/* */

رواية جحيم العشق البارت التاسع عشر

To report this post you need to login first.
3.3
(3)

 299 اجمالى المشاهدات,  1 اليوم

رواية جحيم العشق

البارت التاسع عشر

نظرت له مليكة وجدت عيناه مليئه بالندم ودموع كبريائه رافض نزولها فاجهشت بالبكاء بصوت عالي واخذت تصرخ وتبكي وهو يحاول تهدئتها حتي دخلو جميعهم مفزوعين من صوتها خائفين عليها
ادهم بغضب:ابعد عنها الظاهر كدا اني غلطت غلطة عمري لما وثقت انك هتتغير عشانها هتفضل زي ماانت ياادم
ادم بصراخ:ملكش دعوه متنساااش انك السبب في كل ده مين انت اصلا عشان تلمسها مجرد ابن خاله ليها يعني ملكش الحق انك تلمسها
عمار:اهدو ياجماعه ع الاقل عشان الغلبانه دي
نظر ادهم وادم لمليكة وجدوا كارما تحتضنها والاثنين يبكون كثيراا
كارما بصراخ:كلكم اطلعو برا دي اختي وانا هخلي بالي منها كويس اتفضلو برا مش عايزه اشوف حد فيكم قريب منها
ادم :لا م….
قاطعه احمد:ادم دا افضل حاليا لمليكة انت مش شايف حالتها
نظر ادم وجد حالتها صعبه بالفعل فقبل رأسها وخرج دون كلام وخرج ادهم ثم احمد وعمار
سلمي وهي تمسك بيد مليكة:حبيبتي ممكن تهدي احنا عارفين انه صعب بس صدقيني انتي عارفه كويس غيرة ادم صعبه اووي
مليكة بشهقه:بس هو وعدني انه هيتغير
ندي بحنيه علي مليكة وغيرة منها ايضا:وهو بيحاول يتغير بس هو بيغير عليكي اوي يامليكة عشان كدا لما شاف ادهم حاضنك وهو مجرد ابن خاله ليكي ناره قادت سامحيه واعذريه يامليكة
مليكة ببكاء :بس ادهم مش مجرد ابن خالتي
كارما باستغراب:اومال ايه يامليكة
مليكة :ادهم ابن خالتي وكمان
ندي بخوف:كمان ايه
مليكة :اخويا في الرضاعه
……….
بحديقة المشفي….
عمار بغضب:ممكن تهدو بقا انتو ايه معندكوش دم شايفينها تعبانه بالشكل دا وكمان رايحين تتخانقو قدامها ايه الاحساس انعدم خلاص
احمد:انا مش فاهم انتو عقلكم فين انا حاسس اني بكلم عيال صغيره
ادهم بغضب:انا متنيلتش عملت حاجه انتو مبتفهموش هو انتو مشوفتوش اللي حصل ولا ايه الحيوان دا هو اللي بدا الاول انا معرفش انت ايه اللي حصلك بنلعب عادي خالص مالك بقا وفيها ايه اني اشيلها او ابوسها
ادم بزمجرة وغضب :ادهمممم متنرفزنيش وتشيلها بتاع ايه اصلا انت مش ملاحظ انك حرام تلمسها حتي انت غبي يااخي غبي وورب الكعبه لو شوفتك قريب منها تاني ولا لمستها حتي ياادهم من غير قصد مش هعمل اللي عملته انهارده كدا بس لا دا انا هبيتك في المستشفي باذن الله ومش هخلي الدكتور يسيب فيك حته سليمة
ادهم باستغراب وهو يحدث نفسه:حرام المسها الواد دا غبي ولا ايه ازاي يعن….ااااااااه هو ادم ميعرفش اننا اخوات لازم اقوله
ادهم:ااادم انت…ثم حدث نفسه:لا مش هقوله هجننه شويه ع اللي عمله فيا وفيها من شويه دا وهخليها هي اللي تقوله فابتسم بخبث:ملكش فيه بنت خالتي والمسها احضنها معتقدش انك ليك فيه
ادم وهو يمسك ياقته ويلكمه:قولتلك متستفزنيش
ابعد عمار ادم وابعد احمد ادهم من امام ادم وهو يمسح الدم وهو يشعر ان الرؤيه امامه اصبحت مشوشه لان ادم ضربه بين عينيه فاسنده احمد قائلا:انت غبي يلا هو في حد يقول كدا
ادهم ببرود:انا قولت الحقيقه
