وقت القراءة المقدر: 9 دقيقة (دقائق)

رواية أغرب رغبة الجزء السادس
للكاتبة/حنان حسن

بعد مازقزوق قالي

ادخلي اشكري الي انقذك من الموت… وبيحميكي

من ساعة ما جيتي هنا

مفهمتش هو بيتكلم علي ايه؟
ولا عن مين؟

لان زقزوق سابني ومشي
بدون ما يفهمني حاجة

فا مديت ايدي

وفتحت الباب بالمفتاح

للكاتبة حنان حسن

واول ما الباب اتفتح
ودخلت للشقة

لقيت باب غرفة عادل مفتوح
والنور فيها منور

فا قلت.. اكيد عادل رجع

فا روحت بسرعة
لغرفة عادل

عشان اطرده من
الشقة

لكن اتفاجئت
بان عادل مش في الغرفة

والاغرب من كده…

اني لقيت في غرفة عادل

التربيزة الي كانت جنب سريري
واستغربت

ازاي التربيزة موجودة في غرفة عادل؟

وسالت نفسي
ازاي التربيزة دي جت هنا ومين الي نقلها؟

والاغرب.. اني لقيت علي التربيزة تورتة…. لونها ابيض
وفيها شمعتين

واحدة والعة
وواحدة مطفية

ووقفت ابص للتربيزة بذهول

وانا بسال نفسي
واقول…
اكيد في حد هنا؟

واستغربت كمان لما لقيت
الشمعتين الي في التورتة

ومكنتش فاهمة ليه شمعة مطفية؟

ولية التانية كانت والعة؟
واستخلصت من كده
ان في حد معايا في الشقة

والحد ده…
كان لسة هنا في غرفة عادل

قبل ما ادخل حالا

لكن كنت هتجنن لاني ملقتش حد في الغرفة

وكنت لسه هرجع ادور في باقي الشقة

عن الي عمل كل ده

لكن قبل ما اتحرك
حركة واحدة

للكاتبة حنان حسن

النور قطع

ولقيت نفسي لوحدي في غرفة عادل

والشمعة الي والعة في التورتة

منورة المكان
بضؤ خافت…..
وهادي

لكن الجو كله كان
مرعب

لان ترقب المجهول
ديما بيكون مخيف

وبسرعة… مسكت الموبيل

عشان اولع نور الكشاف

لكن سمعت صوت جاي من ورايا

وهو بيقولي…

بلاش الكشاف

كفاية نور الشمعة

انتفض جسدي

بعد ما سمعت الصوت الي جاي
من خارج الغرفة

ولقيت دقات قلبي بتتسارع

لدرجة ان كنت حاسة اني هقع ميتة

من شدة الخوف

فاالتفت بسرعة للخلف

وبصيت علي باب الاوضة

واتفاجئت
بنفس الشاب الجميل

الي شوفتة قبل كده
في الحلم

ويومها كان مبتسم ووشة سمح وبيضحك

لكن المرة دي كان باين
عليه الغضب

ومكنش مبتسم زي الاول

ولقيتني بنطق اسمة
وانا ببصلة بذهول

قلت.. حلم؟؟؟

ايوه انت حلم

انا متاكدة اني شوفتك قبل كده في احلامي

وسالتة؟؟

قلت… هو انت حلم
ولا حقيقة؟

واية التورتة دي؟

ولية شمعة واحدة والعة؟
والتانية مطفية؟

قال.. انا اسمي حلم

للكاتبة حنان حسن

والتورتة فعلا
فيها شمعتين
واحدة واحدة طفيناها
والتانية
كنا منتظرينك عشان نطفيها

قلت.. انا مش فاهمة حاجة

انت مين؟
حلم ولا حقيقة؟

وازاي بتدخل هنا بدون ما حد بيشوفك؟

قال… انا عايش معاكي في المكان هنا

واتعجبت من معلومة
انه (عايش معايا دي)

وسالتة…
قلت
عايش معايا ازاي؟

قال.. عايش معاكي هنا زي ما انتي عايشة هنا بالظبط

وكنت متجوز هنا وعايش سعيد

لغاية ما زوجتي الخاينة تركتني… وراحت
مع عادل

زوجك الخاين

الي فسد عليا حياتي

وخلي حياتي جحيم

قلت….بس عادل زوجي اتجوز (جنية)

