704 اجمالى المشاهدات,  2 اليوم

صفعها ادم بشدة
صدمو جميعهم مما فعله ادم
عمار:انت اتجننت ياادم
مليكة وهي تبكي رفعت وجهها لادم واصابع يده تاركة اثرها علي بشرتها البيضاء وايضا شفتاها تنزف وهي تنظر له بعتاب والم
اما ادم فقد صدم مما فعله فقد كانت ردة فعله قاسيه بشده وزاد المه اكثر عندما رفعت وجهها
كارما:لا براڤو عليك فاكر ان هي دي الرجوله انك تضرب بنت ومن غير سبب
سلمي:كنت فاكراك بتحبها بس للاسف كلكم شبه بعض ونظرت لاحمد الذي ارتبك من نظرتها
ندي:بصو بقا من انهارده ولا كأنكم تعرفونا ملكوش دعوه بينا تاني
ادم صامت فقط ينظر لها وهي تنظر له
ادم خاف من تشنج جسدها والم عينيها الذي رآه وتذكر كلام كريم عن حالتها وانب نفسه كثيراا فذهب اليها
ادم:مليكتي انا اسف بس صدقيني انا بغير عليكي من الهوا انا بحبك اوي يامليكتي والله مكنش قصدي كلامك خلي الدم بيغلي في عروقي انا اسف كانت تتقطع ايدي قبل ماامدها عليكي بصي اتكلمي وزعقي اضربيني بس متفضليش ساكته كدا وتوجعي قلبي عليكي
ذهب الجميع اليهم وهم قلقون عليها
كارما:مليكه بصي هو ادم مكانش قصدة انه يعمل كدا هي جت غصب عنه
سلمي:ايوه يامليكة انتي عارفه ادم بيغير عليكي
واخيرا تحدثت مليكة بابتسامه :متقلقوش ياجماعه انا اتعودت علي كده
خافو اكثر من ابتسامتها لانهم يعلمون ان خلفها وجع كبير سيعود الي ماكانت عليه
ادم احتضنها:مليكة عيطي عشان خاطري زعقي فيا اعملي اي ردة فعل الله يخليكي متتعبيش قلبي معاكي
وبالفعل بكت مليكة كثيرا:كدا ياادم انا وثقت فيك وعارفه انك مش زيه تضربني تعمل نفس اللي كان بيعمله معايا حرام عليكم ليه كده انا عملت ايه في دنيتي ياربي بس
ادم وهو يهدأها ويملس علي شعرها:اشششش اهدي خلاص انا اسف والله اسف غصب عني انا بغير عليكي يامليكة لدرجه انتي متتخيليهاش لما قولتي الكلام دا لمجرد تخيله بس خلي الغضب عماني انا اسف يامليكة
مليكة:……
ادم:مليكة مسامحاني
مليكة:امممم
نظر لها ادم وجدها نامت فحملها وصعد بها الي غرفتها ومددها علي السرير وقبل جبينها ونزل للاسفل
كارما:بقولك ايه ميغركش اني لسه عارفاها من فتره قصيره بس دي اكتر من اخت بالنسبالي لولا اني عارفه انك بتحبها مكنتش سكتلك اصلا وكنت رديتلك القلم دا الضعف بس انا عارفه ومقدره انك بتغير عليها بس قسما بالله ياادم لو اتكررت انا اللي هقفلك ثم التفت الي عمار:وانت ياكابتن انت اياك ثم اياك ثم اياك تفكر تتكلم معايا بالطريقه الذباله دي تاني انت فاهم انا مش شغاله عندك ولا الخدامه اللي جابهالك السيد الوالد وذهبت
فغرو فاههم من هذه الفتاة
عمار:يانهار ازرق دي بنت دي
ادم:اولا حقها خايفه علي صاحبتها ثانيا ايه اللي حصل عشان تكلمك كده
حكي له عمار ماحدث
ادم:امممم هي بالنسبة ليك مقدر شعورك انك غي……..
