رواية عذراء بلا رحم الجزء الثامن بقلم كوكى سامح

الجزء الثامن

الكاتبه // كوكى سامح

ج. 8…#بلا_رحم

إسراء رفعت القميص لفوق ونزل من تحته مخده!. 

رضوى بذهول.. ايه ده.. انتى مش حامل؟ 

إسراء.. لا مش حامل.. انا بمثل انى حامل

رضوى.. يعنى ايه بتمثلى؟؟ 

عامر.. يا رضوى انا حاولت اكلم نشوى

كذا مره بس مش بترد! 

وكل ده علشان افهم منها الحوار ايه بالظبط؟

رضوى.. حوار ايه؟

عامر.. انك مش فاهمه جايه هنا ليه

انا بجد مستغرب.. دى واخده منى مبلغ وقدره

مقابل الحمل اللى فى بطنك

رضوى.. الحمل ؟

إسراء.. ايه انتى مش حامل ولا ايه.. بصت لعامر

.. دى تبقى مصيبه لو مش حامل

عامر قرب من رضوى.. انتى مش حامل

رضوى ساكته ومش بتتكلم.

عامر.. يا بنتى ردى عليه.. انتى حامل ولا مش

حامل.

رضوى.. انا معرفش.. بس عندى اعراض ومش

متأكده

إسراء.. خلاص اول لما يطلع النهار هيكون

عندك اختبار حمل

عامر.. انتى صح يا إسراء.. هو اختبار الحمل

رضوى.. ممكن تطلعوا بره انا عاوزه انام 

__ عامر فتح الباب وخرج ومعاه مراته اسراء

فى الفيلا..

__ صفيه خارجه مع رجال الشرطه وركبت

معاهم العربيه

حسن قعد فى الصالون.. معقول صفيه تقتل

حكمت.. انا مش مصدق .. لا حول ولا قوة الا بالله

مصطفى.. ماما متعملش كده لا لا انا عارفها

كويس

__ الجده.. فى ايه مالها صفيه

مصطفى جرى عليها.. ماما.. متهمه بقتل طنط

حكمت

الجده.. هو فى ايه بالظبط.. ليه بيحصل

فينا كل ده وليه.. ما كنا عايشين ومبسوطين

وفجأه حالنا اتبدل.. وعيطت

محمد بذهول.. معقول طنط صفيه تقتل ماما 

انا حاسس انى بحلم 

مصطفى.. ماما بريئه.. لو سمحت لما تحب 

تتكلم عنها يكون بأدب 

محمد.. السم كان موجود فى هدوم امك 

يا استاذ وده معناه حاجه واحده بس 

انها هى اللى قتلت ماما 

__ مصطفى شد مع محمد فى الكلام 

ومسك فيه 

حسن جرى عليهم.. فى ايه انت وهو.. انتم 

اتجننتم ولا ايه.. وسلك ما بينهم 

مصطفى.. ما حضرتك شايف انه بيقول على

ماما قاتله.. وانا امى بريئه 

محمد.. اه صفيه قتلت امى.. علشان بتغير منها

حسن.. اخرس انت وهو.. مش عاوز اسمع

صوت حد فيكم.. وزعق.. يلا كلكم على فوق 

ام يسرى قالت فى سرها.. ذنب جوزى وولادى

هاجر.. يا جماعه هى فين فجر؟ 

مصطفى.. اكيد فى اوضتها! 

هاجر.. لا.. انا قومت من النوم ومكانتش جمبى 

محمد.. يعنى هتكون راحت فييين؟ 

هاجر.. محمد تعالى معايا نشوفها فى الجنينه

يسرى قال فى سره.. هاجر بتكذب ليه!؟ 

انا حاسس ان البنت دى وراها حاجه ولازم

اعرف ايه هى؟

محمد بقرف.. وانت يا استاذ مصطفى مش 

هتيجى معانا تشوف خطيبتك راحت فين؟ 

مصطفى.. انا طالع اشوفها فوق.. وطلع وهو بيكلم 

نفسه.. بدل ما اشوف اختك.. اروح ادور على 

اختى احسن.. كتكوا القرف.. عيله كلها هم.

__ محمد خرج مع هاجر يدوروا على فجر 

يسرى خرج وراهم زى المجنون وبقى يدور فى 

الجنينه كلها وفجر مش موجوده. 

هاجر مسكت ايد محمد.. بحبك.. وحشتنى 

محمد.. مش وقته يا هاجر الكلام ده 

هاجر بغضب.. الكلام ده.. حبى ليك بقى كلام

انتى خلاص مبقتش تحبنى.. عينها رغرغت

محمد.. هو انتى هنا بتعملى ايه؟ 

هاجر.. قصدك ايه!

