رواية أغتصبوا طفولتي 🖤 كاملة

وقت القراءة المقدر: 40 دقيقة (دقائق)

#اغتصبوا_طفولتي ج ١
امي: يا رانيا ليش ما عم تسمعي انبح صوتي و انا عم نادي تعي، حاجتك لعب مع بنات الجيران
انا: دخيلك يا امي تركيني مبسوطة معهم
امي:يا بنتي بيك اتصل و قال جهزي البنت بدي آخدها مشوار
انا: ليش امي من متى ابي بياخدني مشاوير!؟
امي:حاج لعي و تعي جهزك قبل ما يجي بيك يعمل قصة
(وهيك كانت بداية مشواري مع العذاب ،جهزتني امي و فرضت عليي البس الحجاب)
انا:امي الحجاب حلو بس ليش لبستيني ياه بهيك سرعة مو كنتي تقولي للجيران بس تصير بالثانوية بتلبسو؟
امي: والله مو بأيدي بيك حكالي انو خلص طبقتي ال ١٤ و صار لازم تلبسيه هلق
انا:ماما بابا شو قصتو؟ ليش حزين هالفترة و عم يفرض شغلات علينا؟
امي:والله يا بنتي ما بعرف خلص ليكو وصل اطلعي
انا: طيب اخواتي الصغار مانن رايحين؟
امي:لا يا عمري بس انتي
(انا اسمي رانيا والي ٧ اخوة بنات و اولاد و انا أكبرهن،ابي بيشتغل سمسار عقارات و بفوت بصفقات كتير و خاصة مع اهل الخليج.. ابي دائما بسافر و وضعنا مرتاح،بس هالفترة ابي حزين و إمي خايفة ،يوم ما ابي فرض عليي الحجاب لياخدني معو مشاوير كانت من الصدف القليلة لنروح انا و ابي مشوار لحالنا)
انا:ابي لوين رايحين؟ و ليش رايحين مشي وين سيارتنا؟
ابي:بنتي حاج تسأليني رايحين عند جماعة و هني اغراب،بدي تكوني رايقة و تقلدي انك بحركاتها و انتي ذكية و شاطرة لا تسالي شي عند العالم خليكي ساكتة
انا: طيب ابي ليش ما اخدت اخواتي معنا
ابي:لا يا بابا بس انتي يلا رح نوصل
(وصلنا على فندق و دخلنا،سال ابي عن واحد اسمو ابو فهد وقتها الحرس فتونا لعندو
ابو فهد : يا هلا والله يا هلا بو ذياب هلا يووبة هلا ببشاشة اليوم.. شنو عالكمر يالبيييه انتي رانيا تبارك الرحمن عليج
ابي:الله يحفظك ابو فهد اي هاي بنتي رانيا. سلمي يابي ع ابو فهد
انا: اهلين عمو
ابو فهد:شنو عمو ذي انا ريال ولو اني شايب بس سبع سبع. هههه
ابي: اي والله سبع و نص ابو فهد الله يسعدك
ابو فهد:اتفظل اتفظل اجلس هنايي يا ريال
ابي: انت بتعرف يا أبو فهد الورطة الي وقعت فيها و خسرت الصفقة و كل شي معي حطيتو حق قروض و ديون وانا عندي ٨ اولاد و ما عاد إلي مدخول
ابو فهد: ليش دعوة عفا عليك شنو عالحجي هاظ يا بو ذياب السبع موجود بظهرك اركظ و انت مرتاح، اعتبر المال عنذك ايش تبي بعد!؟
ابي:, حبيبي ابو فهد انت ما بتقصر بوصيك ببنتي رانيا تحطها بعيونك
ابو فهد: رانيا بعيوني اني اشيلها وش تبي حق هالرنوش الدلوعه اني البينه
#اغتصبوا_طفولتي ج٢
ابي: بدي سلامتك يا ابو فهد وانا البنت على الجمعة بتكون امها مجهزيتها للسفر و مجهزة اغراضها
ابو فهد: صج اني وايد زعلان منك يا ابو ذياب شني أغراض اني ما ابي شي كل شي للدلوعة مجاب
(انا متل ما قلي ابي عملت لا حكيت ولا اصلا فاهمة شي غير انو في هدايا و في يوم جمعة مشوار بس رح يكون كتير بعيد و رح يغير حياتي ،جهزت امي أغراضي و هيي عم تبكي و ابي حزين و عم يخبي دموعو للحظة البيت صار ظلمة اختفت منه الضحكة،الكل عم يهرب من الحكي معي،وقتها صار جدال بين امي و ابي على مسمعي
امي: الله يخليك تركها مالها ذنب والله بعدها طفلة و من جديد لأبلغت ليك شوف والله لعبتها لسه بايدها
ابي: عم الفكريه هاين عليي هاي قطعة مني بس عندي ٧ غيرها شلون اطعميهم؟ و أمانات الناس الي برقبتي شلون اسدها!؟ لا تزيدها عليي يا ام دياب
امي: خد كل دهبي و انا من بكرا بطلع بشتغل بالبيوت بعد ما كنت جيب خدامات عبيتي ،بشتغل بكل شي بس ما تجوز البنت لواحد قد جدها
(هيك انتهى حديث امي و ابي و هيي دموعها ما نشفو،صرت العب مع اخواتي الصغار و انا ماني مستوعبة صرنا تغلب طاق طاق طاقية سرقوا الحلوة الحرمية رن رن يا جرس غلطة و ضيعها الفرس بعدني ما كملت اللعبة و امي صارت تنهج من كتر البكي و حبست حالها بالغرفة و ابي طلع برا البيت، بلشت حس انو في مصيبة عم تصير،من بعد ما نامو اخواتي كنت عم اكتب واجباتي المدرسية اجت امي لعندي)
امي: رانيا حبيبتي انا بحبك كتير والله و ما فيني ضيعك هيك انا ما رح اتركك
انا: امي شو في ليش بيتنا ما عاد حلو،ليش ما عم تضحكي و ليش ابي وشو اصفر و زعلان؟
امي: بيك بدو يجوزك
انا:شووو؟؟انا؟؟؟ ليش ياا اميي والله انا بعدني صغيرة ما بدي😣😣
امي: والله يا امي بعرف و بيك بدو يجوزك لهاد ابو فهد
انا:امي صرلك شي انتي و ابي!!؟ انا ما بعرف شي بالزواج لتزوجيني واحد اكبر من ابي!ااه مشان هيك كان عم يطلع فيني من فوق لتحت
امي: رانيا سمعيني شو بدي قلك يوم الجمعة ابوكي رح يوصلك عالمطار و راح تروحي مع هاد الرجال يلي اسمو ابو فهد،راح تعيشي بالسعودية معو ،هو رجال غني و راح يعيشك ملكة بس هوي عندو ٢ نسوان و انتي ال ٣
انا:امي انتي بدك تتجوزيني لواحد عندو ٢ نسوان و اكبر من ابي و بتقليلي عندو مصاري؟!