امسك عمار ادم الذي كان يريد الذهاب اليه ولكمه مره اخري قائلا:خلااااص ادهمممم اسكت بقا ويلا اتفضل قدامي خلي الدكتور يشوف جرحك ده ودلفو للمشفي مره اخري
الدكتور وهو يخيط جرح ادهم:ايه يابني دا انت ازاي تسكت كده انت تقريبا متشلفط خالص تحب نبلغ البوليس
فضحك ادهم بسخريه :وتبلغه ليه ماهو قاعد معاك فارتبك الدكتور وقال برجفه بسيطة :احم هو في حد هنا من البشوات ظابط
ادهم بضحك:انت بتبص فين الظابط قاعد قدامك وانت شكلك هتدمرله الجرح وانت مش مركز كدا😂
نظر له الدكتور بهلع:انا ااانا اسف يافندم والله مااعرف
ادهم بضحك علي خوفه:مالك ياعم هو انا جاي بقولك هقبض عليك خيط ياراجل خيط دا الشرطة في خدمة الشعب
الدكتور بضحك:والشعب في خدمة الشرطة ياباشا✌😂❤(تقريبا ميعرفوش الشرطة المصريه😂حبايبنا طبعا وربنا يسامحنا ع الكدب ده)
فضحكو جميعهم وادم ابتسم ابتسامة خفيفه يخفي ماخلفها من الم علي حبيبته
انتهي الدكتور من تنظيف الجرح لادهم وخرجوا
ادهم باستفزاز:انا هروح اشوف مليكتي عامله ايه دلوقتي
ادم:احنا لسه في المستشفي تحب اكسرلك جسمك كله دلوقتي
فضحك ادهم واستفز ادم فذهب ادم اليه ليضربه بالفعل ولكن منعه احمد وعمار فاخذ احمد ادهم وسار امامهم وامسك عمار ادم وذهب معه وهو ممسكا به بشده حتي لا يذهب ويقتل ادهم😂😂
………
……:انا مش عايز اعرف هي ساكنه فين انا عايز اعرف كل حاجه عنهم عشان لما اضرب ضربتي تكسر متقويش انتي غبيه
…….:خلاص بقا عمال تهزأ فيا من الصبح مش فاهمه انت عامل عليها كدا ليه
……..:هو انتي شوفتي رقه وجمال زي كدا انا عايزها بكل جوارحي عايزها وهاخدها يعني هاخدها
…….بدلع:طب ايه هنفضل في سيرة الزفته دي بقا ولا ايه مش تيجي تفرجني علي الاوضه سمعت انك جبت اوضه جديده
……..بغمزة:طبعا جبت اوضه جديده تعالي يامزه اما افرجك عليها وبالمره اتكلم معاكي احسن وحشني الكلام معاكي اوي
…….بضحكة خليعه:يلا يابيبي
…………
بغرفة مليكة….
ندي بصدمة:اخوكي في الرضاعه
كارما:ايه دا انا اول مره اسمع الكلام دا
سلمي:ثانيه واخده ازاي اخوكي في الرضاعه وهو اكبر منك ومعندهوش اخوات
مليكة:مسمعتوش عن الكلام دا لان مجتش فرصه نقول غير دلوقتي اما بقا اخويا في الرضاعه ازاي ف ادهم ابن خالتو كان عندو اخ قدي وخالتو رضعتني معاه بس ..ثم اكملت بدموع:بس خالتو وابنها ماتو في حادثه وانا مكنتش اعرف
كارما بشفقه ودموع:خلاص ياحبيبتي اهدي دلوقتي متتعبيش نفسك في الكلام
فهدأت مليكة اما ندي ففرحت بشده لانها كانت تتضايق من علاقة ادهم ومليكة المقربه بشكل يثير الاستغراب حتي ولو كانت مليكة متزوجه ولكن قربها هكذا من ادهم كان يثير ضيقها بشده
خبط الباب ودخل ادهم ونظر اليها بحنيه ونسي مزاحة واستفزازة لادهم فاقترب منها وقبل رأسها وجلس بجانبها
ادهم:لوكا حبيبة ادهومي عامله ايه
ابتسمت مليكة غصب عنها ابتسامه خفيفه:انا كويسه الحمد لله
ادهم:حبيبتي عايزك تبقي قويه مش من اقل حاجه تقعي مش من اقل حاجه تتدمري عايزك قويه مفيش مخلوق يقدر يكسرك فاهمه يامليكة
مليكة ببكاء :بس اللي حصل مش قليل ياادهم انا كنت خايفه كان بيضربك جامد ثم نظرت لوجهه بخوف مره اخري وهي تحسس علي جروحه ببكاء:بتوجعك
دخل ادم في هذه اللحظه
