قاعدة بذاكر جوا يا ابيه
يوسف: طب تحبي اجيب اكل ايه؟
مودة: تجيبلي ايه يا ابيه انا عاملة لحضرتك غدا
يوسف بذهول عشان كان دايما عايش لوحده ف القاهرة وخالته وبنتها عايشين ف إسماعيلية وعمر ما حد اهتم بيه: بس مافيش اكل ف التلاجة انت عملتي ايه؟
مودة: نزلت جيبت كذا حاجة يا ابيه من تحت
يوسف: بس انا مسبتلكيش فلوس
مودة: معايا يا ابيه فلوس محوشاها
يوسف: مودة انت مراتي وفلوسك دي ليكي انت وبس انا هنا بس اللي اصرف واي حاجة تعوزيها اطلبيها مني وتاني حاجة ياريت متقوليش ليا ابيه وحضرتك تاني عشان الامور اتغيرت
مودة ما دموعها نزلت وانفعلت: ماهو انا معرفش حاجة وكله بيتحكم فيا ومفرحتش اتجوزت كده ف يوم وليلة انا كان ليا أحلام احققها ونجاح عاوزه اوصله ليه دايما رأيي ملغي عند الكل ومليش كيان وشخصية تاخدوا رأيها قبل ايه قرار
يوسف وهو بيحط ايده عليها: اهدي يا مودة انا
مودة وهي بتنزل ايده: ابيه يوسف من فضلك “وكملت وهي داخلة جوا” الأكل محطوط ع السفرة ألف هنا “وقفلت الباب”
يوسف: يا مودة “سمع شهقاتها” يابنتي افتحي الباب ماينفعش كده ياربي
مودة: سيبني يا ابيه من فضلك
يوسف بتنهيدة اتجه للسفرة
يوسف باستمتاع: نفسها ف الاكل حلو اوي والله وحد هيعملي اكل بدل اكل بره ده وايه ده دي نضفت المطبخ
ساعتين
يوسف: مودة
مودة وهي بتفتح باب اوضتها: ايوه يا ابيه
يوسف: ابيه تاني؟
مودة: خير يا ابيه
يوسف: لا مافيش كنت بس عاوزك تيجي تقعدي معايا شوية
مودة: اسفة يا ابيه بذاكر فيزكس
يوسف: طب مش عاوزه مساعدة انت مش معاكي مدرسين يعني اكيد هتحتاجي مساعدة
مودة: لا شكرا انا مش ناقصة حاجة عشان حد يساعدني وبعدين ال physics سهلة
ساعة
مودة: ابيه يوسف
يوسف: ايوه يا مودة
مودة: احم ممكن حضرتك تشرحلي قانون كيرشوف
يوسف: هو انت ناقصك حاجة مش عارفة تحليها
مودة: انا اسفة اني جيت وشكرا هجيبها من ع النت شكرا يا ابيه
يوسف: انت قفوش كده ايه يا ولا حاضر هشرحهالك بصي
مودة : اتفضل
يوسف: بس كده يا ستي
مودة وهي بتقوم: شكرا يا ابيه
