/* */

لقاء الاحبه يوسف و تيلا الفصل الثانى والعشرون

To report this post you need to login first.
3.7
(3)

 384 اجمالى المشاهدات,  1 اليوم

لقاء الاحبه يوسف و تيلا

⁦☘️⁩الفصل الثانى والعشرون⁦☘️⁩

فى فيلا اسر

كان يوسف متعصب من طريقة كلام مى ورفع أيده ولسه هيضربها بس ايد منعته
عدى :- لاء يا يوسف مدمتش ايدك عليها
يوسف :- زقه وقال انت مالك انت ومسك شعر مى وجرها وراه
عدى :- مستحملش يشوف مى كده راح وراه وشد مى من أيده وضربه فى صدره وقال انت ايه يا اخى مش عامل حساب للكبار اللى قاعدين مالك اهدا مى هتجوزها وهتبقى مراتى ومسمحلكش تمد ايدك عليها
يوسف :- ده انت رخم رخامه الواحد هاين عليه يقتلك اقسم بالله
فهد :- خلاص خلصتو اهانتكم لبعض ومش عاملين اى حساب لينا لا انت ولا هو عندكم ريحت الدم
عدى :- ما انت شايف يا بابا بيعمل ايه فى مى
اسر :- يوسف موضوع اختك ده متدخلش فيه فاهم انا لسه عايش مموتش علشان تعمل اللى بتعمله ده
يوسف :- ميدخلش بينى وبين اختى
عدى :- وانت مدمتش ايدك عليها
مليكه الكبيره :- وقفت وقالت بعصبيه لحد هنا وكفايه يوسف اقعد جنب ابوك عدى اقعد جنب ابوك مش عايزه اسمع نفس ليكم الكلام للكبار وبس فاهمين
يوسف :- بص بغيظ لعدى وقعد جنب اسر
عدى :- بص لمى والدموع فى عنيه وراح قعد جنب فهد
مليكه الكبيره :- تعالى يا مى جنبى
مى الصغيره :- قعدت جنب مليكه وهى حابسه الدموع فى عينيها
مليكه الكبيره :- ليه رافضه الجواز من عدى مش انتى بتحبيه وهو بيحبك
مى :- غمضت عينيها علشان تمنع الدموع من النزول وسكتت
مها :- ردى على خالتك يا مى
مى :- سابتهم وطلعت تجرى على اوضتها وقفلت الباب وراها وقعدت فى الارض تعيط
فهد :- خلاص يا جماعه شكلهم فى زعل ما بنهم احنا نقرأه الفاتحه والفرح يبقى مع يوسف وفريد وهما يبقو يتصالحو براحتهم
اسر :- بص ليوسف ورجع بص لفهد وقال وانا موافق
وقرو الفاتحه
عدى :- كان حزين علشان مى وفرحان فى نفس الوقت انها هتكون ملكه
سمر :- كانت قعده كل ده وعنيها منزلتش من على فريد
فريد :- كان قاعد ومبصش ليها نهائى
تيلا :- يوسف ممكن تيجى معايه ثوانى
يوسف :- قام وهو متعصب راح مع تيلا
تيلا :- اهدا يا يوسف انا عمرى ما شوفتك بالحاله والعصبيه دى محصلش حاجه لكل ده عدى بيحب مى وهى بتحبه ايه العيب فى كده طيب ما احنا بنحب بعض يبقى احنا غلطانين احنا كمان ولا انت راجل وخايف على اختك وبابا باسم مش راجل مثلا علشان كان سامح لينا بالعلاقه اللى بينا
يوسف :- بدموع احساس صعب على اى راجل يشوف اخته زى ما فى الصور فى حضن راجل عارف انك هتقولى ما انت بتحضنى وبوستنى بس انا عارف نفسى وواثق منها عارف ان بحبك وان انا شايف فيكى مستقبلى لكن أنا ايه يعرفنى نية عدى من اختى ايه ده راجل كان متجوز وطلق وليه تجارب ويقدر بسهوله منه أن يضحك على واحده زى مى
تيلا :- بس هو نيتو سليمه وبيحبها بجد وخايف عليها وعايز يحميها من الكل حتى منكم انتو كمان الدمعه المحبوسه فى عينيه فيها معانى كتير صادقه يا يوسف وهو برضه كلها كام يوم وهيبقى جوزها بلاش تخلى العلاقات ما بنكم فيها قلق لانكم فى الاول والاخير ولاد خاله
يوسف :- سكت ومردش عليها
تيلا :- اهدا كده وخد وقتك وبعد كده ابقى صالح اختك وخدها فى حضنك واحتويها
يوسف :- انا مش عايز ادخل هخرج اشم شوية هوا تيجى معايا
تيلا :- مش هينفع الوقت اتأخر روح انت بس متتأخرش وبلاش تسوق العربيه بسرعه
يوسف :- ماشى سلام وخرج ركب عربيته ومشى بيها وتيلا دخلت تانى
اسر :- امال فين يوسف
تيلا :- خرج يشم شوية هوا
فهد :- كده احسن علشان يهدا شويه
مليكه :- سمر اطلعى اطمنى على مى
سمر :- حاضر يا خالتو
عدى :- احم ممكن اتكلم معاها شويه على انفراد
اسر :- بس ميصحش تروح ليها اوضت نومها وبص لسمر وقال اطلعى قولى لاختك انزلى كلمى ابوكى
سمر :- حاضر وطلعت دخلت عند مى لاقتها بتعيط
سمر :- أهدى يا مى خلاص عدى هيكون جوزك مش انتى بتحبيه وكنتى بتتمنى تعيشى معاه
مى :- انا دلوقتى بكرهو يا سمر بكرهو
سمر :- ليه طيب
مى :- علشان علشان اهو كده يا سمر
سمر :- براحتك متحكيش انا موجوده فى اى وقت تحتاجى تتكلمى معايا فيه ويلا معايا بابا عايزك
مى :- بدموع عايز ايه
سمر :- معرفش
مى :- مسحت دموعها ونزلت وقالت ايوه يا بابا
اسر :- عدى عايز يتكلم معاكى
مى :- وانا قولت يا بابا مش عايزه ولا عايزه اتكلم معاه
فهد:- يا حبيبتى اسمعيه وشوفى عايز يقولك ايه
مى :- عمو فهد انت عارف ومتأكد من غلاوتك عندى قد ايه بس معلش انا اسفه ابنك مش موافقه عليه
مليكه :- ماشى بس اتكلمى معاه الاول
مى :- يا خالتو مش ع
عدى :- قطعها وقال تعالى معايه يا مى
مى :- لاء
عدى :- هعملك اللى انتى عايزاه بس تعالى معايه نتكلم الاول
مى :- مشت قدامه من غير ولا كلمه
عدى :- مشى وراها وخرجو الجنينه
مى :- قعدت وقالت افندم
عدى :- مى انا بجد اسف مقصدش كل اللى حصل ده كنت بحاول احميكى والله العظيم
مى :- بقولك ايه لو هتتكلم على اللى حصل الصبح ولا هتتكلم على موضوع الصور وفر على نفسك الكلام علشان انا مش عايزه اسمع حاجه
