وقت القراءة المقدر: 10 دقيقة (دقائق)

رواية بنت فى ورطه بقلم كوكى سامح

اليوم ده صحيت من النوم على صوت امى ولقيتها ماسكه فى ايدها ورقه وقالت بحزن
_ خلاص انتى كده بقيتى مطلقه وقاعده فى ارابيزى
__ انا عارفه انه كان هيطلقنى بعد ما بابى خسر
كل فلوسه.. وخصوصا بعد ما جه هنا فى المكان البيئه ده وشاف عيشتنا الجديده

الفصل الاول

ج. 1…. #بنت_فى_ورطه
اليوم ده صحيت من النوم على صوت امى ولقيتها ماسكه فى ايدها ورقه وقالت بحزن
_ خلاص انتى كده بقيتى مطلقه وقاعده فى ارابيزى
__ انا عارفه انه كان هيطلقنى بعد ما بابى خسر
كل فلوسه.. وخصوصا بعد ما جه هنا فى المكان البيئه ده وشاف عيشتنا الجديده
وبتنهيده.. طلع واطى زى غيره
الام.. وهنعمل ايه دلوقتى يا ست حوريه مفيش
ولا لقمه فى البيت كله.. خلاص فلسنا
واخواتك جعانين.. من امبارح بالليل وبطنهم
بتتلوى من الجوع وبعدين دول لسه صغيرين
مش حمل البهدله ولا القرف ده كله
حوريه.. وانا هعمل ايه.. مفيش غيرى يا ماما
انا بجد تعبت من شيل المسؤليه.. حاسه ان الهم
زاد على كتافى وكل ده بسبب بابا اللى حول
حياتنا لجحيم منه لله
الام.. لأ انا مش عاوزاكى تتكلمى عن ابوكى
بالشكل ده وتتدعى عليه
حوريه.. انتى لسه بتدافعى عنه.. انا معرفش
انتى ازاى كده.. يتجوز عليكى واحده راقصه
ويضيع حالنا ومالنا عليها
ولما اتشل رجعته لينا قاعد على كرسى
متحرك ومالوش اى لازمه غير انه ياكل ويشرب
وبس وكمان خلاص مبقاش فى لا أكل ولا شرب
حوريه قامت من على السرير وفتحت الدولاب
وطلعت منه بلوزه سوده وبنطلون چينز
الام.. ايه ده انتى قايمه تلبسى ورايحه على فين!
حوريه.. هيكون على فين يعنى.. رايحه الجامعه
من يوم ما نقلنا هنا من شهرين وانا محضرتش ولا محاضره
الام.. هتروحى منين وبعصبيه بقولك مفيش
أكل فى البيت كله واخواتك جعانين
وحضرتك بكل برود قايمه تلبسى
ورايحه الجامعه
حوريه.. طيب وفى ايدى ايه اعملو.. خلاص
ابعتى لابنك الكبير سليم علشان يرجع من بره
ويشوف المصيبه اللى احنا فيها
الام.. حاولت اكلمو كتير وسألت عليه
ومعرفتش اوصلو.. خايفه يكون جرالو حاجه
حوريه بتجاهل وقامت تكمل لابسها
الام بدموع.. انا بقول انسى موضوع التعليم ده
انا عاوزاكى تشوفى شغل علشان تصرفى علينا
حوريه بغضب.. نعم انسى حلمى.. انسى انى
اكون دكتوره.. يا ماما ده انا فى تانيه طب
كلها كام سنه واتخرج وان شاء الله هشتغل
وافتح عياده وابقى دكتوره وتفتخرى بيا
الام بعصبيه.. الكلام ده لو معانا فلوس زى الاول
إنما خلاص بح مبقاش فى فلوس
احنا مش لاقين ناكل يا بنتى.. فوقى من الوهم ده
الدمنهورى “الأب” دخل عليهم بالكرسى المتحرك
انتى يا زفته ياللى اسمك حوريه
امك كلامها صح.. انتى لازم تشتغلى