يوسف وهو بيشد ايديها تقعد جانبه: اقعدي هنا بس رايحة فين مش عاوزه مساعدة تاني ده الامتحان شهر
مودة بكهربا من لمسة ايده: يا ابيه من فضلك سيب ايدي
يوسف: طيب هسيبها لو قولتي يوسف كده
مودة: يا ابيه
يوسف بتسلية: طب مش سايب “وحط ايدها ف ايده على صدره” خليها بقى
مودة بتوتر: يا يا يا يوسف
يوسف بتسلية: ايوه جدعة
مودة وشها احمر وجريت دخلت جوا
..
(سبحان الله وبحمده عدد خلقه ورضا نفسه وزنة عرشه)💕
تاني يوم
يوسف: ايه ده انت صاحية ليه الساعة لسه سبعة
مودة بالاسدال: كنت بحضرلك الفطار يا ابيه
يوسف: يا ايه
مودة: حاضر والله بس لما اخد ع الوضع
يوسف وهو بياكل: تسلم ايدك والله مشوفتش اكل حلو كده
مودة بابتسامة خجل: ألف هنا
يوسف بتسلية: مش الأكل بس اللي حلو على فكرة
مودة: احم انا هدخل اذاكر
يوسف: طيب بقولك سيبك بقى من شغل البيت عشان خلاص امتحان شهر
مودة: بعرف اوفق يا ابيه متقلقش عليا
..
يومين
يوسف وهو بيدور عليها وف ايده هدية ليها: مودة انت فين “بيخبط ع الباب ملاقاش رد ففتح”
مودة كانت مسيبة شعرها ولأول مرة يشوفه وكانت مشغلة اغاني ولابسة هوت شورت وبتغني ومكانتش منتبهة لوجودة
يوسف من بيحضنها من وراها : ده ايه القمر ده؟
مودة اتنفضت ولفت: ا ا ابيه يوسف “بدأت ترجع لحد ما لزقت ف الحيطة وهو بيقرب”
يوسف: بس اهدي انا جوزك اهدي
مودة كانت بتترعش ومخضوضة من قربه: ا ا “دمعت”
يوسف اخدها ف حضنه وهمس: اهدي ده مش حرام انت مراتي
مودة بدأت تهدى ومسكت فيه جامد لما حست انه بيطمنها
يوسف بعدها عنه شوية ومسك وسطها وهمس: انت بتخافي مني؟
مودة:
يوسف: شوفتي مني حاجة وحشة؟
مودة هزت راسها بالنفي
يوسف بيقربها ويقرب: بحبك “باسها وبعد دقايق عنها”
مودة خدها احمر وقالت بارتباك: الاكل هيتحرق “وجريت”
يوسف:تسلم ايدك انا هروح الجيم شوية
ساعتين
تن تن
مودة:ايوه أيوه ” لقت قدامها بنت لابسه قصير ومشطبة وشها كده😂”
سيرين بدلع: هو الباشمهندس يوسف موجود؟ وبعدين يا شاطرة هو انت ازاي تخدمي ف بيت راجل اعزب الناس هتقول عليكي ايه
مودة: …
.