عدى :- مى انتى ليه عناديه ليه مبتسمعيش غير صوتك وبس ليه مش قادره تحسى بيا وتقدرى اللى انا بعملو علشانك
مى :- وقفت وصقفت بأيديها وقالت بدموع برافو عليك ممثل قدير صدقنى لو مكنتش عرفتك على حققتك كنت صدقت كلامك ده عملت ايه علشانى قولى كل اللى عملته كسرتينى وجرحتنى هو ده اللى عملتو علشانى لاء بجد شابوه ليك عرفت توجعنى عملت عليا الشويتين بتوعك واقنعتنى انك بتحبينى بوس واحضان وانا زى العبيطه مسلمه نفسى ليك ومش بعترض واتاريك بتصورنى وانا معاك علشان يوم ما ارفض تبعت الصور لابويه ده طبعآ غير وسختك بتاعة الصبح لما انت حببها اوى كده ليه مرجعتهاش تانى قدام الكل بدل الخفه ده وياترى بقى عمو فهد عارف بعلاقتك بيها ولا مدارى عليه هو كمان
عدى :- يا مى افهمى اقسم بالله ما فى حاجه ما بنى وما بنها وبعدين انا هصورك ليه انتى شيفانى بنأدم زباله اوى كده ده انا بخاف عليكى من الدنيا دى بحالها ومستحملتش اشوف اخوكى بيمد أيده عليكى يبقى هعمل كده ليه ياريت تحطى عقلك فى راسك يا مى وتربطى الخيوط ببعضها اللى اتصل بيكى وبلغك بمقبلتى بروان واللى بعت الصور عندى وعندك حد عايز يفرقنا عن بعض وانا كنت هناك علشان الموضوع ده
مى :- لاء بجد مهما عظيمه رايح عندها علشان تنقذ علاقتنا بنومك معاها صح
عدى :- مى انا ملمستهاش
مى :- فعلا والروج اللى كان على صدرك ده ايه وحمه وكنت فاتح القميص ليه ها وهى كانت هدومها مفتوحه ليه لما تكدب الكدبه اكدبها صح مش كداب وفاشل كمان ولسه هتمشى
عدى :- شدها ليه وبص فى عينيها وقال بصى فى عينى يا مى وانتى هتعرفى أن انا مش بكدب عليكى وان كل كلمه قلتها صادقه
مى :- سرحت فى عينيه ومعرفتش ترد
عدى :- وهو باصص فى عينيها مى انا بحبك ومقدرش اعيش من غيرك انتى عمرى كله
مى :- ب.ب برضه مش مصدقاك
عدى :- لاء يا مى انتى مصدقانى بس مش عايزه تعترفى بده
مى :- ع.ع.عدى ا.ا ابعد لو سمحت
عدى :- مقدرش ابعد قربى منك حياه والبعد عنك نهاية الدنيا بحالها
مى :- بلعت ريقها بالعافيه واتوترت من كلام عدى
عدى :- مسك وشها بأيده وقال انا عارف ومتأكد انك بتحبينى قد ما انا بحبك وان لمستى ليكى بتأثر فيكى بس مشكلتك هنا وشاور على دماغها مشكلتك عنادك وانك مش بتصدقى غير اللى عقلك بيقوله مع أن عينى باين عليها الصدق
مى :- استجمعت قوتها وزقت عدى وقال كفايه بقى انت بتتحكم فيا زى العروسه اللعبه معرفش ازاى بتقدر تلعب بعقلى معرفش إذا ده ضعف منى ولا شطاره منك بس كل اللى اعرفه ان مش هرجع مى البنت الضعيفه اللى بكلمه منك بدوب وبتنسا اللى حاوليه ابعد عنى فاهم
عدى :- بتحدى مش هبعد يامى واعملى حسابك فرحنا الاسبوع الجاى وابقى ورينى هترفضى ازاى
مى :- بتحدى اكبر وانا مش هتجوزك ورينى هتغصب عليا ازاى
عدى :- الواضح كده انك مش بتيجى بالحنيه ومسك ايديها ودخل وقال عمى اعمل حسابك فرحنا الاسبوع الجاى
اسر :- ما احنا قرينا الفاتحه خلاص واتفقنا يا ابنى
مى :- بس انا مش موافقه يا بابا
مها :- بعصبيه مى كفايه دلع بقى الكلام اللى ابوكى يقولو هو اللى يمشى فاهمه
مى :- بصت ليهم بدموع وطلعت تجرى على اوضتها
مليكه :- ليه يا مها زعلتيها
مها :- كان لازم اعمل كده البت دى مدلعه وعايزه الشده مش الحنيه
مى الكبيره:- لاء يا مها غلطانه مفيش بنت عايزه الشده البنت عايزه الحنيه والاحتواء
فهد :- بص لعدى وقال ايه يا سبع الرجاله مش عارف تمشى امورك وتصالحها
عدى :- احم الصراحه مى صعب اوى عناديه ودمغها ناشفه
اسر :- بلعكس مى طيبه اوى بس محتاجه اللى يفهم دماغها ويعرف يمشى عليها
عدى :- اهم حاجه يا عمى أن فرحنا الاسبوع الجاى اوعى تغير رأيك
اسر :- ههههههههه يا ابنى ما قولتلك والله العظيم فرحكم الاسبوع الجاى
فهد :- هههههههههه الولا مش مصدق نفسه
مليكه :- ربنا يسعدهم يارب
وانتهى اليوم وكل واحد روح على بيته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشرقت شمس صباح يوم جديد بنورها الساطع فى سماء عروس البحر لتبدء تيلا بفتح عيونها بصت فى التليفون بتاعها على الساعه وبعدين طلبت رقم يوسف وانتظرت الرد
يوسف :- صباح الخير
تيلا :- صباح النور عامل ايه دلوقتى
يوسف:- كويس
تيلا :- مش باين على صوتك يعنى
يوسف :- بحاول اكون كويس كل ما افتكر الصور بحس أن عايز اقلب الدنيا على دماغ عدى ومى
تيلا :- بجد بدأت اخاف منك فى عصبيتك بتبقى حاجه وحشه اوى مش انت يوسف الحنين الطيب الرومانسى شيفاك حد تانى خالص
يوسف :- صدقينى عصبيتى دى يحس بيها اى راجل معاه اخت لما يشوفها فى حضن شاب يبقى الموت اهون مليون مره من أن يشوف أخته كده
تيلا :- حتى لو الشاب ده هيبقى جوزها بعد أيام
يوسف :- تيلا خلينا واقعين لو مكنش موضوع الصور ده كان عدى ومى هيستمرو فى اللى بيعملو ومكنش عدى اتقدم نهائى
تيلا :- ايه عرفك انت يمكن كان مستنى بعد فرحنا وكان هيتكلم عليها بس موضوع الصور قدمه مش اكتر
يوسف :- ماشى يا تيلا قفلى على الموضوع ده المهم هتعملى ايه النهارده
تيلا :- هنزل اشترى شوية حاجات ليا
يوسف :- اختارتى الفستان اللى عايزاه بتاع الفرح
تيلا :- لاء لسه هشوفه معايه النهارده