يعني مخلوقة من الجن

رد حلم بغضب

قال.. ايوه مهي الجنية الي عادل اتجوزها كانت زوجتي

الي كنت بعشقها

قلت.. يعني افهم من كده انك انت كمان…….؟

قال.. ايوه انا مخلوق من الجن
ومن سكان البيت ده

وانتي وجوزك افسدتوا عليا حياتي

عشان كده انا وعشيرتي قررنا انكم تموتوا

لانكم خونة

والخيانة عقوبتها عندنا القتل
وعشان كده..
لازم تتعاقبوا

ولقيت حلم بيشاور بايدة
علي الشموع
وهو بيقولي

الشمعتين دول هما روحك
انتي… وعادل

شايفة الشمعة المطفية دي؟
قلت… مالها؟

قال.. دي روح عادل
وانطفت
لاننا
انتقمنا من عادل

وخلصنا منه بالفعل

ولازم دلوقتي نطفي
الشمعة التانية

قلت.. اصبر بس انت بتقول ايه؟

حرام عليكم
انا مالي بعادل والي عملة؟

وبعدين عادل
الي انتوا عايزين تاخذوني بذنبة ده
مبقاش جوزي

انا اتطلقت منه

للكاتبة حنان حسن

وانا مش مسؤالة عن تصرفاتة

ارجوكم سيبوني امشي من هنا

انا مليش ذنب
في الي حصل ليك

قال.. تمشي؟
تمشي ازاي؟

انتي فاكرة انك لو مشيتي من هنا
مش هنقدر نوصلك؟
وناذيكي؟

ان كنتي فاكرة انك ممكن تهربي مننا تبقي بتحلمي

انتي لو فكرتي تخرجي برة الشقة دي

هيكون مصيرك هو مصير عادل

وساعتها متلوميش الا نفسك

بعد ما سمعت كلام حلم فضلت اعيط

وانا بقول..

حرام عليكم

لية الظلم؟
والله انا ما عملت حاجة

بصلي حلم بشفقة

وقالي.. طيب اسمعي

انا ممكن اعفوا عنك….

وممكن كمان احميكي … واساعدك

لكن.. بشرط

قلت.. موافقة

قال مش لما تعرفي ايه الشرط؟

مش يمكن متقبليش بالشرط بتاعي؟

قلت.. ايه هو شرطك

قال.. انك تطيعي اوامري طاعة عمياء

وتلبي كل رغباتي
بدون
ما تسالي

ولا تقولي ليه؟

ولا ازاي؟

قلت…رغباتك دي الي هي ايه

قال…هما ثلاث رغباتك

وسالتة؟؟

قلت.. ايه هما الثلاث رغبات دول؟؟

قال…
اولا…ممنوع الاسالة

يعني مش عايزك تسالي عن اي حاجة خالص

قلت.. والرغبة التانية

تعيشي معايا هنا.. لمدة خمس شهور

متخرجيش من البيت
الا للضرورة

وان خرجتي
تدعي انك خرصاء
ومتتكلميش مع حد

لمدة خمس شهور

للكاتبة حنان حسن

وسالتة
قلت.. طيب وشغلي

قال.. انا هوفرلك الاكل…. والفلوس…. وكل الي هتطلبية هيكون عندك

يعني مش هتحتاجي للخروج

قلت.. والرغبة الثالثة؟

توقف حلم عن الكلام قليلا

ولقيتة بيقول

تتجوزي( زقزوق)

قلت…اتجوز مين؟

قال… زقزوق

قلت.. لا اطفي الشمعة عادي
انا مش باقية علي الحياة للدرجة دي

وفي اللحظة دي

بصلي وقالي

افهمي الاول الحكمة من الزواج

وبعدين ابقي شوفي هتوافقي؟
ولا ترفضي؟

قلت.. لا حكم ولا امثال

انا استحالة اوافق علي الرغبة
الغريبة دي

وحاول حلم انه يقنعني
اني اوافق علي الزواج من زقزوق

قال…
الزواج
مش هيبقي بالمعني الي في دماغك

الزواج هيبقي علي الورق فقط

قلت… هو انتوا تعرفوا الورق زينا؟

قال….انتي ناسية ان زقزوق بني ادم زيك

ولازم تتجوزوا علي طريقة البشر؟
قلت…
طيب بمناسبة الورق بقي
انا مش عندي قسيمة طلاق
ومش هينفع اجيبها عشان عادل مفقود

رد حلم بثقة
وهو بيقول…

قال.. اطمني
انا هزلل كل العقبات دي

فكرت شوية
ولقيتني بقول..

