وقت القراءة المقدر: 16 دقيقة (دقائق)

💝لقاء الاحبه💝
يوسف 💘 تيلا

🖤الفصل الثالث🖤

عند تيلا

نزلت من البيت علشان تدور على شغل وكانت بتسأل فى كل مكان محطوط عليه اعلان مطلوب موظفات للعمل بس تملى كانت تترفض وخرجت من آخر مكان وحست نفسها مخنوقه ودموعها نزلت منها وكانت ماشيه على الطريق وهى مش شايفه قصادها وكان فى الوقت ده يوسف بيجرى بالعربيه علشان يلحق ابوه ومره واحده تيلا بتعدى الشارع يوسف خبطها بالعربيه
جاكلين :- بخوف يا نهار اسود انت خبط حد
يوسف :- نزل يجرى من العربيه وبص على تيلا وقال هو انتى محرمتيش من المره اللى فاتت
تيلا :- تصدق انك واحد معندكش ريحت الدم كل مره تكون غلطان وتجبها فيا ميهنش عليك تعتذر حتى
يوسف :- بت انتى شكلك من البنات اللى بتقصد ترمى نفسها قصاد العربيه علشان تاخد قرشين وطلع من المحفظه فلوس وحدفها فى وشها وقال كده كفايه ولا محتاجه تانى وبصلها بقرف ومشى
تيلا :- قامت وهى متغاظه وراحت عنده ومسكته من دراعه
يوسف :- بص ليها
تيلا :- ضربته بالقلم على وشه وقالت انت بنأدم مستفز ومتعرفش حاجه عن التربيه من اساسه
يوسف :- اتصدم من اللى حصل وقال بقى انتى يا جربوعه تمدى ايدك عليا
جاكلين :- كانت بتتفرج عليهم وهى مصدومه من اللى بيحصل
تيلا :- وممكن افرجك الجربوعه دى ممكن تعمل فيك المره الجايه همد عليك اللى فى رجلى
يوسف :- مسكها من دراعها وقال انتى شايفه نفسك على ايه ده انتى حتة بنت متسواش حاجه فى سوق البنات انتى عارفه لو مكنتش مستعجل انا كنت دفنتك مكانك وانتى واقفه
جاكلين :- يلا بقى عاملين يتصلو بينا
يوسف :- بص لتيلا بقرف وقال يبقى حظك اسود لو شوفتك قصادى مره تانيه وسبها وركب العربيه
تيلا :- خبطت على ازاز الشباك
يوسف :- فتح الازاز
تيلا :- حدفت الفلوس فى وشه وقالت خد دول ابقى حطهم فى وسكتت شويه وبعدين قالت فى اى صندوق زباله شبهك وسابته ومشيت
يوسف :- بص عليها بصدمه
جاكلين :- مين دى
يوسف :- مش وقته هبقى احكى ليكى بعدين وشغل العربيه ومشى بيها على المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى

وصل يوسف وجاكلين على اخر نفس وسأل على الاوضه وطلع يجرى عليهم

يوسف :- بلهفه ماما بابا ماله
مها :- بدموع كنا قاعدين مع بعض فى الاوضه ومره واحده مسك قلبه وتعب منى اتصلت على الإسعاف وجت اخدته وجينا هنا
جاكلين :- طيب الدكتور كشف عليه يا خالتو
مها :- بدموع من بدرى جوه عنده ولسه مخرجش وهتجن واعرف عامل ايه
يوسف :- بعصبيه ازاى سيبنا كده مش حد يجى يطمنا
جاكلين :- اهدا يا يوسف مش كده
يوسف :- بعصبيه مش هدا ولا زفت انا عايز حد يجى ليا دلوقتى حالا يطمنا على بابا
الممرضه :- مينفعش كده يا حضرت احنا فى المستشفى مش فى الشارع فى مرضه عايزين الهدوء والراحة
يوسف :- مش هسكت غير لما يجى حد يفهمنى فى ايه جوه
وفى الوقت ده خرج الدكتور وقال
الدكتور :- فى ايه بتزعق كده ليه
يوسف :- ليه كل ده جوه مش المفروض نطمن على المريض ولا ايه
الدكتور :- يعنى احنا قاعدين جوه معاه بنشرب شاى مش بنكشف عليه علشان نعرف نشخص الحاله
جاكلين :- اهدا يا يوسف وبعدين بصت للدكتور وقالت احنا اسفين يا دكتور بس ممكن تطمنه
الدكتور :- للاسف القلب عنده ضعيف جدآ ولازم نعمل ليه زرع قلب بأقصى سرعه لان ممكن يقف فى اى لحظه ومنقدرش نلحقه
الكل اتصدم من اللى سمعه
الدكتور :- كمل كلامه وقال وعلى فكره استاذ اسر يعرف بالموضوع ده من زمان وكان مأجل كل حاجه بس الوقت مش فى صالحه
مها :- اغمى عليها لما سمعت الكلام ده
يوسف :- ماما وشالها ودخل اوضه ونيمها على السرير
وكشف عليها الدكتور واداها حقنه مهدائه علشان عندها انهيار عصبى
جاكلين :- بدموع هتعمل ايه يا يوسف
يوسف :- هسافره بره يعمل العمليه عند اكبر دكتور
جاكلين :- طيب والشركه مين هياخد باله منها
يوسف :- مش عارف يا جاكلين مش عارف
جاكلين :- يبقى هو لما كلمك الصبح كان بيكلمك علشان كان عارف اللى عنده بس محبش يقلق حد فيكم
يوسف :- بعصبيه ما هو ده اللى تعبنى أن هو كان تعبان وطلب منى المساعده وانا رفض اساعده رفض اقف جنبه فى كبره زى ما هو وقف جنبى فى صغرى انا بنأدم انانى مقدرتش الموقف غير لما حسيت ان هو هيروح من أيدينا
جاكلين :- طبطبت عليه وقالت اهدا يا يوسف وان شاءالله هيكون كويس
يوسف :- يارب يا جاكلين لو حصل ليه حاجه مش هسامح نفسى ابدآ
وفى الوقت ده دخلت مى ومليكه
الاتنين :- بالدموع بابا فين يا يوسف
جاكلين :- فى الاوضه محطوط على الاجهزه
مليكه :- بدموع اجهزه طيب ليه عنده ايه
جاكلين :- القلب عنده ضعيف ومحتاج يعمل عملية زراعة قلب
مى :- ايه ي.ي.يعنى بابا ممكن يحصل ليه حاجه
جاكلين :- لاء بعد الشر يوسف هيسافره يعمل العمليه بره
وفى الوقت ده وصلت سمر وقعدت تعيط وجاكلين بلغتها بحالة اسر وعم الحزن على الكل واجتمعت العيله كلها فى المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

فى اوضت عدى

كان عدى قاعد فى الاوضه بيتكلم مع روان
عدى :- يا حبيبتى خالتو مها دى فى مقام امى ولازم نكون جنبهم فى المستشفى
روان :- لاء الناس دى بيئه اوى فى كلامهم ومش بعرف اتعامل معاهم
عدى:- يا حبيبتى دول اهلى ولو انتى شيفاهم بيئه يبقى شيفانى زيهم علشان هما اللى ربونى
روان :- بس طنط مليكه مش مامتك الحقيقيه ولا اختها تبقى خالتك بجد يعنى دول ميخصكش فى حاجه
عدى :- لاء يا روان ماما مليكه امى الحقيقيه هى اللى ربتنى وكبرتنى وعلمتنى عمرها ما حسستنى أن انا مش ابنها ولا عمرها عملتنى بطريقه مختلفه عن جاكلين ولا فريد طول عمرها معايه الام الحنونه الطيبه اللى بتخاف على مصلحة ابنها واهلها يبقو اهلى مكنوش بيختلفو عن معملت ماما ليا كانو بيعملونى كأنى منهم وانا رايح اقف جنب عمى اسر وخالتى مها عايزه تيجى تيجى مش عايزه براحتك
روان :- لاء يا عدى مش هروح عند الناس اللوكال دول انا هقعد هنا فى اوضى
عدى :- براحتك ولبس هدومه ونزل من اوضه وقابل فهد فى سكته
فهد :- رايح فين كده
عدى :- رايح المستشفى
فهد :- طيب اصبر اغير هدومى واروح معاك امك اتصلت بيا وبلغتنى
عدى :- راحت هى وفريد من شويه وجاكلين فى المستشفى من بدرى مع يوسف
فهد :- وفين مراتك مش هتروح معاك
عدى :- احم ل.ل لاء اصلها تعبانه شويه
فهد :- ماشى هدخل اغير هدومى ونازل علطول شغل العربيه على ما أنزل
عدى :- حاضر يا بابا
وراح عدى شغل العربيه وفهد دخل غير هدومه ونزل ركب مع عدى وراحو على المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى

كانت جومانه وقفه فى المطبخ بتعمل الاكل
كريم :- مشى براحه وحط وراها تعبان جلد شبه الحقيقى تمام وخرج تانى براحه من غير ما جومانه تحس
جومانه :- بتلف علشان تاخد الملح من على الرخامه داست على حاجه بتبص لاقته تعبان صرخت طلعت تجرى وتقول عاااااااااااااااا احلقونى فى تعبان فى المطبخ عاااااااااااااااا
كريم :- مقدرش يمسك نفسه من الضحك
جومانه :- الحق يا كريم فى تعبان فى المطبخ
كريم :- دخل جابه وقال ده
جومانه :- بصت عليه بأستغراب وراحت عنده وحققت فيه لاقته جلد اتغاظت وقالت بقى انت اللى عامل فيا المقلب ده ودينى ما انا سيباك
كريم :- طلع يجرى وقال بهزر معاكى يا حاجه هدى اعصابك
جومانه :- وهى بتجرى وراه تهزر معايه ولا عايز توقف قلبى وتخلص منى انت وابوك
كريم :- ايه الكلام ده يا حاجه وربنا بحبك
جومانه :- حبك برص يا بعيد انت ايه دعوه واستجابة فيا
كريم :- اقفى بقى انتى جايبه الصحه دى منين
جومانه :- يخربيت امك انت بتحسدنى ولا ايه
كريم :- مالها امى طه
جومانه :- وقفت تاخد نفسها
كريم :- اخيرآ وقفتى
جومانه :- اقول ايه بس فى يوم من الأيام قلبى هيقف عليا من مقالبك دى
كريم :- خلاص يا جوجو هخف عليكى شويه اصلك صعبتى عليا هتحول على البت بسمله
جومانه :- اياك تيجى جنب اختك
كريم :- لالالا مقدرش اعيش من غير مقالب ده انا اروح فيها
جومانه :- اقولك حاجه حلوه اعمل فى ابوك
كريم :- وقف وسند أيده على الحيطه وقال احلى حاجه فى العيله دى الترابط انتى وبابا بتموتو فى بعض لدرجة أن كل واحد عايز يخلص من التانى قد ايه انتو عيله عظيمه
جومانه :- حدفته بالشبشب وقالت وحيات امك
كريم :- ااااااااه نشينتى بالظبط
جومانه :- اطلع يلا غير هدومك عقبال ما يجى ابوك
كريم :- لاء مع نفسكم انتو انا لسه ضارب اتنين كبده اسكندراني هوهو مدبوحه طازه من الحيوان علطول
جومانه :- الله يقرفك مقرف تسيب اكل البيت وتروح تاكل من بره
كريم :- اسكتى يا حاجه خلى الطابق مسطور اكل بيت ايه ده اللى اكل منه ده بيعملى تلبق معوى
جومانه :- ودينى ما انا سيباك ولسه هتجرى وراه
كريم :- حدف عليها التعبان وقال اوعى التعبان يعضك ودخل يجرى على أوضه
جومانه :- عااااااااا طيب لما اطولك يا كريم
كريم :- هههههههههه مش لما تعرفى تمسكينى الاول سلام يا مزه
جومانه :- وهى بتضحك براحه هههههههه الولا ده طالع شبهى عسل ابن الايه ونزلت تكمل الاكل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم

عرفو بخبر تعب اسر
مى :- بدموع يلا بسرعه يا باسم
باسم :- حاضر يا حبيبتى بلبس اهو
مى :- ربنا يقومك بالسلامه يا اسر قلبى خلاص مش حمل فراق حبايب تانى
باسم :- إن شاءالله هيقوم بالسلامه ويكون كويس
مى :- يارب يا باسم اخلص بس بسرعه
باسم :- خلاص خلصت اهو يلا بينا
مى :- يلا ونزلو الاتنين ركبو العربيه وراحو على المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند تيلا

روحت الشقه وهى محبطه وحزينه أن ملاقتش شغل ومسكت تليفونها واتصلت على امها منال وانتظرت الرد
تيلا :- السلام عليكم
منال :- وعليكم السلام عامله ايه يا حبيبتى
تيلا :- الحمدالله كويسه
منال :- مال صوتك
تيلا :- مفيش يا ماما
منال :- وانا عبيطه عنك فى حد ضيقك ولا حاجه
تيلا :- بزعل كل حاجه مضيقانى يا ماما الزفت انس عرف مكانى وجالى الصبح ونزلت ادور على شغل كله بيشترط الخبره ومش لاقيه شغل وختمت معايه بواحد قليل الذوق جرحنى بكلامه بس انا اديته قلم يفوقه ويفش غليلى فيه واحد قليل الادب
منال :- متزعليش نفسك يا حبيبتى بالنسبه لانس انا هروح اكلم ابوه واخليه يبعده عنك والشغل شركة ابوكى موجوده ارجعى وامسكيها بدل ما تدورى على شغل بره عند الناس وفلوسك وعربيتك زى ما هما
تيلا :- ماما علشان خاطرى بلاش نتكلم فى الموضوع ده تانى انا مليش حق فى الورث ده ولو مكنتش خايفه عليكى من انس وأبوه كنت رجعت ليكى كل حاجه بأسمك بس انا متأكده أنهم مش هيسبوكى فى حالك اما انس انا اقدر أوقفه عند حده متخفيش
منال :- دماغك ناشفه انا عارفه انك مش هتعملى غير اللى فى دماغك
تيلا :- انا كده مرتاحه اكتر هدور على شغل تانى وتالت ومش هييأس علشان اقدر احس بالقرش اللى فى ايدى لازم اجيبه بمجهودى مش يجى لحد عندى من غير مجهود
منال :- ربنا يرزقك من عنده يا حبيبتى ويسعد قلبك يارب اه صح مقولتيش بقى ايه حكاية اللى ضايقك ده
تيلا :- كالعاده راجل من ضمن الرجاله اللى مصممه ضيقنى مرتين اشوفه ويفور دمى امبارح بليل وانا بشترى اكل فرمل عليه العربيه والنهارده برضه وانا راجعه خبطنى بالعربيه تانى المشكله بقى أن مصمم أن انا اللى غلطانه مع أن هو اللى بيبقى سايق على اخر سرعه ومش شايف قدامه ومع كل ده عنده تكبر مشفتهوش على حد
منال :- وكبير بقى ولا صغير
تيلا :- لاء شاب فى سنى كده او اكبر حاجه بسيطه
منال :- حلو
تيلا :- اممممم هو حلو وملامحه بحس أن شفتها قبل كده بس لسانه اطول منه وبعدين يا ماما انا مالى اذا كان حلو ولا وحش هو انا هتجوزه
منال:- وليه لاء
تيلا :- يا سلام ده انا لو شوفته تانى قدامى هاكله بسنانى ده انا متغاظه منه غيظ وبعدين انتى عارفه رأى ايه فى الجواز مش هقبل اتجوز ويجى واحد يكسرنى ويخلى دموعى على خدى وفى الاخر لما ارفض الذل والاهانه منه واروح ادور على سعادى يخطف منى ابنى ويسيبه يغرق فى البحر من غير رحمه ولا شفقه كل الرجاله عايزه الشنق لو عليه كنت عدمتهم كلهم بأيدى دى مخلوقات حرام تعيش على الأرض كل مهمتهم أنهم يكسرو الواحده ويهنوها بيفرحو بدموع الواحده وذلها
منال :- يا حبيبتى الرجاله كلها مش زى ابوكى
تيلا :- بدموع متقوليش ابويه ده مش اب ولا يعرف حاجه عن الابويه الاب ميحرمش بنت من امها ميسبش بنته تغرق فى البحر وهو سامع صوتها بتترجا ودموعها على خدها ولو مكنش راجل غريب انقذنى كان زمانى ميته غرقانه كفايه بقى ظلم من الرجاله فيا ولحد دلوقتى بعانى منه انا تعبت يا ماما اللى انا شفته فى حياتى محدش يستحمله اقسم بالله
منال :- علشان خاطرى أهدى انتى عارفه أن مقدرش اشوفك فى الحاله دى
تيلا :- اخدت نفس وبعدين قالت مفيش حاجه يا ماما خلاص انا كنت قفلت على وجعى من زمان بس البنأدم اللى شوفته النهارده فتح الوجع اللى فى قلبى من جديد مش عارفه ليه لما شوفته فكرنى بالماضى كله المؤلم
منال :- تيلا خليكى البنت القويه اللى انا ربتها على الشجاعه والمواجهه اجمدى كده وبلاش توجعى قلبى عليكى وتقلقينى
تيلا :- متخفيش عليا يا ماما من كتر الوجع والألم اللى شوفته فى حياتى قلبى مات وبقيت عايشه من غير احساس اطمنى يا ماما معلش هقفل معاكى دلوقتى وابقى اكلمك بعدين وقفلت التليفون واترمت على الكنبه وقعدت تعيط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وانتهى اليوم فى حزن على اسر وجه يوم جديد على ابطالنا
فى المستشفى