يوسف :- ماشى شوفيه وابعتى الفاتوره على الفيلا هنا
تيلا :- ماشى
يوسف :- تيلا الفستان يكون مقفول وطويل اياكى تجيبى حاجه مفتوحه
تيلا :- والله لسه يا يوسف مشوفتش ايه هيعجبنى وبعدين دى ليله فى العمر والفستان ده هيتلبس مره واحده يعنى لازم يكون مميز
يوسف :- تيلا مش عايز كلام كتير معنديش استعداد فى الفرح تبقى مراتى فرجه للرجاله عايزه تلبسى عريان البسى ليا انا فى اوضتنا
تيلا :- ربنا يسهل يا يوسف
يوسف :- ماشى عايزه حاجه
تيلا :- لاء سلام وقفلت مع يوسف وقامت وهى متعصبه دخلت الحمام اخدت شاور واتوضت وخرجت لبست هدومها وأدت فرضها ونزلت وقالت صباح الخير
الكل :- صباح النور
مى :- مالك يا حبيبتى شكلك متعصبه
تيلا :- مفيش يا ماما
باسم :- فى عروسه زى القمر تبقى مكشره كده
تيلا :- مفيش بس متعصبه شويه من يوسف
مى :- ليه
تيلا :- متحكم اوى يا ماما وعايز كلمته تمشى من غير مناقشه وغيرته حاجه صعبه اوى
باسم :- بس الغيره دليل على الحب وهو علشان بيحبك بيغير عليكى والتحكم ده فى ايدك انتى اللى تخليه يتغير علشانك
تيلا :- انا اصلا من بعد ما شوفته امبارح فى عصبيته وانا خوفت منه
مى :- يا حبيبتى اى راجل بيتعصب مش يوسف بس
فرحه :- انتو ليه هتعقدونى فى الرجاله
مى :- صوابعك كلها مش زى بعضيها وكل راجل وليه طبع والست الشاطره تعرف تمشى على طبع جوزها
تيلا :- وقفت وقالت همشى انا بقى
مى :- رايحه فين
تيلا :- هروح اشترى شوية حاجات ليا وهبص على فساتين الفرح
مى :- ماشى يا حبيبتى ربنا معاكى
تيلا :- بصت لهنا وقالت تعالى معايه
هنا:- حاضر وخرجت مع تيلا وركبو العربيه وقالت انتى هتروحى معايه
تيلا :- ايوه علشان اوقف اللى اسمه محمد ده عند حده
هنا :- خايفه منه
تيلا :- بس هبل كده وقوى قلبك
هنا :- ربنا يستر
تيلا :- شغلت العربيه ومشت بيها على الجامعه ونزلت هى وهنا ودخلو الاتنين بصو على محمد ملقهوش ولسه بيلفو لاقه وقف وراهم
محمد :- ازيكم يا بنات خالى
تيلا :- بس متقولش بنات خالى انا لا طيقاك ولا طيقه خالك ده
محمد :- غصب عنك اسمك تيلا مازن يعنى بنت خالى ومهما تعملى مش هتقدرى تغيرى الحقيقه
تيلا :- انت واحد مستفز وأقسم بالله يا بتاع انت لو فكرت تهين اختى تانى فى المحاضره بتاعتك لأكون مسحه بكرمتك الارض قدام الطلاب بتوعك واخليك متسواش بصله قدمهم فاهم
محمد :- خلصتى كلامك
تيلا :- بصت ليه بقرف
محمد :- تخدى بعضك كده زى الشاطره وتخرجى من هنا بالذوق بدل ما اخلى الأمن يرميكى رميت الكلاب
تيلا :- انا كده كده همشى مش طيقه اقعد فى مكان انت فيه
محمد :- شرفتى وانستى
تيلا :- بارد مش هتجيبو من بره طالع شبه خالك وبصت ليه بغيظ وبعدين بصت لهنا وقالت لو عمل ليكى حاجه تانى تعالى وقوليلى فاهمه
هنا :- ح ح.حاضر
تيلا :- راحت ركبت عربيتها ومشت
هنا :- لسه هتمشى
محمد :- هنا
هنا :- ن.ن.نعم
محمد :- انا اسف على اللى حصل منى واوعى تفتكرى أن بعتذرك علشان خوفت من الشويتين بتوع اختك دول لاء أنا لما قعد مع نفسى وفكرت فى اللى حصل ندمت الصراحه وحكيت لامى وقالت ليا أن انا غلطان
هنا :- مفيش مشكله حصل خير عن اذنك
محمد :- رايحه فين
هنا :- احم هروح استنا دخولك علشان المحاضره
محمد :- بس المحاضره لسه ساعه عليها
هنا :- ع.ع عارفه
محمد :- طيب ما تيجى معايه المكتب اشربى حاجه ونقعد نتكلم مع بعض شويه ولو عايزه تسألى على حاجه اجوبك عليها لحد معاد المحاضره
هنا :- ها ل.ل لا شكرآ م.م.مش هينفع طبعآ
محمد :- ليه انتى بنت خالى قبل اى حاجه
هنا :- ب.ب.بس محدش يعرف اننا نقرب لبعض وممكن يتكلمو علينا
محمد :- خلى كلام الناس اخر همك مدام مش بتعملى حاجه غلط الناس كده كده بتتكلم حلو او وحش بتتكلم اعملى الصح ومتخفيش من كلام حد
هنا :- احم ح.ح.حاضر
محمد :- يلا معايه
هنا :- بتوتر م.م.ماشى وراحت مع محمد فى مكتبه وقعدت وهى متوتره
محمد :- على فكره انا مش باكل الناس يعنى خليكى على طبيعتك مفيش داعى لتوتر ده
هنا :- احم ا.ا.انا عايزه أخرج من هنا
محمد :- ليه
هنا :- ك.ك.كده
محمد :- هنا انا عايز اتكلم معاكى شويه وبتوترك ده بتوترينى انا كمان
هنا :- نتكلم فى ايه
محمد :- احنا ممكن نبقى اصحاب
هنا :- ا.ا ايه اللى انت بتقوله ده
محمد :- لالالا مش زى ما انتى مفكره انا قصدى زمايل عادى محترمين انتى بنت خالى يعنى مستحيل اكون بفكر بحاجه وحشه من نحيتك
هنا :- بس لو ماما و تيلا عرفو ممكن يزعلو منى
محمد :- مش لازم يعرفو مدام هما هيزعلو ومسير الايام تمر ويتغير كل شئ وهيبقى وضعنا ده عادى
هنا :- م.م.ماشى
محمد :- مدام موافقه تعالى بعد الجامعه النهارده نروح عند عمتك حياة اقعدى و اتكلمى معاها واتعرفى عليها هتحبيها اوى
هنا :- ل.ل لا طبعآ مش هينفع انا كده هتأخر وماما هتقلق عليا
محمد :- مش هغيبك والله اقعدى شويه صغيرين وامشى
هنا :- احم م.م.مش عارفه
محمد :- ثقى فيا ومش هتندمى
هنا :- م.م.ماشى
محمد :- بص فى الساعه وقال يلا معاد المحاضره
هنا :- يلا ونزلو الاتنين من المكتب ودخل محمد يدى المحاضره ودخلت وراه هنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

