/* */
التخطي إلى شريط الأدوات

أوس أوس

To report this post you need to login first.
3
(2)

 231 اجمالى المشاهدات,  1 اليوم

تنبيه : هذه القصة حقيقية
….أوس أوس…..

لما تم ابنى احمد حوالى ثلاث سنوات تقريبا كان دايما بيتكلم دائما عن 3 اسماء
أوس أوس
حيرم
سالي ( سالي ده ولد )
كان دايما بيقول انهم اصحابه وبيلعبوا معاه
كنا دايما بنضحك واعتبرناه خيال أطفال وموضوع الاصدقاء الوهميين للاطفال دى حاجه مشهورة
دايما كان بيشتكي ان أوس أوس بيضرب سالي وساعات حيرم كان بيشترك معاه وساعات لأ
حيرم اصلا مكانش بيذكره كتير واختفى بالتدريج
فى يوم لقيته بيزعق دخلت عليه وسالته : بتزعق ليه كده؟
قال لي : أوس أوس بيضرب سالي ومش عايزه يلعب معايا وسالي بيعيط
بعدها سالي بدأ يختفى بالتدريج هو كمان
وفضل أوس أوس
….
مره تانيه
احمد كان واقف مع امه فى الاوضه وفاجأة بص على الباب وبدأ يزعق ويقول : اطلع بره يا قليل الادب , باقولك اطلع بره , وراح رزع الباب
امه بتقول له : بتزعق لمين ؟
قال لها : أوس أوس قليل الادب كان واقف يبص عليكي وانتى بتغيري هدومك
….
في يوم كنا فى الشتا وانا راجع البيت متأخر بعد الساعة واحده تقريبا
لقيت نور البيت كله منور وزوجتى قاعده متكومه على نفسها فى ركن السرير ومبرقه
اول ما دخلت عيطت وقالت لي : شوف حل فى ابنك ده
فضلت اهديها عشان افهم حصل ايه
قالت : كان عند عمى اللى ساكن فى الدور اللى فوقى
ونزل خبط فتحتله وقف على الباب وهو بيقولي : هو ربنا هيودي الشيطان النار ليه ؟
دخلته وقعدت افهمه ان الشيطان وحش ومسمعش كلام ربنا ومش بيحبنا
وهو مش عايز يقتنع و يقولها الشيطان معملش حاجه غلط وبيحبنا وكان بيتعصب ويدافع بكلام غريب مينفعش يقوله طفل عنده اربع سنين
وفاجأة فى وسط الكلام لف ناحية الباب وقال : مع السلامة يا أوس أوس امشي انت انا هانام خلاص
ونام .
ومن ساعتها وانا مش عارفه اتلم على اعصابي .
….
كان اوقات كتير نقعد ندور على حاجات ومش لاقينها وهو اللى بيجيبها , ويقول : أوس أوس هو اللى جابهالي
….
بعدها بفترة
اخدته ونزلنا نروح لوالدي اللى ساكن قريب مني
كان الشارع مظلم تماما
فاجأة وقف ولف وقعد يشاور بايده وهو بيقول : مع السلامة
سألته : بتسلم على مين الشارع فاضى خالص
قال لي : أوس أوس جاي يسلم عليا عشان مسافر
وصلنا لقيت والدي بيقولى كل سنة وانتم طيبين
بكره رمضان
بعدها وفى اول ايام العيد
اخويا الكبير بيهزر معاه وبيقوله اخبار أوس أوس ايه ؟
قولتله مسافر
احمد كان قاعد وسطنا لقيته بيقول : رجع النهارده الصبح
بس قال لي بلاش اقول لكم عشان متخافوش
بس الحمد لله اختفى أوس أوس بعده بسنة او اتنين
المشكلة ان جنة اخته الصغيره 4 سنين بدات تشوف الارجوز المخيف فى الاوضة عندنا واحنا نايمين وبيقف جنب السرير يضحك لها
والستارة بتعمل لها باي باي
واخر مواقفها انها امبارح كانت مع اختى فى العربية وكانت نايمه على الكنبة ورا
فاتوا جنب المقابر
بنت اختى بتقول لمامتها انا خايفه اوي
بنتي صحيت من النوم وقالت لها :
خايفه ليه
قالتلها كلنا رايحين
كل واحد فى صندوقه
ورجعت نامت تاني.
#منقول

ما مدى فائدة هذا المنشور؟

انقر على نجمة لتقييمه!

متوسط ​​تقييم 3 / 5. عدد الأصوات: 2

لا أصوات حتى الآن! كن أول من يقيم هذا المنشور.


Subscribe
نبّهني عن
guest
0 تعليقات
Inline Feedbacks
View all comments
0
Would love your thoughts, please comment.x
()
x
DMCA.com Protection Status
Reel-Story © 2020 | Established in 2019 Privacy Policy I Terms & Conditions I Site map I Contact