فاق اسر وهو تعبان وطلب يشوف يوسف والممرضه خرجت ونادت على يوسف
ودخل يوسف لابوه
اسر :- بتعب تعال يا يوسف عايزك
يوسف :- قعد على الكرسى ومسك ايد ابوه وقال سلامتك يا بابا
اسر :- بتعب الله يسلمك يا ابنى انا كنت عايزك فى كلمتين
يوسف :- استريح انت بس وبلاش كلام علشان متتعبش
اسر :- بتعب يا ابنى خلينى اقولك الكلمتين علشان ارتاح
يوسف :- طيب قول بس لو حسيت انك تعبان اوقف الكلام فورآ
اسر :- انا لما طلبت منك انك تمسك الشركه مكانى كنت عرفت أن القلب ضعيف عندى والدكاتره طلبت منى الراحه وقالو ليا لازم عمليه ونسبة نجاحها ضعيفه جدآ كنت عايز اطمن على امك واخواتك البنات انت الراجل اللى مكانى دلوقتى لو جرارى حاجه هتكون انت اللى مسؤول عنهم بعد منى
يوسف :- إن شاءالله هتسافر تعمل العمليه وهتكون كويس واحسن من الاول كمان
اسر :- انا مش مطمن يا حبيبى وعايز لما اقابل وجه كريم اكون مطمن على امك واخواتك اوعدنى انك هتمسك الشركه وهتحافظ عليها
يوسف :- أن شاءالله انت هترجع بالسلامه وتخلى بالك منها
اسر :- اوعدنى يا يوسف انك تمسك الشركه مكانى لو موت وانا هناك اموت وانا مرتاح ولو رجعت ابقى فرحان باللى انت عملته فى الشركه مكانى
يوسف :- سكت شويه
اسر :- ها يا ابنى قولت ايه وكح
يوسف :- حاضر يا بابا بس ريح نفسك انت علشان الكلام فى خطوره عليك
اسر :- بفرحه يعنى هتمسك الشركه
يوسف :- ايوه يا بابا
اسر :- ربنا يباركلى فيك
يوسف :- انا اتفقت مع دكتور قلب كبير بره هيعملك العمليه وحجزت ليك التذاكر انت وماما والسفر بليل
اسر:- بالسرعه دى
يوسف :- ايوه يا بابا مفيش وقت وهستناك ترجع ليا انا واخواتى
اسر :- ربنا يخليكم ليا وميحرمنيش منكم
يوسف :- باس ايديه وقال ويخليك لينا يا ابو يوسف
اسر :- خلاص عليك كده دخلى مزتى بقى
يوسف :- هههههههه اه يا شقى احنا فى المستشفى طيب
اسر :- اطلع بره يا قليل الادب
يوسف :- احبك يا اسو وانت شقى كده وخرج ودخل ليه مها
مها :- حبيب قلبى وعشرة عمرى أنشالله انا وانت لاء
اسر :- بعد الشر عليكى يا قلبى ولا بلاش قلبى علشان ضعيف بعد الشر عليكى يا اغلى حاجه فى الدنيا دى كلها
مها :- باست أيده وقالت انا كنت هموت عليك يا اسر انا مقدرش اعيش دقيقه واحده بعيد عن حضنك اوعى تعملها تانى لو كنت بتحبينى
اسر :- انا مش بحبك انا بموت فيكى انا بعشقك يا عشرة عمرى الطيبه
مها :- طيب علشان خاطرى يا اسو خف بسرعه
اسر :- شدها فى حضنه وقال عمر اسو كله انتى يا مها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند تيلا