 8,775 اجمالى المشاهدات,  108 اليوم

Advertisement

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.4 / 5. عدد الأصوات: 11

لا أصوات حتى الآن! كن أول من يقيم هذا المنشور.

Advertisement

As you found this post useful…

Follow us on social media!

Prev1 of 9
Use your ← → (arrow) keys to browse
Continue Reading

قصص الإثارة

رواية صدمة فرح بقلم سيد داود المطعني

Published

on

Prev1 of 7
Use your ← → (arrow) keys to browse
3.6
(8)

وقت القراءة المقدر: 3 دقيقة (دقائق)

رواية بقلم

 

الفصل الأول

تقول فرح:
خطيبي كان شغال «جرسون» في قرية سياحية كبيرة في شرم الشيخ، وكنت الدنيا ماشية معاها حلو، وكان يعمل في الشهر حوالي عشرة آلاف جنيه بالمرتب والحوافز والحاجات دي..
وكان بيشطب في شقته وكان فاضل على فرحنا شهرين خلاص.
وفجأة حصلت ضربة إرهابية للطيارة الروسية في مصر، ودي أثرت على شغل السياحة خالص، وبدأت القرية السياحية تستغنى عن عمالة كتير عندها، ومنهم خطيبي..
كانت فترة صعبة أوي، لأنه للأسف مش بيعرف يشتغل أي حاجة غير السياحة، ومش هيسلك في أي شغلانة علشان مش هيلاقي دخل غير السياحة..
وفي يوم كده قال لي إنه عايز يبيع توينس كان اشتراه لي هدية علشان يخلص بيه سفر للخارج وكده..
قلت له هتسافر فين وهتشتغل ايه؟ وازاي لاقيت شغل بالسرعة دي؟
قال لي ملكيش دعوة انتي، هاتي بس التوينس والفاتورة أبيعه بيهم..
وبما إنه هدية منه، قمت على طول بدون تردد عملت له اللي عايزه، وباع التوينس، وفي خلال شهرين كان سافر بسرعة رهيبة، خلت أهلي وأهله يستغربوا.
سنة كاملة مفيش أي أخبار عنه، وأهله نفسهم ميعرفوش هو فين، بس دايما يقولوا هو بخير وكويس وزي الفل وبيبعت فلوس للبيت، مساعدة في المصاريف..
وبعد السنة لاقيت أخته الصغيرة «١٧ سنة» جايبة لي توينس مغلف في علبة هدايا، وبيقول لي هدية من خطيبك، وبيطمنك أنه لسة على العهد وهيرجع يتمم إجراءات الجواز..
طيب هو فين؟ بيشتغل ايه؟ جاي امتى؟
مفيش حد يعرف..
شهر ورا شهر، وأمه جات تقول لي إن عادل لما طلب منها يبيع التوينس، مكانش عايز يقول لها إنه قرر يتجوز واحدة ألمانية عرفها في القرية السياحية اللي كان شغال فيها، والست عرضت عليه الزواج أكتر من مرة، وقدمت له كل المغريات، لكن هو كان ميسور الحال وقتها ورفض كل مغرياتها..
وفي يوم أمها قالت له إن بنتها عندها «كانسر» وعملت جراحة، ومع ذلك لسة بتعاني وبتاخد علاج صعب، وأول مرة في حياتها تتعلق بحد كده، ولو ارتبطت بيه ممكن ظروفها النفسية تتحسن، و ده في حد ذاته هيساعدها في العلاج..
وقالت له كمان إن البنت يتمتلك شركة أساس في ميونيخ، وممكن تنفذ له كل طلباته، وتأمن له مستقبله لو ارتبط بيها..
ومع ذلك عادل رفض للمرة الثانية، لان حوار الكانسر خلاه يخاف أكتر..
وبعد تدهور حركة السياحة، اتصل بيهم عادل يبلغهم أنه موافق، وسافر ميونيخ، ووصى أهله إنهم ميعرفونيش حاجة..
أنا في اللحظة دي اتلخبطت، ومعرفتش أزعل ولا افرح..
معرفتش اتعاطف مع بنت عندها كانسر، ولا ازعل على خطيبي اللي كنت اتمنى اكون اول زوجة ليه؟ ولا أفرح أنه متمسك بيا لآخر لحظة، وكمان بقى ميسور ماليا، خصوصا أنه خلى مراته تبني له خمس أبراج في منطقة جديدة عندنا في القاهرة، البرج الواحد عشرين دور، وفي كل دور أربع شقق، ومكتوبين باسمه..
المهم..
أنا سلمت للي حصل، وصدقته، لأن طنط مامت عادل عمرها ما هتكدب عليا في حاجة زي كده..
واستنيت عادل ينزل من السفر وجهزت كل حاجة، وطبعت دعوات فرح زي ما قال لي، وحجزت قاعة كبيرة، وبصراحة باباه ومامته كان معايا في كل حاجة..
لكن للأسف الحلو ميكملش، والكارثة حصلت في يوم وصول عادل..

 7,691 اجمالى المشاهدات,  825 اليوم

ما مدى فائدة هذا المنشور؟

Advertisement

انقر على نجمة لتقييمه!

متوسط ​​تقييم 3.6 / 5. عدد الأصوات: 8

لا أصوات حتى الآن! كن أول من يقيم هذا المنشور.

As you found this post useful…

Advertisement

Follow us on social media!

Prev1 of 7
Use your ← → (arrow) keys to browse
Continue Reading

روايات مصرية

رواية مقتحمة غيرت حياتي كاملة (جميع فصول الرواية) بقلم نورهان ناصر

Published

on

Prev1 of 33
Use your ← → (arrow) keys to browse
3.9
(9)

وقت القراءة المقدر: 4 دقيقة (دقائق)

كاملة (جميع فصول الرواية) بقلم

 

