التخطي إلى شريط الأدوات

رواية اختي باعتني للشيطان البارت الخامس عشر والسادس عشر

To report this post you need to login first.
5
(2)

 274 اجمالى المشاهدات,  2 اليوم

اختي باعتني للشيطان
البارت الخامس عشر
للكاتب المصري محمد مالك
بسبوسة تأخذ متولي وتذهب به الي مكان مرعب جدا رسومات وماسكات ووجوة مرعبه علي الحوائط وفي كل مكان .. كثافة دخان البخور تملأ ارجاء المكان .. متولي يصاب بالذعر والخوف الشديد
متولي .. ايه المكان اللي جايباني فيه ده يا بسبوسة ؟!! دا مرعب اوي بتفكريني بفيلم يانا يا خالتي .. اوعي في الاخر ابوكي يطلع الخالة نوسة ؟!!
بسبوسة .. اهو حاجة شبه كدا .. ادخل وانت تتعرف عليه بنفسك .. ادخل يا متولي متخفش
متولي يدخل الي الحجرة فيجد رجل عجوز ذو لحية كثيفة بيضاء وشعر ابيض كثيف وحواجب بيضاء كثيفة ثم يقول له ..
المشعوذ .. تعالي يا متولي يا ابن نبويه الدلالة
متولي يتعجب .. دا عارف اسم امي كمان !! باين عليه سرة باتع ؟!!
ثم يدنو منه بخوف وحذر ويجلس بجوارة
متولي .. مساء الفل يا سيدنا
المشعوذ .. مساء الهلاك والدمار اللي مستنينك يا متولي
متولي .. هلاك ودمار !! ليه البداية الغم دي يا مولانا ؟!! دا احنا لسة بنقول يا هادي
المشعوذ .. دا اللي مكتوب في الطالع بتاعك يا متولي وبالخط العريض
متولي .. ايه هو اللي مكتوب بالخط العريض عدم لامؤاخذة ؟!!
المشعوذ .. مكتوب هتموت بعد نقطتين .. جايز ساعتين او يومين او اسبوعين او شهرين او جايز سنتين
متولي يرتبك ويبتلع ريقه .. مين دا اللي هيموت يا عم الحج ؟!!
المشعوذ .. انت يا متولي ومش دا المقصود لأن الموت علينا فرض ومفروض
متولي .. امال انت تقصد ايه ؟!!
المشعوذ.. اقصد نهاية السوء اللي هتكون نهايتك يا مسكين
متولي .. ايه ؟!!
المشعوذ .. انت وقعت وسط اتنين ملاعين
متولي .. مين ده اللي ناويلي ع السوء يا مولانا ؟!! انطق قوام
المشعوذ .. ثريا وسرحان ..
متولي .. ايه ؟!! مش معقول انت اكيد بتخرف او باين عليك دجال
المشعوذ .. اسمع للأخر وبلاش تلاكيك .. حياتك في خطر والامر في ايديك
متولي .. من فضلك يا عم الشيخ اتكلم علطول انا اعصابي مش ناقصة
المشعوذ .. ثريا ومتولي ناوين ع الغدر بمجرد ما هيطلع الكنز هينتهي الامر
متولي .. امر مين ؟!!
المشعوذ .. امرك انت يا مسكين
متولي .. انا !! دا انا اقتلهم واشرب من دمهم الاتنين .. بس ازاي مع بعض متفقين وسرحان قال ان ثريا هي اللي هتكون قربان
المشعوذ .. انت القربان يا غلبان وفي ايدي انا لوحدي انجيك
متولي .. بس انا مش قادر اصدق دا لسة كان معايا في المستشفي وبيقولي اننا لو وصلت نخطف ثريا عشان باقي اقل من اسبوع ولو مدبحناش ثريا عمرنا ما هنوصل للكنز ابدا .. الجني حارس المقبرة قاله كدا
المشعوذ .. هههههه .. ملعوب كبير يا متولي والدليل ثريا في دلوقتي في البيت حتي شوف كدا .. ثم يكشف له الطالع
متولي .. دي قاعدة مع سرحان !!! دي المفروض في العناية المركزة !!
المشعوذ .. انت مش عايز تصدق ليه؟!! .. روح وشوف بعنيك عشان تتأكد .. وبعد ما تتأكد ارجعلي عشان لسة مشوارك طويل .. روح يا متولي.. روح يا غلبان
متولي عاضب بشدة ويذهب مسرعا الي المستشفي حيث ترقد ثريا ليفاجأ بصدمة