امي: شو ساوي يا امي حكيت ابوكي مو قبلان و انا رح اتقطع من جواتي عليكي، اسمعي انا بعت خاتمي و اشتريلك موبايل و فيه خط دولي خبيه يا امي و اذا صار معك شي دقيلي و هاد الرقم بكون ابن خالي عايش بالسعودية إذا صار يا امي شي دقيلو و بيجي بياخدك اسمو سامر،انتي نامي هلق و بكرا ربك يحلها
انا: امي اي نوم الي رح نامو انا رح انطرك ابي للجميع بلكي اقتنع
امي:شو يقتنع لك امي لا خالك ولا جدك ولا حد حسنان يقنعو الله يهديه و يفرجها عليه،ليكو بيك اجا نامي انتي هلق
انا:لا امي انا رح احكيه ما رح نام
امي:طيب انطري لخبرو
(دخلت امي عند أبي و كان صوتن خافت و انا قلبي على نار بلي سمعتو من امي)
ابي: خدي هاد و حطيه بشنطة البنت
امي:شو هاد الي جايبو و من وين؟
ابي: لانجري قصير اختي جابتو للبنت لأن بعرف انو انتي ما رح تشتري لالها هيك شي
امي: يا ربي صبرك رح موت و انت جايب للبنت قصير ،شلون هان عليها عمتها تجبلا هيك يا الله
ابي: حاج كلمة تانية راح ارمي يمين الطلاق
(ارتفع صوت امي و ابي بالليل و فأقوا اخواتي عصوتهن )
امي: اي طلق يلا انت اصلا دمرت حياتي و حياة بنتك بطمعك لك شو صرلك انت عم تبيع بنتك لواحد مو من توبنا و عندو احفاد من عمر بنتك
(انا عالصوت و وجع قلب امي دخلت علين)
انا:ابي ابوس رجلك خليني معك بعدني ما شبعت من حنانك أمانة يابي مالي غيركم، ابي احكي شي اذا انت بعتني مين رح يهتم فيي، انا مستعدة اشتغل بالبيوت و ساعد امي، امي حكيلك شي
امي: حسبي الله ونعم الوكيل هيك حال البنت خليتو يا رب هود روحي و لا يفرجيني بنتي مقهورة
(وقتها ابي طلع و عيونو بدمعو متل للاطفال و انا نمت بحضن امي، يومين و انا مريضة من الهم)
انا: امي خليني روح ودع رفقاتي و معلماتي
امي: روحي ولا تتأخري قبل ما يجي ابوكي مشان سفرك بكرا
#شو_بتتوقعو_يصير_بالجزء_الثالث!؟😁
#رأيكم_بهمني🤩
تعديل: عذرا اذا فيه أخطاء إملائية بس لان عن اكتب عالعتمة❤️
#اغتصبوا_طفولتي ج٣
(لبست مريولي و حملت شنتايتي و كانت امي عم تعملي شعري جدائل، وصلت عالمدرسة و رحت ع غرفة المديرة)
المديرة: رانيا حبيبتي ليش صرلك يومين غايبة؟ وين الشطورة ما تعودنا عليها هيك؟ و ليش وشك اصفر هيك مرضانة حبيبتي؟
انا:مديرتي ابوس ايدك ساعديني مالي غيرك من بعد الله ،ما حد بعيلتي وقف معي
المديرة: قليلي حبيبتي شو صاير معك؟
(بلشت اترجى مديرتي لعلا و عسى تساعدني و دخلت المرشدة الاجتماعية و حكو مع ابي لكن ابي قفل موبايلو بوجهن)
المديرة: حبيبتي رانيا والله وجعني قلبي عليكي بس ما في بايدي شي و ما فيني أتدخل بمشاكل عائلية تعي غسلي وشك و نروح نسلم على بنات صفك
(اخدتني مديرتي على الصف وصاروا رفقاتي يودعوني و انا ابكي من قلبي ،رح أفقد بنكي و قلمي و صديقاتي و معلماتي و كلشي حلووو، رجعت عالبيت لقيت ابي معصب و امي مضروبة من ابي لأن خلتني اطلع من البيت،كان اكتر يوم مشؤوم بحياتي لأن كان آخر يوم لالي مع اهلي ، صرت جمع بكل الصور و الألعاب و حطهم بشنتايتي
و اجا تاني يوم الي ما طلعت فيه شمس كان كلو غيوم و ضباب و مطر حسيت حتى الدنيا عم تبكي مشاني، وصلني ابي عالمطار اجا يودعني انا رفضت)
(طلعت بالطائرة كنا قاعدين بالدرجة الأولى مع أبو فهد و قبل ما اطلع ابي اعطاني عقد زواجي ،طول الرحلة انا ساكتة و ابو فهد عم يحكي بأمور الشغل مع رجالو، كنت عم ودع بلدي كأن اخر يوم بحياتي)
(مرق نص ساعة و انا بالطائرة الي اول مرة اطلعها )
رفيق ابو فهد: وي عليج يابو فهد شذي أخذنا الوكت و ما قلت لنا عن الكمر بنتك
ابو فهد: ذي مرتي و انا رايلها مو بنتي،ذي عروستي الجديدة
رفيق ابو فهد: عفا عليج يابو فهد روحك تحب تعرس كل مرة
ابو فهد: ايش فيكم يا الربع بعدني شباب ابي اجيب جهال كمان و ابي حد يدلعني و يسمعني الحجي الحلو
رفيقو: مبارح يا بو فهد والله تعرف الحياة صج و زين ما اخترت
(حديثهم كان عم يزيد غصة بقلبي و ابو فهد كل شوي يشوف ساعتو متلهف ليوصل البيت و انا نمت و فقت عهبوط الطيارة،بعد ما نزلنا من الطيارة ابو فهد كمش ايدي)
انا: عمو تروك ايدي الله يخليك انا بعرف امشي
ابو فهد: انا رسلك يا رنوشتي كافي تقولين عمو،رح عيشك ملكة وش تبين امرك مجاب الغالي يرخصلج،آبي منك بس تسمعين الكلام وش اكول تكولين حاظر
(اخدتني ابو فهد لسيارتو الي بحياتي ما شفت مالها شو كبيرة و طويلة حسيت حالي ملكة اخدني المنظر الحلو ،قعدت و قعد جنبي حط أيديهم على كتفي و شدني لعندو)
ابو فهد: الف صلاة و سلام عليك يا محمد شني هذا الجمال شني هذي البراءة يا حليلك يا بو فهد
انا: بعد عني الله يخليك و تركني قاعدة لحالي
ابو فهد: ادري راح لأعذب وياج بس هنيالي هنيالي اسرع يا ولدي للبيت
الشوفير: حاظر يا باشا
(و اخيرا وصلنا و ارتحت من لزقة ابو فهد فيني بالسيارة،اجو الخدم و الحشم و اخدو الشنط،كانت الفيلا متل يلي بشوفهن بالمسلسلات فوق الروعة منظرهن انا انسحرت و بلشت اتصفت بالبيت)
الخادمة:انا ميري ذي الغرفة ماما حقك
انا: شكرا للك فيكي تتركيني لحالي بالغرفة؟
الخادمة: لا بابا أودى طلب انا البسك هذا
انا:شو هاد؟ انا ما بلبس هيك قليلو ما بدها تلبس
(نزلت الخادمة لابو فهد تحت و قالتله هيك جيت اقفل الباب ما في مفتاح شوي بفوت ابو فهد)
ابو فهد:انا ادري انج راح تسوين شذي بس اريد اخبرج انتي ملكي و هذا بينج و اي شي تسوينه انا ادري ليه ،ابوك أخذ حقج غالي،خلاص لا تسوين شذي هيج هيج انتي مرتي،البسي لالي هاذ لا تستفزيني و اعمل صج شي ما تحبينه
انا: الله يخليك انا متل بناتك اعتقني لوجه رب الكون
ابو فهد: اسمعتي شنو قلتلج
(بعد شوي فاتو ٢ نسوان من جسمهن مبين قويات شلحوني تيابي و حمموني و لبسوني غصب عني،بعد شوي طلبو مني اشرب كاسة عصير غصب و كل ما ارفض يضربني.
