وقت القراءة المقدر: 9 دقيقة (دقائق)

رواية عاجزه ولكن بقلم كوكي سامح

انا ود سعيد 20 سنه فى مصيبه من 4 سنين نمت ونسيت الدفايه وده كان سبب حريق الشقه وموت ماما واخواتى الولاد التؤام، بس انا وهاجر اختى الاصغر منى بسنه ربنا نجانا من الحادث بأعجوبه

الفصل الأول

#عاجزه_ولكن
__انا ود سعيد 20 سنه فى مصيبه من 4 سنين نمت ونسيت الدفايه وده كان سبب حريق الشقه وموت ماما واخواتى الولاد التؤام، بس انا وهاجر اختى الاصغر منى بسنه ربنا نجانا من الحادث بأعجوبه
#موقع_رييل_ستوري
بعد ما دخلنا المستشفى، محدش سأل علينا
غير عبده البواب وكنت كل لما اسأله على بابا

يتهرب منى، قعدنا شهور نتعالج من أثر الحروق
والاختناق وقبل ما نخرج بيوم

اقرأ أيضًا:رواية وصية امى بقلم كوكى سامح

عبده قالى ان بابا تعب نفسياً بعد وفاه ماما
واخواتى الولاد اللى كان بيتمناهم من الدنيا

فقد وظيفته واطرد من العماره

Advertisement

سألته راح فين، قالى انه دبرله سكن

خدت منه العنوان وخرجنا من المستشفى

وقبل ما اروح فكرت اكلم خالتو
رغم أنها مسألتش، بس قولت اكلمها
لأنها مقتدره ماديا وجوزها مسافر بره

وعندها معارف كتير وممكن تشوف شغل لبابا

وبكده ممكن افرحه ويخرج من الحاله اللى هو فيها، واحنا فى الطريق قابلت اول سنترال

Advertisement

دخلت وكلمتها ولسه بقول الو _ عرفت صوتى

ورددت عليه بصرااااخ

يا قاتله، انتى قتلتى اختى الوحيده، حاولت
اقولها ان ده قضاء ربنا واللى بتتكلم
عليها دى تبقى امى أحن مخلوق على الأرض💔

يعنى مش بإيدى، قفلت السكه _______

كملنا طريقنا مشى ووصلنا لمكان سكن بابا

Advertisement

منطقه عشوائيه كلها مقاهى وناس غريبه

كنت مستغربه وخايفه من مصيرى انا واختى

ولما وصلنا البيت، خبطت على الباب فتح بابا

وكان شكله متغير جدا، دقنه طويله ونحيف

بصلنا بقرف ودخل قعد على الكنبه.

Advertisement

انا وهاجر دخلنا وراه وقعدنا ولسه بكلمه

وبسأله ازاى متسألش علينا، قام وسبنا ودخل

اوضه تانيه، قعدنا متسمرين ومش عارفين
نعمل ايه؟، مش ده بابا اللى اعرفه

بصيت حواليا لقيت شيشه على الأرض

استغربت، ده بابا مش بيشرب السيجاره

Advertisement

خرج من الاوضه وقال:

الشقه دى اوضين وصاله، اوضه ليه

واوضه ليكى انتى واختك.

______ مع مرور الوقت قعدنا من المدارس رغم شطارتنا وبقى يعاملنى اسوء معامله، ضرب واهانه
وذل وكأننا خادمين مش بناته.

دمر نفسيتى، وخصوصاً لما كان بيقولى يا قاتله

Advertisement

بعد مرور سنه حالنا اتبدل بعد ما دخلت بيتنا

جارتنا المطلقه الهام، قصدى الحربايه، ادحلبت وخلت بابا خاتم فى ايديها، كنت بسمعها تتدخل فى نص الليل وتتدخل معاه فى اوضه نومه

ومش بس كده الست الهام بقت تتحكم فيا انا
وهاجر وكأننا خادمين عندها

لما كنت بقولها يا طنط، تقولى انا ستك

وست ابوكى يا بنت الكلب، لما كنت بضايقها

Advertisement

غصب عنى، كانت تذلنى وتخلينى ابوس رجليها😭 لحد ما فى يوم طلبت منى اشتغل

وامسح السلالم علشان اصرف على البيت

كنت وقتها 18 سنه، رفضت وبشده

بس بابا منه لله ضربنى وذلنى لما الهام

بعدت عنه بسبب رفضى، خدنى من شعرى

Advertisement

لحد شقتها نزلت على رجليها وبوستها

ووافقت اشتغل وامسح السلالم

اشتغلت فى عماره كبيره، كنت بمسحها

وكان تعب عليه اوى وفى يوم طلبت منى ساكنه

من سكان العماره اخرج اشترى ليها خضار

Advertisement

ويشاء الله انى اعمل حادثه وفقدت قدم

واصبحت عاجزه بعكاز

بقدم واحده زى ما بابا، قاسى القلب كان بيقولى كده، يضربنى بقسوه ويقولى ان ده ذنب ماما واخواتى

