وقت القراءة المقدر: 2 دقيقة (دقائق)

اتنين ستات عملوا حادثه…
واحدة عندها مرسيدس موديل.2019. . جايبها لها صاحبها في عيد ميلادها .. والتانيه عندها فيرنا بالقسط …
اللي عندها الفيرنا اتصلت بجوزها ، قالتله وانا رايحة اجيب الولاد من المدرسة عملت حادثة على الطريق تعالى خليك معايا.
قالها مش حينفع آجي ، عندي شغل وداخل اجتماع ، العربيه حصلها حاجه ؟
قالتلو الخبطة مش كبيرة الحمد لله ،
قالها تمام لما أرجع حبقى اشوف موضوع العربية .سلام
اللي عندها مرسيدس ، أتصلت بصاحبها بتعيط .
قالها مالك يا قلبي ، بتعيطي ليه يابيبي
قالتلوا عملت حادثه
قلها انتي كويسة حصلك حاجة ياعمري ؟
قالتلو لا حبيبي انا كويسة بس العربية ادغدغت من قدام .
قالها في داهيه العربية ، المهم انتي يا عمري
اجيلك يا روحي ؟
قالتلو ربنا يخليك ليا ،،
تعالي عايزاك جنبي انا خايفة اوي
قالها . ماتخافيش انا في الطريق
بعد ربع ساعة وصل لمكان الحادثه
لقى اللي عاملين الحادثه صاحبته ومراته .. 😂🤣

وربنا اللي هيضحك بس ومش هيعلق هزعل منه 🤨🤨😪 ولو انت في الموقف ده هتعمل ايه…. وانتى هتعملي ايه
تحياتي لكم أصدقائي 😂😂😂😂

 1,661 اجمالى المشاهدات,  10 اليوم

وقت القراءة المقدر: 4 دقيقة (دقائق)

قصه مضحكه جدا …

يوم فرحي ، قعدت قبلها بشهر أعلم خطيبي ازاي نرقص ،
اتفقنا ع أغنية السلو و حفظته حركاتها و امتى يشيلني ويلف بيا وكده😴 !
المهم جه اليوم الموعود و بدأ الفرح و كل حاجه تمام ، اول ما وقفنا ورا الباب الي بيفتحوه عشان ندخل منه للقاعه .. فتح باب القاعه مشينا وعدينا من بين الناس و هو زي الأهبل قاعد يبص يمين وشمال ع الناس و يوزع قبلات و عايش الجو و ماشي اسرع مني حتى مش مستنيني !
كانه رايح مشوار و مستعجل او رايح الشغل و راحت عليه نومه مثلاً 😰
و انا مش عارفه أمسك إيده والا أمسك فستاني وكله كوم و الكعب و أسلاك الكاميرات الي اتكعبلت فيها كوم تاني😰 !
بقيت ناقص امسك الفستان بسناني او احطه في اللباس عشان اعرف امشي جنبه بحرية 🙂😥
آخر حاجه وصلنا ع الكوشه ..