———–

البارت السادس عشر
للكاتب المصري محمد مالك
يتوجه متولي مسرعا الي المستشفي التي من المفروض ان ترقد بها ثريا وخلفة خمسة من رجالة ويعترض طريقة احد الاطباء.
الطبيب .. من فضلك امشي من هنا فورا .. قلتلك الزيارة ممنوعة عن المريضة
متولي .. وانا بقلك عايز ادخل اشوف من دي اللي جوة .. هبص عليها بصة مش اكتر
الطبيب .. ممنوع واتفضل مع السلامة عشان مطلبش الامن
متولي .. انت هتهددني !! اوعي كدا من سكتي واللي عايزة اعمله .. ثم يدفعة بعيدا عنه ويدخل الي حجرة العناية المركزة ويقترب من المريضة وهو يدقق النظر وفجأة يجد ان المريضة ليست ثريا
متولي .. دي مش ثريا !!!
الطبيب .. اتفضل اخرج برة حالا
متولي .. امال العيانة اللي جت امبارح اللي اسمها ثريا فين ؟!!
الطبيب .. مفيش مريضة جت عندنا اسمها ثريا
متولي .. انت متأكد ؟!! هي اسمها ثريا التوني جت هنا امبارح بعد ما مجهول اتجهم عليها وهي في بيتها وعورها
الطبيب .. بقلك معندناش مريضة جت بالاسم ده .. هي دي المريضة الوحيدة اللي جت هنا امبارح واسمها فتحية كمال وجت في حادثة عربية
متولي.. يبقي كلام الشيخ ايو بسبوسة صح !! سرحان وثريا اتفقوا عليا .. وديني لأقطعهم حتت واقدمهم قربان لكلاب الشوارع .. ثم يترك الطبيب وينصرف هو ورجالة واثناء مغادرته المستشفي يلمح اسماء في نهاية الطرقة يراها عارية تماما وهي تمسك بالسكين الذي كان ينوي ذبحها به ويراها تنظر اليه بعينان حمراوان غاضبتان فيرتجف من الخوف فيحتمي خلف رجالة قائلا
متولي .. الحق يا صبحي البت اسماء واقفة هناك ومعاها سكينة وشكلها ناوية ع الشر
صبحي .. فين يا باشا ؟!!
متولي.. ياض هناك اهه .. واقفة عريانه قدامك اهه
صبحي .. عريانه ؟!! انا مش شايف حاجة ؟!!
متولي .. مش شايف ازاي يا أعمي ؟!! ايه ده هي راحت فين ؟!! راحت فين ياض انت وهو ؟!! متولي يزداد رعبا يلتفت في كل مكان بحثا عنها وفجأة يجد نفسه لوحده وقد اختفي رجالة ويفاجأ ب اسماء تقف خلفة وتضع السكين علي رقبته قائلة ..
اسماء .. ازيك يا متولي ؟!!
متولي .. انتي عايزة مني ايه ؟!! انا مش سيبتك تروحي لحال سبيلك ؟!!
اسماء .. مش انت اللي سيبتني يا واطي يا ندل.. انت ارغمت علي كدا والا كان زماني دلوقتي مغتصبة ومدبوحة عشان خاطر تخرج الكنز بتاعك .. انت باللي كنت ناوي تعمله فيا ده حاسس انك راجل ؟!! انطق
متولي .. انا .. انا
اسماء .. انت دون وخثيث وخسارة يتقال عليك راجل .. لأنك متعرفش حاجة عن الرجولة يا مرة .. اها .. مرة!! .. انت لايق عليك كلمة مرة اوي لانك فعلا كدا يا متولي .. وان كنت بتتظاهر قدام الناس انك راجل انا هكسرك وهخليك متسواش ٣ مليم في سوق الرجالة
متولي .. انتي هتعملي فيا اية يا مجنونة ؟!! الحقوني يا ناس .. ويسقط متولي مغشيا عليه ……..

ما مدى فائدة هذا المنشور؟

انقر على نجمة لتقييمه!

متوسط ​​تقييم 5 / 5. عدد الأصوات: 2

لا أصوات حتى الآن! كن أول من يقيم هذا المنشور.


Subscribe
نبّهني عن
guest
0 تعليقات
Inline Feedbacks
View all comments
0
Would love your thoughts, please comment.x
()
x
DMCA.com Protection Status
Reel-Story © 2020 | Established in 2019 Privacy Policy I Terms & Conditions I Site map I Contact