الفصل الأول

تك تك تك تكككككك
( خبط جامد )
في أي يا إللي بتخبط أنت
تك تك تككككككككك
ما براحة يا عم هتكسر الباب الله
أتوجه وبيفتح الباب وهو عنيه مقفله من كتر النعس وبيفرك في عينيه جامد
لمح حاجه دخلت تجري علي جوه بسرعة البرق
هو لنفسه: هو أنا عنيا زغللت أوي كدة
مش شايف أي إللي دخل جوه ده
فضل واقف علي الباب يتلفت مش لاقي حد
هو: يا عجب هو انا اتجننت ولا اي امال مين اللي كان بيخبط علي الباب هيكسرو دة
الله يخرب بيتكم ( يفكره حد من أطفال جيرانه اللي ساكنين في العمارة)
هو بوعيد : ماشي يا ولاد المؤذية طيرتو النوم من عيني والله لاربيكم
قفل الباب بغضب واترمي علي الكنبه بتعب شديد
وغمض عنيه
_____:ده نام اعمل ايه بس ياربي سامحني ملقتش حد يساعدني والله عارفه إنه حرام اقعد في شقة مع واحد ونا معرفوش بس مضطرة
انا هخليني مستخبية هنا في الأوضة دي بس للصبح وهطلع من غير ما يحس بيا هو اصلا باين عليه ما اخدش باله إني دخلت
هي ببكاء: استغفر الله العظيم.
يارب سامحني
بس ده اهون من اللي كان هيحصلي
استرها معايا يا رب
قفلت باب الاوضة اللي دخلتها
وبصت عليه لقيته غفي علي الكنبه ونام اتنهدت
ودخلت قعدت في الأوضة العتمة ( لأنها مردتش تنور النور خافت يعرف إن في حد معاه في الشقة وكمان إنها بنت )
هي : أنا هخرج من شقتك مش هعمل حاجه ولا هسببلك مشاكل مع زوجتك ثم صمتت قليلا لتردف بعدها
طب هو مجوز أصلا
خبطت رأسها بيديها بخفة : وإنتي مالك المهم تفكري في حل للمصيبه إللي إنتي فيها منك لله يا مرات ابويا أشوف فيكي يوم
حسبي الله ونعم الوكيل فيك علي إللي عملتي فيا
حل الصباح
استيقظ متململا بضيق وهو يفرك عنقه بألم واضح .
يشعر كما لو أن أطرافه شلت وجسده تصلب وتكسر لا يقدر علي الحركه
ليمسك رأسه بتعب من كثرة الصداع الذي يفتك برأسه
ليتذكر ما حدث أمس
عندما كان نائما متوعدا لاولاؤك الاطفال المشاغبين ظننا منه أنهم سبب إزعاجه
نهض بكسل شديد متوجهاً لغرفته ليأخذ ملابسه ويستعد لأخذ حماماً منعش يعيد الحيوية والنشاط لجسده المتعب من كثرة الأعمال الشاقة في عمله فهو لا يرتاح الا ساعات قليلة جدا يحاول أن ينعم بها ببعض النوم ولاكن باتت ليلته أمس غير ماكان يتمني بسبب إزعاج أولئك الاولاد المتطفلين
دلف الي المرحاض بعدما أخذ ملابسه واستعد للذهاب الي عمله فهو يعمل رائدا له مكانته في الشرطة ويهابه الجميع
ماعدا أولئك الاولاد المتطفلين ابتسم علي ذكرهم محدثاً نفسه أنه سيعاقبهم وبشدة علي فعلتهم وازعاج راحته ليلا
بعد قليل
خرج من الحمام
ووقف أمام مرأته يعدل من تسريحة شعره ويضع برفانه الذي يعشقه
خرج من غرفته متوجهاً للغرفة الأخري ليأخذ بعض الأوراق المهمه التي يخفيها في غرفة مكركبه تمام ولا يضع بها إلا اشياء يظنها اي شخص يراها أنها قبو وليس غرفة من كثرة الاشياء الغير مرتبه فيها ومن كثرة الصناديق والأشياء الأخري
وقف علي باب الغرفة
فتح الباب ببطء شديد
وعندما دلف إلي الداخل
وجد فتاة تنام علي أرضية الغرفة قد صنعت لها من تلك الخردة مايشبة الفراش علي الارض تنام عليها بهدوء وبخمارها وذالك الشيء الاسود الذي تتكوم بداخله ( عباءة سمرة تشبه الاسدال أو اقرب الي ما يسمه جلباب )
عند دخوله استيقظت من غفوتها
تطلع إليه بصدمة يبادلها الآخر بنفس النظرة مردفا بصوت أجش
إنتي مين ودخلتي هنا إزاي؟!
هي برعب: أنا أنا .

