2,515 اجمالى المشاهدات,  10 اليوم

#تربية_ابليس #خطيبتي_حامل

10..تربية_ابليس

10..تربية_ابليس
لما لمحت الطفل ملامحه كانت مليانة شر ، لكن لما دققت اكتر حسيت انه كمان جاى يحذرنى من انى احاول انزله او اعطل خروجه للدنيا ، مفيش ثوانى واختفى من قدامى ، وقررت انى اخد هدير الصبح واروح للدكتور اللى خدت عنوانه من الدجال بتاع السيدة ، علشان يورينا السونار.

فعلا خدت هدير وروحنا والدكتور كان عنده علم بكل حاجة ، وقالى لما دخلناله :

= يعقوب حكالى كل حاجة ، وعلى فكرة  الكلام ده كله بيبقى فى الهوا ، متتخضوش كده ، هتلاقيه طفل طبيعي ، وهنزله والحدوتة خلصت ، مش اول مرة يعقوب يكلمنى لنفس الغرض

.. ياريت يادكتور تيجي على كده

هدير نامت على الشيزلونج وبدأ يكشف بجهاز السونار عليها ، مفيش اى حاجة باينة ، مفيش ملامح لوجود اى شئ فى الرحم ، الدكتور بقى مستعجب جدًا ، وسأل هدير :

= انتى متاكده انك حامل وان الدورة مبتجلكيش

قطعت سؤاله وقولتله:

..يعنى بطنها دى ايه؟

= ممكن يكون عندها مرض تانى ، وزى ماانت شايف السونار مش جايب اى حاجة

واحنا بنتكلم وبنتجادل مع بعض ، بدأت صورة السونار تبان شوية بشوية ، الطفل مش طبيعى ، راسه حجمها مش طبيعى ، ليه 3 عيون ايديه ناقصة اجزاء ورجليه مش رجل بنى ادمين ، شكلها غريب جدًا ، ضخم جدأ من ناحية البطن ورفيع من تحت ، اول مالمحناه كلنا بصينا لبعض فى ذهول.

مبقيناش مصدقين اللى عيونا شايفاه ، الظاهر كده خطة وتعاويذ يعقوب نجحت ، وقدر انه ينفذ التعليمات اللى موجودة فى الكتاب “القصة للكاتب مصطفى مجدى”، هدير من المنظر روحها راحت وأغمى عليها ، وخدنا شوية وقت فى محاولة تفويقها ، وطت على رجل الدكتور وقالتله :

= ابوس ايدك نزله ، حتى لو هموت

رد عليها وهو متعاطف مع حالتها ، وقالها:

.. صدقينى لو هقدر كنت نزلته ، يعقوب قالى انى لو حاولت انتى هتموتى وممكن كمان ميكونش الحل وكمان يعيش يعنى موتك مش هيكون بفايدة

قطعت كلامه وقولتله:

= الحل ايه يادكتور؟

.. نصبر شوية ونولدها وندى ليعقوب الطفل ويادار مادخلك شر

خدت هدير ومشينا وحاولت انى اقنعها ان هو ده الحل الوحيد علشان نخلص من الموضوع ده واننا لازم نسلم للامر الواقع

روحنا البيت لقيت حماتى مستنيانا فى الصالة ، مقدرتش اتكلم معاها ، سبت هدير تحكيلها وكانت طبعًا شبه منهارة ، ودخلت انا الاوضة علشان انام واريح تفكيرى شوية وبعد دقايق لقيت حماتى بتقول لهدير:

= روحى عند خالتك ريحي اعصابك النهاردة وابعدى عن جو البيت شوية ، علشان متعمليش حاجة فى نفسك

دخلت هدير واستاذنتنى انها تروح لخالتها ، قولتلها روحي ، بعد شوية لقيت حماتى دخلتلى الاوضة وقالتلى:

= انت ليه لما شوفتنى فى الحمام مقربتش منى ومعملتش حاجة ؟

اندهشت جدًا من سؤالها وجرأتها وكمان انا كنت فاكر ان كل ده بيتهيالى وانها مش كده ، قومت قعدت على السرير وبصتلها وقولتلها:

= هو اللى انا سامعه ده حقيقي ، ولا انا متهيألى؟

.. لا حقيقي ياتامر، ماهو انت برضو لازم تعذرنى ، انا من غير راجل بقالى كتير جدًا ، وانت دايمًا بتتعمد تحط ايدك على جسمي بشكل غريب بيخليني مشتاقالك ، انا عارفة انه غلط بس مش قادرة امنع نفسي.