محمد.. ايوه انتى هنا بتعملى ايه

هاجر.. قعده علشانك وعلشان فجر يا حبيبى

محمد.. طيب وشغلك؟ 

هاجر.. انا خدت اجازه من اسبوع علشان خاطر

فجر.. ما انا كان لازم اكون جمبها فى الظروف دى

محمد.. اه.. ماشى ماشى.. وقعد على كرسى 

فى الجنينه 

هاجر.. انا حاسه انك متغير يا محمد.. هو انا 

زعلتك فى حاجه!.. انا مش فاهمه انت مالك 

بتكلمنى من غير نفسى 

محمد بنرفذه وحزن.. مالى يا هانم.. امى اللى مليش غيرها ماتت مقتوله.. عارفه ده معناه ايه اننا خلاص مبقاش لينا حد.. قام وقف وسند على 

جزع شجره.. وكمان اللى قتلها مرات عمى.. انا 

خايف على اخواتى من البيت ده.. وبفكر نمشى

من هنا. 

هاجر.. تمشوا.. ازاى؟! 

محمد.. هو ايه اللى ازاى.. انا هطالب بميراث بابا

من عمى وكمان ماما عندها بيت جدى.. هاخد 

اخواتى البنات ونروح نعيش هناك.. وهعمل مشروع ونبدأ من جديد 

هاجر بخبث.. ويا ترى عمك حسن هيوافق

محمد.. قصدك ايه هو ممكن يرفض 

هاجر.. قصدى وشغلك معاه 

محمد.. انا مش عاوز اشتغل مع حد حتى لو 

عمى.. خلاص المولد اتفض 

هاجر.. يعنى ايه ؟

محمد.. يعنى انا هطالب بميراث بابا وامشى

من هنا خالص 

هاجر.. بلاش على الاققل دلوقتى.. اصبر شويه 

محمد.. ليه؟ 

هاجر.. الدنيا عندكم متلغبطه وخصوصا بعد 

حبس مرات عمك.. وخايفه حد يفهمك غلط 

محمد قرب منها بغضب.. اسمعى يا هاجر 

انا امى ماتت مقتوله ومش باقى على حد 

مفيش حد أغلى من امى عندى.. واللى يزعل

يتفلق 

مصطفى جاى بيجرى.. فجر مش فوق 

محمد مسك دماغه.. فجر؟

هاجر.. مش فوق.. يا ترى انتى فين يا فجر؟!! 

تنبيه لكل أعضاء الصفحه ياريت 

التفاعل على الروايه بلايك وعشرين 

ملصق لاستمرار النشر يوميا غير كده 

محدش يزعل منى كوكى سامح 

الكلام لكل الأعضاء المتفاعله والصامته 

__ حسن قاعد فى الصالون ماسك الفون وبيكلم

محامى العيله فى قضيه صفيه.

__ يسرى فى الجنينه وبيدور وبردوا

مش لاقى فجر

خد بعضه وخرج بره الفيلا خالص وبقى يدور

فى الشارع وبقى يكلم نفسه.. انا عارف انك

هربتى علشان فاكره نفسك قتلتى امك

يا ترى انتى فين يا فجر؟

فى قسم الشرطة..

__ صفيه بتعيط وبتقول انها مظلومه ومقتلتش

ضرتها حكمت.. ودخلت الحجز لحد ما يتحقق معاها.

قعدت فى مكان وكانت قرفانه جدا

مجهوله.. ازيك يا عثثثل

صفيه.. اهلا.. انتى تعرفينى

المجهوله قعدت جمبها.. انا شريفه لا مؤاخذه

صفيه بتبصلها ومستغربه مين دى؟

المجهوله.. مالك يا وليه بتبصيلى كده ليه!

صفيه.. يا ست ابعدى عنى انا فيا اللى مكفينى

ومش ناقصاكى

المجهوله.. انتى جايه فى ايه

صفيه.. جايه فى عربيه الشرطه

المجهوله ضحكت.. والله شكلك بنت نكته.. قصدى

متهمه فى ايه؟

صفيه.. انا مظلومه🥺

مجهوله.. يا عين امك مظلومه.. طيب يا اختى 

ظلموكى فى ايه؟ 

صفيه.. بيقولوا انى قتلت ضرتى 

المجهوله.. تلاقيها كانت بتكيدك علشان كده خلصتى عليها 

صفيه بزعيق.. بقولك انا مظلومه وزقتها.. ابعدى 

عنى يا ست انتى 

المجهوله قامت من جمبها.. والله انتى اللى تستاهلى القتل.. قال مظلومه قال.. دى انتى 

عقربه. 

صفيه بتعيط.. بس ورحمه الغالين ما هسيبك 

يا حسن .

__ بعد مرور يومين والدنيا فى الفيلا متلغبطه 

والكل بيدور على فجر وقالبين الدنيا عليها

عند اصحابها والمستشفيات وبين المفقودين 

فى الأقسام وبوستات على الفيس 

ولكن ملهاش اثر. 