اخخخ ع هيديك الليلة،بعد شوي ظهرت عليي اعراض خمول،فايقة بحس بكل شي بس ما بقدر قاوم،فات ابو فهد الي بس شفتو غص قلبي و صرت ابكي،صار يقرب صوبي و انا بعدو عني لحد ما كسرت كاسة العصير عشان اقتلو أو اقتل حالي بس جسمي الضعيف منعني و استسلمت للأمر و بقيت للصبح و انا عم عاني مع رجال كبير للصبح لحد ما صابني نزيف و هوي قايم متل الحيوانات كأنه ما عامل شي ،صرت ابكي انا و عم تنزف و دور بالشنط عالموبايل الحكي امي)
انا:الواو امييي شو ذنبيي شو ذنبي يا امي اتقلتو من لقمتي حتى سجنتوني بهاد الزواج؟ والله يا امي الموت ارحملي من الي صار
امي: اخ يا امي اهم
انا: لا تقليلي اخخ ليش في اخخ اكتر من الي انا فيه!؟ خلاص يا امي انتو متو بالنسبة إلي
(طفيت موبايلي و صرت احاول انادي حد يساعدني لحد ما غفيت بالمشفى)
#اغتصبوا_طفولتي ج٤
الدكتورة: صح النوم حبيبتي انتي بخير و آبي أسألج سؤال،انتي اهلج ليش زوجوكي بهيج عمر!؟
انا: اهلي ما زوجوني اهلي باعوني،يا رب خدني لعندك والله تعبت، دكتورة دقيني إبرة أو عطيني سم الله يخليكي
الدكتورة: بعيد الشر عنج حبيبتي انا جنبك و من تكومين بالسلامة نحجي زين
(بعد ما فقت من عالوجع اجت الدكتورة لعندي و خبرتها بكل شي و طلبت منها تساعدني لتهربني لشي مكان بس اعتزرت لالي و قالت ما فيها لأن ابو فهد عامل عليها حظر و طلبت مني أخد رقمها و اذا صار معي شي دقلها)
انا: شكرا يسلمو فيني اطلب طلب؟ قليلو لا يقربلي ولا يلمسني لأن يمكن يصير معي أعراض مانها منيحة الله يخليكي
الدكتورة:لا تخافين انا قلت له شذي بس هو طلب اعطيك دواء سريع لتتعافين بس انا قلت له ما في شذي دواء محتاجة شهر راحة
(طلعت من المشفى و رجعت عالبيت المشؤوم على طول كنت محبوسة بغرفتي ما اطلع الا وقت الغدا و الي كان يريحني ابو فهد اغلب وفاز بالشغل أو عند نساوينو التانيين، مر أكثر من أسبوعين تعرفت على جارة جنب الفيلا بنت بعمري ،كنت شوفها طالعة بباص المدرسة،بلشت احكي معها لتعلمني الي بتاخدو بالمدرسة، كان نفسي ارجع للمدرسة ،كنت اقضي اكتر وقتي مع ايمان باللعب و الدراسة،و هاد الشي كلو بغياب ابو فهد،كنت اتمنى هالشهر ما يخلص ،بس خلص و اجا ابو فهد متل الملهوف عالبيت ،انا وقتها عملت حالي مريضة و ما حسنانة لشي)
ابو فهد: شنو وش فيها الدلوعة مالتي
انا: كتير مريضة الله يخليك خليني ارتاح
ابو فهد: وش ذيك الكتب انتي تقرين شي رواية؟
(وقتها خطرتلي فكرة لأن اطلب من ابو فهد اني ادرس بالمدرسة)
رانيا: هاي كتب جابتهن الي ايمان بنت ابو نايف جارنا، ابو فهد دخيلك انا بحب المدرسة خليني روح مع ايمان
ابو فهد:هاظ موال جديد تبين تدرسين و تطلعين بكيفج و انتي حقي مانج عطيتيني إياه
انا: الله يخليك انا موافقة اعطيك يلي بدك ياه بس خليني روح ادرس
ابو فهد: لا مابي تروحين مدرسة بس راح اخليج تدرسين هناي بالبيت و اجيب لك مدرس يعلمج
انا: شكرا للك
ابو فهد: قومي البسي لي هاذاج الاخضر يلي بخزانتج ابي اشوف معرسي بيه
(ااه لو تعرفوا شلون مضت هديك الليلة الي كلها قرف بس شو اعمل كل شي انسلب مني ما عاد فيني ابكي،اغلى شي البنت بتخاف عليه اخدو رجال اكبر من ابي ،بقيت ناطرة أسبوع كامل ليجي المعلم يدرسني بس ما كان يجي حكيت مع أبو فهد)
ابو فهد: ادري ادري ما نسيتج بس آبي معلمة و هالشي صعب
انا: شو يعني وين الاقي معلمة هون تجي على البيت خلص ما عاد البسلك أو ارقصلك أو دلعك
ابو فهد: لا يالنعود خلص الي تبيه من بأجر يجي المعلم
(مرقت الايام هاديك على خير و كان يجي راجل كبير يعلمني ،كنت استفيد منو و اروح يوم الامتحانات مع أبو فهد ٥شهور و انا على هالحال)
(بيوم سمعت صريخ بصالة الخارجية طلعت من غرفتي و كانو نسوان تنين الي فهمتو كانو نسوان ابو فهد،لسه ما بوقف لسلم عليهم بلشو فيني ضرب ضرب لحد ما وقعت من طولي على الأرض)
(فقت كانو الخدم عم يغسلو وجهي من الدم اتصلت على الدكتورة لتجي تساعدني و من اجت الدكتورة فحصتني)
الدكتورة: انتي حبيبي حامل بالشهر الرابع شلون ما حسيتي على حالج
انا: لا تقوليها يعرضك انا مالي ناقصة،بعدني صغيرة عالحمل
الدكتورة: ييي عليي الغلط مني اني كان أعطيتك دواء تحمي نفسج فيه
انا: دكتورة الله يخليكي ما بدي احمل بكفيني الي فيني بدي نزلو
الدكتورة: حبيبتي ما بقدر حرام الطفل فيه روح ،هاذا قدرج و نصيبج ،خلص بدك اتسلمي امرج لربنا يمكن هاذا الطفل يجي يفرحك و ينسيج الي شفتيه
(اااه من المصيبة ااه،شو اعمل بحالي؟ بعد ما راحت الدكتورة صرت اطلع على الكرسي و نط مشان سقط الجنين بس من دون فائدة،بعد بوقت اجا ابو فهد فرحان جايب معه هدايا و دهب مشان يعتذرلي من الي صار،وقتها عرف اني حامل،اتصل على اهلي مشان يخبرهم و اهلي من صوتهم فرحانين ،طلب مني احكيهم بس انا رفضت،طفى الموبايل و قعد جنبي و قلي)
ابو فهد: يا لنعود شو تبي هالحين لالك مجاب
انا: بدي تسمحلي كفي دراستي برا البيت بالمدرسة و اكفي جامعة كمان بدون رقيب أو حسيب مو رح جيلك العنود يا بو فهودتي؟؟
ابو فهد: افااا شني هالكلام شنو هالدلع عيوني الج يالنعود
(بصراحة صرلي فترة عم خطط لاني اطلع من البيت و اطلع من هالكابوس بدي اتحرك بدي اهرب بدي شوف حياتي ،وجودي هون رح يغص قلبي ،و حاليا ما في حل غير أراضيه ليراضيني و لازم اسمحلو ليسمحلي ،هو ماخدني بس ليرضي ليلتو و انا ماخديتو مشان ارضي نهاري…
#انتظروا_الجزء_الخامس
#اغتصبوا_طفولتي 🖤
#الجزء_الخامس 🖤
مابعرف شو يلي خلاني اتحمل كل هالشي وانا بهيك عمر … يمكن لان صفيت لوحدي ومامعي الا رب العالمين … يمكن لاني جناح مكسور .. اتخيلو صرت ام يعني طفلة وببطني طفل ؟! ابو فهد وعدني يرجعني عالمدرسة بس لأمضي 4 شهور الاجازة وأولد بعدين يسجلني بالصف الثاني اعدادي بس بهديك الفترة طلب مني اني ينقل سكني للبيت اللي عايشة فيه زوجتو الاولى …!