و جت اللحظه اللي احنا مدربين عليها تدريبات شاقه بقالنا شهر اشتغلت الأغنية و لازم ننزل نرقص ،
يقوم الغبي ينزل لوحده و يسبقني و مايمسكش ايدي و انا اقوله هات ايدك يا ابني مش عارفه امشي انا ست قد امك عيب كده
و سابني و احنا نازلين عن درجات الكوشه وغير كده سبقني ،
و بدأ الرقص قبلي ! مش عارفه هو كان مستعجل ليه كده؟ 🤔 هو كان عنده نمره تانيه في فرح تاني مثلاً 😭😭
أنا كان لازم ألملم الموقف و أقعد ارقص عادي مع إني كنت هتشل ، و أنا برقص قعدت أبرق فيه و اكلمه بحواجبي يقرب ، و هو مش فاهم !🙆
و يقولي فيه ايه؟
رحت انا عنده و مسكت ايديه و قعدت ارقص معاه ، و احنا بنرقص و رابطين ايدينا ببعض و بنحركهم يمين شمال ،
و قمه الرومانسية و حاجه جامدة انا كنت عايشه في الدور و عايشه مع الاغنيه و مغمضه عنيا و كنت هعيط من الحب ♥♥
هو من حماسه خادته ( باين حد كان مديله حبايه ) ! فجأة شالني بدون مقدمات ذي اللي شايل شوال رز وهو بيمرجح فيا و عامل يمخمض فيا ذي ازازه الحاجة الساقعه ،
حسيت انه اختل توازني من تحت ، و قعدت أطلع و أنزل و أنا برقص ، لحد ما استوعبت انه في كعب اتكسر ، و بقيت بمشي ذي اللي عندها تسلخات
الناس بتبص علينا و مصدومين 😳! دول بيرقصو ولا طالعين على حلبة مصارعة ! و لا العيال دي ركبها عفريت 👻 و لا ايه بالظبط في سؤال حائر في عيون الجمهور
طبعاً مش كان في حل غير اني اقلع الكعب ،
و يدوب شلته بقيت أقصر منه بعشرين سانتي🙈 ،كنت واقفه عند سورته كده 😂
شغلولنا أغنية هادية و بدأ السلو ، رحت لفيت ايديا حولين رقبته و أنا واقفة علي طراتيف صوابعي ببرق فيه عايزه اقول له اهدي شويه يا ابن المبقعه
بس هو ولا هنا!! ، آخر حاجه سبت رجليا عن الأرض وبقيت معلقة في رقبته زي البقرة الي ملبسينها عقد عشان يميزوها ،
او العيل اللي امه هتروح تحج و هتسيبوا مع ضرتها
هو قعد يلف بيا و يسخن أكتر ، و أنا بصرخ و بقوله وقف ! و هو برضو ولا هنا 😰 !
آخر حاجه استوعب و وقف فجأة ، وعشان فجأة أنا بقيت طايرة و جابوني من بين الطربيزات😣. و شالوني مرابعه و حطوني علي الكوشه
جت فقرة التورته و مسك عريسي السكينه و عاش في دور عبده موته و قعد يعمل حركات هبلة بيها ،و يطلع و ينزل و يقرب مني و يهوشني… و قعدت ادعي نقطع التورته من غير ما يقلع عين حد😾او اروح بيتنا ناقصة ايد او رجل
، بعدين مسكوه كاسة بيبسي ، و مسكوني كاستي ، لفيت عليه عشان نعمل حركة الكاسات اللولبية لقيته شارب كاسته و مخلصها ،و بيتقرع و مزاجه في السحاب
حاولت مش أبين انحراجي و كسوفي من غبائه ،
و مسكت الشوكة الي فيها تورته عشان ناكلها مع بعض ، هو حب يعمل حاله نغش و ياكلها كلها ، فعض مناخيري معاها !
أنا مسكت مناخيري و قعدت أصوت و أعيط و الكل إلتم عليا ، لزقوهالي وبردو قعدت تنزف ! و من التوتر و القهر و من الخضه الي اتخضيتها و احنا بنرقص ! و أعصابي اللي باظت و عريسي الغبي ، اغمى عليا و مش صحيت غير في المستشفى ،على صوت شكمان قطر مخروم
ابص الاقي العريس نايم ع الكرسي الي جمبي ،و بيشخر و كانه معملش حاجه
قعدت أتأمل في وشه… و أفكر ايه الخطوة الي لازم أعملها ؟😕😕😕

Advertisement

أطلب الطلاق ولا أكمل الابتلاء ده😒 ؟ 😂😂😂منقوووووول

ادام الله ابتسامتكم …

 1,241 اجمالى المشاهدات,  8 اليوم

وقت القراءة المقدر: 2 دقيقة (دقائق)

– زميلتنا فالشغل جوزها فجأة اتغير بقى ضرب وشتيمة ويعملها مجنون. يعملها قرد ويتنطط. كلب ويهوهو. يقولها الصرصار هياكلني ويصوت. وطالع نازل ع سلالم العمارة يعمل مجنون قدام الجيران. وهي صعبان عليها جوزها ومرمية تحت رجليه تعيط وتدعي ربنا يفك كربته.

– من حظه الاسود فونه وقع ف ايدها وعرفت من الواتس اب انه ماشي مع واحدة عاوز يتجوزها. شرطها عشان تتجوزه يطلقها. وهو كاتبلها مؤخر كبير وجايبلها دهب اكتر. فاللي ماشي معاها قالته اعملها مجنون وهي غصب عنها هتطلب الطلاق ف تتخلى عن كل حاجة.

– قوم صاحبتنا بعد ما قرءة الرسالة خلته نزل الشغل تاني يوم ونزلت اشترت كاميرات مراقبة ووزعتهمله فالشقة. ولما رجع عملت نفسها بتكلم اختها فالفون وخليته يسمعها وهي بتقول انه لو الوضع ده زاد هتطلب الطلاق حتى لو هتستغني عن كل حقوقها.

Advertisement

– صاحبنا ما صدق وقام داخل عليها يعمل قرد. يعمل كلب. بعدين مسك السكينة وقال ايه هي خروف العيد وهيدبحها .. قامت بنت الناصحة معورة نفسها وطلعت تجري ع قسم الشرطة وبلغت ان جوزها اتجنن. بعدها اتصلت بمستشفى الامراض العقلية. وجت الشرطة والمستشفى وسلمته ليهم تسليم اهالي. والكاميرات والجيران اثبتوا انه فعلا مجنون. وهي اخدت الفون ومسحت الشات.

وحاليا هي واخدة اجازة سنة من الشغل عشان بتدير شغل جوزها لحد ما ربنا يكرمه ويخرج من مستشفى المجانين بالسلامة. 😂😂
ة😅!!🖤
🤣😂🤣😂

 1,449 اجمالى المشاهدات,  3 اليوم