220 اجمالى المشاهدات,  1 اليوم

فتح الباب خفير الفيلا وهو مخضوض 
-فيه ايه ياعزيز بيييه
لقي عزيز واقع في الارض عيونه مفتوحه علي اخرها وباصه  للسقف وكأنه بيبص علي اكتر شئ مرعب بالعالم
فمه مفتوح 
المنظر كان مرعب لدرجة الحارس رجع لورا بيرتعش وبيبص للسقف مكان ما كان عزيز بيبص بالظبط لكنه ملقاش حاجه 

جري بسرعه علي عزيز وفضل يحرك فيه يمين وشماال لحد اما اكتشف موت عزيز
صراااخ في فيلا عزيز بيه وكل الخدم والحراس ملمومين علي المنظر البشع 

وواحد منهم اتصل بالشرطه لان منظر عزيز كان بيوحي انه مش ميت موته طبيعيه

في الصباح كانت الشرطه ماليه الفيلا واقف ظابط وزميله
– علي قد ماكان راجل مؤذي بس زعلت عليه لما مات بالطريقه دي شكله ميت مسموم
-ياباشا  ولا مسموم ولا حاجه منظره بيقول انه ميت موته طبيعيه بس الظاهر طلعت روحه كانت صعبه 
-عموما  اطباء التشريح هيجيبو الخلاصه  اهم حاجه اتحفظو علي ابنه المجنون ده لحد اما يبان نتيجة التشريح
-ياباشا ده عقله طاير هنحجزه ازاي عندنا
-او يمكن بيمثل ياباشا وهو اللي قتل عزيز عشان يورث كل اللي وراه

في منزل لبني 
-يالبني يابنتي اصبري حد ييجي معاكي
-مش هستني ياماما لازم اروح اطمن علي جوزي ده مسكين تلاقيه متبهدل
-كانت جوازه شوم انا مكنتش راضيه عنها من الأول 
لبست لبني كامل ملابسها وانطلقت بسرعه ناحية فيلا عزيز بيه 
لحظة وصولها شافت زوجها في عربية البوكس وعريية البوكس بتتحرك وزوجها المسكين مش فاهم اي حااااجه
دموعها غلبتها ووقفت اقرب تاكسي وانطلقت ناحية قسم الشرطه 
في قسم الشرطه
-يافندم انا مراته وده مريض ومستحيل يعمل كده ثانيا ده والده 
-حضرتك دي مجرد اجراءات روتينيه لحد اما يبان نتيجة التشريح 

-طيب همضي لحضرتك تعهد انه هيرجع بيته وفي اي وقت تحتاجوه هانيجي هو مش متهم ولا فيه شبهه جنائيه 
-الظابط بعد الحاح وافق علي طلب لبني اللي اخدت زوجها وهي بتبكي علي حاله.  مسكين حالته اتدهورت اكتر راكب جنبها وعمال يكلمها ويقولها

-وديني البيت يالبني انا قلت للناس الاشرار دي مياخدونيش بس مسكوني جامد وخدوني عندهم 
ايمن فضل يقووول كلااام كتيير كأنه طفل بيشكي ولبني بتبصله شويه وتبكي وتبص قدامها شويه محتاره تعمل ايه في ايمن اللي واثقه انه مش مريض نفسيا وانه فيه حاجه غلط

مره واحده فرملت لبني بالعربيه علي صوت ايمن وهو بيكلما بنبرة مختلفه تمااااماا عن نبرته نبره فيها خبث وشر وبيقولها
-شفتي يالبني عزيز مات ازاي؟؟ عزيز شاف حقيقتنا قلبه وقف من الخضه هاهاهاها 

 

لبني  مش عارفه تعمل ايه جسمها قشعر ومش عارفه تعمل ايه. ردت بصوت خاافت وهي واثقه ان فيه حاجه غلط
-ايييمن.  انت.  ايمن ولا مين
جوزها بصلها وهو مبتسم ابتسامه غريبه وعمال يقربلها
لبني مرعوووبه وبتحاول ترجع لورا
-لا مش ايمن
وبقبضة قويه مسك رقبتها وهو بيضحك ضحكات خبيثه خلت قلبها ينخلع من الخوف