زوجتو هند ست كبيرة بالعمر بس عاقر ست جدا حقودة وقوية ومابنسى ضربها لالي هداكك اليوم
انا بالبداية رفضت بس لان قلي هونيك في مدرسة بنتو بعمري بتروح عليها “بنتو يلي من الست التانية ” وقلي بتصيري تروحي معها .. انا بعرف ليش هيك عمل مشان هديك الست تاخد ابني مني ..وبنتو مشان على طول تضل خانقتني ….💔
انا وافقت لان ماعندي خيار تاني .. طلعت سكنت عندها كانت مجهزتلي غرفة جنب غرفة الخدم قبلت فيها وأمري ل الله .. اول يوم مرق علي خير بس اليوم اللي يجي ابو فهد عندي تعمل الف قصة لتكرهو فيني وانا كنت ارضى لان ماني طايقتو بلشت بطني تكبر اوقف قدام المراي جسمي الصغير .. وشكل بطني ماكانو طابقين على بعض 💔💔
بيوم كان ابو فهد مو بالبيت الا نحن فيه كان مع ولادو اللي من الست التانية …
ضرتي هند استغلت غيابو لتعذبني فيه كانت تكب على الارض دوا بلاط لزج مشان اوقع فيه واتضرر و اوقات تحطلي بالاكل ملح كتير ..حتى ترفض تخلي الخدم يساعدوني اتخيلو هالمخلوقة الكبيرة بالعمر ماشفقت علي بالمرة 😢😢💔
بلشت ايام المدرسة واجت بنتو لأبو فهد وكان كل القهر والغل بعيونها وكانها جاي لتقتلني وتروح ماكنت أأذيها بشي .. كل العالم صارت ضدي والشاطر اللي يطلع بإيدو يأذيني قرب موعد عيد ميلادي … كنت من اقعد بالصف ما احسن اقعد بالمقعد متل البنات . من بطني 💔
وكل نظرات البنات علي وعلى طول يضحكو ….
مالقيت الا صديقة وحدة بنت فقيرة والبنات دائماً يلطشولها حكي …كانت من ملابسها وحالها باين انو وضعهم مزري و على طول تساعدني وتحطلي الكرسي واوقات من ننزل الدرج كانت تكمشني ومرة انضربت من البنات وهي عم تدافع عني مشان ماحد يأذيني 💔 بنتو لأبو فهد كرهت المدرسة فيني 😔
كانو يشفقو علي المعلمات بس واللهي البنات قويات حتى مديرة المدرسة ماتقدر عليهن !
بيوم صار خلاف بيني وبين حياة ” بنت ابو فهد ”
حياة : اسمعي يا الداهية انتي ترا على عيني وجودك هناي انا اليوم مارح ارجعك معي واياجي تكولين اني مارجعتك لان طالعة مع رفيكاتي ؟!
رانيا : ماشي بس انا مابعرف الطريق ؟
حياة : هاج خذي العنوان واذا ضعتي اسالي اي احد ويدلج يالا وخري من هناي …
وقتها دفشتني عالارض وحسيت بوجع بس شو بدي اعمل بعرف انها كانت بدها تطلع مع رفيقها او حبيبها لان على طول كان يحكي معها واوقات توصلني للمدرسة وماتفوت تروح مشوار معو بهداك اليوم طلبت مني ارجع عالبيت لوحدي وانا من دق جرس المدرسة ماعرفت وين اروح ضعت بين الشوارع صرت امشي من شارع لشارع والناس تشوفني تفكرني عاملة الحمل بالحرام 💔💔 وقفتني وحدة ..!
وش فيج مو حرام تعملي هيج بوالدك انتي بعدج صغيرة مشي نروح عالهيئة ” الهيئة هيي الاخلاقيات ”
انا دفشتها وصرت اهرب مابعرف اذا كانت عارفة قبل اغلب الطرق هلا مابعرف وين وصلت .. وصلت لمحطة قطارات قديمة وفتت بوحدة وقعدت مابعرف الوجع زاد علي قعدت لارتاح بس صار وقتها وجع متل يلي بدو يروح تواليت ومو حسنان وصرت اتقلب بمكاني ما عم يوقف الوجع كل مرة يزيد كل مرة يزيد 💔💔💔
اخدت تلفوني وماعرفت دق الا على امي فتحت الموبايل عم اتصل ماعم يتصل مافيو رصيد بس بقدر اكتب رسالة وكتب رسالتي …!! 💔💔😔
” اخ يا امي شو اللي عملتوه فيني …انا اصير حامل وعندي اولاد انا يا امي ؟؟! كنت ما اعرف اعمل جدايل شعري قبل كنت عندك العب وانام وهلا يا امي شغل البيت شقق ضهري وراحتي 💔 يمه زوجي يملك مال بس مابملك حنان وانا هلا بملك دمعة حتى مو لالي مو لعمري 💔💔
معي يا امي ما بيلعب كبير اكبر من ابي ومابوافق العب مع جارتي اخد عمري واخد حيلي وكل قوتي ريتو يا امي اخد حكايتي 💔💔
عقلي يا امي مامبني بعدو حتى ابني بيت ؟!!!!
كان نفسي ابني مستقبلي بدراستي .. بنت اللي بعمري يا امي غفا بإيدها الكتاب .. انا يا امي يغفي على ايدي زلمة اكبر من ابي 💔
دموعي يا امي هلاء عم تكتب مصيبتي انا والله شاطرة ومجهزة الدموع ودهري من الوجع بدور على عكازتي💔
قلبي يا امي اللي بدق مو جرس .. والفرصة يا امي خوف والشماتة ولادو يا امي كلهن بساحتي💔💔
اخ يا امي وقت صار بالميل وماعم يمشي صار متل الاموات هيك بساعتي 💔💔
صدقيني من يوم العرس وانا موجوعة .. امي حاكي عزرائيل بلكي يا امي يوافق امووت 💔💔 .. اترجيه لَ الله بلكي ياخد روحي 💔💔 حكيتيلي مرة عن القبر …
يا امي القبر بيحن عليي اكتر 💔
انا يا امي اثار الضرب مكياجي صار والله 💔
العيشة والله سودة ومنها انا مكحلة 💔 ابي قلتلو وردة اقطفلي يقطف قلبي ليش ؟ 💔 حملي حتى الجمال والله مابتتحملو يا امي 💔
الأوادم تقول لزوجي بنتك ملاك 🥺 ومن يقوللهن هي مرتي اصير مهزلة 💔💔
يارب وفق جوزي مو منو السبب 💔💔 السبب انتو انتو اساس المشكلة 😔💔
……….