فتحت تيلا عينيها لاقت نفسها نايمه على الكنبه زى ما هى قامت حطت ايديها على رقبتها ودلكتها من الوجع ودخلت الحمام اخدت شاور واتوضت وخرجت لبست هدومها وأدت فرضها ودعت ربنا أن هو يسهل امورها النهارده وتلاقى شغل وفتحت الباب ونزلت وركبت تاكسى وراحت تدور على شغل وقعدت تدور زى الايام اللى قبلها وملاقتش شغل برضه بس لفت انتبها شركه كبيره لهندسة الديكور راحت عندها ووقفت قصادها وقالت
تيلا :- دى شركه كبيره مستحيل يقبلونى فيها زى اللى قبلها اممممم مش هخسر حاجه ادخل اجرب وخلاص ودخلت وسألت عن مكتب السكرتيره وراحت عندها وقالت لو سمحتى كنت عايزه اسألك لو محتاجين موظفين لاى حاجه
السكرتيره :- انتى معاكى شهادة ايه
تيلا :- مهندسة ديكور نفس مجال الشركه بس لسه متخرجه مش من كتير يعنى
السكرتيره :- طيب تمام احنا هنا عندنا ورشه لتعليم حديثى التخرج بيدربكم على الشغل وكل سنه يعمل ليكم اختبار واللى بينجح فى الاختبار ده بيتعين فى الشركه بمرتب حلو اوى
تيلا :- بفرحه بجد
السكرتيره :- ايوه وأثناء التدريب بيتصرف ليكم مرتبات رمزيه يعنى بسيط شويه
تيلا :- مش مهم انا راضيه بالقليل طيب ايه هى الاوراق المطلوبه
السكرتيره :- شهادة الميلاد وصورة البطاقه وشهادة التخرج بتاعة الجامعه
تيلا :- طيب موجود كل ده معايه دلوقتى اقدر اعمل ايه
السكرتيره :- امممم هو حاليآ صاحب الشركه مش موجود علشان تعبان شويه بس ممكن تستنى المدير اللى هيجى يستلم مكانه من بكره
تيلا :- بفرحه بجد شكرآ ليكى من الصبح هكون موجوده
السكرتيره :- إن شاءالله بالتوفيق مع السلامه
ومشت تيلا وهى فرحانه أن لاقت شغل ونزلت من باب الشركه ومشت شويه علشان تلاقى مواصلات لكن اتفاجئت وقالت
تيلا :- انت……………لقاء الاحبه يوسف و تيلا الجزء االرابع

 1,081 اجمالى المشاهدات,  3 اليوم