اللى جه فى بالى ان الشيطان اللى موجود فى البيت بسبب حمل هدير هو اللى ليه يد فى كل اللى بيحصل ده وكمان هو اللى خلى حماتى تقول الكلام ده دلوقتى وبالجرأة دى، وقولتلها وحاولت افهمها

= الظاهر كده ان الشيطان اللى بنتك حامل فيه هو السبب فى كل ده

.. من قبل موضوع الشيطان اللى هدير حامل فيه وانا محتاجة الموضوع ده جدًا ، ونفسي اعمله ، ومش عايزة اعمل اى حاجة مع راجل غريب ، انا شوفتك وانت نايم مع هدير وعايزة اوى انام معاك ، انا مش كبيرة وانت اكيد شوفت بنفسك وانا فى الحمام .

بدأت تقلع هدومها وبدانا فى العلاقة ، وكان عندى نهم غير طبيعى للجنس معاها ، لدرجة ان نمنا مع بعض اليوم ده اكتر من مرة ، والاغرب انى اتصلت بهدير وقولتلها تبات عند خالتها لحد ماحالتها النفسية تتحسن علشان اقعد مع حماتى سلوى اطول وقت ممكن ، احترافها الجنسي خلانى مستمتع جدًا جدًا معاها ، وحابب انى اعمل الموضوع معاها على طول بعد ماكنت رافضه تمامًا .

بعد يومين هدير جت فى البيت وكنت بنتهز اى فرصة تنام فيها ، علشان ادخل واعمل علاقة مع حماتى ، فضلت على الحال ده لحد ماجه ميعاد ولادة هدير ، اتصلت بيعقوب الدجال علشان يحضر الولادة وياخد الطفل من غير حتى مانشوفه ، حماتى كانت جنبي والدكتور الشمال خدر هدير وكان معاه يعقوب جوه ، بعد نص ساعة فى اوضة العمليات ، سمعت صوت صرخة لكن مش صرخة طفل عادية ، بعدها بدقايق لقيت يعقوب خارج بيضحك وشايل الطفل ولفه فى قماشة وماشى بيه ، لمحت وهو خارج ان الطفل بديل صغير اوى من ورا باين من حتة القماش ورجله رفيعة اوى وشكلها مش طبيعي ، طلع الدكتور وقالنا :

= خلاص ياسيدى كل المشاكل انتهت والدنيا بقت تمام ، هو خد حاجته وانتوا حياتكم بقت طبيعية

خدت هدير وحماتى وروحنا البيت ، كانت مجهدة جدًا وطبعًا ريحت جسمها ولقيت حماتى قالتلى :

= تعالى انا عايزاك

خرجنا وقعدنا فى الصالة، لقيتها حطت ايديها على بطنها وقالتلى:

= انا مجتليش الدورة ، وعملت اختبار حمل ، عرفت انى حامل

اتصدمت من اللى سمعته ، وقولتلها:

.. لازم ننزله فى اسرع وقت ، هنروح للدكتور اللى ولد هدير ونخليه ينزل العيل

= ماشى كلمه وحدد معاه ميعاد وقولى

واحنا بنتكلم لقيت الباب بيخبط  ، فتحت ، بصيت يمين وشمال مفيش حاجة ، لقيت صوت جاى من تحت رجلى ، ببص لقيت الطفل بتاع هدير ومحطوط على صدره ورقه مكتوبة باللغة العربية الفصحى وصورة مقفولة، لقيت الورقة مكتوب فيها
مفيش طفل بيعيش بعيد عن امه ، ومفيش شر بينتهى بسهولة كده

بصيت على الصورة ، لقيت الدجال يعقوب مقتول وجلده مسلوخ ، اتسمرت فى مكانى وعرفت ان الدور علينا كلنا.

تمت
الى اللقاء مع الجزء الثاني من تربية ابليس