وخلاص انا كلمت مكتب سيد علشان يشغلك
حوريه.. سيد مين.. اوعى يكون قصدك سيد
اللى بيشغل البنات فى البيوت خادمات
الاب.. اه هو.. انا سألته على شغل ليكى واتفقت
معاه كمان وقالى ان فيه قصر كبير مستناكى
تشتغلى فيه
حوريه بغضب.. انت عاوز انى اشتغل خدامه
انا حوريه بنت الدمنهورى بيه اللى كان عندنا
خدم وحشم.. اشتغل خدامه
الام بذهول.. خدامه.. لا يا دمنهورى مستحيل
بنتى تكون خدامه.. انا قولت تنزل تشتغل اى حاجه إنما خدامه لأ
دمنهورى.. انا كلمت سيد ومستنيها الساعه
5 فى المكتب وخرج بره الغرفه
حوريه قامت ودخلت الحمام
وهى داخله شافت اختها الاصغر منها
كانت بتعيط ولما سألتها بتعيط ليه قالت
لها انها جعانه
دخلت لابست هدومها بسرعه ونزلت علشان
تقدر تتصرف فى اى فلوس
اتصلت بناس كتير ومن ضمنهم اصحابها
ولكن محدش فيهم ساعدها
فضلت تلف فى الشوراع لحد ما الساعه بقت
5 مساءا وراحت مكتب سيد زى ما باباها طلب منها ولما دخلت كان المكتب زحمه
حوريه.. استاذ سيد موجود
سيد.. أسمى سيد البرنس يا انسه
حوريه.. ممم حاضر يا استاذ سيد
انا حوريه بنت الدمنهورى وبابا كلمك
سيد قاطعها فى الكلام وبنظرات شهوانيه
انتى مزززه اوى وهتعجبى الباشا
حوريه.. نعم باشا مين.. شكلك كده فاهم غلط
بقولك انا اللى جايه علشان اشتغل فى القصر
وبكسره.. خداااااامه💔😥
سيد.. اه ما انا عارف وفتح الدرج وطلع العنوان
وطلب منها تروح القصر ولما توصل تكلمه
وفعلا حوريه خدت العنوان بس مكانش
معاها فلوس تركب وراحت لحد هناك مشى
وكانت اتبهدلت خالص ولما وصلت قابلت
صاحب القصر وكان اسمه أيوب
حوريه.. أيوب بيه انا البنت
قاطع كلامها.. بسرعه على المطبخ
عاوزك تظبطى الدنيا علشان النهارده عيد ميلاد
خطيبتى
حوريه.. حاضر.. بس اعمل ايه بالظبط
أيوب بزعيييق.. بقولك ظبطى الدنيا جوه
التورته والجاتوه.. يلا يا انسه كلها ساعه والناس
توصل.. الفون رن وسابها وخرج
دخلت القصر وعينها كلها دموع وبداخلها.
انا حوريه بنت الدمنهورى اشتغل خدامه
يااه على الزمن وبضحكه سخريه.. زى النهارده
عيد ميلادى وكان زمان ڤيلتنا مليانه ناس قرايبنا
واصحابنا علشان يحضروا معايا
ويطفوا الشمع وغير الهدايا القيمه
وهى داخله كسرت فازة كريستال 😱
مجهوله.. انتى مين وايه اللى عملتيه ده
حوريه.. والله غصب عنى ونزلت على الأرض
علشان تنضف مكان الفازه المجهوله.. يلا على القسم.. انتى عارفه الفازه
دى تسوى كام 20000 الف جنيه يا انسه
حوريه.. انا اسفه والله ما اقصد المجهوله.. انتى مين اصلا
حوريه.. انا انا انا
مجهوله.. انتى علقتى.. ما تقولى انتى مين
وجايه هنا ليه حوريه.. انا الخدامه الجديده يا استاذه
مجهوله.. انا سالى هانم اخت أيوب بيه