أنا آسف بعرف إني كتير قصرت معكن ومبارح ما نزلت
بس إن شاء الله عال10 بنزل الجزء السادس لانو متل مو شايفين الأجزاء كل ما زالا عم تطول 🖤💁🏻‍♂️
#اغتصبوا_طفولتي 🖤
#الجزء_السادس 🖤
#موقع_رييل_ستورى
#هامش في حكي أقروه للأخير 🖤
وهيك ختمت رسالتي مع أمي وبلشت أصرخ بأعلى صوت من الوجع وأخبط بالقطار يمين وشمال وانادي يارب يارب مالي غيرك شيلني يارب ….صرت جر بحالي وانا جسمي بينزل منو شغلات ما اعرف شو هيي أبداً…. لحتى ماوصلت لبيت … كان بيت رفيقتي اللي معي بالمدرسة كانت عايشة هي وامها …صديقتي سمر بنت يتيمة وفقيرة … دقيت على باب القصدير … فتحتلي خالتو امها لسمر شافت حالتي بالويل 💔
ام سمر : اسم الله اسم الله مين انتي يابنتي شو جابك ؟
رانيا : خالة نادي على سمر انا رفيقتها بالمدرسة 💔💔
ام سمر :- فوتي يابنتي فوتي … سمر سمر تعي تعي ياامي
رانيا : خالتي من وين أنتي ؟!
ام سمر : نحنا من الشام امي
رانيا : وانا خالتي ساعديني خالة في شي عم ينزل مني ساعديني عم اتوجع 🥺💔
دخلتني خالتو وبلشت هي وسمر يساعدوني لحتى ما
ولدت وجبت ابني ” يوسف ” حكيت لخالتو قصتي وقلتها خليني عندك خالة خبيني الله يخليكي 🥺💔
ام سمر : مو عرفاني خالتو شو بدي قلك من يجي ابني قيس بشوفو ..!
رانيا : خالتي انتي عندك ابن تاني اسمو قيس ..؟
ام قيس : اي امي هو اللي جابنا من الحرب لهون صح وضعنا تعبان بس هو بيشتغل ليل نهار وان شاء الله نقدر نحسن نكون حالنا …
رانيا : خالة وين ابوها لسمر ؟!
ام قيس : الله يرحمو استشهد هو وعبير بنتي وابني سامر بالحرب الله يرحمهم اخدو قلبي معهن وانهدم بيتنا وابني قيس تعب لقدر يطلعنا لهون 💔
رانيا : خالة خليني عندك انا وابني يوسف والله خايفة خالة الله يخليكي يا خالة 🥺🥺💔
ام قيس : والله لاعمل قدرتي واخليكي يا امي ..💔
رانيا : قديشها حلوة امي منك والله اشتقتلها 😔💔
ام قيس : معلش امي الله يصبرها هلا بتكون عم تتوجع عليكي … مابدك ترضعيه للطفل خالتو جربي حطيه على صدرك جربي انا بعلمك شلون ❤
رانيا : خالتو مابعرف وخايفة 😐💔
ام قيس : معلش خالتو مشان صدرك صغير بعدو ..الله يعينك ياخالتو حسبي الله على اللي كان السبب بحالتك💔
خالتو ام قيس بلشت تعلمني شلون رضع الطفل وشلون احفضو والبسو كانت تهتم فيني متل كاني بنتها وتفيق بنص الليل تهتم ب ابني 💔👌
ام قيس : خليني اتصل على ابني قيس يجي يساعدني الووو … ابني وينك صارلك 10 ايام يا امي تعا !
قيس : شو ناقصك امي ابعتلك مصاري؟ .. مافيني اجي امي ماخلصو امي اسبوعين العمل ..!
ام قيس : امي الله يخليك تعا في عنا بنت واقعة بمصيبة مسكينة يا امي رفيقة اختك بعدها صغيرة قصتها كبيرة من تجي لعنا بقلك هي من توبنا تعال تروك يلي بأيدك وتعال
قيس : ماشي امي بدي 5 ساعات بالسيارة واوصلك …
وصل قيس للبيت وفوتتو امو لعندي من شافني قيس خاف …. 🙄💔
قيس :- امي هاي طفلة بعمر اختي شو جابها لهون ومعها طفل ؟!
بلشت تسرد خالتو لابنها القصة …
قيس : امي مستحيل رجعهن لعندو هاد الحقير ابو فهد خليها امي هون لَ ألاقي طريقة ساعدهن فيها …. ❤
…………
ضل الجزء ال 7+8 بتحبو نزل الجزئين بكرا بوقتين مختلفين بس بدي شو تفاعل حلو ! 🖤
ولا نضل كل يوم جزء ؟؟
#أغتصبوا_طفولتي 🖤
#الجزء_السابع 🖤
#موقع_رييل_ستورى
بنص الليل فقت مالقيت ابني يوسف جنبي ولا حتى خالة … دب الرعب فيني وما حسنت اعمل شي فقت بدي دور على ابني ببيت خالتو الصغير
فتحت الغرفة التانية لقيت خالتو وكان قيس كامش ابني عم يحاول ينيمو 🖤
و اول ماشفتو …
رانيا : انت مين …؟
قيس : انا قيس جيت امبارح يمكن امي قالتلك عني ..
رانيا : اي اي اتشرفت فيك هاد ابني يوسف 🖤☺️
قيس : اي بعرف طالع حلو كتير …👌
رانيا : الله يخليك إكمشني عم الدنيا ادور فيني …💔
قيس : تعي تعي ارتاحي لاتخافي يسوف الصغير معي ❤
رانيا : يسلمو والله عزبتكن معي .مابعرف شو اقول ..
قيس : لا تقولي شي ارتاحي ونحنا بعيونا بنحطك ❤
بعد ما ارجعت اتسطح على فراشي بلش قيس يحكيلي عن حياتو يونسني طول الليل وهو عم ينيم يوسف ❤
قيس : وهاد يلي صار بحياتي كان يومها ابي واخي سامر الكبير اخدين اختي عبير ليشترولها هدية لانها خطبت اللي بتحبو ❤ وراحو معها ليشترولها فستان فرحها بس الله يرحمها اتزفت لرب العالمين هي وابي واخي وبقيت سمر وامي بعدها بيتنا انهدم بالبراميل مابقي لالنا حد حتى أخواتي من استشهدوا مابعرف اذا اندفنو او لاء ماحسنت اوصل لهنيك 💔
بيوم طلعو الناس تهريب … وانا هربت امي واختي والحمدلله جينا هون ، احنا غير قانونيين بس اذا عرفت الدولة راح يصير مشاكل ، صادفت بنات كتير متلك وعائلات حياتهن انهدمت بسبب هالحرب ، الله يفرجها علينا نامي انتي هلا وارتاحي وبكرة الصبح راح نفكر شو نعمل ❤
رانيا : انت كم عمرك قيس ؟
قيس : ليش عم تسألي
رانيا : بس سؤال .
قيس : عمري 21 ..
رانيا : انا حسيت هيك لان من وجهك بعدك صغير بس ليش ايديك هيك كتير مجرحين …💔
قيس : عم اشتغل بالعمارة والبناء ، يعني شي متعب بهد الحيل ..💔👌
رانيا : انت درست جامعة ؟
قيس : اي درست هندسة بناء وبقيلي سنتين بس الحرب
دمرتلي احلامي ..💔
رانيا :انت الحرب دمرتلك احلامك ، وانا الدنيا بكل مافيها حرب وسلام نزعت من قلبي احلامي 💔
قيس : انتي بعدك صغيرة والايام الحلوة قدامك هلا لصار عمرك 15 مو انتي بعمر سمر !
رانيا : اي بعمرها بس ماني متلها 💔
قيس : انتي وسمر متل بعض بس انتي جبتي صغير حلو لالنا ، صدقي امي بتقول بيشبهني لانو حلو 👌😅
رانيا :😁ههه بيشبهك ، اي قيس شو بالنسبة لابو فهد والله خايفة منو هلاء بكون عم يدور علي بكل مكان
قيس : لاتخافي طول ما انتي عندي وعند امي انتي بأمان ولا تسألي عن هاد المعتوه الا من تقومي بالسلامة وانا وصيت سمر بكرة رايحة عالمدرسة تعرف من بنتو ” ” حياة ” شو الوضع ..