نزل يوسف من اوضه وكان الكل قاعد
يوسف :- صباح الخير
الكل :- صباح النور
يوسف :- بص لمى وقال انتى لبسه كده ورايحه فين
مى :- ريحه الكليه
يوسف:- انا قولت مفيش خروج لحد ما تتجوزى
مى :- يا بابا سامع ابنك بيقول ايه
اسر :- سيب اختك يا يوسف تروح الكليه بتاعتها
يوسف :- واللى اسمه عدى ده مش هيروح ليها يعنى
اسر :- وفيها ايه مش خطبها
يوسف :- بابا انا مش عجبنى الوضع ده انت مدلعها ودلعك ده مخليها سيقه فيها
اسر :- انا مربى بناتى كويس اوى وواثق فيهم مهما حصل عارف ان هما هيخافو على سمعت ابوهم ومش هيكسرو ضهره
يوسف :- براحتك يا بابا عن اذنكم
مها :- اقعد يا ابنى افطر
يوسف :- مليش نفس وسبهم ومشى ولسه هيركب العربيه
معاذ :- استاذ يوسف
يوسف :- ازيك يا معاذ
معاذ :- الحمدالله انا جبت ليك كل المعلومات اللى طلبتها منى
يوسف :- بجد شكرآ يا معاذ تعبتك معايا
معاذ :- العفو يا فندم انا تحت امرك اتفضل الورق اللى فيه المعلومات
يوسف :- اخده منه وقال تمام هشوفه انت هتبدأ الشغل النهارده
معاذ :- اه إن شاءالله علشان نلحق نخلص
يوسف :- ربنا معاكم وسابه وركب عربيته ومشى بيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مى خرجت من الفيلا وكان عدى وصل فى الوقت ده ووقف بالعربيه
مى :- شافته وعملت نفسها مش شيفاه ومشت
عدى :- مى يا مى تعالى اركبى
مى :- لاء
عدى :- يا بنت الناس بلاش عند
مى :- والله انا حره مش عايزه اركب معاك
عدى :- مى اركبى احسنلك
مى :- لاء مش هركب ورينى هتعمل ايه
عدى :- هنزل من العربيه وهشيلك واركبك بالعافيه وانتى عارفه أن ده مش تهديد
مى :- ب ب.برضه مش هركب
عدى :- نزل من العربيه وقال انتى اللى بتجبيه لنفسك بقى
مى :- متقربش منى انا بقولك اهو احسن اقسم بالله اصرخ واقول انك عايز تخطفنى
عدى :- وهو رايح عليها قال عايزانى مجيش جنبك اركبى
مى :- لاء
عدى :- كده مد أيده ولسه هيشلها
مى :- خلاص خلاص بس ابعد عنى
عدى :- بعد وقال طيب امشى قدامى على العربيه
مى :- نفخت وقالت بارد وركبت العربيه من وراه
عدى :- محدش قالك ان انا سواق الهانم
مى :- والله انا كده لو مش عجبك انزل
عدى :- اللهم طولك يا روح وشغل العربيه ومشى بيها على الجامعه
وصلو عند الجامعه وكان فى صديق مى حبت تغيظ عدى نزلت تجرى من العربيه وقالت
مى :- زوما عامل ايه واحشتنى
حازم :- ميوش انتى اكتر والله
عدى :- اتغاظ منهم الاتنين ونزل مسك دراع مى وقال ليها بعصبيه بلاش تستفزينى بالحاجه دى علشان هتشوفى منى وش مش هيعجبك
حازم :- انت يا اخ سيب دراعها انت مين علشان تمسكها كده
عدى :- انت بتكلمنى انا
حازم :- امال بكلم امى
عدى :- راح عنده ومسكه من هدومه وقال متدخلش فى اللى ملكش فيه مى دى خطيبتى وبعد كده لما تنادى عليها تقولها يا مى مش يا ميوش فاهم يا روح امك او ياريت تقطع علاقتك بيها بدل ما اقطع علاقتك بالدنيا خالص غور يالا
حازم :- بصلهم بخوف ومشى
مى :- انت ايه اللى عملته ده
عدى :- اللى انا عملته ده حاجه بسيطه جدآ لكن لو اتكرر الموضوع ده تانى متلوميش غير نفسك يا مى وسابها وركب عربيته وراح على الشركه
مى :- خافت من طريقة كلام عدى وقعدت تبص عليه لحد ما مشى بالعربيه ودخلت الجامعه وهى متوتره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مليكه