 25,567 اجمالى المشاهدات,  1,894 اليوم

ما مدى فائدة هذا المنشور؟

Advertisement

انقر على نجمة لتقييمه!

متوسط ​​تقييم 3.9 / 5. عدد الأصوات: 9

لا أصوات حتى الآن! كن أول من يقيم هذا المنشور.

As you found this post useful…

Advertisement

Follow us on social media!

Prev1 of 33
Use your ← → (arrow) keys to browse
Continue Reading
PDF كتب و روايات عربية بصيغهساعة واحدة ago

قصة رواية ترنيمة عيد الميلاد بقلم تشارلز ديكينز بصيغة PDF

زد معلوماتك4 ساعات ago

هبة سليم … ملكة الجاسوسية المتوجة..!!

قصص حب5 ساعات ago

رواية احببت بنت اختي كاملة بقلم مودة ويوسف

روايات مصرية6 ساعات ago

رواية صغيرة ارهقت رجولتي كاملة بقلم بسملة بدوي

قصص أطفال7 ساعات ago

20 قصة قصيرة ذات دروس قيمة

قصص الإثارة7 ساعات ago

رواية صدمة فرح بقلم سيد داود المطعني

قصص متنوعة8 ساعات ago

حكاية ليلى واحمد وجارتى ابتسام

قصص قصيرة10 ساعات ago

قصص قصيرة عن الصداقة

قصص حدثت بالفعل10 ساعات ago

قصة شاب قال لن أتزوج حتى أشاور مائة رجل متزوج

قصص قصيرة11 ساعة ago

قصة مؤلمة : رساله اب لابنه المتزوج بعد وضعه فى دار مسنين

قصة شخصية مؤثرة12 ساعة ago

الشيخ المناضل عمر المختار – أسد الصحراء

قصص الإثارة14 ساعة ago

رواية علاقة محرمه بقلم كوكي سامح

روايات مصرية15 ساعة ago

رواية مقتحمة غيرت حياتي كاملة (جميع فصول الرواية) بقلم نورهان ناصر

قصص الإثارة15 ساعة ago

رواية علاقات مشوهه للكاتبة فاطمه الألفي

PDF كتب و روايات عربية بصيغه15 ساعة ago

تحميل رواية أسير زُرقه عينيها (بقلم فاطمه عماره) PDF

قصص الإثارة4 أسابيع ago

رواية رغبه متوحشه (كامله)

قصص الإثارة3 أسابيع ago

رواية بنت بمدرسة عيال اغنياء بقلم ماري جو

قصص حدثت بالفعل5 أشهر ago

رواية هنا فى الاعماق – بقلم مايا بلال

قصص متنوعة8 ساعات ago

حكاية ليلى واحمد وجارتى ابتسام

قصص الإثارةيوم واحد ago

رواية بنت فى ورطه بقلم كوكى سامح

ادب نسائي4 أسابيع ago

قصة غرام اولاد الالفي بقلم سماء احمد

ادب نسائي4 أسابيع ago

رواية ظلام البدر +21 بقلم بتول

قصص متنوعةأسبوعين ago

عايشة عند اخويا ومراتو بلقمتى ويارتني بلاقي اللقمه

ادب نسائي4 أسابيع ago

تكملة رواية ظلام البدر +21 بقلم بتول

روايات مصرية4 أسابيع ago

قصة حماتي كامله للكاتبه ايمي رجب

روايات مصرية3 أسابيع ago

رواية كبرياء عاشقة بقلم هدير نور(كاملة)

قصص الإثارةأسبوعين ago

حكايتي مع ابو زوجى السافل وما فعلت به

قصص الإثارةأسبوعين ago

قصة حماتي وزوجتي الحامل +18 للكبار فقط

روايات مصرية4 أسابيع ago

قصة انا وحمايا بقلم كوكي سامح

روايات مصريةيومين ago

رواية براءتي الجزء الحادى عشر بقلم كوكي سامح #11

Facebook

Trending-ترندينغ