رانيا : بس حياة بتأذيها لسمر ..💔
قيس : لا تخافي سمر قوية وبتحسن ، نامي هلا لان بكرة رايحين نجيب ملابس للازعر يوسف وغراض تصبحي على خير …❤
كلامو لقيس خلاني حس انو بعدها الدنيا بخير وانو رغم كل المصايب بتهون على الواحد مصيبتو ، باليوم التاني راحت خالتو وقيس عالسوق ليشتروا غراض لإبني ، وقتها رجعت سمر لتخبرني انو ابو فهد قالب الدنيا وناشر صوري بكل مكان اني مخطوفة او ضايعة حسب ما سمعت من حياة 💁🏻‍♂️
سمر : رانيا لحقي مصيبة تانية اليوم كانو عم يراقبوني الله يستر مايكون عرفو مكاني ..💔
رانيا : شلون راقبوكي ؟
سمر : سمعت حياة عم تحكي مع ابوها عم تقلو عني واني رفيقتك وعم احكي نفس لهجتك واني دايما معك
رانيا :- حبيبتي اتأكدتي انو مافي حد براقبك ❤
سمر : اي حبيبتي اطمني خليني دق على امي وقيس وخبرهن ، الووو…قيس في مصيبة 💔
قيس : يالطيف قولي صار لرانيا شي ؟!
سمر : لاء خيي مو هيك صور رانيا بالجرايد ومبلغين انها حامل ومخطوفة …
قيس : اي شفت لا تخافي ولا تخوفي رانيا نحنا راح نوصل عالبيت لاتفتحو لاي حد مهما كان …
قفلت سمر المكالمة وقالت اخي قيس عالطريق .. وصل قيس
قيس : رانيا راح نطلع من البيت هاد ضروري لان اذا ما اجو اليوم راح يجو بكرة…
رانيا : لوين راح نروح ماعنا مكان …!
خالتو ام قيس : حبيبتي يا امي انا وسمر راح نبقى هون وسمر رح تراقب حياة وتعرف معلومات واذا اجو سألو نقلهن مانا عنا والجيران بيعرفو انو قيس بيشتغل برا المدينة روحي انتي مع قيس ولا تخافي انتي بأمان معو ❤
ودعت خالتو وجهزت لالي الاغراض وجهزت لابني يوسف ملابسو واغراضو وقالتلي لاتخافي قيس بحسن يساعدك بتغير ملابس يوسف وهي كل المستلزمات لالو ولالك روحي خالتو الله معك ❤
كانت الساعة من طلعنا المكان تقريبا 1 بالليل كان الجو كتير بارد كان قيس حامل ابني وحامل الاغراض وانا ماسكة بجاكيت قيس بقينا ساعة نمشي لوصلنا محطة باصات العمل طلعنا انا وقيس وبنص الطريق طلعت شرطة الحدود لتتفحص الهويات 💔
قيس : حطي على وجهك النقاب بسرعة
الشرطي : ليش اخد المدام معك للعمل ؟
قيس : مرتي صرلا اسبوع ولدت وماعندي حد يعتني فيها غير رفيقي ومرتو
الشرطي : تمام انتبه عليهم والف مبارك ❤
بعد 5 ساعات طريق اللي ماكانت تخلص لان الطريق صحراوي وصعب غفيت على كتفو لقيس اللي غطاني بجاكيتو كان حامل ابني ومتحملني نمت وانا اول مرة استرجع حنان فقدتو من شي سنتين … بعد ماوصلنا طلب مني قيس انو نروح لبيت رفيقو ..كانو عالم طيبين ومزوئين ماشفت منهن الا كل احترام كان قيس مخبرهن اني مرتو ❤
مرت رفيقو : ماشاء الله ياقيس شو هالزوجة الحلوة دخيل وجهها بريئ متل الاطفال ، اتفضلو انا مجهزتلكن غرفتكن كانت لالنا مفاجئة انو انا وقيس ننام بنفس الغرفة بس قيس حسني ادايقت وقرر انو يفصل الغرفة صرت نام عالسرير وهو ينام جنب سرير ابني ، كان يحط مخدة وينام انا اشفق عليه شلون عم يتحمل كل هالشي مشاني 💔
رانيا : قيس ليش بدك تنام عالارض انا بنام جنب ابني تعال ارتاح انت على السرير
قيس : يسلمو رانيا انا بدي نام جنب الازعر ❤
لك يا ازعر ليش عم تبكي مو هلا شربت حليب تعا لاحملك ، اوووف عليك شو هاد يا راجل لك عاملها على حالك 😂💔
رانيا : عطيني اغيرلو يا قيس 😂💔
قيس : لا عيب النسوان عيب 😂😂
رانيا : دخيل قلبك والله عزبتك معي ماني عرفانة كيف اردلك ياها ، ياريت كل هالدنيا ياقيس متلك انت وخالتو
قيس : مين قال اني مابدي ترديها طبعا كل شي ند بند ، اول واهم واخر شي يبقي يوسوفي معي نامي هلا بكفي حكي ماعم تسكتو ياهالنسوان شاطرين بالحكي بس 😂😂
بلش يوم عن يوم اهتمام قيس لالي يزيد …
قيس : رانيا لاتلبسي هاد كتير بلزق على جسمك ، البسي هاد الفضفاض ☺️🖤
رانيا : 😊 حاضر
حتي اوقات يرفض اني اقعد مع الغرب ودائماً متل يلي يغار ماكنت احسن افهمو لقيس غيرتو واهتمامو شو وراها كان الكل يعتبرنا اتنين لابقين لبعض ومتفهمين اساسا كل شي يقولو قيس كنت قلو حاضر ❤
بيوم قررنا نرجع لعند خالتو بعد ما اتطمنى انو الوضع صار هادي وماعاد حد يسأل ورانا حسب ماخبرتنا خالتو ام قيس انو الوضع صار تمام وانو ماحد سال عنى حتى حياة ماعادت تحكي بإسمي ، رجعنا انا وقيس بالليل لعند خالتو والحمد لله وصلنا وقعدنا ماكان في حد مراقبنا ، بعد شوي دق جرس البيت ، بالاول قيس قال هدوء ماحد يتحرك او يحكي شي …. مافي دقايق الا وقع الباب ودخل حرس ضخام وباين عليهن افارقة 💔انا اول ما شفتهن اخدت ابني واتخبيت لان عرفتهن هدول حرس ابو فهد 💔
بلشو يضربو بخالتو ام قيس وكمشو قيس وثبتووه وصارو يضربوه ليعترف وين مخبيني صارت خالتي تصرخ 😔💔
ام قيس : البنت مانها عنها بكفي راح تقتلوه راح تقتلوه 💔
وانا اول ما سمعت هالحكي اطلعت خفت على قيس اطلعت سلم حالي لابو فهد من شافوني تركوه لقيس
بس قيس دخل وجاب سكين وكمشو لابو فهد حط السكين وقتها على رقبتو مشان يأمرهن يتركوني 💔💔
بس مالحق يعمل شي كان الشرطة بالبيت ومن شافو قيس بوضع مابرحمو لابو فهد ضربو عليه رصاص 😢
وقع قيس بدمو وانا وقعت معاه 😔💔
……..

بلشو يضربو بخالتو ام قيس وكمشو قيس وثبتووه وصارو يضربوه ليعترف وين مخبيني ….صارت خالتي تصرخ
.