الناس اتلمت علي صوت لبني 
بيحاولو يفتحو الباب 
وعيون لبني غرغرت واتملت دموع وتدفق الدم مش طالع لدماغها بسبب الاكسجين
ايمن بيبصلها بغل شديد ونظراته مخيفه 
عروق فوق عيونه ظهرت بارزه جدا بشكل مخيف عمرها ماظهرت له  وشكله كأنها اول مره تشوفه

اتمكن واحد من انه يكسر قفل باب العربيه وفتح الباب وبقوووه شد ايمن  ومد واحد تاني ايده وفتح الباب اللي ورا ودخل وبدا في تخليص لبني من يد ايمن اللي كانت قوته كانها قوة عشر رجال
اخيرا الناس قدرت تفك ايد ايمن من علي رقبة لبني 
-صوت طالع من ايمن مختلف تماما عن صوته والناس مكتفاه بيقول للبني
-كل عيلة عزيز لازم يموتو. هنقتلكم زي ماعزيز نقض العهد

بدأت ناس تخاف وتسيبه 
الصوت مرعب والشكل مرعب وواضح جدا انه ملبوس لحد اما قرب واحد من اللي واقفين 
-امسكوووه اوعو حد يسيبه كتفوه كويس
ومسك دماغ ايمن وبدأ في قراءة ايات قرآنيه والمعوذات
لبني بتبص علي ايمن اللي بيصرخ بمجرد سماعه صوت القرآن وكأنه بيتعذب وبتبكي مش عارفه تعمل اييه ازاي تنقذ زوجها وهي خايفه منه وفي نفس الوقت مستحيل تتخلي عنه حتي لو هتدفع حياتها ثمن بقاءه

بعد مرور دقائق من قراءة القرآن وصراخ ايمن وقع ايمن مغمي عليه  واتمكن الاهالي من انهم يكتفوه

بعضهم بيحاول يطمن علي لبني والبعض الاخر هربو وواقفين يتفرجو من بعيد والبعض الاخر هرب بلا رجعه.  اما اللي مسك راس ايمن وقرأ القرآن قرب من لبني وقالها
-الشاب ده متسكتيش عليه ده مأذي يا استاذه
-لبني وهي بتحاول تجفف دموعها مأذي من مين وازاي ده ف حاله طول عمره
-شكله مأذي من الجن السفلي حاولي تشوفي شيخ ابن حلال خساره الشاب ده يضيع 

لبني جسمها قشعر وهي بتردد جن سفلي ؟ يادي المصيبه انا معرفش حد يفهم في الحاجات دي 
-اهدي يا استاذه وكله هيتحل خدي العنوان ده وروحيله وهو هيساعدك ومن غير فلوس اسمه الشيخ  جوده واهم حاجه اتصلي بحد من الرجاله قرايبك ييجي يروحو معاكي خطر تمشي معاه لوحدك
انصرف الرجل خطوات وبصلها وقالها
-علي فكره الاسم اللي بيقوله وراه سر واكيد اتسبب في كل ده معرفش كان بيقول عزيز ولا مين

لبني اومأت برأسها بعد اما الناس حطت ايمن متكتف في العربيه واتصلت باقاربها ييجو يساعدوها
بتسأل من جواها ودموعها مش مفارقاها: عزيز مكانش بيقتنع اصلا انه فيه جن او عالم سفلي ازاي هو السبب اكيد فيه حاجه غلط

بعد ربع ساعه وصل اقارب لبني وبعد اما طمأنتهم وخلت حد ساق مكانها بصوت متسرررع قااالت
-متروحش عندنا البيت خد روح علي العنوان ده.  
وقالتله العنوان اللي اداهولها الراجل بتاع الشيخ جوده

بالفعل اتحرك الكل بدون نقاش لان الكل كان مرعوب  لمنزل الشيخ  جوده
بمجرد اقتراب السيارة من بيت الشيخ جوده 
فاق ايمن وبدأ يحاول يفك نفسه
يصررررخ ويبكي 
يتكلم بصوت ايمن ويتحايل علي لبني ويقولها
-انا خلاص خفيت يالبني وعاوز انام روحيني
شويه وصوته يتشنج وهما منزلينه من العربيه ويبص للكل ويضحك ويقول 
-سيمووت كل من هو نسل عزيز

الكل مرعوب ومكتفين ايمن لحد اما وصلو لباب منزل الشيخ جوده اللي……. 

قصة عفاريت عزيز الحلقة الثالثه