فنظر لمليكة وادهم نظره ناريه واقترب منهم بخطوات واسعه وسريعه فوضعت مليكة يدها امام وجهها بتلقائيه واختبئت بضهر ادهم
ادهم:قسما بالله ايدك لو اتمدت عليها لهقتلك ياادم
ادم بانفاس متسارعه :ابعد عنها ياادهم مليكة انتي خايفه مني اوي كدا ابعدي ايدك يامليكة انا مش همد ايدي عليكي والله العظيم مهضربك تاني بس ابعدي ايدك خليني اشوف وشك يامليكتي
رفضت مليكة اما ادم فالمه قلبه بشده علي خوفها منه ولكنه كان ايضا غيران بشده وغاضب علي ادهم وهو يحتضنها فقال بين اسنانه :ابعد عنها ياادهم
ادهم ببرود :مش هبعد بنت خالتي وانا عمري ماهسيبها كدا
ادم وغضبه يتصاعد :ابعد ياادهم
ادهم :مش هبعد
ادم وعلي وشك لكمه مره اخري
صرخت مليكة:اخويا ياادم ادهم اخويا في الرضاعه ارجوك متعملهوش حاجه كفايه اللي حصل فيه كفايه بقا واجهشت بالبكاء مره اخري
اما ادم فنظر لهم بصدمه:اخوكي طب ازاي
ادهم:اه يافالح اخوها اخويا الله يرحمه قدها وامي كانت مرضعاهم فهمت😡
فجلس ادم:مليكة اانااا ثم صمت واكمل هو انتو ليه مقولتوش قبل كدا
مليكة:مجتش فرصه ياادم
ادم:تصدقي رجعتيلي روحي تاني بنطقك لاسمي
خجلت مليكة بشده واحمرت وجنتيها
كارما:احم احم نحن هنا
فضحكو جميعهم وخرجو ليتركو مساحة حريه لادم ومليكة ماعدا ادهم
ادم بغيظ:مش ناوي تقوم
ادهم ببرود :لا قاعد علي قلبك ثم نظر لمليكة:حبيبتي محتاجه اي حاجه اجيبهالك
مليكة وهي تنظر لادم التي اقسمت ان عينيه علي وشك اخراج النيران :لا ياحبيبي مش محتاجه حاجه
ادم وقد نفذ صبره جذب ادهم من جانبها فوقع علي الارض😂 وجلس هو بجانبها واحتضنها بشده ونظر لادهم بتحذير كلمة حبيبتي لو اتقالت تاني او لمستها تاني مش هيحصلك كويس
ادهم:الله يخربيتك يابني اختي وربنا اختي
ادم بزمجره وعناد وغيرة:حتي لو اختك بردو متقولهاش كدا ولا تحضنها
ادهم وهو يضحك بذهول ويخرج من الغرفة :الله يخربيتك يامليكة الواد اتجنن
ادم وهو ينظر لها بحب ويملس علي شعرها:انا اسف
نظرت له مليكة ولم ترد
ادم بحزن:انا فعلا اسف يامليكة بس انتي محسيتيش بيا كنت ساعتها حاسس بنار جوايا لما شوفته بيشيلك كدا وانتو كمان مقولتوش قبل كدا ان ادهم اخوكي في الرضاعه وحتي بردو لو تخوكي انا مبقدرش استحمل او اتحكم في نفسي لو شوفت حد قريب منك يامليكة انا اسف
مليكة ببكاء:بس انت قولتلي كلام يجرح ياادم اتت قولتلي انتي متعوده علي كده انا ياادم انت شايفني وحشه كده
ادم :انا اسف انا شايفك احسن واحده في الدنيا يامليكتي انا مش عارف انا ازاي قولتلك كدا بس دي كانت ساعة شيطان والواحد لما يتعصب بيقول كلام مش حاسس بيه انا اسف ممكن تقبلي اسفي يامليكة قلبي
ابتسمت مليكة ولكن سرعان مااخفت ابتسامتها وقررت ان تعاقبه :ماشي ياادم مسامحاك بس بشرط
ادم بلهفه:هعملك كل اللي انتي عايزاه
مليكة:هروح اقعد في الڤيلا بتاعت البنات كام يوم لحد مااهدي من ناحيتك
ادم بغضب :لا انتي مراتي وحبيبتي انتي مكانك جنبي وفي حضني انا مقدرش انك تبعدي عني
مليكة :ياادم سيبني ارتاح عشان خاطري صدقني مش زعلانه منك بس انا فعلا نفسيتي تعبانه وعايزه ارتاح كام يوم
تدم وقد زفر بضيق:حاضر يامليكة ربنا يصبرني عليكي بس انا خايف عليكي