انا هنا الكل فى الكل فاهمه

حوريه.. حاضر يا هانم

سالى.. حاضر ايه وزفت ايه
هو انتى فاكره نفسك هتشتغلى هنا تانى

يلا بره مفيش شغل هنا
وبدل ما احبسك اكتفيت بطردك

بررره يلا برررره

حوريه بلجلجه.. بس أيوب بيه طلب منى ادخل
المطبخ علشان اجهز حاجات للعيد ميلاد

سالى بغضب ومسكت دراعها بقوه

أيوب بيه لو عرف انك كسرتى الفازه
دى هيكسر رقبتك

يلا غورى من هنا

حوريه 😭😭😭😭

خرجت حوريه وهى بتعيط وحاسه بالإهانة
بس اللى تاعبها انهامش عارفه تعمل ايه؟

وبداخلها.. اروح البيت ازاى دلوقتى

ومامى واخواتى الصغيرين اللى جعانين
دول اعمل ايه فيهم

وشافت أيوب واقف بيتكلم فالفون

وخرجت وقعدت على الباب لحد ما يخلص
فون علشان تكلمه

وسرحت لدقايق ولما بصت ملقتهوش
قصادها بس شافت راجل شكله غريب

متسول وبيشحت وفى ايده فلوس

وبيبصلها وشاور لها
حوريه.. انا
المتسول.. تعالى
حوريه بخوف وقامت علشان تمشى وفجأه
الدچى اشتغل والحفله ابتدت

المتسول قام لحد عندها

اسمك ايه وقاعده هنا ليه!؟
رددت بخوف.. وانت مالك
المتسول.. ردى عدل يا بنتى.. هو انا علشان شكلى مبهدل مش زى البهاوات اللى جوه دول
تتكلمى معايا بالطريقه دى

حوريه.. اسفه.. بس فعلا انت شكلك غريب
المتسول.. اسمك ايه
ردت وقالت اسمها

المتسول.. عاشت الاسامى يا ملكه
حوريه بسخريه وبكاء.. انا كنت فعلا ملكه
بس خلاص بقى بقيت شحاته
يعنى متخيرش عن حضرتك ههههه

المتسول.. ومين قالك انى شحات مش يمكن
اكون ملك ومعايا اكتر من الناس اللى جوه
دووول

حوريه.. انت ملك هههههههههههه
المتسول.. طيب اثبتلك ازاى
حوريه.. تثبت ايه يا عم.. هو باين على شكلك
انك شحات.. سورى يعنى

المتسول.. تحبى تبقى صاحبه القصر ده
حوريه.. انا هههههههه ياريت بس ازاى بقى!
المتسول.. انتى بتتريقى صح

حوريه.. اكيد بتريق.. يعنى بالعقل كده
انا هكون صاحبه القصر ده ازاى

المتسول بوشوشه.. انا هخليكى صاحبته
بس بشروط

حوريه.. ههههه طيب طيب
وايه الشروط

المتسول طلع دبوس صغير من جيبه

شايفه ده
حوريه.. هو ايه
المتسول.. الدبوس يا حوريه
حوريه.. مالو يعنى!
المتسول.. ما هو ده اللى هيخليكى صاحبه القصر
حوريه.. اه بقى شكلك كده عامل دماغ عاليه

وانا مش ناقصه
المتسول.. بالذمه منظرى يدل انى بشرب
حوريه.. الصراحه.. شكلك تسول ومش حيلتك حاجه

المتسول.. لو عاوزه تبقى صاحبه القصر ده
بشكه من الدبوس وهتبقى صاحبتو

بس بشروط

حوريه بتسمع وبس ومش مصدقه
المتسول.. الشروط هى

انك هتنسى اهلك وناسك

بقولك انتى عندك اخوات

حوريه.. اه عندى تلاته اصغر منى أطفال يعنى
وليه اخ مسافر بره بس معرفش عنه حاجه

المتسول.. اكبر منك صح
حوريه.. اه اكبر منى 3 سنين
المتسول.. دى المشكله

حوريه.. مشكله ايه يا عم
المتسول.. المشكله ان فى اخ اكبر منك
وخايف فى حياتك التانيه يتجوزك