قاطعه احمد :ادم سلمي وندي معانا
ادم:احم مخدتش بالي
اقتربت سلمي من احمد:والله العظيم يااحمد لو حصل واتكلمت معايا بالطريقه دي تاني لهطلع …
برق لها احمد بتحذير
فاكملت بخوف:لو عملت كدا تاني هزعل منك والله ها وذهبت
ضحكو عليها بشده
ادم:يلا ياشباب احنا نمشي
عمار:يلا وامانه عليكي يااخت ندي لتكلمي صاحبتك وتهديها شويه
ندي بضحك حاضر
ذهبو الشباب الي الڤيلا
عمار:احم ادم كنت عايز اقولك حاجه
ادم وهو يضع رأسه بين يديه:قول ياعمار
عمار :انت غلطان
ادم:ليه
عماز:ادم بطل برود انت عارف انا قصدي ايه مكنش ينفع تمد ايدك عليها قدامنا لا مكنش ينفع تمد ايدك عليها اصلا ياادم انت عارف كويس اللي هي مرت بيه انت كدا فكرتها بابوها واللي كان بيعمله فيهم كدا مخلتش في اي اختلاف بينك وبينه انت مش فاكر كريم قالك ايه قال لازم تحس بالامان من ناحية الرجاله احنا كدا بنخوفها منهم اكتر مكنش ينفع ياادم
ادم بعصبيه:كلامها خلاني مش شايف قدامي ياعمار انا غيرتي صعبه فعلا وهحاول اتحكم في نفسي شويه عن اذنكم هطلع ارتاح
احمد:عمار انا هطلع ارتاح انا كمان
عمار:خدني معاك
في ڤيلا البنات
كارما بعصبيه:بني ادم حيوان لولا انه بيحبها كنت رديتله القلم والله وطردته برا
سلمي:خلاص اهدي ياكارما انتي عارفه ان ادم بيحبها وغيران عليها
ندي:بقولكم ايه بطلو صداع بقا خلونا نرتاح شويه عشان لما مليكة تصحي نبقي فايقين نقعد معاها
ونامو بالفعل
في مكان لم نذهب له من قبل
….:ياباشا الله يخليك برشامه واحده طب كيس واخد انا هطق مش قادر
….:لا قولتلك لما تسرق الراجل اللي قولتلك عليه
….:ياباشا مانا بعت الواد ينفذ العمليه ولسه مجاش
….:خلاص لما ييجي ابقي اديك غير كدا لا مينفعش
وفي هذه اللحظه دخل عليهم رجل اخر
…..:خلصت العمليه الفلوس اهي
……:عفارم عليك يابرنس يلا ياباشا الله يخليك اديني شمه واحده حتي
….:هههههههه طيب طيب خد
ورمي له كيس مخدرات فاخذ يشم به
…..:يااااااه ده انا حاسس اني كنت هموت
…….:يلا اي خدمه
….:من يد مانعدمها
……..:الا صحيح عملت ايه في موضوع بنتك
…..:بنت الكلب مش عارف راحت فين بس الي مين هجيبها واخليها تحصل امها واخواتها بس الاول هخليها تدوق النعيم اللي ابوها فيه ده
……:قصدك ايه عايز تخلي بنتك مدمنه
…….:بضحكة شيطانيه:اه هخليها مدمنه واشغلها في الدعاره شويه اخد من وراها قرشين وبعدها اخلص منها
………:دا انت دماغك سم
…….:هههههههه حبيبي
……….
دخل ادهم الڤيلا
ادم:ادهم عايزك وبسرعه ودلوقتي حالا
ادهم:يخربيتك يابني براحه عليا انا لسه داخل حاضر عايز ايه
ادم:عايز اقدم كتب الكتاب
ادهم:انت بتهزر ياادم لا طبعا دا بعد اسبوع تقدم
في ايه تاني
ادم:مليش دعوه يااخي عايزها مراتي انهارده قبل بكره
ادهم:الرأي رأي مليكة
ادم:يعني انت موافق
ادهم:موافق ياعم بس بعد رأيها طبعا
ادم بفرحه:لو موافقتش دا انا اقتلها وذعب الي ڤيلا البناات وادهم خلفه :يابني الله يخربيتك جايلهم دلوقتي ليه
بداخل الڤيلا كانو البنات جالسين مع مليكه ماعدا ندي التي ذهبت لكي تشتري طعام من السوبر ماركت
فتحت كارما الباب واستغربت وجودهم :اتفضلو
ودخل ادم الڤيلا سريعا ليحدث مليكة وخلفه كارما واثناء دخول ادهم الڤيلا جاءت ندي
ادهم جز علي اسنانه :كنتي فين في الوقت المتأخر دا باللبس دا
ندي باستغراب:كنت بشتري اكل اما بالنسبه لللبس انا خرجت بسرعه فلبست اي حاجه
ادهم بغضب:طب اتفضلي واطلعي علي اوضتك تغيري الزفت دا ومتخرجيش بيه برا اوضه نومك اصلا وابقي البسي اي حاجه محترمه وانزلي عشان ادم جوا
ندي وقد استفزها كلامه:انت بني ادم و…..
قاطعها ادهم:يااما هتطلعي لوحدك او هشيلك واطلعك بنفسي اختاري وفي هذه اللحظه قد اختفت ندي من امامه فضحك ادهم عليها
مليكة:……..