كانت وقفه مع ولاء فى الجامعه وبتتكلم معاها

ولاء :- ها طمنينى أبيه ايمن عامل معاكى ايه
مليكه :- كويس
ولاء :- هو ايه اللى كويس انا عايزه تحكيلى بتفصيل الممل
مليكه :- احكى ايه
ولاء :- بتقولو ايه فى التليفون
مليكه :- ولا حاجه بيسألنى عامله ايه وبيقعد يحكيلى شويه على شغله وبس
ولاء :- هو ايه وبس يعنى مش بيقولك واحشتينى بحبك بموت فيك الكلام الحلو ده
مليكه :- احم م.م.ملكيش دعوه
ولاء :- اه يا واطيه جالك قلب تقوليها ليا ده انا كنت حلقة وصل ما بنكم
مليكه :- خ.خ.خلاص روحى اسأليه هو
ولاء :- لاء واضح كمان أن اخويه نطقك وخلاكى بتعرفى تردى اهو
مليكه :- ده على اساس ان كنت خرسه
ولاء :- طيب سيبك انتى بلاش تحكيلى بتقولو ايه احكيلى انتى بتحسى بأيه لما بتتكلمى معاه اعذرينى يا اختشى اصل عندى جفاف عطشفى
مليكه :- ههههههههههه هقولك بحس نفسى طايره فى السما من الفرحه وقلبى ده بينط من مكانه وبحس كده أن كل حته فى جسمى بتنطق بأسمه وببقى متخيله شكله وانا بتكلم معاه فى التليفون ولما بيضحك وهو فى التليفون بحس نفسى شوفت غمازته الاتنين اللى خطفونى
ولاء :- هيييييييييح ده الحب حلو اوى يا جدوعان
مليكه :- انا بحمد ربنا وبشكره أن بعتلى ايمن فيه نفس مواصفات شريك حياتى كل حاجه اتمنتها لقتها فيه
ايمن :- وانا بحمد ربنا أن بعتك ليا
مليكه :- شورت وراها وقالت ه.ه.هو
ولاء :- هزت راسها بمعنى ايوه
ايمن :- وقف قصادها وقال امال مش بتسمعينى الكلام الحلو ده ليه فى التليفون جايه تقوليه لاختى طيب قوليه ليا انا
مليكه :- اتكسفت ووشها احمر وكانت مش عارفه تنطق
ولاء :- نهار اسوح يا أبيه البت قلبها هيوقف عليها من الكسوف
ايمن :- طيب انتى مكسوفه ليه اعتبرينى مسمعتش حاجه حلو كده يا ستى
مليكه :- ا.ا.انا لازم امشى ع.ع عن اذنكم ومشت
ايمن :- مليكه
مليكه :- وقفت وغمضت عينيها
ايمن :- راح عندها وقال استنى عايز اقولك على حاجه
مليكه:- ن.ن.نعم
ايمن :- اقبلى منى الهديه دى
مليكه :- ا.ا.ايه دى
ايمن :- فتح العلبه وقال سلسله فيها صورتى وصورتك البسيها ومتقلعهاش من رقبتك مهما حصل
مليكه :- م.م.ماشى شكرآ واخدتها منه ولبستها فى رقبتها
ايمن:- عقبال ما البسك شبكتك
مليكه :- احم ع.ع.عن اذنك
ايمن :- خلى بالك على نفسك
مليكه :- حاضر باى
ايمن :- باى وقعد يبص عليها لحد ما اختفت وراح ركب عربيته ومشى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الكليه عند سمر وفريد