مليكة :انت جنبي وفي قلبي عشان كدا محدش هيقدر يعملي حاجه
ادم بحب:ربنا يخليكي ليا يامليكة قلبي وكل ماليا في الدنيا دي ❤
فبادلته النظر بحب فتقترب منها رويدا رويدا حتي اصبح لا يفصل بينهم شئ وقبلها قبله سريعه سطحيه بجانب شفتيها وابتتد وجدها مغمضه عينيها باستمتاع فتجرأ واقترب وسرعان مااقتنص شفتيها بين شفتيه قبلها بشغف وحب ورغبه وعشق خلق لها هي وحدها دون غيرها في قلبه ابتعد عنها عندما شعر انها بحاجه الي هواء ثم اقترب منها مره اخري حتي يكمل مايفعله ولكن طرق علي الباب افاقهم من غيبوبتهم اللذيذه احمرت وجنتي مليكة بشده
نظر ادم اليها وشفتيها المنتفخه اثر قبلته ووجنتيها التي تكاد تخرج نار من احمرارها ثم زفر بضيق محاولا ان يتماسك حتي لا يكمل زواجهم بالمشفي😂❤❤
سمح ادم لهم بالدخول
كارما:احم يلا بقا كملو رومانسيتكم دي في البيت
خجلت مليكة وقالت بلهفه:لا انا هاجي اقعد معاكم كام يوم
نظر لها ادم بضيق من بعدها عنه وهي بادلته النظر بتوسل
كارما بلهفه وفرحه:بجد
مليكة:اه والله ادم وافق
صفقت سلمي بيديها ثم قالت بمرح:الله دا احنا هنولعها خمر ورجال
ندي:الله عليكي بس لازم يكونو رجال مزز اه معلش😂
احمد بغضب:نهاركو اسود ان شاء الله
ادهم:لا وانت الصادق دا ملهوش ملامح اصلا انتي يااستاذه انتي ازاي تقولي كدا
ندي بخوف:بهزر والله
ادهم بغضب:مفيش انسه محترمه تهزر تقول الكلام دا لا وكمان بتقوله قدام جوزها المستقبلي
انصدمو جميعهم من كلمة ادهم
ندي:انت بت…. قاطعها رنين هاتف مليكة
مليكة:دا رقم غريب ياادم
ادهم:ردي وافتحي الاسبيكر
…………
بمكان اخر
شخص ما وهو يتمتع بما يستنشقه من ممنوعات ومخدرات :حلاوتك ياباشا يامظبطنا
الباشا:اي خدمة طول ماانت بتسمع كلامي هظبطك علي طول
الشخص :هو بس ياباشا ناقصني اعرف بنت الكلب دي راحت فين
دخل عليهم شخص اخر وهو ينهج:عرفت عرفت
الباشا:عرفت ايه
الشخص:عرفت مكانها خلاص
………..
ردت مليكة علي الهاتف:الوو
……..:حبيبتي الف سلامة عليكي
مليكة برعب:انت ميين…..
…….
ياتري مين هو الشخص اللي بيكلمها ومين البنت اللي راجل عرف مكانها؟
ادهم قال ان جوز ندي المستقبلي واقف قدامهم ياتري هو قصده علي نفسه وهيتقدملها؟
ندي هتوافق ولالا؟
مليكة وادم هيخلصو من المشاكل ولا الفراق نصيبهم؟
تابعو روايه جحيم العشق يوميا عدا الجمعه
رأيكم؟!
روما علي✌🌼
انا مبسوطة جدا علي فكره لانكم نفذتو اللي طلبته منكم 😍عشان كدا زودت البارت وكل ماهلاقي منكم نتيجه هزود اكتر بحبكم جدااا❤😍
20 ڤوت و15 كومنت عشان البارت اللي بعده✌😎
رواية جحيم العشق البارت العشرون

ما مدى فائدة هذا المنشور؟

انقر على نجمة لتقييمه!

متوسط ​​تقييم 3.3 / 5. عدد الأصوات: 3

لا أصوات حتى الآن! كن أول من يقيم هذا المنشور.

As you found this post useful...

Follow us on social media!


Subscribe
نبّهني عن
guest
1 تعليق
Oldest
Newest Most Voted
Inline Feedbacks
View all comments
trackback

[…] رواية جحيم العشق البارت التاسع عشر […]

1
0
Would love your thoughts, please comment.x
()
x
Reel-Story © 2020 | Established in 2019 Privacy Policy I Terms & Conditions I Site map I Contact