.#ام قيس :- البنت مانها عنها بكفي راح تقتلوه راح تقتلوه ..
.وانا اول ما سمعت هالحكي اطلعت خفت على قيس اطلعت سلم حالي لابو فهد من شافوني تركوه لقيس …
.
.بس قيس دخل وجاب سكين وكمشو لابو فهد حط السكين وقتها على رقبتو مشان يأمرهن يتركوني …. ..
بس مالحق يعمل شي كان الشرطة بالبيت ومن شافو قيس بوضع مابرحمو لابو فهد ضربو عليه رصاص ….
.
😢😢
.وقع قيس بدمو وانا وقعت معاه
الجزء الاخير ..
#موقع_رييل_ستورى
#أغتصبوا_طفولتي 🖤
#الجزء_الثامن🖤
.
.
.وهاد يلي وقتها صار ومن بعدها ماعرفت شو صار كل يلي سمعتو من فقت ..
#الدكتورة :- مرحبا حبيبتي سلامة عليج اني جالسة استناكي لتصحي واطمن عليج..
.
#رانيا :- انا وين وشو صار معي وينو ابني يوسف ….وينو قيس …
.
.
#الدكتورة :- ابنك يوسف اخدتو ضرتك هندة بناء على طلب بو فهد ..وقيس منو ما ادري..
.
.#رانيا :-قيس اتقوص بالنار قوصوه وكلو صار دم …بدي قوم ساعديني بدي شوفو لقيس بدي اشوف ابني .. ليشني مربطة هيك فكيني دكتورة ..
.
#بوفهد :- ههههه تفكك تبيها انتي يارباه لج انتي مارح تحلمي تشوفين شمس بتخونيني يا الناقصة..
.
#رانيا :- قيس قيس شو صرلو ..
.
#ابوفهد :- اللي بخطف بنات الناس بموت قيسك مااات وابني مارح تشمي ريحتوو..
.
(#رانيا (قيس مامات انت كداب ..انت كداب قلبي عم يقول مامات
.
.(( يومها انهرت من قلي قيس مات ليل صار نهار ونهاري صار ليل ما بتغمض عيني البكي بكي والحزن مثل الغرغرينا بجسمي انتشر…ابني ماعدت شوفوا ..صرت اصرخ ونادي باعلى صوت مافي فايدة ماحد.رحم فيني كان كل ما يسمعني بسال عن قيس يضربني هو ونسوانو…
.
.
اتمنيت بهاداك الوقت لو متت احسن لالي ..مر لالي سنة وانا محبوسة بالغرفة لا ابني اشوفو ولا عرفت عن قيس شي …حتى من ياخدني لمشوار متل الكلبة يربطني ومن السيارة ماينزلني …كنت اسمع انو الامور ادهورت بسوريا واهلى ماعدت اسمع عنهن اي اخبار…
ماكان يهمني قد ما اعرف شو سار بخالتو ام قيس وقيس وسمر ..ابني باخر فترة كانت الخادمة من تروح هنده مشوار كانت تجيبو لالي ..والله ماكان يحسني غريبة ابني كبر وبلش يمشي وصار يناديني ماما ..هو من اول ما نطقها لالي وانا قلبي نفض من مكانو…ابني حاسس اني انا اموو وبجي يقعد بحضني ليشم ريحتي … الخادمة على طول كانت تورجيه صوري وتقلو هاي ماما هنده لا ماما …
.
من بلشو يسمحلي ابو فهد اطلع من الغرفة صرت شوف ابني واحضنو ولاعبو ..ومن تشوفني هنده معو تشدو مني وتطردني لفووق ..
.
بيوم دق جرس الباب وطلعو الخدم ليفتحو ويستقبلو الزوار ..كان ابو فهد ومعو ابي شلون هيك اجوو …ايووون شكلو ابي جاييه بشي مصيبة تانية ليقنعو يجيبهن…😲..
انا من شفت ابي نار جهنم وشعلت قدامي ماتوقعت اني اوصل اكره ابي بهالطريقة..
.
بعدو فاتو خواتي اللي عرفوني واللي ماعرفوني 3 سنين وانا غايبة عنهن حتى اغلبهن انا نسيت اسمهن ..وكان اخر حدا يفوت كانت (امي ))
.
.(امي ) اللي اول ما شفتها انصدمت من حالها ..الضعف والصفار اكل وجهها ..حتى ماعاد لالها حواجب ولا رمووش وكانو معها سرطان ..اي كان معها سرطان ..قربت على امي .
..#رانيا :- امي اشتقتلك ..
.#امي :- رانيا اه يا امي من بعدك مالي نفس للدنيا ..
.
#رانيا :- امي شو صابك ليش هيك اتغيرتي ..
.
#امي :- يعني يا امي انتي اللي منيحة بنتي الوردة انطفت انا شلون ما انطفي …
.
(حضنت امي وانا ببكي بغل وهي كامشتني وهي تترجاني سامحا ….
.
ابي اللي انبهر بالبيت وبغنى ابو فهد واخواتي اللي من اول ما شافو العز ماشفتهن حتى سلام ماسلمو عليه….ابو فهد قدام اهلي عامل نفسو منيح معي وبهتم فيني وصار يجيب لالي ابني ….بس انا اخدت امي وقلتها كل شي ..وقلتها عن ام قيس … وبنتها سمر…
.
#امي :- وقفي امي ..قيس وسمر وسامر وعبير ..
.
#رانيا :- اي امي انتي من وين بتعرفيهن …
.
#امي :- هاد بيت خالي يا امي اللي اعطيتك رقمو من يصير معك شي ادقيلوو..
.
#رانيا :- امي امي يعني بتعرفيهن منيح ..
.
#امي :- اي امي دقينا عليه رقمو كان خارج الخدمة اكتر من مرة يا امي لنعرف اخبارك ويساعدك من بعد مابعتيلي الرسالة وانا يا امي من يومها لا نمت ولا ارتاح بالي حتى السرطان اكل جسمي اكل.. انقصف بيتنا وضاع كل شي تحتو وابوكي حكا مع ابو فهد وجابنا لهون….
.
.#رانيا :- امي سامر وعبير استشهدو وخالك كمان ياريتك يا امي قلتيلي عنهن كان طمنتك عليه انا عشت معهن يا امي فترة ..
.
.#امي -:؛-اخ يا سامر وياخال الله يرحمكم جميعا …
.
.#رانيا :- امي بدي تساعديني لنطلع من هون بدي تسالي عن سمر وخالتو شو صار من بعد ما مات قيس مالهن غيرنا يا امي …
.
((امي كانت كل يوم تكشف شي جديد بحياتي والعذاب اللي تعذبتو كل اللي كانو بالفيلا عم يتلونو بوجود اهلي ومن يغيبو يبان وجهن الحقيقي..امي بلشت تتعافى من السرطان ومضي على وضعي مع وجود امي سنة ونص ..حتى صرت اطلع وانزل مع امي وبراحتنا على السوق ..وبيوم ….
.
.#امي :- امي تعي تعي هاي المرة بعرفها هاي مرت خالي امو لسامر…
.
.#رانيا :- امي امي دخيلك قليلي وينها بدي اطمن على قيس بدي اطمن عليه..
.
(وصلنا لعند ست قاعدة بالسوق كان التعب اكل وجهها كانت عم تبيع البان واجبان شامية ..ومن قربنا عليها..
.
#رانيا :- خالتو خالتو متذكرتيني انا رانيا ..شوفي شوفي ..
.