__ يسرى هيتجنن ومش عارف يتصرف

احمد دخل.. انت زعلان على فجر

يسرى.. نفسى اعرف راحت فيين؟ 

احمد.. دى كانت هتوديك فى داهيه.. احمد ربنا

انها مشيت

يسرى بلهفه.. انت تعرف راحت فين

احمد.. لا.. بس عاوز أسألك سؤال وعاوز منك

اجابه واضحه وصريحه

يسرى.. قول ؟

احمد.. انت عاوز ايه من فجر

يسرى.. عاوز منها.. مش عاوز حاجه.. واتلجلج

انا عاوز بس تعرف انها مش سبب فى موت

مامتها

احمد.. فجر مش هتنفعك صدقنى.. وبعدين

احنا جايين هنا لهدف واحد.. ناخد حق بابا

يسرى.. نفسى اعرف راحت فين ومش عاوز حاجه 

تانى. 

احمد.. طيب لما تعرف راحت فين هتبعد عنها

يسرى.. ايوه هبعد.. بس اعرف.

احمد.. اسأل هاجر.. البنت دى تعرف عنها كتير

يسرى.. انا بردوا حاسس بكده.. البنت دى وراها

حاجه

احمد.. انا عاوز اقولك على حاجه مهمه.. بس

إياك حد يعرف

يسرى.. خير ؟

احمد.. فجر شايله الرحم

يسرى بذهول.. ايه!؟

احمد.. اه والله شايله الرحم من ايام ما كانوا 

فى المصيف 

يسرى.. وانت عرفت منين؟ 

احمد.. هيكون منين من جهاز التصنت اللى عندها 

فى الاوضه.. والبت اللى اسمها هاجر كانت 

معاها وهى بتشيل الرحم 

يسرى.. هاجر 

احمد.. مش بقولك اكيد هاجر عارفه عنها كل 

حاجه. 

__ يسرى قام جرى وخرج الجنينه وشاف نور 

اوضه فجر مفتوح وعرف ان هاجر قعده 

وكل تفكيره انه عاوز يطلع لها بأى طريقه

__ولما اتأكد أن كل اللى فى الفيلا ناموا

 دخل الفيلا وافتكر كلام محمد لما منعه

بس قال انه لازم يعرف فجر فييين

طلع من غير ما حد يحس بيه ومكانش

فى صوت خالص.. قرب من باب الاوضه

ومن غير ما يخبط فتح الباب

وشاف منظر عمره ما كان يتخيله

هاجر لفت الملايه على جسمها.. ايه ده

مصطفى.. ايه اللى دخلك هنا يا كلب

يسرى.. حيوانات

مصطفى قام من على السرير بسرعه

وقفل الباب

يسرى قرب من هاجر.. وانتى اللى فجر عملاكى

صاحبتها يا خاينه يا فاجره ومسكها من شعرها

مصطفى جرى عليه وضربه على دماغه بالفازه

يسرى وقع غرقان فى دمه وفقد الوعى

__ فى مكاناً ما فجر قاعده ولابسه ملابس

نوم ودخل عليها راجل مجهول وكان مخمور

فجر مش فى وعيها.. انت مين

المجهول.. انا صاحب مصطفى وقرب منها وحضنها.

فجر قامت تصرخ وبقت تضربه.. اوعاا يا كلب

المجهول.. يا بت انا دافع فيكى كتير

الباب اتفتح عليهم وكانت شرطه الآداب.

فجر بصت بذهول ووقعت من طولها.

__ فى فيلا عامر

رضوى بتحاول تهرب ومش لاقيه مخرج

بعد ما جربت اختبار الحمل مرتين وكانت بتستعمله غلط بالقصد

__ فى صباح اليوم التالى. 

الساعه 7 صباحا.. الباب اتفتح على رضوى

وكانت إسراء وطلبت منها تعمل الاختبار

قدامها.. بعد ما اتأكدت انها بتكذب وبتستعمله

بطريقه غير صحيحه

رضوى.. فى ايه ؟

إسراء.. صباح الخير 

رضوى.. خير يا مدام 

إسراء.. ان شاء الله خير 

رضوى.. ايه هتمشونى بعد ما عرفتوا انى مش

حامل

اسراء طلعت الاختبار وقالت.. معلش يا حبيبتى 

ممكن تقومى تجربى مره كمان 

رضوى.. حاضر

إسراء.. يلا اعمليه 

رضوى.. طيب انا هدخل الحمام اعمله 

__ وفعلا رضوى دخلت الحمام وبتقفل الباب 

عليها 

إسراء زقته بإيدها

رضوى.. ايه ده ؟

إسراء.. اتفضلى اعمليه قدامى 

رضوى.. مينفعش انا بتكسف 

إسراء.. بقولك اعمليه قدامى يا رضوى.. يلا اتفضلى 

رضوى حست بخوف وعملته قدامها.. وبعد مرور 

نص ساعه.. إسراء شافته وكانت النتيجه.. 

يتبع..

تابعونى ب 20 ملصق علشان يوصلك اشعار

رواية عذراء بلا رحم الجزء التاسع بقلم كوكى سامح #9