دخلت سمر الكليه وقعدت تدور على فريد لاقته واقف مع أصحابه راحت عنده وقالت
سمر :- فريد فريد
فريد :- بصلها وراح عندها وقال افندم
سمر :- ممكن اعرف هتفضل مخصمنى قد ايه علشان لو انت ناسى بس فرحنا كمان كام يوم
فريد :- لحد ما يتصلح حالك
سمر :- يعنى انت كده حالك هيطول صح
فريد :- انتى عايزه ايه دلوقتى
سمر :- انا مش عايزه حاجه يا فريد انا خلاص تعبت وزهقت بجد كل ده فوق احتمالى عمال تكسر فيا مش عارفه بتعمل فيا كده ليه حرام عليك يا شيخ بقى ارحمنى انا عندى تبعد عنى احسن من الغلب اللى عيشه فيه ده انت بتموتنى بالبطيئ يا اخى ده انا امبارح عينى منزلتش من عليك وانت ولا هنا كنت معتبرنى مش موجوده
فريد :- خلاص يا سمر لو عايزه ننهى الموضوع بلاش منه وننهى
سمر :- بدموع هههه ده انت حتى مهنش عليك تقولى مقدرش استغنا عنك لدرجاتى انا مليش غلاوه عندك امال طلبت ايدى ليه فهمنى
فريد :- صعبت عليه سمر لما شاف دموعها وقال مش قصدى بس دى كانت ردت فعل على كلامك
سمر :- وانا كلامى كان ردت فعل على افعالك
فريد :- سمر انتى عرفانى وعارفه أن انا الحمدالله ملتزم بدينى وانتى هتكونى مراتى وانا اللى هتحاسب عليكى بعد كده وانتى مكبره دماغك من نحية الالتزام دى وعايزه تعيشى متع الدنيا ومش بتفكرى فى نعيم الاخره فلو انتى متمسكه بيا بجد بلاش حكاية الفرح دى خلينا نبدأ حياتنا من غير معاصى نغضب بيها ربنا
سمر :- بس انا نفسى افرح زى اى بنت
فريد :- فرحتنا ببعض مش بأغانى ورقص وتنطيت
سمر :- بس هلبس فستان ابيض
فريد :- مفيش مشكله بس يكون محترم ومش عريان
سمر :- م.م.ماشى
فريد :- صدقينى مش هتندمى وبكره تقولى أن انا كان عندى حق
سمر :- لما نشوف يعنى خلاص مش مخصمنى
فريد :- لاء
سمر :- مسحت دموعها وقالت مهما بتعمل فيا بحبك ومش بقدر اكرهك
فريد :- هههههههه ماشى امشى يلا علشان المحاضره هتبدء
سمر :- طيب بمناسبة اننا لسه متصلحين قولى كلمه حلوه طه
فريد :- هههههههه امشى يا مجنونه
سمر :- يارب شللى هيكون على أيده هو ومشت معا تحضر المحاضره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند وحيد وفرحه

وحيد :- ايه ابوكى مش ناوى يحن عليا ويرد على طلبى
فرحه :- هانت يا قلبى بابا خلى يوسف يسأل عليك وهيرد عليه النهارده أو بكره بالكتير اوى
وحيد :- ادينى مستنى لما اشوف اخرتها معاكم ايه ده لوهاخد بنت الرئيس مكنتش هستنا كل ده
فرحه :- اخس عليك يا وحيد يعنى بنت الرئيس هتكون احسن منى ولا هتحبها قدى
وحيد :- ههههههههههههه لا طبعآ هحبها اكتر منك
فرحه :- ضربته فى كتفه وقالت غلس
وحيد :- ويعنى انا مستعجل ليه مش علشان عايزك تبقى معايه علطول وتبقى بتاعتى انا لوحدى
فرحه :- وانا اكتر منك يا حبيبى بس كل تأخيره وفيها خيره
وحيد :- ماشى ادينى مستنى اهو
فرحه :- بحبك اوى يا وحيد وبحب الوقت اللى بكون معاك فيه
وحيد :- بضحكة شر ولسه هتحبينى اكتر واكتر بعد ما نتجوز هعيشك اسعد ايام حياتك ههههههههههههه
فرحه :- مسكت أيده وقالت عارفه يا قلبى ان هكون اسعد مخلوقه على الأرض طول ما انا معاك
وحيد :- احبك انا يا واثق من نفسك ههههههههههههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر

وصلت جاكلين الفيلا ودخلت وقالت
جاكلين :- السلام عليكم
مها :- وعليكم السلام تعالى يا حبيبتى
جاكلين :- عامله ايه يا خالتو
مها :- الحمدالله يا حبيبت خالتو
جاكلين :- ازيك امز عامل ايه والنبى قمر كده وعايز تتاكل اكل
اسر :- هههههههه يا بت يا بكاشه
مها :- انتى بتعكسى جوزى قدامى
جاكلين :- الصراحه اه اصله مز اوى والشعر الأبيض ده هياكل منه حته
اسر :- عسل يخربيت خفة دمك دى بتفكرينى بخالتك مى كانت علطول تحب تتكلم كده
جاكلين :- لالالا حاسب نحنو نختلف عن الاخرين خالص مالص
مها :- هههههههههههه مصيبه من مصايب الزمن انتى
جاكلين :- تسلميلى اخالتو المهم البت مى عامله ايه النهارده
مها :- كويسه نزلت الكليه
جاكلين :- يخربيتها المجنونه وهى فاضل اسبوع على جوازها
مها :- مى دى ليها دماغ مخصوص لوحدها
وفى الوقت ده نزل معاذ
معاذ :- ازيك يا انسه جاكلين
جاكلين :- الحمدالله ازيك انت يا استاذ معاذ
معاذ :- كويس الحمدالله وبعدين بص لأسر وقال استاذ اسر بستأذنك ساعه بس هخرج اجيب حاجه من بره وشويه وهاجى
اسر :- ماشى يا ابنى ربنا معاك
معاذ :- عن اذنك وخرج
جاكلين :- ط.ط.طيب هروح انا بقى مدام محدش من البنات هنا سلام
مها :- ماشى يا حبيبتى مع السلامه
جاكلين :- خرجت بسرعه وراه معاذ وقعدت تدور عليه
معاذ :- من وراها واحشتينى
جاكلين :- اتخضت وقالت اخس عليك يا معاذ خضتنى
معاذ:- انا اسف مكنتش اقصد والله
جاكلين :- لاء عادى خلاص وعلى فكره انت كمان واحشتنى اوى اوى اوى
معاذ :- بجد
جاكلين :- اممممم
معاذ :- تعالى نشرب حاجه انا اخد ساعه علشان اقدر اقعد شويه معاكى
جاكلين :- ماشى يلا
ومشو راحو قعدو فى كافيه وطلب لجاكلين عصير وطلب ليه قهوه
معاذ :- انا زعلان اوى
جاكلين :- ليه
معاذ :- علشان شغلى فى الفيلا هيحرمنى من القعده معاكى طول النهار فى الشركه
جاكلين :- طب اقولك على حاجه
معاذ :- قولى
جاكلين :- انا عارفه ان مى هتنزل الكليه النهارده بس عملتها حجه علشان اجى اشوفك
معاذ :- بفرحه بجد
جاكلين :- ايوه
معاذ :- بحبك اوى يا جاكى نفسى اصرخ بعلو صوتى واقول لدنيا بحالها أن انا بحبك
جاكلين :- اتكسفت وقالت وانا كمان بحبك
معاذ :- جاكى هو انتى ممكن تسبينى فى يوم من الايام
جاكلين :- لاء طبعآ
معاذ :- مهما حصل
جاكلين :- انت ليه بتقول كده
معاذ :- ها لاء ولا حاجه انا بطمن بس
جاكلين :- انا مقدرش اعيش من غيرك يا معاذ انت بقيت كل حياتى
معاذ :- ماشى ياجاكى اشربى يلا علشان نمشى
جاكلين :- مالك يا معاذ ليه اتغيرت فجأه كده
معاذ :- ها م.م.مفيش بس علشان متأخرش على الشغل
جاكلين :- ماشى يلا ووقفت
معاذ:- حط الحساب على الطربيزه وخرج هو وجاكلين
جاكلين :- هستنا تليفونك لما تخلص
معاذ :- أن شاءالله انتى هتروحى فين دلوقتى
جاكلين :- الشركه عند يوسف
معاذ :- ماشى خلى بالك على نفسك
جاكلين :- حاضر باى
معاذ :- باى
ومشت جاكلين بعربيتها على الشركه ومعاذ رجع الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى

صحيت مليكه من نومها وكان فهد لسه نايم جنبها بصت فى الساعه لاقته أن اتأخر على الشغل صحته وقالت
مليكه :- فهد فهد اصحه اتأخرت على شغلك
فهد :- بتعب مش هقدر اروح الشركه النهارده يا مليكه
مليكه :- ليه مالك يا قلبى
فهد :- دماغى تقيله شكلى داخل عليا دور برد
مليكه :- حطت ايديها على راسه وقالت انت سخن يافهد
فهد :- هاتى ليا بس اى حبايه من بتوع البرد وسبينى انام شويه ولما اقوم هبقى كويس
مليكه :- بعد الشر عنك يا عمرى انشالله انا وانت لاء
فهد :- بعد الشر عليكى يا قلبى
مليكه :- جابت حبايه وادتهالو وجابت المايه
فهد :- اخدها منها وحطها فى بؤقه وشرب المايه ونام تانى
مليكه :- بسته فى راسه وقالت بالشفا يارب وغطته
فهد :- مسك ايديها وبسها وقال ربنا يخليكى ليا
مليكه :- وميحرمنيش منك يارب وطفت النور عليه وخرجت وقفلت الباب وراها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى

كان كلهم قعدين بياكلو وجرس الباب رن
جومانه :- ده مين اللى هيجى لينا هنا
كريم :- ده تلاقيه جاسر صحبى اصل اتصلت بيه وطلبت منه كشكول المحاضرات اللى راحت منى اليومين اللى فاتو وقام يفتح ليه
جاسر :- السلام عليكم
الكل :- وعليكم السلام
فارس :- اتفضل يا ابنى معانا
جاسر :- بالف هنا وشفا يا عمو
جومانه :- معلش يا حبيبى ابنى متعب شويه
جاسر :- لاء ولا يهمك يا طنط كريم زى اخويه واى وقت يحتاج حاجه انا تحت امره
جومانه :- ربنا يحميك ويحرسك لشبابك يا حبيبى
كريم :- يارب نخلص لقاء الاحبه ده
فارس :- يا ابنى لم نفسك شويه قدام زميلك
كريم :- لاء ما هو عارف ان انا كده
بسمله :- مش هو بس الدنيا كلها عارفه انك كده
كريم :- بلاش انتى يا بسله وترجعى تزعلى من مقلبى فيكى
بسمله :- بنأدم رخم
جومانه :- خد جاسر واقعدو براحتكم فى الاوضه بتاعتك
كريم :- لاء اخده ايه ربنا اللى بياخد انا جعان وبص لجاسر وقال اترزع هنا كل
جاسر :- لاء اقعد انت انا مش عايز
كريم :- وحياة طنط سعاد هتاكل
بسمله :- مين سعاد
جاسر :- احم ماما
جومانه :- ربنا يخليهالك يا حبيبى
جاسر :- يارب يا طنط ويخلى حضرتك
كريم :- اخلص يا ابنى اقعد بقى
جاسر :- انهد شويه يا ابنى
كريم :- ما انت بتزيح المحيط جاى تعمل نفسك ابن ناس هنا
فارس :- ولد اتكلم عدل مع صحبك
كريم :- ده على اساس ان بتكلم بشقلوب
جاسر :- سيبه يا عمو انا واخد على طريقة كلامه دى
وقعدو يا كلو وبعد وقت الكل قام
كريم :- اعملى بقى اتنين شاى من ايديكى الحلوين دول يابسله
بسمله :- حاضر
كريم :- حضرك الخير يا اصيله يا بنت الاصول وطلع هو وجاسر اوضه
جاسر :- يا ابنى ارحم شويه ده انا لو مكانها كنت ولعت فيك من زمان
كريم :- قصدك على مين بسله دى بسله متعرفش تزعل من حد دى الاخت ام جناحت
جاسر :- والله خساره فيك النعمه ياريت كان عندى اخت أو اخ
كريم :- وانا ايه ياروح امك مش اخوك ولا ايه
جاسر :- اخويه طبعآ بس ربنا مايوريك لما تكون وحدانى لا عندك اخ ولا اخت ولا اب وتبقى انت وامك بس اللى عيشين فى شقه طويله عريضه بتبقى الحياه ممله بجد
كريم :- صح معرفتش حاجه عن ابوك
جاسر :- لاء مش قادر اوصل لاى حاجه توصلنى ليه
كريم :- معلش مسيرك هتوصله فى يوم من الايام
جاسر :- انا مش عايز اوصل ليه حبآ فيه لاء انا عايز اسألو سؤال واحد ساب امى ليه وهى حامل فيا ومن يومها مفكرش حتى يسأل عليها ولا على اللى كان فى بطنها
كريم :- انا عارف ان صعبه عليك بس من رأى سيبك من الموضوع ده وركز مع امك وعوضها عن غيابه ورد ليها جميلها أن هى رفضت تتجوز من حد تانى وعاشت علشان تربيك انت وبس واهو بسم الله ماشاءالله بقيت شاب طول بعرض وتقدر تعتمد على نفسك وتعوضها عن الايام اللى اتعذبت فيها
وفى الوقت ده باب الاوضه خبط
كريم :- قوم افتح انشالله يخليك
جاسر :- وانا خدام أهلك
كريم :- يلا بقى يا جسور
جاسر :- قام فتح الباب
بسمله :- الشاى
جاسر :- شكرآ
بسمله :- العفو عن اذنك
جاسر :- قعد يبص عليها لحد ما مشت وبعدين دخل وقفل الباب وحط الشاى على المكتب
كريم :- اخد كوباية الشاى وشرب منها وقال يا سلام عليكى يا بسله بتعمل كوباية شاى مشوفتهاش من حد
جاسر :- شرب منها وقال فعلا طعمه حلو اوى هى اختك فى مدرسه
كريم :- وهو بيشرب الشاى قال مممم فى ثانويه عامه
جاسر :- بجد ربنا معاها ويقويها عليها
كريم :- انا مش سيبها بقعد معاها وبذاكر ليها
جاسر :- ياشيخ اتنيل ده انت فاشل فى الدراسه
كريم :- احم طيب ليه الإحراج ده
جاسر :- ذنب البت دى لو فشلت فى رقبتك انت
كريم :- يا ابنى اتلم شويه يعنى انا مكنتش بذاكر فى الثانويه دى
جاسر :- انا اعرفك من قد ايه
كريم :- يجى من اربع خمس سنين ليه
جاسر :- عمرى ما دخلت بيتك ولا ذاكرت معاك ابدآ
كريم :- علشان امك طول عمرها بتخاف عليك ومكنتش بتخليك تروح تذاكر عند حد
جاسر :- ودى مشكلتى مع امى رغم أن كبرت بس بتخاف عليا زياده عن اللزوم ومفكرانى لسه عيل
كريم :- علشان انت ابنها الوحيد
جاسر :- ايوه عندك حق ابنها الوحيد
كريم :- احم اشرب الشاى قبل ما يبرد دى بسله اللى عملته
جاسر :- شرب من الشاى وضحك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد
لقاء الاحبه يوسف و تيلا الفصل الثالث والعشرون

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.7 / 5. عدد الأصوات: 3

لا أصوات حتى الآن! كن أول من يقيم هذا المنشور.

As you found this post useful...

Follow us on social media!


Subscribe
نبّهني عن
guest
1 تعليق
Oldest
Newest Most Voted
Inline Feedbacks
View all comments
trackback

[…] لقاء الاحبه يوسف و تيلا الفصل الثانى والعشرون […]

1
0
Would love your thoughts, please comment.x
()
x
Reel-Story © 2020 | Established in 2019 Privacy Policy I Terms & Conditions I Site map I Contact