وان ربنا خد رجلى ذنب💔، منه لله

كان نفسى الاقى حد يقف جمبى انا واختى

Advertisement

خالتو بعدت عننا ورمت بنات اختها لراجل

ادمر نفسياً واتلمت عليه ست صايعه تتحكم فينا

مكنتش اعرف اى حد من عيله بابا خالص

لانه كان بيقول انه مقاطعهم.

عشنا معاه فى ذل ومهانه

Advertisement

بعد الحادثه بطلت امسح سلالم ومن هنا

لقيت شباب غريبه وشكلهم مش ولابد

بيدخلوا بيتنا كتير وعرفت انهم تبع الست الهام

بيتاجروا فى المخدرات وأصبح بيتنا مخزن

للمخدرات وانا واختى لا حول لينا ولا قوة

Advertisement

اما بابا اصبح سكير يشرب الخمر ويدمن المخدرات

__ ودلوقتى انا بقى عندى 20 سنه ورايحه

لبابا القسم زياره علشان اتمسك تعاطى
والبركه فى الست الهام

دخلت القسم وكان زحمه مووووت

واقفه على جمب وفى ايدى العكاز، وقع منى

Advertisement

غصب عنى، لسه بوطى علشان اجيبه

لقيت شاب وطى وجابه

_مش تخلى بالك يا انسه.

.. اسفه اسفه، لقيت عينه فى عينى
وباين كده انه معجب بلون عيونى العسلى الفاتح
الطرحه الحرير وقعت من على شعرى

_ اتفضلى

Advertisement

.. خدت العكاز منه ووقفت وحطيت الطرحه على شعرى ومتسمره مكانى أصله وسيم جدا وطويل وعريض وجسمى رياضى

_ انسه، اى مساعده، انا تحت امرك
.. عاااا
_ يا بنتى، يا انسه 🤨
.. نعم 🥴
_ عاوزه اى حاجه

.. لا لا شكرا
_ برحتك 😃

_ بصلى وسبنى ومشى

لقيت شاب وواضح كده انه بيلعب كمال أجسام

Advertisement

قرب منى، وانا خوفت

هو.. ليه مخلتيش يونس بيه يساعدك

.. نعم، يونس بيه مين!؟ انا معرفش حد بالاسم ده

_ شاور عليه، اللى اداكى العكاز

هو فى حد ميعرفش يونس بيه

Advertisement

ده راجل واصل وكلمته مسموعه
وانتى شكلك بنت معاقه وغلبانه

كان ممكن يساعدك بقرشين، ده بيقدم
خدمات لناس كتيره اوى وكلمته بتمشى على الكبير قبل الصغير

_ لما قالى معاقه قلبى وجعنى واتعصبت عليه

انا مش غلبانه ولا معاقه ومش عاوزه خدمات
من حد، يلا أمشى وسبنى

هو.. اسف، هو انا غلط فى حاجه

Advertisement

.. بقولك أمشى، انا مش عاوزه مساعده من حد

هو.. ممكن اعرف اسمك

.. اسمى ود

هو.. واوا اسم جميل ومش كتير وغير كده

انتى قمر اوى وعينك حلوه وبصعبانيه، خساره

Advertisement

بس الحلو ميكملش وبص للعكاز

وطلع كارت ومد ايده، عموما الكارت ده
فيه كل أرقام يونس بيه الأنصارى
وعنوان شركته، لو محتاجه حاجه كلميه