وانا ايه الي يغصبني علي كده اصلا؟

قال… اعتبرية عمل انساني
زي ما بتقولوا عندكم

قلت.. مش فاهمة

قال… زقزوق انسان غلبان… ومحروم…
و مصاب بمرض ميئوس منه

والامنية الوحيدة الي بيتمناها
قبل ما يموت

هي انه (يتجوزك)

يعني انتي بجوازك من زقزوق

هتبقي بتحققي الامنية الاخيرة لشخص
بيموت

قلت.. غريبة

وانت ليه متعاطف مع زقزوق اوي كده
مع انه انسان

وانت كائن من الجن؟

قال..زقزوق حليف لينا

و بعدين دي اخر مره هجاوب اي سؤال

ومتنسيش..
ان الرغبة الاولي هي…
ممنوع الاسالة

قلت… انا ايه الي يضمنلي… ان الزواج هيبقي علي الورق فقط؟

قال.. الي يضمنلك
هو… ان زقزوق عاجز

ولا يصلح للزواج اصلا

ده غير انك لو رفضتي الزواج من زقزوق

للكاتبة حنان حسن

(العشيرة) هتطبق عليكي العقوبة
وشمعتك( هتطفي)

فكرت شوية

وقلت في نفسي

انا لازم اتبع الحيلة عشان اخرج من الورطة دي
وفكرت اني..
اتحجج بفترة العدة و اكسب وقت

وقلت لنفسي

انا هوافق واكسب رضاهم عليا

لان بالمنطق كده
الزواج عمرة ما هيتم

لان اكيد طبعا
مفيش ماذون هيوافق انه يكتب الكتاب لشخص مريض نفسي

لان زقزوق غير مؤهل للزواج
لانه فاقد الاهلية

وكمان انا مش معايا قسيمة طلاق

وبالطريقة دي الرفض هيبجي من الماذون

لما يشوف شكل زقزوق
وميلاقيش معايا قسيمة طلاق
وبعد ما فكرت

بصيت لحلم
وبعدين قلتلة

خلاص انا موافقة

طالما الجواز هيبقي علي الورق فقط

وخمس شهور تفوت
ولا حد يموت

فا انا موافقة

وبمجرد ما قلت انا موافقة

بصلي حلم وهو
بيقول..
الزواج هيتم بمجرد ما توفي عدتك

وتركني حلم وخرج من الغرفة

وبمجرد ما خرج من الغرفة… اختفي

لكن بعد كده
بقيت اشوف حلم كتير معايا في الشقة

وكانة كان واحد من اهل البيت

وفضلت في الشقة

وكنت كل يوم اصحي الصبح

الاقي مبلغ كبير من المال
علي التربيزة

ده غير اني لما كنت بدخل المطبخ

كنت بلاقي ادامي خيرات ربنا
ده غير ان بقي في ثلاجة
و كانت علي طول مليانة
اكل… وفاكهة… وعصائر…. ومشروبات

من كل صنف… ونوع

وكنت فعلا مش محتاجة للشغل… والبهدلة

وبالرغم من ان الوضع كله كان غريب

لكن الاغرب
ان (حلم)
اصبح مقيم تقريبا معايا في الشقة
لاني كنت بشوفة كتير اوي

وكتير كنت بلاقيه
بيعاملني بطريقة لطيفة جدا

وكان رقيق… وحنين معايا اوي

ده غير ان نظراتة
كانت مليانة رسايل
مش مفهومة

للكاتبة حنان حسن

وعلي طول كان بيبصلي بطريقة غريبة

كلها عشق وهيام

لكن انا طبعا مكنتش بصدق
كل الكلام ده

اولا لانة مخلوق من الجن
وثانيا…. لانه هو بنفسة الي طلب مني
قبل كده
اني اجهز نفسي بعد انقضاء العدة
مباشرة

عشان اتزوج زقزوق

المهم.. مرت مرت الايام
وبالفعل..

ومرت شهور العدة

ولقيت الموضوع دخل في الجد

وبالفعل….

رن جرس الباب
ولما فتحت
لقيت ادامي زقزوق

الي دخل واختفي في الحمام

وبعد شوية

لقيت الماذون جاي

وطبعا…
الماذون كان جاي
ومعاه اتنين من الشهود

ولم يمر الا وقت قصير

الا ولقيت واحد من الشهود جاي يقولي

الماذون بيسال عليكي
تعالي وهاتي بطاقتك
معاكي

وبالفعل خرجت واخدت بطاقتي معايا

عشان اتجوز زقزوق

لكن بمجرد ما دخلت عند الماذون

حصل حاجة غريبة جدا…………

لو عايز باقي احداث القصة
ضع عشر ملصقات مع متابعة صفحتي الشخصية
مع تحياتي
الكاتبة
حنان حسن

رواية أغرب رغبة بقلم حنان حسن – ‏الجزء ‏السابع#7

 2,757 اجمالى المشاهدات,  3 اليوم

No tags for this post.