#ام قيس :- رانيا ياعمري يابنتي اخ على حالي شو كنت اتمنى اعرف شو صار فيكي ..
.
.#رانيا :- خالتو هاي امي …
.
#ام قيس :- ام ذياب والله ماعرفتك تعي احضنك ياخالتوتعي..
#امي :- مرت خالو ..اخ ياقلبي عليكي والله اشتقتلك ..
.
#ام قيس :- ليش يابنتي انطفيتي هيك وين هالوجهه المنور كااان …تعو تعو انضب اغراضنا ونروح على البيت …
.
#رانيا :- خالتو كيفها سمر .. خالي قيس مامات صح ..
.
#ام قيس :- منيحة ياقلبي سمر ..بس قيس
.
.#رانيا :- خالتو ساعديني قليلي وينوو…
.
#ام قيس :- تعي خالتو هلاء بتشوفيه …
.
.(( دخلت على البيت كان بيت غير هاداك كان احسن بشوي صرت اطلع يمين وشمال لأشوفو لقيس ….
.
.#رانيا :- قيس قيس ليشك على كرسي متحرك …
.
.#قيس :- رانيااا اشتقتلك انا 😢😢 وينو يوسف كان نفسي اشوفك واعرف اخبارك …مانسيتك والله ..
.
.#رانيا :- شو صرلك قلي ليش هيك صرت ..انا من بعدكن اتعذبت خيرات الله لعند ما امي اجت …
.
#قيس :- ام ذياب بنت عمتي كيفك …رانيا بنتك هاد الحلو والله كنت حاسس انو في شي بيربطني فيها ..
.
.((قعدنا يومها وبلشت خالتو تسرد لالنا شو صار من بعد ما اخدني ابو فهد وقيس اتقوص برصاصة فاتت من بطنو لدهروا عملت لالو اعاقة بسيطة بس اوقات بحسن يحركهن لرجليه بس العصب ضعف ..ويومها اخدتو الاسعاف ولان حكينا اللي صار للشرطة اعطتنا تعويض هاد البيت وراتب بس مشان سمر وقيس عم يكملو دراسة ماعم يكفوني ..عم ابيع اجبان والبان بالسوق …الحمدلله على هذا الحال مابقيان لالي بهالدنيا الا سمر وقيس وبدعي الله يبقيهن لالي ..والحمد لله رجع لالنا رانيا تبعتنا وامها كمان …
.
.انا قعدت يومها مع قيس اللي لقيتو عامل مجسم لالي ..ولابني يوسف عاملو سرير ..كان قيس على طول يحسب الايام لعمروا ليوسف ..واعطاني رسائل كتير قلي كل يوم كنت اكتبلك شي..يومها ودعتو لقيس وانا مرتاحة اني الله جامعني اشوفو ..وطلبت من امي نرجع دايما ونجيب يوسف واخواتي لعند خالتو ام قيس…
.
.من ارجعنا على البيت بلشت افتح ةالرسائل اللي كانت كل وحدة اجمل من التانية كان مكتوب فيها عن كل ليلة قضيتها مع قيس قيس اللي اعترفلي بحبو على الورق …صرت ورجيهن لامي شافت حب قيس لالي قديشو حلو وكتير….. ..وامي وعدتني على طول تاخدني لعندو ..
في يوم اطلعنا انا وامي واخواتي وابني يوسف على اساس رايحين رحلة …وبالعافية بعد الف اقناع ليوافق .. ابي وابو فهد…
.
كنا رايحين لعند خالتو ام قيس وكنت انطر الدقيقة لاوصل …وصلنا لعند خالتو ومن شاف قيس يوسف صار يحضنو بشووق ..حتى لدرجة بكي …
.
#قيس :- كبران يا حبيبي شوف ياعمري انا وانت عم نمشي داده داده سوى تعا نطلع على العرباي ونسوقها بيب بيب…
.
..ابني اخد على قيس و حبو لقيس وعلى طول يلعب حواليه ….طولت قعدتنا عند قيس
دق ابي وقتها ..على امي مشان نستعجل لنرجع لان بو فهد عامل حفلة شواء ..وبدو امي تجي تساعدو لان هنده طلعت الخدم يومها اجازة …كان مقصدها تخلي امي خدامة بدالهن بس من طلعنا انا وامي ماتت قهر وطلبت يومها نعمل حفلة شوي على الطريقة السورية …قال هيك نفسها ..امي قالت يالا معلش خلينا نروح وارجعنا انا وامي واخواتي وابني واول ماوصلنا كانت الفيلا عم تشعل نار ..كل شي فيها انحرق الاسعافات الشرطة الناس كلهن متجمعين ليطفو الحرق خبرتنا الشرطة انهن كانو عم يشووا وشبت النار فيهن لان كان بنزين قريب من النار … …
يومها قالو انو في جثتين وفي واحد كمان محروق كامل بس بالعناية المشددة … امي فكرت ابي منهن بس كان يومها ابو فهد وهندة يلي محروقين على الاخر الله اعطاهن من جنس العمل حرقولي قلبي والله حرقهم بالدنياا..الله يمهل بس ما بهمل …ابي اتشووه كليا والنار اكلت جسمو الله يشافيه مسامحتو على كل شي .. ميراثو لابو فهد انا اخدت منو النص ومرتو التانية ام الاولاد النص ..بنيت مشروع انا وقيس لنعمل احياء سكنية للاجئين وللايتام .. قيس بقي على الكرسي المتحرك ..بس كمل الهندسة تبعتو وصار عم يدير الشركة تبعتنا اللي كبرت بمجهودو وانا وخواتي وامي وخالتو وابي عايشين بفيلا من تعب قيس …بيوم رجع قيس على البيت وكان عامل حفلة واجواء موسيقية …فكرنا انو في مجنون بالبيت ..اطلعت انا وامي وخالتوو..
.
#رانيا :- قيس شو بك شو هالجنون هاد
.
#قيس :- دوووفيوييي سمااااااا ماتتوتنوووو كامنوووو مجتباااا..
.
#رانيا :- اي حاج بقا فاهمين نحنا عربي لنفهم هروغيلفي …
.
.#قيس :- انموىىووياااااااووو ياااا …يعني هل تقبلي بي زوجا لك …
.
.#رانيا :- لك اي والله اي 😍😍بكل لغااااات الكون اي موافقة عليك …
.
#قيس :- طيب تعي احملك متل الافلام ..
.
.#رانيا :- شووو شلووون قيس انت عم توقف على رجليك جددددددد يا ربي خالتو امي شووفي قيس عم يوقف على رجليه ..
((كان قيس عم يتعالج بدون مايخبرنا كان مخبيها مفاجئة لالنا …
.
((الحمد لله هيك راح اختم قصتي ..صبرت ونلت ..روحو قولو لجمايكا تمسح اسم القصة وتكتب قيس ورانيا… لان ليلي ما اتحملت متلي مشان قيسها …وانا قيسي حبيبي هلاء احلى شي بدنيتي هو وابني يوسف وابني سامر الجديد اللي نسخة تانية عن قيس …..
.#قيس :- راااانيااا حاج صرلك يومين كامشة الموبايل بتكتبي قصتنا فضحتينا قفلي هالموبايل وتعي ابنك سامر عاملها على حالووو…
.
.#رانيا :- ليكني جاااي….يالا ياجماعة شفتوو الحب قبل الزواج احلى بكتير من بعدووو .. واللي بتقلك الحب بجي بعد الزواج طسيها بغطا الطنجرة وقليلها قومي اطبخي معلاك للحب تبعك بحبكن باي 😂😂
.
.#انتهت

 3,986 اجمالى المشاهدات,  6 اليوم