هو هيساعدك

.. مش هكلم حد

مشى ورمى الكارت على الأرض

Advertisement

لما بعد ووطيت وخدت الكارت وشيلته معايا

دخلت لبابا ولقيته خارج من القسم، روح معايا البيت

وطول الطريق يقولى يا عاجزه يا قاتله

_ رغم عجزى إنما كنت شاطره جدا غير هاجر

بعمل الأكل وانضف الشقه واغسل وكل حاجه

Advertisement

__ دخلنا الشقه وكانت الهام نظرتها غريبه

دخلت اوضتى وسمعتها بتقول ل بابا

يا انا يا البنات

انا مش عاوزاهم هنا، الكارثه ان بابا كان ساكت

ومش بيتكلم خالص وده خوفنى اكتر

Advertisement

وقولت اكيد فى مصيبه 💔

__بعد اسبوعين لقيت الهام داخله علينا الاوضه

وبتقول يلا كل واحده فيكم تحضر نفسها

علشان هتتجوز، انا تنحت، اتجوز مين وازاى؟

الهام بسخريه.. اسألى ابوكى يا اختى

Advertisement

_خرجت بالعكاز اسأله، بصلى بقرف وقالى

انا كلمت اخويا فى البلد واتفقت معاه

تتجوزوا من ولاده وبصراحه وافق

ود.. اخوك مين، انا اعرف انك مقاطع كل اهلك

سعيد.. انا كلمته وكلها يومين تلاته وهيجى

Advertisement

ياخدك انتى واختك على الريف تعيشوا هناك

الهام.. مبروك يا عرايس.. وزغرطت

ود.. ازاى ،وشكلى ده، انا اصلا منفعش اتجوز

انت نسيت انى عاجزه ومش اى حد يقبلنى

سعيد.. قولتلوا وقالى دول بناتى واحمدى ربنا انه

Advertisement

وافق يسترك انتى واختك

ومش كده وبس، ده انتم كمان هتعيشوا معاهم
فى نفس البيت.

مع حماتك وسلايفك وطلع شنطه مليانه فلوس

وده المهر

ود.. مهرى، من غير ما اشوف العريس🥺

Advertisement

الهام زقتنى.. يلا يا اختى على جوه بلاش هرى
اعقلى وعقلى اختك، علشان تستروا زى البنات
اومال هتقعدوا كده من غير جواز

__ دخلت وانا مش عارفه اعمل ايه واتصرف
ازاى، اتجوز وانا عاجزة، طيب ازاى؟ وبعدين
راجل انا معرفوش ولا عمرى شوفته

وكمان ارياف ومع حماتى وسلايفى

ده انا وهاجر كنا نروح فيها

__ اليومين عدوا بسرعه جدا وكأنهم ساعه

Advertisement

والنهارده فرحنا ودخلتنا على ولاد عمى اللى عمرنا ما شفناهم ولا نعرفهم اى حاجه

كنا قاعدين وكل واحده فينا لابسه الفستان الأبيض وزى القمر، إنما أنا كنت عاجزه

بعكاز، رجلى مداريه تحت الفستان الطويل المنفوش

سمعت الهام داخله الشقه وبتزغرط

.. ابو العرسان وصل يا بنات، لولولولى

Advertisement

الموسيقى شغاله

دخل بابا ووراه عمى ، بصلنا اوى، قرب مننا

دول العرايس، وسلم علينا

الغريبه انه داخل لوحده ده حتى مش معاه

لا مراته ولا اى حد من قرايبنا

Advertisement

بابا طلب مننا انا واختى نخرج علشان العربيه

مستنيه بره وفيها العرسان

هاجر بدموع.. انا مش عاوزه اتجوز يا بابا
ونزلت على رجله تبوسها

زقها بقوه، وقعت على الارض والدم نزل من شفايفها، اصل هاجر ضعيفه وحساسه

وطيت عليها وقومتها وخدتها فى حضنى

Advertisement

وطبطبت عليها لحد ما هديت

ود.. هو فين المأذون

العم.. يلا يا عرايس، المأذون فى البلد

هو بابا مقلكيش اننا هنكتب فى البلد

يلا العرسان مستنياكم

Advertisement

خرجت وانا حاسه انى لابسه الكفن الابيض

ورايحه ادفن💔

ولما خرجنا انا وهاجر، قربنا من العربيه

وكانت فاضيه مفيهاش عرسان

لقيت عمى فتح الباب وطلب نركب

Advertisement

ود.. فين العرسان يا عمى
العم.. بقولكم يلا اركبوا
الاب زق ود والعكاز وقع منها
ود.. اركب فين يا بابا، هو احنا هنتزف من غير

عرسان ولا ايه 😭

الهام جايه تجرى، وشها اصفر وفى ايدها شنطه

بوليس يا سعيد

بابا اترعب وخد الشنطه وحطها فى صدرى ___

Advertisement

يتبع..
#عاجزه_ولكن
#بقلمى_كوكى_سامح

 13,321 اجمالى المشاهدات,  12 اليوم

ما مدى فائدة هذا المنشور؟

انقر على نجمة لتقييمه!

تقديم التقييم

متوسط ​​تقييم 4.1 / 5. عدد الأصوات: 15

Advertisement

لا أصوات حتى الآن! كن أول من يقيم هذا المنشور.

As you found this post useful…

Follow us on social media!

Advertisement

الصفحات: 1 2 3 4 5 6 7 8 9 10 11