ادم:هتفضلي زعلانه مني يامليكتي
مليكة:………
ادم:انا اسف حقك عليا والله ماهتتكرر تاني
ادهم :هي زعلانه انت زعلتها ليه ياادم
كاد ادم ان يخبره ولكن قاطعته مليكه:عادي ياادهم عشان كنت قولتله مش عايزه اروح الجامعه وكدا بس هو اجبرني اروح فقابلنا هناك زمايل البنات وكدا فهو حذرني اني اكلم حد فيهم بس كلمني بعصبيه شويه بس مش اكتر
ادم نظر لها وكبرت في نظره اكتر انها لم ترد ان تخلق مشكله بينهم :عشان خاطري انا اسف والله ماهتتكرر
مليكة نظرت له وقد حن قلبها:خلاص مش زعلانه
ادم بفرحه:بجد
مليكة بابتسامه:بجد
ادم :اذا كان كدا بقا لازم اقول حاجه بس والكل متجمعين
ادهم :طب روح نادي عمار واحمد
كارما:وانا هنادي ندي وسلمي
اتجمعو كلهم في ڤيلا البنات
ادم:مليكه انتي وافقتي تتجوزيني صح
مليكة بخجل:اه
ادم:طب معلش بقا بالنسبه لكتب الكتاب مش هيبقي بعد اسبوع
نظرو له باستغراب
ادم:هيبقي بكره
شهقت مليكة:ايييه بكره ازاي ياادم قريب اوي مينفعش
ادم:وايه اللي مش هينفعه ياروحي انا وانتي والبنات والشباي وهنجيب المأذون بكره ونكتب الكتاب صدقيني يامليكة مش هخليكي تندمي علي الاستعجال ده
نظرت له مليكة وتاهت في عيناه :موافقه
فرحوا كثيراا وذهب الشباب الي ڤيلتهم وجلس البنات يمزحون ويتحدثون مع بعضهم حتي جاء اليوم التالي وجهزو انفسهم وجاء موعد كتب الكتاب
كارما:بسم الله ماشاء الله قمر يامليكة
سلمي:تعرفي انا لو راجل مكنتش سيبتك لادم وكنت خطفتك
خبط ادهم علي الباب ففتحت ندي وانبهر بجمالها ورقتها :اتفضل
فاق ادهم :احم مليكة عشان تمضي
ثم مضت مليكة وانتهي كتب الكتاب واصبحت زوجته
ادم منبهر بجمالها :انتي حلوه كدا ازااي
كارما:احم احم نحن هنا راعي ان في سناجل معاكم
ضحكو جميعهم الي كارما
امسك ادم يد مليكة وجذبها اليه ووقف :طب معلش نستأذن احنا ياجماعه عشان عايز مراتي علي انفراد
غمزت كارما لمليكة التي كان الخجل وصل الي اقصي حد لديها واثناء ذهابهم رن هاتف مليكة برقم غريب
ادهم:مين
مليكة:رقم غريب
ادم:هاتي انا هرد
مليكة:لا استني هشوف وردت مليكة
:الو
………..
مليكة:الو مين معايا
………..
مليكة:الوووو
…..:الو معايا الانسه مليكة
مليكة:ايوه انا مليكة
جذب ادم الهاتف وفتح المايك
مليكة:مين حضرتك
…..:انا واحد انتي تعرفيه كويس
مليكة:مين يعني
…….:في واحدة متعرفش اسم حبيبها وجوزها المستقبلي تؤتؤ كده زعلتيني منك ياقلبي
انصدمو جميعهم من هذا الكلام اما ادم فاحمرت عيناه واصبحت مثل كاسات الدم من الغضب وشد علي قبضة يدة حتي ابيضت مفاصله وجذب منها الهاتف وقام ب……….
ياتري مين المتصل ده؟ وعايز منهم ايه؟
مين الاب اللي يقبل علي نفسه يخلي بنته مدمنة وكمان بتشتغل في الدعاره ؟وايه علاقة الراجل ده بقصتنا؟
مليكة هتعمل ايه بعد الاتصال ده هترجعلها الحاله تاني؟
اهل ادم ووالد مليكة مختفيين ليه ؟وهيظهرو امتي؟
الثنائيات ادهم وندي عمار وكارما احمد وسلمي مش هندخل في قصتهم بقا ولا ايه؟😂
كل دا تابعوه في روايتنا بداية من الاربعاء المقبل يوميا ماعدا الجمعه بإذن الله وستكون بداية الشغف والاثاره والغموض بداية مختلطه بالكثير من المشاعر المختلفه في رواية جحيم العشق
رأيكم ؟ رواية جحيم العشق البارت الخامس عشر