حوريه.. اه شكلها هربت منك وقلبت على فوازير
شريهان وقامت من جمبه

المتسول مسك ايدها وعينه فى عينها
وابتدى يتكلم وكأنه واحد تانى

شكه دبوس هتغير حياتك وهتعيشى
حياه تانيه خالص

هتدخلى القصر وهتبقى ملكه

بس هتنسى اهلك وناسك

هتبقى واحده تانيه هما ميعرفوهاش
ولا انتى كمان تعرفيهم

حوريه بذهول.. انت بتتكلم جد
المتسول ضم ايدها جامد.. اه جد
وهثبتلك كلامى بس توافقى

حوريه.. انا مش عاوزه اكون ملكه

انا عاوزه أهلى يعيشوا مرتاحين

انا عندى اخ صغير مريض سرطان ونفسى يتعالج
بطل علاج علشان افتقرنا
شعره وقع وبيتكسف يخرج يلعب مع الاطفال
اللى من سنه😭

انت عارف ان أهلى دلوقتى قاعدين
من غير أكل من امبارح

انت عارف انى واقفه مستنيه أيوب بيه
علشان احاول يرجعنى الشغل اللى اخته
طردتنى منه علشان اخد لقمه لاخواتى

انا اطردت من الشغل قبل ما اشتغل
انا اتهانت جوه القصر ده علشان
كسرت فازة كريستال
ب20000 الف جنيه

المبلغ ده كنت بخرج بيه مع اصحابى
علشان نسهر بيه

كنت برجع البيت مش معايا منه جنيه واحد

انت عارف ان خطيبى بعد كتب عليه
طلقنى علشان فلسنا
وعرفت انه كان طمعان فيه
وانهارت

المتسول.. قولتلك شكه واحده بس وحياتك هتتغير.. حتى اهلك هيتغيروا

وصدقينى هيعيشوا كويس جدا

واخوكى هيتعالج

وكمان انتى هتعيشى مرتاحه
وهتبقى ملكه القصر ده كله وتاخدى حقك
من سالى وغيرها

حوريه.. والمقابل ايه
المتسول.. انتى موافقه
حوريه.. لا طبعا يلا يا مجنون قال دبوس قال

وسابته ومشيت وبقت تجرى من الخوف

المتسول.. هترجعى يا حوريه وهتنفذى المطلوب

حوريه.. مجنون مجنون يعنى قال هعيش
حياه تاتيه وكمان ممكن اتجوز اخويا
لا دى هربانه بالجامد

ومشيت حوريه ومش عارفه تتصرف ازاى
مع اخواتها اللى محتاجين أكل

ولما وصلت الشارع شافت لمه حوالين البيت

اتخضت وجريت بسرعه تشوف فى ايه
شافت اخوها هشام

مريض السرطان واقع على الارض
والكاب واقع جمبه والأطفال
بتقولوا.. الاقرع اهو.. يا أقرع
انت أقرع.. يا أقرع.. فين شعرك يا أقرع

حوريه جريت عليه وخدته فى حضنها
ولابسته الكاب

هشام بدموع.. حوريه انا مش عارف اعيش
فى المكان ده ولا مع الناس دى.. انا عاوز اتعالج
واعيش حياتى زى غيرى من الأطفال يأما اموت وأرتاح
#يتبع
#بنت_فى_ورطه
#بقلمى_كوكى_سامح

اقرأ أيضًا:رواية وصية امى بقلم كوكى سامح

 115,610 اجمالى المشاهدات,  9 اليوم

ما مدى فائدة هذا المنشور؟

Advertisement

انقر على نجمة لتقييمه!

تقديم التقييم

متوسط ​​تقييم 4.3 / 5. عدد الأصوات: 28

لا أصوات حتى الآن! كن أول من يقيم هذا المنشور.

As you found this post useful…

Advertisement

Follow us on social media!

الصفحات: 1 2 3 4 5 6 7 8 9 10